رد: روايتي :. وبكل ذرة مني اأحببكك

&&& البارت الاول &&&


‏ ݕڑائة ٵطڨاڵ ❥

‎استيقظت تلك الطفلة ذات الملامح البريئة والجميه ليست بيضاء بل بشرتها تمتزج باسمرار خفيف مع بياضها وعيناها البنيه الجميلة وشعرهالاسود المائل للون البني الذي يطول لكتفيها << بعد نوم عميق راحت ،،،

راحت تشوف من موجود من أخوانها فالبيت ومنو سار المدرسه و وين البقيه ، وشافت اختها شماء اصغر منها نايمه اما البقيه من خواتها واخوانهالاثنين ساروا كلهم المدرسه اما اهي بعد سنة بتدخل الروضه ...

وبعد الجولة الي سوتها البنت فالبيت شافت امها يالسة فالحوش تسقي الزرع وتهزب الخدامة عالشغل ...

البنت قررت تروح تاخذ شور وتلبس عشان تسير تتحوط ف الفريج وتلعب نفس كل مره ويا الاولاد ،، بعد ماأخذ شور ولبست شورت ابيض مع تي شيرت ابيض فيه رسمه في الوسط وتركت شعرها السايح مثل ماهو بس راحت لامها عشان تحط لها شباصه ع شعرها (( معلومة : الشباصة هي الي تنحط فالشعر�� ))

..؛؛ماما خلصتي ،،
الام : هيه خلصت سيري طالعي اختج شما واعيه ولا راقده
...:: ماما انا شفتها كانت راقده انا بسر برا
الام : وين تبين يلسي هنييه بعد ما اخلص بشل اختج وبنسير عند يدتج ،،
..:: مابا بعدين انا بروح بيت يدوه عند خالوه عواشش الحين بسير برا بلعب ويا الاولاد يتريوني عند باب البيت هناك يلعبون كل مره انتي تعرفينهم كلهم مال منيه < تقصد اهليه من الفريج >
اوكييه انا بلعب وياهم وبيي بيت يدوه اعرفه مكانه انا زين ، انا كل يوم اروح عند خالوه
الام :: انتبهي زين على عمرج ولا تتاخرين تعالي بسرعه
...:: اوكيه بيي مناك خلاص
وطلعت البنت من البيت الشعبي وحصلت الاولاد يلعبون جدام بيتهم

((وصف سريع للمنطقه ))
يعيشون في منطقة هاديه الكل يشعر فيها بالامن والامان ((والكل ع قلب واحد والجار للجار بيوتهم كلهم حذال بعض ويمعاتهم كلها افراح ب افراح ما للحسد درب بينهم قد يكون هنالك لاكن بالرغم من ذللك كانت هذه نظرة الطفله بانها تعيش في بيئه كلها امان تستطيع الخروج والدخول ))


،

،
بعد ما طلعت من البيت حصلت الاولاد برا يلعبون واللي هم >> محمد ،، حميد ،، خالد،، خليفه ،، سلطان ،، حمدان <<

محمد : عمره ٥ سنين ، هو ولد جميل وبريء ،، لون عيونه عسلي فاتح وبشرته برونزية ولون شعره بني مايل للاشقر .. الي يشوفه يشوف البرائه في عيونه
حميد : عمره ٦ سنين ، جميل وجماله مب طبيعي ،، لون عيونه بنفسجي وبشرته بيضاء حيل وشعره لونه اشقر ،، وملامحه بدويه اصيلة لانه اخذ ملامح ابوه وامه بريطانية متوفية يوم ولادته ومرت ابوه ربته مع عيالها ...

خالد : عمره ٤ سنين ، جميل بشرته لونها ابيض مايلة للسمار عيونه لونها اسود وشعره لونه اسود ...

خليفة : عمره ٣ سنين ونص ، ملامحه هادية لون عيونه بني فاتح شعره لونه اسود و بشرته برونزيه ...

سلطان : عمره ٤ سنين ، ملامحه عادية لون عيونه عسلي شعره بني غامج وبشرته بيضاء ...

حمدان : عمره ٥ سنين ، ملامحه هادية لون عيونه رصاصي غامج وشعره اسود وبشرته برونزيه ...

****************

حميد : واخيرا طلعتي ليش تاخرتي ..
البنت : توني ناشة من الرقاد وعقب سرت تسبحت وتريقت والحين طلعت ،،، انزين الحين بقولكم لعبه الي ما بينفذ اللعبه بيتعاقب شرايكم ؟!؟!
الاولاد : اوكيه ،، انزين ،، قولي يالله ...
البنت : الجو حلو اليوم وايد ... انزين الحين بنسوي سباق الين الدكان واليوصل متاخر بيخسر بيسير يشتريلي حلاوة وجبس وعصير حقي ولمدة اسبوع ،، موافقيين ؟؟؟؟



توو قعاتكم ����

رد: روايتي :. وبكل ذرة مني اأحببكك

&&&البارت الثاني &&&


البنت : الجو حلو اليوم وايد ... انزين الحين بنسوي سباق الين الدكان واللي يوصل متاخر بيسير الدكان يشتري حلاوة وجبس وعصير حقي ،، موافقيين ؟؟؟؟
سلطان :،، واللي يفوز ب السباق شو بتعطينه
البنت:. اممم ..اممم .. شو بعطييه ..هيه بعطيه بوسه ع خده ^_^ ،،
محمد :،، اوكيه بوسه بوسه ،، تحسبت بتعطينا من الاكل ترا انا يوعان ما كلت شي =(

حمدان ::قلت لك كل ،،قلت مابا ،،عاد بكيفك ،
خالد يكلم خليفه :،، خلوف بتلعب ولا بتيلس ،،
خليفه ،، لا بلعب وياكم انا ،،
خالد،،خلاص خلونا نتسابق ، انا رسمت خط في التراب @الرمل@ ي الله وقفو كلكم ويا يزووي عدي لنا اوك
كلهم استعدو للسباق ،،
البنت:'1....2.....3....قووو
&& السباق كان قصير مب طويل كان من جدام البيت لين الدكان لانه الدكان قريب منهم وحذال المسيد $$
بدا السباق وكلهم في المقدمه بس خلوف وسلطان تعبو وصارو اخر السباق ،،،بس مقدمة السباق كانت المنافسه بين حميد ومحمد وكل واحد منهم يبا يفوز بالسباق
^
^
^
محمدوهو يناهي :.. يزووي يالله بسرعه عطيني البوسه فزت انا ،،$$ يناهي معناها يتنفس بسرعه $$
حميد ،، لا انا انا اللي فزت خلاص
اليازية:.. انا شفت حميد الاول بس انته الاول مكرر بس حميد هو اللي بيحصل البوسه ما بعطييك ((وهي تطلع لسانها ))
وقفت خذال حميد وباسته ع خده وهو حظنها من ورا

حميد في خاطره :: احللى ذكرا منها وما راح انساج ي حبيبتي ،
،،،
،،،
،،،
بالنسبه لسلطان اللي وصل الدكان متاخر شرا بالمره اكل لليازيه ورجع مكان ما واقفيين
سلطان وهو يمد لليازيه كيس الاكل :: المره اليايه بتتسابقين ويانا واذا خسرتي ترا عليج تشتريلنا كلنا
اليازيه بعد ما خذت الكيس وبدت تكل الكييك ::.خلاص عيل ترا اذا فزت علييكم كلكم تشترولي ولا تقولون ما عندنا ،، اذا تبون تعالو بنتسابق الحيين
الكل::.. لا،، حرام عليج تونا متسابقين ،، ما انرووم
اليازيه :: عيل لا تتحدون تراكم من الحيين خسرانيين ،

يلسو كلهم ع الارض على شكل دائره يرمسون ويخرطون ع بعض ويلعبون بالتراب ويرسمون عليه اشكال ،، طبعا يزوي يلست عدال حميد ولا زالت بحضنه ،،،

قريب الظهر ،،

::...هموووووود ،، سلطان ،،،
محمد :.. شووو تبين عنبوه ما نفتك منج
:...تألو بابا يبا انتو جلدي كرووو يالله مافي تاخير ،، يالله يالله تالو ...
سلطان :: خير ان شاء الحين بني بس انتي سيري ..
:: .... يالله جين انا في سيري الهين ما تأكري بأدين بابا سوي جنجال انتا ...
بعد مع راحت الخدامه
وقفوا سلطان ومحمد بيروحون
خليفه وهو يرمسهم :: اصبروا بروح وياكم بما انه بيوتنا حذال بعض،،(( حذال معناتها جنب بعض )
وراحو
خالد يرمس حمدان : حمدان يالله تعال بنروح بيت يدوه
توهم بيروحون
اليازيه :: بروح وياكم تريوني،يالله حميد اشوفك باجر انزين انا بسير بيت يدوه وياهم
حميد ::.. ان شاء الله يالله مع السلامه وباسها ع خدها قبل ما توقف ..
حميد رجع البيت وتفاجا باللي سمعه،،

اما بالنسبه ل اليازيه وخالد وحمدان ،،قبل ما يوصلون بيت يدتهم،شافو باص المدرسه واصل ودخلو بيت يدتهم ،،



٨
لما دخلو حصلو امهاتهم طالعين بيروحون البيت
٨
ام راشد ،،ترمس اليازيه :.. يزووي يالله بنرووح البيت
يزوي ::،، مابا بتم هنيه بيت يدوهه عند خالوه
ام راشد بس لا تتاخرين
يزوي :.. ماما مابا بتم هنييه برقد عند خالوهه هيه يلحين بتي من مدرسه ،،
ام راشد :..ما عليه تمي بس لا تسيرين تحوطين برا تمي هني عند يدتج
،،
ام حمدان :..يالله حمدان خالد قومو بنسير البيت بعدين بني هنييه
سار الكل بيته ،،والكل رجع من المدرسه ومن دواماتهم يرتاح

&&&&&
يزووي :.. عواشششيي وحضنتها
عواشي :..شحاج حبيبتي
يزوي ،، اوكييه
عواش :.. تغديتي
يزوي :..لا ما كلت اترياج انا باكل وياج
عواش:..يالله تعالي بنتغدا اول وبعدين بنرقد
يزوي :..اوكييه
٨
&
٨
بعد ما تغدوا ،،
عواش:..حبيبتي شو سويتي اليوم
يزوي :.. روحت العب برا ،،لاني اعرف انتي سرتي مدرسه ،،
وقصت يزوي قصتها ل خالتها عواش اللي تعتبرها امها الثانيه ،،
اما بالنسبه للمفاجئه والصاعقه لحميد
٧
٧
حميد:.. لا لا ما با ،،ليش جي ،، حرام عليكم ،، ماما مابا خلونا هنيه الله يخيكم

توقعاتكمم،،

رد: روايتي :. وبكل ذرة مني اأحببكك

&&&& البارت الثالث &&&&
اما بالنسبه للمفاجئه والصاعقه لحميد
7
دخل البيت سمع ابوه يكلم امه عن
7
7
:.. خلاص نحن بننقل من هنيه مثل ما قلتلج ذيج المره شغلي ثبت خلاص والفله جاهزه ب دبي ولازم ننقل لان الدرب من هنيه لين دبي طويل والدار بعيده ف بننقل وجهزو اغراضكم الباقيه لانه باجر الفيير بنطلع وقولي لغانم والباقي عن النقل ،،انا بطلع عندي شغله وبمر اصلي بالمسيد وبيي
ام غانم :.، ان شاء الله خلاص بكمل باقي لم الاغراض،،
وهو طالع من الصاله شاف حميد
ابوغانم:،،اعتقد سمعت وخلاص بننقل سر جهز اغراضك ،،
حمييد :.. ليشش هنييه احسسن كل اللي هنيه نعرفهم هناك ما عندنا حد انا ابا اتم هنييه
ابو غانم :.. ماعليه ببتتعود واقرب فرصه بيبكم هنييه
بس يابوك لازم ننقل عشان الشغل
وطلع ابو غانم
حميد وهو يكلم امه ::.لا لا ما با ،،ليش جي ،، حرام عليكم ،، ماما مابا خلونا هنيه الله يخيكم
حميد في خاطره :..ابا نتم هنيه مابارووح بعييد عن حبيبتي
ام غانم :.. ما عليه حبيبي بس لازم ننقل سير جهز اغراضك بيي عقب شوي وبنلم اغراضك مع بعض

،،،،،
العصر ..

بعد ما صحت يزووي من النوم طلعت الحوش حصلت يدها ويدتها يالسين ويتقهويون ويلست وياهم تتكلم
يزووي:.. يدي انا احببك وايد وهي تحظنه من طرف وتنام ع كتفه
$$ وتمت تسولف وياهم وتلعوزهم لين ما خلصت خالتها من الدراسه
يزوي :.. انا بروح اشوف عواششي
راحت وهي تناي عليها
حصلتها طالعه من الغرفه وهي ماسكه الكاميرا
يزوي ::. عواشي شو بتصوريين
عواش :.. بصور المكان ذكري وتعالي بصورج بعد طالع قمر اليووم
يزووي :.. اووك ،،

7
7 عواشي بس تعبت
عواش :،، يالله تعالي نروح عند امايه وابويه
يزوي :.. اووك
سرت انا صوب يدي وحصلت خالي سعيد يالس وياه ،، وخالوه راحت صوب يدووه
يزوي:.. اووه سعدوووه هنييه انا دورتك ما حصلت في البيت
سعيد:.. شو سعدووه انا خالج قولي خالي ولا سعييد
يزوي :..مابا ع كيفي انا صح ابويه عادي اقوله سعدووه
الجد :.. برايج ازقريه مثل مثل ما تبيين ،،الا اقولك سعيد باجر نش من الففير بنسير المزرعه
يزوي :.. يدي ابا اروووح وياكم ابا اشوف المزرعه ما شافيتا
الجد :.. لا بنتي مره ثانيه باخذج ويايه
يزوي :.. انزييين خلاص انا بروح بيتنا ،، بشوف خواني انا
سعيد :.. اوصلج
يزوي :. مابا اعرف اروح البيت انا
7
بعد ما طلعت من بيت يدي ،، وانا افكر ،، ادخل بيت عمي واروح بيتنا ولا اروح في السكه وادخل بيتنا
لا خلاص برووح من السكه ..
>> شرح بسيط اول ما تطلع من بيت الجد في اتجاهين لبيت يزوي 1-،اذا طلع وخذت يمين بتمشي ف السكه تقريبا 15 خطوه وع السيار بيتهم اما الاتجاه الثاني تمشي 4 خطوات جدام وبدتخل بيت عمها ع ايدك اليمين وبتكمل مشي لين ما تدخل من الباب اللي بين البيتين وبتحصل بيتهم << ان شاء الله فهمتوو

وقبل ما تدخل بيتهم ب 4خطوات ،، ما تحس الا باللي يحضنها بسرعه وكانت بتتطيح بس مسكها
يزووي بعد ما انتبهت ع اللي حاظننها :.. حمييد شو فييك زيغتني
حمييد :.. ماشي بس بشتاقلج يزوري
يزوي :.. انزين ترا باجر بشوفك ليش يت يلحين
حميد :.. لانه باجر بنرووح نحن
يزوي :.. وييين بتروحوون
حميد:.. دبي بنعيش هناك ،، ما بني وايد هنييه
يزوي وعيونها تدمع وتحضنه اكثر :.. ليش تروحون تمو منييه انا اباكم لا تروحوون
حميد :.. حتي انا ابغيج بس بابا قال لازم نرووح
يزوي :.. شلوني وياكمم (( شلوني = خذوني )
حميد :.. ماستوي ،،باسها ع خدها ،،يالله انا بروح باي
وتركها وراح للبيت بسرعه ودموعه تههد بالنزول
وهي دخلت البيت بعد ما مسحت دموعها،،
7
7
7
توقعتكم .. حالت يزوي بعد نقل حميد !!! هل راح تلحق يزوي على حميد قبل ما ينتقلون ولا لا !! وش ممكن يصيير




Sent from my iPad using منتدى عبير

رد: روايتي :. وبكل ذرة مني اأحببكك

&&&& البارت الرابع &&&&

&& قبل صلاة المغرب $$

دخلت يزوي البيت بهدوء وهي تشوف وتسمع انواع الضحك والفله والطنازه والمقالب اللي واصلة لين باب البيت
كانو يالسين بالحوش ع الارض اخوها وابوها ،، وشما تلعب ف حظن ابوها،،طبعا ما يخلون من سلة الفواكه والقهوة والشاي
راحت ويلست في حضن اخوها راشد من دون ما تقول شي
راشد :.. وين كنتي اليوم لما رجعت من المدرسه ما حصلتج فالبيت
يزووي بصوت مبحوح :.. بيت يدووه ،، عطني <<وهي تاشر ع البطييخ ..
راشد وهو ياكلها :.. يزوي شو فيه صوتج
يزوي :.. ماشي ،، تعرف ربيعك غانم بيروحون من هنييه
راشد :.. شوو ،، كيف ما بيعيشون هنيه ومنو قالج
يزوي :.. حمييد قالي
راشد :.. ابويه عندك خبر انهم بينقلون غريبه
ابو راشد :. والله ي وليدي ما ادري ،، يمكن ابو
:.. باباهه عطني موز
ابو راشد وهو يعطيها :.. امج وخواتج وين
:.. ماما ما اعرف يمكن داخل مطبخ ،، خواتي بيت عمي عند لبنات كلهم
ابو راشد ؛.. الا اخوك وين
راشد :..في المسيد عند المطوع يسمعون
ابو راشد :.. وانته جيه ما سرت
راشد :.. بعد صلاة المغرب بتم عنده وبيي عقب
ابو راشد :.يزوي شكلها رقدة شلها داخل وتيدد ولحقني بنسير المسيد بيقيم الصلاه بعد شووي،، ( تيدد =توضا))
هو توه بيدخل بيت اخوه الا بام راشد راشد جدامه عطاها البنات
ابو راشد :.. انا وراشد بنطلع للصلاه وترا اليازيه يت وهي راقد ف غرفة الاولاد ،،

