رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

أحبك يعني أسمعك أسعدك أشيل الحزن من قلبك و أبقى معك ❤️✨

صباااح الخييييير ...

كيفكم ي جميلين !؟ ان شاء الله تمام

نفسي بيوم كدا اسوي مقدمة طويلهه عريضة بس اخاف من العين

المهم كيفكم مع شهر شوال <<ضاع كله نوم ؟
ايوهه انا كدا عنديي شهر شوال ياخي ضايع نوم نوم نوم نوم مهما نمت انام
احسني عايشه دور الخفاش او البومه انام النهار و اصحى الليل خير !؟
ولا كمان يعني اصحى شويه الصباح و ارجع انام من بعد الظهر لين ٩ الليل اخخخ يقهر النوم دا <<والله اليوم قعدت ابكي بسببه):
مررهه المشكلة ايش انو حتى لم يجو يصحوني عشان الصلاة او انو نخرج مافيي م احس مدريي ليه اليوم كلهم خرجوا من البيت و انا نايمهه و م ادري عن شي <<اقصد أمس يعني بس يعني م فيا اشرح تخيلوا انو لسا احنا ف امس مو اليوم ادري م فهمتوا شي م عليكم
المهم ياخيي انقهرت قعدت ابكي طيب عاديي راضية تحبوا سطل مويه و تكبوه ع راسي سوو ازعاج اي شي بس م تسيبوني ف البيت لحالي <<حزينة انا ترا ):

طيب اسمعوا عنديي كمان شي بقوله دامني حزينة
اشتقت للناس الجميلهه الي كانت ف المنتدى و اختفت جد المنتدى م حلو ):
تنهيده و شهرزاد شمس و بشرى ماريا و ماثر طيف و ملكة بشموخي رتيل و كل الي غايبين
و كمان تفاصيل الوله و لبيه يالغالي الصادر و الحلم الوسمي و وزير السلطان و فيه غيرهم كتييير م ابغا اكمل ذكر اسماء عشان اخاف أنسى احد بس جد كلكم يعني مفتقدتكم المنتدى ساير هاجد بزيادههه ياخيي الله يحفظكم و يسعدكم و ينور دربكم فين م تكونوا و يجعل التوفيق ف طريقكم و يردكم لنا سالمين ياارب ☹️❤️❤️

طيب كمان دامني حزينة بكمل اقولكم شي ):
قبل يومين تقريبا والله مدريي المهم كنا مشغلين ع الساعة تقريبا ١٢ ف الليل أغاني و هبل كلنا المشكلة ٤ ماما و اخواتي الاتنين و انا المهم و عايشين جو لابسين فساتين و نحط زفات عروسه و من دا الكلام المهم شويه نسمع صوت الجرس استغربنا انو مين بيجي الوقت دا راحت ماما تشوف طلعت جارتنا تقول كيف تسوو زواج و م تعزمونا !
ياخيي جد قلة حيا خير ؟ اصلا احنا م مسوين زواج قاعدين نستهبل انتيي اش دخلك !
ماما قالت لها انو م مسوين شي بس البنات يلعبوا قالت طيب بجيب بنااتي معاهم و جد انقلعت جابت بناتها و طلعت معاهم و قعدوا معانا و خربوا علينا كلشي !
استغفرالله ياربيي كل م اتذكر يرتفع ضغطي استغفرالله بس !
والله دايما نقول ل ماما انو الغلط منها م كان المفروض تصاحبها للدرجة دي !؟
استغفرالله بس بقوم اصلي الفجر و اسوي لي يلاا سلام ي جميلين

