رد: ديوان الشاعر عبدالمغني معيض العيلي

جني بنات الفكر في وقت قيلوله
ثلاث قامت تصافحني بياديها
الكل منهن تمنى تكسب الجوله
وخترت وحده تحدا من يجاريها
عن راعي النقد. محفوله ومكفوله
تحبك وتسبك من اولها لتاليها
ومواقفي فالشعر ماهي بمجهوله
ياعنك من كان جاهلها وناسيها
قولو. لمن ماعرفني زين قولوله
لا يحسب انه على مثلي يمشيها
محبة الود والتقدير مقبوله
ومحبة المصلحه. ماني براعيها
رجال من روس قوم وراعي ابطوله
وليا دعتني وجيه الخير البيها
لي مع اهل العرف دور وجوله وصوله
اجناب وقراب وصحاب افتخر فيها
الرجل بين الرجال ايبين بفعوله
ولا الردي وقفته. ماهو بيحميها
سلم عل اللي يقول العلم ويطوله
الوافي اللي وجوبه مايخليها
ونا بقدرة عظيم الشان وبحوله
مرتاح والنفس رب الكون مغنيها
ماني بكامل ولاني راعي اسيوله
ولاني بعز العباد ولاني مرضيها
لكن فيني معزة نفس ورجوله
تسوى الملايين والدنيا ومافيها

رد: ديوان الشاعر عبدالمغني معيض العيلي

ساقني المكتوب وحرمني هوايه
وشهد انه ساقني للضيق سايق
ضايق ًمن ملبسي ومن اخوياايه
والسبب مدري لكن الصدر ضايق
وان بغيت ادله البال ابحكايه
عاقني عنها يابن الاجواد عايق
اتصبر لجل مابيح خفايه
والعرب كنها على قلبي توايق
كلهم يقلون يالله فالحمايه
انت يبن معيض لك عام امتضايق
قلت انا مرضان ماعرف وش دوايه
واللهب والنار في صدري حرايق
غير شرب الكيف ماقطع ضمايه
وان شربته رقت لو ماني برايق
ي رفيقي لي معك مطلب وغايه
ونت من ووس العرب ماهم لافايق
الرفيق اللي يدور من ورايه
لا يخاويني ولاني له بفايق
كنت اعده اخوي وثره من عدايه
وكنت اعده محزمي وقت الضوايق
وشهد ان الوقت بين لي اصدقايه
جيت له وصبح ودي العرف بايق
شانت اعلومه وخيب لي رجايه
خابت الامال من كل الطرايق
والله اني وافي ومرفوع رايه
لو لحقنا من غثا الدنيا لاحايق
يشهد الله موقفي ماهو دعايه
ثابت ومثبوت وعطيك الوثايق
كيف تهجرني وتشقر لي عصايه
ونت وانا من عل الماضي رفايق
العجيب انك عل قول الروايه
تخسر الدندون وتخاوي العلايق

رد: ديوان الشاعر عبدالمغني معيض العيلي

طروق الشعر مايحصى عددها
ونا شاعر وغنيها وجدها
بفضل الله مهو من فضل واحد
واعرف احلولها واعرف عقدها
وانا شاعر ومثلي قبيله
شهادة حق والوافي شهدها
اذا منه دعاني من دعاني
من ارجالً تجمل من قصدها
اعنز له عل ساقي وجمل
ووقف وقفةً تكفي وحدها
هجوسي فالشعر ماتشبه الا
مزون الصيف لا دندن رعدها
تصب الماء وتسقي كل ضامي
سحابه سيلها يسبق بردها
انا قبل الشعر رجال وافي
اثمن كلمتي ووفي وعدها
وشعر ابلا رجوله مايشرف
سواة الجثه اللي في لحدها
لو ان شعره مثل شعر الزلامي
وبن جدلان ولا اشد ودها
يمووت ويندفن في وسط قبره
مغيبت صاحبه محدً فقدها
وناس الشعر والشعار واجد
احد من جنبها وحدً بعدها
ومثل ماقيل فالامثال قبلي
صحيح السابقه تطلع بيدها
وذا طال المدى والحض دبر
تبين وكل سلعه من بلدها
احدهم لا سمعته شاش راسي
واحدهم علة النفس ونكدها
هذا قول الصراحه والصراحه
تزعل ناس وتبين حسدها
اقوله من ثقه ماهو تكبر
ونا الثنتين في يدي سندها
ورث المرجله من راس جدي
وبيوت العز تعرف من عمدها
وردت الجمه ام الشعر كله
يومً ان الخبل قبلي ماوردها

