رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

بحاول اكملها بس اظن هالفتره يمكن ما اقدر افتح النت لأن عندي اختبارات يوم الاثنين احتمال افتح او اذا قدرت اكملها بكرا

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

البارت الثالث :
مي : ليش ماتروحي للأستاذ الخصوصي اللي يدرسك
ريماس تنرفزت وسحبتها من شعرها : إذا ما اعترفتي قدام البنات بتروحي فيها
مي بهدوء : إتركيني .. !
ريماس علت صوتها : اعترفييييييييييييييييييييييييييييي !!!!!!!!
غدير وهي تمسك يد ريماس : ريماس لاء !
ريماس باعدت يدها بصراخ : وخري عني !!!
مي بصراخ : اتركيه
ريماس ببحة صوتها النعام والمعصب في نفس الوقت : اسمعوني عدل هذي هي البنت اللي تكذب وتنشر الاخبار على كيفها
ريماس تركت شعرها وطالعت فيها بنظرات واخدت شنطتها وطلعت من الفصل وركبت على فوق غرفة المكتبة وبدت تدور في الكتب لحد مالقت كتاب المدارس الفخمه وكانت تتمنى لو تدخل مدرسة مثل هذي المدارس رجعت الكتاب وانتبهت لكتاب للتمريض مسكتها بيدها وفتحته وجلست تطالع في محتوياته سكرته وحطته مكانه ورجعت لشنطتها واخدتها وطلعت من المدرسة بدون ما احد ينتبه لها ورجعت على البيت
ام ريماس : ريماس شنو جابك هالحزه؟
ريماس تطالع بنظرات : .........
ام ريماس : سويتي نجره مع مي ؟؟؟
ريماس بكل برودها : أبي انقل من المدرسه ..
ام ريماس : سألتك جاوبيني سويتين نجره مع صاحباتك بالمدرسه!!؟؟؟؟
ريماس تتكلم بسرعه وبدون أي تقطيع لكلامها : كم بيطول الموضوع هذي المره ؟اذا طردت من المدرسه لازم افكر في مكان ادرس فيه ثاني , كم بيطول الموضوع 3 اشهر؟ اربع اشهر؟ يمه كم مره باقول لك مابتعجبني أي مدرسة توديني فيها ابي المدرسة إللي لازم والمفروض ان ادخلها يمه متى بتفهمي ؟؟!!!!!
ام ريماس : اخفضي صوتك !!!
ريماس : مابي!! مابخفضه !! سوي هذا لنفسك
ام ريماس : لمن تعتقدي إني اسوي كل هذا ؟
ريماس : إنتي كاذبه >< . إنتي كاذبه بقولك إن كل هذا عشاني
ام ريماس بصراخ : لمن تفكري إني اسوي كل هذا
ريماس بصراخ : لا تقولي إنه لمصلحتي ! انتي متى عشتي حياتك عشاني؟
ابو ريماس : شنو صاير ..!!!
ام ريماس : شوف بنتك اللي ما راضيه ابدا تعقل
ابو ريماس : ريماس قعدي بتكلم معاك
ريماس قعدت وهي معصبه
ابو ريماس : اذا كان في شي تبيه انا اوعدك ..
ريماس قاطعته : مو محتاجه لأي وعود ,,, لا تقطع أي وعد ماتقدر ان توفي فيه بس خليني ادخل على المدرسه اللي ابيها
ابو ريماس : أنا جهزت لك كل شي حتى تدخلي هذي المدرسة اللي تبيها
ريماس اول مره تبتسم بس مو ابتسامه صافيه من قلبها : ابي اروح الحين ..
ام ريماس : على المدرسه ؟!!!!!!!
ريماس : أي , مو ابوي قال ان جهز كل شي حتى ادخل هذي المدرسه ابي اروحها الحين ..
ابو ريماس : ام ريماس مو مشكله خليها تروح
ريماس رفعت شنطتها وطلعت من البيت
ابو ريماس طلع لها : نسيتي تاخدي ورقت القبول حتى يدخلونك ؟؟!
ريماس اخدتها من عنده وركبت مع السواق حتى يوصلها للمدرسه
طبعا وصلت على المدرسة فخم بشكل ماتتصوروه احتمال كبير إن لو دخلتها تقدر تحقق امنيتها في انها تدرس الطب وتجيب الاولى على المدارس طبعا دخلوها ونقلو ملفها على هذي المدرسه
