بنووووووووووتة
ننتظرررررررررررك
<<<<<<<<<<<<لاو تهديد<<<<<<<<<<<

يلا بسرعة ...ننتظرج .... طولتي عليينا وايد ....

طيب رح انزززززل لكم بارتين..,,

>>>الجزء الثاني والعشرين<<<


السعوديه_الشرقيه



بمطار الملك فهد كان طلال يودع فهد الي بيسافر عند اهله بسويسرا...

طلال:اهم شي لا تنسى الهديه
فهد:هههه اكيد من غير ماتقول
طلال:هههه امزح هديتي رجعتك بالسلامه انت واهلك
فهد:الله يسلمك,عموما اذا صار شي بموضوع ساره بلغني اوكي
طلال:ياعمي لاتشغل بالك هذي وحده تافهه
فهد:اوكي بس انتبه لنفسك
طلال:وانت بعد مع السلامه

طلع طلال من المطار وهو بالسياره خطرت على باله شوق الي ماغابت عنه لحظه وحده دق قلبه لطاريها وفكر يدق عليها...


************************


اسبانيا_مدريد



كانت شوق تحط اللمسات الاخيره لمكياجها استعداد للطلعه دق جوالها وشافت رقم طلال ردت بسرعه وهي فرحانه...

شوق:هلا وغلا
طلال(ارتاح لما سمع صوتها بس ماتنطفى نار الشوق الا لما يحط عينه بعيونها):هلابك,اخبارك لاتدقين ولا تسالين؟
شوق:ههههه sorry بس والله اسبانيا تنسي الواحد نفسه عموما انا بخير انت كيفك؟
طلال:بخير دامك بخير
شوق:تسلم,قولي شخبار الشرقيه ابيك تحرسها لي لين ارجع
طلال:كم باقي وترجعون؟
شوق:ممم باقي اسبوعين ونص
طلال:مو كثير
شوق:اصلا بيمرون من دون ماتحس فيهم
طلال(بيمرون علي مثل الدهر الله يصبرني على فراقك):انشاء الله مبسوطين بالسفره؟
شوق(وهي تتذكر عبدالعزيز):مررره السفره هذي احلى سفره بحياتي
طلال:عسى ايامك كلها حلوه
شوق:امين وانت بعد عسى ايامك دوم حلوه
طلال(معاك يارب):تسلمين عموما سلمي على صديقاتك مابي اطول عليك
شوق:اوكي تدرى عندي لك مفاجأه بس لما ارجع بقولها لك
طلال:شنو؟
شوق:لما اشوفك بقولك خلها مفاجأه
طلال:اوكي براحتك كل شي منك حلو
شوق:تسلم يلا انا بروح الحين باي
طلال:باي


طلال قعد يفكر شنو بتكون المفاجأه اكيد اشتاقتلي مثل ما انا مشتاق لها خلاص لما ترجع بعترف لها بحبي واكيد هي تبادلني نفس الشعور ...


سكرت شوق من طلال وجلست تعدل نفسها دخلت عليها مشاعل...

مشاعل:كنتي تكلمين طلال؟
شوق:ايه
مشاعل:وقلتي له عن عبدالعزيز؟
شوق(طالعت فيها مستغربه):وش المناسبه عشان اقوله؟
مشاعل:يعني لانه يحبك
شوق:كم مره قلت لك طلال ما يحبني يعتبرني مثل اخته وبس
مشاعل:بس من سوالفه ومساعدته لك واضح انه يحبك مع اني لا شفته ولا قعدت معه
شوق:قلتيها انا قعدت معه وشفته وواضح انه مايحبني الا مجرد صديقه واخت بس
مشاعل:كيفك انا قلتلك وخلاص
شوق:ماعليك امشي نطلع لانتأخر عليهم

طلعت شوق ومشاعل من الفندق ولقو الكل واقف يستناهم بره...
اول ماطلعت شوق طاحت عيونها بعيون عبدالعزيز حست قلبها بيطلع من مكانه ابتسمت له ورد لها ابتسامه بارده استغربت بس طنشت بعدين..

راحوا لساحة الشمس(puerta del sol)تعتبر من اهم مناطق التسوق بمدريد ادخلوا واحد من المطاعم الي على الشارع وتغدوا فيه ...

طول فترة الغداء وشوق مستغربه من عبدالعزيز الي يتعامل معها بجفاء وكانه يشوفها لاول مره شافت عبدالعزيز قام لانه خلص اكله فقامت معه عشان تعرف الموضوع...

شوق:عبدالعزيز
عبدالعزيز(غصب عنه لف عليها وابتسم مع انه زعلان منها):لبيه
شوق(بهاللحظه حست ان عبدالعزيز الي تعرفه رجع مثل اول):ليه تعاملني اليوم بجفاء وكانك ماتعرفني؟
عبدالعزيز(ضاع منه كل العتب الي بيقوله لها لما شاف عيونها):sorry بس انا كنت متضايق شوي لايكون تضايقتي
شوق(قربت خطوه منه):لا انا عادي بس..(نزلت راسها مو عارفه شنو تقول)
عبدالعزيز(قرب منها ورفع راسها):قولي الي بخاطرك
شوق(تحس انه يسيطر عليها بنظره منه شلون بلمسته):شلي مضايقك؟
عبدالعزيز(بعد عنها وعطاها ظهره):لا بس اليوم لما قلنا بنطلع انا قعدت استناك تحت وانتي طولتي فوق وكأنك تتغلين
شوق(راحت عنده وواجهته):شدعوه عبدالعزيز انا اتغلى وبعدين ماتعرف ان من تغلى تخلى انا بس جتني مكالمه
عبدالعزيز:مين كلمك؟
شوق(تعرف ان مو من حقه يسال بس جاوبت عليه):طلال..اقصد واحد سالفته طويله بعدين اقولها لك
عبدالعزيز(وهو يحس بالغيره من طلال الي مايعرفه):تحبينه؟
شوق(طالعت فيه ولقته منزل راسه ويهز رجله بكل عصبيه حطت ايدها على خده عشان يطالعها):لا
عبدالعزيز(ارتعش قلبه من لمستها الدافيه):وهو يحبك؟
شوق:لا هو يعتبرني مثل اخته
عبد العزيز(قعد يطالع بعيونها وشاف الصدق,, الكلام كله يطلع من قلبها ويدخل قلبه على طول):شوق انا...

قطع عليه صوت هديل الي كانت جايه تدخل الحمام...
بعدوا عن بعض بمسافه مناسبه ودخل عبدالعزيز الحمام وشوق رجعت للطاوله...
هديل عرفت انها قطعت عليهم الكلام بس ماهتمت لان تفكيرها كان منشغل بشي ثاني ...
فجاها جوالها الي دق وكان فيصل ارتبكت لاول مره لما تشوف رقم فيصل....

هديل(وهو تحاول تخفى توترها):هلا فيصل
فيصل(عرف ان فيها شي 3سنين حب اكيد بيعرف عنها كل شي):هلا حبيبتي فيك شي؟
هديل(تعرف انها مستحيل تخبي شي عليه):ولا شي بس مشتاقتلك
فيصل:وانا اكثر والله كم باقي وترجعون؟
هديل:تقريبا اسبوعين
فيصل:يالله ربي يصبرني ,انتي شلونك صار معك شي؟
هديل(بخوف):صار معاي شي بشنو؟
فيصل:يعني أي شي احس في شي مضايقك؟
هديل:لا انا بخير بس والله مشتاقه لك ومحتاجتلك وكان ودي تكون معاي
فيصل:انشاء الله السفره الجايه مع بعض بس بتكون شهر عسل
هديل(ذابت من الحيا وكانها تشوفه قدامها):طيب انا بسكر مابي اعطلك عن شغلك
فيصل:هههههه وانتي كل مره كذا عموما انا مجهز لك مفاجأه لما ترجعين
هديل:اوكي انشاء لله نرجع بسرعه مع السلامه
فيصل:انتبهي على نفسك حبيتي باي

سكرت هديل منه وحطت الجوال على قلبها والله احبك وعمري ماراح احب احد غيرك ابتسمت ودخلت الحمام...

