السلام عليكم ورحمة الله وبركاته

بدايه وتمهيد ~~
...........................
حبيت اقدم لكم روايتي الاولى اتمنى تنال اعجابكم
.....
بداية حبيت اشرح بعض الامور لكم
,
,
صحيح انو روايتي تتركز على البطلين لأنهم اساس الرواية لكن انا ماخالفت القواعد
ورح اكتب شخصيات ثانوية لتجنب مخالفة القوانين
.
.
.
وبالنسبة لمواعيد التنزيل كل يوم بارت ماعدا ايام الاجازة
(الجمعة, السبت )
,
وكمان في حاجة البارتين الاولى او الثلاث بارتات الاولى ممكن تكون مملة شوي بس عشان تعرفون البداية
وعشان ما ادخلكم في القصة ع طول
,
,
,
نبدأ بسم الله ~~
......................................
قامت من النوم متأففة من حياتها ومن حظها ومن وجودها بين هالعيلة متمنية بكرا يسير غير تحاول تكسر الروتين بأي حاجة لكن
قوانين ابوها وتحكماتوا تمنعها ...وما كرهها في حياتها الا هالقوانين المجبورة عليها هي واخوانها يسونها ...امرا لا كرما..
واللي مصبرها على هالحياة اختها ولا كان وحدة بعمرها ال17 ماتسمع كلمت ابوها وامها وتعاندهم ولا تسوي شي جنوني
لكن الفكرة اللي خطرت في بالها لازم تنفذها~...
.........
عبير بهمس : اللي يفرجها~...
سوزان بهمس اعلى : امين
عبير: مداك تسمعيني
سوزان بابتسامه
عبير: فايقة تبتسمي اقول قومي الحين تجي امي تورينا شغلنا
سوزان بصوت كله نوووم : همم طيب
دخلت الحمام اكرمكم الله واخذت شور وهي تسوي كل شي على مهلها غافلة عن اللي ممكن يسويه ابوها
خرجت ولبست ببطيئ
مادرت الا وامها تفتح الباب تقول :
ابوكم جالس فالصاله يقول 5 دقايق احمي السيارة وبمشي

هنا بدت الاغراض تطاير من الغرفة
اللي تدخل الحمام واللي تلبس بسرعة واللي تجهز شنطتها وهي ماغسلت وجهها اساسا
سوزان تظحك على وجه وشعر شوق :هههههه شكلك تحفة حتى شعرك صاير في جميع الاتجاهات كل ذي عجلة
شوق بتسليك : ههه ماتظحكين
عبير: وقتك ياسوزان ماتعرفين حركات ابوي ترى يميشي ويخلينا ذيك الساعة استلمي محاضرة
سوزان: يعني ماتخلون الواحد يضحك افففففف .. لاحقين عالنكد لسا ابوك بيجي يكمل علي منكد من الصبح
عبير: معليه ماقصدي
شوق : سوزان لا تكونين حساسة ترا حنا خوات وبعدين ... عبير صادقة


بعد ثواني تنعد عالاصابع
جهزوا البنات وطلعوا بالعبايات ع السياة
ركبوا السيارة
لقوا الكل موجود اخوهم وابوهم وامهم وهم توهم واصلين يعني ابوهم محضر لهم شي حلووو مرررة

الاب: سنه... حضرتك انتي وهي تتكلموا وتهرجوا وانا اجلس مثل الطرطور في السيارة موانا دايما......وكمل المحاضرة الاب الين ماوصلوا بيت جدهم
................................................
ا

لشخصيات
الاب: محمد (55) سنه متحكم وعصبي جدا وقاسي ولا يرحم وكلمتوا ماشيه عالبيت كله وحاط لهم قوانين واللي يخالف عقابوا عسيير
الام: فاطمة (50) سنه حنونة بس تربي عيالها يعني حنيتها ماتظهر الا اذا عند الشدة,وماتظهر حنيتها وطيبة قلبها لعيالها لكن في الحقيقة تحبهم وتموت فيهم وتحن عليهم
بس ماتظهر خوف من الاب
الاخ: مشعل(16)سنه اولى ثانوي غيور جدا جدا على خواته ومن النوع اللي عقليته المرأة ماتسافر بدون محرم و...الخ وباختصار شديد وقاسي مثل زوج امه ومايعجبه طبع ابوه
الاخت الكببرى: سوزان (18) سنه ثالث ثانوي حبوبة ورجة ودمها خفيف بشرتها بياض بصفار شعرها بني غامق يبين مع الاضواء الين كتفها عيونها وساع بني غامق مايبين الا بالشمس خشمها طويل
الاخت المتوسطة : عبير (17 ) سنه ثالث ثانوي بشرتها لاهي بيضا ولا سمرا حبوبة ومرحة وعنيدة ورجة مرررة تكره تحكمات زوج امها
شعرها اسود سواد الليل الين نص ظهرها عيونها سودا ورسمة عيونها جميلة جدا ولما تحط مسكرا تطلع عيونها خقاق وخشمها سلة سيف على ابوها
الاخت الصغيرة اخر العنقوود : شوق(14)سنه ثالث متوسط مؤدبة ومسالمه تتبع قوانين ابوها بالحرف وما تعصي ... يحبها عشانها ماتعصيه وعشانها بنتوا من لحمه ودمه .عيونها سود وشعرها اسود اطول من سعر اختها سوزان


......................

