اسعدني مروووركم وان شاء الله..,,
رح انزل لكم بارت في اقررررررب وقت..

بنوووووووووتة

نتظررررررررررررر

يلا

بنوووووووووووووووووووتة

يلا

بليييييييييييييييييييييييييز

رح انززززززل لكم 5 بارتات اوووووووووووووووووكي....,,,

بس عاد ابي ردووووووووووووووووودكم وتوقعاتكم........,,,,,,,,

ولعيونكم هذا بعد بارت ,,

<<<الجزء الرابع والعشرين<<<

اسبانيا_مدريد



في مطار مدريد كانوا سلطان وزياد يودعون الكل قبل لا يركبون الطياره...

شوق:والله عمي حسافه كان ودي ترجع معاي
سلطان:مو مشكله تبين تفتكين مني بجيكم وبقعد على قلبك
شوق:والله بتجي
سلطان:أي بجي بس عطيني مهله واكون عندك
شوق(حاسه بعمها وتعرف انه زعلان ومجروح):عمي لا تتضايق وبنت بدالها مليون بنت وانا لو ما كنت عمي كنت صرت خويتك
سلطان:وعع انتي تصيرين خويتي كان اموت
شوق:ههههههههه


زياد:انتبهي على نفسك وسلمي على فيصل
هديل:انشاء لله يوصل انت بعد انتبه على نفسك بس توعدني وعد
زياد:تامرين امر شنو؟
هديل:توعدني تجي السعوديه واشوفك
زياد:حاضر مع اني عمري ما جيت السعوديه بس عشانك بزورها
هديل:تسلم بس اكيد
زياد:اكيد واول ما اجي بدق عليك
هديل:خلاص رقمي عندك لا تقطع
زياد:انا ما اقدر اقطع

بعد الوداع بالكلام ودعت مشاعل سلطان بس بلغة العيون ودعت اعجاب وتجربه حلوه عاشتها باسبانيا صحيح سلطان مجرد شخص مر في حياتها لكن عمرها ما راح تنساه لانه راح وترك له اثر....

في الطياره كانت شوق جالسه جمب عبدالعزيز تستغل كل لحظه معاه قبل لا توصل السعوديه ...

عبدالعزيز:تدرين وش اكثر شي اتمناه الحين
شوق:شنو؟
عبدالعزيز(بكل حب):ودي المسافه بين اسبانيا والسعوديه تطول عشان ما تغيبين عن عيني ابد
شوق:ومن قال اني ببعد عنك؟
عبدالعزيز:بس هناك ما اقدر اشوفك كل يوم
شوق:لا عادي انا مستعده اطلع كل يوم عشان اشوفك صحيح بنمل من المطاعم والكافيات الي بنقعد فيها بس مو مشكله اهم شي مع بعض
عبدالعزيز:واهلك متى بيجون؟
شوق:بعد بكره
عبدالعزيز:يعني الحين تروحين البيت وهو فاضي مافيه احد؟
شوق:ايه
عبدالعزيز(بخبث):طيب شرايك اقعد عندك لين يرجعون اهلك
شوق(استحت):اقول ترى يمدحون البيت اقعد في بيتكم احسن
عبدالعزيز:طيب نص ساعه بس
شوق:ولا ربع ساعه بصراحه ما اضمنك
عبدالعزيز:شدعوه ما تثقين فيني؟
شوق:الا اثق فيك بس مو بالبيت
عبدالعزيز:هههههه على راحتك انتي الخسرانه
شوق:لا ههههههههه

ظلوا طول الرحله سوالف وضحك وطبعا كلام بالحب....

راشد:ميشو بشنو سرحانه؟
مشاعل:ها...لا بس كنت افكر باسبانيا
راشد:شفيها اسبانيا؟
مشاعل:ما كان ودي اتركها
راشد:ليه مين لك هناك؟
مشاعل(فهمت قصده):محد بس البلد حلوه بس الاحلى انك كنت معاي يعني بدونك ما تسوى شي
راشد:ايه على بالي شي ثاني
مشاعل:هههههه
راشد مسك ايدها وباسها....
مشاعل:راشد مو قدام الناس
راشد: طيب حنا باسبانيا نسوي كذا
مشاعل:باسبانيا غير وفي طياره مليانه خليجين غير
راشد:وانتي سويتي حساب للطياره تذكرين لما شفتيني وحضنتيني هههه
مشاعل(وهي تحط ايدها على وجها):كنت مجنونه
راشد(بعد ايدها عن وجها):واحلى مجنونه وربي
مشاعل طالعت فيه بكل حب تحبه ومستحيل تتخلى عنه...
راشد(خق على عيونها وابتسمتها):يالله عيونك ليه كذا حلوين
مشاعل:هههههههه
راشد:لو ما كنا بالطياره كنت سويت علوووم
مشاعل:هههههه اجل زين حنا بالطياره ههههههه

هديل كانت مسنده راسها على الكرسي بألم كان راسها يعورها تحس بصداع رهيب اخذت من المضيفه بندول بس مافي فايده للحين تحس بالم وارهاق عمرها ما حست فيه تعوذت من الشيطان وغمضت عيونها تحاول تنام...


************************



ايطاليا_روما



تركي:يعني امك مو موافقه؟
رغد:هي مو موافقه على فكرة الزواج ولا انت ما فيك شي ينعاب
تركي:وانتي شنو رايك؟
رغد:انا طبعا موافقه,, تركي
تركي:هلا
رغد:اهلك موافقين على الزواج؟
تركي:اكيد اجل شلون يجون ويخطبونك
رغد:طيب امك موافقه؟
تركي:اهم شي ابوي موافق
رغد:يعني مو موافقه؟
تركي:لا
رغد:شفت انا قلت من البدايه زوجنا هذا مستحيل يتم
تركي:رغد لا تقولين كذا تكفين انا اذا ما اخذتك بموت
رغد:سلامتك من الموت بس....
تركي(يقاطعها):لا بس ولا شي انتو متى بترجعون السعوديه؟
رغد:بعد بكره
تركي:خلاص بعد اسبوع من رجعتكم انا وابوي واهلي نجي نخطبك رسمي
رغد:نعم لا مو اسبوع انا ادق عليك واقولك
تركي:رغد ليه احسك مو راضيه عن زواجنا وكأنك تبين تدورين أي عذر عشان ما يتم
رغد:بالعكس انا يمكن محتاجه لك اكثر منك بس انا اعرف وضعي زين واعرف اني بتعبك
تركي:انا بتعب اذا ابتعدتي عني
رغد:خلاص اجل تتحمل الي يجيك
تركي:اكيد واذا تأففت ولو مره وحده يصير عندك حق
رغد:شكلك جدي
تركي:اجل امزح
رغد:توعدني وعد
تركي:امري لو طلبتي عيوني
رغد:انك ما تتركني ابد ولا تتخلى عني
تركي:لو على قطع قربتي ما اخليك
رغد:وانا صدقتك

************************


السعوديه_الشرقيه


وصلت الطياره لمطار الملك فهد وبعد ما اخذوا الشنط طلوا كلهم بره يروحون لاهلهم...

شوق:تصدق ما ودي اروح البيت
عبدالعزيز:قلت لك اروح معاك
شوق:هههه لا روح انت البيت
عبدالعزيز:اول ما توصلين كلميني اوكي
شوق:اكيد
عبدالعزيز:بشتاق لك
شوق:هههه مع السلامه

طلعت شوق من المطار بعد ما سلمت على الكل وعيون عبدالعزيز عليها لين طلعت...
طلعت من البوابه ولقت راج واقف عند السياره,فتح لها الباب وركبت سيارتها الرنج وعيونها على الي داخل المطار انتظرت لحد ما دخل الشنط وراحت على البيت...

عبدالعزيز ودع الكل وطلع من المطار وركب سيارته البنتلي الفضيه وراح بعد هو على بيته....

مشاعل:هدول شفيك احسك تعبانه؟
هديل:لا مافيني شي بس يمكن من الطياره
مشاعل:غريبه انتي متعوده على الطيارات؟
هديل:ادرى بس شوية ارهاق الحين اوصل البيت وانام واصير كويسه
مشاعل:اوكي اذا وصلتي سوى لي call مو تنسين اوكي
هديل:اوكي باي مع السلامه راشد
راشد:مع السلامه وسلامات
هديل(ابتسمت له بهدووء):الله يسلمك

ركبت هديل السياره وراحت على البيت وهي مستغربه سبب هالتعب...

مشاعل:الكل راح يلا انا بعد بروح اشوفك على خير
راشد:وين وين بتروحين وبتخليني؟
مشاعل:رشود شنو بخليك انا بروح البيت واذا شفت نفسي بكره اوكي ادق عليك واقولك تشوفني
راشد:طيب انا عندي فكره احسن
مشاعل:قول انا ما اخلص من افكارك؟
راشد:شرايك اجلس عندك بالبيت
مشاعل:what no حبيبي يمكن يكون dad بالبيت
راشد:طيب plz دقي وشوفي
مشاعل:لا خليها بكره
راشد:لا بقولك شي ضروري
مشاعل:قولي الحين ما تشوفنا واقفين نتكلم
راشد:لا ما ينفع لازم بالبيت
مشاعل:ممم طيب بدق

دقت مشاعل على شاهين عشان تساله....

شاهين:الو
مشاعل:هلا شاهين
شاهين:هلا طال عمرك الحمدالله على السلامه
مشاعل:الله يسلمك بغيت اسالك
شاهين:امري طال عمرك؟
مشاعل:dad موجود بالبيت
شاهين:لا طال عمرك طلع
مشاعل:وين راح؟
شاهين:البيت الكبير عند طويله العمر
مشاعل(عوجت بوزها على سيره جدتها):اها هو ما يدري اني اوصل اليوم؟
شاهين:والله مدرى ماقالي شي طال عمرك
مشاعل:خلاص اوكي هو قال متى بيرجع؟
شاهين:مدرى والله بس شكله بيطول كم يوم؟
مشاعل:طيب خلاص
شاهين:اجي للمطار اخذك؟
مشاعل:لا ماله داعي خلاص انا جايه الحين
شاهين:طيب تامرين بشي؟
مشاعل:ولا شي

سكرت منه مشاعل وهي متنرفزه من برود ابوها اللي حتى ما يدرى متى بتوصل ولا كلف على نفسه يتصل مره وحده هي تعرف ان المفروض ما تخلي راشد يجي البيت وهي لوحدها بس لأنها مقوره من ابوها حبت تتنتقم منه وتخلي راشد يجي البيت وهي في الحقيقه ما تنتقم الا من نفسها...

راشد:ها وش قال؟
مشاعل:محد موجود بالبيت تبي تجي ولا لا؟
راشد:الا بجي بس شفيك معصبه؟
مشاعل:ولا شي يلا نروح

طلعت من المطار مع راشد على البيت...


**************************



وصلت شوق للقصر دخلت وهي حاسه انها مشتاقه لكل شي فيه ظلت تتفرج على البيت ركبت الاصنصير ,حتى انت اشتقت لك ههههه.....

وصلت للدور الثاني وشافت غرفة ناصر مفتوحه استغربت قربت عند الباب وشافته قاعد على السرير ويكلم بالجوال دقت الباب ودخلت....

ناصر(متفاجأ):شوق؟!
رحاب:شوق رجعت
ناصر:ايه خلاص اكلمك بعدين مع السلامه
رحاب:باي

سكر ناصر من رحاب وراح يسلم على شوق....

ناصر:هلا والله الحمدالله على السلامه
شوق:الله يسلمك
ناصر:ليه ما قلتي بجي اليوم كان استقبلك
شوق(زين ما جيت كان شفت عبدالعزيز):اصلا ما كنت ادرى انك موجود فكرتك مسافر مع ماما ورغد
ناصر:لا مالي نفس اروح
شوق:الحمدالله والشكر احد يعاف السفر
ناصر:انا قولي لي انبسطتي باسبانيا؟
شوق(وعبدالعزيز ببالها):يالله يا ناصر اسبانيا تجنن
ناصر:زين وشخبار عمي؟
شوق:تدري مع ان علاقتي فيه قبل ماكانت ذاك الزود بس لما سافرت معه طلع فله
ناصر:حلو يبيلي اسافر معاه
شوق:من جد يبيلك الا قولي ماما متى قالت بترجع؟
ناصر:بعد بكره
شوق:وبابا بيجي معهم؟
ناصر:ايه
شوق(مو مصدقه):احلف
ناصر:والله هو كلمني وقالي بنفسه انه بيجي
شوق:ياي وناسه
ناصر:يلا انتي ارتاحي اللحين وبعدين لي جلسه معك
شوق:ليه تبي شي؟
ناصر:موضوع بس مو الحين ارتاحي اول
شوق(باستغراب):اوكي يلا اخليك تكمل مكالمتك مع اللي كنت تكلمه باي
ناصر:هههه باي

دخلت شوق غرفتها وهي مشتاقه لها مووت لقت شنطها موجوده فسخت العبايه والجزمه ورمت نفسها على السرير حضنت مخدتها من زمان ما نامت على سريرها توها بتدخل الحمام الا يدق جوالها...

شوق(بكل حماس):هلا وغلا
رحاب:هلا بك وحشتيني يا الخايسه
شوق:والله انا مشتاقه لك موت باركيلي اخيرا رجعت الشرقيه
رحاب(تسوي نفسها ما تدرى):والله الحمد الله على السلامه
شوق:الله يسلمك متى بترجعون؟
رحاب:بعد اسبوعين
شوق:ييو توالناس
رحاب:شعليك رجعتي لأرضاي ابو متعب
شوق:واحلى ابو متعب
رحاب:ههههههه ,وشخبار اسبانيا؟
شوق:واي رحابوا وناسه صارت لي اشياء واجد هناك بس لما اشوفك بقولك
رحاب:لا تصيرين نذله احكيلي الحين
شوق:لا بصير نذله بس تدرين استغربت شي؟
رحاب:شنو؟
شوق:لقيت ناصر بالبيت توقعت مسافر مع ماما
رحاب:ايه ادري
شوق:وش دراك؟
رحاب(انتبهت لزله لسانها):لا كلم فهد قصدي غريبه ليه ما سافر؟
شوق:مدرى يقول ماله نفس في احد يعاف السفر ويجلس بالحر والخياس
رحاب:كيفه المهم لما ارجع بسويلك تحقيق عن اسبانيا
شوق:هههههه طيب يلا انقلعي انا تعبانه بروح انام
رحاب:وجهك مغسول بمرقه ما تستحين تقولين لي انقعلي عموما انا بعد بروح اكلم باي
شوق:تعالي مين تكلمين

بس ما قدرت تكمل لان رحاب سكرت الخظ بوجهها...

شوق:تسكر السماعه بوجهي طيب خلك بس ترجعين

دخلت الحمام تاخذ لها شاور وتبدل وبعد كذا تدق على عبدالعزيز قبل لا تنام....


************************



دخلت هديل للبيت بتعب بس اول ما شافت امها كل التعب راح....

ام هديل(وهي تحضن هديل):هلا والله بالغاليه وحشتيني حبيبتي
هديل:وانت اكثر ماما
ام هديل(وهي تجلسها وتجلس جمبها):الحمد الله على السلامه
هديل:الله يسلمك
ام هديل(لا حظت التعب عليها):حبيبتي هديل شكلك تعبانه فيك شي؟
هديل:لا ماما بس يمكن من الطياره
ام هديل:تبين اوديك الدكتور؟
هديل:ههه لا وشدعوه دكتور السالفه ما تستاهل هي بس شوية صداع ويروح
ام هديل:طيب انتي اطلعي غرفتك ارتاحي
هديل:لا ماما انا مشتاقه لك ابي اجلس معاك
ام هديل:معليه لاحقين على بعض انتي شكلك تعبانه روحي نامي
هديل(باستسلام):اوكي بس اذا طولت قوميني مو تخليني انام
ام هديل:تامرين امر

طلعت هديل لغرفتها حتى ما قدرت تدق على فيصل فصخت العبايه والجزمه ونامت على طول من التعب...


*************************



وصل راشد لقصر مشاعل نادت الخدم وشالوا الشنط ادخلوا الصاله الداخليه واجلسوا فيها...

راشد:واخيرا وصلنا البيت
مشاعل(وهي تفسخ عبايتها):ههههه

راحت مشاعل وجلست جمبه مسكت ايده وحطت راسها على كتفه وغمضت عيونها...

راشد(طالع فيها مستغرب):ميشو حبيبتي شفيك؟
مشاعل(من دون ما تفتح عيونها):ولا شي
راشد(وهو يلمس خدها):شلون ولاشي شكلك مضايقه؟
مشاعل(اول ما حست بلمسته ما قدرت تمسك دموعها وبكت):.......
راشد:عمري شفيك تصحين؟

مشاعل ما قدرت تتكلم رمت نفسها بحضنه وجلست تبكي تطلع الضيقه والقهر الي فيها...
راشد خاف عليها فكر ان في شي يالمها....

راشد(وهو يبعدها عشان يشوف وجها):حبيبي كلميني في شي يألمك؟
مشاعل(مسحت دموعها وردت بصوت مبحوح):لا
راشد:اجل ليه تبكين قولي لي؟
مشاعل(طالعت فيه بحب قربت منه وحضنته):راشد لا تتركني انا معاك احس بالأمان
راشد(وهو يمسح على شعرها):خبله انتي من قال اني بخليك انتي روحي شلون تبيني اخلى روحي
مشاعل:توعدني
راشد:اوعدك

مشاعل تنهدت بارتياح تحبه وتصدق كل كلمه يقولها تثق فيه وتعتبره اكثر من مجرد حبيب...
راشد حاس ان فيها شي قوي تذكر سالفة امها بس هالسالفه مر عليها فتره بس يمكن للحين مأثره فيها...

راشد:تبين تروحين فوق ترتاحين؟
مشاعل:واخليك لوحدك
راشد:مو مشكله اهم شي تكونين بخير
مشاعل:اوكي بس بشرط
راشد:شنو؟
مشاعل:انت توديني غرفتي

راشد تفاجأ لما قالت له يوديها غرفتها ما توقع انها بايعتها للهدرجه هو صحيح ما راح يسوي لها شي بس لوكان شخص ثاني ماكان بيفوت هالفرصه منه خصوصا مع وحده مثل مشاعل ومجرد فكرة انه يدخل غرفتها يحسسه انه يبي يقرب منها اكثر....

