ديوان الشاعر عبدالله بن عون

تقليص
هذا الموضوع مغلق.
X
X
 
  • الوقت
  • عرض
إلغاء تحديد الكل
مشاركات جديدة
  • *مزون شمر*
    عضو مؤسس
    • Nov 2006
    • 20337

    ديوان الشاعر عبدالله بن عون


    الشاعر / عبدالله بن نايف بن عون الرويس العتيبي



    قامة شعرية كبيرة وعلم من أعلام الشعر في الخليج
    لا أعتقد بأن هناك من يجهل عبدالله بن نايف ....
    من باب الإعجاب بهذا العملاق أحببت أن أضع بين ايديكم هذا الديوان المبسط
    وأعلم يقينا بأن ما سيقدم _ بإذن الله _ قليل ولا يفي عبدالله بن نايف حقه



    لقاء في قناة الريان مع الشاعر عبدالله بن عون





    قصيدة في سطام بن نايف بن عون _ رحمه الله


    ياهل الجيوب السارية دوروا لي
    خطا يوقف بي على بيت سطام

    ماوالله استانس اذا ضاق جولي
    الا اليا جاله على النار همهام

    اليا قام نجره يزعج الصوت حولي
    واحيا السمر بألحاق الابرام الابرام

    لو هو يذكرني قديم الفعولي
    اللي غدت مثل الهذاري والاحلام

    فعول الرجال اللي تشيل الحمولي
    نطاحت الكايد مفاريس الاخصام

    وليا ذكرت افعال هاك الزحولي
    ربعا تقافت دونهم جرد الاعوام

    اخذ شوي مغيبن في ذهولي
    يعرض لي الماضي كما عرض الافلام

    بأطياف ذكرى في خيالي تجولي
    تطوفبي بين الحقايق والاوهام

    دنيا تزول وماعليها يزولي
    الباقي الله وأفضل الخلق مادام

    ياحيف ياتفريقها للشمولي
    تنشر بيارقها على كل مقدام

    وتاطا كبار الجاه وطي النعولي
    لين القضا فيهم غرسنابه السام

    هذي منازلهم خليا تهولي
    ترثالها في هاك الايام الايام

    بلاقعا شهب خليا محولي
    تبنيبها هوج الدواليب الاسوام

    عقب الجهام وعقب هاك النزولي
    تقول محدن حل فيها ولاقام

    طرفي بدمعه يوم اجيها همولي
    تقرب محاظيبي ولاني بملام

    اذكر طربها قبل عشرين حولي
    قدام تزلف هاك الايام قدام

    ولو صرت من غارات سلمى زعولي
    اللي علي العقل تنفيذ الاحكام

    واعزي الخاطر بربعا بقولي
    هم نور عيني في غطاليس الاظلام

    لولا الاسود معقبين الشبولي
    عندي تغلق مصدر الانس بلحام

    لاجيتهم عقب البطى يسروا لي
    توسيع بال وضيع الهم الاكرام
    التعديل الأخير تم بواسطة *مزون شمر*; 29-02-2016, 05:53 PM.
  • *مزون شمر*
    عضو مؤسس
    • Nov 2006
    • 20337

