-
-
رد: رواية حبي صامت
رواية حبي صامت
......البارت السادس.....
دعاء فتحت الباب انصدمت شافت واحد تعرفة كثير منيح متأكدة أنها تعرفة بس شن جابة لعند حوشهم(بيتهم)
دعاء فاقت من الصدمة:اهلين تفضلوا تفضلوا ....وسلمت علي كل فرد من العيلة مثل مايناسب يعني نساء ورجال....
العيلة تتكون من الاب والام وابن كبير وبنت كبيرة وابن صغير
العباس:اهلين بأخويا حسين نورت البيت اهلين بالعيال
حسين:اهلين بالعباس.........المهم الكل سلم علي بعض....
دعاء تتكلم مع نفسها:ياربي معقولة رواد لا مستحيل لا اكيد شن هبلت عشان ننسى اليوم واحني كنا معاه ياريتك يادندون هنا ههههههه
ملاحظة
بيت اهل رواد
الأب:حسين رجل أعمال عندة 3 شركات يشتغل في استيراد وتصدير للخارج وفي مشاريع البناء ذو حالة مادية فوق الممتازة يعني فوق الريح إنسان حكيم وهادي وذكي
الأم:أماني تشتغل مع راجلها ماتحب تطبخ كثير ومهتمة باللبس والميك أب واااجد وتحب الهدرزة وعندها عفوية ومتواضعة
خلود:البنت الكبيرة عمرها 23 سنة متزوجة من 4 سنين ماعندهاش صغار طويلة وبشرتها متوسطة اللون عيونها عسلي نحيفة واااجد كأنها عارضة ازياء شعرها قصير لى الرقبة لونة عسلي صبغة شخصية عاطفية تبكي بسرعة وتتأثر من كل شيء تحب الطبخ على عكس امها زوجها:ناصر 30 سنة دكتور اسنان فاتح مستشفى خاص طولة زي مرته وابيض واجد واعيونة سود رومانسي وحنون علي عكس امة(عزوز خلود يعني أم راجلها)صعبة ولسانها طويل ديما تعزير (تعور في الناس)وشيبانيها ميت (يعني ابو ناصر متوفي)وعند خلود 3 بنات احمى (3 صبيات)
رواد:الابن الثاني عمره 22 سنة طويييل واجد اسمر واعيونة أزرق باهت ومحوتات ورموشة داكنة يتميز بنظراته الحاده (مشالله يخقق) شعره كثيف اسود جسمة رياضي وعنده عضلات ديما في صالت الرياضة ويحب يلعب باسكيت بول ويلعب فوت بول ذكي جدا مثل ابوه اللي مقرر عليه ان يدخل للشركة بعد التخرج وعنده هدووء غامض بس كمان جوه فله
عائشة:عمرها 19 سنة مثل رودينة صاروخ زيها بس عائشة اطول عيونها كبار وزرق بشرتها حنطية شعرها طويل وكستنائي طبيعي تحب قراءت الروايات الرومانسية وتحب المسلسلات وفالحة في دير الحلو واخصوصي بسبوسة القشطى (ههههه هدي حقيقية)تحب اتمشي الأمور علي كيفها بس طيبة بكل مع الكل وتزعل بسرعة
إياد:الولد المدلل 10 سنوات دلووع بكل لاكن ماحد يقدره مسيطر علي الكل وعنده جو المعاكسة مع انه صغير ههه ابيض واحد في العيلة زي أمة وأشقر
.....نرجع للرواية...
في غرفة منال(اول ما دخلن رودينة ومنال)
رودينة:خليني نتكلم الأول عندي موضوع مهم جدااا
منال:بسرعة لأني عندي مواضيع نبيك تساعديني
رودينة غمزت لمنال:راح ينحلن وأول ماتسمعي كلامي راح تنسي شن بتدوي(بتتكلمي) بكل هههه
منال تحمست:هي قوليلي شوقتيني
رودينة:من الأول تعرفي واحد اسمه عبدالله في الكلية الشاب اللي حل المشكلة وزي ماحكالي ان تعرف عليك..... حكت رودينة لمنال علي موضوع عبدالله من طق طق الى السلام عليكم وطبعا مع شوية بهارات من اللي حاسة فيه مثل ان باين مهتم في منال كثيير وهذا واضح ومن أول ما بدت رودينة تكلم ومنال في حالة جمود لحد ما خلصت
منال تبرق في رودينة مش مستوعبة الموضوع بدون ماترمش
رودينة:اوووي منال خيرك جامدة شن صارلك
منال وقفت:استني شوية ...عدت صكرت الباب بالمفتاح وجلست قدام رودينة على السرير والاهتمام باين:دندون عاودي شن قلتي
رودينة:ههههههه خيرك اللي قلته ترى كلامي جد الجد
منال ابتسمت:بالله عليك باين انه مهتم
رودينة:اصبري انت منال ولا وحده أخرى خيرك انفجعتي
منال:هههههه عينك بس فضول
رودينة بخبث:فضول صار
عند عبدالله
عبدالله يكلم في التلفون
عبدالله:والله لقيته
رواد:ايه في المنطقة ال.... وجنب ال.... و...
عبدالله:بارك الله فيك والله ماني عارف كيف انردلك جميلك
رواد:ولو هدى واجبي ياخويا المهم انك ترتاح
عبدالله:انشالله خلاص انشوفوك علي خير
رواد:انشالله بالسلامة...وصكر
في بيت اهل دعاء
لما اكلو جلسو بالصالون كانت دعاء جالسة علي الصالون اللي بجنب رواد واول مارواد كمل مكالمتة
دعاء بصوت وطي شوية: شو الأخبار
رواد:بخير وانتم
دعاء:وانتم من قصدك
رواد:هههه قصدي انت ورودينة
دعاء:هه بخير اصلا هي عند منال توا يخسارة فاتني الجو
رواد:.....
رن تلفون رواد وكان عبدالله
رواد:ها شن صار
عبدالله:مانيش متأكد من المكان كانك فاضي تعال ساعدني
رواد وحاجة تقولة قول باهي:خلاص انشالله انت وينك عشان انجيك
عبدالله:عند ال....انراجي فيك لا تطول
رواد:انشالله
وقف رواد:معليش نستأذن منكم عندي مشوار
العباس:اذنك معاك بس كان قعدت(بقيت) حتى شوية
رواد:معليش مشوار ضروري يعطيكم العافية علي العشيء السلام عليكم
الكل:وعليكم السلام
رواد التفت علي دعاء:بالسلامة ياديدو ولا ناديك الصفرة زي وسيم
دعاء صار وجها أحمر لما سمعت اسم وسيم:هاهاها بالسلامة
عند منال ورودينة
رودينة:هيا بلا اسماط صايرلي حاكيتلك 3 مرات ايه نسيت خبريني شن صاير معاك مع خوك اللي اسماه طاهر
منال بلانفس:كلام فاضي امس وهو مروح بيا من الكلية وقفنا عند إشارة مرور وكان الشباك اللي جنبي مفتوح وفي واحد الله لا يوفقه شكلة يعرفني قعد يعاكس فيا وناداني منولة وطبعا خويا الحصلة
وانت عارفتيه مليون الف راس ولا يتغير امدايرني(امفكرني) انرقم ونطلع مع ولاد ومن الكلام هدى أعوذ بالله وما خلالي كلمة وما قالها وضربني معاها وحرمني من الكلية بعد
رودينة:كسر يديه آسفة بس خوك ماينطاق بصراحة تعرفي مونايا بس نعرف ليش هو هكي
منال بهم وغم:اااه يادندون ياريتني اختك وعايشة معاكم توا انت بتروحي واتسيبيني
رودينة:حبيبتي انت اكثر من اختي ومن قالك بنسيبك وراح اتشوفي في يوم ولا يومين بترجعي للكلية وهدى وعد
منال اتكت علي السرير وكان تلفون رودينة علي الشباك واول مامنال اتكت ناشاته بيدها وطاح برا
رودينة:نقالي
منال:ووه اسفة والله بلا راده
رودينة:لا عادي
منال:تو نطلع انجيبه
رودينة:لا ياروحي وكان يجي صاحب الشأن طاهر ويلقاك برا وقتها هووووب انسي روحك لان ادماغه راح يمشي لمكان ثاني لا انا بنطلع وانجيبه أساسا مايقدرش يدير لي شيء
منال:اوكي
رودينة:بس خلي الشباك مفتوح لاني خوافه وعارفتيني
منال وكلها ضحك:هههههه اوكي
طلعت رودينة من الغرفة وعديت من الباب الجانبي عشان نمشي للحديقة اللي يفتح عليها شباك غرفت منال ومنال انسدحت على السرير وغرقت في بحر أفكارها
رودينة طلعت نتسلس(نتسلل) وكنت خايفة وانا نمشي ندور في نقالي
رودينة بنموت من الخوف وننظر يمين وشمال:ياربي وينه هدى توا الدراه ههف بسم الله اعوذ بالله من الشيطان الرجيم اهوا الحمد لله وين كنت يامعفن(تدوي لنقالها..وباست عليه)الحمد لله لقيتك
حسيت بصوت قدامي وكنت بانموت من الخوف وطالعت الساعة في نقالي لاكن اول ما رفعت راسي قريب ماجتني السكتة القلبية....
