الله يسلمك
وهذا بارت ثاني بس انا انصدمت على بالي ما في احد موجوود
شكرا على تحمسك

<<<الجزء الواحد والعشرين <<<

اسبانيا_مدريد




الساعه 8 الصباح هديل كانت تحاول تقوم مشاعل الي مو راضيه تقوم...

مشاعل:اففف هديل ليش اقوم الحين؟
هديل:ابيك تدقين على راشد وتاخذين منه رقم زياد
مشاعل(باستغراب):رقم زياد مين زياد؟
هديل:زياد صديق راشد الي يشتغل بالمتحف
مشاعل:وليش تبينه؟
هديل:افف ياربي انتي دقي الحين على راشد وبعدين اقولك

خذت مشاعل الجوال ودقت على راشد...

راشد(باستغراب):مشاعل شفيك داقه الحين صاير شي؟
مشاعل:ليش ما يصير اشتقتلك

هديل قزت مشاعل...

مشاعل:أي زين خلاص
راشد:مشاعل شفيك ؟
مشاعل:ههه راشد عندك رقم زياد
راشد:وليش تبين رقمه؟
مشاعل:مو لي هديل تبيه
راشد:وهديل ليش تبيه؟
مشاعل:مدرى عنها قالت لي ادق عليك واخذ الرقم منك
راشد:اوكي لحظه اشوفه

سكرت مشاعل منه بعد ما خذت الرقم وعطته لهديل ورجعت نامت...

هديل دقت على زياد بعد تردد ووخوف...
زياد شاف رقم غريب رد عليه وهو مستغرب...

زياد:hello
هديل:زياد
زياد(عرف على طول صوتها لانه ما غاب عنه لحظه):هديل
هديل:ههههه شلون عرفتني؟
زياد(فز قلبه من ضحكتها):انتي مستحيل انسى صوتك
هديل(انحرجت منه):زياد كنت بكلمك عن موعدنا اليوم
زياد:ليه صار شي؟
هديل:اليوم بنروح بالتلفريك لاترا كيونيس
زياد):اها اجل بتروحون تلعبون
هديل:ايه سلطان يقول انها مدينه العاب
زياد(باحباط):اجل بناجل الموعد
هديل(بنفس الاحباط):والله انا كان ودي اشوفك(انتبهت لنفسها وانحرجت)اقصد كان ودي اوريك رسماتي بس ان شاء لله مره ثانيه
زياد(طار من الفرحه لما قالت انها ودها تشوفه):انتوا بتطولون باسبانيا
هديل:شهر ان شاء لله
زياد:كويس اكيد بقدر اشوفك دام شهر
هديل:يعني ما تقدر تجي معنا
زياد:ما اعتقد بس بحاول
هديل:اوكي ما ابي اطول عليك
زياد:انا....
هديل:انت ايش؟
زياد:لا سلامتك ولا شي لما اشوفك اقولك
هديل:اوكي اشوفك على خير مع السلامه
زياد:الله معاك باي

سكر زياد منها كان وده يقولها انا ابيك ما تسكرين ابي اسمع صوتك طول الوقت لكن تراجع على اخر لحظه وفكر بالفاجأه الي بيسويها لهديل وشلون بتكون ردة فعلها...

هديل سكرت منه وهي مستغربه من نفسها ليش قلت ودي اشوفك لو ما كنت افكر فيه كان ما قلت هالكلمه بس انا احب فيصل ومستحيل احب غيره بس ليش احس...لا يا هديل شيلي هالافكار من راسك ....


زياد شخص عادي بيمر في حياتك من دون ما يأثر فيها فيصل هو حبيبك وبس...


ياترى زياد بيأثر بحياة هديل ولا بيكون شخص عادي ...؟؟؟


بعد ما البنات قاموا طلعوا ملابس مريحه ومناسبه عشان يركبون فيها الالعاب....

مشاعل لبست بنطلون جينز فاتح وبلوزه ورديه فيها صوره لميكي ماوس كبيره من قدام طالعت فيها مثل الاطفال خصوصا انها حطت بشعرها جل وحركته وصار مره شكله حيوي ومنعش...

هديل لبست بنطلون جينز غامق وبلوزه سماويه فاتحه ولبست غطا خفيف ومناسب طلع شكلها مره رايق وهادئ...

شوق لبست بيرمودا جينز غامق وبلوزه بنفسجيه فيها نجوم من قدام بالسماوي والابيض تلمع جعدت شعرها وطلع شكلها مره كيوت....

طلعوا من الفندق لشارع the painter Rosales لانها نقطة انطلاق التلفريك,سلطان وهديل وشوق ركبوا مع بعض وراشد ومشاعل لوحدهم مع بعض...