........................................................................
طبعا مع ريماس بالفصل اخت خالد جيهان
لما خلص الدوام طلعت جيهان تلحق ريماس
جيهان : ريماس
ريماس : "شنو تبي هذي بعد"
جيهان : ريماس عادي تجين معاي البيت في فقرات بالدرس مافهمتها ؟!
ريماس تردها بكل استفزاز : مو شغلتي إني اشرح لك ! "ومشت"
جيهان : لحظة تعالي بس هالفقره مابتاخد من وقتك
ريماس سحبت الكتاب من عندها واشرت على كل شي لازم تفهمه : والحين راضيه؟
ريماس عودت مشت عنها
جيهان : لحظه ريماس هو ان انا فاهمه الدرس بس .. ابيك تجين معاي البيت
ريماس تطالعها بنظرات : ليش يعني ؟
جيهان : امممم حابه اتعرف عليك اكثر
ريماس تعود تكمل طريقها : إنسي الموضوع
خالد ينادي على جيهان : جييييهان !
جيهان : خالد جيت؟؟؟
جيهان راحت لخالد : هلا
خالد : من هذي؟؟!!
جيهان : هذي ريماس بنت ابو ريماس
خالد : اه خليها تجي نوصلها
جيهان : ريماس تعالي بوصلك
ريماس وصلت عند سواقها الخاص وفتحت الباب ودخلت على السياره وسكرت الباب ومشى السواق
جيهان : اهه شكله عندها سواق خاص خلينا نمشي
خالد : امشي
............................................
ريماس بعد ماوصلت البيت داكرت اللي عليها وبدت كل شي وكتبت ملاحظاتها وعادت كل شي من جديد بعد ماخلصت من مذاكرتها فتحت جوالها وسجلت على ارقام البنات الجدد اللي تعرفت عليهم
(رانيه : طويله شوووي شعرها قصير حيل بيضاء شوي نحيفه
اكثر صفه مميزه فيها بينهم إذا حقدت مستحيل احد يطلع منها بالحقد)
(رند : طويله وبشرتها بيضه شعرها طويل شوي ولونه اسود وفيه لون من البني
عيونها ارب شي فيها العيون اللي على اليمين
لونها بنيه فاتحه والعيون اللي على اليسار لونها زرقاء اكثر شي تكره إذا احد صار يتجنبها وشوف شنو
يصير فيه)
(راشيل : طويله وبشرتها سمراء شوي عيونها عسليه غامقه شعرها قصير لرقبتها لونه بني وفيه لون اشقر
شوي من تحت تمتاز بصفة العناد بينهم)
(روز : اقصر وحده فيهم سمراء شوي شعرها طويل شويتين لونه بني غامق تتميز انها ماتهتم بشي ابدا)
هذيلا كل اللي تعرفت عليهم تحسهم مثلها ومثل شخصيتها هي من بينهم فيها كل صفاتهم المتمرده
(طبعا كل وحده عندها سبب على تصرفاتها حتى ريماس)
كلامهم بالواتس :
روز : هلا
ريماس : هلا
رانيه : هاي
راشيل : بنات لما تجي الاجازه شنو تفكروا تسوون
ريماس : امم بضل بالبيت وماعندي شي اسويه
رانيه : انا مثل ريماس
رند : هاي بنات عندي لكم فكره احسن من كذا خلونا نروح البر بالعطله الكبيره؟؟ مابقى شي عليها
راشيل : خوش فكره
ريماس : لا تحلمي مستحيل امي ترضى
رند : ريماس غبية انتي تسمعي كلامها هذي مشكلتك إنك تسمعي كلامها على كل شي احنا بنهربك ولا يهمك
ريماس : تستهبلي جالسه تخططي للبر في العطلة الكبيره باقي عليها 4 شهور!!!
روز : مو مشكلة ريماس اهم شي نخطط لكل شي إحنا دائما كدا مع بعض
..... ,,,,,,, ام ريماس تناديها
ريماس كتبت للبنات
ريماس : لحظه شوي
ريماس سكرت الجوال ونزلت لتحت
ريماس ترد بتمرد : نعم؟
