رد: روايتي :. وبكل ذرة مني اأحببكك

البارت السادس عشر

قراءة ممتعة





- اتأملك من غير قصد،من غير فكر اتخيلك.

- يلي غرامك في خفوقي من كثر قدره يفيض




.. نروح الحين عند راكان عرف ان الي سواه ماله داعي وهو كبر السالفة قام وسار غرفته وهو يمشي شاف ريم طالعة من غرفتها بس من شافته ردت دخلت غرفتها يت بتسكر الباب بس في شي منعها وهو راكان دخل وبند الباب وراه وهي عطته ظهرها ،،،،،،
راكان :.... ليش من شفتيني دخلتي مره ثانية
ريم :.... مالك خص انت شو دخلك كيفي ادخل اطلع كيفي
راكان :..... ادري انج زعلانه مني وانا زوديتها وياج وايد سامحيني
ريم :.... اسفة مو مقبول انت الي سويته والي قلته يجرح مب شي بسيط حتى لو سامحتك بيتم قلبي زعلان عليك
راكان :.... افا له الدرجة اهون عليج ما تسامحيني
ريم :... هيه نعم تهون دام هذي تصرفاتك واصلا هاي مب اول مره تسوي ( لفت صوبه ) تتحسب ان كل مرة بطوف لا غلطان والحين اسمحلي ابغي ارتاح
راكان :.... خلاص اوكيه بخليج الحين وعقب برمسج وطلع سار غرفته و بدل ملابسة عشان بيسير ينفذ الحل البديل الي في باله ،،،، لبس بنطلون جنز ازرق وتيشيرت لونه ابيض عليه صورته اهو ويا ريان ،،،،،،، اخذ سويج السيارة ( نيسان 2015 ) راح على اقرب مول ..... اشترى صندوق كبير حق هدية ( يعني اكبر صندوق فالمول كله ) واشترى عقد الماس وساعة الماس لونها احمر على بني شكلها خيال ... المهم وبعد اشترى دبدوب كبير و ايفون 6 مع خط من اتصالات و كاميرا كانون .... عقب ما اخذ نص الاغراض طلع من المول وركب السيارة ساير مول ثاني عشان يحصل الي في باله ..... وهو يسووق اتصل اخوه ريان
ريان :.. وينك ادورك فالبيت مب محصلنك وين طلعت
راكان :.. ماشي عندي شغله بخلصها قبل المغرب وبرجع البيت
ريان :.. شو هالشغلة ؟!
راكان :.... فالليل بتعرف مب لازم اقولك الحين
ريان :... لا لازم اعرف والحين والله مب مسكر التيلفون الين اعرف
راكان :.... لا اله الا الله ،،، انزين ليش مستعيل اخر شي بتعرف اصبر الين فليل
ريان :... اقول يالله قول بسرعة
راكان :... انزين خلاص حشرتني ،،،، بسوي حفلة حق ريم اوكيه
ريان :... ليش حفلة شو المناسبة ؟؟؟


راكان :... ماشي مناسبة بس براضيها اعرف انها زعلت يوم عصبت عليها
ريان :... اها انزين من وين عندك فلوس ؟؟؟!!
راكان :.. عندي ميمع فلوس شوي ومن مصروفي الي فالبنك من الوالد ورحت قلت حق ابويه الي بسويه وخذت فلوس عنه زيادة و الحمد الله
ريان :... اها ،،، وين بتسوي الحفلة ؟؟؟
راكان :... ماعرف والله طبعا ما بسويها فالبيت لانها بتعرف بشوف وين بسويها
ريان :... انزين شرايك نسويها في قاعة صغيرة مال الحفلات ونخلي الهنوف وجوري يودونها الصالون وهالخرابيط على اساس انهم معزومين على حفلة وخلاص ليش معقد المساله
راكان :... انزين وين القاعة هذي
ريان :... انا بتصرف ،،، تعالي ليش ما نقول حق حميد ياخذ اجازة كم يوم ويي البلاد ونفرحها زياده شو رايك
راكان :... والله ما اعرف بتصله وبشوفه
ريان :... خلاص انت اتصله وانا بشوف القاعة بخبرك بس متى تبا الحجز
راكان :.. خله بعد يومين
ريان :... اوكيه يالله عيل برايك
راكان :... اوكيه باي
ريان :... باي

