رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

ما اقدر اكملها اليوم عندي اختبارات عملية لما الاقي يوم فاضية بكتبها يمكن الاثنين او الثلاثاء

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

صار خاطري اقرأ الروايه من اسمها بس ان شاء الله بعد الاختبارات


تم الإرسال بواسطة iPad بإستخدام منتدى عبير

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

البارت السابع :
ريماس كانت طوال الليل صاحية مانامت وخايفة من خالد يقرب منها او شي .. ضلت جالسة للصباح
خالد الساعة 7 الصباح صحى من النوم شاف ريماس لسه نايمه بس كانت ريماس مو نايمه
خالد : هي انتي ! اخلصي قعدي وجهزي ملابسي
ريماس جلست من النوم وهي تطالع فيه : ...........
خالد : لا تطالعي بهذي النظرات ويلا قومي
ريماس تطالعه بدون ماترد عليه : ...........
خالد : مو ناوية تقومي
خالد مسكها من يدها بيسحبها لكن ريماس باعدت يده بالقوه
خالد بصراخ : ريماس
ريماس طالعته بعيونها الحاده : ايش تفتكر بسمع كل شي تقوله لي؟!
خالد : طيب .. إنتي اللي كنتي تبي هذا يصير .. انا رايح على الشغل برد على الساعة 4 العصر
ريماس : شنو اسوي لك
خالد : إنتبهي لا تغلطي بالكلام مره ثانية
خالد طلع من الغرفه وطلب من الخدامه تاخدها على الغرفه اللي بتجلس فيها وبعد ماتاخد اغراضها وكل شي تقفل عليها الباب وطلع من البيت
ريماس اخدت اغراضها وودتهم على الغرفة اللي بتنام فيها كانت الغرفة فخمه مصبوغة باللون الوردي مخملي وسريرها كبيير حيل ومريح وناعم ولونه وردي وعليه ستاير شفافه لونها ابيض ومخططه بالوردي وعندها تسريحة حتى تحط فيها مكاييجها ورف لكتبها وستاره تطل على البركة اللي برى بيتهم وكبت لملابسها كبير حيل
حطت ملابسها بالكبت ورتبت مكاييجها على التسريحه وحطت الكتب اللي تقرأ فيها على الرف
سمعت جوالها يرن وردت
ريماس : هلا رند وحشتيني
رند : وانتي وحشتيني حييييل إلا وين انتي رحت بيتكم قالو لي انك طالعه
ريماس : لا انا ببيت خطيبي بضل عايشة معاه
رند : صجججج ولا تخبرينا الله يقطع سوالفك
ريماس : ابي اطلع من هالبيت طفشششت مابي اعيش معاه
رند : مو مشكله اهربك
ريماس : شنو تهربيني الله يهديك
رند : اقول الليلة بنروح انا و روز على حفله كلها بنات وشباب بتجي معانا ؟؟!!
ريماس : انسي الموضوع
رند : هههه طيب يلا سي يو بشوف باقي البنات
ريماس : باي
ريماس طفشت من كثر ما الغرفة مقفله عليها وكأنها بسجن لما صارت الساعة 9 الصباح فتحت لها الخدامه الباب
الخدامه : ريماس انت في ينزل يفطر الحين
ريماس : مابي اكل شي ..
الخدامه : ماما يبيك بموضوع
ريماس : طيب بنزل بعدين
ريماس استوعبت : ايييش الحين بنزل بس ثواني خلاص روحي انتي
ريماس سكرت الباب وجلست جنب تسريحتها وحطت لها ايلاينر وروج احمر يناسب بياض وجهها وخلت شعرها الطويل الناعم مفتوح ولبست بلوزه بيضاء وعليها جاكيت اسود وبنطلون جينز اسود وجوتي رياضي ابيض وخيوطه سوداء ونزلت من فوق وجلست على الطاولة وام خالد تطالعها بلبسها الغريب ومكياجها !!
ام خالد : مابتفطري ؟!
ريماس : لا بس كنت ابي اعرف ليش تبيني
جيهان : ماتعرف حتى تتكلم برقة
ريماس : ارجوك خليت لك الرقة
جيهان : على فكره روجك عجبني من وين اخدتيه
ريماس : من مكياجي , ليشم و على اساس تلفي الدنيا فوق تحت وتاخدي لك مليون حاجه تعجبك غريب مكياجك مايناسب لبسك دحين
ام خالد : احم .. احم ..
جيهان : اه يمه قولي لها
ام خالد : بعد مانفطر بنروح نجهز لعرسك ونشتري فستانك ونوريك تصميم الصالة اللي بنسوي فيها حفلتك وبطاقة عرسك تعطيها لصاحباتك
ريماس : كل هذا .. !!!!!؟؟؟؟؟؟؟؟؟
جيهان : اجل شنو تفكري الزواج لعبة ؟!
ريماس : يمكن
جيهان : حبيبتي بقى 3 ايام لازم نخلص جزء اليوم
