تويت
رد: رواية بجنون أحبك / الكاتبة ساندرا
بليز كملي
بليز كملي
-
-
رد: رواية بجنون أحبك / الكاتبة ساندرا
وينتسس ؟!!!!
طولتي ي خيهه:(تعليق
-
رد: رواية بجنون أحبك / الكاتبة ساندرا
ع فكره انتي كاتبة كتير مبدعة و بشكرك كتير ع الرواية، بس انو مشكلة انو طووووولتي كتيييييير ولازم ب ه المدة الطويله اعطيتي ع الاقل سبب او حكيتي انو ما راح تكملي!!!
تحياتي Mona
Sent from my iPhone using منتدى عبيرتعليق
-
رد: رواية بجنون أحبك / الكاتبة ساندرا
السلام عليكم ورحمة الله وبركاته ..
أسعد الله أوقاتكم بالخيرات والمسرات متابعيني الكرام ..
قرأت فقط الردود الأخيرة وسا أتابع ردودكم ولكنني فضلت أولا أن أراسلكم ..
فقد أشتقت لكم , ولكلامكم الطيب ..
أعتذر على هذا التأخير المطول ومما لا شك به أنكم نسيتم معضم الأحداث ولربما القصة با أكملها ولا عجب بذلك ..
سبب تأخيري , هو أن اللاب ديالي أخترب , وكنت أنتظر جمعيتي لأجل أشتري جهازي الجديد ..
ولله الحمد والشكر با أنني لم أطيل لسنة كاملة !
وأشكر من ساعدني ..
غدا أحبتي تكمله الرواية بإذن الواحد الأحد ..
أسعدكم الله |تعليق
-
رواية بجنون أحبك / الكاتبة ساندرا
واي يسلمووو بستناكيتعليق
-
رد: رواية بجنون أحبك / الكاتبة ساندرا
رواية بجنون أحبك / الكاتبة ساندرا
البارت 22
وبعد الافطار الطيب ..
الخدامتين بالمطبخ ينظفون ويغسلون الصحون ..
والبنات بمجلسهم الخاص والرجال بعد ..
وعد بهمس: لاحظتي بيسان ؟ قامت صلت اولنا وخلصت من الصلاةاخرنا !
لين بفرحه: الحمدلله اسال الله العلي العظيم ان يثبتها على طاعته ..
وعد: امين ..
ام فواز: اجل وين الهانم ؟
ميثاء: شفتها طالعه وهي حاطه الشيله فوق راسها ..
ام فواز كشرت بوجها: راحت لسبال ..
الكل: ههههههههههههههههه ..
ام رعد بضحكه:خليها براحتها ، احلا فترة , فترة الخطوبة ،تنبسط معه ، بعد الزواج بيروح كل ذه ..
ام فواز: اخ بس ..
ام رعد: سيبيهم يعيشون حياتهم ، هم مب زي جيلنا ، بعد عقدالقران سوالف وروحات وهدايا وحالة ..
لين: ههههه انا ماعشت هالشي ..
ام فواز: كفو ، هذا الزين ..(والتفتت لميثاء) وانتي عسىكلمتيه ؟
ميثاء: اي كلمته وتعارفنا ، وسافرنا بعد !
ام فواز بصدمه: يا سلام بس ، عسى جبتي ذه(وهي تاشر علىولدها خالد) ..
ميثاء باندفاع:لا لا لا يا خاله ، ما توصل لهنا ، هو محترموانا محترمة ما تعدينا الحدود ..
ام فواز وكنها تسلك لها: اي هين ، صايرين زي تركيا اعوذبالله ..
ميثاء عطتني نظرة فهمت انها منقهرة وتطلب مني اني اتكلم ..
لين باندفاع: يا خاله ، ترى مهما كان به حدود ، وكذا افضل ،ولاحظي ريفان مع ايمن مو كل شي نسمح لهن به ، لزوم نحط الحد ..
ميثاء: يعني ماتطلع معه ؟
لين:لا طبعا ، لتزوجته براحتهن ..
ريفان كانت دوبها داخله وهي تسمع كلام لين وانقهرت(نيتكوكلما تبان يالحقوده ، حلمي الي حلمته كان صدق ، هي ناويه تخرب بيني وبين ايمن ،وهالشي لايمكن اسمح به ، وتدخلك بالطالعه والنازلة بتندمين عليه هين يالتبن ) ..
وبعد صلاة العشاء ، الحلا والقهوة والمعجنات ..
والكل كان متجمع وياخذ ويعطي عدا ريفان ..
وعلى الساعة 9 رحنا للبيت ..
وبالغرفة البنات ..
منى:وش الي مزعلك ؟
ريفان بقهر: مقهورة يا منو ، احسها تحرض ابوي علي..
منى:........
ريفان كملت: وكنا بيدها كل شي ، وابوي ميت فيها مدري علىايش ..
جود فتحت الباب: معلش بس جدتي تريدك منو ..
قامت منى ، وجات جود ومسكتها ريفان وتتكلم معها ..
منى: هلا جدتي ..
ام فواز بترحيب: هلا بحبيبه قلبي ، انا بروح الحمام اكرمكالله وبرجع لاتروحين انتظريني ..
منى جلست: طيب ..
ام فواز راحت المطبخ واعطت للين الاشارة ودخلت لها ، لينكانت تحاول تبين انها مو متوترة وجلست وصبت قهوة لها : ماشرب ..
لين: وشاي طيب ؟
منى: اي اشرب ..
لين صبت لها ومدته ، وكانت محتاره وش تتكلم ووش تقول ..
منى تصارع نفسها وتبعد كل مشاعرها السالفه عنها: اخبارك مرتخالي؟
لين: الحمدلله ، انتي كيفك ؟
منى: انبسطت اليوم ، مرة حلو الجمعه والاكل طيب تسلمين ..