    #2
    رد: ديوان الشاعر عبدالله بن عون

    ومن قصائده ايضا



    ياسعود كان انك تهدد على النوح
    تعال انا وياك ننعا هنيا


    تعال انا وياك ناخذ عن الروح
    عطني وانا بعطيك مما تهيا


    صبري وصبرك عقب فراج مشحوح
    ماعاد فيها يا البناخي كنيا


    ون كان صوتك شح والصوت مبحبوح
    خل انهتانك بالخفايا خفيا


    اون واتبع ونة الصدر بفحوح
    ولافرجة من ضيقت البال شيا


    ياطيري الليا ابرق الريش ذابوح
    مبعد على راس راعيه صبح وعشيا


    تعرضه يوم اظلم اليل ساموح
    وعليه ماسيت الفجيعه مسيا


    جيته على جثة احباراه مذبوح
    وامست همومي داهيتني دهيا


    و اصبحت انا عن نقلة الطير مصفوح
    ماعاد اللي في نقل غيره شهيا


    ماراح جعله مايعود على اللوح
    ولا عساه اليا رجع ما يحيا


    ليت النقيصه في الرواقي ومجروح
    وفي كل كابودا سواة الحديا


    وليته غدا وارجيه مع كل طاروح
    في المقبله يملابه الله يديا


    لو هو غدا ياسعود ماحسف الروح
    بس الحسوفه ميتته هالسويا


    وفراج مشروهه على كل ممدوح
    ياخذ قضاه اللي براسه حميا

    تعليق

    • *مزون شمر*
      عضو مؤسس
      • Nov 2006
      • 20337

      #3
      رد: ديوان الشاعر عبدالله بن عون

      ومن قصائده ايضا



      يا ماحلا لا ذعذعن الهفاهيف
      وقامت تناقرنا هبوب الصفاري


      وهب البراد ودوحت شوبة الصيف
      واوحيت للمقناص والطير طاري


      واللي يبي شمة هبوب الشفاشيف
      قام يتنبى للبيان الوزاري


      يدلى على حزم الجلاميد وطريف
      خطايطا فيها عواين حباري


      بعض العرب وده ولو جاه تكليف
      يسري ويصبح يم هاك المحاري


      الناس يقضون الاجازات بجنيف
      ونايف يمضي رخصته بالصحاري


      صحراء العيون اليا غدت كلها ريف
      عند الشرك ولا علاوي جداري


      لامن عساسه عطاه التعاريف
      وامسى عن اللي في حراويه داري


      نادى بقرناسا اليا حيف ماعيف
      فيه الحم الكدري وريشة قماري


      وجت للملامس وفيه ماقيل ياحيف
      مافيه عيب الا من الريش عاري


      وتوابعا مثل الرماح المعاكيف
      وامواس مثل مسللات الشباري


      طرح الشبك من نازحات المحاذيف
      جابه حدا العتبان ولا المطاري


      اما ولد مطلق ربيع المهاجيف
      ولا السليس دحيم ذيب الغداري


      جابه لشيخا يرتكي للتكاليف
      الله يجيره عن صدوف الجواري


      شيخا تلحفنا حسانيه تلحيف
      ماهوب عن حق الخوي بمتواري


      شيخا هواه لاحصل له على الكيف
      تعرض النسناس مع كل فاري


      ونقل الحرار وهدها بالاطانيف
      اما ضحى ولا وروك الظهاري


      وليا كفخ حل العصير الطهيريف
      ربدا مطيرها الرفيق المباري


      اوقف وتبعهن طويل الاطاريف
      حرا على بعد المطاليب ضاري


      الصافي اللي حاز حلو التواصيف
      لحاق عزام الحباري اجباري


      واليا انزعج ظاقتبهن المحاريف
      وتزبنن قوع الشجر والمذاري


      ومن عقب ماهن للعزامة مواليف
      قاموا عليهن يظربون البواري


      ومضواه في بيتا كما نايف القيف
      في صفح نزوا عايفتها الذواري


      اليا شيدوه اللي لبنيه معاسيف
      وحطوا مشب النار بين القواري


      نارا حطبها يشترى بالتجازيف
      عمال ماتلحق عليه اللواري


      نارا يصاليها دلالا مهاديف
      صهبا وصلوا النار فيهن مواري


      صهبا عليها الجور مامنه تخفيف
      زاما لها ليلي وزاما نهاري


      صفرا خنين بهارهن من ورى الليف
      يطرد عماس اللي من البعد ساري


      اليا درجوهن وادرجن العجاريف
      وكل أفلج بفعول طيره يماري


      اقفن هواجيس الظماير مناكيف
      والطير عن راعيه شال الطواري


      مع ظف اخو نورة بعيد الاشاويف
      شيخا بوسع الخلق ماله مجاري


      ولاني بفاخر وتفاخر بتزييف
      الا..ولالبس من ثياب العواري


      افخر بحكامن حموا نجد بالسيف
      والشعب اشادوا مستواه الحظاري


      وافخر بقرب اللي بعيدا عن الحيف
      شيخا بعدله بيننله شواري


      ومدحه ماهوب خراط ولاتواهيف
      عن عرف والكاذب لعله نياري

      تعليق

      • *مزون شمر*
        عضو مؤسس
        • Nov 2006
        • 20337

        #4
        رد: ديوان الشاعر عبدالله بن عون

        وهذي من قصائده المشهوره


        شعتني علوم الصيف وارقلت للمسناد
        ولاعاد يعذل واحد طافح شبله

        ابي عبلة ضافي عليها كما السجاد
        ديار يرود عدودها من يحب ابله

        ولاعاد لي من يوم سال الشفا مقعاد
        عتيبي وداري فوق ونحيتي قبله

        مادامه وكد لي سيل وادي قليب عناد
        انا ويش يحرمني شفا نجد والعبله

        ابتبع هوى وضحا تحط البيد سناد
        لها غير زين طبوعها خدة قبله

        ليا سمعت الحادي نده ندهة الميراد
        تقود اول الزعجول لول وتقرب له

        ابيها ترفع فوق عن ساخن الانفاد
        وتجي في فياح كل مصلاح يطرب له

        انا في الديار الطامنه في تعب وجهاد