في بيت اهل دعاء
تعرفن دعاء وعائشة علي بعض في الأول كان في برود بيناتهن بس بعدين انسجمن
دعاء:انت في اي كلية تقري
عائشة:في ال.... وانت في نفس كلية خويا
دعاء:ايه ياخساره كان جيتي معانا
عائشة:الله غالب والله ياريت
دعاء:باهي انت كيف جوك قصدي وين تمشي شن تحبي عندك هوايات
عائشة:بصراحة نحب نمشي للسوق واجد نحب نهيج بس مرات رواد يعكرلي ب مزاجي
الاثنين:هههههه
عند رودينة
طالعت الساعة في نقالي كانت 10 مساءا واول ما رفعت راسي جتني السكتة القلبية طاح مني نقالي وشهقت بصوت عالي وجيت بانصارخ بس....
يتبع في البارت اللي جاي
Sent from my SM-J200H using 3bir mobile appتعليق
-
رد: رواية حبي صامت
رواية حبي صامت
البارت السابع......
...وكنت بنصارخ بس حط يدة علي فمي ماقدرتش انطلع صوت ولحظتها شال يدة بهدوء لما تأكد اني سكتت ماراح اطلع صوت{لا يروح دماغكم لبعيد}وابتسم
انا واثار الرعبة مازالت على وجهي:ع___ب__د__الله عبدالله شن ادير هنا
عبدالله:اسكتي فضحتينا
رودينة واحاول نهدي روحي بعد الرعشة وضغطت علي اسناني(القواطع)باصبع الابهام..(هدي حركة تشيل الرعبة منتشرة عند البنات ههه)بعديت استوعبت اللي قاله:شن فضحتينا نا شن قصدك بالجمع ليكون معاك...
قطعني واحد كان واقف مقابلي ولم تقل علي الصدمة الاولى
رودينة:رواد حتى انت ياربي شن يصير بالله حد يفهمني
ليكون تسكنو هنا
رواد كان بينفجر ضحك علي منظري:لالا محد ساكن هنا اسئلي عبدالله عشان يجاوبك
.....لحظة نرجع بالزمان لتعرفو كيف حدث هذا اللقاء.....
قبل قليل من توا(يعني من بعد اتصال عبدالله الثاني برواد)
عبدالله واقف قدام سيارته ينتظر مجيء رواد وكان غرقان في بحر أفكاره
رواد طلع من بيت العباس ابو دعاء وركب بسيارته وكان راح ينطلق بس وقفه حبل أفكاره:ليش طلعت شن ليش طلعت اكيد لان عبدالله بحاجتي لاكن اول ماسمعت برودينة انها عند منال لا لا شو الكلام هدى لكن والله جو كان نتلاقو
رواد وصل عند ال... شاف عبدالله واعيونة في السماء يطالع نجوم بكل براءة قال رواد لنفسه:هاه ياعبود واضح ان مشكلتك أصلها في قلبك ربي يتمم اللي فيه الخير
واتجه رواد لعبدالله اللي كان في عالم ثاني :عبدالله
عبدالله واعيونه مليانه هم:اهلين رواد ها وين الحوش
رواد:تعال نمشي بلا سيارة اصلا مش بعيد عن هنا
عبدالله متردد:رواد برأيك نغلط انا توا يعني مشيتي ليها غلط
رواد وضع يده علي كتف عبدالله وشد عليها:ياخويا كانك برأي غالط ليش انا هنا بعدين منال مش بروحها معها رودينة
عبدالله متفاجئ :رودينة وانت كيف عرفت
رواد انحرج بس مش عارف ليش تحشم يوم سمع باسمها:ببساطة قالتلي صحبتها دعاء كنا انا والعائلة عندهم
عبدالله وهو يجمع في اللي سمعه:اصبر هادي تبي كاست شاهي وترويقه وبتحكيلي كل شيء من الأول توا مشينا الوقت تأخر قريب العشرة تجي
مشى الاثنين لحد ما وصلوا لقدام البيت انتاب عبدالله شعور غريب بان واقف قدام بيت منال وأنها قاعدة داخل ونفس الشعور تقريبا انتاب رواد بس كان عقله هو اللي مسيطر ويتحجج بان متوتر من اللي يسوا فيه
عبدالله:شوف رواد خلينا نمشي هناك مافيش صور يعني يمكن نقدر ندخل للحديقة امتاعهم
رواد:اوكي
مشو الاثنين واول ما وصلو سمعوا أصوات البنات لان الشباك مفتوح وازداد شعور الاثنين قوة ولكنهم قعدوا واقفين خلف الشجر اللي محوط الحديقة
عبدالله:خلاص شكلها بخير بعدين رودينة عندها وتو تحكي لي بكرة بالكلية عن اللي صار
رواد هي مشينا
بس اوقفهم صوت صراخ رودينة ومنال(لما منال طيحت نقال رودينة من الشباك)
عبدالله والخوف ماكله:رواد شن صار للبنات زعما خوها خاش عليهم ويضرب..
قاطعه رواد بس كان خايف حتى هو:لا انشالله لا بعدين مافيش سيارة برا يعني لاهوا ولا بوه قاعدين
عبدالله ومش مقتنع:يمكن ماعنداش سيارة
رواد:ياراجل وكل الفلوس اللي عنده وماعنداش سيارة
عبدالله أقتنع واول مالتفت لمعن عيونه وحس بالفرج قريب:رودينة ويمكن منال معاها
رواد:شن رودينة وشن معاها
والتفت وشاف رودينة وباين عليها تدور في شيء
وطبعا كانوا قريبين وسمعوا كلامي كله ههههه ..مسكينة
رواد وهو يضحك بهمس:تي والله بيبي(بزر) تضحك
عبدالله ضحك ومزال مشغول على منال:هههه شكلي بنستغل الفرصة شن رأيك نمشولها
رواد:امشي انت الأول خير مانشمو الاثنين تو تجيها سكتة قلبية لما تشوفنا جميع هههه اصلا باين أنها تخاف أكثر من اللازم
راح عبدالله ليها...وبعدين عرفتوا شن صار
نرجع لوقتنا ولما قال رواد اسئلي عبدالله(وطبعا عبدالله حاكي لرواد علي كل اللي صار واللي يفكر فيه واخصوصي سبب جيتة اللي سمعه من صاحبة)
رودينة:ها عبدالله شو فيه جايين طابين في هالوقت
عبدالله:بصراحة مش عارف كيف بنشرحلك هوا على موضوع خو منال ومنال
رودينة معصبه:مش قلتلك بنمشيلها ونفهم الموضوع ونخبرك خيرك ماتصبر لهدرجة حاس بالذنب ولا شيء ثاني
رواد كان مستمتع من المشهد اللي قدامه وبصراحة قعد يتفحص فيا يعني كلامي وطريقتي ووقفتي وحتى لبسي المهم قعد ينظر ليا ومش نظرة عادية بعد
عبدالله:اسف معاك الحق بس وين ماشية بعقلك شرحتلك موقفي ولا حتى انت زي دعاء خانو
رواد:لا عاد ياعبودي ماتبيش كاست شاهي بس تبي براد كامل ...وغمزله وقال:وبالتفصيل
عبدالله كان يضحك فهم شن يقصد رواد ولاكن رودينة علامات التعجب على وجها مش فاهمة شي وهما يتغامزو ويتكلمو بالألغاز ويضحكوا زيادة
منال وعت من بحر أفكارها وأحلامها وحست ان رودينة طولت وقالت بصوت عالي:دندون انت برا
وطبعا الكل سمعها وعبدالله رجعله نفس الشعور حس بقلبه يدق بقوه
رودينة:ايه ياقلبي برا امدايرة جو
رواد ماقدرش يمسك روحه من الضحك وعبدالله كمان
منال عصبت واحتارت شن ادير رودينة برا ووقفت قدام الشباك وهي تقول:لا جو شني بالله خيرك طولت...
قطع كلامها اللي شافته
....
.
شافت اثنين شباب مع رودينة واحد ماعرفاتاش والثاني عرفاته كثير منيح واحد كان قبل شوي شاغل كل تفكيرها واحد حل مشكله في الكفترية واحد جي لعندها يتعرف ويعرف نفسة وبالأخر يعتذر علي تصرف صاحبه واحد سمعت من صاحبتها ان يسأل عليها و و و
وطول جت عينه بعينها هو يطالعها بابتسامة هادئة وهي والصدمة مش سايبتها وتطالعه بعيون حايرات بس كان فيهن حنية ويدلن على قلب ابيض قلب طفلة هيك كان يشوفهن عبدالله
وقطع الصمت الذي استمر 30 ثانية او اكثر
رودينة:ها وش فيك كانك شفتي شبح قدامك هاذا عبدالله اللي حكيتلك عليه
رواد وعاجبة الجو:هههه ماقطع هذا اللقاء الا صوت الخليجية
رودينة استحيت زووود
منال واطت اعيونها لوطه وهي ماسكة حديد الشباك بكل براءة وكان الشباك كبير كفاية انه يبينها لنصها الفوقي تقريبا واما عبدالله عدل وقفته
عبدالله:كيف حالك منال
منال بكل حيا:الحمد لله وانتم
رودينة:ههههه وانتم خيركم مع صيغة المفرد شايلينها المسكينة
عبدالله ضحك ورواد قريب انسدح علي الارض من الضحك واضح ان منال استحت بكل
منال نست روحها وقالت لرودينة:وانت خيرك تتفلسفي واجد مصحك بس كان انشدك
وقتها رودينة ورواد طالعوا بعض لثواني وفهمو بعض وانفجروا ضحك في نفس الوقت اما منال تمنت الارض تنشق وتبلعها من الحشمة وعبدالله كان متفاجئ بس حس بالإحراج كمان لان عارف ليش رواد ورودينة يضحكوا
عبدالله بصوت سنع رواد:رواد سمعنا انت وياها بلا هبال
رودينة تخصرت(حطيت يدييا في نصي):لا ياشيخ حتى الضحك حرام اي بطني تعبت ليه ربع ساعة وانا مصبية
ورحت جلست على الكرسي اللي بجنب الشباك يعني تحته
منال شدت شعري:وصلتي عندي
فكيت يديها:ياقردة شعري نتفتيه اه ياشعري اللي عدا فيها
منال باستهزاء:قردة بروحك هههه خليه ينقص شوية سادك طويل وكثيف تو يعطوك بعين
رودينة: و والله راهي تجي العين منك..
وسكتت لما شفت رواد صار واقف قدامي وقدام منال
رواد مد يده لمنال:ها كيف حالك انا رواد ولا التسليم علي عبدالله بس
منال مدت يدها وهي واكلها الحشم:هههه اهلين انا منال
رواد:ههههه مقدمك ماني عارف اسمك
عبدالله:تأدب
رودينة ضحكت:هههه والله انك بزر
رواد لف يقابلني وهذا وترني وهو مستغرب:شن معناها بزر
رودينة:كذاااب ماتعرفش معناها!
رواد هز رأسه بالنفي
رودينة:خش عالقوقل
الكل:هههههههه
عبدالله:معليش ممكن نرجع لموضوع جيتنا
الكل سكت بمعنه كمل
عبدالله:منال معليش بس لما ماجيتيش اليوم وأكيد حكتلك رودينة الموضوع وباختصار انشالله مانكون السبب
رودينة جيت بنتكلم بس رواد مسك يدي وجلس جنبي وطبعا صار وجهي رينبو(قوس المطر)وتشنجن عل أعضاء جسمي من حركته وقربه ليا وهمس في أذني وهدى ذوبني من الخجل:هوووش خليهم يتكلمو مع بعض وانت سادك من الكلام
ماكانش عندي الجرأة حتى انرد واخصوصي انه مازال ماسك يدي
منال حكت بكل خجل على اللي صار وطبعا واضح ان حذفت أشياء لأنها كانت تسكت كل شوي وعبدالله قلبة تطمن بس انشغل بشيء ثاني مالا فيه اي علاقة وهي معاملت طاهر ليها حس هو بالهم اللي عندها وكملوا عبدالله ومنال كلامهم سؤال وجواب بس واضح أنهم ارتاحو لبعض
رواد طالع ذراع رودينة اللي ماسكها من كفها
رودينة ووجها طماطم:هي على وش تطالع
رواد: بانت مسكت وسيم لابسة كم
رودينة لفت قبالته:ايه وتو انوريه الأفندي
رواد لف يقابلها:شن بتوريه
رودينة زاد وجي احمرار ووخرت شوي شتت نظراتي بعيد:وانت وش دخلك
رواد ماسك ضحكته:بس قلت بالك انساعدك
رودينة عصبت وقريت منه باندفاع:مانبيش مساعدة....
صارلي تجلط وانشل جسمي يوم تلاقن عيوني بعيونه وكنت قريبه منه كثييير ومن الحيا صارن عيوني يرمشن بسرعة وفكت يدي منه لان كان قريب وااجد واللي خلاني انوخر صوت عبدالله:نقصي حسك انت وياه
رواد:زعلتي ياقطوسة(قطة)
رودينة في نفسي(ياربي هدى شن يبي خلاص نغطس راسي في الأرض زي النعامة عشان يفهم اني تحشمت وبكل من كلامه)وقلت:شن قطوسة هدى
رواد:هكي مسميك الأفندي
فهمت انه وسيم الأفندي ودورت وجهي للجهه الأخرى
وقف قدامي:اسمعو شكله رودينة زعلت ياجماعة
بس فجأه وقفت ووجهي ما يتفسر رواد بان ان خاف علي ومش فاهم شيء وعبدلله مش فاهم شيء واما منال شهقت وجتها نفس الصدمة...
انشالله عجبكم البارت كله رعايش عند رودينة ههه المهم البارت اللي جاي راح تعرفو كل شيء غامض حايصير شيء مش راح تتوقعونه ابد وراح يصير موقف رومانسي في البارت اللي جاي انتظرووو.....وبدي ردودكم لاني بصراحه ماتوقعت مالاقي اقل شيء حد متابع...
Sent from my SM-J200H using 3bir mobile appتعليق
-
رد: رواية حبي صامت
رواية حبي صامت.......البارت الثامن
رودينة وبصوت مبحوح وهادي:ططط ااا ه طاهر
منال بدت دموعها تتجمع في محاجرها:خويا لا مستحيل
اما الشباب مازالوا مش فاهمين لين رودينة تكلمت
رودينة بصوت هامس وسريع:طاهر متأكدة سيارته مش قال انه ماراح يرجع
منال:يارب وقف سيارته اكيد جاي يقتلني اكيد شاف سيارتكم
عبدالله مصدوم شاف منظرها وحس بشعور بس استغفر ربه وحب يطمنها:منال ماتخافيش سياراتنا في بداية المنطقة
اطمنن البنات بس ماطولنش حتى طاهر يفتح في باب منال وبكل عصبيه لما لقاه مسكر بدأ يضرب الباب بكل قوته:منال ياحيوانه مناااال
البنات قلبهن قرع طبول بس رودينة لقت حل سريع مثل العادة وقالت بسرعة:منوله انت صكري الشباك وديري روحك تغيري في دبشك(ملابسك) وكان سألك عليا قولي روحت قبل شوي...(ووجهت انظارها لعبدلله ورواد)...وانتم تبعوني وولا حرف بسرعة
طبعا الكل نفذ اللي قالته وعند منال اللي زاد تخبيط خوها وحست انه بيكسر الباب:اصبر انغير في دبشي
وطول خلعت البدي ولبست أقرب بيجامة كانت فستان للركبة ولونه أزرق فاتح لون عيونها وفتحت وهي مزال مخبية نصها ورا الباب
منال بصوت حاولت مايبانش مرتبك:هاه حرام حتى انغير دبشي
طاهر ويعلي صوته وهو يطالع لبسها:هذا لبس ياقليلة الأدب وتردي بوجهي ياحقيرة
منال تبعد عن الباب والعبرة خانقتها بس قوت روحها:ومن قالك برق(ناظر) فيا وبعدين انت شن جابك لداري كبدي درهت منك حقير بروحك
ومزال ماكملتش كلمتها الأخيرة ماحستش بروحها الا وهي على الارض من قوة الكف ومسك طاهر شعرها وهو يهدد فيها:والله ناقص غير تضربيني واخر مره انعاود كلامي انت ماليكش حقوق أبد ولا راح يكون
منال وبين دموعها:ليييش انا شن درت حراااام
طاهر وكأن شي نغزه في قلبه بس مابين وقال بسخرية:ببساطه النسوان كلهن حقيرات ونذلات ويوطن الرأس انتن يا البنات(ويقولها بقرف....عطه ما يمسحه)ماتأمننش كان حد عطاكن وجه اديرن اللي مايندار(اتسون اللي ما يتسوى)
منال خلاص انفجرت ويمكن لاول مره ترد عليه يمكن لأنها كانت قبل شوي تضحك عبدالله ولد زي خوها ولد بس ليش الاختلاف الكبير تمنت أن خوها يكون ربع ولا حتى ثمن عبدالله..(لاتسألوني ليش عبدالله بالتحديد مش رواد ولا حد ثاني لاني ببساطة مانعرفش اسألوها هههه) ووقفت قبل لايمشي:انا عارفة انت ليش هكي معانا
طاهر وقف
منال كملت:عشان اللي داراته امك وس....