لين الي حست ان منى تحاول انها ترمي التكلفه بينهم:منىحبيبتي ، انتي زعلانه مني ؟
منى باندفاع وارتباك:اي ، اقصد لا ..
لين تنهدت: وليه زعلانه مني ؟
منى: ما اظن ان خالي يخبي عنك شي اصلا مستغرب لكانت الفكرةهي فكرتك ، انه يكلمني هو ..
لين: منى.......
منى قاطعتها: انا الصراحة اشكرك على كل شي سوتيه ، صح انالي اكنه لخالي شي حرام ، وهو يظل خالي ، بس مع مرور الوقت والاسابيع ادركت ان حبيله كان خطأ وهالشي كان ينبع لان ابوي بعيد عنا زمان ، مالي ذكريات معه اصلا ،تمنيت ان ابوي يكون فواز..
لين:..........
منى تاثرت وهي تحارب دموعها: امي هي كل شي عليها ، وابوي منعرفته وهو كلا مشغول مهوب فاضي لنا (وبكت) احسد بنات خالي عليه ، وعندهم اخوان زيالسكر ، انا حتى اخوي مو فاضي لنا ، ونفس عجينة ابوي ، خالي فواز كان اول رجلاعرفه واعجب به لانه مخصص وقته حتى لعياله رغم منصبه الكبير بس مخصص ، وابوي واخويالي مايوصلون لمنصب او اشغال خالي فواز وماندري عنهم ..
لين ماقدرت امنع انفسي اني احتضنها ، وزادت دموعها وهيتتكلم: اخوي كلا مع رائد ويزيد حسيت ان هم نفس طينته بعد ..
لين با اهتمام: رعد معهم ؟
منى ناظرتها: اي معهم ، واسمع سوالفه ، لان بيتنا صغيرومابه اثاث مرة فالصدا ينقل لي ، ويتكلم عن التفحيط وموعدهم كلا بالليل المتوخر ..
لين بستغراب: بس يامنى ، رائد ويزيد من الساعة 11 يكونوننايمين ؟
منى بغرابه: غريب ، امكن عشان رمضان واجلوها ..
لين(فعلا ليش لا ، ولو قلت لفواز دحينه بيتعب ويقلق عليهموانا ماعندي دليل اصلا ، لذلك براقبهم بعد رمضان واشوف اللازم باذن الله) : ......
منى الي شافت لين وهي سرحانه: بس ليه هالاسأله ؟ يعني خاليفواز مايدري ..
لين باندفاع: اصحي تقولين لاحد هالكلام ، سامعه منى ؟ وامكتدري؟
منى: لا ماحد يدري الا انا ، بس ليه ؟
لين تنهدت: فواز بينشغل باله عليهم ، صعبة اقوله ، بس يروحرمضان بكلمه ..
منى وهي تشوف القلق وخوفها على خالها ابتسمت بلا شعوروبهمس: وجدت جواب لريفان ، وعرفت ايش ألي معلق خالي بك ومجننه ..
لين مسمعتها: ايش قلتي ؟
منى باندفاع: اقول بشرب الشاي قبل لايبرد ..
لين اكتفت بالابتسامه ..
بعد صلاة التراويح ..
قامت اخذت دوش سريع لنصف جسمها ، لبست قميص كريمي خفيف، قصهرائعة تزين الصدر والفصوص اللمعه بمقدمة الصدر ، والقميص لنصف الفخذ ، لبستالخلخال الفضي وصندل عالي انيق مرة لون التيفاني ، وملابسها الداخلية بلونالتيفاني ..
تسبحت بالعطر ، وحطت مكياج جذاب ولبست حلق طويل فضي ..
دخل فواز الغرفة وطاح عينه عليها ، فهى من جمالها وزينهالتفت له وبدلع: نورت حبيبي ..
فواز وهو يتفحصها بنظره: اليوم القمر مكتمل ..
لين اقتربت منه ورفعت يدها لرقبته وبنفس دلعها: فعلالتاريخ 15 ، حبيبي فوفو ليه تاخرت ؟
فواز بلع ريقه:هه ..
لين كتمت ضحكتها: ايش هه ، جاوبني..
فواز يناظر بعيونها الساحرة: مدري ايش السؤال ..
لين : هههههه ، شكلك تعبان مرة فديتك ، عشان كذا مضيع ..
حطت يدها على جبينه ، توتر من لمساتها الدافئة ..
فواز بهمس: اي انا مريض ، عندك دواي ..
لين نزلت يدها من جبينه وعطته ظهرها وبدلع: والسحور يا فواز؟
فواز: لين ..
لين : ياعين ابوي ..
فواز ضمها من ورى ودفن وجهه بشعرها الناعم وبهمس: وحشتيني ..
لين وانفاسه الحاره تحرقها: بس يافواز ..
لفها لعنده و...................................
...........................^.* .....................
بالتلفون ..
بكر بفرحه: ابشرك صحت هدى ..
ام هدى بفرحه: الله يبشرك بالشهادة يا يمه ، وكيف وضعها؟
بكر: الكلام ماينفع لزوم تجين وتشوفينها انتي وامي..
ام هدى بتايد: باذن الله بكلم لين تروح معنا ، يلا فمانالله ..
فواز وصلنا للمشفى ، مشيت بسرعة مع امي عشان اشوف هدى..
والدكتور كان معها وهو يحط الضوء بعينها ويفحصها..
وهو يشرح لها ايش صار لها ..
لين ضمتها وباست راسها: الحمدلله على سلامتك يا اختي..
هدى: الله يسلمك من كل شر ، اي يوم احنا واي شهر..
