رواية بجنون أحبك / الكاتبة ساندرا (كامله )

**_Manoshe_** · 03-01-2015, 01:51 AM

رد: رواية بجنون أحبك / الكاتبة ساندرا

حتى انا نتبهة انو نفس اخر بارت، بس حكيت يمكن نزلت نفسو لحتا احنا نتذكر الاحداث الاخيره!☺️

Sent from my iPhone using منتدى عبير

**الكاتبة ساندرا** · 03-01-2015, 10:35 PM

رد: رواية بجنون أحبك / الكاتبة ساندرا

روايةبجنون أحبك / الكاتبة ساندرا
البارت ال23

الساعة 9 صباحا ..
با احدى المطاعم التي تشتهر با افطارها الرائع ..

ياسر: اخجلتني يا ايمن ، ليه تسوي كل ذه ليه وانت ماتعرفني وانا بعد ماعرفك ..؟
ايمن يشرب العصير وببتسامه: اول شي انا اعرفك ، قصدك انت الي ماتعرفني ، ابوي قدتعارف على ابوك زمان يعني ولما سالت ابوي عنك قال انه يعرف ابوك وخدامات ابوك قبلما ينساها لذلك قال لي هالله هالله بياسر ولد الغالي ..
ياسر : ماشاء الله ، ماقد سمعت ان ابوي يعرف ابوك ؟
ايمن: يقولون ان المحسن ينسى من احسن اليه ، بس المحسن اليه لا يمكن ينسى الي احسنله ..
ياسر تنهد: اي بالله انك صادق ..
ايمن: علامك ؟ احس ان بداخلك شي ؟
ياسر لانه مايثق با ايمن اكتفى انه يسكت ..
ايمن حب يغير الموضوع: حياك الله بزواجي ياسر ..
ياسر: ماشاء الله ، ماتوقعت ..
ايمن: ليه؟
ياسر بصراحة: لان شكلك صغير وجامعي او مخلص الجامعة وباين عليك مو مود زواج ابد ..
ايمن: ولا انت بعد ، بس ملامح وجهك تبان انك مو سعيد بزواجك ..
ياسر:وانت ؟
ايمن بمصداقيه: كنت معجب فيها بالاول ، وتلاشت والحمدلله ..
ياسر: تحبك؟
ايمن: تموت فيني ..
ياسر سرح لبعيد ..

لين: ياسر حبيبي ..
ياسر على جواله وبدون ميناظرها: هاه ..
لين جلست جنبه: حبيبي ايش رايك نطلع نتمشى نغير جو ، طاقه كبدي من الشقه ..
ياسر عطاها نظره: اقول تلايطي احسن لك ، هذا الي ناقص انتي شايفه اني فاضيه يعني؟
لين باندفاع: خلص لاتعصب ماقصدت ..
ياسر تنهد: وانتي بس فالحه تحوسين شوفي طلبات زوجك شوفي بيتك بدل ماتقترحين ..
لين بخوف: والله ماقصدت (وببتسامه) شوفتك تكفي ، انت مبسوط معي ياسر؟
ياسر ناظرها بستحقار: جاهدي اني اكون مبسوط ، مغير غاثتني ..
لين بحزن بمحياها: ياسر انا والله متضايقه نفسي اطلع كلا بشقتي اربع وعشرين ساعة ،وحبيت ارفه عن نفسي وبس ..
ياسر عدل جلسته: بسيطة قومي كعادتك طلعي ملابسك بالدولاب كله ورجعيهم وكل ماطفشتيسوي كذا ..
لين قامت بحزن:ابشر ..

رجعه لحاضره بمسكه يده: هيه وين رحت يالحبيب ..
ياسر انتبه: هاه ، لا ولا شي ..
ايمن: باين ان عندك سالفة طويلة ..
ياسر تنهد: لا سالفة ولا شي ، راحت قبل ماتنتهي ..
ايمن: من الي راحت؟
ياسر بلا شعور: حبيبتي ..
ايمن: اها يعني انت عاشق ..
ياسر انتبه لنفسه ولا قدر ينكر بس اكتفى بالصمت ..

رجعت من المشغل ..
غيرت لبسها ولبست روب بيت قصير شوي باللون الابيض ..
غسلت الحوش مع نانسي ، ودقايق الا بدخله فواز ..
ناظرها من فوق لتحت بستحقار وتوجه للجناح ، تنهدت بصمت وتركت شغلها ..
وراحت للجناح وشافته يجمع اغراضه وبهدوء: متى ناوي ترجع ؟
فواز بدون ميناظرها: على حسب ..
لين: تروح وترجع بالسلامة يا عين ابوي ..
فواز معطاها وجه وسكر الشنطة ولما لفت للجهة الثانية صار يناظر فيها تمنى انهيضمها ولا يروح وهم متزاعل معها وجنب الباب ..
لين باندفاع: انتبه لنفسك ابو عمر ..
فواز:.....
لين: استودعتك الله الذي لاتضيع ودائعه ..
فواز: فمان الله ..
وطلع ..
لين(وطلع من البيت وطفى نوره يا فواز) ..
ورجعت تنظف البيت ..
وخذت دوش سريع ولبست قميص نوم طويل وتعطرت ..
واندق الباب ، لبست القطعة الثانية من القميص با اكمام طويلة ..
لين ببتسامه: حياك ريفان ..
ريفان وهي تشوف المكان كيف مرتب وريحته عطره وباردة وهي لابسه ومتأنقه ودخلتالغرفة ..
وجلست بالاريكه ..
لين ببتسامه: شرفتي ونورتي ، برجع لك بس بمشط شعري وراجعه ..
ريفان صارت تناظرها لما دخلت بالغرفة قامت وصارت تصور الغرفة بشكل سريع ..
ورجعت مكانها وجات لين جلست جنبها ..
ريفان: انا الصراحة اريدك تروحين معي السوق بكره زواجي قرب ..
لين: انا سامعه بكل يوم انه قرب ، هو متئ بالضبط؟
ريفان: بعد كم يوم ..
لين: من الي ياجل ..؟ انتي ولا هو ..
ريفان: احنا الاثنين ، وانا ما ودي اطلع من بيتنا حاتوحشوني ..
لين مسكت يدها وبحب: هذا بيتك سوا تزوجتي او لا ..

ريفان(ماينفع تمثلين ، نيتك واضحة يالتبن) بحزن: وكل يوم ايمن يعمل لي مشاكل مابهيوم الا ويزعل عليه ويعاتبني ..
لين: والسبب؟
ريفان: يزعل على اتفه الامور ، وانا مو عارفه ايش اسوي له انصحيني ..

لين التفتت لها: يا ريفان فترة الخطوبة ماتصير فيها احبك واشتقت لك ، هالكلامماخوذ منه وبعد الزواج ايش بيصير بعدين
؟ بيكون مابه كلام بينك وبينه كل الكلامخلص ، فهالفترة افهمي هو ايش يريد ويفهم هو ايش تريدين ..

ريفان باهتمام: انا فهمت وش يحب ووش يكره ..

لين : لاتركزي على هالجوانب قد ماتركزي على جوانيه الاخرى ، يعني حتى بعد الزواجبتعرفين وش يحب ويكره بس هالفترة افهمي نفسيته ،
هل هو مزاجي؟ هل هو شكاك؟ ه
ل هواناني وهكذا افهميه من كلامه والحديث الي بينكم ..

ريفان(اي صدقتك يالحقودة ، كل ذه خايفه اني اكسب ايمن ) بخبث: ووش الفرق بين ابويوطليقك ؟
لين تفاجئت بسؤالها: يا ريفي هالكلام محب اتكلم به ..

ريفان(لهدرجة مجروحة ولا راضيه تنسين ياسر يالخاينه) ابتسمت بخبث: حقك علي ،ماقصدت اضايقك
، بس تكلمت مع ربيعتي وهي مطلقه مسكينة وقالت انو المطلقاتالمظلومات ربي يعوضهم ،
قلت لها ان مرت ابوي تطلقت وتزوجت وبس ..
لين تنهدت: الله يساعدها ، ويرزقها زوج صالح ، الاهم انها تصبر
على ما اصابها ..
ريفان(على اساس انك مظلومة مع ياسر وهو هيمان فيك وش هالكذب والنفاق يا ناس ؟ )

بالبر ..
ابو بلال يصب القهوة لهم وبابتسامه: يازين الجو بالليل براد ، اكثر من الصباح ..
ابو خالد: تصدق عاد اني ماهقيت ان الاجواء كذا بالليل ، ولا كان رحنا من وين ..
ابو سعد: الحمدلله جمعتنا مثل قبل ، ايام العزوبية ..
ابو خالد: مرتبطين با ارتباط كايد ..
ابو سعد وابو بلال: هههههههههههههههه ..
ابو بلال: انا مستوحشتني ام بلال ..
ابو خالد: ماشبعت منها بالعيد وقبله ؟
ابو بلال تنهد: الحب يابو خالد (وناظر فواز) حالي مثل حال ابو عمر ..
ابو خالد ناظر فواز الي كان مش معهم ابد : لا حالة ابو عمر حالة خاصة ..
فواز الي جلس يناظر النار والي فوقها الغوري وتبسم لامنه طرت على البال ..
ابو سعد: يابو عمر ترا الاجواء مهيب شتاء على الأخر ، ابتعد عن النار لاتحترق ..
ابو عمر انتبه له وباندفاع: اي بالله انك صادق ..
وابتعد عنها ..
وجاته رسالة نصية / وانت بعيد عيت العين لاتنام ، مشتاقه لك يانظرها ..
تبسم وبصوت مسموع : يقول
احدن يناإدي النوم والنوم ياتيه
واحدن جفا عينهه لذيذ المباتي

واحدن لقا في الحب منهو يحييه
واحدن جروحهه كل ماحب تاتي

ابو بلال : صح منطوقك ..

