رد: ( رواية شلة بنات بالغربه)

البارت الثامن عشر



رجعت دانه للبنات واعتذرت منهم كلهم عن تقصيرها وعن اسلوبها بالفتره الماضيه الي كان متغير معهم وشكرتهم لانهم فتحوا عيونها ع يزيد الحقير الي لعب عليها وبمشاعرها...
مر اسبوعين وكان حلو بالنسبه للبنات وخلصوا اختباراتهم ودراستهم وبعد ثلاث ايام م خلصوا اختباراتهم قرروا البنات يرجعون .... وجات اللحظه الي راح يبتعدون عن بعض وحان وقت الفراق وكل وحده تروح لديرتها اليوم البنات يرتبون اغراضهم ويودعون شقتهم اليوم كلهم كانوا حزنانين ع فرقا بريطانيا الي جمعتهم وعرفتهم ببعض و ع فرقة الصحبه واللمه الحلوه الي كانوا عايشينها كانت بكرا راح تكون طائره سمر وهيام راح يروحون بطائره وحده والي هي للامارات وبعدها تروح بطائره ثانيه لعمان واليوم الي بعده راح تكون سفرة الباقي لين وخلود ودانه ..
لين راح تروح بطياره لوحدها للكويت ودانه وخلود بطياره وحده للسعوديه وكانوا البنات يبكون ويضحكون ويذكرون اوقات حلوه عاشوها ومتجمعين بغرفة هيوم لان هالجمعه بكرا راح تنقص منها ثنتين ويبقون ثلاث..
لين: اتذكر موقف خوخه وهي فالملاهي يومها انزلت م اللعبه كانت تطيح لحالها وتصدم فينا اثر البنت دايخه م اللف والدوران وسرعة اللعبه.. وربي تضحكين ياخلود كلما اتذكر هالموقف اضحك لحالي وكانني مجنونه
البنات ضحكوا م خلود.. وخلود ووجهها احمر: اتخسون انتم اجل الحين انا صرت سالفه تضحكون عليها
دانه وبعدها تضحك: اتذكر موقفنا انا وهيوم السخيف يومنا تخانقنا ع سالفه سخيفه بهاك اليوم انا ماكنت رايقه وهي كمان كانت مو رايقه وكبرنا الموضوع عالفاضي...هههههه ....و كملت سمر: ولا بعد اليوم الثاني تصالحتوا نسيتوا الي صار فيكم بسبة عبدالرحمن..
هيام تكلمت بملل: ارجوج لا تجيبين سيرته يلوع كبدي
خلود وهي تغمز: الحين صار يلوع ولا صار في غيره
هيام ارتبكت: لا ماراح احب كرهت الحب خلاص
لين تبتسم: حسبالج ماندري حبيبتي ماشي يختفي انتي تحبين خلللود (خالد) صح
هيام ارتبكت وباستغراب: ايش دراكم
سمر: عرفنا لحالنا لاحطنا النظرات والحركات
هيام بخجل: مجرد صديق مو حبيب ارتاح له وايد
دانه بحزن: بالاول يكون صديق وبعدين يصير حبيب اذا كان يحبج لا تضيعينه م ايدك بس تاكدي م مشاعره بالاول لا تسوين زيي لين بحب: دانه بعدك تحبين يزيد
دانه وهي تتنهد: ارجوك لا تجيبين سيرته م جد انزعج كرهني فيه لا بارك الله فيه الله ينتقم منه
لين: زين سويتي لانه مايستاهل حبج وانتي قلبج طيب ويبيلج حد يقدرج
دانه بحزن: وم يبيني بعد الي سواه فيني الله ياخذه ضحك علي وضيعني وربي خايفه اهلي لا يكتشفوني وربي خايفه م هاللحظه
سمر بحب: حضنتها لا تخافين حبيتي ماراح يكتشفون وراح تتزوجين م حد يستاهل حبج وراح تشوفين .. انتي بس ارتاحي
دانه بادلتها الحضن وبكت: وربي ماراح اصبر عنكم ليييه نرجع مابغئ ارجع للسعوديه بدونكم
لين بضيق: ايش نسوي دندون سنة الحياة ناس تفترق وناس تجتمع ونحنا راح نبقي ع تواصل ويلا ناموا سموره و هيوم وراكم سفر باجر ويحتاج ترتاحون شوي..
قاموا سمر وهيام وباسوا البنات وهم يحسون بضيقه لانهم بيفترقون ع صديقاتهم وحضنوهم وقالوا لهم يبغون اليوم يناموا بغرفه وحده وبعدها حطوا الفراش وناموا بغرفة وحده وكل وحده بخاطرها متضايقه لانهم م بكرا راح يتشتتون.. كانت الغرفة ضيقه وكلهم نايمين بصفة وحده اولها هيام وبعدها لين وبعدها سمر وبعدها خلود وبعدها دانه وسولفوا لين جاهم النوم وناموا ...


/


/


اليوم الثاني..قاموا سمر وهيام يتجهزون وتسحبوا علشان لا يصحون البنات وقالوا للسايق يطلع اغراضهم وقبل لايطلعون دخلوا للغرفه وباسوا البنات بشويش قبل لا يروحون علشان لا يصحونهم وطلعوا وراحوا بالسياره وبعدها المطار وبعدها للطياره ..
عند البنات لما قاموا وما لقوا سمر وهيوم ضاقوا وحسوا بنقص فالشقه وكل وحده منهم راحت تتسبح وتكمل باقي ترتيب اغراضها لان راح يسافرون م بكرا الصبح ..


/


/



عند يزيد كان مستغرب مو متوقع دانه تكرهه وماتسال عنه وكذا وكانه صار يشتاقلها بس يكابر ومخلي نفسه مو مهتم ومنصدم لان هو طيارته اليوم العصر وراح يمشي وحاس ان ضميره يانبه لاول مره فحياته يانبه ضميره يمكن لانه صار يحبها بس هو ماوده يعترف اخذ جواله يكلمها وشوي يتردد رجع اخذ الجوال يتصل بس سكره ماوده يتنازل ويبين الضعف ومسك نفسه لا يغلط كذا غلط ويبين انه يحبها ..طلع برا عند الشباب عشان يلهي تفكيره بس لقئ نفسه رجع يفكر... مشى للمطبخ شاف خالد يتصل بس يتافف ومتملل انه محد يرد له
يزيد يساله: وش فيك كيذا تتافف
خالد بحمق: اتصل ع هيوم ماترد.. اخاف تكون سافرت وانا مالحقت اكلمها قبل لاتمشي
يزيد: دام طيارتها الصباح ..اكيد سافرت
خالد بقهر: شلون تروح وهي للحين ماخذت رقمي وكيف راح اتواصل معها
يزيد: لييه هي ماعطتك رقمها
خالد يتافف: هي عنيده ماتبي تقولي
يزيد: طيب انساها ف بنات غيرها
خالد بقهر: تشوف الناس كلها مثلك...ياحبيبي القلب لا هوى واحد مايقدر يحب م بعدده وينسئ عشرته
يزيد حس بغصه: وش تقصد
خالد بحمق: يعني انت متعود تلعب عالبنات بدون اي تفكير ف مشاعرهم وانا مو مثلك انا لا حبيت احب بكل مافيني واحساسي ماقدر اعطي قلبي لكل م هب ودب
يزيد بعصبيه طلع م عنده مايبي يسمع اكثر يخاف لا يضعف وياخذ بكلام خالد.. وشوي طلع خالد وراح لعبود ويكلمه وهو مقهور: عبود انت كلمت حبيبتك سمر
عبدالله فرحان: اييه كلمتها وودعتها وخذت رقمها وراح اتواصل معها واخطبها
خالد بقهر: الله اكبر عليك كل هذا سويته وانا ولا شي.. انا سالت قلتلك كلمتها ماقلت اشرح لي قصة حياتك
عبدالله بابتسامه: وش فيك معصب
خالد بحمق: كنت ابي اكلمها بس هي ماعطتني رقمها ..
عبدالله بغباء: وكيف ماعطتك رقمها وانت الحين قلت اتصلت اكلمها
خالد بقلة صبر: ياغبي هي عطتني رقمها الي تستخدمه هنا ببريطانيا بس ماعطتني رقمها الي بالامارات ...فهمت الحين
عبدالله يبغئ يقهره: اها ... لاتلومني افكر بالحب وكلامها المعسول
خالد وهو يمشي: فكنا عاد انت الظاهر غرقان بالحب ومالك حل تصحصح معاي
عبدالله جلس يضحك م خالد وتوتره والقهر الي بين م عيونه ورجع يكمل اغراضه لانه هو ويزيد راح يروحون بطياره وحده اليوم العصر ....
المهم خلال هاليومين الكل راح يرد لديرته واهله وبين ناسه وخلانه والامور كلها راح تتغير كل واحد راح يرجع لنظامه القديم بدون اصحابهم ولا شقه تلمهم وتواصلهم كله راح يكون عبر الفون..



