رد: ديوان الشاعر عبدالمغني معيض العيلي

سقى الله الزمان اللي تعدا
زمانً فيه للمحبوب مبدا
قبل ذوق الهموم وقبل تاتي
وقبل البخت والحض ايتردا
لكن اليوم وضعي مايطمن
مادام الحزن في وجهي تبدا
وحتى الهم في قلبي وجسمي
ذبحني ويتعشا ويتغدا
خزين امن الوليف اللي هجرني
في يده اعنايتي وادواي والدا
ماغير اهرج مع اصحابي وجامل
وعن بعض المخاليق اتصدا
اخاف الناس تهرج وتحكي بي
مثل ماقيل واللي جاب ودا
ونا رجال لي شيمه وقيمه
وبهل الطيب والعرف اتقدا
لكن العشق لي ضربه وحربه
وله وهيبه وله سيفً مندا
تخلي الرجل يرضا بالمذله
واياكم واحدً عاند وهدا
ونا اللي كنت اقول العشق كذبه
ونا اللي كنت اعاند واتحدا
لكن اليوم مافي اليد حيله
مادام الحزن في وجهي تبدا

رد: ديوان الشاعر عبدالمغني معيض العيلي

ياوقت كافي لا تخيب ضنوني
من بعد خاب الضن في اغلا الجماعه
ماضاقت الدنيا ولا ضاق كوني
لكن ياشين الردا والقطاعه
ي صاحبي وشلون ترضا طعوني
ونا الذي لك درع جنب ومناعه
الانذال في وقت القسا جنبوني
مامنهم اللي قااال سمعً وطااعه
لكن تهون وكل شيً يهوووني
مادام راسي معتلي فالرفاعه
مالي وراهم شي يبكي عيوني
ومالي ورا سود النوايا طماعه
لو الضعوف اهل الردا يتهموني
بالمهزله والمنذله والدناعه
والله ونا ابن معيض مايرخصوني
عند الرجال اهل الوفى والشجاعه
راسي عل الطاله تتله متوني
راسً صليب ونجدته من ذراعه

رد: ديوان الشاعر عبدالمغني معيض العيلي

صاحبي كان عن كل الاصاحيب غير
والغلا. والوفى ماني. بمتصنعه
كنت اعزه وشوفه مثل اخوي الكبير
لين شفت الردا ياكل ويشرب معه
من بعدها عرفت وشفت منه الكثير
العلوم. الرديه. فيه متجمعه
شمت عن شوفه وصديت صدة ضرير
هب لابوه لابوووووووووو واحدً طبعه
من بعد منت كنت اقرب قريب وعشير
صاير اليوم مافي خوتك مطمعه
ايه قفيت عني والزمن يستدير
والمقفي رزين العقل. مايتبعه
ونت يمكن تعود فالزمان الاخير
لا حداك الدهر والضيق بعد السعه
بس ماني رفيق يالرفيق الحقير
قلبي اليا نو مافيه احد يقنعه
والله اني بعد فرقاك ماني كسير
معي قوم السيوف الحدب والاقنعه
ونت تلقا مثيلك ياعديم الضمير
لا ثلاثه ولا خمسه ولاهي اربعه
ولا مثلي قليل ومثلك انته كثير
لان هذا الزمن يخدعك ماتخدعه
واحدً يجحد المعروف م فيه خير
كان مامنه ضرا مامنه منفعه
والله انه في عيني كان شيً كبير
لين شفت الردا ياكل ويشرب معه

رد: ديوان الشاعر عبدالمغني معيض العيلي

للحزن ياسلمان فيه مواري
من يوم تنظر في عيوني تشوفه
داري وغيرك يابيض الوجه داري
للحزن نظره واضحه ومعروفه
البارحه يوم. الحزن شب ناري
عزام. ونا واحدً من ضيوفه
مع جملة الاحزان بايع وشاري
شي يحير خاطري عن وصوفه
وان جيت ابسري قال منته بساري
مسراك تالي الليل هم وكلوفه
وسرحت يوم النور فج ا لغداري
وقلبي عل ماصار مشتد خوفه
والحزن باقي وزرق الدمع جاري
عزي. لمن حزن الليالي. يحوفه
وعوذ بالله من هبوب الذواري
اتذكر المحتاج وش هي ضروفه
ياوجد حالي وجد من بات عاري
ايون من مابه ويصفق كفووفه
مايملك. الا خيمةً فالبراري
والمهره اللي فالخطام امعسوفه
صابر عل الدنيا ولا هو بزاري
ولا عل وجه. الليالي. حسوفه
مقسوم والمقسوم للعبد جاري
مايرتجي. غير. الستر. والمروفه
ونا اتوجد من كثير الطواري
ومن. قلبي اللي ماتحقق شفوفه
اطلع عل روس القمم من دياري
واتذكر ايامً مهي بمخلوفه
اقنب قنيب الذيب ذيب المساري
من هالزمان اللي تكاثر صدوفه
وقت ً عل قوم الوفى مايداري
واللاش ينجح به وينفخ كتوفه
احزن على الطيب واهل العباري
ولا ردي العرف جعله ذلوفه