مشاعل:راشد شفيك بتودني الغرفه ولا لا؟
راشد:ها...يلا قومي

طلعت مشاعل لفوق وهي متسنده على راشد لأنها من جد كانت تعبانه دخلت للغرفه وحطها راشد على السرير وغطاها ...

مشاعل:بتروح الحين
راشد:انتي تبيني اروح؟
مشاعل هزت راسها بمعنى لا...
راشد(وهو يمسح على شعرها):خلاص اجل بجلس عندك الين تنامين

مشاعل مسكت يده ولمساته وهو يمسح على شعرها خلتها تستسلم للنوم...
شكلها وهي نايمه مثل الاطفال نايمه بكل هدووء وسلام وخصلات شعرها الاشقر طايحه على وجها ما قدر راشد يقاوم رغبته بأنه يبي يقرب منها...

قرب منها مره مايفرق بينهم شي هي نايمه بكل هدووء وهو جالس يتأملها حس بدقات قلبه تتسارع وعرق برقبته انشد بعد الخصل الطايحه على وجها وصار يلمس كل شي بوجها انفها شفايفها كل شي فيها حس انه بيخون ثقتها فيه عض على شفايفه واخذ نفس وبعد عنها...

غطاها زين وقبل لا يطلع طبع بوسه على جبينها وتمنى لها احلام سعيده وطلع من القصر...


**********************



قامت شوق من النوم بكسل حست انها مرتاحه لانها نامت بالبيت ما تدرى خطر ببالها طلال بعد ما غسلت وجها خذت الجوال ودقت عليه...

طلال(اول ماشاف رقمها ما مصدق):الو
شوق:هلا طلال
طلال:الحمد على السلامه توصك واصله؟
شوق:الله يسلمك ايه اول ما وصلت نمت ودقيت عليك
طلال(فرح لانها فكرت فيه):زين طريت على بالك
شوق:هههه شدعوه انت دايم على بالي والدليل اني ابي اشوفك الحين
طلال:والله
شوق:هههههه ايه والله وانت اختارالمكان
طلال(يا حلو ضحكتك وحشتني):طيب شرايك نتقابل في كافيه امجيز
شوق:يييو مره قديم بس مكان كويس خلاص نص ساعه وانا عندك
طلال:انتظرك
شوق:باي
طلال:باي

سكرت شوق منه وراحت لغرفة الملابس تطلع لها لبس...


***********************



قامت هديل متكاسله مسكت الجوال تدق على فيصل...

فيصل:هديل انتي وصلتي؟
هديل(لما سمعت صوته ردت لها الروح):ايه وصلت ورحت نمت ودقيت عليك
فيصل:ماشاء لله ليه ما دقتي علي من المطار؟
هديل:كنت ابي اسويها مفاجأه
فيصل:طيب لما وصلت البيت ليه ما دقيتي؟
هديل:لاني كنت تعبانه وما صدقت وصلت البيت واحط راسي على المخده
فيصل(بخوف):سلامات عمري شفيك؟
هديل:شوية ارهاق عادي
فيصل:اوكي بس انتبهي على نفسك
هديل:حاضر قولي شخبارك مشتاقه لك؟
فيصل:انا بخير بس زعلان
هديل:هههه ليه؟
فيصل:كنت ابي اكون اول واحد يشوفك لما توصلين السعوديه
هديل:مو مشكله تبي تشوفني الحين اجيك
فيصل:لا انا الحين مشغول بدق عليك انا وبقولك متى اشوفك
هديل(تدرى هالكلام من ورى قلبه لانه ميت ويشوفها بس زعلان ويكابر):اوكي براحتك
فيصل:طيب انا بسكر الحين ابوي يبيني لما اخلص شغل بدق عليك
هديل:طيب حبيبي مع السلامه
فيصل:باي


حطت هديل الجوال على الطاوله وقررت تسوى تمارين لانها تحس جسمها متكسر ومرهق ...
لبست لبس التمرين وخذت الipod وطلعت بالحديقه هي متعوده دايم تمشى حول القصر بس السفره عطلتها عن التمارين مشت حول القصر تقريبا نص ساعه وبعدها حست ان دقات قلبها تتسارع ومو قادره تتنفس وقفت وتسندت على الجدار فتحت السحاب حق البلوزه شوي وشالت السماعات من اذنها وظلت تاخذ شهيق وزفير يمكن ترتاح حست باللحظه هاذي انها محتاجه فيصل اكثر من أي وقت ما تدرى ليه بس تبي تسمع صوته تمنت الجوال يكون معها بس هو موجود ....

حست انها ارتاحت شويه ودقات قلبها رجعت انتظمت قررت توقف تمرين اليوم يمكن مرهقه من السفر بس استغربت هي طول عمرها تتمرن ليش اليوم ما هي قادره تكمل نص ساعه على بعضها رجعت لداخل القصر وخذت شاور...


***********************


خلصت شوق لبس دقت على السواق يجهز السياره عشان تطلع وهي نازله شافت ناصر بالصاله تحسفت انها تأخرت الحين بيشوفها وما راح يرضى لها تطلع...

ناصر(مستغرب):شوق وين رايحه؟
شوق:هلا ناصر
ناصر:شفيك ردي علي وين رايحه؟
شوق:طالعه
ناصر:ههه ادرى طالعه بس وين؟
شوق:رايحه السوبر ماركت
ناصر:شتبين فيه؟
شوق(ياكرهك):يعني الناس شنو تسوي في السوبر ماركت عندي شوية اغراض ابي اشتريها
ناصر:طيب خذي معك الخدامه
شوق:نعم مو لازم خدامه
ناصر:اجل شلون تدفين العربه؟
شوق:عادي انا ادفها
ناصر:غريبه شوق بنت عبدالرحمن تدف العربه
شوق:طفشت في اسبانيا طول الوقت يشيلون الاكياس عني هالمره قلت اجرب وادفها انا وبعدين السواق بيكون معاي بخليه هو يدفها
ناصر:تدرين خذي معك الخدامه وواحد من الحرس
شوق:نعم الخدامه وفهمت بس الحرس حق وشو؟
ناصر:انا ما قلت الحرس قلت واحد منهم
شوق ما عجبها كلامه لأنها بالفتره الاخيره صارت تطلع بدون حرس شمعنى الحين ولا يوم قالت بطلع مع طلال استلعن وقال الا يودي ماعها الحرس...
ناصر:ليه واقفه نادي على الخدامه وروحي؟
شوق:سوزان سوزان
سوزان:yes miss
شوق:روحي البسي عشان بتطلعين معاي ونادى بعد واحد من الحرس
سوزانok
شوق:ارتحت الحين هاذي الشغالة بتطلع معاي

طلعت شوق وهي معصبه من ناصر,افف رجعت ورجع همك معاي هذي اولها الله يستر من تاليها...

وصلت شوق لامجيز بعد ما طفشت من زحمة الشوراع اختارت طاوله حلوه وخلت الحارس ينتظر بره والخدامه خلتها تجلس على طاوله بره واذا احتاجتها بتناديها...

بعد 10 دقائق دق طلال عليها...

شوق:هلا
طلال:هلا والله وصلتي
شوق:ايوه انت ادخل وبتشوفني في الطاوله الي على يمينك
طلال:اوكي

دخل طلال للمطعم والفلبيني لما شافه امنعه يدخل لانه قسم عوائل بس شوق اشرت له انه معها ودخله...
طلال اول ما شافها نسى كل الكلام الي مرتبه لها هو يسمع سيرتها بس ويتخربط شلون لما يشوفها...
شوق استغربت وقفته ونظراته لها قررت تبدأ بالكلام...

شوق(وقفت ومسكت ايده وجلسته):شفيك طلال واقف اجلس

طلال حس بلمستها وارتعش قلبه هاذي مجنونه تلمسني ما تدرى شنو يصير فيني ماتعرف تاثيرها على الله يستر على قلبي وما يوقف...

شوق:طلال شفيك يعني جاي تطالع فيني وما تتكلم؟
طلال(انتبه على نفسه):ها...لا بس مشتاق لك
شوق:هههه وانا بعد مشتاقه لك
طلال:شوق بقولك على شي
شوق:شنو؟
طلال:لحظه

قام طلال وقال للفلبيني يحط بارتشين شوق استغربت حركته بس ما اهتمت لانها واثقه بطلال وبعدين هي بمكان عام يعني مستحيل يسوي شي...

شوق:شنو الشي المهم الي ما تقدر تقولي عليه الا مع بارتشين؟
طلال(مسك ايدها وحطها على قلبه):حاسه بدقات قلبي
شوق ما كانت مستوعبه الي يسويه اكتفت بانها تهز راسها بمعنى ايه...
طلال:عمر هالقلب ما دق الا لك وكل دقه فيه تنطق باسمك
شوق(كانت خايفه تسمع باقي الكلام):بس...
طلال(حط اصبعه على فمها بكل رقه):اشش خليني اكمل

شوق مو مصدقه ان الي قدامها طلال معقوله كلام مشاعل وهديل صح وطلال يحبها ويعتبرها اكثر من مجرد اخت...

طلال(بكل حب وحنان):شوق انا اعرف كل شي عنك سالفتك مع فهد ومع اختك وسالفة الاستراحه طبعا ادرى عنها ومع كذا حبيتك انتي غير غيرتيني من داخلي خلتيني احس بشي عمري ما حسيت فيه ما انكر ان اللي شدني من البدايه هو جمالك بس لما عرفتك وعرفت اللي مريتي فيه اكتشفت انك من داخلك انسانه غير عن كل الكلام الي سمعته انك قاسيه وما عندك قلب وانتي قلبك ارق من الطفل كل اللي ابيه منك انك تبادليني نفس الشعور وطلباتك كلها بتكون اوامر

شوق حركت رموشها ببطء تستوعب الي سمعته هي جايه تقول له اني حبيت واحد وهذا يجي يقولها اني احبك شلون ومتى وكيف وشلون انا عمري ما حسيت بحبه لهدرجه انا غبيه...

شوق(سحبت ايدها من يد طلال بكل خفه):طلال...انا كنت جايه اقولك اليوم اني احب واحد وكنت باخذ رايك فيه لأني اعتبرك اخ وصديق عزيز طلال انت الوحيد الي وقف معاي بسالفتي مع فهد حسستني بأنك اخوي الي عمري ما حسيت بأخوته ابوي الي اغلب وقته غايب عني وما حسيت بابوته بس عمري ما قدرت اعتبرك حبيب انت تعرف كل شي عني ما اقدر احبك
طلال(مصدوم):وهذا الي تحبينه يعرف كل شي عنك؟
شوق:لا اذا قلت له اكيد بيتركني
طلال:لو كان يحبك ما راح يهدك
شوق:انت نفسك كنت بتهدني لما عرفت سالفة رغد وبعد ما ترجيتك ظليت معاي شنو تتوقع هو بيسوي وانا ما اقدر ابعد عنه دقيقه وحده

طلال انصدم باللي اسمعه هذي المفاجأه الي جايه تقولي عنها مفاجأتها انها تطعن قلبي وتدوسه برجولها بس مع كذا احبها واحب كل شي فيها...

شوق كانت منزله راسها ما تبي تشوف ردة فعله هي تعرف انه مصدوم لو هي كانت مكانه كان ماتت رفعت راسها لما حست انه هادي وشافت شي هزها من داخل...

شوق:طلال ليه الدموع؟

طلال انتبه للدمعه الي نزلت من عينه من دون ما يحس توه بيمسحها الا مسحتها شوق بايدها بكل رقه...
طلال ما قدر يتحمل يحبها ويحب حنانها ويبغى تكون له...
مسك ايدها وباسها وقف وباس جبينها...

طلال:انتبهي على نفسك

طلع طلال من المطعم مخذول ومكسور يحس انه ولا شي قدامها يحاول يلبس قناع القوه لكنه يحبها صحيح الحب قوه بس بنفس الوقت هو ضعف لبس نظراته وركب سيارته وراح على الاستراحه...

شوق ظلت بمكانها مصدومه ما توقعت لقاها مع طلال بيكون كذا طالعت يدها الي باسها لمستها بكل حنيه ,ياليت ياطلال اقدر ياليت اقدر احبك...

طلعت من المطعم وهي للحين مصدومه اخر شخص توقعته يحبها هو طلال حست انها اذا راحت البيت ناصر بيطفشها فكرت بمشاعل وقررت تروح عندها....


*****************************


بعد ما طلعت هديل من الحمام شافت جوالها يدق وكان فيصل...

هديل(بكل نعومه):هلا حبيبي
فيصل:يالله هديل مشتاق لك مشتاق لصوتك مشتاق لكل شي فيك
هديل:دام مشتاق لي ليه ما رضيت تشوفني؟
فيصل:خلاص الحين ابي اشوفك
هديل:وين؟
فيصل:ممم شرايك نروح البحر
هديل:اوكي البس واجيك
فيصل:لا تطولين
هديل:افا عليك دقائق واكون عندك
فيصل:باي حياتي
هديل:باي

راحت هديل لغرفة الملابس تطلع لها لبس قررت تخلي شعرها مفتوح بيطفشها صحيح بس مو مشكله دام فيها فيصل مستعده تسوي أي شي تكشخت وطلعت تهبل لبست عبايتها وطلعت...

**********************


وصلت شوق للقصر عند مشاعل دخلت وكالعاده القصر فاضي طلعت فوق لغرفة مشاعل واستغربت لما لقتها منسدحه على السرير وتطالع السقف عرفت النظره هاذي نظرة الحب واضحه بعيونها قررت تخرعها دامها سرحانه...

شوق(قربت منها):بوووو
مشاعل(قامت مفزوعه)oh my god
شوق:ههههههههههه
مشاعل:بسم الله الرحمن الرحيم انتي من وين طلعتي
شوق:هههههههه
مشاعل:ما تردين علي انت شلون دخلتي البيت والله العظيم سالفه بيتنا صار سبيل كل من هب ودب دخله
شوق:انا كل من هب ودب
مشاعل:ههههه أي عشان مره ثانيه ما تخرعيني

شوق تذكرت هي ليه جايه لمشاعل بعدت عنها وانسدحت على السرير جمبها...

مشاعل(استغربت قبل شوي تضحك شفيها الحين زعلت):شوق بغيت اسألك انتي ليه جايه عندي حنا تونا كنا مع بعض
شوق:يعني ما يصير ازورك؟
مشاعل:بالعكس البيت بيتك بس انتي شفيك شكلك زعلانه؟
شوق:طلع كلامك صح
مشاعل:بشنو؟
شوق:طلال طلع يحبني
مشاعل:وانتي شلون عرفتي؟
شوق:اليوم دقيت عليه وقال يبي يشوفني ولما رحت اعترف لي انه يحبني
مشاعل:قلت لك اصلا واضح من تصرفاته ,وانتي شنو قلتي له؟
شوق:قلت له اني احب عبدالعزيز
مشاعل:غبيه انتي يقولك يحبك تروحين تقولين له انك تحبين عبدالعزيز
شوق:شنو كنتي تبيني اقول اني احبك بعد انا العب على أي احد الا طلال
مشاعل:شفتي يعني انتي تحبينه
شوق:لا ميشو انا اعتبره مثل اخوي ابوي صديقي بس حبيب لا هو يعرف كل شي عني
مشاعل:كل شي كل شي؟
شوق:كل شي كل شي
مشاعل:والله كسر خاطري
شوق:اجل انا شسوي تدرين قبل لايروح قالي انتبهي على نفسك وبعدين راح مدرى شنو سوى بنفسه
مشاعل:ههههههه
شوق:ليه تضحكين؟
مشاعل(وهي تحط يدها على وجها):تذكرت راشد
شوق:ليه شسوى بعد غير حركته باسبانيا؟
مشاعل:هههه امس لما رجعنا من المطار جاء معاي البيت
شوق:لا والله مجنونه انتي شلون تجيبينه البيت؟
مشاعل:عادي ماصار شي
شوق:والله شكلك ناويه تسوين شي؟
مشاعل:لا لاتخافين ماني مسويه شي المهم
شوق:ايه انا ابي المهم
مشاعل:لما جينا البيت انا كنت مضايقه وقعدت اصيح عليه هههه وهو المسكين قالي شرايك تروحين تنامين قلت له اوكي بس بشرط انت توديني الغرفه
شوق:قويه ههههه شلون تطلعينه غرفتك الحين شلون بيفكر فيك؟
مشاعل:يفكر فيني بالطريقه الي يبيها انا ما يهمني شي
شوق:طيب وبعدين شصار؟
مشاعل:طبعا انا كنت تعبانه هو حطني على السرير ومسح على شعري وانا غمضت عيوني هو على باله اني نايمه
شوق:حقيره يعني كنتي تضحكين عليه؟
مشاعل:yes
شوق:مستانسه ايوه وبعدين كملي شصار؟
مشاعل:هههههههه متحمسه
شوق:ووجع انشاء لله وبعدين
مشاعل:ولا اقبلين
شوق:يعني سوى لك شي؟
مشاعل:كان هو صحيح قرب مني بزياده بس طلع شاطر وما سوى شي
شوق:وانتي الحين يعني تبين تسوين اختبار له؟
مشاعل:yap
شوق:وفرضا سوى فيك شي؟
مشاعل:انا كنت اعرف انه ما راح يسوي شي بس بيني وبينك انا كنت ابيه يسوى
شوق:نعم انتي تستهبلين انتي عارفه اذا سوى فيك شي ما راح تكونين....
مشاعل(تقاطعها):ادرى بس والله من الحره الي فيني
شوق:ليه شنو الي حارك؟
مشاعل:تخيلي dadمايدرى متى ارجع ولا كلف على نفسه يدق ويسال عني كانه ما صدق اني سافرت وبعد كل هذا اطلع انا الغلطانه طيب انا شنو ذمبي اذا momخانته انا شنو الغلطه اللي ارتكبتها اذا هم مو قد مسؤلية اطفال ليش يجيبونهم

ماقدرت مشاعل تتحمل اكثر بكت من الظلم اللي تشوفه من امها وابوها صحيح هي مدلعه وعمرها ما سمعت كلمة لا بس شنو فايدة تنفيذ الطلبات اذا مافي تربيه...