يتبع..

رد: ( رواية شلة بنات بالغربه)

البارت التاسع عشر



ف بيت الجد محمد الي هو البيت الي تعيش فيه خلود كانوا العايله كلها مجتمعه والفيلا فيها ربشه وناس كثيير م عمانها وخوالها وعيالهم وازعاج الاطفال .. كانت خلود بين الاطفال تناقرهم: سعود يالدب انا ماقلت لك تجيبلي قهوة
سعد الي تدلعه سعود: خاله خلود انتي لييه ككذا غبيه .. انا قلت بريطانيا حتغيرك وتجينا كدا طيبه وعاقله اجل تجين اغبئ م قبل
خلود بققت عيونها: انا غبيه ياولد امك يالووح ياكتكوت تقولي غبيه..
وقامت تشوته برجولها وهو يصرخ: خالتي خلود .. وربي اسف .. خلود تمسكه م كشته ورايحه فيه لامه ولما وصلت لامه رمته ع حجرها: اخذي ولدك هالنذل قاعد يتمسخر علي وكاني اصغر منه
ندئ اختها وهي تضحك: خلود لا تلومين ولدي تراك هبله وهو يحب يتناقر معاك
خلود تضربها بخفه: مافيكم خير لا انتي ولا ولدك ...اجل انا اميره الحفله اليوم وانتم تقهروني كيذا ...خلاص ابرجع بريطانيه ابرجع للشقر وش لي بالبدو عالاقل هناك كلن بحاله اما انتم مايبين شي بعيونكم
ندئ تضحك عليها: خفي بس يا اميره الحفله اجل روحي تكشخي يمكن وحده م عماتي او خالاتي تخطبك لولدها
خلود بخجل: مابي اتزوج لاحقين عليه بعدين ومابي عيال عماني تراهم دلوخ ومصاختهم زي شكلهم
جلسوا خواتها يضحكون منها وردت لها اختها الثانيه الي اسمها ريم: خلوود تصدقين م رحتي ماضحكنا كذا مالقينا حد يضحكنا
خلود وتدق الصدر: احمم ادري بدوني ماتسوون شي
وبعدها جلسوا وضحكوا وسولفوا وتعشوا وبعد سهره طويله كلن راح لبيته وبقت خلود واخواتها يسولفون بعدهم ماشبعوا م بعض...


/



/


ف بيت فهد الي هو ابو دانه هما عايله ملتزمه ومايبغون الاجواء الصاخبه فكان استقبالهم لبنتهم خفيف وبسيط بس كانت م العايله المكونه م خمسه افراد وثنتين م زوجات اخوانها واولادهم الي يببوا وسلموا عليها وسوا عشاء وحلويات ..
دانه كانت تحس بالم بقلبها وتانيب ضمير م الي سوته مع يزيد بس سوت نفسها عادي ومابينت شي ...


/


/


ف الكويت كانت الحفلات والرقصات والبوفيه والديجي وكانت امها وخالتها ام خطيبها تبوسها وتتكشخ ف كنتها المستقبليه. لين كانت متانقه لاخر الحدود ولابسه فستان قصير لين الركبه وم فوق نص كم وعند الصدر فيونكه حمرا والفستان كان لونه سكري وفيه لمعه والشعر فالته لظهرها وكانت مرره حلووه طلعت وسلمت ع صديقاتها والحريمات لكبار وامها كانت تناظرها وتفتخر ف بنتها الي جابت لها شهادة البكالوريوس وقفت جمب امها وكانت امها تعرفها عالحريم الي كانوا يناظرونها الي كل وحده تتمنئ بنتها ف مكانها والي حبتها وتبي تخطبها بالاسف مخطوبه وخالصه..


/


/


نروح للامارات...
وكان احتفال هيام مشابهه للين كان احتفال كبير ومسوينه بالحديقه والبوفيه وش كبره وش عرضه هيام لابسه اللبس ذو الذيل الطويل وتمشي بكل شموخ وغرور وتسريحه ملكيه كان لون الفستان فضي مع قرمزي عليه كريستالاه لماعه وصديقاتها فرحانين فيها واهلها بعد ابوها وامها ماخلوا احد ماعزموه هما طبعا يحبون المظاهر كونهم شبعانين فلوس ومايبون بنتهم تحتاج شي وماتحصله او يقصرون فيها فكذا هما مدلعينها كثير


/


/


نروح لعمان والجمعات الي سووها لبنتهم سمر الي رجعت لهم الحياة بالبيت والحركيه وهي بنتهم الكبيره ومايصبرون ع بعادها فكان ايضا احتفال بسيط شمل عايلتها وبنات عمانها وخالاتها والاطفال لصغار الي ام سمر كانت توزع لهم الحلويات والشوكليت وسمر معها كانت توزع الحلويات للاطفال .. بعد الحفله البسيطه الي كانت بين الاهل والاحباب وبعد مامشت الناس الي تعتبر غريبه عنهم شوي..بدت سهرتها هي وبنات خالتها وطلعوا فوق بالطابق الثاني علشان ياخذون راحتهم وتركوا الباقي،ياكلون ويسولفون والحريم لا اجتمعوا سوالفهم ماتخلص وبنات عمها صاروا ينافخون يعني ليش ماتقولهم يجون معها ...وفوق كانت الجلسه نايس ورقص وفوضه يعوضون عالسنين الي راحت وسمر ماكانت معاهم...
سمر كانت تحكي لهم ع صديقاتها وطيبتهم ووقفتهم داين مع بعض وحبها لهم الي بوازي حبها لخواتها وكانت تحس باشتياق لهم بس تحاول تتجاهل احساسها بالنقص الي تحسه بغيابهم ..


.................................



مررت الايام وكلن التهى بحياته انخطبت دانه ...ودانه صارت متوتره ...اجل كانوا اهلها محيرين لها ولد عمها وهي ماتدري اصلا هي ماتحبه وتورطت فيه وبعد خايفه لانها ماعادت بنت ووش تسوي لانكشفت هذاك اليوم..
وفكرت تحاكي وحده م رفيقاتها اتصلت بسمر وهي تبكي تبغى تشكي همها: سموره الحقيني اتورطت
سمر بخوف: اشفيج دانه ايش صار؟؟
دانه ببكئ: اهلي ياسمر
سمر بخوف اكثر: اشفيهم اهلك
دانه وهي تبكي وتضرب ع راسها بقهر: ياويلي راح انكشف ياسمر راح انشكف
سمر وتصرخ فيها بفجعه: طيحتي قلبي اشفيك يادانه
دانه: اهلي طلعوا محيرين لي ولد عمي وراح يزوجوني وربي خايفه لا انكشف انت تدرين اني.... وماكملت رجعت تبكي
سمر بتوتر تواسيها: لاتخافين ياقلبي ماراح تنكشفين الله لا يوفق يزيد ومصايبه ورطج وخرب حياتج لا تخافين ولا تبينين ع نفسج شي
دانه: وش اسوي اخاف يذبحوني
سمر بخوف: ماراح يصيرلك شي احنا بنتصرف
دانه: وشلون؟
سمر: بعدين اقولك احنا راح نتصرف معاج صديقات ينشد فيهم الظهر لا صارت السالفه جد نحنا راح نرتب كل السالفه..

سكرت دانه م سمر وهي تحس نفسها مرتاحه شوي وطلعت للصاله تجلس مع اهلها ... لما طلعت كان ابوها يناظرها بنظره غريبه وبعدها قال باستغراب
الاب: يادانه انا ملاحظ انك مو طبيعيه م جيتي م بلاد الغرب
دانه بفجعه ناظرت ابوها بخوف: وش؟!..


يتبع..