        على كثر مرعاها مداخيلها خبله

        عساها يساقيها المطر ديرة الاجواد
        ولابيها لون ثمامها ينقلب ربله





        مجاراة الشاعر سعد بن جدلان الاكلبي لقصيدة بن عون




        شعتني قصيدة شاعر عذ ب القصاد
        ماحد يستلذ السالفه لين تنسب له

        علومك يا بو نايف قراح على الأكباد
        لكن تجرح قلوب مع الوضح منهبله

        مواليف وضح كنها وضحى بن عباد
        لا شافها راعي الدبش طيرت شبله

        تواغض مع الريضان كنها خيام أسياد
        لونها بعيد بادي الرجم تقرب له

        أو حمى مغاتير مقاديمها شراد
        هريب السحاب اللي تواليه منسبله

        قبلها ليا من المناره سناها زاد
        قبل الاشهب المرشوش لا فضوا اصطبله

        عنقا مارق نسنوسها سدوها منقاد
        مع طول خدتها خراطيمها سبله

        شناح طفوح شبلها دايم خداد
        لونها مع ذود ابن عمي خذيت ابله

        لا ضاقت براعيها الوسيعه بكل بلاد
        يحوم و كبده من هل المدن مندبله

        لا منه نطحها عصر و لا هجد مهجاد
        ليا شافته قامت ترازم ترحب له

        هذي تنطحه تبغى تقبله جد عماد
        وهذي تنهب شماغه و هذيك تلعب له

        و الله ما يهني من حكم عاصمة بغداد
        اللي له مزامير الفخر تضرب الطبله



        مجاراة الشاعر محمد بن عباد لما سبق



        جذبني صدى صوت تلاحت به الأطواد
        يتعب هواة الشعر بعده و من قبله


        صدى صوت عراف لشعر الأدب رواد
        منابع عيون الشعر و الكلمه الذبله


        تلاحوا على وضح عليها العيون حداد
        ولوف على صوت الموده تراقب له


        دقاق العنوق اللي خراطيمها وراد
        على حب راعيها شغوف و منجبله


        تقدم لها بن عون في وصفها نشاد
        و شعا الأكلبي و الأكلبي تلني حبله


        و انا قبل صوته ماشي في الطريق حياد
        على ما تقول الناس كل على هبله


        و بعد زعزع الوضحى فلا عاد لي صداد
        سلولي و قلبي طاري الوضح يرغب له


        ابتعب واحاول لو لحقني عنا و انكاد
        على منهج ما كل قاف يناسب له


        و انا في هواها مغرم هايم منقاد
        لو اكثر علي اللوم في حبها الابله


        اوقع لها بالعشر واشهد الأشهاد
        انه لاعب بي حبها لعبة السبله

        تعليق

        • *مزون شمر*
          عضو مؤسس
          • Nov 2006
          • 20337

          #5
          رد: ديوان الشاعر عبدالله بن عون

          قصيدة فى سموالشيخ : راشد بن مكتوم



          لى ذوق والعالم كذالك لها ذوق
          وذوقى عن اللى ما يجوز إمتناعى

          وإليا لقيت بضاعة ترفع السوق
          فى مشتراها أبذل جميع المساعى

          ولا بعد سيست لى ساس طاروق
          ألا على الجال العزاز الرفاعى

          وفالاتجاة اللى جذبنى له الشوق
          ركزت ثاقب نظرتى وإطلاعى

          من عام هجسى يتجه شرق ويتوق
          مثل النداوى يوم يدعيه داعى

          وبعد وردنى داعى الشيخ مسيوق
          نكسب شرف تنفيذ الامر المطاعى

          وأصير أنا السابق ولا نيب مسبوق
          من نجد والمنصى وزير الدفاعى

          فالديرة اللى شانها شامخ فوق
          فى ظل حاكمها طويل الذراعى

          الشيخ زايد جارة الله من العوق
          اللى دقم عنها سنون الافاعى

          أسس دعايمها على متن شاهوق
          وحافظ عليها عن جياع السباعى

          لين أصبحت تزها فلانظار وتشوق
          وتأخذ هموم اللى بعينه يراعى

          خلا صحاريها بساتين وعذوق
          فالصف الاول فالمجال الزراعى

          وأرجع لوصف دبى عن عد مأثوق
          يعدله عد يشد إستماعى

          يقول فيها رونق العز مرموق
          بأمان ومن المفترق والجماعى

          مكتوم بجهودة تسامابها فوق
          بسير حثيث ما وراه إنقطاعى

          والشيخ أبو راشد حضنها عن البوق
          وبين الدول وضح صداها الاذاعى

          ويوم اهتمامه صار فى جيدها طوق
          تميزت فى مجتمعها السباعى

          مثل الهنوف اللى لها القد ممشوق
          اللى نسبها يشترا ما يباعى

          درت خليج ما سلبها بمفتوق
          لامجاد أهلها فى سماها شعاعى

          وحنا نصيناها بمفتاح صندوق
          صدر لاهلها به ر حب وإتساعي

          حب الوفا لاهل الوفا ساقنى سوق
          غير الوفا والقدر مالي دواعي

          الأ عزيمه باسم برقا وإسم روق
          ونبا نكررها نهار الوداعى

          من شان تأخذ فى هذاليل ساحوق
          أيام بين جبال نجد المقاعى

          لجا على أعلا نجد رعاد وبروق
          والسيل ضاقت به بطون التلاعى

          ومعك أشقر جبر العضا مابه دقوق
          قرناس ريشه مثل ريش المراعى

          مطروح أول نزلت الطير بسبوق
          يعجبك وجهه لا خذيت القناعى

          اليا صفى وجهه على الطلع بصدوق
          وجه الشجاع اللي بحقه يداعي