على الطاوله كان سلطان يطالع مشاعل بنظرات اربكتها بس حمدت ربها ان راشد مو ملاحظ لانه يسولف مع عبدالعزيز ومنشغل معها,قامت من مكانها تروح الحمام لانها ما تقدر تتحمل تجلس اكثر من كذا...

توها بتدخل الحمام الا تسمع صوت سلطان وراها...

مشاعل(وهي معطتيه ظهرها):نعم شتبي ؟
سلطان(قرب منها ووقف وراها بالضبط وهمس باذنها):انا ادرى انك تحبيني
مشاعل(انصدمت لما قالها هالكلمه وحست قلبها يدق بقوه):من قال انا احب راشد وبس
سلطان:هالكلام تقولينه لراشد مو لي اصلا واضح عليك انك تموتين على
مشاعل(انقهرت من غروره):وشلون واضح على؟
سلطان:لو ماكنتي تحبيني كنتي جلستي معاي عادي وسولفتي معاي عادي ولما اكلمك تطالعين فيني زي أي شخص ثاني
مشاعل(خافت منه لان تاثيره عليها قوي):بالعكس انت اصلا ماتهمني بشي
سلطان(بخبث):لو كنتي صادقه حطي عينك بعيني وقولي هالكلام

مشاعل عارفه ان ثقتها كلها بتنهد لما تشوفه بس تشجعت ولفت عليه وياليتها مالفت كان قريب منها مره لدرجه تحس ان انفاسها وانفاسه وحده ضاعت في عيونه شجاعتها وقوتها خانوها في اللحظه هاذي كان ودها ترمي نفسها بحظنه وتحس بدقات قلبه بس تجاهلت هالرغبه ...

سلطان(مسكها من ذراعها يصحيها من احلامها):مشاعل انا احبك قوليها قولي انك تحبيني مثل مانا احبك

مشاعل كانت ضايعه محتاجه راشد يكون معها لما تشوفه تحس بالقوه لكن مع وجود سلطان وتاثيره عليها تحس بالضعف خانتها ثقتها وقلبها الي ما طاوعها وتوها بتنطقها الا شافت الي كانت تستناه شافت راشد واقف يطالعها بكل عصبيه وغيره...

مشاعل كانت تحاول تبعد ايد سلطان عنها بس هو ماسكها بقوه مو قادره تتحرك ماقدر يحركه الا ايد راشد الا بعدته عن مشاعل...
سلطان تفاجأ بوجود راشد لانه قطع اعتراف مشاعل بانها تحبه...

راشد(وهو ماسك بلوزه سلطان من قدام):انت شلون تسمح لنفسك انك تلمسها
سلطان(ببرود):ليه حلال عليك وحرام علينا
راشد(عصب من كلمته ):اسمعني عدل مشاعل لي انا ومره ثانيه اذا قربت منها ولا حتى كلمتها ماتلوم الا نفسك
سلطان:اصلا قبل لا تجي كانت بتعترف لي انها تحبني
راشد(طالع في مشاعل مو مصدق):....
مشاعل(خافت من نظرات راشد):لا راشد صدقني انا ماكنت بقول شي
سلطان:خلاص مشاعل ليش تعذبيني وتعذبين نفسك قوليله الحقيقه ليش تخلينه مخدوع
مشاعل:راشد لا تصدقه هذا يكذب عليك
راشد(هد سلطان ومسك ايد مشاعل):مشاعل طالعي فيني وقوللي انتي تحبينه؟
مشاعل(كانت متوتره طالعت في عيونه وشافت الخوف من جوابها):لا
سلطان:كذابه كل مره تقولك كذا وترجع تحبني هذي الحقيقه يار اشد هي تحبني والكل يعرف هالشي
راشد(طالع بعيون مشاعل ومالقى فيهم الي يبيه عرف لحظتها ان كلام سلطان صح ):عموما اتهنى فيه انا خلاص عافك الخاطر

ابتعد راشد عن مشاعل وهو يلم بقايا حبه وكرامته الي انهدرت حس بالقهر في قلبه ليش حبها هو يعرف ان عمرها ما تتغير متعوده تلعب على اكثر من واحد ولا عمرها بتتغير طلع من المطعم وظل يمشى تايه مو عارف وين يروح يحس انه انخدع منها ليش ليش حبيتها وانا الي كنت بنتقم منها اروح في الاخير واحبها .....


قهر ماكنت انا ادرى تعيش بقلبي كذابه
قهر توي عرفت انك على الحبلين لعابه
كذب كانت سواليفك وكل كلمه على كيفك
وانا الي احسبك روحي والقلبي اقرب احبابه

وفيت لقلبك بعمري ولك ضحيت بايامي
لقيتك للاسف كذبه اعيش بها مع احلامي
نعم صدقت كلماتك ولا ادرى بنياتك
وهذا اليوم انا كلي ندم من راسي لقدامي

خلاص الحين ابي ارحل وانا فيني الم غدرك
اباخذ قلبي من قلبك وخلي قلبك بصدرك
بداوي روحي بروحي وبكتم فيني جروحي
بعيش بدنيا من دونك وعيشي بالقهر عمرك

قهر ماكنت انا ادرى تعيش بقلبي كذابه....



مشاعل ما استوعبت الي راشد قاله ظلت خمس دقائق تستوعب...

سلطان(خاف عليها لان شكلها ما يطمن):مشاعل انتي بخير
مشاعل(طالعت فيه بعصبيه):بخير أي بخير انت شفت شنو سويت راشد تركني تخلى عني
سلطان:واذا انا موجود
مشاعل:انت شنو ما تحس تدرى انا اول كنت اظن اني احبك لكن بعد هاللحظه انا اكرهك واكره اسبانيا لانك فيها اذا راشد ما رجع لي انا مالي قعده هنا ولا ابي اشوفك مره ثانيه انت فاهم...

طلعت مشاعل من المطعم تدور على راشد ودموعها تنزل على خدها من دون ماتحس فيهم حست انها غبيه ولامت نفسها ليش ليش يامشاعل ضيعتي حب راشد منك هو الوحيد الي صادق معاك وهو الوحيد الي يهتم فيك انا محتاجه له مستحيل اخليه يضيع مني مره ثانيه بس خلني القاه وينك وينك ياراشد رحت وخليتني....


على الطاوله رجع لهم سلطان يحاول يخفي توتره بسبب كلام مشاعل..

عبدالعزيز:سلطان ماشفت راشد ؟
سلطان:لا
عبدالعزيز:غريبه مدرى وين اختفى
شوق:حتى مشاعل وينها؟
هديل:هههه خلاص اذا مشاعل وراشد مو موجدين اكيد اطلعوا مع بعض وخلونا
عبدالعزيز:ههههه والله هالاثنين لايقين على بعض مره
شوق:الله يخليهم لبعض
سلطان(ماقدر يتحمل كلامهم):خلاص اجل هم بيرجعون بعدين خلينا نطلع نتمشى

طلعوا من المطعم وقرروا يروحون للحمام المغربي عشان يسترخون بعد المشي بالسوق...

دخلت شوق قبل هديل الي ظلت بره واول ما شافت عبدالعزيز نادت عليه...