في التلفريك عند مشاعل وراشد كانوا اثنينهم ساكتين راشد كان يشوف مشاعل سرحانه وتفكر بشي ثاني هو يدري ان فيها شي مو بس عشان سلطان شي ثاني مضايقها ولازم يعرفه,حط ايده على كتفها ينبها لوجوده..

مشاعل(حست بايد راشد ولفت عليه مبتسمه):.....
راشد(ابتسم لابتسامتها):ميشو بسالك سؤال
مشاعل:شنو؟
راشد(وهو يمسك ايدها):شنو الي مضايقك؟
مشاعل(وهي تلف وجها عنه):ما فيني شي
راشد(حط ايده على وجها عشان تواجه):مشاعل انا احبك

مشاعل طالعت فيه متفاجأه هي تدري انه يحبها بس عمره ما اعترف دايم شي يمنعه بس ليش هالمره قالها بكل سهوله...

راشد(عرف شنو تفكر فيه):انا ادرى اني عمري ما قلت لك اني احبك لاني كنت اعرف انك تحبيني او على الاقل معجبه فيني لكن لما حسيت اني بفقدك حسيت اني بفقد قلبي قلت لازم تعرفين اني احبك لازم تسمعينها مني انا...

مشاعل(حطت ايدها على فمه):خلاص كافي وانا بعد احبك بس ليش تقول انك بتفقدني؟
راشد:وسلطان؟
مشاعل(ارتبكت):سلطان
راشد:أي سلطان يعجبك ولا لا؟
مشاعل(ما عرفت بشنو ترد وظلت ساكته تحاول تبعد نظرها عنه):.....
راشد:طالعي فيني و قوليلي الحقيقه ما راح ازعل
مشاعل(حطت عيونها بعيونه وجمعت شجاعتها):ما راح اكذب عليك بالايام الي راحت اعجبت فيه بس ما حبيته مثلك تدري ليش يمكن لانه بيني وبينه اشياء كثيره مشتركه امي اجنبيه وامه بعد هو عاش كل حياته بره وانا بعد هو ماله علاقه باهله وانا بعد عشان كذا حسيت ان مرتبط فيني بناحيه معينه فهمت الحين
راشد(ابتسم لها وحط ايده على خدها):طيب وللحين معجبه فيه؟
مشاعل(حست انها تحبه من اول وجديد من لمسته):لا
راشد:اكيد
مشاعل(قربت منه وضمته باقوى ما عندها):اكيدين
راشد(ضحك على حركتها وهو بدوره ضمها ):ويلومني ليه احبك
مشاعل(ضحكت وبعدت عنه):هههههه من هذا الي يلومك؟
راشد:محد ,مشاعل توعديني بشي؟
مشاعل:امر عيونك لك
راشد:تسلم لي عيونك بس توعديني أي شي يصير لك تقوليه لي على طول اوكي
مشاعل:اوكي اوعدك وانت بعد
راشد:اكيد
وقف التلفريك لانهم وصلوا لحديقة كوستا أي ليلوبيرا كانت حديقه كبيره ومليانه بكل انواع النباتات..

لما نزلوا مشاعل وراشد كانوا الباقين نازلين قبل طول رحلتهم في الحديقه كانت مشاعل ماسكه ايد راشد عشان تحس بقربه منها تبي تحس بالحب وبالحنان الي هي فاقدته الكل شاف الحب المتبادل بعيونهم حتى سلطان لاحظ هالشي ولاحظ مشاعل الي كانت مطنشته طول الرحله ولا طالعت فيه حتى وكانها تبتعد عنه شوي شوي...



**********************



ايطاليا_روما



طلعت ام ناصر مع رغد بعد ما اكشخوا عشان يشوفون ابو ناصر راحوا لمطعم café de paris كان مطعم فرنسي ايطالي جلسوا هناك كانت القعده حلوه كلها سوالف وضحك خصوصا رغد كانت مشتاقه لابوها
من يوم الحادث تغير وما عاد يهتم فيهم مثل اول يمكن بسبب احساسه بالذنب انه السبب باللي صار لها
بعد الغداء قرروا يتمشون في ساحة بياتزا اسبانيا الي كانت ساحه كبيره بوسطها نافوره مزينه بالزهور والورد الملون ...

