رد: ديوان الشاعر عبدالمغني معيض العيلي

اه من قلب ً من الحب شرق واغترب
له ثلاث اشهور فالهم غارق ماصحى
سبت المملوح زين الطبايع والادب
الوليف اللي عن الدار سافر وانتحا
كل ماحاولت اقربك مني ياعجب
دار بي وقتي عل البعد دورات الرحا
ونت يالمحبوب عليك شرهات وعتب
قصتك فيه مثل قصة السيد جحا
ماعرفتك زين للحين تبعد واتقرب
اوعدك فالليل ولقاك في شمس الضحى
مادريت انك مسجل في قلبي من ذهب
لو محيت اغلا المواليف حبك ممحا
لكن ارفق بي وقرب وعجل واحتسب
كان في قلبك موده وفي وجهك سحا
ووعدك باني لا قربك عن باقي العرب
وعد في سد الشوارب وفي سد اللحا

رد: ديوان الشاعر عبدالمغني معيض العيلي

شهرين غايب عمد ماكنك اتمون
اشغلت. تفكيري وسيرتك سيره
لو قلت لي مشغول عادي ومضمون
كان امدي ابن امعيض ريح ضميره
لكن تواعدني وصدقك وتخون
هذي. يبن الاجواد غلطه كبيره
واليوم جمعه والخلايق يصلون
اليوم. هذا شوف لك يوم غيره

رد: ديوان الشاعر عبدالمغني معيض العيلي

لا الآه الا الله اللي كلنا حنا عبيده
العظيم القادر اللي ماتخيب ابه الرجاوي
الامر والكون بيده والحيا والموت بيده
استجيره واستعيذه من صواديف البلاوي
من بعدها والله أني شاعر ً والشعر اجيده
ورث مدري موهبه بس الوكاد أني حماوي
أنحت الأبيات فالأزمات فريدة فريده
دون ربعي وبلدي متحيزم وعمري فداوي
لي ثلاث ايّام ونا من قصيده في قصيده
ناويً لي علم قادم والله اعلم ويش ناوي
ي هواجيسي عل هونك ترا الطرقه مديده
لين اقند دلتي وارد عَل العد الرهاوي
وودي ابفكره بكر وبقافيه قفر وجديده
وودي ابشعرً يجملني مثل شعر الخلاوي
لو شعار النبط ماعاد خلولي شريده
الرموز اللي قصائدها رواها كل راوي
ولا شعار التميلح والتفاكير البليده
ماله عندي قبول ونجمها طايحً وهاوي
القصيد الجزل مثل الصيد ماكلً يصيده
والقنص وهل القنص ياكثرهم سارح وضاوي
احد مقرود حض ولا يجيب الا الزهيده
واحد مرهي عَل الجزله وللجزلات حاوي
ونا لا مني نويت اصنع من افكاري نشيده
أنتقي جزل البيوت المبهمة واجرح وداوي
هاجسي فالشعر متمكن ولا ينقص رصيده
مستمر وفوح شعره ريح مسك ورايح جااااااوي
نعنبو شعرً مايبدي فالمواقيف الشديده
ونعنبو راسً مايقدم فالحروب وفالعزاوي
أتقدم وتعزم واحتزم والدرب سيده
لين أوصلها على الاطلال من فوق الهقاوي
ي وطنا ي وطنا من تحدانا نبيده
نصفق العدوان بالعدوان مانرحم وناوي
انت دار المسلمين اللي يصونون العقيدة
ونت منبع للتقاه ومهبط الوحي السماوي
فيك بيت الله وفيك العز والأنفس سعيده
والأمن سايد ومتعة كل وبال وشواوي
تحت حكم أهل الحكم والمجد والاريا السديده
عزوة الي سعود ولا الي اسعود مزباان الجلاوي
حكمهم بالعدل والانصاف والكايد تكيده
الغريب يعيش آمن والفقير اصبح غناوي
سيدي سلمان فالوقفات زيزوم ووليده
راعي السطوات زبن الجاليه خيث السناوي
حنا شعبك يامليك الحزم والنظرة بعيده
نعتزي ونقوم بالواجب ونردع كل غاوي
مثل فرسان الحدود أهل المواقيف الحميده
الرماه اللي تسدد فالقلوب وفالكلاوي
من سلم مرفوع راس ومن غدا روحه شهيده
والعلم مرفوع والحوثي مايبغاله نخاوي
التحرر جايهم من باب صنعا للحديده
بأمر رب العالمين وبالفعل ماهو حكاوي
الملك عبدالعزيز العود ومحمد حفيده
راح ذئب وجاء حفيده من عَل الضلعان عاوي
من يوقف في نحاه أنزلزله ملعووون سيده
ماينوش ولا يهووش ولا يحوش ولايقاوي
انشروها فالإذاعه واكتبوها فالجررريده
كلنا دون الوطن نقدم ونردع كل غاوي
تسعه وعشرين بيت وكل بيتً عن قصيده
هذا انا من دون ربعي وبلدي شاعر حمااوي

رد: ديوان الشاعر عبدالمغني معيض العيلي

ياصاحبي ليه انت قاسي وأناني
تراي ماتشفق ونفسي شفيقه
الله على وقتً مضى من زماني
يوم المواصل بيننا بالدقيقة
واليوم لي عام المفارق طواني
والنار شبت في خفوقي حريقه
على الذي بالوصل شُح وجفاني
والبعد دونه والله اني ماطيقه
هو غايتي وهوايتي والأماني
وهو حلمي اللي ماقويت اتحقيقه
عّن حب غيره فالخلايق كفاني
مخلوق ماهو مثل كل الخليقه
عليه تحسدني البشر واتحداني
وعليه ياتيني من الصدر ضيقه
والله احبك حب يامودماني
حبً مثل حب الشقيق الشقيقه
ياصاحبي والوقت بعدك وطاني
باالله شف لي حل ولا طريقه
قربك مناي ورغبتي ومتناني
وصدك مماتي لا بغيت الحقيقه
ارجع ترا صاحبك قاعد يعاني
امن البعد ومن الجفا جف ريقه

رد: ديوان الشاعر عبدالمغني معيض العيلي

هيه ياصحابي وربعي مدلهة الضيوف
يأهل التكميل والدله وفنجالها
انا شاعركم ومقدامكم وقت الضروف
والله اني لا حذف ابغترتي وعقالها
مير لاحقني من العشق رجه ومحذوف
مثل حذف الدلو من جالها لا جالها
يعني لو شفتوني اركض من الفرقا وطوف
اسمحو لي حالتي ياعرب يرثالها
الهنوف اللي اعسفتني وخلتني امعسوف
مثل عسف البدو يوم انتعسف إجمالها
أذكرت لي وعرضت لي وانا بين الصفوف
بين لعب وشيلة المحفل وموالها
العرب تلعب وتطرب على لعب السيوف
وانا أفكر في مواعيدها ووصالها
اذبحتني بالبعد لين خلتني عيوف
عايفً منها ومن شوفها وإقبالها

رد: ديوان الشاعر عبدالمغني معيض العيلي

الساعه اللي فرقت روح عن روح
ساعة غضب فيها من الجن شيطان
يابنت تكفين ارجعي قبل ماروح
وقبل الدموع اتهل من سود الأعيان
قلبي من اللي صار مبري ومجروح
يدعيك من جوف المعاليق ولهان
يابنت ابي قولة معافا ومسموح
روفي بطرفً يصبح الصبح سهران
انا بدونك مالي امال وطموح
ونا بدونك دايم الدوم حزنان
ماعاد. لي في باقي الناس مصلوح
وماعاد لي في صفحة الحب عنوان
قولو لها ترجع ولا تطري البوح
واللي تبي حاضر ولو كان ماكان
وان كان عييت ترجع الباب مفتوح
ياكم فقدنا من حبايب وخلان

رد: ديوان الشاعر عبدالمغني معيض العيلي

يالله وانا لك عبد مخلوق من طين
اطلب رضاك ورحمتك والشهاده
انت الكريم امبدل العسر باللين
ونت العظيم وتستحق العباده
أطلبك عونك ونت ماغيرك امعين
اتعين. قلبً ماتحقق مراده
قلبً. من الأيام ذاق الامرين
حتى. نفذ صبره وكل اجتهاده
انا مفارق راحتي من نهارين
حدتني اضروف الزمن والنكاده
اني أتردا غصب وتحمل الدين
ولا الردا ماهو لشرواي عاده

رد: ديوان الشاعر عبدالمغني معيض العيلي

ان كان ماجيت هاجوس الشعر جاني
علاقةً دايمه مازال مبناها
واليوم قبل ازهمه حظر وناداني
جاب القصيده وزينها وسواها
قصيدةً طالعه من دم شرياني
يسوقها القلب مما شاف لأقصاها
ارسلتها للرفيق ولا تحاشاني
ماجد وماجد يفسرها ويقراها
ي ولد شيخ المواقف مزبن الواني
العاقل اللي حدوده ماتعداها
يومً بعض العرب جاهل وفتاني
ايشب نار النقد ويطيح وياها
ياوارث المعرفة من جدك الفاني
عامر وعامر له البيضا رفعناها
مسيرته تنذكر في كل ميداني
ويشوش راسي لها لا حل طرياها
شيخً في صف القبيله واقف وباني
قبل شيوخ المشالح تطلع اسماها
أهل الحقد والجهل يالله لا تبلاني
قومً عَل المصلحه تسرج مطاياها
لو ان عامر عطاهم درس وحداني
علمهم المشيخه وشهي ومعناها
هذا ونا لي سنه زعلان وعاني
من رفقةً ماعرفنا ويش بلواها
عدوان ماتعرف المجني من الجاني
تخطي عَل ماااش وتكرر خطاياها
الكل منهم حقود ويشتم الثاني
ف العلوم ماتحمل الشرهه ودعواها
للاجنبي مزبن وصدقان وعواني
ولبعضها بعض يامخبث نواياها
ونا لو ان الزمان الشين يحداني
والله وتالله ياماجد ماتنصاها
هذا كلام الصحيح أيعده ألساني
وحظا عَل قربتك لا ينتثر ماهاا

رد: ديوان الشاعر عبدالمغني معيض العيلي

صبرت وان الصبر ماهو بينطاق
في من يتل القلب معلوق معلوق
يابنت طال البعد والبعد فراق
وانا على شوفتك هايم ومطفوق
لا جابتك فرصه على بعض الاسواق
والله لاسوق العمر لامقابلك سوق
الجادل اللي خدها لمع براق
احبها حب اهل النوق للنوق
وان جيت اوصفها على بيض الأوراق
سبحان منهو ميز الناس بفروق
صحيحه عملاقه وانا عاد. عملاق
يعني تفوق الوصف من فوق الى فوق
هي ذوق مِتفوق عَلى كل الأذواق
وهي وصف مايوفيه شاعر وطاروق
اليا طرت لي اسج وأهج وانساق
من حاره ال حاره ومن سوق لسوق
والله ماتكفي ليا قلت مشتاق
مشتاق لك بالحيل ذابحني الشوق
أمن الحنين آتيه والفكر ما راق
ومن الجفا مضيوم والقلب محروق
يابنت روفي بي تريا خاطري ضاق
ماعاد لي راحه ولا عاد لي ذوق
انا عطيتك وعد مني وميثاق
اني محُط احدً مكانك ولا ابوق
ونتي تصونيني من اعماق الأعماق
لي حق في حبك مثل مالك احقوق
وتعاهديني انك ماترضين عشاق
مارضا الحبيب اللي من الغير معشوق
وتبقى الرسايل بيننا ورد وأشواق
حتى المواجه ولعن الحض وروق
والحين يقنعني اذا كنت مشتاق
الصبر زين وكل مطرود ملحوق

رد: ديوان الشاعر عبدالمغني معيض العيلي

الرفاقه قد لهم كم شهر متفاوتين
كل منهم زاد نار الفساد وشبها
من سمعهم قال وصلت ليا مد اليدين
تختصم وتضيق والأجنبي يعجب بها
وان تفتشت الحقائق وشفت العلم زين
مالقيت الا علومً مايتعلم بهاااااااا
يالله إنَّا في حماك وف عونك يامعين
من هذي الناس الضعيفه ومن شيً بها
راحو اهل المعرفة والرجاال الاولين
الشيوخ الزحل اللي الزمان اقفن بها
من بعدهم جاك وقتً بها القاسي يلين
الذيابه حوربت به وسيطر ضبها
جتك ناسً للشعر والشياخه مدعين
تحسب ان المشيخه مسبحه تلعب بها
مير انا عندي نصيحه تخص الغانمين
الرجال. اللي تروم. العلا. وتذبها
اقتدوا بالوافي العاقل اللي فيه دين
من بيوت العرف ماهو خبل ينشب بها
وتركو راعي الحكاوي المعيثير اللعين
اما عير روس الأجواد ولا سبها
وفاللوازم والمواقيف كونو واحدين
عزوة ً يمن حماها لمن يزبن بها
التكاتف ميزه ومن صفات المسلمين
والتشتت خصلةً نعنبو من حبها
ووقفتك مع ولد عمك ووجوب وفرض عين
تلزمك عادات الأسلاف كيف اتكبها
لأحد يزعل لا تكلمت بالعلم اليقين
كلمة بقولها عمد وابا أعلن بها
والله انه صح روح زمان الطيبين
والله ان اكثر شيوخ العرب من جنبها