راشد وبو راشد طالعين من البيت سايرين للمسيد وهم ف الدرب حصلو بو غانم وولده غانم وحميد سايرين للصلاه (( بو غانم ربيع بو راشد وكل واحد له معزه عند الثاني ))
الاولاد تجدموهم
بوغانم يكلم بو راشد :..
7
7
7

7
7
7
الكل دري ان بو غانم وعياله بينقلون خلاص ،، الكل زعل لفرقا هذا الشخص الطيب ،،
الصبح الكل راح يودعه ويوصيه بنفسه وان احتاج شي تراهم موجودين

>>بوغان بالاصل من دبي بس موجود وياهم لانه يخلص امور العايلة ويشوف ترتيب المزرعة الي عندهم واللي يلحين هيه قيد الانشاء مع الترتيب وغيرهه <<

الكل يودعه من صوب يوصونه يزورهم مره ثانيه ويكلمهم ولا يقطعهم

بو راشد :.. ما اوصيك ي خويه ع روحك واهلك وان بغيت شي اتصل عليه تعرف الخط الارضي
واتريا اتصالك طمني عنك
بو غانم :.. لا توصي ي خويه وان شاء الله بطمنك
،،،،،،،،،،،،،،
راشد :.غنوومم ما وصيك طمني واتصل ع البيت تريا اتريا اتصلك ،،
غانم :. لا تحاتي ي اخووي من عيوني بتصلك

،،،،،،،،


الكل استعد للانطلاق وبدو يحركون خلاص بيودعون المكان اللي عاشو فيه فتره بسيطه وجميله

يزوي صحت وتدور ف البيت عن الكل بس ما حصلت حد ابد وفجأة تذكرت حميد وانهم بيروحون اليوم وبسرعه طلعت برا البيت بتودعه ((لانها خلاص تعلقت فيه بشكل كبير )
يوم طلعت حصلت الكل بدا يروح لبيته وحميد واهلة

وتبا تلحق السيارة بس
بس
بسسس


،،،
توقعاتكم شو راح يصييير



Sent from my iPad using منتدى عبير

رد: روايتي :. وبكل ذرة مني اأحببكك

&&&& البارت الخامس &&&&

يوم طلعت حصلت الكل بدا يرجع لبيته وحميد واهله حركو بس بعدهم ما طلعو من الفريج
توها بتركض تلحق السيارة بس
بس مسكها اخوها راشد ورفعها وحضنها عن الا ترجع تركض
يزووي :.. رشوود بطلني اقوولك بطلني ابا ارمسسهم ،، بطلني وبدت تظربه بريلها عشان يخفف من مسكته وتلحق السياره
راشد ،،وهو يمسح دموعها :.. يزوي حبيبي اهدي خلاص راحو بيون مره ثانيه لا تصيحين
يزوي مستمره فالصياح وبس تهز راسها بمعني لا
راشد اخذها وراح يركب السيارة لانه ابوه يترياه بروحون المزرعه والعزبه

7
7
7
وصلو العزبه
نزل بو راشد يتطمن ع البوش وشوف الاوضاع وحصل ابوه موجود هناك ويسمعه يهزب البنقالي ع العفسه اللي مسويها ،،

،،،،،،،،،،،،،،
راشد :.. حبيبي يزوي شوفيني
يزوي معنده ودافنه وييها في حضنه
راشد وهو يرفع ويها :.. يزوي حبيبي قوم حميد لازم يروحون عشان الشغل بس هم بيزورونا يوم كل شي اوكيه
يزوي بصوت مبحوح من كثرة الصياح :.. انا احب حميد هم ليش روحو هم ما يحبوني عشان جي روحو
راشد :.. لا حبيبي هم يحبونج وبيون عقب ،، تحبين حميد بس وانا ما تحبيني
يزوي :.. هييه وبعد احبك انته
وقدر راشد يغير مزاجها ويهديها نوعا ما

يزوي :. تعال تروح داخل ابا اشوف شو داخل
راشد مسكها ودخلو داخل العزبه ،، وحصلو شباب العائلة متفاوتين الاعمار وكلهم ياين ويا جدهم ،، من ضمنهم سطان ومحمد وخليفه وخالد وحمدان ،،

يزوي طاف ولا جنها شافت حد وراحت لجدها وابوها تشوف شو يسون
اما راشد تم ويا العيال يرمسون بعض

بو راشد :.. ي الله ابويه عيل بروح المزرعه بشوف الوضع وبمر ع مزرعتك بعد
بو سعيد ( الجد ) :. ماعليه توكل ع الله وانا بسير اشوف وين بعض البوش من سرحهن ما ردن بسير اردهن صوب لعزبه ،،
بو راشد :.. ماعليه .. يزووي يالله تعالي بنسير

روحو بو راشد وراشد واليازيه للمزرعه والبقيه من شباب العايلة ويا الجد



،،،،،،،،،،،،،،،،،،،،،،،،،،،،،

بعد مرور 5 اشهر ،،
تحت حرارة الشمس الملتهبه ،،
يزوي وهي طالعه من بيت يدها ويالسه تلعب ف الفريج ويا الاولاد تحت ظلة الاشجار ،،
خالد:.. يزووي شوفي ابوج يا بس بيروحون
يزوي وهي تنتبه ل سيارة ابوها النيسان بدة تركض تبا تلحق السيارة :..باباه باباه بروووح وياكم وقفووا

بوراشد هدا السرعه وام راشد فتحت لها الباب وركبت السياره وراحت جدام يلست ف حضن اخوها راشد علشان بيروحون الفلة اليديدة عشان يشوفون الاثاث
راشد :. يزووي وين نعالج
يزوي :.. ما اعرف نسيته

....******************
خلال هالخمس اشهر ماشي جديد غير ان
&&...بو غانم اتصل طمنهم عن وصولهم ،،اهل بوغانم رحبو بهم وتم تسجيل العيال كلهم ف المدارس ف دبي واوضاعهم اوكييه ،، اما بالنسبه لزيارتهم للفريج اللي عاشو فيه فتره ما زارووه،،
&&...وصل قرار بان الفريج راح يهدمونه وبان بيوتهم (الفلل )جاهزه انهم ينقلون ..وعندهم الوقت انهم ينقلون بس لو يكون ف اسرع وقت

طبعا اهل الفريج حزنت ع فراقها المكان اللي اجتمعوا كلهم فيه وطبعا النقل ما راح يكونون كلهم في نفس المكان وبيوتهم حذال بعض لكن راح يكونون في نفس المنطقة ،،لكن هل ولهم لبعض راح يكون مثل ماهو ولا بس من اعياد لاعياد ،،

***********************

وصلو للبيت ،،
وشافو اوضاع البيت وانهم خلصو بعض الاشياء
ع العصر
بوراشد وهو يكلم راشد :.. خذ الملح اللي بالسياره ورش البيت زين عن السكن (الجن)
راح راشد اخذ الملح وبدا يرش البيت كامل ويزوي تربع وياه

تمو في البيت ويشوفون الوضع لين باليل بعد ما تعشو وكانو يرمسون عن بعض الاشياء وبعدين رجعو البيت

،،،،
مرت الايام والكل ع حاله يشوف اوضاعه
بس قبل ما ينتقلون انتقال كامل للبيت اليديد
يزووي تعبت عليهم وكانت تعاني من الم ف البطن وتصييح منه

