تويت
ياهلا والله نسمات
-
-
ياليت تكملينها
طولتي علينا ولا كملتيهاتعليق
-
حبايبي القراء
انا راح أكمل لكم الروايه
انتظرونيتعليق
-
عوافي عبوره
مشكوره غلاتي
ننتظركتعليق
-
الجزء الخامس
########
بنفس اليوم
الساعه 7 ونص المساء
في بيت الريم
أبومحمد (خال الريم):ياهل البيت
الريم:إقرب خالي حياك
أبومحمد: الله يحييك شحالك ياعيون خالك
الريم:بخير ولله الحمد وإنت خالي شحالك
أبومحمد:بكل خير يابنتي عجل وين أمك وجدتك مالهم حس
الريم:رايحين عند وحدة من الجماعه مربي
أبومحمد:عجل إنتي بروحك بالبيت وين راشد عنك
الريم:خالي راشد طالع مع ربعه والبنات داخل الغرفه يصلون
أبومحمد:ييييييييييه نسيت الرجال بالمجلس
الريم: أي رجال
أبومحمد: زيد ولدسعيدولد عمي
الريم وهي مرتبشه) اها . طيب خالي تامر بشي
أبومحمد: إيه يابعدي خلي الشغاله تجهز الشاي والقهوه للمجلس إحنا بنروح نصلي وبنجي
الريم: إن شاء الله ...... وراحت وقالت للشغاله وبعدها مثل الصاروخ مسكت تلفونها وإتصلت على ساره
الريم:ألو مصر
ساره:ألو أيوة يالقاهره
الريم:إزايكو عاملين إيه
ساره : كويسين والحمد لله إنتوا إيه الأخبار عندكوا
الريم:وش دراك إن وراي أخبار
ساره: لأنه مامداك تشتاقين لي تونا مالنا ساعه من كلمنا بعض
الريم:مالت عليش وأنالي أقول البنت بتشتاقلي
ساره : ماتشتاقين لظالم المهم وش وراك
الريم:زي د
ساره: عندكم
الريم:اه قلبي
ساره:بسم الله على قلبك ياحليلك يازيود وينك من زمان عنك لاحس ولاخبر اخ لوتدري شمسوي بها المسكينه
الريم:إيه ياليته يدري... إن زين قوليلي شسوي هو ألحين راح مع خالي المسجد وبيرجعون بعد شوي
ساره: سلمتي عليه
الريم:لا
ساره: حلو. أول ماتشوفينه داخل مع خالك قومي من المكان على طول وإطلعي بسرعه ولا تعطينه وجه أبد فاهمه
الريم: يعني ماأسلم مايصير
ساره: لالاتسلمين يصير ونص وياويلك لو خليتيه يلمح خشتك البهيه (وجهك)
الريم: كأنك تتطنزين
ساره : حاشى والله أحد يقدر يتكلم على جنيفر لوبيز الخليج
الريم:أكرمني الله أنا أزين منها
ساره : وأنا أشهد
الريم:ههههه يالعله من يشهد للعروسه
ساره: شنسوي نرفع من المعنويات شوي
الريم: زين أنا أوريك إلا متى بترجعون
ساره: تو الناس باقيلنا 14 يوم ونصف اليوم
الريم:حشى وذا نص اليوم شبتسون فيه
ساره: الكثير ياعزيزتي روزاليندا وقريبا ستعلمين ماسيحدث وأجمل مايحدث هو قنص الجرابيع
الريم: أموت ياللغه القنص للجرابيع عاشو بنات ماريا سلستي ههههههههه
ساره: حره مب حاصلتس
الريم: زين كل الي تبينه بيصير يالله خسرتيني مع السلاطه
ساره: أيوا طلع عرق قحطة مع السلاطه
شوق: وش الي بيصير
(شوق بنت خال الريم وتدري إن الريم تحب زيد وهي أكبر من الريم بثلاث سنوات وهي زوجة خالد أخو زيد وهي موجوده ببيت أهلها لنها كانت حامل وسقطت)
الريم: يمه خرعتيني من متى وإنتي هنا
شوق: مالي دقايق من كان عالتلفون ساره
الريم: إي ساره ليه بغيتي شيء
شوق : أبد شخبارها ممممم ترى حبيب القلب عندنا
الريم: (بعبط) أي حبيب وأي زبيب
شوق (وبصوت واطي ) : زيد
الريم: أدري وخير ياطير
شوق بصدمه : الريم حبيبتي إنتي مريضه
الريم: لا مافيني شي كأني البخت ليش تسألين
شوق: لاأبد ... بس أحس إنك متغيره هالأيام على زيد ما أدري شصاير معك
الريم: تقدرين تقولين صحيت من حلم المراهقه وبديت أفكر عدل
شوق: حلم مراهقه شهالكلام هذا زيد حبيب القلب من سنين وإنتي تحبينه وش غيرك وخلاك تقولين هالكلام
الريم: يمكن حقيقه إنه مستحيل يكون بينا أي رابط وبعدين رجاء هالموضوع ماأبي أي أحد يفتحه معي أنا قفلت الموضوع
شوق وهي مش قادره تستوعب: خلاص لك اللي تبينه
.....راحت شوق عن الريم وهي مصدومه من ريم وطريقة كلامها الي سمعته........
الريموهي فرحانه من الخاطر(قدرت أقنع شوق وهي الأقرب لقلبي من أهلي أكيد بقدر أقنع الباقي هههه ياويلك يازيد ناويتلك نيه سودا هههههههههههه)
طبعا الريم سوت كل هذا بناء على أوامر ساره هذاك اليوم تذكرون....... ونص الحوار كالتالي
ساره :إسمعي يالريم إحنا نبي نحسس زيد بأنك خلاص يأستي منه وماعاد تبينه
الريم: وشتقولين أنتي أكيد إنهبلتي و جنيتي
ساره : لا حبيبتي لاإنهبلت ولا جنيت وبعدين خليني أكمل كلامي إنتي إذا حسستي زيد إنك فقدتي الأمل منه وبتتركينه فالطبيعي وكما هو المتوقع بينجن وبيحاول المستحيل عشان ترجعينله فهمتي
الريم: فهمت بس كيف بخليه يحس
ساره: بسيطه بإنك تبينين لكل الي حواليك إنك خلاص نسيتيه وإنه مجرد حلم مراهقة وإنتهى وأولهم شوق
الريم: وشمعنى شوق بالذات
ساره: لأنها يالعبقريه هي أقرب إنسانه لك على إتصال دائم معه لأنها ساكنه بنفس البيت حلو
الريم: حلوين.
بعد ماراحت شوق عن الريم رجعت الريم للصاله لقت الكل جالس وأولهم زيد (ملاحظه)(زيد يصير ولد خالة الريم بالرضاعه وزي ماإنتوا عارفين الريم عايشه مع أمها وخوالها لأن أبوها وأمها منفصلين من قبل ولادتها ولاقتها بعايله أبوها وأبوها نادرة جدا يعني ماكان بينهم أي علاقات قبل دخولها المرحلة الثانويه وعايلة أبوها تختلف عن عايلة أمها وماكان بينهم أي قرابه)
أول مالمحته على طول رجعت لغرفتها وصكرت الباب وراها
......... الكل إستغرب من تصرفها حتى إنها ماسلمت
زيد بخاطره ( شفيها هذي أعوذبالله حتى السلام ماتسلم بس أكيد شي كايد وقوي حتى إنها ماتهاوشت معي ولا تحرشت فيني كالعاده ههههههه أحسن فكه)
شوق من جهه ثانيه (مو معقول الريم بعد كل هالحب تنسى زيد وتلغيه من حياتها أكيد سوى شيء خلاها تحاول تتناساه......