بس قطع كلامها بصوت عالي لدرجت ان رودينة واللي معاها سمعوه:منااااال سكري فمك ..ومشي للباب اللي كانت امه قصدي زوجة ابوه ماسكة بيدها كيس اسود خداه وطلع من البيت
منال اندحست علي سريرها وغرقت بالبكاء
وفي نفس الوقت
اول مامنال سكرت الشباك رودينة مشت لخلف البيت كان في باب خشب وتحته رخامه جلست وقالت وهي توشوش:ولا صوت اصبرو شوي بعدين روحوا لان يمكن يطلع بعد العراك
عبدالله بخوف وبنفس الهمس:عراااك يعني يمكن يضربها
رودينة ودموعي تستقر تحت عيوني ولنصف خدي:يمكن ها قول رايحة فيها البنت اااخ يامنولة ..وختمت كلامي بتنهيدة طويلة وحطيت يديا علي رأسي وطبعا مسحت دموعي قبل
عبدالله حس ان الدنيا ظلمت بوجها وعندها سلم روحه لشعوره وقال لنفسه(ااخ يامنال ياريته فيا ولا فيك حاس روحي بتطلع يوم سمعت انك راح تنضربي خلااااص نعترف لروحي انت سرقتي قلبي وخديتيه خلاص انت دوختيني ياريتك جنبي يامنال اااه ياقلبي)وحط يده علي قلبه وقال:استغفر الله استغفر الله
رواد حط يده علي كتف عبدالله وبكل جدية:عبدالله كلنا المنه وضع منال بس انت غير باين يا عبدالله انك انك تحس بشيء اكبر من الإعجاب
طبعا نسي رواد ان رودينة قاعدة لما قال كلامه بس بعدها سكت وارتبك لأنها بينهم
وطبعا رد عليه عبدالله بانكار:لا وين ماشي بعقلك بلا سخافه انا بس...
قاطعته رودينة:تحبها
....رواد انصدم من جرأة رودينة وبحلق اعيونة فيها ويمكن نسى فمه مفتوح وأما عبدالله انصدم من الكلمة نفسها وقال بصوت مبحوح:انحبها؟ رودينة شن الكلام هدى
رودينة توترت من الموقف بس قويت روحي:ايه باين من تصرفاتك يا عبدالله..(ونظرت لي رواد اللي كان مصدوم ويطالع فيا زي ماشرحت قبل شوي)..وانت بلا النظرات هدي طلعت مني لان عبدالله باين انه هو هكي خلاص ماتحرجنيش...وغطيت عيوني بيديا
وقطع الموقف هدى صرخة طاهر وهو يقول:مناااال سكري فمك...الصرخة وقفت قلوبهم تقريبا وبقوا جامدين لحد ماسمعو صوت الباب صرفق وصوت السيارة مشت
وعى عبدالله لروحة وجلس قدام رودينة:رودينة بالله عليك خليني انشوفها انحبها والله انحبها(وقال الجملة الأخيره وصوتة كله بكي)
رواد تأثر بالموقف اللي قدامة وقال لنفسه(بكى عبدالله أقوى شخصية بينا بكى وقدامي وقدام رودينة ااخ يالحب كيف تغير الناس)طبعا لان عبدالله صاحب شخصية قوية ديما صامد ولا مرة شافه حد يبكي لهيك رواد متأثر خلاص لان الجبل لقى وادي يخترقه
رودينة كنت فرحانة لصاحبتي بس دموعي نزلن لحال عبدالله خاصتا اني أتأثر لهدي المواقف بالقصص والأفلام كيف كان صار قدامي حطيت يدي علي راسة ومسحت علي شعره:خلاص ياخويا انت اطلب بس وتبي تشوفها راح تشوفها بس اهدى
عبدالله لا اراديا حضن رودينة
...
لكني ابعدتة بقوة ووقفت (طبعا حركة لا اراديه مني ومن أي بنت)رعشت من حركته قلتله بصوت متقطع وانفاسي متعاليه:لا تسوي هالحركة بعتزر بس ماليكش الحق انك تحضني انا ماحب هالحركة قصدي لا تزعل انا هيك
عبدالله انحرج من اللي سواه:اسف رودينة والله مكانش قصدي والله يارودينة انت عارفة نيتي
رواد حس انه لازم يتدخل:رودينة انا نعرف شعورك قصدي كيف تفكري توا بس لا تخلي تفكيرك في عبدالله سيء اكيد انت توا تسألي في روحك ان ليش شخص يعترف بأن يحب صحبتك وبعدين يحضنك
رودينة ندوي في نفسي(ياربي كيف عرف اني هكي فكرت):....
عبدالله:اسف رودينة قلت لك مش قاصدها بس حسيت انك راح تحلي مشكلتي لا إرادية صارت معي بس شكلي خربت كل شيء
رودينة:هدى ماليشي دخل باللي وعدتك بيه...وقاطعني صوت نقالي..كملت:ها هدى باتي اكيد جاييني انت وياه ولا كلمة
رديت:اهلين باتي
يوسف:ها دندون انجيك راهي العشره ونص وحنا اتفاقنا مانتأخر
رودينة:لا اكيد اصلا صار شيء وانا قاعدة برا يعني في الحديقه
وقتها رواد وعبدالله انصدموا يعني كيف اتخبر بوها هي معاهم وبرا وليل صح أنهم مايسوون شيء غلط لاكن بوها هيكي راح يفكر
يوسف:بسم الله عليكم شن صار
رودينة:لا ياباتي ماتخافش انشالله خير بعدين انفهمك الموضوع المهم نبي عشر دقائق بس والله ضروري والموضوع ليه علاقة بطاهر ومنال بمعنى السيد المحترم يحسابني روحت ولكن توا كيف طلع يلا باتي اوكي
يوسف:اوكي اصلا انا نبيهن العشرة دقائق عشان انجيك نشرب في شاهي
رودينة ضحكت:هههههه صحه صحه ثانكيو يلا باي
يوسف:ربي يعاون وسلميلي عليها منولة وقوليلها تزورنا باي
وصكرت التلفون وشفت علامات الاستفهام على وجوهم:هههههههه خيرك انت وياه انا باتي مانخبيش عليه لاكن مش حانقوله اللي صار يعني عليكم بنقول الصدق بس مع الحذف
رواد:هههه والله مانك هوينة
رودينة تذكرت شيء:ااه شنطي داخل خليني نتصل عليها منها تجيبيلي شنطي ومنها...وغمزت لي عبدالله
عبدالله:الله يفرحك والله انك احسن صديقة ليا
رواد:اصبر امته وليتوا صحاب
رودينة ركزت نظرها في عبدالله وكأنها عرفته:وانت شن دخلك ايه صحاب وقراب بعد
الكل:هههههه
عبدالله استغرب:قراب كيف
رودينة:عطني اسمك كامل الرباعي
عبدالله:عبدالله محمد بشير الشيخ ال... (اللقب مش داعي نكتبه علي خاطرها اسمه خلبطه من راسي)
رودينة:ياولد العمة
الشباب انصدمو
رودينة:ياهو جدك بشير الشيخ وبوك محمد وامك نادية آل... صح ولا
عبدالله:ايه كيف عرفتي لحظه انت بنت يوسف آل... صح
رودينة:ايوه وصلت المعلومه بس خيرا مانشوفوك في حوش عمتي
عبدالله:مانحبش جو المناسبات غادي بعدين عمتك تبهذلني بكلامها هي والنسوان بس عشانك كل مناسبة راح اتشوفيني غادي
طبعا رواد زي الأطرش في الزفة:اصبر انت وياها
رودينة:خلني نتصل علي منال وتو يشرحلك عبدالله بعدين
اتصلت:.