شوق انصدمت ما توقعت في احد كثر مشاكلها وهمومها لكن طلعت مشاعل عندها هموم ومشاكل اكثر منها شافت ان مشاكلها ماتجي شي في حزن مشاعل على الاقل هي عندها ام وابو يسألون عنها لكن مشاعل غايبه عن البيت شهر ولا فكر يدق يسال عنها معقوله لهدرجه ما تعني له شي....

شوق(وهي تحضن مشاعل):خلاص حبيبتي كافي لا تبكين عليه دامه مو مهتم انتي بعد لا تهتمين مين الابو هو ولا انتي هو المفروض يسال مو انتي
مشاعل:تدرين كلمة ابو او اب او dad انا ما احس فيها ما اعرف معناتها صحيح يكتبون بالجواز ولا في اوراق المدرسه ان صلة القرابه بيني وبينه الاب لكن هي مجرد كلمه ما تعني لي شي وامي الي جابتني ورمتني بالدنيا مشكلة ماما وبابا انهم يعتبرون اذا كبرت خلاص ما احتاج حب ولا حنان ولا حتى متابعه مع اني كل ما اكبر تزيد حاجتي لها وبعدين يلومونا اذا ضعنا ولا غلطنا يحمد ربه اني ما طلعت مدمنه مخدرات ولا مجرمه ولا حتى...
شوق:خلاص مشاعل لا تصيحين انتي طول عمرك عايشه كذا شلي تغير الحين؟
مشاعل(وهي تصارخ):الا تغير اني تعبت ومو قادره اتحمل تعبت حرام عليهم يسون فيني كذا حرام عليهم
شوق(وهي تمسك مشاعل وتحضنها):خلاص اهدي
مشاعل(وهي تمسح دموعها):انتي عندك شي اليوم احس اني مخنوقه اذا جلست لوحدي بموت
شوق:والله ودي بس بكره ماما ورغد بيرجعون وناصر يمكن يقولي نروح نستقبلهم
مشاعل:والله اذا كذا خلاص روحي
شوق:اكيد يعني مو زعلانه؟
مشاعل:ليه ازعل هذول اهلك على الاقل وحده فينا تحس ان عندها عايله مو كافي هديل اللي ابوها مات وانا اليتيمه وامي وابوي عايشين روحي انتي عيشي
شوق(كسرت خاطرها مشاعل بس ما بيدها شي):اوكي اذا حسيتي انك مضايقه مره ولا صار لك شي دقي علي على طول فاهمه وماما ورغد لاحقه عليهم
مشاعل:عموما اذا خلاص مره ما اقدر اجلس لوحدي بدق على راشد يجي عندي
شوق:مشاعل شقلنا
مشاعل:خلاص شوق انتي روحي
شوق(مو عاجبها كلام مشاعل):اوكي تصبحين على خير(باستها)باي
مشاعل:باي

طلعت شوق وهي ودها تجلس عندها بس ناصر بيطفشها لانها توها راجعه من السفر وبعد تطلع راحت وقلبها معورها على صديقتها ....

***************************



وصلت هديل للبحر وشافت فيصل واقف بس معطيها ظهره ويطالع البحر شكله مو حاس انها وصلت...
طالعت بكل حب مشتاقه له ولكل شي فيه صار لها شهر ما شافته وهي متعوده كل يومين تشوفه...
ظنت انها ممكن تنسى حبه او تخونه اكتشفت انها تحبه اكثر من نفسها...


حسبت اشوقنا غابت واثرى الشوق تو ما بان
واثر ى في قلبي الساهي حنين لك بعد ياقي
انا ما كنت احسب ان القلوب الساهيه تشتلق
ولا كنت احسبك في يوم تجي وتحرك اشواقي


فيصل حس ان في احد وراه التفت وشاف الي طول عمره يتمناها ويحلم فيها وهو الي كان حاط بباله ان اذا شافها بيزعل منها لكن شاف عيونها ونسى كل شي....


سهيت بصفحة اكتابي لقيتك باول الاوراق
انا لاهي مع كتابي لقيتك كلك اوراقي
هلا ياحبي الاول هلا ياغايتي مشتاق
هقيت منت في قلبي واثرك داخل اعماقي


فيصل قرب عندها وما شال عينه من عليها مسك ايدها وظل يتامل فيها مشتاق لها موت ولو يتكلم من اليوم لبعد سنه ما يوصف شوقه...

هديل انحرجت من نظراته لها وحست الجو متوتر فحبت تغير الجو شوي...

هديل:يعني جايبني هنا عشان تطالع فيني؟

فيصل ما تكلم اكتفى بانه يبتسم مشى معها لحد ما وصل للسور تفاجأت لما شافته شالها وقعدها على السور وهو ظل واقف قدامها يطالعها...

هديل(وهي منزله راسها):فيصل خلاص لا تطالع فيني كذا تحرجني

فيصل ما كان يسمعها كان يسمع بس دقات قلبه اللي تنطق بأسمها شال الغطا من على راسها وفتح شعرها الي تناثر حولها وغطى نص وجها...
هديل ظلت تطالع مستغربه من حركته بس تحبه وتحب كل شي يسويه...
فيصل قعد يلعب بخصلات شعرها الناعمه ويبتسم...

هديل(حست انها اذا ما تكلمت الحين بيتمادى اكثر):حبيبي مشتاقتلك
فيصل ما كان يرد عليها يطالعها ويبتسم وكأنه مو معها....

هديل:فيصل يعني بتظل تطالعني كذا ترى اروح البيت
فيصل:لحظه بس

طالعها فيصل بكل حب وشوق وكانها يشوفها لاول مره لمس خدها بكل حنان وباسها على خدها...
هديل تفاجأت من جرأته اول مره يسويها ويبوسها على خدها احمرت خدودها من الحيا وبعدت نظرها عنه...

فيصل(ضحك على شكلها):ههههه للحين تستحين مني؟
هديل:فيصل احنا جاين نتكلم مو...
فيصل:مو ايش؟
هديل:ولاشي ولاشي
فيصل:هههههههه
هديل:قولي شنو المفاجأه اللي مجهزها لي؟
فيصل(مسك ايدها):قلت لامي ابي اتزوج تدرين شقالت
هديل:شنو؟
فيصل:قالت بتخطبك لي
هديل(باستغراب):هي شدراها عني انت قلت لها؟
فيصل:لا بس هي تقول شافتك في حفلة استقبال حق اختي لما رجعت من السفر وعجبتيها قالت هذي ما تكون الا لولدي فيصل
هديل استحت وما طالعت فيه...
فيصل(وهي يرفع راسها):اخيرا يا هديل بنصير لبعض
هديل:اخيرا ثلاث سنين مو شويه
فيصل:اخيرا بتصيرين لي وزوجتي وام عيالي

هديل استحت منه ونزلت من السور عطته ظهرها وظلت تطالع البحر....
فيصل قرب منها وحط ايده على خصرها...

فيصل(همس باذنها):احبك
هديل(حست بانها قلبها وقف من لمسته بعدت يده عنها):فيصل احنا اتفقنا ما نسوي هالحركات لما اصير زوجتك سو الي تبيه
فيصل(طالعها بخبث):اصلا لما تصيرين زوجتي ما راح اعطيك فرصه تتنفسين
هديل(انحرجت لفت وجها عنه):انا بروح البيت
فيصل:نعم وين رايحه انتي مالك طلعه من هنا
هديل:شنو اقعد هنا طول اليل
فيصل(وهو يمسك ايدها ):لسى ما شبعت منك ولا اظن بشبع بيوم

ابتسمت له هديل وظلو اثنينهم ماسكين يد بعض ويتأملون غروب الشمس وهم يحلمون بمستقبلهم وعيشتهم مع بعض تحت سقف واحد...


************************


اليوم الثاني الصباح اول ماقامت شوق مسكت الجوال ودقت على عبدالعزيز...

عبدالعزيز:هلا والله بقلب عزوز
شوق:هههه هلا فيك صباح النور حبيبي
عبدالعزيز:قولي صباح الحب تدرين كل يوم احمد ربي انه عطاني اياك
شوق:وانا كل يوم احمد ربي ان صقعت فيك باسبانيا
عبدالعزيز:كانت احلى صدفه في حياتي
شوق:عبد العزيز
عبدالعزيز:لبيه

لبيه يالبيه روحي تلبي في كل نبض في شراين وعروق
مجنون شوفتك جننتني كأن السما تحتي وهالارض من فوق


شوق:احبك
عبدالعزيز(وهو يمسك قلبه):قلبي قلبي وقف
شوق(بخوف):بسم الله عليك شفيه قلبك؟
عبدالعزيز:من كلامك بيوقف انتي ما تعرفين تاثيرك على
شوق(تنهدت برتياح):خوفتني على بالي فيك شي
عبدالعزيز:ليه تخافين على؟
شوق:اذا ما خفت على روحي اجل اخاف على مين
عبدالعزيز:شوق طلبتك قولي تم
شوق:ههه تم بس على ايش؟
عبدالعزيز:ابي اشوفك
شوق:اليوم ما اقدر لان امي بتجي بس بكره اوكي
عبدالعزيز:امك متى بتجي؟
شوق:الساعه 11 رحلتها يعني توصل البيت باليل بس ما ادرى متى
عبدالعزيز(باحباط):خلاص اوكي
شوق:زعلت؟
عبدالعزيز:كان ودي اشوفك اليوم
شوق:والي تقولك ان ما تغيب عنها لحظه وحده يرضيك
عبدالعزيز:كل شي منك يرضيني حتى لو نظره
شوق:تسلم حبيبي يلا انا بروح الحين افطر واجلس مع اخوي شويه اوكي
عبدالعزيز:اوكي بس لما تملين من اخوك دقي على
شوق:من عيوني باي
عبدالعزيز:باي

سكرت شوق منه ونزلت لاخوها تفطر معه...

ناصر:اخير تكرمتي ونزلتي تاكلين معاي
شوق:ههههه صباح الخير
ناصر:صباح النور
شوق:ليه ما تعرف لوحدك؟
ناصر:لا بس كنت بتكلم معاك بموضوع
شوق:خير شعندك؟
ناصر([ارتباك):شوق انا قررت اتزوج
شوق:وش الجديد انت اصلا خاطب ولا موظي قامت تحن عليك؟
ناصر:لا انا ماراح اتزوج موظي
شوق:اجل مين بتاخذ؟
ناصر:ممم....رحاب
شوق:والله احلف
ناصر:وشفيك فرحانه كذا؟
شوق:شلون ما افرح واخوي الغالي والوحيد بياخذ اعز وحده على قلبي(تذكرت عمها)أي بس....
ناصر(تقاطعها):هذا الي خايف منه امي وابوي
شوق:ماما وبابا سهله الا قول عمي ماجد بيقلب الدنيا وماراح يقعدها عاد هذي بنته المدلله ما يرضى عليها
ناصر:الله يعين
شوق:انت شلون ما فكرت وبعدين دامك تحب رحاب تخطب موظي ليه؟
ناصر:يييو يا شوق الحين انا ابيك عون صرتي فرعون
شوق:انا فرعون قول امثال سنعه بالاول عموما ماما وبابا مقدور عليهم لاكن عمي ماجد عصبي وما اطيقه مدرى شنو بيسوي اذا عرف
ناصر:خلاص اذا جت امي وابوي اليوم يصير خير

شوق ظلت ساكته وتاكل بهدووء موضوع ناصر فجاها والي مستغربته ان رحاب ما قالت لها ولا مبين عليها اصلا وقررت تدق عليها لما تخلص فطور...


********************



طلعت هديل من الحمام وشافت جوالها يدق توقعت فيصل بس لما شافت الرقم طلع زياد استغربت ليه داق...

هديل:هلا زياد
زياد:هلا والله شخبارك هديل؟
هديل:تمام شخبارك انت؟
زياد:بخير عندي لك مفاجاه
هديل:شنو؟
زياد:انا موجود بالشرقيه

هديل بالفعل حست بالمفاجاه بس مو عارفه مفاجاه حلوه ولا لا....

زياد:شكل المفاجاه ما عجبتك؟
هديل:لا بالعكس بس تفاجات انك جيت باهالسرعه؟
زياد(لاني ما قدرت احبس اشواقي):فكرت بكلامك لما قلتي اني ازور السعوديه يعني هي بلدي وعمري ما شفتها
هديل:زين خلاص يعني تبي تشوفني اليوم
زياد:اذا ما كنت مشغوله
هديل:لا عادي انت وين ساكن؟
زياد:في فندق الماردين الي بالكورنيش
هديل:أي اعرفه طيب ممم اطلب تاكسي من الرسيبشن وقوله يودك لمجمع الراشد عند بوابه 6 وانا بجيك هناك
زياد:ليه ما راح نجلس بالراشد؟
هديل:لا الراشد زحمه ما ينفع فيه مكان ثاني احسن منه نقدر نجلس فيه على راحتنا ونسولف بس ما اظن بتعرفه عشان كذا قلت لك الراشد
زياد:اوكي لما توصلين دقي على
هديل:اوكي باي
زياد:باي

سكرت هديل منه وهي مو حاسه ان الي تسويه غلط من ورى فيصل خصوصا بعد ما قال لها انه خطبها يعني بتصير خطيبته بس مو مشكله زياد مثل اخوي وفيصل من وين بيعرف بقوله رايحه بيت مشاعل لانها تعبانه وما راح يقول شي...

طلعت لها ملابس وطلعت من البيت على طريق الراشد...

وصلت هناك ودقت على زياد الي كان ينتظرها....

زياد:وين بنروح؟
هديل:في سوبر ماركت كبير فيه مطاعم هناك نقدر نجلس
زياد:اوكي

راحوا لمجمع بنده وجلسوا في الكراسي الي عند جهة المطاعم...

هديل:ومتى قررت تجي السعوديه؟
زياد:بعد يوم من سفركم
هديل:ومو مفكر تستقر هنا؟
زياد:ما اظن شكل العيشه هنا ما راح تعجبني
هديل:بالعكس المفروض ما تحس بالامان الي في وطنك
زياد:وطني انا ما اعرف الي وطن واحد الي ولدت فيه اسبانيا

فجاه دق جوال هديل خافت يكون فيصل بس بالاخير كان المنبه...

زياد:اهلك داقين عليك؟
هديل:لا انا حاطه منبه
زياد:ليه؟
هديل:عيد ميلاد فيصل بعد يومين وابي اجهز له
زياد:وشنو مفكره تسوين؟
هديل:بصراحه ما في بالي شي بس ابي اعطيه هديه ما ينسها ابد يعني مو شي يستخدمه وبعدين يحطه شي يشوفه كل يوم فهمت قصدي
زياد:ايه فهمت طيب شرايك ترسمين له لوحه؟
هديل:والله فكره عمري ما جربت ارسمه بس انا ما اقدر لوحدي ابيك تساعدني
زياد(تبيني ارسم صورت الشخص الي خذى قلبي مني):موافق
هديل:خلاص اتفقنا

في مكان ثاني بره المجمع نزل فيصل من سيارته بيمر السوبر ماركت دخل السوبر ماركت واشترى الي يبيه توه بيطلع شاف محل اشرطه اغاني فكر يشتري له كم شريط بعد ما طلع من المحل وقف مكانه مصدوم مو قادر يتحرك شاف شي عمره بحياته ما فكر انه يشوفه....

هديل كانت تتناقش مع زياد على الرسمه حست بان احد يراقبها رفعت راسها تشوف مين وياليتها ما رفعته....

هديل(وهي توقف من الكرسي):ف...فيصل؟؟؟


***************************


*ياترى شنو بتكون ردة فعل فيصل على الي شافه؟
*واهل شوق شنو بيكون موقفهم من خطبة ناصر لرحاب؟

>>>الجزء الخامس والعشرين <<<



هديل كانت تتناقش مع زياد عن الرسمه حست ان في احد يراقبها رفعت راسها وياليتها ما رفعته....

هديل(وهي توقف من الكرسي):ف...فيصل؟؟

فيصل جاء عندها وهو معصب ومومصدق ان هديل ممكن تخونه...

فيصل:انتي شقاعده تسوين هنا ومنو هذا الي جالسه معه؟
هديل(بخوف):فيصل انا ...انا...
فيصل(بصراخ):انتي شنو ما تردين؟
هديل:فيصل هذا زياد
فيصل:ومستانسه تقولين لي اسمه,اسمع يا اخ زياد لا تفكر انها تحبك انا بعد ضحكت علي و3سنين من عمري ضاعت مع وحده ما تستاهل
هديل(وهي تمسك ايده):فيصل هذا....
فيصل(بعد ايدها عنه بقرف):لا تلمسيني يا الخاينه
هديل(مصدومه):انا خاينه؟؟
فيصل:ايه خاينه واسمعيني عدل ما ابي اسمع صوتك ولا اشوفك مره ثانيه فاهمه
هديل:لا لا فيصل تكفى لا

بس فيصل ما سمعها ومشى عنها هديل لحقته مستحيل تتخلى عن حبها بهالسهوله....

هديل:فيصل فيصل ارجوك اسمعني
فيصل:اسمع شسمع اكثر من الي شفته
هديل(برجا):فيصل انا احبك
فيصل:انتي تحبيني لو تحبيني ما كنت خنتيني

من يقول انك تحب من يقول انك وفيت
كل هذا كان لعب يما خذت ولا عطيت
كافي ما جاء منك كافي بان لي ما كان خافي
كنت اظن الحب وافي واثر حبك خساره

كم تناسينا خطاك ما يهمك وش يصير
بعت قلبي الي عطاك صدق ما عندك ضمير
غلطتي ارخصت نفسي يوم اضويتك بشمسي
بكره ماهو مثل امسي قلبي وتغير مساره

كان قلبي في يديك ضامنه لا ما يخون
لا ولا بحلمك اجيك هذا في حكم الجنون
اذكرك يالي انت ناسي واوقف بوجهك ياقاسي
شموخ عزي واحساسي يسوى كوني ومدراه

فيصل:اسمعيني عدل موضوع الخطبه شيليه من بالك

بعد فيصل عن هديل وطلع بره المجمع كله كاره الدنيا وما فيها هديل وقفت مصدومه مو قادره تستوعب ان فيصل يصير قاسي لهدرجه لا وعليها يقسى على قلبها بكل سهوله....

هديل مستحيل تستسلم كذا وتخلي 3سنين من الحب تروح هدر ركضت عند زياد تترجاه...

