روايتي الاولى :أمسك بيدي فأنا شمعة تكاد تنطفئ

**همسة ألم** · 20-04-2014, 06:56 PM

رد: روايتي الاولى :أمسك بيدي فأنا شمعة تكاد تنطفئ

.
البارت الاول

كانت جالسه لحالها كلاعادع بالزاوية وحاطة السماعات باذنها وجوالها بجيبها

نوف:ياربي منها هذي الانسانه مرة تغيرت وش فيها
نور:وش نسوي محد يدري شفيها وليه صارت كذا
مروى:حسبي الله في اللي كان السبب انا متاكده ان فيها شيء
شوي ودق باب الشاليه حقهم
والبنات اغطوا
ريان:ممكن ادخل؟!
البنات:اتفضل
دخل ريان ودور بعيونه على اخته وحبيبة قلبه وناظرها جالسه بالحافه حق السور وولامه رجلها وحاطة السماعه باذنها
واتوجه لها واشر لها بيده
فسخت السماعات وابتسمت ابتسامه صفرا:نعم؟!
ريان:قومي ابي اتمشى معك
قامت وشالت السماعات ولبست البلوفر حقها وحطت الطاقيه على راسها وغطت شعرها ولبست الجزمة وخرجت
وريان لحقها
وقفته نوف
نوف:لحظة ريان
ريان:هلا؟!
نوف نزلت راسها:تعرف وش فيها اختك؟؟
ريان:زيكم بكتشف هذا الشيء بس على حبه حبه خاصة وان ماعندها خوات
رانيا:بس نحنا زي اخواتها
ريفان:ايه جد
منال:ياريت تخلينا نقترب منها لو قدرت
ريان نزل راسه:ان شاء الله
وخرج لقاها واقفه وعابسته
وقال:يلا نمشي
بهمس:وش تبي توصله ريان؟!
ريان:ابيك تحسين ان وراك اهل ترى ومتى ما حتجتيهم تراهم موجودين
شوي وجاهم ياسر:وش تسوي باميرتي؟!
ريان:اميرتك ابي افهمها ان لها اهل
ياسر:حبيبتي اميرة لازم تتجاوبين معانا ابي افهم ليه تغيرتي احد ماذيك؟!
اميرة هزت راسها بالنفي وقالت:ممكن ارجع اذا كان هذا موضوعكم
شوي وخالد جاي لهم:وش تسوون...
وسمت يوم شاف بنت عمه اميرة
حس بالغموض من وجودها لانه اصلا عمره ماشافها اخر مرة سمع صوتها كانت بثاني متوسط يعني قبل اربع سنين واتجنبهم وراح وتركهم
اميرة:هذا هو خالد يدور عنكم خلوني ارجع للبنات
ريان بقهر:حسستيني تقعدي معهم؟!
اميرة:خلاص يا ريان
وراحت وتركتهم
ياسر اتنهد هوا وريان وراحوا للشباب
بدر:من ذي اللي كنتم واقفين معها
ريان بقهر لان اصلا محد يعرف اخته وكانها مو بالعائله اصلا:اختي اميرة
بدر سكت منحرج
خالد:ايه وش فيها اميرة مختفيه من فترة مو قصيرة ابد حتى خواتي ماصاروا يتكلمون عنها ولا يجسلون معها
راكان:اتركوها بحالها
ياسر:اللي قاهرني انها ما تتكلم معنا ياريت لو عندنا اخت تتفهمها
ريان:بس امي مو مقصرة وكمان رغد مو مقصرة بس هي ماتبي تقابل احد خير شر
ماجد:وش تتوقعون فيها؟!
طلال:يمكن بدت المشكلة من زمان واحتاجت احد يساعدها وماكان فيه احد متواجد وقتها وقررت تكتم الموضوع بقلبها وهذا ادى الى انو تصير منعزلة كذا ومكتئبة وبهذي الطريقة دخلت لدائرة التوحد
خالد:هذا رايك يا دكتور نفساني
ريان:والله كذا رايك طلال يعني نعرضها لدكتورة تشوف حالتها ؟!
طلال:والله هذا يعتمد على حسب رغبتها في تحسن صحتها او لا
ياسر:كيف يعني؟!
طلال:يعني مثلا اذا ماكانت متقبله الموضوع ماراح تقدر وخاصة اذا كانت المشكله من اساسها صدمة ثقه اذا كانت تتعلق بالثقه فهي كذا راح تتضرر اكثر لو اتعرضت لدكتور مهي واثقه فيه
مهند:بس الدكاترة لازم يتكتمون عن ذا الموضوع
طلال:ادري ان ذا سر المهنه بس هي راح يكون من وجهة نظرها عدم تقبل اي احد
ياسر جلس يفكر بحال اخته ابد مو عاجبه
وبفكرة جهنمية:وش رايك نعرضها عندك؟!
مهند ايد الفكرة:اي والله تضمن انك ولد عمها ومهما كان بتكتم سرها
طلال:نعم؟!
خالد:والله الفكرة ماهيب شينه

