رد: روايـه ( و حبيت الحـيـاه عـشـانك )

(( بارت 34 ))






قفلت افراح باب الغرفه .. و حطت يدينها ع وجهها و بكل خجل تخيلته و هو يقول نفس الكلام الي قاعد يدور ف بالها لين الحين .. ابتسمت ابتسامه عريضه و بكل خجل عضت شفتها و قالت : انا .. يحبني انا ..،
فتحت شعرها عشان تلمهم ثاني .. بس افتكرت انه عبدالله رايح طارت ع الشباك عشان تشوووفه .. وقفت قدام الشباك و شعرها الطويل مفروود و متناثر ناظرت فيه وهو بكل اناقته كان لابس لبس العسكريه تبعه .. حط الشنطه ف السياره و قبل لا يجلس ف السياره ناظر ف الشباك .. شاف افراح و ابتسم .. ، افراح ابتعدت و هي خجلانه .. جلست ع السرير و بديت تفكر .. ( معقووووله .. !! ولد عمي عبدالله يحبني .. و من متى .. ؟ و كيف ..؟ و ليه.. ؟ امممم ههههههههه مجنونه انا .. زيما وليد يحب افراحح اكيد زي كذا حبني. . و زيما ليان تعشق بدر .. صحح .. ، عبدالله انتظرك .. ))
افراح بعد لحظات قامت و لمت شعرها .. و ناظرت ف الشباك تاني شافت مافي ولا سياره و عبدالله راح .. حست شووي بحزن و بعدين افتكرت كلامه .. و ابتسمت .. ،


الساعه 11 و نص .. افنان و ناصر رجعووا البيت .. افنان كانت هالايام ماتكلم وليد كثير و بالاصح من بعدما وليد خبرها عن القرار الي قرررته امه هي ماصارت تتصل عليه .. ، و وليد بعد ماكان يتصل و كان متضايق هالايام و يفكر بالحل المناسب .. للمصيبه الي جت ع راسه .. ،
افنان غيرت ملابسها و رقدت ع سرير و بكل تعب غمضت عيونها .. و بديت تفكر (( اخاف افقدك و انا مابي افقدك و خاطري فيك.. !! اخاف تضيع مني و انا مابي اضيعك .. ، حبيتك حيل لدرجه نسيت كل شيء بحياتي .. كل احلامي ربطتها معك .. حرام يصير شيء يزعلني حيل .. حرام بعد كل ذي الذكريات و الايام الحلوه نفترق و نترك بعض .. لا مستحيل .. باقي عندي امل ... ماراح افقد الامل بهالسرعه .. اثق ف حبي لك و ف حبك لي .. )) افراح قطعت افكارها و بكل حماس و هي مبتسمه و خجلانه : افنان .. ، افنان بفجعه و هي تجلس : وشش فيك. . ، افراح جلست قبالها و بكل خجل : عبدالله راحح .. ! ، افنان : روقيني يافراح وش الداعي انك تنبسطين من روحته .. ، افراح : خبله. . ، افنان : شنو خبله و انتي خجلانه حيل وش صاير .. ، افراح : امممم وش اقول و كيف اقوووول مستحيه وربي .. ، افنان : قوووولي حيرتيني .. ، افراح : اممممممم ع ع عععبدالله قال انه هو حبني .. ، افنان بأستغراب : اما يووووه خطير و لا بان منه انه حابك و يبيك اوخص ي عبدالله طلعت طايح بالحب بعد. ، افراح بخجل : و قال بيجي مع مامته يزورنا و يطلب يدي .. ، افنان فجأه حزنت و سكتت شووي و قالت : اها و انتي وشش رديتي ..؟ وش فكرتي ؟ افراح : مجنونه مارديت جريت و جيت غرفتي .. ، افنان بطفش : هبله كنتي تردي انا بعد حابتك .. لو انا بمكانك ماخليه يروووح وهو ماسمع ردي .. ، افراح بخجل : مادري خجلت بقوووه حسيت قلبي طاح قسم ماعرفت وش اتصرف حتى ماكلمته قبل يرووح و حتى امي لمن سألتني قلت لها راح و ماقال شيء ، افنان : تجيبين العيد انتي مفهيه طول وقتك .. ، افراح : هف وش اسوووي للحين مو مصدقه .. اتخيله و مو قادره انساه لحظه وحده و كلامه يدور ف بالي .. ، افنان بحماس : يعني حبيتيه .. ؟؟ ، افراح وهي مفهيه : هاه لا ممممددررري .. ، افنان : طسي ي خبله بعد ايام راح تكتشفين انك طايحه بحبه بعد .. هذي اعراض الحب. . ابشرك. . ، افراح : مجنونه وش هالكلام .. ليه تفكرين كذا .. ؟؟ ، افنان : غيري اسمي اذا ماحبيتيه بجنون .. طيب .. ، افراح و هي تناظررها : انتي ادرى

رد: روايـه ( و حبيت الحـيـاه عـشـانك )

كملي يا مبدعه و الله روايتج تجنن

رد: روايـه ( و حبيت الحـيـاه عـشـانك )

(( بارت 35 ))





اأم وليد و هي ترتب السفره .. : ماتبي تتغدا .. ؟
وليد ببرود : لا مابي شكرا .. ، قال هالكلام و راح لغرفته و قفل الباب .. ،
اتصل علئ ليان ..
وليد : الوووو .. ،
ليان : اهلين وليد ككيفك و كيفها امي و باسم كيفه ..؟؟
وليد : طيبين مافيهم الا العافيه ماتصلت عشان اطمنك عليهم اتصلت عليك ابي اكلمك بسالفه .. ،
ليان : اوف معصب شفيك.. ؟
وليد : كلمي امي ابي اتزوج افنان و هالكلام يكون من عندك انا غيرها مابي و هي قبل ايام كلمتني رايحين نخطب بنت خالتي و انا مابيها .. ،
ليان برواقه : يوه يا وليد ططيب روووق و ليه كل هالعصبيه ياخوي .. عادي بكلمها و راح ترضئ لا تخاف .. ،
وليد وهو يشمق : تجيبون القلق للواحد و تقولون رووق .. ،
ليان : تحبها حيل صحح .. ؟
وليد بعصبيه : ليان .. !!
ليان و هي تضحك : طيب طيب اليوم بتصل علئ امي و اكلمها .. انت لا تحرق دمك .. ههههههه .. ،
وليد : اوووك انتظر اتصالك بعدما تكلميها ردي لي بخبر .. باي .. ،
وليد قفل الخط و اتصل علئ افنان .. ،
افنان ردت و بكل بروود : الوو .. ،
وليد بعتاب : ما اشتقتي لي ..؟ ،
افنان و الدموع ف عيونها : موو لازم اقولك .. ،
وليد : الا لازم تقولين لي .. ،
افنان : طيب ..،
وليد : ع العموم ابيك تتأكدي انا احبك و مابي غيرك ،
افنان : اححبك اكثر .. بس قووم اتغدا .. اعرف انك ماتغديت .. !! وليد : من عيوني دام افنان قالت .. ، افنان ابتسمت و قالت : رديت لي روحي من ايام نفسيتي زفت عشان ماسمعت صوتك .. ، وليد : منحرج منك ياعيني .. ، افنان : حبنا اقوووئ من كل شيء .. ، وليد : ايه يحفظك ربي و يخليك لي و انتي بعد تغدي يلا باي .. ،





____


افراحح كانت حاطه سماعات و قاعده تسمع عيار '

و تكتب (( و ليه قاعده افتكر كل كلمه هو قالها لي .. ؟؟ و وش هالاحساس .. و وش هالفرحه الي بداخلي .. !! صرت اصدق انه كلمه وحده ممكن تخلي الانسان اسعد واحد بالكون .. صرت اصدق طبع العشاق لا عشقوووا .. صرت افكررر فيه .. و ليه افكر ليه ليه ليه .. ؟؟ .. ))






____

الساعه 8 و نص مساءا ف بيت عبدالله .. -
عبدالله و هو يدخل البيت و معاه الاغراض .. استقبلته الخدامه بأرتباك : مرهبا مستر عبدالله .. ،
عبدالله : وين اخوووك مأخذ اجازه ماشاءالله ..؟؟ ، >قصده الخدام اخو خدامتهم .. يشتغلون عندهم من زمان .. ، الخدامه بأرتباك : تابان بابا .. ، عبدالله : استغفرالله و انا جاي من السفر و شلت الاغراض من نفسي ياخي .. وش ذا بالله .. انقلعي جيبي مويا .. ، طارت الخدامه بسرعه عشان تجيب لعبدالله مويا ..
عبدالله راح لغرفته اخذ شاور سريع و نزل للصاله الكبيره لفله تبعهم .. اتصل على امه : الووو يمه وينك. .؟ ، ام عبدالله : اوووه ياعبدالله رجعت ياحياتي ثواني و احنا ف طريق راجعين البيت اليوم كانت عندي عزيمه عند صاحبتي ليلى هههاي .. ، عبدالله : اوكي باي .. ،
شرب المويا و حط الكاسه و غمض عيونه .. و لا اراديا تخيل افراحح .. ابتسم و قال ( خذيتي عقلي ي بنت عمي و يلوموني فيك .. احيه بس .. )



عبدالله كان لابس بلوزه بلون ازرق بدون اكمام و بنطلون ابيض ضيق .. و جالس ع الكنب الفخم الي كان مرتب ف الصاله الكبيره لدور الثاني للفله الستاير كانت مسدله و المكيف كان عالي التبريد .. كانت فلتهم كبيره جدا و واسعه و طبعا كانت بأسم امه .. ،
بعد لحظات ..
رجعت امه مع روان ..
غيرت ملابسها و لبست فستان بلون ابيض و عودي .. راقي جدا ..
ام عبدالله مشت خطوات و جلست ابتسمت ابتسامه بارده و قالت : ي اهلين حبيبي .. ، عبدالله عدل جلسته و قال : اهلين فيك ست الكل كيفك كيف ايامك ..؟ ام عبدالله بغرور : انا الحمدلله انت كيفك .. ماخبرتني وين حجزت الفندق .. ؟ ، عبدالله تلعثم و قال : ا ماحجزت فندق .. عشت ف بيت عمي .. ، ام عبدالله بكل غرور و تكبر : بتقول بيت .. ؟ للكرتونه الي يعيشون فيها اف اف .. هالاشكال ي عبدالله كم مرا اقولك ماتنعطى وجه .. ، عبدالله : لا يمه لا تقولين كذا هذول عزوتي و عيال عمي و مني و فيني .. ، ام عبدالله ضحكت بسخريه و قالت : ههههههاي عزووتك .. لا حبيبي هذول مو عزوه .. هذول عار عار ي عيني بأشكالهم و مظاهرهم ههههههاءي .. ، عبدالله انقهر و ماعجبه الكلام و بكل قهر قال : يمه ماسمح لك .. تغلطين على عيال عمي ..، ام عبدالله : انا ماغلطت .. قلت الحقيقه .. واذا كانووا كفوو ابوك ماتركهم .. !! ، عبدالله بلا مبالاه : ذا كان طلبك انه ابوي يتركهم و يبقى معك .. ، ام عبدالله : عبودي ماراح تفهمني الحين .. بس بسراحه انا طلبت من ابوك انه يتركهم عشان هما مستواهم مايناسب مستوانا افهمني ياقلبي .. ،
عبدالله وهو يكتم قهره : اظن نقفل الموضوع يكون اححسن .. الا وين روان .. ؟ ، ام عبدالله : راحت ترتاح ف غرفتها .. مرا تعبت بنتي كل يوم عزيمه او بارتي هههاء .. ، عبدالله حس بالسخافه ف المووضوع و ابتسم و استأذن من امه و راح لغرفته ..


غرفته كانت واسعه و هادئه جدا و فخمه و كل الاثاث كان بلونين الاسود و الرصاصي .. جلس على سريره .. و شال جواله .. شاف مكالمه لم يرد .. ( نوافي .. حبيبي ) ابتسم و اتصل عليه .. عبدالله : ي هلا يالحب.. ،
نواف بصوته المميز و الجميل : اهلين فيك .. كيفك و وينك .. رجعتت بالسلامه ..؟ ،
عبدالله : ايه الحمدلله نبي نشوفك بعد ههههه .. ،
نواف : احاول ان شاءالله القى وقت .. الدوره العسكريه ماخذه كل وقتي مالت .. و فوقها الاختبارات عشره ساعات ع لاب توب و عشره ساعات ع التدرييب باقيه لي بس اربع ساعات انام .. ، عبدالله : وين ابوك عنك .. ، نواف بكل شموخ : يبيني اكون شخص ناجح ولو الوريث الوحيد لعيلة ابوي انا .. يكفي لا سمعوا نواف ولد الشيخ الي تخضع له المجالس .. ، عبدالله : ربي يطول بعمره ايه والله ابوك شخصيه يهابها الكل .. ربي يحفظه و يخليه لنا كلنا .. ذخر و فخر .. ، نواف ابتسم و قال : امين يارب .. حبيبي ي جعلني فداه .. ،

رد: روايـه ( و حبيت الحـيـاه عـشـانك )

شكرا على تنزيل البارت
استمري و انا اول المتابعين️

رد: روايـه ( و حبيت الحـيـاه عـشـانك )

(( بارت 36 ))






_____


نواف .. الولد الوووحيد لعيله الراقيه جدا و المشهوره .. اسم ابوووه ( الفهد ) .. حتى عيلة عبدالله كانت قدامهم و لاشيء .. و من شهرته و اعماله الضخمه .. كان الكل يمدح فيه و يحبه و يعزه .. و كانت الامنيه الوحيده الي كتبتها .. ام نواف قبل تتوفى انه ولدها يصير جندي اوول و متفوق ف حياته و انسان ناجح و متميز و غير عن الكل .... ، و من جد شخصيته كانت غريبه انطوائي و وحيد و هادئ جدا و عصبي بس مو بذاك الزود .. مغروور يكتم كل شيء بداخله غامض جدا و مايحب الاجتماعات و الحفلات .. ، ماكانت بشرته بيضاء مرا كان اسمر شووي و نحيف حيل و طويل .. ملامحه كانت جذابه.. و عنده غمازه وحده على الخد اليمين .. ،
نواف كان متعود يعيش وحيد لا اخ و لا اخت بس ابوه عوضه عن كل شيء و عطاه الحب و الحنان و ماقصر معاه ف شي كان يحب ابوه حيل حيل .. بس برضو احساسه و شعوره كان صعب لانه ماشاف امه من يوم هو صغير .. هالحرمان كبر فيه .. و خلاه انطوائي و شخص هادئ جدا و حساس .. و عنيد .. ،
بس ف الحقيقه ابو نواف كان زووج اخت ام ناصر .. بس ذا الشيء محد كان يعرفه .. لأنها .. تزوجته و قاطعت اهلها .. و على طلب منه.. ،



أنتهت المكالمه بين عبدالله و نواف ..
عبدالله مع تعب السفر .. نام ..

الساعه 8 صباحا ..
أفنان تجهزت بسرررعه و نزلت كان ناصر منتظرها .. طلعو من البيت اليوم كان ثاني يوم من أياإم الاختبارات ..
افراح طلعت من الحمام من بعدما اخذت شاور .. فردت شعرها الطويل عشان ينشف و جلست قدام التسريحه فتحت الدرج و طلعت رسالة عبدالله الي كتبها .. قريتها مرا و مرتين و ابتسمت .. ( صحيح الإنتظار مو حلوو بس هالمرا منتظره حلمي الجميل .. يكتمل و ابي انبسط و افرح .. و شوفته بتكون اكبر سعاده .. اخذ قلبي و راححح .. !! )




هالأسبووعين مرت ف الاختبارات و انتهت الأختبارات .. ليان كلمت امها بس امها رفضت و قالت ابي بنت اختي و غيرها لا .. ليان ماعرفت وش تسووي بس ماقالت لوليد و صرفته و قالت انه يصبر .. و بالقوه وليد صدقها .. ،
الساعه التاسعه صباحا

بعد الفطور .. عبدالله طلب من امه يبي يقعد معاها و يكلمها ف سالفة مهمه ..
عبدالله بجديه : يمه ابيك بسالفه .. ،
ام عبدالله : اححكي عبودي .. ،
عبدالله : ابيك تخطبين لي بنت عمي افراح ،
ام عبدالله و هي كأنها متقززه : اووووه نووو وت .. بنت عمك .. هههههاءء لا عبودي مرا لا هذي مو من مستوئ مامتك ياعيني .. هههههه .. ، عبدالله : وت .. !! الحين كيف افهمك ي امي مانفكر كذا .. انا قلت لك الي ف بالي و بيصير الي انا ابيه .. ،
ام عبدالله : لاء عبدالله مرا مرا لاء انا ما اسمح لك .. ياولدي .. ، عبدالله : اوووكي يصير خيررر .. و ذا وجهي ..، ام عبدالله : عبووودي .. عبوووودي .. ريلاكس بليز .. ، عبدالله قام و راح لغرفته .. ،


_______



وليد يتصل بك ..
افنان : الوووه .. ،
وليد : اهلين قلبي كيفك ..؟
افنان : ماشي الحال .. ،
وليد : بنصبر .. اكيد بليز لا تتضايقي .. انا قاعد احاوول ياقلبي .. ، افنان : ان شاءالله ..،
افنان قفلت الخط .. و ححطت الجوال و خبته .. ، و راحت عند مامتها ..


افراحح كانت واقفه علئ الشباك و هي لابسه روبا عاديه بلون وردي .. و عليها جاكيت ابيض .. ، كانت حزينه شووي و لا فهمت لنفسها .. انتظرت عبدالله اليوم و افتكرته حيل .. و صارت تحط ف بالها الف عذر صارت اسبوعين و ماجاء اي خبر منه و لا أتصل علئ امها .. تضايقت و دعيت ف نفسها عبدالله يجي ولو تشووفه ..
شالت الجوال و تأملته .. ولو هالجوال كان منه .. ابتسمت و قالت ف نفسها ( وشش فيني .. !! ) ...


_____

عبدالله راح لمقرهم و استفسر من الرقيب مين الي دوامه ف نفس المنطقه .. حاول مع الرقيب و قال له ابي اداوم هناك لاسبوعين كمان .. بس الرقيب مارضي .. و قال مو مسموح نمشي علئ كيفك .. ،

عبدالله : نوافي .. ؟
نواف : ي هلا عبوود .. ،
عبدالله : ابي منك طلب بسيط .. !!
نواف : قوول بسرررعه عندي تدريب .. ،
عبدالله فهمه السالفه .. و قال له و بأتصال واحد من نواف وافق الرقيب علئ طووول .. و عطاه ورقة الموافقه .. انه يداوم بنفس المنطقه الي تعيش فيها افراح .. ،
عبدالله رجع البيت و جهز شنطته و طلع من البيت بدون مايخبر امه .. و اصلا كان قهران من الرد الحلو الي جاء منها .. و قرر مايكلم اي احد من البيت و يقاطعهم لين توافق .. ،

رد: روايـه ( و حبيت الحـيـاه عـشـانك )

كملي بليييييز️
روايتج ابداع مثل كل مره

رد: روايـه ( و حبيت الحـيـاه عـشـانك )

رايككممم .. ؟

رد: روايـه ( و حبيت الحـيـاه عـشـانك )

صراحه روعه انا كنت متوقعه انه ام عبد الله ما بترضى انها تزوجه افراح لانه مو من مقامها هههههههه و افنان و ليد يمكن يفترقوا

رد: روايـه ( و حبيت الحـيـاه عـشـانك )

وينج كملي اختي

رد: روايـه ( و حبيت الحـيـاه عـشـانك )

بلييييز اختي كملي ما دام احنا في عطله و فاضيين