تسطحت بالسرير ..
سعد: انتي مبسوطة خلود معي ؟
خلود: اي حبيبي ، شريت كل الي احبه واريده ..
سعد : حبيبتي نفسي اذوق طبخك ..
خلود ناظرته: اكيد انك تمزح ..
سعد:.......
خلود: انت تعرف اني اكره الطبخ والبصل قرف ..
سعد ضمها واكتفى بالصمت ..
خلود مالت بشفتها: انت ماخذني عشان أخدمك يعني ..؟
سعد: ياحبيبتي هذاأحسان لزوجك وتأجرين عليه , ولو مو حابه ما أجبرك ..
خلود: سعد أنت تعرفمن الأول أني أنا مش مثل حرمتك الأولى , ولو تريد طبخ وكرف تراك أ
نت تدري من الأولأني ما أعرف , وزواجي معك كان متفق مني ومنك وأنا ماكذبت به بأي شي ..
سعد بتايد: أعرفحياتي , بس ايش ألي يمنع أنك تتعلمين هالشي عشاني ..؟
خلود صغرت عينهابحده: يا سعد أنا ماخذتك لأجل أتعلم , أنا لو بغيت أتعلم تعلمت , بس أنا ما أحبشي أسمه طبخ و
وش ألي يحدني على كذا , مو أنت قلت لي من اول ماتعرفنا ب
الفيس بوكأنك ماراح تجبرني على شيء أبد أبد , وكنت ميت إلا وتأخذني ..

يتبع |

**الكاتبة ساندرا** · 03-01-2015, 10:39 PM

رد: رواية بجنون أحبك / الكاتبة ساندرا

خلود صغرت عينها بحده: يا سعد أنا ماخذتك لأجل أتعلم , أنا لو بغيت أتعلم تعلمت ,
بس أنا ما أحبشي أسمه طبخ ووش ألي يحدني على كذا , مو أنت قلت لي من اول ماتعرفنا بالفيس بوك أنك ماراح تجبرني على شيء أبد أبد , وكنت ميت إلا وتأخذني ..
سعد حس بشي بجواته وكنها تعايره ! أو تنتقده رفع حاجبه: ذه كلام جديد خلود ..؟ ماكنت أعرف أن أسلوبك كذا ..؟
خلود كشرت بوجها:وأنا مكنت أعرف أنك كذاب كذا .. !
سعد فتح عينه علىالأخر: أنا كذاب ..؟؟
خلود باندفاع: أي نعم كذاب , أنت كنت تقول أن هدى مرتك سمينة وماتهتم بنفسها وأنت تريد بس زوجه صاحبه
جمال وجسم وأناقة ووين راح ذه كله ..؟ والان لك راي ثاني , صدق ماينعرف لكم ..
وقامت وخلته وهو لسىماكمل كلامه , وهالتصرف كان جديد عليه !

** البدلا احيانا سيئون ..!

تقلبت بالسرير وبيدها الجوال ، تنتظر منه رسالة ..
لين بهمس: ليه هالجفا فواز ، الشوق بيذبحني افف صرت مجنونة اكلم نفسي ..
وحطت جوالها بالجهة الثانية ، وغمضت عينها بشويش وكل دقيقتين تقلب وسادتها ، غدتحاره !

باليوم التالي ..
بالمشغل~
ميثاء حطت يدها على خدها: انا افكر انه متزوج ويكذب علي بسالفة التخيم ..
لين:.....
ميثاء: وينك انتي ؟
لين تنهدت: معك يا ميثاء ..
ميثاء: وعلامك ساكته ؟
لين: لان ماعندي اي شي ، وانتي ماغير تتوقعين انتظري لما يرجع وواجهيه بالحقيقة ..
ميثاء: انتي تظنين اني سكت ؟ لا طبعا تكلمت معه بس هو مايطيق كلمة وحدة مني ، مناتكلم يسكتني اما انه يقاطعني او يعطيني طاف ..
لين تغير الموضوع: شكلك بتخسرين فلوسك والسبب جيتك لي كل يوم ، خصوصا بعدهالسالفة هههه ..
ميثاء: مالت عليك ، انا جايه عشانك وانتي ولا تقدير تدرين اني كلا اجي عشان مناكيربس ..
لين وميثاء: ههههههههههههه ..
ميثاء بهمس: عشان ماتتضايق مني ام عبدالاله ..
لين بضحكه: لاتقلقي طالمة انتي زبونة وجيتي بالصباح الي نادر يجون زباين بتفرح بكبس من بعد الظهر لا ..
ميثاء: اي زين ، وش رايك اصبغ شعري ..
لين باندفاع: انتي مهبوله ناويه تحطمي العدد القياسي كم مرة تصبغين بالشهر ؟
ميثاء: لاتاكليني انا اسالك بس ..

ام فواز: اي يقول بعد بكره بيجي ..
ام رعد: البيت مو حلو بدونه ..
جود: يمه وش رايك نشوي بالحوش ؟
بيسان: اشتهيته يمي ..
ام فواز: حلو ..
ام رعد: ماشاء الله عليكم تفكرون وتلبون سريع ..
ام فواز: فواز معلمهم كذا ، الله يرده سالم غانم ..
ام رعد:.........

وبالحوش ..
الكل جهز لشوي ..
الطاولة الكبيرة وفوقها قماش بيج ومناديل ملونه بني ،صلصات وعصاير وكؤوس زجاج ..
ومسكت الشوي ريفان ووعد ..

كانت بغرفتها ..
لبست بجامة ناعمة ورفعت شعرها ذيل حصان وحلق صغير ناعم وشبشب وتسبحت بالعطر ..
طلعت لهم وهي تشتم ريحه الشوي ..
وبحماس: وش هالابداع ..؟
ام فواز: هلا يايمه ، زين انك جيتي قبل لانبتدي ..
لين صبت العصاير بالاكواب ..
وسوالف تروح وتجي عدا ام رعد الي ماشاركتهم بالسوالف مرة ..

جمعو الشباب اغراضهم وكلن قاصد بيته لراحة بعد هالتخيم ..
وصل للبيت وكان هادي مرة ..
دخل لجناحه والغرفة باردة والانوار مطفيه ، اخذ دوش منعش ولبس بجامته ..
دخل الصالة وشاف عمر: السلام عليكم ..
عمر: وعليكم السلام ورحمة الله وبركاته ..
وقام باس راس ويد ابوه ..
فواز: اجل وين الناس؟
عمر: الناس رايحين لبيت اهلهم والجده وبنات عمتي وخواتي معهم ..
فواز: الله الله ، اجل اخذتهم بباص ؟
عمر بضحكه: لا وش دعوة ..
فواز: من متى رايحين ؟
عمر: اووه من العصر ، وانت ماقلت لهم على اساس يستقبلونك ..
فواز(على اساس انك ماتدرين اني بجي بهاليوم يا لين ، يعني كل كلامك ورسايلبهالايام ذي تبخر !!) : خير ان شاء الله ..
وراح للمكتب يقرا كتابة ، وبعد ربع ساعة اندق الباب..
فواز: تفضل ..
ام رعد دخلت: هلا باخوي نورت وشرفت البيت ..
فواز ببتسامه قام وسلم على اخته: ظنيت انك رحتي معهم ..
ام رعد: ما كان لي مزاج سبت البنات يروحون مع لين ، وقلت اريح ..
فواز شاف عين اخته حمر ومنفوخين ، اتصل بنانسي وطلب منها شاي بسكر متوسط ..
جلس قبالها: علامه الحلو يبكي؟
ام رعد بتوتر: من قال لك اني ابكي ؟
فواز ببتسامه حنان: عينك هي الي خبرتني يا نورة ، قولي لي علامك ؟
نورة دموعها ماجفت بعد وصارت تبكي بس بهدوء دون ماتطلق
اي اصوات وبحزن: وش اقول لكياخوي ؟ وانت عارف الحال ..
فواز جلس جنبها وشد على يدها: تعرفين اني طلبت من نانسي الشاي لانك مدمنته ..
نورة: تسلم لي ..
فواز مسح على شعرها: يا نورة اسمعي وافهميني زين ، بكيتي او لا ذا نصيبك ،
لزومترضين به ولاتتسخطي ابد ، شوفي لين مثلا كيف كانت ووين هي احين ، و
ابو رعد لو فكراو حاول انه يردك منيب معطته ابد هالجوهرة الثمينة ..
نورة ناظرته: صدق؟
فواز احتضن اخته وبحب: يا نورة انتي حلم كل رجل ، صبرتي لاجل عيالك ولاجل ابوعيالك
وهو مهوب كفو لك اصلا بس هم صبرتي ومعتقد مثل هالازمة بتاثر بك ، انا رجعتمبطي عشان القاضي صديقي قال لي ان زوجك طلقك ..
نورة ناظرته بصدمة: ايش؟
فواز بحنان: انتي مليون رجل يتمناك ، لاتخلين هالصدمة تاثر بك حبيبتي نورة ..
نورة بنفس صدمتها: يعني راح للمحكمة وقال لهم بالطلاق و...
فواز قاطعها: هالشي متوقع منه يا نورة ، وكلامي معه ببيته كان واضح انه عازم وكنهيقول لي زين انها جات منك ..
نورة: نفسي اعرف ايش سويت له يا فواز ، كنت متاحه له مساحة وفرص كثيرة انه ممكنيرجع ويصير مثل بداية زواجنا ..
فواز حزن على اخته ولمعت عينه حزن وضمها وهي تبكي وتساله اساله ، والجواب مهوبعنده ..
دخلت نانسي وقدمت الشاي وطلعت ..
فواز بروح مرحه: الشاي ماينفع احين ، لزوم اسوي لك هوت شوكلت ..
نورة تبسمت وسط دموعها: تعرف تسوي هوت شوكلت بعد ؟
فواز مسك يدها: افا عليك ، تعالي معي للمطبخ ..
وسوا لها هوت شوكلت وهو شرب شاي ويتكلم معها ويحاول يخرجها من دائرتها الحزينة ..
فواز اتصل بامه: وينك يالغالية ، طولتو الساعة بتجي 12 وولا شفتك ، اي انا بالبيتاحين ، فمان الله ..
نورة: يلا حبيبي بروح انام اريح ..
فواز ببتسامه: نومه العافية ..