:

:

:

من ناحية ثانية في مكان اخر

رجعت من دوامها الليلي تعبانه وتبي تنام ماتشوف قدامها الا السرير
ودخلت الفله اللي هم فيها
ودخلت جناحها ونامت بعمق

في نفس الفله خرجت من جناحها ولقت زوجها قدامها وهمست:وصلت تالين؟!
محمد:ايه وشكلها تعبانه
منيرة:يووه منها تكرف نفسها ليل نهار
محمد:المشكله ماتبي تفكر في شيء واخوك وينه؟!
منيرة:قال بيسهر مع الشباب برى
محمد هز راسه
وراح لجناحه وبالنسبة لمنيرة نزلت الحديقه تتمشة فيها شوي

:

:

:

نرجع لعند بطلتنا اميرة

كانت مغمضة عيونها وسرحانه بالاغنية اللي تسمعها وتتذكر كل الاحداث اللي صارت لها من اربع سنين وهي لحد الان تموت الف مرة يوم تتذكر
كانت بنت ولا احلى البنات وتمشي مع صديقاتها بالمول
شوي استاذنت من صديقاتها علشان تروح الحمام وولا وحده كان لها خلق تروح معها
وهي في طريقها للحمام اتحرشو فيها اربع اولاد وهي مطنشتهم ولاهي ملقية لهم ببال
وهي خارجه من الحمام
واحد منهم:اعطينا وجه يالحلو
الثاني:طيب بس الرقم الله يخليك
اميرة عصبت وتفلت بوجهه اللي وقف قدامها
هوا عصب منها وانقهر وخاصه انها فشلتها قدام اخوياه وقال:والله لاعلمك ان الله حق يابنت ال####
وشدها من يدها وهي تصرخ
خرجها برى المول وسحبها لسيارته ووداها مكان مهجور فيه شقه خاصه فيه وابد مارحمها تحت صراخها واستنجادها سلب منها اغلى ما تملك من غير اي رحمه او شفقه كالذئاب المفترسة ماترك لها اي شيء وياريتها وقفت عليه لا وجاب اخوياه وكل منهم اخذ حصته بعد ماخلص منها رمى عليها عبايتها ورماها في الشارع
ومن يومتها وهي كانت تحتاج لاحد ياخذ لها حقها وحابسه نفسها

صحت من افكارها واسترجاعها لذكراها المؤلم رغد
رغد:حبيبتي لين متى بتظلين كذا حرام عليك
اميرة بهدوء:ممكن تتركيني لحالي ابي اجلس لحالي شوي
رغد:طول عمرك جالسه لحالك من دونا ما جت على كم طقيقه كلمتك فيها
اميرة بهدوء وببرود قاتل:لو سمحتي رغد مابي اسمع منكم شيء اتركيني لوحدي

