للناس فيما يكتبون أشياء تشد الإنتباه/وأنا على باب الكتابه مهجتي شديتها

**وزير السلطان** · 01-04-2017, 10:41 PM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

هالفترة والله مدري وش صايرن لي..
أنسى كثير.. ولاني بدقق باللي يصير حولي بعض الأحيان..
أمس طلعنا طلعة للبر.. واللي ماسك الطبخ أنا..كالعادة... فتخيلوا جالس أبي أتذكر أنا حطيت ملح أو لا..!!
ماني متذكر.. وإكتشفت إني مالح الأكل بعد ماذقته..!!

هذه كوم والكوم الثاني صاير اليوم.. جالس أحمل محاضراتي.. فبما إني بطلع قلت خل أسوي تحميل لهن
وع بال ماأرجع كد تحملت كلها... تخيلوا يوم رجعت ولاوحده تحملت..!!
أنا جلست أبي أشوف وش المشكلة... وين فيه...؟
تخيلوا وش كانت فيه...؟
أخوكم ف الله أخذ المودم بجيبه... وطالع برى...
يعني نسيت أن المحاضرات تتحمل... وخذيت مودمي على اساس أمشي على وصف واحد الله يسامحه.,,
يمكن هو السبب.. هههه

**وزير السلطان** · 03-04-2017, 01:07 AM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

اليوم تهيأت لنا وطلعنا منتزه للعوائل .. فإحنا جالسين أمام إحدى الألعاب الرملية
واللي بلاشك من الألعاب المفضله لدى الأطفال..

تضاربوا طفلين أعمارهم بالأربع سنوات ويمكن أقل....!!

الوضع تطور ووصل للأمهات... وللأسف أقولها وبكل ثقه...
بهن نقص عقول ...

هذول أطفال والطفل معروف عنه باي مجمعات طفولية لابد هذا يضرب هذا
وهذا يأخذ ألعاب هذا...والطفل سبحان الله معروف عنه
يزعل من سبب ويرضى بليا سبب...
ونشوف هالشيء بواقعنا الحياتي
يتزاعلون الحين ..وبعد خمس دقائق إلاهم سمن على عسل..

وأحيانا نضرب بقلوبهم المثل ...ياليت قلوب بعض الناس مثل قلب الاطفال..

اللي حبيت أتعمق فيه هو لازم كل إنسان يتعود على الهدوء والتفاعل مع الأحداث
بكل حكمة وبكل تأني... فلو هالأمهات كل وحده خذت طفلها وفهمته إنوه ياماما هذا غلط
هذا صديقك.. و و.. بكلمتين ممكن نغير مسار الموضوع...لكن نقص العقل لعب دور كبير..
وأحجم المشكلة...للآسف...!!

صباحكم مسرات وخيرات من رب العباد...

**وزير السلطان** · 08-04-2017, 11:46 PM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

مدري وصلني مسج يطلب مني أدون .. فصراحه ماني عارف عن إيش أكتب...!!

أممممممممممممممممممممممممم جالي موضوع.. هسا...<<<< متعوب عليها هسا..!!هههه

حلو يكون الواحد على طبيعته وسجيته..بلاتكلف ولا تصنع... يعني خلك مثل ماأنت ..
اللي راح يرضى فيك بيستمر معاك...واللي ماعاجبته بإسلوبك وسجيتك ... الله يستر عليه...
أغلب العلاقات اللي تكون نهائتها مأساوية سبببها التصنع...!!
أتصنع لك إني والله أنت إنسان ثاني بحياتي عشان مصالحي بس...!!
ولاخذيتها خلاص قفلت كل سفاراتي معك...!!!
العلاقة الناجحة هي اللي تدوم لأطول مدى وآخر نفس...
العلاقة الناجحة هي اللي يكون فيها تنازلات بين الطرفين.... لإستمرار العلاقة ...
العلاقة الناجحة إننا نتغاضى عن بعض الأخطاء من الطرف الأخر...ونأولها أنها من غير قصد...
يسعدلي مسائكم...