راكان اتصل على اخوه حميد ..... حميد :... هلا والله اشحالك يالقاطع
راكان :... اهلين الحمد الله بخير انت شحالك طمني عنك
حميد :... والله الحمد الله كل شي تمام
راكان :... دوم ان شاء الله
حميد :.. وياك ،،، ( بعتب ) تعال تراني زعلان منك وصلني خبر وزعلي منك
راكان :... افا والله ،،، خير شو السالفة
حميد :.... ليش مزعل ريم ومعصب عليها ،،،، تعصب عشان لعبة ،،، لعبة تخليك جي على اختك
راكان :.. ادري اني غلطان وهذا انا الحين براضيها بعد شو تبغي بسويلها حفلة وكل شي تبغيه وبراضيها
حميد :... مب مشكلة بس خف عليها شوي
راكان :... على امرك يالغالي ،،،، عاد بطلب منك طلب لا تردني
حميد :... امر شو بغيت
راكان :.. بغيتك تاخذ اجازة كم يوم وتيي البلاد
حميد ( بخوف ) :.... ليش شو صاير !؟؟؟
راكان :... لا ما في شي بس بغيتك تحضر حفلة ريم وودي افرحها ،،، ها شو رايك ؟؟
حميد ( بتفكير ) :... ان شاء الله بحاول بس ما اوعدك بس متى الحفلة ؟؟ راكان :... ان شاء الله عقب يومين
حميد :... خلاص عطني نص ساعة ساعة بالكثير وبردلك خبر
راكان :.. ان شاء الله ،،، عيل بخليك الحين وبتريا ردك
حميد :... مع السلامة
راكان :... مع السلامة
سكرو التيلفون وغي نفس الوقت وصل راكان المول عشان يشتري الاغراض الباقية ،،،،،، بعد ساعة كان راكان يشوف البدلة ورن تيلفونه ...... " حميد " يتصل بك
راكان :.. هلا حميد بشر شو صار
حميد :... عطوني اجازة خمس ايام وان شاء الله باجر المغرب طيارتي الفجر بكون عندكم ان شاء الله
راكان :... خلاص ان بكون موجود بس ما بتشوف الاهل الا وقت الحفلة
حميد :... عيل وين اسير
راكان :... بوديك البيت بس بدخلك غرفتي وتم داخل الين وقت الحفلة وانا بيي باخذك
حميد :... اوكيه عيل برايك بكلمك باجر
راكان :.. ان شاء الله مع السلامة
حميد :.. مع السلامة




عدت عيوني حدود الشوق وأنجنت
قدها تشوف الوجي العابره وجهك





كمل راكان شغله وطلع من المول بعد ساعتين ونص وسار سيده محل تغليف الهدايا وعطاهم الاغراض وقالهم بيخاذهم بعد يومين ..... بعدها سار الاستيديو عشان يسوي اغنية حق اخته ....
في الاستيديو
راكان :... السلام عليكم
الموظف :... وعليكم السلام امر خوي بشو اساعدك
راكان :.. ما يامر عليك يا خوي تسلم ،،، بغيت اطلب اغنية عيد ميلاد حق اختي
الموظف :... ان شاء الله تفضل عند استاذ خليفة هو بيساعدك ان شاء الله
راكان :.. مشكور يا خوي ما قصرت بس وين مكتبه
الموظف :... تفضل وياي
سار راكان ويا الموظف ودخل على الاستاذ خليفة وتفاهم معاه على الاغنية و بعدين طلع وسار البيت ...... اليوم الثاني كلم راكان عيال عمه واتفق وياهم ان يشوفهم فالمطعم وهو عازمنهم على الغدا وايون ويا خواتهم يبغيهم في موضوع ضروري ،،،،، الساعة 1:30 الظهر الكل كان موجود فالمطعم وكانوا يالسين مستغربين من الموضوع ،،، وصل راكان ودخل المطعم وسار عندهم وكانوا كلهم يالسين على طاولة وحدة
راكان :.. السلام عليكم
الكل :... وعليكم السلام
راكان :... اسف على التأخير الطريج كان زحمه
علي :... عادي ،،، والحين ممكن تقولنا الموضوع لان ولا واحد فينا فاهم شي ومستغربيين ان تبغي خواتنا ويانا يايين على عمانا شو السالفة
راكان ( يضحك على خوفهم ) :... يا جماعة ماله داعي الخوف وبعين خل نطلب الغدا وبقولكم السالفة ........... طلبوا الغدا ويابولهم المقبلات ............ تنحنح راكان :.... احم احم يا جماعة انا ميمعنكم اليوم لان ابغي ابلغكم اني راح اسوي حفلة حق ريم اختي يوم الجمعة وراح يكون في شخص موجود طبعا مابقول منو هو ،،،، فالي ابغيه منكم تكونون جاهزين حق الحفلة لانها بكون فقاعة والاهل كلهم بيحضرون وابغي وقفتكم وياي.