عدت ايام الشاليه عليهم بخير
بقصر ابو طلال

رغد:ياخي مهي راضية تسمع مني شيء او تتقبل مني شيء معقوله عندها حالة نفسية يا طلال؟!
طلال كان قاعد ومستمع لاخته بحذر ما يدري ليه وده يعرف ليه هي كذا وفضوله قتله وصار يسمع لها كل شيء وهمس بخف ت:يعني ماقد مرة مر موقف عليكم وخلاها تتغير بعده ؟!
رغد هزت راسها بالنفي
طلال:طيب اي شيء غريب منها
رغد جلست تفكر وقالت:بس شيء واحد دايم تسويه
طلال:وش هو!!
رغد:امم كل ما قعدت معانا مثلا صحيح ما تشاركنا الحديث في المناسبات يوم نجيب طاري الزواج تزعل ودموعها تصب بشكل لا ارادي
طلال بغموض:اها

بقصر ابو ياسر

ياسر:يبه وش رايك بالفكرة
ام ياسر:بصراحه انا مايده الفكرة دامها بتخرج بنتي من الحاله اللي هي فيها
ابو ياسر:والله بس لازم ناخذ راي طلال لا نثقل على الولد
ريان:ماعليك يبه انا خذيت رايه ووافق قال اي شيء تحت امر عمي
ابو ياسر:وكيف بتقنعوها؟!
ياسر:بالنسبة لذا الشيء قالنا طلال هوا بيشوف حل
ام ياسر:وشلون؟!
ريان هز اكتافه هوا وياسر
ريان:بس قال بيجيب حل باسرع وقت

بعد مرور يومين
رغد:وبعدين؟!
طلال:بس وش تبين بعد خلاص سوي اللي قلت لك عليه وحاولي معاها ها؟!
رغد:مدري اخاف اغلط
طلال:انتي ردي عليها بهدوء واتزان ولا تحسسيها انك خايفه عليها ابد وتعاملي بلامبالاه ولا شعور وحاولي تكوني بارده الاعصاب علشان ما تفكر ولو للحظة انك راح تقولي لاحد لو قلتي لها شيء لانك ما تهميها
رغد هزت راسها بحرص
وراحت بيت ابو ياسر علشان تسوي اللي قالها عليه طلال