لين: شهر رمضان ، صحيتي بالعشر الاواخر ولله الحمد..
هدى ناظرت السقف: الحمدلله كثيرا ، الحمدلله ما راحرمضان علي ، اريد اطلع من هنا ..
ام هدى ناظرت الدكتور: عادي ؟
الدكتور ببتسامه: اي طبعا ، وحالة هدى مستقره وكل شيفيها ممتاز ولله المنه والفضل ..
هدى بحماس: يلا ..
ووقع بكر ع الاجراءت ، وصعدت مع بكر بطلب من فواز انياجلس مع هدى واظل عند بيت اهلي كم يوم ..
لين: يا يمه ماقط نشدتني عنه ..
ام هدى بغرابه: معقولة !!
لين: هدوئها يخوفني ..
يتبع |
تعليق
-
رد: رواية بجنون أحبك / الكاتبة ساندرا
لين: يا يمه ماقط نشدتني عنه ..
ام هدى بغرابه: معقولة !!
لين: هدوئها يخوفني ..
ام هدى: ما بها الا العافية ، بس انتي لاتفكرينها به ابدامكن هي فعلا حابه تنسى ..
الا بدخله هدى: اقول يمه ، وين ملابسي؟
ام هدى ناظرت لين وتاره بهدى: بشقتك..
هدى: طيب ، انا بجمع اغراضي كلهم ، تروحين معي؟
لين عرفت انها تقصدها وبتردد: ط...يب..
وكلمت بكر ، ورحت لشقتها الي كانت خالية من الديكور !والي مأثث بيها غرفة النوم والمجلس والمطبخ بس ، اختي هدى متزوجة من سنتين وبتدخلثلاث سنين وولا اثث شقتها لو با اشياء بسيطة ..
محبيت اتكلم معها بهالشي وجمعت كامل اغراضها وولا سابتشي ..
رجعنا البيت واميمتي وام بكر وانا ندخل ملابسها بالدولاب..
ظليت معها بالغرفة وكانت هاديه ..
لين بتردد: هدى ، انتي بخير ؟
هدى ناظرتني: كذا افضل يا لين ، وهالشي المفروض يصيرزمان ..
لين:.........
هدى ابتسمت بخفه: طالمة هو ما درا اني قمت من الغيبوبة ،يدل انه ماكان يزورني وولا اهتم بالاصل ، ولا شك انه مراح يدري بشيل اغراضي..
لين نزلت راسها لتحت وهي تفتكر حياتها مع ياسر ، حياةولا كنها حياة ، ع الاقل ان سعد تغير في الاوان الاخيرة اما انا فا من اول اسبوعينزواج مذوقني الويل ، كنت بتكلم واناقشها ، بس هي بوضعية مايسمح لها اني ارجعازعلها او اخليها تبكي ..
ضميتها وبست جبينها ، ونمت وانا اتفكر بيها..
قفلت المجلس ..
وضمته ، وبشوق: واخيرا ..
ايمن: وش اخيرا ..؟
ريفان بفرحه: الزفته لين ..
ايمن باندفاع: علامها ؟
ريفان: راحت لعند اهلها ..
ايمن بحماس: كيف وشلون ، هي زعلانه على عمي ؟
ريفان: ياليت والله ، بس للاسف هي راحت لعند اسرتها تنامعشان اختها قامت من الغيبوبة ، ياليت افتك منها ابديا ، انت مش مرتاحة لها..
ايمن بتفكير( لو اناقش هالخطة مع ريفان وندرسها صح ،عشان تطلق لين من فواز ،وتنجبر تاخذني بحجه ان ثالث مرة تطلق وبتنكسر وبتاخذ اياحد يدق بابها): اقول حبيبتي ..
ريفان باندفاع: فكر معي بخطة ، اريد ابوي يطلقها..
ايمن تعجب كنها تقرأ افكاره واخفى فرحته وانتصاره:طبعاحبيبتي ، على الاقل تاخذه وحدة من مستواه مو مثل لين ، يكفي حركاتها..
ريفان: اي حركات ؟
ايمن بخبث: يعني لما كنا بالمزرعة ، اشوفها رايحه جايهوفوقها الجلال طبعا واشوف يدها طالعه وكل شوي يطلع شي ، ماعجبتني تصرفاتها ابد..
ريفان بقهر(هالحلم الي حلمته مهوب عبث ، وامكن ايمن لوشافها جد بيتعلق فيها ويخليني مركونه ، صحيح مهيب قمة بالجمال ، بس انيقه وجسمهاروعه ، حسبي الله عليك يا لين) : ايمن هالبنت تخوف ، مالها امان..
ايمن بمصداقيه: اي بالله انك صادقه ، لذلك اشوف ان احنانعجل بالخطة ، وجيبي عنها معلومات دقيقة على اساس نقدر ناثر على عمي..
ريفان بتفكير: ابوي ميت عليها ، لو تسوي شين يقول زينوفوق الزين ..
ايمن ( مالومه ): طيب انتي جيبي معلومات عنها وانا بتصرف..
ريفان ببتسامه: اوك ..
بالمجلس ~
ابو رعد: حي الله هالشوفه ، من زمان عنك ؟
ابو عمر: انا زمان بالرياض مذكر اني هاجرت..!
ابو رعد عرف انه يلمح له: انت تدري عن نظام شغلي ، لزوماسافر ولا تنسى الدورات بالشهور ..
ابو عمر: بس انا وصل لي غير هالكلام..
ابو رعد: مافهمتك ..؟
ابو عمر ببتسامه: خلت انك رايح لشغل ، بس هالدورات انتهتزمان ، وقالوا بينقلونك لرياض وانت رفضت ، وكثير كنت اقول لك واسطتي وواسطتي بسماهقيت ان لك سالفة هناك ..