القصه انو محمد هو زوج امهم .... ف مات ابوهم و قعدت فاطمة الام سنه وتزوجت محمد المتحكم وبعدين
حملت منه شوق ....كان ابوهم اسمه عمر وكان طيب وحنون عكس محمد تماما وعبير وسوزان كانوا يتذكروا حنيتوا وما كان يفلت بناتوا لكن كان في حدود غير مقيدة مو مثل محمد وكان مشعل ماتعجبه
حنان ابوه الزايد على بناته بأنه يشد على مشعل ويسيب البنات بكيفهم بس في حدود ... المهم الحين سوزان وعبير اخوات الروح بالروح ..ويعتبرون شوق مثل اختهم وماينبذونها عنهم بكلام الناس ...
ومحمد يحن على شووق اكثر لانها بنتوا ويعتبرهم كلهم عياله ولكن شووق سبيشل (مميز) وشوق تكره الاستثناء وتغتاظ منه
المهم **


..................................................

وصلوا بيت جدهم ~ وهم يقولوا اه ياراسي من المحاضرة
عبير قعدت مطلقة تنهيدة طويله تعلن كرهها لزوج امها مخفية الموضوع بتنهيدة لان امها تقول سمعا وطاعة ياملك لزوجها رغم الظغوط اللي تواجهها ..وطبعا هي عاطلة عن العمل بسبب اوامر زوجها وعقليته المتخلفة
ولا هي قبل ماتتزوجه كانت ممرضة وبعدين تقاعدت وتزوجته .... واطلقت تنهيدة تخفيها عن اختها شوق ماتبغى تجرح مشاعرها
سدحت سوزان جنبها بظحكة توصل لبرا باب الشارع جاهلة سببها يمكن بدال التنهيدة اللي تجيب الهم بالنسبه لها :ههههههههههههههههههههههههههههههههههههههههههههه ههههههه
عبير تطالع فيها بتعجب : اشبها ؟!!!...
سكتت سوزان من تشميقة امها واخوها وبكلمه من اخوها : انطمي ... (يحندر) خير اش فيه قات لك اختك نكته مثلا ..صوتك واصل بره الشقة .. اش في ؟؟
سوزان تأففت : ولا شي ولا تكالعني كذا ترا انا اكبر منك ..شمقت
عبير: اقول شكل القفطوور اثر عليك
سوزان بنبرة منكدة :ما افطرت هوا ففي احد يقدر يصبح حتى مع ابوك ...
عبير اردفت : اجل جرعة المحاضرة حقت اليوم اثرت عليك ..
سوزان: ههه سامجه
عبير تبتسم : وبعدين هذاك مواب.....سكتت لأن شوق مقبله << اروووح وطي انا تحت الفصحى
شوق : شالسالفة .. اش بكم ؟
عبير بتضييع : سلامتك
شوق بأسف و انحناءة راس وترجي : بنات ,,.... اسفة على اللي قاله ابوي بس ... ترا انا..دايما اقوله لا يستثن...ماكملت لأن عبير قطعت عليها
عبير بمقاطعة : لا يا عمري انا ما ازعل من الاشتثناءات هذي وبعدين ترا انتي اختنا واللي سار مو منك واحنا مانقول غي ابوي مانقول ابوك ولا زوج امي
واذا هو قالنا ومعودنا ان احنا عياله ليه يتثني ؟....المهم الغلط مو منك انتي افضل اخت في حياتي ...وحظنتها
وطول الوقت سوزان ساكته وف النهايه صفقت بقوة مردفتها بتمسيح دموعها التمثيليه : يالله اول مرة اشوف مسرحية محزنة كذا ... مسح دموعها بتمثيل ...ابكيتوني المفروض المسرحية تظحك مو تبكي
عبير وشوق هههههههههه
الام: اسمعوا ترا خالتك وبناتها جايين قوموا نظفوا بيت جدتكم ... ثنتين ينظفون ووحدة تسوي 3 انواع من الحلا وتسوي قهوة لأن وحدة جارت جدتك عزمتها..
عبير بهمس مسموع : طبعا ماجت تعزم الا لما جينا عارفة ان اخنا بنيجي .. ب
الام : نعم نعم ..اش قلتي .. اسمع عيدي
عبير : ها... ولا شي~
الام: عبير اشوف لسانك طول هاليومين يحتاج له قص
سوزان كانت بتنكت لكن اللي منعها يد شوق ع فمها ..تعرفها هي اللي ترد على كلام امها بنكته وظخكه تلطف الجو فيه ..
شوق : ولا شي يامي روحي خلاص
سوزان : اممممم.. شالت يد سشووق قائلة : شيلي يدك الله يقرفك ...تتفل ...طعم يدك مالح ..هه
عبير وشوق : هههههههههه
الام: عبير قومي سوي الحلا وما ابغاك تحخرجي من المطبخ الا هو على سنقت 10 فاهمة و مو بس تسويلي قهوة وحلا لا ..توني ارسلت مشعل يجيب عصير
عبير بمقاطعة: اعرف ي امي مو اول مرة اضيف ...كلجت من عيون امها الطالعى على كلامها ...
عبير : اقصد يعني امي ...حبيبتي علمتني الطبيخ وخلته مثل اسمي سرت ماهرة في كل شي ..
سوزان و شوق يمسكوا ظحكنهم ن الموقف
اما الام : اشوا حسبت شي ثاني ..... راحت الام
سوزان وشوق اللي ينسمع ظحكهم من برا العمارة عالموقف
ههههههههههههههههههههههههههههههههههههههههههههههههه عههههههههههههههههههههههههههه ههههههههه
واللي تصفق بيدها واللي طايحة ع الارض تضرب فيها من الظحك
خلصوا ماشافوا الا طيف غبارهاأا....