يتبع..... احمد :... ان شاء على هالخشم ،،، بس شو المناسبة ؟!! راكان :.. الموضوع ومافيه ان من يومين كنت مزعلنها وخليتها تصيح على موضوع تافه والغلط كان مني وحميد كلمني وحسيته ان كان معصب مني فحبيت اني اراضيها ونفس الوقت يوم الجمعة بيكون عيد ميلادها فالي ابغيه منكم تساعدوني شوي يعني انا تقريبا مخلص بعض الاشياء وريان بيحجز القاعة وهو بيهتم فيها ،،،،، شو قلتو ؟؟؟؟ عمهم حارب :... افا عليك يا راكان انت بس قول الي باقي ونحن بنساعدك
راكان :... مشكورين والله ما تقصرون
عمهم حارب :... اقول بلا رمسه زايده وارمس
راكان :... ان ابغي من البنات يساعدوني في الثياب يعني الفساتين وهالخرابيط عشان جي بغيتكم تيبونهم والشباب ابغي منهم سوالف العشا ودي جي وهالاشياء شو قلتو
كلهم :.... ان شاء الله
راكان :... خلاص عيل خلنا نتغدا الحين وبعدين نبدا الشغل
كلهم :... ان شاء الله



اعتذر عن التأخير
رايكم وتوقعاتكمم ،،

رد: روايتي :. وبكل ذرة مني اأحببكك

الرواية مرا تجنن كملي بليز

رد: روايتي :. وبكل ذرة مني اأحببكك

اتوقع حميد بيقابل يزوي وقت الحفلة ويتذكروا ايام زمان وهم صغار لما كانو يحبو بعض <<>مو ناقص الا تقولي ايام الأبيض والأسود ههه