# في مثلهذه الأزمات الشديدة , نحتاج لأخ يساندنا " عضيد " يقول لأخته ماعاش منيبكيك وأنا موجود ,
حنان الأخ لأخته لا يقدر , عطائه وأحترامه لها ولمشاعرها شيثمين لا يتواجد , بل يتلاشى بالتدريج !

وطلعت من المطبخ وراح لصالة يتفرج على التي في ..
وبعد عشر دقايق رجعو ..
استقبلته ام فواز بالاحضان وهي تتحمد له بالسلامة ..
لين اول مشافتها ناظرته وهو وسط عياله يرحبون به وبصوت قريب للهمس: الحمدلله علىسلامتك ، نورت الدار ..
فواز بدون اي اهتمام: تسلمين ..
وراحت للغرفة شلحت عبايتها وعلقتها ..
شافت جوالها الي كان صامت فوق ال11 اتصال من ميثاء ..
رجعت الاتصال وباندفاع: ميثاء اسفه جوالي كان صامت و.....
ماقدرت تكمل لانها سمعت شهقات وبكى وكلام مو مفهوم منها وبخوف: ميثاء علامك ؟ شويشوي تراي مو فاهمه شي ..
ميثاء وهي تشهق: ل....ين ، بنتي م.....م..ا..ت ..(وبصراخ) ماتت يا لين تعرفي انهاماتت ..
لين انفجعت من كلامها : لاحول ولا قوة الا بالله ، ان الله وان اليه راجعون ..
ميثاء وهي تشهق وتتكلم معها كيف ووين ماتت ولين نزلت دمعتها ..
الا بدخله فواز الي شاف لين حاطه يدها بفمها وهي تحاول ماتطلع صوت وهي تبكي ،استغرب وظل واقف مكانه يناظرها بعيد ..
لين تمسح دموعها: خلص ميثاء حبيبتي هدي ولا تقولي هالكلام ، الوقت متاخر ولا كنتجيتك ، بالضحى بكون عندك ميثاء لاتبكي واستهدي بالله ..
وسكرت منها وقطت نفسها بالسرير وهي جالسة ..
فواز اقترب منها وبقلق: علامك لين ؟ وش صار ؟
لين بين دموعها: بنت هاني ماتت (ودخلت بنوبه بكى)
فواز جلس جنبها وبصدمه: لاحول ولاقوة الا بالله انا لله وان اليه راجعون ..
مقدر يسالها كيف ، ضمها بوسط صدره وهي تشهق وتجدد دموعها ..

صحت على الساعة 12 ..
قامت توضت وصلت الظهر ، وجلست بسجادتها وطرت عليها بنتها ونزلت دمعتها ..
دخل عليها وبدون مايناظرها: ميثاء انا جمعت اغراضك كلها وحطيتهم بالسيارة ..
ميثاء: لوش؟
هاني: بوديك عند اهلك ، وورقة طلاقك بتوصل لك ..
ميثاء انفجعت من كلامه والتفت له: ليه ؟
هاني تنهد بحزن: انا مخليك عندي عشان العيال ، ومات واحد منهم وبقى واحد وبلاهانظل مع بعض روحي لبيت اهلك والله يستر عليك ..
ميثاء بين دموعها: والله اسفه يا هاني اوعدك اني بتغير ..
هاني قاطعها بشراسه: من متى وانا متزوجك ؟ ماعينت خير منك كلا شكاوي وبلاوي ،
تاخذين شور امك ، خل امك تنفعك وولدك خالد بيكون عندي لانك مو حول عيال ..

ميثاء بعدم تصديق: انت وش قاعد تقول يا هاني ، بنتك ماتت ...... (وسكتت)

هاني بسخرية: كمليها قولي انها ماتت بسبب اهمالك ، لهدرجة صعبة ؟

كنت اقول لك انتبهي للعيال لطلعتي ، ولكنتي معهم حسسيهم بحبك وحنانك ، لكن لا اناولا هم عينا خير منك قومي يلا ..
وطلع من الغرفة ، وهي تبكي بشده مو مصدقة الي تسمعه ..
قامت ولبست عباتها وهي تشوف ولدها خالد نايم باسته بجبينه الي اول مرة تتدخل بغرضانها تتفقده او تصحيه ، صعدت بالسيارة ..
ووصلها لبيت اهلها وقبل لاتنزل ..

هاني: كلمي اخوانك يساعدونك بشيل اغراضك الكثيرة..

ميثاء نزلت من السيارة واتصلت باخوانها يشيلون اغراضها وهي صارت تشيل با اغراضهامعهم ..
وحرك السيارة بدون مايناظرها ..

دخلت لبيت اهلها وشافتها امها وهي ماسكه الشناط وبذهول: ميثاء ؟

ميثاء ركضت تحضن امها وهي تبكي بالم وتقول لها ان هاني بيطلقها ..
جلست وصارت تشربها ماي وتقرا عليها قران ..

لما حست انها هدت: ميثاء ثقي ان هاني لايمكن يطلقك ابد ابد ..

ميثاء وهي تمسح دموعها: والسبب؟ وايش الي ناقصه؟

ام ميثاء: يا بنتي هو مجنونك ، وصنفه انا اعرفه زين تراه مهوب مطلقك بس هو زيالكلاب الي تنبح من بعيد ولا نشوف شي منها ..

ميثاء ببتسامه انكسار: يا يمه هاني مو مثل قبل ، موته بنته بهالطريقة هي الي وعته
وصحته من سباته ، وانا قلبي محروق على بنتي وعلى هاني اهئ اهئ ..

ام ميثاء: بنتك ماتت والله يرحمها لاتبكين كذا يا يمه ..

وضمت بنتها وهي تبكي معها ..

ام فواز بصدمة: لا حول ولا قوة الا بالله ..
ام رعد تمسح دموعها: الله يرحمها ..

يتبع |

**الكاتبة ساندرا** · 03-01-2015, 10:45 PM

رد: رواية بجنون أحبك / الكاتبة ساندرا

ام رعد تمسح دموعها:الله يرحمها ..
ام فواز بحزن: عرفتي ليه يا لين ويانورة الزم على ميثاء انها تستر على بنتها ،ماكنت بس اهزئها او انتقدها ،
بس احنا بزمن عيال الحرام كاثره ، وتموت لانهاماتحملت الاعتداء ..
لين منزله راسها وهي تستمع بصمت لكلام ام فواز ..

ماتت بنت ميثاء ، بسبب اعتداء لها من قبل شاب اغواها بحلاوة وهي بالسوق مع والدتها،
ففعل فعلته بمواقف السيارة بعدما اغلق فمها بشريط لاصق ومنعها من الحركة ،وميثاء كانت ملتهيه بالسوق مع اسرتها !

#احبتي ..
علمي ابنتك على الستر منذ الصغر لكي تصبح لديها عادة ، ولكي تنظر لكشف جسدها بقلهالادب ونقص بالذات ..
هي صغير صح وتلبس الي تريده قصير وطويل ، ولكن ابناء الحرام ماذا رايهم ؟
قد سمعنا بفتاة ماتت وهي ترتدي الملابس الضيقه والشفافه ميته اليمه ، وكلما حاولوان يستروها كان
يتجرد منها ولا يسترها ، فا اتقي الله ببناتك امهاتنا ، لا تقوليبانها صغيرة ولابئس ، بل اجلسيها بحضنك او امامك واخبريها بالستر وانه يكملها وكمتبدو بغاية الجمال والاناقة بعبارات تحب ان تسمعها وتقربها منه..
فالستر عفه ..
فالتخلع مذموم ، وانه كانت عقوبة ادم وحواء فا اخرجهما الله من الجنة ..

مر ثلاثه ايام على وفاتها ،لين كانت تروح لميثاء وتواسيها واول مرة تشوفها كذا ..
لا حول ولا قوة الا بالله ..
دخلت غرفتها وهي تعبانه مرة ، علقت عبايتها وتسطحت بالسرير ، شحنت جوالها ..
وعينها تناظر بشقف الغرفة وهي تتفكر(من فترة انت في وادي وانا في وادي يا فوازمدري وش غيرك علي ،
اطلب الصفح وتتعذر لي بالنوم او الانشغال وانك مو فاضي لي !معقولة زواج منال اثر عليه !! )
هزت راسها بالرفض كنها تريد تبعد هالافكار من راسها ،
وبهمس: وليه لا ؟ هو تغير منلما عرف بزواجها ، معقولة يا فواز ؟ انت تحب منال !