................................ وفعلا رتبوا البيت ونظفوه وكل شي الى ان

جاء مشعل وهو يمر من بين 3 بقز بني كل وحدة تسرع لأن الضيوف جايين في الطريق
وجارة جدتهم اللي كانت جمب شقتهم ونقلت للعمارة اللي جمبهم ولا زالت الجدة متواصلة معها ..بس نقلت عشان سعر الشقة الغالي لأن في ذيك الفترة كان جدهم
معلي ايجار الشقق ..(هو يملك العمارة اللي ساكن فيها وهوو اللي بناها)

..............................................................................................

نبذة عن الجد والجدة
الجد : مشعل عمره (80) سنه << اذا بالغت او اذا نقصت سورري \ المهم طيب على احفاده خصيصا عيال فاطمه اللي هي ام عبير لأن الظروف اللي مروا بها موسهلة
الجدة : عايشة حقوده ومن زمان زمانها حركاتها كلها من ورا قلبها يعني تطلع كل العيوب اللي فيك وتفهم كل حاجة وتسوي نفسها بريئة وتتهم بناتها او احفادها بكلام ماقالوه
, وكمان تتهم بنات فاطمه بأنهم وصخوا المطبخ وراحوا وهم اللي يستلموا التهزيئة والكلام اللي يسم البدن من امهم فاطمه
بسبب افعال جدتهم .....[*** انا ما ابغى ابين انو اغلب الشخصيات الثانوية شريرة لكن ابغى التمس الواقع في هالرواية وابين لكم انو مافي احد طيب في هالزمان وكلن من ورا قلبه الا من هدا ربي***

.....................................

نبذة عن الضيوف الخالة وبناتها
الخالة : مريم (48) سنه مطلقة وعندها بنتين وولد
البنت الكبرى : بشاير (33)متزوجه ومخلفة بنت
الولد : راكان (32) مو متزوج وعاطل باطل - نص بنات جدة مرقمهم وقليل ادب
البنت الصغرى: عنان (25) سنه حلوة ملامحها
هذا بالنسبة بس للضيوف اما بقية خالاتها واخوالها يذكر ورودهم بعدين في موقف من المواقف ..

.....................................................

تزبطوا البنات استعداد واستقبال للضيوف
جلسوا شوي ...قطع عليهم
تينتون تين تون <<< قلك جرس ههههههه
فتحت الجدة عايشة الباب مرحبة ومهللة بالضيوف
واستقبلوا البنات الضيوف بابتسامه تخفي وراها الام
ضيفوهم بالقهوة طبعا وقعدو يهرجوا مامداهم الا وجارة جدتهم جت
استقبلوها سلموا عليها باسوا راسها احترام لها لأنها جدة
عبير بهمس تكلم فيه شوق : واجتمعوا العجايز
شوق بظحكة فاضحة قطعة كلام الام و الخالة والجدة والجارة .....كانت لحظة سكوت لا تخلوا من ظحكة شوق المتواصلة الكل وقف على الظحكة اللي يبغى يصب قهوة وقف
واللي يبغى ياخذ تمرة وقف واللي يبغى يسولف وقف اما شوق متواصلة ف ظحكتهاأ الام استعوبت الموضوع ( وحندرت على شوق ) اللي يدوب لقطت شوق الحندرة ووقفت وتحول وجها
للاحمر لما شافت الكل يطالع فيها باستغراب واللي مصدوم
اما عبير ظحكت تسلك الفشلة والجو لان الك بيسأل ليش تظحك كل هذا الظحك العالي اش سببه .... وهذا يعني انها حشه يعني غيبة
فأخفت عبير الفشيلة على امها اللي انلجمت وقالت :
هههههههههههه اشبك ههههه