رد: روايتي :. وبكل ذرة مني اأحببكك

‎حبك عن الباقي غشاني ،
‎م تنظر لمخلوق عيني

رد: روايتي :. وبكل ذرة مني اأحببكك

البارت السابع عشر

‎حبك عن الباقي غشاني ،
‎م تنظر لمخلوق عيني

رد: روايتي :. وبكل ذرة مني اأحببكك

اسفة حبايبي صارت لخبطة شوي فالبارت وأن شاء الله بس ثواني بنزل البارت كامل

رد: روايتي :. وبكل ذرة مني اأحببكك

‎البارت السابع عشر

حبك عن الباقي غشاني ،
‎م تنظر لمخلوق عيني

في بريطانيا ،، بعد الغدا

‎يالس ع الكرسي مجابل التلفزيون يبدل بين القنوات ع شي زين واخيرا استقر ع mbc2
‎اما هي يالسه ع الارض ماده ريلها تتابع وياه مره ومره تتعبث ف الفون وحذالها كوب شاي احمر بالنعناع ،، فجأه قامت راحت الغرفة ويابت علبة المناكيرويلست تتعبث بالالوان لين طلعت المناكير الرمادي المايل ع الكحلي،، :. يلحين حق شوها العباله وتلعبين بايدج بالالوان :. بس جذا يا ف بالي ،، واحتمال اروح عن خالتوو ....لانها يايه بيت جون فأحبه اروح بتروح وياي :. اي دونت نو اختي العزيزه بشوف
‎ما كمل كلمته الا حد يكلمه ع الواتس
‎انشغل فيه وخلا اخته تكمل مناكير ،،
‎فجاه ،،
:.. اقوول لينا انا تقريبا بعد ساعه بطلع ،
‎لينا :. ع وين ان شاء الله : بنتلاقا ويا ربيعي حميد ،، ليش شي ف خاطرج
‎لينا :. لا ما ابغي شي انا عقبك بساعه بطلع بعد بروح عند خالتو
‎وليد :. اوك خيتوو الله يحفظك
‎لينا ونظرها ع التلفزيون ،، بعد صمت ،،:. ها الفلم مب يايبه من فترهه
‎وليد :. هييه يايبينه وقصته حلو وزين انهم عادوه لاني ما شفت من النص للين النهايه كانو يايبينه ف وقت متاخر ما تفيجت أكمله ،،
‎لينا :. هيه تذكرتهه،، روعه ها الفلم
‎رجعت تتعبث ف الفون ودشت الواتس يت عينها ع قروب العمل ،، راحت بذكرياتها لذاك اليووم اللي
،(الكلام مترجم )
، شو فيه الحلوو سرحان
هييه ليونه ،، لينا
لينا :. هلا وليد شفيك شي صاير
وليد :. ما فيني شي بس انتي شفييج
لينا:.. ما فيني سي بي كنت ادرس وسرحت شوي
وليد :. ايوا ،، خلاص ادرسي تبين كوفي ولا
لينا:. بتسوي خيير خيوو
راح وليد اييب له كوفي وللينا،، اما لينا ما زالت تفكر ومحتاره اقول ولا ما اقوول
ما حست بغير كوب من الموكا حذالها ،، ويلس وليد مجابلنها ويشرب من الكوفي ويتصفح الكتاب اللي وياها قبل ما يروح الكلاس
بعد فتره من الهدوو تكلمت لينا
لينا ؛.. امم وليد
وليد :. هلا
لينا :. بصارحك بشي ما راح تزعل
وليد :. لا قولي ما اتوقع تسوين شي يزعل ،،
لينا ؛. قبل اسبوعين شفت لافته عن عمل وقدمت ك عمل جزئي ،، وقبلوني والعمل ف متجر للملابس ومحل محترم وتعامله اوكي ،،ما حبيت اخش عنك الشي اللي اسويه ،، لانه احسه مب حلو اما اوقات الدوام زين ما استقل لوقت متاخر ولي جدول اداوم فيه وبس ،، واسمحلي اني ما قلتلك من قبل لا اسوي الشي ،، وليد :. لينا بصراحه انا مقصر وياج ف شي
لينا :. لا والله مب مقصر. في شي بس حبيت اشوف كيف الشغل وكيف اقدر اعتمد ع نفسي وأقضي اوقات الفراغ
واذا اني اشتغل يضايقك بطلع من الشغل وما بكمل ،،
وليد :. لا مو قصدي بس حبيت اسال ، خلاص كملي الشغل دام شغلهم اوكيه ومعاملتهم اوكي ،، بس اذا أحتيتي شي تراني موجود ليونه
لينا : اوكييهه خلاص
رجعت للواقعع ع صوت وليد الي يناديها
لينا : هلا وليد وش بغيت
وليد :.. ما شي بس بطلع يلحين شي ف خاطرج
لينا :.. بعده وقت
وليد :. بروح بقضي شغله وعقب بروح
لينا :.خلاص الله يحفظك وتيك كيير ،،
وليد :. مع السلامه،، طلع وليد وقامت لينا بعد ما تاكدت ان المناكير جف ،، راحت تشوف شو بتلبس واخر شي استقرت ع لبس ،،، دخلت تاخذ لها شاور وعقب ما خلصت طلعت لفلفت شعرها الكاكاوي رولات من تحت وطلعت لها قذله وسوت لها بأف خفييف
ولبست حلق ونعال كعب سيلفر ،،،،،،،، بعد ما انتهت من اللمسات الاخيره كان شكلها كيوت وطالع جميله ولبسها كان قميص رمادي فاتح مع وتنوره صفرا فيها كسرات بعد ما جهزت طلعت من البيت وكان سايق بيت عمها جون يترياها برا لانه خالتها مطرشتنه لها وتترياها،
--------------- --------------- --------------- --------------- --------------- --------------- ---------------
بالنسبه ل وليد اللي طلع يقضي كم شغله وبعدين راحح الكوفي اللي مجابل الكورنيش لان حميد يترياهه هناك ،، وصل هو وحميد ف نفس الوقت ،،
بعد السلام وأخذ العلوم طلبو لهم كوفي ،، يالسين وهم ينتظرون الطلب يوصل ،،
وليد :. يلحين شحقة هالضيقه ،،
حميد :. يابوك مليت وعييت ويلحين داخلين ع اجوا امتحانات وتعرف امتحاناتهم السمم ،،
وليد ،، ما في شي جديد ع الامتحانات ها نظامهم وانته من متي انته هنيه ما تعودت شووه
حميد :. نص نص
وليد :. المفروض ما تتشائمون وتدرس عدل ولا تنسا الوعد اللي قطعته ،،
حميد :. الله يعين 
وفي هاللحظات وصل الطلب ،، وكلن بدا يشرب من الكوفي 
لفت انتباههمم بنت تصييح ومتمسكه ف اخوها ( مترجم ) 
البنت :. هل يجب ان تذهب
الولد :. نعم ف انتي تعرفين ذالك ويجب ان اكمل دراستي ف الخارج
البنت :. لماذا لا تكملها هنا ،، ما الفرق بين هنا والخارج 
الولد :. تعرفين ما الفرق ولا اريد ان اتحدث اكثر 
البنت :. وهل يدعك قلبك ف ترك اختك الصغيره وتذهب بعيدا عنها 
الولد :... بيلا  يكفي فقد اخبرتك من فتره لما سأذهب للخارج ف لا تتكلمي ف هذا الموضوع كثيرا ،، سأذهب للدراسه ف الخارج وأكون طبيبا ناجحا،،
بيلا :. حسنا ،، هل كل ما تفعله وانطوائك ف الدراسه لتصبح طبيبا من اجل تلك الفتاه الحمقاء التي ستتركني وتذهب  للخارج من اجل ان تنساها ،، تستطيع فعل ذالك من دون هذا كله 
الولد :. بيلا كفي ،، لا اريد ان اتحدث اكثر ،،