باليوم التالي ..
بطلت عينها بشويش على الساعة 7 ..
وتلفتت بالسرير وولا شافته جنبها ، باين انه مانام اصلا جنبها ..

بطاولة الافطار بالحديقة ..
فواز: ويعني ؟
ريفان: هي ماتت والله يرحمها وزواجي كلما في تاجيل مو حلو كذا ، الناس بتتكلمعلينا ..
ام رعد بتايد: صدقتي ، عاد ربيعتي تكلمني تقول ان اشاعة يقولون ان الزواج اتلغى ..
ام فواز: الزواج يكون بلا صالة ولا شي ، يجي وياخذها..
ريفان مكانت بتوافق بس ايمن ملزم عليها انها توافق لو وش وباندفاع: صح ، والزواجبيكون بكره ..
ام رعد: خليها بعد كم يوم ..
ريفان: ياعمتي ماتدرين كم مرة دفعت عربون للمشغل مغير اجل ويروح علي ، حرام واللهبيروح مهري كذا ..
فواز: لا خير ان شاء الله ، الله يوفقك يابنتي ..
الا بجيه لين بطلتها الجميلة ..
لابسه بلوزة طويلة شوي بلون الرمادي وعليه رسومات باللون التركواز والاسود والابيض، وبنطلون اسود ماسك عليها ..
وشبشب تركواز وحلق وردي ناعم ..
محدده حواجبها وغلوس وردي وببتسامه حلوة: صباح الخير ..
الكل: صباح النور ..
لين جلست: حدي جوعانه ..
ام رعد وام فواز: عوافي ..
فواز مسك جواله والتهاء به وبعد دقيقتين : يلا استأذنكم ، سفره دايمه ..
وقام على طول ، ريفان لاحظت الي بينهم وتبسمت ..
لين كلت شوي وقامت توجهت للمكتبة ودقت الباب ..
فواز يعدل نظارته: تفضل ..
لين فتحت الباب ودخلت بهدوء وسكرت الباب وبصوت قريب للهمس: اتمنى مكون ازعجتك ..
فواز بدون ميناظرها: فعلا انا مشغول اجلي الكلام لبعدين ..
لين: لمتى بالضبط ؟
فواز:.......
لين كملت: تتجاهلني على الدوام وانك مشغول او مو فاضي ، لمتى بالضبط ؟ فواز لو انتماتحب جلستي ببيتك بطلع ..
فواز: وش دخل ؟
لين: افعالك هي الي دخل !
فواز ناظرها: انتي شايفه ان الوضع مناسب للكلام ؟
لين: لاتحسسني ان ماعندي ذوق او ما اعرف اختار الوقت المناسب ، لان كل الاوقاتماتناسبك ..
فواز يحك جبينه: لين اسمعي ..
لين قاطعته: انت الي هالمرة اسمع لي .. منت بمجبور تتعايش مع وحدة ماتحبها وولاحتى متقبلها يا ابو عمر ،
وتغيرك ذه جاء من لما تزوجت ام عيالك ، وامكن حنيت لها..
فواز انصدم من كلامها واستنتاجها ..

لين: انتو كذا يالرجال تجيكم وحدة ترفعكم وتقدركم تدوسونها ، وتجيكم وحدة تسفلفيكم وتدوسكم ترفعونها لفوق وولا احد قدها ..
فواز وقف وبحده: الزمي حدودك ..

لين رفعت كف يدها بمعنى بس: ارجوك يا فواز ، ذي الحقيقة انت تقبلتني لاني عكسها بسماتعودت الا على الصراخ والحنه والزمره ..
فواز اقترب منها وبعصبيه: لين خلص سكتي قبل ...

لين قاطعته: قبل وش يا فواز ؟

فواز مسك زندها وشد عليها: بكره زواج بنتي ريفان ، ومودي مو مود خناق وتصفيهحسابات ..
لين بعدت يدها منه بقوة وبنفاذ صبر: سو الي يعجبك والي يريحك انت مع مودك ..

وطلعت من المكتبة ..
توجهت لجناحها وتوضت وصلت الضحى ..
فتحت كتاب ربها وصارت تقرا لما انشرح صدرها ختمت صورة البقرة وقامت من سجادتها ..

وعد كانت جالسة بالحديقة لحد هالوقت ..
وفكرها يرجع لأول ما تكلمت مع الي حبته حسام ، وسرحت ببالها وهي مغمضه العينين ..

# الرجل إن أحب امراه حبا طاهرا أراد ان يتزوجها بلاعذار لصنع الف قصة ليجتمع بالمراه التي احبها ، سيصدق ان تزوج بها ..

تبسمت رغم ماعاشته من قصة حب وهميه مع هذا الاحمق ..
استشعرت بيدها الناعميتن على كتفها فزادت تبسم وهي تراها حامله الكوبين ..
لين ببتسامه: هوت شوكلت بسكر متوسط ..
وعد ببتسامه: جاء بوقته ..
لين جلست جنبها وهي لابسه نظارتها الشمسية: لمحتك بعيد ، شفتك تتبسمي ..
وعد مسكت الكوب وهي تناظر به: لين شكرك لانك بحياتي ..
لين:.....
وعد كملت: لو الله ثم انتي مكنت حا خطي هالخطوة واعزم على النسيان ، ولاني عشقتهماهقيت اني بنساه بيوم ، وكنت ابكي على كل لحظة ..
والان انا اضحك من الذكرى ..
لين رفعت نظارتها عن عينها وحطتها بشعرها والتفت لها: وعد حبيبتي ، لما تنزل المصيبة
ويحل البلاء نظر للبعيد ونضخم الامور رغم انها بإمكان تكون يسيرة ، وبعدفترة نحس انها بسيطة
وامكن سخيفة ! لذلك الافضل انك دايم في جميع الازمات والمصائباجلسي استغفري لما ينشرح صدرك ..
وعد احتضنت لين: انتي نعمة ..

لين تغير الموضوع: والدراسة بالابواب ، ايش هي طموحك ؟

وعد برمت شفتها: لو سالتيني قبل كم شهر وش طموحي كنت قلت لك ماعندي طموح بس هالمرةطموحي اصير معلمة ..
لين بفرحه: ماشاء الله ، خلصي الثانوية والجامعة وكملي وربي بيوفقك ..

بالمكتبة ..
ام رعد: ياخوي هي ماغلطت بكلامها !
فواز فتح عينه ع الاخر: تشوفين انها ماتستأذن وولا تشاورني ..
ام رعد: تدري انها امراه عاملة من اول ، مدري ليه احس انك تصنع زعل بينكم !
فواز: .......
ام رعد ناظرته بحنان: ياعضيدي حط ببالك ان لين الف رجال يتمناها ، لين غيرتك وغيرتوعد وبيسان
، وعد الي يكلمها يقول انها بمنتصف العشرين وهي لا ، بيسان قربها منربها زاد وهالشي حلو ، لين لا ضرتك ولا ضرت اميمتك ..
صدقت في قولها لما قالت انتو الرجال ماينعرف لكم الي تعزكم وتحتركم
تذلوها واليتذوقكم الويل احترمتوها ، ليه كذا انتو ؟

فواز ناظرها بستغراب: احنا ؟

ام رعد: لا تظن اني متعقده من ابو عيالي ، بس هذا الواقع والي اعرفه واسمع به ،انت الرجل الوحيد المثالي وعندي ياخوي بكل شي ، ارجوك لاتكسر هالشي فديتك ،ولاتضيع لين من بين يدك ، ترا الحرمه ان اجفاء زوجها فترة طويلة
بتتعود على غيبةولا تخليت عنه بتقول تعودت والحمدلله ..
انتبه توصل لهالمرحلة انت مع لين ،
" عشان تقهره" يارب يعوضها بزوج واحدمو ابو عيال الا عزابي ماسبق وتزوج ..

فواز بضحكه: تحبينها اكثر مني ؟
ام رعد: طبعا احبكم اثنينكم ، بس الحق لابد انه ينقال..

اقتربت منه وحطت مكعبات سكر في كوبه وبهمس: المراه كالقهوة ياخوي ، صونها وبتصونك وانت صبرت
على منال سنين طويلة وقدرت نوعا ما تتجاهل تصرفاتها الدنيئه معك ،مثلما لين اي شي مايعجبك بيها تجاهل هالشي ، بالاخير مافي شي كامل ..
وابتسمت له وطلعت من المكتبة ، وتركت فواز يفكر بكلامها ..