وصلوا عند النافوره وصوروا هناك مع بعض عشان تبقى هالذكره الحلوه ببالهم وصلوا عند النافوره الي يجتمعون عندها معظم السياح ابو ناصر وام ناصر راحوا ياخذون صوره عند الدرج الي في الساحه رغد جلست تستناهم عند النافوره كانت تطالعم وابتسامه حلوه على وجهها تشوف امها وابوها بعد مده واخيرا مع بعض وكانها تشوفهم لاول مره...

...........:تدرين انك تطلعين مثل الملاك لما تبتسمين

انتبهت رغد للصوت الي وراها والتفت وتفاجأت لما شافت تركي...

رغد:تركي
تركي(طار من الفرحه لانها تتذكر اسمه):زين تذكرين اسمي
رغد:انت كنت تلحقني؟
تركي:بصراحه ايه من طلعتي من بيتكم لحد هنا
رغد(باستغراب):انت شتبي فيني؟
تركي(قرب منها ونزل لمستوها على ركبه وحده):تدرين ان هالمكان صور فيه كاظم الساهر اغنية قولي احبك

رغد طالعت فيه باستغراب مو قادره تفهم ليش يلحقها وليش يقول لها كذا يا ترى يلعب علي ولا يمثل لان مستحيل يكون من جده مستحيل احد ممكن يعجب فيني انا واو حتى يحبني...

تركي(لاحظ سرحانها):ليش الحزن؟
رغد:أي حزن؟
تركي:الي اشوفه بعيونك
رغد(بعدت نظرها عنه للنافوره):انا مو حزينه
تركي:لو كنتي مو حزينه كنتي حطيتي عيونك بعيوني وقلتيها بكل شجاعه
رغد(طالعت فيه مستغربه مو قادره تفهمه بس بنفس الوقت ترتاح لما تشوفه):يعني الكرسي الا انا فيه مو سبب كافي يخليني حزينه
تركي(فز قلبه لنظراتها البرئيه والحزينه):ياليت لو اقدر اكون مكانك
رغد(متفاجأه من كلامه الي حتى اختها ما قالته):تركي انت ليش مهتم انا ما فيني شي زود والبنات قدامك كثير واحسن مني انا ما عندي شي اعطيك اياه اذا تبي شي مني مع اني ما اعتقد قوله على طول ماله داعي تسوي انك..
تركي:اني ايش؟
رغد:انك مهتم فيني او كاسره خاطرك لاني ما احب احد يشفق على
تركي:ومن قال اني اشفق عليك
رغد:اجل ليش تسوي كل هذا؟
تركي:تصدقين اني نفسي ما ادرى بس عندي سؤال ودي تجاوبيني عليه
رغد:شنو؟
تركي:ممكن اعرف اسمك؟
رغد(ابتسمت على سؤاله):اسمي رغد
تركي:ليه تبتسمين؟
رغد:ولا شي

انتبهت لامها وابوها الي خلصوا من التصوير ...

رغد:تركي ماما وبابا بيجون عندي روح ما ابيهم يشوفوني وانا اكلمك
تركي:اوكي بس تأكدي اني اشوفك طول الوقت

ابتسمت له رغد وهو رد لها الابتسامه واختفى عن عيونها بين الناس,جو امها وابوها و
يدفوها عشان يرجعون للفلا...

التفت رغد وراها ما تدرى ليش بس يمكن تقدر تلمح تركي وبالفعل شافته من بين الناس ياشر لها ويبتسم لفت وجها عنه وابتسمت على شكله ترتاح له وهذا كل الي تعرفه.....



*****************************



السعوديه_الرياض




ناصر:يعني خلاص بتسافرين وتخليني
رحاب:ناصر حبيبي لاتقول كذا ترى والله اهون وما اسافر
ناصر:ههههه لا خلاص روحي حياتي تروحين وترجعين بالسلامه
رحاب:الله يسلمك,ناصر امي تناديني شكلنا بنروح الحين
ناصر:انتبهي على نفسك واول ما توصلين كلميني اوكي
رحاب:اكيد من غير ما تقول يلا مع السلامه
ناصر:مع السلامه

سكرت رحاب منه وطلعت من البيت للمطار على طيارة سويسرا ...

ياترى بتتحق احلامهم بكل سهوله مثل ما يتمنون؟؟؟...


***********************



اسبانيا_مدريد




وصلوا لالعاب اتراكيونيس وهي تعتبر من اكبر واجمل مدينة العاب...
لعبوا تقريبا كل الالعاب ومشاعل وراشد كانوا مندمجين مره مع بعض وخصوصا في لعبة في الماي كانت تنزل وتطلع فجأه ومره نزلت بقوه طاحت فيها مشاعل على راشد من غير قصد ولأول مره تحس بالاحراج منه بزياده يمكن لانه اعترف لها بحبه...