رد: ( رواية شلة بنات بالغربه)

البارت العشرين



سكرت دانه م سمر وهي تحس نفسها مرتاحه شوي وطلعت للصاله تجلس مع اهلها ... لما طلعت كان ابوها يناظرها بنظره غريبه وبعدها قال باستغراب
الاب: يادانه انا ملاحظك انك مو بطبيعيه م جيتي م بلاد الغرب
دانه بفجعه ناظرت ابوها بخوف: وش؟!..
الاب بابتسامه: اشوفك رجعتي عاقله ماعدتي دانه المرجوجه
دانه بارتياح: يباه الناس تكبر وانا بريطانيا كبرتني فوق عمري عشرين سنه
تكلمت اختها ايناس: اوووووب عشرين عاد ما كنك بالغتي
دانه تضحك م قلب: وربي اشتقت لذي اللمه ..ربي يخليكم لي


/


/


عند هيام كانت الساعه 12 الليل كانت جالسه بالصاله بين ابوها وامها يشوفون التيفي واخوها هيثم كان طالع برا هي مامعها اخوات بس هي واخوها..
وشوي دق جوالها وكان المتصل خالد .. هيام م الفرحه قامت وطلعت لغرفتها وهي ماشيه نادتها امها: ع وين هيوم
هيام بربكه: جوجو متصله فيني وبروح اكلمها
امها: عييل تصبحين ع خير
هيام بابتسامه: وانتم م اهله.

فوق فغرفتها ردت عالفون بلهفه: شخبارك خلود
خالد بحب: ياهلا بالزين
هيام بخجل انت دايم تكلمني بهالوقت.. اخاف اهلي يشكون فيني
خالد: وانا اصبر انام قبل لا اسمع صوتج لا تحلمين اني اخليج وما اكلمك قبل نومي
هيام تضحك برقه: فديتك
خالد بهمس: ياحلو فديتك يومها طلعت م فمك ياقلبي
هيام هنا ذابت م همسه وماقدرت تقاوم رومنسيته: خالد باس
خالد بحب: وشهو بس
هيام بدلع: خلينا نرجع اصدقاء بلاش الرومنسيه
خالد يبتسم: عمره الحب مايصير صداقه لا تضحكين ع نفسج انا احبج وانتي تحبيني ليش مانعترف... يعني معقوله نتغزل ببعض وتصير صداقه حبيبتي انا باقرب فرصه بخطبك
هيام بصدمه: تخطبني
خالد بحب: اييه اخطبك مابي العب .. انا احب والحب لازم يكتمل بزواج
هيام ماتعرف ليش تضايقت يمكن هي تعودت ع انها تكلم شباب وتسولفهم وتلعب عليهم شوي بس ماهي حقت زواج
هيام بضيق: اجل سالفه الزواج لبعدين
خالد باستغراب: معقوله في بنت ماتحب تتزوج الشخص الي تحبه
هيام بتوتر: مو جذي بس انا بعدني صغيره ماحس اني قد مسؤوليه زواج
خالد بحمق: هيام انتي ودك تلعبين ولا شنو... يعني في بنت ترفض شاب هو بنفسه ماوده يلعب عليها ويستغلها وحابها وحاب يتزووجها
هيام تتدارك الموضوع: خالد اشفيك معصب
خالد بعصبيه: انتي تبيني ولا لا
هيام: خالد انت تعرف اني احبك وا....
خالد بصراخ ماخلاها تكمل كلامها: تبيني ولا تلعبين علي
هيام بقوه: احبك وربي احبك وابيك ياخالد
خالد يحرجها: طيب لا خطبتك بتوافقين
هيام بتردد ماودها تخسره لانه هو حبها رغم انه يعرف ماضيها وقبل فيها ويبيها تكون حبيبته وزوجته المستقبليه: اييه بوافق
خالد: عييل تصبحين ع خير
هيام بسرعه: شفيك زعلت
خالد بابتسامه: لا بس ابي انام
هيام بدلع: تبي تنام ولا زعلان
خالد ابتسم: كنت ابي اسمع موافقتك وانتي وافقتي والحين ابي انام اوكي
هيام بقلق: طيب تصبح ع خير
خالد بحب: وانتي م اهل الخير حبيبتي
هيام ارتاحت وعرفت انه مو زعلان دام قال حبيبتي وراحت هي تحط راسها عالمخده تفكر بفارس الاحلام وبالها صار لبعيد وصارت تحاكي نفسها انها مجنونه لو اغلطت ورفضته وهو رجال وعن الف رجال وماراح تحصل غيره يحبها ويبيها كزوجه له...


خالد اخذ رقم هيام م عبدالله م بعد ماكلم سمر وعطته رقمها وهيام اول ماسمعت صوته تفاجات بس بعدين بدت تتعود ع مكالماته كل يوم...


/


/


عند لين وخطيبها اول ماوصلت لين للديره وصار كل يوم يجي يزورهم مشتاق لها حيييل ..اليوم جاء عندهم وجلس يسولف اهلها وهي قدمتله العصير وبعدها جلست بخجل ...وشوي فتح لهم السالفه
طارق بحبور: ياعم انا ابي اتزوج دام لين خلصت دراستها ورجعت لنا مافي داعي لتاخير الزواج
ابو لين بابتسامه: اذا انت حاب تقدم الزواح ياوليدي انا ماعندي مانع دام الطرفين موافق. اذا بنتي امورها مخلصه وتقدر تخلص بسرعه اخذها
لين انصدمت هذا م صدقه وسكتت ماتكلمت....
طارق بسرعه يخاف لين تتكلم: انا ناقشت معها الموضوع وهي موافقه
ابو لين وهو يناظر بنته بحنيه: طيب دام جذي عييل العرس الشهر الجاي رتبوا اموركم والله يوفقكم
طارق فرح م قلب وشوي رجع عمه يساله: راح تتزوجون انت واخوك ويا بعض والا كلن بحاله
طارق: لا كلنا مع بعض انا كلمته وهو موافق اصلا هو ناوي يقدم زواجه ولقاها م الله يوم انا كلمته ع طول وافق انه نقدم الزواج ووصل لنوره الخبر وهي وافقت بس تاخرنا عليه ع موضوع دراسه لين
الاب ابتسم: طيب دام كلكم متفقين العرس الشهر الجاي والله يحط الي فيه الخير..
بعد ماراح الاب.. لين بقهر قامت وعصرت اذن طارق بحمق.. وطارق بالم: اخخخخ يالقاسيه وربي احبك وبسنا تاخير نعل ابوك ماتشتاقين انتي... واخذ ايدها الي عصرت اذنه وباسها بقوه وبهمس: فديتها
لين احمر وجهها وسحبت ايدها ورجعتها بحظنها: ليش تكذب علي .. انا وافقت ها. تبي تمشي الامور ع كيفك...انا بعدي ماخلصت اغراضي
طارق صار يقرب لها: سمعي كلام زوجك وخلصي اغراضك وخلال شهر تكونين بين احضاني ياحبي
لين احمر ووجهها وبعدت: طيب عسئ خير انت الحين امشي طارق بابتسامه: اشفيج خايفه ترا انا ما اعض .. ما اكل.
لين بتوتر: اقول ابعد ...وركضت بسرعه لغرفتها تعرفه طارق لابغئ شي يسويه..
طارق ابتسم لما شافها تركض للغرفه وهي خجلانه يحب خجلها ويموت عليه ويتعمد يخجلها علشان يشوف احمرار وجهها وبالذات انفها الصغير لما يتورد يصير احلا.... وابتسم ع افكاره وهو يناظر ساعته وحس ان الوقت بدا يتاخر.. وقام وطلع م البيت وراح لبيتهم...


/


/


خلوود كانت تلعب وتركض بالبيت مع بنات خواتها وبيدها نعال وتكفخ فيهم وهم يضحكون عليها ويركضون علشان هي تركض وراهم وهي تدعي عليهم وتتحسب فيهم: حسبي الله عليكم م بنات عييل تسوون كذا ف خالتكم تخلونها تراكض وراكم... علشان امي هالحين تسويلي محاضره طويله عريضه مال العقل وزينه العقل ... ياربي انا متئ بعقل ...اجل وشلون بعقل ومعاي هالمساقيل ...ياربي اخاف اتزوج واجيب عيالي وانا بعدي ماعقلت ... ومشت وهي تركض يالعنود وصمخ.. اذا تبيني ارضي عليكم ابغاكي تشترين لي م البقاله ايس كريم وبعدها برضئ عليك
العنود وهي تضحك: والله ما اجيب لك شي خلي سعود الدب يروح البقاله
خلود بسرعه وهي تحذف لنعال وتكفخه العنود ....بس المشكله النعال ماجاء بالعنود ... خلود لما شافته بغت تبكي م الاحراج وع طول مشت جري للصاله باحراج ..
لما حذفت هي العنود كان وقتها طالع صديق اخوها حسين م المجلس وفجاه ويجيه ذاك لنعال ع وجهه... م البدايه عصب وحسب هالشي اهانه بس م شاف ان النعال م ايد بنت وبنت مزيونه لانت عصبيته وصارت حب م اول نظره.. رغم انها نحيفه مررره وسمره بس سمارها خليجي وحلو وشعرها لطويل والاسود.. ولفت نظره غبائها وعفويتها عجبته وع طول صارت بباله بدل لا يعصب صار يضحك منها ومن عفويتها وطلع م البيت وهو يفكر فيها....

.................


عند خلود ترجف م الخجل وتفكر ان الحين هالولد راح يقول لاخوها حسين وحسين راح يزعل ويسويها سالفه وتتحسب ع العنود العصله المرجوجه.. ياربي احس اني بنذبح الليله راح يقتلني حسين هالعصبي .. ياويلي ويلاه رقبتي راح تنقطع معاه احسن شي اسويه اروح انام واسوي نفسي بريئه وماسويت شي علشان لا عرف وصارت السالفه صدقيه امثل عليه بكلمتين يصدق ...لازم انام علشان اعرف امثل ولارراح يبهذلي ويسحبني م كشتي وينحرني مثل الخروووف... لا وربي التفكير بحد ذاته جنني ... اروح انام قبل لا اجن ...وشوي راجعت نفسها الولد..وكنه مزيوون ...اييه مزيووون مررره .. بس هو ابيض وانا سمره وشلوون ما ابي واحد بشرته افتح مني ...ياغبيه وتختارين بعد اقول اروح انام اريح لي .. وراحت تراكض للغرفه بسرعه تنام شوي وفبالها لما تقوم راح تحصل محكمه م اخوها حسين ...غبيه هالبنت(^_~)


/


/


عبدالله كان طالع مع الشباب وهو بينهم كان فباله وعقله سمر م وصل لديرته ماكلمها وهو متاكد ان سمر صارت تفكر فيه باشياء واشياء وهي تكابر ماتبغئ هي تبدئ وتكلمه تبيه هو يبدئ يكلمها مايدري لا كلمها وش يعطيها م عذر بس راح يعترف لها انه م وصل لديرته انشغل م هالعزايم الي م وصل مارتاح كل يوم له عزيمه مرره اهله مرره عمانه مررره خواله ومره اصديقائه وكيذا واليوم حاس انه فاضي ومايبي ينشغل اكثر عنها ...هو اتصل بها مرره بس ماطول معها لان خالد جننه علشان ياخذ رقم هيام واتصل بها الا ياخذ الرقم وكانت مكالمته سريعه وسكر م عندها حتئ بدون لا ياخذ اخبارها لان كان بعزيمه مع عمانه وكان عيال عمانه حوله وماتركووه للحظه وكل شوي يجون يسالون عنه ولما كان يكلمها قاطعه واحد منهم واضطر يسكر منها بسرعه لانه مايقدر لاسئلته السامجه..
راح لبيته يبي يكلمها وهو مسترخي ورايق... وع طول قعد بالسرير وشغل التكييف وتمدد ع سريره واتصل فيها صار مييت لها شووق يتخيل قوتها اسلوبها كلامها الحلو غرورها علشان ماتعترف له بحبها وماقدر يقاوم بس لما سمع صوووتها ع طول ذاب قلبه وماقدر يقاوم نغمة صوتها العذبه: هلا حبيبتي هلا بقلبي ياهلا بسمورتي
سمر بحمق ساكته وماتكلمت: ........
عبدالله عرف انها زعلانه ورد بهمس: سمر حبيبتي وربي انشغلت ضغوطات صارت معي يعني انا م جيت م بريطانيا ما ارتحت م العزايم السامجه الي سووها مره عماني مرره خوالي ومره اصحابي كيف تبين افضيلك
وانا ابغئ اكلمك وانا رايق وعندي وقت اقدر اهذر معاك لين اجن.. الحين ابغئ اكلمك وربي ميت شووق لحبيبتي العنيده بالله عليك ماتشتاقين انتي ماتبين فيك العشره حتئ رنه ماتسوين
سمر بكبرياء: انا ما احب ابدا ابي اشوفك انت بتتذكرني ولا لا يمكن معك حبييه في السعوديه ولما رجعت نسيتني انا ورجعت لها يمكن كنت انا نزووه لما كنت ببريطانيا حبيت تسد فراغ قلبك بحبي
عبدالله ابتسم وكشف انها غيرانه بعد: تغارين عليي
سمر بسسرعه تبرر: لا والله ليش اغار
عبدالله: دام انك مخترعه قصة حب لي م بالك اجل انتي تغارين وتوسوسين اني احب غيرك يوم اني انشغلت عنك ... بس انا احب غيرتك واحبك واحب عتابك وغرورك وكبرياءك وربي اجن عليك يابنت تراك جننتيني
سمر بعدها تكابر: لا تجنني بهالكلام ترا انا ما اصدق بسرعه... ويلا اخليك وراي اشغال
عبدالله بسرعه يستوقفها: باغلئ شي عندك لا تسكرين
سمر بقلبها انت اغلئ ما عندي ياقلبي ياحبيبي بس ابي اتعبك شوي دامك ثلاث اسابيع ناسيني ومو مكلمني: لا تحلفني بشي امي تبيني وبروح لها .. مع السلامه.. وسكرت بوجهه

سمر لما سكرت تضايقت انها سكرت بوجهه بس لازم تحسسه بزعلها واهماله لها واعذاره مو مقبوله لازم يحس انها بنت ثقيله مو م اول مكالمه تتتازل وتنسئ كل شي.
وراحت تشوف التيفي وهي بالها مو معاه وكذبت بشان بان امها تبيها علشان لا تكلمه ووعطته عذر علشان لا يزعل..

رد: ( رواية شلة بنات بالغربه)

قراءه ممتعه ..ولا تبخلون علي بارائكم وردودكم الحلوه:)

رد: ( رواية شلة بنات بالغربه)

اه كملي

رد: ( رواية شلة بنات بالغربه)

البارت الواحد والعشرين


بالليل عالساعه ثمان قامت خلود الكسوله م النوم وقالت بقيس نبض حسوون ...غسلت وجهها ونزلت بشويش ودخلت الصاله وهي ترجف لقت الكل جالس بالصاله ويضحك وم ضمنهم حسين اخوها مرتاح ويسولف وعادي مو مبين انه زعلان تطمنت وراحت ورمت نفسها بينهم بالكنبه بقوه ..
امها : بسم الله عليك يابنتي اركدي واجلسي بشويش زي البنات
اختها احلام: خلود الظاهر مافي امل تعقلي وربي
خلود ناظرتها بحده: مابي اعقل احب شخصيتي ذي ..اجل تبيني اكون زيك ماباقي فرق بينك وبين هيفاء وهبي
الام بقهر: عيب يابنت لا تقارنين اختك بذيك الفاجره ...اعوذ بالله
احلام تضحك وهي تخز خلود: سمعتي ياعبيطه
خلود وتلف وجهها منها: خلينا منك انتي... ولفت لحسين اخوها: الا اقول .. حسون ف حد كان عندك اليوم
حسين مستغرب سؤالها: وانتي وش دخلك
خلود تورطت: لا بس العنود قالتلي ان حسين عنده ناس
حسين بابتسامه: لا بس كان عندي رفيقي وشهو ناس ...عزيمه هي.. هالعنود ملجوفه
خلود بقلبها ياويل حالي ويازينهم هالناس بس..
امها تسولفها: الا اقول يمه وش منومك لذا الوقت مو زين عليك تمرضين بعدين
خلود بابتسامه: عادي يمه انا بخير واحسن منك بعد
الام بسرعه: بسم الله عليك.. لا يبنتي مو بزين كذا اخاف تعاينين نفسك
خلود بابتسامه: تطمني يمه ماراح اعاين نفسي وبعدين احنا كذا ببريطانيا اي وقت يجينا نوم ننام مانحسب للوقت والحمدلله احنا بخير
الام بققت عيونها: اثر البنت م غير امها ماتسوى وقت العصر والمغرب لاحد ينام هالوقت يكون وقت مرض ويكسر الجسم
خلود تمشي: طيب يمه مايصير خاطرك الا طيب