بس لما راحو يكشيكون عليها اكتشفوا ان عندها


توقعاتكم !!! يزوي شو عندها !!!هل راح اهل دبي يزورونهم اولا !! اسعدوني بتعليقاتكم


Sent from my iPad using منتدى عبير

رد: روايتي :. وبكل ذرة مني اأحببكك

&&&&& البارت السادس &&&&


يزوي كانت تعاني من الم بالبطن وتصيح من الالم ،،
لما كشفو عليها طلع عندها فتاق ،،ولازم يسون لها عمليه
&&&&&&&
معلومه للي ما يعرف الفتاق
الفتق هو حالة تنجم عن خروج جزء من اعضاء الجسم من مكانه الطبيعي وتوجهه لمكان اخر داخل الجسم او خارج حدوده
واذا تبون تعرفون اقروو عنه اكثرر
&&&&&&&&&&
فجهزو كل الامور علشان ينومونها وعطوها مسكن الام وسو الفحوصات اللازمة علشان العمليه
والعمليه راح تكون بعد يوميين لان الطبيب اللي بيسوي لعمليه مب موجود ويتواجد بعد يومين ف عمليتها بتكون الخميس
يزوي بس ينومونها ويعطونها مسكنات فهي ما تحس باللي حولها ابد ،،يلست عندها امها ورجعو اخوها وابوها البيت

وهم توهم داخلين رن تلفون بو راشد وطلع يكلم فون برا
اما راشد كان يكلم خواته عن يزوي ،،،،،،

برا،،
بوراشد:.. طمني عنكم
:..نحن بخيير مانشكي باس ،، بس ي خووي حميد مب عايبني حاله
بوراشد:..جيه شو فييه عسي ماشر
:..ماشر بس ي خوي متعلق في يزووي وايد ،،ويحن عليه ييبا ايي صوبكم وانا وضعي مب اوكيه علشان ني صوبكم بس بحاول ع الجمعه ان شاء الله نحن عندكم
بوراشد :،. حياكم الله نترياكم
:.. بلاك ي اخوي صوتك مب عايبني
بو راشد :.. مابلاني شي بس يزووي تعبانه فيها الفتاق عمليتها ع الخميس واحاتيها
ونتركم يسولفون ع راحتههم

نروح لبيت ما رحنا له من زمان
:..ريان راكان ي الله تعالوووو ويبوو شنطكم بدرسكم
ريان وركان مطنشيين ويشوفون تلفزيون
:..ريانووووه ريانوووه تعال انته واخوووك
غانم :.، ماماه هدي انتي انا بزقرهم هالتوام الله يعيني عليهم معطيبنج الذن الصمخا
ام غانم:.هيه فديتك ازقرهم هالمخبل وشوف الهنوف وينها فييه
راح غانم يزقر اخوانه التوأم راكان وريان
غانم ،،وهو يبند التلفزيون :.. ي الله عند ماماه بسرعه وشلو شنطكم ولا عند باباه اللي سويتوه ف المدرسه،،
راكان: مايسوا علين عنبووه
ريان يكلم راكان :..نش نش نسير عند ماماه
راحو التوأم اما غانم طلع يدور الهنوف وما حصلها بالييت طلع للحديقه ،،
حصل الهنوف تلعب في المريحانه وحميد يدفها من ورا
راح عندهم

،،، قبل موعد العمليه بنص ساعه
بدو يجهزون يزوي للعمليه ويا الدكتور يتطمن ويشوف اوضاعها كييف وتم يشرح الموضوع لهم وانها عمليه بسيطه ونسبة نجاحها 99%
الدكتور :... توكلو على الله وادعولها،،وهو يكلم النرس دخلو رفة العمليات
وبدت عملية يزووي ،، والكل ع نار يتريون العمليه تخلص اللي هم ابوها وامها واخوها راشد واختها سلامة وخالتها عايشه اما الباقي من خواتها والاهل يتريون الخبر وهم ف البيت ماحبو ايوون المستشفي ويسون زحمه

،،،
7
7
وقت العمليه
7
وبدت عملية يزووي ،، والكل ع نار يتريون العمليه تخلص
وفي هالاثناء قام بو راشد ومشي ف الممر والكل عقونه عليه ويشوفون لمنو رايح وكان بوغانم وولده حمييد
حميد ::.. عمي ويين يزووي
بوراشد ::..دخلوها غرفة العمليات
بوغانم وهو يحاول يرفع من معنويات :. ان شاء الله بتطلع بالسلامه وما فيها شر بس ادعو لها
بو راشد ؛،،ان شاء الله

اما بالنسبه لحميد راح صوب الغرفه بعد ما حب ام راشد ع راسها ويلس حذالها ،،،
&&&
نرجع شوي لورا

بعد ما سكر بو غان الفون عن بو راشد نزل من الساره دخل البيت وحصل ام غانم و العيال في الصاله بعد السلام يلس وياهم يسولفون
ام غانم :.. الا اخبارهم عساهم بخيير ..(تقصد بو راشد وعياله)
بوغانم :..هييه بخيير ما عليهم باس بس يزوي حصلت عليهم (حصلت =تعبت)
ام غانم :.عسي مماشر شو فيها
بوغانم :. تعبانه فيها فتاق وعمليتها ب الخميس
ام غانم :..ما تستاهل والله الله يشفيها ويلست تدعي لها بالشفاء
بو غانم وهو ينتبه لحميد اللي يمشي ياي صوبه
حميد :..باباه يزوي شوفيها
بو غانم:.. ما فيها شي ابويه بس تعبانه شوي
حميد :..لا انته قلت عمليه ليش يسولها عمليه
بوغانم :.. هيه بسولها عشان تعبانه شوي
حميد :..باباه بنسيير لهم يوم الخميس زين
بو غانم :.. ابويه انا ورايه دوام ما بقدر نسير لين هناك
حميد ودموعه يهددن بالنزول حبيبته قلبه بتسوي عمليه وهو ما بيكون عندها ،،؛.. باباههه الله يخلييك الله يخليك خلنا نروح

بعد معاناه وافق بو غانم علي السيره

&&&&&&&&&&&

نرجع للمستشفي
،،،،،
الكل ينتضر ع جمر ،،والوقت يمر بطي ع احد وسريع ع احد اخر

شوي وتبطل باب غرفة العمليات
الكل التم حول الدكتور
بو راشد :.. بششر
الدكتور :.. تستاهلو سلامتها وهي كويسه ،، راح ينقلونها للغرفه
بس لساتها نايمه تاثيرالبنج ،، راح تصحا بعد ساعتين
بعد ما نقلو يزوي للغرفة
الكل كان عندها بالغرفة ، اما حميد كان يالس حذالها علي السرير ويتاملها يترياها تصحى،،

الاهل كلهم عرفو بان العملية نجحت وقرر حد منهم يزورها اليوم العصر وفي حد راح يزورها باجر

،،،

يزوي بدت تصحصح من ثاثير البنج
حميد اول ما انتبه لها باسها ع خدها
انا بالنسبه ليزوي كانت بدت تصحصح وتشوف السقف ابيض ما تعرف شو السالفه
يزوي ؛،، ماي ،،
شربها حميد ماي ،،، وفهمت الموضوع لكنها ما زالت عاني من الم العمليه،،
الاهل زاروها وهي ما كانت منتبه ولا تذكر شي من كثر المسكنات اللي ترقد
اما حميد راحو بيت بعد صلاة المغرب خاطرة يتم عند يزويته اكثثر
،،،،،،،
مرت الايام واليازية تعافت من العملية ،،،،،،، وانتقلو نقل كامل بس لاهل بعدهم ينقلون شوي شوي
،،،،،،
يزوي وهي يالسه برا صوب الباب مال البيت تتريا بيت يدها ينقلون ،، وكل شوي تروح عند امها ،، طبعا امها ويا خالتها ام محمد ( ام محمد تكون حرمة عمها )) يرتبون البيت علشان بيت عمها بينقل
يزوي :.. ماماه خالوه عواش متي بتي اباها اشتقتلهابا يدي بعد ،،
ام راشد :.. بيون اطلعي براعند محمد وسلطان لين ما نخلص ،،

توقعاتكم ،،












Sent from my iPad using منتدى عبير

رد: روايتي :. وبكل ذرة مني اأحببكك

&&&&البارت السابع &&&&&&

بعد مرور اسبوووع ،،،،

ماصار شي يذكر الكل على حاله ،،، يزووي ما زالت تحن ع امها علشان نقل خالتها واليوم راح ينتقلون كامل هم والعائلة كلها ،،، يزوي تم تسجيلها بالمدرسه وبعد اربع شهور راح تبدا تسير الروضه ،،،
الجمعة ،،في فلة ام محمد (( بيت عم اليازيه ))
الكل متيمعين هناك والغدا عليهم لانهم انتقلو والاهل يباركون لهم ،،
الريايل ف الميلس والحريم ف صالة البيت ،،
بعد الغداء ،،
الحريم بالصالة ،، والاطفال ف الصالة الثانية ع طرف يلعبون اللي هم [محمد وسلطان ،، ومحمد (ولد خالة اليازية ) ،، خالد وحمدان و اليازية

