رد: ( رواية شلة بنات بالغربه)

البارت الثلاثين



سكرت دانه منها وهي جالسه تفكر ماحست الا بايد تحتضنها بقوووه وانتفضت بسرعه وهي مصدوومه..؟!

كانت مشاعل بنت عمها هي الي احتضنتها وكانت مرره مشتاقه لها: دنوووش يالخبله اشتقتلك موووت
دانه بارتياح: ياحماره خوفتيني.. وش فيك كيذا دفشه ..اعرفك نعومه مو متوحشه
مشاعل بابتسامه: ماتوحشت ولا شي بس الشوق يعمل عمايل،.. يعني تجين السعوديه وصارلك شهر وماتكلميني يالقاطعه
دانه بتعب: وربي مالحقت ارتاح م جيت م بريطانيا تحاذفت علي الاشغال م كل جانب وغير خطبتي وملكتي هذا كفيل يخليني انسئ
مشاعل: ياحيف ع الصداقه يادانه اجل الاشغال تشغلك عني مافيه ولا ثانيه كنتي فاضيه فيها تتصلين علي او عالاقل مسج
دانه بخجل: السموحه شعوله الظاهر م شاف احبابه نسئ اصحابه
مشاعل: افا بدينا...هذا والحين ماصرتي ببيته ..لا صرتي ببيته اتوقع راح تحذفينا م قايمتك
دانه مقصدها اهلها ومشاعل فهمت كلامها مفتكره انهل تقصد سعود
دانه مشتها وماتكلمت...وبين سوالفهم وعتاباتهم نادتهم اخت دانه علشان يجون عندهم ..معهم رقص وشويه تسليه بدل السوالف الملله ..

/


/


ام خالد اتصلت ع ام هيام لتحدد معها موعد الخطبه علشان يخطبون رسمي وم بعدها يسون ملكه والزواج
ام خالد: شخبارج ام هيثم
ام هيام: الحمدلله شخبارج انتي ام خالد وشخبار العيال
ام خالد: فديتج كلهم بخير ويسلمون عليج
ام هيام: ربي يحفظهم
ام خالد: اقول يخيتي ام هيثم بغينا نجي انا وابو خالد نخطب البنت رسمي.. اي يوم الي تشوفوه مناسب علشان نجي نخطب.... الولد مجننا الا نخطب له بسرعه ونزوجه
ام هيام تضحك: حياكم الله اي وقت يخيتي حتئ لو م باكر .. لا تلوميه يخيتي شباب هالزمن يبون كل شي بسرعه زمن الصبر والثقل راح ..
ام خالد تضحك: ايه والله صادقه جيل اول مافيه منه ... وبسرعه تكلمت ...كان جمبها ابو خالد وقالها ترد عالحرمه ان بعد ثلاث ايام بنزورهم ......
ام خالد بسرعه: يناسبكم بعد 3 ايام يخيتي ام هيثم ولا ناجلها
ام هيثم: تم فديتج بعد ثلاث ايام نشوفكم والله يكتب الي فيه الخير
اما خالد بحب: امين يارب