ام ريماس : متى إنتي بتعقلي وهالرد البارد غيري طريقتك فيه
ريماس : ماله داعي تتفلسفي قولي شنو تبي؟؟!!
ام ريماس : المهم ان ام خالد داقه وقالت اكلمك بموضوع
ريماس : يمه إنسي الموضوع
ام ريماس مسكت ريماس من يدها : وين بتروحي ماكملت كلامي خالد يبي يخطبك
ريماس ترد بكل ثقتها : يمه قلت لك إنسي الموضوع لازم تقولينه يعني ؟ مابيه ولا ابي شي منه ولا محتاجه شي منه وقولي لها إن ريماس قالت إنها بتدرس طب فاهمه
ريماس ركبت على غرفتها وهي معصبه من حركة امها
........................................................................
طبعا بعد 4 شهور من اللي صار ريماس صارت قريبه حيل لصديقاتها وام ريماس دقت على ام خالد وخبرتها إن ريماس موافقه ><
ريماس كانت جالسه بغرفتها وتسوي شعرها بالطباشير لونته كله بالاحمر وطلع اللون جميييييييييييييييييييييل عليها وحطت كرستاله في سر بطنها ولبست حلق واجد بأذونها لأنها خارقه لها اكثر من خرق ولبست اساور بيدها اليمين واليسار ولبست بلوزه بيضاء وعليها جاكيت جينز ازرق وبنطلون اسود وكعب اسود وحطت لها كحله سوداء وايلاينر وروج لحمي كأنها شفايفها طبيعيه ونزلت من غرفتها وهي تطالع بأمها
ام ريماس : ريماس وش هاللبس ؟
ريماس مشت ولبست عباتها وشيلتها وتلثمت وطلعت من البيت راحت على بيت روز وكانو البنات متجمعين هناك
دخلت على بيتها وفسخت عباتها وجلست معاهم
راشيل : واو ريماس شعرك صاير جميل حيل
رند : جميييييييل حيل
ريماس : ثانكس .. والحين شنو بقى بكرا اختبار شنو الاخير؟
رانيه : عربي
رند : اوف مابي تعبت
ريماس : خلاص بقا بكرا اخر شي لاتنسو بعدين بنروح البر لازم تحلو زين فاهمين
روز : ريماس بس عيدي لي هذي الفقره
ريماس : إيهي ؟
روز : هذي
ريماس بدت تذاكرها لها ورند تذاكر بوحدها وراشيل تذاكر لرانيه
..................................
جا اليوم الثاني واختبروا الاختبار وحلو كل شي فيه صح
راشيل : بنات ننتظر لحد تطلع الدرجات
ريماس : أي خلونا ننتظر لحد الدرجات لأن انا لازم اتطمن من درجتي
رند : طيب مو مشكلة يلا بنات اشوفكم بعد ثلاث ايام من شهاداتنا
ريماس : باي
روز : بنات انا لازم اروح دحين مستعجله
رانيه : روز انتظريني بجي معاك
راشيل تطلع زقارتها : ريماس بتجي معاي ؟
ريماس : وهي حاطه يدها بيجبها : لاه بروح على البيت
راشيل : يلا سي يو
...........................................................
ريماس بعد مارجعت على البيت
ام ريماس : ريماس حليتي زين ؟
ريماس تطالع بأمها مستغربه ليش تسألها بطيبه حقرتها وركبت على غرفتها فتحت الباب لقت خالد جالس بغرفتها
خالد : هلا والله , جيتي؟
ريماس رمت شنطتها وكتبها على الكمدينه : شنو جابك ؟
خالد : ليش حرام يجي خطيب لخطيبته ؟
ريماس : اعتقد إني ما ابي اشوف رقعت وجهك!
خالد وهو يتلاعب بكلامه : اعتقد إني ابي اخلي غرورك هذا ..
خالد يتقرب منها : يخاف مني!
ريماس تطالعه بنظراتها الحاده : أعتقد إني قلت مابي اشوفك
خالد : واعتقد إني مصر اشوفك
خالد مسك يدها : يلا
ريماس : اتركني !
خالد : قلت لك يلا
ريماس : عندي صديقات اشوفهم اليوم
خالد : اه بيجو لك طيب مو مشكله يلا افسخي عباتك
ريماس : مو بكيفك مابي افسخها
خالد فتح شيلتها من عليها : شنو هذا ليش صبغتي شعرك احمممر !!!!!!!!!!!!! بس تصدقي يجنن عليك
ريماس : غبي هذا طباشير
خالد : شنو ذا طباشير لاه ليش خربتي شعرك
ريماس ضربته بصبعها على راسه : مو مضطره ابرر لك شنو هي الطباشير
ريماس دارت ضهرها له
خالد مسكها من عباتها : تعالي وين ؟
ريماس : قلت لك اطلع لإني بغير ملابسي
خالد : مو مشكلة انا مو غريب عنك
ريماس مكستها من ملابس : اطلع يلالالا
خالد : ههههههههه خلاص والله بطلع بنتظرك برا
خالد طلع من الغرفه وريماس قفلت الباب وجلست تفتح نتيجتها بس ما فتحت لأن باقي وقت شوي على ماتفتح
غيرت ملابسها ولبست بلوزه بيضاء وبنطلون جينز ازرق ورفعت شعرها الطوييييييييل بمساكه ولبست اكسسواراتها وحطت لها حلق بكل خرقه بأذنها وفتحت الباب
خالد : هي وين بتروحي ؟
ريماس : مو فاضيه لك
خالد : مو على حساب بيجو لك صاحباتك
ريماس : لا .. انا بروح لهم يلا سي يو
ريماس توها بتنزل من الدرج
ام ريماس : ريماس جلسي مع خطيبك إحنا بنطلع انا وابوك
ريماس بنفسها : "فرصتي اهرب من هذا الغبي"
ريماس : اوف
ركبت على غرفتها وخالد يلحقها
خالد : قلت لك مابتهربي مني هههه
ريماس تطالعه بنظرات : ومن قال لك مابهرب؟!
ريماس ردت طلعت من غرفتها بعد ما سمعت إن الباب سكروا يعني اهلها طلعوا راحت فتحت الباب مايفتح
ريماس : إيش ذا , ماري
ماري : نعم ماما ؟
ريماس : وين مفتاح البيت
ماري : ماما اخدته معاها
ريماس : اوووووووف
ريماس دارت وطلع بوجهها خالد : قلت لك مابتهربي مني
ريماس : وإنت إيش تبي مني
خالد بخبث : ابيك
ريماس : إترك يدي
خالد سحبها لفوق
ريماس : إترك يديييييي ءءءءء
خالد دخلها على غرفتها وقفل الباب ووقفها على الباب
ريماس ببرودتها : شنو تبي؟
خالد : قلت لك ابيك
خالد تقرب منها اكثر
ريماس وهي متكتفه : وخر !
خالد مو مهتم ويتقرب منها اككثر
ريماس : رد على جوالك .. !
خالد : مو مهم دحين
ريماس سحبت الجوال من جيبه وردت
ريماس : هلا ..
دلع : هذا جوال خالد !!! من انتي !!!!!!!!
ريماس تطالع بخالد : خطيبته ليش في عندك أي إعتراض بالموضوع؟
دلع : اعطيني خالد
ريماس : لا تعصبي دحين بعطيك اياه
ريماس : خالد وحده إسمها دلع تبيك
ريماس فتحت باب الغرفه وطلعت من الغرفه وخالد كان معصب من تصرفها ريماس كانت واقفه وتسمع كلام خالد لدلع من برا وتحس إنها لأول مره ماتعبر عن شعور بداخلها وكأنه قلبها يتقطع من الداخل
خالد طلع لريماس بعد ماخلص مكالمته مع دلع : ريماس أنا مضطر اروح دحين
ريماس : وكيف بتروح الباب مقفل
خالد : حبيبتي مو مشكله دحين اتصل على حماتي
ريماس : انا مو حبيبتك !!!
خالد : إلا حبيبتي ونص
ريماس : قلت لك مو حبيبتك يعني تاكل تبن
خالد : وقلت لك لا تتغالي يامغروره
خالد اتصل على امها : هلا حماتي وين المفتاح
ام ريماس : عند الخدامه
خالد : طيب سلام
خالد نزل واخد المفتاح وطلع
ريماس كانت واقفه مكانها و اول مره يصير فيها هذا الشعور كيف ماقدرت توقفه كيف ماقدرت تقول له إنها تغار !!
.
.
.
.
.
.
خلص البارت وسوري عل التأخير حبايب