ريماس وهي تكسر بيضا : طيب
ريماس جالسة تحوس بالبيضه : شنو هذا !!
ام خالد : ليش ماتعرفي شنو هذي بيضة مسلوقه !!
ريماس : لالاء قرف عندكم بيض مو مستوي ؟؟!
جيهان وهي مستغربة : بالمطبخ
ريماس راحت تلف بالصالة حتى وصلت على المطبخ وفتحت الثلاجة وطلعت بيضا وطلعت صحن صغير ورجعت على الصالة على طاولة الفطور
جيهان وام خالد يطالعو فيها مستغربين شنو بتسوي
ريماس كسرت البيضه وحطتها بالصحن ورفعتها واكلتها وهي مو مستوية
جيهان : ايييييييؤؤؤؤ شنو هالقرف بروح على الحمام استفرغ
ام خالد : ريماسس !! شنو كيف تاكلين شي زي كذا !!
ريماس : بالعكككس يقوي عضلات جسمي , خالتي متى بنروح نجهز للزواج ؟؟!!
ام خالد : ليش للبنت عضلات؟
ريماس بمزح : هذا شي نادر بين البنات .. ! ,
جيهان رجعت من الحمام : اهه لا تعيديها ريماس بليز !
ريماس : هههههه طيب
...............................................................
عند خالد :
كان خالد بالشركة ورايح جاي على كل بنت
بعد مادخل على مكتبه وجلس اتصل فيه صاحبه
راكان : هلا والله وينك انت مختفي زين انك رديت بعد
خالد : هلا فيك , والله مشغول ويا خطيبتي هالفتره
راكان : دحين انت وينك
خالد : في الشغل جالس اهايط مع البنات
راكان : طول عمرك كدا ماتغيرت ولا بتتغير , إلا اقول لك فيصل بيجي اليوم من السفر بروح له عند المطار تجي معاي
خالد : اكيد بجي معاك يا حمار
راكان : يلا انطرك انا عند البيت مر عليي سيارتي بالورشه
خالد : خاربها من التفحيط , اوك الحين بجي لك
خالد سكر الخط واخد جاكيته وطلع من الشركه
بوقت ثاني رانيه كانت تنتظر بالمطار اختها حتى تجي
رانيه كانت تدور عليها وتطالع بالساعه بعدها سمعت صوت جوالها طلعت وكلمت
رانيه : هلا رنيم وينك
رنيم : وينك انتي انا ادور عليك
رانيه : انا عند البوابه 3 تعالي يلا
رنيم : طيب الحين جايه
رانيه قفلت الخط و وقفت تستنى اختها
رنيم وصلت عند البوابه : رانييييييييييييييييييييهههه
رنيم حضنت اختها وكأنها اول مره تشوفها
رانيه : رنيييييييييم وحشتيييييينييييييي
رنيم : وإنتي اككككثثثثررر , وين ابوي؟؟!!
رانيه : قال انه مشغول ولا قدر يجي فجيت لك انا
رنيم : طيب مو مشكلة يلا خلينا نمشي
من جهة ثانية قريب من رنيم و رانيه
راكان : هلا والله بفيييييصل
خالد : فيصل وأخيرا جيت اقول لك ياولد اترك هالدراسه ولا تحمل هم شغل
فيصل : اقول لك احب وحده مالك شغل ابي اشتغل عشانها !
راكان : اوه فيصل مادورت إلا خالد تقول له عن مشاعرك واحاسيسك
خالد : ههههههههههههه
راكان : داهو خاطب بنت ومطفشها بعيشتها ومن بنت لبنت
خالد : يلا بتمشو ولا شنو
فيصل : يلا خلونا نمشي جيت بسيارتك؟
خالد : اجل بسيارة حضرته
فيصل : هههه امش بس امش
............................................................
لما في المجمع كانت ريماس وجيهان وام خالد يمشو على المحلات ويدورو لها فستان يناسبها كانت ريماس متضايقه وماكانت مهتمه لأي شي هم يسألونه عنها
جيهان وام خالد دخلو على محل فساتين غالي حييييييييييييييييل
جيهان شافت فتسان منفوش من تحت وعليه قطعه شفافه وفيها برق وعلى الصدر مفتوح وكله كرستالات من فوق
جيهان : يمه لقيت الفستان اللي يناسب ريماس
ام خالد شافته : أي والله صدقتي يا جيهان , خلينا نشوف ريماس
اللتفتو على وراهم مالقو ريماس
ام خالد : جيهان وين ريماس !!!!؟؟؟؟
جيهان : يمه توها كانت وراي
ام خالد : خلاص خدي انتي الفستان وانا بدق عليها وبشوف وينها ما اتوقع بعدت
جيهان : طيب
ام خالد اتصلت على ريماس لكن ريماس ماترد راحت تدور عليها وتتصل عليها شافتها جالسه على الكراسي لوحدها
ام خالد تقربت منها : وينك اتصل فيك ماتردي
ريماس : هاه .. اوه ما انتبهت لجوالي
ام خالد : تعالي بنوريك الفستان اللي اخترناه لك