/



/



فالمرزعه دخلت البنات للغرفه وانواع الحشيش معهم..(^_^)
رقص وهبال ويتفرجون ع صور رجال وسيمين وعليهم اجسام حلوه وفوضه لاخر درجه
دخلوا دانه ومشاعل للغرفه وانصدموا .. وش هذي المصخره بنات مراهقات.. بنات عمهم وعماتهم قاعدين ع اللابتوب يشوفون صور شباب حلوين وشباب عليهم اجسام حلوه ومره ع ملكين جمال وقاعدين يصارخون م الي يشوفونه ويتجننون عالصور
دانا ومشاعل مشوا بشويش م وراهم واخر شي وقفوا وراهم وتكلموا بصوت رجال علشان يخوفونهم: وش تسوون انتم ..
البنات بسرعه نطوا وشهقوا م الرعبه ولما ناظروا وولقوا انهم دانه ومشاعل .. حبو يخوفونهم وع طول مشوا ركض وراهم علشان ينتقمون منهم... علشانهم وقفوا قلوبهم ولو كانوا احد م اخوانهم راحوا فيها لانهم يشوفون صور رجاجيل
دانه وهي تلهث تعبت م الركض وهم سريعين وهي ثقيله بحكم حملها: اقول اهجدوا والله لا اعلم فيكم عيال عمي يشوفون سواتكم
البنات يستهزون فيها: ماراح تقدرين تقولين
مشاعل وهي تطلع جوالها: واتصلت ع رقم بدر اخوها وعشان تخوفهم ورتهم شاشة الجوال يعني تقعدون والا اكلمه الحين. البنات بخوف: ارجوك يامشاعل لا تقولين له شي نوعدك اخر مررره نسويها اخر مرره نشوف صور شباب
وهم يترجونها رد بدر ع جوالها... مشاعل اختبصت وماعرفت وش تقول..
بدر: الووو ... الووو ...شعوله وينك
مشاعل بتردد: غلطت بالاتصال ياخوي كنت بتصل ع سارونه اختي
البنات تنفسوا الصعداء ومشوا لما تطمنوا ان مشاعل ماراح تقوله عنهم
بدر بملل: وانتي ماتشوفين تضغطين ع اي رقم وكمل وهو يقلدها: وبعدين قولي غلطت بالاتصال
مشاعل تضحك: اوووف كليتني بقشوري محد يغلط عندك انت
بدر: اقول اذلفي وسكري تراك اشغلتيني
مشاعل سكرت بملل: اوووف كريه
دانه بابتسامه: وش فيك
مشاعل بقهر: بدور راعي لسان طويل تقولين له كلمه يعطيك عشر
دانه تبغئ تقهرها: زين سوا فيك
سلمئ تاشر لهم م بعيد: هيييي انتم تعالوا ارقصوا معانا يعني حنا فالينها وانتم لاصقين روسكم ببعض وطايحين سوالف وش هالسوالف الي ماتخلص..
راحوا دانه ومشاعل.... مشاعل ع طول بدت ترقص معاهم ويلعبون بشعورهم ويرقصون فيه ودانه بعالم ثاني وتفكر وترجع لورا وتتذكر يزيد وشوي تفكر كيف بتقابل سعود وكيف بتقول له خايفه م كل شي وتحس كل شي ضدها وكل الظروف تحاصرها يزيد فتح لها ابواب هي ف غنى عنها..
البنات وهم يشدونها م معصمها: دنووش ارقصي معنا
دانه بتعب: ماقدر احس بصداع ومصاحب معاه ارهاق
مشاعل تغمز لها: يعني الحب يسوي كذا حسيت دلعك زايد اثر سعود الظاهر يدلعك كثيرر وماصرنا نعجبك وجلساتنا مليتي منها
دانه ابتسمت تمشيها بتفكيرها: اييه يدلعني وليش لا.. تراه حلالي يدلعني وادلعه
مشاعل ضحكت: واي وطلع لك لسان بعد... وربي خربك سعود ولد عمي
دانه ضحكت م جنانها: وربي انتي عقلك صغير ههههههه



/



/


ام عبدالله دخلت بصينية الفطور لغرفة عبدالله علشان تعطيه فطوره ..كانت كل يوم تدخل له الفطور والغدا والعشاء ويطلع مثل ماهو ماياكل منه ولا شي علشان يقنع ابوه ان ما زوجوه سمر ماراح يتزوج غيرها وراح يموت نفسه بامتناعه عن الاكل والشرب
بس المفاجاه لما دخلت لقت ولدها عبدالله طايح جمب سريره ع طول وهي م الخوف صرخت وهي تضربه ع خده بخفه: عبدالله عبدالله اصحى... ياوليدي لا تخوفني عليك قوم افطر..
ام عبدالله حست ان عبدالله وضعه غريب مايتحرك وع طول صرخت ومشت تنادي ابوه واخوه سالم لانهم كانوا لسئ بالبيت ماداوموا
ابو عبدالله وابنه سالم كانوا يركضون م الخوف والرهبه لان ام عبدالله قالت لهم ان عبدالله ماتحرك وخافت لا يكون ولدها راح..
واول مادخلوا الغرفه حاولوا يصحونه وماصحئ.. وبالاخير قرب
ابو عبدالله وهو مرتبك يقيس نبض ولده وع طول انصدم وناظر لام عبدالله والدمعه بعيونه ...ام عبدالله ع طول فهمته وصرخت ورمت نفسها ع ولدها وهي تبكي وتتتحسر ع فراقه..


يتبع...

رد: ( رواية شلة بنات بالغربه)

كلمي

رد: ( رواية شلة بنات بالغربه)

كملي بليييييييز
انتظررررررررك و الله متشوقه ابي اعرف
يعني وش بيصير لو تزوجها عادي ما فيها شي اتخيل سمر بتموووووت حسره و قهر
و يارب يصير شي و يفرج على دانه و الله بتنتهي للابد مسكينه الحل عند يزيد و يا ريته ما يتنازل و ياخذ الرقم باي طريقه

رد: ( رواية شلة بنات بالغربه)

شنووووو تقصدي يعني عبد الله مات لا مستحيل بلييييييز لا تخليه يموووووت

رد: ( رواية شلة بنات بالغربه)

رووووونق كملي لا تخليه يمووووت

رد: ( رواية شلة بنات بالغربه)

راح انزل البارت الواحد والثلاثين علشان خاطرك وان شاءالله راح تعجبك احداثه

رد: ( رواية شلة بنات بالغربه)

البارت الواحد والثلاثين



ابو عبدالله وهو مرتبك يقيس نبض ولده و ع طول انصدم وناظر لام عبدالله والدمعه بعيونه ...ام عبدالله ع طول فهمته وصرخت ورمت نفسها ع ولدها وهي تبكي وتتتحسر ع فراقه..
ابو عبدالله بصراخ: وش فيك تبكين الولد بعده حي لا تفاولين عليه
ام عبدالله بفرحه قامت وهي تبوس ولدها وقالت لاخوه سالم ياخذه المشفي وبسرعه انطلقوا للمشفئ وعبدالله شبه ميت مايتحرك الا قلبه الا بعده ينبض.. وصلوا للمشفئ وع طول اخذه للطوارئ وركبوا له مغذي لانه جسمه ضعيف م قلة الاكل والشرب..

قال لهم الدكتور لو يتاخرون شوي راح يدخل بغيبوبه وعاتبهم بعدم اهتمامهم بولدهم الي صار له ثلاث ايام ماياكل ...عيونه صارت هافته م التعب وصارت عنده هالات سوده تحت عيونه وجسمه ضعيف جدا كل هذا بسبب حبه لسمر وكان يعاقب نفسه علشان اهله يرضون
الاب شعر بالندم عرف انه فالاخير ماشي يستاهل انه يخسر ولده عشانه وقرر يزوجه سمر بعد مايصحئ
الام تبكي وتشكر ربها ان الله اطال بعمر ولدها والحمدلله انه مادخل بغيبوبه.. وكانوا يتناوبون ع زيارته وكل يوم احد ينام عنده...


/


/


سمر مسكينه تتصل وماحد يرد عليها عبدالله جواله بغرفته وماحد يرد عليه وهي قلبها كلما جات مره ينقبض عليها اكثر وتخاف عليه ومتاكده ان عبدالله فيه شي دامه مايرد عليها