وعد بضحكه: من جد ؟
لين: اي والله ..
وعد بحماس: طب ايش رايك نسهر اليوم سوا انا وانتي على فيلم كوميدي مرة ، بدلماتسهري مع هدى قبل اسهري معي ..
التفتو لصوته: وانا معكم ..
وعد ببتسامه ناظرت لين وابوها وقامت: بروح اجهز لليل اجل ، اخليكم احين ..
فواز جلس جنبها: الجو حار اللهم قنا عذابك يوم تبعث عبادك ..
لين:......
فواز مد يده لورى الكرسي واقترب منها: بعدك زعلانه؟
لين تنهدت: انت وش رايك ؟
فواز اقترب منها زود وبهمس: لين بكره زواج ريفان وبكل لحظات حياتي اريدك تكونينمعي واحنا مبسوطين وتظل هالشي ذكرى بينا ..
لين التفت له: يا فواز ...
فواز حط يده على شفتها وباندفاع: اوص مابعد اخلص كلامي ، لين انا زودتها معك بسكانت نفسيتي تعبانه ضغوط عمل ..
لين: ويا ترى لو يصبني من الضغوط واتعامل معك بنفس اسلوبك ، بتتقبل ؟
فواز نزل عينه وتاره ناظرها وبمصداقيه: انا اسف زودتها والله ، تسامحيني ؟
لين التفت له التفات كلي وحطت عينها بعينه ومعالم وجها تكمن فقط الجديه: هالتصرفكثير ألمني فواز ، ومظن اني بسامحك ، جد انت وجعتني ..
وحطت الكوب بالطاولة وقامت ..
فواز يناظر فيها من بعيد لما اختفت من عينه ، تافف من تصرفاته وبقهر: انا غبي ،اوف ..

في وقت الغدا كان يناظر فيها ، رغم انها انتبهت بس ماعبرته وصارت تاكل بلا مبالاه..
لين(لزوم تعرف يا فواز ان حركتك معي مالها لزمه)

حاولت تهمشه اليوم كامل ، والبنات جالسين مع ريفان يتكلمون واعتبارا بكره بتتزوجوتبيت عند زوجها ..
دخلت معي وعد الجناح ، لبست قميص نوم قطعتين من ساتان بلون البيج ، با اكمام طويلة..
وتعطرت بعطر هادئ ..
وجلست معي واحنا نشوف فلم كوميدي وناكل فشار الا بدخله فواز وجلس جنبي ..
وعد جات وبيدها مشروبات وجلست بمنتصفنا ..
اخفيت بسمتي وانتصاري ، وهو عبس الوجه وحاولت اندمج بالفيلم رغم ان فواز كل شويمطلع سالفة عشان يثير انتباهي ..
فواز بحماس: وانتهى الفلم ..
وعد: ههههه حلو الفلم مرة ، يلا انا بروح
فواز يدعي انه يتثاوب: اه ، اجلسي معنا ..
وعد: لا اصلا حتى انا نعست ، تصبحو على خير ..
قامت لين معها وهي تجمع الاغراض وتنظف الطاولة صار يساعدها: روحي نامي انا بنظف ..
لين بدون متعطيه وجه ، راحت لسريرها وتسطحت ..
فواز بضحكه: ماصدقتي خبر هاه ..
مسح الطاولة ، وتسطح بالسرير:ا....
لين وهي مغمضه عينها: تصبح على خير ..
فواز اقترب منها وبهمس: حياتي انا قلت اسف ..
لين ولا حركة:.....
فواز: وبعدين مو حلوة بكره نكون متزاعلين ، خصوصا بمثل هالمناسبة ..
لين:.......
فواز كمل: شكلك ناسيه ان بكره زواج بنتنا ..
لين بطلت عينها بشويش وصار تناظر السقف وبنبره غريبة: انا ماخلفت ، لا ريفان ولاغيرها وهي بتسعد باذن الله ببسمتي او بختفائها ..
فواز بهمس: لين عيالي هم عيالك ، حتى لو مابه فرق بينكم ..
لين ولا كنها تستمع له: تصبح على خير ..
واعطته ظهرها ، فواز حس انه زعلها اقترب منها زود وبهمس وبحنيه: لين جبتي عيال اوما جبتي مكانتك لا يمكن تقل ، انتي عندي غير بنظري ان مافي انثى مثلك ، انا اعشقك..
لين منعت دموعها انها تنزل وهي تسمع اجمل كلام منه بس ظلت نفس صدها واللامبالاه ..
ونامت على صوته وهو يمسح على شعرها بحنان ..

يتبع |

**منوريا** · 03-01-2015, 10:48 PM

رد: رواية بجنون أحبك / الكاتبة ساندرا

مساء الورد ساندرا ..منتظرين بقية الرواية بفارغ الصبر..عودة حميدة

**الكاتبة ساندرا** · 03-01-2015, 10:48 PM

رد: رواية بجنون أحبك / الكاتبة ساندرا

ونامت على صوته وهو يمسح على شعرها بحنان ..

البخور ريحه الدار والورود تزين البيت ..
والشموع بزوايا المكان والانوار الصفراء تعطي دفء وجمال خاص ..
طاولة كبيرة وطويلة يعتليها قماش ذهبي وقطع صغيرة تحت كل صحن باللون الاحمر الداكن..
حلويات وكيك وعصائر ..
والبنات يصورون ..
شيكت على نفسها بالمرايه ، وهي لابسه فستان اسود ناعم جدا ، بربع الكم وماسك علىجسمها من فوق ومن الخصر وسيع مرة ، صندل عالي اخضر فسفوري وحلق فسفوري ناعم ، رفعتجزء من شعرها ونزلت الباقي ..
ومكياج ناعم كثفت الماسكارا السودا وغلوس وردي خفيف ، بلاشر مضي يزيد جمالها ،تسبحت بعطرها الخاص ..
وطلعت من جناحها تستقبل الضيوف ..
جاتها نانسي بهمس: منال يجي ..
لين التزمت الصمت ، وراحت لصالة الكبيرة ..
ام عبدالاله وجارات ام فواز ، ومنال العالم وصديقاتها الشهيرات و فوزية دريعوعواصف..
لين سلمت عليهم جميع دون توسعه احد وهي ترحب بيهم..
فوزية بهمس: اقول يا منال ، ماهقيت لين كذا !
منال تناظرها: كيف يعني ؟
فوزية: الصراحة هي ذوق وجسمها خيال ، تحسينها عارضة ازياء ..
عواطف: تلقين هذا الي مهبل بفوازوه ..
فوزية بتايد: صح عليك عواطف ، ولا منال اجمل بكثير منها ..
وعد الي كانت جنبهم: يا كثر مقارناتكم ، امي غير ولين غير ..
منال: وعد وطير ، جالسة تتسمعين ؟
وعد ببتسامه حلوة: ابد يمه ، بس صوتكم كان مسموع.

ام فواز: من اشوفها يجيني شي ..
ام رعد: مالت عليها ، ماتتغير ابد ، هالنظرات الي كنها بومه ولبسها الي كنها حماروحشي ..
ام فواز :هههههه اي والله انك صادقه (وبصوت مسموع) لين يا يمه ..
لين قامت لها: سمي الغالية ..
ام فواز مسكت يدها: شوي وبتجي ريفان دخليها ع...
منال قامت: وليه لين ؟ انا امها مو لين ، ولا وش رايك يا ام فواز ؟ (وشدت علىالكلمة الاخير)
لين جات بترد الا بنورة تقاطعها: لا مو نفس رايك يا منال خانو ، الام تربية مو بسانجب وخلص ..
ومسؤوليتك كا ام خلص ..
منال تخصرت وبغطرسه: وانتي وش دخلك يا معلقه ؟ اوبس اقصد مطلقه ..
ام رعد انصدمت من كلامها...
منال ببتسامه حقيره: ابو رعد الي شاده همتك به ، من حرمه لحرمه وانتي جالسه عليه ،بس انا ملومه لانك وحدة نكديه ورجاءا لاتدخلين في حواراتي انا مع جده عيالي ..
ام فواز كشرت: ويع ياشينها بلسانك ترا مرة ثقيلة ، واحفادي ماهوب بحاجتك زمان مومن احين ..
منال بنفس ابتسامتها الحقيرة: ومو بعيدة انك انتي الي شيشتي عيالي علي ياعجوز النار، مير ربي انتقم لي منك بنوير ، حالتها كذا افضل عشان تعرف مع من تتكلم ..
نورة الي كلما تنفجع بكلامها ..
لين بهدوء: طيب منال ، ماعندي مشكلة بس قصري صوتك لا تلمين الناس علينا ويختربزواج بنتك ..
منال التفت لها وصارت تناظرها من فوق لتحت بحقاره: طبعا ماعندك مشكلة ، لانهابنتي انا مو بنتك انتي ، وبعدين مو انتي الي تملين علي اوامرك ولاتسوين فيها مرتالاب الحنون تراي اخاف على عيالي اكثر مما خوفتك عليهم ..
لين تحافظ على هدوئها: وانا ما عارضتك ابد ، بس الحب يبان بالافعال ، اثبتي حبكوخلي اليوم يمر بسلام ، ماله داعي للفضايح والتجريحات ..
ام فواز: يا لين انتي تنفخين بجربه مشقوقه ، امثال الست منال ماينفع معهم الاسلوب ثاني ..
منال ناظرتها بكره: انتي شب ولا كلمة ، عجوز النار وعمى يعميك انتي مامتي بعد ؟الي بعمرك خلص ماتو روحي معهم ..
ام فواز ضربت بصدرها: جعل يومك قبل يومي ، صدق ان وجهك ممسوح بمرقه ببيتي وتغلطينعلي ؟
منال بكره: والله وطلع لك صوت ياعجوز النار ، انتي تحتاجين لتذكير ، لابد تعرفينمع من تتكلمين ..
جات لام فواز بتضربها الا بيد لين وشدت على يدها وبحده: ام العيال وسكتنا بس انكتمدين يدك على صاحبة هالبيت اكسر لك يدك ، جيتك باللين قلت بيفيد بس للاسف ماتمشينالا كذا ، والا اطلعي من هالبيت لاجيب الخدم يتصرفون معك ..
منال وهي تحس الم من مسكه لين ومصدومه من كلامها ، وبعدت يدها منها بشراسه واعطتهانظرة: ان مخليتك تندمين على الحركة الي سوتيها مكون منال ..
لين بثقه: الله معك ، روحي والله بيحفظني ويكفني شرك ..
منال ببتسامه ثقه: اقول مدري وش بك زود ، فواز ماعنده نظر ، تراه مغصوب عليك ..
وقبل ماتطلع اكتفت انها تعطي لين نظرة وطلعت مع ربيعاتها والمكان التزم الصمت بعدهالموقف الي صار !
انزفت ريفان واخذها ايمن ..
بعد توصيات فواز لايمن انه يحفظها ويعزها ويكرمها ، كانت لين تحاول تبان انهاطبيعية بس ماقدرت ..
راحو الاهل ، وراحت لجناحها وجلست بكرسي التسريحة وهي سرحانه تناظر نفسها بالمرايه، منتبهت لدخوله ابتسم وباس كتفها من ورى ..
لين انتبهت له وبا ارتباك: ف..واز ..
فواز بهمس: علامها حبيبه فواز سرحانه ؟
لين اخذت مناديل مسح المكياج وبدت تمسج وجها ..
فواز: لين انا اكلمك ..
لين: امر ..
فواز: ما يامر عليك ظالم ، قولي لي وش الي مزعلك ؟
لين ناظرته: فواز اريد اسالك ..
فواز باهتمام: تفضلي حبيبتي ..
لين: انت مغصوب علي ؟ انت تشوفني وحشه؟
فواز عقد حواجبه: لين وش هالكلام ؟ من الي معبي راسك بهالكلام الفاضي ..
لين: منال ..
فواز مسك كتفها وجلسها بطرف السرير وهو جلس ع ركبته وقبالها وبنظرات حادة: لينالجمال بيزول ويبقى بس الاخلاق الرفعية ، انتي جمالك عندي مايتغير حتى وان وصلعمرك للمئه ( باس جبينها ) وهالكلام مريد اسمعه ابد ..
لين ناظرته ببرائه هبلت بفواز: يعني انا عاجبتك ؟
فواز بذوبان: ها ، هذا الي بتجنني ..
لين بضحكه: فواز ..
وقضو اجمل الليالي ^.*