ابو رعد: تراقبني يا فواز ؟
ابو عمر: استح على وجهك عمرك بالاربعين وتتصرف كنكبالعشرين ، ان عمر ولدي اوعى منك بنظري ، اجلس مع عيالك وشوفهم بدل مانت شايف لكشوفات ، والله العالم كانت حلال او حرام ..
ابو رعد قام: ثمن كلامك يا فواز ولا والله بتشوف شيمايسرك ..
ابو عمر شرب بيالته ونزلها ، وعطاه نظرة اربكته: وانتالزم حدودك مع اختي ، تراها زوجتك مو كل ماتضايقت من النسوان الي عندك جيتها !
وسنين وهي ساكته وماشتكت ، وبالغلط سمعتها تتكلم معاميمتي ، وعرفت كل شي ، والغريب انها تدري وساكته عشان تحافظ على بيتها ، ولاتظنانها يتيمه وقلت تتكبر عليها ، ترى لها ام واخ سمعت يا (وبسخرية) يا رجال..
ابو رعد بحده: رجال وغصبن عنك ، واسمع ترى هذه اختكوخذها تنقلع مع عيالها ، على الاقل توفر علي السكن مع مرتي الجديدة..
ابو عمر قام وبنظرات استخفاف واحتقار له: اي مدا وجهكالي خذتها ، ويلا فمان الله ..
ابو رعد: بالله ألي مايحفظك ..
ونده اخته الي بالصالة عشان تحط شناطها بالسيارة معالبنات ..
واستقبلتهم ام فواز والبنات بحفاوه ، ونانسي رتبت لهمغرفة بالدور العلوي ..
ام فواز ضمت بنتها: نور البيت يابنتي..
ام رعد ببتسامه: بوجودك يالغالية ..
ام فواز : عساك مرتاحه ..
ام رعد تحاول تبعد كل المها وقهرها: اي احسن بكثير ، علىالاقل عندي ناس اقدر اسولف معهم ..
ام فواز: اجل مشوف رعد جاء معاكم ؟
ام رعد: مايريد ، يقول بيجلس مع ابوه..
ام فواز تنهدت: الله يجيب العواقب سليمة..
ام رعد: مشوف لين هنا ؟
ام فواز: اي من اسبوع وهي عند اهلها..
ام رعد بقلق: ايش صاير ؟
ام فواز: تطمني ماصار شي بينهم الحمدلله ، بس هي حبتانها تجلس عند اهلها تدرين اختها من قامت من الغيبوبة تحتاج لعناية واهتمام واجواءفرحه ..
بالتلفون ~
فواز: وحشتيني ..
لين بشوق: حبيبي اريد اشوفك ، اشتقت لك..
فواز بحماس: يعني ينفع اخذك ؟ ترجعي للبيت..
لين: لا فديتك ، بس ارسل لي صورتك ..
فواز بعتب: لين ، ايش بقى على العيد ؟ وانا ماشفتك ،وقضيتي وكل شي مع اسرتك وانا ساكت ..
لين: حبيبي فواز ، انا...
فواز بضيقه: لا تبرري ولا تعتذري ، صار لك من جلستي عنداسرتك فوق الثمان ايام ، باقي يومين على العيد ، كمليها ان حبيتي..
لين باندفاع: فواز ا....
فواز قاطعها: حافظك ربي ..
وسكر السماعة وهو مقهور منها ، وراح للاستراحة..
واستقبله ابو بلال بترحيب والقهوة بيده..
ابو بلال: عاش من شافك يا ابو عمر ..
ابو عمر ببتسامه: ياهلا بو بلال ، وحشتوني..
ابو بلال: لو ادري انك بتغط هالغطه قلت لك لا تتزوج..
ابو عمر: هههههه ، وجيت اليوم وانا متضايق..
ابو بلال: افا يابو عمر ، من مسببها ؟ لاتقول الجديدة؟
ابو عمر: اي بالله الجديدة ..
ابو بلال: لاحول ولا قوة إلا بالله ، غدت مثل الاولى..
ابو عمر باندفاع: لايمكن تغدي مثلها ، وان حاولت ماتقدر، اه بس ..
ابو بلال ببتسامه: ضيقه تقصير ولا جاتك ضيقه شوق؟
ابو عمر بحالميه: اشتقت لها ، واتهمتها بالتقصير ، ميراني مقدر على بعدها عز الله ان كل ليالي تحاكيها وتتخيل طيفها..
ابو بلال ببتسامه: ذه هرج كبير يا ابو عمر ، طحت ومحدنسمى عليك ..
ابو عمر بحب: اي بالله انك صادق ..
بكر: حرقتي الجوال ..
لين وهي تعيد الاتصال به: مايرد يا بكر..
بكر: امكن حاطه صامت ، عن الازعاج ..
لين مدت بوزها: يعني انا ازعاج ..
بكر ببتسامه: اقصده انه قال بحطه صامت عشان محدن يزعجه..
لين بخوف: امكن جرى له شي ، يارب انك تحفظه..
بكر: خايفه عليه ، قومي اوديك لبيتك..
لين: لا ما أقدر ، بروح بكره ..
بكر قام: طيب , ألي تشوفينه , انا اترخص..
لين: موفق ياخوي ..
ورجعت كررت الاتصال ورسلت له مسج ..
رجع للبيت متوخر ، تسحر مع عياله ..
وهو سرحان ، وبعد صلاة الفجر ..
لبس بجامته وفتح الدولاب وظهر قميصها وضمه وهو يستنشقعطرها وبهمس: اه يا لين ..
فتح جواله وشاف 11 مكالمة لين + رسالة..
فتح الرسالة بحماس / هلا حبيبي ، اشغلتني اول ماتشوفاتصالاتي ارجع رن عليا ، طمني عنك ..
ابتسم بلا شعور ، ورجع يقرا الرسالة عدة مرات ، وتنهدبعمق: احبك ، بس منيب راسل شي عشان تحسين فيني وترجعي ..
وترك جواله على جنب ونام وهو ضام قميصها..
ام رعد: بعض الناس تعبانين مرة ..
ام فواز: تتوقعين علامهم ؟
ام رعد: خبري ان ناس مواعيدهم بشي واخلفو..
ام فواز كتمت ضحكتها: يا حرام ، وليه يخلفون ؟
ام رعد: بي ، نسيت بكره العيد ، بكون اول من يعايدكيا يمه ..
فواز يناظرهم بنصف عين: يا زينك وانتي ساكته بس..
ام رعد وام فواز يشفون فواز وهو مقهور :هههههههههههههههههههههههه ..
فواز بقهر : طيب طيب ، الي يجلس معكم غلطان ، انام افضللاتفوتني صلاة العيد ..
وقام وام فواز تناديه وهي تضحك ..
سكر الباب بقوته وهو مقهور : وين وعدك ها ، انا الغلطانالي اصدقك ..
وفتح جواله وارسل ملاحظة صوتيه وارسلها / السلام عليكم ،هلا بالهانم ، عجبتك الجلسه عند اسرتك ، ع العموم اجلسي متى ماتحبين ، فمان الله..
وحذف الجوال بالسرير ..
رمى نفسه بالسرير ، وهو يفكر انه اول عيد له معها ، وهيبعيدة عنه ، سمع رنين جواله وطار له "حب حياتي" تبسم ورفع الاتصال..
لين باندفاع:هلا حبيبي ..
فواز تبسم بحب والتزم الصمت ..
لين : حبيبي بعدك زعنان ، فديت الحلو الصغير ،يازينه(صارت تكلمه كنه رضيع ، مثلما الفتاة عندما ترى صغيرا فتختلق لغة جديدة غيرمفهومه ههههه)
فواز ماقدر يكتم ضحكته وطلع صوت صغير وكتمه: ههههه..
لين بحماس: حبيبي انتا تضحك ، ياجعلها دوم مو يوم ،فديتك تكلم ليه زعلان مني ؟
فواز بجفاء: انتي ادرا ..
لين انبسطت انه رد: حبيبي غصبن عني ، وانا قلت اليوم بجيوافطر معكم بس اختي لزمت اني اجلس معها غصب ..
فواز بقهر: ومن الاهم انا ولا اختك ..؟
لين: اثنينكم ..
فواز بغيره: لا ، يا انا يا هي ..
يتبع |
تعليق
-
رد: رواية بجنون أحبك / الكاتبة ساندرا
فواز بغيره: لا ، يا انا يا هي ..
لين: ........
فواز بغيض: على العموم ، انا بنام وراي صلاة بكره..
لين باندفاع: فواز لحظة ...
فواز قاطعها: معلش تعبان بروح انام ، يلا مع السلامة..
وسكر السماعة ..
تنهدت بصمت ، دخلت عليها والتفت لها لين: انتي هنا؟
هدى: اسفه مو قصدي اتسمع ، لين ( وسكتت شوي وجلست جنبها)ادري اني انانية لما قلت لك تجلسين معي العشر الاواخر كاملة وللعيد بعد ، بس اناكنت اريد فرصة ..
لين عدلت جلستها وبعدم استيعاب: مافهمتك اي فرصة..
هدى نزلت عينها لتحت: انتي ملكتي قبلي وطولتي ع بالماتزوجتي وبهالوقت كنت انا ملكت وتزوجت سريع عكسك الي جلستي كثير ، كنت اكرهكواشوف انك عدوتي ، رفعت سعد وشوهت الصورة قلت هو كل شي وبيعوضني عنكم كلكم ، عنالاخت والام والاخ والاب ، بس ماتصورت انه يجمع كل شي اقوله عنكم بضدي يوم منالايام ، وصار يعايرني فيكم ..
(وبقهر ) صدق ان الرجال ماينقال لهم كل شي ،انتبهي يا لين تسوين غلطتي مع سعد ..
لين قامت وهي تناظر الحيط ، كانت معطتها ظهرها: يا هدىانا كنت دايم انصحك بهالشي ، وكنت خايفه انك توصلين لهالمستوى ، وانا حتى لوبخاطري بيك شي ، مكنت اقول له عنكم الا كل طيب وخير وامدحكم وامدحه عندكم (والتفتلها) الناس يا هدو ان كنتي على خطأ بيوم من الايام ودرو عن غلطتك ماينسونها ابدوبيجي يوم ويذكرونك فيها ..
هدى: ..........
لين كملت: عشان كذا انا حتى لو تضايقت منك او من اي احدفيكم او منه هو ، احرص ان لا احد منكم يعرف بهالشي ، اللهم كلام طفيف عنتغلي او شي يماثله اما اموري الخاصة ما اوصلها لا لكم ولا له ..
هدى قامت واقتربت منها: اي بالله انك صادقة ، ياليتنيانصت لك قبل لا طيح ..
لين حطت يدها على كتف اختها: اذا وقعت يا فصيح فلا تصيح، والحمدلله وانتي ماتدرين يمكن يندم ويرجعك لبيتك ..
هدى بانكسار: يرجعني ؟ هو ماطردتي عشان يرجعني انا خلصالنفس عافته ، كرهت نفسي وعيشتي معه ، تعبت من التنازل وغيره ، انا ببيت ابويمعززه ومكرمه ولاني بحاجة احد باذن الله ..