عبدالعزيز:هلا هديل بغيتي شي؟
هديل:بصراحه انا كنت ابي اكلمك بس مالقيت فرصه مناسبه الا الحين
عبدالعزيز(استغرب):خير انشاء الله شفيه؟
هديل:انا ادرى بالي بينك وبين شوق عشان كذا بقولك هالشي
عبدالعزيز:الي هو؟
هديل:شوق عيد ميلادها بعد بكره كنت بقول لمشاعل بس مدرى وينها ففكرت اقولك عشان تساعدني
عبدالعزيز(بحماس):والله عيد ميلادها بعد بكره
هديل:ايه
عبدالعزيز:خلاص انتي روحي الحين عشان ماتشك وانا بفكر بشي
هديل:اوكي شكرا

دخلت هديل للحمام وظل عبدالعزيز واقف مكانه يفكر,مافي وقت انسب من عيدميلادها عشان اقولها على اللي بقلبي ...

دخل للحمام وهو فكره مشغول بعيد ميلاد حبيبة قلبه وشنو الهديه الأنسب الي يعطيها لها...


************************



ايطاليا_روما




قامت رغد من النوم على صوت جوالها كانت نغمة تركي ....

رغد:هلا تركي
تركي:هلا والله شكلك نايمه
رغد:هههه شلون نايمه واكلمك ماتجي هاذي
تركي:وانتي خليتي فيني عقل ماقمت اعرف اقول شي
رغد:اقول انت واحد فاضي وانا فيني النوم
تركي:شدعوه رغوده اصلا المفروض يكون هذا الصباح احلى صباح بحياتك لانك قمتي على صوتي
رغد:ترى الغرور ما يمدحونه
تركي:هههههه طيب شرايك اعزمك اليوم؟
رغد:ممم مدرى يمكن ماما ماترضى
تركي:تكفين قوليلها ابي اطلع اتمشى لحالي وخذي الخدامه معك
رغد:اوكي بس وين بنروح؟
تركي:انتي تعالي لساحة اسبانيا وخلي الباقي علي
رغد:طيب وين بنروح؟
تركي:مفاجأه
رغد:اوكي لما اجي اطلع بدق عليك
تركي:انتبهي على نفسك حبيبتي باي
رغد(استحت من كلمته ودق قلبها ينبض بحب جديد):باي

نزلت رغد عند امها وقالت لها تبي تطلع وبعد اقناع شديد رضت بس بشرط تطلع معها الخدامه وواحد من الحرس...

طلعت رغد لغرفتها تتعدل قبل لا تطلع مع تركي لبست تنوره على حد الركبه لونها اصفر وفيها ورد زيتي وسماوي بشكل حلو وبلوزه صفراء مناسبه افتحت شعرها وحطت مكياج خفيف زادها جمال لبست صندل لونه زيتي وفيه سير ضعيف عليه فراشه سماويه صغيره طلعت مره حلوه ومرتبه ....

دقت على تركي وطلعت مع الخدامه لساحه اسبانيا ....

اول ما وصلت لساحة اسبانيا لقت تركي ينتظرها عند النافوره طالعت بالخدامه والحارس الي معها بطفش ودقت على تركي...

تركي:رغد شنو الجدار الي وراك هذا؟
رغد:هههههه هذا الحارس الشخصي حقي ماما مارضت اطلع الا معه
تركي:هذا شلون اصرفه الخدامه سهله بس هذا مستحيل
رغد:لا مستحيل ولا شي انتظرني هنا وانا ربع ساعه واكون عندك
تركي:طيب وش بتسوين؟
رغد:انتظر وانت تشوف

انتظر تركي رغد وده يعرف شلون بتصرف الحارس والخدامه...
بعد ربع ساعه دق جواله برقم رغد رد عليها بسرعه...

تركي:ها وش سويتي؟
رغد:هههههه التفت وراك

التفت تركي وراه ولقى رغد تطالعه متفاجأ وتضحك...
سكر جواله وراح لها...

تركي(نزل لمستوها على ركبته):انتي شلون صرفتيهم؟
رغد:مو الحين اقولك اول خذني للمكان الي بنروح له قبل لا يجي الحارس ويدور على
تركي:اوكي

قام تركي ودفها بسرعه وهي تضحك عليه لين وصلوا لحديقة فيلابورقيزي اجمل واكبر حدائق روما....

****************************




اسبانيا_مدريد


رجعوا الكل للفندق بعد المساج الي خذوه في الحمام المغربي واستغربوا لما مالقوا مشاعل وراشد ارجعوا ولا دقوا عليهم....

هديل:شوق انا قلبي مقبوض احس ان مشاعل فيها شي
شوق:ريحي بالك بس تلقينها الحين نايمه بالعسل وانتي تفكرين فيها
هديل:انشاء لله الله يسمع منك

بعد ساعه كانت الساعه 12 البنات خافوا لانهم تاخروا والجوال ماترد عليه ومره تعطيهم مشغول وحتى راشد مايرد عليهم واخر شي صار جواله مغلق...

شوي الا سمعوا صوت الباب ينطق راحت هديل تفتح الباب وانصدمت لما شافت راشد لوحده...

راشد(مستغرب):شفيك تطالعيني كذا؟
هديل(بخوف):مشاعل مو معاك؟
راشد:ليه هي ما رجعت الفندق؟
هديل:احنا من طلعنا من المطعم هي طلعت قبل فكرناها معاك لانك انت طلعت بعد الحين الساعه 12 ونص وين بتكون راحت؟

راشد كان سرحان يفكر بمشاعل وين بتروح وهي ماتعرف شي هنا...

هديل:راشد انا اكلمك وين مشاعل هي ماكانت معاك صار شي؟

راشد ما رد عليها كان يفكر...

هديل:راشد ردعلى مشاعل وينها فيه صار فيها شي؟؟
شوق:هديل شفيك تصارخين؟
هديل:هذا راشد ومشاعل مو معها اسأله وينها مايرد على مدرى شيفكر فيه؟
شوق:راشد شفيك صار شي مشاعل وينها؟
راشد(تكلم فجأه لانه تذكر شي):عرفت عرفت وينها فيه

توها هديل بتكلمه الا راشد يركض بسرعه لجهة الاصنصير...

شوق:هذا شفيه؟
هديل:مدرى عنه بس انا قلت لك قلبي مقبوض وحاسه مشاعل فيها شي
شوق:هو يقول عرف مكانها انشاء لله يرجع معها
هديل:الله يسمع منك
شوق:تعالي ننتظره داخل

طلع راشد من الفندق وهو مستعجل ومو شايف قدامه اخذ تاكسي وراح طيران على ساحة اسبانيا ...
تذكر الموقف الي صار لهم هناك في اول ليله لهم في مدريد لما كانوا في ساحة اسبانيا...

مشاعل(وهي واقفه عند البحيره):تدري ليه احب هالمكان
راشد:ليه؟
مشاعل:لانه اول مكان جمعنا مع بعض باسبانيا واذا ضعت ولا صار لي شي بتلقاني هنا
راشد:وشمعنى هنا؟
مشاعل(وهو تمسك ايده):لاني بحس بوجودك فيه
راشد(وهو يمسح على شعرها):دامك معاي مار اح تضيعين
مشاعل:وعد
راشد:وعد

اسف يا مشاعل ادرى خنت الوعد وهذاني ضيعتك وانتي معاي ما وفيت بالوعد بس انتي الي خنتيني قبل بس قلبي هذا ما يقدر يقسى عليك لو مهما سويتي...

اول ما وصل راشد لساحة اسبانيا نزل بسرعه وهو يدور عليها بقلبه قبل عيونه راح عند البحيره ولقاها هناك جالسه على الكرسي الي قدام البحيره سرحانه تفكر...

راح وراها وهمس باذنها...

راشد:ليه رحتي وخليتيني؟

قامت مشاعل مفزوعه من مكانها واول ما شافته نزلت دمعة فرح من عيونها....