          يرهى على برقا الجناحين بلحوق
          ليا شافها فاعت على البعد فاعى

          وتدوج ومضحاك فى جال مشقوق
          ومضواك فى بيت الشعر والشراعى

          فى خايع بيت الشعر فيه مطقوق
          يبنونه اللى ينهضون الرباعى

          ويعرض عليك أصناف من خيرت النوق
          وضح مراثمها عليها الرقاعى

          وضح لنا فيها ملذات وطروق
          معها نجوب فجوج نجد الوساعى

          فيها أوضح من طلعت سهيل مطلوق
          أما على الاثناى و الا رباعى

          عليان من عليان فيه أصل وعموق
          مثل الذهب ما يلحق أصله نزاعى

          وان كان جازت لك فلا عنك مفهوق
          حيث أنها ما غير عبر ومتاعى

          واللى لهم مثلك مواجيب وحقوق
          ما هيب غاديت علينا ضياعى

          يالشاعر اللى لك بالامثال غدروق
          طرايف مثل الدوا للوجاعى

          ما حاورت بيت من الكتب مسروق
          جوعا الهزاله بالجزاله شباعى

          وبينك وبين الطيب ميثاق وعموق
          أما قرابت جد ولا رضاعي

          وسلم ودم ما شعشع النور بشروق
          ويدوم عزك ياحميد المساعي

          تعليق

          • *مزون شمر*
            عضو مؤسس
            • Nov 2006
            • 20337

            #6
            رد: ديوان الشاعر عبدالله بن عون

            ومن قصائده المشهوره



            يامل قلب يسج أوفيه دولاجه
            من واهج بالضمائر قام يدرجها

            مغير أسير تقول امضيع حاجه
            واخذ وأسند علي روحي وأهرجها

            وادوج لو كان ما رجلي بدواجه
            أدله النفس ليه الله يفرجها

            في معزل عن كثير الخلق وازعاجه
            ما سمع من الناس لو تكثر لجالجها

            يالله ياللي بيدك الضيق وافراجه
            ياخالق الخلق ياقاضي حوايجها

            تفرج لعينا إلى غفت بسوهاجه
            تجهز عليها الطواري لين تزعجها

            بالصدر ضيقه ونوم العين هملاجه
            عينا من العام والسهر أمتولجها

            نوم سهرها شديد ونوج سهاجه
            ونوج تكن الدموع ونوج تزعجها

            عليك ياللي بقلبي كأن وهاجه
            وهاج نار هوا الغربي يسارجها

            راعي ثمانا كما الياقوت لعاجه
            كن البرد يوم يضحك في مفالجها

            يا روح روحي وزع القلب وانتاجه
            الطف بروح عليك الهم ساهجها

            وشي ينفعك من حنين القلب واخلاجه
            وجروح أسبابها انت ولا تعالجها

            أما التفتله وتم الوصل بمواجه
            والا بلا عشرة هاذي نتائجها

            تعليق

            • *مزون شمر*
              عضو مؤسس
              • Nov 2006
              • 20337

              #7
              رد: ديوان الشاعر عبدالله بن عون

              ومن قصائده ايضا




              يا راعي الغر العذاب المباهيش
              رش الكبود اليابسه عن عطشها

              دنق علي وطمن الراس بشويش
              واحي العروق الذابله وانتعشها

              حبك ينهش ثومة القلب تنهيش
              نهش الحنيش لعرش رجل نهشها

              واهل الهواء في سجن غيك دروايش
              وقلوبهم وجلانه من دهشها

              من ذاق من خمر السوالف بخاشيش
              يبطي وروحه معتلقها بلشها

              ولا تستمع في هل الحكا والوشاويش
              ناس انقيلي الناميم دبشها

              يا خشف يم ذار واوحي شوابيش
              بدوا طلوع الشمس ذاره وغشها

              والعين عين اللي جسر عقب توحيش
              امير بيتي الحرار اوحشها

              طرح الشبك ما قبلوه الطواريش
              ولا قرنسوه اهل العشش في اعششها

              وحش وجاي من بعيد المناطيش
              عوق الخريش اللي طياره خرشها

              لا قام ياخذ من طرق ريشها ريش
              واليا قضا لعبه عليها لكشها

              جابوه من عين الشمال الهماميش
              ابرك لهادي طرشة قد طرشها

              جابوه لمثمن طويل المطاريش
              شيخ قوانين العرب ما دغشها

              محمد عشير منقضات العكاريش
              نجل العيون اللي ملاح بهشها

              ومهدي للي براسه نغاميش
              لا شوشت حيات الارض وحنشها

              محمد مقابل قاصده بالتباهيش
              وملفي الرجال اللي جميله غطشها

              ودايم وبيته مدهل للمداغيش
              وكم روح معسور بجوده نعشها

              لا يبعد ناس تكبر على ويش
              لاشافت الناصي تلوت خششها

              لو يملكون ارقام الاموال حتيش
              در الحماره دوب يكي جحشها

              وروس الضبا ماذكر فيها عراميش
              لو هي على الزيله كبار شوشها

              تعليق

              • *مزون شمر*
                عضو مؤسس
                • Nov 2006
                • 20337