بعيد عن هالاجواء ~
بالبحر كان واقف مذهول وهو يفكر بالي صار بزواج ايمن ..
ياسر يناظر البحر: معقولة لين بهالبيت ، سبحان الله صدق ان الديره صغيرة ! اخ بس لو تسمح لي الظروف بشوفتك ..
رن جواله ، واعطاها مشغول ..
راح لشقه ..
وهو يشوف الغبار بداخل البيت كالعادة وكنه اول مرة يشوفه وبصوت عالي: هيفاء اناجيت ..
هيفاء جالسة على جوالها وحطت ع جنب وبقهر: بدري ، تو الناس يا استاذ ياسر ، عارفكم الساعة احين ؟
ياسر ناظر بهيفاء بغرابه وكنه مصدوم من الي يشوفها وبهمس: هاذي مو لين ، لا مو لين..
هيفاء: وش تتمتم به ؟ اخلص وقول لي وين كنت ؟
ياسر: قلت لك كنت معزوم على زواج صديقي ..
هيفاء: انت وراك سالفة طول بعرض يالحيوان ، بس سكوتك ذه بيفضحك صدقني ..
ياسر اعطاها نظرة وراح للغرفة شلح ثوبه وتسطح بالسرير ، بعد دقايق جات للغرفةواعطته ظهرها ونامت ، سرح لبعيد ..

رجع من البيت متوخر ..
انفتح الباب وشافها قباله بكامل زينها وهي تحضنه وترحب به ، تساله عن كانه تعشىوكيف كان يومه وعساه مبسوطة !
لا يمكن يدخل الغرفة وهي مهوب وراه ، وتساعده بملابسه ..
لين ببتسامه: وحشتني ياسر ..
ياسر اعطاها نظرة وتبسم : انا اكثر حياتي ..
لين حوطته من خصره وبهمس: ليتك معي كذا دايم مو بس بالغرفة ..
ياسر: لين انا محب افاجئك ، بس لزوم ابلغك صديقي عازم نفسه على الغداء بكره ..
لين: بس ياسر انا معزومه بكره عند صديقتي وانت عارف بهالشي ، لو ممكن اجل هالعزيمةليوم ثاني ..
ياسر عقد حواجبه: يعني تبغيني اقول له المدام تقول لك اجلها ؟ انتي اكيد استخفيتي، وبعدين عزيمة صاحبتك بالليل مو على الغداء ..
لين: عارفه حبيبي ، بس انا اتعب من العزايم قبل يومين عزمت عمك ، وانا تعبت واريداروح لها مريحه وقفه المطبخ تتعبني والله ..
ياسر اعطاها نظرة: انا اعطيتك علم وانتي بكيفك ، واريد مو طبق واحد اريد اطباق عدة..
لين بوجه حزين: ياسر رجاء قدر ظروفي ، وانا ماقلت لك الغيها قلت اجلها ليوم واحدبس ، انت تدري بعد كل عزيمة اتعب بيها تعب مو طبيعي ، انا ابي اعرف متزوجتك ولامتزوجه ربعك ؟
ياسر بحده: ايش ؟
لين قامت تجهز المجلس بالليل على اساس الصبح تجلس تطبخ بس ، وهي تبكي ..

غمض عينه بقوة وكنه يدور موقف يتذكر انه اسعدها بيوم من الايام ، ضم وسادته بقوةوغمض عينه امكن يعينها با احلامه !

بعد صلاة الفجر ..
ايمن يناظر ريفان ، وهو يشوف جمالها بهاليوم زايد ..
ريفان نزلت عينها بخجل ..
ايمن مسك يدها: واخيرا صرنا لبعض ، الله يسامح اخوك وابوك الي ماخلوني اخذ راحتيمعك ..
ريفان بنفس خجلها: طيب ، وهذا احنا لحالنا ..
ايمن: واجمل اللحظات ..
و...............^.* ………………………
………………………………

على الساعة 8:00
قامت اخذت دوش سريع ولافه المنشفه على جسدها وهي تنشف شعرها ، استشورت قدام فقطوورى جل ، رفعت شعرها كله ورخت الي قدام ..
ببجاج من زهور الريف للعروس بجسدها ،
وزعت البودرة المعطره بنحرها ورقبتها ، وزعت كريم الاساس بوجها وحطت مكياج صباحيناعم وردي وجوات عينها كحل كريمي وكثفت الماسكارا البلاك ، لبست بلوزة بيضاء رسميهبنصف الكم وتنورة خفيفة ورديه وضعتها بمنتصف بطنها وصندل عالي ابيض ، اساور عريضةورديه ..
وحطت الغلوس الوردي اللامع ..
تسبحت بالعطر ، ورتبت السرير وعطرته وطلعت ..
توجهت لصالة وشاف فواز واميمته ونورة يسولفون بجمعه حلوة ..
لين ببتسامه: صباح الخير ..
الكل عدا فواز: صباح الخير ..
فواز ببتسامه: يا صباح الجمال والزين ..
لين اخفت ابتسامتها: هلا بيكم ..
جلست جنب نورة ..
لين بهمس: قلتي شي لفواز عن امس ؟
ام رعد: لا لا انا خفت انك انتي الي تقولين له ..
لين تنهدت براحة: الحمدلله ، ماقلت له لان مثل هالمواضيع ماتنقال فديتك ..
ام رعد: زين (تغمز لها) اشوفه راضي عليك فواز ، امس واليوم ؟
لين ببتسامه: الحمدلله يا نورة ، فاجئني بكلامه اصلا قبل يومين مدري من الي مكلمه؟
ام رعد ابتسمت لانها هي الي كلمته: اقول عطيه وجه هو ينتظر منك نظرة ..
لين اخفت ابتسامته: احسن ..
ام رعد: هههههههههه يا مشعلل انتا ، حاتشعلليه ههههه ..
لين بضحكه: صوتك يابنت ..
فواز قام وسحبها من يدها للحديقة ، وهي تحاول تسحب يدها منه ..
لين: فواز اترك يدي اه ..
فواز هد يدها :لين ..
لين وهي تتحسس يدها: وجعتني ..
فواز وهو يناظر فيها بضياع: لين ..
لين ناظرته بقهر: ايش تريد ؟
فواز بهمس: ايش رايك نفطر برا ؟
لين: احين ساحبني طول هالطريق عشان نفطر برا؟
فواز حط يده ع فمها بسرعة وبهمس: اوص لحد يسمعك ، البسي عباتك وانا بصعد السيارة..
لين بغرابه من تصرفاته: تطلع ببجامة ؟
فواز ضرب راسه بخفه: منتبهت يلا بسرعة ..
لين راحت مع فواز بخفيه وهي تحاول تكتم ضحكتها ..
صعدو السيارة ..
لين فرطت من الضحك ، وفواز حرك السيارة ..
وسرعان ماوصلو لمطعم يقدمون الافطار قرب البحر ..
لين: ههههههههه ..
فواز ناظرها: علامك طول الطريق تضحكين وللحين؟
لين بضحكه: مسوي فيها اكشن ، يقولون تصرفاتك واحد مراهق ..
فواز بحب: حبي لك هو السبب ..
لين: .....
فواز ببتسامه: اطلبي الي خاطرك به حبيبتي ..
لين طلبت كوفي ودونات بالسكر ..
فواز طلب عصير كوكتيل ، وكورسان بالجبن ..
والحوار بينهم كان عن ريفان والعزيمة الي تجرى بالليل ..
فواز: انتي لاتلمسين اي شي ، كله بيكون جاهز الحلا والكيك وكل شي ..
لين: بس....
فواز قاطعها: وبعدين ؟ انتي اميرتي لا تتعبي نفسك دايم ، مو كل من جات عزيمة هبيتيبيها ؟
لين لمعت عينها ..

