رد: روايتي :. وبكل ذرة مني اأحببكك

ان شاء بحاول اخلي الكلام فالنص
والبارتات راح تنزل يوم ورا يوم يعني يوم بنزل ويوم لا

رد: روايتي :. وبكل ذرة مني اأحببكك

وشكرا على الملاحظة ☺️☺️

رد: روايتي :. وبكل ذرة مني اأحببكك

البارت مرا روعة
ماعندي توقعات
انتظرك ي الغلا

رد: روايتي :. وبكل ذرة مني اأحببكك


تسلمين،،، انتي الاروع

رد: روايتي :. وبكل ذرة مني اأحببكك

]البارت الثالث والعشرووون

أحبببك
وش كثر مدري بس أنه وأأجد


يوم الخميس الصبح في بين ابو راشد

يزوي .. يزوي نشي يالله
يزوي مافي رد
ايمان :. يزوووي يزوووي يالله نشي ماشي وقت
يزوي :. ها ها وردت ترقد
ايمان وهي تهزها :. يزوي يالله مدرسسه نشي تجهزي
يزوي :. ها طالعت ايمان فتره ،،اوكيه
يزوي توها بتنش انتبهت ع حامد اللي متعمق برقاده حذالها بعد مضاربة امس انها ما بترقده وياها وف الاخير لحقاها للغرفه وقالها برقد وياج ما بسوي صدعه ،،، شلته بهدوء لين وصلت غرفت امه دخلت بهدوء بعد معانها ويا الباب حطيته حذال امه اللي انتبهت عليه وخذته بحضنها طلعت مثل ما دخلت اجهز للمدرسه بعد ما صليت الفير ،،،


ع نهاية الطابور الصباحي ف المدرسه
اميره اللي واقفه اخر الطابور تعبت من كثر ما تاشر لها حصوه
انتبهت الابلة الاحياء عليهن بما انها واقفه حذال اميره :. ها يا اميره في شي
اميره :. لا ابلي بس بسالج الامتحان اي حصه
ابلة شيخه :. مب عليكن الحصه الخامسه
اميره :. هيه علينا الخامسه وع الصف الثاني الرابعه
ابله شيخه :. لا كلكن الحصه الرابعة بتمتحنن ، وابلة العربي بتاخذ حصتها الخامسه ،
اميره :. منو بيوقف علينا انتي ولا ابلي غير
ابلة شيخه :. لين هاك الوقت يصير خير
خلص كلامهن ع كلمة انصراف
وكل حد راح صفه وكل معلمة بدت اول حصة لها


،
،
،
ف الفسحه
:.....اميروه الله يخليج الله يخليج
اميره :. خلاص شوق قلتلج ما برقد ع الورقه بخليلج مجال تغشين بس ذاكري عني
شوق :. تبوسها ع خدها :. شوكرن شوكرن ،حبيبتي ورجعت تراجع ع السريع دام الحصه الرابعه الامتحان
،
اما بالنسبه لطيف اللي تحايل يزوي
طيف :. ها يزووي شو قلتي غششيني
يزوي :. مسؤله عنج ولا مسؤله عنج ، وليش اغششج احيدج تدحين الكتاب شياج
طيف :. مسؤله عني ، وشسمه طلعت المول اتشرا للبارتي وتراج معزومه لاتنسين هنوف عازمه البنات ولا نسيتي
يزوي :. لا ما نسيت ما نسيت خلاص حشرتيني بغششجج بس ياريت ما يكون الامتحان بكبره
طيف :. لا لا اعتمدي
،
، شوق بعد ما خلصت الجزئيه ، قامت مع هند بعد ما اشرت لها روحن بهدوء للصف
هند :. يالله شوقي بسرعه الصف خالي وهييلا وما بينتبهن
شوق وكلاس ماي بلاستيك فاضي ف ايدها بس فيه كم خنافس وصراصير فتحته بهدوء وجبته ف الصف ع طرف
وطلعن بهدوء مثل ما دخلن بدون ما يثيرن شكك
شوق :. لا تنسين المتفق عليه
هند :. فالج طيب
ردن صوب القروب ويلسن وياهن
،
،
بدت الحصه الرابعه من شوي وابلة الاحياء ف صف عاشر ب ،
:. ابلة شيخه :. بنات ما با ازعاج وابلة عايشه بتوقف عليكن من تخلصن سلمن الاورق لها وبي بعد ربع ساعه اشوف اذا عندكن اساله وراحت للصف الثاني
دخلت الصف و والكل يالس ف مكانه بهدوء بدت توزع الورق عليهن

الصف الثاني بعد ما راحت الابلة بعد توضيح الاسئله
غلا :. ابلي صرصور صرصور
وبدا الازعاج واللي يتحرك واللي واقفه فوق طاولتها وانواع الصياح والزعيج

ابلة عايشه :. بس بس ما يسوي عليكن الا صرصور
وحده من الطالبات :. ابلي خنفساه لا لا وبدت تنط وتصعد ع الكرسي
اما شوق اللي استغلت الوقت غش من اميره وهند اللي خذت اللي تبقيهه من اساله والبعض اللي استغل الفرصه ليحل اللي ما حله والابلة طلعت عشان تشوف وحده من العاملات تنظف المكان وقالت حق ابلة شيخة تنتبه لهم

ف ها الاثناء كانت يزوي مخلصه بعد ما غششت طيف الاختياري
ابلة شيخة :. ياليازيه سيري شوفي شو صاير وخليهن يهدن لا اسحب الاوراق منهن
يزوي:. ان شاء الله ابلة
طلعت راحت الكلاس الثاني دخلت بهدوء بما انه محد منتبه عليها غششت شوق المتورطه اللي محد منهن عرف يحل الرسمه لانه اميره خونت ولا راوتهن اياها حلتها لها بسرعه وكلمت الابله انه
اليازيه :. ابله عايشه ،، ابلي
راحت ووقف ع طاولت الابلي بعد ماظربت بريلي ع الطاوله الكل صد لي
يزوي:. بنات تقوولكن الابلي يلسن حلن عدل وبلا ها اللعب ولا بتسحب اوراقكن وصفر
وحده من بنات :. لا لا شو تشل الاوراق
وبدا الصف يهدا والكل يلس لكن كلهن رافعات ريولهن ف اللي تغش من كتاب او اي شي بتنكشف واله الحمد ما في لانه البنات دحيحات وشطار ف ما في غششر
وابلة عايشه صيرت ع الوضع وطلعت يزوي من الصف ووراها اميره
وبدا الكل يطلع من الصف عشان يبدا الهدوء
بعد الامتحان نادو وحده من العاميلات وخمت الصراصير برا الصف
،
،
ف الفاسحة الثانية
شلتنا الحلوه يالسة فنص الساحة ويايبين وياهم غراش ماي وكراسي وكل العده الي يبغونها حق الوناسة
هند :... فاتكن سوينا شي خيالي اليوم
اسما :... ليش سو مهببات بعد
شوق :.. الله يسلمج كنا يايبين انواع عديده من الحشرات وحطينا فالصف عشان وقت الامتحان يسوي شوي اكشن ونحن نكمل مساعدة بعض
اميره :... ما سمعتن الصريخ الي استوى
طيف :... انا اقول شو متسوي شالات الدنيا على روسكن من الصريخ حشى راسي عورني ولا الدي جي
يزوي :... ههههههه والله افكاركن عجيبة حتى انا اقول بلاها ابلة عايشة يت عندنا وتقول حق ابله شيخة انتبهي حق الصف الثاني ههههههههههههه
هند :... افا عليج طبعا هاي فكرتي العبقرية من راسي العبقري
غلا :.. انزين فكونا الحين وقولولنا شو نسوي
حصة :.. يلا وحده تغني خل تربشنا شوي
يزوي :.. يالله دقو انا بغني
دقو البنات الي بالغراش والي تصفق والي تدق على الكرسي اربشو المكان حتى بنات المدرسة تيمعن حواليهن وارتبشوا اكثر جنهن فالعرس المهم تمن يغنن ويرقصن الين ما يت المديره والوكيلة يعني جميع الطاقم الاداري والتدريسي برع فالساحة يشوفون شو هالحشرة ههههههه وانصدمو يوم شافو البنات مسوين عرس فالساحة وطبعا ولا وحده من البنات مسويه سالفة حقهن
المديرة ترمسن فالمايك :.... خير ان شاء الله شو هالحشرة الي مسوينها وين يالسات فعرس الشيخات ولا في ديسكو
نست يزوي ترمس عاد هي معروفة باللسان والجرائة ما تخاف من الاداريات :.... والله عاد نحن ملينا كل يوم نفس الحالة قلنا نرتبش شوي شو ستوى احترقت المدرسة يعني
المديرة تطالعها بصدمة :.... خير ما سمعت شو قلتي
يزوي :... والله كلام الشيوخ ما ينعاد
المديرة :.. والله
يزوي قاطعتها :... هيه والله شوفي عاد انتو كل يوم يالسات تبربرن وتسولفن وحالكتن حالة وماشي شغل وانتو معروفات سوالفكن ما تخلص عاد يليت سوالف يديده لا نفس الاسطوانه يوميا ونحن الصراحة خلصت سوالفنا وقلنا تسوي ربشة شوي صح بنات
بنات المدرسة كلهن :... صح
يزوي :... حياج تفضلي ويانا " عطتها ظهرها عشان وردت مكانها " وهيه صح ابلة لو سمحتي لو سمحتي يعني احسبو حسابكم ان الحصة الاخيرة ما بنحضر كل بنات المدرسة فالساحة بتلاقينهم ف لو حصلت وحده يايتني وتقول عطيتوها غياب ولا انذار ما بتحصلين ولا وحده من الابلوات موجوده فالمدرسة وبالاخص اوجه كلامي حق ابلوات الحصة الاخيره وانتي تعرفيني ان قلت شي اسويه وهذا مب تهديد ونحن خلاص خلصنا المنهج شو نسوي يعني نجابلكم ليش والله " تكلم البنات " يالله نكمل وترى الحصة الاخيره فري ماشي شرح
صرخو البنات كلهم مستانسين لان ملو من الشرح وهم تقريبا مخلصين المناهج كلها عاد تعالو شوفو شكل المديره تحفة منصدمة من يزوي هيه اول مره تشوفها بهالجرائة كلها وطبعا تعرف يزوي اذا تبغي شي تسويه فخلتهم على راحتهم وردت مكتبها ،،،،، فمكتب المديره
المديرة :... شفتي الي صار
الوكيلة :... والله انها مب هينه ماشاء الله عليها لسان حتى ما خلتج تكملين الرمسة
المديرة :... اه شو اسوي وياها انا انصدمت
الوكيلة :... برايهم خل يستانسون وتقريبا وكل الابلوات مخلصين المناهج يعني باقلهم اشياء بسيطة وبعدين ما باقي شي على الامتحانات وبيملون بعد
المديرة :... كيفهم كيفهم خل اخلص شغلي ابرك

خلص الدوام الكل تسهل على بيته
،،
،،،
،،،،

العصر اتصلت يزوي فطيف

يزوي :.. هلا طيووف شخبارج
طيف :.. الحمد الله بخير انتي اشحالج
يزوي :... زينه المهم اسمعيني انا الصراحة ما بقدر ايي الحفلة
طيف :... ليش ما بتين
يزوي :.. والله اليوم يدي اتصل على ابوي ويبغينا نسير المزرعة هالويكند كل العايلة فمابقدر ايي ويدي بعد ما بيرضى اني ما اسير المزرعة بيزعل
طيف :... خلاص حبيبتي مب مشكلة المرة الياية ان شاء الله
يزوي :... ان شاء الله انزين طرشي حد ياخذ الهدية
طيف :.. خلاص بطرش الدريول >>> السواق اي ياخذها
يزوي :... اوكيه حبيبتي يالله بخليج الحينه باي
طيف :.. اوكيه باي

عقب نص ساعة وصل الدريول وخذا الهدية ورجع البيت ..

رد: روايتي :. وبكل ذرة مني اأحببكك

البارت الرابع والعشرووون

من الجمأل،،
الا نبوح ب كل مشاعرنا ()
الكتمأن لغه $
......... أنيقه أحيأنا

نسير بيت اليد غانم الكل رجع من الدوامات والمدارس لكن سيده على البيت العود لان المحنية بتيهم العصر والكل تيمع هناك حتى عايلة ام ناصر الي هي اخت ان غانم وعشان بيباتون كلهم هناك ،،،، على الغدا
اليده :.. ها يا بنات الساعة كم المحنية بتي
اماني :.. قالت العصر ان شاء الله بتي
اليده :.. ان شاء الله
ريم :.. الحين كل هالعفسة ليش عرس ناس يستوولنا من بعيد حنا وصالون وحالتكم حالة ( ما تدري ان هذا كله حقها هي هههههه )
لحظة لحظة كيف قالو حق مريم نرجع شوي ورى
ام غانم :.. الهنوف سيري ازقري اختج من فوق اذا حصليها واعية
الهنوف :.. ان شاء الله ( سارت وحصلت ريم واعية وقالتها ان امها تباها ،، انزلت ريم ويا اختها )
ريم :.. نعم اماية بغيتيني ؟؟؟!
ام غانم :... هيه حبيبتي بغيت اقولج ان يوم الجمعة عندنا عرس حق عرب من اهلنا لكن من بعيد شوي فباجر بتي المحنية العصر بيت يدج ويوم الجمعة بنسير الصالون مب تنشغلين خلصي شغلج كله اليوم
ريم :... ماماتي انا ما ابغي اسير مب لازم
ام غانم :... ليش ما تبغين تسيرين ؟؟؟
ريم :... بس جي وبعدين وراي تقارير ومشاريع ابغي اخلصها لان التسليم يوم الاحد اخر يوم وماعندي وقت اخلص وغير جذي عندي تسميع يوم الاحد متى بخلص هالتقارير والمشاريع وايلس اراجع دروسي واحفظ مال التسميع
ام غانم :.. لا ماما حاولي تخلصينهم وبعدين مب حلوه الكل يسير الا انتي وبعدين على تقاريرج ومشاريعج سلهك خواتج بيساعدونج وبتخلصين اليوم ان شاء الله وباجر من تردين من المدرسة تغدي وراجعي كل دروسج الين تي المحنية وبيبقالج الحفظ احفظي شوي باجر اذا قدرتي والباقي يوم السبت وخلصنا
ريم :... خلاص دام ان في حد بيساعدني عشان اخلص اوكيه يالله قومن خل اخلص ( معلومة ترى ريم ما تحب تشارك حد فالتقارير والمشاريع كله بروحها لان ما تثق في العمل الجماعي فتسوي بروحها تضمن ان تعبها ما راح بلاش وتاخذ الدرجة كاملة )
سارن الهنوف و جوري ويا ريم عشان يساعدونها وتسلم كل شي باجر .... نرجع لوقتنا الحالي خلصو الغدا وسارت ريم غرفة البنات عشان تراجع دروسها وسارو وياها البنات عشان يراجعون دروسهم هم بعد ... عقب ساعتين يت المحنية ومل البنات والحريم تيمعوا فالصالة الداخلية عشان الرياييل والشباب ياخذون راحتهم وهم بعد ياخذون راحتم ولان الشباب حظراتم ما يبغون يشمون ريحة الحنا ،،،، طبعا الصالة الداخلية تكون بعيدة عن الصالة الي اييلسون فيها كل مرة وما يقرون الشباب والرياييل يشوفون البنات اذا ساروا الطابق الثاني ،،،، اول شي خلو ريم الي تتحنى عشان اهي صاحبة الحفل ويحنونها حلو ،،،
ريم مستغربة ومتنرفزه :.. انزين ليش انا اول وحدة ولا احني ريلي ليش قالولكم عروس وانا مادري
البنات والحريم ضحكوا :.... ههههههههه
ام غانم :... اقول انطبي وتحني وانتي مسكته حتى البنات كلهم بيتحنون نفسج ليش التحرطم
ريم :.. ان شاء الله
عقب ما خلصت ريم بدوا البنات تتحنى وحدة ورى الثانية عقبهم الحريم وخلصت عقب ثلاث ساعات لكن ريم سوت النون وما يعلمون الين ما خوزت الحنا نشوف شو صار
ريم متنرفزه على الاخر :... افففففف حشى عزر ساعتين يالسة جني صنم ما اتحرك لا يمين ولا يسار
الكل يضحك عليها لانها معصبة ومفوله على الاخر وسارت تذاكر وتتحفظ حق التسميع
الهنوف :.. والله لو تدري شو مسوين بتنحرنا
خلود :... هههههه هي بس خل تشوف الفستان الذبح قليل فينا
ام غانم :.. تعالو اي لون خذتولها
مريم :.. وردي على اسود رووعة بيطلع خيال على ريووم
ام غانم :.. عقب راووني اياه
البنات :.. ان شاء الله
طبعا الكل خلص والمحنية روحت وفليل قبل ما يتعشون راكان استاذن منهم لان بيسير عنده شغله
ام غانم :.. وين بتسير يا راكان
راكان :.. عندي شغلة لازم اخلصها وغمزها عشان تفهم
ام غانم :.. انزين دير بالك على نفسك
راكان :... ان شاء الله وطلع
غانم :... انزين اماية ابغيج شوي اذا ممكن
ام غانم :.. شو بلاك ارمس
غانم :... والله ابغيج شوي شي بيني بينج
ان غانم :... انزين قوم وياي
سارو الصالة الداخلية ،،، ام غانم :.. ها ارمس
غانم مرتبك ومب عارف شو يقول :... والله يا اماية مب عارف شو اقولج
ام غانم :... بترمس ولا شو تراك خوفتني
غانم :.. والله يالغالية الموضوع ما بيخوفج الا بيفرحج انتي وابويه كل الي فالموضوع اني ابغي اعرس وابغيج تدوريلي على عروس
ام غانم كفخته على جتبه وتضحك :.. الحين مرتبك وحالتك حاله وقلبي بغى يوقف واخر شي تبغي تعرس
غانم :... شو اسوي يالغالية مب عارف شو كنت بقول واللهز
ام غانم :... خلاص ولا يهمك وبعدين اذا على العروس العروس موجودة
غانم :.. منو هي بالغالية
ام غانم :.. بنت عمك ناصر أميره ما شاء الله عليها بنت ولا كل البنات جمال ودلال وادب ما بتلقى نفسها
غانم :.. الي تشوفينه يالغالية شاوري الوالد وردي علي خبر
ام غانم :... ان شاء الله سير ازقره وتعال عشان انكلمه
غانم :.. ان شاء الله ،،، سار وزقر ابوه وكلموه فالموضوع واستانس وقال ما عنده مانع وبعدين هي بنت عمه واولى من الغريب وبيكلم عمامه اليوم وطلعو من الصالة الداخلية ورمس بو غانم وقال :.. ابويه بغيتك شويه انته واخويه ناصر فكلمة راس
اليد :.. ان شاء الله
اليده :.. بلاكم كل شوي حد يزقر حد شو السالفة
ام غانم وهي مبتسمة وتطالع اميره بدون لا تحس :... كل خير عمو كل خير ان شاء الله
نسير عند اليد وابو غانم وابو علي الي سارو المكتب عشان يتكلمون
اليد :.. يالله يا علي ارمس شو في خاطرك
ابو غانم :... والله يابويه توه غانم وكلمني وقال يبغي يعرس وكلم امه خبرها تدورله على العروس
اليد :.. والله كبر غانم ها والله يوفقه انزين خل امه تدورله على عروس غاوية
ابو غانم :.. وهذا انا بقولك امه قالتله ان العروس موجوده وانا وياها وما بيحصل شراتها ادب واخلاق وجمال ماشاء الله عليها
اليد :.. اعرفها انا ؟؟؟!!
ابو غانم :.. هيه نعم تعرفها انته مربنها بعد
اليد :.. منو هي يا علي
ابو غانم :.. بعد اذك يا ابويه وانا يا ناصر بغيت اطلب ايك بنتك اميره حق ولدي غانم شو قلت


نهاية البارت !!!
تتوقعون شو بيصير فالمزرعة ؟؟؟
شو ردت فعل ابو علي ؟؟؟
اميره بتوافق ولا بترفض ؟؟؟

رد: روايتي :. وبكل ذرة مني اأحببكك

تتوقعون شو بيصير فالمزرعة ؟؟؟
اتوقع يزوي بتقابل حميد بس ماراح تعرفه لان صار لهم زمان ماتقابلوا
شو ردت فعل ابو علي ؟؟؟
مادري
اميره بتوافق ؟؟
اتوقع اي بتوافق

رد: روايتي :. وبكل ذرة مني اأحببكك

؟..

رد: روايتي :. وبكل ذرة مني اأحببكك

البارت الخامس والعشرون

اللة يديم المحبة ويديم حبك لي؛
 ونصير أحلى ثلاثة:
أنت, وأنا, والحب ...


،،،
،،،،
،،،،،

بيت اليد غانم ،،،

ابو علي :.. ان شاء الله بكلمها اليوم بالموضوع وبرد عليك
اليد :.. انا الي بكلمها وعقب انت خذ رايها ويالله على بركة الرحمن نسير نبلغهم
طلعو من المكتب وسارو الصالة وكانوا البنات مب موجودين طلب اليد وحدة من الحريم تسير تزقرهم سارت ام علي تزقرهم وبعدها كلهم تيمعو فالصالة
اليد :.. انا يمعتكم كلكم لان علي بلغني ان غانم ناوي يعرس وقال حق امه تدورله على عروس وهي رشحت وحده والي هي بنت ناصر " والتفت على البنات " اميره بنت عمه اخلاق ودلال ولا بيلقى مثلها وشوفي يا اميره اعرف انج متفاجأه من الموضوع لكن حبيت انا الي اقولج ونفرح كلنا وخذي راحتج بالتفكير واذا رفضتي على راحتج بتمين بنت عمه واخته ولا حد بيزعل واذا وافقتي الله يوفقج ووياه
طبعا الكل تفاجئ من الي يصير خاصتن الشباب لان غانم ما خبر حد منهم ولا حتى لمح للموضوع والبنات مل وحده تشوف الثانية وبنات بو غانم مستانسين ان اخوهم بيعرس ولا بيخاذ بنت عمهم الي ما في مثلها ومثل اخلاقها وجمالها وهن الود ودهن الحين يقومن يرقصن من الفرحة والحماس
اميره وهي لين الحين متفاجأه من الموضوع ما استوعبت بعدها :.. ان شاء الله ،،، بستأذن انا بسير فوق ( وسارت هي والبنات فوق وهم مستانسين )
اليده :... شكلها استحت هههههههه والله وكبرت يا غوينم ها بتعرس ونحن اخر من يعلم
غانم منحرج من الموقف الي صار :... ههههه والله اليوم مخبر الوالده فالموضوع
ابو غانم :... الحين الموضوع وصار وعرفتي ليش الزعل
اليده :.. لا والله مب زعلانه الله يوفقه ان شاء الله
نسير عند البنات فوق يالسين يضحكون على اميره لانها لين الحين منحرجة والبنات مب مخلينها في حالها
اميره عصبت :... بس خلاص عاد لوعتو جبدي ما يسوى علي
مريم :.. خلاص عاد لعوزتوا عروستنا
اميره استحت :... ترى بعدني ما وافقت
ريم :.. افا يعني ما بتوافقين على اخوي
اميره :.. انا ما قلت جي بس بفكر وبصلي استخارة وعقب بقولكم
شمسه :... اقول بسكم عاد لعوزتو بنت خالتي
شوق :... هيه والله حبيبتي انتي بس شوفي وافقي عاد ما اوصيج اذا ما تبغينه عطيني اياه عادي ههههههههه
شمسة اضربت شوق على راسها :.... هي انتي استحي علو ويهج شوي عيب عليج
شوق :... خيبة مب ايد راسي عورني وبعدين انا شو قلت اسولف الواحد ما يسولف يعني
مريم :... خلاص شمسة خليها ما قلت شي والله
اميره :... اقول بس عاد لا تضاربن ان شاء الله حبيبتي شوق اذا ما وافقت بعطيج اياه من عيوني
خلود :... ان شاء الله توافقين عشان يستوي عندنا عرس ونستانس ووحدة من الشلة تعرس و شوق بنعطيها ريان ولا راكان اختاري كل واحد احلا من الثاني
البنات ضحكو :.... هههههههههههههه
في هالوقت ابو علي زقر بنته عشان يرمسها:.. اميره تعالي شوي ابغيج
اميره :... ان شاء الله ابويه ياية
جوري :... سيري سيري اكيد بيكلمج عن اخوي المزيون هههه
اميره :.. جب انا براويج بس خل ارد من عند ابويه ما عليه وسارت عند ابوها ،،،، دقت الباب
ابو علي :.. تفضل
دخلت اميره :.. امر يا ابويه بغيتني
ابو علي :.. تعالي حبيبتي يلسي حذالي
يلست اميره وهي مستحية مو ابويها :.. تفضل
ابو علي :.. طبعا تعرفين ليش انا زاقرنج وحبيت اقولج ان ولد عمج ريال والنعم فيه وانت غالية علي ما بعطيج اي حد اسخيري وفكري وباخذ ردج باجر ان شاء الله
اميره :.. ان شاء الله
ابو علي :.. يالله سيري عند البنات
اميره طلعت من الغرفة وركضت سيده عند البنات ومن دخلت وهم مستلمينها اسأله
اماني :.. ها شو صار
مريم :... شو قالج
ريم :.. سو قلتي
الهنوف :.. بسم الله بلاكم خلوها تتنفس شوي
مريم :... سكتي انتي خل ترمس
اميره :... ما قال شي غير انه بيخاذ راي باجر وقالي انه استخير وافكر وبس
مريم :.. الحين كل هالوقت بس عشان هالكلمتين
اميره :... هيه والحين فكيني خليني اسير اصلي ابركلي
خلود :... سيري وادعي وان شاء الله توافقين
البنات ضحكو عقبها كل وحده انسدحت عشان ترقد واميره صلت وعقبها انسدحت حذالهم ويلست تفكر الين ما نامت لكن قطع عليهم النوم تيلفون الهنوف ونشن يصارخن عليها
مريم :.... هنوفو قومي نشي اطالعي تيلفون منو متصل الحين
خلود الي كانت راقده حذالها ضربتها بالمخده على راسها :.... قومي فكينا من تيلفونجولا اكسره الحين
الهنوف نشت :... خلاص خلاص نشيت حشى " ردت على التيلفون وهي معصبة " خير نعم ليش متصلين الحين
طيف :... بسم الله بلاج سوري دقيت هالوقت عبالي واعية
الهنوف :... سوري طيف عبالي حد من اخواني شو تبغين داقة هالوقت فيج شي
طيف :.... لا حبيبتي مافيني بس بغيت اقولج البنت الي عزمتها على البارتي اقولكم اعذروها ما تقدر تي لان يدها عازمنهم على المزرعة هالويكند واذا ما سارو بيزعل فماقدرت بس الهدية طرشتها
الهنوف :.... اوكيه حبيبتي مب مشكلة على راحتها
طيف :... اوكيه بخليج تكملين رقادج بكلمج باجر باي
الهنوف :... اوكيه باي " وردت ارقدت "
نسير عند راكان الين طلع وما عرفنا وين سار ،،،، الاخ سار المطار عشان يستقبل اخوه حميد والي محد كان يدري بييته الا راكان ،،،، وانتو مستغربين ان وصل يوم الخميس مب الاربعاء لان كان في تاخير فالرحلة ،،،،، طلع حميد وشاف راكان يالس يترياه وسلم عليه وحظنه لان من فتره طويله ما شافه وسارو البيت طبعا بيت بو غانم مب البيت العود اول ما دخلو البيت
راكان :.. حياك تفضل
حميد :... الله يحيييك
راكان :... اقول ترى محد يدري انك ياي فكلهم بيباتون فالبيت العود عشان باجر
حميد :.... هههههههههه والله اني ولهان عليهم خاصتن ريووووم
راكان :... هههههه بتشوفها باجر لا تستعيل واسمع باجر انت ما بتكون ويانا فالقاعة
حميد :... ليش ان شاء الله عيل ليش ياي انا
راكان :... خلني اكمل الله يهداك على شو مستعيل انا قصدي بتدخل متاخر يعني انا باخذهم وبديهم الصالة وانا بسوي عمري اني ابغي منها شي وعقب بخلي غانم يتصلي على اساس بييب منه شي وبقولها تتريانيروهي بتتريا فالسياره وانا بنزل وسير داخل من الباب الوراني عشان ما تحس وعقب بسويلها بقولها خلاص انزلي وسكري السيارة وتخلي السويج عندها ويوم بتدخل بنحط الاغنية وبتتفاجئ وبعدها بفتره بنحط صوها من ما كانت صغيره وهي وياك وانت بعدها بتكون ياي وبتدخل على اغنية فهمت
حميد :... اها قول جي من زمان يالله انا بسير ارقد تصبح على خير
راكان :... وانت من اهله

توقعاتكم ☺️☺️

رد: روايتي :. وبكل ذرة مني اأحببكك

الله البارت رررروووووووووعة
والله حماس حميد جا من السفر بس اللي يقهر ان. يزوي ماراح تحضر الحفلة يعني مافي أمل يتقابلوا ليه بس ليه