هديل(وهي تبكي):زياد روح قوله الحقيقه روح قوله تكفى زياد هو ما راح يسمع مني
زياد(كسرت خاطره هديل شكلها مره متعذبه):خلاص هديل اهدي حنا بمكان عام
هديل(بصراخ):اقولك روح كلمه تقولي حنا بمكان عام
زياد(قرب عندها ومسكها من يدها يمشيها):هديل خلاص انا بروح اكلمه
هديل:صدق زياد بتروح تكلمه
زياد(وكأنه يكلم طفل):ايه بروح خلاص اهدي
هديل:شلون اهدى وفيصل زعلان مني يقول عني خاينه يقولي شيلي موضوع الخطبه من بالك يعني 3سنين كلها خلاص طارت بالهوا

زياد مارد عليها لانها ما تسمعه اصلا قاعده تكلم نفسها وكانها مجنونه اخذها للسياره وقال للسواق يوديها البيت وده يروح معها بس ما يقدر ...

هديل بالسياره كانت للحين مو مصدقه مسكت الجوال ودقت على فيصل...
انتظرت ودقت اكثر من 10 مرات بس ما رد عليها وبعد اخر محاوله رد عليها وهو معصب...

فيصل:قلت لك ماعاد بيني وبينك شي انتي ما تفهمين؟
هديل(وهو تبكى):فيصل تكفى انا كنت مع زياد عشان....
فيصل:لا تنطقين اسمه قدامي قاعده معه مستانسه تضحكين وتسولفين
هديل:انا ما كنت اضحك معه انا كنت اتناقش عن .....
فيصل(يقاطعها):لا تقولين لي شي خلاص انا انتهيت منك معقوله ياهديل 3سنين وانت تخدعيني وانا الي كنت اعتبرك ارق مخلوق بالكون ومستحيل تجرحيني ولا بنظره وتطلعين تخونيني بس تهنى معه انا خلاص ما عاد ابيك ولا تدقين على هالرقم مره ثانيه
هديل:فيصل انا ....

بس سكتت لانه سكر الخط بوجهها طاح الجوال من يدها وهي مو مستوعبه الي صار لعنت نفسها لانها طلعت مع زياد حست انها مخنوقه وبتموت فسخت الغطا وافتحت العبايه ونهارت من البكى ,السواق يشوفها وهي تصيح ويسمع شهقاتها شكلها يخوف كانها بتموت...

السواق:miss do you want me to call madam
هديل(من بين شهقاتها):no ودني البيت بس

سكت عنها السواق مع انه كان خايف يصير فيها شي لان صوت شهقاتها وبكاها ما يطمن....


*************************



كان طلال قاعد في الاستراحه ويشرب مع اصدقائه ...

ياسر:طلال بسك شرب من جيت وانت تشرب خلاص
طلال:خلني يمكن انسى
ياسر:انت لو بس تقولي شصار يمكن القلى لك حل
طلال:هههههههه حل سمعتوا يا شباب ياسر بيلقى لي حل
ياسر:لا حول انت وش فيك مره زعلان ومره تضحك؟
طلال:ههههه اضحك على حظي الحلو
ياسر:طلال قولي اهلك فيهم شي؟
طلال:اهلي اه يا ياسر قلبي قلبي الا فيه
ياسر:شفيه قلبك؟
طلال(وهو يتذكر شوق):طلعت تحب
ياسر:من هذي؟
طلال(بحزن ويأس وهو يأشر على قلبه):قلبي شوق الي سهرت عيوني ليالي وما تعبت نفسها تفكر فيني مره وحده
ياسر:وانت للحين تحبها؟
طلال:وراسك بظل طول عمري احبها الله يلعنها من يوم شفتها وتعرفت عليها كله من خديجه هي الي عرفتني عليها اه ليش ما حبتني اصلا ليش تحبني شتبي فيني راعي بنات و24 ساعه يشرب وغير البلاوي الي ما تدرى عنها على وشو يا حسره بتحبني
ياسر:طلال انت تعبان تعال امش
طلال(وهو يدف يده):وخر عني للحين ما خلصت شرب ابي اشيلها من راسي ليش افكر فيها تعبت تعبت حرام عليها
ياسر(كسر خاطره صاحبه الي ذابح نفسه من الشرب):طلال تعال معاي انت تعبان
طلال:وين بتودني؟
ياسر:بوديك البيت ترتاح شوي وبكره نتفاهم
طلال:خلني راسي يعورني ليه ما تحبني يعني شكلي مو عاجبها بس انا البنات يموتون علي انا الحين اقدر اجيب احلى بنت تركع تحت رجولي ليه ما تحبني ليه

ياسر مارد على طلال لانه واصل حده شاله بتعب لانه كان ثقيل ورامي نفسه لانه مو حاس بشي...

تحسف على شكل صديقه كل هذا يطلع من بنت الله يلعن الحب وسيرته...
وصله للبيت وشاله هو ونزار لغرفته وحطه على السرير وهو للحين يهذي باسم شوق....

نزار:طال عمرك طويل العمر صارله من امس تعبان وكل ما اقوله روح المستشفى ما يرضى وطول ما هو نايم يقول اسم شوق منو هاذي؟
ياسر(ماله نفس لقافة الخدم):مو شغلك انت سو اللي عليك وطلال انا بكره بوديه المستشفى



**************************


مشاعل دقت على هديل واستغربت لما ماردت على جوالها ودقت على شوق ولقت عندها انتظار...
وبعد ربع ساعه دقت عليها شوق....

مشاعل:انتي مين كنتي تكلمين؟
شوق:عبدالعزيز
مشاعل:انتوا ما تملون من بعض
شوق:اه يا ميشو احبه اموت فيه
مشاعل:طيب اسمعيني انا دقيت على هديل وماترد على
شوق:عادي يمكن مشغوله؟
مشاعل:لا مو مشغوله شدعوه انا دقيت عليها كثر من مره مو معقوله ما عندها وقت ترد
شوق:غريبه طيب شرايك نروح لها
مشاعل:بس مو اهلك بيجون اليوم؟
شوق:بيجون بالليل والحين العصر تو الناس
مشاعل:اوكي انا بسبقك هناك لا تتاخرين
شوق:اوكي قلبو باي
مشاعل:باي

سكرت مشاعل من شوق وهي مبتسمه,انتي شكلك الوحيده فينا الي رايقه الله يوفقك...

راحت تلبس عشان تروح لهديل بعد ما خلصت لبس نزلت تحت بتطلع وانتبهت لابوها موجود بالصاله الداخليه كانت بتطير من الفرحه مشتاقه له بس لبست قناع البرود وسوت نفسها عادي...

مشاعل(بكل برود):هاي
ابو مشاعل:اهلين انتي متى وصلتي؟
مشاعل:قبل يومين
ابو مشاعل:قبل يومين ما حسيت فيك؟
مشاعل:يحقلك بصراحه الشغل ما يعطيك وقت تسال عن بنتك امك اولى خلك بار بوالديك وعيالك قطهم بالشارع
ابو مشاعل:انتي شلون تتكلمين معاي بالطريقه هذي؟
مشاعل:شلون تبيني اتكلم معاك تبيني احب راسك ولا اشيلك وادور فيك
ابو مشاعل:انا ابوك يلي ما تستحين
مشاعل(بصراخ):ابوي انت عمرك ما حسستني بكلمة بابا

ابو مشاعل عصب على مشاعل لانها قالت له كلام صحيح والي هو خايف يسمعه ومنها بالذات وعطاها كف خلاها تفقد توازنها بس مسكت نفسها وتسندت على الباب عشان ما تطيح...

مشاعل(حبست دموعها وطالعت فيه بكل قسوة):تضربني هذا اللي الله قدرك عليه بس تدري انت ليه ضربتني لانك تعرف ان كلامي صح ولو ما كان صح كان ماضربتني عشان تسكتني بس يلا على الاقل حسستني ان انا عايشه مع احد بالبيت بس اسمعني زين اذا غلطت لاتلومني
طلعت مشاعل من القصر وهي حاطه ايدها على خدها تدرى انها غلطت بالكلام اللي قالته بس هي تعبت وكان لازم ابوها يسمعها تحس انها على الاقل خففت شوي من الي بداخلها....


************************


رجع فيصل للقصر وهو شايل هموم الدنيا على راسه الشي الوحيد في الدنيا الي كان واثق انه عمره مايتغر او يخونه هو هديل مو قادر يستوعب الي شافه معقوله هديل اذا هديل خانتني اجل اثق في مين بس شكلها صادقه صوت بكاها لما دقت علي احس من قلبها وكأن للحظه عرفت هديل الأوليه بس لا فيصل كرامتك فوق كل شي انت ما تسمح لاحد انه يعتبرك مغفل وبعدين تحس انك مخدوع ما اقول الا....حتى قلبي ما يطاوعني ادعي عليها...

ام فيصل كانت بالصاله شافت فيصل واقف عند الباب وشكله مهموم...

ام فيصل(بكل حنان الام):فيصل حبيبي ليش راجع مبكر من الشغل صاير شي ابوك فيه شي لا سمح الله؟
فيصل ما كان يسمع كلام امه كل شي قدامه يشوفه هديل وما يسمع الا صوتها طالع فيها ببرود ومشى طالع على الدرج...
ام فيصل(باستغراب):يمه فيصل انا اكلمك فيك شي؟
فيصل(بتعب):لا يمه بس ما عندنا شي بالشغل قلت ارجع البيت ارتاح
ام فيصل:زين سويت تعال بكلمك بسالفه

فيصل ما كان له نفس يسمع شي ولا يتكلم مع احد بس مهما كان هذى امه يحبها ويغليها اكيد وما وده يكسر بخاطرها راح عندها وحب راسها وجلس جمبها....

ام فيصل:الله يرضى عليك يا وليدي دنيا واخره مثل ما ترضيني
فيصل:الله يا يمه هذا احلى شي سمعته طول اليوم
ام فيصل:اسمع عاد لا تقص علي بالكلام هذا موضوع زواجك خلاص اتفقنا عليه وانا مقرره اروح بكره انا وعمتك ونخطبها رسمي
فيصل(حس بطعنه بقلبه كان ممكن هاليوم ينكتب اسعد ايام عمره بس انتي يا هديل الي خربتي كل شي الله يسامحك):خلاص يمه صرفي نظر عن الموضوع
ام فيصل:وليه انت كنت موافق على الخطبه؟
فيصل:أي يمه انا موافق بس(خنقته العبره لكنه كابر على نفسه):انا ما ابي هديل دوريلي وحده غيرها
ام فيصل:بس انت ما شفت البنت اخلاق وجمال وتربيه وبنت اصل وفصل وتناسبنا
فيصل:يمه اذا تبيني اتزوج دوري وحده غيرها
ام فيصل:خلاص خلاص مثل ما تحب مع ان كان ودي اخطبلك هديل بس يلا البنات غيرها كثير

قام فيصل من عند امه وهو يجر رجوله جر يدرى عمره ما يكون سعيد الا مع هديل ولو تزوج وحده ثانيه بيظلم نفسه وبيظلم بنت الناس معه بس كرامته وعزة نفسه فوق كل شي مستعد يدوس على قلبه ولا انه يعيش مخدوع بانسانه كان يعتبرها روحه وعمره كله...


خيانه وانتهت اخر ليالي سوالف عشقي المجنون
في ليله حلمي الوردي تحطم في نهايتها
في ذيك الليله كان اهون على احيا بدون عيون
ولا اشوف الي شفته من حبيبة قلبي ساعتها

بعيني شفتها وياه تضحك له وهو مفتون
سعادتها في قربه تشبه في قربي سعادتها
بعيني شفتها ما هو حكي واشي وخيال بنون
بعيني ليت عيني عمرها ما يوم حبتها

وقفت لسانها حيالي يقول ليه ومن متى وشلون
عسى القلبي سبب واحد يبررلي خيانتها
انا ما كان عندي شك ولو واحد من المليون
في صدق الي تقوله عن غلاي و عن محبتها


خيانتها عطت حجه لكل الي يبي يخنون
ومن هاليله كل خاين يتعذر بقصتها
مادام اوفى البشر خانك حرام الباقي يلامون
وكلمات الوفا لا عاد احد يطريلي سيرتها

خيانه اه خيانه...


********************************



وصلت مشاعل للقصر عند هديل دخلت الصاله ولقت امها موجوده....

مشاعل:هاي خالتي
ام هديل:اهلين شخبارك مشاعل؟
مشاعل:ماشي الحال انتي شخبارك خالتي؟
ام هديل:والله انا زينه بس هديل من رجعت من بره وهي حابسه نفسها بالغرفه ولا راضيه تنزل
مشاعل(خافت):ليه خالتي انتوا متخانقين؟
ام هديل:ولا كلمتها بس هي مدرى شفيها؟انتوا صاير شي بينكم؟
مشاعل(باستغراب):لا انا اصلا من رجعنا من السفر ما شفتها عموما بطلع فوق وبشوفها وانشاء لله بتنزل معاي

طلعت مشاعل لفوق وقبل لا تطق الباب سمعت صوت هديل تشاهق من البكي افتحت الباب بسرعه لقتها على الكنبه وحاطه راسها على ركبتها وتصيح...

مشاعل(وهي ترفعها):هديل شفيك ليه تصيحين امك تقول انك حابسه نفسك بالغرفه ليش؟
هديل:مشاعل لحقي على
مشاعل:طيب قولي شصاير خوفتني لا تصيحين عشان افهم؟
هديل:فيصل فيصل تركني
مشاعل:تركك شلون يعني تركك؟؟
هديل(وهي توقف):شلون يعني تركني قالي موضوع الخطبه شيليه من بالك وما يبي يسمع صوتي مره ثانيه ومايرد على (بصراخ) ادق عليه مايرد علي ما يرد (وهي تضرب خدودها)كله مني انا غبيه كله مني
مشاعل(وهي تبعد ايدها عن خدها):هديل خلاص لا تضربين نفسك انسي الي صار
هديل:انسى شلون تبيني انسى 3سنين من عمري 3سنين حب تروح كذا ببلاش من غير ولا كلمه زياده قالي قالي اياه ما عاد يبيني
مشاعل:طيب فهميني هو ليه تركك؟
هديل:انا دقيت على زياد
مشاعل:مين زياد؟
هديل:الي كان معنا في اسبانيا
مشاعل:طيب وبعدين شصار؟
هديل:جاء الشرقيه وقال يبي يشوفني لانه ما يعرف احد هنا ورحت وقلت لفيصل اني بجي عندك وشافني معه ما ادري من وين طلع بس شافني(تشهق من البكي)وقال عني خاينه ومشى وخلاني شلون يروح هو ما يدرى اني بعده اموت ما اقدر اعيش ما اقدر
مشاعل:خلاص طيب انا بكلمه لك بس انتي اهدي
هديل:شلون اهدى فهمني شلون
مشاعل:طيب شرايك تنامين عشان ترتاحين

هديل ما سمعت كلام مشاعل وظلت تدور بالغرفه بتوتر وبخوف من الجاي...
دخلت شوق عليهم فجأه ولما شافت شكل هديل أستغربت...

شوق:ميشو شفيها هديل شكلها كأنها مريضه؟
مشاعل(بصوت واطي عشان هديل ما تسمعها):فيصل تركها
شوق:نعم فيصل تركها؟؟؟
هديل:شفتي شفتي شصار فيني يا وشوق فيصل الي كنا نقول عمره ما يخليني هذا هو راح وتركني وعشان ايش عشان غلطه مالها اساس
شوق:مشاعل هو ليه تركها؟
مشاعل:شافها قاعده مع زياد الي كان معنا في اسبانيا
شوق:وهذا وش جابه هنا؟
مشاعل:مدرى عنه
شوق:حسبي الله عليه
مشاعل:لا تدعين عليه هو ماله دخل
شوق:شلون ماله شغل مو قلتي شافها وهي جالسه معه
هديل:بس بس خلاص اسكتوا الي فيني مكفيني الي فيني مكفيني

شوق ومشاعل مو عارفين شنو يسوين هديل ما تسمع لاحد تقول كلمات مو مفهومه وتصارخ وتبكي خايفين يصير فيها شي...

فجأه هديل راحت عند السرير ومسكت جوال مشاعل...

مشاعل:هديل شتبين بجوالي؟
هديل(بانهيار):بدق على فيصل لازم يرد على

دقت هديل عليه وفيصل شاف رقم غريب ما كان بيرد بس خاف ان احد يبيه بشغل...

فيصل:الو
هديل:فيصل فيصل حبيبي اسمعني الو الو فيصل

من الصدمه رمت هديل الجوال من يدها من غير لا تحس جلست 5 دقائق ساكته ما تتكلم...

شوق(بخوف):هديل شفيك ساكته؟
هديل:سكر السماعه بوجهي حتى ما عطاني فرصه اتكلم
مشاعل:ما عليك انا متأكده هو بيدق عليك
هديل(وهي توقف وتضرب راسها):لا لا ماراح يدق واضح خلاص كل شي انتهى ليش ليش ياربي انا شسويت شسويت
شوق:خلاص حبيبتي اهدي....
هديل(تقاطعها بصراخ):اسكتي ما ابي اسمع شي فيصل تركني(وهي تسمك راسها) اه راسي ف...يصل

وطاحت هديل على الارض مثل الجثه من غير احساس...



*****************************



في مطار الملك فهد وصلت الطياره من ايطاليا وعليها قلوب محتاره وخايفه من الجاي ولكن مع كذا مليانه بالحب والوفا والاخلاص الي قليل ما نلقاه بالزمن...

وصلت رغد وامها وابوها مع اهل تركي الي كانوا على نفس الرحله....

كان في استقبال اهل شوق ناصر سلم عليهم واخذوا الشنط وراحوا على القصر....

في القصر كانوا كلهم مجتمعين في الصاله الداخليه لكن فرد واحد من العائله ناقص...

