رد: ديوان الشاعر عبدالمغني معيض العيلي

الاكاريم
الله يكثر. خيركم يالاكاريم
ويعزكم ويضلكم في ظلاله
انتم كرمكم مثل وبل المراديم
لا لاحت ابروقه ونصب خياله
تعطون وتمدون عاده وتكريم
يوم البخيل ايموت ماسك رياله
خبل وبخيل ومايسد اللوازيم
اجتمعت الثنتين بخل وخباله
وان سمع عشوه عن طريق المعازيم
تلقاه فالمجلس وعشره عياله
لو هو بكيفي كان عممت تعميم
عليه وعل اللي سواته حثاله
وحملتهم ثم قلت هذي تقاسيم
عل السجن والعود يسجن لحاله
اللي مايجلا عن ولد عمه الضيم
ويش احد يبغا منه يوم السهاله
جوي مع اللي مثلهم فيه تعتيم
ويصفي مع اصحاب الوفا والجماله
ونا هواي الابل والشعر والغيم
ولكل منهم. مستعد. أعناله
يطرب سموعي بالشعر شاعر اسليم
مرزوق بن غازي وريث الجزاله
وغيره من اللي تحكم الشعر تحكيم
اللي لهم فالشعر بصمة وكاله
اقولها ونا علي الملازيم
مرهي عل الثنيتن شعر ورجاله

رد: ديوان الشاعر عبدالمغني معيض العيلي

البارحه. ماذاقت النوم عيني
ماكني الا واحد امن المساجين
من عقب ماكان الكرا يهتنيني
فالديره اللي جوها ماهو ابشين
واليوم. فالدمام ابيح كنيني
تسعه احدعش في عام سبع وثلاثين
مدينةً. فيها تزايد حنيني
والاسبوع فيها كنه الا سبوعين
وقلبي من الفرقا عليل وحزيني
تطعني. الفرقا كما طعن سكين
عل الرفيق اللي قريب ويليني
تغيرت. خوته من بعد عامين
ماكنت اعده غير اخوي وعويني
وقول ماغيره خوي يقضي الدين
واليوم. صار يحدني مايبيني
ويصد عني مره ايسار ويمين
ونا الملامه والعتب مااا تجيني
لاني معه زيزوم فالعسر واللين
يشهد. علي الله ماتبخل يديني
ماني براعي قولة اصبر وبعدين
وجدي عل وقتً مضى من سنيني
يومً كنا نقسم الزاد قسمين
يامن يصله بس بينه وبيني
ويعلم وش شرهتي بيننا بين
ناسي مواقيفي ومدة يميني
هذا عباره خلها بين قوسين
ان كان يتعذر ويبغا يجيني
ماله يكود الطيب والخاطر الزين
وان كان مقفي قله لا يحتريني
اموت. ونا مااااتبعت المقفين

رد: ديوان الشاعر عبدالمغني معيض العيلي

ياحياة الشقا منك تريني امغبوون
كل مامر يوم اقول بكره تزين
شبت واللي ابيه ايكون عيا يكون
ماصفالي زماني مير يالله تعين
السهر له علامة في سواد العيون
ودي اخفيه لكن غصب عني يبين
اسهر الليل كله بين هم وحزون
كل من شافني قال انت وشبك حزين
الفقر والشقا والناس مايعلمون
اجبرتني على بعض الحكي والونين
الطموح البعيده. والامل والضنون
بامر ربي تحقق مع مرور السنين
بس يحتاج صبر وكل. شيً يهون
والفقر ماهو حاديني عن الطيبين
دام وجهي طليق. وماعليه ديون
والله ماهمي الدنيا تزين او تشين