                #8
                رد: ديوان الشاعر عبدالله بن عون

                وله ايضا



                يامل عين يعل الجيب ذارفها
                اربع وعشرين ساعه تهجل اهجالي

                والنوم يا دحيم عايفته وعايفها
                دارت سنتها على سهر وتملالي

                مدري على النوم عيني وش مكلفها
                للسهر في نونها ممسى ومقيالي

                واللي جعل نوم عيني ما يوالفها
                واهج لهيب الغرام اللي برى حالي

                واحالي اللي طهوم الشوق ناحفها
                ماباق الا عظام جسمها بالي

                عليك ياللي غلاك الروح متلفها
                ياللي محلك بوسط القلب نزالي

                غلاك نفسي عن الخفرات صارفها
                لو يجمعن لي من اولهن الى التالي

                لك سيرة بالمحبه ما اقدر اخلفها
                لو هي سبايب سهر عيني وغربالي

                الا رجا ساعة ما اقضي حسايفها
                والا على السنه السمحا تهيالي

                رجعت للسالفه واحييت سالفها
                اللي يقولونها في ماض الاجيالي

                اللي سبب موت ضيف جديع ماقفها
                حيث ان ذباح ضيف جديع يبرى لي

                تعليق

                • *مزون شمر*
                  عضو مؤسس
                  • Nov 2006
                  • 20337

                  #9
                  رد: ديوان الشاعر عبدالله بن عون

                  وله ايضا

                  مع هجعة اللي يختفون أول الليل
                  الغايبه دايم يغيبون معها
                  النفس تاقت للسمر والتعاليل
                  والعين أشوف النوم خالف سنعها
                  وطاب الجلوس بجانب النار ياشعيل
                  وحط الحطب في ترعة من ترعها
                  وإليا استوى للجمر فيها دحاميل
                  وأقبل تواهجها وقفى ولعها
                  درج على المحماس من غير تعجيل
                  برية دوب اليماني قطعها
                  أول قطاف سفوح شم الأقاذيل
                  اللي جذا حوم الوحش عن فرعها
                  شم يساقيه السحاب بهماليل
                  لين يتحدر سيلها مع تلعها
                  وترى لحمستها نظام ودواليل
                  وشريعة يمشى بأثر من شرعها
                  أول بدايتها مدافع مخاليل
                  ومسرى جماميل بغالي سلعها
                  وسوق كما سوق الجمال المحاميل
                  مازال حموى النار ماقد لذعها
                  وإليا تطلق من شذاها زعاجيل
                  وبشت عرق واللون الأشقر نشعها
                  فالحال سهلها عن النار تسهيل
                  حتى لظى المحماس ما يدرعها
                  وغير لها يا شعيل مسرى الجماميل
                  بطراد زلبات تزايد فزعها
                  تدريجة الحيران ومطارد الخيل
                  هذي طريقة حمسها واتبعها
                  وعقبه تميلها على النجر تمييل
                  جذاب روس القوم من منتجعها
                  عوايد له من على سالف الجيل
                  ماهي حديثه تونا نبتدعها
                  ومن يوم تنعمها فدوك الدعابيل
                  فوق أصهب اللون الربيب تهزعها
                  وتضبط قياس الماء لها بالمكاييل
                  ضبط الخبير لصنعة مخترعها
                  ومن يوم تقطع خلها مثل ما قيل
                  ترخي على هدفى السبيل مخذعها
                  مبهارة تذعر بغالي التشاكيل
                  طب العماس إليا تيسر تبعها
                  صفرا كما القنديل حسنا تعازيل
                  من صنعة رسلان الأول صنعها
                  إليا دارها اللي يعتني بالمعاميل
                  وفاحت وبالفنجال الأول ردعها
                  وفيها تساوت خنة البن والهيل
                  والنفس دافعها عليها دفعها
                  قم صب لي ياشعيل منها فناجيل
                  على سنا ضوء تهادى ولعها
                  أظنها يامال طول التماهيل
                  تقلع همومي كان ربي قلعها
                  وتفتح لها أبواب بصدري مقافيل
                  وتجمع لي أفكار تشتت ضيعها
                  واخذ بها عن ضيقت البال تبديل
                  وصروف دنيا ما مشت مع سنعها
                  دنيا تصيد بالشبك والمحابيل
                  ناس تسايرها وناس تخدعها
                  أحد تجي له بالرضا والتساهيل
                  وهو لو تعب في جمعها ما جمعها
                  وأحد ركابه مقفيات مقابيل
                  ولاباب والا نافذة ما قرعها
                  وتعطيه قاف إليا طمع بالمواصيل
                  وينكف معيف وسامح من طمعها
                  دنيا تقذل سبق الحر تقذيل
                  وتوهنه في ربعة من ربعها
                  لو قد مضى له من شقاها غرابيل
                  يوم الحرايب مظلمات قطعها
                  يوم الطلوع ابها على الهجن والخيل
                  ما قد فهق عن طلعت ما طلعها
                  ويوم استقرت وأغدقت بالمحاصيل
                  صارت منافعها لمن لا نفعها
                  عقبانها تمسي قوايا مواجيل
                  والمستفيد غرابها مع مرعها
                  واللي مسار أمورهم بالبراطيل
                  واللي متى ما وافقت له بلعها
                  ومن ذاق در المرزمات الأباهيل
                  أما حلبها حلب وإلا رضعها
                  وحصنيها يرقص على هزت الذيل
                  ولو يجتمع قدمه سباع سبعها
                  ولا عندنا ياشعيل للعوج تعديل
                  مازال ممشاها على العدل أطعها
                  وإن شفتها قامت تجانف على الميل
                  بأردى ثمن عند أول السوم بعها
                  واستثن منها قومت باخر الليل
                  في حزة كل يحب يهجعها
                  إليا جاء لثلث الليل الاخر تراتيل
                  وقامت ملائكة الرضا قمت معها
                  في ساعة تكبيرها والتهاليل
                  يجنى ثمار عذوقها من زرعها
                  وخل اجتماعك بالرجال الحلاحيل
                  اللي خيار المجتمع مجتمعها
                  ولا تبدي الشكوى ولو ضامك الشيل
                  الا على رجل يحس بوجعها
                  رجل إليا التفت عليك النشابيل
                  أما شبرها شبر وإلا ذرعها
                  واختار مفتاح للأرياء المقافيل
                  روس العلا يرقيك في مرتفعها
                  ومن الزمان اخذ العبر بالرحاحيل
                  اللي منازلهم تهاوى بقعها
                  يافجعتي لاجيت بعض المداهيل
                  ولا شفت فيها عقب حي رتعها
                  إلا رسوم دارسات مساميل
                  وخرايم يزمى السراب بشمعها
                  بلاقع شهب تهاوى زهاليل
                  ألظاهر أن اللي فجعني فجعها
                  من عقب أهلها لو سقتها المخاييل
                  مالله نفعها وبركتها نزعها
                  لاجيتها جضيت من قلة الحيل
                  ودنياي عندي ضاق بي متسعها
                  على حلاحيل تضد الرجاجيل
                  حصن ماعاد إلامقالع شيعها
                  السته اللي يستحقون تفضيل
                  النفس وين أرض بعدهم تسعها
                  عاشوا على الدنيا كما رافد النيل
                  بنفوس ما سيطر عليها جشعها
                  ولا قلت قول مامعي منه تذبيل
                  يا مذيعها للناس إخذها وأذعها
                  وحق القبايل ما أعترض له بتقليل
                  الناس ما أظلمها ولا أنقص وزعها
                  فيهم مشاكيل وفينا مشاكيل
                  ياما من الأخيار معنا ومعها

                  تعليق

                  • *مزون شمر*
                    عضو مؤسس
                    • Nov 2006
                    • 20337

                    #10
                    رد: ديوان الشاعر عبدالله بن عون

                    ومن قصائده








                    يادار مريتك وأنا مبطي عنك
                    علمي بشوفك يوم الأيام هاذيك
                    يوم إن ربي بالطبيعه مزينك
                    وحنا نسج أقدامنا في مناهيك
                    نبني كبار بيوتنا في دفاينك
                    ونصيد غزلانك ونطرد حباريك
                    وعقب الجفاف اللي شهابه مشينك
                    يضيق صدري كل ماجيت ناصيك
                    عسى مراويح السحايب تلينك
                    عقب الحفاف اللي أعوام واطيك
                    ضلع الينوفي برغباه متحضنك
                    ومن غرب كن هضاب سفوه تناديك
                    وسلطان يوم إنه للأنظار بينك
                    ذكرني اللي قد مضى من لياليك
                    وحاشتني العبره عسى القوم تسكنك
                    وتفتحت بيبان صدر مصاكيك
                    وغازي ذكر له نبذة عن محاسنك
                    يوم إن ربي من عطاياه معطيك
                    يوم إن أبوفيحان مضف على أيمنك
                    مهابة تكسي سحيله وتكسيك
                    وأبو سعود اللي يقدي ضعاينك
                    ويتيه البوش العفر في مضاميك
                    واليوم يادار الشقاء مكسبي منك
                    تكديرة الخاطر ليا جيت ناصيك
                    ماعاد أبي شوفك ولاعاد أواطنك
                    وأبو زناده بارك في مثانيك

                    تعليق

                    • *مزون شمر*
                      عضو مؤسس
                      • Nov 2006
                      • 20337

                      #11
                      رد: ديوان الشاعر عبدالله بن عون

                      من قصائده



                      الله من قلب رمع فيه رماع
                      وأخلف يمومه عن طريق التسانيع
                      هجس رمع ماله عن القلب فراع
                      علي غاراته تشن المفازيع
                      مركز بنوده بين محني الأضلاع
                      ليا ناموا العربان سوى مشاريع
                      يشري بقلبي كل ليل ويبتاع
                      وله الجوارح خاضعات مطاويع
                      أسباب ورق بالتغاريد سجاع
                      طرب على روس العياد النعانيع
                      ورق غناه من النياحه به أنواع
                      صوته يزيد ملوع القلب تلويع
                      يا ورق كف غناك مال الطرب داع
                      ياشين مالك في عذابي منافيع
                      هو ليه يوم تروجع الصوت روجاع
                      قصدك تزيد مولع القلب توليع
                      إن شفت من قلبه جزوع ومولاع
                      على النياحه لاتوريه تشجيع
                      أسهرت عيني والمخاليق هجاع
                      وذكرتني خل بعيد المراميع
                      راعي جديل فوق متنه إليا إنداع
                      كنه شليل اللي تتل المصاريع
                      ليا جا نهار فيه صايح وفزاع
                      والخيل بأطراف الجهامه شواريع
                      بيوم مثل يوم الرحى عجه أمزاع
                      نهار أخو نوضا يفك المجاميع
                      مخلي سروج الخيل من كل صعصاع
                      عقايره سرد الرمك والمداريع
                      كم راس شيخ دق به روبة القاع
                      وخلي عشا لذياب نجد المجاويع
                      يدلي بهندي للأرقاب قطاع
                      في روس ضده غاديله لعاليع
                      سيف شقير ويامره قلب وذراع
                      ضربه يطوع مخطي الدرب تطويع
                      يومه على ضده مخاييله أتباع
                      نهار يفرق شملهم عقب تجميع
                      غيمه عجاج الخيل غاره ومرجاع
                      وشمسه بواريق السيوف اللواميع
                      يشيب منه اللي على الديد رضاع
                      يوم العذارى من ذهلهن مفاريع
                      لا والله ألا صاحبي شد نجاع
                      بيني وبينه يهرع الذيب ويريع
                      عنه أتحذى العلم مع كل ذعذاع
                      أنشد ولاعينت للعلم تسنيع
                      عليه أصابتني عواريض وأوجاع
                      نار الغرام تميع القلب تمييع
                      أتلى العهد به يوم مظهوره إنزاع
                      جلع ضعنهم طلعة الشمس تجليع
                      بدو يبون بشرقي النفد مرباع
                      ولهم على أطراف الصداوي مراميع
                      راحوا بعد حطو على الكبد مرقاع
                      وعسى لهم من عقب الإقفا مراجيع
                      ليا من نبت الصيف جاله تمرياع
                      وأضفى على روس العبال المصاليع
                      ليا حف زملوق الطواليع وإنصاع
                      وأقفا خضار النبت حتى الطواليع
                      والأرض صفرا عودها والثرى ضاع
                      وإستبدلت عقب الخضار البلاقيع
                      وجونا تباريهم زهازيم الأقطاع
                      كنه يقلطهم عقيد الطماميع
                      أقفا الربيع وعودوا للشفا أرياع
                      لعلو نجد اللي هبوبه ذعاذيع
                      ليا من نبت الصيف جاله تمرياع
                      وضفى على هاك العبال المصاليع
                      اللي طويل عدودها عشرة ابواع
                      وأقذالها مثل الطيور المواقيع
                      يزمي بها طافح سراب ليا ماع
                      كنه من القصدير ياخذ تلاميع
                      دار بها تركي ومحسن وهزاع
                      من حبها مال الثلاثه مناجيع
                      ماكفت البره وجزعا وجزاع
                      وأجنب جنوب إليا القهب والمجاضيع
                      ولهم على منثورة العرق مرماع
                      هاك النفود اللي غضاها مهانيع
                      أظني أضرب للغظي درب الأسناع
                      وأشوف زوله عقب صد وتمانيع
                      وفي غير شوف العين مانيب طماع
                      ليا حصل لو هو سلام وتوديع

                      تعليق

                      • *مزون شمر*
                        عضو مؤسس
                        • Nov 2006
                        • 20337

                        #12
                        رد: ديوان الشاعر عبدالله بن عون

                        وله ايضا






                        أنا غرب واللي خاطري ينتحيله شرق
                        بعيدا وطن مظنون عيني عن أوطاني
                        حصل في غروب الشمس بيني وبينه فرق
                        عسى الله يقرب دار من حبه اشقاني
                        اليا جا لذيذ النوم يسرق عيوني سرق
                        ذكرته بعيد وعافت النوم الأعياني
                        الا يالله انك لاتجاز الحمام الورق
                        وراه يتلاعى بالطرب لين يشعاني
                        وراه يتلاعى لين عناني بحلو الطرق
                        من الولف اظنه جاين الورق ماجاني
                        من أربع سنين ومهجة الروح فيها حرق
                        نتيجة ندب عين سهمها تمثناني
                        وساع العيون الساحرية طعنهن زرق
                        لها نظرتن من صابته طاح وجعاني
                        سقا الله ليا قام يتكاشف علي البرق
                        وأنا اشوف زوله بين ربعي وخلاني
                        تفتح لعيني يوم أشوفه وساع الطرق
                        وانا قبل اشوفه مثل يعقوب عمياني
                        تهشم نظيره من هميل الدموع الزرق
                        عمي لين جابوله قميص ابنه الثاني

                        تعليق

                        • *مزون شمر*
                          عضو مؤسس
                          • Nov 2006
                          • 20337

                          #13
                          رد: ديوان الشاعر عبدالله بن عون

                          وله ايضا

                          الله من قلب الى منه أدوى
                          يدلج به الهاجس كما يدلج الطير
                          عسى ماهيب إدوايت القلب عدوى
                          وجاين لها بدلاجة الطير تأثير
                          قلب يحب البدو قبل إيتبدوى
                          ويشاعفه مسنادهم والمحادير
                          وقد صار له معهم رواح وغدوى
                          وقد ساق له معهم قطيع مغاتير
                          واليوم ممشا البدو من دون جدوى
                          تطرق سهال مابها إلا المعاصير
                          والغيث عنهم نوب قام إيتعدوى
                          وحاجاتهم عيو عليها الهوامير

                          تعليق

                          • *مزون شمر*
                            عضو مؤسس
                            • Nov 2006
                            • 20337

                            #14
                            رد: ديوان الشاعر عبدالله بن عون

                            ومن قصائده :

                            شعتني علوم الصيف وأرقلت للمسناد
                            ولاعاد يعذل واحد" طافح" شبله
                            أبي عبلة" ضاف" عليها كما السجاد
                            ديار" يرود عدودها من يحب إبله
                            ولاعاد لي من يوم سال الشفاء مقعاد
                            عتيبي وداري فوق ونحيتي قبله
                            مادامه وكد لي سيل وادي قليب عناد
                            أنا ويش يحرمني شفا نجد والعبله
                            أباأتبع هوى وضحا" تحط اللبيد سناد
                            لها غير زين طبوعها خدة" قبله
                            ليا سمعت الحادي نده ندهة الميراد
                            تقود أول الزعجول الأول وتقربله
                            أبيها ترفع فوق عن ساخن الأنفاد
                            وتجي في فياح" كل مصلاح يطرب له
                            أنا في الديار الطامنه في تعب وجهاد
                            على كثر مرعاها مداخيلها خبله
                            عساها يساقيها المطر ديرة الأجواد
                            ماأبيها لوإن ثمامها ينقلب ربله

                            تعليق

                            • *مزون شمر*
                              عضو مؤسس
                              • Nov 2006
                              • 20337

                              #15
                              رد: ديوان الشاعر عبدالله بن عون

                              مرثية في حاتم عتيبه الشيخ عبدالعزيز بن جامع رحمه الله

                              يالله ياللي كلنا منك واليك
                              ماتأخذه منا وما أبقيت منا
                              ياواحدا كل البشر بين اياديك
                              اجبر عزانا في فقيد وطنا
                              ولاهوب انا اللي يابوخالد مسميك
                              سماك أبو متعب زبون المجنا
                              الوافي اللي ماتجاهل مساعيك
                              عبدالله اللي يدحم الضد عنا
                              يوم العزاء شارك لنا في تعازيك
                              رغم أرتباطه وأنشغاله تعنا
                              عقب الوفاء الماضي مهوب متناسيك
                              جعل الليالي فيه مايفجعنا
                              والأسره اللي شاركوا بالعزاء فيك
                              جو للمواسى فيك منا ومنا
                              مرحوم ياشيخ قبيلتك تغليك
                              وتشكر جهود فيك مايجحدنا
                              أقصى القبيله كنه أدنا بنيخيك
                              ميزان عدل من رجح له تهنا
                              ياكثر ناس شاملتهم حسانيك
                              من صافحنه بيض أياديك غنا
                              عقب المتاعب والضما والتهاليك
                              هذي فللهم فالمزارع تبنا
                              وياكثر مداحك وياقل شانيك
                              وياكثر صداتك للاخصام عنا
                              واللي من الأجناب يسمع بطاريك
                              امسى بعد فقدك يون ويحنا
                              وعسى عوضنا يوم قفت لياليك
                              فالسته اللي سيرهم ماتونا
                              تنهج مناهيجك وتمشي مماشيك
                              وتدرى مشاكلنا وتقدي ضعنا
                              السته اللي رافعتهم مجانيك
                              عز القبيله واومرانا واهلنا
                              أنته مناديهم وخالد مناديك
                              وحنا بعد شوف النتايج ظمنا
                              ان المناهج مع مناهيج أهاليك
                              مناهج راياتها يرفعنا
                              وختامها الله بالتسامح يجازيك
                              ويحسن ختامك يافقيدة وطنا

                              تعليق

                              يعمل...