رد: رواية حبي صامت

ام رودينة فتحت الباب:هلاتين بالسموحة
ندى:اهلين عمتي غالية شخبارك...الخ(وسلام نساوين)
غالية:ها ندوشة وين الماما
ندى:عندها لمة مش عارفة عت خالها ولا خالتها والله ماني عارفة بالضبط
غالية:ههههه خليها تطلع على راحتها تفضلي ندى
ندى:الله يزيد فضلك وين دندون
غالية:طول دندون واحني ماتبيناش
ندى:ههههه لا اكيد جايتكم كلكم
ياسمين:اهلين ندى شجو
ندى:ياسمينو شجوك شخبار المدرسة
ياسمين:ويع بالله ماتدويش عليها
الكل:ههههههه..(لحظه الكل يعني في حد آخر)
رنا ورانيا بصوت واحد:اهلين ندوشة
ندى:هاشجو....الكل جلس بغرفة الجلوس(الصالة)
عند رودينة
عرفت ان ندى جت بس طبعا ضروري مانغير دبشي
لبست شورت اسود لفوق الركبة بشوي وبدي اخضر جيشي وطلقت شعري عادي وعملت غرتي بالنصف وبدون اكسسوار وحطيت كحل نهايت عيوني وشوي غلوز جاف عنابي باهت
في الصالة
ندى:وين دندون
ياسمين بلا نفس: شن تبي في الدبه(ياسمين تنادي فيا هكي يعني لقامتي الدبة مع اني نحيفه هههه)
قاطعتهم:دبة في عينك ياناموسة(بعوضة)
ياسمين:جت الدراه خلاص معناها ندوشة انشوفك بعدين
رودينة:بالا فكه والله انتلفي حشره
ياسمين شدت شعري من ورا وهربت
رودينة:ياعن شكلك(استغفر الله هيا تعصب فيا)
الكل:ههههههه
رنا:دندون اهدييي ياسمينو صغيره
رانيا:ايه سادس راه
نطت ياسمين من الشباك اللي يفتح على الممر:صغيره فعينك انتي وياها
رانيا تضايقت ورنا كمان وبصوت واحد:قليلة أدب
الكل:هههههههه
قمعزت(جلست) جنب ندوشة
ندى:وينك يالقاطعه
رودينة نأشر عليا:انا حرام
ندى:مالا انا اكيد انتي ومعاك دعاء وحتى منال معاش شفناها
رودينة:ايه كانت عندنا حاجه ضرورية وبعدين خيرك انت مادوري
ندى:والله انتن اللي قطعتن بعدين قولي شن صاير ادويلي
رودينة بصوت واطي:بعدين ندويلك قصة طويلة
رنا ورانيا فهمن ان في أسرار وناضن بنفس والوقت وقالت رنا:يلا رانيا تعالي معايا..وطلعن
ندى:تعرفي انا مزال مانفرقش بيناتهن هههه والله جد
رودينة:عادي انا نميز
ندى ضربتني علي كتفي:ياغبية اكيد لانك اختهن وديما علي وجهن
رودينة مديت لساني:ياعبقرية معلومة جديده كنت نحساب روحي بنت عمهن
ندى:سامطة هيا خبريني شن اللي يصير من طقطق إلى السلام عليكم
رودينة:اوك ولعند مع السلامة كمان...وحكيتلها كل السالفة وحتى بوست منال وندوشة تحمست حست أنها تحضر ب مسلسل ههههه
بيت اهل رواد
اب رواد:رواد وينك تعال هنا
رواد ومغمض عين وفاتح عين:هااا نعم في شي
بو رواد:صحصح يافرخ ماتنفع في شيء غير النوم تعال معايا للشركة في مشروع بتستلمة
رواد بدأ ينوح وكلة نوم:لا بالله عليك بلا هالمشاريع يادوبني نلحق الكلية وبعد ساعة عندي باسكيت بول
بو رواد بعصبية:ساعة ونلقاك في المكتب..وطلع
رواد يخبط برجليه ويصارخ:يارب شن امداير انا في عمري يلعن بو وام هالشكره من وين طالعتلي ااخ بس الشباب بيلعبو كوره
قاطعته:العفو هدى تطورات الهبل من امس تضحك وتوا لغدوة تنوح
رواد خطرت عليه فكره:أيوتة(عائشة)اختي السموحة
عائشة تضحك ع خبل خوها وحطت يديها بنصها:ها من الأخر شن تبي
رواد:اصلا انت اللي تبي توا انا بنمشي للشركه عشان مشروع مانعرف شنهو المهم نبيك تتصلي علي بويا وتطلبي اي شيء وطبعا هوا مشغول وراح يطلب مني اني انجيك وهكي نتحرر
عائشة وعجبتها الفكرة:موافقة بشرط انك تنفذ اللي طلبته منك من دون تقصير وترا هدى دادي مانحبش نخبي عليه
رواد:يامصلحجية ديري حاجة وحده في عمرك بلا مقابل
عائشة:انت حر
رواد:باهي يادراه المهم تطلعيني
عائشة:اوك تفقنا
رواد راح تكشخ ولبس قميص ابيض مفتوح من فوق وجينز اسود وسبيدرو رياضي اسود بخيوط حمر وساعة جلد ضخمة وتعطر وكمل الوك بنظارات شمسية
ومشى للشركة بدون نفس
في الشركة
العباس(ابو دعاء):ايه تمام هكي
حسين(ابو رواد):خلاص تو رواد يجي ويستلم الشغل يعني الإشراف عالبناء ويمكن يغير شوية فيه واحنا بنشوف أفكارة وانقرر
قاطعهم:السلام عليكم
الكل(كل الأشخاص داخل المكتب):وعليكم السلام
المهم دخل رواد وسلم و...الخ
رواد:ها شن بتعطوني
ابوه:خود الوراق هدي ادرسهن كويس وحط أفكار يمكن نغير المخطط كان عجبن الكل وووو. ..الخ
بعد ربع ساعة رن نقال ابو رواد وطبعا كانت بنته عائشة واستأذن وكلم قدام الباب..
أيوتة:ايوا دادي
حسين:اهلين بنيتي
أيوتة:دادي حبيبي نبيك تقلني مكان ضروري
حسين:والله شن بنقولك عندي عمل مانقدرش اجليها
عائشة(أيوتة)تمثل أنها زعلت وتبكي:والله ضروري البنات اكل بيمشن لمجمع...فاتحين قسم جديد كلهن بعدم معادا انا عارفه اني منحوسة(شهقت)هي هي
حسين:خلاص مانقدرش علي زعلك أيوتة ماتعيطيش انا بابا خلاص انقول لرواد يقلك
أيوتة:لا مايباش
حسين:غصب عليه خلاص تو انقولة يرفعك نص ساعة كويس
أيوتة:لا يابابا لا اقل شيء 3 ساعات خلاص معاش نبي نمشي
حسين:خلاص بابا بس كان عنده عمل بس انأجلهله علشانك يابابا هوا وتي روحك جايك
ايوتة:مممموووووواه انحبك يادادي مووووت يالغالي درتلك بسبوسة طرقتي الخاصة تلقاها في .... بعد ماتروح كولها بروحك صحة
حسين:ههههه خلاص اوكي بابا ديري بالك علي روحك باي
ايوتة:بايات دادي(بصراحة ياسعيدها بوها مدللها كثر الاباهات اللي زية)
رجع حسين لعند الرجالة وطلب من رواد انه يرفع اخته طبعا رواد مثل بدوره انه ما عنداش نيه ويبي يقعد معاه وطبعا استسلم بسرعة عشان بوه مايغيرش رأيه وطلع من الشركة والفرحة مش سايعته
في بيت اهل رودينة
ندى:الله وين فاتني الجو هدى اتفي كل وحده امنت على روحها وانا قاعده هكي (قصدها كل وحده طبقت شاب)
رودينة ولع وجهي:اتفي عليك ياحيوانة شن قصدك شن امنت والله ماتحشمي عارفتيني مش امتاع الحركات هدي معفونة
قاطعتني ندى:خلاص خلاص اسكتي بلا الراديو اللي بالعتيه المهم اليوم افتتاح قسم ال... بمجمع ال... دبري كيف بنمشو
رودينة:والله ماني عارفة لاكن بنمشوا يعني بنمشوا
ندى:شوفي دعاء اكيد خالد بوافق عشان انتي معانا نسيتي الولد مكبد عليك
رودينة بمسخره:ها ها ها اكيده مكبد وراك تنسي هو هكي مع البنات السمحات بس
ندى:شن تقصدي نقعيه بيبي اصغر مني ب سنة
الاثنين:هههههههه
رودينة بخبث:والله جبتيها خلينا لمره وحدة بحياتي نستفيد منه يعني بمعنى نستغله ههههه(ضحكت ضحكه شيطانية)نيهاهاها
ندى:يمييي تخوفي بالله انت رودينة المسالمه ولا وحده أخرى
دندون:الاثنين
اتصلت علي ديدو وفعلا خوها واافق وبعد شوي راح يجينه مع دعاء وانا وندى خدينه اذن اهلنا ووافقو لان تعرفو عمي العباس كويس
عند رواد
اللي كان جالس هوا والقروب(رواد عبدالله وسيم محمد)
محمد:خلاص شباب بعد نص ساعه عندنا كوره
رن نقال رواد
رواد:ها أيوتة شن الأخبار
أيوتة:ياقرد وينك انراجي فيك
رواد:بسم الله شن في خيرك تراجي
أيوتة:تحسابني نلعب علي دادي لا ياروحي ماكذبتش بولا حرف كنت بنطلع مع صحباتي بس انت اللي بتطلعني لاني انقذتك قبل شوي
رواد حس ان بينتحر:لا اله الا الله تي باهي يادراه والله كان قعدت في الشركه احسنلي جايك بس انشالله مافيش فرخة بتركب معاك
ايوتة:لا فيه مريم حبيبتي بتمشي للمجمع معايا
رواد:ربع ساعة وانكون عندك ...وصكر وهو معصب
الشباب مستغربين وحاكلهم رواد القصة
محمد:خلاص روادو نتلاقو لاني بنرفع مرت عمي(ام فدوى خطيبت محمد) وفديوه
وسيم:والله وصرت ترفع عيالك عسى حماتك طيبة
عبدالله:خلاص بالسلامه حسني دايخ بنعدي نرقد شويه
رواد:عبدالله بالله عليك تعال فلها معانا
وسيم:ايه وحتى انا بنمشي طبعا مش معايا حريم
رواد:منور يالله عبوود بالك تلقى(ورفع حاجبة وغمز)طبعا البنات مستحيل يفوتن محل اكسسوارات وكنادر والجو هدى
المهم بعد إقناع من الموجودين وافقو الكل يتلاقو غادي
عند رودينة
لبست بلوزة كت سكرية لنصف الفخذ مش لاصقة وعليها 3 قطط لابسات طواقي حمر(يهبلن) وسروال جلد لماع اسود وسندال أحمر وعملت شعري شوي حركة(مثل شعر ديما في مسلسل حب للايجار بس انا اطول واسود) حطيت اغلبه علي جنب اليمين وحطيت كحل غامق نهايت عيوني مع ايلاينر خفيف وأحمر شفاه(امتاع 24 ساعة لون حلوي)باهت ولبست ساعة جلد سودى مع كرستالات واقراض(دناديل) حمر صغار طلعت روووعة
ندى كانت لابسة فستان للركبة بقصات لونه بنفسجي وبوط قصير كريمي مع جزدان كريمي رفعت شعرها ذيل احصان ببروش بنفسجي وعدلت الميك أب كثفت الماسكارا وحطت غلوز وردي واكسسوارات
طرررررن طرررررررررن ططططررررررررررن
رودينة نازله من الدروج:هيا جايه جايه
سبقتني ياسمين وفتحت:اهلين تفضلو
دعاء:اهلين ياسمينو
خالد مسك خدها:كيف الحلو..ورفع راسة وشافني...هلا والله حيا الله ملاك مشالله(للتوضيح خالد يحسب فيا زي اخته وانا كمان بس عشان ماتفهموشي غلط هوا كل بنت حلوه يحب يضايقها وهدى مش حب بالنسبة ليه بس جو)
رودينة سلمت عليهم:هاشجو خلود(وغمزت لدعاء باقي الخطة انشالله مانسيتوش)
دعاء:هلا ندوشة
ندوشة:اهلين ديدو كيف حالك خالد
خالد:الحمد لله
(خالد و ندى مايطيقوش بعض بالأحرى ندى تضايق فيه هههه)
خالد:هيا انطلقو باي ياسمينو
ياسمين:فعينكم وين ماشيين
رودينة حبيت اقهرها:ياروحي في افتتاح لمجمع.... وياروحي بنعدو احني الكبار بس مممووااه(بوسة حرق في الهواء)باي ياصغنونة
وصكرت الباب وركبنا في السيارة بس ياسمين طلعت تجري وتصارخ:والله تو انوريك ياحماره احسابك عندي يادبه اتفوو(الله غالب اختي قليله ادب مسترجلة زيادة)
رودينة:حماره بروحك يانموسة بااااااي
وعدينه
في سيارة رواد
رواد اللي كان نفسة لفوق خشمه:ها شن الأمور مريم
مريم بدلع ومياعه:الحمد لله وانت رواد شجوك
رواد(في نفسه:معكر من يوم شفتك):باه كويس
ايوتة:روادو سرع تأخرنا
رواد:اوك
عائشة لابسه جينز رصاصي مع بدي اسود عليه فم أحمر وطالقة شعرها ولابسة سبتت راس حمره وغلوز أحمر وماسكارا غامقه وكعب اسود وساعة فضية من رولاكس وشنطه واكسسوارات (كانت امبالغة شوي مأثره عليها مريم بس منظرها جنان)
مريم لابسة تنوره جينز لاصقة لنص الفخذ وبلوزة صفراء مائلة للأخضر عليها جمجمه اورنج (بصراحة وييع بالنسبة ليا مانحبش الألوان هدي بس في اللي يحبو وجهت نظر)وبوط راقي قماش لون البلوزه وحاطة اكسسوارات شبابيه شوي ونظارات شمسية كبيييره شعرها لودنها أصفر وامكثره ميك اب
رواد:ايوته كاينك امكثره مكياج.
....انتهى
وين الردود ياجماعه بصراحه عصبت



Sent from my SM-J200H using 3bir mobile app

رد: رواية حبي صامت

هدا البارت الحادي عشر معليش نسيت ما كتبت عليه

Sent from my SM-J200H using 3bir mobile app

رد: رواية حبي صامت

جمعتكم مباركه...
.......البارت الثاني عشرررر
رواد يفهم:قصدي مش امتاع سوق كانك ماشية لعرس
أيوتة ماعجبهاش الكلام بس عارفة كلامه صح
رواد:شوفي روحك في المرايا وصدقيني كان مسحتي الروج احسن
أيوتة:أولا اسمه غلوز ولا حميير مش روج ياجدي باهي درهتلي كبدي تو نمسحه احسن جايبه معايا لمحه
رواد:ايوتة ماتزعليش ارا وريني(ورجيني) ايوا هكي احلا
وأخيرا وصلو للمجمع اللي كان زحمه
عند رودينة اللي مازال ماوصلوش وهم في السيارة
رن تليفون رودينة
دندون:الو هلا بالغلا
منولة:هلاتين كيف الحلو
دندون:الله منوله مروقه بس شكله حداك هرجة
منولة:هههه ترا احزري وين انا
دندون كأني فهمت:لا كذابة اكيد تبصري
منال بصوت عالي:في المجمع ههههههه
دندون صرخت:ااااااااااااااااااااه كيف جيتي
(خالد والكل يبو يعرفو شن في وخالد قال:دندونتي خير اتصيحي. .طالعته بالمراية بلا مبالاة ههههه)
نرجع للاتصال
منال:تعرفي انا لحد توا مش مصدقه واخصوصي ان طاهر مش هنا هههه جاية مع اختي وينك انتي
دندون:الله وناسة انا شوي ونوصل جيت انا وندى مع دعاء يلا نتلاقو
منولة:اوكي باي
وصكرت من منال
دعاء التفتت ليا:قصدك منال غادي
ندى:بالله
دندون:ههههه ايه الله مش مصدقه بنتلاقو غادي وناااسه
البنات الثلاثة صارخو بصوت عالي مع بعض:اااااااااااااااااااااااااااااااااااااااااااااااا
خالد ودانه انهردن:غصة انتي وياها صميتني شك هبال
البنات:ههههههههه
المهم وصلنا المجمع ولقينا منال وعدينالها
طبعا الكل سلم على بعض واول ما جت ندى تسلم علي تسنيم اخت منال
ندى يديها فنصها:شن اديري هنا مش عندكم لمه
الكل:ههههه
تسنيم:سلمي يامفعوصة الأول...وسلمن
ندى واتواسي شعرها:خيرا ماقلتولي انكم بتجو وانت يا هو(التفتت لخوها زوج تسنيم)لاحس ولا خبر عارفني ندور من يقلني اخس بس
تسنيم مسكت خدود ندى:اخ ياصبيتي(بنت حمايا) المعصبة ماهو كنت عند أهلي
رودينة:كيف البيبي
تسنيم خجلت:الحمد لله
دعاء:ياسبحان الله اقول منال لمن طالعه حشومية درجه أولى هههههه
سالم:ههههه المهم تعجبني
هنا تسنيم ماتت حيا وولع وجهها طماطم
البنات بصوت واحد:ياعيني
ملاحظة للتوضيح
ندى عندها اخ اسمه سالم ومرته تسنيم اخت منال(لاحظتوا ان اسم اخت منال زي اسم عزوزها هههه)
.....
رواد كان جالس مع وسيم اللي جي من ربع ساعة كان وسيم فالها واخد جو على عكس رواد اللي مريم حارقتله دمه بحركاتها ونظراتها وغمزاتها ومياعتها وكان خايف تأثر على ايوته ومايقدرش يدويلها لأنها حبيبت البابا اي دلوعتهم
رواد تنهد بصوت عال
وسيم:خيرك يابو الشباب
رواد:لا شيء بس وين اختفى عبدالله
وسيم:ماني عارف كاين هنا قبل شوي شكله عدا يشري سبيدرو كورة قال عجبه واحد
رواد:باه.....وطاحت عين رواد علي البنات(رودينة ودعاء ووووو..)وقف والابتسامه انزرعت على وجهه
وسيم:خيرك صدقت اختك يوم قالت هبلت بكل
رواد طنشه وقدم شوي وصارخ بصوت عاااالي:روووودينة يارودينة هي انت
طبعا صوته عالي بكل الناس كلهم التفتوله(يمه جريء بكل)ورودينة التفتت وشفته استغربت طريقه مناداته وصار وجي احمر انحرجت من الموقف بس الحمد لله ان سالم مشى قبل شوي مع مرته
تقدم ليا وهو يركض:ها شجو بنات ااالله منال هنا
البنات:اهلين(طبعا ندى ماعرفتاش)
رودينة ادعيت العصبية وانا بنموت حشمه لان الناس مزالو يبرقو(وانتم عارفين خصوصي العزايز والنساوين):ها خير ياطير شو بدك
رواد عجبته اللهجه:لك سلمي بالاول لي مستعجله تدايئيني (تضايقيني)
ابتسمت غصب عليا:فاشل بالسوري اهلين تفضل شو بدك ها
رواد مسك يدي وسحبني علي جنب
ندى:حد يفهمني من هظا
دعاء جت بتدوي بس
قاطعها:هدى رواد
دعاء رفعت حواجبها:وسيم
ندى:صاحب المشاكل
الكل:هههههه
وسيم:انت انت شن اسمك
منال:هدي ندى
وسيم:اهلين ندى بالمناسبة تصافينا ههه
ندى:عندي علم اهلين
دعاء حست بتوتر وعيونها طايرات بتشتت
عند رودينة ورواد
اول ما مسك يدي وسحبني علي جنب من الصدمة جمدت وأول ما وقف
رودينة وهو مازال ماسك يدي:بسم الله خيرك
رواد ابتسم:الله شكلها مسكت وسيم بهتت باهي عشان تلبسي زي ماتبي هههه
انا دوروني ماتلقوني من الحشمه ويادوب طلعت كلمه:ت ت ا اااااف منك بعد يدك(وفكيت يدي)ها جايبني هنا عشان تتمصخر واتملغ
رواد:ههههههههه حرام انا نتمصخر وعليك لا ماصارتش
رودينة توترت وخصوص من ضحكته(بصراحه جنان):رواااد خلصني
رواد:باهي خلاص ماتشوفيش روحك علينا نبيك مشان منال لان عبدالله هنا
رودينة صديت عنه:صكر فمك صار شايفه روحي بس حقا عبدالله هنا
رواد:ايه وهو مايعلمش ان منال هنا خلاص دندون الا زعلك عاد مشيها المره هدي لفي برقي فيا(طالعيني)
مش عارفة شن صارلي وقت قال دندون وبعد الجمله الاخيره وكأن الدم كله صار برأسي ولفيت عليه:اوك سماح اصبر شن رأيك انخليهم يتلاقوا وكأنها صدفه
رواد:اوك يلا اتحفينا بالخطه
رودينة:ههههههه يلا....وشرحتله الخطة
عند باقي البنات
خالد كان يطالع في وسيم بحقد بس كان يطالع في رواد اللي مع رودينة بحقد اكبر(هههه شك تفكير)
ندى بعد ماسمعت من دندون كل القصة وطبعا قالتلها علي عملت خالد حبت تزيدها عليه:خالد العفو خيرك بارم زومتك ههههه
وسيم جي بيتكلم لخالد علي كذبته بس دعاء نخصاته علي جنبة وقالت له بصوت توشويش:اصكت ولا حرف
وسيم مش فاهم شيء بس سكت ودعاء تريحت ماتبيش يفسد خطتها هي ورودينة
بعد شوي جت رودينة
رودينة:اهلين وسيموه كيف الحال
وسيم مستغرب شوي:اهلين رودينة الحمد لله وانت
ندى انفجرت ضحك علي منظر خالد اللي كان شبه مصعوق وكأن حد كب عليه مي بارد (الله وجعني لان اكثر شيء يحرقة تجاهل أفعاله بالإضافة إلى أن رودينة ووسيم ورواد باين أنهم أصحاب يعني الغيره الرقم 2 في الخطة)
رودينة:يلا بنات كل وحده تعدي تشري شيء لان البنات ماخلن حاجه ماخدنها بنعدي نلحق تعالي منال شفت غادي سندال روعه اعطيني رايك وبالك تاخدي سندال وخليه على ذوقي...وسحبت منال ومشيت بسرعة عشان محد يفسد من البنات
وطبعا خليكم تعرفو شن كانت منوله لابسة
كانت لابسه جاكيت جينز أزرق باهت مع كت شيفون ابيض وتنورة جينز نفس لون الجاكيت مفرفره توصل لي الركبه وسندال وردي باهت وطالقه شعرها وحاطه غرتها علي جنب واحد لابسه قوس خفيف وردي فيه ربطه صغيرة وحاطه كحل وغلوز وردي باهت المهم طلعت خوقاق من الاخير
دخلنا انا ومنال ووقفنا بنص المكان
منال:هدى دندون حلو من وين طلعتيه
رودينة:هههه العين الثاقبه
منال:ههههههه
رودينة كأني نسيت شيء واندور في جيوبي(ههه نسيت ماجبتش معايا شنطه):منوله شوي وراجعه مش حانطول ماتتحركيش..وعديت
منال:اوك
قعدت منال تطالع الكنادر والساندلز واول مالتفتت خبطت في واحد واول ماطالعاته:ع___عبد__الله عبدالله!!
عبدالله ماقلش صدمة بس ماقدرش يخفي فرحته:منال معليش مانتبهتش
منال بصوتها الهادي اللي زاد هدي من الحشمه:لاعادي___كيف حالك
عبدالله نورت الدنيا في اعيونه:الحمد لله وانت شن امورك
منال:كويسه....وبعد تردد...عبدالله شكرا علي درته مشان نرجع الكليه
عبدالله:ولو مادرنا الا الواجب بعدين مادرتش شيء(مسوي روحه جنتال مان هههه) رودينة صاحبت الخطط الجهنمية
الاثنين:هههههههه
منال:انت اللي تكلمت معاهم حكتلي رودينة
عبدالله:صاحبتك هدي طويلة لسان المهم انك رجعتي للكليه واسمعي منال لو احتجتي اي شيء قوليلي ماتتحشميش اوككي
منال:شكرا عادي
عبدالله يضحك:ههه انت شكلك مش حافضه غير كلمه عادي وشكرا
منال استحت ونزلت راسها:والله هدى قاموس دماغي
عبدالله تجرء للمره الثانية ومد يده ورفع وجها ليه:انا قاموسي معبي كان تبي نعطيك
منال دوروها ماتلقوها من الحشمه تجمدت وحتى نفسها انقطع
عبدالله لاحظ شكلها وشال يده:بسم الله شن فيك
منال:....
عبدالله فهم وأخيرا أنها تجمدت من الحيا من حركته:هههههه خلاص شلتها يدي
منال بتشتت:نعم
عبدالله:ها علمتك كلمة نعم
منال:هههههههه
عبدالله داب من الضحكه
عند رودينة وهي تطلع من المكان:ااه ياربي زعما(ياترى) شن صار اول ما تلاقوا نبي نعرف بتطلع فيا نخلة اه بس...وطاااااف صدمت في واحد(لاحظتوا كثرة الصدمات شكله بنغير اسم الرواية من حبي صامت لي صدماتي ههههه)
الشخص:اه بعتزر..واول ماشافني:هههه هاي المره الثانيه
رودينة وسيت وقفتي:هههه اهلين حازم شو الأخبار
حازم:منيح وانتي كيفك
رودينة:كويسه جاي لحالك ولا معاك احد
حازم:ايه انا وإمي وإخواتي
رودينة:مشالله ربي يحفظهم
حازم:يسلموا وانتي مع مين
رودينة:انا ورفأاتي (رفقاتي)
وطبعا محد منا انتبه لرواد اللي شوي وينط فوق حازم ويعطيه طريحه واخصوص لما شافه ...(اقرو شن دار)
حازم:دندون ممكن تغمضي عيونك
رودينة:هههه ليش
حازم:مفاجأة
دندون:اوك
مسك حازم يدي ولبسني سواره سنبل روعه هي عباره عن سلسال فيه 3 فراشات نازلات منه ذهبي اللون
حازم:فتحي
رودينة:حازم شو هاي
حازم:كادو بسيط..(كادو تعني هدية (قيفت))
رودينة:ثانكيو عن جد كتير حلوه هدى من زوأك
حازم:العفو
رواد طلع برا ومشى لعند البنات اللي كانن ماسكات اكياس كثيره يمكن لمن المجمع كله هههه
رواد:بسم الله شن الحموله هدي بتفتحن محل
الكل:ههههههه
وسيم:وين كنت ووين عبدالله
رواد:اححم عبدالله مع منال...(وكشخ)ورودينة مع اللي اسماه حازم
دعاء:حازم هنا وينه
ندى:من حازم ماحكتليش عليه دندون
دعاء:هدى واحد سوري روووعه كان اتشوفيه
وسيم صار احرف من رواد:هههه كان تشوفيه ترجعي كأنه بنت
دعاء ماعجبهاش تعليقه:بلا نغره ندوشة والله الولد ماشالله تحفه عاد سوري بكل بكل
ندى:وروهلي شوقتيني
رواد:استغفر الله من بلاكن اقل شي تحشمن منا كيف تدون علي الولد حدانا مفجوعات
وسيم:اوووه حبيب القلب جي(يأشر علي حازم اللي جاي معايا)
رواد ووسيم وضعية هجوم هههههه
رودينة:ها شجو توا انعرفكم حازم ولد سوري معانا بنفس الكليه
حازم:مرحبا كيفكم
البنات:الحمد لله وانت(بأصوات متفاوتة يعني مش نفس الوقت)
الشباب:اهلين
ندى:انت حازم اصبر كأني نعرفك
حازم:انت ندوشة الفرفوشة اللي عالفيس صح
ندى:ههههه ايوا عرفتك بس كيف عرفتني
حازم:من صورتك
الكل:ههههه(حتى الشباب)
وشوي وجو منال وعبدالله وطبعا منال وجها طماطم اكيد عبدالله أنظر شن امخبص هههه
المهم سلمو على الكل وطبعا عبدالله ورواد ووسيم وحتى خالد موجهين نظرة حقد لحازم المسكين
...انتهى.....

رد: رواية حبي صامت

روووااايه جميله استمري وانا م متابعينك

Sent from my ALE-L21 using 3bir mobile app

رد: رواية حبي صامت

حبيبتي انا معاك انك تكتبين بلهجتك لان اللغه العربيه الفصحئ مو الكل يحب يقراهم وانا اولهم احب القراءه باللهجه الاعتياديه والروايه فهمتها وحبيتها حتئ انتي الكلمات الصعبه توضيحهم روايتك رووعه وبالتوفيق

Sent from my ALE-L21 using 3bir mobile app

رد: رواية حبي صامت

هلا حبيبتي نورتي وأكيد شرف ليا تكوني متابعه لروايتي

Sent from my SM-J200H using 3bir mobile app

رد: رواية حبي صامت

مشكوووره يالغلا على ردك الرائع وممتنه لتفهمك❤

Sent from my SM-J200H using 3bir mobile app

رد: رواية حبي صامت

.......مساءكم نووور.....
.......البارت الثالث عشر......
شوي وجو منال وعبدالله وطبعا منال وجها طماطم اكيد عبدالله أنظر شن امخبص هههه
المهم سلمو على الكل وطبعا عبدالله ورواد ووسيم وحتى خالد موجهين نظرة حقد لحازم المسكين
منال:وين تسنيم
دعاء ورودينة بصوت واحد:مع حبيب القلب
ندى:عيب
انا و دعاء تحشمنا لانا نسينا الشباب بكل يعني طلعت عفوية
وسيم يلطف الجو:ها منال نشوفوك بكره انشالله بالكلية
منال:انشالله
هنا عبدالله جاته هستيرية ضحك:ههههههههههههههههه بلص(+) انشالله تطور ملحوض هههههه(يتكلم عالقاموس)
منال تضايقت:باه خلاص
عبدالله:منال زعلتي والله مش قصدي
منال:لا مازعلتش
عبدالله قرب جنبها وميح رأسه ليها:اكيد
منال انحاشت جنبي:ايه اكيد بس باعد شوي لو سمحت
حازم حس بنظرات الشباب:يلا قايز لازم أروح اكيد أهلي بدن ياني باي باي شباب باي صبايا ولف لندى:ماتغيبيش عالفيس ندوشة
الكل:باي
ثواني وجن عائشة اخت رواد وصاحبتها مريم وقتها رواد صارن خلوقه لراس أنفه
عائشة:مجتمعين مشالله اهلين كيف الحال
الكل:اهلين شجو
مريم بمياعه:هاي شجو...ولصقت في رواد:وين عديت وسيبتنا
عائشة ماعجبهاش تصرفها بس سكتت لأنها صاحبتها
البنات تضايقن منها وانا درهتلي كبدي بمياعتها(مش غيره راه)بس حسيتها مقززه بلبسها وحركاتها واخصوص كيف تلوك في المستكه(العلكه)بالليبي شلافطية هههه(شوارعية)
خالد تجرأ:ههههه من اي محل شارية لبسك معليش كأنك عامل نظافة
هنا الكل انفجر ضحك حتى ايوته
الكل:ههههههههههههههههههههههههههههههههه طولو ضحك يعني هستيرية
مريم بعصبية ووقاحه الكل ماتوقعش تكون بهالشكل:ياحيوان كيف تسمح لنفسك تتكلم علي لبسي هكي ياحقير اتفو عليك(فظه بكل وماتتحشمش)يا....(كلمه حرام)يا... وانا سمحة ولبسي يدمر واتلف الدنيا كلها ماتلاقي زي جمالي وجاذبيتي(البنت متأثره بدور الشريرات في المسلسلات)
الكل منصعك أولا بالهمجيه ثانيا بعدم الحيا وثالثا والأهم بالكلام الكبير اللي تقول فيه
رواد باعد من عليها وحاس انه بفرغ من ريحتها (حاطة عطر قوي يمكن مزيل عرق هههه)
خالد:اسمعي ياقليلة الأدب انا ساكت علي كلامك اللي يوطي الرأس بس عشان اللي جنبي واحتراما لرواد لانك شكلك تعرفيه يا عديمة الترباية اتفي عليك وعلي رباك هكي وبعدين شوفي روحك شن لابسه وشوفي بنات الناس(ويأشر علي رودينة وصحباتها)
مريم تأشر عليا بوقاحه:قصدك هذي تلبس خير مني شوفها كأنها في الابتدائي
رودينة طبعا انتم عارفيني وأكيد ردة فعلي مش غريبة انأشر باصبعي السبابه:اسمعي ياعاملة النظافة لمي روحك بعيد علي قيس بلوزتك رايحة زي الكوسة المعفنة ههههههه(والكل مات ضحك)
وبدينا انا وياها كلمه بكلمه لحد عائشة قاطعتها وهي تسب:مريم خلاص امشي بعدين نتكلموا اوكي يكفي خلاص انتي وياها خلاص مريم امشي اوكي
مريم طنشت ومشت بصياعة
رودينة انسمع فيها:ياجعنك تطيحي وتنكسري بمشية النعامه السكرانه ههههه
رواد تسدح ضحك والشباب ما قلوش عليه
دعاء قاطعتهم:بنات مش هديك نور
منال:ايه نور
ندى:تقريبا بوها صاحب المجمع ايه هذاك اللي جنبها زكرياء ولد عمها ولا
رودينة:الله مازال يلحق فيها وهي مطنشة لاكن كلنا عارفينها تبيه تعرفو بنات شكلي بنكتب عليها رواية ههه
منال:انت كملتي روايتك
رودينة:قصدك رواية هند وهاري لا مزال(لحظه ..رواية هند&هاري انا كاتبتها ونشرت شوي عالقوقل بلس بس وقفت لاني قلت انكمل حبي صامت الأول ..)
عائشة بانفعال:قصدك انت تكتبي في روايات
دعاء:وسيدة الروايات نمبر ون
رودينة خبطت دعاء بخفة علي كتفها:يكفى ديدو بستحي
الكل:هههههه
عبدالله:والله تكتبي والله وطلع عندك مواهب
وسيم:من هاري هدا
خالد:وانت شن تبي فيه على كل انا قاريها الرواية رووووعة زي اللي كاتبتها
رواد قطع صمته:خلاص حتى احني نبو نقروها
عائشة تتمصخر علي خوها:مش قلت انك ماتحبش تقراهن
رواد بجرأه:ايه وتوا غيرت رأيي بصراحه يمكن فضول نعرف شن تكتب
رودينة بدلع عفوي:فضول صار انسى
دعاء:خليني ناخذ دور ملاك اححممم تكتب في روايات رومانسية ودراما(هههه لان ملوكه تتكلم كثييير وتفضح هه)
وسيم:من ملاك بعدين ووووك قلنا من وين جاية كل الأحاسيس
عبدالله:حقا وين ملاك
رودينة:مابعرف وحتى فطوم وسوجي وباقي البنات ماشفتهنش
ندى:زعلانات عليكن انتن الثلاثة(تأشر عليا ودعاء ومنال)
منال:لييش
رودينة:عشان الايام اللي فاتن انشغلنا...نغمز ليها..
منال انحرجت
الممهم سولفنا شوي وودعنا بعض وانا كنت متضايقة(بعدين تعرفوا السبب)ورواد لاحظ وكل واحد رجع لبيته
بيت اهل دعاء
في التلفون
دعاء:وينك سوجي
سجى:اسكتي طايرتلي(النفسية صفر) بكل من عقيلة
دعاء:خير بلاه
سجى:ماخلانيش نمشي المجمع دروحه غيران لانه زحمه وأغلبه شباب
دعاء:باااايخ بكل حبيبتي ماتحرقيش دمك علي شانه
سجى:عارفاته غالط بس ماتقوليش عليه بايخ نزعل
دعاء تصفر:ووه معليش غلطنا في حبيب القلب
سجى استحت:بنقولك شن صار في غيابي
دعاء:والله قولي شن ماصارش
سجى بانفعال:بالله قولي
دعاء:شكلك ناوية القضاء على رصيدي
سجى:هههههه بخيلة افتحي الأرضي باي
دعاء اتصلت على الأرضي
دعاء:هي بسم الله ....وحكت سالفة المجمع كلها حتى لقاء عبدالله ومنال لاني خبرتها بكل شيء
سجى:ياحليلكن انتن درتن جو من ورايه اسمعي عائشة اعطيني اسمها كامل
دعاء:عائشة حسين آل.. تكون بنت صاحب بويا
سجى:ياسبحان الله تعرفي عندي عروق ههه بوها يكون خال حنتي ام بويا عندها اخت كبيره متزوجه اسمها خلود طيبه بكل ولا
دعاء:حقا ايه اسمها خلود ماشالله على العرووق فل والله باهي شن أخبار عبوره
سجى:كويسه ومرتاحه عالآخر ياحليلها خويا عمودي مدلعها العقبة لينا
دعاء:ههههه باهي....المهم كملن نص ساعه لين انفصل الخط وهنا يهدرزن ويقرمن(يحشن) ههه
المهم جي الليل ونام الجميع والحمد لله وكل واحد عقله شاغله وحانعرف كل اللي شاغلهم في الأيام اللي جايه
في الصباح في الكلية تحديدا
منال ونور وملاك
منال لابسه سروال جينز من الجنب جلد لونه اسود وقميص مخصر اورنج مع سبته جلد سوده عريضة وكعب اسود رافعه شعرها ذيل حصان وحاطة كحل نهايت عيونها وغلوز كريمي وباودر خدود اورنج ...تجننن
نور لابسه تنوره مورده كوكتيل مع قميص كت ابيض وسندال وردي وحاطه مسكاره وغلوز وردي طالقه شعرها الكستنائي اللي طوله لرقبتها..كيوووت
ملاك لابسه فستان بنفسجي مع رسمات بيضه ربع كم لنص الساق بشريطه بيضه عند الخصر وكعب ابيض حاطه مسكاره وايلاينر بس امسوية شعرها قرن ونازل مرخي..روووعه
منال:ملوك وينك امس
ملاك:أمس البلي(بلوة) مرت بويا دروحها لامه العيله عارفتها النذلة علشان اتفسد عليا المشية امداريه روحها طيبة قدام بويا عقاب الأفعى من تحت التبن(عايشة الجو صح وفاهمه ربي يعينك)
نور:خلاص روقي بعدين ديما مفتوح وماتخافيش باتي عقبلك من كل شيء مجموعه بيش توازي منها
ملاك:يعطيه العافيه عمي ربي يطول بعمره ويخليه ليكم...كانت عيونها بتبكي بس منوله أنقذت الموقف
منال:ملوك شكله دندون دعاتك رايحه تصطربي(تفحطي بالخليجي) سوري هههه بعدين نوور امداريه روحك الطيوبه حرام عليك زكرياء باين انه مهتم بيك عبريه شوية
نور استحت وصار وجها احمر وطبعا ملاك غرامها القصص هذولا
ملاك تتميلح:نونو خبريني شن دار المره هدي
نور:ولا شيء شن يعني ولد عمي وكلمني
ملاك:قالك معجب
منال:اكيده ان معجب هدي عارفينها قصدك قال ان يحبك
مالاك ومنال ماتن ضحك علي منظر نور
قاطع الضحك صوت واحد
رواد:صباح الورد يالورد
البنات:صباح النور
رواد معليش شفتو رودينة
منال في نفسها(تعود الاخ):لا ماظنيش جت
رواد:اوكي سلام
البنات:سلام
وطبعا بدت الحشرية تدور في روس نور وملاك بالأخص وبدن يسألن في منال اللي راحت فيها من كثرة الأسئله...هههه
الشباب كانو جالسين (محمد عبدالله وسيم)
جاهم رواد:شكلها ماجتش
محمد:من هيا
وسيم:حبيبة القلب
رواد:ترا تسكت ولا يجيك كف يشوهلك وجك
وسيم خاف:و شكرا يامحلا السكوت علي سماع صوتك روق
عبدالله:تو نتصل عليها بعدين وانشوف
الكل برموا عليه باستغراب بس محمد مستغرب من هي البنت اصلا
رواد:عندك رقمها
وسيم:قول عطاتك رقمها
محمد:تي يارجاله من هدي
عبدالله كان يضحك علي اشكالهم:هههههه نسيتوا انا ولد عمتها بالأصح ولد عمة بوها
وسيم باستغراب:الله من امتى بس كيف قبل و وين عرفتو بعضكم
محمد:سيب اللقافة وحد يفهمني
الثلاثة ضحكو عليه وكل واحد يحكيله من البداية والثاني يكمل عليه(بصراحه ماتوقعتش الولاد يحبو اللقافه والتخبير زينا ويمكن أكثر هههه)
دعاء طالعه من المحاضره مع حازم
شافها عبدالله:استغفر الله العلي العظيم(مسكين حازم محد طايقه من هديما)
انتبه رواد ووسيم قال:لا وكأنه واخد راحته زياده
دعاء وحازم كانو قراب شوي
حازم:اوكي انا راح شوف هيدا وانتي هيدا وبس نجهز نتلاقى ب عند الاستاز اوكي
دعاء والابتسامه مرسومه:اوكي تمام يلا انا لازم نروح باي
حازم سلم علي يدها بيديه الثنين:باي...وراح
دعاء تمشي باتجاه البوابه الا ووسيم قدامها
دعاء:بسم الله لا اله الا الله نعم خير هي رواد وانت عبدالله وهدى اللي معاكم(تقصد) في شي
وسيم:سلمي بسم الله كليتينا باقشورنا
محمد:اهلين انا محمد
دعاء عجبها اسلوبه:هلا
محمد:هدي رودينة اللي حكيتولي عليها
رواد توهق و نخصه:قصدك اللي شفناها يومها لا هدي دعاء
والحمد لله دعاء ماركزتش واجد
دعاء:خير راني مستعجله
الشباب ماعرفوش شن يقولو
عبدالله قطع الصمت:طيب مانعطلش عليك بس حبينه انسلم بس شكلك طالعه بدري كأن أول محاضره تمت انشالله خير علي خاطرها رودينة وينها
دعاء حبت تلعب بأعصابهم:انشالله خير يلا باي مستعجله
الشباب:باي
محمد:الله يستر شكله في شيء صاير(طبعا محمد هكي شخصيته يعني يحب يحط احتمالات يعني يدير في الجو هدى جزء من شخصيته وبعدين تعرفو الباقي)
هنا الفأر لعب برأس رواد:قصدك رودينة صاير ليها شيء
عبدالله يهدي:ههه ماظنيش بعدين لو كان عندها اخ واعر زي منال قلنا
وسيم:ريتو الصفره عدت وما عبرتنا شك بنت(هدا الي هامه)
الكل:ههههه
وطبعا الكل كمل يومه عادي بس في البعض منهم كان باله مش معاه
منال شافت عبدالله قدام الكفترية واول مره في حياتها تتجرأ وتمشي تتكلم معاه
منال(ياربي ليش جيته يلا منال تشجعي):اهلين عبدالله
عبدالله التفت ليها وحس ان في حلم:منال هلا والله شن الأخبار انشالله طيبه
منال بحيا:تمام وانت وترى زدت كلمات لي قاموسي
عبدالله:ههههههه ايوا تعلمي هه الحمدلله...وجي بيسألها علي رودينة بس قال في نفسه(سامحيني دندون بس فرصه ماتعوض منال مش مصدق تجي تسلم)
منال:هوووي وين شارد(ههه قطعت حبل الحيا)
عبدالله:خير ها شن فاضيه تشربي قهوه معايا(حليو بس يبي تعليم شوي أساليب عزيمة بنت علي فنجان قهوه ههه)
منال:اوكي
ومشو الاثنين وشربو ودردشو وعبدالله نساني بكل ههه
والكل رجع عابيته وكل شخص يفكر بشيء...

....انتهى البارت ...


Sent from my SM-J200H using 3bir mobile app

رد: رواية حبي صامت

مساء الخير... الحين بنزل البارت الرابع عشر بس بالاول اثمنى اني اشوف ردود لان بصراحه متضايقه يعني مو لهدرجه كأني بنزل لنفسي وانا ماقدر افتح بسهوله لان لي ظروفي الخاصه وانا اتعب عشان انزل واثمنى اشوف ردود بس مشان حس انه في احد يتابع وماحس اني اتعب عالفاضي...اثمنى تتقبلون كلامي وما تفهموني غلط..

《البارت الرابع عشر》
في صباح يوم الأربعاء
في الكلية في الكفترية
رواد كان حاط رجل فوق الطاوله ويهز فيها لان كمان اليوم رودينة ماجت الكليه
وسيم جالس مقابله:رواد خلاص ياراجل حولتني برجلك نزلها يارواد قول خيرك شن فيك
رواد عاقد حواجبه طالع في وسيم وبعدين رد طالع في رجله  اللي زاد هزها
وسيم وصلت معاه:انا لمن نخرف
رواد ولا ايجابه
وسيم وقف معصب:باه باه يارواد شكرا يلا بالسلامه
طلع وسيم من الكفتريه ورواد عدل جلسته ومازال عاقد حواجبه
عند عبدالله اللي توا طالع من المحاضره
وسيم بعيد شويه:عبدالله راجي (استنى)
التفتله ووقف:ها منور وينك انت ورواد
وسيم:منور ياخويا كنت مع رواد ال..
قطع عليه:اسكت شن الكلام اصبر صاير شيء خيرك معصب
...جلسوا علي جنب
وسيم:ياخويا ماني عارف ليا ساعه وانا معاه والافندي حاط رجله فوق الطاوله ويهز فيها لين انحولت وانا نتكلم معاه وهو مش معبرني المره هدي زودها رواد
عبدالله:استغفر الله وخلاص تعرف هو على هدى الحال من امس بس المشكله ان مايدويش(مايتكلم) في الاول نحسابه منزعج على شان رودينة مختفيه لاكن ماظنيش لان معصب وباين صاير معاه شيء رواد هدي شخصيته مايحبش يتكلم علي مشاكله
وسيم:ربي يعينه ويعينا بعدين حقا رودينة وينها باهي شفت دعاء اليوم ولا وحده من البنات
عبدالله:ايه جن معادا(باستثناء) رودينة وكنت بنسألهن بس حسيت الوضع متكهرب وكان في بيناتهن عركه
وسيم تطمن يوم سمع دعاء قاعده:ااه ههه البنات وعراكهن بس والله رودينة مفتقدينها هي وهرجتها زعما صاير معاها شيء
عبدالله:الله يستر لاكن مرات عندها ظروف او اي شيء في الحوش يعني مش بالضرورة يكون فيها شيء اه رواد جاي خليك عادي
رواد حط يديه علي كتف وسيم:وسيم معليش كان زعلتك مش قصدي
وسيم مسوي نفسه زعلان بصوت بيبي:خلاث انا زعلان بنعيط انت واعر وعصب عليا
رواد شد خدوده:حلاص نويدي احل مله ثامحني(خلاص وليدي آخر مره سامحني)
وسيم وقف:منور ياخوي ماعليك ملام
وحضنو بعض
عبدالله:صافي يالبن
رواد اول ما سمع الجمله تغيرن ملامحه(فكرو تعرفو ليش)
عبدالله:عاد توا كيف كنا نضحكو ماتقلبهاش رواد
رواد:هه لا خلاص مافيش شيء ياهووو البنات جن(وفي نفسه:الا انت ياربي شن صاير معاك)
البنات(دعاء منال سجى فاطمه):هلا شجو
الشباب:اهلين
وسيم جي بيتكلم الا دعاء قالت:يلا انا اعذروني بالسلامه
منال:دعاء اكيد اليوم
سجى:خبريني وش يصير
فطوم وشوشت في أذن دعاء(بعدين تعرفوا)
دعاء يوم أنها مستعجله:سلامات
الكل:سلامات
طبعا علامات الاستفهام علي وجوه الشباب
عبدالله:انشالله خير شن في
منال:مافيش شيء
رواد بصوت هادي يحاول يكون عادي:وين رودينة
سجى تبرق في البنات وبعدين دوت:ماجتش اليوم شكله مش فاضيه
وسيم بدت اللقافة(الحشرية):خيرها شن عندها امس واليوم ودعاء امس واليوم ماحضرتش الا محاضره وحده
سجى:شن دخلك انت
وسيم:شكله العضو الجديد عنده لسان
سجى:ها ها ها صدق بايخ
منال:اووو بلا حركات اطفال المهم شباب هدى سجى وهدي فاطمه(تأشر)بنات هديما رواد عبدالله وهدا وسيم
سجى:انت وسيم معناها اللي سمعته عليك صح
منال نخصتها:اه مش قصدي
سجى:ااه خير بلاك العفو
فاطمه حبت تغير السالفه:يلا شباب باي بنات وين ندى
سجى:مع حازم(الأخت لاصقه)
الشباب اول ماسمعو سيرته بدأ التنفيخ
وللصدفه كانت ندى جايتهم هي وحازم وخالد:اهلين
الكل:اهلين
ندى:بنات فكوني من النشبه خالد بالله وحده تفكه مني
خالد:لا ماحد فاكني هكي قاعد على قلبك
ندى:ياربيه
خالد:نيهاههاهها(ضحكه شريره)ياشينه يامفعصه مانك لاقيه حد ينقضك يا دجاجه(كأنه زودها)
ندى:انا دجاجه يابغل تي والله لعند عمي العباس باهي
خالد يقلد فيها
الكل تسدح ضحك
منال:بنات هيا كم مره قلنا بنمشو(والله صادقه)
عبدالله:خليكم
منال:عندنا محاضره هيا بنات خالد انقلع لحوشكم وانت حازم بتجي
هنا عيون عبدالله اعلنن جرس الحريق:وانت ماعندكش صحاب غير لاصق في البنات (يقصد حازم)
الكل استغرب بس حازم مش فاهم ليش يكرهوه:يا اخي انت ليش حاط نأرك من نأري(نقرك من نقري)خف شوي شو أتلتلك ابوك انا شو هالعالم
خالد:هي انت وياه وياه(يقصد عبدالله ورواد ووسيم)حازم صاحبي واللي يغلط فيه ياويله(مسرع تصاحبوا)
عبدالله شاف منال تطالعه وحب يبان بصوره كويسه قدامها:اححم حازم ...مد يده...معليش خويا كان غلطت فيك..مد حازم وسلم عليه..وكمل. . بس تعرف بناتنا وانخافو عليهن(ويطالع منال)
حازم:والله مابتأصر واسف اذا ازعجتكم بشيء تشرفت بمعرفتك انا حازم آل..
عبدالله:انا ليا الشرف انا عبدالله ال...
وطبعا عبدالله كان مبسوط لان منال مبسوطه من تصرفه وبالنسبه لوسيم كان مصدوم من صحبة خالد بحازم ورافع حاجبة باستنكار واما رواد ماهمه الموضوع بس كان يفكر ومشى كل واحد لمكانه
في بيت اهل رودينة(هههه وأخيرا)
رودينة وفيا بكي:ماما بالله عليك قوليله باتي
ام رودينة:انت ادويله يقولي اكيد مأثره عليها
رودينة طيرت عيوني:ياماما عارفتيني انتحشم والله مانقدر انقوله
ام رودينة:ههههه ماوقفت الا علي هدي انت مامخليه(ماسبتي) شيء وماقلتيه لبوك امشيله يبيك
ياسمينه تضحك:هههههههه ياعليك شماته
رودينة:صكري فمك
ياسمين تنرفزت:غمه تغمك ياماما قليله قالت باهي وخلينا نفتكو منها
رودينة شديتها من وذنها:والله العظيم كاما مازلتي فتحتي فمك اتشوفي اللي يجيك
ياسمين تتألم:ااااااه ماما وذني ياحيوانه قطعتيها ااااه هيييي اهاهاهاه وووووك اطلسيني(فكيني)
أم رودينة فكتني:بطلي اختك قطعتيلها وذنها عيب انت الكبيره
ياسمين:ااح ومتزوجه انشالله
رودينة نجري وراها:ياحقيرة تعالي بنقتلك ياقليله الادب
طررررررن طرررررن(الجرس)
ام رودينة:هلا ديدو تفضلي
دعاء:اهلين خالتي ووك بسم الله شن فيه هرجه
ام رودينة:اح بس مثل العاده ياسمينو ودندون
دعاء:هههه معناها دوري قبل فوات الاوان
انا شاده ياسمينه من فلينيتها وهي ماسكه شعري:اطلسي شعري يانذله
ياسمين:بنتفهلك عشان راجلك يطلقك
رودينة وصلت معايا شديت شعرها وعطيتها كف سمح(متقولوش متوحشه بس والله تستاهل)
دعاء بصوت عالي:وقفن انت وياها
وفقنا..ههه
دعاء بنفس الصوت:ياسمينو لدارك بسرعه
ياسمينو:باهي الواحد يسلم بالاول مش هاده(هاجمه) زي جوجو ماجوج..التفتت لرودينة.. باي يالمتوحشه مسكين عطوفه..وعدت تجري
رودينة:تي والله مانك مبرتيها(يعني مش حاتعدي على خير) يالناموسه
ياسمين من فوق:دبه
دعاء جت كرتني لداري وسكرت علينا
انا انواسي في شعري عالمرأه:سمعتيها الحقيره من امس وهي ماسكه الكلام اح قطعتلي شعري
دعاء:تعالي هنا فهميني شن زوجك ومن عطوفه عاد مسيبه الكليه علشانك
رودينة جلست على السرير قدامها:ااححم صاحب بويا جا يخطبني لولده عاطف
دعاء:للللووووووووش
رودينة:وقفي فضحتيني اصلا انا مانبيش
دعاء:ليش قصدك شين(ههههه هادا اللي هامها)
رودينة:بالعكس طريف(طرف يعني واحد خوقاق ) اصلا انتي تعرفيه بوه يشتغل مع بوك
دعاء:ليش ياغبيه قصدك عاطف آل...
رودينة:غبيه بروحك ترى خوديه انت ايه هوا
دعاء:شكرا بارك الله فيك مش مستحقه
رودينة ضميتها:دعاء دبريلي حل هدى صاحب بويا وااجد وانا ماقدرتش انقوله لا لان بويا يبيني انوافق مايبيش ينحرج..ورديت نبكي
دعاء:ياروحي خلاص عادي مافيهاش احراج ماتبيش خلاص ماتبيش بس ماتبكيش لاني بنلحق عليك..وجلسنا..كملت:باهي انت ليش ماتبيشي
رودينة:أولا والأهم انا معارضه فكرة الزواج وثانيا انا مارتحتلاش وثالثا هو بصراحه مايناسبنيش ورابعا. .
قاطعتني:خلاص فهمت بس انت تعرفيه اكتر ووين
رودينة:ايه مالا ليش جاي هوا يومها شايفني عندهم يوم بويا قلنا عند صاحبه ياجعني متت قبل مامشيت
دعاء:ياحليلك مفروض تفرحي لان اعجب بيك من اول نظره وطووول خطبه
رودينة:يا سماط هيا فكري كيف بنطلع منها الورطه
دعاء:بالعاده انت صاحبت الأفكار بس احمم لقيتها احني ضروري انشوفوه وندووله الأول
رودينة:لا بالله خايفه يزيد يلصق
دعاء:هههه واثقه المهم اسمعي الخطه.....ووووالخ(بعدين تعرفون)
رودينة:مشالله من وين الأفكار باهي خلاص نجربو
دعاء:طالعتلك ههه هي خلاص انا و بنروح وانمر عليك العصر ونمشو اوكي
انا:اوكي
المهم روحت وبعد الغداء طبعا ماكليتش وتيت روحي
لبست تنوره راقيه فوق الركبه شوي قماش فرفوريه بيضه فيها ورود كبار حمر ولبست بلوزه واسعه سوده قصيره لفوق البطن(طبعا لان التنوره توصل للبطن يعني مغطيه)ربع كم رقبتها واسعه لبست سنسله ذهبيه خفيفه عليها حرفي R وطلقت شعري الناعم مع شوي تموجات من الأطراف اللي يوصل لنهاية الظهر ولبست سندال اسود واكسسوارات حمر وابيض وحطيت كحل غامق نهاية عيوني وأحمر شفاه باهت امتاع 24 ساعه
مرت عليا دعاء اللي كانت لابسه جينز مشرك باهت مع بلوزة كت عريض صفراء عليها دبدوب(ههه)وكعب اصفر ورفعت شعرها ذيل حصان بشريطه أزرق باهت وحطت خط أزرق تحت عيونها وماسكارا وغلوز وردي واكسسوارات طلعت مرره كيوت
دعاء:ماشالله هدى غير تبيه يسيبك وانت مكشختيله
رودينة ضربتها:قصري حسك وبعدين مادرتش شيء اصلا انا ديما انيقه مالت عليك مشينا
طبعا اللي قلنا سواق دعاء ااخ ياحليلها عندها سواق
المهم مشينا لشركت عمي العباس
في الشركه
العباس:والنعم والله خير ماخترت
ابو عاطف:ايه والله عاد يوسف آل.. صاحبي وبنته رودينة زي بنتي
في واحد كان يسمع في الكلام وتقريبا توقف قلبه ضخ دم وهو يحاول يستوعب وطبعا كان هدا الشخص خالد
رواد كان واقف بعيد على الشباك وشاد ورق امتاع مشروع بناء
خالد يكلم نفسه:مستحيل لا مستحيل هي ماتحباش
رواد:هي خلود خيرك العفو انهبلت
خالد بكل براءه:ايه وانجنيت  الله حرام
رواد حس في شيء:خالد قرب شن فيك
خالد:والله دندون ماتحبه يومها قالتلي خيره يبرق قبل هكي وانا زي الاهبل مانحساباش بيتجرء ويخطبها
رواد كأن فهم ومافهم بس اول ما سمع دندون عرف رودينه ليها دخل:خلود فهمني
حكاله القصة كامله...بعدين انتم تعرفو بالتفصيل
رواد حس انه تضايق بس مش عارف ليش اقنع نفسة انه تضايق عشان رودينة ماتبيشي:اسمع الزواج مش غصب كان ماتبيش تقول
خالد:الله يا دندون راحت عليك...وعده خالد
رواد:ااه بس قلت في شيء صايرلك حسيت ااححم بعدين انا شن دخلني ليش متضايق يوم سمعت أنها بتنخطب اخ ياراسي هههف
وبنفس المكان بس تحت يعني في الأسفل
دعاء:شكرا عمي عمر
السواق عمر:العفو امته ماتبي تروحي اتصلي بيا يلا بنات سلام ديرن بالكن علي روحكن
البنات:باي عموو
رودينة:ديدو خايفه منه مانبيش نتلاقه معاه آخر مره...
...
انتهى البارت ... ايش توقعاتكم للبارت الجاي
ايش بيصير مع رودينة ودعاء؟؟
ليش رودينة خايفه من عاطف وايش سوى لها قبل؟
وكيف راح تكون ردة فعل عاطف؟؟
رواد هل ليه دور او لا؟؟لو كان ليه دور ايش تتوقعون منه؟؟
انتظرووو البارت الجاي

Sent from my SM-J200H using 3bir mobile app

رد: رواية حبي صامت

هلا اخباركم》يالمتابعين عالصامت《بصراحه اسم الرواية لايق عليكم هههه
يلا خليكم مع البارت
......البارت الخامس عشر.....

رودينة:ديدو خايفه منه مانبيش نتلاقه معاه آخر مره شفته قريب كلاني وهو مره جريء وشلون وهو متقدم ليا والله بموت. .(عايشه الجو خليجي روووعه)
ديدو:خلاص دندون بلا سخافه بعدين انت حصليها فرصه يعني تسبلي من حركاته انا مانبيكس فرجاءا اتركني بحالي
رودينة:انشالله
ونرجع للأعلى
رواد كان متكي على جنبه على الشباك (الدريشه) :منو مستحيل .. وحك اعيونه
جاه بوه:اسمع رواد علي...
قطع عليه:معليش شويه وانجي شيء ضروري...وطار هههه قصدي نزل ركض
رودينة جلست علي الكرسي اللي قدام الشركه ودعاء مشت بتنادي السيد عاطف
عند دعاء
اول ما دخلت صقعت في واحد
رواد:اااوه معليش
دعاء:رواد اه عادي
رواد:شن اديرن هنا(ايش تسون هنا) ايه بنسألك
قطعت:اصبر شوي شوي شن عرفك معايا حد
رواد:شفتكم انت ورودينة بعدين صح قصة الخطبه ما خطبه ومن عاطف هدى قصدي
دعاء:هدي العفو بس يمكن كان حكيتلك بالك تنفعنا ياروميو .. وحكتله القصه بسرعه
عند رودينة..عندي
رودينة:ااه ياربي اعطيني القوه
:والله منوره الشركه
رودينة انصدمت من الصوت ولفيت:ع عاطف
جي جلس جنبي وانا بعدت شوي
عاطف:مرحبا دندون شن الأخبار كيفك مع الكليه
دندون(وانت خليتني نتهنا فيها):تمام وانت
في نفس الوقت طلعو رواد ودعاء
عاطف قرب مني حيييل مايفصلنا الا شوي
عاطف:شن جايه تعطيني الموافقه شخصيا ياقلبي
حسيت الدنيا تدور وطبعا بعدته بيديا ووقفت قبالته وطبعا دعاء ورواد شافو كل شيء ورواد اللي علي شوي مافرغ فيه بس لاني تصرفت هدي شويه وبصراحه عجباته حركتي وقربو الاثنين عشان يسمعو الحوار
رودينة حاطه يديا بنصي:اسمع ياولد الناس لولا انك ولد صاحب باتي لامسحت فيك الأرض ياقليل الأدب عشان تعرف حجمك يانذل وترى اني جايه انقولك اني رافضاتك وهدى من الأول والحين بقوه بعد ناس ماتستحي
وقف عاطف وشاد أعصابه ويمثل الهدوء ولصق فيا:دندون لو متحشمه عادي تو تتعودي..ماكملش كلامه الا كف مني طير وجهه لين انبرم(والله يستاهل يعطيني الصحه ههه)
مسك يدي وانفجر:يا...(عيب سبه الله يقطع لسانه)راني متحملك..وطبعا قطع كلامه مره ثانيه بوكس بس مش مني ههه من رواد
عاطف طاح على الكرسي من قوته
رودينة شهقت:ه اا رواد
عاطف:يانذل هدى انت
رواد يمسح علي سكسوكته الخفيفه بثقه:والله انا ما أعرفك بس مانلومك انك تعرفني عاد فيه فرق
وقف عاطف الا بيضرب رواد بوكس انا غمضت عيوني وبعد شوي سمعت ضربه قويه بالارض وفتحت بشويه وانشوف حد صايخ بالأرض:رواد وين رواد
رواد:انا هنا خليه يتربى
عاطف على الارض يتحرك بصعوبه:يا ولد الحرام(بجد ان نذل)
رواد قطع كلامه ببكس برجله علي بطن عاطف:تفي عليك واحد عاطل
دعاء ساكته ومانطقت بحرف مصدووومه حييل وانا مش قاله صدمه وشوي وقام عاطف وباين انه متكسر:احسابك عندي انت وياها
رواد:احسابك معايا بس ياااا
عاطف يتمسخر وهو يمشي:ايه انت بربر بس تعرف كيف نأخذ حقي منكم الاثنين.. وانتلف(تالفه اطلع روحه)
رن جوال رواد:الو
:اهلين وينك في شركه العباس
:ايه هي وسيم انت هنا
دعاء يوم سمعت اسم وسيم ارتبكت وجتني ووقفت جنبي لان وضعي في غنا عن الشرح
كمل وسيم:ايه وينك اصبر هوا جيت..وصكر
وثواني وصار عندهم
وسيم:مرحبا الله الجماعه ملتمين
رواد ودعاء:اهلين
رودينة كنت في عالم ثاني:....
وسيم مستغرب:هوو نحن هنا
رودينة ودموعي خانتني ومطر علي خدودي وبصعوبه تكلمت:اهلي-ين و-و سي-م (اهلين وسيم)
وسيم:لا عاد بسم الله عليك خيرك ياجماعه صاير شيء رواد فهمني
دعاء جت حضنتني وانهديت عياط(بكاء)بصوت مسموع
رواد وقف جنب وسيم وأشر لدعاء تجلس معايا على الكرسي وطبعا حاول يحكي لوسيم الموضوع بالمختصر
وسيم طلع بفكره:رودينة خلاص مايستاهل دموعك(والله وطلع منه جمل مفيدة ههه)ها شنو امسحي بالشوية خربتي الميك اب تبعك
رودينة ضحكت غصب عليا بصراحه خفف دمه:ههههه اصلا مش حاطه ميك اب
رواد:والكحل اللي سايح وليتي زي البانده
الكل:هههههه
رودينة انفتش في الشنطه وطلعت مرايا(مرآة):كذاب وينه شوي بس
رواد:ههههه نمزح
وسيم حب يخبرهم وش الفكره:اححم شو رأيكم نطلع نفلها احني الأربعة ها شن قلتو
دعاء:مستحيل
وسيم:وليش
دعاء:أولا انتم ماتقربولناش يعني غراب وثانيا بابا مستحيل يخلينه وحتى رودينة راه احنى بنات
وسيم:ههه كنت نحسابكن شيابين عارف انكن بنات شوفي انتن تبن مشوار ولا لا
برقنه(طالعنه بعض)وهزينه راسنا بالإيجاب
وسيم:اححم اسمعو الخطوات
1 رودينة بلا عياط وتجهزن نفسيا
2 رواد إتصل علي اختك عائشه قول لها علي الكلام
3 تخلي الطلعه احنى الخمسه بس احسن وما تفسد
4 رواد تعدي لبوك وطبعا العباس بو دعاء معاه وتقوله انك بتطلع عائشة ودعاء وهنا بيمش معاك للاقناع
5 وقتها يجي دور دعاء(وطالع دعاء اللي توترت من تطليعته وابتسم)بتطلبي من بوك يقول لبو رودينة لان حسب علمي هما اصحاب
6 نركبو في سيارة وحده وننطلقوا
7 شكرا لحسن استماعكم ممكن تعبرو بارائكم باللايكات والكومنتات
الكل:ههههههه
رودينة قطعت الصمت:لحظه لحظه..بصوت جدي..وسيم انت انت يالله عليك من وين الفكره...وطالعت دعاء وقلنا في نفس الوقت:خطيييره ..بأصوات متفاوته..روعه تهبل وااااو...وضربنا كف بكف
وسيم يمسح علي شعره:هههه شكرا اخجلتوني
رواد كان بيطير من الفرحه عجباته الفكره:باه للتنفيذ للأمام سر...الاخ مستعجل
اولا اتصل رواد علي عائشه واول ماسمعت ان في مشوار وافقت بس قالت بتجيب معاها مريم صاحبتها وطبعا رواد هددها ان يبطل بالزور وافقت
وصلت عائشة عندهم وركبت هيا ورواد ودعاء لاخبار اصحاب القرارات(الآباء هههه)بالنسبه لبو رواد أقتنع لان أيوته بنته حبيبته طلبت وأبو دعاء أقتنع من ابو رواد وأكيد ان يأمن في رواد أخبرهم رواد ان وسيم معاه
وكملو مع بو رودينة وباقي الإجراءات والحمد لله توقفوا...
رواد:هيا اركبو في سيارتي
وسيم:تعالو معايا انا
رواد ضربه علي كتفه:ياغبي بنركبو في سياره وحده
رودينة:اححم تقريبا دعاء تتفق معايا اللي سيارته بي ام دبليو او تيوتا ردار معاه
وسيم:حرام انا سيارتي اف ت جي
قطع عليه رواد بصوت عالي:الله انا بي ام دبليو آخر موديل
وسيم:هف خلاص خلونا انعدو قبل ما يفسد شيء
وركبنا سياره رواد البي ام دبليو السوده..خلينا انخبركم شن صار قبل ما نركبو
رودينة:انا نبي لم الشباك(يعني النافذة او الدريشه)
عائشة ودعاء بصوت واحد:انا لم الشباك الثاني
رودينة:ههه اتفقن انا قلت الاوله
وركبت وراء كرسي السواق
دعاء:الله مادخلني انا قلت قبل
عائشة:مستحيل نركب بالوسط مادخلنيش
وسيم يضحك:لا اله الا الله تي هوا جقفت شباك
رواد:شقفه بعينك
عائشة:وسيم تعال انت في  الوسط وخليني القدام
دعاء نطت:والله تبيه يقمعز حدايا
وسيم:العفو خيرك نقزتي حد قالك فيا برص(اللهم عافي الجميع) ولا شيء
دعاء تحشمت:هوا يعني قصدي ان انت القدام مع رواد والبنات الوراء
عائشة استغلت الموقف ودفء دعاء ودخلتها السياره:هيا ياروحي انت اللي رفضتي اركبي بالوسط
دعاء:هههف
ركب وسيم ورواد السياره
في السياره...
اتكيت علي الشباك وقعدت نطالع منه(طبعا الشبابيك مظلمه يعني تشوفي من جوا بس)شوي وانا سرحانه باللي صار معايا طاحت عيني في عين رواد من المرايا اللي جنبه(المرايا اللي من برا من الجنب وطبعا كان شباك رواد مفتوح كله)رواد رفع حواجبه واشر بمعنى يقولي خيرك شن فيك ابتسمت خفيف بس من جوا كنت متضايقه حييل(اكيد بنات مقدرين موقفي يعني بالنسبه علي صار معايا صدمني وخلاني انهبي ونحزن)
رودينة لفيت على دعاء اللي كانت مناقره مع عائشة عشان نتجنب نظرات رواد ليا بصراحه وترني
يعني كان جدي وهادي و و و (عشان تعرفو كان على طبيعته لان هدي شخصيته)
رودينة:هي انت وياها صدعتلي راسي بزر والله بزر
بدت اللقافه عند وسيم ولف علينا وحركته وترت دعاء لأنها في الوسط:رودينه شني بزر شن معناها قصدك سامينسه
رودينة:واااك انت ولقافتك معناها بيبي صغير
وسيم:هههه كنت نحسابها بيبي كبير
الكل:هههههه
رودينة:هاهاها ياخفة دمك
وسيم مد يده شد خدي:الا زعلك باهي شن معناها لقافة
بعدت يده:وووه منك وخر بعدين شايفني قاموس لك كل شويه شن معنى وشن وشن تريح يعني حشريه
وسيم وخر يده وناش بيها رقبت دعاء اللي شعر راسها وقف من الموقف واللي زاد الطين بله ان وسيم ابتسملها ورجع لف القدام
عائشة:ياهووووو وين بتقلونا
رواد:انا بالذات ماتسأليش عشانك طول باتكري البقرة قليلة الأدب معاك(قصده على مريم عارف عائشة بتتصل واتخبرها تجي لنفس المكان)
عائشة نطت:رواد سكر فمك عاد زوتها ماتدويش علي صاحبتي هكي
رودينة مافهمتش بس حسيت الوضع راح يسوء:خلاص خلاص انت وياها ايوته ماترديش عليه وانت روادوه اسكت خير لك بعدين كيف تتكلم علي بنات الناس هكي
رواد نسي السالفه عشان ماتفسدش الطلعه(مشالله عقله كبير)بس حب ينرفزني:اووووه شن روادوه هدي تدليعني
دعاء قدمت ليهم:يا غبائك تقول اسمك هكي لأنها معصبه هدى مش تدليعه معقوله ماتحضروش في مسلسلات خليجية ياسيدي ماتقروش في روايات
وسيم شد أذن دعاء بصوت طفولي:إيب انت سعيره علي المثلثلات ماما ديدو بزر(عيب انت صغيرة على المسلسلات ماما ديدو طفله)
الكل فقع ضحك:ههههههه
الا دعاء فكت يده وطبعا حست بكهربه لما لمساته:العفو خيرك دوره دوره شاد شيء يا يد رودينة يا خدها وتوا دور وذني اعقل بس
المهم كان الطريق طويله وكملنا جو وضحك واخيراا وصلنا
اول ماقربنا
رودينة:لا مستحيل لا انا نتخايل هي دعاء اقرصيني عشان نتأكد
قرصتني دعاء
رودينة:اااااه ياقرده ماصدقتي الله مش مصدقه
عائشة:ووووها جو والله كان فيكم خيير
انا ودعاء فتحنه الشبابيك وطلعنا رؤسنا من الشباك اللي من جبهتي وبدينا صراخ:اااااااااااااااااااااهااااااااااا
رواد يصارخ عشان نسمعوه:بطلي رودينة دعاء خشن يامجنونات..ومازال ماكملش كلمته الا عائشة ووسيم عايبونا(قلدونا)
رواد قعد يطالع فينا ووقف ثواني طالعني وانا المجنونه امطلعه نصي(يعني لخصري طالعه من الشباك) ويديا وانصفق ونخبط دعاء وانصارخ(عايشة الجو صح)يمكن رواد انصدم اعرف جانب من شخصيتي(وحتى انتم)ووقف رواد السياره
رواد:الله مركب معايا مجانين انزلو ياهو
المهم الكل نزل
رودينة وانا ننزل:صباح الخير توك تعرف انا مجانين يالعاقل هههه بعدين نمشو البحر وتبينا عاقلين(اههه توكم عرفتم انا مشينا للبحر العادي يعني مش مصيف)
سكر رواد سيارته وبرق فينا:الله مسكينات انتن وكعبكن
رودينة:اصبر شوي ونسبقوك هيا بنات نوروه...
..انتهى البارت ومثل كل مرره اثمنى اشوف ردود -_-
توقعاتكم البارت الجاي
ايش بيصير بهاذي الرحله؟
وايش بتسوي رودينة؟
عاطف وتهديده هل راح ينتقم وينفذ تهديده؟
وباقي شخصيات الروايه ايش الجديد معهم؟
انتظر وسأنتظر ردودكم أعزائي(ههههه حسو بمشاعري لاني احس باحباط وانا اكتب في روايات جديده وبأفكار جديده ووقفت لاني حسيت انه كتاباتي ماتجذب أحد غير صديقاتي بالرغم من ان حاليا اكتب في ثنين عربي فصحى والثالثه بالخليجي سعوديه تقريبا وحاولت قد ماقدر احافظ على اللهجه صح وصرت اتكلم سعودي في البيت ههههه كله مشانكم قلت اذا الله أعطاني عمر وكملت الرواية تكون عندي غيرها جاهز ومااقطع عن النشر)

Sent from my SM-J200H using 3bir mobile app