لين محبت تناقش اختها بهالوقت ، لان السالفة والجرح بعدهجديدة ، واكتفت انها تبتسم لها ..
وحبت تغير السالفة: ايش رسيتي على لبسه لاول يوم ؟
لبس ثوبه الابيض وشماغه الاحمر وكحل عينه ، وهو يتحسسذقنه الي نعمه برسمه جديدة ، تسبح بعطره الي به من العود ، والمسواك بجيبه..
راح مع عياله لصلاة العيد ..
قرأ من كتاب ربه وخلص جزء وصادف جيرانه وصافحوهوبالتهاني واروع الكلام ..
وصل لبيته ، وسلم ع اميمته الي كانت با اروع طله وريحهالبخور والعود ، طلب من عمر واخواته يسلمون على امهم ..
ام رعد بحماس: اجل بتروح تسلم على حبيبه القلب..
فواز: بروح مع الغالية ، وش رايك ؟
ام فواز: اي يايمه ..
ام رعد: يا سلام ، وانا ؟
فواز بضحكه: يلا قومو البسو ..
ام رعد قامت متحمسه ، فواز قرب من امه وباس راسها ويدهاوبحب: كل عام وانتي بقلبي يا الغالية ..
ام فواز ببتسامه عريضه: ياجعلك بالجنة يا يمه ، وانت كلعام وانت بروحي يالغالي ..
فواز شال امه ولبسها عبايتها بنفسه وحطها بالسيارة قدام..
وسرعان ماصعدت نورة ، وتوجهوا لبيت ابو بكر..
بالمجلس الترحيب والتبيرك بالمجلسين..
ام هدى: ياهلا والله بام فواز وام رعد نورتو البيت..
ام فواز: هلابيك مليون يالغالية (ناظرت هدى) الحمدللهعلى سلامتك يابنتي ، عاد السموحة ماجيت ابارك بشافئها الا مبطي بسبب الاجواء الرمضانيةوالتقضيه للعيد وزحمه ، فا قلت لزوم نسوي حفلة على شفائها ..
هدى ببتسامه: الله يسلمك ..
ام هدى باندفاع: مابه لزوم يالغالية ، شوفتك تكفي وتوفيالله يجزاك خير ..
ام فواز باصرار: ماقلت اخبرك عشان توافقي او تعترضي ،بكره الحفلة تنورونا بدارنا والله ..
ام هدى فهمت انها ببيتهم وبابتسامه: النور نورك يا امفواز ..
ام هدى ناظرت ببنتها: قومي يايمه نادي اختك ، طولت..
هدى قامت ..
ام بكر مدت القهوة والحلا لام فواز ..
وصعدت فوق بسرعة ..
هدى: بسرعة جات ام حبيب القلب ..
لين وهي تلبس ساعتها الذهبية ، ارتبكت وباندفاع: جد ؟
هدى بضحكه: اقول اخلصي الي يشوفك يقول انك مو ماخذهولدها وكنها جايه تخطبك ههههههه .
لين بخجل: ههههه ياشينك ، تدرين يعني ، اني خجوله..
هدى: هههههههه طيري ياشيخه ..
لين لبست كعبها الذهبي وراحت لصالة ..
ام رعد: ماشاء الله ..
وبعد السلام والتحية ..
مسكتها ام رعد: اقول هالزين لمين ؟
لين: مو انا زينه كل يوم جات على احين ؟
ام رعد: اخص يا واثق ، تعرفين قصدي زين (وغمزت لها)..
لين بخجل: اف منك ، لزوم تحرجيني ..
ام رعد: هههههه ، سويتي هدفك وهو ميت على شوفتك..
الا برنه جوالها ..
لين: هلا حبيبي ..
بكر يناظر فواز: هلا بحياتي وقلبي ليون..
فواز فز قلبه لما طراها ..
بكر: وحشتيني يانور العين ، اي تعالي بالمجلس ، ابوي منشوي طلع مع مشاري يسلمون على جارنا ابو فهدان ، اي تعالي فديتك وحشتيني..
لين بضحكه: ترى اسلوبك واضح لزوم تلمز يعني ههههه..
بكر: هههههه اي ذكيه علي حبيبتي يلا انتظرك..
فواز بغيض: زودتها ها ..
بكر سكر السماعة وحطه بجيبه: اقول قم عشان اضبطك ،وكلامك ذا بتسحبه ..
فواز: وش؟
شيكت على نفسها بالمرايه وزادت من عطرها ، دخلت المجلسوعينها تفحص المكان تفاجئت ما شافت الا بكر ..
بكر قام وسلم عليها: كل عام وانتي بخير..
لين بابتسامه: وانت بخير وبصحة وسالمة يا تاج راسي..
بكر جلسها جنبها: شياكه على الاخر ، كل ذه عشان البومهفوازوه ..
لين بضحكه: بكر وجع لاتقول عنه كذا ..
بكر: بالله مو كانه بومه؟
لين بقهر: ان كان بومه فهو احلا بومه..
بكر ولين: ههههههههههه ..
فواز الي كان ورى الباب يسمع وانقهر..
بكر: عمتيها ياختي ..
لين: ههههههه ا..
طلع من ورى الباب فواز قاطعها: انا بومه..!!
بكر فطس ضحك على صدمة فواز: ههههههههههههههههههههه..
لين جمدت مكانها حتى انها ملتفتت له:....
بكر قام: اخليكم يابومات الحب هههههههه..
وطلع من المجلس ، فواز سكر الباب وبقهر: بومه اجل ها..
لين وقفت ودارت له ، وقف متنح من جمالها..
كانت لابسه فستان بموديل مغربي احمر بفتح الصدر مثلثهوعليها تطريزات ناعمة ذهبي بدون اكمام ويكمل الاكمام قماش خفيف بلون الجلد مطرز مناخره بلون الاحمر ومن تحت الصدر حزام ذهبي عريض لامع ، ومن الصدر المثلث تطريزهطويلة لاخر الفستان ، كعادة التصاميم المغربية الجميلة ..
ويزيد جماله جيب بالجهتين من الخصر بحركة رائعه وصندلعالي ذهبي ، وشعرها بف حر ، ومكياج جذاب بالجفن المتحرك ابيض بلمعه بسيطة وعندعظمه العين لون بني ترابي خفيف ..
تحت العين غلاترز ذهبي ، وجواء العين كحل ذهبي خفيف ،كثفت الماسكارا السودا ، وروج عودي ثابت وحبه خال قريب مابين شفتها وخدها..
صار يتفحصها بنظره ونسى الي قالته ، محس بنفسه الا ورجلهتقوده لها ..
لين رفعت عينها له وهي تشوف زينه واناقته ( هو زاد جماله، ولا من حبي له زاد جمالا بعيني ، يالبا عينه الكحيل) وبخجل نزلت عينها تحت..
فواز صار قريب منها حيل ، نزل مستواه لمستواها وبطرفصبعه رفع وجها وصار يتامل شكلها قرب منها زود ، لين غمضت عينها بشويش ، جاءبيبوسها بس وقف وهو يشوف انفاسها الي زادت وعكس اتجاهه وباس جبينها وبهمس: كل عاموانتي بخير ..
لين ادركت وفتحت عينها وبنفس همسه: وانت بخير..
فواز جلس ، وصبت له القهوة ..
جلست جنبه وفتحت الحلاوة : هالحلاوة مرة احبها وطعمهاخيال ، ذوقها ..
فواز ناظرها وفتح فمه ، ودخلت الحلاوة..
لين حبت تكسر الروتين ، وهي تناظره وهو ثقيل عليها ولايتكلم بس ساكته ومسك يده وبهمس: وحشتني ..
فواز:.............
لين: فواز انت زعلان مني ؟
فواز قام: لبسي عباتك بنروح للبيت ..
لين:.....
وقام وطلع من المجلس ، صعد مع امه واخته نورة بالسيارةوشاف رجال طويل واسمر البشرة ينزل من السيارة ودخل للبيت ..
ام رعد: من ذه ؟
ام فواز: تلقينه من طرف ابو بكر ، او ربعه..
فواز بتفكير(كني شفته هالرجال ، بس وين ؟ )
وبعد دقيقتين ، جات لين وصعدت جنب ام رعد..
وكان الصمت سيد الموقف ..
وسرعان ماوصلو ..
فواز نزل اميمته وجلس جنبها بالصالة..
لين حست كنها غريبة ، وفواز صاد عنها الا بلمسه يدها..
وعد: وحشتيني يالغالية ..
لين ببتسامه: وانا اكثر ..
وعد سحبت يدها وبحماس: عندي لك مفاجئة حلوة ، تعالي معي..
توجهت معها للحديقة وكانت ريفان جالسة ببتسامتها الهادئه، كنت بروح لما شفتها الا بصوتها: لحظة لاتروحين ..
لين وقفت: .......
ريفان قامت ومسكت يد بيسان ومشت لها وبابتسامه مليئةبالخبث: اريدك تسامحيني على كل شي لين ، سامحيني انا باقي اسبوع واتزوج ولا اريداطلع من البيت وانا مزعله احد ..
لين التفت لها مو مصدقة الي سمعته من ريفان..
ريفان بتاثر: ادري اني غلطت عليك ، كلنا غلطانا(وصارت تناظربخواتها) ضربناك واتعبناك ، بس هالمرة بجد مريد الا الصلح وتكون علاقتنا اكثر مناخوات ..
لين رحبت بريفان واحتضنو بعض ، وسط تاثر بيسان ووعد..
ريفان الي كان تفكيرها بعيد عنهم وهي تحس ان الطريق للينسهل بالحيل ، ابتسمت بمكر ..
جلست معهم ..
ريفان: عمتي بتجلس عندنا ..
لين كانت مفاجئه لها ، وهالشي وضح بمحياها..
ريفان : توقعت ان ابوي بيبلغك ..
لين : بلغني او لا ، هذا بيتها وحياها الله باي وقت..
ريفان(بشويش بخرب كل شي بينك وبين ابوي ، هين ياست لين)..
توجهوا داخل ، لين لغرفتها اتصلت بميثاء وام عبدالالهتعايد عليهن ، الا بدخله فواز ..
لين: وعليكم السلام ورحمة الله وبركاته..
فواز بنفس صمته: .......
لين اقتربت منه وضمته من ورى وبهمس: وحشتني فوفو ، واناببيت اسرتي ماغبت عن بالي لحظة ، وادري انك زعلان ، بس سيبني اراضيك بنفسي وعلىطريقتي الخاصة ..
فواز داخ من قربها وعطرها الي تغلغل بخشمه ، التفت لهاوهو يناظر زينها وجمالها الساحر ..
لين باست عيونه: عيونك جميلة حبيبي ، احبها..
(وباست خده) عجبني تنعيمك والرسمه مرةرهيبة(وناظرت عينه) فواز انا احبك ..
فواز حوطها من خصرها وبهمس: ليه اجل طولتي ولا عاد رجعتي، حرمتيني منك بالعشر الاواخر كان نفسي نقيم الليل سوا ونستغفر سوا..
لين باست خشمه وبنفس همسه:كل شي نويت اسويه معك فواز ،بس مقدرت ارفض لاختي هالطلب ..
فواز بغيره: لين رايي انا اهم ، وكلمتي هي الي تمشي عليك..
لين بدلع وهي تلعب با ازرار ثوبه: حبيبي هادي اختي..