بعد الالعاب اكلوا شوي وبعدين دخلوا لسينما أي ماكس الي كانت فريده من نوعها كانوا يلبسون فيها نظرات خاصه وتعتبر من اكبر شاشه بالعالم لهذا النوع من السينما...

بعد كل هاللعب والمشي محد فيهم حس بتعب لانهم كانوا مبسوطين من الرحله قرروا يقضون اليوم كله برى لانه اخر يوم لهم في مدريد وبعدها يروحون لبرشلونه فقرروا يروحون مجمع اكسنديو البنات انهبوا على المجمع لما ادخلوا لانه كان من اكبرمجمعات اوربا وفيه الكثير من محلات الماركات العالميه بنات ما يتعبون من السوق خخخ

بعد السوق وداهم سلطان لمنحدرات مغطيه بالجليد تعتبر الوحيده من نوعها في اسبانيا لانه بوسط المجمع
دخلوا عند المنحدرات الجليديه وكانت كبيره ومليانه سياح يتزلجون طبعا بعد مالبسوا لبس الخاص للثلج عشان يدفيهم...
البنات كانوا متعودين على الثلج لانهم دايم يسافرون برى ومتزلجين من قبل...

شوق:ههههه ميشو شوفي وجهك احمر من البرد
مشاعل:هههههه لا والله شوفي خشمك وخدودك حمررا
هديل:خلاص لاتزعلون كلنا وجهنا احمر

ظلوا البنات يتزلجون ويلعبون بالثلج...

راشد:ميشو تعالي بنصور
مشاعل:مين بيصورنا؟
راشد:هديل
هديل(وهي ماسكه الكميرا):يلا 123 شيز

وقف راشد ورى مشاعل واول ما قالت هديل شيز باسها على خدها مشاعل تفاجأت من حركته لانه ماقالها ...

هديل:هههههه الصوره طلعت جنان
راشد:هههههه اموت واشوف شكلك وانتي متفاجأه
مشاعل(وخدها احمر من البوسه):لا والله شوف خدي احمر(وهي تاشر على خدها)
راشد(قرصها من خدها):احلى خد احمر شفته بحياتي
مشاعل:هههههه

صورتهم هديل صوره ثانيه كان راشد شايل مشاعل على ظهره,هديل حست باحراج من صورتهم لانها مستحيل تسوي كذا مع فيصل لا وقدام الناس بعد بس مشاعل الوضع عندها easy وراشد تعود عليها وحبها وهي كذا وما يبيها تتغير...

شوق:هديل شرايك نتسابق؟
هديل:لا انتي تدرين انك راح تفوزين
شوق:لا خلاص بخسر نفسي
هديل:هههههههه لا والله
شوق:طيب تكفين ابي اتسابق مع احد
هديل:خلاص اوكي

وقفوا عند بدايه المنحدر وعدت هديل وبدوا يتسابقون في البدايه كانت هديل سابقه شوق بس بعدين شوق سبقتها ...

شوق(وهي تطالع وراها):اتحداك تسبقيني

ماحست شوق الا وهي تصقع باحد وتطيح على الارض ....

حست ان جسمها كله تكسر كأنها صقعت بجدار مو جسم رفعت راسها تشوف مين وشافت واحد عجز لسانها يوصف جماله لما حطت عيونها بعيونه حست قلبها يدق مثل الطبول ومع ان الجو بارد والثلج حولها الا انها تحس جسمها حار ....



صدفه ومن بين كل الناس علقني
من يوم شفته وعيني جت في عينه
حسيت شي بعيونه حيل يجذبني
ولما ابتسم بانت بوجهي تلوينه...

مد الرجال يده لشوق عشان يقومها مدت شوق بيد مرتجفه واول ما حست بلمسة ايده ارتجف جسمها وحست بشي عمرها ما حسته اتجاه أي واحد شافته بحياتها...

الرجال:سلامات عسى ما صارلك شي؟
شوق(بتوتر):ها..الله يسلمك لا جت سليمه

هديل راحت عند شوق لما شافتها طاحت...

هديل(بخوف):شوق صارلك شي؟

عبد العزيز اول ما عرف ان اسمها شوق طالعها وابتسم اسمها انطبع بعقله وبقلبه....

شوق(بارتباك):لا عادي بس طحت شوي
هديل:متاكده وجهك احمر
عبد العزيز:عموما لو صار شي او احتجتي شي انا اسمي عبد العزيز وتقدرين تسالين عني في الريسبشن....
شوق:شكرا

مشت شوق وهديل عن عبد العزيز الي ظل يطالعها وماشال عينه عنها لفت شوق عليه شافته يطالعها ويبتسم لها ابتسامه هزت كيانها ردت له ابتسامه احلى منها خلت قلبه يفز لها....