ريماس : طيب
ام خالد راحت مع ريماس عند المحل وجربت ريماس الفستان وكان قياسه يناسب جسمها واخدو لها كعب يناسب الفستان واتفقو مع اللي تجي تحط لهم المكياج تجي على بيتهم من العصر بقى بس ياخدون الشبكه والخاتم لازم تروح مع خالد حتى ياخدو ثنينهم مع بعض اللي يعجبهم
جيهان اخدت لها فستان بنفسجي ناعم وطويل ويناسبها واخدو البطاقات و وزعوها على اللي يعرفونهم وريماس عطتهم صاحباتها اللي هم روز ورند ورانيه وراشيل , خلصو تقريبا الساعة 6 الليل رجعت على غرفتها وجلست بغرفتها وحطت الاغراض اللي اخدوها لها بكبت ملابسها وغيرت ملابسها وجلست على السرير حتى تنام لأنها تعبت من الطلعه
في وقت ثاني خالد دخل على البيت راح على غرفته ماشافها موجوده بعدين تذكر انه قال للخدامه تروح على غرفتها بالبيت راح فتح الباب شافها نايمه جا وتقرب منها
خالد : هيي .. هيي انتي !!
ريماس صحت مفزوعه
خالد : الزوج للحين مارجع بيته والاميره نايمه ..
ريماس : انت شنو قاعد تقول ؟!
خالد : صرتي ماتسمعين !!!؟؟؟؟؟ قلت الزوج للحين مارجع وإنتي رحتي تنامين , إنتي مافكرتي أن زوجك جوعان ولا عطشان , قومي سوي لي الاكل
ريماس قامت من السرير وهي تطالعه وهي معصبة منه : الحين إطلع من غرفتي , إطلع برا
خالد : شنو قلتي؟؟؟!, إنتي نسيتي وين مكانك ؟؟!!!!!!!
خالد مسكها من يدها وهو ينزلها للأرض : هنييه عند رجلي والحين قومي بسرعه سوي لي اكل
ريماس قامت عن الارض وبكل هدوئها تقول له : قلت لك اطلع من غرفتي
ريماس تعلي صوتها عليه بصراخ : اطلع من غرفتي
خالد : طيب مو مشكلة
خالد راح عند رف اللي فيه كتبها وجلس يدور كتاب كتاب حتى لقاه كتاب الطب والجراحه
ريماس : هييي لالالالالاه رججججججعععععه
خالد : هذا اللي تحلمي فيه بيضل مجرد احلام تحلميها لا تفكري بخليك تدرسي طب
خالد فتح الكتاب وبدى يشقها لها
ريماس : لالالالالالالالالالالالالالالاههه !!!!!!!!!!!!!!!!!
خالد رماه عليها وجلست في الارض تجمع الورق وهي تبكي اول مره تضعف قدامه
خالد نزل لها على الارض ومسكها من فك فمها : والحين اسمعي زين بكرا بتطلعي معاي ناخد الشبكه وبعدها يوم الزواج , يعني بتنامي معاي غصب عنك فاهمه
خالد رماها على الارض ومشى عنها
ريماس وهي تبكي : تعبت حتى الاقي الكتاب اههههئئئئئ
ريماس سمعت الباب يتقفل راحت عن الباب تفتحه مايفتح صارت تدق الباب
ريماس تصارخ عليه وهي تبكي : خالدد خالد افتح الباب لا تقفللللللهه
خالد طلع برا البيت وجلس بحديقة البيت وهو رايق ويكلم دلع ولا كأنه صاير شي
ريماس اخدت بطانيتها والستاير اللي على سريرها وربطتهم مع بعض ونزلت من نافدة الغرفة اللي تطل على بركة بيتهم ونزلت من النافده ومرت على الحديقة خالد انتبه لها
خالد : دلع اكلمك بعدين , سلام
خالد قفل الخط وحط جواله في جيبه
خالد : ريماس ارجعي هنا
ريماس سمعت صوته اللتفتت له وشعرها الطويييل يطيره الهوى بالبرد
خالد جا تقرب منها وسحبها من يدها وريماس باعدت يده
خالد : لا تعاندي
خالد رد مسك يدها و ريماس باعدت يده عنها
ريماس : من قال لك مابدرس ! هذا شي راجع لي مو لحضرتك
خالد مسكها من شعرها : شنو قلتي
ريماس : لو شديت شعري من اليوم لبكرا مايهمني قلت لك بدرس وهذا مايخصك
خالد عطاها كف : هي ..
ريماس كانت تطالعه بنظرات
خالد : لا تطالعين كذا , رد عطاها كف ثاني
ريماس ردت تطالعه بنفس النظره
خالد عطاها كف خلاها تطيح على الارض
ريماس طاحت ويدها صارت على زجاجه جرحت يدها بقووه
ريماس مسكت الزجاجه بيدها و وقفت وهي تطالع بخالد بعيون حاده
ريماس : تذكر الجرح اللي اول ماشفتني كان ولا شي بالنسبة لجرح مثل كذا !
ريماس مسكت الزجاجه وضغطت على يدها والدم ينزل بشكل مو طبيعي !!!!!!!
.
.
.
انتهاء البارت 7

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

هلا والله بهل الشرقية اخبارك سوري تأخرت ما شفت البارت السادس
تعرفين اختبارات بس ابشري الحين بشوفه وأعطيك رأيي

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

يجنن ٦والسابع كمان حلو مره

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

واو روعة
وكلها حماس
استمري عزيزتي
معاك للنهاية إن شاء الله
تحياتي

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

خالد : ريماس اتركي الزجاجه من يدك
ريماس كانت تناظره وتبتسم بخبث : ليش
خالد مسك يدها بقوه : اتركيها
ريماس بإبتسامه خبيثة : وإذا ماتركتها
خالد مسكها من يدينها وتقرب منها وحط عينه بعينها : بتتركيها وﻻ ....
ريماس قاطعته : بتخليني اكمل دراستي واشتغل ؟!؟
خالد : اول تتركيها
ريماس تركت الزجاجه وكانت يدها تنزف من الدم وكأنه مطر غزير وفيها جروح : ماتركتها عشان إنك طلبت مني هالشي ، تركتها حتى اوريك إني ما اقدر اداوي الجروح إللي بقلبي
ريماس باعدت يدينه ومشت عنه
خالد : ريماس ..
ريماس تمشي بدون ماترد عليه
خالد : ريماس اكلمك ﻻتحقري
خالد رن جواله ورد قدامها : الو ... هﻻ قلبي ...
ريماس لما سمعته يكلم بنت وقفت ودارت تطالع فيه
خالد ناظر فيها وهو يكلم مي : الحين بجي ... وقفل الخط
خالد : روحي تزهبي ولبسي عباتك خلينا نطلع
ريماس تقربت منه : شنو قلت .. اتزهب؟! هه .. تمزح
خالد مسك يدها المجروحه : بوديك المستشفى يلفو يدك ريماس : مو على اساس بتمر على حبيبت القلب مي
خالد يطالع فيها وهو مبتسم : اي .. حبيبت قلبي وروحي وفداي مي بس ابيك تقولين إنك تغاري
ريماس بعصبية : اغار في عينك ..
خالد : في عينك إنتي
ريماس : روووح من هنا ترانك أذيتني
خالد : تراه بيتي
ريماس : وصار بيتي معاك
خالد : روحي تزهبي وعن الهدره
ريماس : اعرف اللف يدي مايحتاج مستشفى
خالد : بتروحي وﻻ ...
ريماس قاطعته : وﻻ شنو ها .. شنو بتس....
خالد قاطعها بنظره وتقرب منها بأبتسامه : روحي اجهزي انتظرك بالسياره
خالد رجع على ورا واخد جواله من الطاولة ودار لها وغمز لها بعينه وطلع من البيت
ريماس حركت مشاعره حركته ونظرته وغمزته بدون ماتحس رجعت بشويش وراحت من الباب اللي ورا البيت ودخلت بدون ما احد يحس وخلت الخدامه تجيب المفتاح حتى تفتح لها باب الغرفة ﻷنها نزلت من النافده لما قفل عليها خالد الباب ،،،، دخلت على غرفتها ورفعت شعرها الطويل الناعم وحطت لها ايﻻينر بعينها ولبست عباتها وتلثمت ونزلت من الدرج
جيهان شافتها وهي كانت تاكل تفاحه : ريماس وين رايحه
ريماس وهي تغبي جرح يدها : خالد ينتظرني بسيارته
جيهان : اهه غريبة بعادته دحين يروح لحبيباته ، ما عليك روحي وشوفي شنو بيصير ... هههه
ريماس حقرتها ومشت وطلعت شافته جالس بالسياره ينتظرها ريماس فتحت الباب اللي قدام وجلست معه وسكرت الباب
خالد قفل البيبان كله من عنده
ريماس كانت تطالع باللي يسويه وتتنهد ..
..................................
في وقت ثاني رند كانت جالسه بمقهى وتشرب القهوى الساخنه وتلتفت يمين ويسار وتطالع بالساعة وترد تشرب القهوى بعد ما انتبهت له جاي طالعت فيه وانقرفت
فهد : هﻻ اسمي فهد
رند سلمت عليه : رند
فهد ورند جلسو على الكرسي
فهد : اممم ،، ليش ساكته تكلمي خدي راحتك اتكلم انا ؟ طيب تعرفي ان شغلي بكوني ادرس الطب شي حلو على فكرة ترى الطب احسن مهنة انصحك فيها انتي مخلصه الدراسة صح ؟!
رند وهي تثائب : ايه
فهد : سوالفي تنعسك ؟!؟!
رند : ﻻ ابد
فهد طيب اكمل ؟!
رند : اسمع انا اجي المواعد المدبره ﻷن امي طلب مني هالشي وانا ما احبه
فهد : بجد وانا مثلك صرت اكره الناس فيني حتى تنعس من سوالفي الممله وافتك من حنت امي
رند : بجددد ؟؟؟!؟؟!!؟!
فهد : الصراحه اول مره اشوف بنت صريحه مثلك
رند : اخيرا في احد يحس لشعوري
فهد : انتي عايشه بوحدك ؟!!؟!
رند : كيف عرفت ؟!؟!؟
فهد : ﻷن الناس اللي اهاليهم يخططو لهم لمواعط مدبره هديﻻ دائما يعيشو بعزله لوحدهم ، وغريبه عينهم مثلكك؟!؟!
رند : اه عيني ..
فهد : عدسات ؟!؟!
رند : ﻻ طبيعيين
فهد : بالله !!!
رند : ههههه اي ﻻ تروح وتخاف دحين
فهد : ههههههههههه ﻻ مبروح لقيت توأمتي كيف اروح عنها
رند : هاه !!
فهد : امزح ..
رند : مزحك غريب ...
فهد : هههههه ............ وضل مشوار حديثهم ،
..............................
عند راشيل :
كانت جالسه بالصاله وتقرأ مجلة بس الشي اللي محد يتوقعه من راشيل انها كانت متزوجه !!!!!!!
احمد : راشيل .. راشي وصمخ وينك
راشيل : اووووف اوووووف ، شنو تبي ترانك طفشتني شنو شنو
احمد : شنو ؟!؟ طفشتك ؟!؟!؟
راشيل : اي وتعبت منك ومن حنتك ومن كﻻمك اللي تسد النفس كل يوم
احمد عطاها كف طيحها على الارض
احمد : شنو قلتي
راشيل : ﻻ تقرب مني وخرر وخخخخخررر
احمد مسكها من شعرها القصير : انتي طول عمرك بتضلي وﻻ شي بالنسبة لي
احمد رماها على الارض : روحي يﻻ ونظفي الغرفه احسن ما تروحين فيها الليلة
راشيل راحت على الغرفه وهي تنظفها وتبكي
احمد : ﻻ تفكري بخليك بحالك محد قال لك ترضين بالامر الواقع وتزوجين مني !!!!!!!!
......................................
نرجع ﻷبطالنا وصلها على المستشفى وعقمو يدها
ولفو لها يدها لما خلصو راحو على السياره ورن جواله ريماس طالعت فيه بنظره تبين له انها عارفه من داق خالد رد على الجوال
خالد : هﻻ قلبي ...
مي : خالد ليش ماجيت انتظرك من زمان
خالد : غيرت راي بجي لك بعد زواجي منها
ريماس انقرفت من كلمة (بعد زواجي)
مي : ايشش
خالد : يﻻ سي يو وتغطي زيين
ريناس تنقرف اكثر من كﻻمه
خالد قفل الخط : ريماس بكرا متى بنطلع ناخد الشبكه ؟!
ريماس : لو على كيفي ما جيت وعشت معاك بهالبيت
خالد : على فكرة مابتطلعي منه ابد
ريماس : اها ، بجد ؟!
خالد لف طريق السياره ورجعو على البيت
ريماس : مابي ادخل البيت طفشت من الغرفه وفوق كدا مقفل الباب شنو يعني اموت ؟!
خالد : مو عشان شي بس حتى ماتهربي
ريماس : مابهرب
خالد : ومن يصدقك
ريماس : انت ... !
خالد : اقول دخلي تراني مو فاضي لحنتك
ريماس : -_-
ريماس دخلت على البيت وجلست بغرفتها وفسخت عباتها وشيلتها وحطتهم بالكبت وجلست على السرير بتعب دخل عليها خالد
خالد : لهدرجة تزهقك غرفتك الجديده ليش ماكنتي تقفلي الباب على غرفتك وعندك حمام والاكل يجيك لغرفتك هنا نفس الشي
ريماس : ﻷن هنا محبوسه ، هناك انا حابسه نفسي بنفسي
خالد : يعني تبين تجي غرفتي وتنامي معاي وﻻ اخليها ليوم زواجنا
ريماس تطالعه : -_-
خالد : الواحد مايمزح معاك ابد
ريماس : خالد ..
خالد : عيوني ؟!
ريناس : انت ليش تبي تتزوج مني
خالد : بتعرفي بعدين
ريماس : خالد ﻻ تطلع وتقفل الباب عليي
خالد : صج؟ طيب
ريماس : مابتقفل الباب ؟!
خالد : طبعا بشروط
ريماس : وشنو هي ؟!؟!
خالد تقرب من عينه وطالع فيها : مابطلب شي صعب ، مجرد ابي اكون اول شخص تحبيه بقلبك

ريماس كانت تطالعه بعينها اللي مو مستوعبه كل كلمه يقولها !!!
تتوقعو شنو سبب زواج خالد من ريماس
وكيف راشيل متزوجه وهل بتبقى مع زوجها المعقد
وهل رند بتوقف عن حركات المراهقه اللي فيها وبتتقبل فهد وشنو بياخد فهد عن فكرة الزواج المدبر
وصديق خالد راكان ورنيم واختها
روز شنو بتكتشفو اكثر معاها
..
..
..كل شي تعرفوه بالبارت الجاي ..

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

ممكن اتكملين الرواية نحن نترياج ️


Sent from my iPod touch using منتدى عبير

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

البارت التاسع :
ريماس كانت تطالع بيعنه ومو مستوعبه كلامه
خالد كان يشوف عيونها كيف تخليه ينجدب للونها ونظرتها اللي مايقدر ابدا انه يقرأ افكارها منها
خالد تباعد عنها : نامي حتى بكرا ناخد اغراضنا بقى بكرا وبعدها الزواج
ريماس : مابي انام
خالد ابتسم لها : يعني انام معاك؟!
ريماس ترد عليه ببرود : انقلع برا -__-
خالد : انقلع؟ , اعتقد ان المفروض تقولين لي لو سمحت ممكن تطلع بعدها اقول لك مو مشكله بطلع بس على كلمتك هذي ..
ريماس قاطعته : شنو بتسوي ؟! هاه جرب تقرب يدك علي بشوف يلا
خالد : قلت لك بتندمي لما تعرفي كل شي , انا رايح على غرفتي
خالد طلع من غرفتها وخلى المفتاح جنبها انتبهت للمفتاح وقفلت الباب حتى مايجي ويزعجها جلست على السرير وفتحت جوالها حتى تكلم روز على الواتس اب
في الواتس :
ريماس : هلا
روز : هلا ريماس اخبارك وحشتيني حيل
ريماس : تمام , روز بقول لك شي
روز : قولي شنو فيك ؟!
ريماس : متضايقه ومابي اقعد مع خالد ابي اشوفكم ابي اطلع على راحتي , ما ارتاح بهذي الغرفه اللي انا فيها ما انام طول الليل
روز : ايييشش كل هذا مسوينه فيك خالد !!!! ريماس ما اقدر الحين جايه لك
ريماس : لا شنو بيقول خالد بيذبحني حزتها, روز الله يخليك ساعديني ماعندك أي شي يخليني انام تعبت صار لي 3 ايام ما انام زين
روز : ليش تبي حبوب يعني !!!!!!!!!!!
ريماس : أي تعودت اذا ما نمت اشرب حبوب بس شكلها امي شافته وقطته بالزباله
روز : طيب حاولي تنامي الحين اقول لك اقدر اجي لك دحين الساعه بس 8 ماصارت حتى 9
ريماس : طيب تعالي بنتظرك
روز : اوك بمر على الصيدليه اعطيني اسم الحبوب
ريماس كتبت لها وسكروا الواتس
......................................................................
في وقت ثاني عند فهد ورند
رند وفهد بعد حديث طويل بينهم ..
رند : فهد انت شخص طيب وظريف لكن زي ماقلت لك احنا ما لازم نكون مع بعض احنا لسى صغار على الزواج , من راي انا اقول لأمي إنك ماعجبتني وانت نفس الشي تقول عني
فهد : خلينا على مجرد اتصال مع بعض
رند : مو مشكله اخدت رقمك
رند اخدت شنطتها : لا تنسى تدفع الفاتوره هههههه
فهد طالع فيها وهي تضحك وكان شويتين خاق هع .. رند اخدت جوالها وطلعت من المطعم ,
فهد بعد ما دفع الفاتوره وكل شي شاف جواله يرن
فهد : هلا والله خالد
خالد : وينك فيه يحمار
فهد : وش اسوي لأمي طول عمرها تبي تزوجني يادوب خلصت من هالقاء الغبي
خالد : وشنو عجبتك
فهد : تقدر تقول يعني بس انسانه غريبه
خالد : ليش انت طبيعي؟! ههههههههه قول قول كيف شكلها يمكن ارقمها
فهد : هيييييي
خالد : فهد يحبها ههههههههههههههههههه
فهد : هههه انا اقول لك بيضه ونحيفه وطويله وعيونها اللي على اليمين لونها بنيه فاتحه والعيون اللي على اليسار لونها زرقاء
خالد : شنو قلت عيونها !!!!!
خالد تذكر البنت اللي تناجرت معاه لما كانت تدافع عن ريماس
خالد : هذي البنت المهبوله هههههههههههههههههههههههههه
فهد : بس جميله
خالد : ولد عمي اقول لك شي روح إلحقها هههههههههههههههههههههههههههههههههههههههه
فهد : انت ماينقال لك ولا شي روح مناك
فهد سكر الخط
(فهد ولد جميل بقد عمر خالد طويل واسمر شووي وشعره اسود سبايك يصير لخالد ولد عمه ماعنده اخت ولا اخو عشان كدا امه دائما تبي تزوجه)
.............................................................
نرجع لروز مرت على الصيدليه واخدت لها الحبوب وراحت على بيتها دقت الجرس وفتحت لها الباب الخدامه
روز : موجوده ريماس ؟؟!!
الخدامه : ماما ريماس بغرفتها
روز : طيب وديني على غرفتها
جيهان : من انتي
روز : صاحبة ريماس , ابي ريماس وينها
جيهان : ماري وصليها على غرفة ريماس
الخدامه : ان شاء الله ماما
الخدامه وصلتها على غرفة ريماس ودقت عليها الباب
ريماس : مييين ؟؟؟؟؟؟؟!!!
روز : ريماس انا روز فتحي الباب
ريماس لما سمعتها فزت بسرعه وفتحت لها الباب
روز اول ماشافت ريماس بهذا الشكل حضنتها بدون ماتحس
روز : ريماس خلينا ندخل على الغرفه
روز وريماس دخلو على الغرفه وقفلو الباب
روز : ريماس كل هذا التعب اللي فيك ولا تقولين ليي
ريماس : روز ابي ادددرسس ابي اشتغل ابي اصير جراحه روز الله يخليك طلعيني من هنا !!!!!
روز : ريماس اللي اول ماشفتها مو نفسها الحين !! كيف ماتقدري تكلميييه
ريماس : ما هقيت في احد يقدر يدمرني بهذي الطريقه وكأنه يعرف نقطة ضعفي !!!!!!
روز : خلاص خليك هادئ مثل ماعرفتك ولا تطيحي ولا دمعه عشانه هو مايستاهلها ! , الحين خذي الحبوب ونامي ولا تتعبي حالك
ريماس وهي تاخدها من عندها : اخدتيييه !!
روز : ريماس شنو فيها يدك !!
ريماس : ولا شي بس انجرحت بالغلط
روز : هذا هو ؟!؟!
ريماس : لالاء مو هو لا تخافي عليي خلاص بشرب الحبوب وبنام
روز : خلاص اجل اشوفك بكرا انا بروح دحين ونامي زين
ريماس : طيب
روز طلعت من غرفتها وهي طالعه لمحها خالد لأنه كان بيطلع من غرفته بعد ماطلعت روز من البيت نزل خالد وجلس بالصاله
خالد : جيهانو منهي دي اللي جايه اكيد صاحبتج
جيهان : ليش شنو شايفني اعزم صاحباتي بهاليل مافي احد يسويها غير زوجتك
خالد وهو معصب : قصدج ريماس !!!!!!
جيهان : أي ريماسو
خالد بسرعه قام وراح لغرفة ريماس بس كانت مقفله الباب
خالد وهو يصارخ ومعصب : ريماس , ريماس افتحيييييي الباب
ريماس كانت مو جايبه خبره وشربت الحبوب وشربت وراه الماي وحطت راسها على المخده ونامت
خالد : جييييييييييييهان وصمخ وين المفتاح
جيهان : انت عطيته لها
خالد طالع فيها بنظره وتباعد وطلع من البيت
...................................................................
صباح يوم جديد في بيت رانيه
كانت جالسه بالبيت وبغرفتها فجأه سمعت اختها رنيم تدق عليها باب غرفتها
رانيه فتحت لها الباب
رنيم : شفيك مقفله على روحك الباب
رانيه : ليش شي جديد؟!
رنيم : لا ,
رانيه : شنو عندك
رنيم : المهم بقول لك الليله بيجي ولد يخطبني متى بيجي ابوي؟
رانيه : وانا شنو دراني دقي عليه واسأليه
رنيم : طول عمرك مغروره
..........................................
اما عند ريماس فما صحت
كانت جيهان بالصاله ودخل ابو خالد
جيهان : يييييييييبه متى جيييييييييت من السفر ماخبرتنا نجي لك المطار
ابو خالد : كنت حاب اسوي مفاجأه لكم
جيهان : يبه بكرا زواج خالد الحمد الله انك جيت بالسلامه
خالد دخل عليهم البيت
جيهان : خالد انت كنت مع ابوي ؟!؟!؟!؟
خالد : أي , ماصحت ريماس
ابو خالد : ليش هي تعيش هنا معانا ؟!؟!؟
خالد : لازم تتعود علي قبل ما نتزوج
جيهان : لا لسه ماطلعت من غرفتها
خالد : من جدك !!!!!!!!! وين امي
جيهان : امي طلعت من الصباح رايحه تدور عشان حضرت زواجك
ابو خالد : ليش شنو صاير
خالد : يبهر يماس من امس مقفله الباب ولا ترد عليي لما دقيت عليها
ابو خالد : ومخلي البنت تنام بغرفة بوحدها جيهان خلي الخدامه تعطيه مفاتيح الغرف اللي بالبيت
جيهان : ان شاء الله يبه
ابو خالد : وانت اليوم توديها تشوف اهلها
خالد : يبه إهي اللي قالت لي تبي تنام بوحدها مو قادره تتعود شوي عليي ماعليها سامحها
جيهان : خالد هديلا المفاتيح
ابو خالد : والحين روح شوفها وخليها تفطر وطلعها حتى تشتروا الشبكه صار لكم من متى على هالزواج ولا رحت تشتري معاها الشبكه
خالد : ان شاء الله يبه اليوم اخلي فؤاد يوصلها ويطلعني معاها , بعد تبي شي
ابو خالد : روح شوفها يلا
خالد : ان شاء الله
خالد راح على غرفتها وجرب بكل المفاتيح حتى فتح الباب شاف ريماس نايمه
خالد تقرب منها وجلس يدزها : هي انتي مابتقعدي !
ريماس كانت نايمه ولا ترد عليه
خالد صرخ عليها : ريماس
ريماس فزت مختلعه من صوته : شنو صاير !! إيش في !!!!!!!!
خالد : قومي اخلصي ابوي تحت قال لي اقعدك حتى بعد شوي اوديك بيت اهلك ..
ريماس ويدها على راسها : طيب
خالد مشى شوي وريماس قامت من السرير وهي تشوف خالد من جهة على اليمين وجهة على اليسار حتى غمضت عينها وطاحت على الارض وشعرها الطويل متناثر على الارض خالد إلتفت وراه شافها طايحه على الارض
خالد : ريماس !! , ريماسسسس
خالد رفعها وهو يكلمها : ريماس شفيك اصحي
ريماس وهي تحاول تفتح عينها : خ..الد , م.ا.فيني شيء
خالد : ريماس لازم اخدك على المستشفى قومي
ريماس باعدته : مابي اروح مكان
خالد وهو يمسك يدها : ريماس اسمعيني كلامي احسن ما اعصب
ريماس وخرت يده : قلت لك مابي اروح
خالد انتبه للحبوب اللي كان على الدرج
خالد : ريماس .. شنو هذا اللي هناك
ريماس إلتفتت وراها بسرعه راحت تخبيها ووقفها خالد وهو يسحبه من عندها
خالد : ريماس اعطيني اياه
ريماس : لالالا مافي تاخده إتركه
خالد ضرب ريماس كف : قلت لك لاتسوي هالاشياء وتتركيني !!
ريماس : انت مالك دخل بحياتي وبأيش اكل واشرب
خالد : بصير زوجك بكرا !
ريماس : ولو زوجي انت اخر واحد تتحكم فيني !! ريماس سحبت منه الحبوب
ريماس : وهذا لا تفكره ادمان ولا مخدرات , هذا حبوب تعودت اشربه اوقات المدرسه والحين بتعود اشربه وقت ما احس بالنعس !
خالد : هذا يعتبر ادمان
ريماس : ادمان او أي شي هذا شي مايخصك
خالد : ما دامه مايخصني , روحي اخلصي اجهزي حتى اوديك بيت اهلك مستعجل بجي الظهر حتى تنطلع ناخد الشبكه
ريماس : خدها لوحدك ما ودي اطلع معاك
خالد يطالع فيها : -_-
ريماس : شنو ؟!
خالد : بمر عليك وإنتي ساكته روحي يلا لبسي عباتك بوديك بيت اهلك
ريماس : انقلع من الغرفه .. بغير ملابسي
خالد : -_- طيب
.........................................................
في وقت ثاني راشيل كانت ببيت زوجها شافته نايم لبست عبايتها واخدت جوالها وطلعت بسرعه بدون مايحس وهي بالطريق تمشي مرت سياره بيضا ووقفت وفتح النافده وهو يطالع فيها !
...... : شنو تسوي بنت لوحدها هنا بهالطريق !
راشيل : .......
...... : طيب ركبي معاي بالسياره
راشيل طالعة فيه وهي مستغربه !!
..... : والله مابسوي شي , ركبي مابيضرك شي صدقيني !
راشيل وهي خايفه فتحت باب السياره اللي ورا وركبت
...... : اخدك على بيتي ماتقولين شي ؟!!؟!
راشيل ببحة صوتها : خذني بأي مكان يبعدني من هنا
...... استغرب من طريقة واسلوب كلامها : ... طيب
بعد وقت وصلو على بيته وقال لها تدخل بالصاله محد ببيته راح المطبخ حتى يعطيها ماي ورجع على الصاله وعطاها الكاس
راشيل طالعت بالكاس فهم نظرتها
..... : لا تخافي ماحطيت شي فيه ..
راشيل مسكت الكاس وشربته كله
جلس بعيد على الكنبه الثانيه : شنو اسمك
راشيل : راشيل
...... : وانا راكان (على العلم راكان صاحب فيصل وخالد)
راشيل : امممم
راكان : شنو فيك ليش بنت خقه مثلك تطلع هالحزه والدموع بعيونها !
راشيل : مابي اتكلم بالموضوع
راكان : طيب مو مشكله .. اساسا مافشلتيني
................................................
ريماس راحت على بيت اهلها وشافت امها وابوها
ريماس تطالعهم بنظرات : شكله عجبكم انقلع من البيت ؟
ام ريماس : لا مو كدا بس بكرا زواجك مابنشوفك بعد الزواج الحمد الله خالد جابك اليوم
ابو ريماس : اخبارك بنتي ريماس
ريماس : ما عاجبني الوضع معاكم مابي اشوفكم من الاساس انا بطلع تبون شي؟!
ام ريماس : وين بتروحي خالد قال بيمر عليك الظهر
ريماس : واحنا الحين الساعه كم 12 إحنا الظهر يمه !
ريماس فتحت باب البيت وطلعت
خالد كان واقف ويطالع فيها : توقعتك تهربي امشي يلا
ريماس : من قال لك بهرب منك هههههههه من جد ضحكتني
خالد انتبه لغمازاتها : لهدرجة ما اشوفك ابدا تضحكي او تبتسمي بنت غريبة مثلك ماشفت بحياتي
ريماس : صج اجل لا تزوجني
خالد : شنو ؟!؟
ريماس : مو قلت إني إنسانه غريبه اجل لا تزوجني
خالد : شنو تخرفي انتي
ريماس : انا ما احبك وانتم اتحبني ليش نتزوج !؟
خالد : حبيبتي بتعرفي كل شي بعد الزواج
ريماس : شنو قصدك !
خالد : قصدي بتفهميه بعد الزواج !
.
.
.
.
انتهاء البارت مع تحياتي وسوووووووووري جدا على التأخير انشغلت جدا بالاختبارات

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

جميل هو حرفك
تلك راويتك هي للابداع عنوان
اعانك المولى على اكمالها
تحياتي