مشاعل(وهي تركض له وتحضنه بقوه):راشد
حظنها راشد بقوه يطلع كل الخوف الي فيه لما شافها بخير مسح على شعرها بكل حنان وكل دقه بقلبه تنطق باسمها اكتشف انه يحبها حب صعب يوصفه,, نص يوم ما قدر يتحمل بعدها شلون قدر يتخيل انه يتركها وممكن يتحمل...

ياحبيب الدنيا ياعمري يادنيا الحب
ياحب الكون ياربيع الورد ربيع الورد في عيني ولا له لون
وانا اشوف ايامي بدونك وحشة قلب ودمع عيون
انا عشت الدنيا عشانك عيش الدنيا عشاني اليوم
انا احبك لحظه وساعه وساعه عمر واحبك دوم
انا حلمي بقربك احيا خلني بقربك اغفى واقوم


ولا كلمة حب تكفى لاني احبك حب كبير
اذا قلت البحر الدنيا غرامي شي صغير
سما حب وارض محبه طير بكل الشوق يطير
انا احس الدنيا بدونك دنيا حزينه حيل
بلا شوق وبسمه وضحكه وفرحه ونسمه
ووقت جميل على ذكرى في بالي ياغالي
ابقى لحالي وليلي طويل


ياحبيب الدنيا ياعمري يادنيا الحب
ياحب الكون وانا اشوف ايامي وحشة قلب
ودمع عيوووون.....




مشاعل(وهي تصيح):راشد ترى الكلام الي قاله سلطان كذب انا ما احبه
راشد:بس انتي كنتي بتقولينها
مشاعل:كنت بس لما حسيت اني بفقدك اكتشفت اني احبك
راشد:خلاص مو الحين نتفاهم روحي الفندق وبكره يصير خير
مشاعل(وهي تمسكه من بلوزته):لا الحين تقولي انك مسامحني وبترجعلي
راشد:خلاص مشاعل ب....
مشاعل(تقاطعه):راشد انت وعدتني ما تخليني والحين تاجل الموضوع
راشد:انتي الي خنتيني مو انا
مشاعل:والله sorry خلاص انا قلت لساطان اني اكرهه
راشد:وبعدين ترجعين تحبينه
مشاعل:لا هذا اول بس الحين انا تاكدت اني ما احبه انا احبك انت
راشد(ما رد عليها ومشى لجهة البحيره ووقف يفكر):.......
مشاعل(راحت عنده وهي تصيح ):تكفى راشد خلاص انسى الي صار
راشد:وتبيني انسى كرامتي الي راحت على ايدك
مشاعل:يعني تبي تودعني

لحظة وداعك اه يا لحظه وداعك
ياهي صعبه بالحيل صعبه
وانا ابي قربك وابي قلبك
وابيك بدنتي تبقى معي تبقى
نسيت اني اعشقك ولا تنسى اني بفقدك
لحظة وداعك ياهي صعبه بالحيل صعبه



**********************************



ايطاليا_روما




في حديقة فيلا بور قيزي كانت رغد مع تركي فرحانه ضحك وسوالف وناسيه كل الدنيا وراه لاول مره بحياتها تحس بالفرحه بقلبها من دون شي ينكد عليها....

قعدت رغد تطالع القوارب الي بالبحيره ...

تركي:تبين تركبين في القارب؟
رغد:تعرف اني ماقدر اركب لاني...
تركي(يقاطعها):لا تقولين هالكلام انا بسويلك أي شي تبينه
رغد(طالعت فيه مستغربه):شلون؟

قرب منها تركي وشالها من الكرسي قدام الناس وتصارخ متعلقه فيه...

رغد:تركي نزلني الناس فشله تطالعنا
تركي:ماعلى منهم مو تبين تركبين بركبك

راح عند القوارب واختار قارب وقعد رغد فيه وجلس فيه ....

رغد ماتوقعت يسوي هالحركه بس حبته اكثر لانه ركبها وحقق لها الي تبيه...
تركي يطالع فيها اهم شي انه قدر يفرحها بشي حتى لو بسيط...

رغد:ادرى تعبتك معاي
تركي:رغد لاتقولين كذا انتي ماتدرين شكثر انا افرح لما اشوفك تبتسمين
رغد:طيب ممكن سؤال؟
تركي:امري
رغد:انت ليه مهتم فيني مع اني ما اقدر اتحرك
تركي:وهذا الي شدني لك
رغد:شلون مافهمت ؟
تركي:لاني احس دايم انك معتمده علي ومحتاجه لي مثل ما انا محتاجلك
رغد:طيب لو قدرت امشي ماراح تحبني
تركي:يعني مو مثل اول
رغد:تركي بلا سخافه تبيني اقعد طول عمري مشلوله
تركي:لا تقولين مشلوله قولي مقعده
رغد:وش الفرق؟
تركي:على الاقل باللفظ بس
رغد:طيب شنو المفاجاه الي قلت عنها؟
تركي(واجها ومسك ايدها):رغد تتزوجيني



**************************


*ياترى مشاعل وراشد بيرجعون لبعض ولا خلاص النهايه ؟؟
*ورغد بتوافق على طلب تركي؟؟
*وش بيكون موقف اهل تركي منه؟؟

>>>الجزء الثالث والعشرين <<<


اسبانيا_مدريد



رجعت مشاعل للغرفه من غير ما تكلم احد فسخت الجزمه ونامت على طول,هديل وشوق استغربوا منها قامت هديل لجهة سريرها ....

هديل:مشاعل انتي وين كنتي؟
مشاعل:فيني النوم بكره يصير خير
هديل:طيب على الاقل قولي صار لك شي؟
مشاعل:هديل هذاك تشوفيني قدامك مافيني شي خلاص بكره

استغربت هديل منها بس قالت بكره بتعرف رجعت لسريرها ونامت ....

**********************



ايطاليا_روما


رغد ترمش بعيونها ببطء مو مستوعبه الكلام الي قاله تركي لها....

تركي:رغد شفيك ردي على تتزوجيني؟
رغد:معقوله تركي انت تبي تتزوجني انا؟
تركي:أي انتي شفيك؟
رغد:تظن اهلك بيوافقون؟
تركي:انا اقدر اعتمد على نفسي واهلي مايهموني اهم شي انتي
رغد:ارجع البيت وفكر زين بعقلك مو بقلبك وبتشوف ان الي تسويه هذا غلط
تركي:زواجي منك غلط
رغد:تركي مو قصدي بس ...
تركي:رغد فهميني ليش موضوع زوجنا مو عاجبك؟
رغد:يعني كل الي فيني وتقول ليش اهلك ماراح يوافقون وحتى لو وافقوا غصب عنهم وامك اكيد تحلم تزوجك وحده احسن مني انا ما اقدر ابني ساعدتي على تعاسة الاخرين
تركي:يعني امي تختار لي وانا ابتلش بعدين انا الي بتزوج مو امي وانا ابيك انتي انا عمري ماراح الاقى وحده مثلك بالدنيا
رغد:طيب عطني فرصه افكر
تركي:رغد شتفكرين فيه انا لما قلت بتزوجك مافكرت فيها
رغد:شفت يعني لو فكرت بترجع عن قرارك
تركي:عمري ماراح اتراجع عن قراري خلاص بعطيك فرصه تفكرين بس اذا طولتي بروح اخطبك واللي يصير يصير

رغد:هههه مجنون
تركي:فيك ههههه

رجعت رغد للبيت بعد مادقت على الحارس والخدامه الي كانوا يدورون عليها وحمدت ربها انهم مادقوا على امها ولا ابوها لانهم خافوا انهم ينطردون لانهم ماراقبوا رغد عدل...