بالنسبه لحميد اللي شاف هالمنظر رجعت به الذكريات لكم من سنه ورا
" كانت العايلة كلها متيمعة فالصالة وريم يالسه في حضن حميد وتلعب باصابعه .. حميد قرر انه يفاتح اهله بالموضوع ...
حميد :.يا بوي ابغي افاتحك بموضوع ...
بو غانم :.انزين قوم بنسير المكتب ..
حميد :.لا يا بوي ابغي الكل موجود ..
بو غانم :... انزين يالله قول شو عندك !؟؟
حميد كان خايف من ردة فعل ابوه :.. يا بوي انا ناوي اكمل دراستي الثانوي والجامعة في بريطانيا ..بو غانم انصدم وسكت ما عرف شو يقول والكل تموا ساكتين وريم تعلقت في حميد ..
حميد :. ها يا بوي شو قلت ؟؟؟؟؟
بو غانم :..لا مافي تكمل دراسك هني فالبلاد ليش ناوي عذاب انت تبغي تعذبنا وياك ولا اختك اختك الي متعلقه فيك شو ما فكرت فيها ..حميد شاف ريم الي في حضنه وحاطه راسها على صدره وتصيح وهي متمسكه فيه مب مصدقة انه بتفارقة يوم من الايام ولا بيروح معاها تاخذ الشهادة اخر السنة ..
حميد قال :.انا حتى متعلق فيها لو بيدي باخذها معاي هناك بس هيه صغيرة وانا بكمل دراستي ومستقبلي هناك .
بوغانم :.انزين شو فيها الدراسة فالبلاد ها ما فيها شي
حميد :.بس يا بوي انا باغي اطور من نفسي وغير جي شهاداتهم اعلى عن شهاداتنا يعني بكتسب خبرة عندهم اكثر بعدها ارد البلاد واطور من الشركة ،،، ( بتردد ) ها شو قلت يا بوي ؟؟؟!!
بوغانم بتفكير :.. يصير خير خلني افكر
ريم لين الحين تصيح في حضن حميد :.. حميد لا تسافر الله يخليك اهى اهى اهى اذا بتسافر بسافر وياك اهى اهى وتحضن حميد اكثر واكثر
حميد :.. لا حبيبتي انتي عندج مدرسة وبعدج صغيرة ما اقدر اخذج وياي
ريم تشاهق وتصيح اكثر وتتمسك فيه اكثر :.. لا ما ابا ،،، ابا اسير وياك اهى اهى اهى
حميد يحضنها عشان تهدا شوي :... خلاص يا ريم وعد مني كل اجازة بتلاقيني عندج واذا اسمحت لي الفرصة باخذج وياي عشان تغيرين جو الدراسة وبعدها تردين البلاد اوكيه ...
ريم هدت شوي :.. خلاص اوكيه بس ما تغيب عني ابغيك كل يوم ترمسني
حميد :.. خلاص وعد مني اكلمج كل يوم ،،،يالله الحين قومي بدلي ثيابج عشان نطلع انا وانتي بس .... قامت ريم من حضنه وسارت ركض على غرفتها عشان تبدل ملابسها ،،
نرجع الصالة عند حميد وكان متوتر من قرار ابوه .حميد بتوتر :.. ها يابوي شو قلت ؟؟
بوغانم :.. عطني كم يوم افكر وبردلك خبر .
حميد :.ان شاء الله ،،اوكيه عيل انا بطلع اتمشى ويا ريم .
بو غانم :.انزين سيروا بس لا تتأخرون ودير بالك عليها .
حميد :. ان شاء الله نحن بنروح الحديقة الي فالفريج وما بنتأخر، ،،
ان شاء الله نحن بنروح الحديقة الي فالفريج وما بنتأخر .... نزلت ريم وهي لابسة بنطلون جنز اسود ويا قميص ابيض كم طويل عليه صورتها وهي صغيرة ( كان بو غانم طابع صورتها وهي صغيرة على قميص وكانت هديته يوم عيد ميلادها ) ورافعة شعرها ذيل حصان وكانت لابسة بوت اسود ...
ريم :.. يالله نسير انا خلصت ....
حميد :.. يالله خل نسير عشان نرد من وقت ...
ام غانم :.. الله يحفظكم وقرت دعاء في قلبها (( استودعكم الله الذي لا تضيع ودائعه ))" ... ،،
،
،