فواز انتبه لها: علامك لين ، انا زعلتك ؟

لين: لا بس تذكرت شي من الماضي ..

فواز عرف انها تقصد طليقها وحب يغير الموضوع: لين انا امس بمجلس الرجال جاء واحداعتبار انه صديق ايمن ،
وهالرجال شفته بيوم العيد لما جيت بركب السيارة ، وشفتهمار عندكم ..

لين : ووين الغريب في الموضوع ؟

يتبع |

**الكاتبة ساندرا** · 03-01-2015, 10:52 PM

رد: رواية بجنون أحبك / الكاتبة ساندرا

لين : ووين الغريب في الموضوع ؟
فواز: هالرجال ماعرفته ، قلت وكاد تعرفينه ، او من اهلكم ! هو عنده علامه بجبينهخط اسود كذا ..
لين انصدمت وبا ارتباك: علامة ؟
فواز وهو يتذكر: اي علامة اظن انه وحمه او مسوي حادث قبل وصارت هالعلامة ..
لين بلعت ريفها: ماعرفت اسمه ؟
فواز : لا ما سالت بس يناظرني بنظرات غريبة وكل شوي يتهامس مع ايمن ، كنهم مخططينعلي هههههههه ..
لين بخوف: كيف يعني مخططين عليك ؟
فواز: علامك حبيبتي ترا كنت امزح ، بس امكن يعرفه بي او شي من هالقبيل ..
لين (وش تريد ياسر ؟ ووش عرفك با ايمن ؟) ..

دقت الباب وشافتها متكوره بالسرير وجنبها ولدها خالد ، تنهدت بتعب جلست جنبسريرها: يا بنتي لمتى بتظلي كذا ؟
ميثاء تمسح دموعها: .......
ام ميثاء بحزن: بنتك ماتت والله يرحمها ، لاتسوين في نفسك كذا ..
ميثاء بنفس وضعيتها: يمه تمنيت اني كنت ام صالحة لها ، لو اني كنت عدله معها مكنتتعبت كثير زي احين كنت رضيت وترحمت عليها ، بس انا ماكنت اجلس معها وولا اعرف شيعنها ، بس المولات وصبغات الشعر والمكياج الهوني عن عيالي ، مات واحد وبقى واحد ..
ام ميثاء: يا يمه كلامك ذا مراح يغير شي ، قومي اكلي لك كم لقمه ، يلا يابنتي ولدكخالد تلقينه جيعان قومي الله يرضى عليك ..
ميثاء قامت من السرير: ان شاء الله ..

لاول مرة تنوي شي عشان بس ولدها ! مالها نيه بالاكل بس عشان تطعمه وتجلس جنبه ..

نزلت من جناحها وهي بقمة اناقتها ..
عشان تغدا مع خالها عيسى ومرته ، استقبلوها بالابتسامه ..
وايمن جنبها ..
اتصل بها فواز ولين واخوانها يتطمنون عليها ..
ام ايمن: وش دعوة بناكلك احنا ؟
ريفان بخجل: معلش مرت خالي اسرتي حابه تطمن علي ، تسلم عليك جدتي ..
ام ايمن من طرف خشمها: عشتو ..
ريفان:......
ام ايمن تشوف فستان ريفان وكنه مو عاجبها ، ونظراتها الحادة خلت ريفان تنتبه لهاوتضايقت ..

الكل متحمس لشوفتها وبنتظارها ..
دخل ايمن المجلس يسلم على ابو عمر وعياله ..
بينما ريفان دخلت علينا بالصالة وسط التراحيب والورود والعطور والبخور ..
وجاو عمات فواز وبناتها يباركون ..
اعطوا الجميع هدايا ..
كنت متمنيه ميثاء معنا بهالاجواء الفرحة ، بس بعد موت بنتها تغيرت كثير ..

تجمعو البنات حول ريفان عشان تتكلم عن ليلة دخلتها دون تطرق اي شي خاص ، وريفانكانت تبالغ وهي تصف شعورها وتكذب لان كل الي قالته ماحصل ! سوا القليل منه ..
ريفان بخجل:قال انه يحبني حول خمسين مرة ..
جود بحماس: ياعيني على الحب بس ، اجل وين شهر العسل ؟
ريفان تغير وجها وقاطعتها بيسان ..
بيسان:اجل الفستان من ساعدك ..
ريفان: هو ماقصر ..

بجهة ثانية ، كانت لين مع جلستها الاسرية الي كلما يقل النسوان به وظل بس الاهل ..

