رد: ☆*✲ﾟ*｡(((يوميات وخواطر مبعثرة )))｡*ﾟ✲*☆



مسالخير ..

امي و ام من يقرأ !
جعلهم الله من السبعين الف الذين يدخلون الجنة بلا حساب ..

كيفكم ي شقليطاتي

لي عشرطعشرالف يوم و انا افكر ف كلام بكتبه وكل شويه اكتب ف ملاحظات الجوال و احذفها و ع هذا الحال و للان م عرفت اش اكتب ف ح اكتب الي ح يجي ببالي

م علينا ي انيي مشتاقههه لكم جدد يعني مدريي كيف !
و اعيد و أزيد و للمره المليون
فطومه و اموله و تفاصيل و مرويه و غيرهم كتييير ياخي اشتقت لكم
ارجعوا و طمنونا عنكم افف بس☹️

و الحمدلله ع سلامة اخويي نفر و أهله وكذا وربيي يعوضكم خيير ان شاء الله

اممم اسمعوا ي اهل الرياض عندي لكم سؤال من صحبتي تقول ( اهل الرياض و القصيم يقولوا عيونتس ؟ ولا القصيم بس و اذا بس القصيم اهل الرياض اش يقولوا ؟ )
امس سألتني قلت لها والله مدريي بسألك و اقولك ف الي يعرف ياليت يقول لي الادميه تستناني

تخيلوا امس من التعب نمت بالحوش (الحديقة) والله مدريي اش اقول بقول الحوش ههههه
المهم ف صحيت اليوم العصر لقيتني ف غرفة بعيده عن باقي الغرف هذي تكون غرفة النوم ف استراحة خالو المهم ف انا خوافه
ف اول م صحيت لقيت نفسي لحالي اخذت بعضي و قمت اجريي زي الهبله للغرفه التانيه و الله بينهم مسافه مرررههه طويلههه طبعا كنت خايفهه كمان لان خالو كان مخلي الكلب "وانتو بكرامه" برا ف انا م انتبهت له و اول م شفته زدت ف الجري و اول م دخلت قمت اطالع ف ماما و انا دموعي ع خدي
صح الكلب"وانتو بكرمة" م حيسوي لي شي لان خالو قال كدا مدريي صح ولا بس كلام
بس يعني المهم دخلت وقمت اشمق فيهم و اترميت ف حضن خالو و اتبكك و بنات خوالي و خالاتي فاطسيين ضحك ع شكلي !
شي طبيعي صاحية من النوم بعد ١٥ ساعة !
و شعري كأني جنية طالعة من تحت الارض و البنطلون و احد وصل الركبة و جهه ع حالها و حالهه وقسمبالله !
ف سرت اسألهم مين أخذني ل هناك ؟ قال خالو انو هو الي شالني للغرفة طبعا سويت يعنني زعلانه وقمت من عنده ورحت عند جدتي حبيبتي ي حبني لها بس !
و خليتها تاخذ لي حقي منهم و بس ماما و خالو جدتي الجميلههه م تكلمهم قدامي و من ورايا تكلمهم
بس يعني قلك عشان تراضيني انا ووجهي الجميل <<كف !
المهم والله ي انييي مرررههه مبسوطهه مرررهه م ابا أرجع البيت بس الجمعهه بنرجع وانا م ابا و خاصة مع الأجواء هذي الجميلههه ف يعني بس
اش اقول حظ ياخي كلهه بسبب المدرسهه مخربت اللحظات الجميلهه
وبس واللهه م عنديي شي طفشانههه و جيت اهرج و افرفر شويههه

يلا سلااام


Sent from my iPhone using منتدى عبير

☆*✲ﾟ*｡(((يوميات وخواطر مبعثرة )))｡*ﾟ✲*☆

انخلق حبه فيني
بدون لقى و لمة يدين


Sent from my iPhone using منتدى عبير

☆*✲ﾟ*｡(((يوميات وخواطر مبعثرة )))｡*ﾟ✲*☆

و اذا رأيت حسنه وهو يبتسم ؟
اتمتم ربي اغفر لعيني ان ثملت ❤️

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

مسالخير ..

يامن تقرا : لا تفقد السماء صوتك !

كيفكم ي جميلين ؟ ان شاء الله بخير

قبل كل شي انا اسفهه لإني م رديت ع رسايكم بس لان م عندي نت زي الناس و قلت ادخل ع السريع و تسذا
انا الحمدلله بخير بس عندي شوية ظروف و من ضمنها ان م عندي نت ف ان شاء الله كلها فترهه و تعدي و ارجع لكم
انتوو طمنوني عنكم !
اشتقت لكم واللههه
الله يسعدكم و يوفقكم و يرزقكم و يجعل حياتكم كلها افراح يااارب ..

دخلت بس عشان اتطمن عليكم و تسذا و بنفس الوقت لاني م اقدر ارد ع الرسايل ف قلت اطمنكم هنا و بس واللهه

الله يحفظكم أستودعكم الرحمن ..

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆



مسالخير ...

الى كل من يقرأ : الله يبعد عنك الحزن و يرزقك من سابع سما ...

كيفكم ؟ ان شاء الله بخير.

اشتقتلكم ! ❤️
طمنوني عنكم وربيي لكم وحشهه

انا بخير الحمدللههه و ح ان شاء اللهه م اغيب زي دي المرهه لاني مدريي ايش معرف اعبر عن شعوري ف اللحظة دي ☹️❤️

مدريي اش اقول واللهه حاستني مو عارفهه اش اكتب
الفترهه دي كانت اصعب فترة مرت علي طبعا لان كانت بدون نت و بدونكم و حاجات تانيهه كتيرههه بس الحمدللههه انتهت ع خير

كنت ناويه ادخل قبل يومين بس اش سار م دخلت ؟ انا اقولكم
كنا ف السوبر ماركت ماما قالت لي اروح مع وسام و نجيب بعض الطلبات المهم لم دخلنا اخذنا الاغراض ف يدنا عشان م كان فيه عربيه عشان نحط فيها الاغراض
المهم ماما اتصلت ع وسام و كلمته بس هو عشان يرد حط الاغراض ع الرف ف طاحت ٣ علب فواكهه معلبه ع رجلي و حسيتها مدريي اش سار فيها و كملت و انا أعرج بسببهه الله يسامحه
قلت له يحط الاغراض ع الارض بس هو يعاند
من خرجت رحت عند ماما و قلت لها وربيي يفشل محلاني وانا أعرج و هبل
المهم رجعنا للبيت و نمت و لم صحيت رجلي مو قادره أحركها غبت عن المدرسة و رحت للمستشفى ف قال الدكتور ان شي بسيط بس دا دلع بنات
ياخ واللهه يعني م اتدلع بس يعور
وبس عشان تسذا م دخلت
المهم مدريي اش اقول وربيي عندي هروج ي كترها بس مو عارفهه كيف اقولهااا خليني أرتبها و اقولها لكم يوم من الايام
و الف مبروك للجميلهه رتيل تستاهل وربيي
و الف مبروكك كمان ل اخوي لبيه
والله يوفقهم و يوفقكم ❤️
وبس واللهه
سلام ❤️


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆



هذآ آلوقت العنيد سيمر ، و سيعطينا الله .. و يعوضنا الله ، و يكون كل شيء بخير قريبا !!
- اتفقنا ؟!



Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

يامن تقرأ : كن واثقا مطمئنا بأن لا احد يقدر ان يغلق بابا قد فتحه الله لك كن قويا بالله سبحانه و تعالى ...

مسالخير ي جميلين !

كيفكم ؟ ان شاء الله بخير

مالي خلق شي واللهه اليوم راحهه خلاص
عندي شوية هرج بقوله يعني حتى انا وربي مصدومهه منهه !!
انا بمدرسة اهليه يعني مدرسة خاصة و كذا يعني نادرا م يكون فيها بنات قليلين ادب او شي فيه كيني ميني يعني معظم بنات المدرسة مررهه محترمين !
المهم الترم هذا حطونا بفصل مع بنات تانين
ف امس كنت جالسه مع صحباتي ف الفصل و نتكلم شويه وحدهه جات ل صحبتي و قالت لها كلام ف إذنها و مشيت ف صحبتي راحت لها عشان تشوف اش تبا !
المهم البنت كانت ماسكه شي ف يدها و توريه ل صحبتي المهم ع طول صحبتي بعدت عنها و جات قالت لنا انا بحياتي م شفت المخدرات إلا ف بلدها كانوا يبعوها بين العماير و كذا اما هنا ف السعودية م عمرها شافتها لكن شافت الحش** و كان من هذي البنت الي نادتها
و لا البنت جايه بكل ثقه
و تقول تبوا ولا لا ؟
وقسم بالله انا انصدمت ع طول سحبنا نفسنا و طلعنا من الفصل ف قعدت صحبتي تقول لها ترا ح اشتكي عليكي بالمركز لان جنب مدرستي فيه مركز حق مكافحة المخدرات و هذي الحاجات ف ضحكتني بس يعني م ينفع نطنش الموضوع و لم كلمنا الاداره سارت تقول البنت انو هي م جابت شي ومعرف ايش لان رمته من شباك المدرسة !
بس اهم شي بالحياه انها تبهدلت لان هبل محلاها وهي جايبه شي زي كدا للمدرسة !
جد شي يصدم وربي
بس يعني الواحد لم يمر بكذا مواقف لازم يتعلم منها مو يمشي ورا اي احد ولازم نختار ناس كويسه عشان نصاحبها لان مو كل الناس زي بعضها !

ينفع اطول بالكلام ؟ لان عندي شي كمان بقوله
عندنا معلمة التوحيد ياخيي تجنن نوتيلااا وربيي
حصتها تجنن بس تضحك و تتكلم و بعد م تخلص تقول أخذتوا ٣ دروس ! ❤️
وربي نوتيلااا ربي يسعدها
بس امس تحمست بشكل !
يعني كانت تشرح درس عن الذنوب و كدا المهم ف سارت تقول كلمات المفروض م تقولها وربيي صدمتنا لانها معلمة دين !
لكن كلماتها تجلط وربي !
تحمست بشكل قلنا يمكن لان اخر حصة ف عشان كدا فصلت م خلت احد م تكلمت عنه كان شباب او بنات تحمست بالكلام لدرجة ان وحدهه من البنات سارت تطالع ف الابله بنظرات استحقار ! مستوعبين ؟
استغفرالله بس خليني ساكته احسن

امممم اليوم بالمصعد كنت انا وصحباتي انا انسانه أكرهه المصاعد لان اخاف منها
المهم و احنا فيه إلا وقف علينا يالله لو تشوفوا الفلم الي سار بكا و زعيق و حالهه وربي يضحك
كله من صحباتي قلت لهم انا ح اطلع مشي قالوا لي لا نطلع بالمصعد ف سمعت كلامهم و المفروض م ندخل إلا ٥ بالمصعد بس احنا كنا ٨ بالمصعد و عاد ماشاء الله صحباتي اجسامهم طول بعرض و كدا ف جد مدريي و م اشتغل إلا بعد م جات ابله و سوته و حوسه و من بعدها ح نحرم ندخل فيه إلا للضروره

وبس والله انا كدا خلصت تقريبا نص هروجي و يلا سلااام ربي يحفظكم ❤️


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

‏" بعضهم ينبض القلب " له ".. وبعضهم ينبض القلب " به " ..


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

تعثرت ؟
فسجدت ؟
فدعوت ؟
فأقامني !❤️


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

وراء كل شي لم يتحقق
خيرا اراده الله فلا تحزن !

مسالخير ...

كيفكم ان شاء الله بخير

بدخل بالموضوع ع طول و م ابا اطول عليكم
ابا اطلب منكم طلب بسيط و ربي م ح ياخذ من وقتكم كتير
جد محتاجتكم اليوم اكتر من كل مرهه !
أباكم تدعوا ل بابا
بابا ف المستشفى و مره تعبان له كم يوم قلنا يمكن يهون الموضوع لكن كل ماله يزيد
جد م ابا منكم اي شي غير انكم تدعوا له ان ربي يشفيه و يقومه بالسلامة و لا يحرمنا منه !

جد انا تعبت !
في البيت لازم اكون انا القوية الي م تبكي عشان توقف مع امها و اخواتها و انا الي لازم أكتم دموعي عشان اواسيهم
تعبت وربي لدرجة وصلت ان اروح المدرسة عشان ابكي و اطلع كل الي جوتي !

احس اني مخنوقهه اتعب و انا اشوف بابا ف هذا الحال احس اني اقطع مية مره بحياتي م طلبت شي من احد ب دا الأسلوب
لكن انا دحين محتاجتكم محتاجة و قفتكم معايا ب دعواتكم ل بابا
م ابا اطول عليكم لكن لا تنسوا طلبي منكم
و الله يحفظكم ...


Sent from my iPhone using منتدى عبير