/


/


عند يزيد انصدم لما قالتله امه انهم بيزوجونه بنت خالته ويزيد عصب وصارخ عليهم وكلم ابوه انه يبي يتزوج وحده م اختياره وابووه حطه بالامر الواقع وقاله ان ماتزوج هالبنت لا هو ولده ولا هو ابوووه واحرجه واضطر يوافق ع زواجه م بنت خالته الي كان يعتبرها زي اي وحده م خواته ... وسووا ملكه وخلاص.. كان يقول بخاطره حوبة البنات الي لعب عليهم انه تزوج وحده خاطره مو فيها ...(وبعدك ماشفت حاجه يايزيد)


نزل م غرفته ودخل الصاله عند امه لقاها تشرب قهوه وتطالع التيفي ع مسلسل هندي .. باس راس امه وجلس جمبها: شخبارك يمه
الام م غير لا تناظره بالها مع المسلسل: اهلين ياحبيبي كيفك انت
يزيد بملل: يمه وربي مابيها ليش تغصبوني عليها
الام ناظرته معصبه: وش فيها بنت اختي ترفضها... انت ماراح تلقئ مثلها وراح تتزوجها باذن الله
يزيد بعصبيه: طيب لييه انا .. شوفي عبيد نويف بس انا ما ابي انا توي جيت م بريطانيا تلصقون فيني زواجاتكم
امه بحب: يايزيد انت اكبرهم وانا ابي افرح فيك وازوجك واشوف اولادك
يزيد نزل راسه: بس انا احب
امه بققت عيونها: حنا ماعندنا هالسوالف وهالحب خليه لنفسك خطبنا لك بنت ولا كل البنات البنت ...عاقله ورزينه وجميله واذا شفتها راح تنبهر فيها وراح تناسبك ياوليدي توكل ع الله وتزوج...راح تحبها بعدين
يزيد بحمق سكت ولا تكلم وع طول قام لغرفته.. وهو ماشي نادته امه: ماتبي قهوه
يزيد وهو ماشي: مابيها نفسي مسدوده
ووطلع وقلبه مليان قهر ومو قادر يستوعب انه يتزوج م وحده مايحبها ونفس الشي بالغصب كان يقول بنفسه والله اني احبها ما اقدر اكذب اكثر م كذا واقاوم احساسي اني ماحبيتها ياليت اتزوج بكيفي وادورها بكل السعوديه لين القاها واتزوجها... اه يالقهر ربي يسامحكم بس يا ابوي وامي



/


/


عند دانه كانت بالغرفه تكتب مذكراتها وكانت كل محتوئ المذكره عن يزيد وتكتب كل الي صار معها وشوي دخلت امها تبشرها .. يابنت عمك امس اتصل بابوك وقال نبي نملك لعيالنا باخر هالاسبوع
دانه بصعقه بققت عيونها: وشوووو
امها بابتسامه: وش فيك يابنتي ماتبين تتزوجين
دانه تراجع نفسها: لا يايمه بس موكانه عمي مستعجل
الام: لا ياحبيبتي مافي حاجه اسمها استعجال..المثل يقول اخطب لبنتك قبل ولدك والزواج ستر للبنت وانتي الحين كبرتي ومالك الا بيت زوجك
دانه بغصه: بس انا اشوف سعود زي اخوي
الام بحب: مافيه اخوه بين البنت والولد .. ويلا قومي اليوم العصر راح نروح السوق نتسوق لاغراضك علشان الملكه انا واخواتك
دانه وعيونها تغرق بالدموع: طييب


/



/


عبدالله مقهور م سمر الي ماودها تعبره صارله يومين يتصل عليها وماترد..رسل لها مسج .. (بسك ياسمر حرام عليك لمتئ راح تزعلين مني ..عالاقل ردي علي)
قرت سمر المسج ولان قلبها ولما اتصل ردت عليه وكلمته..
عبدالله بفرح: اهلين يالغلا.. وش اخبارك سموره
سمر بهدوء: انا بخير كيفك انت
عبدالله بحب: ها رضيتي عليي
سمر: مادري
عبدالله بغزل: يعني اهون عليك حبيبك باقي شوي وابوس ايدك علشان تسامحيني .. سمر انا احبك وربي احبك خلاص ماقدر ع زعلك اكثر م كذا ترا والله اسوي بنفسي شي
سمر بسرعه: بسم الله عليك ..
عبدالله يضحك بقوووة: هذا دليل انك تحبيني لهدرجه تخافين عليي
سمر بخجل: ووويع اخاف عليك انت ...ماخذ بنفسك مقلب
عبدالله بقهر: اجل انا وييع يالنذله... لو اكون هالحين جنبك كان وريتك وشهو الوييع...بس ياحسافه
سمر فهمته واحمرت خدودها: عبودي عيييب
عبدالله بحب: وربي اشتقتلك وودي اشوفك... وكمل بصراخ: ياناس محد حاس فيني اني غرقان بالحب وخالص
سمر تضحك: عبود انت انجنيت ولا شو
عبدالله: مجنون بحبك ياقلبي
سمر: فديتك حبيبي
عبدالله يوقفها: عيدي الي قلتيه
سمر مافهمته: اعيد شو
عبدالله برومنسيه: اخيرا تنازلتي وقلتي حبيبي مشتاق اسمع هالكلمه منك م زمان
سمر بابتسامه: وهاذي انا قلتها
عبدالله: وياحلوها م فمك ياحلو



/


/


اليوم الجمعه وهو يوم ملكة دانه كانت الترتيبات كلها خالصه الام وخواتها مجتمعات يرتبون مع الشغاله اما البنات كلهم كانوا بالمشغل ودانه بالمشغل تتجهز وراحت معها خلود .. صديقاتهم اعتذروا وقالوا لها راح يجون بالعرس مرره وحده ..اما خلود بكونها سعوديه وقريبه منها جات وراحت معها..

ف المشغل خلصت دانه وكانت مثل القمرر كلها ع بعضها حلوووه وخلود جالسه تيبب وتدق الخشبه عن العين ودانه كانت تبتسم منها بس كانت ف لمعة حزن بعيون دانه ومكنها عروس وراضيه بهالزواج...
خلود باستغراب: اشفيك يادانه كنك مو مرتاحه
دانه بحزن بغت عينها تدمع بس خلود وقفتها: لا تبكين ترا كل شي يخترب
خلود وهي تلمها: وش فيك دنونتي
دانه بحزن: انتي تعرفين مصيبتي كيف تبيني افرح وانا احس اني رايحه ع جهنم بايدي...
خلود وحطت ايدها ع قلبها: بسم الله عليك..الله يبعدها عني وعنك
دانه بدمعة خانتها ونزلت: امين
خلود: دانه تفاءلي بالخير يمكن يطلع زين معاك ويتفهم ظروفك ويحبك
دانه بابتسامه جافه: يحبني... مستحيل..مين راح يحب بنت لعب عليها واحد واخذ الي يبيه وانا ما الومه طبعا اذا تركني
خلود تواسيها: اتركي عنك يزيد وعيشي حياتك وتفاءلي بان الاتي اجمل
دانه وهي تتنهد بضيق: خليها ع الله.. ربك كريم
خلود: والنعم بالله ... يلا افردي هالوجه وابتسمي وخلينا نمشي يادانه باقي تلبيسك وباقي الزينه ماحطيناها ..وبعدها راحوا للبيت وكملوا باقي الشغلات الناقصه..

..............................



بالليل ف وقت الملكه كان صوت المسجله طالع البنات ترقص وفرحانه اخوات المعرس فرحانات لاخوهم سعود يومه اخذ دانه الي هي اجمل بنت بعايلتهم وغير طبايعها واسلوبها ... و م ناحيه اخرئ كانت دانه تتحسب ع يزيد رغم ان بقلبها لسئ فيه شوق ليزيد بس تكابر ..
خايفه م مقابلة سعود ماودها تشوفه ماتحبه ماتطيقه لانها مغصوبه عليه بس راح تنفذ كلام سمر وتخلي نفسها عاديه وهما راح يتصرفون..

جاء المملك وملك لهم وعطئ سعود يوقع وقال لفهد اخو دانه انه ياخذ الدفتر لدانه توقع ووقعت دانه ودموعها بطرف عيونها بس مابغت تبكي... بنات خالتها وبنات عمانها واخوات سعود معها كانوا يصفرون ويضحكون لما دانه وقعت
عهود بنت عمها: بعض الناس تزوجوا وصاروا حريم
دانه عطتها نظره فهمتها يعني اسكتي
عهود بابتسامه: فهمنا وربي عيونك تخوف الله يعين سعود ولد عمي معاك
دانه غصب عنها ضحكت: لاتخافين تطمني راح اذبححه
عهود بخوف متصنع: ياويلي ويلاه اذا ماتبينه اتركيه لي لا تذبحينه
ساره بققت عيونها: يالي ماتستحين قدام الحرمه تبين تاخذين زوجها
دانه انحرجت بس قربت م عهود وتساسرها باذنها: عادي اخذيه ما ابيه
عهود شهقت: وش فيك انتي ماتغارين ع زوجك
دانه بملل: لا
عهود: اجل انتي ماتحبينه
دانه ناظرتها ببؤس: لا
عهود بشهقه: ليييه
دانه بهمس: مو وقته الحين

/



/


هيام كانت بغرفتها تجرب النيو لوك الي راح تلبسه ف عيد ميلاد جوجو صديقتها وهي بين حوستها وبين كومة الملابس الي طلعتها م الدولاب رن جوالها وكان الاتصال م خالد . ع طول ردت بدلع: اهلين خلوود
خالد بحب: هلا بالحب شخبارج
هيام بدلع: انا بخير دامني سمعت صوتك ياقلبي
خالد ذايب: احب هالدلع ليتني عندج كان ماخليتج ولا لحظه
هيام بققت عيونها: هييييه خلوود عن قلة الادب ولا اسكر الحين
خالد باستغراب: اشفيج هيوم
هيام مدت بوزها: شوف نفسك ايش كنت تقول ... صح انا بنت دلوعه بس مو قليلة حيا علشان تكلمني جذي
خالد بضحكه: اوووف.. طيب السموحه
هيام ورجعت تدلع: اييه خليك جذي
خالد بخبث: بس من املك عليج اسوي الي ابييه وياويلك لو تتكلمين
هيام بخجل احمر وجهها: خلوووود
خالد بهمس: عيونه قلبه رووحه
هيام وجهها قلب الوان: فديت قلبك انا.



ايش تتوقعون هل راح يتم زواج دانه؟

وزواج يزيد م بنت خالته؟

وهل حب خالد وهيام راح ينتهي بزواج ام ستتعرض هيام لخيانه اخرئ؟



((تابعوني بالبارتات الجايه علشان تعرفون الاجابة))

رد: ( رواية شلة بنات بالغربه)

روايه جميله

رد: ( رواية شلة بنات بالغربه)

البات الثاني والعشرين




عند لين كانت هي وخواتها محتاسين بالربشه والاغراض لان عرسها هي واختها قرب وماصار له الا اسبوعين وقد اعزمت صديقاتها لعرسها والبنات متفقين يجون قبل العرس بيومين دخلت غرفتها بعد ماستاذنت منهم وراحت تكلم طارق وهي تناظر الاغراض وتشوف ايش باقي ناقص
لين بدلع: طرووق شفت سواتك بهذلتنا تدودهنا بالاغراض حرام عليك
طارق: وانا شدخلني بالاغراض انا الي يهمني وجودج معاي تحت سقف واحد ياقلبي
لين بخجل: طرووق خلاص بسكر وراي اشغال جد شعر راسي
طارق بحنيه: افا وطرووق تتركينه علشان الاغراض .. ياقلبي انا ماراح اخذ م وقتج وايد بس ابي اكلمج ترا انا مشتاق
لين بابتسامه: طيب حبيبي تكلم
طارق: حبيبتي كيف شعورج وهو ماباقي الا اسبوعين ونكون ويا بعض
لين بخجل احمر وجهها: مادري
طارق بابتسامه: تكذبين انتي فرحانه ومشتاقه لي بس ماتبينين
لين باحراج: مو لازم تعرف شعوري وبعدين انا بين هالحوسه مافكر الا كيف ارتبها واخلص
طارق بقق عيونه: الحين ثيابج اهم مني . حرام عليج ليون
لين بدلع: حبيبي انت اصلا ماتعذرني ايش اسوي بحبيبي المليق الي مايراعي ظروفي
طارق بقهر: عيييل انا مليق .. افا ماهجيتها منج ليوون
لين بحب: فديتك ياقلبي انا امزح معك ..بس يلا حبيبي باكر اكلمك الحين خواتي ينتظروني علشان نخلص ترتيب الاغراض
طارق يقهرها: طيب اليوم راح اعذرك بس باقي الايام ماراح اصدقج ولا راح اخليج تسكرين الا بكيفي
لين بققت عيونها: شوي شوي فيني لسئ مبكر عالتحكم ياحلو لا صرت زوجتك ايش بتسوي
طارق بخبث: بسووي اشياء كثيره ياحبي
لين بخجل: انا بسكر الحين يلا مع السلامه... وسكرت منه وراحت لا خواتها ترتب ولما دخلت عندهم الغرفه قالولها اشفيك تضحكين ..
لين والابتسامه لسى ع شفاتها: ولاشي
اختها: اييه واضح انه ولا شي.. اقول تعالي نرتب الاغراض خلي طرووقج هذا ماعنده سالفه
لين بقهر: ترا ما اسمحلج هذا نبض قلبي لحد يتكلم عليه بالشين
اختها الثانيه: خفي علينا انتي ونبض قلبج ويلا للامام سر ورانا شغل وايد
لين بابتسامه: كليتوني بقشوري
اخواتها كلهم قعدوا يضحكون ع شكلها المقهور: ههههههههههههه ..



/



/



عند دانه تورطت لما جاء اخوها وقالها سعود يبغئ يشوفك ...دانه بقلبها كانت تقول يعني لييه يشوفني وكانه هو مايعرفني يبغئ يبصبص فيني..
اخوها محمد بصوت عالي: دانه انتي تسمعيني
دانه بخجل م اخوها الحين راح يقول اني افكر فيه: اييه سمعتك ياخوي
محمد: طيب يادانه تجهزي وانزلي لزووجك
دانه بملل: طيب
جات اختها ورتبتها شوي وبعدين نزلت معها ولما نزلت لتحت جاء اخوها محمد ودخلها لزوجها وهي خجلانه مرره وبنفس الوقت متضايقه انها ماتحبه وبكل خطوه تمشيها تتذكر يزيد فيها وتتذكر كلامه ولما تكون جمبه وحركاته... وهي تمشي كلما تذكرت شي اندمت عليه تغمض عيونها وتجيها الصيحه بس تمسك نفسها علشان لا حد يشك ... لين وصلت للباب الغرفه ودخلت لسعود الي لما شافها قام م الجمال الي شافه قدامه بغئ يجن..

ضحك اخو دانه وهو يشوف وجهه: اركد ياسعود لا تصير خفيف
سعود انتبه ع نفسه: اقول امشي بس مانبي عواذل
دانه كانت غرقانه بالخجل ..وهم يتكلمون..
محمد: يلا اجل انا بطلع اخليكم براحتكم بس خف عالبنت ها ... ووجهه كلامه لدانه وهو يبتسم: دندون لا تخافين تراه ماياكل بعدين. اليف وربي
دانه ضحكت م كلمته. وسعود انقهر: اجل انا اليف ليييه شايف قطووو بووجهك
محمد طلع وتركهم وهو يضحك م سعود .. وسعود ماصدق ان محمد يطلع الا وقرب لها بسرعه: كيفك يادانه
دانه بخجل: الحمدلله انا بخير
سعود بجراءه: فديتك انا. بصراحه انا صرت بخير م شفتك ماتوقعتك بهالجمال
دانه منزله راسها: تسلم
سعود وهو يقرب لين صار جنبها: ياحلوك وربي بغيت اجن م شفتك وش مسويه بنفسك انتي تهبلين
دانه واحمرت خدودها وماردت الا بابتسامه..
سعود وباس خدها وهي قامت مصدومه وكانت تبغئ تمشي بسرعه
بس هو مسك ذراعها: دانه انا زوجك لا تستحين مني
دانه بداخلها تبي تروح عنه ماتتخيل حد غير يزيد يلمسها وتكلمت بهدوء: ابي اطلع
سعود ماخذ راحته: راح تطلعين بس بعد ماتبوسيني
دانه بققت عيونها ووقفت مكانها وماتحركت وهو ينتظر بوستها: تعالي بوسيني وراح افكك تطلعين
دانه بغت تفتك قربت بسرعه وباسته م خده وراحت تركض لبرا ووجها صار الوان م الخجل..
وهو كان يبي تبوسه بفمه بس هي ماعطته فرصه باسته بسرعه وطلعت ..
ولما وصلت للغرفه صارت تلهث م الركض وبنفس الوقت م الخجل..
شافتها اختها ضحكت تبي تقهرها: الا اقول وش سوا فيك السيد سعود ترك وجهك محمر كذا
دانه توترت: ها ... ولا .. شي
اختها: الا فيه شي. شكله عرف يطلع منك الحيا...لا تستحين تراه زووجك كان كملتي الليله كلها معاه
دانه بققت عيونها وهي تضربها بخفه: ياقليلة الحيا اقول ابعدي عن وجههي لا يجيك كف مني تندمين ع هالكلام
اختها: اوووب عليك وش فيك كيذا معصبه... انتي عروسه المفروض تكوني كذا...وفتحت فمها وعيونها بابتسامه طويله وعريضه يعني المفروض تكون مرتاحه (^_^)
دانه ضحكت م شكلها وطلعت فوق وتركتها تتليقف وتكلم حالها


/


/


عند سمر كانت حاطه السماعه باذونها والفون بجيب تي شيرتها وتكلم عبود بالحديقه .وفجاءه دخل ابوها للحديقه وارتبكت خلت نفسها تكلم هيام...
سمر: اييه هيوم راح اجي بعرس ليون قبل امس كلمت البابا والماما ووافقوا الحمدلله
ابوها مر م جنبها ولما تطمن انها تكلم صديقتها ابتسم بوجهها ومشئ وراح يدخل للمنزل
عبدالله يضحك: اجل صرت هيوم ...
سمر تنفست الصعداء: ابوي كان مار م هنا حبي .. والسموحه ناديتك هيوم.
عبدالله بحب: فديتك انا ...انا فهمت الموضوع لييه تتاسفين
سمر: قلت اخبرك اخاف تزعل
عبدالله: اجل انتم متفقين تروحون عرس لين
سمر: اييه ترا مايصير صديقتنا تتزوج واحنا مانروح ونفرح معها ونقضي اخر اوقات العزوبيه معها
عبدالله: بنات ماعندكم سالفه وش اخر اوقات العزوبيه ذي... وكمل بمرح: بس يصير اجي معكم
سمر بققت عيونها: وين تجي
عبدالله ببساطه: اجي اسلم عليك وربي مشتاق لك انتي الظاهر مو مشتاقه لحبيبك
سمر بسسرعه: لا تكفئ الله يخليك لا تتهور وتجي ترا احنا كلها اسبوع ونرجع بس
عبدالله: واذا اسبوع؟.. نقضي هالاسبوع انا وانتي مع بعض
سمر ماصدقته: طيب تعال تبي حجره محترمه مني وتتحسر ع خسارتك وع جيتك م السعوديه للكويت تجي
عبدالله يضحك م الخاطر: حريم انتم بكلمه وحده صرتوا مويه وانتي دواك عندي
سمر تضحك: اصلا انت ماراح تجي وودك تسوي سالفه كذي
عبدالله بملل: اصلا ماراح اجي انا حبيت اطفشك بس
سمر ابتسمت: فديتك انا
عبدالله انبسط: واخيرا لسانك تعودت عالغزل ..اجل وحده معها واحد مزيون زيي ويحبها وماتتغزل فيه ..انتي غير البنات بصعوبه تحبين وتتعودين ع شخص
سمر تضحك: اقول خف ترا الغرور مو لايق عليك انت مزيون وحبيبتك مزيونه وانا استحي مو اخوور المويه كلها مره وحده البنت الثقيله ماتخلي الرجال يضحك عليها..
عبدالله بحب: فديتك وانا ماحببني فيك الا اسلوبك وبجد خليتيني اثق فيك بسهوله واعرف انو حبيبتي مو م النوع السهل ولا يمكن تحب بسرعه ولايمكن بعد تخون
سمر بحب: ربي لا يحرمني وجودك وصوتك وضحكتك يا اغلا ناسي
عبدالله: امين ولا منك ياقلبي



/



/



يزيد كان مرره معصب مابقئ ع عرسه الا اربعة ايام واخوانه واخواته كلهم فرحانين وهو ملان ولا سوى شي كان مررره مو متحمل فكره سعاد تكون زوجته ووقته كله بغرفته ومايكلم احد وامه وابوه مو عاجبهم وضع ولدهم حتئ م بعد ملكته ماكلم سعاد ابدا وهي اكيد تتضايق ان خطيبها مو معبرها ولا يكلمها ولا يسال عن حالها ... كان ابوه قاعد مع امه بالصاله يتقهووون ويتكلمون بموضوع العرس... قالتله ام يزيد ... لزوجها انه يروح لولده ينصحه يخرجه م ذيك الغرفه ويروح ياخذ م السوق اغراض للعرس ومابقئ له شي
الاب بقلبه حن عن ولده بس مايقدر يتراجع غلطان لانه سمع كلام زوجته وخطبله بدون شوره...
سولفوا شوي ابو يزيد وام يزيد وبعدها بشوي قام ابو يزيد وراح لولده يكلمه ولما وصل دق الباب وسمع صوته م داخل الغرفه يقول: مابي اشوف احد
ابو يزيد ع طول دخل وتكلم: حتى لو كان ابوك
يزيد نزل راسه ومارد: .............
الاب: ياولدي تزوج بنت خالتك تراها بنت حبوبه وراح تحبها لا تحبس نفسك بالغرفه كذا ..
يزيد بقهر: ماتقدرون تحددون اذا احبها او لا ...انا مية مره قلت لكم سعاد انا ما اشوفها الا زي اختي
الاب: مافيه زي اختي بين البنت والولد
يزيد بعصبيه: انت وامي سويتوا الي تبونه وزوجتوني وانا بسوي الي براسي وراح تندمون
الاب بعصبيه: يزيد لا تهدد احترم نفسك ..
يزيد بقهر: مثل مازوجتوني اياها راح ارجعها لاهلها زي ماهي وربي ما اقرب صوبها ولا اعتبرها بيوم حرمتي انتم اجبرتوني اني اسوي هالشي وانتم تحملوا الفضيحه
الاب بصدمه: يزيد انت جنيت هاذي بنت خالتك ماترضئ عليها تسوي فيها كذا
يزيد والشرار يتطاير م عيونه: يبه انا ولدك واظن انك تعرفني لما اقول شي انفذه وانا هالبنت م احبها انا راح اتزوجها بس شي ثاني ماراح اسويه ماني مجبور فيكم توقعوني وتزوجوني ع كيفكم
الاب وبدا العرق ينصب م راسه يدري انه مهما يقول هالحين يزيد ماراح يسمعله.. قام وطلع م غرفته وهو معصب وراح لغرفته وهو يسكر الباب بقوه وفيه حرقه بقلبه لان لو يزيد ينفذ كلامه راح يحرجهم قدام اهل زوجته...
سمعته ام يزيد وهو يسكر الباب بقوه وقالت بنفسها: هالشي مايبشر بالخير ...وقامت تروح وتشوف وش صاير...


يتبع....

رد: ( رواية شلة بنات بالغربه)

البارت الثالث والعشرين



الاب وبدا العرق يتصبب م راسه يدري انه مهما يقول هالحين يزيد ماراح يسمعله.. قام وطلع م غرفته وهو معصب وراح لغرفته وهو يسكر الباب بقوه فيه حرقه بقلبه لان لو يزيد ينفذ كلامه راح يحرجهم قدام اهل زوجته...سمعته ام يزيد وهو يسكر الباب بقوه وقالت بنفسها: هالشي مايبشر بالخير ... وقامت تروح وتشوف وش صاير
دخلت ام يزيد عند ابو يزيد وهي مرتبكه: وش صار يا احمد
ابو يزيد بصراخ: انتي السبب هاذي نهايه الي يسمع شور الحريم ام يزيد بخوف: وش فيك يزيد وش قالك
ابو يزيد: يزيد قال الحرام قال الشي الي مايرضاه رب العالمين يبي ياخذ البنت حالها حال الكنبه مايقربها ويرجعها لاهلها زي ماهي
ام يزيد بصدمه: مستحيل يزيد ولدي يسويها
ابو يزيد: الا يسويها واكثر انتي تعرفين ولدك مانذل منه لا قرر ع شي لازم يسويه
ام يزيد بخوف ودموعها بدت تنزل: ياحسرتي ياحسرتي راح يفضحني ولدي
ابو يزيد يلف وجهه منها: هذا كله منك كله م ورا خططك وهالحين حنا الي راح نبتلش
ولف يروح الحمام يتحمم لاجل يخف عنه هالتوتر والقهر الي بداخله اما ام يزيد جلست تضرب راسها وتتحسب: حسبي الله ونعم الوكيل

...................................


بعد اربعة ايام وجاء يوم عرس يزيد المنتظر بالنسبه لاهله واخوانه واليوم المشؤوم بالنسبه له.. يزيد كان يلبس ويرتب شعره وحط عطر دهن العود الفواح الي حطه وكان ملان وماله خلق ابدا جاه نايف اخوووه وهو مبتسم: م قدك يامعرس اخ العطر اشمه م برا الغرفه
يزيد بدون نفس: معرس حزين
نايف بقق عيونه: وش فيك عادتا المعاريس يكون وجهها بشوش وانت وجههك مبلم وزعلان
يزيد بسرعه: مغصوب ياخوك ..والمغصوب مايفرح
نايف مايبي يزيدها عليه وصار يضحك: اضحك يزيدووه لا تكون كذا لا تخلي الناس تحكي فيك ... احد يتزوج ويكون زعلان هاذي احلا ايام العمر
يزيد بقهر: دامك فرحان خذها انت وش رايك
نايف بصدمه: عيب يايزيد هاذي حرمتك ولازم تكون غيران عليها مو تزوجها اخوك
يزيد بحمق: حرمتي ما ابيها انا احب غيرها ..وخلاص لا تجيب سيره سعاد لا تطفشني انا بروحي طفشان انها م اليوم راح تعيش معاي وانا موقادر استحملها
نايف وبعده مصدووم: لهدرجه مو طايقها
يزيد وهو يلبس بشته: واكثر بعد
نايف: امسك نفسك قدام الخلق وابتسم ولا صرت لوحدك ارجع مبلم ع كيفك
يزيد ابتسم غصب عنه ونايف بحماس: اييه خليك كذا.... ويلا خلنا نمشي الناس تجمعوا ومو حلوه المعرس يتاخر...
يزيد سمع كلمة معرس كشر اكثر بس طنش ومشئ مع اخوه نايف


/


/


دانه كانت تحس بضيق ماتدري لييه وتحس بدوخه براسها كل شوي وكبدها تحوم عليها وخانقتها العبره ودها تبكي ..وشوي طلعت برا الغرفه وراحت للمطبخ لاختها بس شمت ريحة الاكل بغت تستفرع وطلعت برا المطبخ رغم انها كانت جوعانه مرره ..كانت تفكر بيزيد تحس نفسها اشتاقت له. وهي بين زحمة افكارها واشتياقها ليزيد سمعت الجوال يرن ...ولما شافت الاسم ضاقت اكثر وكان المتصل سعود ماودها تكلمه بس مو حلوه تطنشه ... ردت بملل وبنفسها تقول راح اجامله شوي واسكر: الو
سعود بحب: هلا قلبي
دانه حامت كبدها اكثر لما قال قلبي: بهالسرعه صرت قلبك
سعود يضحك بصوت عالي: اييه قلبي وحبي وكل دنيتي
دانه بملل: تعبانه سعود راح اسكر
سعود بسرعه: سلامتك ياقلبي وش فيك
دانه تطلع عذر علشان تسكر منه: احس جسمي مكسر يمكن ارهاق افكر انام وارتاح شوي
سعود بحب: طيب ياعمري روحي نامي وارتاحي لا تتعبين نفسك ياقلبي حافظي ع صحتك
دانه وتنفست الصعداء ماودها تطول معاه: طيب مع السلامه
سعود بحنيه: تصبحين ع خير حبيبتي
دانه بسرعه: وانت م اهله..
وع طول سكرت منه وراحت تنام ودها ترتاح وماتفكر ف يزيد ابدا لان التفكير فيه يتعبها وهي ماودها يتجدد حبه بقلبها وتحاول تتفاداه بقد ماتقدر..



/



/



انزفت العروس ورقصوا وهيصوا وتصورن معها امها وخواتها.. وبعدها بشوي انزف يزيد وكان قمه فالجمال كل البنات كانت تطالعه وتجننت عليه وهو يمشي بكل ثقه وشموخ رغم م داخله مكسور ومجروح وماوده يتزوج.. واول ماوصل جنب العروس بالغصب باسها ع جبينها وقال لها مبروك وجلس بكرسيه جنبها ..ابوه وعمه واخوان العروس هما دخلوا قربوا اخوان سعاد وسلموا ع يزيد وباركوا له ونفس شي باركوا لاختهم وتصورا معها الاب باس بنته وعيونه بدت تغرق بالدموع وبارك لها وتصور معها هي ويزيد وابو يزيد ...وشوي طلعوا الرجال ورجعت الحريم يرقصن والفرحه ماليه وجوههم و بعدها جات ام يزيد وقالت لسعاد تقوم علشان راح تروح مع زوجها للفندق الحين .. واخذتها لامها وخواتها يرتبونها قبل لا تصعد مع زوجها

....................................



وهم بالسياره كل واحد منهم ساكت والجو كان متكهرب ويزيد ماله خلق يسولف او حتئ يناظرها وسعاد مسكينه تنتظر منه كلمه حلوه .. وتنتطره يناظرها يعبر عن كشختها وجمالها بس هو بباله دانه ..دانه الي لعب عليها وقهرها بشرفها مايعرف عنها ولا شي م بعد مارجعوا م بريطانيا الحين كملوا شهر وهو مايدري عنها شي ومستغرب كل شي صار معه بسرعه مامدئ يرتاح الا ولقئ نفسه ... مسوين له كمين ويزوجونه بنت خالته وهو مايبيها والحين مجبور يتقبلها ويعيش معها..

وصلوا للفندق واخيرا تكلم يزيد وقال لها انزلي .ولكن البنت كيف بتنزل وفستانها كبير وثقيل ماتقدر توقف لحالها.. نزل هو و
مشى ولا طالع وراه ولما صار قريب يدخل الفندق مالقئ البنت تحركت م مكانها ومشئ ناحيتها وهو معصب: تستعبطين انتي لييه بعدك مانزلتي
سعاد بقهر وعيونها حلقت بالدموع وم داخلها تصيح ...لا لا كيف كذا وانا عرووسه وانقهر م زوجي باول يومم زواج.. وم بين افكارها ودموعها الي بدت تنزل تكلمت: ف... فستاني ثق...قيل ماقدرت اقوم لحالي
يزيد ياخذ نفس: طيب شسوي انا هالحين... اخذك مثلا
سعاد بدموع ماقدرت تمسكها ماتكلمت بس كانت تلملم دموعها علشان يزيد مايلاحظها بس يزيد لاحظها وبتانيب ضمير مايحب يشوف احد يبكي قال بكل هدوء: طيب تعالي امسكك وانتي حاولي ترفعين الفستان م تحت شوي علشان تقدرين تقومين
سعاد هزت راسها بإيجاب...
وقرب يزيد ومسكها م ظهرها والايد الثانيه ع خصرها بحيث كانه حاضنها..سعاد خجلت منه وهي تشم ريحة دهن العود الي يفوح منه وهو ولا كان معاها المهم انه يطلعها ويفتك م هالفستان الثقيل لين قدر يطلعها وهو يقول: واخيرا ...انا مستغرب اشلون تقدرون تاخذون هالفساتين الثقيله ...حريم وش يجي منكم...وشوي سكت حس انه بدا ياخذ راحته بالكلام معاها وهو مايبي يتقرب منها.. صد عنها فجاه وبسرعه وبكل بروود: خلينا نمشي
سعاد استغربت م تغيره فجاه ومشت وراه..



/



/



سمر كانت تكلم خلود: خوخه كيف امورج متئ تروحين للكويت ترا عرس ليون ماصار له الا ثلاثة ايام
خلود: انا ودندون بكرا راح نروح بالمساء وانتي وهيوم متئ راح تروحون
سمر انا اتصلت بهيوم وقالت لي اني اجي لها الامارات وانتظرها وبعدين نروح بطياره وحده بعدها راح نمشي بالمساء..
خلود بابتسامه: طيب نلتقي هناك
سمر: ان شاءالله
وسكرت م عندها وراحت ترتب حقيبتها واغراضها قبل ماتنسئ شي..

رد: ( رواية شلة بنات بالغربه)