فواز الي كان متحمل ايمن وابوه وهو يسمع لاكاذيبهم والصواريخ الي يقولونها والوعدالي بيسونها لبنته ريفان ماتخطر على البال ..
وانفرد بجاره وهو يتكلم عن عياله ، انتظر روحه الضيوف ..
ودخل لغرف عياله ووراه لين الي شافت وضعه مايطمن ..
فتح الباب وهو يناظرهم بنظرات حاده: دقيقة من وقتكم رائد ويزيد وعمر عدلو جلستهم ،وحطو جوالاتهم على جنب ..
فواز جلس قبالهم: انا يا عيال مهوب مقصر معكم بشي، بجميع الامور ، بصغركم ماكنتاطلع مثل الرجال الي بعمري كنت مراهق بس كنت اظل عندكم ، انا الي كنت احفظكم وانالي اسبحكم وانا الي لوسختم انظفكم بيدي ، توائم تجون ماتجون فردي واتعب ما انام ،بدل الخدامة الوحدة ثنتين ومقصر على نفسي كثير ، علمتكم وش هو الصح ووش هو الغلطليه كذا تعقوني ؟
رائد ويزيد الي فهمو قصد ابوهم ، بس عمر مافهمت وباندفاع:وش تقصد يا يبه ؟
فواز: هالكلام منت شاملة يا عمر ، الي شايله الي جنبك ، قبل كم شهور اتهمت لينوزعلت خفت هالشي ياثر فيكم وكنتم انتم اولى منها ..
الكل:........
فواز كمل بحزن: ماتزوجت بدري عشان بس ما اذوقكم مرت الاب ، لاني اسمع كثير عنهاقلت عيالي وعيالي ، وعيالي كسروا ظهري ! انا عديتكم رجال وقلت ما ادخل بحياة احدفيكم ، ولكن هالمرة انتو خلص طحتو من عيني واذتوني اذيه ..
يزيد: يا يبه احنا صح نفحط وولا نقدر ننكر اكثر ، احنا نفحط بمكان بعيد حيل ونتوكدان مابه ناس تمشي ..
فواز بستخفاف:ضامن ان الي يتفرجون ماتاخذهم السيارة؟
يزيد سكت ..
فواز اعطاهم نظرة هزتهم:الله يصلحكم ويهديكم ..
ولحقته لين ..
دخل المكتبة وسكرت الباب ..
لين بهدوء: فواز حبيبي ..
فواز بضيقه وهو يفتح ازرار ثوبه: لين ارجوك خليني بحالي ..
لين قبلت بايجاب وطلعت من المكتبة ..
الا بوجها يزيد ورائد يناظرونها بكره ..
رائد: انتي انسانه ماشفت منها ابد ، انتي وش مخلوقه منه ؟
لين باندفاع: رائد تكلم معي عدل ، انا سالفة التفحيط ماتكلم عنها لابوكم ابد ،وابوك له معارف وكاد بلغوه..
رائد بكره:انتي ياوجه الفقر ، ادواك عندي وقريب هالشي ..
يزيد بتهديد: تشوهين صورتنا بعين ابوي ، احنا بنسوي مثلك ، اصبري بس شوي ..
لين: حسبي الله ونعم الوكيل ..
وراحت من عنده ، وتوجهت للغرفة وتسطحت بالسرير ورفعت نظرها لفوق وهي تستغفر وبعدخمس دقايق قامت واخذت دوش لنصف جسمها ولبست قميصها الابيض الطويل ولبست عليه سترتهليستر ماظهر من جسدها وتسبحت بالعطر ولبست صندلها الفضي ..
توجهت للمكتبة وطرقت الباب مرتين ، وخذت نفس عميق وفتحت الباب بشويش وناظرته بنفسوضعيته وشعره الاسود منكوش وازرار ثوبه مفتوحه اقتربت منه ووقفت قباله وتفصلهمطاولة المكتب ..
لين بهمس: ناقصك شي حبيبي ..؟
فواز بنفس وضعيته:....
لين قربت منه وباست جبينه وانتبه لها وبهمس: عاقد الحاجبين يابو عمر ، يحق لي انياسالك ؟ وش الي مضايقك ؟
فواز انتبه لها: يعني مش عارفه ؟
لين نزلت لمستواه وناظرت بعينه: بزعلك هذا ممكن تغير واقعك ؟
فواز ناظرها:....
لين ببتسامه وهي تمسح على شعره: فواز حبيبي احنا مانملك الا الدعاء لهم والي ربيكاتبه بيصير ..
فواز:....
لين مسكت يده وقام معها وتوجهت لحديقة البيت ..
ولفح هواء عليهم وبهمس: انت تحتاج لهواء نقي غيرك من اجوائك ..
وفردت يدها الاثنين ورفعت وجها لفوق السماء وخذت نفس عميق وزفير ..
فواز يناظرها بتعجب ، لين بهمس:طبق معي ، بتشعر براحة ..
وفرد يده فواز وصار وجنبها وغمض عينه ..
لين بهمس: تذكر انها دنيا يابهجة سنيني ..
فواز بصوتها الناعم والاجواء الباردة والهواء الي جعله يشم ريحه عطرها بطل عينهبشويش وناظرها ، والهواء الطلق يداعب اطراف شعرها وجاء وراها ورفع يده ليدها ،وشعرها ع وجهه ..
لين تبسمت:يعني احنا ابطال تايتنك ، نفس الحركة ..
فواز بهمس:انتي بطلتي لين ..
لين بنفس همسه: انت سعيد معي فواز ؟
فواز: انتي وش تشوفين ..؟
لين ببتسامه: طيب ..
فواز تغير معالم وجهه وضمها وبحزن:تعرفين لين كان نفسي رائد ويزيد يصيرون مثل عمر، بس محد مثل عمر من عيالي كلهم لا بنات ولا اولاد ..
لين:......
فواز كمل: ريفان بس شافت الرجل وتصرفاتها واسلوبها معي مايدل كني ابوها ، احترامهاراح اربيها من 20 سنه على القيم والاخلاق ، ويجي واحد ثور ياخذ عقلها وتصير ثورهمثله ..
لين كتمت ضحكتها وهزت كتفها من الضحك فواز حس فيها ومال راسه عليها:علامك تضحكين ؟
لين مقدرت تمسك نفسها وفرطت ضحك: هههههههه حبيت التعبير ..
فواز بضحكه: والله جد ، وبعدين انتي تضحكين وانا اشكي همومي ..
لين بعدت عنه واخفت ابتسامتها وهي ترجع لورى وهو يقدم لها وهي ترجع خطوات ..
ولفت جسمها وصارت تركض وهي ترفع قميصها لانه طويل ..
ودخلو للبيت وهو وراها ولما شافها جات لصالة سحبها لعنده وحط يده بفمها ، استغربتمن حركته وبصوت مسموع:احم احم ..
ام فواز التفت له وببتسامه لما شافته وجنبه لين:هلا يمه تعالو ..
لين وعلامة التعجب بوجها ..
فواز ببتسامه:ممكن نجلس معك شوي ؟
ام فواز قصرت على التلفزيون وبترحيب:اي طبعا تعالو..
فواز بحماس: بجيب ألي تحبينه ..
وراح ، لين جلست جنبها وثواني جاء فواز وبيده كيسه كبيرة ..
ام فواز بفرحه : ماشاء الله ، كل ذه ؟
فواز ببتسامه عريضه صار يعرض لها الي جابه من حلويات ومكسرات وعصاير ..
فواز ناظرني: مانسيتك حبيبتي ، جبت لك حلاوات مطاطه بجميع النكهات ..
لين اكتفت انها تبتسم ..
وصارو ياكلون وفواز يقط نكت وامه تضحك ومبسوطة معه ..
ام فواز: بس يايمه ما اريد ، اخاف ابول ..
فواز مد لها كوب العصير : ذه جديد يا يمه ماقد جربتيه..
وشربت ام فواز عدة اكواب ..
فواز بضحكه: وقال له مالت عليك ..
ام فواز تغيرت معالم وجها:......
فواز انتبه لامه ولين بالمثل ..
ابتسم وشالها وحط راسها بحضنه وبحب: الحلوة تريد تاخذ دوش ، انا الي بحممها ..
وشبر اكمامه وأخذ دوش لامهو دهن البودرة بنحرها والعود تحت اذنها واختار لها قميصخفيف لها وعطرها وباس جبينها: تريدين تنامين ولا ؟
ام فواز اكتفت بالصمت ..
لين راحت تنظف الكنب الي بالت به ام فواز ومنعها فواز: ياعين ابوي انا الي اخدمهامو انتي ، روحي لها فديتك ع بال ما اخلص ..
لين بغرابه راحت على طول لعندها وجلست بطرف السرير ..
ام فواز بخجل: السموحة يابنتي ، انا مدري وش اقول ، بس كبيرة بالعمر ولا اتحملاشرب واجد لاني ما ألحق على الحمام ..
لين باست يدها الي ريحتها كانت عود ومسك وببتسامه: ماصار شي ، بس...
ام فواز: بس وش ؟
لين: انا ماكنت اشوف هالجانب بفواز صح هو يقول لي ، بس ماتوقعت هو كذا معك يعني....(وسكتت)
ام فواز ابتسمت: انا فاهمتك يا يمه ، بتقولين ماقد شفتي احد يبر امه مثل فواز !
انا قالو ان عندي ضعف ومرات عقم وكل مرة راي ، وكنت ادعي ان ربي يرزقني بالذريةالصالحة
وتمنيت يكون ولد وطال صبري يا لين لما يأست ! وقلت مراح احمل وطلبت م
ن ابوفواز ان يتزوج علي وهو رفض قال اريد العيال منك انتي ،
وصبرنا سنين كنت انقهر لماشوف اخوات ابو فواز يجبون عيال وانا لا !
كنت اشعر بالنقص ، وامه كانت تشور عليهانه يتزوج وحدة ثانية وهو كان يرفض وولا كان يحسسني انه يريد عيال او شي ..
لما بعد هالصبر رزقني بولد واحد ، وهالولد كان خير من عشر عيال ، و
الكل يحسدني بهويتمنون مثل فواز يقولون يا ام فواز وش كنتي تقولين ؟ اقول بالصبر والدعاء ربيبيحقق لنا امور وبتصير احلا ماكنا نحلم به..
لين تاثرت بكلام ام فواز حاولت تبلع دموعها وتمنعها انها تنزل بس عجزت ، ونزلت علىالخدين ..
فتحت ذراعها ام فواز للين ، وارتمت با احضانها وهي تبكي بصمت ..

# قصة ام فواز وولدها فواز ، قصة جميلة تحمل بطياتها عجائب الدعاء والصبر وعدماليأس من رحمة الله عز وجل ..
دخل فواز على أمه بهدوء لكي لايخيفاها ويزيد سرعة نبضات قلبها , فبدأ بالتحنحن ..

بيوم التالي ، عند الساعة 1:21 ظهرا ..

في احدى المطاعم ..

ريفان: يعني كيف غدت علاقتكم ؟

يتبع |

**الكاتبة ساندرا** · 03-01-2015, 10:54 PM

رد: رواية بجنون أحبك / الكاتبة ساندرا

بيوم التالي ، عندالساعة 1:21 ظهرا ..
في احدى المطاعم ..

ريفان: يعني كيف غدت علاقتكم ؟
ايمن ببتسامه: احلى مايكون ، انا ماتوقعت ياسر كذا الصراحة ، طلع على نياته وخجولمرة !
ريفان: شي طيب ، وياليت تعجل فديتك لان ابوي كلما يفتتن للين ويزيد حبه لها يومورى يوم ..
ايمن بخبث: طلاق لين تراه قريب ، وسالفة يزيد ورائد ذي تكون بصالحنا لانهمبيتعاونون معنا دون مانبلغهم باي شي !
ريفان نزلت الشوكه وناظرت به: كيف ؟
ايمن: مو هم يكرهون لين ، ببساطة لو يجي كلام تجاها حتى وان كان مو صدق بيقولونصدق وامكن يشهدون بهالشي ..
ريفان ببتسامه عريضة: اي والله انك صادق ، ومتى تريد الحادثة ..
ايمن: لاتتعجلين بيجي بوقته المناسب ، بس بالاول بقول لك ايش بتسوين ...........

فواز ببتسامه: حلو ، خلص بنجهز روحتنا للبر ..
ريفان بفرحه ضمت ابوها: الله لايحرمني منك يبه ..
فواز باس راس بنته ..
ريفان بخبث: بس يبه شاور امي اول ، لو تريد يوم ثاني ماعندي مشكلة ..
لين باندفاع: لا حبيبتي انا ماوراي شي ، وحبيت اقتراحك ..
ريفان قامت وباست راسها وببتسامه: الله لايحرمني منك يا اغلا البشر ..

وريفان كرست يومها مع لين وابوها فواز وهي تعاملها باحترام وحب وقدام ابيها لاجليدرك ان بنته تغيرت وبدت تحب لين !!

انتهى البارت

**الكاتبة ساندرا** · 03-01-2015, 10:57 PM

رد: رواية بجنون أحبك / الكاتبة ساندرا

# عن أي حادثه يتحدثون عنها أيمن وريفان , وهل ستنجح ..؟

# هاني وميثاء بعد فقدانهم لأبنتهما , ووفاتها بتلك الحادثة الشنيعه , ماذا سيحدث لهما وهل بيكون طلاق فعلي ..؟

# رائد ويزيد , هل سيتفقان مع أيمن ..؟

أحداث جديدة وغريبة تنتظرنا بالبارت القادم , فكونوا بالانتظار ..
موعد البارت سا أخبركم به بإذن الله ..

أسعدكم الرحمن |

**منوريا** · 03-01-2015, 11:20 PM

رد: رواية بجنون أحبك / الكاتبة ساندرا

رووعه ...منتظرة تتمت البارت

رواية بجنون أحبك / الكاتبة ساندرا (كامله )

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget