رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

زينه البارت مره حللللللو
والله يوفقك وتكميلها
ونشوفها

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

زينه مررره البارت شي كبير
يلا حاولي تنزلي بارت هذا اليوميين


Sent from my iPhone using منتدى عبير

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

بحاول انزلها خلال هاليومين سوري تأخرت شوي

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

البارت العاشر :
خالد وريماس راحو حتى يشتروا الشبكه ماكان يعجبها شي لأنه كله غالي
خالد وهو بالمحل شاف ريماس متنرفزه منه وتبي متى تخلص
خالد : لو سمحت عطينا اغلى شبكه عندكم
ريماس طالعت فيه : مو كأنك مبالغ !؟
خالد : شنو اسوي لحظرة الاميره ماعجبها شي باخد على ذوقي
ريماس : إذا خلصت ابي ارجع البيت
خالد : مادامك تبين ترجعي البيت مابرجعك ..!
ريماس طلعت من المحل وخالد يتصرف بكل برودته اخد الشبكه وشافها برا جالسه على الكراسي
ريماس تطالع فيه بنظرات : خلصت؟
خالد : مابتقومي ؟
ريماس وقفت وهي تطالعه : مغرور ..
خالد : تعالي وين بتروحي
ريماس : على السياره
خالد لحقها وركب معاها بالسياره
خالد : فؤاد وصلنا على البيت ..
فؤاد : تأمر طال عمرك
ريماس : توك مابتروح على البيت
خالد : ومن قال لك بنروح على البيت !!؟
..............................................................
في وقت ثاني كانت راشيل جاله على الكنبه وتطالع بجوال راكان
راكان كان نازل من فوق وشاف راشيل تكلمه
راشيل : راكان عادي استخدم جوالك؟!
راكان : مو مشكله
راشيل اتصلت بجوال راكان على ريماس
..............................
ريماس كانت بترد على الجوال لكن خالد سحب منها الجوال وسكر الخط
خالد : مو الحين وقته تكلمين احد
ريماس بكل هدوء : رجع لي جوالي
خالد : اذا وصلنا برجعه لك
ريماس صارت تحاول تسحبه منه لكن بدل ماتاخده صارت جالسه فوقه وعيونها بعيونه !
..........................................................
في وقت ثاني رنيم كانت تحاول تتصل عليها بس ماترد تركت الجوال وجلست تفكر شنو تسوي بيذبحها احمد لما مايشوفها
راكان رجع لها : راشيل شفيك
راشيل بدت تدمع عينها : ما اقدر اسوي شيي ما اقدر !!
راشيل صارت تكسر الاشياء اللي على الطاوله راكان مسكها : راشيل خلالاص
راشيل : هو الحين بيجي بيذبحني لازم اهرب منه !!
راكان ضربها كف : راشيل اهدئ !!!!!!!!
راشيل حطت يدها على خدها
راكان : اسف بس انتي ماكنتي تهدأي ,,, والحين قولين ليي شنو صاير معك
راشيل : كنت احب ولد عمي بس محد كان من اهلنا يعرف لما الحين كبرت وخلصت ثنوي زوجوني من اخوه وانا مدري ولما شاف اخوه رسايلي معاه على الجوال صار دائما يضربني ويكرهني ولا كأني زوجته كأني خدامه عنده . انا الحين هربت ولما بيعرف إني هربت بيذبحني إذا لقاني
راكان : خلاص خليك هنا عندي واذا جا لك انا بدافع عنك !
..................................................................
ريماس تباعدت عنه خالد صار يطالع فيها
خالد يبي : لهدرجة تحبيني
ريماس : لو بقيت انت اخر ولد بالدنيا مستحيل احبك
خالد وريماس وصلو على بيت فخم وكأنه قصر
خالد : يلا نزلي
دخل معاها فيه
خالد : ريماس متخيله ان بكرا بيكون زواجنا هنا
ريماس : وش المهم في الموضوع
خالد : شكرا لأنك ماهربتي عطيتيني كل شي
ريماس : ماجا بكرا حتى تشكرني
خالد : حتى لو انتي عطيتيني كل شي قبل مانتزوج
ريماس : رجعني على البيت
ريماس طلعت عنه وراح وراها
خالد : كل مره تبي تهربي
ريماس : فؤاد وصلنا على البيت لو سمحت
خالد : اشوفكم تأمري بزياده
ريماس : انت اخر واحد يتدخل فيني
خالد بعصبيه : ريماس
ريماس تتكلم له بأبتسامه : فديت اسمي وانت تقوله بعصبيتك
خالد : لاتتكلمي بهذي الطريقه السخيفه
ريماس بكل برودها : طيب
بعد وقت وصلو على البيت وراحت على غرفتها وغيرت ملابسها وجلست على سريرها دخل عليها خالد
خالد : جوعان امي واختي مو موجودين قومي سويين ليي عشى
ريماس تطالعه بنظرات : الخدامه موجوده
خالد : مابي من عندها شي قومي انتي سويين ليي
ريماس : روح اشتري لك من المطعم
خالد بعصبيه : قلت لك قومي سوي ليي أي شييي ماتفهمي
ريماس : وقلت لك ما اعرف اطبخ افهم
خالد يصفق : زوجه وماتعرف تطبخ سوي أي شي تعرفي تطبخينه
ريماس فلتت الكتاب اللي كان بيدها وقامت وطلعت من الغرفه راحت على المطبخ وطلعت جبن وبيض وسوته له ركبت له بغرفته فوق وفتحت الباب وحطته له
خالد : تعالي وين بتروحي من صجك انتي !
ريماس : هذا اللي اعرف اسويه ما اعرف اسوي شي ثاني
خالد : عندي حساسيه من البيض ! سوي شي ثاني ولا اقول لك بروح اشتري لي شي اكله احسسن من تقتليني
ريماس بنفسها : "ياربي جوعانه مايدري ان البيض مخترب اللي مسويته له"
ريماس : خالد
خالد : هذي ثاني مره تقولي اسمي على لسانك , عيون خالد ؟!
ريماس : -_- خذ لي شي معاك انا بعد جوعانه
خالد : ماتاكلي البيض اللي مسويته حضرتك
ريماس تضحك بصوت منخفض : هه البيض مخترب بس سويته حتى لا تزهقني
خالد : الحمد الله إن البيض عندي حساسيه منه لو اكلته كان شنو صار فيني ياهبله روحي انقلعي عن وجهي
ريماس : هي لا تنسى تجيب لي اكل معاك
خالد : وتتشرط بعد
ريماس تستفزه : انت قلت إني زوجتك
خالد : لا حول ولا قوة إلا بالله , طيب طيب روحي على غرفتك
خالد طلع وريماس راحت على غرفتها وكلمت رند
ريماس : هلا والله وحشتيني
رند : شخبارج انتي مع خالد وحشتيني انتي حيل
ريماس : تمام شخبارك انتي قولي ليي عجبك اللي الموعد اللي مدبرته لك امك
رند : يعني مو مره بس استلطفته
ريماس : يلا مو مشكله شنو قلتين لي اسمه
رند : فهد ال..
ريماس : هذا لا يكون يصير لخالد !!!!!! من الحين اقول لج لاتكلميه اكيد مغرور مثله
رند : ههههههههههه ماحسيته , حسيته عادي
ريماس : رند اكلمك بعدين بشوف من جا البيت
رند : طيب سي يو
ريماس سكرت الخط وحطت جوالها على السرير وطلعت من غرفتها ونزلت شافت ابو خالد
ريماس وقفت على الدرجه وساكته
ابو خالد : انتي ريماس ؟!
ريماس هزت براسها
ابو خالد : وين خالد
ريماس : ط..طلع
ابو خالد : وين راح
ريماس : راح يشتري له عشى
ابو خالد : صدقتيه دائما هذي كذبته حتى يروح لبنات الحين اوريه
ام خالد وجيهان دخلو على البيت
جيهان : يبه !
ام خالد : ريماس شفيك واقفه على الدرج تعالي جلسي هنا
ريماس نزلت من الدرج وجلست على الكنب
جيهان : يبه بقول لك شي
قالت له بأذونه بسوط منخفظ بس سمعتها ريماس
جيهان : يبهت وني شايفه خالد قال انه بيروح ل مي
ابو خالد : الحين اوريه ويخلي زوجته هنا بالبيت
ابو خالد اتصل عليه ورد عليه خالد
خالد : هلا يبه
ابو خالد : هلا بعينك وينك فيه
خالد يضحك بنفسه "قالت له جيهان" : انا بالمطعم تبي تكلم صاحب المطعم عادي؟؟
ابو خالد : إخلص تعال زوجتك بالبيت وانت تهرب من بنت لبنت
خالد : ان شاء الله يبه الحين جاي
...................................................................
بعد كدا رجع خالد على البيت وبعد وقت جا يوم زواج خالد وريماس طبعا مشى الزواج على خير ورجعو على البيت ودخل وراها على غرفتها
خالد : ريماس صايره تجنني بالفستان ماتوقعت كدا حلوه
ريماس تناظره : لا تطالع بهالنظرات , بعدين انت صاير قبيح ومايناسبك ولا شي من اللي لابسه
خالد : المهم سمعي شهر عسلنا بيكون في جزر المالديف جهزي اغراضك باقي 6 ساعات على الروحه وغيري ملابسك بسرعه مانبي نطول على مانوصل للمطار
ريماس : طيب
خالد طلع من غرفتها وغيرت ملابسها وحطت الاغراض المهمه بالنسبه ليها بعد ماخلصت هي مع خالد راحو بعد ماودعو اهلهم
مر هذا اليوم الجديد بخير وصلو على جزر المالديف وخلوهم ببيت فخم يطل على البحر الازرق الصافي ريماس من التعب مامسحت مكياج عرسها ونام بالمكياج خالد تقرب منها وجلس يمسحه لها وشال عنها العبايه وعلقها بالكبت وراح نام على الجهة الثانيه من السرير
بعد وقت صحت ريماس الساعه 8 الليل شافت خالد جالس يلبس
ريماس بنعس : الساعه كم الحين ؟!
خالد : 8
ريماس بصدمه : الليل !!!!!!!!!!!!!!!!!!!!!!!!!!!!
خالد : ماتوقعتك تحبي النوم لهدرجة , روحي اسبحي حتى نتعشى بموت من الجوع
ريماس : طيب
ريماس راحت تدوشت بماي ساخن وبعد ماخلصت لبست بلوزه حمرا وبنطلون جينز ازرق وكعب اسود ونشفت شعرها ورفعته ذيل الحصان وطلعت لخالد ماشافته دخلت عليها المضيفه
المضيفه : لو سمحتي زوجك ينتظرك
ريماس : دقيقه بس بلبس عباتي
المضيفه : مافي رجال هنا الاستاذ خالد حجز المكان هذا وخلاه كل اللي يشتغلو هنا بنات حتى تاخدي راحتك
ريماس : "كل هذا يطلع من خالد"
ريماس راحت مع المضيفه على جلسه خاصه تطل على بحر بتاج إكزوتيكا ريماس كانت تشوف الشكل وكان فنتاستك بشكل ..
جلست على الكرسي وخالد كان موجود
خالد : جيتي .. يلا قولي وش تاكلي معرف شنو اللي تحبيه
ريماس : انا اكل كل شي لحمي
خالد : لو سمحتي جيبي لنا جميع الانواع اللحميه
المضيفه : طيب
ريماس : ماله داعي اللي تسويه
خالد : اعتقد إذا عرفتي بكل شي بتكرهي اليوم اللي شفتيني فيه
ريماس تستفزه : انت قلت بندم بعد الزواج ما اشوف شي يندمني اشوف كل شي حلوه لحد الحين
خالد : ريماس تعرفين شي لو تعرفين ليشم تزوجك لكرهتيني طول عمرك !
ريماس : وأنت ليشم تزوجني حضرتك مو لسواد عيونك عشان ابوك يسفرك كل مكان وتاخد من فلوسه بدون شغل
خالد : انا تزوجتك حتى اتقرب من مي اكككثر فاكره هذاك اليوم لما كنتي طالعه من بيت مي كنت عارف إنك صاحبتها وكانت ماترضى تكلمني فأنا جالس اغيضها وبعد فتره بتركك وبخليك وبروح اتزوجها فاهمه يا .. زوجتي ؟!
ريماس منصدمه من كل كلمه قالها لها وقفت وهي تطالع فيه : لا تحاول تستفزني بتندم على كل كلمه قلتها فاهم ماني لعبه تلعب فييييييها !!!!!!!!!!!!
.
.
.
.
.
انتهاء البارت .. !

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

الجزء 11 :
رند كانت بغرفتها مع روز
روز : رندوه تتوقعي وش تسوي ريماس مع زوجها هههههههههه
رند : شايفتني جالسه معاهم
روز : لا معاك هههههههههههههه
رند : ههههههه هبله
رند انتبهت لجوالها اللي يرن
رند : روز هذا فهد فهد شسووووووووووي
روز : ردددددددي
رند ردت على الجوال : هلا
فهد : هلا فيك , اخبارك
رند : تمام
فهد : حبيت اسألك اذا موب مشغوله بكرا؟!؟!
روز تطالع فيها وتأشر ليها : "لاتقولين له فاضيه"
رند : امم بكون مشغوله بكرا
فهد : اممم طيب
رند : ليش شنو كنت تبي ؟!
فهد : ولا شي خلاص مو مشكلة , اكلمك بعدين
فهد سكر الخط
رند بإحباط : روز .. سكر الخط
روز : بلا هباله لازم تتصرفين معاه وكأنك مو مهتمه
رند : اوف منك اكيد زعلان الحين
روز : محد قال لك ترفضيه من البدايه
رند : رانيو شفيها صار لها فتره ماتتصل ولا شي
روز : بدق عليها تجي تسهر معانا
روز دقت عليها وردت
روز : رانيوووووووووووووووووووووووووو ...... !!!!!! رانيه !؟ شفيك
رانيه : رنيم !! .. اختي ..
روز : شفييييييها رانيه تكلمي
رند : إيش فيه ؟؟؟!!!!!!
رانيه : فيصل بيتزوجها !!!!!!!
(فيصل صديق خالد وراكان حتى تذكروه اللي كان جاي لراكان ومعاه خالد كانت رانيه تحبه من ايام 2 ثنوي لكن افترقو بعد ماسافر وكمل دراسته واختها نفسي الشي سافرت وهناك إلتقو وتعرف على إختها كزميلة دراسه لكن تحول الموضوع للحب والزواج)
رند : شنو صاير عاطيني الجوال , الو رانيه شفيك ؟!
روز اخدت من عندها الجوال : لا تجرحيها اكثر من ماهي مجروحه فيصل بيتزوج من اختها
رانيه تزيد شهقاتها
رند اخدت الجوال : رانييييييه قولي إنك تمزحي ... رانييييييه ردددي علييييييي

......................................................................

في وقت ثاني راشيل كانت راجعه على بيت زوجها وكانت تتذكر كلام راكان لها
(لا تخافي أي شي بيسويه بكون موجود خليك بس قويه)
راشيل فتحت باب شقتهم ودخلت
محمد شافها داخلها علطول راح ومسكها من يدها : هذي انتي .. تهربي من بيت زوجك يا ****
راشيل : اترك يدي ماجيت لأني خايفه منك .. ابي اخد اغراضي واطلع
محمد : ومن قال لك بسمح لك تطلعي
محمد ضربها كف راكان كان يوشفها من برا ماتحمل ودخل
راكان : اتركها احسن ما اوصلك للشرطه
محمد : وطلع عندك حبيب لو درت امك شنو بتسوي فيك
راشيل كانت تبكي دموع بدون أي صوت
راكان : احترم نفسك احسسن ما
محمد : ما شنو ؟!
راكان ماتحمل وضربه
راشيل : راكان لالالاء ! لا تضربه راكان
راكان تركه : هذي المره بتركك المره الجاية مابخليك تضربها ابدا
راكان مسك يد راشيل : ولا بخليها معاك
محمد : هييييي وين بتاخدها راشيل ارجججعععييييي احسن ما اقتلك اليوم
راكان سحب راشيل وركض بسرعه معاها ومحمد كان يلحقهم ضلو يركضون حتى قدروا يضيعوه وقفو تكسي وركبو فيه بسرعه ورجع معاها على بيته
راكان وراشيل دخلو على البيت ووقفو على الباب وهم يحاولون يتنفسو ويطالعو في بعض
راشيل وراكان : هههههههههههههههههههههههه
راشيل : كان الشكل يخوف ويضحك بنفس الوقت هههههههه
راكان : ههههههههههه كنتي خايفه حيل جلسي بالصاله هنا دقيقه بجيب لك ماي
راشيل : طيب
راشيل جلست على الكنبه راكان راح يصب لها ماي ورجع لها
راكان : راشيل اشربي الماي
راشيل : شكرا
راكان : على فكرة البيت فيه غرفتين على حضك ههههههههه اذا تبي تنامي بغرفتي انا بنام بالغرفه الثانيه محد بهذا البيت أهلي دائما يسافرون
راشيل : لا نام بغرفتك انا بنام هنا
راكان : لا شنو مايصير بتنامي بغرفتي وانا انام بالغرفه الثانية
راشيل : مصر؟
راكان : أي إذا احتجتي شي دقي عليي بالغرفه الثانيه
راشيل : طيب مو مشكله
........................................................................
نرجع لأبطالنا اللي بشهر عسلهم كانت ريماس جالسه على البحر وجالسه تتأمل بالبحر عمقه وشكله جا خالد وشافه جالسه وجلس جنبها
ريماس انتبهت له قامت عن مكانها
خالد : هي وقفي
ريماس مشت بدون ماتهتم لكلامه فجأه وقفت وطاحت على الارض خالد جا لها
خالد : بلا تمثيل ويلا قومي .. هي اكلمك
خالد تقرب منها شافها تتنفس بطريقة غريبه
خالد : ريماس هييي شفييييك اصحييييي
ريماس تحاول تفتح عينها وترفع نفسها : مافيني شي اتركني
خالد : ريماس تمزحي شنو اللي مافيك شي صارك فتره على هذي الحاله
ريماس كملت طريقها على غرفتهم حتى تنام بس خالد لحقها حتى وصلو على الغرفه
جلست على السرير وتغطت حتى تدفئ وتحاول تنام
خالد باعد عنها الغطى : قولين ليي شنو فيك انتي مو على طبيعتك هالفتره , ما اقدر اتمتع بتأذيتك تطلعي لي كل يوم بمرض
ريماس بتعب : وخر عني
خالد : هي ترانك ما اكلتي شي من اول ماطلعنا من البلد والحين الساعه 3 الفجر وإنتي مو ماكله شي بروح اجيب لك شي تشربيه
ريماس عصبت عليه : لالالالالا تجييييييييب شي اطلع من هنا اكررررررررررررررررررررهككك اطلللللللللللللللللللللللع !!!!!!!
خالد طلع من الغرفه بدون مايسمع كلامها حط لها حليب بكاس ورجع دخل عليها شافها جالسه على الارض ولامه رجلينها
خالد : اشربي الحليب على الاقل
ريماس اخدت الكاس من عندها ورمته على الارض
خالد طلع ورجع حط لها بكاس ثاني حليب ورجع لها ونفس الشي اخدته وكسرته على الارض
خالد : بتضل تعاندي الكاسات اكثر من عنادك وانا مابتعب وانا اروح واجي اجيب لك شي تشربيه
خالد طلع ورجع يحط لها الحليب ورجع لها لكن اخدت الكاس وكسرته على الارض خالد صار يطالع بالكاس وهو مكسور بالارض توه كان بيروح لكن ريماس مسكته من يده
انتبه ليدها إنها إنجرحت مسك يدها وهي كانت تحاول تباعدها لكن مسكها بالقوه وطلع من ورا الدرج دواء يحطه على الجروح
وهو كان يحطه عليها كان يكلمها
خالد : اعرف انك معصبة من اللي قلته لك لكن ماكملت كلامي لك ... اذا كنتي معصبة ابكي بصوت عالي يطلع كل اللي بقلبك وقتها بتحسي بالراحه لاتكتمي شي بداخلك ..
خالد بعد ماخلصت وقف ورجع حط لها الحليب وركب الدرج وسمع صوت بكائها المؤلم وقف برا وحط لها الكاس على الطاوله وراح
.....................................................................
صباح يوم جديد مع مرور شهر كامل :
راشيل سافرت حتى مايلحقها محمد وراكان سافر معاها حتى يشوف اهله اللي ابدا مايقدر حتى يكلمهم
رانيه بعد تحطيم من زواج فيصل لأختها فقررت تسافر نفس الشي حتى تكمل دراستها الباقي بتعرفو مع الاحداث الحين ..
نرجع ..
.
.
رند كان الشي الصعب على الكل من انه يواعدها شكلها الغريب في عينها كانت بتطلع مع فهد فقررت تلبس عدسات زرقاء
اتصل عليها فهد
فهد : هلا وينك ماطلعتي
رند : الحين بطلع بس دقيقه
رند طالعت بعينها بالمرايه : شنوووووووو هذا ياربي كيف باشيلها ياربي ما اقدر اتأخرعليه اوف ياربي خلاص بطلع
رند : يمممهههه بطلع مع صاحباتي
ام رند : لا تتأخري !
رند : ان شاء الله يمه
رند طلعت شافت فهد واقف لفت وجهها عنه
فهد : رند شفيك
رند : مافيني شي
فهد : طيب ليش واقفه بالمقلوب تراني وراك
رند : عارفه خلينا نركب
فهد : رند شفييك
فهد دارها له : ههههههههههههههههههههه شفيها عينك كل يوم تتغير
رند : تتمسخر حضرتك توقعت يصير لون عيني واحد بس الاسوء ان صارت وحده زرقاء فاتحه والثانيه غامقه
فهد : مايحتاج تغيرهم إذا مو عاجبه احد انا عاجبتني
رند : بجد !!!!!!؟؟
فهد : أي بس لا تصدقي حالك هههههههههههههههههه
رند : اوف خلاص مابي اروح معاك برجع البيت
فهد : ههههههههه امزح معاك يا دلوعه تعالي يلا اركبي السياره
رند : وين بنروح ؟!
فهد : بتعرفي بعد مانوصل
.................................................
في بيت ابو خالد :
خالد كان بغرفته شاف اتصال من مي وراح لها
مي طلعت له : شكرا لأنك ساعدتني في تحطيم حلمها ههههههه
خالد : بمقابل شنو؟!
مي : خلاص بقبل باللي تبيه مني
................................................
في بيت ابو ريماس :
كانت ريماس بغرفتها جالسه تفكر بكل كلمه قالها لها خالد وامها ومديرة الجامعه اللي كانت بتدرس فيها
(خالد : مسوي كل هذا حتى اتقرب من مي
ام ريماس بكل جديه : انسي موضوع الطب لأن مافي امل انك تدخلي هذا التخصص
مديرة الجامعه : مرت سنه تقريبا بعد انتهائك من دراسة ثنوي ولا قدمتي ولا على جامعه مابنقبل فيك)
ريماس لبست عباتها ورجعت على بيت زوجها راحت غرفته ماشافته سألت جيهان عنه
جيهان : مدري عنه طلع يمكن يجي الحين
خالد دخل عليهم بالبيت شاف ريماس
خالد : ريماس رجعتي؟!
ريماس تقربت منه وبدت تضربه : كله هذا منك !! . منك إنت
خالد : .....
ريماس : بسببك مابكمل دراستي
ريماس بدت تبكي وجلست على الارض تحت رجليه وهي تضحك ودموعها تنزل
خالد جالسه يتذكر كل شي قاله لمي
(خالد : أي شي اطلبه منك بتسويه؟! بطلب منك تخلي ريماس تكمل دراستها ما اقدر اشوفها تبكي قدام عيني ما اتحمل اشوف دموعها تنزل على خدها بسببي
مي : ايشش !! خالد مو انت تحبني؟؟!! ,
خالد : من قال ؟! انا احب ريماس وبس)
خالد نزل لمستواها : ريماس لا تبكي
ريماس صارخت بوجهه : كل شي سويييييييته وتبيني ما اعصب منك إنت خربت حياتي تفهههم !!!!!!!!!!!
....................................................................
نرجع لرند وفهد
وصلو على المطعم وطلبو لهم اكل وجلسوا
فهد : شنو جبتي لي هدية عيد ميلادي ؟؟!!؟؟
رند : لا اعطيك اياها بعدين
فهد : لا الحين
رند : تراه عيد ميلادي اليوم بعد اكيد ماجبت شي معاك يالبخيل
فهد : ههههههه معقوله انساك
رند : اول شي لا تتمسخر ما اعرف ذوقك عدل فأخذت لك على ذوقي
فهد : مو مشكلة وريني
رند عطته الهدية وفتحها كانت رواية رومانسية
فهد : كيف عرفتي إني كنت ابي اخد هذي الرواية
رند : مدري عجبتني واخدت لك وحده يمكن يعجبك ذوقي
فهد : اشك إنك تجي تسللي معاي حتى تعرفي كل شي عني
رند : هههههههههههههههه وريني انت شنو اخذت؟
فهد : افتحيها اشوف
رند فتحت علبه صغيره داخلها شوكلاته
رند : شنوه الهدية اللي مثل وجهك
فهد : ههههههههههه امزح معاك إعطيني يدك
فهد مسك يدها ولبسها خاتم : خلاص عاد بلا دعل الحين ههههه
رند : ليييشش كذا كلفت على روحك حيل بس حلووه
فهد : رند
رند : عيوني؟!
فهد : عاد هالمره لا تقولين لاء تتزوجيني؟!
رند طالعت فيه : فهد !
فهد : رند موافقه؟
رند دمعت عينها : اكيييييييييييييييييييييد
فهد : ررررررررررررررررررررررررنننننننند
رند : هاه شنو ؟؟!!!
فهد: شفيك شردتي شنو كنتي تفكرين
رند : ولا شي , شنو هديتك عطيني اياها بسرعه
فهد : ههههههههههه الصراحه حتى انا ماعرفت شنو اخذ لك بس شوفيها واعطيني رايك فيها
رند فتحت الهديه وكانت لفاف تلفه على رقبتها
رند : شنو هذا !!
فهد : هذا حتى ماتبردي بالشتاء احسك دائما تبردي فأخذت لك شي يدفيك
رند : فهههدد شكككككرا عجبتني حيل
..............................................................
نرجع لريماس وخالد راحت على غرفتها فاقده الامل من كل شي راحت على الحمام وقفلت الباب و..
.
.
.
.
.
انتهاء البارت

و ايش ولي يسلمك ايش صار خلاص أعصابي تلفت من هذا الي اسمه خالد +_+
انا ضد هذا الحب بلا حب بلا خرابيط يحطم أحلامها ويخليها تنهار بعدين يقول بخليها تكمل
اشك انه الرجال في كامل قواه العقلية =_=
وأمها
الصراح نفسي أخذها لدكتور
ليش تجبر بنتها على الزواج عشان تعاني وبعدين تجي مطلقه و بعددددييين تقول بنتي و بنتي =_=
وأبوها ابد ماله وجود
و هذي مي
نفسي اخذها و ارميها في بلد الكل فيه جميل بنات وشباب و مي تكون مفلسه و يكون في ذي البلد مولات يا كثرهم
عشان تموت قهر =_=
^_^ احس اني ارتحت شوي
طلعت الي في صدري
عساك يا خالد ذاك الإسهال الي يخليك تعسكر في الحمام =_=

^-^ الحين صج ارتحت

انتظر البارت الجديد 3>


Sent from my iPhone using منتدى عبير

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

بارت جميل قلبوا
يسلموا وننتظر ١٢
تقبلي مروري

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

بارت 12 :
ريماس دخلت على الحمام وقفلت الباب بكل هدوء توقف عند المراية وتطالع بنفسها اخدت فرشاة اسنانها وبدت تكسر المرايه إنجرحت يدها وهي تكسر المرايه طلعت من الحمام وهي نازله من الدرج بكل عصبيتها طلعت من البيت ركبت التكسي ودلته وين بتروح
وصلت على بيتها ودقت الجرس حتى فتحت لها الباب
مي شافت انها ريماس بسرعه هربت ولحقتها ريماس
ريماس تصارخ : وقفييييييييييييييييي !
ريماس لما وصلت لها مسكتها من شيلتها
مي طاحت على الارض ومسكتها ريماس
ريماس : تهربي ؟؟؟! تهربي من اللي سويتيه ياحقيره
ريماس ضربته كف جامد : هذا حتى تعرفي تخليني اتزوج من واحد حقير
ريماس ضربتها كف ثاني : وهذا حتى تعرفي تحطمي حلمي
وضربت الكف الثالث : وهذا حتى انتقم منك وبيجي يوم بتندمي على الساعه اللي خربتي فيها حياتي فاهمه !!!!!!!!!
خالد جا لها : ريماس اتركييييييييها
ريماس : وانت !! جاي وتلحقني من كل مكان اروح فيه انت اول واحد مالك دخل فيني فاهم انت وهي بتندمو على كل لحظه خربتونها بحياتي
ريماس وقفت ومشت بطريقها
خالد يكلم مي : شي يألم اشوف الشخص اللي احبه يعطيني ظهره ويتباعد ويبي ينتقم مني
ريماس رجعت على بيتهم وراحت على غرفتها وفتحت درجها وطلعت المقص وحطته جنب شعرها وسكرت ودخلته بالدرج
ريماس : ما اقدر اقص شعري !!
ريماس انتبهت ليدها المجروحه حقرتها وطلعت جوالها تتصل على ابوها
رد عليها
ريماس : هلا يبه
ابو ريماس : هلا شفيك داقه غريبه منك
ريماس : بدخل بالموضوع علطول ابي اسافر وادرس برا
ابو ريماس : لكن كيف بيقبلونك وإنتي وقفتي سنه
ريماس : ما عاد يهمني مجال الطب بدخل المجال اللي يروق لي
ابو ريماس : طيب بشوف لك رحله بكرا وانتي جهزي اغراضك حتى تروحي
ريماس : طيب اعتمد عليك
ريماس قفلت الخط واتصلت على رند
ردت عليها :
رند : هلا والله بالقاطعه
ريماس : وينك فيه ؟!
رند : حتى ناسيه ان عيد ميلادي امس
ريماس : اعذريني انشغلت بكل شي .. دحين قولي وين انتي
رند : وين بكون بالبيت يعني وين
ريماس : مسافة الطريق وجاية لك
رند : ناطرتك
ريماس سكرت الخط وغيرت ملابسها ولبست عباتها واول مره تحط الشيله عليها بدون ماتتلثم ولا تلبسها عدل طلعت وركبت مع سواقها الخاص حتى يوصلها على بيت رند وهي بالسياره كانت تشوف ان في سياره ثانيه تلحقها وكلها شباب
ريماس : اسرع وضييعهم
السواق : ان شاء الله
ريماس كانت فاتحه النافده انتبهت انه الاشاره موقف وهم جنبها
فتحو النافده وهم يكلموها ويبون رقمها
ريماس سكرت النافده وحقرتهم
واحد من اللي كانو معاهم كان يطالع فيها ولا شال عينه عنها
..... : شباب هذي البنت احس إني اعرفها
................
ريماس وصلت على بيت رند ودقت الباب وفتحته لها رند
رند : هلا والله دخلي دخلي
ريماس دخلت وجلست معاها بغرفتها
رند : تعرفي صارت علاقتي مع فهد تجنن اقول لك جاب لي هديه
ريماس : ماعاد يهمني الحب , سمعي مابتكملي دراستك ياهبله
رند : لا
ريماس : من جدك
رند : ليش انتي بتكملي؟!!
ريماس : بدرس برا وبكمل , ليش ياهبله مابتكملي
رند : نسسييت اقول لك انا درست اللغه الاوربيه والاجنبيه وعن قريب بصير مترجمه للي يجون على هذي الدول
ريماس : بججدد حلووووووووو
رند : بتوحشيني يا هبله
ريماس : ما عاد بقى عندي شي اسويه بعد ما طلبت من الطلاق من خالد
رند : لأنك هبله تطلقتي
ريماس : خلاص لا تذكري هذا الموضوع
رند : انتي اللي ذكرتيه هههههههههه
ريماس : مو رايقه للضحك . الساعه كم دحين ؟!
رند : 5 العصر
ريماس : ياليل مابي اتأخر بروح دحين البيت السواق ينتظرني برا قلت له مابتأخر بروح اجهز اغراضي سلمي لي على روز طيب
رند : يوصل , توصلي بالسلامه
ريماس : الله يسلمك
ريماس طلعت من بيت رند وراحت على بيتهم وجهزت اغراضها وشافت الكتب على الرف كلها كتب عن الجراحه والطب اخذتهم وراحت على المطبخ شافتها امها تاخد كبريت
ام ريماس : وين بتروحي !!
ريماس اخذته وطلعت فيه
ام ريماس : ريماس ارجعييي
ريماس طلعت برا البيت وخلت السواق يوصلها على الكورنيش وصلها ونزلت عند البحر ورمتهم على الرمل وشغلت الكبريت ورمته عليهم وكانت جالسه تشوفهم وهم يحترقو
ريماس بنفسها :
"حلمي إحترق لكن الاحتراق ينتج منه رماد هذا الشي يأكد على إني بحرق خالد من القهر مثل حرق حلمي"
..............................................................................................................................................................................................................................
بعد 4 سنوات :
ريماس اللي محد يتوقعه منها درست في مجال الادارة والاعمال وصارت مديرة في البنك محد يقدر يستأذن ويطلع او ياخد إجازه دائما ليل نهار البنك في حالة مراقبة وشغل
بعد وقت من انتهاء شغلها كانت تتمشى بشوارع امريكا راحت على كافي وطلبت لها موكا شافت على الطاوله الثانيه اللي بوجهها ولد لابس نظارة سوداء وبشرته بيضاء صافيه وشعره اسود لرقبته وغرته على جنب ومغطيه عيونه اليسار عيونه سوداء لامعه انتبه لها وفسخ النظارة يطالع فيها صارت تطالعه بنظرات ابتسم ابتسامه على جنب وهو يناظرها حمل كتبه وجلس جنبها بالطاوله
ريماس : I'm not the girl you're looking for
*لست الفتاة التي تبحث عنها
ريان : ولا إنتي نوعي المثالي
ريماس بنفسها : "هذا شكله مو اجنبي"
ريماس : I can not speak Arabic
• لا استطيع التحدث العربيه
ريان : اجل كيف عرفتي إني اتكلم عربي
ريماس بنفسها : "اوف نسييت", شنو تبي
ريان : ولا شي اللي اعرفه من شكلك مبين عليك تشتغلي بالبنك
ريماس : شدخلك
ريان : ناوي اصير مدير البنك اللي انتي فيه
ريماس : لا تحلم
ريان ابتسم : امزح معاك , انا صار لي 5 سنوات ادرس جراحه اطفال لكن صعبه وافكر اتركها
ريماس : لأنك مو متعود على اشياء مثل تشق المعده او تعالج القلب او تهتم بنبضات القلب خلال العمليه
ريان : انتي درستي مجال الجراحه من قبل؟!؟!
ريماس : لا بس كنت اقرأ كتب عنه , لازم تكون بدون احساس حتى تعرف تكمل العملية الحين انا مو فاضية اشرح لولد اصغر مني وراي شغل بكرا انا بروح
ريماس اخدت الموكا ومشت
ريان : واو كل هذا ماعدها احساس .. ههه شكلها ماتعرف إن كان قصدي ان ابي ادرس تخصص ثاني لأني مليت منه
........................................................................
ريماس راحت على السكن اللي هي فيه وجلست على السرير وإلتفتت على اليمين شافت صورتها مع خالد اخذتها وطلعتها من البرواز وشقتها ورمتها
........................................................................
راشيل تطلقت واخيرا من زوجها وكملت دراستها وكملت حياتها بدون اهلها بأمريكا وصارت مصممة ازياء مشهورة
بعد ما صممت الفساتين اللي مطلوبه منها وخلصت شغلها لقت اتصال من راكان
راشيل : هلا راكان اخبارك
راكان : تمام اخبارك انتي ؟؟
راشيل : بخير
راكان : الليلة فاضية بعزمك على بيت اهلي
راشيل : انا فاضيه الليله
راكان : الليلة الساعه 8 طيب مو تنسي
راشيل : اوك
..................................................................
رانيه كانت بالجامعه ومأذية استاذهم حتى طردها من المحاظره
وجلست على طاولات المطعم شافت ولد مع اصحابه وبنات معاهم على الطاوله الثانيه وكانت خاقه عليه
رانيه بنفسها : "ي ربي يهبل .. لا رانيوو اصحي اصحي"
وحده من البنات اللي على الطاولة
خلتها تجي وتجلس معاهم وكان يطالع فيها
كان يطالع فيها : شنو إسمك
رانيه بنفسها " ياربي يسأل عن اسمي" : رانيه
..... : فراس
رانيه : هاه؟!
صاحبه : ماتفهم بطريقتك قول لها my nime
فراس : اقول لك إسمي فراس
رانيه "شكله مغرور" : مممم
فراس : تعالي بقول لك شي قربي
رانيه بكل فهاوة تقرب منه باسها بخدها وابتسم وقام من الكرسي ومشى رانيه عصبت من حركته راحت وراها وحطت يدها على كتفه درا لها وعطته كف ومشت عنه
البنات اللي معاه : خليت البنت تعصب ههههههه
فراس : تتراهنو معاي يعني ؟
صاحبه : يلا اشوف شنو بتسوي ..
.
.
.
.
.
.
.
انتهاء البارت

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

بليييييز كملي ايش بصير

Sent from my GT-I9082 using منتدى عبير mobile app

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

بارت جميل أرجوك أسرعي البارت ال١٣ اكيد مشوق