رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

مجرد ثانية تنفعك !
استغفرالله و الحمدلله


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

ستفهم ذات يوم
و أتمنى أن يكون الان ،
أن القرب من الله هو مفتاح
كل الأبواب ..!

كيفكم ؟ ان شاء الله بخير

وقبل كل شي مرررررههه شكرا لكل الي وقفوا معايا و دعوا ل بابا
ربي يسعدكم كلكم يااارب
صح ان دحين قاعد يزيد التعب عليه و كذا بس برضوا نقول الحمدللهه و ان الله اذا احب عبدا ابتلاه !
ف عشان كذا الواحد لم يتعرض لمصيبة او مرض او حاجه او اي شي بالحياة يقول الحمدلله !

و ممكن افضفض شوية ؟ لان انا تعبت !
تحملوني الكم يوم هذي ..
قبل يومين تقريبا كنت بالمستشفى مع بابا و كذا المهم شوية الدكتور قعد يقول ل بابا انت فيك و فيك ووووو حاجات كتيره و لازم تهتم بصحتك و من دا الكلام
ف طلب من بابا يروح يسوي أشعه و ف دا الوقت قال ل ماما انا الصراحه م ابا أخوفكم بس ممكن ف اي لحظة تفقدوه !!
مستوعبين ؟ ان ممكن ف اي لحظة بابا يروح و يتركنا بعيد الشر عنه و الله يطول بعمره و جعل يومي قبل يومه !
وربي ان م قدرت أمسك نفسي و بكيت بكا لدرجة ان حتى نفس م اقدر أتنفس !
يعني وربيي محد ح يحس ف نعمة الام و الأب الا الي فقدهم!
و الي يفقد أهله مره م يتمنى يفقدهم مره تانيه !
احس وانا اكتب دحين ح ابكي !
وربيي انا تعبت انا م اقدر اعيش بدون بابا او ماما الله يطول ف أعمارهم و لا يحرمني منهم !
لم تجي ماما وتقول لو صار شي ل بابتك صدقيني انا وراه !؟
انا أتقطع احس ان مخنوقه و مو قادرهه ابكي
لان لو بكيت م ح اقدر أتنفس من كتر البكا الي ح ابكيه جعل يومي قبل يومهم !
يعني جد وربي مدريي مو عارفه اش اقول
حاسه الكلام ضايع و مو عارفه اش اكتب
م اقول غير الحمدلله ع كل حال وربي ييسرها من عنده ولا تنسوا بابا ادعوا له ف صلاتكم جد بابا هالفترهه محتاج دعواتكم !

الله يحفظكم ...


Sent from my iPhone using منتدى عبير

☆*✲ﾟ*｡(((يوميات وخواطر مبعثرة )))｡*ﾟ✲*☆

و في هذا الصباح نسألك يا الله ان تحقق لنا آمالا علقت على أبواب رحمتك

صباح الخييير ❤️

كيفكم ي جميلين ؟ ان شاء الله بخير

يالللههه جد جد اشتقت لكم طمنوني عنكم و عن اخباركم و أحوالكم و كذا !؟ان شاء الله كل شي تمام

عندي كلام مرررهههه كتييير بس مكسلههه اكتب لان عند كسل مو طبيعي هالفترهه بس م علينا
و الحمدللهه بابا بخير و احسن من قبل الحمدلله كل حال ..
و الف مبروكك ل اختيي الجميلهه رتيل ربي يسعدك و يوفقك بحياتك الجديده و ادريي متأخرهه بس دوبي ادخل و كذا ❤️
تعرفوا شي هالفترهه احس انو فوق اني مكسله إلا اني مررههه مبسوطهه مدريي ليه بس الحمدلله

قبل يومين كنا مجتمعين مع اهل ماما و كذا ف عندي خالو عنده ولد عمرههه ٦ شهور تقريبا الله يحفظه
تصدقوا شي ؟ ان من اول م ولد م عمري مسكته
لان مدريي احس اول م ينولدوا كذا يقرفوا مو يعني اقصد القرف لا بس يعني مدريي كيف احس حتى لو أمسكهم يتفككو ف يدي المهم م علينا خلوني اكمل
ف كان يبكي و انا جالسه بعيد عنه يعني ف اخر الغرفة و اتفرج ع خالو وهو يسكته شويه جا خالو ل عندي و حط هتان بين يديني استحيت اقوله م ابا و كذا ف سبحان الله اول م مسكته سكت و يعوووممررييي عليههه يناسوو يجنن ماشاءالله ف لم سكت طالعت ف خالو الي واقف قدامي و ابتسمت له قام هتان يبتسم
ف خالو سار يقول له شايف هذي ام عيون حلوهه؟
هذي بنت عمتك الحلوهه ❤️
ف هتان لم أمسك خده يضحك جعلني فدوهه بس يعمريي عليهه والله اني كنت غبيهه لم م كنت امسكهه ف سرت اضحك له ف خالو سار يقول لي انتيي لم اشوفك تضيع علومي اجل لاضحكتي اش يسير فيا ؟ ❤️
يعني والله مدريي اش اقول ياخيي استحي منه م يقدر لازم يتغزل ف اي شي والله يضحكني و يخليني استحي غصب عني يعني مدري كيف الصراحهه ربي لا يحرمني منه❤️

و الي استغرب منهه جد ان كيف هتان سكت بين يدي و انا اول مرهه امسكه بس اصلا يعني عاديي هذي مو اول مرهه تسير لي انا الأطفال هدول دايما يسكتوا ع يدي <<تف تف عليي ربي يحفظني
لا جد حتى ف المدرسه كنت جالسه ف أمان الله و اتفرج ع البنات شوي جات ابلتي و معاها ولدها هو ف التمهيدي المهم طالعت فيه ف ابتسمت له ف هو ابتسم و جا يلعب معايا ف انو متعودهه اي ولد او اي بنت صغار بأبتسامة مني أجيبهم <<ثقهه بس
لا جد هالفترهه سايرهه احبني و احب ابتسامتي مع اني م كنت أشوفها حلوهه بس من بعد كلام بعض الناس عنها سرت احبها
ف حتى وحدهه من صحباتي سارت تقول لي من اشوفك م اقدر م ابتسم ابتسامتك تجيب السعادههه ي حبني لها و لنفسي ❤️
واللههه بسبب كتير من الناس اكتشفت حاجات بنفسي و اكتشفت اشياء كتيره م كنت منتبهه لها ف جد حبيتني اكتر من قبل من بعدها
ف يعني خلاص مدريي مو عارفهه كيف أقفل الهروج حاستني كل م قعدت طولت بالكلام اكتر و تكلمت بحاجات هبلهه
يعني واللهه اكون مرتبهه حاجات بعقلي عشان اكتبها ف النهاية اكتب حاجات تانيه تعوق
عشان كذا خلاص حسيتني طولت ف لكلام ف
يلا سلام و نكمل بعدين بإذن الله
دعاء المعجزات
"حسبنا الله سيؤتنا الله من فضله إنا الى الله راغبون"

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

انا مقتنعه ان الحياة كافئتني فيك
وصرت لي حياة ثانيه حياة حلوه
مثل عيونك و أكثر بكثير ❤️


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

ينتهي كل الكلام و م انتهي منك
كل م قلت النهاية ابتدي من جديد ❤️


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

لا تثق كثيرا
‏Don't trust too much
لا تحب كثيرا
‏Don't love too much
لا تأمل كثيرا
‏Don't hope too much
لان هذا الكثير
‏Because that too much
سيؤذيك كثيرا
‏Can hurt you so much


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

و لست اصبر إلا ليقيني بإن الله يرى كل شي و سيحدث أمرا ...

مسالخير ي جميلين ..

كيفكم ؟ ان شاء الله بخير
طمنوني عنكم و عن أحوالكم ان شاء الله كل شي تمام

لاني ادخل بالقطاره يعني ادخل للمنتدى و اغيب اسبوع و ارجع زي الهبلهه بس جد لان غصب عني و الحمدلله ع سلامة اخوي الوسمي و كل الي ارجعوا للمنتدى و انا مدريي عنهم و جد اسفهه ل اخواتيي الجميلات الي يرسلوا و م أرد و ادريي اني مقصرهه معاكم ف جد
اسفهه❤️

مبسوطة و فرحانهه فرحههه مو طبيعية اكيد فيه عارفين ان ف جده كان فيه تعليق للدراسة الربوع و الخميس الي هو اليوم و الحمدللهه وربي خلاص مرررهه مبسوطة
ليه ؟ خليني اقولكم اش سار
يوم الثلوث رحت المدرسة و بعدين قالت لنا ابلة الرياضيات ان فيه اختبار يوم الربوع ف رجعت البيت ماما قالت ان ح نروح عند اهلها لان فيه مناسبه و كذا ف اصلا انا لم رجعت من المدرسة كانت الساعة ٢ الظهر ف قعدت اذاكر درسين للساعة ٣ و بعدين لبست و رحنا عن اهل ماما و اخذت كتابي اذاكر عشان الاختبار
المهم ذاكرت ف السيارة درس و طفشت لان مافي احد يذاكر بالسيارة الجو حار و المكيف الي عندنا ورا بالسيارة م يشتغل و غبار و نقاب و حالة ياخي المهم قفلت الكتاب و قعدت ادعي ان تتعلق الدراسة و لم وصلت عن اهل ماما م سارت الساعة ٨ إلا جا خبر ان تعلقت الدراسة ي انييي فرحت فرحهه مو طبيعية رميت ع الكتاب و قمت اهرج مع الناس و كل شي❤️
ف لم جا يوم الربوع اكتشفت بعد صلاة المغرب ان فيه اختبار يوم الخميس احياء و كتابي ف اللوكر حق المدرسة يعني الحظ مدريي شقول عليه المهم و لا كنت اذاكر رياضيات و م خلصته لسا ف قعدت ادعي انا وباقي الناس ان تتعلق الدراسة و الحمدللهه تعلقت ولا كان رحت المدرسة و اختبرت و جبت صفر
وبس هذي احد الأسباب ان يكون عندما تعليق دراسة ٤ ايام اجازة ورا بعض اخخخ ي انهه شي جميييل بشكل ❤️

النت او الشبكة عنديي سايرهه تنرفز بشكل مو طبعيي تقهر وربيي مو طبيعيه بعض الاحيان احسني ببكي بسببها و تجيني أوقات نفسي أمسك الجهاز و أرميه بالجدار اقول يمكن يرجع يتعدل بس اقول لا ي بت بلا غباء اش الي يتعدل يمكن يخرب و معد يزبط وربيي لي ساعة استنى الصفحة تتحمل و مو راضية شي ينرفز
م اقول غير الله يصبرني

سيرسل الله لك نورا ، يتسلل بين ثنايا روحك و يطهر قلبك ...


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆



ايوهه صحح نسيت اقولكم شي عشان لحد يسري زيي و يتورط

انا و اليوتيوب قصة

طبعا دايما اتفرج ف اليوتيوب لم يكون طفش و يلعب الشيطان بمخي و اسوي الي اشوفه
يعني قبل قد قلت لكم قصة الغمازة الي سويتها
هالمره سويت حاجتين وحدهه انبسطت فيها ووحده كنت ح ابكي ب سببها
شفت وحده تقول خذي ملعقة صغيرة كركم و ملعقة صغيرة موية و اخلطيها و لم تسير دي العجينة فرشي فيها اسنانك لمدة ٥ دقايق و تسير بيضا اسنانك والله سويتها و زبطت ومرههه فرحت ب اسناني
و بعدين سويت الخلطة التانية و ياليتني م سويتها
وحده من صحباتي نفسها تكبر شفايفها و انا ضد الفكره دي خلقة ربي احسن بلا تكبير بلا تصغير و هبالة
بس مدريي اش سار بعقلي و سويت الي شفته عشان صحبتي
المهم شفت فيديو تكبير الشفايف في البيت المهم قلت اسويه و اذا زبطت بقول لها عليه بدل م تروح و تسوي عمليات و غباء ب شفايفها
المهم رحت اخذت الحاجات و سويت شفايفي و لم زبطت انا م عجبني و كنت خلاص ببكي من شكلها بس قلت مو مشكلة ي بت دحين نامي لك ٧ ساعات و حتروح زي م قالت البنت و رحت حطيت راسي و خمدت و دحين الحمدلله كل شي تمام
بس وربي كل م اتذكر المنظر احسني ببكي بس والله عطيت صحبتي الخلطة و قلت سويها و جربي و ح تحرمي تنفخي شفايفك و تعرفي ان خلقة ربيي احسن من الغباء هذا

و ان شاءالله تكون هذي اخر مرهه اسوي خلطات وحاجات غبيه ب خلقتي
و قلت اصلا ل وئام اذا يوم قلت لك بسوي شي عطيني كف عشان م اسوي

وبس والله



Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

إستثنيني دائما بقلبك وبقراراتك،مثلا حين تكون بمزاج غير مؤهل أنك تتحدث لأي شخص..تحدث معي أنا,فقط.

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

الذي اخرج يوسف من الجب لن يعجزه حزن صغير يختبيء في قلبك و أمنية بيضاء تلوح على صدرك..الثقه بالله خلف كل أمنية محققة

مسالخير ..

كيفكم ؟ ان شاء الله بخير

عنديي هرجه مررهه صغنونه بس يمكن طويله والله مدرييي

الي بقولكم عليه دحين شي نرفزني ورفع ضغطي وقسم باللهه شي اخخخ بس
تخيلوا بأخر الدوام ف المدرسة صحبتي قالت بجي معاكي يعني وصليني للبيت ف طريقك لان مافي احد يجيبني"هي مو سعودية" قلت لها طيب ف لم ركبنا للسياره وكذا كنا واقفين عند الإشارة الي قريبه من المدرسة و فيه بنت اعرفها بس هي ف فصل تاني مشااءالله عليهااا اتعب وانا اقول عنها حلوهه مشااءالله عليهاا كلها ع بعضها تجنن مشاءاالله مشااءالله ف هي دايما ترجع مشي
و دايما مبتسمة مع نفسها يعني طول وقتها مبتسمة ماشاالله ف وهي تمشي وقفت جنبنا سيارة جمس فيها خمس شباب اغبياء و ساروا يطالعوا فيها هي لم شافتهم كشرت و سرعت ف مشيها و هم ساروا يطلعوا روسهم من الطاقة"الشباك" حقت السياره ياربييي ينرفزوا بشكل لدرجة حتى لم فتحت الإشارة مشينا وهم لسا واقفين يطالعوا فيها !!
الي قهرني بالموضوع حركاتهم التافهه احنا مشينا وهم متسمرين مكانهم و يطالعوا
و الي يقهر اكتر كلام صحبتي سارت تقول هم كدا الشعب السعودي معروفين بحركاتهم كلهم كدا الشباب و خاصة هنا ف السعودية م يقدروا لم يشوفوا بنت يغضوا بصرهم و يمشوا لا لازم يغازلوا و يعاكسوا و قعدت تنكلم
ياخيي قهرتني هذي كمان !
وقعدت افهمها ف اليوم التاني ان مو كلهم زي بعض
ترا والله مو كل الشباب زي بعض
صح انا مو ولد لكن واللهه اعرف واشوف يعني عندي شباب ف العيله و كمان يعني والله فيه ناس كتييير محترمين !
هذي فئه قليلة ف المجتمع !؟ ولا ترا معظمهم محترمين
ياخييي الفئه الي زي كدا استحوا ع وجهكم شويه خربتوا سمعة الشباب السعودي وربي !
والله شي يغبن ترا ! مو اول مره تنقال لي ان الشباب السعودي صايع ضايع ! يعني انا معاشرة اكتر من جنسية ف كلهم نفس الكلام!ارتقوا شويه م ح يسير شي ! الي م ترضاه ع اهلك لا ترضاه ع بنات الناس ! و خير ي طير ؟
و أصلا لو كل الشباب كدا م كان فيه جيش او شرطة ترفع الراس ! م كان فيه اخوان تفتخري فيهم ! م كان فيه رجال ينشد الظهر فيهم اوك ؟
فجد ياليت نرتقي شويه ! و نخلي سمعتنا بين الناس حلوههه
و مدريي اش اقول والله اخخخ بس الله يهدي الناس الي كدا !

سبحانك اللهم و بحمدك اشهد ان لا إله إلا انت استغفرلله و اتوب إليك ...


Sent from my iPhone using منتدى عبير