ام ناصر:يعني اختك شوق ما لقت تطلع الا الليه الي بنوصل فيها؟
ناصر:مدرى عنها جتني فجأه وقالت بتطلع ضروري وقالت بترجع بدري
ام ناصر:أي بدري شوف الساعه كم وللحين ما رجعت؟
ابو ناصر(بكل برود):يلا انا بروح انام تصبحون على خير
ام ناصر:شلون تروح تنام وبنتك للحين ما رجعت؟
ابو ناصر:يعني بنتي بزر وحده كبيره وتفهم وهي طول عمرها تطلع حبكت الليله واذا على شوفتنا بتشوفنا طول العمر انا اقول بس لا تشغلون بالكم وروحوا ناموا

طلع ابو ناصر لفوق والكل يطالعه مستغرب من برود اعصابه الساعه صارت 10 ونص وبنته طالعه لوحدها بره البيت وهو ولا كأن في شي...

ام ناصر:لا حول ولا قوة الا بالله
ناصر:يمه هدي انتي عارفه طبع ابوي
ام ناصر:على قولتك تعودنا ما دريت اختك انخطبت
ناصر:مين؟
ام ناصر:رغد
رغد استحت ونزلت راسها....
ناصر:والله الف الف مبروك تستاهلين والله
رغد:الله يبارك فيك
ناصر:ومين هذا الي خطبها؟
ام ناصر:جيرانا لما كنا بايطاليا من عايلة العويدي
ناصر:ايه اعرف واحد من الشباب من جماعتهم
ام ناصر:بس اشوف انها صغيره
ناصر:يمه الله يهداك أي صغيره خلى البنت تفرح
ام ناصر:زين خلاص دام ناصر قال كذا انا موافقه
رغد:مشاء الله لما كان بابا يكلمك ما تردين عليه واول ما قالك ناصر على طول رضيتي؟
ناصر:عاد انا الغالي شلون تتكلمين
الكل:هههههههه
ناصر:ومتى يمه بتردون عليهم؟
ام ناصر:احنا قلنا لهم بعد اسبوع نبي نسال عن الولد واختك بعد لازم تفكر زين هذا زواج مو لعبه
ناصر:كويس طيب يمه انا في موضوع بكلمك عنه
ام ناصر:خير يمه قول؟
ناصر(بتفكير):ولا تدرين خلاص بكره احسن عشان اكلمك انتي وابوي
ام ناصر:على راحتك
رغد:ماما انا بروح انام تعبانه
ام ناصر:قومي حبيتي ارتاحي انا بستنى اختك لين ترجع
رغد:تصبحون على خير
ام ناصر وناصر:وانتي من اهله


******************************



تسمع اصوات صياح حواليها تشم ريحه تعرفها بس مو قادره تميز يمكن ريحة كلور هذي مثل ريحة المستشفيات الي تكرها تحس بالم فظيع براسها وتحس بتعب لما تتنفس افتحت عيونها ببطء وبثقل شافت وجه تعرف ملامحه زين هذي امها وماسكه يدها لفت راسها للجهه الثانيه بتعب وشافت شوق تطالع باسف وتصيح استغربت ليه الكل زعلان...

ام هديل:شوق روحي نادي الدكتور هديل قامت روحي ناديه
شوق:خالتي الدكتور من قبل قال انها بتقوم ماله داعي نناديه هو قال بكره بيجي وبيشوفها
ام هديل:اه ياحسرتي عليك يا بنتي مو كافي الي راح قبل بعد انتي تروحين
شوق:لا تقولين يا خالتي انشاء لله بتصير زينه وبترجع

ام هديل طالعت شوق بخوف واستسلام هي عارفه هالمرض وعارفه شنو يسوي...
هديل مو فاهمه شي من اللي تسمعه رفعت جهاز التنفس عن فمها بتعب...

هديل:ماما ليه تبكين انا شنو فيني؟
ام هديل مو قادره تتحمل بعدت عنها لاخر الغرفه وجلست تصيح....
هديل(بخوف):شوق ماما شفيها قولي شصاير كح كح
شوق:خلاص حبيبتي لا تتعبين نفسك (ورجعت جهاز التنفس على فمها)...
هديل(وهي تبعده شوي لانها ما تقدر تتنفس بدونه):قوليلي شصاير؟
شوق(وهي تحبس دموعها):انتي تعبانه شوي
هديل(وهي تأخذ نفس بالجهاز):شلون تعبانه شفيني كح كح
شوق:لا تشيلين الجهاز مو زين لك الدكتور يقول انك....
هديل:ايه شفيني؟
شوق:فيك blood cancer سرطان بالدم


*************************


فتحت عيونها بتعب وطالعت المكان الي هي فيه اول شي ما عرفت هي وين بس بعدين استوعبت وتذكرت الي صار هديل مافي ببالها الا هديل تذكرت كلام الدكتور...

الدكتور(ببرود لانه متعود):بعد ما شفت التحاليل اكتشفنا ان بنتك عندها لوكيميا(سرطان بالدوم)
ام هديل(مصدومه):بنتي مستحيل بنتي صحتها زينه وعمرها ما اشتكت من شي شلون يطلع معها سرطان فجأه؟؟
الدكتور:السرطان او الاورام عموما احيانا تطلع من غير سبب وفي حالة بنتك مالقينا أي سبب يخلي السرطان يطلع بس تقدرين تقولين هذا بلاء من رب العالمين
ام هديل(برجاء):بس اكيد لها علاج؟
الدكتور:طبعا لها علاج بس للاسف....
ام هديل:قولي الحقيقه دكتور الحقيقه كامله
الدكتور:للاسف السرطان منتشر في النخاع العظمي كنت فكر اعطيها ادويه وعقاقير بسيطه لكن ما ينفع معها الا العلاج الكيميائي بس اذا ما فاد العلاج الكيميائي بنضطر نسوي لها عمليه
ام هديل:عملية ايش؟
الدكتور:عملية زراعة نخاع عظمي لكن انا احاول على قد ما اقدر أأجل العمليه لانها خطيره على حياتها لان نسبة النجاح بسيطه بس ان شاء لله ما نحتاج للعمليه

قامت من السرير وطلعت من الغرفه وصارت تطالع في المستشفى وكأنها مضيعه شي...
راحت عند الريسبشن تسال عن هديل...

مشاعل:لو سمحتي غرفة هديل الجابري وين؟
الموظفه(استغربت تتكلم سعودي ومو لابسه غطا والعبايه مفتوحه):غرفه رقم 14

ركضت مشاعل لغرفة 14 وافتحت الباب ولقت هديل تصيح وشوق قاعده على طرف السرير...

شوق:مشاعل ليه قمتي؟
مشاعل(ما ردت على شوق وركضت لهديل وحضنتها وقعدت تصيح معها):حبيبتي ان شاء لله بخير؟
هديل(وهي تصيح):شفتي يا مشاعل فيصل راح واخذ معه كل شي اخذ صحتي
مشاعل:لا ان شاء لله الدكتور قال انك بتتعالجين وبتصيرين زينه
هديل(بيأس):أي اتعالج مشاعل هذا سرطان سرطان يعني بموت
مشاعل(وهي تمسك ايد هديل)لا بسم الله عليك من الموت تكفين هديل كلنا نحتاج لك حاولي تصبيرين
هديل:مشاعل الموت حق وبعدين خلاص انا تعبت
مشاعل:هديل تكفين شنو تعبتي احنا طول عمرنا 3 انا وانتي وشوق ما يصير نصير اثنين تكفين هديل انتي لازم تقاومين هالمرض وبتعيشين حتى لو غصب عنك
هديل:ومن قال اني ابي اعيش
شوق:هديل انتي وش قاعده تقولين في احد يبي يموت؟
هديل:اذا عايشه جسد من غير روح شالفايده من اني اعيش اموت احسن ليش تبوني اتعذب كل يوم على فراقه
شوق(بجديه):هديل اسمعيني عدل فيصل خلاص راح والي يبيعك بيعيه
هديل:لا شوق لا تقولين عنه كذا انا احبه
شوق:كلنا نحب وكلنا نغلط وفيصل لازم يعرف انك انسانه وغلطتي المفروض يتفاهم معاك مو يتركك كذا ليه 3سنين ما تسوى شي عنده
هديل(ما عطت كلام شوق أي اهميه):مشاعل شقال الدكتور على العلاج؟
مشاعل:يقول لازم من بكره تبدين العلاج لان كل ما تاخرنا السرطان بينتشر وفيه خطر على حياتك (برجاء)تكفين طلبتك هديل ساعدي الدكتور وساعدي نفسك قبل وحاولي تصمدين
هديل(ببرود):الله يعين بنات ممكن طلب؟
شوق:اكيد حبيبتي انتي تامرين
مشاعل:قولي شتبين؟
هديل:بما ان بكره ببدا العلاج والعلاج اكيد بيطول ويمكن يستمر شهور ابي قبل لا ادخل المستشفى اشوفه ابي يكون اخر واحد اطبع صورته براسي مع ان صورته عمرها ما اختفت عن قلبي
مشاعل:يعني لازم؟
هديل:مشاعل انتوا مو قلتوا تامرين خلاص هذا طلبي
شوق:خلاص طيب اهدي انا بحاول اكلمه
هديل:لا مو تحاولين اكيد انا لازم اشوفه ودقي عليه الحين
شوق:الحين هديل الساعه 11 اول مره اكلمه وادق عليه الساعه 11
هديل:شوق تكفين كح كح
مشاعل(خافت على هديل):خلاص شوق كلميه
شوق(بدون نفس):اوكي

اخذت جوال مشاعل لان فيه رقم فيصل راحت للصاله الصغيره في قسم هديل جلست على الكنبه ودقت عليه...

فيصل(بدون نفس):الو
شوق(من صوتك ما تبشر بخير):الو فيصل انا شوق
فيصل:اذا بتكلميني عن هديل وفري على نفسك
شوق:فيصل انا ابي اقولك ان هديل تعبانه وتبي تشوفك قبل لا تدخل المستشفى
فيصل:لحظه أي مستشفى وهديل ليه تعبانه؟
شوق:هديل ....فيها سرطان دم وبكره بتبدأ العلاج ويمكن ياخذ شهور عاد هي تبي تشوفك قبل لا تدخل
فيصل:وهذي كذبه جديده واذا تبين تكذبين ماله داعي تفاولين على صديقتك
شوق(عصبت منه):اذا ما تبي بكيفك بس انا ما كذبت وانا اصلا ما دقيت الا عشان خاطرها تبي تشوفها ولا لا؟
فيصل:موافق بس وين؟
شوق:مدرى راح اسالها وارد عليك مع السلامه

رجعت شوق لهديل واول ما قالت لها ان فيصل وافق بغت تطير من الفرحه مجهزه له كلام كثير ودها تقوله قبل لا تدخل عالم الموت...


*************************


كانت قاعده في غرفتها وماسكه صورت زوجها وبنتها حضنتهم وقعدت تصيح من الألم الي بداخلها...

ام هديل:شفت يا حمد شصار فيني انت رحت وهذي بنتك بتروح الدكتور يقول بيعالجها بس انا ادري ان العلاج ما منه فايده بتتالم على الفاضي بس يارب يارب اشف بنتي انا مالي بالدنيا غيرها ابوها راح وخلاها برقبتي امانه ليه ليه تمرض وانا اكبر منها ما صار لي شي استغفر الله استغفر الله اللهم اني لا اسألك رد القضاء ولكني اسالك اللطف فيه...

ما حست الا بباب غرفتها ينفتح شافت امها داخله ركضت لها وارتمت بحضنها تبكي تبكي على سنين من عمرها قضتها وهي تعاني مع زوجها والتاريخ يعيد نفسه وترجع تعاني مع بنتها,امها حضنتها بكل حنان وحب من ام لبنتها...

اكتشفت ان الانسان مهما كبر يظل طفل بعيون والديه...

جدة هديل:قومي قومي حبيتي بنتك محتاجه لك بالمستشفى
ام هديل:ما اقدر يمه اواجها احس اني ضعيفه ضعيفه
الجده:صلي على النبي
ام هديل:عليه الف الصلاة والسلام
الجده:اسمعيني يا بنتي ما بعيد الكلام الي قلته لك يوم مرض زوجك بقولك بس تمسكي بايمانك واعرفي ان الله ماراح يخيلك وربي ما يبتلي عبد الا اذا كان يحبه وهذا ابتلاء ولازم تصبرين عليه وعسى ان تكرهوا شيئا وهو خيرا لكم انتي بس سمي بالله وروحي المستشفى عند بنتك
ام هديل(ارتاحت بعد كلام امها):انشاء لله يمه (حبتها على راسها) عسى الله يخليك لي ولا يحرمني منك ابد
الجده:ولا منك انتبهي على نفسك وسلمي على هديل
ام هديل:ما راح تجين معاي الحين؟
الجده:لا يمه انا تعبانه تعرفين ابرة السكر تتعب وموعد نومي فات عليه ان شاء لله بكره بجيكم من الصبح
ام هديل:على راحتك يلا انا ماشيه تامرين بشي؟
الجده:سلامتك بس لا تنسين ذكر الله
ام هديل:من عيوني يمه

اخذت ام هديل ملابس هديل واغراضها لانها بتكون مرافقه لها بالغرفه وطلعت على المستشفى وقلبها محروق على بنتها....


**************************


رجعت شوق للقصر وهي عارفه ان اهلها معصبين عليها لانها تاخرت باليوم الي بيجون فيه...
دخلت للصاله ولقت امها تطالع التلفزيون واول ما حست في شوق طالعت وهي معصبه...

ام ناصر:تو الناس كان نمتي بره؟
شوق(وهي تجلس):ماما انا تعبانه وراسي يعورني
ام ناصر:اكيد راسك يعورك من الفراره من سوق لسوق طول النهار
شوق:أي سوق ماما وانا طول اليوم بالمستشفى
ام ناصر:المستشفى خير شصار؟
شوق(وهي تتذكر كل الي مرت فيه اليوم):هديل طاحت علينا ووديناها المستشفى وطلع عندها(صاحت)سرطان بالدم
ام ناصر(راحت عند بنتها وحضنتها):لا حول ولا قوة الا بالله الله يعين امها
شوق:ايه ماما تكفين ادعي لامها مره نفسيتها تعبانه
ام ناصر:اكيد حبيبتي هذا ضنى وما يعرف قيمة الضنى الا الي عنده
شوق:لو تشوفين حالتها بعد ما عرفت بالمرض تكسر الخاطر
ام ناصر:الله يشفيها ان شاء لله روحي انتي نامي وارتاحي وبكره الصبح اروح معاك على المستشفى
شوق:طيب تصبحين على خير
ام ناصر:وانتي من اهله

طلعت شوق لفوق بالاصنصير وهي تحس بتعب جسمها كله متكسر وراسها يعورها صورة هديل للحين ببالها بكاها شكلها وصوتها الله يعينها ويشفيها يارب...

شافت غرفة ناصر مفتوحه واستغربت لان الوقت متاخر وهو بالعاده ما يسهر قربت عند الغرفه وسمعت ناصر يكلم بالجوال ....

ناصر:توصلون بالسلامه انشاء لله اول ما تقلع الطياره من سويسرا دق علي عشان استقبلك بالمطار

شوق بس سمعت سويسرا دار راسها يعني فهد بيرجع وبترجع معه المشاكل ,دخلت الغرفه من غير ما تحس تبي تسمع باقي الكلام....

ناصر:هلا شوق اخيرا وصلتي
فهد:شوق عندك؟
ناصر:ايه هاذي هي قدامي توها واصله
فهد:ليه هي وين كانت؟
ناصر:مدرى عنها بس تحت اكيد سالتها امي
فهد(صبري على ياشوق خليني اوصل السعوديه واعلمك شلون ترجعين نصايف الليل):طيب سلم عليها (بخبث)ولا تنسى تقول لاهلك بنجي بكره
ناصر:اكيد شلون انسى,شوق فهد يسلم عليك
شوق مو قادره تصدق انه بيوصل ما تبي تشوفه هي من الحين خايفه شلون لما يجي....
فهد:شفيها ساكته ولا متفاجأه؟
ناصر:والله مدرى اكلمها وهي ساكته تطالع فيني
فهد:مو مشكله يمكن تفكر بشي عموما تصبح على خير اشوفك بكره
ناصر:ان شاء لله وانت من اهله مع السلامه

سكرناصر من فهد والتفت على شوق الي تطالعه وكانها مصدومه.....

ناصر:شوق شفيك مساع اكلمك وانتي ساكته
شوق:ها...لا بس كنت افكر بصديقتي
ناصر:صح انتي ليه تاخرتي؟
شوق:صديقتي تعبت وراحت للمستشفى وطول الوقت كنت معها
ناصر:الله يشفيها
شوق(بارتباك):اقول ناصر انت كنت تكلم فهد؟
ناصر:يعني تستهبلين سمعتيني اقول فهد يسلم عليك
شوق:وبيجون بكره؟
ناصر:ايه وانا بروح استقبلهم بالمطار
شوق:طيب تصبح على خير
ناصر:وانتي من اهله

راحت شوق لغرفتها وهي تحس بالخوف من فهد والمشاكل اللي بيجيبها برجعته وما تدرى ليه قلبها مقبوض طول عمرها تخاف من سيرة فهد بس هالمره تحس انه بيسوي لها مصيبه مو مشكله بسيطه الله يستر...

بدلت ملابسها وتوها بتدق على عبدالعزيز الا دق عليها ردت وهي تبتسم...

شوق:هلا عمري
عبدالعزيز:ها شلون القمر الحين؟
شوق(ياحبيلك):شقولك انا ما احب المستشفيات والحين كرهتها زياده بعد الي صار
عبدالعزيز:شنسوي هذا امر الله مع ان هديل ما تستاهل طول عمرها حبوبه وما أذت احد
شوق(حست كان هالكلام موجه لها اه لو تدرى عن حقيقة الي تحبها شنو بتسوي):أي صح اقول شخبارك سوري اليوم انشغلت عنك وما سالتك؟
عبدالعزيز:اهم شي انتي تكونين بخير انا بخير
شوق:وشخبار اهلك؟
عبدالعزيز:كلهم بخير واختي تسلم عليك
شوق:أي وحده منار؟
عبدالعزيز:أي اللي في الجامعه تدرين لما قلت لها عنك طلعت شافتك مره
شوق(باستغراب):وين شافتني؟
عبدالعزيز:تقول بعرس مدرى بحفله
شوق:ايه يمكن حضرت حفله كانت هي موجوده فيها
عبدالعزيز:حبيبتي احس ان فيك شي؟
شوق(يمه شلون حس فيني شدراه):ها...لا بس افكر بهديل
عبدالعزيز:الله يشفيها ودي ازورها بس ما اقدر امها معها بالمستشفى مرافقه صح؟
شوق:أي من مرضت هديل وكل شي تغير هديل عشان المرض ومشاعل صايره تفكر بطريقه غريبه وانا.....
عبدالعزيز:وانتي شفيك؟
شوق:احس اني وحيده ومرض هديل من البدايه متعبني شلون لما تبدى العلاج
عبدالعزيز:ان شاء لله بتقوم بالسلامه بس لا تقولين انك وحيده انا جمبك
شوق:وش الي مخفف علي غير وجودك ما ادرى لو ما كنت موجود شلون بعيش
عبدالعزيز:تدرين انا كل يوم حبي يزيد لك وتعلقي فيك وثقتي بعد
شوق(لا يا عبدالعزيز انت تذبحني بالكلام هذا):وانا بعد وابيك تحط شي ببالك حبي لك هو الشي الوحيد الحقيقي والثابت بحياتي وانا عمري ما حسيت ان عمري ابتداء الا بحبك

وظلوا الاثنين طول الليل يوصفون حبهم ومستقبلهم مع بعض وشوق طول المكالمه حاطه يدها على قلبها تنتظر متى بيجي فهد وبيخرب عليها كل شي.....