رد: ديوان الشاعر عبدالمغني معيض العيلي

شعر الغزل وصلت به حد الاقناع
سطرت فيه من الدرر ماكفاني
طفته وخضته خوض في كل الانواع
احدً عطاني وجه وحدً نساني
واليوم مالي في بواقيه مطماع
تايب وعايف والله اللي هداني
ياقلب توب وجوز عن بعض الاطباع
كم لي ونا انصح فيك ونت اتعصاني
بارو بك الاحباب ومسيت مرتاع
مابين هم وغم دايم تعاااني
البارحه هبت علي ريح ذعذاع
خلتني اسري الليل وسرج حصاني
سقت الركايب لين نور الفجر شاع
متذكرً وش مامضى من زماني
حسبي عل من كان فالحب خداع
اللي عل بعض المواقف حداني
غروً خذا فالجوف سجه ومرباع
قضيت عمري معه والعمر فاني
وقفا وزوله ثابتً بين الاضلاع
ماعاد ينفعني الامل والتماني
رجال ماني للمقفين تباع
الله يعوض قلبي ابحب ثاني
ما للحزن داعي ولا للبكا داع
وشلووون ببكي واحدً مابكاني

رد: ديوان الشاعر عبدالمغني معيض العيلي

الرميه اللي جات من غير رامي
رميت عطب ولا مجرد رخاااامه
زلة ردا منها تكدر منامي
يوم ان قايلها. غطس في منامه
عزالله اني. مانزلت. ابكلامي
عن مستوى الرديان مرفوع هااامه
لين ابحثو سدي وزاد اتهامي
سليت سيفي وعتصبت العمامه
متوكل بالله. والخير. امامي
ولا. عل بعض التعجل. ندامه
ي ولد عمي لا تجاهل مقامي
ونا. من اللي يحتمون الجهامه
انا حزامك ونت اعدك حزامي
خذني معك مثل الفشق في حزامه
وقت المواقف ماتراعد عضامي
يومً ان غيري ماتشيله عظامه
وان عودت للشعر بالشعر سامي
شعرً يخلد لين. يوم القيااااامه
وقبل العتاب وقبل ذكر الاسامي
اللي سواتي لا تجاهل مقااااامه
الاوله برقً. لمع فالغمامي
والثانيه عدت بستر وسلامه
والثالثه يحلقك منها ملامي
لن كنت تعرف ويش معنى الملامه

رد: ديوان الشاعر عبدالمغني معيض العيلي

عزالله ان شعر النبط جاه اصابه
وصبح هوايه كل فاشل ومعثور
يامبتلش فالشعر ماهي طلابه
لكن خل الشعر لاهله ومشكور
والشاعر اللي يحسبنا نهابه
مايدري انه فالمنصات ديكور
وقسم بربي م حسبنا حسابه
لن كان ماتبين ولن كان مغمور
واللي يحسب الشعر سب وحرابه
قولوله ان الشعر له عدت امور
وفكر واعي ماهو مجرد كتابه
وليا كتب يكتب من احساس وشعور
كلاً عل قده يفصل ثيابه
ولا على الوافي مشاريه وقصور
اشرهه على اللي معه ناس وعصابه
ايطبلوله كل ماوصله الدووور
واللي شهد لك ويش حضرت جنابه
شهاد زور وفشله شاهد الزور
عداه من فوق السما والسحابه
ثم جاك متغطرس وهايم ومغرور
ماله مع اهل الشعر شعر ومهابه
وماله مع الشعار وزعه وجمهور
ان غاب ماواحد دري عن غيابه
وليا حضر فالحفل ي شينه احضور
ونا عل جنبي. قبيله ولابه
ولي عندهم حشمه وقيمه ومقدور
ومتاثرا في هل الشعر والذرابه
اللي لهم فالشعر بصمه ودستور
مثل الزلامي ماخلق له مشابه
دكتور فالقلطه وفالنظم دكتور