دخيل الحب من نظره دخيل عيونك الحلوين
ترى قبلك كثير وما خبرت اني توسلته
نعم جيت اعترفك والغلا في عيوني الثنتين
كثر ماشالتك عيني سويبك طاح ما شلته


قلبين وتعلقوا ببعض من اول نظره ياترى هذا الحب من اول نظره ....

شوق تحس نفسها ضايعه لما ابتعدت عنه مستغربه من نفسها ليش تحس بشعور غريب لما تشوف عيونه تحس انها محتاجه له وان هالشخص بيغير حياتها للابد....

عبد العزيز ظل واقف مكانه ماقدر يتحرك يحس انه صار اسير شوق الي مايعرف عنها شي غير اسمها بس كانت احلى صدفه بحياته انه صقع فيها وعاش لحظه حس انها دهر ...

راشد:عزوز انت هنا؟
عبد العزيز:هلا راشد
راشد:انت جاي مع مين؟
عبد العزيز:جاي مع عماد ومنصور
راشد:ميشو تعالي بعرفك على صديقي
مشاعل:هاي
عبد العزيز:انتي مشاعل راشد كلمنا عنك كثير
مشاعل:ليكون يحش؟
عبد العزيز:لا بالعكس دايم يمدح فيك
مشاعل:على بالي
راشد:هذا ياميشو عبد العزيز الي كلمتك عنه
مشاعل:انت ولد الوزير
عبد العزيز:ههههه الله يهديك ياراشد فضحتني عند الناس
راشد:احد يصير ولد وزير وما يبي احد يعرف
عبد العزيز:ههههههه

مشاعل شافت هديل تدور عليهم اشرت لها عشان تشوفها...

هديل:وينك ادور عليك
مشاعل:شوق وينها عنك؟

عبد العزيز اول ما سمع اسمها دق قلبه بسرعه....

هديل:ماتبي تلعب تقول انها تعبانه وبترتاح شوي
مشاعل:اوكي,راشد انا بروح معها اوكي
راشد:اوكي روحي

اول ما راحوا هديل ومشاعل...

عبد العزيز:راشد انا بروح اقعد شوي اوكي
راشد:طيب عماد ومنصور وينهم؟
عبد العزيز:هناك (اشر له عند مكانهم وراح لهم راشد)...

راح عبدالعزيز عند الكراسي ولقى شوق جالسه وسرحانه كان وده يعرف شنو تفكر فيه وما درى انه هو مالك تفكيرها...

عبد العزيز:يقولون انك تعبانه؟
شوق(دق قلبها لما سمعت صوته):لا عادي بس حبيت اقعد شوي

عبد العزيز يحس الجو متوتر مع انه شخص اجتماعي وحبوب الا انه ولأول مره مو عارف كيف يفتح موضوع او يقول كلمتين على بعضها...

عبد العزيز(وهو يجلس جمبها بس يفصله عنها كرسي واحد لاكن يحس انه بعيد عنها باميال):تدرين لما صقعتي فيني فكرت انك لابسه عدسات بس طلع لون عيونك كذا
شوق:دايم لما يشوفني احد لاول مره يقولي كذا

عبد العزيز حس الكلام الي قاله ماله داعي ,شنو فكرت انك لابسه عدسات بالله هذا كلام تقوله...
شوق متوتره اكثر منه لدرجه انها قامت تفرك يدها بتوتر ومو عارفه كيف تتكلم معها...

عبد العزيز(شافها وهي تفرك يدها):شكلك بردانه؟
شوق(انتبهت لنفسها):ها..اي شوي
عبد العزيز(بتردد):اذا تبين اعزمك نشرب قهوه عشان تدفين

شوق مو متعوده تطلع مع واحد ماتعرفه بس مو بيدها هالانسان يسيطر عليها وافقت بدون تردد...

راحوا لقهوه في المجمع طلبوا القهوه وجلسوا يشربونها بهدووء كل واحد فيهم ساكت ...
عبد العزيز الي مسيطره عليه شوق بنظره من عيونها وشوق الي اول مره بحياتها تحس بهالشعور الغريب ترتاح له وبنفس الوقت تخاف منه...

عبد العزيز:تدرين اول مره اقعد مع احد وما اعرف كيف افتح موضوع معه
شوق:وانا بعد
عبد العزيز:الشي المشترك بينا هو راشد انا اعرفه وانتي بعد تعرفينه,الي حاب اقوله اني...اقصد ودي..
شوق:قصدك تبي تتعرف على
عبد العزيز:بصراحه ايه بس خفت انك تزعلين
شوق:لا بالعكس...اقصد هذا شي ما يزعل,طيب انت تكلم عن نفسك
عبد العزيز:اوكي انا اسمي عبد العزيز العثمان حنا 4 ,,بنتين وولدين وحده من خواتي متزوجه اسمها بشاير والثانيه في الجامعه سنه ثانيه اسمها منار واخوي اخرالعنقود اسمه حمد وابوي يشتغل وزير

شوق تفاجأت لماعرفت ان ابوه وزير بس هو مبين عليه ولد عز من شكله ولبسه وحتى طريقه كلامه...

شوق:الله يخليكم لبعض
عبد العزيز:تسلمين,وانتي كلميني عن نفسك؟
شوق:انا اسمي شوق الهيماني حنا 3,,بنتين وولد اخوي ناصر اكبر واحد واختي اصغر مني اسمها رغد عمرها تقريبا 16سنه وابوي رجل اعمال بس
عبدالعزيز:انتي خلصتي الثانويه صح؟
شوق:أي هالسنه
عبدالعزيز:طيب شنو تبين تتخصيين؟
شوق(بتفكير):ممم والله مدرى مافي شي ببالي الحين
عبدالعزيز:طيب انتي كم نسبتك؟
شوق:هههه تبي تحرجني خلك من هالسؤال,انت شكلك بالجامعه صح؟
عبد العزيز(ياحلو ضحكتها):ايه انا اخر سنه
شوق:شنو تخصصك؟
عبدالعزيز:ادارة اعمال
شوق:تدرس في الشرقيه؟
عبدالعزيز:لا ادرس بره بس الحين معطل
شوق:حلو وشلون تعرفت على راشد؟
عبدالعزيز:ماتلاحظين اني اتكلم عن نفسي وانتي لا
شوق:هههه عادي انا اسالك وانت تجاوبني

وكملوا باقي الجلسه سوالف وضحك ويتكلمون عن مواضيع مختلفه وكل واحد فيهم يحمل شعور غريب عليه للثاني...


****************************



في التزلج كانت مشاعل وهديل يلعبون بالثلج ويرمون على بعض كانت مشاعل مندمجه باللعب ماحست الا بكرة ثلج كبيره تنرمي على وجهها ,هديل ماتت من الضحك عليها لان شكلها كان يضحك وهي متفاجأه...

مشاعل:هديل ووجع ليه ترمينها بوجهي؟
هديل:هههههه والله مو انا هذا راشد ههههه

لفت مشاعل وجهها ولقت راشد واقف يطالعها ويضحك على شكلها انقهرت منه اخذت كتله كبيره من الثلج ورمتها بوجه راشد الي قعد يلحقها وهو معصب...

راشد:مشاعل تعالي بسرعه هنا شلون تتجرأين وترمين على وجهي ثلج
مشاعل(وهي تركض بعيد عنه):ههههه مثل مانت تجرأت وريمتها هههههه

ركض راشد باسرع ما عنده ورمي الثلج على مشاعل وجا على خدها وقفت مشاعل لان الثلج كان مرره بارد وصار خدها احمرر...

مشاعل:اي يعور
راشد(قرب منها بس بعد شوي لان خايف ترمي عليه شي):شدعوه ترى كله ثلج مو صخر
مشاعل:لا والله شوف خدي احمر يعورني
راشد(كسرت خاطره لانها شكلها شوي وتصيح):حبيتي عورتك
مشاعل(وهي تمسح دموع التماسيح):ايه عورتني

راشد قرب منها وحط ايده على خدها يمسح عليها ماحس الا كرة ثلج جايه على وجه...
بعدت مشاعل عنه وهي تضحك ...

راشد:يعني ماعورك الثلج؟
مشاعل(وتنقز مستانسه انها ردت له الحركه):هههه على قولتك ثلج ما يعور
راشد:خبله انتي خبله شلون تسوين هالحركه
مشاعل:عشان مره ثانيه ماترمي على وجهي الثلج
راشد(وهو يركض لجهتها):طيب انا اوريك
مشاعل(وهي تركض):لا خلاص sorry ما اعيدها
راشد(وهو يمسكها من خصرها):هههه لا تضحكين على
مشاعل:هههههه لا والله هههه تكفى ما اعيدها والله ما اعيدها
راشد(وهو يهدها):طيب سماح هالمره خلك تعدينها مره ثانيه
مشاعل(وهي تعدل شعرها):ههههه ما اعيدها بايعه عمري انا

هديل كانت تطالع وتضحك تتمنى فيصل يكون موجود معها كانت بتعيش معه نفس هاللحظات ويمكن احلى...
طلعت من الثلج وشالت ملابس الثلج وجلست بالكافتريا تشرب لها قهوه...