************************


اسبانيا_مدريد



هديل:مشاعل ميشو يلا قومي
مشاعل(تحس فيها بس مطنشه):......
هديل:مشاعل يلا قومي قولي بسرعه وش صار امس؟
مشاعل(قامت متنرفزه):اففف خلاص قمت بس انتي وخري عني ازعاج
هديل:يعني مساع انتي جالسه ليه ماتردين على؟
مشاعل:مالي خلق
هديل:انتي وين كنتي امس راشد رجع الفندق وسال عنك وبعدين فجأه قال عرفت مكانها وطلع يجيبك اذا ما كنتي معه اجل كنتي مع مين؟
مشاعل:كنت اتمشى
هديل:تتمشين طيب هذي امشيها,انتي امس تهاوشتي معه؟
مشاعل:أي تهاوشنا
هديل:طيب تصالحتوا؟
مشاعل(بارتباك):ايه
هديل:اجل ليه متضايقه لو تصالحتوا كان رجعتي امس مستانسه وجلستي تقولين تفاصيل اللقاء كله وش صاير ضربك سوى لك شي؟
مشاعل(قامت من مكانها وعطت هديل ظهرها):ياليت ضربني كان اهون
هديل(خافت وراحت جلست جمبها):ليه هو وش سوى؟
مشاعل(طالعت فيها بارتباك):هو.....
هديل:انطقي وش سوى؟
مشاعل:انزين اذا قلت لا تصارخين ولا تعصبين على؟
هديل:مشاعل خوفتيني قولي
مشاعل(قامت من مكانها وبعدت عن هديل):هو باسني
هديل(ما استوعبت الي سمعته):نعم وش سوى؟
مشاعل:يعني لازم اعيد الكلمه باسني
هديل(قامت من مكانها وقربت من مشاعل):هو شلون تجرا وانتي شلون سمحتي له؟
مشاعل:يعني بصراحه امس تهاوشنا وكان بيتركني وانا ترجيته على اخر لحظه و....يعني الموقف كان يساعد وكنا لحالنا وبالليل يعني شلون تبيني اوصفلك الموقف صار وخلاص
هديل:انتي غبيه تدرين ان هذا حرام
مشاعل:يييو زاك في امريكا قعد يترجاني وانا ماكنت اوافق واعتبر نفسي عربيه ومسلمه بس راشد غير لما اشوفه احس نفسي ضعيفه وبعدين كنتي تبينه يتركني انا كنت مستعده اسوى أي شي عشان لا يخليني
هديل:يعني مستعده تنامين معه عشان ما يخليك؟
مشاعل:لا عاد مو لهدرجه
هديل:توصل لهدرجه دامك سمحتي له يسوى كذا فيك
مشاعل:هديل يعني بتقنعيني ان طول معرفتك بفيصل ماصار شي بينكم؟
هديل:طبعا لا
مشاعل:طبعا لا 3سنين حب شنو يعني حب عذري
هديل:أي حب عذري ولا مايصير؟
مشاعل:لا مايصير كل البنات الي اعرفهم والي تعرفينهم والي تعرفهم شوق والي البعض شفناهم بانفسنا كلهم يحبون بالطريقه هذي يعني بتقنعيني انك غير؟
هديل:مشاعل كل شي بالدنيا فيه منه زين وشين بس المفروض احنا نعرف نفرق
مشاعل:طيب شوق وينها؟
هديل(عرفت ان الكلام ماعجبها وتبي تغير الموضوع):طلعت
مشاعل:مع مين؟
هديل:مع عمها مدرى وين راحوا
مشاعل:ياكرهه
هديل:من هذا؟
مشاعل:عمها هذا ما اطيقه
هديل:غريبه اول انت كنتي تقولين يعجبني ومدرى شنو
مشاعل:اول وكنت غبيه بس الحين مو طايقه اشوفه ولو ودي كان ارجع لاول طياره للسعوديه
هديل:لهدرجه يعني....

قاطعها صوت الباب الي انفتح ودخلت شوق ووراها عامل بالفندق داف العربه الي مليانه اكياس...

شوق:هاي
مشاعل:هاي انتي وين رحتي؟
شوق:قمت الصباح ودق على عمي عشان يطلعني السوق
هديل:ليه شالمناسبه؟
شوق:بمناسبه عيدميلادي يعني ما تدرين؟
مشاعل:هههه الا ندرى بس بنسوي لك مفاجأه مو زي عمك السوق احنا كل يوم نروح السوق
شوق:ههههه محتره لان عمي وداني السوق
مشاعل:ييييو الحمد الله والشكر

دخلت مشاعل للحمام وقالت هديل سالفة مشاعل وراشد لشوق....


********************************



ايطاليا_روما


في الفلا كان تركي قاعد مع امه وابوه عشان يفتح معاهم موضوع رغد...

ام تركي:تركي احكي وش الموضوع الي عندك ؟
تركي:يمه يبه انا قررت اتزوج
ابو تركي:زين الحمد الله عقلت تبي امك تخطب لك ولا في بالك وحده؟
تركي:لا انا في بالي وحده
ام تركي:من بنته؟
تركي:بنت جيرانا الي توهم جاين
ام تركي:زين ما اخترت بيت الهيماني معروفين بس انا ماخبر عندهم بنت الي وحده و.....لايكون بتخطب بنتهم ال....
تركي(قاطعها):ايه يمه بخطبها
ام تركي:انت مهبول تقعد طول عمرك ماتتزوج ولا تاخذ وحده مشلوله؟
تركي:يمه يقولون مقعده مو مشلوله
ام تركي:وش الفرق؟
تركي(تنهد):يبه وش قلت؟
ابو تركي:تركي انت مفكر زين بالموضوع عارف يعني شنو تاخذ وحده مشلوله
تركي(بجديه):أي يبه مفكر زين انا عارف وضعها ومو مشكله عندي
ام تركي:انت من جدك تحكي معه انا لو منك اقوم اضربه مو كفايه المشاكل الي كان يسويها وكل يوم جايب لنا بنت شكل ولما جاء بيتزوج بياخذ وحده مشلوله
تركي:يمه بتروحين تخطبينها ولا اخطبها بنفسي؟
ام تركي:روح اخطبها واكيد اهلها بيوافقون لانهم مبتلشين فيها
تركي:يعني لو كانت بنتك كذا كنتي بتقولين عنها هالكلام؟
ام تركي:بسم الله على بنتي من هالمرض
تركي:قلتيها يمه مرض والواحد لازم يتقبل اللي الله اكتبه له
ام تركي:وانت شلك تبتلش فيها؟
تركي:يمه انا ببتلش اذا انتي خطبتي لي وحده ما ابيها
ام تركي:يعني هذي الي بتسعدك الحين؟
تركي(قام من الكرسي):يمه هذاني قلت لك باخذ رغد وغير رغد ماراح اخذ

طلع تركي من الفلا معصب من ردة فعل امه...

ام تركي:ساحرته اكيد ساحرته
ابو تركي:وش ساحرته الولد باين انه يبيها ليش توقفين بطريقه مو يمكن يعقل على ايدها وربي يهديه
ام تركي:انت عارف شنو ياخذ وحده مشلوله هذي بتعبه زياده هو يتزوج عشان يرتاح ويستانس وعمره مابيستانس مع وحده مشلوله
ابو تركي:انا بصراحه ما ابي ولدي يضيع مني واذا هو يبي شي بسويه له انا بروح اخطبها له بتجين معاي ولا لا؟
ام تركي(ماعجبها الكلام بس هي ماتقدر تعارض زوجها):بروح واشوفها وان طلعت خايسه والله ما اخذها لودي
ابو تركي:ههههه وش خايسه والله انك فاضيه قومي بس ندق على ولدك ونخبره اكيد الحين زعلان

قامت ام تركي مع زوجها وهي مو عاجبها هالزواج اكيد ش خايسه والله انك فاضيه قومي بس ندق على ولدك ونخبره اكيد الحين زعلان

قامت ام تركي مع زوجها وهي مو عاجبها هالزواج اكيد كل ام تبي لولدها احسن وحده بالعالم بس كل شي بامر الله (وعسى ان تكرهوا شيئأ وهو خير لكم).....



****************************



اسبانيا_مدريد



بعد الغداء بدى الكل يجهز لعيد ميلاد شوق الي مو عارفه حتى وين بيسون الحفله,, مشاعل وهديل ودوها لاحسن صالون عشان تتجهز فيه للحفله وهم بيرجعون لها بعد ما يخلصون شغلهم....

بالنسبه لعبدالعزيز كان من امس متحمس للحفله ومن الصباح اليوم الثاني قام يجهز لها كل الأغراض كان يبي يسوي لها عيد ميلاد عمرها ما تنساه لانه كان ناوى يعترف لها بالحفله بحبه لها....

في الصالون...

شوق:طيب ميشو قولي لو شي صغير عن الحفله؟
مشاعل:لو تموتين ما اقول
شوق:ادرى فيك نذله ماراح تقولين بسأل هديل احسن
هديل(سمعتها):لا تتعبين نفسك ماراح اقول شي
شوق:اففف يعني ما يصير كذا عيد ميلادي حتى ماعرف وين؟
مشاعل:بصراحه احنا ناوين نذبحك بس قلنا عيد ميلاد عشان ما تشكين
شوق:ههههه لا يعني الحين ماقلتي
الكوفيرا(الاسبانيه)plz miss I can't work can you stop
شوق:عشتو رحت كوفيرا ولا هي مالها داعي
هديل(تجاريها):ادرى حبيبتي ان شعرك حلو بس خذيها على قد عقلها واركدي
شوق:كانك تتنطنزين علي؟
هديل:افا ولو
شوق:ترى انا ساكته عنكم بس لانه عيد ميلادي
مشاعل:ههههههه واضح

على الساعه 10ونص طلعوا البنات من الصالون لانه كان زحمه مره هديل ومشاعل راحوا بسياره لوحدهم وشوق راحت بسياره لوحدها عشان هم بيسبقونها على مكان الحفل....

في السياره عند شوق كانت متشوقه تشوف الحفله حتى لو كانت بسيطه كانت بتعجبها لان عبدالعزيز فيها وصديقاتها من الصبح مجهزين لها....

وقفت السياره فجأه وقف معها قلب شوق ماتدرى حست بشي غريب ...
اخذت نفس واول مالمست مقبض الباب انفتح فجأه وشافت واحد يفتح لها الباب ابتسمت له من الخوف والربكه اول مانزلت من اللموزين السوداء وكانها اميره...


خافت لان المكان كان ظلام استغربت بس فجأه نور المكان شافت كشافات كبيره تنور بالترتيب ولما فتحت عيونها كانت احلى مفاجأه لها لما شافت عبدالعزيز واقف قدامها ويبتسم احلى ابتسامه شافتها بحياتها...

عبدالعزيز وقف مبهور بجمال شوق كانت من جد طالعه اميره بفستانها الابيض كأنها عروس بليلة عرسها كان موديل الفستان كوكتيل طويل ومليان شك والي مزينه الورده الي على خصرها بالكرستال كانت تلمع ومعطيها جمال زياده كانت فاتحه شعرها مثل الحرير منثور حولها بلمعته الذهبيه ومزينه التاج الالماسي فوق راسها ليثبت اكثر بانها اميره وحلقها الي مكتوب فيه اسمها بالأنجليزي بالكرستال...

تقدم منها ببدلته الرسميه مبهور فيها...

عبدالعزيز:تدرين اليوم طالعه كانك اميره قلت مافي مكان انسب احتفل فيه بعيد ميلادك الا بقصر مثل كذا يناسب مستواك ويناسب وحده مثلك

شوق ماقدرت تنطق بشي كانت كأها مخدره مو عارفه تعبر عن سعادتها عبدالعزيز واقف قدامها ويمدح فيها وهو الي مسوي لها عيد ميلادها...

عبد العزيز(وهو يمد يده):تسمحيلي بهالرقصه

عطته شوق يدها من غير ما تحس فجأه اشتغلت موسيقى هاديه وبعدها اغنية لتامر حسنى(الله يبارك لي فيك)...


ياحبيبي من حبي فيك لا حتكلم ولا اغنيلك
من اليوم بحبك حب جديد يخليني حبيبي ادعيلك
الله يبارك لي فيك يا اغلى من عنيا
الله يخليني ليك واجيبلك الدنيا ديا
الله يحميك حبيبي ياعمري ياغالي
ويخليك ليأ....

انا هو اقدامك وبين ايديك
انا كلي على شانك وملك ليك

سالت البي بيحبك اد ايه
والى البي ده حب جديد عليك
الله يبارك لي فيك يا اغلى من عنيا
الله يخليني ليك واجبلك الدنيا ديا

الله يحميك حبيبي ياعمري ياغالي
ويخليك ليا...


كانت شوق حاسه انها بحلم وماتبي تصحى منه تشوف الشخص الي ظلت عمرها تدور عليه واقف قدامها بين ذراعه يحسسها بالامان بالحب وبالحياه الي فقدتها....


بين ايديك انا بنسى روحي بين ايدك
صعب اعيش بالدنيا ديا الا بيك
كل يوم بيفوت عليا حبي ليك بيزيد شويه
محتجالك جمب مني اوعى ليله تغبها عني
معاك رجعتلي تاني حياتي ودنيتي

معاك بعيش حبيبي في الدنيا جنتي
وياك شوفت بعيوني طريقي وسكتي
مليش غيرك حبيبي معاك حاسه بامان
وطول مانت معاي ما بخفش من الزمان
محتاجه ليك حقيي اقرب مني كمان

اقرب منى كمان......



خلصت الاغنيه وظلت شوق عايشه بالحلم الي رسمته ببالها تشوف في عبدالعزيز الي كانت تدور عليه في كل الي عرفتهم بس هو غير اول مره طاحت عيونها بعيونه حست بقلبها انربط فيه ماتقدر تتخيل حياتها من اليوم بدونه لانها بدونه بتموت....

عبدالعزيز ظلت عيونه معلقه بعيونها نزل على الارض على ركبه وحده وشوق تفاجأت من حركته بس ماقدرت تتكلم...

عبدالعزيز(بكل حب):شوق تقبلين قلبي هديه لك حتى بدون ما عرف اذا كنتي تحبيني ولا لا اهم شي ما انحرم من هالعيون ابد
شوق(نبض كل عرق فيها ينطق باسمه تحبه وتموت فيه):وانا قبلت هديتك وبحافظ عليه الين اخر نفس فيني اهم شي عندي بعد مانحرم من عيونك ابد
عبدالعزيز(طار من الفرحه لانها اعترفت بحبها له وتبادله نفس الشعور):احبك وبظل احبك طول عمري انا خلاص عفت كل شي من بعدك وماهمني الا اني اعيش معك وبس
شوق(وهي تشد على ايده):عبدالعزيز انا قبلك كنت ضايعه بس لما شفتك لقيت نفسي فيك طلبتك لا تخليني اضيع
عبدالعزيز(قربها منه وحط يدها على قلبه):واللي خلى هذا ينبض عمري ما اخليك

شوق دمعت عيونها من الفرحه عمرها ماتوقعت تلقى بحياتها انسان يحبها ويفهمها حمدت ربها في ذيك اللحظه على انه عطها عبدالعزيز وحلفت تكون له ومو لغيره....

عبدالعزيز حس لحظتها انه ملك الدنيا وكل مافيها عمره ما توقع يحب ولما يحب يحب بكل مافيه يحس بكل نبض فيه يحبها تملك كل شي بنظره منها ولعيونها مستعد يشعل البحر ويسوي المستحيل....


اجمل نساء الدنيا قوى عيوني انتي
اجمل نساء الدنيا انتي يا حبيبتي
خدني الغرام خدني لحكاية حب حلوه
عشت بيها شوفت فيها اجمل حياه

انا مش مصدق نفسي انك بين ادييا
من يوم ما حبك خدني مش بتنام عنيا
قوى شوق اد الحنان الي في عنيك
روحي فيك نظره ليك هي الحياه

اجمل نساء الدنيا في عنيا انا
ادرت تخدني بسنى من روحي انا
وعد مني ماحب غيرك في الوجود
احساس جميل جويا اكبر من الغرام
والي مابينى وبينك اكبرمن الكلام

احساس جديد خدنا لبعيد مالوش
حدود



يا اجمل من كل النساء....



عبدالعزيز بعدها شوق عن حظنه وخلاها تطالع السما رفعت شوق عيونها لفوق وفاجأها صوت الالعاب الناريه قعدت تطالع مبهوره كان شكلهم جنان...

بس الصدمه الاكبر لما قرت اسمها بالسما بالالعاب الناريه وبعدها (Happy birth day) وبعدها(I love you)..

طالعت في عبدالعزيز مو مصدقه معقوله في انسان بالروعه هاذي في شخص ممكن يحبك ويفنى كل عمره لك...

شوق:تدرى هذا احلى عيد ميلاد بعمري لانك موجود فيه بس كلفت على نفسك
عبدالعزيز:مو خساره فيك انتي مافي شي بالدنيا خساره فيك حتى لو كانت روحي
شوق:بسم الله عليك لاتقول كذا تبيني اموت
عبدالعزيز:سلامتك من الموت يلا ندخل عندهم

مسكت شوق بيده تحس بالدفا دخلت لداخل القصر ولقت الكل موجود ومتجمعين حست بالفرحه حست بالحب بعيونهم تحس باللحظه هاذى انها اسعد وحده بالعالم...

مشاعل(ركضت لشوق وباستها):happy birth day to you عقبال مليون سنه
شوق:مشكوره حبيبتي وعقبالك بعد
هديل:عقبال مليون سنه انشاء لله الف مبروك
شوق:الله يبارك فيك

بعد ماسلمت على الكل راحت عند الطاوله الكبيره الي فيها الكيكه ومكتوب فيها اسمها بالانجليزي كانت الكيكه روعه قربت شوق منها عشان تطفى الشموع انطفت اللمبات غمضت عيونها وتوها بتتمنى الا تحس بلمسة عبدالعزيز ليدها ابتسمت وتمنت وطفت الشموع...

اشتغلت اللمبات وصفق الكل لها حست ان قلبها بيطير من الوناسه عبدالعزيز وصديقاتها وكل اللي تحبهم حواليها ياترى شتبي اكثر من كذا...

مسكت السكينه استعداد لقص الكيكه....

على انغام اغنية عبدالمجيد قصة شوق الكيكه لما دقت الساعه 12 عشان تبدى يوم جديد بحياتها مليان سعاده وحب...

نزلت البلونات من فوقها وسمعت صوت الالعاب الناريه بره كانت بالنسبه لها ليله ولا في الخيال صعب عليها توصف روعتها...

بعد ما اكلوا الكيكه وعطى كل واحد هديته لشوق اشتغل DG وكل اغنيه احلى من الثانيه...

كان الجو داخل روعه والكل مبسوط هديل تذكرت فيصل وطرى على بالها تمنت يكون معها في ذيك اللحظه طلعت بره وخذت معها الجوال تكلم فيصل...

زياد اول ما شافها تطلع لحقها عشان يكلمها...

توها هديل بتدق عليه الا سمعت صوت زياد ورها...

هديل:هلا زياد بغيت شي؟
زياد(بارتباك):هديل بكلمك بموضوع
هديل:قول شعندك؟
زياد:بصراحه ....اقصد انتي تدرين من زمان اني...
هديل(عرفت قصده وحست ان هذا الوقت المناسب عشان تعترف له):زياد اسمعني
زياد(فرح لانها اخيرا حست فيه):امري
هديل:مايامر عليك عدو بس في شي بوريك اياه وابيك تحكم بنفسك اوكي
زياد:اوكي

قربت هديل منه ومدت له الجوال...

زياد(باستغراب):الشي الي بشوفه بالجوال؟
هديل:ايه اضغط على الملف هذا وبتشوف

ضغط زياد على الملف في الجوال وشاف هديل بأكثر من صوره مع واحد وكان طبعا فيصل بس هو مايعرفه في البدايه فكره اخوها بس الصور تبين ان هذا الشخص حبيبها حس انه مو فاهم شي طالع هديل بكل استغراب عشان تشرح له هديل خذت منه الجوال بكل هدووء...

هديل:هذا الي بالصوره معاي حبيبي فيصل سوري زياد انا كنت بقولك من البدايه بس كان دايم في شي يمنعني انا ما انكر اني اعجبت فيك بالعكس يمكن انت الشخص الوحيد الي عجبني بعد علاقتي بفيصل بس لما كلمته ذاك اليوم اكتشفت اني احبه وعمري ماراح احب شخص غيره فيصل الانسان الي يخلي قلبي يدق وبظل احبه الين اموت وانحط تحت التراب انا متأكده انك بتلقى الي تحبها واحسن مني بعد بس انا اعتبرك مثل اخوي وصديق عزيز واتمنى انك تعتبرني صديقه واخت قبل كل شي
زياد(كان مصدوم بس حبه لهديل خلاه يدفن الحب الي ما انولد ويدوس على قلبه):خلاص انا فهمت وكل الي تبينه بسويه ومن اليوم ورايح انتي مجرد اخت بالنسبه لي
هديل(فرحت لانه تفهم الموضوع وكبر بعينها اكثر من اول):شكرا زياد بصراحه انت الاخ الي ما جابته امي
زياد(وهو مجروح بس يكابر):تدرين انا الحين ما يهمني الا انك تبتسمين مو مهم اكون سعيد اهم شي انتي تكونين سعيده
هديل:تدرى اذا تبي تخطب انا الي اختارلك ولازم تكون بنت ناس وعاقله وتحبك
زياد(كنت اتمنى تكونين انتي):اكيد مو انتي اختي
هديل:ههههه طيب تسمح لي اكلم فيصل
زياد:اكيد خذي راحتك

ابتعد زياد عنها وكل كلمه قالها نزفت من قلبه جرح مايعرف متى بيتوقف بس حبه لهديل خلاه يضحي بحبه عشان سعادتها وبالفعل هديل كانت سعيده....

دقت هديل على فيصل تنتظر رده وهي كلها شوق لسماع صوته....

فيصل:هلا وغلا بعمري كله
هديل:فيصل
فيصل:امري
هديل:احبك

داخل الحفله كان الجو بين مشاعل وراشد شوي متوتر راشد يحاول يمشى السالفه عادي بس كل مايحط عينه بعين مشاعل يتذكر الي صار ويرجع التوتر...