ويوم وصلت لعندهم قعدت مع مرت عمها شوي واتجهت لغرفه اميرة
واخذت نفس واقتحمتها بقوة ودخلت وتركت الباب مفتوح ودخلت دغري على غرفة النوم وصرخت:يا اميرة وش ذي الملابس الكحلية
وخرجت لها:لو تبين الوان قاتمة ماينفع معك الا اللون الاسود وخاصه انه ماراح يظهر اي شيء وانا اشوف الفساتين مالها اي داعي هنا
اميرة مستغربة منها وش تبي ذي
رغد صارت ترمي الفساتين الغالية على الارض وتقول عليها وع لانها الوان فريحية
وطلعت من شنطتها عطر ريحته جميله بس بنفس الوقت مركززة ورمت كل العطور الجميله الهادية من فوق تسريحتها وقالت:استعملي هذا العطر
واتجهت للجزم وصارت ترمي كل الكعوب كل الالوان الا القتمة والغامقه
وبعد مانتهت اتجهت للحمام وشافت كيف شكله كان لونه ازرق سماوي وقالت:وش ذا الحمام يسد النفس
خرجت من الحمام ورمت عبايتها فوق السرير ورمت نفسها معها وقالت:ياخي كفشت من حياتي وودي لو اكون لوحدي شوي
اميرة حست بفضول وش فيها ذي
اميرة:رغد شفيك؟!
رغد ناظرتها من فوق لتحت بنظرات قاتله وقالت:وش فيني بعد اتركيني ابي اقعد لحالي
اميرة انقهرت:وش تقصدين يعني؟!
رغد:امم قلت لك ابي اقعد لحالي يوووه ماتفهمين
اميرة طنشتها وخرجت من الغرفه للصاله
رغد بعد عشرين ثانية لحقتها ورمت نفسها على الصوفة وقالت:ودي بمويا دقي بالتلفون
اميرة دقت وطلبت لها مويا وهي مندهشة من تصرفات رغد معها
شوي ورغد رمت الشوز حقها وفردت شعرها وشافت النقص قدامها وبلعت ريقها لازم تسوي اللي قاله لها طلال بالحرف لانه قد طلب صور لشكل غرفتها وفصلها تفصييل وقربت من اميرة ذات الشعر الطويل
اميرة بصدمه:وش بتسوين
رغد:ولاشيء شعرك ماله داعي
اميرة بدت تخاف منها وبعدت عنها بس رغد بحركة سريعه قصته من رقبتها وكله طاح على الارض كان طوله لين فخذها وانصدمت اميرة وحست بصدمة
وقالت بدموع:انتي انتي انتي قصيتي شعري؟!...محد يوثق فيك انتي...انا اصلا غلطانه اني سويت معك كذا واحترمتك المفروض ماحترمكم كلكم كذا جنسكم قذر وحقير...وصرخت اطلعي برى
رغد ارتجفت من صوتهاوتجاهلتها قدر الامكان وقالت:اصلا انا طالعه
اميرة صارت تبكي على شعرها
وبالنسبة لرغد دقت على طلال وخلال اقل من عشرة دقايق كان تحت واول ماركبت زفرت نفس قوي
طلال:ها شصار
رغد بصدمة:نفس ما وصفتها كذا سوت
سويت كل اللي قلت لي عليه وهي انصدمت وبكيت وقالت لي محد يوثق فيكم جنس حقير
طلال هز راسه برضا
رغد:وش بتسوي ياخوي؟!
طلال:بحاول اعالجها واضح انها خرجت من صدمة قوية وبعد فقدت ثقتها في اهلها وكل اللي حولها وبذلك ماراح تهتم مين ما كان الدكتور اللي راح يعاجلها
وقال:انا بخطبها من عمي،.
رغد لفت عليه بسرعه:نعم؟!
طلال:ايه بخطبها ولخليه يوافق ويغصبها علي وبنشوف ردة فعلها..وبعد اسبوع بملك عليها وبعدها نبدا بعلاجها كذا راح تكون تحت ناظري وبعد ماعالجها بخليها تروح في حال سبيلها،.
رغد:راح تصير مطلقة
طلال:هذا افضل من قعدتها كذا
رغد سكتت لان كلام اخوها صح مافي الا ذا الحل علشان يقدر يتصرف فيها
طلال
اوقعت نفسك بدوامة راح تدلخها مع بنت بحسن نيتك ونيتك الوحيده انك تساعدها لانها بنت عمك وانت شايفها مسكينه تحتاج عناية ماكنت تدري انها ماتحتاج عناية تحتاج ظهر تستند عليه وتثق فيه يحميها ويحرسها
ماتدري وش بتخبي لك الايام الجايه يا طلال

:

:

:

بنفس الفله القديمة
دخل وهي دخلت وراه
ريما:متاكد ان كل البيت نايم
سعود:ايه متاكد امشي راح نقضي ليلة ولا احلى
ريما ابتسمت واتعلقت بايده وراحت وياه

كانت تحترق وهي بالمطبخ وهي تسمع كيف انو يجيب بنات الفله فله اخوها وهوا يشتغل كيف ذا ماعمده اي دم اي ضمير انا كيف احبه اهه ياقلبي يارب صبرني يارب رحمتك

انتهى البارت

اتمنى تنوروني بتعليقاتكم الحلوة
دمتم بود
همسة ألم

**غرنوقته~** · 21-04-2014, 05:26 AM

رد: روايتي الاولى :أمسك بيدي فأنا شمعة تكاد تنطفئ

كملي تسلم ايدينك وربي تحميت

تم الإرسال بواسطة iPhone بإستخدام منتدى عبير

**غرنوقته~** · 21-04-2014, 05:27 AM

رد: روايتي الاولى :أمسك بيدي فأنا شمعة تكاد تنطفئ

اقصد تحمست

**أنة حرف** · 21-04-2014, 12:09 PM

رد: روايتي الاولى :أمسك بيدي فأنا شمعة تكاد تنطفئ

تنقل للأنسب
يعطيك العافية أرجو اكمالها
متابعينك

**همسة ألم** · 26-04-2014, 09:50 PM

رد: روايتي الاولى :أمسك بيدي فأنا شمعة تكاد تنطفئ

المشاركة الأصلية بواسطة غرنوقته~

كملي تسلم ايدينك وربي تحميت

تم الإرسال بواسطة iPhone بإستخدام منتدى عبير

ياهلا فيك والله،.
الحمدلله لقيت تشجيع من احد
ويسلمو ايادينك وان شاء الله تكتمل
دمتي بحب
همسة ألم