رد: ديوان الشاعر عبدالمغني معيض العيلي

ياشعر جملني امع اهل الوفى والسلوم
اللي معاريفهم بين العرب سايده
اليا حداني الزمان وجيتهم في لزوم
الكل منهم من الفزعات تندا يده
ولا ضعيف الهقاوي والخبل الرخوم
اشكالهم بايده وافعالهم بايده
ونا الذي لا حضرت ارقاااا سما للنجوم
والشعر عندي وانا اميره وانا قايده
واللي يغيضه مديحي ينكتم ومحروم
قاصر وخايب في بطنة لحمةً زايده
الشعر ماخذته بالحيله وحب الخشوم
وهبه من الله ولولا الله مني صايده
اصخره فالوطن والدين وابناء العموم
اصخره في رجااالً تكسب النايده
عراف وشيوخ وزحول ودهاه وقروم
وانا م عندي نفاق وكذب ومحايده
شيخ يسد اللوازم ينمدح كل يوم
جيد ومتجود ومواقفه جايده
يفدونه اهل المشالح والحكي والعلوم
اللي بعضهم يجي عجلان للماااااايده
ماغير يكشخ ويصرخ وان لفته الخصوم
يبلش يحسب الشياخه عيد ومعايده
المشيخه ماهي بشت اسود ومال وختوم
المشيخه وقفة بين العرب كايده
ياموهبه ياوراثه غيرها مايدوم
لو منصبه معتلي ودراهمه زايده
وماكل شيخً يجمل عزوته فاللزوم
بعض المشاييخ مامنهم ولا فايده

رد: ديوان الشاعر عبدالمغني معيض العيلي

البارحه والليل طافي سراجه
ياضيقة الخاطر متى ارتاح وافيق
محتاج حاجه ماهي ايات حاجه
حاجه عظيمه دونها ينشف الريق
ياقلب ناج اللي يناجيك ناجه
ناج الصديق وخل عنك المصافيق
والكون ياقلبي وسيعه فجاجه
لا تحترق من ضيق الصدر وتضيق
وهني من يعرف مداه وخراجه
وحبي لكم ياهل الصدور المغاليق
ماتشتكون امن الهجر والمواجه
ولا لحقكم من زمنكم لواحيق
ياليل ياليل العنا والسماجه
متى على الله تشرق الشمس وتويق
حديتني للشعر واخر نتاجه
يلين غنيت اللحن والطواريق
قصيدةً. تبري العليل وعلاجه
وتشفي الغليل وتكسب المدح وتليق
نظمتها والعقل قافل مزاجه
من ضيقة ً حسيتها فالمعاليق
والضيقه. اللي تاليتها انفراجه
اخير من فرحه يجي بعدها ضيق

رد: ديوان الشاعر عبدالمغني معيض العيلي

سلامي عل اللي ساقني الشوق يمها
وجنبني عن بدع القصايد ونظمها
هنوفً لها في ساحة القلب منزله
جميله طويلة عنق مخف دمها
ولن اجيت اوصفها بتعجز وصايفي
مها ون بغيت ادقق احلا من المها
عليها العيون اتهل والقلب يحترق
ياكم واحدً قبلي بغاها ورمها
وانا اللي فرشت الها الحنايا وخافقي
وسكنتها فالقلب والحكم حكمها
وصارت تحكم في حياتي وانا الذي
يالاجواد خايف من خطاهاا وظلمها
ونا اللي صحيح احبها وعترف لها
وحبي وصل حتى لبوها ولمها
نعيش الحياه افراح واحلام راقيه
وتموت الافاعي مادرينا بسمها
ايااا وردة ريحك وصلني وسرني
ليا جيت من حول الحمى قمت اشمها
ولن قالها الله والليالي صفت لنا
ابا اطيح وبا قوم يلين اضمها

رد: ديوان الشاعر عبدالمغني معيض العيلي

امس عند الابل غنيت لي بعض الطروق
من عناي ومن شقايه ومن زود اتعبي
ولتفت وشفت لي عود يمشي بالرفوق
عود ماهو من ربوعي ولا هو بجنبي
قمت ارحب به وسوق التحايا سوق سوق
مرحبابك عد ماهل. نواً عقربي
جيت له بالتمر والكيف الاشقر والغبوق
قال ماني شارب الا تلبي مطلبي
قلت تامر بس ريض من الطرقه وروق
ابتسم وهدا وريح وصل عل النبي
اشرب من الكيف فنجال ومن التمر ذوق
من بعدها والله اني معك فاللي تبي
كان تشكي لي من الوقت وبجوك بروق
والله اني دونك اسوق دمي وعصبي
تبشر بوقفة سنافي ليا جت للحلوق
ماهي ابوقفة منافق ولا وقفة غبي
قال تسلم ونت وافي وللجزله سبوق
بس ودي انصحك من قلب دام انك صبي
ابتعد عن بعض الاشكال ورقا فوق فوق
الردي واللاش والخبل تهبا وتهبي
قلت هذولاك وديتهم قسم الحقوق
عنهم كرمت وجهي ودقني اشنبي

رد: ديوان الشاعر عبدالمغني معيض العيلي

من وين وليا وين ياداعج العين
شفتك ونا جالس عل باب بيتي
ياليتك اتطلين ولا تلدين
ولا عل بيتي عنيتي وجيتي
عزالله اني كنت ابذبح ثلاثين
امن الحشو ومن الغنم لا عنيتي
كله قهر لهل القلوب المغابين
اللي تمنا رجعتك لا لفيتي
تكفين حديهم عل الموقف الشين
ونتي صليبت راس لامن نويتي
اتطوعين الصعب والقاسي ايلين
وتجنبين الكل لامن بغيتي
ونا تعرفيني كعام المعادين
معروف بين الناس ذكري وصيتي
لكن في صدك حذرا تمادين
قلبي معك ياغدي ليا من غديتي
طالبك يابنت الرجال الميامين
من بعد ماقلبك يحب وهويتي
انك عل شاني تجين ووتعنين
مادامك ابزيني وشيني رضيتي
ونا يامال الستر والملح والزين
اللبي مطلوبك ليا من نصيتي
راضيك وبصم بالعشر وحلف ايمين
اني معك وافي ليا من وفيتي

رد: ديوان الشاعر عبدالمغني معيض العيلي

سلام ي عزوتي من قلب صافي سلام
ياهل الشيم والعوايد والقيم والسلوم
من بعدها يالحضور ويارجال المقام
من بعد مازانت الدله وجزل العلوم
عن اذنكم انظرو لي والنظر للامام
ثم اسمعو من ضمير الشاعر اللي كتوم
ماني بشيخً ولا عمري ثمانين عااام
لكن لي كلمه ووجهة نظر فالعموم
ماتصلح التفرقه والقطع والانقسام
مادامنا من نسل رجال وابناء عموم
الواجب انا انتكاتف فالقسا والسلام
يدً بيدً عل الطاله ولطم الخصوم
الوصل خير وغنيمه والقطيعه حرام
والعزم والحزم من طبع الرجال القروم
واللي يقول البعد عن دار ربعي تمام
مايدري انه من العقال يلحقه لووم
بكره ليا صار في جوك غباش وعسام
ماينفعك غير ربعك ياقليل العزوم
واللي سواة المطيه ينخطم بالخطام
تقتاده ام العيال وتلحقه بالرخوم
ايغلق الزومهم ويعدهم له حزام
وليا نصته الرفاقه مايسد اللزوم
فالح في نقل النميمه والحكي والكلام
ياجعل من كان مثله بيننا مايدوم
واليوم اشوف الرفاقه في شتات وخصام
والكل منهم عل الثاني يشن الهجوم
انصد عن بعضنا خيبه وقل أحترام
ونشيل في اصدورنا وحنا نحج ونصوم
تكاتفو وعطو الرفقه قدر وهتمام
ومن لا ستره الحيا ماتستر انه الهدوم
تقدمو بالعريف امن الرجال الحشام
العاقل اللي عن ادقاق السوالف يشوم
وياكم ابراعي الفتنه لعين الرسام
اللي يبي التفرقه في كل ليله ويوم
محدً تروا يامن الدنيا ولاهي دوام
عزي لمن يحسب ايام السلامه تدوم
هذا وانا اصغركم اولا لي في كثر الكلام
لكن لي كلمه ووجهة نظر فالعموم
ماتصلح التفرقه والقطع والانقسام
مادامنا من نسل رجال وابناء عموم

رد: ديوان الشاعر عبدالمغني معيض العيلي

الله من كثر الطواري والافكار
اللي تجيني تالي الليل وعصير
افكار بعد افكار تكرار ومرار
الين صرت اقضي الوقت تفكير
سبت نزيه. السيره الناعم البار
اللي على شوفته اسوق التباشير
في غيبته كني اتقلب على نار
وفي جيته ماعد كثر المخاسير
انته تدلل ياعذب. الناس واختار
من حيث ماتبغاني اسير ابا اسير
امر. ونا. لك عون لو صار ماصار
يعني طلبك ايصير ويصير ويصير
محبتك ماتنتوصف بالاشعار
اقل شي تسوى الذهب والدنانير
لكن لا تقطع وصالك. والاخبار
صاحبك. في غيبتك دمعه مناثير
جز وعتدل ورجع ترا مالك اعذار
ماعاد. فيها ياحبيبي معاذير
بكر علي الصبح والطير ماطار
قبل الصباح ايبين وطيوره اتطير
انا عشقتك قبل عميان الابصار
وكنيت لك في داخل القلب تقدير
واليوم صارو ا اصحابك اكثار وكثار
مثل كثر. ورادة. الماء عل البير