لكل من يقرأ :
انت جميل جدا فكن دائما من المبتسمين ليزداد جمالك جمالا❤️

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

و ان سألوني يوما عن كل ماهو جميل في حياتي سأكتفي بذكر أمي ❤️

صباااح الخيييير ،،

كيف حال جميليني اليوم !؟ ان شاءالله تمام

اليومين هذي جد احسني عايشه دور الام !
جد ممزح ولد اختي كل م يبا شي بجي يقولي محسسني اني امه مو خالته
هو شي حلو م أنكر بس انو بنفس الوقت يطفش
و انا مشكلتي م اعرف اقول لا للبزوره لانهم ببساطة نقطة ضعف عندي يزينهم بس❤️
تخيلو هو دحين ينام جنبي تمام ف قاعد يقول لي عشان م يلا ينام خاله موده الله يخليكي جيبي لي مويه و علق جيبي لي مويه جيبي لي مويه ف قلت له ماني جايبه لك يلا نام <<يعنني شريره دحين هههههه❤️
المهم ف قعد بقول خلاص م ابا مويه ح اقعد ابلع تفاليني يعني ريقي <<قرف هههه(:
المهم ف قلت له اقعد من اليوم لبكره ماني جايبه لك ف سار يقول خليني احسن انام و انا عطشان و حلقي ناشف و اقعد ابلع تفاليني عشان خالتي م تبا تجيب لي مويه <<قلك يحزني دحين
م أنكر والله ضحكني و حزني مدريي ليه متت ضحك و قمت اجيب له مويه شربها و بعدين يقولي يلا حكيني قصة عشان أنام قمت حكيته حكاية " عريجه" مدريي تعرفوها ولا لا بس انا اكتشفت انو فيه ناس كتير تعرفها ههههه المهم خليني اكمل ف قال يلا شغلي قران عشان انام شغلتله و نام و لله الحمد ههههه ❤️❤️❤️

ولا دقيقة امس حسيتني جد شريره بس هو كمان قهرني تخيلوا معايا
دحين وئام تتكلم معاه ف قاعد يقول لها انا م احترمك انتي احترميني عشان احترمك ف قالت له كل *** قام يقول لها م أكلك و قعد يسبها و كدا المهم ف جا علساس انو يقهر وئام جا عندي و يرمي نفسه ف حضني و يقول حالتي حبيبتي انتي و يبوس خدي و يشدني له و يقول لي بهمس احضنيني ف انا لاني نخسره بين اتنين ي اني أمشي ورا كلامه و احضنه او اني اوقف مع اختي الي هي خالته
المهم ف قلت لك ماني حاضنتك لانو الي م يحترم اختي انا م احبه <<يعني رديته و م حضنته صح انقهرت بس لازم يعني يحترم وئام لانو مهما كان هي اكبر منه
المهم وقعدت أتناقش معاه لين راح و اعتذر لها (:

جد ولد اختي دا عليه حركات بتخليني اكلهه ياربيي كيوت ماشاءالله عليهه الله يحفظه❤️

و كالعاده مع نومي الملخبط ح تخلص الاجازهه و انا مضيعتها نوم ):
و بعدييبن جد طفش شكلي ح احاول ارجع انام
يلا سلام ي كيكات ❤️

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

اللهم فرحة عميقة، لا تعرف النسيان.

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

ايام جميله وعافيه لعمري الباقي يالله .

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

صباح الســعاده
لكل قلب
لا يحمل إلا الحب لمن حوله
صباح الأشياء الجميــله ..
التي
نعجز أحيانا عن إدراك
روعـــتها❤

و هنيئا لمن يبدأ يومه بهذه العبارة :
" يا مالك الملك وكلتك أمري واستودعتك همي فبشرني بما يفتح مداخل السعادة إلى قلبي ."✨

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

آعيش على امل ان كل شيء
سيتحقق ذات يوم ❤️✨

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

ماما الوحيده الي تسبني بوجهي و تمدحني ورايا ، ما تتقارن بهالعالم المنافق ❤️

مسالخير ..