ياترى شمسوي يازيد ...... معقوله لحد ألحين منت حاس بالريم حرام عليك مرت 10 سنين وإنت زي الحجر ...... صدقني ماراح تلقى زيها لوتلف الكون كله) /B
تعليق
-
اليوم الثاني (بالبر)
صحوا البنات من النوم وفطروا وبعد ماخلصوا جلسوا يسولفون
ساره: ياصبايا تعرفون الشباب وين رايحين اليوم
مي: لا وين بيروحون
شيخه: بيروحون الصمان (مدينه تقع خلف مدينة النعيريه) وماراح يرجعون إلا المغرب
بشاير: الله وناسه يعني المخيم بيكون خالي
ساره: وبما أنه ماراح يكون أحد من هالخبلان موجود قررنا نحن وحضرة الحكومه الموقرة المتكونه من جميلات قبيلة ....... أن يكون هذا اليوم يوم ترفيهي وبنفس الوقت إنتقامي
ضحى : ترفيهي وفهمناها بس إنتقامي هذي جديده
مشاعل: ههههه هذا سر خطير وخاص
بشاير: زين علمونا ترانا من الجماعه
ساره: لاحبيبتي السر بنحتفظ فيه لين يصير المخيم أمان
في وهي توها داخله الخيمه: إطمنوا المخيم أمان الشباب توهم ماشين
شيخه: الله ألحين تبدى الوناسه
طلعت ساره وشيخه ومشاعل من الخيمه بعد ماحلفوا البنات محد يعتب الباب لين ينادونهم
ساره: إطلع وبان عليك الأمان
طلعوا البنات و..................
بشاير بشهقه : هييييييييي ياقواتكم أناأشهد إن مشعل لو درى بيكسر ضلوعكم وحدة وحدة
ضحى: لا وبيسوي منكم شرايح شورما وبيوزعها مجانا
ساره: يهبى مايقدر يلمس شعرة من وحدة فينا
شيخه: بعدين ماراح يدري هم منقلعين الصمان وماراح يرجعون إلا المغرب قدنا شبعنا منه ورجعناه مكانه لامن شاف ولامن درى
تبون تعرفون وش هالشيء
{ياطويلين العمر ساره وشيخه ومشاعل يوم طلعوا الفجر راحو ناحية مخيم الشباب وفتحوا البيت الألمنيوم الي يحتفظون فيه الشباب بأغراضهم وسرقوا منه دباب مشعل (البانشي) وتسحبوا فيه إلى مخيم الحريم وخبوه بوحدة من الخيم لأنهم عارفين إن الشباب بيطلعون الصبح للصمان وماراح يطرالهم يتفقدون البيت}
مشاعل :بس بصراحة شرايكم
في : الصراحه شيء . كله هم يستانسون حتى إحنا نبي نستانس
عهود: بس تدرون ياويلكم من مشعل إن درى
ساره: ياذا المشعل الي غاثينا فيه والله غنه فاقع مرارتي أعوذبالله وجهه يجيبلي الكدر
وقاموا هالبنات كل وحدة تركب الدباب وتسوي للباقي كم حركة وهم مايفوتون شي كل شيء يسوونه لازم يصورونه بكميرالفديو على قولتهم ذكريات لاتنسى
......ولحظهم الخايس مشعل كان رايح المحطه يعبي سيارته بانزين وبيرجع للمخيم لأنه مواعد جداته إنه يوديهم للصمان......
مشعل وهو يقرب من المخيم مايلمح إلا هالغبرة تطاير إستغرب قام وزاد السرعه ويوم صار قريب
مشعل وهومنصدم وفاك عيونه عالأخير (يابنات اللذين)
كان ذاك الوقت ضحى وفي وساره ثلاثتهم راكبين عالدباب يازعم بيسوون حركات ...... ويسمعون ذيك الصرخه ماتقولون إلا طرزان فتى الأدغال........
مشعل بصراخ: ثلاثه ياحيوانات
دبابي والله لاوريكم
البنات أول ماشافوا مشعل حط رجلك ماتلمح إلا غبرتهم
....... البنات وبلا تردد راحوا صوب خيمة العجايز ههههه.....عارفين إنه ماراح يقدر يسويلهم شيء لأنهم بيكونون تحت حمايه الكباريه ههههههههههههههههههه
..... البنات دخلوا وركض إلتفوا حول جدتهم العودة وإسمها وسميه
هالجدة سبور يعني شبابيه ميه بالميه راعية وناسه وسوالف تموت عالبنات وتساندهم على طول الخط حتى لو كانوا غلطانين دومها معهم))
دخل مشعل الخيمه والشرار يفوح منه يتطاير :
مشعل: من فيكم الي تجرأت وسرقت دبابي
الجدة وسميه:أنا الي قلت لعباس(الطباخ) يعطيني المفتاح حق البيت وخليتهم يطلعونه عشان يستلنسون فيه شوي
مشعل: بس يمه هالدباب خطر عليهم وهم مايعرفونله
الجدة وسميه:ويوم إنه خطر ليه تشتريه
مشعل : أنا أعرفله وبعدين إفرضي خربوه
الجدة وسميه: فدوه عن أعمارهم
مشعل : يخسون ها أغلى منهم كلهم
الجدة وسميه: افا يامشعل تسوم خواتك بها الحديده
مشعل : لا يمه بس كان قالولي وأنا أعطيهم إياه
بشاير:كذاب كم مره طلبناك
مشعل يخزها بعيونه :إنتي أوص ولا كلمه الوعد بعدين
الجدة وسميه: تهددها وأنا جالسه قدامك ماتستحي
مشعل : العذر يمه ترى أنا إلا أمزح
بشاير: يمه تراه كذاب إذا رحتي بيمسكني وبيليخني
الجدة وسميه: والله لو مد إيده على وحدة فيكم لاهو ولدي ولاأعرفه
مشعل وهو متضايق:مايصير إلا الي تامرين فيه يالغاليه
أم خالد (جدة ساره من أبوها): يمه مشعل خلك من البنيات ويالله قم سرينا نبي نوصل الصمان قبل العصر
مشعل : حياكم الله أنا جاهز
....... وأخذ جداته وراح.....
في خيمة البنات
في:ههههههه مسكين مشعل مات قهر
بشاير: ههههههه تصدقون كان خاطري أصور وجهه
شيخه : أفا عليك ماتمر هالسالفه علينا
ضحى :صورتيه
شيخه: طبعا
مشاعل : أسكتي أنا كنت أتنافض من الروع وأقوم ألتفتلك على سويره وشويخ أبي أشوف شبيسوون إلا لقيتهم مشغلين هالكميرا وطايحين تصوير قمت أغمز لهم بعيني أخاف يلتفت عليهم ويرجخهم
شيخه : عاد مش لهدرجه حشى الي يسمعكم يقول مسوين جريمه
ساره: لا وإنتي الصادقه جنايه .... بس تدرون أنا أعرف مشيعل ماراح يعديها على خير لازم بيردها لنا وإحنا لازم نكون على أتم إستعداد
في: يعني بدت الحرب السنويه
ساره: أكيد
نوف : حرام عليكم خليتوها حرب
مي: إنتي جديدة بهالموضوع
ريم: أي موضوع
مي: ياحلوين إحنا من العام كانت بينا وبينهم حرووووووووب كان بعضها ينتهي بالإنتصار وبعضها بالهزيمه النكراء
نوف: من جدكم
مي: لا من عمنا
ريم:هههههه حلوة بس لاتعيدينها تضحكين على إختي عيب مايصير
مي : السموحه طال عمرتس
نوف: طيب علمونا شصار بهالحرب ووش سببها
ضحى: أنا بقولك في يوم قبل سنه من ألحين........
فبل سنه في ظهيرة أحد الأيام
مي:بنات شرايكم اليوم نسوق سيارات
ساره: أنا ماعندي مانع لنا إسبوع ماسقنا سيارة
مشاعل:طيب خلونا نكلم واحد من الشباب عشان يسوقنا
عهود: ومن تختارون عشان نكلمه
ساره: ماأدري الأسبوع الي طاف كانوا سعد وخالد وماأظن بيرضون اليوم
بشاير: طيب خلونا نكلمهم ونشوف
في: خلاص أنا بكلم أبوي وبخليه يكلمهم يسوقونا
في(ألو مرحبتين كبار بشيخ ال.........)