/


/


الظهر عند دانه سوت رساله لسعود يجي لها عند اسطبل الخيول لانه بعيد شوي وتقدر تاخذ راحتها فالكلام..ظ ودها تكلمه سعود ع طول وافق توقع البنت اشتاقت له مايعرف وش ينتظره.. شوي وجاء سعود وقعد جمبها قرب وده يضمها بس هي بعدت عنه وجلست بالكررسي سعود ماعجبه تباعدها عنه واسلوبها الجاف بس مستحملها لانه يحبها...
سعود: هلا ببنت عمي وش تبين؟..
دانه بإرتباك: ابغئ اكلمك بموضوع وياليت تسمعني للاخير وابيك تتفهمني وماتتفاعل بسرعه
سعود حس بان موضوع كبير وبداخله متوتر: وش السالفه
دانه تحلفه: اوعدني تسمعني للاخير وماتقاطعني
سعود وعدها وهي بدت تتكلم...
دانه بسرعه دخلت بالموضوع: سعود ان.. انا لما كنت ببريطانيا كنت اح ... احب واحد وبعد فتره تزوجنا
سعود بقق عيونه: وووووش؟!....
كانت صدددددمه له .. ودانه خافت م ردة فعله: بليز خليني اكمل لا توترني
سعود وهو ينافخ: وش لا توترني .. تتزوجين م ورا اهلك وتبيني اسكت وانا ولد عمك تستغفلوني وانخدع فيك واتزوجك
دانه بارتباك: بس هو طلع يكذب علي وتزوجني عرفي او بالاصح زواج كاذب كان مدبر م اللاعيبه
سعود صدمه ثانيه ع راسه وعصب وقام ومسك يدها بقوه: انتي وش تقولين كل هذا سويتيه م ورا اهلك وش الي نتفاهم فيه انتي طال .... بس دانه بسرعه حطت يدها ع فمه تسكته: بليز لا تكملها... اسمعني للاخر..
سعود وم داخله شاعل نار ومعصب بس يمسك نفسه بقوه: كملي
دانه ببكاء: وانا حامل منه ومادري ايش اسوي وربي خايفه انا ماسويت غلط انا كنت افتكره تزوجني زواج صحيح.
ومسكت رجلينه تبوسهم : ارجوك ياولد عمي استر علي استر علي راح يكون جميل منك ماقدر انساه تزوجني شهرين وطلقني وراح اقول انه ماتفاهمنا..
سعود مصدوووم صدمه ثالثه ومو قادر يتكلم يمكن حتئ مو شايفها وهي تبوس رجلينه وتترجاه يمكن مقهور مو متوقع هالشي م دانه كانوا يشوفونها الاجمل والاعقل والاثقل ف بنات عمه.. نظر لها وبكل عصبيه دفشها عالارض بقوه يحس بقهر ووجهه احمر وصرخ عليها: هاذي اخر تربيت عمي فيك هاذي اخرة الثقه الي خلاك تدرسين برا هذا عقلك كله ينضحك عليك وانت مررره تصدقين وش تبيني استر... استر ع زواجك بالسر ولا ع حملك منه ولا ع سواد وجههك يابنت عمي--
دانه تالمت لما دفشها طاحت بقوه عالارض: سعود ارجوك افهمني وربي انا ماحكيت لك الا لاني واثقه فيك انك راح تساعدني ارجوك انا ماراح امنعك م اي شي ابيك تحسبني كنبه او اي شي بغرفتك .. لا اشوف ولا اسمع وماراح احرمك لا بغيت تتزوج بس تستر علي شهرين وتطلقني وربي اخاف اهلي يذبحوني ...تبيهم يذبحوني ياسعود ارجوك ياسعود وانا ادري اني كرامتي اندست بس راح يكون معروف ما انساه امرني بالي تريده وانا راح اكون جاهزه لاي شي بس استر علي ..
سعود عوره قلبه لانها انذلت اكثر م اللازم بس اقهره اسلوبها وطيبتها الزايده الي خلاها ينضحك عليها بهالسهوله...تكلم وعيونه محمره م العصبيه: م هذا الي سوا فيك كيذا
دانه بخوف: ماراح تعرفه
سعود: ليش هو م اي ديره
دانه بدموع: سعودي
سعود بشويش مو حاب يخوفها اكثر: قولي اسمه يمكن اعرفه.
دانه وتلتقط انفاسها بسرعه م البكاء: يزي ... د احمد ولد عبد... المحسن ال......
سعود دارت فيه الدنيا: يززززززززيد
دانه بخوف: تعرفه!!
سعود: اييه لييه ما اعرفه وانا كنت ادرس معاه ايام الثانويييه..
وع طول ضرب ايده بالكرسي الي كان جالس عليه بقوه لين طلع الدم م ايده وصار يرجف م الصدمه
سعود بتهديد: لا تقولين لاحد بالسالفه انا راح استر عليك وهالنذل يزيد دواه عندي انا راح اربيه وراح اجبره بعد ما اطلقك يتزوجك ويتربئ ولدكم بينكم بس ماراح تكون السالفه بهالسهوله لازم يتعاقب...
وراح مشئ عنها وتركها تبكي وبنفس الوقت قدرت شجاعة سعود ووقفته معها


/


/


هيام اليوم خطبتها م خالد الي جاء هو واهله بيخطوبنها وهي فرحانه مرره وتتجهز وتلبس فستان احمر طويل وباكمام طويله بالدانتيل.. وروج احمر وكل شي احمر وشعرها الاشقر فالته كله كانوا اهل خالد ق وصلوا ومنتظرين يشوفون العروس... طلعت لهم هيام بصينيه العصير ام خالد كانت تناظرها واعجبتها تفاصيل هيام وابتسامتها المشرقه وكانت تساسر خالد وتقوله ان اختياره حلووو خالد كان يناظرها وقلبه يخفق مع كل خطوة تخطيها ويناظرها وهي حست بنظراته وتطنش،... وزعت لهم العصير وجلست ومن الخجل وجهها يشع ضوء ومحمر
وخالد وامه يناظرونها وكانت ام خالد تتكلم مع ام هيثم وتمدح في هيام وتوفيق خالد ف اختياره لها كلمتها ام هيثم انهم يعطون البنت اسبوع لتفكر وام خالد وافقت ..طلب خالد م امه انه عنده شوية كلام يبغئ يخبره للبنت وهي حجه ينفرد ويجلس مع هيام ووافقت ام هيثم انهم يجلسون بس شوي مع بعض
خالد فرح وجاته م الله قامت هيام ووهو تبعها للصاله الجانبيه وبدل لا يجلس مقابل لها جلس جمبها هيام ناظرته علشان يجلس مقابلها بس هو رفض لانه لو جلس مقابل لها راح يشوفون امه وام هيثم وهو يبغئ يجلس جمبها..
هيام ابتسمت وفهمت مقصده وسكتت وهو يمثل انه يبي يكلم: انا ابي اقولك بشروطي واذا مارحتي عليها ماراح نتزوج
هيام ابتسمت: وايش هي شروطك
خالد بابتسامه جذبت هيام: انك تحبيني وتهتمين فيني وابيك دايم كذا حلوه وتجنيني لاني ماقدر وقتها اسيطر ع هذا ....واشر ع مخه..
ضحكت هيام بصوت خافت علشان امها وام خالد لا يسمعون.. خالد وهو يقرب ويطبع بوسه سريعه ع خدها: لبسك حلووو ليت اليوم ملكتنا كان سويت شي ماتتوقعينه
هيام باحراج فهمت مقصده: عيييب
خالد وهو يهمس: احبك والله
هيام بحب: وانا اموت فيك
وهم يتغزلون نادتهم ام هيثم: اتوقع خلصتوا م الكلام الي تبون تقولونه الحينه شاركونا سوالفنا...ع قولتكم سوالف العيايز
ضحكوا هيام وخالد وانضموا لهم وبعدها جابوا لهم الخادمات ذيك العشاء تقريبا بوفيه وتعشوا ودردشوا شوي وبعدها خالد وامه راحوا و ع بعد اسبوع ترد هيام عليهم علشان يجهزون للملكه....


/


/


سمر بعدها تتصل وتتصل دون توقف وماحد يرد عليها وقلبها طايح بيطنها م الخوف..
بس ما استسلمت وظلت تتصل وشوي كانت ماره اخت عبدالله للغرفه قال لها اخوها سالم تطلع كم لبس لعبدالله واغراض مهمه له وهي تطلع الملابس وتحطهم بالشنطه سمعت جواله يرن وراحت تشوف مين المتصل لقت مكتوب عالشاشه الحب عرفت انها سمر اخذت الجوال وردت بصوت واطي: الوو
سمر بلهفه: الووو عبدالله وينك ..وينك خوفتني عليك
فاطمه اخته: انا مو عبدالله .. عبدالله بالمشفئ
سمر بصرخه: شووووو
فاطمه بسرعه: لا تخافين هو كويس
سمر تترجاها: ارجوج طمنيني عنه صارلي يومين اتصل مايرد علي انا احساسي يقول عبدالله تعبان .. بليز ودي اكلمه عطيني اياه ابي اسمع صوته واتأكد
فاطمه كسرت خاطرها سمر وعرفت انها مو تحب اخوها وبس الا تعشقه: انا مو بالمشفئ بس راح اخذ جواله ولما يصحئ راح اعطيه يكلمك وتطمنين عليه
سمر تتشكرها: مشكوره فديتج معروف ماراح انساه لج ياليت ماتتاخري عليي ترا قلبي مو متحمل انتظر اكثر ابي اتطمن عليه واتاكد
فاطمه بحب: مايصير خاطرك الا طيب لا ينشغل بالك هو بخير
سكرت سمر منها وهي تحس بارتياح شوي عالاقل سالت عن حاله وتاكدت انه حي هي مخاوفها وصلت تتخيل ان عبدالله ماصار بالوجود بس حست بالامل لما كلمت اخته وطمنتها عليه...


/


/



عند دانه قامت بصعوبه وهي مو قادره تمشي وتعبانه لما دفشها سعود بقوه وتحس راسها يلف وكانها راح يغمي عليها بس قاومت ودها توصل نفسها للغرفه وتريح وهي بطريقها وتمشي كانت تشوف الدنيا تلف وماقدرت تشوف وم التعب طاحت ... كانوا بنات عمها جالسين قريب م البركه وشافوها لما طاحت وع طول جوا عندها بسرعه وصرخوا ع عمانها يجون ياخذونها المشفئ ولما جاء ابوها وعمانها ياخذوها للمشفئ جاء سعود بسرعه يمنعهم وهو مرتبك لا تنكشف السالفه: لا تاخذوها اتركوها راح تصحئ
ابوها بخوف ع بنته: لا لازم ناخذها ونطمن عليها
سعود عادي عمي لا نامت وارتاحت راح تصحئ يمكن فيها ارهاق ومانامت م يومين
ابوها يعاند: الا باخذها الحين اخوها صار بالسياره وبناخذها سعود ماقدر يوقفهم وصار يضرب ببكفه وم التوتر صار يلعب بشعره ويخاف لا تنكشف وتتورط وقتها وش راح يسوون فيها

...........................


راحوا ابوها وعمها واخوها معها المشفئ وفالطريق بدت تفتح عيونها شوي ...ابتسم ابوها وبفرح: صحت
فرح اخوها وعمها وعرفوا ان البنت بخير ..
وصلوا للمشفئ ودخلوها للدكتور وخبروه انه طاحت عليهم مغمي عليها ويبون علاج لها
الدكتور قال لازم فحص عشان يتاكد يمكن عندها نقص بالدم
دانه ولما سمعت بالفحص قالت بسرعه وبلسان ثقيل: لا ما اب .. غئ اس.. وي فح .. ص
ابوها: يابنت لازم يسوون يتاكدون يمكن عندك نقص بالدم علشان يعطوك دوا
دانه بخوف: طيب
سوت الفحص وهي خايفه ومرتبكه وعيونها شوي وتحس بالدموع رغم انها تعبانه وراسها بعده يلف بعد نص ساعه طلعت النتيجه ودخل ابوها للدكتور وهي جالسه برا ومرتبكه وقلبها طايح ببطنها م الخوف وشوي شافت ابوها وعمها وجههم متغيره وكانوا جايين صوبها وهي م الخوف بدا قلبها يدق بسرعه وهي تناظرهم وتقرا افكارهم م نظراتهم
ابوها قرب لها ويناظرها بحيره وانكسار: اجل يطاوعك قلبك تسوين فيني كذا..



يتبع..

رد: ( رواية شلة بنات بالغربه)

قراءة ممتعه

رد: ( رواية شلة بنات بالغربه)

مبدعه كملي متابعه

رد: ( رواية شلة بنات بالغربه)

تسلمي ع رايك الحلو