******************************


في المستشفى كانت هديل تبي تنام بس مو قادره بين فتره والثانيه تحس انها مخنوقه وتتطر تتنفس من الجهاز وهي ما تحبه لانه يضايقها وكل ما اختنقت امها تركض لها وتحط الجهاز على فمها ولما تهدى تظل تصيح هي وامها من الالم الي عانته....

ظلت طول الليل كذا مع امها لحد امها ما طلعت القرأن من الشنطه وجلست تقرا فيه وتمسح على شعر هديل....

هديل(بتعب):ماما
ام هديل(بلهفه):امري
هديل:كح كح اقري بصوت عالي ابي اسمع صوتك
ام هديل ابتسمت لها اببتسامه هاديه وقرت بصوت عالي....
ام هديل (الحمد الله الذي انزل على عبده الكتب ولم يجعل له عوجا
قيما لينذر بأسا شديدا من لدنه ويبشر المؤمنين الذين يعملون
الصلحت ان لهم اجرا حسنا مكثين فيه ابد وينذر الذين
قالوا اتخذ الله ولدا مالهم به من علم ولا لأبئهم كبرت كلمة
تخرج من افوهمهم ان يقولون الا كذبا فلعلك بخع نفسك
على اءثرهم ان لم يؤمنوا بهذا الحديث اسفا انا جعلنا ما
على الارض زينة لها لنبلوهم ايهم احسن عملا وانا لجعلون
ما عليها صعيدا جرزا)
"سورة الكهف"

وقفت ام هديل لانها سمعت هديل تصيح خافت لايكون شي يألمها.....

ام هديل:هديل ليه تبكين في شي يعورك انادي الدكتور؟
هديل(وهي تمسح دموعها):لا ما يعورني شي بس كملي ماما قرايه يريح انا مرتاحه كذا
هزت ام هديل راسها بمعنى ايه وكملت قرايه....
وعلى كلمات الرحمن قدرت هديل تستسلم للنوم بهدووء وراحه يمكن لاول مره بحياتها هديل بكت لانها تاثرت بكلام الله الي سمعته حست ان حياتها كلها تافه ومالها معنى ....

ليش الانسان لما يشوف الموت وقتها بس شريط حياته يمر قدامه ويصير يدقق حتى على التفاصيل الصغيره لان وقتها يعرف قيمتها صح....


*************************

في الصباح قامت شوق وغسلت وجها نزلت لتحت ولقت امها ورغد جالسين على الطاوله ياكلون الفطور...

شوق:صباح الخير
الكل:صباح النور
شوق:الحمد الله على سلامتك رغد
رغد(ببتسامه حلوه استغربت منها شوق):الله يسلمك
شوق:الا بابا وناصر وينهم؟
ام ناصر:ابوك فطر من بدري وراح على الشغل واخوك الحين بينزل مدرى شعنده يكلم بالجوال من الصبح؟
شوق(عرفت انه يكلم رحاب):شغله ضروريه ماما وبابا هذا تو راجع من السفر على طول شغل انا حتى ما شفته من امس
ام ناصر:ولا يمديك اليوم لاننا بنروح
شوق:وين بنروح؟
ام ناصر:الرياض
شوق(طاحت الشوكه من يدها رجعتها للطاوله ):وليه شعندنا هناك؟
ام ناصر:عمك وعياله ارجعوا امس من السفر وبنروح نتحمد لهم بالسلامه
شوق:شدعوه ماما دقي بالتلفون
ام ناصر:لا وبعدين حنا من زمان مارحنا للرياض سنتين تقربيا نروح نشوفها وبالمره نتحمد لمرة عمك
شوق:بنطول؟
ام ناصر:بس اسبوع
شوق(بصدمه):اسبوع وتقولين بس ماما واجد اصلا يكفى يوم ونرجع
ام ناصر:وانتي ليه ما تبين تروحين ؟
شوق:صديقتي اليوم بتبداء علاجها ولازم اوقف جمبها
ام ناصر:امها عندها ومشاعل بعد عندها اسبوع ما يأثر
شوق:أي بس.....
ناصر(قاطعها فجأه):وانت ليش تطولين السالفه وهي قصيره امي قالت بنروح يعني بنروح
شوق:وانت طبعا مستانس انت ما قلت لها عن......
ناصر(يقاطعها):حلاتك وانتي ساكته
شوق:هههههههه
رغد:شوق
شوق:هلا
رغد:بغيتك شوي بسالفه
شوق:اوكي

قامت شوق ودفت رغد الين الصاله الداخليه....

شوق:ها شنو السالفه؟
رغد:انا ادرى انك مستغربه ليش ناديتك
شوق:بصراحه ايه ما توقعت انك بيوم بتسولفين معاي؟
رغد:لاني بصراحه حبيت اقولك السالفه بنفسي
شوق:شصاير؟
رغد:انا انخطبت
شوق:والله مين الي خطبك؟
رغد:واحد اسمه تركي لما كنا بروما شافني وخطبني وامي اجلت الموضوع لما نرجع للسعوديه
شوق:الف الف مبروك (وهي تبوسها وتحضنها) تستاهلين كل خير
رغد:الله يبارك فيك
شوق:تدرين هذا تركي احسه احسن من فهد
رغد:اكتشفت ان حبي لفهد مجرد مرحله كنت احاول اطلع فيها نفسي من الي كنت فيه بس لما شفت اهتمام تركي فيني عرفت ان اهتمام فهد مجرد اهتمام ودعم ببنت عمه
شوق(او تدرين انه كان يستغلك):احسن وان شاء لله تركي يفهمك ويسعدك
رغد:تركي هو الوحيد الي فاهمني بس....
شوق:بس شنو؟
رغد:امه مو موافقه
شوق:ما عليك لما تشوفك اكيد بتوافق وبتحبك من الي يشوفك وما يحبك
رغد:الله يسمع منك وانتي ما في بالقلب كذا ولا كذا؟
شوق:فيه بس مو وقته
رغد:الا وقته الحين انسب وقت

وحكت لها شوق عن سفرة اسبانيا والي صار لها مع عبدالعزيز....
بعد كذا طلعت هي ورغد وامها للمستشفى عند هديل....

*********************************


وصلوا لغرفة هديل ولما افتحوا الباب لقوا الغرفه فاضيه شوق خافت ليكون صار شي توها بتكلم الريسبشن الا تشوف مشاعل....

شوق:مشاعل هديل وينها ليه غرفتها فاضيه؟
مشاعل:لا بس الدكتور اخذها عشان يسوي لها كشف عام يقول لازم قبل لا يبدا العلاج الكيميائي
شوق(حطت يدها على صدرها وتنهدت):خفت ليكون صاير شي
مشاعل:لا انشاء لله امك واختك جوا يزورون هديل؟
شوق:ايه عشان اليوم بنروح الرياض وهم يبون يشوفنها قبل
مشاعل:ليه؟
شوق:عيال عمي توهم راجعين من السفر وامي تبي تتحمد لهم بالسلامه
مشاعل:الله يعينك على فهد
شوق:أي والله هو في بيتنا ويسوي فيني كذا كيف اذا رحت بيتهم
مشاعل:بس رحاب معاك؟
شوق:يييو رحاب بتشوف ناصر وبتنساني ورغد طول وقتها تكلم تركي ولا تجلس مع ماما
مشاعل:وانتوا للحين علاقتكم.....
شوق(تقاطعها):لا الحين علاقتي معها احسن بس بعد مهما سولفنا وضحكنا احس بينا جدار انا عاذرتها الي صار قبل مو شويه
مشاعل:وعبدالعزيز درى عن روحتك؟
شوق:اكيد وقال بيجي عشان يشوفني وانا عشان كذا مطمنه لان عبدالعزيز لودرى عن فهد اكيد ب.....
مشاعل(تقاطعها):شنو تتوقعين بيساعدك؟
شوق(عرفت ان كلام مشاعل صح ):لا تحطميني عاد خليها على الله

خلصوا كلام وراحوا عند اهل شوق انتظروا بالغرفه لين دخلوا هديل وشكلها كان يكسر الخاطر تعبت من كثر الفحوصات حولها اجهزه وتتكلم بتعب ....

بعد ساعتين تقريبا طلعت رغد مع امها وجلست شوق مع مشاعل وهديل....

ام هديل:حبايبي انا بروح البيت اسوي شغله وارجع اوكي انتبهوا على هديل
هديل:ماما بتطولين؟
ام هديل:يمكن شوي
هديل:اوكي مع السلامه

اول ما طلعت ام هديل على طول هديل التفتت لصديقاتها....

هديل:يلا بنات الحين ابي اشوف فيصل
مشاعل:خليها بكره انتي تعبانه من الفحوصات
هديل:انا اليوم تعبت كذا شلون بكره لما ابدا العلاج ما اظن اني اقدر اتحرك
مشاعل:طيب والمستشفى بيحسون فيك؟
هديل:مالي شغل تصرفوا لازم اشوفه
شوق:خلاص اهدي مشاعل انتي سواقك تحت صح؟
مشاعل:ايه
شوق:خلاص انتي لبسيها العبايه وانا بدبر سالفة المستشفى

طلعت شوق لبره الغرفه وشافت ممرضه ...

شوق:لو سمحت
الممرضه:ايوا في حاجه؟
شوق:بصراحه صديقتي عندها موعد ضروري ولازم تطلع بس....
الممرضه:خلاص فهمت
شوق(وهي تمد لها الف ريال):شكرا هذي الخدمه ما راح انساها لك
الممرضه:تعالي الف ريال ما تكفيش انتي عارفه يعني المستشفى هنا
شوق:خلاص (مدت لها الف ثانيه) وهذي الفين اظن تكفى
الممرضه:ايوا بيكفى بس هي هطول؟
شوق:ما اظن عموما هذا رقمي اذا صار أي شي دقي على طول فاهمه
الممرضه:ايوا فاهمه

دخلت شوق عليهم الغرفه ولقت هديل جاهزه....

شوق:يلا بسرعه الممرضه ذلتني خذت مني الفين ريال الزطيه

طلعوا من المستشف على البحر المكان الي بتلتقي فيه هديل بفيصل....
نزلت هديل بتعب وشافت فيصل واقف عند سور مثل كل لقاء عادي تشوفه فيه كان عندها امل ولو صغير انه بيغير رايه....

هديل(وهي تحط يدها على كتفه):اشتقت لك
فيصل لف عليها وكان شكله باين عليه التعب من الهالات الي حول عيونه كان هو بعد مشتاق لها قلبه كان بيضعف ويحضنها ويقولها سامحتك بس كرامته والي صار لكبر منه...
هديل شافت برود فيصل لانه قعد يطالع فيها من غير ولا كلمه...

هديل:فيصل انا طلبت اشوفك اليوم عشان عندي امل ولو صغير انك تسامحني
فيصل(وهو يطالع البحر):وفري عليك الكلام الي صار صار
هديل:يعني خلاص سامحتني
فيصل(يطالعها بنظرات سخريه):طبعا لا
هديل:بس انا شفت زياد عشان نتفاهم حول عيدميلادك ابي اسويلك لوحه
فيصل:وهذى كذبه جديده
هديل:أي كذبه انا عمري ما كذبت عليك
فيصل:كذبتي وخنتي بعد
هديل:حرام عليك انت بكلامك تذبحني
فيصل:يعني انا الي فرحان بالي صار
هديل(وهي تحط يدها على يده):طيب طالع فيني وقولي ان خلاص انتهينا
فيصل يعرف انها متعمده تقول كذا لانها تعرف انه بيضعف اذا طالعها بس غروره وكرامته كانت اقوى منه وطالع فيها بكل برود....

فيصل:خلاص احنا انتهينا وانا كلمت امي عشان تخطب لي وحده ثانيه

فيصل توقع من هديل الحين انها بتصيح الا بنتهار لكن انصدم لما شافها تبتسم....

هديل:تذكر لما كنت تقول ان عيوني تاثر فيك يعني الحين خلاص ما عادت تاثر فيك
فيصل ما رد عليها لف وجه عنها وطالع البحر....
هديل(عرفت انه ما في فايده من الكلام فيصل خلاص اتخذ قرار):طيب ممكن طلب اخير
فيصل:قولي؟
هديل(وهي تحاول تحبس دموعها):ممكن تخليني لاخر مره ابكي بحضنك مثل اول؟
فيصل طالع فيها مستغرب من طلبها بس ما حب يكسر بخاطرها وفتح لها ايدنيه....
هديل ما صدقت ارتمت بحضنه وطلعت كل دموعها الي حابستها من الصبح على مرضها الي جاها واللي فيصل ما كلف على نفسه يسال عنها بس هي عذرته الي سوتيه مو شويه....

هديل(وهي بحضن فيصل):تدري انا مو زعلانه على فراقنا كثر ما انا زعلانه انك ممكن تعيش اللي عشناه مع بعض مع وحده ثانيه
فيصل:لا خلاص انتي اخر وحده قفلت قلبي عليها
هديل:وانت اول واحد واخر واحد بقلبي
فيصل:مو مهم هالكلام الحين
هديل(كانت بتروح لانها طولت على المستشفى قربت منه وهمست باذنه):احبك

فيصل انصدم من كلمتها بعد كل الي صار بعد تقوله كذا هديل ما انتظرته يقول شي ومشت عنه....

فيصل:هديل
بس هديل ما قدرت تتحمل لانها تعبت من الانفعال وما تبي تبين ضعفها قدامه راحت عنه وركبت السياره...

اول ما ركبت صاحت بصوت عالي وظلت تشاهق ومشاعل وشوق خايفين عليها لانها تعبانه خذوها للمستشفى وهي منهاره من البكي....

مشاعل:اصلا هو من اول قاهرني الحين تجين لين عنده وبعد يرفض
شوق:خلاص ميشو قفلي السالفه هديل فيها الي مكفيها

هديل ما كانت معاهم كانت تفكر بفيصل وليه صار قاسي كذا بشكل اول مره تشوفه....

مشاعل:هديل هديل ها وين رحتي؟
هديل:ها....معاك فيه شي؟
شوق:لا بس خفنا عليك مره ثانيه ماراح ارضى انك تطلعين
هديل:ومن قال بطلع مره ثانيه انا بطلع من هنا على المقبره
مشاعل:والله هديل اذا قلتي مره ثانيه كذا بزعل عليك لا تتكلمين عن الموت
هديل:ليه كلنا بنموت يعني طريقة الموته ما تفرق واجد بمرض ولا فجأه ولا حادث كلنا بنموت

شوق ومشاعل افقدوا الامل منها لانها خلاص ما تبي تساعد نفسها ولا الدكتور خصوصا بعد ردة فعل فيصل ما عندها شي تعيش له....


*************************


طلعت شوق من المستشفى للقصر عشان تجهز اغراضها لروحة الرياض مع انها طبعا ما تبي هالروحه بس امها ما رضت تجلس لوحدها بالبيت....

راحوا للمطار وبعد مدة قصيره وصلوا مطار الرياض خلوا لاغراض مع السواق يوديها البيت وهم جلسوا ينتظرون رحلت العوده من سويسرا....

بعد ساعه تقربيا اعلنوا وصول الطائره وشوق من سمعت عن وصلوها قلبها قام يدق من الخوف خايفه منه ما تدرى شنو بيسوي اذا شافها....

ناصر:يبه هذا عمي وصل.......

******************************


*تتوقعون شنو يسوي فهد اول ما يشوف شوق معاهم؟
*وشلون بيصير في علاج هديل مع السرطان؟
*ومشاعل بيصير شي بينها وبين راشد؟
*وطلال وين من الموضوع؟

وهذا بارت للحلوووين ومعه بوسه,,,,,


>>>الجزء السادس والعشرين<<<



ناصر:يبه هذا عمي وصل

راح الكل عشان يسلم عليهم وشوق تجر رجولها جر تبي الزمن يوقف ولا تحط عيونها بعيون فهد....

شوق:الحمد الله على السلامه
رحاب:الله يسلمك وحشتيني
شوق:ههه وانا اكثر ان شاء لله انبسطتي بسويسرا
رحاب:انبسطنا وبس الا تجمدت من كثر الوناسه
شوق:هههههههه على فكره ترى ادري عن موضوعك انتي وناصر
رحاب:ادري انك تدرين
شوق:ول ناصر ما يخش عنك شي
رحاب:ابد هو يقدر
شوق:ههههههه
ام ناصر:شوق تعالي سلمي على عمك وزوجة عمك

شوق استحت لانها من شافت رحاب نست الكل....

شوق(وهي تحب راس عمها):الحمد الله على السلامه عمي
ابو فهد:الله يسلمك شخبارك؟
شوق:بخير عمي
شوق(وهي تسلم على ام فهد):الحمد الله على السلامه خالتي
ام فهد:الله يسلمك والله حلويتي عن اخر مره انا خلاص لازم احجزك لوليدي فهد

شوق سمعت هالكلمه وحست ببرود بكل عرق بجسمها انا اكون لفهد واحقق له الي يبه طبعا مستحيل...

ام ناصر:يام فهد احرجتي البنت شوفي شلون صاير وجهها

ما تدرى شوق ليه حبت تشوف ردة فعل فهد على الكلام الي قالته امه,شافته يطالعها بنظرات ما قدرة تفسرها بس كل الي تعرفه ان ما وراها خير....