اما الباقين انطرحوا ضاحكين على الارض: ها ها ها ها ها<< امزح هههخخههههههه

اما الباقي فطسوا ظحك ماعدا واحدة تظحك تسليك من ورا قلبها نفسها تعرف ليش ظحكت وبعد تفكير عرفت انها حشه بس في مين ؟؟
طالعت الجدة بشك في شووق ..الي طاح وجهها وضاعت علومها...
عبير: شوق شوق .
شوق بخجل : نعم ...
عبير: وجهك طاح شوفي حواجبك فوق الكنبه وخشمك ....
شوق : ها ها ها ها ...ماتظحك
هنا الكل ظحك ماعدا الجدتين .. ماهم فاهمين اش يعني ... الا الجدة عايشة عارفة بس تسوي نفسها ماتعرف
عبير بهمس تدق شوق : اش بك اللي قلته مايظحك مره اش بك ؟؟
شوق كشرت :ولاشي

.........................

عنان تكلم خالتها فاطمه : الا ياخالة مادريتي ..
فاطمة : ايش؟؟...
عنان :في زواج يوم الاثنين الجاي من اقاربنا..
... هنا شوق وسوزان طالعوا في عبير بابتسامه اللي قاعدة وسطهم
طالعت فيهم عبير : اش فيه ؟؟
سوزان : بنرووح
شووق : زواج
سوزان : لأقاربنا
شوق: يوم
سوزان : الاثنين
شوق : الجاي
عبير تطالع فيهم بعدم اهتمام : طيب واذا يعني
شوق وسوزان في وقت واحد : حماأس..^^
عبير: يع ...اكره زواجات الاقارب .... قامت تروح المطبخ
لحقوها البنات
شوق: الحين ابفهم كل ماجا زواج اقارب قلتي يع .. اكره زواجات الاقارب ..شقصتك ؟؟
سوزان: وش صار معك شفتي واحد منا ولا منا .. ولا في وحدة ناشبة في حلق امي تبي تزوجك لولدها وانتي ماعلمتينا..؟
عبير تخبط جبهتها بقوة : لا يا كلاب ... السالفة موكذا
سوزان بشك تمزح : الا اكيد ..
عبير : لا يخبلان السالفة مو كذا ,, ما أطيقها لأنو اولا مافي احد قدي ..
سوزان وشوق : واحنا ؟؟
عبير : طفشت منكم ابغا غيركم :: امزح امزح المهم .. ماطقيها لأنو ما ترمشين رمشة الاقالوا العجايز والامهات وش بها ذي بس ترمش كل شويه شكل امها طقتها
لا وبعد الثانية تأيدها لاحول ولا قوة الا بالله اكيد سوت شي ينزل الراس ..ايييه امها ماربتها ...ايو والله انك صادقة ........ عبير: وبعدين يسوون لنا فضيحة
سوزان : كل هذا ترا ماحد طالع فيك في 500 وحدة مثلك
عبير : اساسا كل ما مريت من عند عجوز قالت لي اني بخطبك لولدي
شوق وهي رايحة : والله ما الومهم ... تأشر مع ذا الجسم ما الومهم
عبير: حسستيني انك تخينه انتي وسوزان ترا زيكم زيي
سوزان: عبير ترا حتى انا يكلموني ابخبطك ابخطبك بس اطنش ..ههههه احس نفسي فووووق ..وتطلع فوق الكرسي.. فوووووق احس نفسي فووووق
عبير: انتبهي لا تصقعي السقف ...ههه
شوق: ههههههههههههههههههههههههههه طاح وجهك ها ها ههههههههههههههه
سوزان بحقد : اوريك ياعبير

عبير: ههههههههههههههه

............................................

راحو الضيوف على بيوتهم حتى جارة جدتهم راحت وبعدين قعدوا البنات يرتبوا العفسه اللي سووها الضيوف وينظفوا المواعين
كانت شوق ترتب المكان اللي جلسوا فيه وسوزان تودي- تحط - تضع المواعين في المطيخ عشان تغسلها عبير..
وهكذا الى ان ...
الى ان كانت عبير تغسل اخر ماعونة اللي هي كاسة وعبير تسولف مع سوزان عن موضوع
وخلصت بعدين قالت لسوزان وهي تنتقل لموضوع زوج امها: يختي انقهر لما اسمع ابويا يمدح شوق ويسيبني انا وانتي ..انقهر ...(تبكي) ... اتذكر ابويا
(انفعلت في البكاء ) الله يرحمه كان يدلعنا اكثر من مشعل وكان مشعل يغار منا كثيير ...اما الحين بعدد ماتوفى (تبكي بانفعال اكثر )
ماعد احد يدلعنا حتى امي تغيرت كات حنونة علينا الحين ... قاسية ومتسلطة ولا تظهر حنانها مع اني اعرف انها تحن بس ماتظهر عشان ابويا يمنعها (تتكلم باستهزاء ومن بين
دموعها) قلك خليهم يتربون ما ينفع تدلعيهم تذكري يوم ضرب ماما عشان هالشي ..(تبكي اكثر)

هنا شهقت شوق اللي كانت تسمعهم من اول كانت تبغى تحط لهم كاسه عساس يغسلوها بس تنصتت لما سمعت صوت بكي عبير ....المهم كتمت شهقتها

اما عند سوزان وعبير ..
عبير: سوزان انا مشتاقة لأبوي ...(تبكي ) احس بنتحر مني قادرة اتحمل اكثر قوانين ابويا وقساوة امي اللي من ورا قلبها .. ما اقدر اتحمل ..خلاص ابغى ابويا ... مين كان يسقيني كاس الحنان
غيره كان احن من امي علينا كان اقرب لي منك انتي (تبكي) كنا نتسابق من يقعد جنبه ,...سوزان انا نفسي يرجع ابويا ..(
جت سوزان بتحظنها ) ..وقفتها وقالت : انا ما ابغاك انتي اللي تحظنيني ولا اببغى امي ولا احد غيره .. هو .. ابويا ..اللي تركنا ..(بكت اكثر) ......(تتبعها الشهقات )...

اما شوق حزنت على اختها وقلبها اوجعها بشدة انقبض قلبها وزعلت وتنكدت على اللي سمعته ...
........ مر يومهم الحزين بالنسبة لعبير ولكه لا يخلو من ظحكات ونكت سوزان ولا يخلوا ابدا من فضايح شوق
k:........................................................................................................


اشرقت شمس جديدة تطل على اناس عشقوا وجودها وتمنوا رؤيتها واناس انزعجوا من ضوئها
طلت على ابطالنا الذين يتمنون رؤيتها عند الشروق والغروب ...


اليوم الجمعة
كانت جالسة عالشباك حق الغرفة اللي تجمع خواتها اللي جمعت احلى الذكريات والرجة اللي كانوا
يسوونها اللي جمعت المحبة بينهم هذي الغرفة اللي كانت فيها اعز انسانه على قلبها ....كانت هالانسانه لسا صغيرة في اللفة
جمعت هالغرفة احداث كثير من حياتها يوم نومت شوق وهي صغيرة في اللفة في غرفتها كان اول يوم لها في البيت بالنسبة لشوق ..جمعت الايام اللي
تعتني في اختها الصغيرة اللي امها انشغلت عنها بسبب ابوها بسبب انه جاي من الدوام تعبان هلكان ..صرخ على امها ليش انها ماسوت له غدا وانها ماتفكر فيه ولا تهتم له من يوم جت شوق
قامت تركت بنتها الصغيرة اللي فاللفة على جوعها عشان ابوها اللي بامكانه يتعشى من اقرب مطعم وهو جاي البيت بدال مايسوي مشكله ويخلي بنت صغيرة على جوعها شوق كانت عنايتها
على يد سوزان وعبير وعبير اكثر شي كانت تعتني فيها لأنو امها اول مايجي الاب من الدوام تنشغل فيه الام عن الطفلة ..الين ماكبرت هالطفلة وسارت تقول: ليش ياماما ما تمشطي شعري بيمديك (تغمزي- تسوي مساج) لبابا
بعدين بيمديك ...دمعت عيون الام باستها على راسها وراحت ....


نرجع للواقع ..


كانت تفكر بالانسان اللي خذا حياتها معاه اعز انسان على قلبها اعز من خواتها حتى عانت كثير من موت هالشخص تتمنى لو يرجع بس لحضة وحدة
ثانيه وحده بس ثانيه

ماسكة الكوفي الحار في يدها تدفي يدها من برد الغرفة المحيط بهاأ...
تتذكر هالانسان الحنون الطيب اللي يضعف من كلمة بابا حتى لو كانت النبرة ماهي نبرة دلع اوطلب او ترجي كان يضعف منها ..لكن حل محله انسان قاسي عصبي يمشي البيت بحرف جر منه الكل يهاب كلمته
انسان بالنسبه لهاماقد يوم اعتبرته اب بس تقول الكلمه هذي عشانها.... مجرد كلمه تطمن قلب شوق تحب شوق وتعزها وتعتبرها اختها لكن زوج امها تكرهه من قلبها هو اللي غير اخوها
وسار مثل عقليته هو اللي كان السبب في ان عناية شوق تكون على يدها وتربيتها على يد امها وعلى يدها تعتبر تفكيره منحط لأن عقليته صغيرة وسخيفة ومايفكر الا بالحدود ما يفكر بالمنطق هو اللي غير مشعل وصار
يحبه اكثر من حب ابوه اللي من لحمه ودمه ..بدل محل ابوه بمحل انسان ...متحكم ..متجبر ..متكبر غير امه ماصارت تحن عليها امها ولا تهتم في عيالها صارت بس تهتم لشخصين (الزوج والابن ) ..خايفة وتخاف يجي اليوم
اللي... اليوم اللي ..عطشانه فيه وتبغى تشرب من كاس حنان امها تلاقيه فاضي تروح عطشانه تدور كاس حنان زوج امها تلاقيه فاضي تدور في كاس حنان اخوها تلاقيه فاضي تخاف يجي هاليوم اللي
هي واختها محتاجين لهالكاس الثميين ..ويبحثون عن الكاس في معصية ربهم


نرجع للواقع مرة اخرى !


ماسكه الكوفي اللي يفوح منه الحرارة وتطالع الشروق صحت من عز نومتها الحلوة ومن احلى احلامها عشان تطالع هالمنظر منظر شروق الشمس
سجدت لربها سجدت شكر انو شباكهم مفتوح ع جهة شروق الشمس ومافي عماير..ولو ان اخوها ولا زوج امها شافها تطالع بالشباك بيقول وبيظن شي واحد انها قاعدة تكلم واحد من الشباك !!
.ظحكت على تفكيرها عنجد هما عقليتهم ...مرة لا ..وكمان المشكلة ماعندي جوال لا انا ولا خواتي يعني ليه هالشك كله وكأنه قد كبشني مره وانا اسوي شي ...تمللت من نفكيرها الحزين
يا تفكر بأبوها اللي مستحيل تشوفه الا اذا ماتت ..ومن تفكيرها بزوج امها .. اللي مايطلعهم ابدا ابدا حبسه في البيت الا اذا اجتمعت العيله كلها واتفقوا على طلعة بر ولا بحر ولا سفر
ولا عرس لأقرب اقاربهم مافي زيارات للصحبات هم اللي يزورونها في بيتها بالنادر ولا تحظر اعراس اقارب صحباتها !
يعني حبسه وكتمه ...ماغير السوق اللي يطلعونه في الشهر مرتين فقط لا غير



نرجع للواقع ولاخر مره !!


تطالع الشمس وتلاحظ خلقة الله سبحان الله تتأمل خلقة الله وهي تبكي وتتذكر ابوها وتبكي على حياتها ......وبعدين .. هل بضل كذا اش بيسير لي في المستقبل
شي يغير حياتي ..اي شي

قامت منزعجة من صوت البكي اللي تسمعه والشهقات مستغربة من هذا اللي يبكي مع صباح ربنا !

سوزان بصوت كله نووم: عبير
عبير ماكانت معاها تفكر بدوامه مالها حل
سوزان بصوت كله نووم : عبيييييييير
عبير استغربت في احد ينادي لفت لقتها صاحية وشعرها في جميع الاتجاهات ..
عبير :هههههههههههههخههههه
سوزان: اشفيييك؟
عبير: ههههههههههه طالعي شكلك..
سوزان: اش فيه
عبير: هههههههه
سوزان : خلاص بطلي
وقامت اخذت لها شور طلعت من الحمام
سوزان: عبير لفي ابغى البس
عبير: ترا ما اطالع في وجهك ...الي عندي عندك
سوزان تمشي الجو وتلطفه : لفي
عبير لفت وجهها عليها وقالت: اقول ترا اللي عندي عندك
سوزان: كيفك ترا راح تنصدمين بالواقع المؤلم .....
عبير: هههههههههههه الله يقلعك اهم حاجة راح تنصدمين
سوزان: ايوا كيفك
عبير :هههههههههههه اللي ياخذ شيطانك
سوزان:لالالا تقولين كذا
عبيرانفجعت : اش فيه ...ليش ما اقول
سوزان : الشيطان حقي هو اللي يجيب لك الافكار لما تكونين طفشانه
عبير: اجل ابوس رجله
سوزان: ايوه
عبير: اقول تراك مصدقة نفسك انتي وشيطانك
سوزان: ههههههههه
عبير: وتراني طفشت ايش نسوي الحين لي ساعة ابكي ابغى انسى !
سوزان: طيب..عندي فك....الا تعالي اتي ليش تبكي
عبير : مو مهم
سوزان : علينا....ها....علينا.......نطت فجأة عندها ).....ووووو ليكون تحبين


هنا عبير دوروها انسدحت ع الارض ظحك :هههههههههههههههههههههههههههههههههههههههههههههههه
شوق انزعجت مرة فتحت عينها لقتهم يظحكون .. جلست ع السرير تستوعب اللي حولها ..
عبير : هههههههههههههههههههههههههههههههههههههههههههههههه هههههههههههههههههههههههههههههه هههههههههههههههه هههههههه ههههه هههه ههه هه ه (تمسح دموعها) قال ايش قال احب ههههه وين احب يالخبلة طلعنا سووق احنا مثلا وبعدين ابوك واخوك
لو اطالع في العامل الهندي المعفن اللي ريحته من بعد 500 ميل الاسوداني ...بققوا عيونهم وهزئوني ويمكن حتى ضربوني



طبعا مو منتبهين للي جالس ع السرير صاحي !
سوزان : اشوا حسبت قلت تحبين وما تعلميني اخنقك ...............................ها.. اجل بايش تفكرين
عبير نزلت راسها دمعت عيونها رفعت راسها: بابا
حظنتها سوزان بدون مقدمات وقعدت تبكي بحظنها ع الاقل لو ما شربت من اهم 3 كاسات تشرب من كاس الحنان الرابع اللي مستحيل
يحل محله طعم ولذة كاسين وكل واحد له طعم جميييل كاس الام والاب ويتدرج تحته الاخت والاخ .....الكاس الرابع مايعوضها
حتى عن الكاس الثالث (كاس الاخ) فما بالك بالكاس الاول والثاني ((الام والاب))

المهم مسحت دموعها سوزان
سوزان: خلاص يا عبير لا تفكرين بشي راح ..
عبير: بس هو ماراح قاعد في ذاكرتي ..
سوزان لفت عنها تبكي بقوة ..... منزلة راسها
سوزان: ارجوك لا تقولين هالسالفة مرة ثانيه حتى انا احاول انسى كل يوم ادعي له بالرحمة كل يوم افتقد حنانه
سوزان تمسح دموعها بقوة خلاص كفيها من سالفة ( وتسحب معها عبير)
سوزان: امشي نفطر
مشت معها ....فجأة وقفت من المنظر اللي قدامها وانفجعت ...انو اش صحاها وتبكي كمان
طالعت سوزران محل ماتطالع عبير لقت شوق قاعدة ع السرير تبكي وتطالع فيهم
قامت شوق وحظنت عبير بقوة
بكت عبير .....وبكت بإنفعال اكثر

بعد ثواني ..
سوزان : خلاص يابنات نكد مع صبباح الله خير امشوا نفطر نصبح على ظحك وفلة مو نكد ملحقين عالنكد ليش مستعجلين
جت شوق وحظنت سوزان بقوة
سوزان ماإنفعلت لكن بغت تلطف الجو وقالت تنادي : عبير (اشرت لها انو افف ريحة )
عبير: هههههههههههههههههههههههههههههههههههههه حرام عليك
سوزان : لا احسن محد يسلم وهو لسا مافرش اسنانوا
بعدت شوق وهي مدمعة وجهها احمر : اش تقولوا؟؟
حزنوا عليها البنات
سحبتها سوزان ع الحمام
سوزان : انتي ادخلي الحمام ..توضي فرشي اسنانك واغسلي وجهك ع السريع ... ومافي شور عقاب لك عشانك بكيتينا
....سوزان تأشر لعبير وانتي انقلعي يلا سوي لنا فطوور وبلاش نكد ابغى جميع انواع الخضار والفواكه عالسفرة وكمان ابغى طبقي
المفضل اللي اكتشفتيه ...طماطم مقطعة صغار علي طحينيه سايلة مخلوطة بملح الليمون وعليها زيت زيتون وبقدونس مقطع صغار
مو تقطعينها كبار قد عينك ...عما بعينك

عبير وشوق: هههههههههههههههههه هههههههههههههه
سوزان : لسا تظحكون ( حولت لهجتها للمكاوي )...الله يقرفك انتي وهي ...بلى ف شكلك

................................................................................................................. المهم سوو احلى فطوور


سوزان : بنات طفشت اتفرج تلفزيون خلينا نستغل الفرصة ونسوي شي مخالف للقوانين ابويا وامي نايمين
شوق بخوف: لالالا والله يهاوش بابا
سوزان بمزح : اقول روحي زين قال ايش قال (بإستهزاء) ابويا بيهاوش ...يما خفت ....اقول فاأرقي اقول فارقي ~
دعينا نفعل ماحل برأسناأ
ا خطرت في بالي فكره حلوة بس مو مخالفة للقوانين مسالمه بس لو دريوا بيها وشونا
عبير: ياشيخة ..~ .....المهم اش هي ؟
سوزان : بنلعب بالمويا ف الحوش


وفعلا بعد عدة اعتراضات من شوق سوزان سحبت عبير معها وغرقتها بالمويا فجأة شهقت عبير : الله يقلعك ذي احسن بجامه عندي لابالالالالالالالا
سوزان تغرق نفسها وقالت : ههههههههههههههههههههههههههههههههههههههه مسكينه
عبير :وتظحكين بعد ها اوريك وتطشها ب(البزبوز -الصنبور ال.....<< خلا اص عاد افهموها) المهم
وتجي من وراهم شوق وتطشهم باكبر صنبور ......وهم يهربوا ويصرخوا طبعا الحوش حقهم تحت مافي حوش فووق
فالعماير والشقق المجاورة مطله عالحوش عشان كذا ابوهم يزعل عليهم

المهم

تنظفت بجامة عبير بالوحل مزبوووط مزبوووط ..

المهم
وبعد طول الثواني والدقايق

عبير وهي تهرب من شوق وسوزان اللي يطشوها ...تهرب هرب زلقت ذيك اللزلقة وحتى العمارة اللي جنبهم سمعت الصوت
عبير: ا
شوق وسوزان ركضوا لها لقوها طايحة تبكي شوق ساعدتها ام سوزان نذاله فيها ظحكت
قام اخوهم مشعل على صوت الصيحة مفزوع لأن غرفته تطل الحوش يعني في الدور الاول المهم اتبع مصدر صوت الظحك والبكاء لقى البنات
في الحوش مشعل : خير اش فيك انتي وهي مع صباح ربي ؟؟ وش جابكم هنا في الحوش ؟ ...ها ....ماتردي ياست عبير بدال البكى
مشعل : عند ابويا .....وراح ومارجع الا ابوه وامه معاه طبعا نفس الشي الام والاب اشكالهم مبهذلة ..
الاب: عقاب لكم جميعا يالبنات توقف في الشمس الين ما اخذ شور و البس وافطر واخذ كاسه شاي بعدين افكر افكر ...اعطيكم وجه
وبعدين في احد يطلع من الصباح في الحوش الناس تشفوكم تصوركم هاأ.... اش قلة الادب ذي يلا وقف في الشمس بدون جلوس ...ويا
مشعل قفل انابيب المويا عليهم,...خلهم يتشمسون ..
مشعل : على امرك بابا


بعد دقايق وثواني عديدة .............................................


مشعل تحت الظل وحاظ رجل ع رجل ويشفط من الشاي بقوة ,,,,,,
سوزان انقهرت : يكون في علمك ترى افطرنا وشربنا احلى شاي من يد عبير واحلى فطوور
مشعل بوزيحسب انهم مافطروا
الاب رخمهم وما جت دقايق الا دخلهم البيت يعطيهم اسطوانه (محاضرة ))
اما عبير واصلة حدها من العصبية طول الوقت تعض شفتها معصبة من تصرف زوج امها موانو ياي خرب بشرتي لأ
اش العقليه ذي محد صاحي الصباح لو قلت العصر عذرتك ...وفعلا معصبة تبرم شفتها وتطالع في الفراغ

الاب: ايوه ...خير اش عندك انتي وهي ...مسوين شي جديد علي اش بكم هاليومين مو ماشين تمام .. كذا انا ربيتكم !.....لو شافوكم الناس

هنا عبيبر من يوم يومها متراكمه على نفسيتها مثل هالمواضيع والاسطوانات فقالت الى متى انا بصبر انا لازم اسوي شي
اذا هم سكتوا انا بتكلم طفشت ماهوا ابوي ويتحكم !!..... يعتبر في الدين بمقام ابوي على عيني وراسي لكن ...ماجا يوم ولا فكرت في يوم
من الايام انه يحل محل ابوي مستحيييل .

الاب: وبعدين ......الخ قعد يكمل محاضرتواأ

طلعوا البنات ع الغرف متنرفزين ...وعبير واصلة حدها من النرفزة ....


نه-اية البارت الا ول1 والثان2ي
..............................................................................................................................................................................................................................................................................................................................................



معليش ياجماعة على طول بديت في الرواية لأن ماعندي وقت ,........ ومواعيد الرواية زيما قلت كل يوم ماعد الجمعة والسبت
اعطوني اقتراحاتكم وانتقاداتكم
معلييييييييييييييييييييييييييش انا عارفة الرواية ممكن تكون معقدة في البدايه وتركز على عيلة وحدة لكن صبرا في البارتات الجايه رح نفك العقد


ابغى تفاعل