أبوها(حمد):هلا ومرحبا حيالله الشيخه في بنت حمد
في :شخبارك وشالعلوم من عندكم
حمد: الحمدلله .ماعندنا علوم إلا من عنكم
في: مشاءالله تفهمها عالطاير فديتك
حمد: بنتي وخبز إيديني وشلون ماأفهملك امري تدللي شتبين
في: جعلني ماأفقد هالحس يالله ياكريم تحفظلي أبوي حبيبي
حمد: ههههه لازم التقردن ودهان السير ولا مايمشي الموضوع
فب: بابا حبيبي إنت بغينا أنا والبنات اليوم تسوقونا السياره معليه
حمد: لامش اليوم خلوها يوم ثاني
في وبخيبة أمل: ليه
حمد: إحنا والشباب معزومين اليوم عالعشاء عند ناس من الجماعه وبنسري صوبهم بعد شوي
في بحزن: تروحون وترجعون بالسلامه فمان الله
حمد: فمان الكريم
البنات:هاه بشري
في : يقول كلهم معزومين عالعشاء عند ناس يعني حريمتكم اليوم
بشاير: عادي متعودين ..مرة ثلنيه إن شاءالله ... شرايكم نروح ونفرش لنا بساط بره ونشغل المسجل ونطرب أعمارنا
البنات :يالله
................وإشتغلوا رقص ولعب......................
بعدين عالساعه 4 العصر وبعد ماراحو الشباب
ساره: والله خاطري أسوق اليوم
في: طيب شنسوي مافيه أحد
ساره بمكر: لافيه عباس الطباخ معه النيسان
عهود : إنتي إنهبلتي وشلون تبينا نروح مع عباس ولحالنا بعد هذا خبل مايعرف شي بالبر حده المطبخ
ساره: ومن قال بناخذه معنا
مشاعل : قصدك نروح لحالنا
ساره: لأ بناخذ أمي وسميه فديتها أحسن دليل وبعدين هي تحبناوماراح تفشلنا
في: صدقك وبعد محد راح يقدر يتكلم دامها معنا
ساره : خلاص خلونا نروح نكلمها </B>
تعليق
-
الجزء السادس
*****
إحترت أنا مدري شسميه قلبي ولا نبضه ولا دم بعروقي يسير فيه
وإكتشفت إنه ولاإسم يليق ليه لأنه أكبرمن كل إسم للغلا ممكن أفكر فيه
هوحبيبي لا روحي لاعمري الي أحيا فيه ولاهوحلم بحياتي أدور أدور وأرجع ألاقيه
دخلوا البنات على الجده وسميه وقامت ساره تقردنها وتدهن سيرها بيتين من القصيد
ساره: يامساء الخير ياأحلى مساء
أمسي من دونك يالغالي حشى
جاي ولي صوبك مطلوب ورجاء
ترتضي أطلب ولا بتردني عسى
الجده وسميه:ههههه صح لسانك تعالي فديتك وبيصير إلي بخاطرك بس إنتي قولي مرادك
ساره: يالله جعلني ماأخلا من هالوجه السمح.... فديتك يمه أنا والبنات ضايقه صدورنا شوي ونبي نتمشى بس العيال مارضوا على قولتهم معزومين ولاواحد فيهم إفتكر فينا وقال مساكين خلني أطلعهم أوسع صدورهم
الجده وسميه : طيب يابنتي وش بيدي أنا وش تبوني أسوي
ساره: المطلوب فديتك إنك تاخذين مفتاح النيسان من عباس الطباخ وتروحين معنا وإحنا بنتكفل بالباقي
الجده وسميه: خلاص الي تبونه بيصير نادولي عباس وقولوله يجيب السياره
مشاعل : فديتش يمه والله إنك نصيرة الفتيات...... عاشت أمي وسميه
البنات : عاشت عاشت عاشت
وفعلا صار الي يبونه البنات وخذوا مفتاح السياره من عباس الي جلس يتحرطم عليهم
عباس:والله ياماما هذاغلط بئدين هزا نفر في هاوش أنا وفي كنسل فيزا
الجده وسميه: لاتخاف محد بيقولك شيء هات المفتاح وروح ناد شمس الدين وإلحقونا بالسياره الثانيه
ضحى: ليه يمه كذا ماراح ناخذ راحتنا
الجده وسميه: مايصير يابعدي لازم يكون معنا أحد عشان لاخربت السياره لاقدرالله ولا صارشي وبعدين لاتخافين بيكونون بعاد شوي
البنات : الي تبينه يمه
راح عباس ونادى السواق الثاني وراحو ورا البنات بس بعاد شوي
وركبوالبنات السياره و البدايه كانت مع الكابتن مشاعل
مشاعل : الخطوط الجويه القطريه ترحب بركابها الكرام وتطلب منهم التأكد من ربط الأحزمه وتتمنى لهم سفراسعيداوبدت ربشة البنات مشغلين شريط الجسمي و بأعلى صوت لأغنيه الشاكي
الي جالسين علأطراف مطلعين روسهم وجالسين على الدرايش والي داخل السياره ماسكينهم وصراخ وتفحيطات ووناسه شوي يرقصون وشوي يصفقون وكل شوي يتبادلون السواقه والجده فرحانه عشانهم مستانسين عباس يوم شاف خبال البنات خاف يصير فيهم شيء قام و إتصل على العيال وقالهم
عباس: ألو بابا بندر(عم ساره الصغير توه متزوج حار فلفل وزوجته إسمها منال) هزابنات مجنون فيه اخز سياره نيسان وروه سوي تفهيط في برأنا في كوف هزا واجد خبل
بندر: وشتقول أنت وليه تعطيهم المفتاح
عباس: هوا في اكد مفتاح غصب انا يقول كنسل فيزا وودي إنديا
بندر: زين ألحين أنتوا وين
وقال عباس لبندر عن مكانهم
بهالوقت في بيت الريم
الريم تكلم ندى: هلالالالالالالالالا بالقاطعه هلا بالي عايفتنا
ندى: أنالي قاطعه حرام عليك ماكني دوم أدقلك قبل النوم وأول ماأصحى إنتي وهالبدويه الي ناسيتنا
الريم: إي والله ناسيتنا شكلها مناشافت البر وشافت مشاعل وجمعتهم خلاص كنسلتنا وأنهت علاقتها بكل مايربط للحضاره بصله
ندى: هههههه صدقتي الخايسه من راحت ماإتصلت
الريم: شرايك نتصل عليها.......... ندى: يالله
إتصلوا ندى والريم على ساره
الريم وندى: ألو ممكن البدويه
ساره: البدويه عالخط من معها لايكون الحضر
الريم وندى: لا الخضر
ساره: كر كركر كر ضحكتوني
الريم: وش هالإزعاج الي عنكم
ساره: طال عمرك طالعين نسوق بالسياره ونتمشى وفي أرض الله الواسعه
ندى: حلفي والله مصدقين أعماركم ياليت تمر دوريه من جنبكم
ساره: يالله يالحسد وبعدين من وين بتطلع إنشاءالله من تحت الأرض ولا بتنزل من الفضاء الخارجي
الريم:ههههههههه أتخيل أشكالكم تهربون والدوريات تلاحقكم
ساره: لاحبيبتي إطمني ماأحد بصايدنا السواقين يلحقونا بالسياره الثانيه
ندى: غريبه توقعتكم تطلعون لحالكم تسوونها
ساره بصوت واطي: شنسوي أمي وسميه حكمت إذا نبي نطلع يكونون ورانا عشان إذا صارشيء لاقدرالله يكون معنا أحد
الريم: ياحليلها شخبارها والله إنها مدلعتكم ياليتها جدتي
ساره بصوت عالي: هي إنتي حقوق النسب محفوظه لوسمحتي بلا تعدي على جديدتنا راس مالنا هي
الجده وسميه: ههههههه كل هذا دهان سير
ضحى: افا يمه ماكانت الهقوه فيك تضنين الشر فينا خلاص إحنا زعلانين الجده وسميه: فديتكم لاتزعلون أنابس أمازحكم
ندى تكلم ساره: هي إنتي يالبدويه متى بترجعون مازهقتوا من هالرمل إلي مقابلينه
ساره: حبيبتي حنا بدو حنا عما عين العدو
ندى: بسمله على عيوني يالخايسه تدعين علي
ساره: إنتي الي جبتيه لنفسك
الريم : خلاص إنتي وياها أقول السوري شخبار روميو
ساره: من روميو ذا بعد
ندى: الريم قصدها ولد العم المعذب
ساره:لاحول أمحق طاري أنا كم مره أقول لاتجيبون طاريه
ندى: ياخي حرام عليك حسي فيه والله إنه رهيب بس إنتي ماتنعطين وجه
ساره: ندوش قفلي على الموضوع
ندى: بقفله ألحين بس برجعله بعدين أنا يبيلي قعده معك أشوف فيها حالتك هذي
ساره: وش فيها حالتي بعد ماأشكي باس
الريم وهي حابه تغير السالفه:أيوا عاشت الروايات الإماراتيه أناأشهد لها تأثير
ساره:اه لاتذكريني ترى خطرأذوب عالتلفون
ندى: أبوك يالرومنسيه وينها كل هالرقه والحنان ليه ماتطلع لولد عمك
ساره:أعوذبالله وبعدين معاك تامرين فيه خلاص واصل لاتحلفين
ندى: صدق ياليت بس إحنا ماناخذ بدو
ساره: ياقليلة الأدب تحمدين ربك أصلا إذا فكرنا ناخذك أو خذاك بدوي
ندى: طبعا لي الشرف بس تدرين عادات وتقاليد :
الريم:أنا بعرف هالعادات والتقاليد متى بتتغير
ساره : حبيبتي ماراح تتغير أصلا إحنا حلاتنا بعاداتنا وتقاليدنا صح إن بعضها غلط بس الباقي كله خير وبركه وإحنا الي لازم نشوف الزين ونسويه والشين نبعد عنه
ندى والريم: صدقتي يالله مانطول عليك سلمي عالي عندك مع السلامه
ساره: مع السلامه
بعد ماشبعوا البنات من التفحيط والزحمه الي سووها رجعوا المخيم وكانت الي تسوق فيهم بالرجعه نوره وأول ماوصلوا للمخيم إلا بالجيش طالع يستقبلهم
نوره أول ماشافت العيال جايين صوبهم وكل واحد فيهم خاطره يذبحهم من الخوف بسرعه نزلت من جهة السواق بدون ماتوقف السياره.....
بندر بصراخ : وين كنتوا إنتي وياها وكيف قدرتوا تاخذون السياره وتطلعون لحالكم من دون رجال
البنات ولاكلمه ساكتين وخايفين من الإستقبال الحار
مشعل (ولد عم ساره ماأدانيه ولاينزلها من زور على قولة إخوانا المصريين)
مشعل وهو ماسك خيزرانه بيده:وين مفكرين أعماركم بأمريكا بس أنا أوريكم إذا ما أليخكم بها الخيزران
تقاطعه الجده وسميه : ولا واحد فيكم ينطق على بناتي (وتخز مشعل بعيونها)والي فيه الخير يقرب صوبهم
بندر: يمه مايصيرإنتي كذا تخلينهم يتمادون
الجده وسميه : لاأبد مهوب صايرشيء إلا إنتوا تبالغون
بشاير (إخت مشعل صف ثاني متوسط): حشى لاإنتوا مطلعينا ولاراح تخلونا نطلع
محمد (إخوهم الثاني وهو بصف أول ثانوي ):جب لاألفك بكف يسنعك
الجده وسميه: فيك خير ألمسها ولا قربها
ساره: خلاص بندر ماصار إلا الخير وبعدين عباس وشمس الدين كانوا ورانا بالسياره الثانيه (هي تنادي عمها بإسمه لأن الفرق بينهم 7سنين)
ناصر( إخوساره): حتى ولو إلي صار غلط
ساره وهي تخز إخوها: زين خلاص قفلوا الموضوع
بندر: زين خلاص روحوا داخل وياويلكم لو تعودتوها تبون تسوقون قولولنا وإحنا بنسوقكم وبنمشيكم
في: طيب إحنا قلنالكم ومارضيتوا على أساس معزومين
سعد: حشى مافيكم صبر لين نرجع
البنات بصوت واحد: لالالالالالالالالالالالالالالالالالالالالالالالالا لا
مشعل : ولوا
أبوسعد(عم ساره الكبير وهو يصي أبو مشعل): هههه والله إنكم سوالف خلاص روحوا ولابغيتوا شيء أبد مايردكم إلا لسانكم
البنات : تسلم عمي ومشوا خطوه للخيام وخطوة على ورا عشان يغايضون الشباب ويقهرونهم
ضحى : وهذي كانت البدايه
نوف: يامقواكم بس والله وناسه ليتني كنت معكم
ريم: إنزين قولولي العيال ماردوها لكم مايصير
ساره: لا حبيبتي ردوها
نوف : شسوووووووووو
ساره: إنتظروا لين نام كل الي بالمخيم وجاوا صوب خيمتنا وفتحوا الباب وإحنا طبعا كنا سهرانين وما حسينا إلا بها الجرابيع داخله مع الباب وتتنقز بالخيمه وإحنا إناقز وراها
ريم: هههههههههههههههه اه يابطني ههههههه ط ي ب شدراكم إنهم ورا سالفة الجرابيع
ساره: لأنهم أرسلوا على تلفوناتنا مسج كتبوا فيه
(نوما هنيئا وأحلاما سعيدة مع جرابيعنا اللطيفه)
نوف:هههههههههههههههههههههههههههه ومارديتوها لهم
مشاعل: أفا عليك نعجبك إحنا صيدنا الجرابيع وجمعناها بكرتون وبعدها حطينا بسيارة كل واحد منهم جربوع ولا إثنين وصراحه فاتتكم أشكالهم لما
إكتشفوا الجرابيع وهي تنطنط داخل السيارات هههههههههه والله شكهم كان يضحك
ريم: هههههههههههههه اه بطني ماعاد أقدر هههههه أتخيل أشكالهم هههههه
ساره : لا وبعدها ردوها لنا ماقصروا عيال الذين حشرونا
نوف: ليه شسووا بعد
مشاعل : قولي وش ما سووا صار.............. وإحنا سوينا............. وهم ردوعلينا ب.......................... وماقصرنا إحنا بعد ...................
الريم :الله كل هذا مالومكم يوم سميتوها حرب
في: أنزين شتتوقعون يردون علينا
ضحى : ماأدري بس شكلهم هالمره ناوينلنا على نيه
بشاير: الله يستر
بعدها نسوا البنات هالموضوع وقاموا يخططون يبون يسوون حفلة نجاحهم بالسمستر الأول بالبر
ساره: نبي نطلب الكيكه من محلات.............. ونخليهم يكتبون أسمائنا عليها
مشاعل: إيه عشان يصكونا بذيك العين بسملله علينا حول 14 بنت وين بيصفون أسمائنا
ساره: طيب خلاص نخليهم يكتبون مبروك النجاح بس
عهود: حلو .... ونكلم أم هيثم الطباخه ونخليها تسويلنا الكبه والمعجنات والورق العنب ونطلب التبوله والفتوش والسلطات من مطعم ........
ضحى : بس يمكن تخرب السلطات عالطريق
ساره: لا بنقولهم مايعصرون الليمون فوقها ولما تجينا إحنا بنحط الليمون وبكذا تصير كأنها فرش
ضحى: طيب مين الي بيجيب الأغراض
شيخه : شمس الدين بنقوله بكره يمشي عالساعه 2 الظهر وبيوصل هناك عالساعه 4 يجيب اطلبات ويرجع بيوصلنا عالساعه7 أو7ونص
مشاعل: تمام
ريم: وأنا عندي فكره بكلم عبدالعزيز إخوي يجيبلنا من الألعاب الناريه الي يستخدمونها بالجيش هو بكره جاي عنده إجازه ثلاث أيام( عبدالعزيز29 أخو نوف وريم الكبير متزوج من بنت عمه رفعه وعندهم ولد وبنت وعندهم غير عبدالعزيز 3 نايف 24 موظف وعبدالرحمن 17 ثاني ثنوي والمرحوم عبدالله 26 )
نوف : يالله عجل قومي كلميه بسرعه عشان يجيبها معه وهو جاي بكره
بشاير: الله الحفلة كلمالها وبتحلو
ساره: زين إحناعلينا نكلم المطعم والطباخه ومحل الحلويات وشمس الدين وإنتوا عليكم عبد العزيز
اليوم الثاني
وفعلا جاء اليوم الثاني وكل شيء جاهز ومتضبط على أحسن شغل
البنات سوولهم وسط المخيم زي الدكه (جلسه) وفرشوها وزينوها وحطوا بداخلها المسجل وجهزوا لأعمارهم زي الزفه على قولتهم زفة النجاح وكانت الزفه إغنيت قمر لعبدالمجيد وماخلوا أحد ماعزموه إلا الشباب مسوين عليهم منع وحظر تجول بس بعدين فكروا فيهاو قالوا حرام كسر الخواطر خلونا نعزمهم لأنهم هم إلي بيشغلون الألعاب الناريه وعشان يشتغلون لازم ندهن سيرهم (هههههه أبوك يالمصلحه )
من جهه ثانيه بخيمة الشباب مشعل كان يحكي للشباب علي صار وسرقة البنات لدباه </B>تعليق
-
سعد: هههههههه وعسى ماخرب الدباب
مشعل: لا الحمد لله ماصارله شيء أما لوكان صار كان أنتفهم وحده وحده
محمد: ومن إلي بيخليك تلمسهم هالمقاريد بحماية الشيخه الراس العود
خالد : ياخي والله ماأحد رافع خشومهم ومساندهم غيرها وإلا لوهي مخليتنا نسنعهم كان مافكروا حتى يوصلون لباب الخيمه
فهد: لاعاد مش لهدرجه حرام عليكم كل هذا عشان خذوا الدباب يلعبون فيه شويء
منصور: هاها لو السالفه بس عالدبالب كان هين سالفة الدباب بسيطه إنت لوتدري شكانوا يسوون قبل كان ماقلت حرام
فهد: ليه هم شمسوين................. وحكوا الشباب لفهد وش كان يصير بينهم وبين الشباب
فهد: ههههههههههههه كل هذا والله بناتكم مبهينين
مبارك: ههه قال بناتكم هي أنت ترى حالك حالنا أنت منا وفينا والي يصيرلنا يصير عليك
فهد: تسلم ما تقصر بس ماأتوقع يسوون شيء أكبر دليل إنهم عزمونا عالحفله إلي مسوينها
مشعل: إلا شطاري هالحفله وشعندهم شفت شمس جايب لهم أغراض
مبارك:إيه طالبين كيك ومعجنات وسلطات من الديره ومرسلين شمس يجيبها لهم عشان على قولتهم يبون يحتفلون بنجاحهم
بندر: حشى ياهالبنات إلي براسهم بيسوونه بس دام السالفة فيها أكل ووساعة خاطر على راحتهم يسوون إلي يبونه
عبدالعزيز : لاوأزيدكم من الشعر بيت مكلميني من أمس عساس أجيبلهم ألعاب ناريه وشراخيات وخرابيط
محمد: إنزين جبت ولا لأ
عبدالعزيز : لوماجبت كان لقيتهم ملغيني من قائمة الدعوه
عبدالرحمن : يسوونها ماعليهم من أحد
مشعل: ألحين أنامايهمني كل هالكلام أنافيني حره وأبي أطلعها ماأقدر أسكت عن الي سووه
نايف: خلاص أنا أقولك شتسوي أمي وسميه قالتلك لا تلمسهم ولاتكلمهم صح
مشعل: صح
نايف: يعني مامنعك من إنك تخرعهم أو تقهرهم
سعد : شوراك عطنا الزبده
نايف: تذكرون اللعب البلاستيكيه إلي على شكل......... يعني نستغل فرصة إنهم ملتهين مع الألعاب و.............
فهد:ههههههههههههه حرام عليك تبي تموتهم
مشعل: بالعكس إلي إحنا بنسويه شويه بالنسبه للي هم يسوونه
مبارك: من ألحين أقولكم أنا مالي دخل بهالموضوع
سعد: إيه ماتبي تخرب الصورة الحلوة إلي مسوينها لك يازعم إني حليو
مبارك: ياخي يقولون الحسد يمنع صاحبه من دخول الجنه وترى الحسد صفه ذميمه مايمدحونها
سعد:ههههههههه أموت عاد أنا بالصفات الذميمه الي مايمدحونها
خلصت الحفله وإنتهى كل شيء زي مايحبون البنات وبعدها راحو خيمتهم عساس بينامون وكانت معهم منيره بنت عمهم وهي متزوجه واحد من قرابتهم بس من بعيد جايه تزورهم لأن مخيم أهل زوجها قريب من المخيم)
منيره: تدرون بنات واحد من عيالنا يقول إن فيه سكارى داجين بالبر وإن الشرطه إدورعليهم
شيخه: صدق
منيره: ماأدري يقول إن خويه يوم درى إنه طالع للبر حذره
ضحى: الله يستر
وبعدها جلسوا يسولفون ويضحكون .......... وفجأه........ سمعوا أصوات ورا الخيمه
كل وحده من البنات جلست تطالع بالثانيه وهي تنافض من الروع ...........
عهود: بنات شتتوقعون هالصوت
في: أنا خايفه
مشاعل : كلنا خايفين
ضحى: إنزين شنسوي
شيخه : خلونا نكلم الشباب يجون يشوفون وش السالف
بشاير : إي صح أنا بكلم مشعل
ساره : خي ها التلفون كلميه بسرعه
عند الشباب
فهد: أممممممممم تتوقعون ألحين البنات شافوا المفاجأه
نايف : ماأدري يمكن
مشعل : ههه خاطري أشوف وجيهم
مبارك : حرام عليكم توكم من ساعتين ماكلين من خيرهم
بندر: بس إنه بالأساس من خيرنا
سعد : تصدقون والله كاسرين خاطري مساكين
بهاللحظة يدق تلفون مشعل شاف الرقم غريب
مشعل: ألو
بشاير: مشعل إلحق علينا
مشعل يطالع بالشباب وفيه الضحكه: ليه شفيكم صاير شيء
بشاير : فيه صوت غريب بالخيمه
وفجأة إنسمع عند البنات صوت
البنات وبصوت واحدا
مشعل: ألو بشايرررررررر
سعد: شفيك شصاير
مشعل: يوم ماردت عليه فز من مكانه وجلس يدورله على عجره وأخذله وحده
الشباب: خير يامشعل
مشعل: ماأدري يقولون سمعوا صوت بره الخيمه وبعدها ماسمعت إلا صراخهم
ويقومون الشباب يتراكضون بره الخيمه وكل واحد فيهم ماخذ شيء بيده هذا عجره وهذا حديده و.....
بس الحمد لله محد طرى فباله ياخذ الفرد المخشوش بجيب الخيمه
عند البنات
الصوت إلي سمعوه كان صوت زي فتحة باب سياره وبعدها قفلته شوي ويسمعون صوت كاسات مضربه ببعضها
السكارى
سكير1 : أقول قم نحشه على هالصراخ بيصيدونا
سكير2 :لا وين محد قريب بعدين هذي خيمة بنات وشكلهم وايد
سكير1 : إي والله بنات وياسلام لويكونون حلوات والله فله
عند البنات
عهود وهي تتنافض :نور يانور (أم فيصل وهي كانت نايمه) قومي يالله
أم فيصل(نور): شفيكم
ساره: خالتي ال س ك ا رى برى الخ ي م ه
أم فيصل : صحيح وقبل ماتكمل كلمتها إلا يسمعون صوت شقة قماش الخيمه من ورى
البنات :ا وبدقايق إهم برى الخيمه وركض لمخيم الشباب
سكير1 : ياكثرهم بس على وين رايحين
سكير
ما أدري صدق إنهم ناقصات عقل ودين وين رايحين بها الليل (علم نفسك أول)
سكير
ما أدري بس كأني أشوف ثياب بيض تلمع جايه عندنا
سكيرأشوف لا يالخبل هذيلا عيالهم نحشششششششششششششششششه
وركض على سيارتهم وتفحييييييييييييط
الشباب
مشعل :شوفوا هناك لمبات سياره
بندر : بسرعه وراهم والله ماأخليهم عيال اللذين
وركبوا العيال سياراتهم ووراهم والسكارى كل شوي يحذفون عليهم شيء مره غرشة البطر ومره علب ببسي يحاولون يستفزونهم زياده
مشعل: شف الحيونات خلني أمسكهم بس والله لأقطعهم
مبارك: أنت ألحين ركز بالسواقه وإنتبه لاتقلب فينا السياره
بندر: مشعل قرب السياره وإلصق بسيارتهم
سعد : ليه شتبي تسوي إنت
بندر: بنقز من السياره وبتعلق بسيارتهم (رووووووووح يالبطولة )
مبارك:إحلف يا جاكي شان الغفله
بندر: بروك مب وقت مزاحك ألحين
منصور: وهو صادق أنت تبي تذبح نفسك ياخي لا تفكر بنفسك فكر بأمك وأهلك
عبد العزيز: ولاتنسى إنك متزوج ومرتك حامل تبي تيتم ولدك قبل مايطلع
أم خالد (جدة ساره): تكلم ولدها بندر هي تعرف ولدها خبل وأي شيء بيسويه (قلتلكم فل فل) ..... والله لو ماترجعون ألحين لاإنت ولدي ولا أعرفك
بندر: يايمه مايصير هذولا تعدوا على حرمتنا ولازم يتسنعون
أم خالد: تبي تسنعهم بلغ عنهم الشرطه
بندر: بس أنا ماراح أرتاح لين أخذ حقي منهم بيدي
أم خالد : ياولدي إرجع لاتعور قلبي .... وجلست تصيح
بندر وقلبه يعوره على أمه : خلاص يمه ألحين بنرجع
وتموا يلاحقونهم إلين وصلوا عند تقاطع مدينه الحفر وبعدها رجعوا للمخيم بعد ماسجلوا نوع السياره ولوحتها
بالمخيم الكل جالس على أعصابه ويحاتي هالشباب ( المخيم خالي من الرجال الكبار فالسن لأن دواماتهم بدت ورجعوا الديره وبقى الشباب والحريم بالمخيم ومافيه من الكباريه إلا خالد (أبوسعد) عم ساره الكبير وهو رجع بها اليوم للديره عنده أشغال وبيرجع ثاني يوم) وماحسوا بالراحه إلين شافوهم طيبين وما فيهم إلا العافيه
دخلوا البنات خيمتهم وبقوا الحريم الكبار مع الشباب
أول مادخلوا البنات الخيمه كل وحدة رمت بنفسها عالأرض من الضحك لأنهم شافوا أم فيصل نايمه بالخيمه المسكينه شكلها يوم إهربوا البنات ماحست بنفسها إلا وهي نايمه
ضحى وهي فاقعه ضحك تصحي عمتها: عمتي نور هههههههههه عمتي هههه أم فيصل
نور وهي تفز من مكانها: شفيكم هاه صدتوهم
البنات ماعاد يقدرون يتحكمون بانفسهم كل وحدة ماسكة بطنها من كثر الضحك
نورة وهي تجلس: هههههههههه والله إنك شيء وماحست إلا بشيء لزج تحت يدها ا
الشباب بسرعه دخلو الخيمه علبالهم صاير شيء
نايف: شفيه فيكم شيء
نورة جالسة تتأمل بالشيء إلي لقته : ووووووووووووووووووووووووووع شهاذا
مشعل : ميت ضحك اه بطني ماأقدرههههههههههههه
ساره: يع من الي حاط ذا البلا هنا يعيييييييه
شيخه: وهنا بعد
الشي الي نورة جلست عليه هو اللعب البلاستيكيه الي حطوها العيال كأنتقام على سرقتهم لدباب مشعل هو العب الهلاميه إلي شكلها نفس أعضاء الإنسان يعني عيون ةخشم وشفايف وقلب و...... اشكال تلوع الكبد......... وحاطينها بكل مكان بالخيمه
سعد وهو يضحك: إحنا بنجيب سياراتنا وبنحاوط الخيام فيها وبنام اليوم فيها أخاف يرجعون هالخبلان بالليل يالله شباب
الشباب طلعوا بعدها من الخيمه وهم مش قادرين يمشون من كثر الضحك
الفجر
البنات قايمين يتوضون لصلاة الفجر
ساره ومشاعل كانوا أول البنات ومامداهم يمشون خطوتين إلا رجعوا ميتين من الضحك
عهود: شفيكم
ساره :هههههههههه ما ش ف ت و ا ههاههاي
مشاعل: العي ا ل ههههههه بره ههههههههههههههههههههههههههههههههههههه
ضحى : بسملله عليكم شسالفتكم
شيخه : لايكون لقيتوا بطل السكارى وتوضيتوا منه على بالكم ماي أعرفكم تمشون وإنتوا نايمين
مشاعل: عله شايفتنا مصاديع بس والله شيء ههههههههههههههههههههه
ساره: هه تدرون العيال شمسوين
نوف: شمسوين بعد
مشاعل: ههه مش هم أمس جابوا السيارات وحاوطونا فيها أمس
شيخه: إي ندري قديمه وين الجديد
ساره: حشى خليها تكمل كليتيها بقشورها
مشاعل : إي والله كلتني
ريم: إنزين يالله علمونا مافيني صبر
مشاعل: تخيلوا فاصخين نعلهم وحاطينها تحت بيبان السياير هههههههههههههه
البنات ما إستوعبوا
ساره :شفيكم صايرين أغبياء هم مسوين كذا يازعم إحنا موجودين داخلها
البنات :ههههههههههههههههههههههههههههههههههههههههههههههههه </B>تعليق
-
اليوم الثاني ببيت ندى
ندى( بنت شخصيتها قويه زي ماذكرت من قبل نحيفه سمره وحلوه وأحلا مافيها عيونها سود ووساع جمالها جنوبي خالص .......... وهي أكبر من ساره بسنه )
فاطمه إخت ندى ( صديقة ساره كانوا دوم مع بعض بالثنويه وتخصصوا القسم العلمي كانوا مايتفارقون بس الظروف فرقتهم ساره دخلت كلية الأداب والعلوم بالدمام وفطوم كليه العلوم الصحيه بالدمام كان الوضع صعب عليهم خصوصا فطوم لأنها كانت وحيده كل شلتها بكلية الأداب لكن طبعا كبنت إجتماعيه من الدرجه الأولى سهل عليها تكوين الصداقات أما ساره كانت فاقده فطوم بس وجود صديقاتها حولها هون عليها خصوصأ إنهم جيران يعني متى مابغوا شافوا بعض وطبعا الله يسلم التلفونات ماتوقف ....... فطوم مليانه شوي سميره حلاها بدوي رغم كونها جنوبيه يعني الخشم طويل والعيون بنيه ووساع الوجه دائري........
شخصيتها قريبه كثير من شخصية ساره لكنها أقوى منها وثقتها بنفسها كبيره حبوبه لأخر درجه كل شخص يعرفها لازم يحبها لطيبتها تدخل القلب من أول ماتشوفها )...... هي شخصيتنا الجديده
وعندهم إختين هم خلود خريجة كلية الدمام قسم كيمياء عضويه و أنوار 3ثنوي قسم علمي وإخوانهم وليد سنه4 كيمياء ومحمد2 ثنوي وخالد 2متوسط)
ندى جاسه تقلب بقنوات التلفزيون دخلت عليها إختها خلود
خلود: شفيها الحلوه طفشانه
ندى: إي والله إني طفشانه طفش ماحد عندي سوير وبالبر والريم اليوم بتروح الحساء وباقي الشله يانايمين ولا طالعين مدري شسوي
خلود : افا وإحنا وين رحنا
ندى: فديتك فيك الخير بس تعرفين وحشتني سوالفهم
خلود : خلاص هانت كلها 6 أيام وتبدى الدراسه
ندى: الله يعدي هالأيام على خير وبسرعه
خلود: أقول ندوش شرايك نقول لوليد يطلعنا والله حتى أنا طفشانه
ندى: ياليت بس هو بيرضى
خلود: ماعليك أنا بخلي فطوم تكلمه تعرفين مايرد لها طلب
ندى: أنا بعرف إختك هذي شمسويتله ساحرته تصدقين حتى سويره لما أقولها شيء تقولي طيب شراي فطوم
خلود: تدرين فيها توأم روحها ماتفارقها
ندى: لاوالله وأنا وين رحت
خلود: إنتي بعد صديقتها بس تدرين إن ساره وفطوم مع بعض من كانوا صغار والريم بعد تدرين أحس أقرب ثنتين لها الريم وفطوم وبعدها إنتي وهاجر وبعدكم باقي البنات بس ماشاءالله صديقاتها كثار
ندى: ولاتنسين مشاعل وضحى وأصلا السوري قلبها كبير ومافي وحدة تعرفها إلا تحبها
خلود: صدقتي إلا شخبارها وشخبار خالتها فاطمه الخاينه لها إسبوع ما إتصلت
ندى: تدرين مشغولين بها البر مدري إشايفين فيه
وتدخل عليهم فطوم
فاطمه: إنتوا تحشون في مين
ندى: في سوير وفاطمه وش يحببهم بهالبر
فطوم: على قولة سويرتي بدو مانستغني عن التراب
خلود: ههههههه ياحليلها هالسويره والله إنها فنتك
فطوم: طبعا على خويتها (وتأشر على نفسها)
ندى: حشى من قال وبعدين شمعنى إنتي وأنا وين رحت
فطوم: إنتي في أسفل القائمه لا غير
ندى: أنا هالبنت ذابحتها ذابحتها
فطوم : تكفين أنا جالسه أرتجف أتنافض من الروع سامحيني
خلود: بسك إنتي وياها .... فطومتي كلمي وليد خليه يطلعنا نتمشى
فطوم: أولا لاتناديني فطومتي لأن هالأسم وعلى قولة سويرتي حقوق النداء محفوظه لها بس
ثانيا أنا كنت جايه أقولكم خلونا نطلع زهقت من جلسة البيت
ندى: خلاص كلمي وليد وشوفي بيطلعنا ولا لأ
فطوم : OK
تتصل فاطمه بوليد ............... وليد: ألو
فطوم: هلا بهالصوت هلا بالغالي هلا بسندي في وقت الضيق
وليد: هههههههه شوراك قولي
فطوم : فديتك إخوي حبيبي إنت ماتردني
وليد : على حسب كنت أقدر ولا لأ
فطوم: بغيناك تمشينا زهقنا من البيت
وليد: حرام كسرتوا خاطري خلاص نص ساعه وأنا عندكم تجهزوا
فطوم: يالبى قلبك أنا كنت عارفه إنك ماراح تردني
وليد: ههه واثقه الأخت بس حلوة هذي يالبى قلبك وين سامعتها
فطوم: هذي طال عمرك مكارم الشيخه ساره علينا
وليد: إلا من زمان ماسمعت عنها ولا عن أهلها وينهم
فطوم : بالبر
وليد: صحيح ياحظهم وناسه عجل
فطوم :ماأدري ماقد جربت صراحه
وليد : خلاص بكلم أبوي وعمي عشان نطلع نخيم لنا يومين
فطوم : صدق حلو يالله لاتتأخر إحنا نستناك
(جاء وليد وطلع خواته طلعه حلوه غيرت شوي من الروتين فالعطله)
اليوم الثاني الساعه 7 المساء
فطوم جالسه طفشانه ......... شوي ويرن تلفونها
زينه (صديقة فطوم تعرفت عليها بالكليه بنت حبوبه وقلبها أبيض وفطوم تعزها حيل ولهم سنتين مع بعض): ألو مرحبا
فطوم: أهلين شخبارك
زينه:بخير إنتي شخبارك
فطوم:أنا بخير وعافيه غريبه صاحيه بها الوقت بالعاده ماتصحين إلا الساعه 1
زينه : تدرين بكرة ملكت عبير ومشغولين فيها
فطوم: صح ذكرتيني ألف مبروك باركيلها وسلميلي عليها
زينه: لا حبيبتي إنتي لازم تحضرين وتباركيلها بنفسك
فطوم: إسمحيلي ماأظن بقدر أجي
زينه : مو على كيفك أنا متصله أعزمكم وراح تجين غصبا عنك
فطوم: لاتحرجيني يمكن ماألقى أحد يجيبني
زينه : قولي لوليد ماراح يردك إنشاءالله
فطوم:بحاول بس إذا ماقدرت لاتزعلين ok
زينه : إلا بزعل ونص لازم تجين
فطوم: خير إنشاءالله
زينه : طيب حبيبتي مع السلامه بستناكم بكرة
فطوم: أنشاءالله مع السلامه
راحت فطوم وطلبت من وليد يوصلهم بكرة لكنها قالها إنه معزوم مع الشباب على سهره فمالقت غير أبوها قالتهله إنها معزومه هي وخواتها على الملكه بكرة فوافق إنه يوصلهم </B>
تعليق
-
ثاني يوم بالملكه
زينه تستقبل فاطمه وخواتها عند الباب
زينه: هلاوالله يامرحبا تومانور البيت
فطوم:تسلمين منور بأهله وألف مبروك عقبالك
ندى: مبروك زينه عقبالك
زينه: امي ن
ندى: هههههههههههه شكلك مستعجله عالزواج
زينه: شنسوي نخاف يفوتنا القيطار
خلود: توك صغيره عجل أنا شقول
زينه : بهالأيام الوحده تخاف من يصير عمرها 20 تلقين خلق الله شغالين أسئلة متزوجه..ولا........ مخطوبه .....ولا...... محجوزة ....... حشى مايخلون أحد بحاله
البنات :ههههههههههههه
زينه : تعالوا بوديكم لعبير أول
دخلوا البنات يسلمون على عبير ويباركولها
ندى وفطوم وخلود: مبروك عبير
عبير: الله يبارك فيكم عقبالكم
خلود وفطوم: تسلمين
ندى: إذا علي أنا ماأبي أتزوج أبي أعيش حياتي
عبير: ليه الزواج سنة الحياة ومرد البنت لبيت زوجها
ندى: إلا أنا ماأبي ماأتخيل رجال يسيطر على حياتي
زينه: ليه
ندى: لأن الرجال سبب كل مصايب الدنيا
عبير: أوف مش لهالدرجه
ندى: إلا وأكثر بعد أصلا الرجال مالهم أمان والغبيه إلي تأمنلهم أحبك وأعزك أنا مقدر أعيش بدونك وهو يعرف من وراك عشرة
زينه: إي والله صدقتي
خلود : حرام عليكم خوفتوا البنت حسبي الله ونعم الوكيل
فطوم :هههههههه عاد ألحين مافي مفر خلاص وقعتي عالعقد
عبير : عادي أقول هونت و نفسخه دام الشيخ موجود
زينه : صحيح خلاص أنا بروح أقول لبوي
عبير: لالا أنا أمزح حشى على طول ماصدقتي خبر
زينه: لا توك تقولين عادي
فطوم: ههه حرام عليك خليها تلقين الأعصاب مشدوده ألحين
بعدها طلعوا البنات من عند عبير وراحوا جلسوا مع المعازيم زينه وفاطمه جنب بعض وجنبهم ندى وخلود
زينه تشاور فطوم: فطوم شفته وبغيت أموت
فطوم: مين
زينه: محمد
فطوم: جد . ........ بشريني شصار
زينه : تعالي معاي نروح غرفتي وأنا أقولك كل شيء بالتفصيل ماأقدر أخذ راحتي هنا
فطوم:يالله
في غرفة زينه
زينه: اليوم جاء عندنا كانت الساعه 12ونص تقريبا كنت رايحه المطبخ أشيك عالأغراض شوي وأسمعلك حس أحد داخل المطبخ إلتفت لقيته بوجهي إنصدمت ماأدري شسوي ولا وين أروح والمشكله لاعندي شيلة ولاشيء أتغطى فيه وما أشوفلك إلا الباب وركض عليه وقبل ماأوصل مسك إيدي
فطوم: (بشهقه) حلفي
زينه: والله (تبتسم) وقالي عقبالي أنا وإنتي إنشاءالله وقريب وأسحبلك يدي منه وأطلع
فطوم: واو يابختك ألف مبروك
زينه: ليتك شفتي وجهي صاير ألوان أحمر وأخضر و..........
بهالحظه رغد إخت زينه فتحت باب الغرفه ودخلت بكل دفاشه ... زينه وفطوم إنتفظوا من الخرعه
زينه و فطوم : بسم الله
رغد: ههههه هاهاي شكلكم يضحك
زينه : وش فيك إنتي مهبوله ليه ما دقيتي الباب
رغد: كنت مستعجله المهم أمي تبيك
زينه: طيب بروحلها. فطوم حبيبتي إنتظريني هنا بروح لأمي وبرجعلك
راحت زينه لأمها وتركت فاطمه بروحها بالغرفه وخلت الباب مردود .....................