محمد وسلطان يايبن العابهم السياير ومفرفرينهم وكل حد خذ له سياره يلعب بها
يزوي خذة سياره لها ،، لازم دام انها موالفه الاولاد اكيد بتاخذ طبعهم ،،
بدة تلعب واونها تنفس محمد
محمد :.. يزوي هاتيها سيارتي محد يلعب بها
يزوي :.. لا مابا ابا العب بس انتو تلعبون
ومحمد يمط عنها السياره
يزوي :.. لا هاتها ابا العب
محمد ياخذها منها
يزوي :. بخبر امي انتو ما تلعبوني ،،وزعلت راحت للصاله الثانية تكلم امها
يزوي وهي شوي بتصييح تحس عمرها منبوذة لانه كل اولاد محد بنات وياها،،، والاولاد يو حسو انها بتخبر عليهم قامو وراها عن لا تخبر وبيراضونها بس خلاص مالحقوو،،

يزوي وهي توقف ورا امها :.. ماماه حمود ما يخليني العب يظربي هو ما يحبني
ام راشد :.. يلسي عندي عيل لا تروحين عن ما يظربونج
اليدة( كليثم ):.. امي يزوي شفييج
يزوي :.. حمود يظربني
اليدة وهي تهزب محمد :.. حموود سود الله ويهك جييه تظرب بنتي هاه ماعليه ما بنيوزك(بنزوجك ) اياها بنيوزها(بنزوجها) حمود هذاك وهي تاشر عليه ( تقصد ولد خالتها الثانية) ،،

وتمر الايام ولامن جديد الاولاد علي حالهم ،، واللي يدرسون للحين صامديين ،،
يزوي وهي بيت يدها محمد ويا الكل ،،
يزوي :. امي انا بيلس عند خالوه برقد منيه ما بروح البيت
ام راشد توها بترمس بس اليد سبقها :. ما عليه بنتي يلس كثر ما تبييين
ام راشد ؛،، ما عليه يلسي ،،
يزوي والفرحه مب سادتنها :.. بروح ايب ملابسي وبيي
ام راشد :.. عقب يوم بنروح البيت بلمهن لج وبتين هنييه
يزوي وهي مصره :.. لا بيبهم يلحين
وراحت تيبهم من البيت ولا عليها ،، والبيت مب بعيد مجابل بيت يدها
كانت الساعه تقريبا 12ونص ذيج الحزة
بعد مالمت اللي تباه بسرعه ،، وهي طالعه من البيت تصادف اخوها راشد وعلي نازلين من باص المدرسه ،، راشد شافها وراح شالها بسرعه لانها كانت من دون نعال، اما علي راح داخل البيت يبدل ملابسه ،،
راشد :،، يزووي وين نعالج ،، وشو هاللي ف ايدج
يزوي وهي تنتبه انها مب لابسه نعال :.. نسيت .. ملابسي
راشد :.. ليش وين بتشلينهن
يزوي :.. بتم بيت يدي عند خالوه عواش حبيبتي
راشد:. ليش ما تبينا شوو ،،
يزوي :. اباكم بس ابا خالوه بروح نزلني يالله
راشد وهو يمشي لبيت اليد :. لا انا بوديج بشوف يدي بعد
------------------------------------------------
مرت ايام حلوه عليهم خلال هالاشهر ،،
وبدت سنه دراسه جديد لكل اهل المدارس ،،وجديدة لليازيه اللي بدت اول سنه لها ف الروضه
وكانت بدايه حلوه لها ،،، مع حماسها للدراسه اللي ما خلص ،،وكبرت بحماسها وزدادو معارفها وتعرفت ع البنات صايرة اجتماعيه ،، خلت معرفتها بالاولاد لانها ما استفادة منهم غيير الظرب ولا لا تعقدة محد فايدنها وين حميد هالكلمة الللي تتردد ع لسانها بس ما تقدر تجيب المواجع ،،ما تمت فترة طويلة بيت يدها ،، لانها شافت اختها شما وايد ويا امها وتسير وترد وياها صايره دلوعتهم وبدت غيرتها وقررت ترد بيت ابوها احس لها ع قولتها ،،

-------------------
يوم الخميس ((قريب صلاة الظهر ))،،

يزوي رجعت من المدرسه وهم يلحين بالباص داخلين الفريج يوم وصلو قريب بيت عهما شافت الحريم فارشين البساط ويالسين تحت القافة ( الشجرة ) اللي جدام بيت عمها،،

خذت شنطتها اللي فيها كراس وقلم وممحاه ،، وقامت ورا الاولاد [محمد ،، خالد ،، حمدان ،، سلطان ،، ونزلت وياهم وماسوو سالفه للمشرفه اهم شي ينزلووون ،،

وصلنا صوبهن وسلمنا ويلسنا وياهم ،، بس محمد وسلطان دخلو يبدلون ورجعو بس انا رحت البيت اغير لبسي واشوف واجب اليوم فيني حماس احل الواجب وغيرت ملابسي ع السربع عشان اسير عند امي ،

،،،،،
ام راشد وهي توقف وتمسك شما:.. ي الله اترخص انا ،،
مشت وصلت البيت توها بتدش الباب الا اليازيه ف ويهها
ام راشد ،، يزووي انتي وشما سيرن داخل شغلي التلفزيون بيي يلحين

دخلن البنات البيت،، وام راشد راحت تشوف الشغالة عشان الغدا اذا جاهز ولا ناقصنه شي علشان العيال وابو راشد على وصوول ،،(( المطبخ منفصل عن الفلة ))
ام راشد وهي تكلم الشغالة :.. جهزي كل شي ولا تنسين شي .. وبعد ربع ساعة بندي عن الغاز ،،
الشغالة .. زين ماماه ،،

&&
&&
&&
رجعت ام راشد للييت وصلت ويلست بالصالة لين ما ايون العيال
يزوي :.. ماما عندي واجب بنحله يلحين ساعديني ،،
ام راشد وهي تيلس بالارض وحذالها يزوي وبدت تكتب وتعدل لها امها ،،
يزوي بفضوول :.. ماماه ام حميد تتصل لج ،،
ام راشد :.. هيه .. بس ليش
يزوي :. ماماه ما بيون صوبنا اشتقتلهم
ام راشد :.. كتبي كتبي خلينا نخلص خوانج بيون يحين وبنتغدا ،،

كالعدة يتم تغير السوال ببراعه وما يجاوبونها ،،وينسونه اياه
$
$
&

نروح لبيت من زمان ما زرناهه
،،،
بسرعه نزل من السياره ودخل البيت :. السلام عليكم
اليدة :.. وعليكم السلام ،،سير سير بدل ثيابك وتعال بنحط الغداء
:. ان شاء الله امايه يلحين بسير
اليده :. حميد وين خوانك
حميد :.. يلحين بيدخلون
راح حميد ع السريع سبح ولبس ونزل يتغدا
الكل كانوا ع الغدا يتغدون ،،( اليد واليدة ، ابو غانم وامه ،، غانم ،، والتوائم ،، وجوري ،،والهنوف ،،)
الهنوف :.. ماماه متي بيي النونو ابا امسكه الصغيرون
ام غانم :. قريب ان شاء الله
اليدة :.. الله يسهل لج بنتي
بعد الغداء

الكل راح ياخذ قيلوله بعد تعب المدرسه ،،والشغل

ع الساعة 3 ونص الظهر

بوغانم،، بو غانمم نش تعبانه قوووم بو غانم
بو غانم ينتبه :.. شو فييج
ام غانم :. خلاص ما اتحمل شكلي بولد

قام بو غانم ووداها المستشفي وراحت معاها اختها لانه اليدة ما تقدر وتمت بالبيت عند اليهال
محد يدري بسيرتهم غير اليدة وخذو خاتم من عندها علشان تولد بالسلامه ،،

ع الساعة 5 العصر

غانم وجوري والتوئم ركان وريان والهنوف ناشين من 4 ونص وهم بالحديقه
اما حميد توه ناش البيت هادي ما غير صوت التلفزيون من الصالة الي يلستهاعربيه واليده يالسه تتابع التفزيون وهي على نار تتريا خبر منهم ،،

راح عندها وانسدح ع ريلها وهي بدورها مسحت علي شعره
اليده :. مب يس رقاد
حميد :.. لا تعبان بعدني فيني رقاد
وتو بتغفي عينه ،، الا صوت تلفون البيت يرن
اليدة:. ابويه سير هاتلي اياها
قام حميد وياب لها التليفون
والمتصل ابو غانم
اليدة :. السلام عليكم
ابو غانم:. وعليكم السلام امايه باركي لي يتنا الريم
اليدة :. اللهم لك الحمد تستاهل سلامتهم يا بوغانم ،، ونحن بعد شوي ياين صوبكم