**همسة ألم** · 26-04-2014, 09:51 PM

رد: روايتي الاولى :أمسك بيدي فأنا شمعة تكاد تنطفئ

المشاركة الأصلية بواسطة أنة حرف

تنقل للأنسب
يعطيك العافية أرجو اكمالها
متابعينك

الله يعافيك أنة حرف،.
ويشرفني تواجدك ومرورك على روايتي المتواضعه
اتمنى يعجبكم البارتات الجاية

**همسة ألم** · 26-04-2014, 09:52 PM

رد: روايتي الاولى :أمسك بيدي فأنا شمعة تكاد تنطفئ

..
البارت الثاني

بقصر ابو ياسر

كسرت كل شيء قدامها وهي مو مصدقه اللي صار
ليه يا رغد تسوين فيني كذا وهذا انا اللي كنت ابيك تفهميني
اه يارب محد راضي يفهمني ودي اصرخ واقول انا مظلووومة
اه ياخوي ياسر يالبا قلبك ياريتك تعرف وش فيها اختك الوحيده
اه يا ريان يا طيب قلبك وحنيتك بس المشكله مقدر اقووولكم مقددر في شيء كاتم علي انفاسي
اأاأاأاأاه ياقلبي مو قادرة اتحمل هالعبء اكثر من كذا
وناظرت بالمرايا وهي تناظر جمالها
عصبت ورمت قزازة العطر عليها وصارت تصرخ:اأاأاأاأاه يارب ليه أنا جميييله ليه يصير كل ذا فيني
دخلت عليها امها ومعاها اخوها ريان
وهي تصرخ وتستنجد وتقول ارحمووني خلاص
ريان بصدمة:وش فيها يمه
أم ياسر بالم:هي كانت كذا من السنه إللي فاتت بس هجدت الحين بعد ماراحت رغد مدري شصار عليها
ريان استغفر ربه على حالة اخته الماساوية

:

:

:

تالين كانت تكلم صديقة عمرها رنا
تالين:مدري ايش اسوي هوا الحين بغرفتهةمع ذيك ريما إللي كل يوم يجيبها هذا والبيت بيت اخوي،.
رنا:طيب وين تبيه يروح اهلكم متوفيين كلهم ومابقي الا هوا ومنيرة اخته وانتي واخوك محمد
تالين:يجيب بنات البيت وصلت فيه هذي الحقارة
رنا:بس لا تنكرين إنتي لسا تحبيه
تالين:مو لاني غبيه وسهلة المنال لكن من بعد اليوم تعاملي بيكون شيء ثاني
رنا:بتخلينه يعرف إنك تعرفين كل شي؟!
تالين:أنا اصير خطيبته من حقي اصارحهه ومايسوي ذا الشيء معايا
رنا:هي تالين لا تجنين إنتي عارفه انو عصبي وممكن يقلب الموضوع ضدك
تالين:طيب ايش تبيني اسوي،.
رنا:أنا عندي حركة تسوينها يخليه يحرم يجيب وحده البيت تاني مرة
تالين:اسمعك..!