ماجد إخو زينه كان يدور على مفاتيح سيارته تذكر إنه كان ناسيها بغرفة زينه لما كان عندها العصر
راح لغرفتها وفتح الباب
ماجد: زينه ماشفتي...... (سكت من الصدمه مايعرف شيقول)
فطوم كانت جالسه تنتظر زينه وهي منكسه راسها على الأرض وأول ماسمعت فتحت الباب رفعة راسها
وبدل ماتشوف عيون زينه العسليه إنصدمت بعيون سود تناظرها بصدمه
ماجد :اسف ماكنت أدري إن أحد موجود وصكر الباب ورجع لغرفته مثل الصاروخ
فطوم ماقدرت تتحرك من مكانها من الصدمه كان ودها الأرض تنشق وتبلعها
رجعت زينه الغرفه وشافت فاطمه مش على بعضها
زينه: فطومي شفيك
فطوم:هاه لا أبد سلامتك
زينه: متأكده
فطوم: إيه .... خلينا ننزل أكيد خلود وندى يسألون عني
زينه : يالله رغم إني حاسه فيك شيء
غرفة ماجد
ماجد جالس على سريره( يالله شهالموقف شبتقول عني البنت أكيد متعمد لاحول ........ وأن بعد خبل كان المفروض أول ماشفتها أطلع على طول كان ماحست فيني بس أنا الغبي جلست وبقواة عين أطالعها ........ والله إني ماأستحي...... بس هذي مين شكلها غريبه مش من عايلتنا بس ماشاءالله عليها قمر .....إصطغفرالله أنا شلي أتمدحها) وهو يفكر حس بشيء تحت رجله نزل عينه شاف المفتاح
الله يغربلك توك تطلع وينك عني قبل شوي ....... إخذ المفتاح وطلع
غرفة فاطمه
من بعد مارجعت من الملكة وهي متضايقة بسبب الموقف إلي صار
فطوم( هذا أكيد ماجد إخو زينه الوحيد ........ يالله شهالفضيحه أكيد بيقول هذي شمجلسها بغرفة إختي وهي مش موجودة) فطوم جلست تاكل بنفسها من الإحراج ومالقت غير إنها تكلم توأمها تشكيلها علي صار
فطوم: ألو
ساره:هلا حيالله ملائكة الرحمه
فطوم: الله يحيي المدرسه
ساره: وع الله لاقاله أناأصير مدرسه ليه بايعه نفسي
فطوم: ههه عجل ليه دخلتي الكليه
ساره: وهي كل من دخلت الكليه بتطلع مدرسه ياكثر الوظايف غير التدريس
فطوم: شخبارك
ساره: بخير . شفيك
فطوم: شفيني مافيني شيء
ساره: علي أنا . صوتك متغير شي مضايقك
فطوم: ياقلبي والله إنك تعرفيني أكثر من نفسي
ساره: افا . إحنا عشرة عمر وخوات يالله قولي وبالتفصيل
حكت فطوم لساره الموقف إلي صار مع إخو زينه ...........................
ساره: هههههههههههههههههههههه والله إني أتخيل شكلك وإنتي مصدومه
فطوم: تضحكين علي إنتي وجهك
ساره: ماعاش من يضحك عليك وأنا إختك
فطوم: بسملله عليك . سويره قوليلي شسوي والله حالتي حاله
ساره: الله ليه كل هذا مجرد موقف وصار وإنتهى ليش معذبه بنفسك
فطوم: والله إني مفتشله من زينه أحس الموقف سخيف
ساره:لافشله ولا شيء بعدين هي الغلطانه تركتك بغرفتها وراحت وخلت الباب مفتوح
فطوم: مدري شلون بقابلها بعد إلي صار
ساره:ماصار شيء عادي مشي الموضوع ولاتقولينلها شيء يعني كأنه ماصار
فطوم: شورك وهداية الله إلا تعالي شهالهدوء إنتي وين بالعاده كله إزعاج
ساره : أنا بره الخيمه عشان كذا هدوء بس الجو روعه
فطوم: بس أكيد ظلام يمه أحسه يخرع
ساره: لاعادي متعودين وبعدين إحنا منورين كل المخيم بالمبات
فطوم: حتى ولو
ساره : هذا وماقتلك شصار تقولين يخرع شلو لادريتي
فطوم: ليه شصار
ساره : فديتك أمس طبوا على مخيمنا سكارى و و..إلخ (ههههه مصدقه عمري تذكرني هالحروف بتعاريف الكتب )
فطوم: يمه ولحد ألحين جالسين هناك مارجعتوا
ساره: ولابنرجع أحد يخلي الوناسه وساعة الصدر ويرجع يحبس نفسه بين جدران البيت
فطوم: صدقتي إلا شخبار أمك وأبوك
ساره : الحمد لله ماشيه على العلاج والله يكتب إلي فيه الخير
فطوم: امين زين إنتوا متى بترجعون صارلكم 12 يوم ماشبعتوا
ساره: بنرجع قبل الدراسه بيوم
فطوم:يعني بعد يومين ماكنكم طولتوا
ساره: لا بالعكس بنرجع بدري بالعاده نرجع أقل شيء ليلة الدوام
فطوم: بدو ماتعيفون البر
ساره: ولابنعوفه هذا روحنا روح البداوة
فطوم: فديتكم يالبدو
ساره: شكرا شكرا مايحتاج
فطوم: زين يالبدويه تامرين بشيء
ساره: واحد ماك عربي مع سلطه و...
فطوم: إقلبي وجهك يالله هالطلبات غير متوفره حاليا
ساره: ومتى تنزل للأسواق
فطوم: في القريب العاجل يعني بعد يومين
ساره: طيب مع السلامه يابعدي سلميلي على ندوش وخلود
فطوم: يبلغ ......إنتبهي على نفسك
ساره: لاتخافين علي أنا إبنة الصحراء والباديه
فطوم: عدال يابنت إبن عجلان
ساره:هه حدك علي ولا بخلي أبوي يجي من الرياض ويجرك من شعرك
فطوم: لايبوك محنا بقدكم يالبدو قشران
ساره: إيه إحشمي نفسك وتأدبي
فطوم: يالله ياقلبي مع السلامه والله إني إرتحت من كلمتك وبقدر أنام وأنا مرتاحه
ساره: أبدن إحنا بالخدمة 24 ساعه في 24 ساعه
صكرت فاطمه عن ساره بعد ماقدرت تريحها وتنسيها الإحرج إلي كانت فيه من هالموقف
بعد ماصكرت ساره من فطوم رجعت للخيمه
مشاعل : مين كان عالتلفون
ساره: فطومتي
مشاعل : ياحليلها شخبارها
ساره : الحمد لله شتسون
ضحى: بنلعب ورقه تلعبين
بهالوقت دخلت عليهم الجدة وسميه
الجدة وسميه : شتلعبون يابنات
شيخه : ورقة يمه تلعبين معنا
الجدة وسميه : ودي بس إني ماأعرفها
عهود : بسيطه بنعلمك
الجدة وسميه : خلاص إحسبوني معكم بس علموني إياها قبل
ساره : يمه اللعبه إسمها غمزه
الجدة وسميه : غمزه شهالكلام
مشاعل : يمه هذا إسم اللعبه وطريقتها ( البنت الي معها ورقة الولد تغمز بعينها لباقي البنات والبنت إلي ينغمزلها تقط ورقتها عالأرض لحد مايبقى ثلاث بنات هالثلاث كل وحدة فيهم تخمن الولد عند مين وإذا كانت غلطانه تنجلد اخر اللعبه)
شيخه: هاه يمه فهمتيها
الجدة وسميه : إي شكلها سهله
ساره: بس على شرط يمه لازم تفصخين البرقع
الجدة وسميه : وشوله أفصخه عيب مايصير أستحي
ساره : لايمه عادي كلنا بنات وبعدين شلون نقدر نشوف عيونك من ورا البرقع
الجدة وسميه : خلاص بفصخه مايسوى علينا هاللعبه
وبدوا لعب وسبحان الله الولد كان عند الجدة وماخلت وحده من البنات ماغمزتلها في كل غمزه تطيح ثنتين ثلاث
ساره : يمه كذا مايصير إنتي فضحتي نفسك لازم يكون باقي ثلاث بنات بالنهايه
الجدة وسميه: يمه ماأقدر أخاف وحده فيكم تزعل تقول أمي مافوزتني وبعدين حرام تنجلد عشان لعبه
شيخه: يالبى قلبك يمه فديتك
ساره : ههه الله لايحرمنا منك
مشاعل :زين بما إن اللعبه خربت شرايكم نسوي ............... /B
تعليق
تعليق