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

الله حماس
شكل الأحداث بصير اكشن بذات ان ريماس بتروح البر مع صديقتها
او لاء
يمكن خالد بيخطفها ذي الفتره
او بيروح معاهم
والله ما ادري
ننتظرك في البارت الجاي


Sent from my iPhone using منتدى عبير

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

البارت الرابع :
رند كانت جالسه تشتري لها ملابس للبر وحتى تجهز شنطتها وتحط فيها ملابسها روز انتبهت لها
روز : هلا وغلا برند
رند : هلا فيج , وين رانيه على حساب وياك؟؟
روز : تجرب الملابس اللي اخدتها , إلا وين راشيل ؟
رند : مدري عنها قالت بتشوف درجتها اذا حطوها وبتدق علينا حتى تقول لنا نفتح اذا حطوها
راشيل دقت على جوال رند
رند : ما تنطرى
رند : الو
راشيل : رندددد خبري البنات نزلت الدرجات
رند : بشري ؟
راشيل : الحمد الله 98%
رند : صج دحين بفتح وبشوف باي
روز : شنو نزلت الدرجات
رند : أي طلعي بالموقوع
روز ورند فتحو درجاتهم وبدوا يصرخوا بالمحل (هههههه هبلان)
رانيه طلعت من غرفة البديل : شفيكم فضحتونا
روز : رانييييييييييه نزلت الدرجات
رانيه : صججججج
رانيه طلعت جوالها وطلعت درجتها وكانت نسبتها 99%
رانيه : بنات خلونا نخبر ريماس هي ماتدري
روز : إي صح
رند : دقيقه ادق عليها
................................................................
ريماس كانت جالسه بغرفتها وتقرأ الكتاب اللي عن الطب والجراحه سمعت جوالها يرن
ريماس : هلا رند
رند : ريماس طلعت النتاييييج بسرعه افتحي نتيجتك واكتبيها لنا في الواتس سرييييييييييييييييييع
ريماس : صج , طيب
ريماس قفلت الخط وفتحت الواي فاي على شبكة بيتها وفتحت على نتيجتها كانت درجتها 100%
ريماس فتحت الواتس اب وكتبت لهم
ريماس : النتجية 100%
رند : صججججججججج !!!!!!! جدب جدب
رانيه : تمزحي !؟
روز : واو
راشيل : اكيد ريماس احسن وحده بينكم يلا صيروا مثلها
روز : تمزحي نصير مثلها خلصنا المدرسه
راشيل : بالجامعه حبيبتي
ريماس : متى بتتفقوا على روحة البر ؟
رانيه : ريماس شنو صار على انك تجي معانا البر
رند : أي ريماس مافكرتي كيف تقولين لأمك !؟
ريماس : لسه
رند : ريماس لمتى إحنا نجهز اغراضنا وملابسنا
رانيه : ريماس غيرنا روحتنا بنسافر على منطقة جبليه كلها ثلج تجنن المنطقة بنروح بالقطار
راشيل : أخدنا التذاكر واخدنا تذكره لك
روز : خلينا الرحلة بعد يومين حتى تقنعي امك
ريماس كانت جالسه تقرأ الكلام ومحتاره تهرب وكيف بتهرب من امها ولا من خطيبها خالد ولا من ابوها !
ريماس كتبت لهم : بشوف وبرد عليكم
ريماس سكرت جوالها وجلست على سريرها تفكر تروح او لاء
.....................................................................
في بيت ابو خالد
جيهان : يمه انا بطلع
ام خالد : وين بتروحييين !!!!!!؟
جيهان : ابي اروح لخطيبة اخوي ليش حرام اشوفها يمه ابي اتعرف عليها اكككثر
ام خالد : الله يهديك بس يا جيهان
جيهان طلعت من البيت وخلت السواق يروح على بيت ريماس بعد وقت وصلت لبيتها وفتح لها السواق الباب ونزلت من السياره دقت الجرس وانتظرت احد يفتح الباب فتحت لها الباب الخدامه
جيهان : موجوده ريماس
الخدامه : أي فوق
جيهان : طيب
جيهان دخلت على البيت وانتظرتها بالصاله
ريماس نزلت من غرفتها ووقفت تطالع فيها
ريماس وهي تتكتف : شنو اللي جابك ؟!
جيهان : اسأل عنك
ريماس : إسألي عني عند خالد !
جيهان : مايقعد بالبيت واجد
ريماس : مو مشكلتي!!
جيهان : إنتي ليش كذا ..
ريماس قاطعتها : مغروره ؟ متكبره ؟ شايفه حالي عليك؟ ماعجبك اسلوبي عندك وراك وقدامك وتحتك وفوقك جدران
جيهان وقفت ومسكتها من شعرها : إحترمي نفسك شايفه من تكلمي يا حقيره
ريماس مسكت يدها وعوجتها لها
جيهان : أأه
ريماس : هذا حتى تعرفي تلمسيني مره ثانيه !!
جيهان : انتي هيي زودتيها ترانك معاي
ريماس : هي؟ هههه على فكره عندي اسم هو "ريماس" حبيبتي دوري غيري تضربينها وتسبيها وتنسي اسمها
جيهان مسكت شنطتها وطلعت من البيت وهي معصبه وتتصل على خالد
جيهان : خالد انت اسمع زين ...
......................................................................
البنات يكلمو ريماس على نفس الموضوع
روز : ريماس اسمعي جتني فكره بما ان امك مو راضيه عندك نافده بغرفتك؟؟!!
ريماس : أي دائما ما اهرب منها
ريماس سجت على بالها نفس الفكره
رند : خوش فكره ريماس اسمعي انا بجي بيتكم وارمي شنطتك اللي بتروحين فيها وباخدها وانتي تعرفي كيف تهربي اوك ؟
ريماس : اتفقنا
ريماس طلعت شنطة وفتحتها وطلعت ملابسها وحطت لها 6 بدلات للطلعه و6 بجامات وحطت كتباها اللي متعوده تقرأها مع مكاييجها واغراضها المهمه وحطتها بالدولاب وقفلت الدولاب حتى ماتفتحه امها وخبت المفتاح بالدرج وجلست على السرير ورتبته راحت على الحمام حتى تاخد لها شور
..........................
تحت في بيت ابو ريماس
ام ريماس : ما عليه يا ولدي انتظر الحين انادي عليها تنزل
خالد : طيب انا ناطرها
ام ريماس ركبت لها بالغرفه
ام ريماس : ريماس وين انتي بالحمام ؟؟!!
ريماس تعلي صوتها : أي اتدووش !
ام ريماس لما تخلصي انزلي تحت
ريماس : ليش شعري مبلول بجلس انشفه
ام ريماس : طيب مو مشكله لا تطولي
ريماس بعد ما غسلت شعرها ورجعت لون شعرها الطبيعي بعد ماغسلته ما مداها تنشفه لبست بجامتها وطلعت من حمام غرفتها وكان جالس خالد على كنبت غرفتها
خالد : طلعتي ؟
ريماس تكتفت : شنو جابك ؟؟!!
خالد : اممم حبيت اتطمن عليك
ريماس : حدتك جيهان عليي؟!
خالد يتقرب منها ويبوس اصبعه ويحطه على شفاتها : فديتك وانتي معصبه
ريماس اول مره ماترد عليه او تعصب عليه من حركته هذي !!
خالد : والحين قولي ليي شنو قالت لك جيهان الخبله اعرفها جرحتك في شيء قولي شنو قالت لك؟!
ريماس : اوف منك خالد اطلع اطلع مالك شغل بأمور بنات
خالد وقف بوجه الباب : مابتحرك إلا لما تقولي يلا قولي
ريماس : مابتطلع ! تراني اعرف كيف اتعامل معاك
خالد : لو تعرفي كان تعاملتي معاي لما حطيت يدي على شفاتك العسل
ريماس : -_- مو ناوي تطلع !!؟؟
خالد : ليش حرام اشوف خطيبتي
ريماس : انا كيف ما وقفت امي على إني اكون خطيبتك مدري
خالد : خلاص خلاص الواحد مايمزح معاك يعني خلاص طالع
خالد فتح الباب وطلع ورد رجع لها
خالد : ريماس
ريماس دارت له وطلع بوجهها وباسها على خدها
خالد وهو يغمز لها بعينه : سي يو ياقلبي
خالد طلع وريماس معصبة من حركته لكن في نفس الوقت حست إنها في عالم ثاني من لما باسها بخدها
رجعت على السرير وجلست تنشف شعرها وتتأكد من إن اللون راح ورجع لون شعرها البني المائل للأسود إلي طوله يوصل لخصرها نشفته وسيحته وجهزت لها ملابس حتى تهرب بكرا
..............................................................
خالد كان طول الوقت يفكر بريماس بعد هذا التفكير جاه إتصال من دلع
خالد : هلا ؟
دلع : هلا ؟؟؟؟؟ خالد شفيك
خالد : ليش شنو فيها هلا ؟
دلع : ماتعجبني قول هلا قلبي عمري حبي أي شي من هذي الكلمات
خالد بنفسه : "الله يطول بعمر خطيبتي اللي ماتفكر بأشياء مثل هذيلا البنات"
دلع : الو خالد وين رحت
خالد : ولا شي سلام اشوفك بكرا
................................................................
في اليوم الثاني من الليل الساعه 8
ريماس كانت مقفله الباب وحطت رسالة بالغرفه تعرف ان امها عند اكثر من مفتاح لباب غرفتها فأكيد بتدخل المهم اخدت شنطتها وعطتها رند من النافده ونطت ريماس من النافده وهربت مع رند من البيت بدون محد يحس او ينتبه
ركبوا التكسي ووداهم على المطار
رند : ريماس شفيك
ريماس : خايفه اول مره اهرب من البيت كذا
رند حطت يدها على اكتافها : لا تخافي معاك انا و رانيه و روز و راشيل
ريماس : أي بس خايفه احد يكشفني
رند : لاتخافي محد بيكشفك ولا احد بيخطفك لاتنسي عيني السحريه هههه
ريماس اول مره تبتسم لرند
رند : ريماس !!!!! انتي !!! إنتي اول مره تبتسممي !!
ريماس تطالع فيها مستغربه
رند : ههههه ماعليه لا تخافي البنات ينتظروا عند محل الكافي هنا بالمطار باقي ساعه على رحلتنا امشي نروح حتى تشربي شي دافي
ريماس : طيب
رند وريماس راحو وجلسو على الطاولة مع بعض
رانيه : ريماس اخيرا جيتي
راشيل : خذي اشربي الكافي حقك
روز : اخدتي معاك ملابس دافيه ؟!
ريماس : أي كل شي معاي اخدته
راشيل : حلو
بعد وقت من سوالفهم
راشيل تطلع بالساعه : بنات بنات الساعه 9 خلونا نشوف بدأ وقت رحلتنا اكيد
ريماس : يلا خلونا نشوف
بعد ما مر وقت حتى دخلوهم على القطار دخلوهم على بينه واسعه تكفيهم خمستهم حطو شنطهم فوق وكل وحده جلست على سرير
(طبعا الكبينه يكونو فيها 6 سرير والسرير يكونو 3 فوق بعض مثل كذا على اليمين 3 وعلى اليسار 3
__
__
__
وفيها نافده وتكون واسعه بحيث ان مايكونو على بعض واذا طفشو يجلسو في السرير اللي تحت كم وحده على اليمين وكم وحده على اليسار)
ريماس : بنات انا خايفه شوي
راشيل : مو بس شوي إلا كثير بنات خلونا ما ننام خلونا نجلس شوي مع بعض
روز : إيوا انا مو نعسانه نمت كثير الامس
رانيه : وأنا سهرت مع حضرتك
روز : هههههه تعالو نزلو من فوق خلونا نجلس مع بعض
رند ورز ورانيه وراشيل نزلو من اسرتهم اللي فوق وجلسوا باللي تحت
رانيه : تعرفوا بنات صاير برررد
ريماس : جبت بطانية كبيره لي تكفينا كلنا خلونا اطلعها ؟
روز : أي أي
ريماس طلعتها وحطوها على بعض
راشيل : انا جبت حب تحبونه؟
رند : ليش في احد ما يحبه !! ههههه
ريماس ابتسمت
رند : ريماس ابتسمتي مره ثانيييييه ريماس ابتسامتك والله تجنن
رانيه : أي صح ريماس قولي لنا ليش امك كذا معاك وليش خاطبتك حق هذا اللي اسمه خالد
روز : إي صح ماقلتي لنا ؟؟!!!