كيفكم ي جميلين ؟ ان شاء الله تمام
طمنوني عنكم يارب تكونوا بخير

موده جايهه و معاها هرج حق كم يوم (:
جد عنديي هرج مرررهه كتييير يعني بس مدريي هو طويل ولا قصير يعني بهرج لين اطفش ❤️


اول شي بقوله شكرا ع التقييمات الجميلهه لانها جد جميلهه زي الي كتبوها ❤️
و شكرا لكل من مر ع مدونتي و ترك بصمة حلوهه فيهاا ❤️
و كمان شكرا لي ال١١٤k لان جد هم سبب ف اني انبسط يعني لم ادخل بكتب ف مدونتي و اشوف ان عدد المشاهدات زاد انبسط لان ببساطه هذا يخليني احس ان الي أكتبه يعجب الناس الي حولي و يخليني استمر اكتر ❤️
مع ان الي اكتبه مجرد كلام فاضي
يعني يوميات و حاجات تسير معايا لا اكتر و لا اقل ❤️

المهم خليني ابدا ب اول شي بقوله (:
انا من الناس المدمنين ع الحليب و خاصة الحليب الساده جد عشق ياخي ❤️
يعني جربت كل شركات الحليب و ولاعجبني ولا اي شركة غير حليب السعودية ياخيي دا يفوز ب اطلق حليب ❤️
خاصة لم يكون بارد اخخخ بس جد يجنن
مدريي اش دخل بس كدا يعني قاعده اقول
و يعني احب اقول لكل اخ و اخت اغبياء زي اخواني لا تتريقوا ع الناس الي تشرب حليب لانو ببساطهه مفيد للجسم '_' <<شكلو كيوت ياخي هههههه❤️

طيب اسمعوا عندي شي تاني تخيلوا معايا
امس مدري قبلو و الله مدريي ناسيه مع لخبطة النوم احس انو يمر ع الهرجه ايام و يكون مر يوم واحد بس
المهم كنت ابا انام ف احنا اتفقنا ان نحط الفراش ف الارض يعني اللحاف و المخدات كلها نزبطها ع الارض و ننام عليها يعني عشان نكون كلنا جنب بعض ❤️
المهم دحين انا بعدين ولد اختي و بعدين امو و بعدين وئام المهم ف جا هو يلعب ف الايباد عند راسي و مشغل الصوت اقوله يا واد ارخي الصوت وهو مطنش يقعد يقول والله مامتي ما قالت لي ارخي الصوت و يعاند ف انت اخذت الايباد منو قام يشد شعري الكلب "طبعا كلشي إلا شعري ياخي " المهم ف لا إراديا حطيت الايباد ع جنب و ضربته كفين ع كتفه جد نرفزني قلة حيا وربيي مرره اخد وجه ف لم نمت جا عالعصر يصحيني عشان يقول لي انو بابا يبا شاهي قلت له طيب قام يروح ل بابا و يقوله "جدو جدو خالة موده لم قلت لها تقول اوف اوف اوف " <<تخيلوها بصوت بزر المهم تنرفزت منه قمت سويت ل بابا الشاهي و نمت و لم صحيت سويت نفسي م أكلمه اصلا يكلمني اطنشه و لم يجي يعلق ع الكلام اقوله انقلع عن وجهي مو طايقه اشوفك قدامي ! <<والله من قهري
المهم ف بعدين م خلص اليوم إلا وانا مسامحته من كتر م اعتذر ولا انا اصلا كنت ناويه م أكلمه كم يوم بس للاسف مقدر يعني ):

و اخر شي بقوله ..

م تحسو ماشاءالله شهر شوال طويييييل و ان شاء الله يطول اكتر لانو جد لم يخلص ح يمر الي بعده بسرعة و تجي المدرسة صح متحمسه لها بس م ابا ياخيي لسا ابا الاجازهه ): ❤️
اليوم حاسه انو سويت إنجاز لاني صاحيه الظهر عادتا اكون نايمة ف الوقت دا جد تحسو إنجاز لانو لنا فتره النوم مشقلب و للان اصلا هو م اتعدل بس الواحد لازم يحاول يعدله عشان يقدر يعيش (:

وبس والله م عنديي شي بس جايهه كدا اهرج ف م اطول عليكم و يلا سلاام ي كيكات ❤️❤️

|سبحان الله
الحمدلله,
لاإله إلاالله,
الله اكبر|

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

الراحہ الحقيقيہ هي أن تقول
الحمدللہ ع كل شيء
ف لآ تشغل نفسگ ب الدنيآ
ابتسم ف گل شيء مگتوب لگ
س تلقآھﮧ

صباح الخير(:

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

﴿ألم نشرح لك صدرك﴾
اللهم بعمق هذه الآية إشرح صدورنا وأرح قلوبنا وأزل همومنا انك على كل شيء قدير ❤️

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

و يعوضك الله ، و يعطيك الله ، و عن كل العباد الله ، و يجبر قلبك الله ، ولا يفهمك و يفهم ضعفك و قلة حيلتك إلا الله .

مسالخير ..

كيفكم ي جميلين ؟ ان شاءالله تمام
طمنوني عنكم يارب تكونوا بألف خير

عندييي هرج مررهه كتييير لا امزحح والله مدريي قاعده اتفلسف و انا مدريي اذا كتير ولاا قليل (:

المهم اسمعوا ياخي علموني ارد ع الكلام الحلو
جد لم احد يكتب لي كلام كدا حلو معرف ارد ف اسحب بعض الاحيان و بعض الاحيان ارد "يعمريي م انحرم منك بس" بالله دا رد ع جريدة من الكلام الحلو وربي فشلهه استغفرالله بس

اما هذا ولد اختي ي جماعه باكله ف يوم من الايام هههههه❤️
جد يربي ساير اهبل بشكل
تخيلوا بس امس جا قالي ممكن احضنك قلت تعال من متى تستأذن انت و حضنته إلا السوسه رفع يده و شد خدودي و بقوه وهو يقول ي ناسوو خدود مارشاميلو بالشكولاته و قرب يعننه يبا يبوسني و عضني !!
ياخيي مدريي اش اقول اصلا من كتر م انا انصدمت من حركته م سويت شي بس شديت له خدوده لين سارت حمرا ههههههههه

اش كمان كنت ابا اقول والله نيست اففف
ايوهه صح يربي خلص شهر شوال ☹️
و تشوفوا القعده ح تطير بسرعة الناس يقولوا لي المفروض تكوني متحمسه لانها خلاص اخر سنة و لتدخلي الجامعة بعدها
م انا مو متحمسه لاني خايفه من الجامعة
لا يغركم عشان اتكلم هنا عاديي و كلشي يعني بالواقع انا كدا اووه بالواقع ي انيي استحي و اخجل بشكل و الجامعة لازم اكون جريئة عشان اقدر اتكلم و اسأل و كلشي <<احسني هبلهه وربي):
يعني دايما احاول اكون بالمدرسة جريئة يعني اتكلم و كدا بش للاسف م اقدر عشان كدا شايله هم الجامعة مع اني كنت متحمسه لها
بس لم قربت منها سرت احس بتوتر ..

المهم م عليكم من الجامعة و دا الكلام
شكلي ببدا أمرض حلقي ملتهب و مزكمة و جسمي مكسر و اقول ل ماما تقول هذا كلو من الجوال !!
ي جماعة وربي مو طبيعي سوت لي محاضره عشان جوال ! وقعدت تقول انتي تحبيه اكتر مني !؟ هههههههه
يربي ماما اش احبه اكتر منك قالت اييوه م تنامي إلا وهو جنبك م تقعدي إلا وهو معاكي كل حياتك هذا الجوال عساه يخرب ي شيخهه عشان مافي غيره
دايما تدعي عليه المسكين المشكلة هو الحب لو راح رحت وراه جد كلشي إلا جوالي
يعني جد مدريي اش اقول ☹️❤️❤️

لا جد حقيقة م ادري اش قاعدهه اقول طفشانهه
و قاعدهه احاول اعدل نومي الي تعدل يومين و رجع خرب ادريي طفشتكم بكلامي بس جد طفش بروح افرفر ف المنتدى شوية العب و من الكلام دا يلا سلام ي كيكات❤️


يمكن خيره عبارة تخليك قنوع ب كل حاجه تصير لك حلوه او مره ..'❤️