وليد :. ياهون حمييد حمييد وين وصلت 
بعد فتره انتبه له حميد :  ها شو بغييت 
وليد :. ما بقيت شي ،، بس انته وين وصلت لي فتره ارمسس ما تتوايب 
حمييد  بعصبية شوي :. يا ربييه جيه ما تخلي الواحد يأخذ راحته،، شفيها لو سرحت شوي بينقسم ريل ولا أيد 
وليد يستهبل :. لا الاثنين 
حميد بعد تفكير :. هيه صح نسيت اخبرك باجر العصر انا مسافر 
وليد :. ع وين العزم
حميد:. برد البلا بسلم ع الاهل وبرجع 
وليد :. زين ربي يحفظك 
حميد .:. ويحفظك قوم تعال ابا أخاذ هدايا للاهل ابا رايك ف بعض الاشياء
وليد :. حاظرين
راحو ياخذون هدايا والجوله ما خلصت من استهبال وليد ع حميد بعد فتره
وليد :. ها خلصت ولا ف شي 
حميد بعد تفكير ؛. لا خلاص خذت اللي اباهه،، ليش ف شي لايكون مليت 
وليد :. اي ملل واي خرابيط بس خالتوو مطرشه ع الواتس تقول تعالو الكل متيمع 
حميد زيين يالله عيل خلنا نسير دام الكل متيمع ،، اليلسه ويا الكل ومن ضمنهم خالتو  رينا ما تنمل ،،
وليد :. يالله
رايكم !! وتوقعاتكمم !!

رد: روايتي :. وبكل ذرة مني اأحببكك

البارت الثامن عشر

يكونق ألانسان | غريبا | عندما يكون جسده في مكان
و { روحه } في مكان اخر !

بعد ساعة خلصو غدا وطلبو حلويات عشان يحلون لان وراهن خواطة ودنيا وعفسة .... المهم وهم يالسين ياكلون سألهم راكان :... انزين الحين ابغي اقسم الشغل عشان نخلص في وقت قصير طبعا البنات عليكم الفساتين والعفسة مالتكم بس لحظة منو مقاسها نفس مقاس ريم
مريم :... انا هي نفس ضعفي تقريبا لكن اقصر مني شوي
راكان :.. خلاص انتو شوفو الي يناسبها ولا اوصيكم وان شاء الله اليوم فليل بخبر اهلي ولا باجر ..... ممممم وصح لا تنسون تحجزون الصالون وجي والحناء بعد اوكيه
البنات :... ههههههههه اوكيه / الله يهداك ما خليت شي / ان شاء الله
راكان :.... وانتو يا شباب منو يعرف فرقة حلوه جي
عامر :... والله في وايد فرق حلوه بس انت طب وتخير واذا تبغي انا بتصرف وبدور الفرقة العدلة وبسال ربعي لانهم يعرفون هالسوالف وجي
راكان :... خلاص عليك الفرقة والمطعم وين احجز
عبد الله :... ليش ما تحجز من هالمطعم اكلهم حلو ومرتب ونظيف
راكان :... لحظة خل اسئلهم يمكن ما عندهم هالخدمة ،،،، اشر راكان على الموظف وياه
الموظف ( مصري ) :... امر حضرتك اخدمك في اي حاجة ؟؟؟ راكان :.... بس بغيت اسأل البوفية على كم عندكم
الموظف :.... حضرتك عاوز لكم شخص ؟؟؟؟ راكان :... والله تقريبا 150 شخص
الموظف :... بص حضرتك اذا حاوز كل الخدمات الطاولات والمفارش وكل حاجة حيبئا ب5000 درهم وكل ما قللت الطلبات بيقل السعر
راكان :... خلاص بحجز عندهم ولا شو رايكم
الكل :.... اتوكل على الله
راكان :... خلاص اعملي كل الخدمات ب 5000 درهم وشوف بعطيكم نص المبلغ الحين والنص الثاني بعد الحفلة لان لو صار نقص او اي شي بينقص المبلغ
الموظف :.. مش مشكلة دا من حقك يا سيدي بس ممكن تتفضل معايا مشان تعمل الحجز
راكان ( قام ) :... ان شاء الله ،،،،، عقب نص ساعة رجع راكان ويلس مكانه
عمه حارب :.. ها شو صار وياك ؟؟؟؟ راكان :.... ماشي اتفقت وياهم على كل شي والحمد الله افتكينا من المطعم
عبد الله :... انزين اي قاعة بتحجز انت الحين
راكان ( كفخ راسه ) :... وييي زين ذكرتني الله يذكرك بالشهادة قول امين ( طلع تيلفونه ) خل اتصل على ريان اشوفه شو سوا
ريان :..... هلا راكان
راكان :..... اهلين ها شو سويت ويا القاعة
تابع ....... عبد الله :... انزين اي قاعة بتحجز انت الحين
راكان ( كفخ راسه ) :... وييي زين ذكرتني الله يذكرك بالشهادة قول امين ( طلع تيلفونه ) خل اتصل على ريان اشوفه شو سوا
ريان :..... هلا راكان
راكان :..... اهلين ها شو سويت ويا القاعة
ريان :.... كل شي تمام مثل ما نبغي وحجزتها حق بعد يومين ان شاء الله
راكان :... تمام وانا بعد حجزت المطعم حق البوفيه واتفقت وياهم
ريان :.. خلاص اوكيه
راكان :... اوكيه برمسك عقب شوي برايك الحين
ريان :.... انزين فمان الله
راكان :... مع السلامة ( سكر التيلفون ) خلصنا من القاعة حجز ريان واتفق وياهم على كل شي
علي :... انزين الحين شو بنسوي ؟؟؟؟ اميرة :... الحين نحن بنحجز الصالون بتيلفون واحد وخلاص حتى الحنا بنيب الحرمة البيت وبنقول حق البنات عندنا عرس وبنتحنى بنيب الحرمة الييت احسن من الصالونات وزحمتها
اماني :.. هيه صح انتي عندج رقم الحرمة رمسيها الحين عشان ما تنشغل وانا بتصل على الصالون وبحجز على عددنا
احمد :... يالله شو تتريون اتصلو الحين
اماني :... اول بتصل على الصالون بشوف الحجز ( طلعت تيلقونها من الشنطة واتصلت ) الو السلام عليكم
الموظفة ( لبنانية ) :.. اهلا وسهلا وعليكم السلام
اماني :.. هلا فيج حبيبتي معاي الين
الموظفة الين :... ايوا حبيبتي بشو فيني اخدمك
اماني :... هلا الين معاج اماني
الين :... اهلين ولك وينك انتي معاد تجي لصالون هلاء مختفية
اماني ( تضحك ) :... ههههههه موجودة بس ما حصلت فرصة عشان ايي الصالون لكن الحين انا متصلك ابغي احجز حق بعد يومين
الين :.... ولك بينور الصالون انتي بتجي بدون حجز
اماني :... هههههه ما تيوزين عن سوالفج الحين خلينا فالمهم ابغي احسن البنات الموجودات فالصالون من مكياج وشعر
الين :... انتي بتأمري طيب لكم وحدة بديك
اماني :... حق 9 حريم ان شاء الله وابغي احسن ثنتين مخصوصات حق وحدة بس مالهم خص فالزبونات الباقيات
الين :... من عيوني التنتين بتكرمي حبيبتي هلاء بديهم خبر وكل الي بدك ياه بيصير
اماني :... اوكيه على كم بيكون المكياج والتسريحة
الين :... المكياج والتسريحة ب1000 درهم لكن مشانك ب600 درهم شو بدك كمان
اماني :... خلاص اوكيه حبيبتي مشكورة مع السلامة
الين :... مع السلامة
اماني ( صكرت ) :.... خلاص الصالون وحجزت اميرة شوفي المحنية
اميرة :... ان شاء الله ( اتصلت عليها ) :... الو السلام عليكم
المحنية :... وعليكم السلام هلا حبيبتي اميرة شخبارج
اميرة :... الحمد الله بخير انتي شحالج شحال الاهل
المحنية :... بخير الحمد الله امري حبيبتي
اميرة :... ما يامر عليج عدو الغالية بغيتج باجر تينا البيت عالعصر جي
المحنية :.... ان شاء الله حبيبتي كم وحدة بتتحنى
اميرة :... تقريبا عشر حريم
المحنية :... ان شاء الله حبيبتي من عيوني
اميرة :... تسلم عليونج حبيبتي مع السلامة
المحنية :... مع السلامة
اميرة ( سكرت التيلفون ) :... والمحنية حجزناها
عمهم حارب :... انزين تقريبا نص الشغل خلصناه
علي :.. هيه انزين قوموا الحين توزعو عشان نخلص البنات يسيرون المول ويا ثنين من الشباب والباقي يسيرون يذالعون الدي جي
راكان :... انا بسير عندي شغله بخلصها شوي ،،، عامر و احمد يتكفلون فالفرقة واذا ما حصلتو شوفو دي جي وكلموني عشان المبلغ اوكيه
احمد وعامر :... اوكيه
راكان :.. عمي حارب ابغيك تسير البيت العود وتيمع الاهل كلهم ما عدا خواتي وامي خلهم هذيل باجر وانا بخلص المشوار وبييكم ان شاء الله
عمه خارب :... ان شاء الله
راكان :... اما باقي الشباب تسيرون ويا البنات المول عشان بتشرون والب قياسها نفس وحدة من خواتي تشتري والمبلغ موجود فالبطاقة الي بعطيكن اياه بعد شوي فيها حوالي 30 الف درهم اذا احتجتوا تزياده خبروني وبحول على الحساب
الكل :... ان شاء الله
عمهم راكان :... يالله الكل يتوكل على شغلة
الكل :.... يالله
كل واحد سار لشغله وراكان سار لشغلة ( بعدين بتعرون )

بنروح عند غانم الي اتصل فيه راكان وخبره الي بيسويه وقاله ان بيوصل العصر ان شاء الله لكن قبل لا يرجع اجل موعد اللقاء ويا الشركة الثانية الين يوم الثلاثاء " بنرجع كن ساعة قبل "
غانم اتصل على السكرتير وطلب رقم الشركة :... راشد اتصلي على الشركة الي بنجتمع وياهم وحول الخط عندي
السكرتير راشد :... ان شاء الله ( اتصل وحول الخط عند غانم )
غانم :... مرحبا اخوية شحالك ...... :.. الحمد الله انته شحالك
غانم :... يسرك الحال ،،، راشد موجود .......:... هيه نعم بس ثواني خلك على الخط ( الخط الثاني ) طال عمرك مدير الشركة الي بنجتمع وياها موجود على الخط
راشد :... حول الخط
السكرتير :.... ان شاء الله ( يكلم غانم ) تفضل الحين بحولك على الاستاذ راشد ( وحول الخط على راشد )
غانم :.. السلام عليكم اخوية راشد شعلومك
راشد :... هلا وعليكم السلام الحمد الله انت شحالك
غانم :... بخير يسرك الحال ،،،، انا الحين متصلك وبغيت اقولك اني راحع البلاد اليوم عندي شغلة ضرورية وان شاء الله على الاحد برجع واذا ما عندك مانع بنأجل الاجتماع ليوم الثلاثاء شو رايك
راشد :... والله ياخوية ما عندي مانع الي تامر فيه بيصير
غانم :... مشكور ياخوية ما قصر بخليك الحين وبنشوفك ان شاء الله يوم الاجتماع
راشد :... ان شاء الله
غانم :... مع السلامة
راشد :... مع السلامة " غانم كان ساير المطار اتصل على اخوه راكان "
غانم :... الو هلا راكان
راكان :... هلا غانم
غانم :... اسمعني انا الحين ساير المطار عقب خمس ساعات تقريبا بكون فالبلاد تعالي المطار
راكان :... ان شاء الله
غانم :... مع السلامة
راكان :... بحفظ الله
توقعاتكم ؟؟؟!!

رد: روايتي :. وبكل ذرة مني اأحببكك

متابعة لك استمري لي عودة مع التوقعات

رد: روايتي :. وبكل ذرة مني اأحببكك

اتوقع ان الشي اللي ب يسويه راكان هو انه يستقبل حميد من المطار