منال اللي كانت في نوبة بكي:هي رودينة ه اا
رودينة:حبيبتي لا تبكي ياروحي المهم بنقولك جيبيلي شنطي من دارك عند الباب الوراني الصغير
منال وتمسح دموعها:باهي بس اي باب وقوليلي شن صار
رودينة:ياشينك الباب اللي طحت فيه هداك اليوم
منال ضحكت رغم المها:خلاص توني جاية شوي باي
رودينة:سرعي باي.وصكرت
بعد شوي انفتح الباب وانفتح قلب عبدالله معاه واخصوصي لما شاف منال لابسه البيجامه الزرقة اللي لون عيونها وعلى سيرت عيونها كانن عمر ومنفوخات من كثر البكي وانفها كان أحمر كان الاثنين يطالعون بعض والكل ساكت وعبدالله مش مصدق أنها قدامة بس قطع الصمت عبدالله لما شاف أثر الكف اللي علي وجه منال:هااا بسم الله عليك خيره وجهك ليكون ضربك
منال زاد سرعة تنفسها ومسكت نفسها على العياط:لا عادي
رودينة ضميتها بقوة وصرت أبكي انا وياها:ياروحي ليته فيا ولا فيك ..وتركتها..ليش جي الأفندي
منال كانت مستحية من وقفتها قدامهم وبجامها اللي لبستها من دون ماتنتبه قالت بصوت كله رقه ذوب عبدالله:هو كان ناسي شيء وأخذه وعصب يوم شاف الباب مصكر وتهاوشنا وقالي كلام مش كويس خلاني انرد عليه وبعدين ضربني وخلاص
رودينة:هااا بويا اهو جي يبيبلي(يزمرلي) منوله باي ياروحي وماعليك راح ترجعي الكليه يعني راح ترجعي وغصب عليه يلا ياهو انقلعوا هههه
عبدالله وجه كلامه لرودينة:تسمحيلي..ومشى لم منال ومسك خدها اللي كان أحمر حييل وودعها ببوسة عليه الكل تفاجئ جرئته بس ماكانوا بنفس صدمة منال اللي حست ان قلبها وقف ضخ الدم وان الدنيا بدأت الدور وهي تطالع في عبدالله اللي قطع عليها صدمتها:عساها يروح(قصده الم الكف)منال بحركة سريعه قالت:تصبحو على خير ودخلت وصكرت الباب
رودينة:قتلتها يادب المهم تصبحون علي خير وترى آخر مرة انشالله تجون بالليل عيب باي
قطعها رواد:مالت عليك ودوري
رودينة:خليجي شكلك تعلمت هههه سخيييف شن دورك. ..وعديت ركض لعند سيارة باتي المسكين كان ينتظرني وطبعا طول الطريق حكيتله على صار بس بدون ذكر رواد وعبدالله وخليتهم الغاز
وكمان عبدالله روح ورواد كمان اما منال غرقت في التفكير وهي ماسكة خدها لين خداها النوم
الساعة 3 الصبح رواد كان نايض ويتقلب وماجاشي نوم عدى للمطبخ بيشرب ميه لقي حد في المطبخ....
..انتهى البارت
Sent from my SM-J200H using 3bir mobile appتعليق
-
رد: رواية حبي صامت
مساء الخيرات
اليكم البارت التاسع......
رواد:شن اديري نايضه
عائشة:بسم الله وانت شن دخلك
رواد جلس جنبها علي الكرسي:شكلك منسجمة بكل نت وشكلاطه ماتخافيش تسمني فوق سمنك
ضربته عائشة كتفه:مالت عليك وانت وش تبي مني بعد
رواد ضحك وتذكر رودينة كيف تتكلم خليجي:هههه
عائشة:ليه أولت انا شيء يضحك
رواد برضو تذكر لما دعست رجله وحكت بالمصري:هههههههههههههه
عائشة:لا اله الا الله محمد رسول الله الله عليك خلاااص خويه ودر (راح دماغه كله)
رواد مزال يضحك:انت فاشله قدامها بالخليجي والمصري
عائشة بخبث:مين قصدك دعاء
رواد مات ضحك علي تفكير اخته:
ههههههههههههههههههههههههع وين ماشي عقلك تراها محجوزة لوسيم
عائشة:ووووووه وانا شن قعد لي (بقى لي)
رواد وقف وبجدية ممزوجة ببتسامه:والله تحشمي علي وجهك راني خوك مش بنت معاك في الكلية
عائشة وقفت وهي بتطلع:أي باهي شن قلنا بس ياخسارة طار هههههه معليش في اسمح منه....وهربت للفوق يعني لغرفتها...
رواد:اتفي عليك والله مانك مربيه
رجع رواد لغرفته ونسي موضوع الميه بكل تسدح على السرير وهو يراجع في اللي الصار معاه اليوم من الصبح لليل وطبعا مره مره تجيه هسترية ضحك كل ماتذكر تصرفات رودينة وتنهد وقال بصوت كله نعاس: شكلة البنات هدينه بيصيرن من قروبنا ههههههه ..وبعد شوي نام
في الصبح
رواد واتهز فيه وحدة واتقوله:هيا يادراه نوض نوض وقت عليا ياحمار نووووض يادب نوووض
رواد فتح اعيونة علي كلمة يادب وهو يضحك
عائشة وتشد شعرها:ااااااااه والله مانك طبيعي اكيد واكلك حبة بالغلط مازلت تضحك بسرعة عندي كلية وعندك حتى انت تأخرنا
ناض رواد وهو مروق ويضحك علي شكل اخته وشعرها اللي نزعته:غير عدي واسي(صلحي) شعرك
ضربته عائشة:عدي بسرعة وتي روحك عاد انت احرف من البنات علي المرايا
وفعلا طلعت عائشة ورواد أخذ دوش سريع ولبس بدي اسود مبين عضلاته خاصة يديه عليه من الكتف اليمين حرف R بالأبيض علي اسمه(قروبهم كله عندهم زيه وعليهم حروفهم)ولبس جينز أزرق غامق وسبيدرو (حذاءرياضي)تبع الباسكيت بول وكان عالي لونه ابيض وطبعا وقف علي المرايا ساعتين وهو يواسي في شعره
دخلت عائشة عليه بعد تزبيط شعرها وهي معصبه:هدى كله هيا ضيعت ساعة كامله
رواد:والله حقا بس لحظه كأنك زايده حلاوه اليوم
عائشة:اكيد ديما انا حلوه وسكر زياده..كانت لابسة فستان نص كم أحمر مع حزام ذهبي وساندال ذهبي ورافعة شعرها ذيل حصان وشنطة ماركة اكييد واكسسوارات وحاطة لوشن وكحل وغلوز شوي داكن
رواد:هيا مشينا تراك عطلتينا...وطلع
عائشة حطت يدها علي قلبها:ياربي رماها عليا ربي يصبرني عليك....وقالت بصوت عالي....كبدي علي مرتك مسكينة
وفي الكلية كنت رودينة ماسكة يد دعاء وندور في عبدالله
انا لابسة بلوزة شيفون ناعم بيضة ساده كم من يد وحدة(اللي بانت فيها مسكت وسيم)ومن الجهه الثانية ربع كم ومعها جينز أزرق باهت بكل كان قصير شوي من تحت يعني فوق كعب الرجل ومعه سبيدرو أديداس ابيض كمان في كعب بس مش كثير وسلسال ذهبي خفيف باليد ومع ساعة جلد وردية وشعري مطلوق عادي بس عملت فيه حركة بسيطة وغرتي كانت مقسومة نصين بس من جهه أكثر باشوي ودناديل سنبل ذهبي وحطيت كحل نهاية العين ومسكرة وغلوز بدون لمعه وردي باهت
اما دعاء لبست جينز ابيض مع رسمات بالأسود وبلوزة قطعتين يعني كت اسود وفوقه وحدة مشبكة أحمر وكندره عاليه لونها أحمر بانت أطول من رودينة هههه وحطت حمرة خدود وكحل غامق بس واكسسوارات
والحمد لله لقيت عبدالله كان واقف قدام باب القاعة
عبدالله:صباح الخير
البنات:صباح النور
رودينة:لقيت فكرة انرجع منال علي الكلية بس نبي المنفذ
عبدالله:انا جاهز
دعاء:اصبروا فكرة شنو وجاهز شنو حد يفهمني شن يصير لحظه دندون شن صار امس مع منال
رودينة:هههههه بعدين نحكيلك هي ولد العمة خلينا نجلس ونتفاهم
عبدالله:هيا
دعاء صرخت وماسكة اعصابها:لالالالا حد يفهمني شكلي ميتة أسبوع وتوا رجعت للدنيا دندون ياقردة تعالي فهميني
رودينة وانا نصارخ عشان تسمعني كنت بعيدة شوي:قردة بروحك بعدين قلتلك بعدين
دعاء انفجرت(حشرية زيي ههخ):ااااااااااااااااا...