رد: ديوان الشاعر عبدالمغني معيض العيلي

اه من قلبي اللي فيه عشرين كيه
واالله انه من الصدمات جاه الكفايه
لو ضحكت ومزحت الروح ماهي هنيه
مير ماني مبين لصدقاي وعدايه
اضحك امجاملات وعلتي باطنيه
ما عرفها الطبيب ولاعرف وش دوايه
يولد عمي الاعماق ماهي خليه
خايف امن الهموم ابكي وابيح خفايه
وكان تنشد عن الاسباب ماهي خفيه
انت داري وعارف ويش سبت عنايه
العشق ياولد عمي جروحه قويه
تقتل الرجل وتخليه مثل العصايه
اربع اسنين والمشتاق روحه شقيه
يردف الونه ابونه ويشكي شكايه
واحدً بالغلا والزين مافيه زيه
اشهدً اني بلا وصله مظلم سمايه
انحرج من مقابلته ويضحك عليه
يحسب اني خبل ولا في قلبي غوايه
مادرا اني عشقته عشق ملعون حيه
انخذته هوايه وتخذتني هوايه
مثل عشق ابدويً عاشق اله ابدويه
مثل ابو زيد مع عليا ومن هالحكايه
اتوجد وعصب الراس وفرك يديه
وتحسف وصيح من عناي وشقايه
مثل ذيبً يجر اعواه صبح وعشيه
يستلذ العوا من جوع ماهي دعايه
ويوم قفا العصر والليل قرب مجيه
كن منهو عل كبدي رماني رمايه
واتذكر وعود ايامه الاوليه
يوم كانت يدينه ماتفارق يدايه
اذكره النظره اللي جابت الهم ليه
يوم في نفسي اقول الصبر والهدايه
بالعيون الوسيعه ارحميني شويه
والله اني من النظرات جاني بلايه
كل مانظرها لهنه لدت العين فيه
يالله انك تصبرني وتغفر خطايه
مامعي الا الصبر والصبر نارً لظيه
لين ربي يفرجها ويجبر عزايه
راح عمري وانا مابين هذي وذيه
لاتحقق وصال ولا تحقق منايه
يوم كنت البس النظاره العايديه
كانت اتقول ي ليتك تشوف المرايه
ويوم نزلتها قالت يزينك اكذيه
الوكاد انها تبغا تسبب عمايه

رد: ديوان الشاعر عبدالمغني معيض العيلي

يالله اني طالبك ياعظيم. ويامعين
فالقبول والهدايه وفي حسن العمل
استعينك واطلبك ورحمتك. دنيا. ودين
واستعيذك من دروب المعاصي. والزلل
ليلة البارح من الضيق ماغمضت عين
أتفكر وتذكر واخاااااف امن الجهل
بري حالي بريت اللي لا مال ولا بنين
حمله وقت من الهم مالا يحتمل
حر قلبي من هجوسه ومن جر الونين
من زمانه من همومه ومن ماهو حصل
ليت عقلي كان تايه مع اللي تايهين
وليت. قلبي كان ميت ونا رجلً خبل
مثل ناس في الزمن والحياه امعاصرين
مايشوفون. المحن والبلاوي والخلل
مير لي قلبً محنك ولي عقلي ذهين
يعرف اللي كان صامل ولكن ماصمل
الفقر والحض الاقشر ودورات النسين
اشهد انها تدبل الكبد خمس امية دبل
وبينت لي راعي الطيب والكف اليمين
وبينت لي راعي النقص ينقص ماكمل
ابن عمي حزة الضيق مامثله عوين
لا وقف مامثل وقفته فالدنيا مثل
لا جزمنا وحتزمنا جميعً يالثنين
وتفقنا والتزمنا عل قول. وفعل
محنا في حاجة حداً غير رب العالمين
وشهد انا لو وقفنا نهد اكبر جبل
وكان ابن عمي ماغير اسم مثل الآخرين
لا حزام ولا ذخيره ولا مضرب مثل
فالشدايد لا زهمته يصد ولا يعين
والله اني ما افتخر به ولا اعده رجل
والله اني فالمواقيف لي جنبً متين
وتجمل. وتحمل ونا قد الحمل
الحمايل والجمايل لنا طول السنين
والمثل قد قال ماللحمول الا الجمل

رد: ديوان الشاعر عبدالمغني معيض العيلي

انا يااا رفيقي مايجيني العتب واللوم
ضروفي تهد الحيل. والحض متلوي
فجوي غبش وسموم مدري مطر وغيوم
لكن. الوكاد انه مهو صافيًًً جوي
ألي فوق خمس أيام واليوم سادس يوم
ونا قدني امن اضروف الايام متروي
اذا من نصتني يبن عمي كبار القوم
وذيب الدهر يعوي وذيب الفقر يعوي
اعنز على اللي يفرج الضيق للمهموم
ولا ينحني راسي ولا ينطفي ضوي
تعرف الرفيق الوافي الصامل الزيزوم
ليا من مشى فالدرب زيزوم مايغوي
لكن الفقر والحض والوقت والمقسوم
تخلي الرجل ماعاد يعرف وش إيسووي

رد: ديوان الشاعر عبدالمغني معيض العيلي

هيه ياللي تحسب اني من الوقت اشتكيت
والله اني م اشتكي من زمان ولا هوان
اشتكي من واحدً حط له فالقلب بيت
وحط له فالعين قيمه وشيد. له كيان
ابتلاني. وبتليته. وفي حبه بليت
مابقي الا ماتبعه من مكاان اليا مكان
هيبتي ومعزة النفس تبقى ماحييت
بس للحباب وحشه وذا الحب امتحان
ياوليفي في محبتك مابعت وشريت
والله اني حافظك حفظ ياسيد الزيان
مير للحرمان والبعد عاجز ماقويت
يالذي عودك يشابه لعود الخيزران
من بعد قفيت عني وصديت وغديت
فاقد الراحه وذيك المحبه والحنان
مامعي الا اقول ياحض ولا ليت ليت
احترق من مقدم الليل لين النور بان
نوبه احوف القصايد وغني بيت بيت
ونوب اقول الوقت دوار يالله المستعان
هذا حالي بعد قفيت عني وختفيت
اردف الونه بونه وحاقد. وزعلان
ونت مستانس وتسرح وتمرح مادريت
اني امن البعد ضايق وصايبني جنان

رد: ديوان الشاعر عبدالمغني معيض العيلي

عيا زماني لا يجي مثل مااااااابي
ايحدني بالحيل ويضيق. الجاااش
ياكثر ماضاقت عليه ثيابي
ونا اتحرا فزعة الخبل واللاش
يااا رب ترزقني وتكرم جنابي
وتعزني عن كل هافي. وغشاش
ارهي على الوافي وعده زهابي
اللي على شانك يسوق العمر كااش
ولا الردي لو يتحزم بالجنابي
لا صمل الميقاف والله لا ينحاش
لو قال انا زيزوم ماهو بغابي
ساعة ايصير افجوه اغبار وغباش
هذا ومثله يارياجيل هابي
خبلً لفعل الطيب ماهو بنواش
واللي على الفزعات والطيب رابي
ماهو كما اللي للتفاهات حواش
الكفو اذا جاله من الناس نابي
جيته محسوبه ولا تغدي ابلاش
يوم البخيل. ادراهم فالمخابي
يعنا له الناصي ويرجع على ماش

رد: ديوان الشاعر عبدالمغني معيض العيلي

هيه ي شعري ترفع عن الناس الشحاح
ديني ودين المقاريد والكف الشحيح
امدح اللي يكسب المرجله طير الفلاح
اليمين الذرب والجاه والوجه الفليح
ان لفاه الضيف والجار في جال المراح
يقلط اعلى العز والدله وهبات ريح
مثل هذا يستحق القصايد والمداح
ولا قوم البخل م يستحقون المديح
وشلة اهل البخل مالي بخوتهم صلاح
شلةً لن قالت اتبور وان قامت تطيح
يدعون الطيب وقلوبهم ماهي صحاح
جعلهم فدوة هل الطيب والقلب الصحيح
ونت ي قلبي تصبر ترا الدنيا كفاح
اطلب الله العون والكون ي قلبي فسيح
ادمح الزلات من طيب واللي راح راح
حاول انك تقضي الوقت ونته مستريح
لا تصارح غير راعي الموده والسماح
الرفيق الوافي الصامل الذرب الصريح
مايبيح السر لو غيره امن الناس باح
خل من تعطيه سرك وفي ظهرك يبيح
لا تهزك ريشه الطير خفاق الجناح
ولانتثر جوف الاعماق من ذعذاع ريح
مالك ابدرب المحبه ترا كله جراح
تنجرح ونته من الوقت والدنيا جريح
ان تقافتك الضنون وغدت مثل الرماح
بعد رب البيت عنز على الشور النصيح
حي ابو شورً يدلك على درب النجاح
ونعنبو شورً يدلك عل الدرب القبيح