ريماس : السالفه إن انا كنت ابي اشتغل دكتوره جراحة اطفال بس امي وابوي مو راضيين ويبوني اشتغل بشركة ابوي واكون الوريثه لهذي الشركه بعد ابوي وعشان إني مصره ودخلت على مدرستكم والحين خلوني انخطب من خالد حتى بس يخليني اتخلى عن حلمي بكوني دكتورة جراحه
رند : يا حرام !!!!
روز : ظلم !!!!!!!!!
رانيه : من جد انتي مخطوبة غصب عنك !!
راشيل : لاء هذا بزياده عاد وعشان كذا محبوسه بالبيت ريماس انسي الدنيا وهمها ما عليك تعرفون بنات
رانيه ورز ورند : شنو ؟!!
راشيل : من قبل كنت مخطوبة
روز : بالله !!!!!!!!!
رند : تمزحيييييييييييييييييييييين
رانيه : وكيف وليش ؟!!!!!!!!!
راشيل : مخطوبة بخيالي هههههههههههههههههههه
رانيه : اه منك سامجه هههههههههههههههه
روز ورند : هههههههههههههههههههههههههههههه
ريماس : هههههههه
راشيل : ريماس !!!!! ههههههه ريماس اول مره تضحك قدام عيني لاء ما اصدق
ريماس : خلاص عاد لا تتغشمري جيبي حب
رانيه : بنات مافي احد مسوي قهوة
روز : ليش وين شايفتنا ههههههههههههه
رانيه : بالقطار
رند : هههههههههههههههههههههههههه سامجه
ريماس : بنات وين الحمام بالقطار ؟؟
رند : تبين الحمام ؟؟!!؟!؟
ريماس : أي الجو بارد ما اقدر ما اروح على الحمام بهذا الجو
رانيه : بتلاقيه على جهة اليسار من جهة القطار
روز : لا تطولي وتضيعي طريق كبينتنا
ريماس : هههه طيب
ريماس طلعت من الكبينه وقرأت رقمها حتى ماتنساه
وراحت فتحت باب الحمام شافت واحد بجيبه سكين والثاني اللي معاه متوتر وخايف منه
ريماس حست بخوف ماعرفت إيش تسوي هي غلطت بالحمام
ريماس : م.. ما .. دخلت الحمام الغلط
اللي بجيبه سكين خلا اللي معاه يروح وسحب ريماس من عباتها على الحمام ووقفها على الجدار
....... : شنو قلتي ؟؟!! غلطتي بالحمام ؟؟!!!
ريماس : ......
...... طلع السكين وحطها بخصرها : تبين امنية اخيره ؟!
ريماس ما جا على بالها غير اسم شخص واحد : خالد !
...... : شنو قلتي ؟!
ريماس : ابي اكلم خالد !!
ريماس طلعت جوالها وعطته اياه
اتصل لها على رقم خالد وحط الجوال بأذنها
ريماس تسمع صوت خالد وهي متوتره وخايفه
خالد : الو ريماس شفيك متصله بالعاده إنتي ما تتصلي ابدا الو ريماس
...... قفل الخط وفلت وعطاها جوالها وبدى يقرب منها السكين اكثر
ريماس تحس بألم و لأول مره !!!!
من جهة ثانيه جا احد وفتح الباب
...... : اتركككهههها !!!!!!!!!!!!!!!!!!!!!!
ريماس تطالع فيه وتحس بأمان بعد ماشافته : ..........
.
.
.
انتهاء البارت .. تحملو الحماس شويتين .. :)

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

واو حممماس مرررا كلميها بسسرعهه XD !

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

ننتظر البارت الجاي
موفقة عزيزتي

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

تجنن ممكن اعرف بأي صف انتي

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

اول ثنوي

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

واو مره صغيره والله اني قلت ذي اكبر مني
موفقه حبيبتي

رد: رواية : بعنادهـا وغرورهــا حبيتهــا \ الكاتبة : عازفة على وتر الذكريات

مشكورة على الرواية مرة حلوة وأسلوبك كثير حلو
دمت بود