سكرت اليدة من ولدها بو غانم
وهي تصد صوب حميد : ابويه سير قول لخوانك ف الحديقة ايون يتزهبون وسير تزهب بيي الحين يدك من العزبه وبنسير المستشفي عند امك
حميد :. ليش مستشفي
اليدة ما سوتله سالفه وراحت داخل تتجهز ،، اما حميد راح عند خوانه وقالهم اللي قالتله له اياه اليدة ورجعوا من الحديق والكل يلبس ويجهز للسيره ،، غانم وحميد كاشخين بالكنادير اما التوائم قميص وبنطلون ،،
اما ..جوري لبست بنطلون جينزازرق وقميص كم طويل ابيض ولبس شيلتها مع اسوارة
الهنوف :.. لبست بنطلون جينز اسود ،، مع قميص كت تيفاني مع حزام بالنص ،،

والكل يالس بالصالة ينتظرون اليد يخلص علشان يروحون المستشفي عند امهم ،،

طلع الجد وكلهم راحو ركبو السيارة وانطلقو بعد تقريبا نص ساعة وصلو
بعد السلام والتهنيئة وطبعا العائلة عرفت انه اخوهم وصلتله بنت والكل راح يسلم واللي قرر يزوره البيت احسن

في الغرفه عند امهم ،
حميد :.. ماماه قلتلج سميها اليازيه حلو هالاسم ،،
ام غانم :. انا ما عندي مانع الشور عند ابوك
بو غانم :.. لا لا انا قايل بسميها ريم يعني ريم
حميد :. باباه الله يخليك نبا اليازيه اليازيه حلوو باباه سمها اليازيه
بوغانم وهو ينهي الموضوع :. خلاص انا سميتها ريم وخلصتت الاجرائات ،،
حميد سكت وما قال شي
غانم :. كل الاسامي حلوه بس الريم احلا

ومر اليوم بسلام وبعد يومين رجعت ام غانم والريم للبيت والكل فرح فيهم والاهل يو وسلمو


انتهي لين هنا البارت



توقعاتكم ،، رايكم بالروايية ؟؟؟!!!!!!




Sent from my iPad using منتدى عبير

رد: روايتي :. وبكل ذرة مني اأحببكك

&&الشخصيات -١-$$
عايلة ابو حميد :...
ابو حميد ( علي ) ،، متقاعد من الجيش .. مهتم بامور العايلة وبمزارعة عندة ثنتين وحدة في العين وها اكثر مزرعة مهتم فيها من كل النواحي وايام الاجازات يقضون اوقاتهم فيها ،، امارالثانية مهتم فيها بالزراعة والنخيل ويتاجر بالتمر ( الرطب )) 59

ام حميد ( كليثم ) ،، طيبه وحنونه علي عيالها واحفادها وما تبقي لهم غير الخيير ،،57

ابو راشد (حميد ) :.. متفتح نوعا ما ويتفهم عياله في بعض المواقف صرارم ما يعطي جوابه قبل تفكير ،، دارس لين الثانوي ،، وتجارب الحياة علمة الكثير ،، عندة مزرعة غير مزرعة ابوه مزرعة الخاصة ،، يهتمون بالبوش اكثر شي ما ينسي عادات البدو ،، حاليا يشتغل في البلدية عندة منصب حلو ،، عمرة 42 ..

ام راشد ( مريم ) بنت عمة ،، طيبه وحنونه اجتماعية ويا العرب لها معارف وايد ،،وما تنسا حد ،،عمرها 40

راشد :.. جميل بشرته مايلة للاسمرار ،،عيونه عسلية ومكحلات ،،عمرة 25 يشتغل ف الجيش ،،

سلامة ( ام عيسي) :.. جملة بيضا ،،عيونها بنية ،،شعرها لين نص ظهرها مصبوغ شوكلاته ،، عمرها 23 ما خذها من معارفهم ( عبدالله ) يشتغل في الشرطة ضابط ،،اما اهي تشتغل سكرتيرة في الجامعة ،،
عيسي :.. طالع ع امه في كل شي بس عيون ذهبية مايلة للاصفر ،، عمرة 5 سنيين ،،

لطيفة :. جملة نفس ملامح اختها سلامه وطويلة طالعة ع ابوها ،، لون عيونها عسلي وشعرها لين اخر شعرها اسود ،، عمرها 20 ثاني سنة كلية .. بس اول سنه تخصص،،تدرس بكاليريوس التربية في تكنلوجيا للتعليم ،

ايمان:. جميلة وبيضا وعيونها مايلة للذهبي ،، شعرها اسود مايل للبني وطويل لين نص فخذها ،،دحييحه تحب شي اسمه دراسة ،،وهي اخر سنه في المدرسة ثالث ثانوي علمي عمرها 17 ،،وقريبه من اخوها علي وايد (متعلقين ف بعض )

علي :. يشبه اخوه راشد ف كل شي من نا حية الملامحة والصفات ،، عصبي نوعا ما ،،يحب يساعد الناس ،، متعلق في اخته ايمان وايد ،، عمرة 16 ثاني ثنوي علمي ،،

اليازية متعلقة وايد في اخوها راشد ، ملامحها بريئة وجميلة ،، بشرتها بيضا غكن مايلة لاسمرار ،، وعيونها ذهبية واسعة مكحلة ،، شعرها الاسود مايل للبني وطويل لبداية فخذها ،،طويلة مثل اختها لطيفة ،،وجسمها مثل عارظات لازياء
،عمرها 15 صف عاشر ،،

شما،،بيضا وخدودها بسرعة تحمر ،، مليانه شوي وطولها وسط ،، حساسة شوي ،، ما تحب تسكت عن حقها ،،صف ثامن عمرها 13
فاخرة :.. اخر العنقود ودلوعة امها ومحد يقدر يقولها شي ،،زعولة ،،عمرها 9 سنين ،، عيونها سودا وبشرتها ما يلة للسود وشعرها الاسود لنص ظهرها ،،

--------------------------

2-العمة موزة 40 معرسة من برا العايلة ،،
-----------

3-ابو منصور ( مصبح ) :.. يشتغل في الجيش ،، ويساعد ابوه في امور المزرعة بعد اخوة حميد ويهتم بالبوش ،،39
ام محمد ( موزة ) :. طيبة وحنونه علي عيالها وما ترضا عليهم ،، مدرسة تاريخ ،،عمرها 36
منصور:. عمرة19،، جميل وجذاب لون عيونه بنية وبشرته برونز ،، يدرس ادارة اعمل ،، عندة عندة ايعاقة سمعية بس خفيفة ومب مبينه اللي يشوفه يقول ما يعيبه شي،،
محمد :. عمره 17هو ولد جميل وبريء ،، لون عيونه عسلي فاتح وبشرته برونزية ولون شعره بني مايل للاشقر ،،

سلطان :.عمره 15، ملامحه عادية لون عيونه عسلي شعره بني غامج وبشرته سمرا ... صف عاشر

ريم :.عمرها 13 ملامحها جميلة ،،لون عيونها ذهبية ،،شعرهالاسود طويل لين نص فخذها ،،هادية ،،قريبه حيل من اخوانها وكاتمة اسرارهم ،،صف ثامن

فاطمة :. عمرها 9 سنين ملامحا جميلة ،،عيونها العسلية وساع مكحلات ،، مليانه شوي وربيعة فاخرة صف رابع وشاطة دحيحه ،،

عبدالله :. عمره 7 سنين ما يرمس ولا يتكلم عنده ايعاقه سمعية ،،بس يتكلم بلغة الاشارة والعايلة ممشية وياه ويفهمونه يدرس بمدرسة خاصة صف اول

كلثم :. عمرها 3 سنين نفس اخوها محمد بالشكل والرموش الكثيفة ،،شعرها اسود لبداية ظهرها ،،

-----------

4-العمة مريم ( ميمي /عموة) 29 معاقة جسديا ( ما تقدر تمشي بس ع عكاز ) وسمعيا،،




-------
$$ الشخصيات $$

عايلة ابو علي ::
اليد ابو علي :. غانم ،، ريال طيب وحنون معروف بطيبه وله شركة يديدها ويا ولده علي وعياله الباقين ،، يهتم بامور العايلة وبالمزرعه والحلال ،،عمره 63 سنة ...
-اليدة ام علي :. مريم ،، طيبة وحنونه وتحب عيالها واحفادها ولما ابو غانم تزوج على ام غانم زعلت عليه لكن رضت لما شافت حفيدها حميد يتيم من غير ام والحين اهي تحبه اكثر من احفادها الباقين وتعزه ولا ترضى عليه وعمرها61 سنة ...
1-ابو غانم :.. اسمه علي ، ريال طيب وحنون على عيالة بس اذا عصب يشوف كل الالوان سودا ،، وفي نفس الوقت ما في اطيب من قلبه وعمره44 سنه ...المدير العام لشركة ابوه
-ام غانم :.. تصير بنت عم ابو غانم واسمها ليلى طيبة وحنونه وتحب عيالها وما ترفض لهم طلب لكن وقت الجد تصير عن الف ريال وعمرها 42 سنه ...
-غانم : ولد نسخة ابوه في تصرفاته وملامحه ، حنون على اخوانه ودوم يضارب ويا اخوانه -راكان وريان و فيه غيره شوي من اخوه حميد لكن يحبه ولا يرضى احد يغلط عليه ،، لون عيونه بني فاتح وشعره بني وبشرته بيضاء مايلة للبرونزي و عمره25 ويشتغل في الجيش ...

-جوري :.. تشبه اخوها غانم لكن هي ملامحها بارزه اكثر ومطلعهنا حلوة ، لون عيونها بني غامج وشعرها بني وبشرتها بيضاء ،، عمرها 21 سنة ...ثالث سنه بالكلية تدرس تصمييم ،، طموحها تمسك منصب في شركة يدها وهي اللي تهتم في تصميم الشركة وديكوراتها ،،
-راكان وريان :.. يتشابهون في كل شي وهم علي قلب واحد وكل واحد يحس بالثاني ،، لكن فيهم طبع غريب عجيب ،، ما يحبون يخلون حد في حاله الا وهم ممصخرينه تمصخيير وما يهمهم من يكون بس اهم شي يستنسانسون ويغيرون جوهم ،، لون عيونهم ذهبيه وملامحهم جميلة وهادية ،،بشرتهم بيضا مايلة للاسمرار ،، اعمارهم 20 بالكلية ويدرسون ادارة اعمال ،،
كل واحد منهم عندة سيارة سبورت
-حميد ( البطل ) :. عمره17 سنة ، جميل وجماله مب طبيعي ،، لون عيونه بنفسجي وبشرته بيضاء حيل وشعره لونه اشقر ،، وملامحه بدويه اصيلة لانه اخذ ملامح ابوه وامه بريطانية متوفية يوم ولادته ومرت ابوه ربته مع عيالها ... وهو حاليا مسافر بريطانيا عند يدته وخالة وخالته يعيش عندهم لين ما يخلص دراسته الثانوي والجامعه ،،ويرجع رافع راس ابوه ويمسك اشغال يده( جاك ،،ابو امه ) ويفتح شركه ويمسكها بادارته ،،
-الهنوف ،،تشبه التوئم في كل شي لكن هادية ومب اجتماعية وايد بس يوم تكون وياهم غيير غيير وهي كاتمه لاسرارهم ،، عيونها لونها رمادي ومكحلات بدون ما تحط كحل فيهن ،، بيضا
ولما تستحي يصير خدودها حمرا بشكل فضيع ،، شعرها اسود سواد الليل طويل لين نص فخذهاعمرها 15 سنة في صف ثاني ثانوي ادبي ..
ريم اخر العنقود ،،جميلة وتشبه لحميد شعرها مايل للاشقر وطويل لين ركبتها لون عيونها ازرق بحري مايل للبنفسجي ( لون غريب ) بس هاديه ودلوعة حمييد واسرارها كلها عند حميد ،، لما سافر حميد تعبت وتمت اسبوع ما تاكل لحد ما اتعودت على غيابه لكن كل يوم تكلمة تيلفون ... عمرها 14 سنة في صف تاسع وشاطرة على اخوها حميد ....

---------------------

2-ابو علي:. ناصر ،،عمره42 ،، يشتغل ف الجيش ويساعد اخوة في امور الشركة اوقات فراغة ،،
عليا :.. طيبه وحنونه علي عيالها ،، وكيلة مدرسة ،، عمرها40.

علي :. جميل ولو عيونه عسلي وبشرته سمرا ،، عمرة 23 يشتغل في شركة العايلة ،، يحب بنت عمه الجوري ويترياها تخلص دراسة علشان يخطبها،،

اميرة :.. جميلة وحلوه علي امها ،،لون عيونها ذهبيه وبشترها بيضا وسط يعني مب بيضا بيضا شعرها مايل للون لبني (طبيعي ) وطوللين اخر ظهرها ،، تحب تهتم بنفسها وايد ،، فرفرشه وتوسع الصدر ما تحب تخلي حد متكدر ومتضايق عمرها 21 ويا الجوري وطموحه،،

احمد :.. يشبه لاخوه علي بس عيونه بنيه ،،فرفرش ويحب الضحك والوناسه ،، يشتغل ف الشرطة ،،مايحب امور الشركه وخرابيطها ،، ربيع راكان وريا الروح بالروح وياهم في وقت الشدايد ،،عمرة 20

مريم :. سمية اليدة ودلعتها اللي ما ترضاعليها ،، جميله وملامحها هادية عيونها وساع مكحلات عسليات ،، بشرتها بيضا ،، وشعرها اسود سواد الليل طويل لين ركبها ،، وتهتم فييه وايد ،، عمرها 15ويا الهنوف وصديقتها الصدوقة ،،

حارب :.. اخر العنقود وطالع علي عمة حارب ما يخصه في حد ،، عمرة 10 سنوات ويا عمه حارب في كل شي ،

----------
3-العمة حصة :. عمرها 37 ،، ماخذنها ولد عمها خالد ،، اخصائة مدرسة
خالد ( ابو عبد الله ) :. 39 يشتتغل في شركة عمه ،،
عبدالله :. عمرة 20 ويدس ادارة اعمال ،،
عامر :. عمرة 18 اول سنه جامعية يدرس هندسة ،،
اماني :. عمرها 15 صف ثاني ثنوي علمي ،،وايد قريبة من مريم والهنوف
خلود :. عمرها 13 صف ثامن ،، ربيعة شما وريم الروح بالروح

--------------------------
4- حارب :.. استاذلغة عربية في الجامعة ،،جميل وملامحة بدوية ،، عيونه وساع مكحلات ورمادية ،، عمرة 26 .. مب معرس


Sent from my iPad using منتدى عبير

رد: روايتي :. وبكل ذرة مني اأحببكك







$$$ البارت الثامن&&&&




مرت الايام سريعة علي حد وبطيئة علي حد اخر ،، وابطالنا كبروو،،حد منهم بالجامعة والباقي بالمدرسة وهذي هي الحياة ،،




الساعة عشر الضحي ،،
بعد ما خذة شور ولبست ليقنز ازرق ،،وقميص ابيض ايدة طويلة ،، وقف عند المنظرة ونشفت شعرها ورفعته ذيل حصان طلعة قذلتها ع طرف بعد ما استشورتها ،، طلعت الميكب عطت كريم اول وبعديت بدت ترسم عينها بالايلاينر ،،




>> وصف سريع << للغرفة
الغرفة تمتزج ما بين اللون الحليبي مع الذهبي والوردي .. يعني جدارين ورق جدران بورود منتشره باللون الوري البناتي ،، اما الجدارين الثانيين صبغ حليبي مع رسم ونقش بالذهبي ،،
والستارة باللونين الابيض والذهبي ،،والنافذة تطل ع حديقة البيت تقد تشوف الرايح والياي والنافذة ( الدريشة ) عاكس يعني يشوفون اللي برا بس اللي برا ما يقدر يشوفهم ،، اما اثاث الغرفة فهو باللون الاسود الملكي والابيض المطرز بالذهبي ،، الغرفة فيها سريرين ومستواليت وكنبة سودا ب مخاد ملونه ،،اما السريرين اسود مع حواف بيض وخطوط ذهبي ،، اما المستواليت ابيض ب خطوط سودا ،،والغرفة واسعة وفيها مساحة ومريحة جدا وحمام ودريس رووم ( غرفة الملابس )


،،،،،،،،،
وهي بادية بالعين الثانية ، دخلت اختها الغرفة ،،
:... عنبوة ما تشبعيين من التعديل ،،
:.. وهي تنزل الايناير ع المستواليت ،، وتحط ايدها وحدة ع خصرها والثانية ع راسها ،،امونوووه خوزي عني خليني اخلص رسم وبعدي ع كيفي اتعدل ما اتعدل والله يخليج اي تعديل الا ايلاينر وقلوس ،،حبيبتي بعدج انتي ماشفتي اللي تلخ بالمكياج لخ ع ويها
رجعت مسكت الايلاينر وبدة ترسم عينها لين خلص ،،
ايمان :، يزوي .. بتخبرج كيف تقدرين ترسمين عينج جي
يزوي :. ما ادري تعلمت وبعدين كنت اشوف لطوف وهي ترسم وتميت ارسم لين ما ضبط ،، تبين اعلمج
ايمان توها بترمس جان ينفتح باب الغرفة ،،
:. هاه في منو تحشن
يزوي :. ولا شي بس اختج امونوه ما تعرف ترسم عينها ،،
:. ايوا :. امون ماعلييج بتتعلمين وهذا ويههي وبعدين يزوي موجودة بترسملج
انزين انا ابا اروح المول في اغراض ناقصتني . وباجر دوام
يزوي :. ي خي مابا اداوم باجر
لطوف :. ما علية جان ام رشود بتخلييج ذيج الساعة قولي مابا اداووم
يزوي :. انزين انزين ويا منو بتروحين ان شاء الله انا ابا اشياء ناقصتني ،،
امون :. مب بس انتي نحن بعد
لطوف :. عشان جي يايه صوبكن قومي يزوي رمسي رشود جانه هنيه خليه يودينا
يزوي وهي تحط لمساتهالاخيرة ،،
:. ما عليه بس انتن تجهزن بسير اشوفه ،، طلعت من غرفتنا ،،ورحت تمشيت ف الصالة الي فوق لين وصلت غرفتة ،، دقيت الباب بهدوء بس محد رد علية فتحت الباب بخفييف وشويشوي علشان اذا كان راقد ما ازعجه ،،،وما حصلت حد والغرفة فوق تحت ( الملابس في كل صوب ويبالها شوي ترتيب ) وشدني صوت ماء الحماء يدل ع انه حد فيه ،، سكرت اباب بشويش ،، وبديت ارتب الغرفة واحط الهدوم ع صوب وارتبها ويالسه ارتب السسرير ما احس الا باللي يشد شعري ،،، وشبه حاضنني


راشد :. شو تسوييين
يزوي :. انته شو تشوف يعني
راشد :.. لا لا زين الناتج والله توها غرفه ،،ثانكيو خيتووو
يزوي وهي تبوسه ع خده :. رشوود
راشد وهو راف حاجب :.. شوو وراج
يزوي وهي تصد ورا وترجع :. ماشي وراي ..بس اللي اعرفة ان باجر دوام وابا حايات من المول ،،
راشد :. ايوا والمطلوب اوديج
يزوي :. اكييد بس مب اوديج قول اوديكن واغديكن برا وارجعكن البيت ،،
راشد:. ماعلية سيرين تجهزن عل ما البس الكندورة واتسفر القاكن تحت جاهزات ،،
طلعت من عندة رحت لقيتهن جاهزات قلتلهن يالله ليسن عباياكن ونزلن تحت علما البس عباتي وبلحقكن ،، ايمان ولطوف لبسن عباياهن وشما وفاخرة لبسن لهن لبس محتشم وشيلة سكارف ،،
انا لميت شعري ع شكل كييكة ولبست شيلتي وعباتي المسكرة ع لبسي وشليت شنطتي وطلعت من الغرفة وقفلتها ونزلت تحت لقيتهم طالعين يركبون في السيارة لحقهم وامبوني كنت ما خذة فلوس عند ابوية وطلعت ركبت ورا رشود وحركنا لدبي مول ،،،


عشر ونص ،،
وطلعت ركبت ورا رشود وطلعنا من البيت بنحرك لدبي مول،، قبل ما نطلع للشارع العام
لطيفة :. رشود اخذف بيت خالي بوحمدان نعيمة واضن شيخة بيروحون ويانا ،،
مرينا بيت خالي حمدان وظربنا هرن ،، وطلعت نعيمة متنقبة واختها شيخة بالغشوة
وكبو السيارة وكان ترتيبنا لطيفة حذال راشد انا وراة عدالي ايمان وعقب شيخة وع الباب نعيمة ،،اما شما وفاخرة ورا يالسين ...
نبذة عن خالي """"


(( خالي بوحمدان :.. سالم ،،طيب وحنون ما يرضا ع الغلط وينبهنا علية يشتغلزفي استقبال المستشفي ،،عمرة 40
عمتي :. ضبابة،، (اخت بو راشد ،، بس ما ذكرتها ) طيبة وحنونه ،،تحب تتثقف وتخبرنا قصص جميلة فيها قصص وعبر ،، موظفة ،،
فاطمة:. عصبية نوعا ما شعرها اسود لنص ظهرها وبيضا ومليانة شووي ،، عيونها سودا اخر سنة تدرس في الجامعة كلية الاتصال .. عمرها 22
نعيمة :. بيضاء ومليانه شوي وعيونها عسلية ، شعرها لاخر ظهرها ،، تدرس it اول سنة كلية
شيخة :. بيضا مايلة للاسمرار شوي عيونها بنية طالعة امها شوي بملامح الوجة ،،شعرها لبداية فخذها اسوود ،،عمرها 17 اخر سنة مدرسة ثالث ثانوي ادبي ،،


حمدان : عمره 16سنين ، ملامحه هادية لون عيونه رصاصي غامج وشعره اسود وبشرته برونزيه ...ثاني ثنوي ادبي ،،


خالد : عمره 14 سنين ، جميل بشرته لونها ابيض مايلة للسمار عيونه لونها اسود وشعره لونه اسود ... تاسع،،
راشد :. 9 سنوات بشرته بيضا ومليان شووي عيونه سود ،،صف رابع


لطيفة :. 7 سنوات :. بيضا وعصقوو وايد ضعيفة وسمرا شوي وعيونها بنية ،، صف اول


-------
وصلنا دبي مول ،،وقبل ما ننزل اختي لطيفة لبست نقابها وايما بالقشوة واتفقنا ع انه انا وشما وفاخرة نروح ويا راشد اما البنات الباقيات يروحون يتسوقون ع راحتهم ،،
:. وانا اطالع راشد :.. ابا كوفي احس اني مصدعة ابا افجج هاليطيخة زيين
راشد :. ماعلية يلحين بنروح استار بوكس وباخذلج


مرينا ع محلات واذا فاخرة وشما عيبهم شي دخلنا وخذولهم اللي يبون وتقريبا مخلصيين مب باقيلهم وايد اشياء بسيطة ،، انا شفت محل شوز وعيبني دشيت وتنقيت اللي عايبني وتميت اجرب عل قياسي واخر شي خذت لي ثلاثه وطلعنا ، ومرينا صوب ستار بوكس وخذلي رشود كوفي ويابة لي ويلست اشرب لين دخلنا محل اكسسوارات وشريت لي ختوم واساور وحلق وخواتي بعد خذولها وتسوقنا وشريت كل اللي ابغية ورحنا يلسنا في كوفي
يزوي :. رشود بروح عند البنات ابا حاية بمر اخذها وبني كلنا هنية ،،
رشود زين برايج بس اول بتصل للطوف اسالها هن وين عشان تسيرين
بعد ما تصل لها طلعو في سيفورا ورحت صوبهم
او ما دخلت المحل لقيتهم كلهم يحاسبون رحت اخذلي اساسيات واخذت كحل وايلاينر وغيره من الاشياء ومريت صوب المناكير وخذتلي لونين واحد تركواز والثاني لونه غريب وحاسبت ،،
ومرينا ع كذا محل ،،
نعيمة :. واخيرا خلصنا بس تعبت ،،
ايمان :. لطوف اتصلي ع رشود اساليه هو وين وخلونا انروح البيت ،،
لطوف اتصلت له ،، هلا ،، وين انته خلنا انسير البيت خلصنا .. خلاص تعالن كوفي ...
لما وصلنا له ،، عطانا سويج السيارة وقال :. اسبقوني للسيارة انا يليحين ياينكن ،،رحنا كلنا للسيارة وهو راح ايبله حاية وببيي ،،وصل وحرك السيار للبيت ،، ونحن قريب من البيت
رشود وهويرمس بنات خالي :.. غداكن عندنا حياكن ،،
شيخة :. لا سمحلنا خلها مرة ثانية ،، باجر مدارس بنسير نجهز امرنا
وصلنا بيت خالي ونزلن البنات ونزلن اغراضهن وحركنا لبيتنا وكانت الساعة تقريبا ثنتين ونص وصلنا البيت ونزلنا الاغراض شليت اشيائي ودخلت البيت ما حصلت حد بس علاوي يتابع التلفزيون سلمت وصعدت فوق اغير واسبح ونزلت ع السريعوكنت لابس جلابية بيت ومريحة وايد وحاطة الشيلة ع كتفي
رحت وقلت للخدامة تحط لنا الغدا في الصالة اللي يلستها عربية ،،
ويلست فيها اتريا الغدا واترياهم ايون ع الغدا


توقعاتكم ،،،


--------------