:

:

:

نروح لقصر أبو طلال

طلال:نعم وش قصدك؟!
رغد:مدري دقت علي امها تقول ايش قلتي للبنت جاها انهيار عصبي وهي بالمستشفى دحين
طلال مسح على شعره:ياربي ما حسبت ذا في الحسبان إنك تكوني غاليه عليها وتكسريها تاني
رغد:بس أنا ماسويت ذاك الشيء
طلال:مو تقولين شعرها غالي عليها...؟!
رغد:ايه بس مو يخليها تنهار عاد..!
طلال:مو يا ذكية هيا متعرضة لصدمة قوية على قلبها فاي حركة خفيفه ممكن تخليها تفجر كل إللي بقلبها وخاصة لو كان انسان عزيز وغالي..،
رغد بعصبية:وليه مافهمتني كان ماسويت ذاك إللي سويته
طلال:شتبيني اسوي ماتوقعت انها تسوي كذا
رغد:دكتور على الفاضي
طلال بهدوء:هذاك قلتيها دكتور مو متوقع حالتها النفسية
رغد:متى بتخطبها؟!
طلال بعزم:بكرا إن شاء الله والملكة يوم الجمعه
رغد تحسب بايدها:ثلاث ايام اذا وافقت بعد بكرا..،
طلال:ايه يكفي علشان تهيئ نفسها علي
رغد:وشلون؟!
طلال:مو أنا بكلمها فترة الخطوبة وبحاول اتقرب منها علشان تفضفض لي..!
رغد:اسالك بالله طلال ليه تسوي كل ذا..!؟
طلال:لوجه الله ولجل عمي إللي ماقصر بحقي ولا مرة
رغد:وتقوم تتقرب من بنته؟!
طلال:ايه بنية اني اعالجها
رغد:ماتوقع
طلال:وش قصدك...هي إنتي لا يروح فكرك بعيد وتسويلي رومنسية مثل الروايات سامعه..!؟...أنا انسان عقلاني ومالي الخرابيط ذي وحب وقلة حيا ماعندي حب قبل الزواج،.
رغد:طيب بسم الله اكلتني أنا اسفه غلطت ياخوي اسكت بس
طلال طنشها وراح جناحه
رغد:لحظة ذا كلم ابوي؟!
وطلعت وراه علشان تقوله يكلم ابوها،.

:

:

:

بقصر أبو خالد

خالد:وانا وش دخلني...!
نوف:يوووه أنا اسالك وش رايك فيه..!
خالد بسرحان:وش رايك بتصرفات بنت عمك..؟
نوف:نعم؟!
خالد:ماسمعتيني..!؟
نوف:اي وحده..؟
خالد بقهر:بلا غباء وفيه غيرها غامض...!؟
نوف:اميرة..؟..ليه تسأل عنها؟!
خالد:كيفي
نوف:وش فيها متغيره علينا كلنا
خالد:محد فيكم حاول يفهمها..؟!
نوف:شفيك خالد؟!
خالد:مدري بس احس اني مهتم لها وخاصة يوم قال طلال انها ممكن تكون خارجه من صدمة عدم ثقه ،.
نوف:لا يكون حبيتها؟!
خالد هز اكتافه بمعنى مادري
نوف راحت غرفتها تكلم نور

:

:

:

في قصر ابو بدر

كانت جالسه في جناحها وتمشط شعرها بهدوء شوي ويرن جوالها وتلاقيه ينور باسم نوف
فتحت الدرج وطلعت السماعات وشبكتها وردت عليها:هلا حبيبتي؟!
نوف:كيفك حبي..!
نور:الحمدلله بخير وانتي؟!
نوف:باحسن حال...اممم الا وش تسوين؟!
نور:ابد امشط شعري طفشانه،.
نوف:طيب شرايك نخرج!!
نور:وين نروح؟!
نوف:اي مكان تعرفين ابي ارفه عن نفسي قبل يبدا الترم الثاني وكذا
نور:الثانوية ههه ياخي اكرها
نوف:ها شقلتي يلا وافقي في موضوع ابي اقوله لك،.
نور:طيب حبيبتي تم مري علي بالسواق طيب؟!
نوف:اوكي حبي،.
نور:يلا سلام،.
نوف:سلام،.
قفلت منها وشالت السماعات من اذنها وقامت غيرت الشورت تبعها ولبست بنطلون اسود وبلوزة لونها فوشي نازلة على الكتف وربطت شعرها ذيل الحصان وحطت قلوس و كحل وماسكارا ورسمت حواجبها ونزلت تحت