رد: ديوان الشاعر عبدالمغني معيض العيلي

ياصاحبي ماني اموقف عل بابك
لو ضاقت الارض من شتا نواحيها
ماني امترجيك ولا حاسب احسابك
اشكالك. اكثير ماني بمترجيها
والحض بيجيبهم مثلي الذي جابك
يجيب. مثلك ميه لو مانخاويها
والشرهه علي يومً اني اتعزوابك
وقول رجال ياخذها ويعطيها
وثرك عل قولهم ماتحمي اشنابك
تحفل وتكفل ولكنه ماتحميها
في تالي الوقت يابن الناس وش صابك
صابتك دعوه عسى مابوك داعيها
اتحط عدوانك. اهل النمه احبابك
واحبابك اللي يحبونك. تعاديها
وتقدر اللي بعيد. وتكره. اقرابك
وتقول انا قدها. ونته ماتوفيها
واليوم تجحدني ونا خيرة اصحابك
ولي مواقف معك. منته بناسيها
لاحي ابو طبعك ولا طبع من جابك
ولا حي ابو عشرةً هذي تواليها

رد: ديوان الشاعر عبدالمغني معيض العيلي

الشعر لو هو صعب نقضه وفتله
يسهل على اللي صان بيته ومعناه
اليا قصد جزل البيوت اخضعت له
تخضع مثل مايخضع العبد لله
اليا حضر كل الحضور اوقفت له
تقدير وعجاب ووجوب ومباهاه
ولا ضعيف البيت ماتلفت له
ادنات ماضحكه ودنات مابكاه
دفه عن اوجيه النشاما وتله
اللي يفشل من دعاه وتنصاه
حتى ولو ان السنين امهلت له
وعطاه ربي من عطاياه وغناه
ماقدر اوجيه العرب يوم جت له
ولا يقبل الاعذار والوجه والجاه
ردي عرف يحل ذبحه وقتله
الله يلعن من يسوي سوياه

رد: ديوان الشاعر عبدالمغني معيض العيلي

عطوني القلم والحبر بكتب عل القرطاس
بيوتً لها مبني ومعنى وقافيه
انا احب مير الحب كله تعب وتعاس
ولا فيه لا رحمه ولا فيه ماويه
تنام الخلايق ولا انا ماهنيت انعاس
ماغير احترق كني عل جمرةً حيه
سبايب وليفً حرك الشعر والهوجاس
وقمت اتنقا له من الشعر منقيه
الا يالطيف الروح يامرهف الاحساس
دخيلك تعاملني برفق ومحنيه
وانا اللي عشقتك وهتويتك بدون اقياس
وخطيت له فالقلب حاله خصوصيه
وانا اللي مريض اولا لقيت الدو ياناس
سوا في يدينه لا تلاقت مع ايديه
صحيح الحلا مثل الحيا يجذب العساس
وزينك جذبني ومتلكني بما فيه
اصمل على وصلك ودوس اللي ماينداس
لكن اتردد بعد مابيت النيه
اشوف العرب قدام عيني كما الحراس
وهي فالحقيقه كذب وفلام وهميه
وياويلي حالي كل ماذعذع النسناس
علي خاطري لا هبت النود عصريه
يجيني البلا والهم والغم والوسواس
وتكثر طواريه وتكثر بلاويه
وانا م قهرني ي حلو غير هرج الناس
ياثر علي ويلحق الكيه الكيه

رد: ديوان الشاعر عبدالمغني معيض العيلي

ليلة البارحه يوم اكثر الناس داله
والله اني سهير ولاهنيت الرقادي
اتوجد على اللي ماتهيا وصاااله
كل ماجيت بعناله حدتني حوادي
اتحداني ضروف الوقت في كل حاله
واتحداني العوايد والشيم والمبادي
وان كتبت الرساله ماتجيه الرسااله
وان تمنيت شوفه ماتحقق مرادي
طي قلبي عل شوفته طي المحاله
والله انه هوى بالي وشربي وزادي
يشهد الله عليه كل ماجاء مجاله
اتنهت وجر الصوت وزهم ونادي
لي محبين واجد بس هذا لحاله
واحدً دونه اطامر وغامر وافادي