رد: روايتي :. وبكل ذرة مني اأحببكك

روووووووعه همس الخواطر استمري عزيزتي الله يوفقك يارب

رد: روايتي :. وبكل ذرة مني اأحببكك

بارت رائع أظن ان حميد بيسافر
وما عندي توقعات ثانية مخي مقفل خخخخخخ

استمرررررررري منجد البارت رائع

رد: روايتي :. وبكل ذرة مني اأحببكك

مساء الخير ،،،، اسمحولنا ما نزلنا البارتات الاسبوع الي طاف صار عندنا ظرف فجأه والله كنا بنزل يوم الاربعاء بس ستوى عندي ظرف وصديقتي عندها امتحان فاضرينا ناجل وقت التنزيل وانا شخصيا ما قدرت اكتب لان الاحداث والافكار كلها تشتت عندي وان شاء الله بنعوضكم بالبارتات وهاليومين بنزلهم على ما نكتبهم ان شاء الله اسمحولنا مرة ثانية

رد: روايتي :. وبكل ذرة مني اأحببكك

ان شاء الله الحين بيكون وقت التنزيل نفس ما قلنا قبل واذا قدرنا نكتب اكثر بنزل فايام اكثر يعني راح يكون ثلاث ايام فالاسبوع " اذا قدرنا " ️

رد: روايتي :. وبكل ذرة مني اأحببكك

بانتظارك حبيبتي


- استمري

رد: روايتي :. وبكل ذرة مني اأحببكك

روايه رائعه مثل كاتبها
كل شخصيه تتميز ع ثانيه بايقاع مميز
استمري وانا متابعه لك

تحياتي / رسمتك في خيالي

رد: روايتي :. وبكل ذرة مني اأحببكك

قراءة ممتعه قرائى


البارت 31

"~



منء وفا لك بالمحبه وسلمك ﺎلمصير
طالبك في وجه شيبانك لاتجحد وفاه
،
،
،
،
،
،
،

.....:.. شو اخر الاخبار يا سالم

سالم :... والله يا طويل العمر لحين عندهم صفقة ويا شركة حميد علي ال....... وكان عندهم اجتماع بس تاجل كم يوم

....:.. ابغي كل شي يوصلني اول باول ولا تعرف شو بيصير وياك

سالم بخوف :... ان شاء الله طال عمرك ،،، تامر على شي

....:.. لا وسكر التيلفون فويهه

.... يبتسم بخبث:.. بنشوف يا ابو غانم شو بتسوي الحين مب انا الي تتحداني

،،
،،،
،،،،

يوم الاحد ... الصبح .... بيت بو غانم

الكل يالس على الطاولة يتريقون وبعدها الكل يرووح شغله ومدرسته

حميد :.. ابويه بغيت اقولج شي

ابوغانم :.. خير اللهم اجعله خير

حميد :.. امس اتصل فيني ربيعي وقالي لازم ارجع بريطانيا باسرع وقت ف حجزت واليوم طيارتي

ريم انصدمت وتكلمت بسرعة :... ليييييش ؟؟؟!!

حميد وهو يكلم ريم بحنية :... حبيبتي طلع عندنا مشروع ولا يتسلم يوم الخميس ولازم ارد عشان اخلصه

ريم شوي وبتصيح :... ليش انت وعدتني بتم هني الين يوم الخميس ليش بتسافر

حميد حضن ريم :... حبيبتي والله تعرفيني لو بيدي جان يلست وقت اكثر بس طلع عندنا هالمشروع وهناك مافي تفاهم ولا ياخرون

ابو غانم :.. ريم بابا انتي تعرفين اخوج لو بايده جان يلس ويانا هني ولا رد بريطانيا صح ولا وبعدين ما تبغين تشوفينه متخرج باعلى شهاده ونسبة حلوه

ريم وهي تشاهق من الصياح فحضن حميد :.. امبلا

ابو غانم :... عيل خلاص واذا تبغين هو يوصلج المدرسة ويرد ياخذج ويتم طول الوقت وياج الين ما يسير المطار

حميد :... هيه ريوم انا بوصلج وبعدين مب انا قايل فالاجازة بخليج تين عندي خلاص ما بقى شي وتخلصون امتحانات وبتين عندي ويالله قومي غسلي ويهج وتعالي كملي ريوقج عشان نسير يالله

ريم تقوم :... ان شاء الله

سارت ريم تغسل ويهها وردت تاكل عشان اخوها يوصلها المدرسة
،،
،،،
،،،،
،،،،،
نسير عند عايلة بو راشد

لا حول ولا قوة الا بالله ، يلحين شو صحته

:....

:. ما عليه اميه ديري بالج عليه وطمنيني من ينش
:.

ماعليه غناتي بخلص البنات بيي عقب صوبكم

:.
يت يزوي وهي لابسه لبس المدرسه بالغصب مغمضه عين ومفتحه عين وانسدحت ع ريل امها وغمضت عيونها :. ماما منو تكلمين ع صباح الله خير

ام راشد : ربي يحفظج وديري بالج وسكرت عنها نزلتت الفون حذالها وطالعت يزوي اللمنسدحه بحضنها :. ليش مب مخلصه لبس

يزوي :. ماماه لبست ترا شو باقي غير العباه والريوق وترمش بعيونها وبعدين ابا ارقد

ام راشد : ما شي رقاد سيري خلصي وراج مدرسه

يزوي :. ماماه منو كنتتي تكلمين منو التعبان

ام راشد :. اقوولج بلا هذره وسيري طالعي خواتج وتريقي

يزوي وهي تنش سحبت الفون اللي حذال امها :. اوك اوك

ام راشد التهت ب شما اللي يتها

يزوي شافت ع منو متصله امها وحطته وهي تكلم نفسها :. ام حامد منو ام حامد لحظه لحظه اكيد اختي سلامه لاني انا مسجلتنه لامي بس غريبه شو فيها داقه لامي غريبه بالعاده تدق الضحى تتطمن بس من فير الله لا غرييب خل اخلص انا وبسال امي لاني لو سالت سلامه ما بترد اعرفها ... رتبت اغراض المدرسه ع السريع ولبست الشوز وشلت العباه تلبسها بعد الريوق

يزوي وهي نازله راحت صوب يلست الطعام لقات الكل فيها يتريق من خواتها ما عدا لطيفه وعلي اللي راحو قبل للدوام ،يلست وصبت لها كوب جاي توها بتشرب سمعت امها تكلم ابوها وطرت ام حامد

يزوي :. ماماه بتخبرج شو فيها ام حامد

ام راشد طنشتها تعرفها ما بتسكت كل شوي بتسال

يزوي :. ماماه عاد سلامه شو فيها لايكون حامد يعوره شي !!؟

جاوبني ابوويه لانه امي طلعت تيب شي لابويه قبل ما اكمل كلامي

ابو راشد :. ما فيها شي يا غير حامد تعب عليهم وهي ف مستشفي """

يزوي :. بسم الله عليه ما كان فيه شي ، ليش شو ياه

ابو راشد :. ما ادريبه يا غير ماكل شي مب زيين

يزوي :. اوويه ،، بسير له عييل بحضر الامتحان وبطلع

ابو راشد :. جيه تطلعين من المدرسه احضري دروسج

يزوي :. باباه مخلصيين ، بس علينا امتحانات بمتحن وبخلي تاينا توصلني

ابو راشد :. يصير خير

كملت الجاي مالها ولا ايمان تقوول :.. يالله يزوي بنتاخر ماشي وقت عقب شو بيفكنا من المشرفه

يزوي :. يايه يايه بسرعه لبست العباه وطلعت بعد ما حبت امها وابوها ع راسهم ،،

،
،
،

نرجع عند حميد وريم

وصل حميد مدرسة ريم وقبل لا تنزل ...

حميد :.. يالله حبيبتي انزلي وركزي فالامتحان وسمي بالله قبل لا تبدين اوكيه

ريم :.. ان شاء الله باي

حميد :.. بحفظ الله

دخلت ريم المدرسة وحميد حرك السيارة ورجع البيت

،،
،،،
،،،،

فالمدرسة عند ريم خلصو طابور وطبعا لازم بعض البنات يشردون عشان يراجعون قبل الامتحان ههههه المهم دخلو الصفوف بس الاشكال تحفة الي تكتب على الطاولة عشان تعش والي تلعب بشعرها ومب مهتمة والثانية ما تشوفون وييها لانها ملزقة الكتاب فالويه وتراجع والثالثة متوتره لكن ريم مراجعة ومخلصة ويالسة تقرا الايات وتدعي ان الامتحان سهل ،،،، 5 دقايق ودخلت المدرسة ( كان الامتحان الحصة الاولى )

الابلة :.. بالله بنات كل وحده مكانها عشان اوزع الاوراق

وحده من البنات :... ابلة كم ورقة الامتحان

الابلة :.. ورقتين ،،، وبدت توزع الاوراق

،،،،
بعد ساعة كاملة خلص وقت الامتحان
،،،،

ريم سلمت الورقة قبل ما يخلص الوقت بربع ساعة ومستانسة لان الامتحان سهل وقدرت تحل كل الاسئلة

،،
،،،

نسير نشوف يزوي شو سوت فالمدرسة

عقب الامتحان ..


ها يزوي ، اشوف تضبين اغراضج ما بتحضرين المراجعه شوو !؟

يزوي :. لا ما بحضر بسير عن حبيبي ءء

:. هييييي حبيييبج

هندووه :. ها يزوي اشوف صار عندج حبيبي من ورانا ،، اعترفي اعترفي منو

شوق :. غاوي ولا لا !!؟

يزووي :. خيييبه خلني اكمل كلامي ،، مشتطات ع الحبيب ثركن

حصه يايه من برا :. يزووي ها المره الثانيه اللي يعيدوون اسمج ف الميكرفون يالله سيري

يزوي :. ok

يايه بتطلع برا الا شووق ماسكاتنها :. نعم بتروحين من دون ما تقوولين وين

يزوي :.. يالله منكم حصووه قووليلهم بسسير باي

وراحت عنهم ... طلعت بعد ما عطوها الاذن طلعت صوب السيارة توها بتفتح الباب الجدامي نزل الدريشه
علي:. وين يالله ورا ورا ركبت السياره متوجهين المستشفى """ ،،

يزوي :. احيد انا بس اللي بسير متي قررت فديتك ترووح المستشفي

علي :. اقرر متي ما ابغي وحاليا داق ف راسي اروح بس لميني بسكوتج ،،وطول ع صوت المسجل

،،
،،،
،،،،

نجدم الوقت شوي الين الساعة 2:30 الظهر ،، حميد واقف يتريا ريم تطلع من المدرسة .. دقايق وطلعت

ريم :.. سلام عليكم

حميد :.. وعليكم السلام ،،، ها شو الاخبار شو الامتحان

ريم :.. بخير الحمدلله والامتحان سهل وحليته كامل

حميد :... شاطرة ابغيج دوم جي والنسبة ما تنزل عن 98 اوكيه

ريم :.. ان شاء الله

وتمو يسولفون ليييين ما وصلو البيت ،،، دخلو داخل والكل كانوا يتريونهم عشان يتغدون
حميد وريم :.. السلام عليكم

الكل :.. وعليكم السلام

ام غانم :.. يالله ريم ماما سيري بدلي ثيابج وتعالي عشاو نتغدا

ريم :.. ان شاء الله ماما

نزلت ريم بعد ما بدلت ويلست خذال حميد وبدو يتغدون بعد الغدا

ام غانم :. حميد ابويه خلاص ضبيت كل شي مب نا قصنك شي

حميد لا فديتج مب نا قصني مخلص وماعندي شي وايد الاغلب هناك ف بيت يدي

ام غانم:. زين فديتك

ريان :. الا وين غانم ماله حس اليوم

حميد :. سلم عليه الصبح طالع للدوام وعقبها للبر ويا ربعه تغير جو

ريان :. عاد الاحد وطلعة بر بعد

حميد :. عادي اجوا شتاء يلحين وما فيها شي اذا طلعو

ريان ؛، ما عليه ، تباني اوصلك للمطار

حميد :. لا لا بسير بروحي ما عليه شر ، كيف اتوصلني وابويه موصنك انته وراكان بالتدريب ف الشركه العصر

ريان :. لازم تذكرني بعدددد ،،، لا حووول

حميد :.. ههههه والله ما حد يعرفلكم غير ابويه

ريان :. عيل بسير اقيل انا وصعد الدري وكان في نفس الوقت ريم نازله هي ويا الهنوف اللي حرطم من المدرسات
ويلست ريم حذاله والهنوف ع كرسي منفرد

حميد :. بسم الله اشفيج تتحرطمين

الهنوف :. مدرسات يلوعن بالجبد ما يفهمن عدل

حميد :. ليش احيدج تمدحيننهن

الهنوف :. يب بس يلحين غيرووهن ما خلولنا حد زين

حميد الله يعين :. بس مب المدرسه اللي فيها حرمت عمي ناصر ( ابو علي ) يمدحون التعليم فيها والمدرسات
ليش ما تنقلين فيها ،

ريم : هيه صح ليش ما تنقلين

الهنوف :. يب المدرسه اوكييه بس خل اخلص ها الفصل وع الفصل الدراسي الثاني بنقل متفقه مع امي خلاص ما باذني ماي بنقل يعني بنقل

حميد : اسميج مخلصه كل امورج عيل اصبري شوي ما تم ع امحاناتكم شي

الهنوف :. يب ، عيل متي طيارتك

حميد وهو يشوف الساعه اللي قربت من الساعه اربع : ع 7ونص ، خلني اسير اجيك اخر شي وعقبها بسير اصلي العصر

ريم : اوك تبا مساعده

حميد :. لا مخلص بس جوله تفقديه وبتوضا

ريم : اوك

ع الساعه 5 الكل يالس ف الصاله ما عدا غانم اللي ف البر وريان وراكان اللي ف الشركه

حميد نازل من فوق بعد ما بدل لبسه وخذا شنطت السفر

ابو غانم: ها ابويه خلاص بتسير

حميد :. هيه يا ابويه بسير ما شي وقت قريب ياذن المغرب وبروحه درب لين المطار ولين اخلص الاوراق بروحه سالفه

ام غانم : زين فديتك الله يحفظك

وسلمو عليه كلهم ولما وصل ريم بدت دموعها تهدد بالنزول

ريم وهي تلوي عليه : بشتاقلك والله يحفظك

حميد :. عن الصياح ومن اوصل بتصل لج لا حاتين فديتج تراج بتلحقيني ف الاجازه

ريم وهي تبعد :.اكييد

وودعهم وطلع والوجهه للمطار

ريم تحضن امها وتكمل صياحها

ام غانم بس يا بنتي تراه بيي ما بيطول

ريم :. بس بشتاقله

الهنوف :. بدت المناحه عند ريموه والدلع

جوري :. معرووف ها الشي كل مره جي الله يعين جان عرس هاي شو بتسوي

الهنوف :. يب يب

الجوري :.البيت مب حلو من دون ريان وراكان وصدعتهم

الهنوف :. الا احسن يا ف وقته ها التدريب

بعد صلاة العشاء دخل بو غانم للبيت

ام غانم احط العشا ولا

ابو غانم لا بعد شوي بشوف الاخبار يلحين

ام غانم ان شاء الله

ابو غانم ياخذ الريموت مال التلفزيون يبا يطول ع الصوت بس انتبه ع الفون يرن خلا الريموت وخذ الفون يرد عليه

ابو غانم :. مرحبا الساع

:. مرحبا اخويه انته ابو ..........

ابو غانم : . هيه نعم شو فيه ولدي

:. ولدك مسوي حادث وناقلينه ف مسشفي ***** عندنا ياليت تتافضل صوبنا تكمل بعض الاجراءات

ابو غانم :. اشووووه ......... مسوي حادث


رايكم ،،، ووقعاتكم

منو مسوي الحادث ؟؟

هل الهنوف بتنقل ولا بيصير شي !!؟

يزوي وسيرتها لحامد بيصير شي !!؟

واسمحولنا ع القصور

رد: روايتي :. وبكل ذرة مني اأحببكك

منو مسوي الحادث ؟؟
اتوقع انه يصير لها حادث او شي << فيس يضحك بشر هاهاها

هل الهنوف بتنقل ولا بيصير شي !!؟
اتوقع انها بتنقل

يزوي وسيرتها بحامد بيسير شي !!؟

لا ما توقع انو بيصير شي

رد: روايتي :. وبكل ذرة مني اأحببكك

رد: روايتي :. وبكل ذرة مني اأحببكك

روعه