بدر:على الله السلام وين رياحه اختي في الله؟!
نور:نوف بتمرني بنروح نتمشى ونرجع؟!
بدر:مطولين؟!
نور:لا ابد كلها ساعة ونص بالكثير وانا هنا،.
بدر:ولا حق الخرجه؟!
نور:بس نرفه شوي عن نفسنا قبل تبدا المدارس وكذا
بدر هز راسه
أم بدر:وين راحيني بالزبط؟!
نور:والله مدري يمه
أبو بدر:انتبهوا على انفسكم...بتمرك مع السواق؟!
نور:اممم اظن،.
أبو بدر نزل راسه وكمل قراته للجريده
نور طلعت فوق تلبس عبايتها وشافت دقت نوف يعني هي وصلت باين انها جاهزة
ونزلت تحت للسياره
نور:السلام،.
نوف:وعليكم،،
نوف:حرك السياره على الخالدية،.
نور:وش الموضوع؟!
نوف:هناك تعرفين،.

:

:

:

الساعه ١ بعد منتصف الليل بتوقيت السعودية

دخل المستشفى وهوا مايدري ليه جاه هنا بس إللي يعرفه انو لازم يتكلم معاها باسرع وقت واسرع طريقة
راح للاستقبال وسال عن اسمها :لو سمحتي وحده اسمها اميرة حسن ال......
:ايه بالدور الثالث غرفه ١١٠
طلال:شكرا
:لحظة
طلال:نعم؟!
:إنت الدكتور طلال صح؟!
طلال ابتسم:اول مرة اشوفك هنا
:أنا دوامي ليلي وبصراحه الكل يتكلم عنك وعن مهارتك في علاج المرضى واسلوبك كمان
طلال:شكرا
:سلامات المريضه ايه تقرب لك
طلال:خطيبتي
ومشى من قدامها
وراح للغرفه طق الباب
وبعد ماقالت اتفضل فتح الباب بخفوت ودخل وقفله وراه
اميرة جاتها صدمة:خير طلال؟!
طلال ابتسم:وش صار عليك؟!
اميرة:وش تقول إنت؟!
طلال:وش سوت لك رغد؟!...خانت ثقتك فيها؟!
اميرة مسكت راسها:لو سمحت اطلع برا لا تضغط علي باساليبك مابي اتعالج لاني مو مجنونه ولاني مريضه
طلال قرب منها:منو قال إنك مريضة او مجنونه بالعكس إنتي بس تحتاجي عناية
اميرة:طلال اطلع
طلال:قبل ماطلع ترضين اجلس معك جلسة وحده بس صدقييني بنية شريفه واذا ما عجبتك مارح اخلي احد يفاتحك بالموضوع ابد
اميرة ناظرته
طلال باصرار:تكفين اميرة وخاطر ابوك عندك
جا عند الوتر الحساس ابوها
اميرة لفت وجهها:خلني افكر،.
طلال:اوك خذي راحتك،.
وخرج من عندها

:

:

:

باليوم الثاني

خرجت من المستشفى للبيت
دخل عليها اخوها ياسر
ياسر:اخبارك؟!
اميرة بهدوء:الحمدلله بخير،.
ياسر:ان شاء الله مرتاحه؟!
اميرة :ايوا الحمدلله...وبعد تفكير...اقول ياسر،.
ياسر:سمي
اميرة:سم الله عدوك...اممم شسمه لو تبون تعرضوني على دكتور عند مين بتعرضوني؟!
ياسر:انتي متقبله الفكرة نحنا ماراح نجبرك..!
اميرة:لا عادي عندي بس بجرب جلسة واذا مارتحت راح اخرج،.
ياسر:اوك تمام يصير ايش رايك بطلال هوا اتطوع؟!
اميرة قالت:خلني افكر،.
ياسر:اممم اوك...تبي شيء ثاني؟!
اميرة:لا شكرا
ياسر نزل تحت لقى طلال جالس بالمجلس مع ابوه وعمه
ومعاهم ريان
ياسر:شالسالفه؟!
ابو طلال بابتسامه:حياك تفضل اجلس ونحنا نتكلم
ياسر جلس بهدوء
ابو طلال:طبعا زي ماقلت ولدي يبي يتقدم لبنتكم اميرة
ابو ياسر:الصراحه يعني نحنا ماعندنا اي مانع بس طلال تعرف حالتها الصحية؟!
طلال هز راسه
ياسر انصدم
ياسر:بس...!
طلال هز له راسه
ياسر سكت
أبو ياسر:باخذ راي البنت
طلال بسرعه:إنت شايف فيني عيب؟!
أبو ياسر:لا ابد بس بنتي لازم اخذ رايها..!
طلال:ماختلفنا بس إنت لازم تخليها توافق ..!
الكل انصدم من كلامه وش يقصد !
طلال:يعني أنا جاي طامع في قربكم اكثر...هذا واحد..وثاني شيء ياعمي أنا كمان ناوي اساعدها تتخلص من الوحدة إللي هي فيها...ثالثا ياعمي أنا متوكد انها بترفضني مو عيبا فيني بالعكس هي راح ترفضني خوف من خوض تجربة ثقه...وانا متوكد انها خرجت من صدمة قوية لذلك أنا ماقصد بس لازم توافق علي علشان اعرف اساعدها هذا اذا كنت تبي تساعدها ياعمي،.
ياسر ابتسم لولد عمه إللي ماراح يلقى مثله ابد
وريان كذلك
أبو ياسر قلب الموضوع في راسه
وابو طلال منهدش من شهامة ولده
طلال كمل:وكمان اوعدك وعد مني اذا ماتقبلتني بعد العلاج اتركها تروح في حال سبيلها زي ماتحب هي
وبعد صمت دام عشرين دقيقه
أبو ياسر :..........

:

:

:

في قصر أبو بدر
بدر:هلا سعود
سعود:ياهلا فيك اخبارك؟!
بدر:الحمدلله زين وانت؟!
سعود بخبث:منت ناوي نرجع مثل قبل
بدر:لا يا سعود إنت صديقي على عيني وراسي بس مابي ارجع للي كنت فيه أنا عندي اخت اخاف عليها من همسة الهوا والله يرضى عليك عند بنت عم واخت كمان،.
سعود قفل الخط بوجهه زعلان

:

:

:

تالين:والله يا منيرة اني ماكذب واحتاج مساعدتك،.
منيرة:إنتي كيف تبيني اصدق انو اخوي بذي الحقارة مو علشانك تعبانه من معاملته تسوين كذا،.
تالين بدموع:لا يمكن اسوي كذا واتبلى عليه أنا احبه منيرة ودي اخرجه من إللي هوا فيه بليز وافقي تساعديني،.
منيرة خرجت من الغرفه مطنشتها
تالين ببكا:يارب ساعدني اعمل خطوة مثل ذي ،.

:

:

:

انتهى البارت
دمتم بود
همسة ألم

**~نسمة~** · 26-04-2014, 10:35 PM

رد: روايتي الاولى :أمسك بيدي فأنا شمعة تكاد تنطفئ

رواية رائعة
اكملي ننتظرك
الله يعطيكي العافية
اختي همسة كل متى بتنزلي البارت
:**^^نسمة^^**:

**همسة ألم** · 27-04-2014, 12:09 AM

رد: روايتي الاولى :أمسك بيدي فأنا شمعة تكاد تنطفئ

المشاركة الأصلية بواسطة ~نسمة~

رواية رائعة
اكملي ننتظرك
الله يعطيكي العافية
اختي همسة كل متى بتنزلي البارت
:**^^نسمة^^**:

انتي الاروع ياروحها
يشرفني ردك ومرورك الكريم
وبالنسبة للبارتات
بنزل كل اسبوع ثلاث
بالويك اند بنزل بس ما بحدد يوم ويمكن كل يوم واحد وكذا على حسب بس انا متقدمة في البارتات فراح انزل اللحين كم بارت
دمتي بود
همسة ألم

روايتي الاولى :أمسك بيدي فأنا شمعة تكاد تنطفئ

روايتي الاولى :أمسك بيدي فأنا شمعة تكاد تنطفئ

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget