==الباب الثال3ث عشر ==
==الفصل الثال3ث ==
$$في اخر سنه $$
لاحظنا التغير الكبير الذي طرأ على أبطالنا$$
وبالأخص توأمنا الأرب4ع $$
$$ أما بهذا اليوم ... فهي بداية أحداث سنه جديده$$
وهي اخر سنه $$
وبعدها التخرج الذي لطالما انتظروه $$
((تولين ....
وهي توها داخله الجامعه ...
نفسيتها صايره أحسن وواثقه من نفسها ويمكن أكثر من قبل ...
سنتين كفايه تقدر تجمع ثقتها مره ثانيه ...
لما دخلت بالمبنى .... بسرعه دقت على البنات تبي تسأل عن القاعه ...
لما عرفت ان المحاظره الأولى راح تبدى بعد دقايق ...
بسرعه وهي تركض تدور القاعه ....
أخيرا لقتها ...
فتحت الباب بسرعه ثم دخلت وهي تتنفس بتعب ...
دخلت بدون ماتنتبه انو فيه الدكتور ...
لما راحت بتجلس سمعت صوت يقول لها :~
ليش التأخير من أول يوم لنا محاظره ؟؟؟
-((تولين تصلب ظهرها بالمستقيم وهي تستوعب هالصوت اللي مو غريب عليها ابدا
وحافظته عدل ..
ماتبي تلتفت وتنصدم بشي ماتبيه ابدا ...
-(الدكتور طلال واقف وهو يطالعها ومو عارف مين تكون ..
لأنها معطيته ظهرها ...
((تولين واقفه موب قادره لا تتحرك ولا تجلس ...
شاكه انو يكون الدكتور طلال وهذا اللي ماتبيه ...
-(طلال مره ثانيه بقل صبر :~ تسمعين ولا أعيد حجيي ..؟؟
-(بلعت ريقها ثم التفتت بهدووووووء وهي تدعي ربها تكون غلطانه بالشك ...
بس اللي خايفه منه صار ..
أول مالتفتت طاحت عينها بعين الدكتور طلال ...
طلال يطالعها وهو موب مستوعب ..
حس بقلبه نغزه بشكل مؤلم لأنه من زمان ماشاف تولين من سنتين ..
للثواني طويله وهم يطالعون ببعض وموب قادرين يبعدون عيونهم ...
الكل حس بشي غريب بين الدكتور وتولين خاصتا ان سالفتهم قبل سنتين يعني
قديمه ...
بس فيه طالبين بالقاعه تذكرو السالفه وبتسمو عالخفيف ...
تولين بلعت ريقها ثم قالت وهي منزله راسها :~ ا ... اتوقع اني غلطانه بالقاعه ..
-(بسرعه قال :~ لحظه أدور اسمج عندي ...
((طلال وهو يدور أسمها عنده .... بالأخير لقاه بينهم ...
رفع عيونه ثم قال بهدوء:~ هاي قاعتج وأنا دكتوركم بهالماده ...
((تولين ندمت على حظها من بين كل الدكاتره مادرسها غير طلال ..!!!؟؟؟
-(طلال :~ خلونا نبتدي بشرح البدايه فقط ...
((تولين بهاللحظه جلست وقلبها يدق بقوووه ...
ماتبي ترفع عيونها عليه ..
حاسه بخوووووف وتوتر منه ..
أما طلال كل شوي تطيح عينه عليها وهي منزله راسها وماتطالع فيه ..
حس ان تولين تغيرت .. موب البنت اللي كان يوظح الحب بعيونها ولا تستحي
وتخفيه ...
الحين تتجاهله بأي طريقه ...
لما انتهى الشرح بنص الوقت قال :~ اليوم نكتفي بهالقدر ...
وانشالله بالمحاظره الثانيه راح نبتدي بشكل أكبر ..
تقدرون تطلعون ...
الكل وقف بيطلع أما تولين بسرعه وقفت بتطلع أول وحده ...
بس طلال بسرعه قال :~ تولين ... أبيج دقيقه ...
((الشابين اللي عارفين وضع طلال وتولين ابتسمو ..
تولين حست ان الشابين يطالعونها بنظرات محرررجه ...
عشان كذا عطتهم نظره احتقار ثم لفت على طلال ووقفت قدامه ...
الكل طلع من القاعه ...
ماعداها هي والدكتور طلال ...
للحظات وهم ساكتين ...
الجو بينهم توترررر ...
-(قطع الصمت والتوتر وهو يقول :~ من زمان عن بعضنا ...
-(نزلت راسها أكثر ولا قالت شي ..)
-(طلال وهو يطالعها :~شحالج ..؟
-(بلعت ريقها بصعوبه :~ بخير ..
-(سكت شوي موب عارف وش يقول :~ ماتوقعت راح اشوفج مره ثانيه او أدرسج
مره ثانيه ؟؟؟
-.....................
-(لاحظ سكوتها :~ شفيج ماتتحجين ؟؟
-(تنهدت بتوتر وهي تحاول تجمع شجاعتها ...
رفعت راسها وهي تحاول تكون مثل ماهي واثقه :~ أبدا .. بس ماأدري شقول ؟؟
-(ابتسم وهو يطالع عيونها :~ كيف علاقتج انتي وجواهر ؟؟
-من زمان عنها ...
-(توتر شوي ثم قال :~ انتي تدرين زواجنا بعد شهر ...؟؟
-(حاولت تخفي الرتباكها ثم قالت ببرود :~ لا مادريت ... عموما مبروك عليكم ..
-(رفع يده ثم حك حاجبه وهو متوتررررر :~ طيب انا ابي احاكيج بموضوع...
-تفضل ...
-لا موب وقته الحين .... بس ابي احاجيج عالمسن ..
-(توليت تذكرت انها حذفته من عندها .... عشان كذا قالت :~ بس ايميلي غيرته ..
-(ابتسم :~ تعرفين شلون تردين ايميلي للقائمه ...
-(بهاللحظه نزلت راسها متفشله ... لأنه احرجها كيف فاهم انها حاذفته عشان كذا تجاهل
تصريفتها وقال اللي قاله لها ....
سكتت ولا ردت ...
-(طلال :~ عموما اذا موب حابه تحاجيني براحتج ...
بس اعرفي اني راح اترياج على الساعه تسع الليل اليوم ...
فكري وانتي حره ...
((ثم لف وطلع ...
تولين وهي تفكر باللي قاله ... ))
""""""""""""""""""""""""""""""""""
((فيصل وهو يطق باب الجيران ..
-(فيصل بصوت قصير منقهر :~ هاي العيوز وينها ؟؟
((شوي الا وفتحت عجوز متحجبه ..
-(فيصل بسرعه :~ صباح الخير خالتي ... هاج ميما انا الحين بروح للجامعه
تأخرت وايد وانتي الله يهداج مافتحتي من ساعه ...
-(العجوز :~ هاه ؟؟؟
-(فيصل يعرف انو الخاله ماتسمع زين عشان كذا قال :~ هاج هاج بنتي ...
انشالله موب متأخر اليوم ... وهاج الشنطه بعد .... يالله فمان الله ...
((فيصل بسرعه دخل الشقه وحط ميما على المفرش بالصاله وهي نايمه ...
ثم طلع بسرعه ...
وهو يركض بالشارع وبيده كتابه طلعت عليه سياره ...
بغت تصدمه بس على اخر لحظه السياره لفت بقوه عنه ثم وقفت ..
فيصل طاح عالأرض وغمض عيونه وهو متحري ان السياره صدمته ...
صاحب السياره فتح الدريشه معصب :~ انت هيه شلون تطلع بالطريج جذي ؟؟
مينون ولا شنو ...!!!
-(فيصل فتح عيونه شوي شوي وهو موب مستوعب انه نجى من الحادث..
التفت على الرجال ثم قال :~ سوري بس كنت مستعيل ... بعدين انت الله يهداك
شنو هالسرعه ؟؟؟
-(الولد كشر :~ مثل منت مستعيل ...
((ثم حرك سيارته ومشى ...
فيصل كشر بقهر من الولد كيف بغى يموته وقاعد ينافخ عليه على اخر لحظه ..
التفت على كتابه ونظارته عالأرض ...
أخذ الكتاب ثم التفت ياخذ النظاره .... بس انصدم يوم شافها مكسوره ...
عض شفايفه بقهررر من راعي السياره ...
فيصل تعود على النظاره شلون بيقدر يتحمل اليوم من دونها ...
رماها عالأرض منقهر لأنها معدومه ...
رفع عيونه على تاكسي ..
رفع يده له ثم اتجه معاه للجامعه ...
بما ان سيارته الخايسه بالمحطه ...
تاركها من شهر ... لأنو مامعه دراهم تكفي لتصليحها ...
وهو اصلا يكره سيارته اللي كل اسبوع خربانه عليه ...
لما وصل الجامعه بسرعه دخل المبنى ومر على شلته اللي ماعرفوه ..
تعودو يشوفونه بنظاراته..!!
فيصل لما وصل قاعته ودخل للأول مره لهم ...
بسرعه قال له الدكتور اللبناني :~ تعى تعى ع وين ؟؟؟
-(التفت فيصل وهو يقول :~ بيلس ..؟؟
-(الدكتور وهو يطالع ساعته :~ بتعرف انتا هلئ كم الساعه ؟؟
-(فيصل برم شفته بملل ثم قال وهو يتكتف :~ لاء ...
-(الدكتور :ئ هلئ الساعه تسع .... ومن ساعه المحاظره ابتدت ...
وانت حضرتك هلئ اجيت ؟؟
-(فيصل بملل :~ طيب وبعدين ...!! يعني أطلع ؟؟
-(الدكتور استغرب من اسلوب فيصل بس قال بتجاهل للأسلوبه :~ أكيد ..
-(فيصل كشر عالخفيف وهو مقهور ثم قال :~ طيب من الأول قل جذي ...
((لما طلع لف بيسكر الباب ... بس كانت صدمته لما شاف وحده ماتوقع يشوفها ابدا ...
وتين ...جالسه على جمب القاعه وتطالع فيه ...
فيصل سكر الباب وهو موب مستوعب انهم يدرسون بنفس الكلاس ..!!!
لف بيروح بس طلعت بوجهه أميره اللي منزله راسها تطالع جوالها ومو منتبهه له ...
كشر لما شافها وبحركه منه مقصوده صقع كتفها بقوه وهو يمشي ..
طاح جوالها عالأرض وانفكت الشريحه والجوال طفى ...
فتحت عيونها عالاخر ...
الجوال لقته بس الشريحه اختفت ....!!!
رفعت الجوال وهي فيها الصيحه ..
توها شاريه هالجوال جديد والحين شاشته تتشعر بس بالخفيف ..
عضت على لسانها بقهر ثم التفتت بغضب ووبصوت عالي :~ هيه انت ...
((ماتدري انه فيصل لأنه معطيها ظهره ويمشي ...
بسرعه ركضت له وبقوه سحبت كتفه ووقفت قدامه وهي توها بتتكلم الا وطاحت
عيونها بعيون فيصل اللي وقف يطالعها ببتسامه ساخره ..
تكتف فيصل ثم قال :~ بسرعه عندج شي قوليه ....
-(أميره استوعبت الوضع شوي ثم حاولت تتجاهل حبها القديم واللي لازال موجود
بداخلها ... ثم قالت بغضب :~ انت ماتشوف طريجك ؟؟؟ شوف شساويت بجوالي ؟؟
توني شاريته يعلك الكسر كسرته لي ... وشريحتي ضاعت ... بسرعه دورها لي قبل لا
احوسك هني ..
-(كشر بقرف :~ تحوسيني ؟؟؟؟ شنو هالألفاظ يابنت ... رقي رقي شوي من اسلوبج ؟؟
صج انج ولد ... حتى الولد الركد منج .... ((ثم حط يده على كتفها ودفها عن
طرقه وهو يقول :~ يالله يالله بس موب فاضي لج ...!!
-(أميره فتحت فمها عالاخر مصدومه ... هالولد صدق صاير ينرفز لها اعصابها..
بسرعه سحبته مع قميصه من ورى لين ماوصلت المكان اللي طاح فيه جوالها ..
-(دفته قدامها بالقوه رغم انه ماتأثر بما انها صغيره وحجم فيصل غير ..
:~ يالله اشوف جدامي دور الشريحه قبل لا اقولك تشتر لي شريحه يديده ..
طلع لي شريجتييييي ..
-(بتريقه :~ شريجتي ..!! شنو شريجه هاي ...ههههههه صج انج متحمسه
وبالزياده ياحلوه ...
-(طاح وجهها بس تجاهلته وهي تقول بنفس قهرها :~ اقول لا يكثر ودورلي الشريحه اللي ضاعت بسببك ..
-(قرب منها ثم دنق وهو قاصد يربكها ثم قال ببروووود وبتسامه مرحررررجه للأميره :~
طيب واذا قلت لج ماراح ادور شبتساوين ؟؟؟؟
-(أميره جمدت مكانها بسبب حركته الجريئه وقلبها يدق بقوه ...
-(فيصل ابتسم ثم قرب أكثر من عند أذنها ثم قال :~
للحين تحبيني ..؟؟ اعترفي ... للحين ماقدرتي تنسيني صح ..!!؟؟
((ثم بعد عنها وهو يطالعها ببتسامه على جمب .. رفعت عيونها عليه بتوتررر ..
فيصل بحركاته المغزلجيه نفسها ويعرف كيف يوتر البنت اللي قدامه ...
غمز لها ببتسامه ثم قال :~ لا تتعبين اللي تحبينه ... عشان تكسبين قلبه ...
وتحققين امنيتج ...
-(لما جى بيروح مسكت ذراعه ثم قالت بسخريه :~ من وين يايب كل هالثقه بروحك
؟؟؟ لا صج سؤال يطرح نفسه ..؟؟
-(فيصل رفع حواجبه وهو مبتسم ثم قال :~ يطرح ولا يسدح .. الحب واظح بعيونج ..
والدليل اخر مره اهتميتي ببنتي عشان تحتكين فيني ... والحين صدمتيني
قاصده عشان تحاجيني ..؟؟ .... للحين مايأستي مني ...هههه ...
باي ياحلو ..
-(أميره فمها بيطيح من الصدمات اللي كل شوي يجبها فيصل لها ...
وهي بتموووت من ثقته العمياء بنفسه ...
فيصل بعد يدها وكأنه متقرف ...
ثم لف وراح عنها ...
أميره تبي تتكلم بس لسانها انربط من القهر ... بجد ثقته بنفسه بتجلط أميره ...
التفتت تدور شريحتها بس مالقتها وهي تقول بقهررر بصوت واطي :~
هذا مينون ..!! من اللي صدم من ؟؟ ومنو اللي فكر اصلا يهتم ببنته
ؤم لسان طويل على ابوها ...مالت عليكم يالخايسين ....
((أميره لقت البطاريه ... بس الشريحه مالقتها ...
وأخيرا فقدت الأمل انها تلاقيها ...
وقفت رايحه للقاعتها وهي تدعي على فيصل بقهررررررررررر ...
للدرجة انو العبره خنقتها من النار اللي تشتعل بقلبها من فيصل عديم الأحساس ..
يموت بس يقهرها ويشعل النار بقلبها .. يستانس وهي تموت قهر ...
دخلت قاعتها وبقوه صقعت بالباب ثم جلست ..
-(الدكتوره بصدمه قالت بقهر :~ يابت .. ايه اللي بتعمليه دا ..؟؟
ببيتكم انتي ولا ايه ..؟؟ الله ..!!
-(أميره بقلبها :~ هاي اللي تبي تنجلد الحين ... ؤففف ...
"""""""""""""""""""""""""
بعد الجامعه .................
بالليل على الساعه ثمان ونص ...
تولين جالسه عند أمها وهي تفكر بطلال وكلامه لها اليوم ..
تقوم وتقابله مسن ولا لا ؟؟؟
ؤففففف أحسن شي أطنشه .... هو بيتزوج قريب شيبي مني ...
-(ماحست الا بصوت أمها :~ تولين وين أحجار الريموت ؟؟
-(تولين منسدحه عالكنبه الثانيه ثم قالت :~ خلصت ...
-طيب وينها ؟؟
-رميتها ... بس فيه أحجار ثانيه بالدرج ..
((ثم قامت وطلعت الأحجار من الدرج وهي تقول :~ هاج ...
((ثم رجعت وانسدحت وهي تفكر بطلال ...
أم تولين حست بتولين ..
التفت عليها ثم قالت :~ اقول شتفكرين فيه انتي ؟؟؟
-(تولين :~ أبد ولا شي ...
-(أم تولين:~ متأكده ؟؟؟
-(ابتسمت بدون نفس :~ ليش ..؟
-مدري عنج ..؟؟
-(سكتت شوي ثم جى على بالها فيصل .... أم تولين التفتت على التلفزيون وبدت تقلب عالقنوات ..
-(تولين :~ اقول ماما ..
-نعم ...
-(وهي تفكر بالموقف اللي صار قبل سنتين :~ تصدقين مره
بالجامعه صار شي غريب ...
-(بدون ماتلتفت عليها قالت :~ شنو ؟؟؟
-(سكتت شوي وهي ماده بوزها تفكر :~ تخيلي انتشرت بالجامعه اشاعه
عني وعن ولد وبنت ...
-(التفتت أمها بستغراب :~ شلون يعني ؟؟؟
-امممم ... مدري شي غريب ... بس من المفهوم ان الولد والبنت أخواني ؟؟؟
-(أم تولين حست بدمها جمد ..... بلعت ريقها وهي ساكته موب قادره تنطق ولا حرف ..
-(بس تولين قطعت عليها :~هه والله فضاوه ذالطلاب ...ماعاد عندهم شي غير يطلعون هالإشاعات
الفاضيه ...... انا اصلا ماصدقتهم ... يعن....
-(قطعت عليها أمها بسرعه :~ مافي بنت ثانيه ؟؟؟
-(عقدت حوابها :~ لا بس بنت وولد يقولون انهم اخواني ..!! وييييع عاد مالقو
يصير اخوي الا اكبر مغازلجي بالجامعه كلها ...
ولا اللي على قولتهم اختي ..... هالخانسه اللي شوي وتموت ... بسم الله علي ...
-(أم تولين حست ان الدعوه أكيد فيها شي .... بلعت ريقها بخوف ...
ثم قالت :~ منو متى هالسالفه ؟؟
-أممم تقريبا قبل سنتين .... قديمه هالسالفه ... بس مدري ليش افكر فيها دوم ؟؟
-(أم تولين قلبها يدق أكثر وأكثر :~ طيب هم للحين وياج بالجامعه ؟؟؟
-أي ... وقريب شفت الولد ... لا ابشرج يايب بنت بالحرام بعد ..
ستغفر الله الله لا يبلانا مابتلاه .... ماعاد الا ذي اخوي يصير من هالأشكال
اللي ماتخاف ربها .... خلاص عباله وسيم يقدر يساوي أي شي على كيفه ..
واللي مطير عقلي ياماما تخيلي الكل يدري انها بنته بالحرام من وحده اجنبيه ..
بس البنات للحين يتلزقون فيه ... مدري موب هاضمه هالولد ...
احسه مو شي ...
-(أم تولين نزلت راسها بضيقه وهي خايفه بكون صدق هذا اخوها التوأم ...
خافت أكثر لو تولين تدري وبعدين بتتهم امها انها خبت عنها هالسر الكبير والمهم بالنسبه
لتولين ..... ماتدري وش تقول بس فضلت الصمت على انها تتكلم ..
تولين رفعت عيونها على الساعه ولقتها تسع ونص ...
مر الوقت بسرعه ...
معقوله يكون يترياني ؟؟؟ لا مستحيل ...
((غمضت عيونها تولين وهي تحاول تتجاهل طلال ....
مرت نص ساعه ثانيه وهي تلهي نفسها بأي شي ...
لما طالعت الساعه على عش10ر ...
حست بفضول كبير ودها تعرف هو صدق ينتظرها ولا لا ...
تذكرت جواهر انها راح تكون زوجته بعد شهر ...
حست بتأنيب الضمير عشان كذا تجاهلت موضوعه ثم رجعت للأمها وبيدها قهوه ..
جلست وتقهوت هي وأمها وهم يسولفون ...
مع السوالف والضحك مرت ساعه ونص ...
قامت بتشيل القهوه وامها بترقى تنام عشان الدوام بكره ...
لما رجعت بترقى للغرفتها ...
دخلت وشغلت المكيف ثم سكرت الأنوار وشغلت الأبجوره الخفيفه ...
انسدحت على السرير ...
رفعت عيونها على الساعه 11ونص ....
معقوله يكون للحين عالمسن ...
مستحيل ..
هذا اذا كان دخل من الأساس ...
توها بتطفي الأبجوره ...
قامت بسرعه وشغلت اللاب وقلبها يدق بقوه ...
لما دخلت عالمسن ... رجعت وأظافته للقائمه عندها مسن ...
خاب ظنها لما شافته موب متصل ....
أكيد شي طبيعي دام باقي شهر يتزوج جواهر ...
صج ماعندي سالفه ...
((توها بتطلع الا ولاحظت ان طلال شابك .... والقائمه توها تطلعه انه شابك ...
يعني شابك من الساعه تسع ...
مستحيل ...
بلعت ريقها اللي جف بخووووووووووووووف ...
ماحست الا باللي دخل عليها مسن وقال :~
ْْْْْْْْْْْْْْْْْ
تأخرتي ......
-*************** (عضت شفتها وهي موب مستوعبه ...وأخير كتبت بيدين بارده من
التوتر :~
من متى وانت تترياني ؟؟
-ْْْْْْْْْْْْ..
من الساعه ثمان رغم اني قايل لج الساعه تسع ..والى الحين وانا اترياج تتدشين ...
توقعت راح تدخلين .... بس تأخرتي وايد ...
-********************* (حست بضيييقه كبيره وهي تندم على حظها
اللي ماترك طلال لها وبس .... كتبت وأخيرا :~
سوري ...
-ْْْْْْْْْْْْْْ..
على شنو ؟؟
-********************...
خليتك تترياني كل هالساعات رغم اني ماكنت بدخل مسن ...
-ْْْْْْْْْْْْْ ..
بس انتي الحين دخلتي .... ومايهم هالساعات دامني قد انتظرتج
سنتين وكله أفكر فيج ...
-******************** (قلبها صار يدق بقووووه ... يدينها بدت ترتجف خوووف..
تحبه ... تمووت فيه للحين .. وهي عبالها نسته ...
وأخيرا كتبت :~
بس انت بتتزوج قريب ...
-ْْْْْْْْْْْْْْْ...
وهذا اللي ابي اكلمج عنه ...
-****************..
؟؟
-ْْْْْْْْْْْْ..
تولين .... ابي أكون صريح وياج اليوم ...
وكل اللي عندي راح أقوله ...
وأنا رجال موب صغير عشان اقعد وأماطل الوضع ...
تدرين ان عمري الحين حول سته وثلاثين ...
يعني الحجي اللي بقوله صج وموب جذب ...
تقدرين تسمعيني وتفهميني ولا لا ..؟؟
-********************..
قول اللي عندك ...
-ْْْْْْْْْْْْْْ..(( سكت شوي ثم كتب :~
ماقد سألتي نفسج ليش للحين ماتزوجت حتى من قبل لا اعرفج ..
-***************..
امبلا ...
-ْْْْْْْْْْْْ...
الحقيقه كانت فكرة الزواج عندي مستحيله ... يعني مستحيل اتزوج ...
لأني مابي اتزوج ابدا ....
ماتبين تعرفين السبب ..؟؟
-****************..
اذا ممكن ..؟؟
-ْْْْْْْْْْْْ((سكت شوي ثم كتب :~
عندي رفيج لما كنت بالصف الثانوي ...
رفيجي هذا يحب وحده بشكل جنوني ...
بس هالبنت كانت من النوع اللعاب ... يعني جذابه بشكل موب طبيعي ..
تعلق العيال فيها وبعدها تكسر فيهم ...
ومن بين هالعيال اللي لعبت عليهم رفيجي المسجين ...
رفيجي هذا مره طيب بشكل كبير وعلى نياته ...
عشان كذا هو أكثر واحد قدرت تلعب عليه بسهوله ...
وهو أكثر واحد يعشقها .... وبرضو هو أكثر واحد كاسره فيه ومخليته
يخدمها بأي شي ...
-*******************...
شلون يعني بخدمها ؟؟؟
-ْْْْْْْْْْْْْْ..
أي شي تطلبه منه علطول ييبه لها بأسرع وقت ...
المهم انا كنت عارف كل الاعيبها اما رفيجي مخدوع فيها ...
جم مره كنت اقول لسامي تلعب عليك جان يعصب علي ويزفني ...
بعدها صرت اسكت وأقول ماعلي منهم ...
ومره من المرات دقت هالبنت علي ...
شلون يابتا رقمي ماأدري ؟؟؟ وعلى فكره البنت هاي
أكبر مننا بست سنين ...
يعني انا ورفيجي عمرنا حول 18سنه وهس عمرها 24سنه ...
المهم انها قالت لي ابي ابني علاقه وياك ...
انا بهاللحظه انصدمت شلون تقول جذي وهي تدي اني أقرب واحد من سامي ...!!
ولما قلت لها مستحيل ... قالت طيب شوف انا شبساوي في رفيجك سامي ..
انا ماهتميت لحجيها وتهديداتها ...
المهم بعد اسبوعين الا يوصلني خبر سامي بالمستشفى ...
لما وصلت له ودخلت عليه الا جان يزفني ويظربني وهو يبجي ...
بعدها لما عرفت السالفه من نفس البنت وهي تضحك انها قالت لسامي
اني احاول اتقرب منها وأخون سامي من وراه مع هالبنت ...
سامي فيه ضيق تنفس ... بسبب قلبه .... قلبه من هو صغير فيها فجوه ..
واي شي يضايقه علطول يتعب تنفسه ويطيح .... ويمكن يموت ...
المهم بالنهايه انا رفضت اعطيها ويه بس هي ظلت وراي ..
وانا وسامي ردينا للبعض مثل أول خاصتا ان قلبه ابيض ويسامح بسرعه ..
صحيح ماسويت شي بس تجاهل السالفه ورجعنا ...
-****************..
طيب رجع لها مثل أول ..؟؟
-ْْْْْْْْْْْْْ..
وأحسن بكثير ... بس من وراه تدق علي وتبدة تهددني لو ماأعطيها
ويه .... انا الصارحه كنت خايف تنفذ تهديدها مثل أول مره ..
أول مره نجى سامي بأعجوبه .. بس شنو يضمن لي انه بينجى المره الثانيه ..
رغم ان البنت تدري انه مريض بس موب هامها ...
بعدها هددتني بسامي وبتجذب عليه جذبه ثانيه بس اقوى من اللي قبل ...
انا ماقدرت الرفض ... خفت على سامي ...
وبعدها صرت احاجيها عالجوال كل يوم وكل ثانيه ودقيقه ...
صارت تطنش سامي وتحاجيني ...
سامي سائت حالته ... ولما دريت عنه قلت لها ..
احنا ماتفقنا على جذي .. اذا بتهدينه وتهملينه ماراح احاجيج عالجوال ..
قالت لا خلاص برد احاجيه وأدير بالي على صحته ...
المهم تحسنت حالى سامي ..
بس بعد شهرين وأنا وياها كل يوم نحاجي بعض ...
انا مليت من الوضع .... قلت لها لين متى ..؟؟
قالت لين تتخرج ونتزوج .... ضحكت عليها ... من صجج انتي ؟؟
قالت أي ... قلت لها مستحيل اصلا انا اكرهج وموب متحملج الا عشان
خايف على صحة سامي ...
قالت انا احبك ومن هالحرابيط ولو ماتبينا نتزوج قل لي من الحين عشان انفذ كل تهديداتي
وأقول للسامي انك تحاجيني كل هالأيام والأسابيع من وراه وتخون صداقتكم ...
انا بهاللحظه وصلت معي وقلت لها قولي له وأنا بقول له انج تحذبين ...
بهاللحظه قالت مستحيل يجذبني لأني مسجله كل مكالماتي انا وانت مع بعض ...
بهاللحظه انا بجد انصدمت من خباثتها وحقارتها ...
سكرت الخط بوجهي .... عرفت انها راح تنفذ تهديدها ...
دقيت على سامي بس مشغول ... دقيت ودقيت بس برضو مشغول ...
فقدت الأمل من كل شي ...
ماعاد ادري شساوي ... قررت الروح له بالبيت رغم ان بيتهم بعيد عننا ...
بس رحت له وكان ليل مره ...
لما وصلت بيتهم محد فتح لي ...
رنيت ورنيت الجرس بس محد فتح ...
بعد يوم عرفت ان سامي بالمستشفى ...
عرفت ان البنت قالت له عن كل شي وسمعته كل التسجيل ...
بعد اسبوع وصلنا خبر وفاته .....
ماقدر ينقذونه الدكاتره لأن تنفسه ضاق من بعد اللي قالته له البنت ...
المهم بعد وفاته مادريت انه كان مرسل لي تسجيل صوت له ....
لما سمعت اتسجيل وهو يقول ....
اخر شي توقعته تساوي فيني جذي ....
كننا أعز قلبين على بعض من أول ماطلعنا على هالدنيا ...
وباأخير جذي تخونني مع حبيبتي من وراي ؟؟؟
تأكد اني ماراح اسامحك ... حتى لو مت ... بموت وانا ماسامحتك ...
بالتوفيق لك مع اللي يحبها قلبي ..
من بعدها ياتولين .... صرت أكره شي اسمه حب وبنات ...
قررت ماأتزوج من بعد مافقدت أغلى انسان على قلبي بسبب هالبنات ...
كرهتهم بشكل ماتتصورينه ... بعيني كلهم جذابين ولعابين ...
لين ماعرفتج عالمسن وأنا كنت متوقع انها جواهر ...
حبيتها من اسلوبها .... وماأخفي عليج كنت مستغرب شلون ماعرفت جواهر ..
انا متاكد جواهر ماكانت جذي .. اسلوبها غير ...
عموما انتي غيرتي قلبي اللي كان ميت على ذكرى سامي ...
احييتيه مره ثانيه ... وكنت مستعد للزواج من اللي احيت قلبي اللي كان مستحيل
أحد يدخله ...
ماأخفي عليج بعد اني استغربت جواهر شلون دخلت قلبي رغم اني ارعفها من زمان
ولا قد دخلت بقلبي وكنت معتبرها اخت لي ...
وأخيرا عرفت ان اللي احيت قلبي ودخلته ...
هي انتي ...
عشان جذي أنا مستعد أنفصل عن جواهر وأتقدم لج ...
-****************((سكتت شوي وعيونها غرقت دموع ...
من بعد هالقصه اللي قالها لها حست بقلبها رجع يتعلق فيه أكثر وأكثر ...
تحبه بشكل جنوني .... بس بالأخير كتبت بضيقه كبيره :~
بس انا لقيطه ؟؟
-ْْْْْْْْْْْْْ..
وقلبي حبج وماهمتم بأي شي من هالأفكار اللي ببالج ...
تولين انا احبج ومايهمني لا اصل ولا فصل دامج انتي اللي قدرتي من بين الكل تدخلين
قلبي اللي من المستحيل احد يدخل فيه ويحييه لي مره ثانيه ...
انتي غيرتيني .... تولين انا أحبج ...
-***************((نزلت دموعها وهي ماتدري تستانس ولا تبكي بضيقتها :~
صج تحبني ..؟؟
-ْْْْْْْْْْْْْْ((ابتسم بحنان ثم كتب :~
لا ماأحبج .... الا اعشقج ...
-*******************((ابتسمت من بين دموعها وضيقتها ....))
-ْْْْْْْْْْْْْْْ...
لا يكون حبج لي تغير ..؟؟
-***********************((ابتسمت بضيقه وهي تبكي :~
ياليت .... بس ماقدرت ...
-ْْْْْْْْْْْْْْْ...
أحسن (^__^)...
-*********************((تولين ماتدري وش صار فيها نزلت راسها وهي تبكي من قلب ..
تفكر بجواهر وتفكر بنسبها وتفكر بالحاله اللي هي فيها ...
شلون يهون عليها تاخذ زوج صديقتها ...
هذي قويه ومو سهله ابدا ...
يمكن انو تاخذ حبيب صديقتها اهون من انها تاخذ زووووووجها ...
-ْْْْْْْْْْْْْ((طلال حس انها ماردت :~
تولين انتي وياي ؟؟؟
-*********************((رفعت راسها وهي تبكي ثم كتبت :ئ
طيب وجواهر ؟؟؟
-ْْْْْْْْْْْْْْ...
جواهر موب اللي قلبي يحبها ويبييها ....
-**********************..
بس ماأقدر اخليك تتركها وتنفصل عنها بسببي ...
-ْْْْْْْْْْْْْ..
تولين انا لو بتركها وبنفصل عنها راح يكون عشان
حواهر ماتنظلم معي وانا ماأحبها وقلبي مع وحده ثانيه ...
تبيني اظلمها وأتزوجها وعيشتها بتكون سيئه ..؟؟ ولا اننا ننفصل
وتدور لها على الزوج اللي يسعدها ويحبها ...
تولين انا ماأحبها وأبي الزوج اللي يسعدها ...
تولين ...
-**********************..
لبيه ...
-ْْْْْْْْْْْْْْ..
تولين حتى لو انتي ماتبيني .... انا بنفصل عن جواهر ...
مابي اظلمها معاي ...
حتى لو ماتبيني راح اترك جواهر ...
جواهر تستاهل الريال اللي يحبها وتحبه ...
بس كل هذا ماراح تلاقيه عندي لأن قلبي عندج انتي وبس ...
-******************((تولين نزلت راسها وهي تبكي ..
-ْْْْْْْْْْْْْ..
تولين ليش ماتردين ..؟؟
-****************((بسرعه كتبت وهي تبكي :~
خلاص انا بطلع تامرني على شي ؟؟؟
-ْْْْْْْْْْْْْْ..
تولين فيج شي ..؟؟ انا قلت شي زعلج ؟؟
-*****************..
بالعكس .... بس ابي انام الحين ...
-ْْْْْْْْْْْْْ..
اها ؤكي نوم العوافي ...
-**************************..
الله يعافيك ....
((ثم سكرت المسن بسرعه وانسدحت على سريرها وهي تبكي من قلب ...
تولين المفروض تستانسين ....
ليش تبجين ؟؟؟
اللي تحبينته يحبج ويبيج ؟؟؟
ليش تبجين ليش ؟؟؟...))
"""""""""""""""""""""""""""""""
((بالمطار ...
بندر وصل للمطار دبي ...
جاي ويبي يرجع وهو معاه عيال اخوه ...
$$ فهل فعلا سوف يستطيع بأن يحقق مراده .؟؟$$
سوف نرى بالأحداث القادمه ..$$
الى لقاء قريب ..$$
بأحداث وتطورات كبيره ..$$
سلامي للجميع ...
((فيرزاتشVirsatChe ي)) ...
أو ..
((دم حبيبي يرويني))
Salam……………………..