كانت تقرا مجلة وتشرب القهوه بكل روقان...

...........:ممكن اجلس معك؟

لفت هديل لجهة الصوت وتفاجأت لما لقت زياد...

هديل(وهي توقف):زياد اهلين
زياد:تفضلي ليش واقفه؟
هديل(وهي تجلس):ماتوقعت بتجي؟
زياد:قلت اسويها لك مفاجأه
هديل(ببتسامه حلوه):مفاجأه حلوه
زياد:زين فكرت انك ببتضايقين
هديل:بالعكس انا ابي اوريك رسماتي من حسن حظك اني جايبه معي دفتر وفيه شوية رسمات
زياد(زهو ياخذ الدفتر):حلو

فتح زياد الدفتر وجلس يتفرج على الرسومات وهديل متوتره ودها تعرف شنو رايه شكله جامد مو باين اذا عجبته الرسمات ولا لا....

بعد ما سكر الدفتر طالع هديل بكل برود...

هديل(بتوتر):ها عجبتك؟
زياد:بصراحه
هديل(واعصابها تلفت):ايه
زياد(ضحك فجاه):ههههه بصراحه يبيلك صوره على شكلك وانتي خايفه
هديل:لا والله زياد انا من جدي اتكلم وانت تمزح
زياد:طيب خلاص بقول راي
هديل(وهي تتنهد):قول
زياد:بصراحه رسمك روعه
هديل:لا شكلك تمزح زي مساع
زياد:ههههه لا اتكلم من جدي وبعدين اصابعك الحلوه هذي شلون ماترسم شي حلو
هديل(انحرجت من كلامه وظلت تلعب بطرف الغطا عشان ما تطالع فيه.)..

زياد:انا اسف اذا احرجتك بكلامي
هديل:لا...عادي بس
زياد:بس ايش؟
هديل:بصراحه زياد انا....
زياد:انتي ايش؟
هديل(كانت بتقوله عن فيصل بس ما تدرى ليه تراجعت على اخر لحظه):لا بس شرايك نقوم مكان ثاني احس اني مخنوقه هنا
زياد:اوكي براحتك

راحوا هديل وزياد يتمشون في المجمع كل واحد مشغول بفكره هديل تحس انها تخون فيصل بالي تسويه بس بالوقت نفسه مو قادره تمنع نفسها من هالاحساس...
وزياد مشغول بفرحته بهديل يحس ان وهو معاها يملك الدنيا وما فيها يحس ان كل الناس يحسدونه لان هديل معه كانت تمشى جمبه بكل هدووء ورقه وكانها ملاك يمشي على الارض...



****************************


ايطاليا_روما



رجعت رغد للبيت وهي مستانسه تحس اليوم غير بعد ما شافت تركي هي ما تدرى ليه يسوي كذا معها وليش مهتم فيها بس كل الي تعرفه انها مرتاحه له وتحس انه الشخص الوحيد الي يقدر يسمعها ويفهمها...

سمعت صوت جوالها يدق شافت رقم غريب بس الرقم من ايطالي ردت عليه بتردد...

رغد:yes
تركي:انشاء لله انبسطتي بالطلعه؟
رغد:تركي؟
تركي:شرايك بهالمفاجأه
رغد:من وين جبت رقمي؟
تركي:قلبي دلني عليه
رغد(استحت من كلامه بس طنشت):احلف زين
تركي:ههههه مو مصدقه
رغد:مو مشكله امشي السالفه بس ليش داق؟
تركي:ممكن رغد ادق عليك كل يوم
رغد:ليه؟
تركي:ابي اعرف كل شي عنك ابس اعرف متى تصحين ومتى تنامين وشنو تحبين وشنو تكرهين
رغد:ههههه الله كل هذا
تركي:حتى ضحكتك حلوه قوليلي شنو الي مو حلو فيك؟
رغد:تركي بس عاد انا.....
تركي:انتي ايش ماتبيني اتكلم؟
رغد:انت فاهم انا شنو قصدي
تركي:لا مو فاهم
رغد:تركي
تركي:عيونه
رغد:ترا اذا ماتكلمت عدل بسكر
تركي:هههههه خلاص بقول الي تبين بس لا تسكرين

ظلوا تركي ورغد يتكلمون لساعات من غير ما يحسون بالوقت تركي اول مره بحياته يكون صادق مع بنت ويفتح لها قلبه ...