سكتت دعاء علي حد مسك كتفها
دعاء تنهدت:هااااه وانت شن جابك
وسيم:صباح الورد يالورد
دعاء حمر وجها:صباح الخير
وسيم:وووه شكلي بنغير اسمك بدال الصفرة الحمرة
دعاء:خلاااص بلا بياخة ناقصتك عاد
وسيم:ايه والله ناقصتيني
دعاء ضرباته على بطنه:استحي معفن
وسيم يمثل الالم:اااخ اااخ وجعتيني اااخ ضربت امس مزالت توجع واتزيديها...غمز لها...ضربت امس تذكرتي
دعاء:قسم بالله مانك طبيعي تراني ماني فاضية عندي حاجات مهمه انديرها
وسيم عدل وقفته وبجد:شن حاجات مهمه (هههه فضولي أكثر منها)
دعاء:هههف حشري وين وجع كرشتك
وسيم:كرشتي حرام ماعنديش المهم قوليلي الوجع عدا
دعاء:لقلبك انشالله
وسيم بخبث:اضربيه تو يوجع
دعاء طفشت:ها ها ها باااااايخ وووييييع...ومشت
وسيم يمشي وراها:خلاص انا بايخ والحمد لله بس شن صاير مع عبدالله ورودينة
دعاء وقفت من دون أن تلتفت
وسيم استغرب وبخوف:بسم الله خير في شي
دعاء التفتت بسرعة(دويره):ايه بالله شن صاير
وسيم رفع شعره لورى وماسك ضحكته ماتوقع ردة فعلها:ااا والله ماني عارف بس ماحكتش رودينة ليك
دعاء تخبط برجليها الاثنين:وهدى اللي مجنني
وسيم مسك يدها وركض:تعالي
دعاء مش فاهمه شيء:ويين تي خيرك بالشويه يدي راك تكسرها
المهم وقف وسيم قدام رودينة وعبدالله ومعاه دعاء
عبدالله وهو مستانس:ها اهلين بالصفرين(لان الاثنين شقر)
دعاء ووسيم ردوا مع بعض بنفس الوقت:عينك
ضحكوا الكل:ههههههههه ماعاداهم
(لحظه قلت الكل معناها في حد جي وشاف الموقف)
رواد: صباحكم قروووبنا
الكل:صباح الخير
رودينة استغربت:قروووبنا وش تقصد
رواد جاته هستيرية الضحك:هههعههههههههههههههههههه
رودينة بجدية:تراني من جدي اتكلم ما امزح(بريق خليجي)
رواد هنا كملت معاه من الضحك:بففففف هههههههههههههههههههههههههههههه
رودينة رقتلي منه:يامجنون والله العظيم كاما تسكت يجيك الكرسي علي دماغك
رواد سكت بان اني معصبة بس الابتسامة قاعدة
عبدالله:خلاص دندون امس كنتو صحاب ماتفلبوش عاد المهم مانبوش نفسدو الخطة منال تراجي
وقتها دعاء ووسيم كملت عليهم دعاء بدت تصارخ:اااااااااااااااااااه والله نموت كان فهمتونيييي اااااااه
سكتها وسيم واللي فضوله قاتله أكثر منه:عبودي فهمني حبيب القلب هيا انراجو
عبدالله اكتفى بنظرة لرودينة ورواد الثلاثة ابتسموا
وقتها وسيم الرايق صار بركان وفاير خبط يده على الطاولة:انسوا أنكم تعرفوني..ومشى
دعاء:وانا بعد...ولحقت وسيم
الكل:ههههههههههه
رواد جلس جنب رودينة مقابل عبدالله(جلس بعفوية يعني مش قاصد أنه يجلس جنبي عمد بس انا توترت شوي):اييه خبروني شن طلع معاكم
عبدالله:والله رودينة صاحبة الأفكار قلنا خلينا نقدم طلب للإدارة هنا ونتفق مع أستاذ ومن الكلام هدى يعني رودينة قالت انه انشالله يأثر في طاهر وينحرج من الإدارة ومستحيل يفكر أنها منا
رواد ضرب كتف رودينة بلطف:كفووو وينك في قروبنا من زمان...ونظر لعبدالله...كان ناقصنا صاحب الخطط...وضحك...لانا ديما فاشلين
رودينة بعدت شوي عشان نقدر نكلمة:ايه ومن قال اني موافقة ندخل قروبكم ذا
عبدالله:بتوافقين عشان خاطري
رودينة:عشان خاطرك انفكر فيها
رواد:وعشان خاطر رواد توافقي
رودينة:تحلم
الكل:ههههههههه
عبدالله منحرج:ايه علي خاطرها ااحمم علي صار امس ماتتكلموش علي صار حتى وسيم ودعاء ومنال حتى هيا
رواد:مالا تبيهم يذوبون شفت شن صار توا
عبدالله كان متوتر:مافهمتش قصدي
قاطعته رودينة:ايه فهمت قصدك علي..وتأشر علي قلبه..انك اعترفت قدامنا اوكي أكيدة ماتخافش ولا شنو يارواد
رواد:اكيد اكيد
عبدالله:شفت البنت الفاهمة تفهم عالطاير علي قولتهم مش زيك
رواد يخمس علي:خمسة وخميسة راك تعينها بس شكلها في المواضيع هدينا بس تفهم...وسكت بس كان خايف من ردة فعلي
رودينة وقفت:ههههه ماتخافش في كل شيء انشالله المهم هيا ولد عمتي نبدو منال تراجي
عبدالله:هي توكلنا على الله
رواد مزال مصدوم من ردة فعلي ماتوقعهاش بصراحة ..ولحقنا
وطبعا مشت الأمور تمام التمام وكان لرواد دور كبير في المهمه هو أختار الأشخاص اللي قلبلناهم وعبدالله ماقصر بأسلوبه المقنع وخلصنا اللي علينا والباقي علي طاهر الأفندي
اما وسيم ودعاء لقيناهم منسجمين علي تقطيعنا(يحشو فينا) هههه بس اكيد راضيناهم وحكينالهم كل شيء ماعدا اعتراف عبدالله بأنه يحب منال ودرناها انه يبي يريح ضميره
دعاء برقت في رواد:ياريتك ماجيتش امس كانهادى كنت معاهن
وسيم:ياخاينين درتو جو بلايا
1.2.3 ..........
لحظة صمت وصدمة عليا وقلت:ويين رواد دعاء لحظة فهميني كيف انتم
دعاء حست ان دورها توا:والله دبري من يشرحلك دندون
رودينة:ديدو حيوانه قولي هيا
دعاء:بروحك ياقردة
رودينة شهقت:ماقردة الا انت يا معفنة قوليلي ديدو هيا
دعاء: دندون لين تنحرقي وبعدين انفكر
رودينة ماقدرتش نمسك روحي وطبعا عطيتها طقه علي كتفها
وردتهلي ورديتلها وردتهلي ورديتلها...وهكذا
الكل ميت ضحك ورواد اللي كان ساكر ضحك ومصدوم من حركاتها وحاول يفكهن وطبعا ماقدرش لان كل وحدة تبي اخر وحدة تضرب:خلاااص بلا دلع انت وياها بطلن زي البيبيات...وجاته ضربة من دعاء...:دعااء يااا
قاطعته رودينه:ماتغلطش في صاحبتي..ويديا في نصي
وسيم كملت معاه لاني ساويت نفس حركت دعاء وهو ماسك بطنة:خلاااص ارحموني ههههههههههههههههه بالله ههههههههههههههههه خلاص بنموت ههههههههههههه بالله عليكن وين كنتن من زمان بس
طبعا الكل كان يضحك ماعدا دعاء ورودينة
عبدالله:خلاص وقفوا عقب الضحك عياط(هذا مثل عياط معناها بكى)
رن نقال رودينة طووول لفيت لدعاء:ديدو شوفي منال
ديدو:زعما شن صار ماضنيش قالوله دندون ردي
(استغربتو ان بسرعه كانه تصالحنا يعني طول دويتلها ههه هدي ديدو اصلا ديما هكي وطبعا حتى اللي معانا ما قلوش عليكم استغراب)
رودينة رديت:الو منولة
منال:اهلين دندون ها شن صار
أشرت لهم علي ان منال مازال ماعرفتش
رودينة نمثل اني نبي نتأسف:والله منولة مش عارفة شن انقولك
منال بان علي صوتها أنها اكتئبت:لاعادي بينه دندون درتي اللي علكي
رودينة:معليش بس مالقيتش طريقة وخوك تراه صعب بكل ماقدرتاش حاولت ومانفعش شيء
....انتهى للبارت
Sent from my SM-J200H using 3bir mobile appتعليق
-
رد: رواية حبي صامت
اثمنى اشوف رأيكم ومشاركاتكم في الرواية
Sent from my SM-J200H using 3bir mobile appتعليق
-
رد: رواية حبي صامت
مساء الخيرتعليق
-
رد: رواية حبي صامت
هلا راح انزل البارت العاشر واللي يقرأ من خلف الكواليس ياليت اشوف ردودهم. ...
❤البارت العاشر❤
منال بخيبة امل:لا خلاص عادي بس معليش بنصرك ضروري باي
رودينة انمثل اني حزينه حيييل:خلاص منوله سامحيني باي
وصكرت...
رواد:مكفرك
رودينة:مش اكثر منك
الكل:ههههههه
عبدالله:دندون خيرك ماقلتيلها
وسيم:دندون هههههه من متى لاكن شكلك مش متأكدة من الخطة
رودينة:هاهاها وانت وش دخلك ها ايه دندون ونصين بعد المهم اسمع عبدالله نبي انخليها تعرف من خوها حتكون مفاجأة ونفس الوقت هوا اللي بيجي يطلب منها ترجع وعلي فكرة يا استاز وسيم افكاري عمرها ما تخيب ومتأكدة كثييير...التفتت لدعاء... هيا ديدو عندنا محاضرات مانبيش انضيع وقتي زيادة مع هدى(تأشر لوسيم)باي شباب
دعاء:اوكي باي شباب
وطبعا واحني نمشو كنت شادة شيتات وفي واحد كان مش منتبه وضرب فيا من الخلف بس بحركة سريعة مسك يدي ولفني قباله(مقابل ليه)وهو ماسك بيده الثانية خصري وما طحتش(اكيد فهمتوا الموقف نفس اللي في المسلسلات)وطاحن الأوراق على الارض
الشاب وهو مازال ماسكني:انت بخير يا أنسةبعتزر انشالله ما تأذيتي(كانت لهجته سورية)
رودينة صار وجهي أحمر من الموقف ومسكته وحاولت شيل يديه:ايه شكرا انا بخير
طول نزل وجمع أوراقي كلها ووقف ومدهلي:خديهون وبعتزر مره أخرى عن جد مو اصدي
رودينة:حصل خير
وطبعا قروبنا هههه قصدي عبدالله ورواد ووسيم شافو كل شيء كنه قريبين واجد وكان عيونهم يطلعن شراره كلهم (هكي الشباب لما يشوفون واحد مع بنت واخصوصي يعرفوها)
الشاب:مرحبا انا حازم
رودينة:وانا رودينة
حازم مد يده لدعاء:مرحبا حازم
دعاء:اهلين وانا دعاء
حازم:تشرفت بمعرفتكن
رودينة ودعاء:احنا اكثر
حازم:بزن(بظن)انا محاضرتنا سوا تفضلوا ندخل مع بعض
رودينة:اكيد شكرا
دعاء:يلا تأخرنا
مشن دعاء ورودينة مع حازم ونسن أمر اللي قاعدين علي نار هههههه
وسيم:والله الاخ شكلة واخد راحته
رواد:بزيادة شباب شن رايكم نربوه
عبدالله:والله مافيش مانع
رواد ووسيم برقو في عبدالله منصدمين:ااه
عبدالله:هههه خيركم حقا شكلة لاصق في بنات قروبنا
رواد:ههههههه
وسيم:علي سيرت القروب وين محمد من زمان معاد بين
رواد:لاهي في حبيبة القلب
عبدالله ووسيم:هههههههه
عبدالله:والله فالح مش زينا معنسين خاطب ومأمن علي روحه
وسيم:حي شباب عندنا كورة ساعة وانردو بعدين..يرمش ببراءة.. والله ساعة
عبدالله ورواد وافقو يمشو ساعة ويردو بس طبعا من عادة الولاد اذا كانت كورة ينسو الوقت وامه هههههه
بعد ساعتين ونص كانت دعاء ورودينة وحازم(شكلة عجبة الدور في الرواية)طالعين من اخر محاضره عندهم
ونفس الوقت دخلوا عبدالله ورواد ووسيم (هههه هدى غير ساعة بس)كان شكلهم يضحك من لعب الكورة وكانهم كانو في معركة ومنهكيين حيل
تلاقو البنات معاهم وطبعا حازم توتر من نظراتهم ليه
حازم:ديدو دندون يلا مع السلامة خلينا نلتقى شي مره حبيتكم كتير باي شباب
رودينة ودعاء:الله معك...ومشى حازم..
رودينة:مالك انت وياه كليتوه الولد
دعاء:ايه حرام والله الولد مؤدب بكل مش زيكم
وسيم يقلدها:ايه بكل مؤدب(ويرق صوته)يا ديدو ودندون
البنات:ههههههه نغارين
رودينة انتبهت علي شكلهم:وه خيركم هكي كأن أحد كاب عليكم سطل(دلو) ميه بسم الله
دعاء:ياروحي يادندون أكيدة كوره وبعدين الميه هدي كله عرق وييع
رودينة كبدي درهت:وييييع خلاص بنفرغ اسكتي يوووووو مقزز
طبعا الشباب ماعجبهمش الكلام ورواد قدم ووقف قدام رودينة مباشرتا كان اطول مني كثير كثير لدرجت اني جيت لتحت كتفه بشبر لانه حذاءه عالي وانا لابسة نص عالي لهيك كان الفرق اكثر من قبل
رفعت راسي مشان اعرف شن يبي:هاه خير ياطير
رواد:كملي تمصخيرك انت وياها
رودينة توترت من قربه:بعد رواد بعد من عليا...وكل مانوخر خطوه يقدم خطوه
رواد:من اليع قوليها
رودينة بعناد:وخر عني وييع منك بعد هههههف
رواد طارتله طبس(انحنى)عليا ومسك كتوفي وحط جبينه بجبيني:ليش انت معاندية هكي
رودينة حسيت اني ضعت يوم دار الحركة هدي حسيته محوطني من كل جهه ارتبكت لما طالعت عيونة اللي يطالعني بيهن لونهن مثل السماء جمدت بمكاني وحسيت جسمي تصلب
رواد شال يديه ورأسه بس مازال واقف:هههه خيرك جمدتي
رودينة صار وجهي طماطم وحبيت اغير الموضوع:اه بسم الله عليك صاروخ مشالله في حد طويل ويلبس عالي
دعاء:قولي خاراقه(طويل فوق المعقول)
الكل:ههههههههههه
رودينة طالعت الحرف اللي كان مكتوب علي كتف بلوزته:حرفي
رواد فهم اني شفت حرفR:لا حرفي انا
الكل:ههههههه
رواد تذكر حاجة والتفت علي وسيم ووقتها قدرت نتنفس:وسيم تعال هنا قرب شوف شن درت للبنت في يدها
وسيم:قصدك بانت مسكتها بشوية
رودينة انفعلت:عينك خربتلي يدي مالت عليك
عبدالله:هههه ايه ياوسيم حقا بانت المفروض تعتذر
وسيم:وريني الأول
رودينة بسرعه وعصبية:سخيف انسى ومانبيش اعتذارك نقعه واشرب ميته
هنا الكل ضحك لكن رواد كان مولع من الضحك لين وجهه وله زي فالينته(بلوزته)
قطعتهم صوت بنت:ياربي مازلت تضحك
رواد زاد ضحكة:هههههههههههه شن اديري هنا ههههه
عائشة:نراجي فيك زي الخبلة في السياره وانت تهستر هنا
رواد يهدي في روحه:خلاص حقك علي
دعاء مشت سلمت علي عائشة:اهلين كيف الحال
عائشة:بخير وانت...اهلين شباب
والتفتت عليا وقالت:اهلين يا سمحة...مدت يدها...انا عائشة
رودينة:اهلين انا رودينة..نوجه كلامي لرواد..شن تقربلك
رواد:اخت
رودينة بصوت فشلتا:اسمح منك
عائشة:هههه هدى من ذوقك
رواد:هاهاها اسمح مني المهم انك اعترفتي اني سمح
رودينة:من قال انا ماقلتش اساسا الجمال مش مار من حوش جيرانك
عائشة:ههههههههه قوية شن ردك روودي
رواد:والله البنات بالملايين ورايا
رودينة باستهزاء:تحساب روحك راجل لما حوليك كثير بنات لا ياروحي هكي انت اختهم الكبيره
الكل:هههههههههه
رواد عصب من كلمتها وقال بحزم:راجل غصب عليك يابنت
رودينة خفت:انبصر ليش تزعل ههههه قاعدة في صوره عالفيس
رواد بخبث:طيب كلمة ياروحي بصاره
رودينة:مالت عليك يلا مع السلامه بويا جي
وسيم يصفر:ووووه علي الحشم مقواه
المهم الكل رجع لبيته بعد ماخلصو محاضرات
في بيت اهل ندى
ام ندى:اهلين بنيتي شجو الكلية
ندى:يعني بس كساد
ام ندى:غريبة من يومين وانت طاير عقلك شخبار رودينة
ندى وهي تقلع في السندال:اه والله مانندري
ام ندى:كيف مش معاك بنفس الكلية ولا غيرت
ندى:لا ماغيرتش لاكن معاش تلاقيت معاها شكلها مطولش او مش فاضية لأنها معاد جت معانا في الشلة زعما(ياترى...ههه عالفصحى) عندهم شيء
ام ندى:لا ماضنيش المهم بنقولك راني طالعة اليوم عت خالي عندهم لمه بنعدي من توا مش مروحه قبل ال11 في الليل يعني دبري وين انحطوك ولا تبي تمشي معايا
ندى:لا لا شكراااا مانبيش نمشي بارك الله فيك...وتمتمت...ناقصني هدرزة عزايز
ام ندى:تحشمي الحق مش عليك الحق عليا انا اللي قلتلك
ندى تساير:لاماما ماتحمقيش بس والله تعبانة المهم حطوني عند عت عمتي غالية خاطرني في رودينة
ام ندى:خلاص تم
في بيت اهل منال
منال:ماما من عندنا
ام منال:والله مانندري هما 3 رجالة شكلة في شيء مهم
منال:الله يستر المهم ماما انا في داري كان استحقيتيني ناديني..وعدت
ام منال تتنهد:رب يفرج عليك يابنيتي(حست ان منال تعبانه نفسيتها زيادة بعد منعها من الكلية)
في غرفة منال
منال كانت تفكر في عيشتها المطينة مع خوها الزح(والله ماحد يلومني علي كلمتي)ودق الباب
منال:تفضل
فتح الباب:منال نبيك في موضوع
منال خافت:تفضل طاهر
طاهر بصوت صارم:اسمعي بنقولك علي الكلية..
قاطعته:خلاص معاش يهمني شيء وماضنيش ان مزال فيه حاجة وماحرمتني منها
طاهر بصوت عالي شوي:اسمعي يابنت الناس(قاسي يقول بنت الناس ولا كأن الناس هديما اهله)انا بنسمحلك انك تكملي الكليه
منال مستغربة وباستهزاء:وشن اللي غير رايك عأساس انك مستحيل تتراجع علي رأيك...وسكتت وكأنها فهمت الموضوع قالت في سرها(زعما الرجالة اللي جو من الكلية ااااااه ماتطلع الا الا رودينة ههه مغباني خدعتني ههخ)
طاهر:حسني أسلوبك ولا انغير رأيي
منال حست ان متردد و خايف انها ترفض وقالت لنفسها تو انوريه:لا معاش عندي نية وزي ماقلت مش داعي ليها قراية البنات
طاهر عصر علي نفسة ليمونة واخصوصي لما تذكر الكلام اللي قالوه:يامنال انسى اللي قلته قرايتك اهم..وقال بحزم..انا قلتلك واحتمال بكره انغير رأيي وانت ديري اللي تبيه أساسا البنات كلهن هكي مايفهمنش
منال كانت بتطير من الفرحة بس مابينتش وقررت انها تقبل قبل ما يصير شيء:خلاص مافيش خيار بنكمل ويارب نقدر انعوض اليام اللي فاتني يااااااااارب
طاهر كشر وخرج من غرفتها
منال لما خوها طلع وقفت وقعدت تنطنط وتدور في دارها وتصارخ بس بلا صوت وكانت الفرحة مش سايعتها علي قولت المصريين ههههه
طبعا بعد ماكملت منال شطحتها اتصلت طول علي رودينة
رودينة:الرقم المطلوب خارج نقاط التغطية
منال:يافخة
رودينة عرفت أنها عرفت:ههههههه 1 صفر بس شن رأيك انا وعدتك
منال:ياروحي مش عارفة كيف نشكرك والله ماني عارفة حتى شن ندوي يارب والله انك احسن وحدة عرفتها في حياتي
رودينة:ياروحي مافيش داعي للشكر ليش الصحبات ايه عندك الحق بس صباح الخير أكيدة اصلا انا احسن وحدة هههههه
منال:هههههه ايه كيف صار فهميني
رودينة:بصراحة انا طلعت الفكرة بس مش انا اللي نفذتها
منال:من
رودينة:صاحب البوسة
منال سكتت وأكيد صار وجها أحمر:...
رودينة:اكيد عبدالله من غيره خيرك تبكشتي هههههه
منال:خلاص بلا مسخرة عليا
رودينة:الله المهم انك بترجعي للكلية
منال:ايه مش مصدقة بس ماقلتيليش كيف صار
رودينة:هادى يا ستي خطرت عليا ان نكلمو الإدارة طبعا نلصقو في واحد منها ونشبطو في أستاذ وانفهموه موقفك وأنهم يجونك في الحوش بحجة أنهم يسألو عليك ليش ماتجيش يعني كانك بتبطلي في سريب طويل وضروري يشوفوك ومن الكلام هدى المهم انا اللي خططت وعبدالله نفذ ورواد بصراحة ماقصر كله عشانك ياقلبي ماخبرتكش امبكري عشان نبيها مفاجأة النفس الوقت عشان تعندي على طاهر وعليه هو اللي يجي يطلب منك انك تكملي
منال بدت تبكي من الفرحة: دندون حبيبتي كانك توا احدايا راني قتلتك من كثر ماتعنقتك(حضنتك)
رودينة:هههههه توا دورك تجي عندي بعدين مانقدرش انجي ههههه ندى جايتني
منال:والله وناسة بس مانقدرش تو يشك الأفندي الشكاك الظنان هههههه
رودينة:يلا مانطولش عليك باي
منال:باي سلمي علي ندى
رودينة:يوصل بالسلامة...وصكرنا
في بيت اهل رودينة
طررررررررن(هدى الجرس)
...انتهى البارت انشالله عجبكم....تعليق
-
رد: رواية حبي صامت
تعليق
-
رد: رواية حبي صامت
تعليق
تويت
تعليق