==الباب الرابع عش14ر ==
==الفصل ال1أول==

باليوم الثاني في الجامعه...
ميشو متسنده عالجدار وهي جالسه بالأرض وحاطه السماعات بأذانها
وتتفرج عاللي رايح واللي راد ...
مرت من قدامها أميره اللي واظح عليها اخلاقها مغلقه ...
-(ميشو ابتسمت :~ شعند الحلو معقد حواجبه ؟؟
-(أميره التفتت على ميشو ثم قالت بطفش :~ تراني معصبه ..
-(فكت السماعات ثم قالت بضحك :~ ؤخص موب سهله ... منو اللي معصب بج ؟؟
-(أميره التفتت عليها ثم قالت :~ لو بقولج شبتساوين له ؟؟
-(ميشو غمزت لها :~ افا عليج ... بأدبه لج ...
((أميره ابتسمت وبسرعه جلست جمب ميشو وهي تقول بحماس :~ صج والله ..
-(ميشو بدون ماتلتفت عليها قالت بثقه :~ قولي لي بس منو ؟؟؟
-(أميره ببتسامه وسيعه بانت أسنانها :~ طيب بقولج السالفه ...
تخيلي واحد اسمه فيصل بقوه صدمني مع كتفي وطاح جوالي وانا توني شاريته
جديد يعله الكسر فصيلوه ... شوفي شاشته كيف مكسوره شوي ... لا وأبشرج الشريحه ضاعت
وهو السبب ...
-(ميشو ابتسمت ابتسامه جانبيه ثم قالت :~خلاص انتي وريني شكله
وتركي الباجي علي ...((ثم عمزت لها ))
((أميره بسرعه بحماس وهي تمسك يدين ميشو وتوقفها:~ يالله يالله الحين ..
-((ميشو ضحكت على حماس أميره بس قامت معها رغم انو ميشو أكبر من أميره بسنه
يعني كبر التوأم والباقي ....
أميره وهي تركض وتسحب معها ميشو اللي تمشي ببطئ وبرووود ...
لما طلعت من باب المبنى علطول التفتت عليهم ثم قالت :~ شباب وين فصيلوه
رفيجكم هالخايس ...
-(الكل انصدم منها ... ماعدا فهد اللي ابتسم :~ هالخايس اللي تتحجين عنه
مشتغل دفاره على اخر سنه ...
((أميره التفتت على ميشو ثم قالت :~ خلينا نيلس جدامهم علبال مايي فصيل ...
-(ميشو ضحكت :~ يالييل ؤكي ولا يهمج ...
((جلسو قدامهم عالأرض بالجهه الثانيه ...
ميشو تسندت عالجدار وحطت السماعات على أذانها وهي مغمضه عيونها ..
أميره التفتت على ميشو وسحبت منها السماعات وهي تقول :~
ميشو لا يفوتج شكل ذاللي ياينا ..
-(ميشو التفتت على الولد اللي يده كلها وشم الوان... وواظح عليه
موب عربي ..:~
ههه خليه يوسع صدره ..
-(أميره وهي تتكلم بلهجه موب عاجبها وضع هالولد :~
بسم الله علينا والله حسبالي خريطة غابه مسكونه بيده ...
-(ميشو ضحكت على أميره :~هههههههه ليش ماتساوين مثله ...
-(أميره كشرت بقرف :~ بسم الله علي الله لا يسخط علينا ....استغفر الله ..
((ثم فتحت بلوزتها وهي تتفل على روحهها :~ تف تف تف الله لا يبلاني ...
-(ميشو ابتسمت ببرود وهي تقول :~ شفيج ..!! .... طيب شوفي ...
((ثم لفت ظهرها على أميره ورفعت قميصها لين انكشف نص ظهرها اللي مرسوم
عليه رسم بالوشم أسود على جلدها الأبييييض ...
أميره كشرت بقرف وهي تطالع ظهر ميشو ...
ميشو نزلت القميص ثم تسندت ولفت عيونها على أميره وهي تقول بلا مبالاه :~
شفي ويهج قلب الوان ؟؟؟
-(أميره وهي تطالع ميشو بستغراب وقرف ....
-(ميشو سندت راسها على الجدار وهي تطالع فوق وتضحك على شكل أميره :~
هههههههههههههاي ... ياحياتي شفيج مرتاعه جذي ؟؟؟ ترى نو بربلم الوضع لا تخافين ؟؟
-(أميره تحاول تستوعب شوي ... ثم قالت وهي موب مستوعبه :~ انتي متأكده انج عربيه
ولا مسملمه ؟؟؟
-(بهاللحظه انقلب وجه ميشو .... يعني ولا وحده من اللي قالتهم أميره بمزح صدق ..
لا هي اللي تعرف ربها وتعبده ولا هي اللي عربيه ...
توترت شوي ثم قالت بنرفزه :~ يعني شرايج ؟؟
-(أميره ببرائه :~ مدري بس صراحه ماتوقعتها منج ؟؟؟ انتي تدرين ان ربي
لاعن الواشمات والمستوشمات ؟؟؟
-(بلعت ريقها بتوتر ثم قالت :~ طيب لا يكثر ...
-(أميره توها بتتكلم الا وقاطعتها ميشو وهي تقول للنارا اللي مرت من قدامهم..
-(ميشو بسخريه :~ياحلو وينج مختفيه سنتين ؟؟
-(نارا طنشت ميشو وهي تمشي بتنزل من الدرج للحديقه ..
بس بالمقابل رقو من الدرج قروب نارا اللي من زمان ماشافوها ..
كانو بيدخلون المبنى بس انصدمو من شكل نارا ...
وقفو قدام نارا بحيث ميشو وأميره جالسين على يسارهم ...
وقروب فيصل على يمينهم ...
-(مها الإيمو :~ نارا..!!!!
-(نارا دخلت يدينها بجيوبها بملل وهي تقول :~ لا ظلها ...
-(لميا الإيمو عقدت حواجبها موب مستوعبه شكل نارا :~ نارا وينج من زمان ...
بعدين شلون جذي ((اخر كلمه قالتها وهي تطالع وجه نارا اللي كله جروح ويدينها
وشعرها المحلوق ...وقتها اللي مغطيه نص وجهها ...
-(نارا بلا مبالاه :~ شايفه يني جدامج ؟؟؟
-(ميشو ضحكت بصوت عالي :~هاهاي رهيبه منج هالمره ..
-(نارا التفتت على ميشو وهي تطالعها ببرود :~ وانتي شكو ..؟؟
-(ميشو ابتسمت وهي تحس بحماس ليش ان نارا بدت تكون على جو ميشو ..
الوضع اللي كله طقاق ومراد على بعض وقلة حيا ...
ابتسمت ميشو بإعجاب وهي تقول :~ عجيبه انتي ...
-(نارا لفت ببرووووووود وهي تطالع شلتها ...
-(لميا ابتسمت لنارا وهي تقول :~ نارو بجد وحشتينا ... صحيح اختفيتي ومرات نشوفج
بالصدفه ... بس تختفين ماندري وين تروحين ..
تعالي ويانا وربي وجشتينا والقروب بدونج بايخ ...
-(ميشو بصوت عالي وضحك :~ نارووو ...هاه .. هاهاي ... اقول ياروح
قروبج روحي وياهم قبل لا يقلبونها عزى ...
-(نارا التفتت على ميشو ثم قالت بهدوء :~ ليش ماتسكتين احسن لج ..
-(ميشو هذا اللي تبيه .. تبي طقاق مع نارا بالذات من بين كل البنات ..
ابتسمت :~ تعالي سكتيني انتي بنفسج ...
-(نارا فهمت انها تقصد طقاق ... :~ لو بتطاق وياج جان تطاقيت بدون ماأتريا عزيمه
منج ....
-(من الجهه الثانيه بقروب فيصل ضحكو بصوت عالي وهم يقولون مع بعض :~
وووووووووووووووووووووه ......
-(ميشو ابتسمت وهي مطنشه قروب فيصل :~ طيب بتريا عزيمتج بأي يوم دامج
ماتقبلين عزيمتي لج ...
((نارا الفتت عنها ثم راحت عن الكل للحديقه تجلس لحالها كالعاده ...
أما قروبها لفو ولحقوها وهم موب مستوعبين ان هذي نارا ...
-(أميره بصوت قصير للميشو :~ اقول ميشو من صجج بتتطاقين ويا هاي اللي تخوف ..
-(ميشو ابتسمت :~ لو تدرين ان هاي تعيبني .. بس ليش ماأدري ..؟؟
-(أميره شهقت بروعه :~ بتخاوينها ...!!!!
-(ميشو بالخفيف ظربت راس أميره وهي تقول :~ من صجج انتي .. شنو شايفتني جدامج؟؟
-(أميره حطت يدها على صدرها براحه وهي تقول :~ أشوا بغيت انحاش منج ..
-(طالعتها بنص عين بس سكتت وهي تتذكر الإشاعات اللي تطلع عنها كذب ..
حست بضيقه بس تجاهلت الموضوع ...
بهاللحظه طلع فيصل من الباب ثم لف على قروبه اللي جالسين وهو يقول بصوت عالي
وبحركه بيده لهم يأشر :~ whos the one that the girl like….??...
((الترجمه~~> من هو الذي تحبه الفتيات ...؟؟...))
-(كلهم مع بعض وبنفس الإشاره له :~ youuuuuuuuuuuuu……..
((أنت))
-(فيصل وهو يستهبل قال بغرور :~ ofcooooooarce . . . . . ...
((طبعا^_*))
-(أميره كشرت وهي تقول بصوت خفيف :~ أموووت أنا عالثقه ... مالت ...
-(ميشو التفتت عليها مو فاهمه :~ شنو حاجيتيني ؟؟
-(أميره التفتت عليها :~ لا لا ... سمعي هذا هو فيصل اللي واقف يعل ريوله الكسر ..
-(ميشو :~ للهدرجه حاقده عليه ؟؟
-واه وأكثر ماتتصورين ...يالله يالله قومي عليه ..
-(ميشو مسكت ضحكتها على أميره :~ مينونه ...
-(أميره التفتت على فيصل وهي تقول بصوت قصير :~ يعل اللي ينني العما...
((ميشو مافهمت عليها بس اكتفت انها وقفت وراحت للقروب فيصل ...
فيصل جالس بينهم ...
-(فهد أول ماشاف ميشو واقفه قدامهم قال :~ لا يكون الدور يانا ....
-(ميشو مالقته وجه ولا حتى طالعة غير فيصل ...
:~ انت فيصل ...
-(فيصل رفع حاجب وهو كان يطقطق بالجوال ... ثم قال بستغراب :~ أنا ..!!!
-(ميشو من طرف خشمها :~ لا اللي يمك ... أي انت ...
-(فيصل ابتسم ثم قال بثقه :~ تبين رقمي أكيد ... عبادي عطها رقمي
مشغول انا الحين ...
((أميره من بعيد كشرت بقهر وهي تقول :~ هذا اللي بيجلطني من ثقته الزايده ..
أصبر بس وتراويك الشغل ميشو مالت عليك ...
-(ميشو ضحكت بسخريه :~ والله ظريف ...
-(فيصل وهو يعدل شعره ويقول ببتسامه حلوه :~ ماعليج زود ...
(ميشو حست ان فيصل من النوع اللي واثق من نفسه بشك مو طبيعي
عشان كذا قالت :~ وين الشريحه ..؟؟
-(رفع عيونه عليها مستغرب .... سكت شوي والكل ساكت موب فاهمين شتقصد ..
فجأه ضحك فيصل ثم قال وهو يغمز لها :~ هاهاها .. شكلج من النوع الطماع ..
تظربين عصفوين بحجر واحد هاه ...
-(متعب التفت عليه وقال بستغراب :~ شتقصدون ؟؟
-(فيصل بثقه :~ يالحبيب البنت تقصد أشتري لها شريحه عشان تحاجيني من ورى أهلها ..
ماتدري انها هي الميته علي موب انا ..
((ثم التفت عليها وكمل :~ عيب ياماما الوحده تحاجي شاب
من ورى أهلها ... ماعلموج أهلج هالحجي ؟؟
-(برهوم وهو يطالع ميشو من فوق لتحت ويقول :~ ماتوقع انها من النوع اللي
تكلم من ورى أهلها .. هذا اذا كانت عربيه أصلا ...
-(ميشو حست بقهر من كلام برهوم لأنه جابها عالجرح :~ تاج راسك أنا
سواء عربيه ولا افريقيه ... ماجان ناقصني غير ##### ..
((الكل شهق من كلامها الوقح ...
-(فهد ضحك :~ هيه انتي من وين يايبه هاللسان ؟؟
-(ميشو من طرف خشمها :~ منك ...
((الكل ضحك على فهد اللي شب نار ...
ماأمداه يتكلم الا وقالت للفيصل :~ انت اخلص علي وين الشريحه ...
-(فيصل ابتسم :~ وانتي للحين ميته في غرامي ؟؟ يابنت دوري غيري انا موب من النوع
السهل ...
((بهاللحظه سمعو ضحكه من بعيد تريقه ...
التفتو كلهم ولقوها أميره وقفت وهي تقول بحركه مصريه :~ أال إيه أال مش من النوع
السهل ...
((ثم كشرت بقهر :~ ايه افلقني ...
-(فيصل اول ماشاف أميره لف وجهه لجهه الثانيه وهو يقول :~ ياليييل هذي من وين
طلعت ..!!! ((ثم التفت على ميشو وهو مطنش أميره :~
يابنت روحي الله يسهل عليج .. ماعندي نيه اعطيج ويه ...
-(ميشو حكت أذنها بملل ثم قال :~ محد قال لك انك واثق للدرجه جنونيه..
ياعمي انا اقصد شريحة أميره ... طلعها بسرعه انا متأكده انك ماخذها ... أي صح وعطني حق جوالها اللي انكسر ...
((بهاللحظه الكل مسك ضحكته على فيصل كيف كان واثق من نفسه وهي تقصد
شي ثاني ..
فيصل حس بفشيله بس أبدا ماوظحها وكأنه طبيعي ..
ابتسم :~ طيب واذا ماعطيتج اياها شبتساوين ؟؟

-(تكتفت :~ لي تفاهم ثاني وياك ...
-(فيصل ضحك :~ والله انتي متأكده انج بنت ؟؟
-(ميشو توها بتتكلم الا ووصل لها مسج ... فتحته وكان مكتوب فيه :~
اذا استمريتي باللي تساوينه ويى الشباب الحين بفظحج ..
أنا قلت لج عدلي من اخلاقج وماراح يصير الا الخير ...
((رفعت راسها بقهررررر ثم التفت يمين ويسار تدور هالغريب اللي منكد عليها
عيشتها ... بس طنشته وكملت تقول للفيصل :~
بتطلعها ولا شلون ..
-(فيصل ابتسم :~ ييبي لي صاحبة الشريحه وبعدها يصير خير ..
-(ميشو :~ قلت لك عطني اياها الحين بسرعه ...
((أميره لما سمعت كلامه علطول جت وهي تقول :~ يالله عطني الشريحه ...
-(فيصل ابتسم :~ ترجيني ...
-(أميره :~ هاهاي يبئى بأحلامك ..
-(ميشو :~ يال#### .. بتعطيها الشريحه ولا شلون ؟؟؟
-(أميره التفتت على ميشو مرتاعه من كلامها القذر وهي ماتبي هالأسلوب ابدا ..
فيصل وهو يطالع أميره بسخريه :~ هذا اللي طلع معاج بالنهايه .. تصادقين هالأشكال ؟؟
((أميره توترت من كلام فيصل .. بس ميشو قالت :~ أمها انت ولا أبوها ... ولا لا يكون
زوجها وأنا ماأدري .. اقول عطنا الشريحه ولا تكثر الحجي ...
((فيصل توه بيرد عليها الا ووصل للبرهوم بلوتوث ... لما فتحه كشر بقرف ثم رفع عيونه
على ميشو ... فهد سحب منه الجوال ونفس الحركه كشر بقرف ..
ميشو بلعت ريقها وهي حاسه ان الغريب سواها وفظحها بأي شي يخصها ..
فيصل لما سحب الجوال وكلهم قرو المكتوب ..
رفعو عيونهم على ميشو وهم يطالعونها بحتقار ...
أما فيصل يطالع أميره بحتقار أكبر من انه يطالع ميشو بحتقار ...
ميشو حست بتوتر كبير بس حافظت على هدوئها ... وبحركه منها بسرعه سحبت
الجوال من عبادي ... لما قرت المكتوب طلعت عيونها من الصدمه ...
أميره استغربت شفيهم .. حست بخوف عشان كذا طلت عالجوال مع ميشو
بس ياليتها ماطلت وقرت المكتوب .... حست بصدمه قويه ...
وعلطول التفتت على فيصل تبي تشوف كيف نظراته ...
بس انصدمت لما شافته كيف يطالعه بحتقار ..
عطاها نظره كرهت روحها ثم نزل راسه وطلع الشريحه من جيب بنطلونه ...
وبحركه منه رماها بوجه أميره اللي تطالعه ببرائه ومو مستوعبه ...
ميشو ماتحملت الإهانه ...
والمكتوب كان :~...........
اللي واقفين جدامكم حبايب ... وفهموها ياقدعان ...
((ميشو يدينها بدت ترتجف بحقد على هالغريب اللي بتموت منه ..
ماقدرت تتحمل ... سحبت بسرعه القاروره اللي بيد فهد وبقوه
رمتها على قزاز المبنى اللي عندهم ...
تكسر القزاز كله عليهم ...
الكل نزل راسه بروعه قبل لا يطيح القزاز عليهم ...
أما فهد بسرعه وقف وسحب أميره عن جهة القزاز قبل لا يطيح عليها ...
ميشو كانت هي البعيده عن القزاز ... وكلهم قريبين منه ...
شوي الكل سكت مرتاع من حركة ميشو الجنونيه ...
ميشو يدها ترتجف من الحقد والنار اللي تشتعل بقلبها ...
بعد لحظات ببطئ رفعو راسهم لما كانو مدنقين عالأرض ...
فيصل لما رفع راسه موب مستوعب ... بس اللي صدمه أكثر فهد
اللي ماسك أميره بيدها بقوه ...
فيصل مايدري ليش يحس بحراره تعلا جسمه وهو يشوف فهد بحركته مع أميره ..
لما رفعو روسهم الباقي ... ماعدا أميره ...
فيصل عض شفايفه بقهررر ... بقوه سحب فهد من قميصه عن أميره وهو يقول :~
انت من صجك ..؟؟
((الكل التفت على فيصل .. أما أميره رفعت راسها مو عارفه شسالفه ...
ميشو سحبت يد أميره ثم دخلو للمبنى ...
أميره موب عارفه ميشو شنو ناويه عليه ...
أما عند الشباب اللي منصدمين من حركة فيصل للفهد ..
خاصتا انهم ماشافو حركة فهد للأميره غير فيصل ...
فهد عارف حركته عشان كذا دف يد فيصل عنه
:~ وانت ليش معصب ؟؟؟
-(فيصل توه يلاحظ عشان كذا اكتفى بنظرة احتقار للفهد ثم لف يطالع الجهه الثانيه ..
ماحسو الا بدكتور واقف عندهم وهو يقول :~ كلكم تعالو وراي للإداره ...
((طلعت عيونهم من الصدمه ...
شسالفه ...!!
((عند الإداره ...أميره تقول للميشو بصدمه :~ انتي شساويتي ؟؟ شلون تقولين انهم
اللي كسرو القزاز ..!!!
-(ميشو لفت وطنشت أميره وهي رايحه ... بس أميره لحقتها وهي تقول :~
مشاعل من صجج ..؟ الحين انتي تكسرينه وبعدين تحطين التهمه عليهم ليش ؟؟
شساوو لج ؟؟
-(لفت عليها بطفش وهي تقول ببرووود :~
مو انتي اللي قلتي خذي حقي من فيصل ..؟؟
-أي فيصل بس موب الشباب كلهم ؟؟ بعدين موب جذي تاخذين حقي عند اٌداره ..
-(ميشو لفت عنها وهي تقول :~ ولله عاد هذا اسلوبي عايبنج ولا بكيفج ..
-(أميره تنهدت بقل حيله ثم لحقت ميشو بعيد عن الإداره ...
بس وهم طالعين .. شلة فيصل رايحين بعكسهم لللإداره ..
بكذا تقابلو مع بعض ...
-(فهد كشر بسرعه وهو يقول :~ دكتور هاي اللي كسرته ..
-(برهوم :~ دكتور انت من صجك تصدق وحده من هالأشكال ... انت شوف شكلها
وبعدين صدقها ..!!
((فيصل رفع عيونه على أميره ثم كشر ...
أميره نزلت عيونها ماتدري وش تقول ...
فهد التفت على ميشو اللي راحو بعيدين عنهم وهو يقول بصوت عالي مقهور :~
انتي شغلج بعدين ...
((ميشو ولا كأن أحد يكلمها ... تمشي بكل ثقه ولا كأنها سوت شي ...
بس بهاللحظه دق جوالها ...
ميشو طلعت الجوال لما شافت رقم الغريب تنهدت وهي تحاول تكون طبيعيه ..
التفتت على أميره ...
أميره فهمتها عشان كذا قالت :~ خلاص فهمت لا تقعدين تطالعيني جذي ..انا رايحه ...
-(ميشو لما راحت أميره ردت عليه بس بدون أي كلمه ...
-(الغريب :~ ههههههاي .... صج قويه ... شلون تساويين جذي ؟؟؟
-.......................
-لا لا صج حركتج كلش بايخه ... يعني موب انا قلت لج عدلي من حركاتج ...
-واذا ماعدلتها شبتساوي ؟؟؟
-عادي ماراح اسوي لج شي ... غير اني أفظحج بتدريج ...
-(بلعت ريقها :~براحتك ... مايهمني أنا أحد ..
-ههههه أدري اللي يهمج راح وتركج ... صح ؟؟؟
-......................
-اقول ماتدرين وينه ؟؟؟
-......................
-على فكره هو رد للسعوديه ولا ؟؟؟ ههههههه صج ماعندج سالفه عن حبيبج
-(بنرفزه :~ لا تقول حبيبي ... أحترم نفسك ...
-هههههه أي صح نسيت انج متعوده على ... حبيبتي .. ولا ؟؟هههههه...
-صج ###### ..
-يؤ يؤ يؤ لا شتفقنا احنا .. ماقلنا رقي رقي من الفاظج ؟؟
-ؤفففففف ....
-فديت اللي معصبين ... قلت لج مالج زوج غيري .. انسي حبيب القلب اللي هددتيه
بحياتج عشان يتزوجج وبالأخير سافر وتركج ...
على فكره تدرين ليش رد للسعوديه ؟؟
-........................
-ههههه تبيني اقولج ؟؟؟
-(بهاللحظه حست بقلبها نغزها بقوه وعدلت وقفتها ..)
-هههههههه جني احس انج تحمستي ... بس ريحي حتى أنا ماأدري هههههه..
-(بهاللحظه بجد تنرفزت وسكرت الخط بوجهه )
بسرعه راحت بتطلع للحديقه الا وصدمت فيها ليان ...
ميشو مانتبهت انها ليان وكل تفكيرها براكان عشان كذا كملت طريقها ...
بس ليان عرفتها وبسرعه قالت :~ مشاعل ..
((مشاعل كملت طريقها بدون ماتلتفت على اللي يناديها ...
ليان لفت وهي تطالع ميشو توقعت انها زعلانه عليها لأنها سحبت عليها عشان صقر ..
لو هي زعلانه ليان ماراح تلومها ابدا ..
ليان منزله راسها وهي تمشي وتفكر بميشو ....
رفعت راسها على اللي واقف قدامها وساد طريقها ...
لما رفعت حست انها بحلم مو علم ...
عبدالمحسن واقف قدامها ..!!!
شلون ...
عبدالمحسن ابتسم لها وهو يقول :~ مرت فتره طويله ماشفتج ...
جنها مية سنه عندي ...
-(تنهدت بتوتر موب عارفه وش تقول ... نست شي اسمه صقر ..
صحيح داومت اليوم رغم انها تعبانه ...
بس ليان موب متعوده تغيب عن محاظراتها وهذا اللي يخليها متفوقه للدرجه كبيره ..
-(عبدالمحسن بقلبه كلمه طلعت بدون مايحس :~ ليان ... اشتقت لج وايد ...
-(ليان قلبها صار يدق بقوه ... نزلت راسها وهي ساكته ...
-(عبدالمحسن :~ لي يومين ايي الجامعه بس مالقيتج ... صحيح الجامعه كبيره
بس مايأست اني الاقيج .... عموما اقدر احاكيج ؟؟
-....................
-طيب خلينا نطلع للحديقه برا ....
((تنهدت بتوتر ثم مشت معاه وهي ناسيه شي اسمه صقر ..
بما انها مع حبها الأول والوحيد ... خلاص بتنسى كل العالم ...
لما طلعو جلسو بعيد بس مو مره ...
يعني حواليهم طلاب جالسين عالعشب ...
-(بلع ريقه بتوتر ثم قال :~ شحالج ؟؟
-(نزلت راسها ثم قالت بصوت ماينسمع ابدا :~ بخير ..
-(عبدالمحسن ابتسم لأنه مايسمع غير همساتها ... اشتاق للخجلها الكبير وهدوئها اللي
يريحه ويحبه ..
:~ ماأسمعج ..؟
-(حست بحراره كبيييره ثم قالت بصوت اعلى بشوي :~ بخير ..
-(ابتسم عالخفيف ثم قال :~ وكيفج ويى ص ..... صقر ..
-............................
-(بضيقه :~ ليان بسألج سؤال واحد ودي اسألج اياه من زمان .... ممكن ..
-(ضغطت على يدينها ثم هزت راسها بالموافقه ..)
-(سكت شوي ثم قال :~ سعيده بزواجج ويى صقر ؟؟؟
-.........................
-سعيده ..؟؟ قولي لي اذا انتي سعيده انا مستعد أطلع من حياتج
وأكون مجرد عم لل..... للعيال....ج ....
-(ليان حست بالعبره تخنقها .... ماتدري وش تقول له ...!!
معقوله تقول انها للحين تحبه ..؟؟
تقول له كيف هي تكره قرب صقر منها ...
-(عبدالمحسن:~ ليان بس قولي أي ولا لا ...؟؟
-(وقفت بتوتر وهي بتروح وتتهرب من الإجابه ...
بس عبدالمحسن مسك يدها علطول وهو يكرر :~ ليان جاوبيني وبعدين بهدج
تروحين ...
-(ليان بتوتر نزلت عيونها على يده .... عبدالمحسن لاحظ يده اللي مايدري شلون مدها..
بسرعه سحبها وهو يقول :~ اسف ...
-(ليان بهاللحظه كملت طريقها ولا جاوبت ....
عبدالمحسن وقف بيلحقها بس تذكر اخر مره كيف لحقها بدون
أي نتيجه بالعكس حطمت له قلبه ...
جلس عالكرسي وهو يفكر بكل شي يخص اخوه وليان ومايا ومحسن الصغير ..
((بالإداره ................
لما طلعو الشله بعد ماتهزئو وخصمو من درجاتهم على بداية السنه ..
-(فهد سكر الباب وهو يقول بحقد :~ والله ماخليها بينت ال.... ((ثم سكت وهو حاقد))
((وهم يمشون بالسيب الخالي ...
-(متعب :~ يعن ابوها قلبت السالفه علطول علينا ..؟؟ والمشكله ليش ماندري..
-(فيصل منزل راسه ويدينه بجيوبه وهو سرحان ...
-(فهد التفت عليه وهو يقول :~ شرايك فصول نلعب لعبه حلوه عليها ...؟؟
-........................
-(عبادي ضحك :~ ؤهوووه فصول مسرح ....
-(برهوم :~ اللي ماخذ عقلك بتهنى به ...
-(متعب :~ فيصل ..
-(رفع عيونه علطول وهو يقول :~ نعم ...
-(متعب :~ وين يالأخو مسرح واحنا نحاجيك .؟؟؟
-(فيصل صرف الوضع :~ قلقان على ميما ... بدق على خالتي اشوف شخبارهم ..
((سكتو كلهم مستغربين شسالفته .........
فيصل راح من عندهم وهو طالع ....
بالصدفه قابل وجه مو غريب عليه ابدا ابدا ابدا ...
عقد حواجبه وهو يطالع يبي يتذكر الملامح ...
شوي وظهرت عليه ملامح التوترررررر ....

$$ بالكاد صادفنا وجه ليس غريب على فيصل ..$$
فمن يكون ياترى ..!!$$
$$ بالتأكيد سوف نعرف ذلك بالبارت القادم ..$$
سلامي ومودتي للجميع ...
فيرزاتشVirsatChe ي
أو
دم حبيبي يرويني
Salam………………...........ىه

==الباب الراب14ع عشر==
==الفصل الثان2ي==

$$ في عصرنا هذا $$
توقع كل شيئ سيحدث $$
$$لكن بجامعة توأمنا $$
الجامعه الأمريكيه$$
أستعد بكل ثانيه أن تتلقى حدث منهم $$
$$فماذا سيحصل اليوم $$
بالتأكيد حدث عظيم بتاريخ أبطالنا ..$$

((بالخارج في دوله من دول أوربا ...
مايد جالس بأحد الكراسي في الجامعه ...
لمى وقفت قدامه وهي تقول :~ مرحبا مايد ..
-(رفع راسه لها وهو يقول :~ هلا فيج لمى ..
-(حست بتوتر شوي من نظراته ولو انها نظرات عاديه :~ ا ... بس حبيت
أقولك عن الواجبات تبع مادة ال......... .. جاهزه ..
((طلعتها من شنطتها ومدته له :~ تفضل ...
-(مايد وهو يطالع كتابه اللي بيدها .... رد يطالعها وهو يقول :~ لين متى بتحلينهم لي؟؟
-(لمى بهاللحظه توهقت ماتدري شلون ترد عليه .. سؤاله غريب شوي بس ماعرفت وش تقول ..
وأخيرا ابتسمت بتوتر وهي تقول :~ لين مانتخرج __^..
-(سكت شوي ثم أخذ الكتاب وهو يقول بدون مايطالعها ولاهي بجواله :~
عموما شكرا .. بس هاي شهادتي ولازم اخذها بجدارتي وبدون مساعدة أح...
-(قاطعته بسرعه :~ لا انا مو قصدي مساعده ... بس أنا قصدي بما اني طول الوقت فاضيه
فكرت أشغل نفسي بواجباتك وواجبات صاحابتي <~~ كذابه ....
-(رفع حاجبه :~ .. عيل يكفيك صاحباتك ...
((وقف وهو بيروح عنها .... بهاللحظه قابل ملاك اللي واقفه تسمعهم بدون قصد ..
مايد لما طاحت عينه بعين ملاك لف عنها وكأنه مايعرفها ...
ملاك حست بضيقه خاصتا انها للحين ماعترفت بحبها له ...
بسرعه التفتت عليه وهي تقول :~ مايد ابيك دقيقه ...
((لمى رفعت عيونها عليهم وهي عارفه ان ملاك تحب مايد ... حست بقلبها يدق
بسرعه ماتبي ملاك تاخذ منها مايد ...
بلعت ريقها اللي جف من الخوف ...
-(مايد وقف وبدون مايطالعها :~ نعم ...
-ا ... ممكن نروح للكافتريا اللي يم الجامعه ...؟؟
-(التفت عليها وهو رافع حواجبه :~ وليش مو هني ؟؟
-(بتوتر :~ ا ...((التفتت على لمى اللي واقفه تطالعهم ... ثم ردت تطالعه وهي تقول :~
موضوع مهم بالنسبه لي .... ممكن ..؟؟
-(مايد سكت شوي ثم قال بهدوء :~ ؤكي بس ياليت تستعيلين ...
-(ابتسمت براحه ثم قالت :~ ؤكي ...
((راحو من قدام لمى اللي تطالعهم بقهرررررررر وغيره ...
ملاك لما مرت من قدام لمى ابتسمت وكأنها تبي تقهر لمى ...
وقعلا قدرت تقهرها وبقوه ...
((بالكفتريا ..
جالسين وبينهم طاوله صغيره قدام شارع صغير وتحت شجر وظلال ...
ملاك رفعت يدها تعدل حجابها بتوتر ثم قالت :~ شتشرب ؟؟
-(رجع وسند ظهره عالكرسي وهو يقول :~ ماعندي وقت أشرب أي شي ..
ياريت تدخلين بالموضوع بسرعه ...
-(حست بحراره في جسمها من بعد كلامه بس تجاهلت الوضع ثم قالت:~
بس قبل لا أقول اللي عندي أتمنى منك تفهمني عدل ..
-(يطالعها بس بدون أي كلمه ..)
-(متوتر واللي زاد توترها نظراته ... بلعت ريقها وهي تطالع الطواله ثم قالت :~
الحقيقه .......... ا ... أنا ......... ((بلعت ريقها بخوف :~
ا ... أنا أح.... أحب.... أحبك ...
-(مايد عقد حواجبه ثم قرب قرب من الطاوله وهو يقول :~ شنو ..؟؟
-(رفعت عيونها عليه ثم قالت :~ شنو اللي شنو ؟؟؟
-(ببرود :~ لا بس ماسمعت شقلتي ...؟؟
-(بهاللحظه طق المؤشر عندها .... حست بحراره تتبخر بجسمها ...
الحين شلون اقولها وانا تو بالويل قلتها ؟؟؟
((تنهدت ثم قالت بسرعه وبصوت أوظح :~ أحبك ..
-(مايد رجع وتسند مثل قبل وبكل برووود وصمت ..)
-(استغربت ليش سكت ... :~ شنو ماسمعتني ؟؟
-(حط عيونه بعيونها ثم قال :~ أمبلا سمعتج ... تحبيني .. طيب وبعدين ؟؟
-(قلبها صار يدق بقوووووه ... هذا شنو مايحس ولا
يستهبل ؟؟؟
عقدت حواجبها :~ شنو يعني ؟؟؟
-(ابتسم ابتسامه خفيييفه وجانبيه وهو يقول ببروود :~ سهله الكلمه مو .؟؟؟
-شلون يعني ؟؟؟
-(حط رجل على رجل ثم طلع من جيبه زقاره ثم شغلها ... لما أخذ منها نفس وطلعه بالهوا ...
رجع والتفت عليها وهو يقول ببرود :~ طيب شتبيني اساوي ؟؟؟
-(تنهدت بقهر ثم قالت :~ حلوه هاي تسألني شنو أبي ؟؟؟
-لا صج شتبيني اساوي ؟؟؟
-(ضحكت ضحكه موب مستوعبه ثم قالت بجديه :~ اقولك احبك تقول طيب شتبين
اساوي ؟؟؟
-ليه قلت شي غلط ؟؟؟
-مايد ابرد ماعندك وأحر ماعندي .!!!
-(عدل جلسته وهو بين كل جمله ياخذ نفس زقاره :~ طيب بختصر لج الموضوع ..
انتي بالنسبه لي زي أي بنت ... يعني ماأقدر أرد عليج وأقول بكل حب وحنان ..
وأنا بعد أحبج ..!! الا اذا كنتي تبيني أكذب عليج ...
فهذا شي ثاني ...
-(نزلت راسها والنار تغلي بداخلها :~ طيب مع الأيام يمكن تحس بمشاعر اتجاهي..
-(وقف ثم رمى الزقاره عالأرض وداسها .... :~ مابي أعطيج
أمل عالفاضي ... وأنا عارف انو مافي ولا ذرة أمل اني أحبج ...
-(توه بيلف يروح بسرعه قالت بحقد :~ تحب لمى ... صح ؟؟
-(وقف شوي وهو ساكت ثم كمل طريقه بدون مايرد عليها ...
تركها بقهرها واحباطها ...))
""""""""""""""""""""""""""""""
((نرجع للأرض الإمارات ..
دبي ...
فيصل وهو يطالع اللبنانيه اللي قدامه بصمت ...
-(اللبنانيه ابتسمت وهي تقول :~ شتئنالك ..... شو اخبارك ؟؟؟
-(يطالعها بدون أي كلمه ..)
-(ابتسمت :~ شو مصدوم ؟؟؟ مرت فتره طويله ما ؟؟؟
-شتبين ؟؟؟
-(تقدمت منه ثم قالت :~ طيب مو بالأول اعزمني ع كاسة عصير ؟؟؟
-(كرر الجمله بنفس الهدوء :~ شتبين يايه هني ؟؟؟
-(رفعت دقنها وهي تقول :~ اها ... الزاهر الشاب الوسيم بيكرهنا ؟؟
-(عقد حواجبه :~ يكرهنا ؟؟؟ انتي من اليوم تجمعين ... منو قصدج ؟؟
-(ابتسمت أكثر :~شو نسيت اني من طرف إمك؟؟؟
-(قلبه صار يدق بقوه بس حاول يكون طبيعي :~ شقصدج ؟؟
-بؤصود ياحلو ... إمك انتا وخواتك بدها ياكون ... وجايه لتاخدكون عالروسيا ..
شو خبريه حلوه ما ؟؟؟((ثم غمزت له وهي مبتسمه ))
-(فيصل حس بجسمه وعضامه ترتخي من الصدمه ...
يعني أمي روسيه ..؟؟ يعني أنا روسي ؟؟؟
هذي الحقيقه اللي انتظرتها ..!!!!
هذي الحقيقه اللي كنت خايف منها ...؟؟
يعني انا موب عربي ..
((رفع عيونه بتوتر :~ انتي شقاعده تخربطين ؟؟؟
-(تقدمت عنه بعيد وهي معطيته ظهرها :~ شوف ازا بدك تعرف كل شي
تعا معي عالبيت ...
-(عقد حواجبه :~ بيت ؟؟؟
((بهاللحظه أميره بالصدفه كانت وراه .... وسمعت اخر كلمه ...
ماقدرت تتحرك ... فضولها باللي سمعته أقوى منها ...
بيت وفيصل ولبنانيه حلوووه ... شي طبيعي يهمها الموضوع
بما انها تحبه ....
-(اللبنانيه التفتت عليه :~ أي ... وراح تعرف كوووول ايشي ...
((طلعت من شنطتها الصغيره كرت ثم مدته له وهي تقول :~ هاد هوا العنوان...
ماتنسى اليوم عالساعه تمان الليل .... كل شي راح يتوضح لك ...
سدئني لو تجي ماراح تندم طول عمرك بما انك راح تعرف كوووول شي
بيخصك .... يالله باي ياحلو ....((ثم قربت منه وهي تقول بصوت قصير ماسمعته أميره:~
بالبيت خبرني إزا مرتبط أو لا ... ولو اني مابعتئد ع هالجمال كلو مش مرتبط...
((غمزت له ببتسامه ناعمه ...
فيصل طول الوقت كان ساكت ... يحس بشي بداخله غريب ..
مايدري هو خوووووف ..
شك...
توتر ...
مايدري ليش خايف من كل اللي قالته اللبنانيه ...
نزل عيونه على الكرت ...
شوي ثم دخله بجيبه ثم راح للجهة الكافتريا ...
أميره واقفه وهي تطالعه رايح للبعيد عنها ...
حست بخووووووووووف ماتدري ليش ...
ماتدري شلون جت فكره ببالها قويه ومالها داعي ...
بس معزمه تطبقها ...
طلعت برا الجامعه بسرعه ثم ركبت سيارتها وجلست فيها ....
وهي قدام الجامعه ...
((تولين وهي تمشي رايحه للكلاس دكتور كلال ...
لما دخلت بسرعه جلست بدون ماتطالع أحد ..
أما طلال رفع عينه ثم نزلها بسرعه عنها وهو يكمل بداية المحاظره ...
الشابين على اخر القاعه يطالعون في تولين ويبتسمون ...
تولين حست عليهم ...
التفتت وعطتهم نظره كلها استخفاف فيهم ثم لفت تطالع كتابها ..
ابتمسو الشابين ...
-(واحد منهم اسمه خالد يقول بصوت قصير للجاسم :~
مثل ماهي شايفه روحها ..
-(جاسم ابتسم :~ هذا أحلى شي بهالنوعيه من البنات ..
-بس شكلها للحين تحب الدكتور ولا ؟؟
-شدراك ... هالأشكال تلاقيهم من شاب للشاب ...
-ههه عيل تهقى بيي دورنا ...
-لا يالحلو انا ماأنطرها لين ييني دوري ... انا بنفسي بييبها لي ..
-(خالد :~ شبتساوي يالمينون ؟؟؟
-(جاسم وهو يطالع تولين بنص عين :~ بكسر لها خشمها ...
وقل ماقاله جاسم ولد أبوه ...
-(خالد :~ ولد ابوك ولا ولد عمك ... ياعمي انا مالي شغل فيك ...
-(جاسم :~ بدونك ماراح أقدر اساوي أي شي ..
-بس انت بالأخير الربحان ... يعني انا ماراح استفيد شي غير اني ساعدتك ..
-لا تخ....
-(طلال قطع عليهم بطفش :~ كملو حجيكم برا .... ولا سكتو ..؟
-(جاسم بصوت عالي :~ لا دكتور سكتنا ...
((ثم قال بصوت قصير :~ بعدين اقولك شناوي عليه ...
((ثم رجع يطالع تولين ببتسامه خفيفه ...
تولين حست انه يطالعها ... بس ماعبرته ولا التفتت عليه ...
دكتور طلال لما سأل سؤال ...
-(طلال :~ هاه محد يعرف الجواب ؟؟؟
-(جاسم رفع يده ..
-(طلال :~ تفضل ...
-(جاسم :~ أعتقد ان المجتمع يطبقون كل مايستنتجه العلماء ... وهذا المقصود
بهالمقطع اللي بالكتاب ...
-(تولين حست ان الإجابه اللي براسها غير عشان كذا رفعت يدها رغم متردده
عشان الدكتور طلال ...
-(طلال التفت على تولين ثم قال :~ عندج اجابه ثانيه ؟؟
-(تولين عدلت جلستها ثم قالت بثقه :~ بعتقادي انا ... ان المجتمع ليس إلا
وسيله للبحث عند علمائنا النفسيين ...
كما قلت يادكتور بأن العالم النفسي جميع مايبحثه على المجتمع ونفسيته ...
فبدون تجارب المجتمع ... العالم لا يستطيع فعل أي شيئ ...
((ثم قالت بضحكه ساخره :~ الا اذا مالقى غير عياله وعلى نفسه فهذا شي ثاني ...
((ضحكو بعضهم أما الدكتور طلال ابتسم وهو يقول :~ اجابتك مفصله تقريبا ..
وليس اجمالا __^ ... عموما المره اليايه لحد يجاوب غير بالأنقلش ...
((ثم رجع بكمل الشرح ....
جاسم كان يطالع تولين بنظرا غامضه ...
تولين التفتت عليه وهي رافعه دقنها ... ابتسمت بسخريه ثم لفت تكمل
كتابة بعض المعلومات ...
((لما انتهت المحاظره ...
طلع الدكتور طلال ....أما تولين توها واقفه بتطلع الا ووقف قدامها جاسم ووراه خالد ..
-(جاسم ببتسامه حلوه :~برافو .... أهنيج عالإجابه الأكثر من رائعه بنظري ..
صحيح مثل ماقال الدكتور موب مفصله وايد بس على كذا عيبتني ...
((تولين تنهدت بملل ثم شالت شنطتها ووقفت تبي تطلع لكن جاسم واقف
وساد عليها الطريق ...
تولين رفعت عيونها عليه ثم قالت بغرور :~ بعد عن ويهي ..
-(ابتسم ثم رفع حواجبه وهو يقول بستهبال :~ قلت شي ينرفزج ...
-ؤففففففففففففف .... بعد...عن......ويهييييي....
-(وخر شوي ثم قال :~ تفضلي ... ولو احنا مانزعج السيدات المحترمات...
-(توها بتترحك بس وقفت .. التفتت عليه بعيون حاقده ثم قالت :~ محترمه غصب
عليك وعلى اللي يابك يا.....((وهي فاتحه فمها ابتسمت بسخريه ثم لفت وكملت
طريقها طالعه .....
جاسم حط يده على دقنه ثم ابتسم وهو يقول بقلبه :~.......
هذا نوعي المفضل ..... الغرور وبس ...
((تولين وهي تمشي صادفت جواهر بالصدفه ....
وقفت وهي تطالع جواهر اللي قبالها ...
جواهر تطالع تولين بنظرات لوم وعتاب ...
تولين توترت من هالنظرات عشان كذا تجاهلتها وبسرعه كملت طريقها ...
تولين مرت على سعد اللي ورى جواهر بالصدفه ..
التفت على تولين مستغرب .... لما التفت بيكمل طريقه شاف جواهر
واقفه لحالها ...
تقدم منها ثم قال :~ مرحبا ..
-(التفتت عليه ثم قالت ببتسامه :~ هلا فيك ...
-(عقد حواجبه :~ فيج شي ؟؟
-(جواهر ابتسمت ثم نزلت راسها :~ لا عادي ...
-(سعد عقد حواجبه وهو يقول بحب :~ تولين ضايقتج ؟؟؟
-(حاولت تخفي دموعها ثم هزت راسها بالنفي وكملت طريقها تتهرب منه ..
سعد واقف يطالعها ولا لحقها ...
تنهد وهو بقلبه حب وحنان لها بس هي موب حاسه فيه ..
وهو موب مستعد يقول لها دامها مخطوبه ...
وبيتجاهل حبه لها وبيتناساه ...
((على الظهر ....
طلعت ليان من بالحديقه وهي تمشي رايحه على رجولها للشقه ...
دق جوالها ..
-(لما رفعت جوالها لقته صقر .. سكتت شوي وهي تطالع الرقم ..
ترددت ترد ولا لا ...
لما جت بترد سمعت صوت وراها :~
ليان ...
-(التفتت ليان بسرعه وتفاجئت بوجود عبدالمحسن للحين بالجامعه ...
نزلت الجوال وهي تطالعه ...
وطنشت صقر اللي يدق عليها ...
-(عبدالمحسن لاحظ جوالها يدق وهي مطنشته :~ ردي ..؟؟
-(نزلت عيونها ثم هزت راسها بالنفي ودخلت الجوال بشنطه بعد ماحطته
عالسايلنت ...
عبدالمحسن مايدري اذا هو صقر ولا لا ....
بس أخيرا قال :~ ليان ماقدرت أروح بدون جواب مقنع منج ...
-.....................
-(تقدم شوي ثم قال :~ خليني اوصلج بنفسي للشقتج ...
-(بتوتر :~ للل....لا ... مايحتاي ...ابي امشي أحسن ..
-(سكت شوي ثم قال :~ وصقر ليش مايرجعج بنفسه ؟؟؟ ...
-(بلعت ريقها ثم قالت :~ انا ابي ارد بروحي هالمره ..
-(مافتت عليه كلمة هالمره والرتاح عالأقل ان صقر حاس بالمسؤليه لو شوي...
ابتسم بهدوء :~ طيب بمشي وياج وعالطريج نتكلم ...
-(ودها تقول لا بس ماقدرت .... عشان كذا لفت وطلعو مع بعض من الجامعه على
الرصيف يمشون ...
ليان حاسه بتوترررررر وهي جمب عبدالمحسن ...
عبدالمحسن برتباك التفت عليها ثم قال :~ يروعانه ؟؟؟
-(نزلت راسها :~ لا ...
-(التفت يطالع الطريق وهم يمشون ثم قال :~ تغيرتي وايد ..
-(رفعت عيونها عليه مستغربه بس ماقالت شي ..)
-(كمل كلامه وهو حاس بنظراتها له :~ صحيح كنتي هاديه بس نشيطه وحيويه
أما الحين ... واظح عليج تعبانه وهاديه بشكل موب طبيعي وجنج موب متعوده تتحجين
مع أحد .... (التفت عليها ثم قال :~ ليان ..... وين ليان الأولى ... اللي طول الوقت تبتسم
ونشيطه وكل الحاره تحبها .... ليش صرتي ماتحجين مع أحد ...
ليش صرتي انطوائيه للدرجه كبيره ...
ماكنتي جذي ... انا اعرفج عدل ... من كنتي صغيره ...
((رفع راسه يطالع السما ثم قال بذكرياته :~ ليان الصغيره اللي كنت ايلس على عتبة
درج المستشفى عشان اتفرج عليها وهي تضحك ...
ونشيطه بكل شي ...
حبيت هالطفله من كانت صغيره ...
ليان ... هالأسم حافظه من سنين طويله ...
ليان البنت اللي عانت الكثير بس كانت قويه ..
وينها الحين ؟؟؟
انا ماشوف غير ليان وحده ثانيه .... انطوائيه وحزينه ...
((وقف ثم التفت عليها :~ ليان انا متأكد انج موب سعيده ... قولي لي انتي بس ..
لأني ماأتحمل اشوفج جذي وانا ساكت ...
اذا ماتبيني ويريحج هالشي فأنا ماأعترض ..
بس على شرط اني اشوفج سعيده ...
قولي لي انتي سعيده ولا لا بحياتج مع صقر ؟؟
اذا كنتي تحبين صقر وهو معذبج قولي ل........
-(قاطعته من غير شعور :~ أنا ماأطيقه .... ولا أطيق قربه مني ...
لأن قلبي مو بيدي .... قلبي عند الإنسان اللي حبيته من وأنا صغيره ..
يمكن لو اني ماأحب جان صرت سعيده مع صقر وحبيته ...
صحيح هو يعاملني بشكل حلو بس انا مو قادره أحبه او اتقبل قربه مني ..
أحس بخنقه منه .....
((نزلت راسها وهي تقول والعبره خانقتها :~ انا موب سعيده ابدا ...
لأن قلبي ملك شخص ثاني ... حاولت انساه بس ماقدرت ...
-(عبدالمحسن شوي ثم قال بعطف :~ منو تقصدين اللي تحبينه ؟؟؟
((بلع ريقه وهو يحس بقلبه بيطلع من قوة دقاته ...
-(تبي تقول انت بس تحس فيه شي رابط لسانه ..
تبي تنطق بس كلمة ((أنت)) ماقدرت ...
بسرعه لفت عنه وكملت طريقها ...
-(عبدالمحسن بسرعه مسكها مع يدها ثم قال بتوتر :~ قولي منو تقصدين ؟؟؟
-(حست بالخوف وهي تطالع يده على ذراعها ... بس واظح على عبدالمحسن
ماراح يتركها الا لما يعرف من تقصد ...
بهاللحظه قالت بيأس :~ ماأقدر اقول ..... أنا متزوجه ...
افهم شمعنى انا متزوجه ...
يعني مايفيد لو اقولك منو ...
-(عبدالمحسن ضغط على ذراعها :~ ليان قولي ولا تترددين ..
انا بساعدج ... بس قولي لي منو ...
-(نزلت راسها ثم قالت بين دموعها اللي نزلت :~ بليز اترك يدي ...
-(ضغط أكثر :~ ماراح أهدج ... قولي لي من.....
((ماحس الا بصقر سحبه من كتفه للجهته وبقوه عطاه ظربه على وجهه قويه ...
ليان شهقت من الروعه ...
صقر ماقدر يمسك نفسه ثم مسك اخوه مره ثانيه وبقوه عطاه ظربه
على وجهه ثانيه وأقوى من اللي قبل ...
لما جى بيعطيه الظربه الثالثه على وجهه ...
-(ليان بسرعه مسكته وهي تقول بترجي وتبكي :~ صقر الله يخليك
لا تظربه .... هذا اخوك هذا اخ....
-(صقر دفها بقوه وصرخ بوجهها :~ وانتي السبب اللي خليتيني اكرهه ...
((توه بيعطيه ظربه الا ودفته بقوه ليان ثم وقفت قدام عبدالمحسن وهي تقول بصراخ بين دموعها :~
ماتفهم ماتفهم ... قلت لك لا تلمسه ...
((عبدالمحسن منزل راسه وهو يمسح الدم على شفته اللي انجرحت ...
أما صقر متفاجئ من حركة ليان الجريئه ...
أول مره يشوفها كذا بهالحاله ...
-(ليان قطعت عليه حبل أفكاره وهي تقول :~ أظربني انا بداله ...
أظربني بداله أظربني ..
-((عبدالمحسن لما حس بالوضع رفع راسه وهو يبعد ليان عنه :~ ليان
ردي للشقه ...ردي وماعليج مننا .....احنا اخوان ونقدر نحلها بيننا ...
-(صقر بيجن جنونه ...
الغيره والحقد اللي بقلبه من اخوه بتنفجر ...
صبره نفذ ..
مل من العيشه اللي يعيشها ...
خلاص مايقدر يتحمل أكثر من كذا ...
تقدم لليان وبقوه عطاها كف على وجهها ...
ليان وهي منزله راسها من بعد الكف القوي
اللي جاها من صقر ...
لمست خدها اللي تحسه يحرقها من الألم ...
مصدومه .. موب قادره تستوعب ..
تذكرت ذكرياته القبيحه لما يظربونها اخوانها قدام أمها العجوز
اللي ماتقدر تساعدها او تتحرك ...
عبدالمحسن بغضب دف صقر وهو يقول:~ انت مينوون ..؟؟
-(صقر وهو يتنفس بقوه وبسرعه ماعاد يدري وش يصير وكيف تجرئ
وظرب البنت اللي يحبها بجنون ...
ليان لفت بسرعه وهي تركض رايحه للشقه ..
نزلت دموعها بحسره وألم على حظها وحياتها اللي للحين ماشافت السعاده
فيها ....
صقر التفت عليها وهو يطالعها بحزن كبير ..
وهو بقلبه :~...............
ليش ياليان تعيشيني بهم وغم ... ليش خليتيني أظربج...
-(عبدالمحسن لف بيلحق ليان بس صقر مسكه ثم قال بحقد :~ لا تتدخل ..
((صقر لف بيركب سيارته وبيروح للمكان يشكي له همومه ...
من غيره ..
البحر ... كاتم أسرار الإنسان ...
البحر .. عالم من الأسرار اللي يستحيل اكتشافه ..
((صقر جلس قدام البحر تحت الشمس اللي تكسر الراس ...
شغل المسجل وعلاه على اخر شي بسيارته وفتح الباب
وشبابيك بحيث كل اللي حواليه يسمعونه رغم انو مافيه أحد على هالظهر تحت
هالشمس ...
صقر وهو يسمع كلمات الأغنيه ولحنها الرائع الحزين ...
والأغنيه كانت
{{

خبرووه اني على وصله حييت...
وان تفارقنا ترى موتي دنى ...
لي حبيبي يوم روح ماسليت ..
يعلم الله توي ماذقت العنا..
~~~~~~~~
عبرتي هليتها حزن وبكيت ..
ياردى عمرى الحسوفه ماجنى ..
ذقت من دنيا حبيب ومارتويت ..
جنة الدنيا حبيبي والمنا..
~~~~~~~~
((على موسيقى الأغنيه صقر نزل راسه بين رجوله والهم بقلبه يكبر بكل ثانيه..))
~~~~~~~~
عشت بحلام الهوى ليل وبنيت ..
كل امالي تداراكها الفنا ..
في حياتي ماذكرت اني شكيت ..
في هوانا ضحكة الدنيا لنا ..
~~~~~~~~

$$ هل يستحق صقر كل تلك المعاناه ..!!$$
وهل تستحق ليان ان تخسر حبها بسبب صقر ..!!$$
$$ الأيام سوف تقرر ..$$
كما قررت على روميو وجولييت ... الموت $$
الموت !!!؟؟؟ هذا شيئ لا يستبعد __^ ..$$
$$ الفصل قد طال ... ويبدو بأن الحدث الكبير
ليس بهذا الفصل __^ ..$$
اذا قد يكون بالفصل القادم ..$$
سلامي ومودتي للجميع .........
فيرزاتشVirsatCheي ..
أو ...
دم حبيبي يرويني ..
Salam……………

==الباب الرابع عشر ==
==الفصل الثال3ث==

$$ العادات والتقاليد بالإمارات ..$$
أو بالأحرى الخليج $$
تختلف عن باقي العادات ...$$
أما في جامعتنا ... كل ذالك يختلف كليا $$
بما انها تجمع بين مختلف الأجناس العربيه والأكثر الأجنبيه$$
$$ إذا فللنرى مالذي سيحصل __^ $$

الساعه ثم8ان الا ربع ...
فيصل بالغرفه في شقته ...
ميما جالسه قدام التلفزيون وتطالع mbc.3.
ع توم وجيري ....
وبيدها رضاعتها وتطالع بحماس وتضحك على أي حركه من توم اند جيري ..
((فيصل وهو واقف قدام مرايته بالغرفه يفكر بالكلام الكبير اللي قالته اليوم اللبنانيه ...
رفع عيونه على شعره البني بخصله الفاتحه عالأشقر ...
ثم طالع عدسات عيونه النيليه ...
ثم رفع يدينه يطالع بشرته البيضا بياض أجانب خالص ...
ابتسم بسخريه وهو يقول بصوت قصير بينه وبين نفسه :~
كل شي واظح اني موب عربي ؟..؟؟ ليش مستغرب وضايق صدري ..
وكأني متفاجئ ؟؟؟....
ؤفففففففففففف .... روسي ؟؟؟ انا روسي ..!!!؟؟
ياليييل فيصل وش هالأفكار البايخه اللي تييك ... يمكن تكون كذابه هاللبنانيه ...
عموما انا لازم اأتاكد بنفسي ...
((طلع الكرت من جنزه عالسرير ...
وهو يطالع العنوان ويفكر بالسالفه ...
بسرعه لبس جزمته الكحليه ثم طلع وهو يقول للميما :~
ميما حبيبتي تعالي بنطلع..
-(ميما التفتت عليه وهي معقده حواجبها :~ وين نروح ؟؟
-(شالها بين يدينه وهو يقول :~ بتروحين عند خالتج ...
<~ المقصود هنا .. جارتهم العجوز ...
-(ميما عبست بملل :~ مابي ...
-(فيصل ابتسم ثم باسها على خدها وهو يقول :~ بس شوي بروح للشغل
وبرد ... لا تزعجين خالتج .. ((وبحركه بيده يعني ؤكي :~
ؤكي ..؟؟
-(سكتت شوي وبنفس الحركه سوتها بيدها على يده :~ ؤك....
((ابتسم وهو يرن جرس باب العجوز ..
بعد ربع ساعه كالعاده فتحت ...
-(فيصل رفع ساعته ثم قال :~ الله يهداج ياخاله كل يوم جذي بالويل تفتحين ..
الحين الساعه ثمان وشوي وانا مارحت للشغلي ..
-(العجوز عقدت حواجبها :~ هاه شتقول انتا ؟؟؟
((ميما ضحكت وأصبعها بفمها على شكل العجوز اللي بالويل تسمع ..
فيصل التفت على ميما ثم ابتسم بخبث وهو يقول :~ تضحكين هاه ..
تضحكييين على خالتج ...هاه ...
-(ميما ضحكت بطفوله :~هههههه ...
((فيصل بسرعه نزلها عالأرض ثم دخلت ميما وهي تودعه بيدها ...
فيصل وهو يقول بصوت عالي :~ خالتي ماراح أتأخر ... ثواني وراد ...
-(العجوز :~ مراد ؟؟ منو مراد ؟؟
-(فيصل صقع وجهه بيدينه وهو يقول :~ اللهمني الصبر يارب ..
((بسرعه مد يده وسكر الباب عليهم ونزل من الدرج وهو مستعجل ..
لما طلع بالشارع يحاول يوقف تاكسي بس مالقى ...
وأخيرا وقف تاكسي وركب معاه وهو يعطيه العنوان ...
-(فيصل :~ بسرعه لو سمحت ...
((من بعيد سياره واقفه ...
لما مشى فيصل بالتاكسي .. مشت السياره من بعيد تلحقهم ...
((بعد لحظات لما وصلو للعنوان وبتحديد للبيت ...
فيصل نزل ثم دفع للتاكسي وبسرعه لف بيدخل ...
وقف متفاجئ لما لاحظ البيت ..
أو بالأصح القصر...
فيصل وهو بقلبه :~
الحين هذا العنوان ؟؟؟
((رفع يطالع الكرت يبي يتأكد اذا هذا العنوان جد ولا لا ..
بس اكتشف ان هذا القصر المقصود يدخله ...
فيصل حس بتردد كبير ...
بلع ريقه ثم دخل من البوابه اللي انفتحت له لما قال بس اسمه ..
((من بعيد السياره اللي تتبعه وقفت ...
ويراقب من بعيد القصر ...
بالداخل .. فيصل توه بيطق الباب الا وانفتح له ...
لما رفع عيونه عاللي فتحت ..
نفسها اللبنانيه ...
ببتسامه حلوه قالت :~
تفضل ...
-(بلع ريقه بتوتر ثم قال :~ موب قبل ماتقولين لي شنو تبين مني بالضبط ..
-(ابتسمت أكثر ثم قالت :~ مو انا ألت الك عندي سر كبير مو طبيعي بيهمك ..
عن إمك الحئيئيه ...
-(فيصل نغزه قلبه بقوه وصارت انفاسه تتصاعد بسرررررعه من الخوووووف ..
أمه الحقيقيه .. شي مو طبيعي هالشي بحياته ...
تردد شوي قبل لا يدخل ...
بس اللبنانيه دخلت بالصاله وتركت الباب مفتوح له ...
فيصل دخل بعد تردد كبير بدون مايسكر الباب ...
التفت حواليه يطالع القصر بس استغرب انه من برى أفخم بكثير ..
فيصل مايدري ليه من الخوف نزل أكمام قميصه الأبيض اللي كان مرفعها كعادته
مع أي قميص أكمامه طويله وكأنه بيتطاق بأي لحظه ...
فيصل نزلها ورتبها ثم عدل ياقته ..
تنهد بخوووووف وهو يطالع حواليه يتحرى أي حرمه تطلع له ..
بهاللحظه رفع عيونه على الدرج اللي تنزل منه اللبنانيه وهي تقول ببتسامه :~
شو مابدك تعوود ((تعوود = تجلس )) ؟؟
-(فيصل بتوتر قال :~ لا انا مستعيل ... اذا عندج شي قوليه الحين وبسرعه ..
-(ابتسمت :~ طيب ثواني وبتجي صاحبة الدعوه للصاله ..
تفضل معاي عالصاله ..
-(فيصل عقد حواجبه وهو يمشي معها :~ صاحبة الدعوه ..؟؟ شلون يعني انتي
موب صاحبة الدعوه ...
-(ابتسمت :~ لا شو انا ..!!! راح تعرف كل شي هلئ بس انتا انطور شوي ..
((لما جلس قالت :~ شو بدك تشروب ...
-شكرا مابي شي ...
-لا ولو ... شو رأيك بشاي ؟؟؟
-(سكت شوي ثم قال : مافي داعي ..
-(لفت وهي تقول :~ لا في داعي ونوص ..
((لما قالت للخدامه رجعت للفيصل ثم جلست جمبه بس بمسافه :~
ماإلت الي شو أخبارك ...
-(فيصل بطفش التفت عليها :~ ممكن تدخلين بالموضوع علطول ...
-طيب ماإلت مرتبط أو لا ؟؟؟
-(تنهد بقل صبر ثم وقف :~ انا الغلطان اللي ييت لي.............
((سكت فجأه ...
وقلبه يتوقع انه وقف عن نبضاته من اللي يشوفه ...
إمرأه شقراء واظح على وجهها التجاعيد البسيطه ...
على انو هي كبيره بالسن الا انو مو واظح أبدا بسبب اهتمامها بنفسها ...
وبرشاقتها وكأنها ماقد جابت أطفال من قبل ...
والشعر اللي لافته على فوق بشكل مرتب ولطيف ...
والحلق الطويل بأذانها البيضا ...
اللي قدامه واظح عليها موب عربيه أبدا ...
-(فيصل عقد حواجبه وقلبه صار يدق بشكل غير معتاد ابدا ...
بلع ريقه ثم قال بصوت واظح عليه الإرتباك :~ منو هاي ؟؟؟
-(اللبنانيه وقفت على جمب :~ إمك ... الروسيه ...
إمك الحئيئيه ....
((من برى القصر عند الباب الداخلي ...
أميره واقفه بتدخل بس وقفت لما سمعت هالكلام ...
فتحت عيونها عالاخر من الصدمه اللي سمعتها ...
روسيه ..!! يعني فيصل أكيد روسي ...
((فيصل كان واقف .. ماقدر ينطق أي كلمه وهو يطالع امه ....
ولو انو مافي شي اثبت له انها أمه .. بس مايدري ليش مصدق وماعنده أي شك
انها مو أمه ...
صحيح هو يتوقع بأي لحظه انهم يقولون لا مو أمك ...
بس مايدري ليش الإحساس اللي بقلبه يقول هذي أمه اللي واقفه قدامه ...
التفت على اللبنانيه ثم قال بسرعه :~ وانتي منو ؟؟؟
-(ابتسمت :~ أنا سكرتيرتها بروسيا ....
إجيت معها بعد ماألت لي كل أصتها مع ولادها ... وانا عن جد حبيت اني بساعد
مديرتي اللي هيا إمكون مشان تلاإيكون ...
-(فيصل بلع ريقه بخوف ثم رجع يطالع أمه اللي واقفه تطالعه وكأنها موب مستوعبه
ان اللي قدامها ولدها ...
ولدها اللي ولدته وهو بالمهاد صار كبير وله شوارب ولو __^..
غرقت عيونها بدموع وبسرعه راحت تضم فيصل ...
بس فيصل صدها بعد مامد يده لها وكأنه يبعدها عنه ...
فيصل تفكيره وقف من التفكير مايدري وش السالفه ..
بس يحس بالحقد عليها .... تذكر حياته المأساويه مع عايلته اللي تبنوه
وكيف صار متشرد من بعد ماتركهم ...
-(رفع عيونه لها بحقد ثم قال :~
if you are my mother …………
Prove it …??!.!.!..
((الترجمه ~~>
اذا كنتي أمي .... اثبتي ذالك ..؟؟ ))
-(أم فيصل الروسيه ... خنقتها العبره بهاللحظه ...
ماتوقعت ولدها ينكرها .. صحيح من حقه بس كان الموقف صعب جدا عليها
كأم .... توها تشوف ولدها بعد ماتركته هو وخواته بالمستشفى
وهي بحالة فقر ويرثى له ...
والحين رجعت تدورهم بعد ماصارت سيده ولها أعمالها اتجاريه بروسيا
بهاللحظه اللبنانيه بسرعه تقدمت من فيصل ومدت له ورقه ثم قالت :~
ماعندا غير هاي الورئه ياللي بتسبت انو هيا جوزة أبوك المرحوم ....
-(فيصل يحس بضعف داخله من هالموقف اللي انتظره سنين عشان يعرف
حقيقة نسبه ومن يكون ... والحين يقولون ابوه ميت ..!!!
بعد لحظات سحب الورقه وهو يقرى الموجود فيها بيدين ترتجف ...
لما طاحت عينه على أسم ابوه وجنسيته ...
طاحت الورقه من يده بصدمه ...
رفع عيونه وهو يطالع أمه بصدمه موب مستوعب وبصوت قصير
وكأنه يكلم نفسه :~ سعودي ..!!!
أبوي سعودي .... يعن .... يعني أنا .... أنا ..
-(كملت عنه اللبنانيه :~ سعودي ... أبوك سعودي وتجوز إمك الروسيه ...
ومشان هيك جدك طرد ابوك وتبرى منوه ... لأنو تجوز من وحده
مش عربيه وبتحديد مش سعوديه... خاصتا انو جدك غني كتير للدرجه
خياليه .. ومابدو يطلع عليه حكي عنو بسبب ابنو ياللي اتجوز من ورا
ضهروه ع وحده روسيه ..
ومش من مئام عائلتكون ... بس ابوك كان كتير بيحبا ..
مشان هيك سافر معا ع الإمارات رغم حياتون الفئيره بس كملوها
لحتى ماإجى اليوم ياللي مات فيه ابوك بحادس وإمك بنفس اليوم ولدتكون ...
((بهاللحظه سكتت شوي ثم كملت :~
ولدتك انتا وخواتك التوأم ... تلاته ....
وبعدها ............... ((اللبنانيه ماقدرت تكمل .. حست ان الكلمات ماقدرت تطلع
منها من الإرتباك .. كيف تقول ان امهم تركتهم وهربت وهم بالمستشفى
توهم طالعين عالحياه ...
-(فيصل ساكت ... يحس بسم دخل بأذانه من اللي يسمعه ..
شي يعور القلب ... جده تبرى من ابوه عشان أمه الروسيه ...!!!
تذكر قساوة جده اللي تبنوه ...
ماتوقع انو فيه جد مثل جده اللي قبل ..
بس الحين حس انو مافي أحقر وأنذل من جده الحقيقي ...
فيصل بقلبه صدق كل شي .. بس عقله يقول مافي اثبات يدل اني ولدها او
انو القصه اللي قالوها حقيقه ... خاصتا لما سمع انو عنده
توأم ثلاث بنات ... هذا بحد ذاته شي قوي ...
-(فيصل :~ كملي ...!!
-(اللبنانيه نزلت عيونها ثم قالت :~ امكون ماكان عندا الماديه منيحه مشان
تربيكون ... خاصتا انو بتئول كان بدي ربيه لما توقعت انو طفل واحد ..
بس لما شافتكون توأم وأربع ..!!! ماكان عندا الحل غير انها تهروب ...
-(تغيرت ملامح فيصل وهو يقول بصدمه :~ تهرب ..!!
تهرب من أطفالها ..!!! عشان ماديتها ..!!! .!!!
هاي مينونه ..!!!؟؟
-(اللبنانيه :~ فيصل بليز ماتؤل هيك ...
-(التفت فيصل وهو مكشر بحقد للأمه اللي تطالعه بعيون غرقانه دموع وكأنها فهمت
من عيونه ان كارهها بعد القصه ...
-(فيصل بحقد وكره :~
How could u leave us like that………!!!
((الترجمه ~~> كيف تجرأتي على تركنا بهذا الشكل ..!!! ))
...
))ثم كمل بسخريه مليئه بالإحتقار والحقد :~
4 what ….!!... do u think the money is a reason….?..!!..
((الترجمه ~~> لأجل ماذا ..!!... هل تعتقدين بأن المال حجه لتركنا...؟..!!..))
-(أم التوأم .... بهاللحظه نزلت دموعها بندم وحسره ...
مدت يدها توها بتتكلم لما مسكت يد فيصل ...
الا وسحب يده بسرعه وهو مكشر بحقد ولوووم كبير ثم قال :~
after what I heard from her …. I wish that I didnt meet u
At all . . . .
((الترجمه ~~> بعد اللي سمعته منها ... أتمنى اني ماقابلتك أبدا . . . .))
((فيصل لف بيطلع من عندهم والنار تشتعل بقلبه وحاس بإحباط كبييير ...
بهاللحظه اللبنانيه توها بتتحرك بس أم التوأم مسكتها وقالت لها تتركه على راحته
عشان يفكر زين ...
رغم ان أم التوأم تبكي بحسره بس ماتبي تضغط على ولدها اللي عاذرته بهالردة الفعل
وبقوه ..
((فيصل فتح الباب اللي مطرف بقوه وهو توه بيطلع قابل أميره اللي واقفه
مصدومه من بعد اللي سمعته ...
توقعت ان اللبنانيه راح تساوي شي مع فيصل بس توقعها صار عكسه بشي قوي
وماكان عندها نيه تسمع هالموقف لو كانت تدري ان الموضوع يخص أهله ...
فيصل وقف يطالعها والحقد مالي قلبه من بعد أمه ...
أميره قلبها صار يدق بقوه من نظراته اللي تخوف خاصتا ان المكان ظلام شوي ...
بلعت ريقها بخوف وهي تقول بخوف :~ ماكان قصدي أسمع....
-(ماأمداها تكمل كلامها الا وسحبها فيصل من يدها وهو طالع من برى البيت كله ...
أميره فاتحه عيونها عالأخر ...
ماتدري وش بيسوي فيها بس تحس ان يدها متخدره لما مسكها كفه بكفها ...
لما طلعو برى البيت التفت عليها ثم قال بضعف وواظح عليه الإحباط الكبير...
:~ خذيني للأبعد مجان بالديره ....
-(أميره تطالعه وهي موب مستوعبه ... توقعت أقل شي يسويه يعطيها كف لأنها لحقته وتسمعت عليه بخصوصياته مع أهله رغم ان مقصدها تتسمع عليه
وش تبي منه اللبنانيه لما حست بغيره منها ...
أميره خافت شلون تاخذ واحد غريب عليها ... حست انها متوهقه ...
لو يدري أخوها يمكن يكون قبرها اليوم ...
عشان كذا سكتت ماتدري وش تقول .... تحبه تموت فيه وماتقدر ترفض له طلب...
بس هالمره ماتقدر لأن طلبه صعب عليها وبقوه ....
فيصل حس انها ماتبي ...
تهند بضييقه ثم لف وهو يقول بصوت يرتجف :~ خلاص انسي ...
((أميره لما شافته يروح من قدامها وهو محبط بشكل مو طبيعي ...
بسرعه قالت :~ سيارتي قريبه ... تعال وياي ...
((ماتدري شلون قالت كذا ....اللي قالته أكبر غلط بس من حبها الكبييير له ..
ماتدري شلون رضت ...
فيصل التفت عليها وهو ساكت ...
أميره لفت وركبت شيارتها ثم وقفت عنده وهي تقول من الدريشه :~ الركب ...
بس على الساعه تسع لازم الرد للبيت ...
((فيصل نزل راسه وهو ساكت ..ز فتح الباب ثم ركب جمبها ...
لما مشو ... أميره قلبها يدق بقووووووووه ....
حست ان الهدوء بالسياره راح يسمع دقات قلبها القويه ...
شغلت المكيف على أعلى شي ...
من التناحه فيها ماعاد تدري وش تشغل غير المكيف ...
فيصل مو حاس بأي شي ...
الحراره اللي بداخله منسيته كل شي حواليه ...
سند راسه على قزازة الشباك وهو يفكر بحزن كبير كبير كبيييير ..
ماتوقع الحقيقه راح تصدمه كذا ...
تمنى لو عاش حياته من غير مايعرف حقيقة أهله ...
أميره حست انه حزين للاخر درجه ...
ماحبت تضايقه أكثر ... لين ماوصلت للبحر بعيد عن الناس ...
حست بخوف كونها تكون معاه لحالهم ...
بس فيه بداخله قوه وجرائه متعديه حدودها ماتدري شلون جت ...
نحس بشي في داخلها يقول ..
عشان فيصل مستعده اسوي أي شي كبير ...
((لما وصلو وقفت بهالظلام اللي ماينشاف منه غير القمر اللي نوره قوي
على البحر وعليهم ...
طالع المكان رومانتك للاخر درجه ....
((أميره التفتت عليه ثم قالت بهدوء :~ شرايك بهالمكان ...
((فيصل حس بصوتها بس ماسمعه زين وهو يفكر للبعييييد عنها ..
مارد عليها ثم نزل بكل هدوء وجلس قدام الشاطئ ...
أميره وهي بسايره تطالعه وهو معطيها ظهره وجالس ...
فيصل يحس بجسمه ضعييف ومو قادر يشيل نفسه ...
يحس بجرح في قلبه كبير ...
احباط ماقد حس فيه من قبل رغم كل اللي واجهه بهادنيا ...
انسدح على الرمل وهو يطالع النجوم .....
أميره وهي تطالعه من داخل السياره حست بالعبره خانقتها على حالته ...
خاصتا انها ماتلومه ....
وهي تفكر بداخلها :~
فيصل من أصله سعودي ..؟؟ وأمه روسيه ...؟؟
اه يافيصل لو بيدي أساوي لك شي يبعد عنك هالعذاب جان ساويته بدون تردد ...
((بهاللحظه وهي تطالعه شافته كيف غطا وجهه بيدينه وهو منسدح عالرمل ...
نزلت بس كانت الصدمه عليها لما سمعت صوته وهو
يبكي بقل حيله ....
على الحقيقه الكريهه والمحبطه اللي سمعها ..
أميره بلعت غصتها وهي تحاول تكتم دموعها اللي بتنزل وهي تشوفه
يبكي رغم انه رجال ..
وهذا أكبر دليل انه يتألم من قلب ...
أميره جلست جمبه وهي تطالعه ....
فيصل مو حاس بأي أحد وهو يبكي بحسره ....ومغطي وجهه بيدينه ...
أميره بهاللحظه ماقدرت تكتم دموعها اللي نزلت وهي تقول :~
فيصل تكفى لا تبجي .....
((فيصل لما سمع كلماته صار يبكي أكثر وهو متحسر على نفسه ...
قام من سدحته وجلس ... ضم رجوله للصدره وحط راسه وظل يبكي بحسر وقل حيله ...
-(أميره مدت يدها ومسحت دموعها اللي تنزل أكثر وأكثر وهي تقول بصوت يتقطع من
عبراتها :~ فيص.....ل ... عفيه لا تبج.....ي... والله مايهون عل...ي اشوفك جذي..
((فيصل رفع راسه وهو يمسح دموعه ثم قال :~ روحي ....
-(هزت راسها بالنفي وهي تقول بعناد :~ لا ماأقدر اتركك لحالك بمجان
مافيه أي أحد وبعيد .... مستحيل اهدك وانت بهالحاله لو على قطع رقبتي ...
مستحيل ...
-(فيصل التفت عليها ثم قال بغضب وعيونه حمررررا ووجهه أحمرررر :~
أميره ليش تعاطفين معي ... ليش ...؟؟؟ .... جم مره جرحتج
وقطيت عليج أبشع الكلمات .... أميره انا مابي كل هذا ...
تعودت عالوحده .... تعودت عليها بدون أهل بدون أي أحد ....
خلاص روحي وتركيني رجاء ....
-(أميره وهو يشوفها كيف تبكي :~ مايهمني شكثر جرحتني ...
اللي يهمني انت وبس ... مابيك بهالحاله .... حتى لو اتعذب انا بحبك ..
مايهمني المهم انت وسعادتك ...
فيصل ... أنت تدري اني أحبك .... ومستعده اسوي أي شي عشانك ..
-(فيصل :~ للردجة انج تيين بمجان مافيه ؟حد غيري انا وياج ؟؟؟
-(أميره :~ايه وللدرجة اني مستعده للأي شي ثاني ... بس لا يصير فيك جذي ...
-(فيصل :~موب خايفه مني اساوي لج شي ؟؟؟...
-(أميره زادت دموعها :~ ماأدري والله ماأدري ... بس اللي اعرفه ان قلبي مايقدر
ينساك ..... تعبت من ثلاث سنين وانا ابي انساك بس ماقدرت ...
والله ماقدرت .... عفيه فيصل لا تزعل نفسك جذي ...
فيصل بلي.....................
((ماحست الا بفيصل سحبها له وهو ضامها بقووووووووووه ودموعه تنزل وهو يقول :~
خليج جذي وياي .... لا تتركيني مثل الباقي ....
((أميره طلعت عيونها من حركته الوقحه ....
تبي تدفه عنها بس تحس بكل خليه في جسمها ماتتحرك ...
جسمها جمد مثل الصخره ماتدري وش تسوي ...
حتى لسانها انربط ماقدرت تقول له أي شي انه يبعد عنها ...
فيصل نزلت دموعه وهو ضامها ...
للحظات حس بروحه ... بعد عنها بهدوء ثم قال وهو منزل راسه ويمسح
دموعه ....
:~ أنا اسف ....
((عض شفايفه عتاب للنفسه كيف سوى هالحركه لا إراديا ....
ثم كمل :~ اسف ..... قلت لج روحي ..... انتي ماخليتيني امسك نفسي وانتي جدامي ..
أميره .... روحي تكفين ... مابي اسوي لج شي ثاني ....
خايف عليج مني خاصتا وانا بهالحاله ....
أميره روحي .... روحي ....
-(أميره مجمممممممده مكانها ....
حست بجسمها يرتجف من الروعه كيف شاب غريب عنها يضمها بهالشكل ...
رغم كلامه ماقدرت توقف من الخوف ...
رجولها ترتجففففففف ماقدرت تشيل نفسها ....
فيصل وقف ثم راح عنها وهو يمشي على الشاطئ ويفكر بالحقيقه السيئه اللي عرفها...
أميره وهي تطالعه رايح للبعيد تحت نور القمر بين هالظلام ....
ماقدرت تترحك رغم انه صار بعيد عنها ...
"""""""""""""""""""""""""""""

((نرجع للصقر اللي واقف قدام الشقه متردد يدخل عقب اللي
سواه في ليان اليوم ....
بعد تردد كبير فتح الباب ....
لما سكر الباب بعده راح للجهة غرفة النوم ...
فتح الباب بهدووووووووووء والضيقه بقلبه كاتمته....
لما فتح الباب ... شافها كيف منسدحه ومعطيته ظهرها وتبكي بصوت مو
قصيييييير ...
حس بقلبه يعوره عليها ...
دخل الغرفه ثم سكر الباب ...
جلس وراها وهو يقول بتردد وضيقه :~
ل..... ليان ...
-(لما سمعته حاولت تكتم انفاسها وهي تبكي ...)
-(صقر بضيييقه كبيره :~ ليان .... أنا ...
أنا ............... اسف .... سامحيني .... ليان ردي ...
بس قولي لي انج مسامحتني .... ليان انا اسف بس ماتحملت أشوفج ويى
أخوي اللي ..... اللي .... اللي تحبينه ....
الغيره قتلتني اليوم ...
ماقدرت امسك نفسي خاصتا لما دافعتي عنه ...
ليان سامحيني ... موب قصدي وربي ...
-(ليان ساكته ودموعها تنزل بهدوووووء ...
جلست وهي تمسح دموعها ...
صقر راح وجلس على ركبه عندها ...
ميك يدينها الصغيره ...
وهو يقول بضيقه :~ ليان سامحيني .....
يعل ايدي تنقطع لما مديتها عليج ..... ليان سامحيني ....
ليان الغيره ذبحتني .... الحب ذبحني ...
الحب كبير علي ... ماأقدر اتحمل عذابه ....
ليان سامحيني .... سامحيني ...
((ثم تقدم شوي ثم حط راسه على رجولها وهو يكمل بصوت واظح عليه الضيقه
:~ ليان ساوي لي أي شي بس سامحيني ....
يعل ايدي القطع اللي انمدت عليج ....
سامحيني .....
((غمض عيونه بتعب كبير من عذاب حبها اللي ماقد ذاق طعم السعاده معها ...
:~ سامحيني ليان ....
((ليان نزلت دموعها لما سمعت كلامه اللي عور قلبها ....
بتردد كبير ...
مسحت بيدها على شعره الناعم ....
لما مسحت على شعره صارت تبكي بصوت واظح وهي تقول له
بصوت باكي :~
أنا اللي اسفه ....
أنا اللي اسفه ....
ماأبيك تتعذب وياي ....
صقر صدقني انا اتمنى اليوم اللي اقولك فيه اني أحب...
أحبك ... بس وربي ماأقدر ....
اسفه ...
اسف............
((لما رفع راسه حط يده على فمها وهو يقول :~ لا تكملين ...
لا تكملين ... مابيج تتأسفين مهما كان عذابج لي ...
مابي اسمع منج هالكلمه ...... يكفي انج وياي ....
يكفي انج لي ....
أنا بخليج تحبيني .... أدري ان محاولاتي كلها كانت فاشله لأن طبعي قاسي ...
ليان طبعي قاسي من وانا صغير .... عشان جذي تحمليني تكفين وعطيني الفرصه اللي
اثبت لج حبي ..... حبي الكبير ....
طبعي قاسي وعصبي بقوه .... هذا طبعي ماأقدر اغيره رغم اني حاولت عشانج ...
صبرت كثير عشان تحبيني ...بس ادري ان محاولاتي كلها كانت فاشله ...
((ضم يدينها بين يدينه ثم باسها بحنان ..
رفع عيونه وكمل يقول بصوته الحنون الدافي :~
اسمحي لي اثبت لج حبي من اليوم ورايح ...
راح احاول .... بأخليج أسعد بنت بهالكون ...
-(ليان بصوت باكي :~ أوعدني ...؟؟
-(ظل يطالع عيونها الذابله من الدموع ..... ثم قال ببتسامه حنوووونه :~
أوعدج ..... وعد مني أخليج أسعد بنت بهالكون ...
وعد مني أمحي من ذاكرتج كل الماضي الشيئ اللي طلع مني أو من اللي شفتيه
لما كنتي صغيره ......
وعد مني تكونين سعيده ....
((فتح يدها ثم قال وهو يطالع كفها الصغير :~ اذا ماوفيت بوعدي ...
اسمحي لي اطلب منج ...
ردي لي الكف على ويهي ....
((رفع يدها ثم حطه على خده وهو يقول بنفس الحنان :~ اذا ماوفيت
بوعدي .... أوعدج اننا ..... ((سكت شوي ثم كمل :~
أوعدج اننا ننفصل .... وعد مني ....
((ليان نزلت دموعها من بعد الكلام اللي قاله ....
وقف ثم جلس جمبها وهو يمسح بيدينه قال بضحكه بسيطه يبي يغير الجو :~
لا .... مابي أشوف دموعج من اليوم ورايح .....
دموعج غاليه يا.... يالغاليه ....

$$ أمممم لا أعتقد بأنني سوف أتجاوز الحدود وأكمل __^$$
لكن لا علي الا ان أقول لليان وصقر ..$$
نومه حلوه وأحلام سعيده مع بعض ^__* ..$$
""""""""""""""""""""""""""
((باليوم الثاني ...

$$ حتى الان لم نرى الحدث الكبير الذي سوف يتذكره جميع أبطالنا $$
للأبد ..$$
لنرى ماذا سيحصل للتوأم __^ $$

((فيصل لما رجع أمس بالتاكسي في الساعه ثنتين الليل ...
أما أميره من بعد حركته ماقدرت تتجرأ تشوفه مره ثانيه ...
ورجعت البيت وهي ترتجف خوف ....
بصباح هاليوم ...
مع يوم جديد للجميع أبطالنا ...
الكل يستعد للجامعه وادوامات ....
بس مافي أحد يدري ايش راح يصير فيه اليوم ....
الإبتسامه على وجيههم للصباح رايق ونقي ...
((في بيت تولين وأمها ...
تولين نزلت وهي تحس بنشاط كبير ...
لما شافت امها على الطاوله تفطر بعد ماتجهزت للدوامها ...
ابتسمت وهي تقول :~ صباح الخير ياأحلى وأغلى أم بهالدنيا ...
((جلست عالكرسي وبدت تفطر ...
أم تولين هالأيام صايره تفكر كثير من بعد السالفه اللي قالتها لها تولين ...
خايفه لا يجي اليوم اللي تروح منها تولين بلا رجعه ....
تولين حست على امها مو طبيعيه هاليومين ... عشان كذا قالت ببتسامه حلوه :~
مامي شفيج ؟؟
-(أم تولين وهي تاكل :~ سلامتج .... استعيلي قبل لا تتأخرين على محاظراتج ...
-(تولين ابتسمت بخبث وهي تقول :~ شرايج عاد اليوم ماأروح للجامعه وأروح
وياج ؟؟؟
-(أم تولين رفعت راسها بستغراب ..... أول مره تولين تقول انها تبي تروح مع
امها للمستشفى ...
للحظات ثم قالت:~ ليش ؟؟
-(تولين رجعت تاكل وهي تقول :~ لا بس ودي نغير جو انا وياج ...
وبعد الدوام نطلع للسوق او أي مجان ؟؟؟
-(أم تولين :~ لا روحي للجامعتج .... وبعد الجامعه نروح للسوق ...
بس لا تتركين جامعتج اللي هي مستقبلج ...
-(تولين :~ الله وكبر يالمستقبل .... عاد وين بتوظف ؟؟؟
-ماعليج بس اهم شي شدي حيلج والوظيفه لا تفكرين فيها الحين ...
-(تولين رفعت عيونها على الساعه ثم قالت :~ عيل خلاص انا بروح الحين
بس بعد الدوام بنروح للسوق هاه ؟؟
-(ام تولين ابتسمت :~ انشالله ...
((تولين بسرعه طلعت للجامعه مع السايق ...
في جهه ثانيه ....
نارا قامت ببطئ وتروشت ببطئ وكل شي عندها ببطئ وهدووووووء ...
ماخذه الحياه من بعد اخر سالفه ...
))إكس في إكس ))
لما لبست طلعت للجامعه ....
وهي تمشي مدت يدها تعدل قصتها اللي على وجهها بعد ماصبغت شعرها أمس
أسسسسسود ...
رفعت عيونها على اللي حواليها ..
ابتسمت بحتقار للكل لما شافت كيف يطالعونها وهم متقززين من شكلها ...
قطعت الشارع بجنون رغم ان السيارات سريعه ..
بس المخ فاصلته هي ...
لما مشت عالرصيف الثاني طلعت جوالها ثم شغلت على أغاني
روك ....
رفعت راسها وهي مغمضه وتغني بصوت قصير مع الأغنيه الأجنبيه ...
ماحست الا وهي صادمه ...
فتحت عيونها وهي متوقعه انها صادمه بجدار ضخم....
لما رفعت عيونها شافت يزيد واقف وهو متكتف ويطالعها ...
((عقدت حواجبها ثم كشرت بوجهه وهي لافه بتروح من جمبه ...
بس يزيد مسكها مع يدها من فوق وهو يقول :~
ممكن اخذ من وقتك دقايق ؟؟؟
-(سحبت يدها منه وهي مكشره .... طلعت السماعات من أذانها ثم قالت بملل :~
شقلت ؟؟؟
-ممكن اخذ من وقتك دقايق ؟؟؟
-(التتفت عليه ثم قالت :~ لاء ...
-(مشت بالرصيف ثم مشى معها يزيد وهو يقول :~
وش مسويه في نفسك انتي ؟؟؟
-(نارا بهدوء :~ شكلي وعاجبني .. انت شكو ؟؟؟
-(يزيد من النوع الصبوووور خاصتا مع نارا اللي ترفع الضغط بس يعرف
كيف يتعامل معها :~
للهدرجه تبين تلفتين الأنظار ..؟؟
-(التفت عليه بقهر ثم قالت :~ وانت شكو ؟؟؟
-(ابتسم بدون مايطالعها وكأنه يبي يقهرها :~ لا بس
توقعت ؟؟؟..
-(نارا :~ وانت للحين تلاحقني من مجان للمجان ؟؟؟
-(ابتسم أكثر :~ وانتي ماتبين تعرفين لي شانا الاحقك كذا وأدافع عنك
بأي مكان ؟؟؟
-(نارا :~ مابي اعرف ....
-براحتك بس صدقيني ماراح تفتكين مني لين ماأنتهي من اللي جاي عشانه ...
-(التفتت عليه ثم قالت :~ لا تقول بعد تحبني ؟؟؟
-(رفع راسه للفوق وهو يضحك بصوت عالي :~
هاهاهاهههها.....
((لما أخذ نفس من بعد الضحك التفت عليها ثم قال :~ ليش يهمك ؟؟
-(نارا انقهرت شوي ثم قالت :~ اكيد مايهمني ...
بس كنت بقولك لا تتأمل كثير ....
انا مستحيل أحبك أو احب احد غيرك ...
-موب لازم تحبيني ... اصلا انا مابيك تحبيني ((ثم التفت عليها وهو مبتسم ))
-(نارا حست بقهر من كلامه :~
يكون أحسن ..
-(يزيد بجديه :~ ليش مجرحه نفسك كذا ؟؟؟؟...
-(نارا :~ مالك شغل ...
-الا لي شغل ونص .... انتي تهميني ...
-(التفت عليه ثم قالت :~ وتقول ماتحبني ؟؟؟
-(ابتسم :~ صحيح كلامك ... أحسن من اللي يخجلون من الحقيقه ؟؟؟
-(فهمت انه يقصدها ... :~ ...............
-(تنهد ثم قال :~ ماراح اقولك انو اللي تسوينه غلط بغلط ...
بس راح اقولك هذي مو طريقه تحلين فيها مشاكلك ...
الواحد يتجه للربه ويشكي له همومه ... وبعدها أكيد
راح يرتاح ...
الواحد لو يفكر من ناحية الدين لقى ان مشاكله كلها راح تنحل ...
عموما انا مابيك تشوهين نفسك لأنك بالحقيقه حلوه وأنا متأكد ....
((لما وصلو للجامعه ونارا ساكته وهي تسمعه ....
التفت عليها لما حس انها ماراح تتكلم ثم قال :~
يالله انا وراي محاظره .... واذا احتجتي مني هذا رقمي سجليه عندك ...
-(رفعت راسها ثم قالت من غير شعور :~ مايحتاي رقمك عندي ...
((سكتت شوي تحاول تسترجع كلماتها المتسرعه اللي قالتها ...
ابتسم عالخفيف ثم قال :~
اجل يالله انتبهي للنفسك ...
((يفكر كيف ان رقمه عندها من سنتين ...
هذا شي يطمن ...))
((عند الإداره ....
أم التوأم واقفه بعد ماطلبت من الإداره يستدعون عيالها الأربعه ...
تولين كانت بكلاس الدكتور طلال ....
أما نارا بحاظرتها برضو ...
فيصل جاي متأخر ومنسدح بين قروبه على رجل برهوم ..
ومغمض عيونه ومايحاكي أحد ابدا ....
الكل مستغرب منه أول مره يكون بهالحاله ومايكلم احد ابدا حتى يكلمونه
ولا يرد عليهم ...
أميره لما مرت من عندهم خايفه تلتفت عليهم وتطيح عينها بعين فيصل ...
بس بالصدفه لمحته كيف هو منسدح ومغمض عيونه ومو داري عن أي احد ...
تذكرت ضيقته وحزنه اللي امس ...
كيف للحين مهموم ...
دخلت المبنى وهي متجهه للمحاظرتها ...
أما ليان اللي دخلت هي وصقر مع بعض ...
ليان وهي تمشي وجمبها صقر ...
-(التفت عليه ثم قالت بهدوئها المعتاد :~ انا بروح للمحاظرتي ...
-(صقر ابتسم :~ بوصلج ليييييين الباب __^ ...
-(ليان نزلت راسها برتباك من كلامه ثم مشو مع بعض ...
لما وصلت للقاعه توها بتدخل الا وقال صقر بسرعه :~
لحظه لحظه على ويييييييين ..؟؟
-(التفتت عليه مستغربه )
-(صقر وهو يأشر على جواله ويقول :~ شنو مرسله لي انتي اليوم ؟؟
-(ليان عقدت حواجبها وهي ماتتذكر انها بحياتها الرسلت له شي ...
-(صقر :~ ماصدقتيني تعالي قوبي وشوفي بعينج ...
-(ليان قربت بتشوف جواله وش يقصد برساله ؟؟؟
ماحست الا بصقر دنق وعطاها بوسه خفيفه وهو يضحك ...
ليان قلبها وقف من الحركه اللي سواها ...
بسرعه حمرررر وجهها بسهوله ..
لفت ثم دخلت للقاعه بدون ماتطالعه او تقول شي ...
صقر ضحك لما شاف وجهها اللي صار طماطه ...
تنهد بقوووه وهو يقول بصوت قصير :~ ياقلبي وه .....
((ثم راح للمحاظرته ........................
((في كلاس الدكتور طلال ...
تولين حاطه رجل على رجل وهي تكتب ثم تتابع الشرح ...
حست بنظرات جاسم لها اللي من بداية الكلاس ...
تولين التفتت عليه ورفعت حواجبها وكأنها تقول نعم خير فيه شي ..؟؟؟
طلال شاف حركتها للجاسم ....
وهو يشرح التفت على جاسم اللي بادل نظرة تولين ببتسامه ...
تولين كشرت ثم لفت وكملت تكتب ...
طلال حس انه موب مرتاح .... توه بيقول جاسم الا وطق الباب شخص برى ...
التفتو كلهم عالباب اللي طل منه معلم وهو يقول :~ معليش عالمقاطعه بس ابي طالبه
عندكم ...
-(الدكتور طلال استغرب :~ ليش .؟؟
-الحقيقه الإداره اللي تبيها .... اسمها تولين ...
((تولين رفعت عيونها مستغربه ....
طلال التفت عليها متعجب ثم قال بهدوء :~ تولين تقدرين تتفضلين مع الإستاذ ..
-(تولين سكتت شوي تفكر هي وش مسويه ...
بس ماتحس انها مسويه شي ...
قامت بعد مادخلت كتابها بشنطتها ثم طلعت ....
وهي تمشي مع الإستاذ رايحين للإداره التفت عليها الإستاذ :~
انتي روحي وانا بنادي الباقي ...
((عقدت حواجبها تحاول تستوعب شسالفه بس سكتت ولا قالت أي كلمه ...
بعيييييييد من جهة قاعة نارا اللي متكيه عالجدار ومسحره برى الشباك ...
لما طق الباب قال الإستاذ :~ سوري عالمقاطعه بس الإداره تبي الطالبه نارا ...
((نارا التفتت عليهم ببرود ...
-(الدكتوره :~ نارا بتئدري تطلعي ...
((نارا بملل رفعت شنطتها على كتفها ثم قامت بتكاسل ....
لما طلعت التفت عليها الإستاذ ثم قال :~ انتي روحي للإداره الحين ...
-(نارا :~ ليش ؟؟
-روحي وبتعرفين ...
((نارا بملل لفت وهي متجهه للإداره ....
في قاعة ليان لما نادى الإستاذ ليان ...
ليان التفتت مبخوف لما سمعت كلمة الإداره ...
بحياتها ماقد نادوها الإداره او سببت مشاكل ...
كيف ينادونها الحين ؟؟
لما قامت وبيدها شنطتها ...
طلعت ويدها على قلبها ...
هي راحت للإداره اما المعلم راح يدور فيصل ...
لحد ماقالو له انه عند باب المبنى برى جمب الدرج ....
-(المعلم وقف وهو يقول لقروب فيصل :~ منو فيكم فيصل ؟؟؟
-(فيصل كان مغمض عيونه ... لما سمع اسمه فتح عيونه ...
شلة فيصل التفتو على فيصل وهم ساكتين بستغراب ..؟؟
-(فيصل عدل جلسته ثم قال بهدوء :~ نعم انا فيصل ؟؟؟
-تعال وياي عالإداره ...
-(كل الشله :~ الإداره ...!!!!!!!...
-(عبادي :~ ليش استاذ شمساوي فيصل ؟؟
-(الإستاذ :~ تفضل وياي وبتعرف شسالفه ...
((فيصل بملل قال :~ ماينفع بعد ساعه ؟؟؟
-(المعلم :~ لا الحين .. يالله قوم ...
-(قام وهو يتأفف بملل ..
القروب كله قامو ورى فيصل والمعلم ...
-(المعلم التفت عليهم ثم قال :~ على وين بتلحقونا ؟؟؟
((سكتو بس اكتفو ببتسامه ترقع موقفهم ...
-(فيصل بملل كمل طريقه وطنش المعلم وقروبه ...
لما وصلو للإداره التفت المعلم وهو يقول بستهزاء :~ لا بعد دشو داخل ويى رفيجكم ؟؟
-(فهد ابتسم بإحراج وهو يحك شعره :~ لا والله ماودنا نضيق عليكم .. بنترياه هني ..
((فيصل فتح الباب ثم سكره بعده ..
لما رفع عيونه ...
وقف وهو مصدوم لما شاف أمه الروسيه ...
حس بقلبه بيطلع ...
لف عيونه وهو يشوف ثلاث بنات واقفات ...
تولين متكتفه بملل وتطالعه بحتقار وكل اللي حواليها مايسوون عندها
ظفر وهذا اللي واظح عليها .. وكأنها تقول يالله اخلصو علينا شتبون ..
التفت على البنت الثانيه اللي هي نارا ...
متسنده عالجدار ورافعه رجلها عالجدار وتطالع ألأرض بطفش ...
لما التفت على البنت الثالثه ...
كانت ليان منزله راسها بأدب وواظح عليها الخوووووووف وهي واقفه بحترام ..
-(الإداره :~ انت فيصل ؟؟؟
-(تنهد وهو يحس بشي كبت على صدره من الإرتباك :~ أي نعم ...
-(الإداره :~ هاي قالت لنا نستدعيكم ...
والحين تقدرون تتفضلون برا وتتناقشون معها باللي تبيه منكم ...
-(تولين بغرور :~ ؤفففف منو هاي اصلا ..؟؟؟
((وهي تطالع أمها من فوق للتحت بحتقار ...
-(نارا مشت بهدوووء وطلعت برى الغرفه ....
أما ليان رفعت عيونها تبي تعرف تروح أو لا ...
((لما طلعو التوأم مع أمهم ...
اللبنانيه كانت واقفه برى ثم قالت للفيصل :~
خلونا نطلع للحديئه ...
-(فيصل :~ هاي شنو يابها هني ..؟؟
-(اللبنانيه :~ انتا بتعرف انو امك ماراح تعرف تتكلم معكون بما انها بتتكلم روسي ...
مشان هيك خلونا نطلع برى الحديئه ونتكلم على راحتنا ...
-(تولين عدلت وقفتها بغرور :~ انتي هيه مناديتني من المحاظره عشان تخربطين
على راسي .؟؟؟ بلا حديقه بلا هم انا موب فاضيه لكم وخرابيطكم ..
بعدين منو انتو اصلا ؟؟؟
((لفت بتروح بس اللبنانيه بسرعه قالت :~ لحزه راح تعرفي كل شي
برى ...
((لما طلعو بالحديقه ....
قريب جنب الشارع ...
تقابلو مع رجالين واقفين وواظح عليهم موب عرب ...
-(اللبنانيه وهي واقفه قدام التوأم اللي واقفين جمب بعض بس بسمافات ...
:~ كل واحد منكون بيعرف اسموه بس مابيعرف مين أهلوه الحئيئيين ...
-(تولين :~ وانتي شكو ..؟؟
-(نارا بملل :~ ؤففففففف وبعدين ..؟؟
-(اللبنانيه التفتت على ليان تنتظر منها كلمه بس لاحظت الإحترام والأدب
وهي منزله راسها وساكته ...
-(فيصل ساكت وقلبه يدق بقوه وهو يطالع أمه بصمت ...أمهم اللي منزله راسها
ودموع غرقانه عيونها ...
-(اللبنانيه :~ ياللي راح تسمعوه هلئ راح يكون صدمه كتير
كبيره عليكون .....
((كلهم ساكتين ويطالعونها ....
-(اللبنانيه حاسه بتوتر رغم انو مالها علاقه :~ الحئيئه ...
انتو الأربعه ...... اخوان ..... توأم .....
وهاي إمكون ياللي جابتكون عالحياه ...
~~~~~~~~~
~~~~~~~~~
~~~~~~~~~~~~~~~~~.
~~~~~~.
~~~~~~~~~~~~~~~~~~~~~~~~~~~~~~~.
~~~~~~~~~~~~~~.
هدوووووووووووووووووووووووووووووء ....
الكلام عالتوأم مثل الكف اللي صحاهم على شي ينتظرونه من سنين ....
بعد دقايق من الصمت ...
-(نارا بضحكه ساخره خفيفه :~ هههه .... هاي مينونه ولا شنو ؟؟؟
-(تولين التفتت عليها ثم قالت بنفس الضحكه الساخره :~
لا وانتي الصاجه يايه تساوي اكشن علينا ....
(ليان تطالع الأرض مصدوووووومه ..
تحاول تستوعب شسالفه ...
اخوان ....
توأم ...
أمهم قدامهم ..؟؟؟
((أما فيصل عارف حقيقة الأم ...
بس الصدمه عليه لما عرف انو هذولي خواته ...
صحيح مافيه دليل ...
بس أول مره يحصل لهم هالموقف فشي طبيعي ينصدمون منه ...
((بالشارع ...
بندر توه نازل من السياره الفخمه ....
العم بندر وصل للجامعه عشان ياخذ عيال أخوانه للسعوديه ...
أما أم التوأم جايه تاخذهم للروسيا ...))

$$برأيكم مالذي سيحصل ...؟؟؟....
فتكملة هذا الحدث بالبارت القادم ..$$
الحدث الذي لطالمها انتظرناه منذ بداية الروايه $$
هاهو اليوم حصل ..$$
انتظروني بالبارت القادم بأذن الله ..$$
سلامي ومودتي للجميع ...
فيرزاتشVirsatChe ي ..
أو .....
دم حبيبي يرويني ..
Salam…………….

==الباب الخامس عش15ر==
==الفصل ال1أول==

((فيصل التفت يطالع خواته ...
تولين برتباك التفتت على فيصل اللي يطالعها ...
كشرت بغرور :~ هيه انت شتطالع ..؟؟؟ لا يكون صدقت هالجذب ؟؟؟
تخيلو تكونون اخواني ((قالت اخر جمله بقرف .. وهي تطالع نارا من فوق لتحت ...
نارا حست بنظرات تولين عشان كذا التفت عليها ثم طلعت لسانه بقوووه بالمايل ...
ثم لفت راسها بهدوء ...
تولين لما شافت حركة نارا وكأنها تقلل من تولين ... كشرت بقرف ثم الفتت على ليان ..
وتطالعها من فوق لتحت ...
ليان حست بتولين تطالعها عشان كذا نزلت راسها أكثر ولو بيدها
دخلت تحت الأرض ولا انو احد يقعد يطالعها ...
نارا وتولين التفتو على فيصل وهم يطالعونه بشمئزاز ...
فيصل حس بنظراتهم .. رفع عيونه عليهم وهو رافع حواجبه وكأنه يقول نعم فيه
شي ؟؟؟؟
تولين ونارا يطالعونه بشمئزاز وهم عارفين انه أكبر مغزلجي ..
((فيصل علطول عرف نظرتهم وش يقصدون فيها ..
رفع حواجبه أكثر :~ في شي غلط ؟؟؟
نارا لفت وجهها للجهه الثانيه بحيث طاحت عينها على العم بندر اللي توه داخل من الشارع ..
اما تولين عطته نظرة غرور ثم التفتت على اللبنانيه وقالت:~
انتي ممكن تتحجين عدل وعن الجذب السخيف مالج ....
-(اللبنانيه :~ والحئيئه الأكبر انتو بنات بدر بن سعد بن محمد ال.............
من السعوديه أما امكون روسيه ....
وهلأ امكون بدهاياكون تروحو معها ع روسيا
((التوأم سكتو يبون يستوعبون شسالفه ...
الورقه اللي تثبت انها زوجة ابوهم عطتهم اللبنانيه يشوفونها بنفسهم ..
تولين رفعت عيونها برتباك وهي تحاول تكون واثقه :~
طيب هذا مايثبت انها امنا وهذا ابونا ؟؟؟ وين ورقة الولاده او أي شي يخص
الحقيقه اللي يثبت اننا عيالها ...
-(اللبنانيه توترررت أكثر ... التفتت على أم التوأم ثم قالت لها كل شي بالروسي ..
لما قالت لها الأم بعض الكلام ...
التفتت اللبنانيه ثم قالت :~ هيا عم بتئول انو بتعرف المستشفى ياللي ولدتكون
فيه ... راح تاخدكون ويمكن تلائون أوراْء بتخص ولادتكون ...
لي.....
-(قطع عليهم صوت خشن وراهم :~الاوراق معي ....
((الكل التفت على العم بندر ....
التوأم عقدو حاوجبهم موب عرافين منو هذا بعد ؟؟؟
فيصل وهو يدقق بملامح بندر ...
مايدري وين شافه ولا يتذكر انهم قد تقابلو قبل سنتين....
بس يحس ان ملامحه موب غريبه عليه ...
-(بندر بجديه وهو يطالع التوأم الأربعه .... طالع فيصل ثم قال :~
انت فيصل ...
((ثم التفت على نارا وقال :~ وانتي نارا ....
((لما التفت على ليان قال :~ وانتي تولين أو ليان ..؟؟؟
-(تولين بلعت ريقها بتوتر :~ وانت منو .؟؟؟؟
-(ابتسم أكثر ثم قال :~ أنا عمكم بندر اخو ابوكم بدر ....
انتو عيال بدر ال..............
وانتو من السعوديه ....
والأوراق اللي تثبت انكم عيال بدر وهذي أمكم ...
((طلع كم ورقه ثم عطاهم يشوفونها ....
الأوراق تتداول بينهم بصدمه ....
ليان حست بصداع وغثيان من الخوف اللي بقلبها ...
شي تنتظره يمكن أكثر وحده من بين اخوانها الحين يصير قدامها ...
فيصل كان جمب ليان ...
حس انها بتطيح ...
بتردد كبييييييييييييييييير بعد ماتأكد انها اخته ...
مد يده ومسكها مع كتفها عشان ماتطيح ....
فيصل حس بقلبه بيطلع من مكانه من التوتررررررر ....
-(تولين خنقتها العبره وماقدرت ترفع راسها ...
كل واحد متوتر أكثر من الثاني ...
ماعدا شخص واحد ...
اللي هي نارا ...
رفعت راسها ببرود ثم رمت الأوراق وهي تقول :~
وانتو توكم تطلعون لنا ؟؟؟ بعد شنو .؟؟؟؟ صج حثاله ...
-(بندر وهو يطالعها بشمئزاز ثم قال :~ اخر شي توقعته بنت اخوي تصير من هالنوعيه ؟؟
-(نارا بتحدي :~ لا تقول بنت اخوك ... مايشرفني اكون منك لا انت
ولا اخوك هذا اللي ماندري وينه ...
ولا خايف ...؟؟
-(بندر تحولت ملامحه للغضب بس حاول يضبط اعصابه بما انها ماتربت وواظح من
شكلها :~ ابوك مات .... من قبل لا تنولدون ...
-(تولين رفعت راسها وعيونها غرقانه دمووووع بلعت ريقها وهي تطالعه ..
التفتت على أمهم اللي واقفه بحزن كبيييير....
-(بندر :~ والحين بعد ماتأكدتو اني عمكم ... لازم اخذكم للسعوديه
عشان تقابلون جدكم ...
-(فيصل رفع راسه بكره وحقققققد بما انه عارف القصه زين :~
أي جد اللي تتحجى عنه ؟؟؟
الأبو اللي يتبرى من ولده عشانه تزوج روسيه ؟؟؟؟
تبرى منه بس عشان سمعته وثروته عند المجتمع ...؟؟؟
-(بندر ساكت بدون أي كلمه وهو مقدر ردة فعلهم ...
-(تولين التفتت عليه ثم قالت ودموعها صارت تنزل بدون ماتحس :~
ليش تركتونا ..؟؟؟ شذنبنا ..؟؟
-(نارا التفتت على ليان وهي تتذكر اخر موقف لما حاولت تهرب هالبنت من
زواجها ....
-(اللبنانيه وراهم :~ انتا شو عم بتئول ...؟؟؟ إمهون هيا أولى فيون ...
((أم التوأم لما فهمت السالفه من اللبنانيه بسرعه راحت للبندر
وهي تبكي وتترجاه بلغه روسيه مافهومها أحد غير اللبنانيه ....
بس كان شكلها جدا يرثى حاله وهي تتوسل له ...
مسكت يده تترجاه انه يترك عيالها لها بس بندر مافهم شي وحس بتوتر
لما مسكته ..
سحب يده منها بتوتر مايدري شفيها ..؟؟
-(اللبنانيه حست انها بتبكي على وضع أم التوأم ثم قالت :~
عم تترجاك تتروك أولادا إلى .
((ليان ماعاد تحملت الموقف حطت يدها على فمها وهي تحاول تبعد الغثيان
بس الظاهر مافي فايده ..
توها ملتفته على ورى بتروح تستفرغ بعيد بس مالحقت لما استفرغت عندهم...
بلحظه اللي استفرغت فيها نزلت دموعها وصارت تبكي بصوت واظح ...
تولين وهي تطالع ليان نزلت دموعها أكثر من قبل وعقلها مشوش ...
أما فيصل اللي واقف يطالع ليان بحزن كبييير كيف صارت حالتهم كذا ...
نارا توها بتتحرك تروح لليان الا وسبقتها أمهم لها وهي تقول كلمات غير مفهومه
بس واظح الخوف بعيونها على بنتها ...
فيصل ضغط على كفه بكررررررره وهو يشوف كيف امه حاطه يدها على اخته
اللي توه يعرفها ..
ماقدر يتحمل خاصتا انه عارف كيف هربت منهم بالمستشفى ..
ليان وهي تبكي حست بيدين على كتوفها حنونه ...
التفتت ببرائه وهي تبكي وتطالع أمها وكيف تبي تظمها بقوه ..
بس فيصل ماعطاهم فرصه لأنه سحب أمه بقوه ودفها بعيد عن
ليان وهو يقول بصوت كله حقد وكره :~ توج تعطفين علينا؟؟
-(اللبنانيه بسرعه قالت :~ فيصل اهدى هاي إمك ...
-(فيصل التفت عليها وصار صوته أعلى بحيث اللي حواليهم التفتو عليهم :~
لا تقولين امي ..... هاي موب امي ...؟؟
-(ليان بسرعه بعد مامسحت فمها وهي مرعوبه من فيصل ...
بسرعه راحت للأمها ولأول مره ترفع صوتها بدفاع وهي تبكي ووجهها أحمرر:~
اذا انت ماتبيها انا ابي الروح وياها .... لو حتى للروسيا ...
((الكل فتح عيونه عالاخر ماعدا امها اللي مافهمت شي ...
نارا لما شافت ليان بصف أمها راحت جمب ليان ثم قالت :~
وانا بعد بروح وياها للروسيا ....
((تولين قلبها صار يدق بقوه وهي تفكر بأمها اللي ربتها ...
ماتقدر تتركها مستحيل ...
بندر وفيصل التفتو على تولين وهم خايفين لا يكون بعد هذي تبي تروح
معهم ...
تولين التفت عليهم بعيون باكيه ....
هزت راسها ببطئ نفي وهي تقول :~ انا عندي أمي
اللي ربتني .. ماأقدر اتركها ...
-(بندر بسرعه قال بخوف للفيصل :~ وانت .؟؟؟
-(فيصل التفت عليه ثم قال :~حياتي بدونكم افضل ...
((ثم لف بيروح ... بس بندر مسكه مع يده بقوه وهو يقول بجديه :~
جديك تعبان يبي يشوفك انت وخواتك ...
-(فيصل سحب يده ثم قال بضبط اعصاب تلفانه من أمس :~
مايشرفني يكون يدي ...
((سحب يده ثم راح للمبنى ....
تولين بسرعه دموعها صارت تنزل بخوووف...
لفت على الشارع ثم طلعت للمواقف السيارات ..
جلست بينهم ونزلت راسها بين يدنها وهي تبكي وتبكي ...
وتبكي .... مشوشه ماتفكر غير بالمفاجأه الكبيره اللي طلعت لهم ..
سعوديه .. امها روسيه ...
جدها تبرى من ابوها ...
امها تبي تاخذهم للروسيا وعمها يبي ياخذهم للسعوديه ..
بجد ماتعرف شلون تفكر ...
مخها مشوووووش ..
وزياده على كذا ماتقدر تترك امها اللي ربتها وتعبت عشانها ...
((من جهة نارا التفت على ليان ثم قالت بتردد :~ انتي بخير ؟؟؟
-(ليان التفت على أمها وهي تبكي ...
بسرعه أمها ضمتها بقووووووه ....
نارا وهي تطالعهم حست برتباك وتوترررر ...
لما رفعت امها عيونها عليها ...
وكأنها تقول تبي تضمها ...
نارا بلعت ريقها بتوترررر ...
رفعت عيونها لين ما شافت يزيد واقف يطالعها ...
لما شافته حست ودها تبكي ...
تحس هذولي اللي توها تتعرف عليهم غريبين عليها ...
والوحيد اللي تحسه اقرب لها من الباقين هو يزيد ...
يزيد يطالعها من بعيد بعيون حنونه ....
نارا ماقدرت تتحمل نظراته ...
نزلت حواجبها بطريقه وكأنها حزينه وتبي تثير عاطفته لها ....
وفعلا يزيد حس بقلبه ينغزه لما طالعته بهالنظره اللي وراها الف غموض
وغموووض ...
أشر لها بعيونه للمبنى وكأنه يقول قابليني جوا ...
لف ودخل بالمبنى ...
نارا بسرعه راحت للمبنى بدون ماتطالع أي احد ...
بندر حس انه متوهق شلون يجمع عيال
اخوه ...
((فيصل أخد من بين جلسة قروبه كتابه ثم لف بيروح ..
-(فهد :~ فصول على وين ..؟؟
((فيصل مايسمع أي أحد وبس يمشي وهو حاس بمشاعر جواته
مافهمها ...
بالصدفه شاف أميره جالسه لحالها وفاتحه كتابها ....
تذكر الموقف اللي أمس ...
بسرعه بعد عنها وراح للشارع قبل لا تشوفه ...
أميره بالصدفه رفعت يعونها وشافته من بعيد بس ماتحركت
من بعد الموقف اللي امس مالها وجه تقابله ...
((نارا لما دخلت المبنى التفت يمين يسار مالقته ...
ماحست الا بيد تمسكها من يدها وتسحبها للكفتريا ....
نارا التفت على يزيد اللي ماسك يدها وهو متجه للكفتريا ...
((لما جلسو قدام بعض ...
-(يزيد حاس بتوترررررر ... توه بيتكلم ويقول
كل اللي عنده الا نارا سبقته لما قالت وهي منزله راسها
بضييييقه وكأنها كاتمتها قدام الأغراب اللي هم اهلها ..
بس ماقدرت تخفيها من يزيد :~
يزيد عرفت كل شي عني ...
أمي أبوي .. عمي يدي ..خواتي وأخوي اللي هم توأمي ...
شي مايدخل بالراس ....
ماأدري منو أصدق منو أجذب ... ولا شنو اساوي ...
حاسه اني مخنوقه الحين ...
احسهم غريبين عني ماعدا وحده اسمها ليان ...
ماأدري ليش هالبنت دخلت قلبي من قبل لا اعرف انها اختي ...
من زمان وانا احس انها داخله قلبي ...
بعفويتها وبرائتها ..
عكسي تماما ...
ماأستاهل أكون اخت وحده مثلها ...
قل لي شنو اساوي ..؟؟
راسي مشوش .... مخنوقه للدرجه جنونيه ...
-(يزيد وهو يطالعها يحس بحب كبير لها ....
ابتسم بحنان يبي يطمنها :~
يمكن اذا بكيتي ترتاحين ...؟؟
-(بيأس وحزززن :~ ياليت أقدر ...
-(يزيد :~ حاولي ...لا تستحين قدامي او من أي احد ....
انتي يانارا طيبه وبقوه ... بس انتي تحاولين تخفينها بأي طريقه ...
نارا ......
-(بسرعه قاطعته :~ لا تقول أي شي ..... يزيد انا ماأحس انهم اهلي ...
بس فيه شخص واحد احسه أهلي وأمي وأبوي وكل شي بقلبي ....
((يزيد بلع ريقه بتوتر ...
خاصتا لما قالت :~
يزيد انت تكفيني .... انت كل أهلي ... انت للحين تحبني والدليل
انك ماتركتني .... خاصتا اني عرفت نسبي وكل شي ...
واذا شكلي موب عايبنك انا مستعده اغيره ...
تبي نتزوج ؟؟؟ ؤكي انا موافقه ...
تب.....
-(قاطعها بضيق وبجديه :~ نارا .... اسمعيني بالأول قبل لا تتعجلين ..
مو قبل لا تعرفين كل شي عني ...
-مايهمني ..
-بس انا يهمني ...
-مابي اسمع ...
-نارا اسمعيني ولا ماراح اقدر اواجهك مره ثانيه وانا مخبي عنك
موضوع مهم ...
-....................
-(يزيد بتوترررر وأخيرا بيقول كل شي عنده بعد سنتين
من المحاولات ...
بلع ريقه بخوووووووووف ثم قال وهو حاط عيونه بعيونها :~
أوعديني تسمعين كل كلمه اقولها وتفهميني زين ...
-(بلعت ريقها بتوتر وهي خايفه تسمع مصيبه ثانيه :~
طيب ...
-(يزيد نزل راسه بضيييقه ثم قال :~ نارا أنا .....
أنا .... ((تنهد برتباك ثم كمل :~
نارا انا ييت للإمارات عشانج ...
بالسعوديه انا أعيش مع أمي وأختي ....
وحالتنا كانت مرررره صعبه يعني على قد حالنا وبقووووه ...
مع الأيام قابلت أمي جدتك .... من قبل خمس طعشر سنه ....
وقالت لها عن موضوع بنت ولدها اللي هي انتي ...
وهي ماتدري عن التوأم اللي تحكين عنهم الحين وانا بعد توني
أدري ان عندك توأم ...
على حسب ماقالت جدتك انها مره سمعت من جدك
وهو يكلم واحد يالتليفون ... ويتكلم عنك وقال اسمك ايش ...
من بعدها سألته جدتك لين ماقال لها عنك بس وأن ابوك الدكتور بكل
سنتين يدق على جدك ويقول له انه يبي يرجعك لهم ...
بس جدك كان يرفض .... جدك يعرف اسمك من الدكتور اللي هو ابوك اللي رباك ..
المهم ...... جدتك من ذاك اليوم وهي متضايقه بشكل كبير عليك ...
جدتك ساعدتني أشتغل بأحسن الوظائف ...
وساعدت اختي تشتغل برضو ...
لحتى ماصارت ماديتنا مرتفعه ...
والفضل يرجع لله ثم جدتك ...
بعد سنوات مرضت لكبر سنها ...
قبل لا تموت قالت لي عنك ... ووصتني اني أدورها وأرجعها
للسعوديه عند أهلها اللي هم عمك وجدك ...
ووعدتها اني انفذ وصيتها وأرد لها المعروف الكبير اللي عطتنا اياه لي انا
وأهلي بعد ماكنا محتاجين وبقوووووه ...
لما جيت للإمارات وعدت نفسي الاقيك ...
بعد مالقيتك صرت الراقبك وأحميك من أي شي لين ماأقولك الحقيقه
وأرجعك معاي للسعوديه ....
حاولت اتقرب منك بس ماقدرت ...
-(نارا بسرعه قاطعته :~ بس انا أتذكر اول مره تقابلنا فيها قلت لي بشاير ؟؟؟ منو
هاي بشاير ؟؟؟
-(ابتسم رغم انه مرتبك :~ هاي كانت محاوله بس عشان اتقرب منج ..
يعني انا ماييت وقلت لج نارا رغم اني عارف ان اسمج نارا ...
خفت لو اقول نارا تبتعدين عني ...
بس لما قلت لك بشاير كأني غلطان وبعدها اتقرب منك شوي شوي ولا كأني قاصدك
.. خاصتا لأني شفت شخصيتك غير عن باقي البنات وصعب التعامل معك
وبقووووه وغامضه للدرجه جنونيه ...
قلت هذي احسن فكره اتقرب منك ...
بعد كذا ((سكت شوي ثم قال :~ مع الأيام اكتشفت اني احبك ..
خاصتا بيوم المطر والعواصف .... لما طحتي مكتومه
حسيت بقلبي بيطلع من مكانه وانا اشوفك بهالحاله ...
بهذاك اليوم عرفت وتأكدت اني احبك ...
رغم ان نيتي بس الرجعك للأهلك ..
بس ماجى في بالي ابدا اني بحبك ....
حاولت كم مره اقولك بس انتي ماعطيتيني فرصه ...
والحين بعد ماعرفتي اهلك ... اعقتد مابيدي أي شي
اسويه لك بعد ..... انا كنت مقرر لما ارجعك للسعوديه أرجع للشغلي وأعيش حياتي مثل قبل ..
((بلع ريقه بتوتررررر ثم كمل :~
وهذي هي سبب كل مراقبتي لك ...
-(نارا بعيون كلها حب :~ شلون يعني بتتركني ؟؟؟
-(نزل راسه ثم قال :~ أي برجع للسعوديه ...
-(نارا بسرعه :~ طيب اصبر لين مانتخرج ... وأنا وانت نرجع للسعوديه
ونتزوج ...
-(سكت شوي ثم قال بيأس وضيييق :~ مانقدر ..
-(بسرعه :~ ليش ..؟؟
-(رفع عيونه لها ثم قال :~ مانقدر وبس ...
((وقف بيروح بس بسرعه مسكت يده وهي تقول :~ لا تروح قبل لا تقول لي
ليش مانقدر ..؟؟؟ .. اذا ماتحبني قول عادي ولك مني أهدك بحالك ..
بس جذي تخليني ..؟؟..
-(سحب يده لكل هدووووء ثم قال ببتسامه :~ ماعندي شي اقوله لج ...
((وبعدها راح .... رغم انو كان بإمكان نارا تصر عليه وماتتركه ...
بس سكتت ولا قالت شي رغم ان النار اللي تشتعل بقلبها قويه ...
"""""""""""""""""""""""""""""""
((بين مواقف السيارات ...
تولين للحين تبكي لين حست عيونها بتطلع ...
لاحظت بأحد واقف عندها بدون أي كلمه او حركه ...
رفعت راسها بعيون حمرررا ووجه أحمررر ...
لما شافته جاسم مبتسم ابتسامه خبيثه ثم قال :~
شفي الحلو يبجي ؟؟؟
-(تولين حست بخوف كونها لحالها بهالمكان ..
وقفت وهي تمسح دموعها بتروح للداخل الجامعه ...
بس جاسم وقف قدامها وهو يقول :~ على وين ياحلو ..
-(تولين حست بخوف وقلبها يدق بقوه ..لفت بتروح ..
بس برضو حدها وهو يقرب منها وتولين ترجع على ورى بخووووف ...
بسرعه دفته بقوه تبي تروح بس برضو مسك يدها بقوه وهو يقول بجديه :~
قدها تمدين يدج علي ..؟؟
-(تولين من الخوووف ماتدري وش تسوي غير انها تفلت بوجهه
ثم لفت بتروح ...
جاسم مسح وجهه بحقد ...
بسرعه لحقها ...
تولين لما شافت سياره بسرعه تخبت وراها ...

$$موقف لا تحسد عليه فعلا $$
سوف القاكم بالبارت القادم بأحداث وتطورات أكثر ...$$

== الباب الخامس عش15ر==
==الفصل الثان2ي ==

$$ مثل مارأينا ردة فعل توأمنا كانت صامته $$
ليان بصف امها الروسيه ..$$
أما نارا كما قالت أنها بصف أمها ولا نعلم اذ كانت محقه أم لا ..؟؟$$
أما تولين التي لا تستطيع ترك أمها التي اعتنت بها منذ ان كانت طفله $$
فيصل الوحيد التي كانت ردة فعله عنيفه ..$$
اذا اليوم ماذ سيحصل ..؟؟$$

((ليان وهي جالسه مع امها بتوتر ..
وكل ثانيه تظمها بحنان وشوق ...
ليان قررت انها ماتترك امها وتروح معها حتى لو تضطر انها تترك دراستها رغم انها
اخر سنه والتخرج على نهية هالسنه ..
بس ماتبي تترك امها ابدا ...
((اللبنانيه وهي تطالع ليان من من بداية الجلسه للحين ...
معجبه فيها وبقوه على جمالها وبرائتها الطفوليه وأدبها وهدوئها
وخجلها ....
حست انها ذوق بتصرفاتها ... عكس خواتها الباقيات ..
مايحترمون أي احد قدامهم ...
ولا حتى اخوها فيصل اللي ردة فعله كانت عنيفه ..
بهاللحظه دق جوال ليان وشافت انو صقر ...
ليان توترت شوي ماتدري وش تسوي ...
نست شي اسمه صقر وقررت انها تروح ...
ليان طنشته ولا درت ...
(( صقر لما شافها ماترد حس بالنار تشتعل مره ثانيه ...
وبدت الوساوس تشتغل براسه مره ثانيه ..
علطول عبدالمحسن جى في باله ...
بسرعه ركض للحديقه ....
ضغط عالجوال بقوه شوي وبينكسر ....
وهو يقول بقلبه :~ ليان بتيننيني بتصرفاتج ...؟؟
والله لو اشوفك ياعبدالمحسن مع ليان والله لا يكون
قبرك على يدي اليوم ...
((نرجع للتولين اللي متخبيه ورى سياره ....
وهي تطل بعيونها الحمرا ...
مالقت أحد ...
رجعت وجلست وهي ترتجف وتبكي مره ثانيه لما تذكرت
الحقيقه اللي عرفتها اليوم ...
والخوف اللي عاشته تو ...
سمعت صوت وراها خشن :~
سلامات ..؟؟
-(شهقت بقوه وبسرعه رفعت عيونها على اللي واقف عندها ...
لما شافته الدكتور طلال حست بقلبها بيطلع من مكانه ...
-(طلال عقد حواجبه ثم قال :~ تولين؟؟
-(وقفت وهي تمسح دموعها بتورح عنه ..
-(طلال بسرعه :~ تولين شفيج ؟؟؟؟ ليش تبجين ؟؟؟
-(بتوتر تحاول تكون طبيعيه وماتبكي :~ شلون ييت هني ؟؟
-(طلال :~ هاي سيارتي ....بس ماقلتي لي ليش تبجين ؟؟
-(ماتدري وش تقول بس قررت انها تروح ولا تقول أي شي ...
طلال ماعطاها فرصه لأنه بسرعه قال قبل لا تروح :~ تولين
قولي لي شنو اللي مضيق صدرج ..؟؟
الإدراه قالو لج شي .؟؟؟؟ تولين لا تخوفيني اكثر من جذي ..
ويهج مايطمن ...
-(بلعت ريقها اللي انبح من كثر الصياح ...
التفتت عليه ثم قالت :~ مشكور بس تطمن مافي شي ...
-طيب تحتايين اوصلج ؟؟؟
-لا شكرا ...
-تولين اقدر احاجيج اليوم عالمسن ؟؟؟
-لا ...
-(تولين لا تكونين عنيده ... بس ابي اقول لج اني ...
اني ساويت اجرائات اطلاق ...
-(تولين طلعت عيونها من الصدمه ... هذا من جده ..؟؟
التفتت عليه بروعه ثم قالت :~ ليش وجواهر ..؟؟
-موب البنت اللي احبها ....
-بس ..
-خلاص انا انتهيت وحاجيتهم وكل شي ..((ثم سكت شوي وقال :~
تمام ...
-(بخوف :~ متأكد انه تمام ..؟؟
-(سكت شوي وكمل يقول :~ ماعليج المهم اني بيي اخطبج باليوم اللي
تكونون انتي وأمج موب مشغولين ...
-(تولين تحاول تفكر بس ماقدرت ... عقلها مشوش من بعد اللي صار لها
اليوم ... رفعت راسها وقالت :~ حتى لو اني لقيطه ؟؟؟
-(سكت شوي بتوتر ثم كمل يقول :~خليج من هالحجي ..
-(بسرعه قاطعته :~ لا هذا اهم حجي ....
-(برتباك :~ صحيح ... بس ...
-دكتور انت تبيني حتى لو اني لقيطه ..؟؟
-(بتوتر قال :~ أي ...
-متأكد ؟؟
-أي متأكد ...
-وأهلك ؟؟
-(نزل راسه مايدري وش يقول ...)
-(تولين ابتسمت ابتسامه ساخره ثم قالت :~ ريح نفسك
انا لقيطه ... وأنا متأكده انك مافكرت بهالموضوع وتصرفت بسرعه وتخليت عن جواهر ..
انصحك ماتمكل اجرائات الطلاق ...
-(طلال حس بحراره لما جابت طاري لقيطه ... هالموضوع يفكر
فيه كثير ومرات يبي ينسى حبه تولين لأنها لقيطه ومرات يقول انا احبها ومايهمني شي ..
يحس انه متذبذب مايدري وش يسوي ...
لما شافها بتورح بسرعه قال :~ تولين صدقيني انا ابيج حتى لو انج ... لو انج ..
ا .. لل.. لقيط...
-(كملتها عنه :~ لقيطه ... أكملها عنك ... الحين ماقدرت تنطقها .. عيل بعدين
شبتساوي ..؟؟
-تولين انا مايهمني انج لقيطه او لا .... بيي اخطبج وبس ...
-(سكتت شوي ثم قالت :~ لا تجبر نفسك علي ..
-(قاطعها بقهر :~ بس انا احب... احبج ...
ومستحيل اتخلى عنج ...
تخليت عن جواهر لأنها موب الحب اللي بقلبي ...
تولين انا بيي أخطبج ...
بس حددي لي اليوم بعد مانتهي من الطلاق ...
((تولين سكتت شوي ثم لفت وراحت عنه ))
""""""""""""""""""""""""""""""""""
((صقر لما وقف فوق الدرج يطالع الحديقه ...
شاف ليان مع وحده غريبه وملامحها أجنبيه ..
بسرعه راح لهم وهو يقول بستغراب لليان :~
ليان منو هاي ؟؟؟
-(ليان توترت من وجود صقر قدام امها ...
بس اكتفت انها تقول :~ شي مايخصك ...
-(صقر :~ شنو ..!! .. حلوه هاي .. مو انتي زوجتي ولازم اعرف كل شي عنج ..
-(ليان لفت راسها عنه وتحاول تتجاهله ... بس صقر مسكها بقوه وتوه بيسحبها بس أم ليان مسكت يدها بقوه وهي تتكلم كلام روسي غير مفهوم ..
صقر رفع حواجبه بقهر من أم التوأم ...
كشر وهو يقول بصوت خفيف :~ هاي مينونه ولا شنو ..؟؟
-(سحبت يدها بقوه وهي تقول بغضب والأول مره :~ أحترم نفسك هاي أمي ...
((صقر واقف شوي يحاول يستوعب كلامها ...
للحظات ثم ضحك بسخريه وسحبها بقوه للدرجة انها تألمت وهو يقول :~
قالت شنو قالت أمها ..؟؟
-(ليان خنقتها العبره خاصتا انها صايره حساسه بقوه من بعد سالفة أمها وتوأمها ..
:~ صقر تكفى لا تحرمني من امي .. هدني بروح وياها .. هدني ...
-(صرخ بوجهها :~ انتي مينونه ..؟؟
-(نزلت راسها بخوف وهي تبكي بصمت :~ اسفه ... بس هاي أمي وانا ماأقدر
أضيع هالفرصه اللي ترييتها من سنين ...
-(صقر بلع ريقه بتوتر ثم قال :~ انتي شقاعده تتحجين .؟؟
-(اللبنانيه :~ إ هاي إمها ... ماتحرمون من بعضه...
-(قاطعها صقر وهو يكلم ليان ومتجاهل الكل ومايهمه غير ليان :~
ليان ممكن تفهميني شسالفه ؟؟؟
-(ليان :~ هاي امي من روسيا ... و...وعندي أختين وأخ واحد ...
وهو نفس اللي قلت عنه فيصل ...
وبس هذا اللي اقدر اقولك عنه ... والحين هدني الله يخليك ...
ابي اقعد ويى امي ..
((صقر ساكت موب قادر يستوعب غير انه ترك ليان بكل هدوء وهو واقف يفكر باللي قالته
... شلون يعني حتى أهلها بيحرموني منها ...!!
افتكيت من عبدالمحسن طلعت لي امها ..؟؟؟
ياريتها مالقته.....
((ثم قطع على تفكيره وهو يتعوذ من الشيطان وخايف لو صدق تروح عنه ليان بسبب أمها ..
في قلبه يتمنى انها مالقتهم بس بعقله يتعوذ من الشيطان ويبعد هالأفكار الشينه من راسه ...))
"""""""""""""""""""""""""""""
((بعد مرور الرب4عة أيام ...
في المطار متجهين للروسيا ...
أم التوأم واقفه وجمبها اللبنانيه وتنتظر عيالها يجون وهي خايفه لو مايجون ...
اللبنانيه حاسه بتوتر مديرتها بس ماحبت تزيد عليها وجلست تنتظرهم وهم
خايفين لا تطير عنهم الطياره اللي بعد ساعه ...
((في جهه ثانيه ...
بشقة صقر وليان ...
ليان وهي شايله شنطه فيها بعض الملابس ورايحه صوب الباب ....
ليان توها بتمد يدها تفتح الباب بتطلع الا وصقر فتح الباب من برى بيدخل الشقه ..
تقابلو قدام بعض ..
ليان توترت بقوه ...
صقر وبيده المفاتيح عقد حواجبه وهو يطالع الشنطه ولابسه العبايه واظح
عليها بتروح ..
-(صقر :~ شنو هذا ..؟؟؟
-(ليان نزلت راسها بتوتر وبدون أي كلمه )
-(صقر عاد الجمله وهو متوتر :~ ليان قلت لج شنو هذا ..؟؟
-(ليان شفايفها ترتجف من الخوف :~ بسافر . و.... ويى أمي ..لل ..
للروسيا ...
-(صقر سكت شوي يستوعب ثم ابتسم ابتسامه تدل على قل صبره :~
شنو يعني بتهديني ..؟؟؟
-(بلعت ريقها بخوف وهي ساكته )
-(صقر بسرعه سحب منها الشنطه بيدخلها للداخل ..
بس ليان مسكتها بقوه وهي تقول بصوت واطي بخوف :~ تكفى هدني الروح ويى امي ..
-(صقر صرخ بوجهها :~ مستحيل ...
-صقر تكفى ...أمي هاي امي ... فاهم شلون يعني امي ..؟؟؟ .. امي اللي ترييتها
سنين ... لا تحرمني منها ..
-(بغضب :~ وهاي امج توها تتذكرج .. وينها عنج من زمان ..؟؟
-(ليان غرقت عيونها دموع ...بس مصره تروح ..)
-(صقر هدى الغضب اللي بقلبه وتحول للخوف انه ليان تروح وتتركه بجد ...
ترك الشنطه ثم تقدم لها وهو يقول بصوت خايف :~ ليان من صجج بتتركيني
-.....................
-(مسك يدينها بقوه ثم قال :~ ليان تحجي .... من صجج بتهديني لحالي ..؟؟
ليان انا مقدر اعيش من دونج ..؟؟ فاهمه شلون ماأقدر ... وين الوعد اللي وعدناه
بين بعض .. علطول نسيتيه بين يوم وليله ...
ليان انتي تدرين شكثر أموت فيج ...
ومستعد اساوي كل شي عشانج .. بس انج تتركيني ماأقدر اتحمل وربي ماأقدر ..
-(ليان سحبت يدينها بهدوء ثم لفت بتروح ...
صقر سكر الباب ثم قال بعناد أطفال والخوف واظح عليه :~ ماراح اهدج تتركيني ...
-(بلعت ريقها :~ صقر عفيه خلني اروح قبل لا تطير الطياره ...
لا تحرمني من أمي مثل ماحرمتني من أمي اللي ربتني ...
((بهاللحظه حس ان دمه وقف ....
قدرت تجيبها على الجرح ...
حس ان شعر جسمه وقف من كلماتها اللي مثل السم بقلبه ...
شفايفه ترتجف وهو يقول بصعوبه :~ ب... بس أنا .. أحبج .. مايكفيج أنا وحبي ..؟؟
-(نزلت راسها بضيقه :~ همي أمي وبس ... عشان جذي هدني الروح ..
ولو اجبرتني اقعد وياك .. صدقني راح اكون جسد بدون روح ...
اذا كنت تحبني صج هدني الروح للأمي ...
مايكفيك حرمتني من امي الأولى ..؟؟
((صقر حس بضعف كبير قدامها ...
نزل راسه ثم بعد عن الباب شوي وهو حاس بخنقه ...
ليان رفعت شنطتها وطلعت ...
صقر لما سمع صوت اللفت ((الأصنصير )) تسكر ....
جلس عند الباب والعبره خانقته بسبب ليان ..
اللي راحت وماراح ترجع له ...
راحت وتركته بإرادتها ...
رغم توسله لها ...
بس تأكد ان ليان تكرهه للحين ...
ويمكن تكرهه للجنون اذا ماتركها تروح ...
مايدري متى بيشوفها بس يتوقع ان السنين قدامهم بتفرقهم عن بعض ..
وهذا اللي تبيه واللي هو مايبيه ...
والأفكار تجي وتروح بعقله :~
راحت بدون حتى ماأودعها ...
تركتني بإرادتها ...
رغم السنين اللي كانت بيننا بس عمرها ماحبتني ...
شلفايده دام قلبها عند اخوي الكبير ...
ليان شسوي اذا كنت احبج بجنون ...!!!...
((بالمطار ........................
ليان لما وصلت بسايق بسرعه راحت للأمها وهي مبتسمه بحب ...
أم التوأم ماقدرت تصدق فرحتها وبقوه ضمت ليان وتقول كلمات مافهمتها ليان
بس حست براحه كبيره ...
((اللبنانيه وهي مبتسمه التفتت يمين يسار تدور اذا احد ثاني من التوأم جى ...
باقي شوي على الطياره ...
تولين طلعت من البيت بدون ماتدري أمها ليلى .....
وهي واقفه من بعيد ..
اللبنانيه ابتسمت ...
تولين لما وقفت عندهم ...
حست ان أمها فرحانه وتبي تضمها ... بس ماتدري ليش صدتها بتوتر ...
-(تولين نزلت راسها ثم قالت :~ انا ييت بس عشان أسأل أمي سؤال واحد ...
-(اللبنانيه :~ يعني ماحتروحي معانا ..؟؟
-(تولين رفعت راسها ثم قالت وهي تطالع أمها :~ ليش تركتنا ؟؟؟
-(ام التوأم التفت على اللبنانيه وكأنها تقول ترجمي ... عشان كذا اضطرت تترجم ..
لها .... الأم نزلت راسها بضيييقه ..
حسو بصوت وراهم يقول :~
هدتنا لأننا عال عليها شلون تربيننا لحالها وكأنها موب هي اللي يابتنا للدنيا ...
-(تولين التفت على فيصل بعد الكلام اللي قاله ....
حست بإحباط كبير ....
-(فيصل وهو يطالع أمها بكره ثم التفت على ليان :~ بعد اللي سمعتيه للحين تبين تروحين وياها؟؟؟؟
-(ليان بلعت ريقها بتوتر وخوف ... حست انها مشوشه بس اللي تعرفه انها ماتبي تترك امها تروح عنها ..
-(تولين دموعها خانتها ونزلت بسرعه ... مسكت يد ليان ثم قالت :~
شلون تروحين مع وحده باعتنا بحجة انها ماتقدر تربيننا ...؟؟
-(ليان العبره خانقتها ماتدري وش تقول ...
((بهاللحظه نارا تدخلت بدون مايحسون بقدومها :~
مافي حد بيغصبج على شي انتي مقتنعه فيه ...
هاي على قولتها امنا ... بس بالنسبه لي أنا شخصيا .. ماعندي لا أم ولا أب ...
بما اني عشت كل حياتي بدونهم ..
((تقدمت شوي ثم مسكت يدها الثانيه مثل تولين وكملت :~
احنا خواتج وبنكون وياج ...
بس انسي سالفة هاي اللي واقفه بعد ماباعتنا ...
((ليان نزلت دموعها ثم قالت بصوت يرتجف :~ بس ...
-(فيصل تدخل :~ ماراح تحتايينها دام وراح ريال (ثم غمز لها ببتسامه مصطنعه
بسبب نفسيته الزفت بعد اللي صار ))..
-(تولين :~ فكري فيها اذا رحتي شبتساوين هناك ؟؟؟ ..
-(نارا :~ شلون تتركين ديرتج اللي تربيتي فيها وتروحين ويى وحده باعتج ..؟؟
-(فيصل :~ مافي أحد بيغصبج على شي ... قرري بسرعه قبل الطياره تطير ..
((ليان رفعت عيونها عليهم ثم قالت بين دموعها :~ يعني انتو بتكونون وياي ..؟؟
وماراح تهدوني ؟؟
-(تولين ونارا وفيصل بصوت واحد :~ أكيد ...
-(ليان ابتسمت بحزن :~ طيب ليش ماتسامحون امنا ..؟؟ مهما كانت الظروف ..
هاي تظل امنا ...
((التفت على أمها وبقوه ضمتها وهي تقول :~ اسفه ... بس صدقيني
ماراح انساج ورح أظل على اتصال وياج ولا تنسيننا ... تعالي وزورينا ...
((اللبنانيه لما ترجمت للروسيه التفتت عليها ثم قالت :~ عم بتئول إمكون
ماراح يهدالا بال الا لما تسامحونا وتظلون على اتصال معاها ...
((سكتو كلهم ..
ليان بسرعه قالت :~ سامحوها ... هاي أمكم اللي يابتكم ... سامحوها ...
-(تولين نزلت دموعها وبسرعه ضمت أمها بقوه وهي تبكي وتقول :~
الله يسامحج يايمه ...
-(لما بعدت عنها ... أم التوأم مسحت دموع تولين وهي تتكلم روسي غير مفهوم بس واظح عليه الحنان ...
((نارا تكتفت ثم قالت ببرود وهدوء يذبح :~ انا ماحقدت عليها عشان اسامحها ..؟؟
تروح بالسلامه ...
((أم التوأم ابتسمت بعد ماترجمت لها اللبنانيه ...
بسرعه تقدمت للنارا وضمتها بقوه ...
نارا حست بقلبها يدق بقوه ...
ماتعودت أحد يضمها بحياتها ....
أول مره يزيد وماحست فيه ابدا وللحين ماتتذكر انه ضمها بسبب حالتها التعبانه بذيك
الأيام ......
وثاني مره أمها ...
حست بجسمها بارد من الإرتباك ...
وجهها حمر لأنها موب متعوده أحد يضمها ...
((بعدت عنها أمها شوي رغم انو نارا ماتحركت ابدا
ومجمده مكانها بعد حركة أمها ...
أمهم وهي تطالع نارا وتتكلم ... ترجمت وراها اللبنانيه وهي تضحك:~
عم بتئول ليش مخبيه جمالك بهالأسود وشو هاي الجروح ياللي بوشك
وبجسمك ..؟؟
((نارا ماردت ابدا وتجاهلتهم ...
أمهم التفتت على فيصل بتوتر وحزن ...
فيصل رفع عيونها عنها بتكشيره .. ثم لف عنهم وهو يقول :~
انا برد اذا احد يبي يي وياي يالله ...
-(اللبنانيه :~ شو يعني ماراح تسامح إمك ؟؟؟
-(فيصل عدل نظارته ثم كمل طريقه ومطنشهم وبقلبه حقد على امه ...
نزلت راسها بحزن كبير بس ماقالت شي ...
((بعد ماودعوها بناتها وتبادلو الأرقام معها ...
ودعوها ببتسامه ماعدا نارا اللي واقفه بهدوء وتطالع امها وهي رايحه ...
نارا رجعت بسايق نوف اللي خذته بدون ماتشاور أحد ...
أما تولين برضو رجعت بسايقها ...
أما ليان لما جت بتوقف تاكسي ....
فيصل اقترح انه يوصلها بنفسه للمكان اللي تبيه ...
ليان بالبدايه رفضت بخوف لأنها مو متعوده عليه ...
بس بالأخير اقنعها بسلوبه ...
طول الوقت ساكتين ...
بس بالأخير قال ببتسامه :~ سبحان الله منو يصدق اني شاهد على زواجج
انتي وصقر بدون ماأدري انج اختي ..؟؟
صج الدنيا صدف ....
-(ليان وهي تتذكر موقفها معه قدام الإشاره لما مسحت له قزازة سيارته ..
ابتسمت ثم نزلت راسها بدون ماتقول له ..
$

-(فيصل حس الجو متوتر :~ ا ... ماقلتي لي شخبارج ويى صقر ؟؟
انشالله موب مزعلنج ..؟؟
-(نزلت راسها بضيقه )
-(فيصل التفت عليها ثم رد يطالع الطريق وقال :~ ليان صقر مزعلج ؟؟
-(ليان حبت تغير السالفه :~ لا بالعكس ... ماقلت لي شخبار دراستك ؟؟
-(ابتسم :~ ويييع لا تييبين طاري هالدراسه ع....
((شهق بنص كلامه لما تذكر بنته اللي تاركها من ساعتين وناسيها ...
بسبب أمه اللي اشغلت باله ...
-(ليان عقدت حواجبها :~ شفيك ؟؟؟
-(ابتسم :~ لا بس تذكرت بنتي ...
-بنتك ..!!!...
-(ضحك :~ هههههه أي بنتي بس يعني موب بنتي بنتي ...
-(علامات الإستفهام فوق راسها :~ مافهمت ؟؟؟
-(ضحك أكثر :~ ههههههههههاي .... على فكره ترى انا اسلوب بالشرح ماعندي ..
بنتي اسمها منى بس عادي تدلعينها وتقولين ميما هههه ...
هاي الله يسلمج مربيها ....وهي بنت ناس تركوها يعني مثل قصتنا ويى ..
(ثم كمل بضيقه :~ ويى أهلنا اللي تركونا ...
-(توترت شوي ثم قالت :~ ا... ممكن اقولك شي ..
-تفضلي ...
-موب ناوي تسامحها ؟؟؟
-(فهم انها تقصد امهم .... ابتسم وهو يقول :~ وهابيتج وصلناه ...
يالله انشالله اشوفج بكره بالجامعه ...
-(ابتسمت :~ شكرا عالتوصيله ..
-شدعوا مابي هالخجي من اليوم ورايح ... واحنا اخ... أخو....
((ماقدر يطلعها من فمه مو متعود عليها ابدا :~ أخوا...
-(ابتسمت بتوتر وهي حاسه فيه :~ ؤكي مع السلامه ...
-(لما سكرت الباب فيصل ضرب وجهه بيده وهو يقول :~
مالت عليك حتى الكلام ماتقدر تتحجى عدل ...
يؤ خل الحق على ميما بس قبل لا تهبل بالجيران كلهم ...
((بالشقه ..
قدام الباب ...
متوتره ماتدري شلون تدخل وتشوف صقر مره ثانيه بعد الكلام اللي قالته له
كان قوي وقاسي عليه بزياده ...
مدت يدها بشنطتها تدور عالمفتاح بس تذكرت انها تركته داخل على انها ماعاد راح ترجع
له ...
اضطرت انها ترن الجرس بعد تردد كبير ....
للحظات طويله وهي جالسه ترن ...
فكرت لو يكون صقر طلع ...
بس ظلت ترن وترن وترن لأنو ماعندها مكان ثاني غير شقتهم ...
مرت نص ساعه وهي على هالحاله ...
حست راسها مصدع وفيها النوم ...
ماقدرت توقف أكثر وهي حاسه بدوران وتعب ...
جلست عند الباب ثم حطت راسها على شنطتها الكبيره ونامت ....
بعد دقايق قليله انفتح الباب ...
صقر التفت يمين يسار مافي أحد ...
توه بيسكر الباب حس بشخص نايم عالأرض ...
لما طاحت عينه على ليان ..
ماصدق ...
فرك عيونه يبي يستوعب اذا هذي ليان بجد ولا يتهيئ له ..!!!..
جلس عندها وهو يطالع وجهها الطفولي وهي نايمه بتعب كبير ...
ابتسم بفرحه كبيره بعد ماكانت الضيقه مغيمه عليه من يوم تركته ....
مد يدينه ثم شالها ..
لما دخل غرفتهم حطها عالسرير وغطاها بهدوء والإبتسامه الخفيفه ماراخت عن وجهه ...
وعيونه كلها حب وحنان للبنت اللي خذت قلبه وعقله ...
بعد مادخل شنطتها اللي برى ...
طفى اللمبه عليها ثم سكر الغرفه ...
وهو راح ونام برى عالكنبه لأنو مو حاب يزعجها ...
مو قادر ينام .. الأرق متعبه ...
يتقلب يمين يسار وليان وكل مشاكلها براسه تدور ...
حس انو مستحيل يقدر ينام ....
وأخيرا قام من الصاله ثم فتح باب غرفتهم بهدوء والغرفه ظلام ...
دخل وسكر الباب بعده وهو متجه للسرير مثل الأطفال يدورون حنان بجمب أمهاتهم ...
بس اخونا في الله صقر يدور الحنان بجمب البنت اللي تمتلك قلبه بين يدينها بس مهملته ...
تغطى بمفرشهم وقرب أكثر لين عندها ....
سند راسه على كتفها ...
حس براحه كبيره وهي قريبه عنده ومابتعدت ....
تنهد بسعاده كبيره وراحه غريبه ...
عقارب الساعه تمر شوي شوي ...
وعيون صقر تغمض شوي شوي وعلى فمه لمحة ابتسامه خفيفه تدل على السعاده اللي
بداخله ....
"""""""""""""""""""""""
((بالصباح الباكر ...
لليوم جديد على جميع ابطالنا ...
$$ لا نعلم إذ كان محزن أم مفرح .!.!.!..$$
$$ صوت المنبه .... علا صوته بجانب أسرة أبطالنا وهم نائمون $$
((ميشو .... دخلت راسها تحت المخده وهي متنرفزه من صوت
المنبه ...
ماقدرت تتحمل ... رفعت راسها وظربته بيدها لما طاح عالأرض بس على نفس الحاله
يرن ...
-(ميشو :~ ؤهوه ...
((وقفت بطفش .... بقوه رجفت الساعه وانفكت البطاريه منها ...
لما عم الهدوء بالغرفه تنهدت بملل ثم اتجهت للحمام ..
خذت لها شاور بارد شوي ...
لما طلعت حاسه بعضام جسمها متكسسسره ...
لبست أي كلام وبدون ماتواسي شعرها دخلت يدها بالجل
وحوست شعرها الثلجي وهي طالعه من الغرفه ...
وصلت الصاله وهي توها بتطلع قابلت زوج امها ...
كشرت وهي منزله راسها ...
-(زوج أمها :~ مافي سلام ؟؟؟ مافي احترام ؟؟...
((ميشو كملت طريقها بتطنيش وهي تكرهه بشكل مو طبيعي وهو سبب كرهها
للجنس الذكري عموما ...
((زوج أمها لف عليها وبقوه مسكها مع يدها وهو يقول :~
اذا حاجيتج ماتسيرين وتطنشيني جني ياهل عندج ؟؟؟
((ميشو بقوه سحبت يدها وهي تطالعه بكره ونظرات كلها حقد ...
طلعت من البيت والنار تغلي بدمها ...
دعت على كل جنس ذكري عالأرض ...
شافت منهم كل الحقاره وأولهم زوج أمها ...
سكرت باب الشارع بقوه وبهاللحظه دق جوالها ...
مارفعته ولا فكرت تطالع مين ...
لما جت بتركب سيارتها تفاجئت بالكفرات مبنشره ...
شهقت بقل صبر ...
رفعت عيونها تدور من اللي ورى هالسوات ..!!
وبقلبها علطول جى في بالها الغريب وهي تقول بقلبها :~
الله لا يوفقك يال####...
((بهاللحظه دق جوالها مره ثانيه ...
بسرعه ردت وبصوت كله غضب :~
يا ##### ... قدها تساوي هالحركه ... شتبي مني بالضبط ..!!
-(بصوت خشن :~ ماتسوى عليج كل هالعصبيه عشان كفرات ...
عندي لج حل ... سيري للشارع وتريي تاكسي يمر ياخذج ولا اذا مستعيله
طقيها ريليه ومشي لين الجامعه ... هههه,,,,
قلت لج .... عدلي اسلوبج ولا بييج الأعظم ياحلو ...
((سكر بوجهها وتركها تغلي من القهر ...
"""""""""""""""""""""
((من جهه ثانيه ...
بالجامعه ...
فيصل دخل القاعه وهو جاي بدري ...
جلس باخر الكراسي ومد رجوله على الكرسي اللي قدامه وهو يتفرج على
اللي برى الحديقه ...
القاعه ماكان فيها غيره ...
التفت على وتين اللي توها داخله ...
لما شافها فيصل بسرعه نزل رجوله وعدل جلسته ...
وتين نزلت عيونها وجلست قدام بأول الكراسي بعيد عنه ...
فيصل حس بتوتر كبير ...
وأخير توه بيتكلم الا ودخل برهوم ...
-(برهوم :~ ياتيس نسيت كتابك عندنا ...
-(فيصل عض شفايفه وهو يغمز له ينطم ولا يفشله قدام وتين ..
بس برهوم عقد حواجبه مو فاهم شي ..
كرر يقول :~
انت وش قاعد تساوي ..؟؟ منو تغمز له ..!! .. لا يكون تعودت من كثر ماتغمز للمغازل
ياك شد عضلي بعينك ؟؟؟ ... ياخي الرفق علينا وخذ كتابك واحمد ربك اني يبته لك
ولا المره اليايه والله ماييبه دام هالبايخين ربعك ولا واحد منهم
تكرم ويابلك الكتاب .. كل واحد مسوي نفسه تعبان ومتعيجز ...
هاك بس هاك كتابك ..
((وبقوه رماه للفيصل ..
فيصل بسرعه مسكه قبل لا يجي على وجهه وبكلمه طلعت منه بقهر :~
لعنه ياحمار بغيت تشق ويهي ...!! ...
((وتين رفعت عيونها على فيصل ..
فيصل كان معصب بس لما التفت على وتين اللي تطالعه تحول للإرتباك
وتوتر ...
برهوم بهاللحظه التفت على وتين وعلطول قال بصوت عالي :~اها..
ياعمي جان قلت لي ان الحبايب هني ؟؟؟
((فيصل ماتحمل لسان برهوم ..
بسرعه راح له وبقوه ضغط على رجل برهوم وهو يقول بصوت قصير :~
برهوم يوز .. يوز ... والله لا أقص لسانك ...
-(برهوم بصوت عالي يبي يقهر فيصل :~ طيب ماودك تشيل هالنظارات اللي صاير
جنك الفتى المجتهد ... ياخي اذا للحين الحبايب حايسين قلبك ...
شيل هالنظارات وقص شعرك جنك طالع من بر ..!!!
-(فيصل التفت على وتين وهو يبتسم بتصريفه وبنفس الوقت يقول بصوت قصير :~
مردوده ياحمار مردوده ..
-(برهوم بصوت قصير :~ شنو مردوده ..؟؟ لا تخليني ازيد بعد ؟؟؟
-واللعنه واللعنه خلاص اطلع ومارح اساوي لك شي ...
-(برهوم ابستم :~ أحلف ...
-(فيصل بقل صبر :~ والله والله بس اطلع وفكني ...
-طيب اشكرني بالأول ...
((فيصل رفع راسه وبقوه قال من غير شعور :~ يارب انك تخسف فيه ..
((وتين طلعت عيونها من الروعه .. برهوم شاف وجه وتين ...
بسرعه قال بصوت قصير :~ انت هيه خوفت البنيه ..!!
((فيصل توه يلاحظ بسرعه التفت على وتين اللي تطالعه بصدمه ...
فيصل ابتسم بسرعه بتوتر وهو توه بيرقع الموضوع الا وبدى الطلاب يدخلون وراهم الدكتور
دخل ...
برهوم بسرعه طلع ...
أما فيصل تلعثم مايدري وش يسوي ...
عشان كذا بسرعه قال بصوت قصير للوتين ..:~
فتحي بلوتوثج ... نكي مسدح البن........((بهاللحظه بلع الكلمه اللي كانت بتطيح وجهه
بقوه عندها ...
مسدح البنات ..!!! ... فشيله لا مايصلح اقولها نكي ...
((بسرعه كمل :~ سمي نفسج ميما وأنا برسل لج ... فتحيه ..
((وراح للاخر القاعه ثم جلس ..
بحيث يشوف وتين من بعيد...
لما فتح بلوتوثه بسرعه شغل بحث يدور على نك ميما ...
بس ماطلع له ...
سوا بحث مره مرتين عشر مرات وأخيرا ابتسم بقوه لما شاف نك ميما ...
بسرعه الرسل لها بلوتوث ...
رفع عيونه عليها ينتظرها تفتحه ...
شافها لما نزلت راسها وهي تفتح المسج ...
وتين قرت الموجود اللي هو :~
سوري على الإزعاج اللي صار تو بالقاعه مع رفيجي ..
بس يحب يمزح وايد (^__*)...
((وتين ماردت ولا بان عليها أي ردة فعل ...
بس فيصل ظرب وجهه بقوه وهو يقول بقلبه :~
اخ شكثر أنا غبي ... جان ضروري يعني يافيصل تحط لها غمزه وانت
توك متفشل بهالموضوع ... ؤفففف شسوات ...
((بسرعه أرسل لها مسج سريع ...
رفع عيونه يراقب ردة فعلها ...
وتين لما وصلها بلوتوث قبلته .. وكان الموجود :~
أنا سعيد بتواجدج بالقاعه نفسها وياي ...
بكذا نقدر نتعرف على بعض أكثر ونكون زملاء اذا ماعندج أي مانع أكيد ..
((وتين بهاللحظه توترت ماتدري وش تقول ...
بالأخير الرسلت له وبسرعه فتحه بحماس :~
سوري ماأقدر ...
((فيصل حس بإحباط كبير ..
رفع عيونه عليها بس لقاها تطالع الشرح ...
جلس يطالعها بإحباط .. وأخيرا الرسل لها :~
ماتسوى عليج تتأسفين ... انسي الموضوع اذا يريحج ..
انا اللي راح أعتذر لج عن إزعاجي ...
((وتين بسرعه بعد ماقرت المسج ردت عليه ب :~
ليش تبينا نكون زملاء ..؟؟
-(فيصل استغرب من سؤالها بس رد عليها :~
شنو تعديت حدودي أنا ...!!
-((بسرعه ردت عليه :~
لا لا مو جذي بس انا أسألك ... خلاص انسى سؤالي ...
-((فيصل رد عليها ب :~
لا بس حاب أعرفج أكثر وتسعدني زملاتج وايد ..
خاصتا انج بنت محترمه واللي قلته مايقلل شي من قدرج ..
((وتين لما قرت رده ماعاد عندها شي تقوله عشان كذا تركت الجوال على
جنب ...فيصل لما شافها مارح ترد بسرعه يبي يدور أي شي عشان يتقرب منها
بالسوالف ...
وأخير الرسل لها :~
حلوه شنطتج عايبتني من أول ماعرفتج ...
((فيصل استوعب اللي الرسله ...
أول شي حس انه بنت موب ولد ..
وثاني شي رسالته تفششششل ... ومالها معنى ...
وثالث شي انه قال من أول ماتعرفت عليج هذا يعني انه
يقصد انها من سنتين وهي على نفس الشنطه ...
((فيصل حط رساه على الطاوله وهو يقول بصوت واظح للي جمبه :~
غبي .. دلخ ... مدمغ ... فاشل طول عمرك فاشل ...
ياربي أذبح نفسي انا ولا شساوي ...
الدلاخه مولوده وياي ... معقوله خواتي دلوخ مثلي ..!!
ؤففف لا ماتوقع فيه أحد دلخ أكثر مني ..!!
بيعطوني الأوسكار على الدلاخه العالميه عندي ...
((اللي جمب فيصل ماقدرو يمسكون نفسهم من الضحك ...
أما فيصل في عالم ثاني حاس بوجهه أحمر من المسج اللي الرسله ...
شوي شوي وهو يطل بعيونه على وتين من الفشيله ...
بس تفاجئ لما شافها تحط الجوال على جمب وبعد كذا سمع صوت بلوتوث بجواله ..
حط عيونه على شاشة الجوال وبفشيييله ضغط قبول وهو مغمض عيونه ..
لما انفتح له المحتوى ...
فيصل ماقدر يفتح عيونه ويشوف وش قالت له ...
وأخير فتح عين وقز المكتوب اللي هو :~
ههههههه ... يسلمو هذا من ذوقك ...
((فيصل وهو يقول بعقله :~
يسلمو هذا من ذوقك ..!! يسلمو هذا من ذوقك ...
الللاه عليك يافيصل اللاه ... طول عمرك داهيه ..
منو قال اني دلخ منو قال اني فاشل ..!! ..
الللاه عليك اللاه .... لا أحسن قل قول ...
مالت عليك رد عليها قبل لا تسكر البلوتوث حقها ...
بسرعه الرسل لها :~
تسلم لي هالضحكه وصاحبتها ... ممكن أطلب منج طلب ...
((وتين توترت من جملته الأولى .. وخافت من جملته الثانيه ...
ماتدري ترد او لا ... وأخيرا قالت :~
سم ...
-(رد عليها ب :~
سم الله عدوج ... ممكن أعزمج اليوم بالكافتريا ..؟؟
((لحظات وصله بلوتوث ولما فتحه بلهفه :~
ليش ..؟؟
-(فيصل توتر من أسألتها اللي مايلقى لها جواب ...
وأخيرا قال :~
ودي اقول لج عن موضوع ...
-(مرت دقايق طويله ثم الرسلت له :~
Ok ....
((فيصل لما قرى المكتوب من غير شعور قال بحماس وصوت واظح للكل:~
Yessssssss…..
((الكل التفت عليه مصدومين ماعدا وتين ماقدرت تلتفت منحرجه ...
-(الدكتور :~ خير انشالله فيصل ..!!
-(فيصل نزل راسه بطيحة وجه...

$$ ماذا سيقول لها ..!! $$
هل فعلا سيقول ..$$
أحبك ..! ..$$
أم ماذا ..؟؟ ...$$
$$ بالتأكيد سوف نعرف من خلال البارت القادم ..$

==الباب الخامس عش15ر ==
==الفصل الثال3ث ==
ليان فتحت عيونها بتعب ...
الام في جسمها كله ...
للحظات وهي ماتحركت ... حست بأحد جمبها قرييب ..
التفتت على صقر اللي نايم بسبات عمييق ...
قلبها صار يدق بقوووووه بسبب قربه منها ..
رفعت يدها بتقوم بس ماقدرت لأنه مستند عليها ...
بلعت ريقها مو عارفه شتساوي ...
فكرت وفكرت وماعندها غير حل واحد ...
التفتت على الساعه وشغلته يرن بإزعاج ...
بهاللحظه غمضت عيونها وكأنها نايمه ومادرت عنه ...
حست انو الدعوه طولت وصقر للحين نايم ...
حركت يدها شوي من تحت راسه عشان يقوم ...
لما حست بحركته بسرعه غمضت عيونها ...
صقر تأفف من صوت المنبه المزعج ..
رفع راسه وهو يبي يطفي المنبه ...
مد يده بيطفيه بس لاحظ وجود ليان اللي نسى وجودها من النعاس اللي مغطي
عيونه ...
تقدم لين طفاه ...
بهاللحظه وهو جالس جمبها فرك عيونه بتعب ثم التفت على ليان
وظل يطالعها للدقايق طويله ...
ليان حست بتوتر كبييير ...
وتحاول بقد ماتقدر تمثل دور النايمه ...
صقر ظل يطالعها ببتسامه خفييفه وحنونه ...
مد يده على شعرها ومسح عليه بحب ...
وبصوته الخشن زياده على انو توه قايم من النوم :~
شكرا لأنج رديتي لي ...
((حنى لها شوي وطبع قبله على جبينها ...
ماحب يزعجها عشان كذا قام ببطئ وهدوووووء ...
لما طلع ودخل الحمام ...
ليان فتحت عيونها بهدوء وهي تفكر باللي سواه صقر قبل ثواني ...
مدت يدها ولمست جبهتها تتحسس قبلته بهدوء ...
تفكر بصقر بس ...
تفكر بكلماته اللي قالها تو ...
بعد كل الكلام اللي قلته له أمس ..!!!..
((لحظات ودخل صقر وهو ينشف شعره بالفوطه البيضاء ...
رفع راسه وتقابلت عيونهم ببعض ...
لحظات وهم ساكتين بس صقر قطع هالجو الصامت ببتسامه منه وهو يقول :~
صباح الخير حياتي ...
قومي وخذي لج شاور وأنا بزهب الريوق عنج __^ ...
((صقر كان لاف على خصره فوطه ... اتجه للدولاب بيلبس ملابسه ..
ليان لما حست ان الوضع بيتأزم نقزت من السرير ودخلت الحمام بملابسها بدون فوطه او روب للشاور ..
حطت يدها على قلبها اللي صار يدق بقوه ..
((أما بداخل الغرفه صقر وهو يلبس بنطلونه التفت من جهة الباب مستغرب شفيها ..!!..
لاحظ انها دخلت الحمام بدون روب ...
أخذ الروب المعلق وفوطه ...
طق الباب بأدب وهو يقول :~ نسيتي الروب ...
-(ليان غمضت عيونها بقووووه متوتررره ماتدري وش تسوي ...
فتحت الباب بهدووووء وبدون ماتطل عليه ..
طلعت يدها بس من ورى الباب من الإحراج وهي تأشر له يعطيها الروب ...
صقر ابتسم بخبث ولا سوا أي حركه ...
ليان توقعت انه راح بدون مايعطيها الروب ...
شوي شوي طلت بوجهها ..
لما طاحت عينها على صقر اللي متكتف وهو مبتسم ...
:~ للهدوجه شكلي يخوف ..!!!؟؟
-(ليان حست بإحراج كبيير ... نزلت راسها ..)
-(صقر مد يده بيعطيها الروب ...بس لما جت بتاخذه رفعه عنها وهو يضحك..
وكأنه يبي يهبل فيها شوي وهو حاس بإحراجها الكبير ومستانس عليه ...
ليان رفعت عيونها عليه برتباك ...
-(صقر ابتسم بخبث :~ تبين روبج عطيني مقابل ...؟
-...............
-أمممم مثلا يعني انا اقول مثلا .. عطيني قبلة الصباح على قولتهم ...
(ثم غمز لها وهو كاتم الضحكه على وجهها اللي
انصفق من كلامه ...
ليان سكرت الحمام برتباك وخووووف ...
حست بقلبها يدق بسررررعه ....
مدت يدينها للوجهها وهي تحس انه صار أحمررر ...
-(صقر ضحك وهو يقول :~ هههه ههه .. اتغشمر وياج ..
خلاص طلعي وهاج الروب مابي شي منج هههه ...
((ليان لا يمكن تطلع من بعد هالموقف السخيف المحررررج من صقر اللي
مايستحي ابدا ابدا ابدا ولا يراعي خجل ليان بالعكس يستانس وبقوه عليه ...
((طق الباب مره ثانيه :~ ههه خلاص والله توبه ماقول شي .. بس انتي طلعي وخذي
الروب ترى تأخرنا عالجامعه ..؟...
((حس مافي أمل تطلع عشان كذا حط الروب على المغسله ثم راح للمطبخ يجهز
ساندويش وحليب طازج بارد ... وهذا اللي قدر عليه ...
((ليان بسرعه فتحت الباب وخذت الروب بعد ماتروشت وانتهت ...))
"""""""""""""""""""""""""""""""
((بالجامعه ...
العم بندر توه داخل بياخذ عيال اخوه هالمره...
(نارا الليوم صايره بلوك غييير شكل ...
ألوان الأسود والبنفسجي والنيلي مغطي عليها بملابسها ..
والقفازات الجلد مع المانكير السودا والخواتم اللي على شكل هيكل عظمي
أو علامه خرافيه ...
حاطه روج أسوووود ... وكحل مع ظل أسود ونيلي ...
أما شعرها أظافت عليه بالخصله الطويله من قدام بلون البنفسجي الغامق ...
ومخرمه بأذنها اليسار خمسه .. والحلق راكب عليه ...
وبشفتها زادت عليه ثلاثه على الواحد ...
كملت طريقها للمبنى ...
بس لما مرت من شلة فيصل اللي طيرو عيونهم عليها ...
-(برهوم :~ شباب شباب هاي يقولون أخت فيصل ...
-(فهد ظرب برهوم على راسه بخفيف :~ من صجك انت مينون ..!!
هاي هاي أخت فيصل ياعمي لو يسمعك فيصل والله ان يذبحك ..
بالله هاي أخت تشرف ..!! وييييع ...
(نارا سمعت كل كلمه ...
بس مثالها الأعلى ...
القافله تسير .. وال......((معروفه كملوها انتو ^__*))
((نارا لما دخلت المبنى التفتت بعيونها تدور على يزيد ...
بس خاب ظنها لما مالقته يراقبها من بعيد كعادته ...
سواها وراح ....
ومافي رجعه له ...
وهذا السبب اللي خلاها تغير شكلها من الأسوء الى الأعمق ...
تنهدت بضيقه ثم كملت طريقها للشلتها بالكفتريا ...
لما دخلت طاحت عينها على قروب ميشو بس لاحظت انو ميشو مو معاهم ..
جلست بدون أي كلمه بين قروبها ...
-(مهاوي :~ نارو حبيبي تبين عصيري .. هالسخيفه لميا يابت لي عصير
تفاح وهي تدري شكثر أكره عصير التفاح ...
-(نارا طلعت جوالها وطنشتهم ولا كأن أحد يحاكيها ...
-(لميا ضحكت بصوت عالي :~ هاهاي لقطي ويهج يامسجينه ..
بالله جم مره طيحت ويهج نارا .. ههههه ... اللي بايع نفسه يحاجي نارا ..
والله لو تحاجينها من اليوم لين بكره بتظل مطنشتج ..
-(مهاوي حست بقهر من نارا :~ نارا على شنو شايفه روحج ..!!
ترى صج اتحجى ...
((نارا ولا كأن فيه أحد يحاكيها ... مزلللللبه فيهم وهي تطالع جوالها ))
-(مهاوي :~ ؤففففف الله يصبرج على روحج انا مدري شلون انتي عايشه ..
-(لميا :~ هههه ماعليج منها نارو ... هاي كله حنانه وماعندها سالفه ..
الا ماقلتي لي شنو هالستايل الخطير ..
-(نارا التفتت على لميا ثم قالت من طرف خشمها :~ للسوء الحظ انه اعيبج ...
-(مهاوي ضحكت بصوت عالي :~ ههههههههههههههاي ..
بالله خشمج خشمج يالميا شوفيه بالأرض يتقلب .. هاهاي ...
-(لميا تنرررفزت من نارا وندمت اصلا انها قالت شي لها ...
بس فضلت الصمت أحسن من انو تكمل الفشيله لأن نارا اكيد بتطنشها
وعصبيتها بتكون عالفاضي ...
بهاللحظه دخلت ميشو وواظح عليها الغضب وهي تشتم بصوت خفيف
للغريب اللي مهبل فيها ...
نارا رفعت عيونها للميشو وبهاللحظه ابتسمت نارا وكأنها هالمره هي اللي تبي
الشر يمكن تطلع اللي بداخلها من يزيد اللي حرق دمها بسحبته عليها ...
ميشو وهي توها بتمر من جمب طاولة قروب نارا رايحه صوب قروبها ..
الا العصير التفاح بسرعه خذته نارا وكبته قدام ميشو قبل لا تكمل طريقها ..
ميشو بسرعه رجعت للورى قبل لا يجيها شي ...
رفعت عيونها بعصبيه ...بس لما شافت انها نارا ابتسمت :~
أهلن أهلن .... يعني أفهم منج ناويتها علي اليوم ..؟؟؟
-(نارا رفعت رجل على رجل ثم قالت :~ مره واثقه من نفسج ..؟؟
-(ميشو اتسعت ابتسامتها أكثر ثم قالت : حلو حلو ... بس تدرين ..
أنا عاد اليوم صج موب فاضية لج .. عشان جذي يالله باي ياعسل ..
((نارا قبل لا تروح ميشو بسرعه رمت الكاس عالأرض وانكسر ...
ثم اتجهت للراعية الكفتريا وكلمتها كم كلمه ثم طلعت ...
راعية الكفتريا من بين العاملات اتجهت للميشو بعصبيه ثم قالت :~
انتي مقنونه ولا ايه ..!!! .... الكاسات كاسات مامتك عشان تكسريها ...
((ميشو التفتت على نارا اللي معطتها ظهرها طالعه من الكفتريا ...
ابتسمت بخفيييف ثم لفت وطنشت المصريه تقرق لين بكره بعصبيه ...
ميشو جلست بين صاحباتها ..
-(ريمو بقهر :~ الحين ميشو شلون تسكتين للهالمينونه ...
هي مو المفروض تطالع شكلها بالأول كيف مخرمه بكل مجان والجروح ماليتها من
راسها للساسها ... صج متوحشه هاي البنت ..
-(سوسو :~ لا لا صج صج مالج حق تتركينها تساوي فيج جذي .. يعني أقل شي أقل شي جان ل.....
-(قاطعتها ميشو بعدم اهتمام :~ ماجان ناقصني الا انتو تعلموني شساوي .!.!!!
اقول ريم قومي يبي لي فطور بسرعه ...
((أما ريم .. سمعا وطاعه ...علطول نقزت تطلب لها ..))
-(سوسو بقهر :~ الحين ميشو انتي الحين ليش تعاملين ريم جنها خدامه عندج ..
-(ميشو :~ اذا للهدرجه انتي عطوفه ورحومه ... قومي ييبي لي فطور ...
-(سوسو :~ يوووه ميشو صج حرام اللي تسوينه بريم ..
-(ميشو طفشت :~ ؤففففففففففففف ... ترى انتي اليوم وايد ماخذه على روحج ومسويه فيها
تعلميني شساوي وشو ماساوي ... خليج بحالج أحسن لج ولنا كلنا ...((سوسو
سكتت ولا ردت بس تحس بقهرررر على ريم ...
وماقهرها أكثر الا انو ريم جايبه للميشو الفطور بكل ابتسامة سعاده ...
-(ميشو تبي تنرفز سوسو أكثر عشان كذا قالت للريم بعصبيه :~
بالله فيه أحد يفطر على بورغر ..!!! .... بعدين جم مره بقول لج
أنا ماحب الببسي سكره وايد .... أحب الكولا ... ؤففففف اللهم طولك يارووح ...
((سوسو طيرت عيونها على ميشو ...
واللي زاد قهرها لما عطتها ميشو عطتها نظره تبط الكبد ...
-(ريم حست بفشيييله قدام القروب كله سوسو وباقي البنات ...
ميشو قطعت عليها التفكير ثم قالت من غير نفس مصطنع :~
خلاص خلاص مابيه كليه انتي .... ؤفف صج تيبون الهم ...
((ثم قامت وراحت للقاعتها ...
ريم نزلت راسها بضيييق ..
-(سوسو بقهر :~ صج انها سخيفه ... بعدين انتي شلون تخدمينها جذي ..!!
ؤففف منج خلي عندج كرامه شوي ماتفهمين انت...
-(قاطعتها ريم لما قالت بسرعه بضعف وانكسار :~
انتي تدرين انها أعز رفيجاتي وماحب أزعلها بأي شي ...
((ثم لفت ولحقت ميشو تبي تراضيها ...
سوسو ضربت خدها بقل صبر :~ ياربيييييه على هالبنت بتييب لي الجلطه ...
ماأدري شلاقيه بصداقة ميشو هاللي مزلبه فيها ومخليتها خدامه موب رفيجه ...
-(ليندا :~ تركيهون بحالون ... بعدين ريم هيا هيك مرتاحه خليها تصطفل ...
-(سوسو :~ تصطفل ..!! وش عقبه .. عقب ماتييب لي الجلطه ..!!
((ريم لما طلعت مر من جمبها فيصل توه داخل ويدور بعيونه على وتين ...
-(سوسو بصوت قصير :~ بنات بنات .... شرايكم باللي واقف عند الباب ..
((كلهم التفتو ...
-(ليندا فاتحه فمها :~ ياي شو هيدا ... لا عن جد بيجنن ... بس شكلو
أوربي ما ..؟؟؟
-(سوسو :~ أكيد بعد فيها ...
-(سلمى :~ لا ويييع مو عاجبني ابدا ماحب هالأشكال ...
يعيبوني اللي اشكالهم خليجين بعوارض ... واي صج صج هذولي الحلوين ..
-(سوسو :~ اقول سكتي سكتي بس ماعندج سالفه ولا ذوق ...
-(ليندا :~ سوسو سوسو شو رايك بروح حاكيه ..؟؟؟
-(سوسو :~ شو انتي مينونه ... ترمين نفسج على شاب .. شبيقول عنج ..!!
بع....
-(قاطعتها ليندا بشهقه طويييله وهي تقول :~ يؤ يؤ ولك شوفي شوفي ..
شوفي مين جلس معا ...
-(سوسو :~ يؤ صج هاي ماتستحي على ويهها خليجيه يالسه ويى أجنبي ...
-(ليندا :~ ايييوه هاي اللي عم بتفهم ... بتعرف كيف بتختار ...
-(سمعو صوت فيصل ضحك بصوت عالي ....
-(سوسو :~ اه ياقلبي يينن يينن حتى ضحكته تينن ... ليندو ليندو مسكيني قبل
لا طيح عليج ....
-(ليندا :~ سوسو شو رايك نعود بالطواله ياللي جمبون ...
-(سوسو :~ فكره مو شينه يالله ...
((بسرعه راحو وجلسو جمبهم وهم يسمعون كل كلمه بينهم ...
-(فيصل وهو للحين يضحك .. رفع عيونه عليها ثم قال ببتسامه :~
لا صج الدكتور حجر لي اليوم ...
((سوسو شهقت بصوت عالي ...
للدرجة انو فيصل ووتين التفتو عليها ...
ليندا بسرعه لفت وجه سوسو برتباك عشان ماينتبهون انهم يطالعونهم ..
-(ليندا :~ ولك شو انتي مجنونه ..!!! ... شو بكي ..!!
-(سوسو بصدمه :~ انتي سمعتيه ..!!! الولد طلع خليجي ..!!
-(ليندا فتحت عيونها عالاخر :~ شوووو ...
((التفتت تحاول تسمع ...
-(وتين :~ اقول فيصل شكنت تبي تقول لي ..؟؟
-(فيصل بتوترررر :~ ا ... صراحه كنت ابي اقول .. ا ...
انتي ... انتي للحين تحبين عبادي ..؟؟
-(ليندا :~ ييييي ... طلع الشاب خليجي ..!! مو معئول عن جد عن جد مو معئول ...
-(سوسو :~ ششششش خلينا نسمع ...
-(وتين بتوتر :~ ليش السؤال ..؟؟
-(فيصل :~ لا بس ابي جواب ...؟؟
-(وتين نزلت راسها بدون أي كلمه ...
-(فيصل سكت شوي وهو على باله اسكوت علامة الرضا ثم كمل :~ طيب ممكن تتريين شوي بس ,,
((بسرعه فيصل وقف وراح بعيد عنها شوي ثم كلم بالجوال ... بعد ثواني رجع لها ...
-(وتين :~ طيب اذا ماكان عندك شي ثاني تبي تقوله لي انا مظطره أقوم...
-(فيصل بتوتر :~ لا لا بس كنت ابي اقول لج شتبين تشربين ..؟؟
-(وتين :~ مشكور ماقصرت بس صج امأقدر أقعد وياك أكثر من جذي ..
انت قلت موضوع وبس واعتقد ماعندك شي ثاني ...
((بهاللحظه دخلت أميره ومعها نجود ...
أميره وهي تمشي طاحت عينها على فيصل ووتين ...
بدت نار الغيره تشتعل بقلبها ...
بسرعه جلست بالطاوله اللي جمبهم ...
تبي تتجسس عليهم وماتتوب عن طبعها ...
-(نجود :~ اقول أمي ...
-(أميره :~ ششششش سكتي بس دقايق ..
-ليش ..؟؟
-بعدين اقولج سكتي شوي بس ..
((فيصل حاول يصرف الوضع ثم قال :~ أقول وتين ...
-نعم ..
-ا .... انتي أكيد تتذكرين الكلام اللي طلع عني وعنج صح ..؟؟
-(سكتت شوي بتوتر ثم قالت :~ أي ...
-(فيصل حس برتباك ومايدري شلون بيطاوعه قلبه ويقول هالكلام :~
بس كنت ابي اقول لج انها كلها اشاعات وأكاذيب ...
خاصتا اني مو مال الحب موليه ... والحقيقه عبادي هو للي يحبج مو أنا ...
بس السالفه ومافيها اشاعات وجذب ...
-(وتين نزلت راسها بصمت وضييقه ...
-(فيصل حس بضيقتها ثم قال :~ لا يكون ضايقتج بشي ..؟؟
-(وتين :~ كمل ...
-(فيصل حس بتوتر أكبر لما حس انها متضايقه .. توتر لا يكون قال شي غلط ..
:~ بس هذ اللي كنت ابي اقوله ... يعني لا تفهمين غلط وبعدين انا ماعندي استعداد
اخون رفيجي اللي يحبج ... والكل يدري انا مو مال الحب ابدا ...
وانتي اعتبرج مثل أخت....
-(قاطعته :~ خلاص لا تكمل ...
-(فيصل عقد حواجبه ..؟؟؟)
-(وتين نزلت راسها ثم قالت :~ عن أذنك ..
((توها بتقوم بس فيصل مسك شنطتها اللي شايلتها :~ لحظه بس ...
-(وتين :~ فيه شي بعد ..؟
-(فيصل حس بأسلوب وتين اللي صار جاف :~ وتين انا قلت شي يزعل ..؟؟
((بطاولة أميره تقول بصوت قصير :~ الله عالحب ...
مالت عليك شلاقي فيها هالخايسه .. لا وبعد مسويه تتزعل ...
لا يكون هذي صدقت عمرها الكل يحبها ...
-(نجود :~ تبين الصراحه شكل البنت تحبه ..
-(أميره بصوت عالي من غير شعور معصبه :~ حبتها القراده هالعيوز ..
-(نجود :~ شششششش فضحتينها ...
-((فيصل :ْ وتين انا قلت شي زعلج ؟؟؟
-(وتين نزلت راسها :~ ممكن تخليني الروح الحين ..؟؟
-(فيصل :~ لا ... أول ردي على كلامي ...
-(وتين :~ طيب خلاص انت تقول انك ماتحبني خلاص ؤكي خلني الروح
ماأعتقد فيه شي ثاني ..؟؟
-(فيصل حس بضعف قدام كذبته أنه مايحبها ... كان وده يقول لا اجذب عليج ..
بس مسك نفسه ثم قال :~ طيب يلسي انا ماخلصت حجيي ...
((وتين جلست بضييقه ..
-(فيصل :~ ثانكس ... ا ... الحقيقه كنت ابي اوظح لج الموضوع
هذا ..... ((ثم رفع يده يطالع الساعه برتباك ..)
-(وتين :~ طيب وبعدين ؟؟؟
-(فيصل بلع ريقه :~ أي هاه ... ا .. عموما أي شي تبينه مني
اعتبريني مثل اخوج ولا تترددين ...
-(وتين بقهر :~ بس انا مابي اعتربك اخوي ... يالله عن أذنك ..
-(فيصل بسرعه :~ وتين الله يهذاج صبري علي شوي ..
شسالفتج كل شوي معصبه ..!!!
-(وتين بدون ماتحس قالت بقهر :~ كنت معتقده كل هالسنتين اللي راحو انك تحبني
بس طلع كله اشاعات على قولتك وجذب ...
وماأخفي عليك ان بهالسنتين كان كل تفكيري هو انت وبس ...
لا عبادي ولا غيره ..
بس مثل ماقلت اشاعات يعني ليش أوهم نفسي عالفاضي ...
والحين عن أذنك ..
-(فيصل موب مستوعب .... بسرعه مسكها مع يدها من غير شعور :~
وتين انتي شقاعده تقولين .... لحظه عيدي .. مافهمت ..
-(وتين سحبت يدها ثم قالت بقهر :~ أي نعم انا أحبك ياسيد فيصل ..
بس خلاص طلع كل شي اشاعات وعلى قولتك تعتبرني اختك وانت مو مال الحب ..
انا الغبيه اللي فكرت انك تحبني صج ...
-(فيصل فتح فمه مصدوووم .. مو مصدق اللي يصير ...
توه بيتكلم قبل لا تروح الا وتدخلت أميره اللي ماقدرت تتحمل
الوضع ..
-(أميره بحتقار وغضب :~ انتي هيه على كيفج مره تحبين رفيجه مره هو ..
شنو انتي فاضيه .. كل يوم لج حبيب ..!!!
صج عقلج فيه شي ...
انا من زمان اشك ان عقلج مفصول ... يابنت استحي على ويهج ...
مالت على هالويه اللي مدري شلاقين فيه ...
-((بطاولة سوسو وليندا فاتحين فمهم مصدووومين ...
اللي موجودين بالكفتريا التفتو عليهم لأن الصوت واظح ...
اللي فهم كلامها واللي مافهم اللغه العربيه لوجود اختلاف الأجناس ...
عند الباب دخل كان واقف عبادي بعد ماسمع كل الكلام ...
جاي بعد ماكلمه فيصل يناديه وكان مخططين ان عبادي يجلس مع وتين
ويقول لها انه يبي يخطبها ..
بس السالفه تفركشت بشي ماتوقعوووه ابدا ابدا ابدا ...
-(وتين ساكته مصدومه من لسان أميره الطويل اللي جرحها وبقووه ...
-(فيصل سحب أميره من يدها بقووه :~ انتي هيه يالملقوفه ..!!!
للحين ماتفهمين ..!!! تحبين تذلين نفسج .!!! تحبين تهينين كرامتج .!!!
يابنت لا تتدخلين جم مره بقول لج هالحجي ..
وبعدين جم مره بقول لج حبج ماأبييييه .. ماأبيييييييييييييييه ...
عقلج هذا يفهم الحجي اللي اقوله ولا لا ..!؟؟؟
ترى صج صج ماخذه مقلب بنفسج مو وتين ..
وبعدين ماأسمح لج تقعدين تنطلين حجي على أي شخص انا اعرفه ..
كل ماشفتيني مع أحد تدخلتي .!!!
كرهتي لي عيشتي ..!! ؤففف ...
بس تدرين انا ماراح أسكت لج هالمره زي اللي طاف ... تعالي وياي ..
((سحبها من يدها بقووه وأميره خانقتها العبره من كلامه اللي جرحها ..
هو مايدري شكثر تتمنى تكرهه وتنساه بس ماقدرت ...
مايدري شكثر تتمنى تمسك نفسها عن خصوصياته بس ماتقدر ابدا ..
الحب اللي بقلبها ينسيها كل شي ويرميها على فيصل بدون تفكير ...
كل اللي تسويه غصب وخارج الرادتها .. حبها أكبر من انها تضبط اعصابها
... فيصل وهو يجرها من يدها والغضب مغيم عليه ...
لما نزلو للصاله اللي خاليه من أي شخص ...
لما وصل للزاويه بعيد عن الدرج بحيث محد يشوفهم ...
دفها بقوه بالزاويه وهو يقول بعصبيه مثل المره اللي نشرت فيها
الإشاعه بالبلوتوث عن خواته ...
اميره تعور كتفها من دفة فيصل القويه ...
مسكت كتفها بألم وهي تطالعه بخوف ...وبعيون تلمع وكأنها تبي تبكي
بس كاتمتها ...
-(فيصل :~ لين متى ياأميره ..!!! ... لين متى ..!!! ...
قلت لج ماأحبج .... وانتي مصره اعطيج ويه ...
بس تدرين .. انا عندي لج حل ...
((طلع مفتاح من جيبه ثم قال :~ شفتي هالمفتاح ... خذيه ...
وتعالي على هالعنوان ((ثم طلع كرت عنوان شقه ...
:~ هذي رقم الشقه وهذا المفتاح ... دامج مصره على حبج لي ..
خلاص تعالي للهشقه ولج مني أعطيج كل اللي تبينه مني ...
((ثم تقدم أكثر وأكثثثر لها وهو يقول بصوت قصيير عند أذنها :~
كل اللي تبينه .. بنسيج العالم كلهم ... بس اتفاقنا لما تطلع الشمس كل واحد يطريقه ولا عاد
اشوف رقعة ويهج ...
بس أسم اني أعطيج الحب اللي أقدر عليه ...
((أميره كلمة صدمه شويه عليها ...
تحس اللي قدامها موب ادمي ..
شيطان ....
بقوه دفته بكل قوتها وعطته كف محترم ...
كف طلع كل الحقد بداخلها ...
حست انها ماكتفت ... رفعت يدها تبعطيه كف ثاني
بس مسك يدها بقوه ثم قال :~
المره الأولى سكت عليها ... بس مافي مره ثانيه ...
أدري انج تحبيني وماله داعي تكابرين ... تعالي للشقه الساعه
تسع أحسن وقت ...
ؤكي حبيبي ....(ثم غمز لها بخبث ولف بيروح عنها ...
أميره الإشمئزاز اللي بداخلها كبير كبيييير من فيصل ...
ماتحملت تخليه يروح بعد الإهانه اللي صارت لها منه ...
التفتت على جره صغيره جمبها ...
وبقوه رمتها عليه ...
بس فيصل كان أسرع انه يلف عنها ...
طاحت بالأرض وانكسرت ...
-(فيصل رفع عيونه عليها ثم ضحك :~هههههههههههاي ..
باي ياحلو ...
((رقى الدرج وملامح الإبتسامه تحولت للضيقه ...
وهو يقول بقلبه :~
اللي سويته أحسن حل عشان تكرهك ...
أميره ... أنا اسف ...
بس هذا الحل الوحيد عشان تكرهيني ...
انتي تساهلين منهو أحسن مني واللي يحبج مو أنا اللي قلبي عند بنت ثانيه ...
الله يحفظج للأهلج ويوفقج ...
((فيصل وهو بنص الدرج سمع صوت أميره وهي تبكي من قلب ...
ضغط على كفه بقووووه وهو يحاول يتجاهلها ....
فيصل طلع من المبنى وبهاللحظه صادف العم بندر قباله ...
العم بندر :~ فيصل تعال ابيك شوي ..
-(فيصل تنهد :~ ؤكي ...
((بعد مانتهو من كلامهم ...
-(فيصل :~ بس انا مابي اسلم عليه ولا ابي الروح للسعوديه ...
-طيب ليش ..؟؟
-اول شي جدي مستحيل اسمحه عاللي سواه في ابوي ...
وبعدين انا عندي دراسه شلون تبيني اتركها وهاي اخر سنه لي ..؟؟
-ماراح تطولون انت وخواتك ... بس تسلمون عليه وهو مريض ويبي يشوفكم
قبل لا يصير له شي الله يطول بعمره ...
-(فيصل سكت شوي ثم قال :~ بس أنا مابي اشوفه ...
-(العم تنهد بقل صبر :~ فيصل انت كبير وفاهم .. وش له العناد هذا كله ...
وبعدين جدك هو اللي تاب عن اللي سواه في أخوي اللي هو ابوك ...
ولو ماتكلم كان انا مادريت عنكم للحين ...
جدك يعيش بتأنيب ضمير ومحتاج يشوفكم ..
بعدين اذا انت موب مسامحه قول له قدامه موب عندي ..
المهم تشوفون بعض .. وثاني شي ...
انا لازم الروح معاكم ونثبت انكم عيال بدر ال....
يعني فيه أوراق كثيره لازم تتضبط عشان تكونون مثل باقي الناس لهم
نسبهم وأصلهم ...
ويالله خلنا نروح ندور خواتك بهالجامعه اللي وش كبرها ..
مدري شلون بنلاقيهم ...
-(فيصل سكت شوي وكأنه اقتنع ...)
((بقاعه كبيره ...
فيصل والعم بندر جالسين على أحد الكراسي ينتظرون
البنات الثلاث ...
فيصل دق :~
فهود وينك ياريال مالقيتهم ؟؟؟
-(فهد :~ الا وصيت نص الجامعه ينادونهم للقاعه اللي قلت لي عنها ..
أفا عليك خويك عنده علاقات اجتماعيه كبيره ...

((انتهى البارت ....