**وزير السلطان** · 19-04-2017, 07:57 PM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

من أسرار الحياة شيء إسموه الروح
موجوده مع كل كائن حي .. اليهود سألوا النبي صلوات ربي وسلامه عليه أجابهم الله بقولة
((ويسألونك عن الروح ۖ قل الروح من أمر ربي وما أوتيتم من العلم إلا قليلا (85)))..سورة الأسراء
الروح هذه الشيء كائن يشرب ويتغذى لكن بطريقة ثانية..
أي إنسان في الدنيا يجوع.. يروح يضرب له تميس وفول ويشبع لين الليل..
والحمدلله ..نفس الشيء ترى الروح تجوع تحتاج غذاء...
يجي والله يقولك والله أنا اليوم مكتئب ولا مغموم ولامهموم وأشياء من هالقبيل..
أقول عندك داخل نفسك صراع بين نفسين...
نفس أمارة بالسوء..ونفس لوامه..
النفس اللي أمارة بالسوء ميزته أنها تتفق مع متطلبات القلب..
فتنساق خلف شهواتك...
النفس اللوامه هذه مشكلتها تتفق مع العقل... فدائما نرفض طلباتها..
فيصير صراع داخلي.. هو اللي ينتج عنه القلق ..طبعا ناتج عن المعاصي...
حنا دائما في حاجة إلى كتائب قتالية .. تتدعم النفس اللوامه.. الكتائب القتالية
هذه هي الغذاء الروحي... اللي كثير من الناس فرط بوه..بل تركوه..
كل العبادات باأنواعها تسمى غذاء روحي... الصلاة ..الذكر...الصيام..الصدقة..الإحسان للأخرين..
تعتبر غذاء روحي يقدمه إبن آدم لنفسه..
كل ماإبتعدت عن هالغذاء الروحي كل ماحصل عندك فراغ...
قال تعالى( ومن أعرض عن ذكري فإن له معيشة ضنكا ونحشره يوم القيامة أعمىٰ (124))) سورة طه
إبتعادك عن هالغذاء الروحي
يجعلك تتخوض في أشياء مالك بها دخل..يسألك وش معنى الغذاء الروحي...
وكيف...وليش...إلخ..
وش الرابط بين أعمال التدين.. والقلب..وأعمال الطاعات والقلب...أقول هذه أشياء السر
جعله الله في الحياة لكنه محسوس واقعا..معلوم شرعا.. مدرك عقلا...إلى منك قمت الصبح
ضايق صدرك وبك تكاك... توض وصل ركعتين...أذكر الله...هذا الغذاء الروحي...
الأزمه التي يعيش أكثر الناس...إنوه يبتعد عن هالشيء..وهو مايدري..ومازال يعتقد إنوه والله هذا
منهج خاص باللي يسميه هو مطوع... وإحنا إتفقنا إنوه مافيه شيء إسموه مطوع.. مامطوع...!!
فيه شيء إسموه مسلم يعمل الطاعات...إلا قالت له نفسه...أغديك تصلي..أغديك تصوم...
قال هاه..لما أتوب...قصده لما أتوب... لما أصير مطوع...!!
قلنا قديما.. الخطابات الربانية..يايها اللذين آمنوا... أنت مؤمن بالله..الخطاب موجه لك
أعمل هالطاعات سوف تجد نفسك مبسوط...
كل مابك من تكاك وضيقة صدر وإكتئاب وخوف وقلق..وأشياء من هالقبيل... كله يزيله قربك من الله عز وجل...
قربك من الله عز وجل..الإيمان يزيد بالطاعه..وينقص بالمعصية..قال تعالى(والذين اهتدوا زادهم هدى وآتاهم تقواهم (17))..سورة محمد
كلما إزدت طاعه كلما إقترب... إذا تقرب لي عبدي..شبرا تقربت له ذراعا..
وإذا تقربت إلى الله سبحانه معناتوه كل الحواجز كل الشياطين ستزول... لأن قلبك مملوء..

**وزير السلطان** · 21-04-2017, 01:09 AM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

أبلغ عزيزا فى ثنايا القلب منزله
أني وإن كنت لا ألقاه ألقاه
وإن طرفى موصول برؤيته
وإن تباعد عن سكناى سكناه
يا ليته يعلم أنى لست أذكره
وكيف اذكره إذ لست أنساه
يا من توهم أنى لست أذكره
والله يعلم أنى لست أنساه
إن غاب عنى فالروح مسكنه
من يسكن الروح كيف القلب ينساه

~ المتنبي ~

**وزير السلطان** · 23-04-2017, 12:34 AM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

من يفقد أعصابه على أدناة ماجاه
..........................................تأكد ان نفسه حزينه كتومه
لاتسأل اللي منغبن عن نواياه
.........................................قدر ظروفه وان زعل لاتلومه
ولاتحرجه ولاتحده على اقصاه
..........................................ولاتجرحه ولاتفرح اخصومه
واضح ولايحتاج فتره وتقراه
........................................جالس ونظراته تقول امحرومه
قلبه جريح وخانه الوقت واعياه
..........................................بتهاجمه اجل تحمل هجومه
لاتقول وش علمه ولاتتبع اخطاه
.......................................ادخل وسط قلبه وتعرف علومه
تجيه رايق وانت تجهل خفاياه
......................................وتشين اخلاقه ،،، وتنبش همومه
ياخوي من صمته تبان المعاناه
......................................يمكن لو لحاله ،،، يشقق هدومه
هذا يقضي ليلته بالمحاتاه
..........................................يوم انت مديها بسبعين نومه
اركد ترى التهميش واللامبالاه
.......................................بالشخص كنك بايعه بأي سومه
تراها مستويه معه جاه من جاه
..........................................شجاع لكن طايحاتن عزومه
هذا قبل لو تعرفه ماتعداه
.....................................من طيب راسه من جمايل سلومه
شوفه زمان المهزله وين وداه
..........................................وداه للوحده وغيب نجومه
اليا نطق في قلبك تقول عزاه
........................................ماهو على بعضه ولاهو بيومه
يضحك دقيقه وان ذكر جور دنياه
......................................يسرح مع اوجاعه برفقة حلومه
يرجع يفكر في نصيبه وبلواه
......................................تقول طير عاد من عقب حومه
ياصاحبي لاتنشده عن سواياه
........................................ماضي حزين وبيناتن ارسومه
ان ماقدرت بوقفتك تمسح ابكاه
.......................................طالبك طلبه لاتنبش علومه
ارفع يدينك واترك الامر لله
......................................ابيك تدعيله بنفسن رحومه
ولاجاك ملقوفن يبحث خفاياه
..................................اللي على العالم يسدد اسهومه
لاتضعفه دام الشجاعه بيمناه
........................................قله يبي ربك يفرج اهمومه
.
. .
مبارك_الحجيلان

**وزير السلطان** · 25-04-2017, 07:00 AM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

قبل فترة حضرت دورة لأحد المتخصصين في المجال الإجتماعي..
وكان من ضمن حوارته في الدورة ... كيف تتغلب على أفعالك الحياتية
بدون ماتتأثر باقي الأطراف وكيف تقتصرها على الحدث نفسه..

مافهمتوا شيء صح...بشرح لكم بس بشكل قصه...
بعض الموظفين يواجه ضغوط في بيته فتلاقيه هالضغوط بتأثر على تعامله في مجال العمل ..ويكون
الضحية هو المستفيد أو الزميل في العمل..
وبعض الأحيان بيواجه ضغوط في العمل وهالضغوط بتأثر عليه ويكون الضحية من هم في بيته..

طيب كيف نحاول إننا نترك لكل شيء مجاله..بدون مانسمح إنوه الضغوط بتأثر على أو من...

يقول المتخصص.. تخيل أن فيه شجرة عند باب البيت... الصباح وأنت جاي للدوام
وشايف نفسك متضايق أو تعبان فكريا نزل تعبك ومشاكلك فيها وأركب سيارتك وتعال للدوام..
والعكس لو أنت راجع من الدوام وحاس نفسك مضغوط نفسيا وجسديا ..قبل لاتدخل بيتكك
نزل تعبك وضغوطاتك العملية في هالشجرة وأدخل بيتك..ولاتنسى دعاء الدخول..

ياكم واحد فينا عانى وتضايق من ردة فعل من موظف أو زميل أو صاحب..
والسبب هو الضغوطات اللي بيواجهها هالموظف أو الزميل أو الصاحب... فليش مايكون لكل شيء
مساحة مغلقه عن باقي المساحات..

هالموقف ذكرني بإحدى المعلمات اللي كانت متضايقة من حياتها خارج أسوار المدرسة
وللآسف لاتستحق كلمة معلمة لأنها خرجت عن القانون ونزلت ضغوطاتها على طالباتها اللي
مالها أي وجه حق تتعامل معهم بالطريقة...

لازم نخصص لكل شيء بدواخلنا مساحة..ونعطي كل شخص اللي يستحقه..
بدون ماأحد يأثر على الأخر...

صباحكم سعادة ورقة وأعذوبة حياة..

**وزير السلطان** · 25-04-2017, 04:41 PM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

يشدني الشخص اللي يهتم بالمحيط اللي حواليه.. فعندي قناعة تامة إنوه
نقدر نحكم على الشخص من خلال البئيه اللي حواليه..نظافة بيته..سيارته
مكتبه بالعمل.. بعض الأحيان نلاقي أوراق مبعثره على المكتب.. ولا نفايا الأمس
بسلة المهملات...حاول تتخلص من مهملاتك أول باأول.. واللي مالك لازمه فيه إستغني
عنه..بدل ماتخلق بداخلك فوضى مالها داعي..تخلص منها بسلة المهملات ولاتتركها
مركونه بزاويا مكانك..وحاول يكون مظهرك أنيق وهندامك مرتب..لأن هالشيء بيعطي
تصور للي حولك..عن سمة شخصيتك...وكل ماكان مظهرك مرتب وأنيق كل ماصار عند الناس
قابلية للتعامل معك...

قولوا عني:
تخلص من نفايا الأمس...حتى تصبح قوي النفس..

مساؤكم نقاء من السماء وأعذوبة حياة

**وزير السلطان** · 27-04-2017, 05:14 AM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

الكلام اللي على باله ، تبعثر
يوم قارن بالفعول و بالتواجد !
-
اختلفنا من يحب الثاني أكثر
واتفقنا .. إن أنا أكثر بوااجد!

**وزير السلطان** · 28-04-2017, 02:55 AM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

يقول الشاعر/

ومن نكد الدنيا على الحر... أن يرى صديقا له ما من عداوته بد

أدري إني لخبطتت ..بس بقصد..
أحيانا لك صديق رائع جدا..وممتاز ومفيد..وفيه نقاط إيجابية..راقية جدا..
بس بنهاية المطاف تحصل إنك مجبور تتركة..لسبب إنوه عنده سلبيتين أو ثلاث..
كل ماتشوفه أنت لابد تعايش بعضهن.. ثم كل ماشفته تتحفز وش بيقول اليوم..!!
أحيانا مبتلى بالنقد.. إن جيتم مبكرين قال :جيتوا مبكرين.. وإن جيتوا متأخرين
قال: جيتوا متأخرين.. وإن جاء العشاء قال: مبكرين.. يعني لازم ينقد..
وأحيانا مبتلى بالتشره.. يالربع وين أنتم.. يالربع ماسلمتم..يالربع ماحطيتوا..
فتحس بمشكلة..
وأحيانا بالتوجع.. زوجتي سوت.. وزوجتي ماسوت..وولدي الكبير صار عليه...

وأم مرتي مالقت محرم يوديها مكه للعمرة.. يعني كل ماتشوفه.. تتحفز وش بيقول...!!
الغالب العام.. إنوه الناس عندهم سلبيات لكن إيجابياتهم تتطغى .
لكن هناك ناس.. السئيات يذهب الحسنات...!!
يعني لما يصير لك صديق عدد سلبياته 40% من إيجابياته..هذه تراها مشكلة..لأنه معناتوه
غالب جلساتك معه تنتظر وش بيطلع لك...!
تشره..توجع...نقد.. لاوالله مشكلة...يعني لازم أنت كل يوم تعيش معركة داخلية قبل تشوفه..

هذه نسميها عوامل تعريه ..تأكل في عالم الصداقة... أو عالم الموده اللي موجود..
بداخلك... جاي للإستراحة تبي تنبسط ..ماأنت بجاي تعالج هالأجودي..
وهذه سلبيات صعب الإستجابه..أو التعايش معها.. النبي صلوات ربي وسلامه
عليه قال عن المرأة/
فإن ذهبت تقيمها كسرتها.. لأنك تعرف وش النقاط اللي فيها..لكن هذا ماتعرف وش
هي السلبيات اللي فيه...كل يوم جايك مع باب..فاأنت جالس تسدد..شهورته...
أحسن شيء بهالأجودي هذا..إنك تودعه..مثل ماأستقبل به من حفاوة وترحيب..
أو ..وهي المشكلة في مجتمعنا.. ماعندنا النقد
عندنا في مجتمعنا.. يعتبر جريمة لاتغتفر..!!
النقد تراه جميل..لأن النقد بالنسبه لنا يسمى تقويم.. أنا بقومه..بخليه عدال..
ماني بجرحه.. ماني بكسر خاطرة..وبعدين أنا ترى مانقدته في ميكرفون..ولاقمت
أزاعق..أنا مسكته على جنب وقلت ياأخي ترى فيك النقطة السلبية...ترى فيك.. أحيانا المشكلة ريحته..المشكلة طريقة الأكل..أحيانا المشكلة كثرة هرج..تلقاه دائم يخطم.. بالسوالف..
بدل ماتصيرون عايشين على المجاملة.. ومتحفزين.. وتسولفون بيناتكم..ترى فلان فيه وفيه..
خلاص إنقدوا وخلونا نتعود على النقد...وخلوها تصير صداقة حميمية..
أكثر من أنها صداقة مجاملات.. أو نروح بس على أساس تخلص هالسالفة ونرجع لبيوتنا..

وبس والله

صباحكم سعادة وطمأنينة

للناس فيما يكتبون أشياء تشد الإنتباه/وأنا على باب الكتابه مهجتي شديتها

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget