رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

مسالخيييير ..

كيفكم ؟ ان شاء الله تمام !

ياللهههههه مبسوطههههه مررههههه و صدقت مآثر لم قالت لم تشوفي الإنجاز و المشروع ح تنسي كل التعب !
وربيي هذا الي سار خليني اقولكم اش سار ..
اول م دخلت المدرسة كانت الساعه ٧:٢٠ ع طول طلعت الفصل و بديت شغل مع البنات و خلصنا ١٠ :١٠ و لم بدا المشروع م خلص إلا ١٢:٣٠ كان نفسي احط لكم الصورههه بس مهي راضيه مدريي ليه بس الي يبا يشوفها يطلبها خاص ..
المهم ف انو ١٢:٣٠ دقيقة دخلت المراقبه و قالت يلا شيلوا الورق من ع الجدار و ورتبوا الفصل مو خلص مشروعكم ؟ يلا شيلوه ! وربي تعبنا انا حاليا رجولي معد احس فيهم من كتر م وقفت اليوم احسها تقول ارحميني و اهجدي ف مكان واحد من اول م رجعت فسخت العدسات و حطيت راسي و نمت و م قمت إلا دحين !
بس كاان يوم جمييييل وربييي بعني احنا لم جات وقالت شيلوا الورق م شلناه ع طول لا قعدنا الساعه ١ تقريبا و بعدين بدينا نفكك تعبنا و نرميه بالزبالة طبعا ف النص الساعه هذي غنينا و رقصنا و استهبلنا و تصورنا وكل شي تتوقعوه سويناه !
امممم اش كمان قبل أنسى
كل عام وانت بخير ي اخونا الجميل الوسمي و ان شاء الله تكمل معانا ١٠٠ سنه قدام ههههه <<معليش واللههه معرف اتكلم يعني مدريي اش اقول بس ربي يسعدك ..
اليوم ف الالقاء كنت انا و صحبتي ف الفيزيا ف انو و احنا نلقي جات معلمة الرياضيات و احنا نحبها بشكل ياخ والله تجنن اسلوبها و كل شي فيها ف قالت لي و انا اتكلم ارفعي صوتك ف كانت جنبها معلمة الكيميا حقت العام ف سارت تقول بالله تبي هذي الصغنونه ترفع صوتها ؟ خليها كدا كيوت و عسوله <<استحيت وربي يعني هذي الابله اسلوبها يخلي الواحد يستحي ممكن تشوفوا الكم كلمة الي قلتها دوبي انها عاديه بس يعني هي لان مدريي كيف ف انو تستحي منها بس بنفس الوقت نرتاح نتكلم معاها يالله و الله عندي كلام ي كثره بس مدريي كيف اكتبه بس خلاص يعني يكفي دا الي قلته خلي شويه ل بعدين يلا
سلام ❤️

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

مسالخير...

كيفكم ؟ ان شاء الله تمام

بقولكم شي <<شوية فضفضه اليوم كنت غايبه
م كنت ابا اغيب بس غصب عنيي امس انصدمت بوحده كنت اعتبرها روحي من كثر م يشوفونا مع بعض يقولوا كأنكم توأم !
هذي كانت اول سنه و احنا بعيدين عن بعض !
انصدم منها امس تقول لي انا وانتي لازم نبعد عن بعض !
قلت لها ليه و انا مستغربه ؟ قالت خلاص م اظن فيه شي يربطنا !
حنا مو خوات ولا صديقات انا كنت مصاحبتك مصلحه و دحين كل وحده مننا بمدرسة ف م اظن فيه شي يضطرني اجلس معاكي !
وربيي انقهرت بشكل طبعا م قدرت اقول لها لا دام هي تبا البعد ف خلاص بكيفها !
مع اني احس اني اموت مية مرهه !
احنا م كنا بس صاحبات كنا كاننا اخوات و ربي
صحيت اليوم الساعه ٣ و ع طول ع الحمام استفرغت الله يكرمكم من الساعه ٣ ل٦ الصباح و انا ع هذا الحال من كتر م بكيت و انقهرت رحت للمستشفى و إبر و حوسه كله عشانها !
ترا أبد مو سهل لم يجي شخص كنت تعزه و تعتبره روحك التانيه و يترككك !
انصدمت فيها وربيي انا وهي لنا ١٠ سنين مع بعض !
مو قليل وربي لكن انصدم انها بكل بساطة تجي تقول مصاحبتك عشان مصلحه لا اكثر ولا اقل !
كل كلامها قبل كان كذب !
كل شي كانت تقوله كان كذب !
كل افعالها تمثيل و كذب ف كذب !
ليه كدا طيب ؟
يعني اش سويت لها انا عشان تجي و تقول لي كدا بكل بساطة ؟
ليه تسوي فيا كدا ؟
لكن مدريي اش اقول بس محتاجهه احد افضفض له و م لقيت نفسي إلا داخله للمنتدى
لكن الله يوفقها و يكون معاها دام هي بتنساني و تنسى كل الايام الحلوه الي بيننا انا ح احاول أنساها
ادري طفشتكم ب كلامي بس مو لاقيه احد اتكلم معاه ......

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

رسالة صباحية : صباح السعاده لكل روح تخبئ حلما يلامس أبواب السماء ❤️

☆*✲ﾟ*｡(((يوميات وخواطر مبعثرة )))｡*ﾟ✲*☆

صباح الخييييييير ..

أصبحنا برحمتك ي الله فاشملنا بفيض من مغفرتك

ياللهههههه مدرييي اش اقول مع هذا الصباااح الجميييل بالله الي يصبح ع وجهه امه اش يبا اكتر من كدا ؟؟
المهم وريييي راحههه نفسيههه من بعد يومين هبلهه ..
شكراا شموسههه و مآثر ع دعمكم وقسم كلامكم يجيب العافيههه الكم الكلمة الي قراتها اثرت ف نفسيتي كتييير ربي يسعدكم يارب ..

خلوني اقولكم اش سار امس بس من دحين اقول لحد يضحك ترا احس اني هبلههه هههههه م عليكم يلا نبدا
أمس كان نفسيي ف شكولاته و طبعا الحب وبلا منازع نوتيلا اخذتها و اكلت منها ملعقتين و تركتها ع جنب يعني حسيت ان نفسي ف شكولاته تانيه
و محد راضي يجيب لي قلت ل وسام قال بالله انقلعي ناقص انا اروح عشان اجيب لك شكولاته قهرني قال اخو قال و هو فالح ف التأمر بس اففف يقهروا الاخوان !
المهم ف قلت ل ماما قالت لا عشان بعدين تجي و تقولي ماما زدت كيلو و تتبكبكي !
قلت لها عاديي والله ي ماما انا مو سمينه ف يعني جيبي لي عاديي والله خلاص مره نفسي ف سارت ماما تقول لي خير الاخت تتوحم وانا مدريي يلا روحي كملي مذاكرتك !!
المهم سويت نفسي زعلانه و ماما راحت تصلي ف انا رحت جلست ف زاوية الغرفة الي ماما تصلي فيها و قلك اني زعلانه دحين و انا احس اني بضحك ع نفسي فردت شعري و سرت أعده شعره شعره يعني وصلت ١١٥ شعره و وقفت عشان ماما سارت تقول بعد م خلصت صلاه اش رايك انتفهم لك شعره شعره عشان تعرفي تعديهم صح ؟
وقتها قمت اضحك وسكت بسرعه و كملت عد يعني قلك يمكن تحزن و تجيب لي !
المهم شويه رفعت الجوال و دقت ع سواق و قالت له يروح البقالة و يتصل عليها من هناك
ايوههه صح تماما حزنت علي و قالت لي اش تبي شوكولاتات !
عاد انا م خليت شكولاته إلا وطلبتها و ف النهاية م اكلت منها ولا شي غير الرفيلو و المالتزيرز و الكندر !
والباقي خليته ع جنب !
بس يعني فكرهه حلوه يعني انو أعد شعري و ماما تجيب لي الي اباه !
بالله كيفني بس ؟
واللهي احس اني هبلههه بعد الموقف دا !
طبعا لم ارسلت ل صحباتي صور الشكولاتات ساروا يقولوا بالله انتي مسويه حفله ف معدتك ؟ و لا مشروع عشان تسمني ؟
ووبي ضحكوني من قلبيي ربي يسعدهم
اممم وبس والله
سلام❤️

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

الي اختي و صديقتي فطوم ...

أحبك بحجم نقائك وصفائك،أحبك بحجم تلك الابتسامة التي ترسميها على وجنتي، تتوق أحرفي لخط كلمات تعبر بها عنك، وتخجل تلك الأحرف من وصفك فطيبتك لا توصف، وأقف عاجزة أمامك، وتقف كلماتي عاجزة عن وصفك، أعصر أفكاري وأنثر مشاعري وأبعثر أحاسيس، لأكتب كلمات أعبر بها عما يجول في خاطري، فقط لأخبرك أني أحبك وستبقين بالقرب من قلبي ما حييت.

ايوهه شفت مدونتك ياخ انتي نعمههه ربي يحميك و لا يرحمنا منك يارب❤️❤️


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

يا شين طعم الصبر لا صرت مجبور
تصبر ولا تدري وش الايام تعطيـك !






Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆



مدريي اش اقول !

شوفوا جد يعني انا اتقرف بسرعهه المهم ف الانستا طايحين ب صورة يد فيها زي الثقوب وربيي كل م اتذكر احس بقرف مو طبيعي !
والله نفسي احط لكم الصوره بس مو قادره انا بس شفتها ع طول ع الحمام استفرغت و جسمي قشعر و احس بقرف مو طبيعي لدرجة احس اني ببكي !
والله ممزح يعني جد قرف يالله يعععع !
المهم ف ماما قلك عشان تقرفني ارسلتها لي ٢٢ مره !!!
وانا ع طول حذفت المحادثة بيينا و ع طول ع الملف تبغ الصور و حذفت الصوره من الجوال وربيي يقرف !
ف ماما عندها صوف لم تشتغل فيه يسير شكله يقرف !
ف انو هي جات رمته علي م قدرت استحمل و عطول بكيت !
و دوبي سكتت شويه وربي بكييييت يعني قرف بشكل !
كل م اتذكر الصوره او الصوف احس بقرف و احس ان بطني تعورني و احس البكيه واقفه ب حلقي !
يعني مدرييي المهم والله مدريي ليه جايه اقولكم بس يعني مدريي احس قرفانه بشكل
المهم خلاص تكلمت اليوم كتير
تصبحوا ع خير ❤️


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

رسالة صباحية : تمر أيام على الإنسان لايطيق فيها أي شيء
تذرف عيناه من أبسط الأشياء ويتمنى فقط أن يرحل !
قليلا عن كل من حول من الاصدقاء والأقارب !
فـ في هذه الحاله لا تنسى ذكر الله وتأمل دائما :
( ألا بذكر الله تطمئن القلوب. )


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆




Sent from my iPhone using منتدى عبير