ورغد الي من بعد فهد لاول مره تحس انها مرتاحه لاحد وما تبي ترجع للسعوديه عشان هالحلم الجميل ما ينتهي بس بعد خايفه لانها مو متاكده من تركي شيبي منها....



**************************



اسبانيا_مدريد




رجعوا من المجمع للفندق بعد يوم طوويل قضوه بره وكل واحد شايل بقلبه شعور بالحب او بالاعجاب او بشعور غريب لاول مره يحس فيه...

في الغرفه عند البنات كانوا منسدحين على السرير بس على الرغم من هالتعب محد فيه النوم...

مشاعل(وهي تطالع شوق):شوق شفيك تطالعين السقف وتبتسمين؟
شوق(تنهدت):مدرى احس بشي غريب
مشاعل:شي مثل شنو؟
شوق:ميشو لو قلت لك اني احب بتصدقيني
مشاعل(قامت من السرير ونطت على شرير شوق):نعم؟؟
شوق:ههههه شفيك
مشاعل:انتي تتكلمين من جدك؟
شوق:مع اني شفته اليوم بس ليش حاسه اني احبه ليش؟
مشاعل:تقصدين عبدالعزيز
شوق:ايه ياحلوه وحلو اسمه
مشاعل:هو حلو ايه بس اسمه عادي
شوق:نعم لا حبيبتي هو كل شي فيه حلو
مشاعل:وانت معقوله حبيته وانت الي دايم تكرهين الحب وتقولين ان مافي شي اسمه حب بالدنيا
شوق:مدرى يا ميشو من اول ما شفته حست قلبي يدق وجسمي حار ومرتبكه لاول مره بحياتي انا عمري ما انجذبت لشخص مثله حتى طلال الي ساعدني ارتاح له بس ما حبيته مثل عبدالعزيز تعرفين لما اطالع فيه احس اني اشوف نفسي بعيونه بس بموت من الفرحه لو دريت انه يبادلني نفس الشعور
مشاعل:لهدرجه معجبه فيه؟
شوق:لا مو اعجاب هذا حب
مشاعل:شلون تحبينه وانتي ما تعرفينه؟
شوق:لما قعدت وتكلمت معه حسيت اني اعرفه من زمان
مشاعل:اقول انتي اكيد مريضه اجل شوق تقول هالكلام سمي بالله ونامي وبتقومين بكره ناسيه كل شي

راحت مشاعل عن شوق الي كانت تتكلم بطريقة رومنسيه لاول مره بحياتها طنشت كلام مشاعل لانها معذوره اذا هي نفسها مو مصدقه الي تحس فيه شلون مشاعل....


سواها قلبي ياحبيبي وحبك ما طاعني وانا عن الحب ناهيه
الظاهر انه مايبي غير قربك عاف الجميع واول الناس راعيه
عليه لا وصيك لا صار جمبك صبح عليه بحب وبحب مسيه
نبضه وفاه وبتضحياته يعجبك صافي ولاكن مالقى من يصافيه

سواها قلبي.....

خل دروب الكل واختار دربك
داريه تكفي قد مافيك داريه
وابشر بقلب مايبي غير قربك
يموت وغير محبتك ماسكن فيه

عليه لا وصيك لا صار جمبك
صبح عليه بحب وبحب مسيه
نبضه وفاه وبتضحياته يعجبك
صافي ولاكن مالقى من يصافيه

سواها قلبي.....



**************************


ابتدت قصة حب جديده بقصتنا ياترا بتكون سعيده مثل ما بدت ولا بتكون نهايتها حزينه وهديل هل بدت تحب زياد ولا حب فيصل ثابت بقلبها ما يهزه شي ومشاعل بتكمل سعيده مع راشد ولا اعجاب سلطان بيرجع يشدها من جديد وتركي شنو يبي من رغد هل بيحبها من جده ولا في شي ثاني بباله؟؟؟؟

وهذي البارتات وانا ابي توقعاتكم وردووودكم؟...؟؟
وشكرا

أنا راح اقولك
مشاعل يمكن ما تكمل مع راشد

وهديل ما أدري تحس بالذنب
وشوق راح تبدا قصة جديدة لها

ورغد كمان قصة جديدة

ويسلمو يا قلبي على البارتات


وإدعوا لي عندي إختبارات

الله يووفقك
ومشكوووره على التوقعات
ورح انززل لكم بارت في اقررب وقت..,,

اووكي رح احاول انزل ان شاء لله في اقررب وقت اسعدني مروورك..,,

شكرا على التعب ,,,, فدييتج

يسلمووو