راشد(بارتباك):مشاعل السالفه الي صارت امس...
مشاعل(التفتت له وهي فرحت ان اخيرا فتح الموضوع):ايه وش فيها؟
راشد(من دون ما يطالع فيها):يعني....اعتبريها ما صارت انا غلطان لاني سمحت بهالشي يصير بس انا ماقدرت...
مشاعل:ماقدرت شنو؟
راشد(جمع كل شجاعتها والتفت لها):شوفي مشاعل انا احبك وما أبي اعتبرك مثل البنات اللي عرفتهم قبل انتي غير وحطي ببالك هالشي عشان كذا مابي علاقتنا تكون مبنيه على شي غلط مثلهم فهمتيني
مشاعل:ايه فهمت
راشد:كأن كلامي مو عاجبك؟
مشاعل:لا عاجبني بس توقعت انك بتفرح توقعت انك بتحس انك مرتبط فيني اكثر بعد الي صار والحين جاي تقولي اعتبري هالشي ماصار
راشد(مسك ايدها وشد عليها):ومن قال اني مافرحت
مشاعل(طالعت فيه مستغربه ولما شافته يبتسم ردت له الابتسامه):والله
راشد:ايه والله ولا تطالعيني كذا ترى ما اضمن نفسي قدام الناس فخلينا نروح لهم احسن
مشاعل:ههههههه

بعد ما انتهت الحفله رجع الكل للفندق وهو يعتبر هاليوم مميز بكل مافيه من اعترفات ومصارحه لبعض والفرحه الاكبر انهم قربوا يرجعون السعوديه ظلوا باقي الايام الجايه يشترون هدايا ....


*************************



ايطاليا_روما


في الفيلا عند المجلس حق الرجال كان ابو تركي قاعد مع ابو ناصر عشان موضوع خطبة رغد ام ناصر كانت جالسه على اعصابها في الصاله تبي تعرف الموضوع اول مادخل عليها ابوناصر قامت له وجلست جمبه...

ام ناصر(باستغراب):خير انشاء الله من هذول الرجال؟
ابو ناصر:هذا ابو تركي مع ولده تركي
ام ناصر:ايه قصدك جيرانا
ابو ناصر:ايه هم
ام ناصر:حياهم الله بس وش يبون؟
ابو ناصر:جاين يخطبون رغد
ام ناصر(مو مصدقه):جاين يخطبون رغد لولده تركي
ابو ناصر:اكيد اجل لأبوه
ام ناصر(تذكرت لما جاهم البيت):ايه لانه شافها عشان كذا خطبها
ابو ناصر:متى شافها؟
ام ناصر:مره اخوه الصغير طاحت كورته على بيتنا وجا هو واخوه ياخذونها وكنت انا مع رغد وشافها
ابو ناصر:ايه خير انشاء لله
ام ناصر:هم يدرون انها....
ابو ناصر(يقاطعها):ايه يدرون
ام ناصر:عموما رغد توها صغيره وما تعرف شي عن الزواج
ابوناصر:لا صغيره ولا شي غيرها تزوجوا وهم اصغر من كذا
ام ناصر:بس وضع رغد غير عن وضعهم
ابو ناصر:عموما انا شايف ان الرجال زين وولده يشتغل معه وهم من عايله معروفه بعد وترفع الراس
ام ناصر:وبترضى تعطي بنتك لرجال غريب وعيال عمها موجودين؟
ابو ناصر:اذا عيال عمها ما رضوا فيها هذا الغريب رضى وخليها تاخذه عشان نكسر خشومهم
ام ناصر:طيب وهم وين ساكنين؟
ابو ناصر:بالرياض
ام ناصر:نعم تبي بنتي تروح للرياض
ابو ناصر:وش فيها الرياض اهلى واهلك من هناك وبعدين كلها داخل السعوديه
ام ناصر:لا انا فكرة زواج بنتي للحين افكر فيها تبيني احذفها للرياض بعد
ابو ناصر:وش تحذفينها فيه كلها كم ساعه وتكونين عندها
ام ناصر:عموما حنا قريب ونرجع السعوديه لما نرجع يصير خير
ابو ناصر:عموما انا قلت له عطني فرصه نفكر بالموضوع وهو قال لما نوافق انشاء لله بتجي زوجته وعمات الولد بيخطبونها رسمي
ام ناصر:بعدين شوق للحين ما تزوجت وما يصير الصغيره تتزوج قبل الكبيره
ابو ناصر:لا يصير بس بنتك شوق هاذي مدلعه كل ما جاء واحد وخطبها احسن من الي قبله وهي ترفض وانا ودي اغصبها بس انا ما احب اغصب على عيالي شي ما يبونه
ام ناصر:خلاص لا رجعنا للسعوديه يصير خير

رغد كانت ورى الباب وسمعت كل شي تحس انها خايفه امها بتخرب السالفه كلها هي ما صدقت لقت واحد يحبها ويفهمها ودها تصرخ تقول ابيه احبه بس ما تقدر....


*********************************



اسبانيا_مدريد


شوق:من جدك عمي ما راح ترجع معنا؟
سلطان:لا انا بجلس هنا
شوق:طيب ليه بابا وحتى ماما بيفرحون لما يشوفونك
سلطان:ههههه تتريقين على
شوق(تدرى ان اهلها مستحيل يفرحون بشوفته):طيب تعال هناك واجلس في بيتك هناك
سلطان(وهو يطالع مشاعل بحزن ويأس):انا ما اقدر ارجع لازم اقعد هنا انا مالي غير هالمكان انولدت فيه وبموت فيه
شوق:بعيد الشر عنك عموما براحتك بس بشرط
سلطان:امري
شوق:تجي تزورنا هناك ولا تقطع اتصالتك اوكي
سلطان:من هالعين قبل هالعين تامرين بشي؟
شوق:هههههه سلامتك بس انتبه على نفسك
سلطان:يلا تصبحون على خير
الكل:وانت من اهله

قبل لا يطالع مشاعل يمكن يشوف بعيونها النظرات الي تعود يشوفها لما تطالع فيه لكنه شاف بعيونها برود خلى قلبه يوقف لانه عرف لحظتها بالذات ان قلب هالانسانه صار لواحد اسمه راشد وعمره ما يصير لك يا سلطان ....

هديل:يالله مو مصدقه اني اخيرا برجع السعوديه
شوق:حتى انا بس ما ودي اهد اسبانيا
هديل:وليه؟
شوق:هديل لا تستهبلين اسبانيا عشت فيها اجمل ايام عمري وصار فيها اجمل عيد ميلاد صار لي
هديل:اسبانيا حلوه بس بدون فيصل ما تسوي شي
شوق:أي صح شخبار فيصل؟
هديل:بخير ويسلم عليكم
شوق:الله يسلمه وش قال لك لما قلتي بنرجع بكره
هديل:ما قلت له بسويها مفاجأه صحيح بيعصب بس ما علي منه مو متخيله ملامح وجه لما يشوفني داقه من رقم السعوديه
شوق:هههههه صح حلوه المفاجأه
هديل:مشاعل وين رحتي؟
مشاعل(انتبهت لهم):ها...لا ولاشي بس تعبانه من السوق وفيني نوم تصبحون على خير

شوق وهديل استغربوا منها بس طنشوا لانهم بكره بيرجعون السعوديه وهاذي الفرحه تكفى تنسيهم كل شي...
من جهه ثانيه مشاعل كانت تصيح على سلطان صحيح هي ما صارت معجبه فيه بس اسم ان كان في شي بينهم نظراته لها مثل الواحد الي بيودع كانت تقدر تبتسم له بس فضلت انها تواجهه بكل برود وجمود عشان لاتعطيه ولو امل صغير انها ممكن تتركك راشد وترجع له بس كسر خاطرها بس ما عليش مثل ماهي تحاول تنسى خيانة امها لابوها هو بيقدر ينسى....


***************************


واخيرا بيرجع الكل لوطنه وبتبداء احداث جديده بالقصه ياترى بتكون سعيده على الكل ولا حزينه على الكل كل هذا بنشوفه بالجزء الجاي.....

واو

الصراحة مررررررررررة تكمليها

بلييييييييز بنووتة كملييها بسرعة ...نزلي لنا بالخمس بارتات عشان ترتاحيين منا ... أكييد عورنا راسج ...

يسلموووووووو

ويييييييييييييينج بنووووتة ...نبي القصة ...

مجود رائع

تقبلي مروري