شوق(ما تدرى من وين جتها الشجاعه تقدمت عند فهد):الحمد على السلامه فهد
فهد(تفاجأ من جراتها):الله يسلمك يا شوق

شوق صحيح تبين القوه اول ما كلمته بس من شافت نظراته وسمعت صوته كل شجاعتها خانتها وحست بخوف فضيع ما تدرى ليش حاسه هالمره بمصبيه بتنحذف عليها....

طلع الكل من المطار على السيارت الي تنتظرهم سيارة شالت الشنط وسيارتين تقسموا فيها ومشوا لقصر عمهم في حي العليا....

اول ما وصلوا للقصر الكل كان تعبان ويبي يرتاح شوق بتنام مع رحاب والباقين في جناح الضيوف الخاص فيهم...

شوق:يلا قولي شنو صار بسويسرا؟
رحاب(وهي تحوس بالجوال):لا مو الحين
شوق:وليه شعندك؟
رحاب:بكلم ناصر
شوق:اقول عاد انتي طول الوقت تكلمينه هناك حبكت الليله؟
رحاب:بس بيقولي سالفه مهمه
شوق:ايه مو هو وزير الخارجيه اقول عاد خليها بعدين
رحاب(وهي تبعد عنها):تكفين شوق بس كلمتين
شوق:لا لا وجيبي الجوال بسرعه
رحاب:لو الي تحبينه كلمك كنتي بتقولين خذي الجوال؟
شوق:بهذي غلبتيني بس انا عطشانه
رحاب:روحي اشربي احد ماسكك؟
شوق:طيب مافي ماي بالثلاجه
رحاب: أي صح ترى انا قبل لا نسافر شلت كل شي من الثلاجه حتى الاله الي برا فاضيه
شوق:اب اعرف حاطه عندك ثلاجه واله كافيه واله عصير واله ماي وكلهم فاضين ؟
رحاب:مسافره تبيني اخليهم حق الجني
شوق:بسم الله الرحمن الرحيم طيب انزلي جبلي من تحت\
رحاب:شوق شدعوه قاعده بفندق البيت بيتكم روحوا قولي للخدامه تسويلك
شوق(خايفه تشوف فهد):طيب انزلي معاي
رحاب:شوق شفيك بكلم ناصر
شوق:ايه نسيت طيب شي معاي
رحاب:سلامتك بس اطلعي وسكري الباب وراك
شوق:بعد تطردني مالت عليك

طلعت شوق من الغرفه وافتحت باب الجناح بهدووء ولقت المكان هادي شكلهم كلهم نايمين حمدت ربها ونزلت بالاصنصير لتحت المطبخ....

طبعا الساعه الحين 2 والخدم كلهم نايمن فضطرت تسوي العصير بنفسها ....

افتحت الثلاجه تجيب الفواكه عشان تحطهم بالاله سمعت صوت وراها لاكثر شخص تكره بالعالم ما بغت تلتفت ظلت ماسكه بمقبض الثلاجه من دون ما تلتفت....

فهد:شخبارك بنت عمي؟

شوق ساكته ما تبي ترد عليه تبيه يروح من نفسه...

فهد:طيب على الاقل التفتي

شوق تشد على مقبض الثلاجه بخوف لوحدها ومع فهد وفي بيتهم يعني ما تقدر تسوي شي والكل نايم ظلت واقفه مكانها من غير ما تتحرك....

فهد:طيب انا اجيك

شوق بداخلها تدعي انه ما يقرب جمبها لاكن الدم توقف بعروقعها لما حست بلمسة يده على ذراعها...
فهد لفها لجهة بقوه خلة الفواكه تطيح من يدها نظراته المباشره لعيونها خلها تحس انها بتموت....

فهد(ياحلو عيونك يا شوق):لما اكلمك تطالعيني فاهمه
شوق(بهمس):فاهمه

شوق تكره ضعفها قدام فهد ساعات ودها تخنقه لما يكلمها....

فهد:شقاعده تسوين هنا؟
شوق:قاعده اس....اسوي...
فهد:شفيك احكي عدل
شوق:قاعده اسوي عصير
فهد:حلو سويلي معك
شوق:خلاص مابي سويلك لنفسك
فهد:لا والله وانتي وش مهنتك هنا؟
شوق(وهي تحط يدها على خصرها):انا مو خدامه عندك
فهد:عادي ترى الحين اروح عند اخوك ناصر واقوله على سالفة رغد

شوق طالعت فيه بحقد ولمت الفواكه من على الارض وراحت عند الاله...

فهد:تدرين حلو شكلك وانتي خايفه
شوق(من دون ما طالع فيه):ومن قالك اني خايفه

فهد راح عندها ووقف جمبها وهي تحط الفواكه بالاله.....

شوق(حست بالرتباك من وجوده جمبها):ما اعرف اشتغل واحد واقف فوق راسي
فهد:عادي انا مضايقك واقف
شوق:فهد تبي العصير روح اجلس على الطاوله
فهد:ليه تحسين بارتباك وانا جمبك؟
شوق(بلعت ريقها):عادي انت شخص عادي ما تهمني ولا تاثر فيني

فهد قرب منها وصار ورها بالضبط تحس ظهرها لاصق بصدره....

فهد:وكذا تحسين بارتباك؟

شوق زادت دقات قلبها وتحس انفاسها قصيره تحس الخوف بيذبحها ....

فهد(يهمس باذنها):ادرى انك مرتبكه اسمع دقات قلبك احس بانفاسك واحس بحرارة جسمك ترتفع صح

شوق خلاص مو قادره تتحمل تحس اذا قرب منها زياده بتموت تمنت بالحظه هذي يجي عبدالعزيز او طلال تحس انها تحتاج لهم لاكن محد بيساعدها الحين لو بغى يسوي فيها شي نزلت دمعه من عينها من غير ما تحس....

فهد شاف دمعتها ابتسم ابتسامه بارده ولفها لجهته وصارت لاصقه بوجه....

فهد:تدرين اني اقدر الحين اسوي فيك الي ابيه بس انا ما ابي يمكن المكان مو مناسب هههه (مسح دمعتها بطرف اصبعه) ليش الدموع؟
شوق(بصوت مرتجف):فهد ابعد عني
فهد:تامرين امر خلصي العصير

شوق لفت على الطاوله وخذت نفس طويل ترتاح كملت العصير وصبته بالكوب...
مشت لعند الطاوله بهدووء حطت العصير على طرف الطاوله وتوها بتمشى الا فهد يناديها....

فهد:على وين؟
شوق:رايحه للغرفه يعني وين بروح

فهد طالع فيها من فوق لتحت وقعد يشرب العصير ببرود...
شوق طالعت فيه بقرف ومشت عنه لفوق وهي تركض بالدرج....
دخلت للجناح وافتحت الغرفه لقت رحاب جالسه على الكنبه وتكلم بالجوال....

شوق:سكري بسرعه بكلمك
رحاب:خير شفيك؟
شوق:اقولك سكري
رحاب:طيب,ناصر انا بسكر الحين اوكي.......بعدين مو الحين......ناصر خلاص.....هههههه ناصر باي

سكرت رحاب منه والتفت على شوق الي كانت معصبه.....

شوق:كان ما سكرت احسن؟
رحاب:ههههه شسوي باخوك والله بغيت انزل اشوفك لانك طولتي بس هو.....
شوق:خلاص لا يكثر
رحاب:شفيك معصبه بعدين وين العصير؟
شوق:خلك من العصير واسمعني عدل بكره من الصبح نطلع نفطر وما نرجع الا بالليل طيب
رحاب:ليه؟
شوق:بس انا من زمان ما جيت الرياض وابي اشوفها
رحاب:مو من كثر الاماكن
شوق:كثير عاد ولا قليله بكره نطلع من الصبح فاهمه
رحاب:طيب ليش نفطر بالبيت وبعدين نطلع

شوق راحت للسرير وغطت نفسها.....

شوق(من تحت البطانيه):بكره اقولك ليه
رحاب:اوكي تصبحين على خير

اول ما طلعت رحاب من الغرفه مسكت شوق الجوال ودقت على عبدالعزيز .....

عبدالعزيز: هلا وغلا
شوق(اول ما سمعت صوته حست براحه فظيعه):هلا حبيبي
عبدالعزيز:باركيلي وصلت الرياض
شوق:والله الحمد الله على السلامه يالله يا عبدالعزيز محتاجه لك باللحظه هذى اكثرمما تتصور
عبدالعزيز(بخوف):ليه عمري صاير شي؟
شوق:لا عادي بس مشتاقه لك
عبدالعزيز:اجل ما عندك حجه بكره لازم اشوفك
شوق:هههه خلاص بكره بطلع مع بنت خالتي يمكن نروح للفيصليه بخليها وانت مر على ونروح أي مكان
عبدالعزيز:تقعد لوحدها؟
شوق:لا اكيد بتدق على صديقاتها وبتقولها
عبدالعزيز:اوكي
شوق:شوف عاد انا صار لي سنتين ما جيت الرياض يعني ما اعرف شي ابيك تدوديني على ذوقك
عبدالعزيز:تامرين امر احلى وافخم مكان بالر ياض تروح له شوق
شوق:هههههه

طول المكالمه شوق كانت تصيح بصمت من دون ما يسمعها عبدالعزيز كانت تبي تشتكيله من فهد وتبين خوفها منه لاكن مستحيل تقول حبست الي بداخلها لنفسها واحيان كثيره الكبت يكون خطير....

****************************

السعوديه_الشرقيه


مشاعل كانت قاعده تشغل الشموع بتوتر تنثر الورد على الارض طفت اللمبات وراحت عند المرايا تطالع شكلها عدلت شعرها بارتباك واضح ونقزت لما سمعت صوت جوالها....

مشاعل(تحاول تخبي ارتباكها):هلا راشد .......انت برى يلا بجي افتح لك....باي

افتحت مشاعل الباب الخلفي لراشد ودخلته البيت,راشد اول ما دخل تفاجاء بالجو الشموع فكل مكان والورد المنثور على الارض والريحه الي معطيه الجو اكثر رومنسيه واللمبات المطفيه يعني الجو كان رومنسي درجه اولى ويساعد أي شخص انه يسوي الغلط....

تقدمت مشاعل عنده بهدووء ومع الارتباك الي كانت تحس فيه الا انها الحين تحس انها قويه لبست كالعاده قناع البرود ولامباله ,حطت ايدها على رقبه راشد....

مشاعل(بكل دلع):اليوم راح تعيش ليله عمرك ما تنسها بحياتك انا اليوم كلي لك وملكك تسوى فيني كل الي نفسك فيه....

راشد في اللحظه هذي كان في صراع مع عقله وقلبه العقل يقوله هذا غلط ومشاعل انت تحبها ولازم ما تغلط معها ولا عليها ولاكن قلبه كان يقوله مو هذي الفرصه الي كنت تستنها من زمان من اول ما شفتها في الشارع يلا روح خذ منها الي تبيه وبتكتشف بعدين ان الي كان بينكم ما كان حب....

بعدت عنه مشاعل بهدووء وراحت للمسجل وشغلته كانت حاطه اغنية(اليسا_جوايا ليك)....

راشد كان يشوفها ومبهور فيها لابسه البيجما الحمرا الي تفضح اكثر مما انها تغطي وشعرها الاشقر منثور حوالها كل الي يشوفه قدامه ما قدر يخليه واقف مكانه لو كان جبل لهتز لجمالها فسخ بلوزته وتقدم عندها بخطوات بطيئه يتمنى الزمن يوقف ولا يسوى الا بيسويه الحين....

وصل لعندها ووقف للحظات بعدها شالها وحطها على الكنبه وهو جلس على ركبته على الارض ظل يتامل فيها فتره ويلعب بشعرها الحرير بادينه قرر راشد لحظتها انه ما راح يضيع هالفرصه منه ابد....

مشاعل كانت بتخونها ثقتها وبتبعد لاكن تذكرت ابوها وامها وحست بالحقد عليه وقالت مافيه الا هذا الشي الي بيخليهم يحسون فيني...

لما قرب راشد عندها وكان بيتعدى المحظور بالنسبه له ولغيره مشاعل حست بشي وكان عقلها باللحظه هذي انفتح ووراها الي قاعده تسويه بعدت راشد عنها ووقفت هي ومشت بعيد عنه....

راشد:مشاعل شفيك احنا كنا.....
مشاعل(قاطعته من دون ما تطالع فيه):خلاص راشد كافي
راشد:وشو خلاص؟
مشاعل(وهي تمسح دمعه نزلت منها):خلاص لحد هنا ويكفى ممكن تطلع بره .....وانسى الي صار الليله واوعدك ما يتكررمره ثانيه

راشد ماكان فاهم عليها صارت مزاجيه بسرعه تتغير,طالعت فيه مشاعل بنظرات هو ما قدر يفهمها وطلعت فوق بسرعه من دون ما تطالع فيه....

راشد طفى الشموع عشان لا تحرق السجاد واخذ بلوزته وطلع....

لما سكر راشد باب القصر اتسكر معها قلب مشاعل رمت نفسها على السرير وتكورت على نفسها وجلست تصيح طول الليل ....

الي محد كان يعرفه ان مشاعل بهذيك الفتره كانت تمر بحالة اكتئاب بس شلون احد يعرف والكل مشغول بمشاكله....
هديل مرضها مكفيها وزود وشوق مع رجعة فهد بتحس حياتها كلها متخربطه وراشد مو دكتور نفسي عشان يعرف لحلات الاكتئاب وامها وابوها ما كلفوا على نفسهم يلاحظون وجودها عشان يلاحظون ان فيها اكتئاب...

كثير يعتبرون الاكتئاب شي عادي يعني فتره وتعدي لاكن العكس الاكتئاب من اخطر المراض النفسيه لانه يؤدي لاكتئاب حاد والاكتئاب الحاد ممكن يؤدي لشي اكبر مما نتصور...

وبالنسبه لمشاعل ماكانت تدرى ان الي عندها اكتئاب كانت بدت تسوي قوقعه حول نفسها والله يلعم اذا بتطلع منها ولا لا.....


*************************

في المستشفى.....


كانت مشاعل مع ام هديل وجدتها ينتظرون الدكتور يطلع من الغرفه الكل كان متوتر ومرتبك الشعور ان انسان غالي عليك يتعرض للخطر قدام عيونك انت ما تقدر تسوي شي يحسس الواحد بالعجز ويكتشف لحظتها ان الانسان عند الموت والمرض ضعيف اكثر مما يتصور....

طلع الدكتور من الغرفه ومن بعده الممرضين يدفون هديل الي نايمه على السرير....

ام هديل(وهي تحاول تدخل الغرفه لاكن الممرضين امنوعها):دكتور ليه ما اقدر ادخل عليها؟
الدكتور:بنتك توها متعرضه لعلاج كميائي ونخاف تتعرض من الخارج لاي ملوثات او فيروسات لان الحين مناعتها جدا ضعيفه في أي شي تتعرض له على طول يسبب لها المرض وممكن التهبات
ام هديل:دكتور بنتي بتشفى ولا لا؟
الدكتور:قولي يا رب الحين بدينا العلاج معها وبعد كم شهر بنعرف اذا جسمها تقبل ولا لا وانشاء لله يتقبل ادعولها بالشفاء

راح الدكتور وترك الكل حاير وراه مشاعل وقفت على الدريشه تشوف هديل شكلها والاجهزه حوالها وجهاز دقات القلب يسمعك دقات قلبها الضعيفه ضربت يدها على الدريشه بعجز ياليت لو تقدر تسوي شي بس ما باليد حيله وما عندهم الا الانتظار مثل ما مشاعل طول حيا تها تنتظر....


*************************

السعوديه_الرياض



راحت رحاب وشوق لمجمع الفيصليه وبعد الفطور راحوا يتفرجون على المحلات اشترت شوق ملابس واجد بسبب توترها لانها بتقابل عبدالعزيز....

رحاب:ها انتي ياللحجيه بسك عمرك ما شفتي ملابس ترى الناس مو العيد
شوق:هههه اسكتي متوتره
رحاب:ليه مين بتقابلين وزيرالخارجيه؟
شوق:ولد الوزير يا عمري

قطع عليهم صوت جوال شوق وكان عبدالعزيز....

شوق:هلا حبيبي....انت تحت يلا جايه الحين
شوق:يلا مع السلامه
رحاب:واغراضك ذول مين بيشليهم؟
شوق(وهي تاشر على الخدمات):والي وراك ذول وش مهنتهم عطيهم الاكياس
رحاب:ههههه طالعي اشكالهم اول لو عندهم يد ثالثه كان شروا فيها الاغراض
شوق:ما عليك انتي بس صديقاتك متى بيجون؟
رحاب:بعد شوي
شوق(وهي تبوسها):اوكي قلبي wish for me good luck
رحاب:good luck
شوق:باي

نزلت شوق لتحت وراحت عند الباب وشافت عبدالعزيز واقف عند سيارته البروش راحت لعنده وهو فتح لها الباب ودخلت...

راحوا لشارع التحليه واختاورا مطعم يجلسون فيه ويتغدون...
عبدالعزيز اخذ طاوله ثانيه للحرس الي معه....

شوق:من ذول الي معاك؟
عبدالعزيز:يعني الوالد يبي يحط لي بدوي قارد
شوق:ههههه زي الحاله الي عندنا بالبيت
عبدالعزيز:ما علينا منهم(مسك ايدها) مشتاق لك حيييل ومشتاق لايامنا باسبانيا
شوق:اسبانيا غير هناك نقدر نسوي الي نبيه قدام الناس او من وراهم هنا لازم ننحكر بالمطاعم ومن ورى البرتشنات
عبدالعزيز:ههههه صح عليك
شوق:ههههههه عبدالعزيز
عبدالعزيز:عيونه
شوق:توعدني وعد
عبدالعزيز:امري
شوق:مهما سمعت او شفت أي شي عني ما تتخلى عني ابد
عبدالعزيز:ليه صاير شي؟
شوق:لا بس مجرد كلام
عبدالعزيز:اجل اوعدك بروحي
شوق:تسلملي روحك

وقضوا السهره كلها مع بعض وشوق خايفه ليجي الوقت الي تدور فيه عبدالعزيز وما تلقاه....

*************************


في القصر....


كانت ا فهد جالسه مع ام ناصر في المجلس .....

ام فهد:اجل الف مبروك رغد
رغد:الله يبارك فيك
ام ناصر:لا والي خطبها اصل وفصل واخلاق وفلوس ومركز ويشتغل مه ابوه يعني ما فيه شي ناقص
ام فهد:ورديتوا عليهم؟
ام ناصر:والله امه من كم يوم صارت تدق على وتبي تستعجل بالموضوع مدرى شلي غيرها مع انها قبل ما كلفت على نفسها تدق تباركلي بس من كم يوم صارت مستانسه وكل يوم تدق تسالني
ام فهد:خير انشاء لله طيب وش اتفقتوا عليه؟
ام ناصر:احنا قلنا لهم اننا موافقين وقلنا بعد ما نرجع الشرقيه بيجون يخطبونها رسمي عشان تشوفه ويشوفها تصدقين تقول انسوى الخطوبه بسرعه يبون الملكه على طول
ام فهد:دام تقولين الولد زين وما عنده شي يعطله اجل ليه التعطيل تسوين خطوبه وبعدين ملكه وبعدين عرس سوى الخطوبه عائليه ويلبسون الدبل والملكه سوى فيها الي تبين
ام ناصر:تهقين اسوى كذا؟
ام فهد:ايه اسمعيها مني وانا اختك اسمعي كلام الحرمه خلينا نفرح
ام ناصر:خلاص بقول لابوها وبشوف شنو يناسبه

رغد كانت طايره من الفرحه لان اخيرا حلم من احلامها بيتحقق وبتاخذ تركي الشخص الي طول عمرها تحلم فيه ....

فهد كان يسمعهم شنو يقولون وفرح لما عرف ان رغد بتتزوج وبيفتك منها وبكذا يتفرغ لشوق تفرغ كامل ,الحين ياشوق خذي الي تستحقينه.....


***************************


مر هالاسبوع بسرعه ما توقعته شوق يمكن لان طول الاسبوع فهد ما تعرض لها بشي الا اول يوم وهالشي فرحها بس بعد خوفها ما تدرى شنو تحت راسه لان ساكت...

بس ما في شي مفرحها كثر طلعتها مع عبدالعزيز ورحاب بس بعد ودها ترجع عشان هديل وتباع مرضها...

رجعوا للشرقيه وبرجوعهم لها بتبدا مشاكل جديده او يمكن افراح جديده لاكن الكل يتوقع الاحسن....

****************************


شوق اول ما رجعت ارتاحت شوي بعدين راحت للمستشفى عشان تطمن على هديل....

شوق:ها مشاعل شلونها الحين؟
مشاعل:خلصت العلاج الكمائي قبل كم يوم والدكتور الحين بيعطيها فترة نقها قبل لا يرجع يكمل معها
شوق:طيب ما نقدر ندخل عليها؟
مشاعل:بالفتره هذي لازم بس شخص واحد كل يوم وطبعا بعد ما يكشفون عليه ويعقمونه شوفي امها شلون شكلها ما تقدر تلمسها لازم قفزات وهديل اول يوم بالعلاج قعدت تصيح طول الليل من الالم
شوق:اكيد مو متعوده عليه الله يسهل عليها
مشاعل:تدرين ما اتخيل نفسي مكانها كان....
شوق:لا مشاعل انا اعرفك مستحيل تموتين نفسك عشان تتخلصين من الالم
مشاعل(وهي تصيح):انتي ما شفتيها وهي طالعه من غرفة العمليات بس تون وتصيح من الالم انا بموت نفسي من الحزن عليها
شوق:مشاعل انتي فيك شي؟
مشاعل:شي مثل شنو؟
شوق:مدرى شكلك تعبانه ليه ما تروحين البيت ترتاحين؟
مشاعل:محد عندي هناك يهتم فيني
شوق:طيب صار شي بينك وبين راشد؟
مشاعل:لا
شوق:اكيد؟
مشاعل:ايه ما صار

شوق ما كانت عارفه توصف وضعها الحين صديقتها كل وحده بعالمها الخاص هديل الي المرض يعذب فيها كل يوم ومشاعل ما تدرى شنو يدور براسها استغربت كيف وصلت حالتهم لوضع مثل كذا وين كانوا وكيف صاروا....


*******************************



رجعت شوق للقصر الساعه 12 بعد يوم كامل تعب قضته بالمستشفى شافت نور الصاله الداخليه مشتغل استغربت من بيكون موجود بالوقت هذا ,دخلت الصاله ولقت امها وابوها قاعدين واشكلهم مضايقين....

شوق:مساء الخير
الكل:مساء النور
شوق(راحت وجلست جمب امها):ماما غريبه ليه قاعدين الين هالوقت؟
ام ناصر:والواحد شلون ينام بعد الي اسمعه
شوق:ليه شصاير بعد؟
ام ناصر:اخوك اخوك يبي يفضحني بين الناس
شوق(عرفت انه فاتحهم بموضوع رحاب):ليه شفيه؟
ام ناصر:حضرته جاي عندي ومستانس ويقول ما ابي اتزوج موظي وبيخطب رحاب بنت عمك
شوق:طيب
ابو ناصر:شنو طيب عمك ماجد اذا درى بيسوي سالفه وانا ماني فاضي لصراخه وانا وين اودي وجهي من الناس هو مفكر بنات عمه لعبه لو وحده غريبه كان مشيت السالفه بس هذي بنت عمك شنو يتوقع اوافق على الي يبيه
ام ناصر:ماعليك منه انا بكره بكلم ام موضي وبنتفق على الملكه وعشان ما يتهرب مني بخليه هو ورغد بيوم واحد
شوق:بس....
ام ناصر:انتي ولا كلمه اصلا رايك ما يهمنا سوا وافقتي ولا لا فخلك بره الموضوع احسن
شوق:تصبحون على خير

طلعت شوق لفوق وراحت لغرفة ناصر طقت الباب ودخلت عليه....

ناصر:هلا شوق اكيد تدريتي بالي صار
شوق(وهي تجلس على السرير):ايه قالت لي ماما
ناصر:وانتي وش رايك؟
شوق:انا على قولت ماما رايي ما يهم
ناصر(وهو يمسك راسه):والله يا شوق ما اعرف شنو اسوي
شوق:مافي الا حل واحد
ناصر:تكفين قوليه بسرعه؟
شوق:تدق على موضي وتقول لها السالفه وتنتظر ردة فعلها يا انها توافق وتقول ما ابيك وتروح تخطب رحاب او تقول لابوها على الحقيقه ويقوم هو يعصب ويعجل بالملكه
ناصر:يعني يبني اكون تحت رحمتها انا ما اقدر اتوقع ردة فعلها
شوق:هذا الحل الوحيد صحيح فيه مخاطره بس هو الوحيد
ناصر:والله ما ادرى اخاف تقلب السالفه ضدي
شوق:تشجع ودق عليها وقولها
ناصر:خليني افكر
شوق:اوكي فكر بس لا تطول يلا تصبح على خير
ناصر:وانتي من اهله

طلعت شوق من غرفة ناصر وهي تبتسم عارفه ان ناصر بيسوي الي قالته وبيدق على موضي.....

ناصر فكر بكلام شوق وشاف انه الحل الوحيد مسك الجوال وبتردد دق على موضي....

موضي:هلا حبيبي
ناصر:هلا موضي
موضي:كيفك؟
ناصر:بخير شخبارك انتي؟
موضي:بخير دام سمعت صوتك,(بدلع)ناصر ليه لما جيت الرياض ما شفتك الا مرتين وبعدين اختفيت؟
ناصر:شغل حياتي شغل,اقول موضي في موضوع ابي اتكلم معاك فيه
موضي:امر؟
ناصر:ما يامر عليك عدو انت طبعا ملاحظه عدم اهتمامي بالفتره الاخيره وتاجيلي للملكه
موضي(والدموع تتجع بعيونها):قول ناصر شعندك قول؟
ناصر:موضي انا قررت افصخ الخطبه
موضي:نعم بعد سنه كامله تجي تقولي بفصخ الخطبه؟
ناصر:موضي افهمني انا وياك ما نصلح لبعض انتي....(سكت)
موضي:قولها اني سطحيه وتافه وافكاري مثل الاطفال غبيه
ناصر:لا مو كذا قصدي بس احيانا عندي مواضيع احب اتناقش معاك فيها وانتي ....اقصد اني لقيت وحده ثانيه وعاجبتني وبخطبها
موضي:من العائله ولا بره؟
ناصر:من العائله
موضي(بحقد):مين هي؟
ناصر:رحاب
موضي(بعصبيه):تتركني انا عشان رحاب الخايسه
ناصر:موضي لو سمحت بدون سب ولا غلط على الناس
موضي:عموما الي ما يبيني انا ما ابيه
ناصر:يعني ما زعلتي؟
موضي:الا اكيد زعلت بس انا ما تعودت اخذ شي هو ما جاني بنفسه
ناصر:بتقولين لابوك؟
موضي:طبعا اصلا بابا ما يرفض لي طلب ولو قلت اني ما ابيك بروح عند ابوك ويفصخ الخطبه
ناصر:شكرا موضي
موضي:وانا ما راح اقولك عفوا بس لا تدق على رقمي مره ثانيه وعرسك ما راح احضره
ناصر(كتم ضحكته على اسلوبها):براحتك بس انا برسلك بطاقه دعوه
موضي:ارسلها وبشققها باي
ناصر:باي

سكر ناصر منها وهو يحس براحه واخيرا هم وانزاح من قلبه قرر بكره الصبح اول ما يفصخ ابو موضي الخطبه بيكلم ابوه عشان يخطب رحاب وما يظن ابوه بيرفض دام جت من عمه....


**************************



كان طلال جالس بالغرفه يفكر بكلام فهد معقوله يا طلال انت ممكن تاذي شوق مو انت تحبها وقلت انك ما راح تاذيها بس الا سوته فيك مو شويه انت تحبها وحافظ كل اسرارها وهي في الاخير تحب واحد غيرك وتخاف على مشاعره اكثر منك والله يا شوق ما ودي بالي يصير بس الي سويته فيني بالماضي ما اقدر انساه لك ولا انسى يوم ذلين نفسي لك وانت رفضتني بكل غرور اجل تستحقين الي بيجيك....


*****************************


مرت الايام و كان الكل في القصر عند شوق يتجهز لخطوبه رغد الي بتكون عائليه وبالنفس اليوم بتكون خطوبه رحاب من ناصر كانت الفرحه فرحتين بس فرحة شوق مو كامله لان صديقاتها ما راح يكنون معها وقلبها بيكون مع هديل بالمستشفى.....

كانت هديل قاعده مع مشاعل وشوق وام هديل بالغرفه لان هالفتره الدكتور سمح لها بالزيارات...

هديل(وهي تصيح):ماما...تعبانه حيل ماما تكفين ما ابي علاج
ام هديل(وقلبها يتقطع على بنتها):ما يصير حبيبتي لازم تكملين

هديل كانت بتتكلم بس ما قدرت حطت يدها على فمها لانها ترجع امها ركضت ومدت لها الصحن ورجعت هديل فيه مسحت لها امها فمها ورجعت تسندت على السرير....

مشاعل ما قدرت تتحمل شكل صديقتها وهي تعاني كذا طلعت بره الغرفه وهي تبكي ولحقتها شوق....

شوق:خلاص مشاعل هديل فيها الا مكفيها لا تزودين عليها
مشاعل:أي ازيد عليها هي كل يوم على هالحاله بس ترجع واذا وقفت ترجيع تصيح من الالم والدكتور يقول بتتشافى وهي كل يوم تذبل امها ليش ما توديها بره
شوق:ما ينفع الحين انتي شايفتها ما تقدر تتحرك عشان تسافر خليها على الله وانشاء لله بتتعالج
مشاعل:انشاء لله الله يسمع منك

كانت هديل حالتها تسوء عن اليوم الي قبله والتاثيرات للعلاج الكمائي صارت تبين عليها وشعرها بدء يتساقط الين ما صارت تحط غطا على شعرها....

هديل(بتعب):شفتي يا شوق تذكرين لما كنت اعيب على شعري واقول ما ابيه وهذا الله حرمني منه وكله راح
شوق:استغفري ربك وبعدين الدكتور قال هذا بس مدة قصيره وبيرجع شعرك مثل اول واحسن بعد
هديل:اول كنت ابي احس بحنان بابا الي انحرمنت منه والحين بحس فيه هو مرض بالسرطان وانا صرت مريضه مثله وبحس بكل لحظه عاشها بالام

شوق ما عرفت بشنو تجاوبها طالعت بمشاعل الي كانت بس تصيح وما تتكلم وامها حالتها تصعب على الكافر وشوق ضايعه تحس انها عاجزه انها تسوي أي شي....


***************************


مرت السابيع والكل يخلص اخر تجهيزاته للخطوبه,قامت شوق من الصبح وزارت هديل وقالت لها عن خطوبه اخوها واختها وباركت لها ام هديل وهديل طلعت منهم للمشغل تتجهز للخطوبه ....

في القاعه الي حجزوها حق الخطوبه كانت المناسبه عرس اقرب لها من خطوبه لانهم تكلفوا فيها مع ان ام البعض ما كان يبي يتكلف فيها عشان الملكه بس هم يبون يفرحون....

لما صار وقت الخطوبه كانت شوق طالعه وكانها عارضة ازياء بفستانها البيج وفيه الشك الاسود كان الكل يطالعها باعجاب وكل ام تتمنى تكون زوجه لولدها كانت تمشى بكل ثقه وغرور وعارفه الكل يحلم يكون مكانها دخلت عند اختها بالغرفه وكانت مع رحاب....

شوق:انتوا للحين ما خلصتوا؟
رحاب:شوق ووجع طالعه احلى مني
شوق:هههههه وانتي للحين خبله اعقلي انتي بتصيرين عروس
رحاب:توني مخطوبه اذا صارت الملكه ساعتها قولي عروس
شوق:ههههه والله انتي طالعه تهبلين بعد
رحاب:ييييو من زمان
شوق:مالت عليك رغد بصراحه عيني عليك بارده بتاكلين علينا الجو
رغد:تسلمين عيونك الحلوه

طلعت شوق منهم للقاعه وشافت بنات عمها وراحت سلمت عليهم بغرور لانها ما تحبهم ....

شوق:هاي
الكل:اهلين شوق
شوق:شرايكم بالخطوبه؟
اثير:يعني بس لو جايبين طقاقه ثانيه كان احسن
شوق:ههههه وحده ثانيه تدرين هذي كم دافعين لها
اثير:مايهم
شوق:مايهم ولا منصدمه تدرين لا يوقف قلبك
اثير:بسم الله على وليه يوقف قلبي؟
شوق:من السعر الكل يعرف انك بخيله
اثير:انا بخيله
شوق:وزطيه بعد
اثير:شوق احترمي نفسك
شوق:محترمتها من قبل لا اشوفك
اثير:انتي ما تستحين؟
شوق:اقول هذي الخطوبه خطوبة اخوي واختي فاحترمي نفسك ولا الباب يوسع جمل

البنات يطالعونها مصدومين واثير ما عرفت ترد قامت من الطاوله لعند امها وهي معصبه مشت شوق بكل غرور لانها سكتتها ....

جاء وقت الزفه وطلعت رحاب على اغنية (دلوعتي_راشد الماجد) اول اللمبات كلها مطفيه ونور خافت موجه عليها كانت طالعه جنان بفستانها الفوشي المخصر عليها وشعرها فاتحته ومسويه تسريحه خفيفه من فوق طالع حلو مع قصته الفروله ومكياجها الفوشي طالع خيال عليها ....

مشت بكل هدووء لين وصلت للكوشه وجلست عليها وهي ماسكه الورد الفوشي بيدها...

بعد فتره قصيره طلعت رغد على اغنية(احلى من القمر_راشد الفارس) ومع انها مشلوله الا ان الكل يعترف بجمالها في هذيك اللحظه بفستانها الازرق الفيروزي وشعرها حطته على الجنمب وكان كله مرول وفيه ورده على الجنب فيروزيه صغيره كانت من جد خيال بكل شي فيها مشتها امها بكل فخر وكانها تقول ان العجز مو عيب والي قال بنتي عمرها ما تتزوج هذيه تزوجت وواحد الكل يحلم يناسبه....

بعد ما وصلت للكوشه اشتغلت اللمبات وبدت الطقاقه تغنى والكل يرقص فرحان ....

بعد كذا دخل ناصر وتركي وكانوا كاشخين على الاخر والكل حسد رغد ورحاب عليهم وبعد كذا البسوا الدبل الي كانت مرره ذووق من افخم محلات المجوهرات .....

دق جوال شوق وكان طلال استغربت ليش داق طلعت بره في السيب لا ن القاعه ازعاج....

شوق:هلا طلال
طلال(يحاول يخفى ارتباكه):هلا شوق اسف علىى الازعاج
شوق:لا عادي بس فيه شي؟
طلال:والله بغيتك بشغله ضروري
شوق(استغربت):طيب بس.....
طلال:ادرى الحين خطوبه اختك واخوك بس في شي ضروري
شوق(بتفكير):طيب انت وين؟
طلال:انا بره عند القاعه
شوق:خلاص دقائق واجيك بس ما تطول السالفه
طلال:اكيد كلمتين بس
شوق:اوكي باي
طلال:باي

استغربت شوق طلبه بس كسر خاطرها مو كافيه الي سوته راحت خذت عباتها من الخدامه وتلثمت وطلعت ,وصلت عند الباب وافتحته طلعت في الشارع واستغربت لما لقت الشارع فاضي تقدمت يمكن يكون بسيارته افتحت اللثمه لانها مو متعوده عليها طالعت يمين ويسار وما شافت احد توها بتدق على طلال الا حست بايد تحط منديل على فمها وبعدها ما حست بشي....


*************************


*تتوقعون شنو بيسوى طلال فيها ؟
*وشنو بيصير مع هديل ؟
*ومشاعل في احد بيدري عنها وعن اكتئابها؟

اتمنى يعجبكم البارتاتت
ويلا ابي توقعاتكم

طلال راح ينتقم من شوق
هديل أممممممم ما أدري والله
مشاعل محد يدري عن الإكتئاب إلي عندها

بليز كملي