فواز داخ عليها وباس جبينها : حتى ولو..
لين قربت منه وغمضو عينهم الا . .
طق ، طق ، طق ..
فواز بطل عينه بقهر: مين ؟
ريفان: جدتي تقول تعالو اجلسو معنا ..
فواز بنفس قهره: قولي بعد ساعة بيجي..
ريفان با اصرار: يبه بعدين تزعل جدتي..
وولا سمعت صوت انقهرت وراحت تكلم ايمن وتسرد له نجاحالخطة الاولى ..
وعلى الساعة 1 الظهر ..
قامت من السرير واخذت دوش لكامل جسمها ، ونشفت جسمهاودهنته باللوشن بخلاصة الورد ، لبست بجامة حمراء بدي ابيض بنصف كم وله قبعة من ورى، وسروال علاء الدين مشدود من تحت بلون الاحمر الدمي ..
استشورت شعرها وعملته ذيل حصان وورخت غرتها وحلق لولوابيض ..
وتسبحت بالعطر ولبست فلات ابيض ..
ورسمت حاجبها وكثفت الماسكارا وحبه خال وغلوس وردي خفيفبدون كريم اساس ، لانها بيضاء وبشرتها صافية ..
توجهت لسرير ونزلت لمستواه وبهمس: فوفو ، فواز حبيبي..
فواز بهمس: همم ..
لين باست خده: قوم فديتك ..
فواز شم ريحه عطرها وبطل عينه بشويش: حبيبي وش هالزين..
لين جلست جنبه: عيارتك ، ماتزينت حيل قوم يلا..
فواز مسك يدها: ماشبعت منك ..
لين قامت: مو كفاية توخرنا على اميمتك ، قلنا ساعة وصارتساعات ..
فواز ببتسامه: وش السوات واحشتني ، لسى بدري خلك..
لين قامت وتوجهت لدولاب تطلع له بجامة: قوم بلا كسل..
فواز قام من السرير واخذ دوش سريع ، ورجع وشاف المكيفمطفي والسرير مرتب وريحه المكان عطره ويشوفها وهي تمسح الزوايا ابتسم بلا شعوروضمها من ورى وبهمس: حياتي ما تلاحظي ان هاللون يبرزك ، ايش رايك تغيرين البجامة ؟
لين التفت له: فضفاضه واكبر من مقاسي ، مو ماسكه عليايعني ..
فواز بهمس: اغار عليك والله ..
لين ببتسامه: حبيبي تراهم بحسبه اخواني..
فواز شد عليها اكثر وبصوت قريب من الهمس:اغار عليك حتىمن نفسي ، اه يا لين ..
لين ارتبكت من قربه ونبره صوته وابتعدت عنه وتوجهت للبابسريع: ننتظرك ..
وطلع وتركت فواز يضحك على خجلها وتوترها..
ام فواز ببتسامه: هلا بحبيبه قلبي ..
لين باست راسها: السموحة على التأخير ، بس فواز بغانيبكلمة راس ..
ام رعد بخبث: كلمة راس وبعدها شي ثاني ها ..؟
لين انقلب وجها احمر وباحراج: كان يوصيني عليك..
ام رعد كتمت ضحكتها: اي صدقتك ، على اساس من الساعة 9للحين يوصيك فيني ؟
ام فواز وام رعد: هههههههههههه ..
ريفان انقهرت لما شافت لين بطله جديدة وعرفت ان صار شيبينهم وباندفاع: الا وين ابوي ..
جات بترد الا بصوت فواز: معلش اسف على التاخير يمه..
وباس راسها ..
ام فواز بعدم استيعاب: علامكم تتاسفون مني ؟
فواز: مو انتي قلتي انك تبغيني ؟
ريفان حست بالخطر وبصوت مسموع: اوه يبه ، صاير انيق معليونتي ..
كان لابس بجامه رماديه بنصف كم مشدود ع زنده وشعره مرجعهلورى واقترب منها وحوط لين من كتفها وحط رجل ع رجل: ذوق حبيبتي..
ام رعد تناظر ام فواز بخبث ويضحكون ..
ريفان انقهرت ..
ام رعد بضحكه: رحمت البنت حرام عليك ، شوفها كيف منكسفه..
ام فواز: اركد ياولدي ، شوف وجها ..
فواز شد عليها زود لما لصق كتفها بصدره وبحب: ايش اسوييمه احبها ..
ام فواز: ماقلنا شي بس خف عليها يايمه..
فواز بهمس: البعد يولد الاشتياق ، صح لين حبيبي؟
لين بخجل قامت وطلع من الصالة والكل عدا ريفان:ههههههههههههههه ..
فواز قام: انا عطشان ..
ام رعد : بصب لك ..
فواز باندفاع: لا لا اريد بارد مرة ، بروح اجيب ليلاتتعبي نفسك بقوم اخدم نفسي ..
ام رعد ترفع حاجبها بخبث: اي روح للماي وللكرز اليبالمطبخ ..
فواز ضحك لانها فهمته وقام للمطبخ وشافها تفتح الثلاجةوتغسل التفاح وتاكل قضمه منه ، سحب التفاحة واكل من جهتها ..
لين ناظرته: ياشرير ..
يتبع |تعليق
-
رد: رواية بجنون أحبك / الكاتبة ساندرا
لين ناظرته: ياشرير ..
فواز يحرك حاجبه ..
لين بقهر: هفف ..
فواز مسك يدها وسحبها لعنده وبهمس: وحشتيني ..
لين بخجل: فواز مزودها اليوم ، وخر عندي قبل لاتجي نانسي ..
فواز: ايش علي منها ..
ريفان الي لحقت ابيها بعد دقيقتين جات بتدخل المطبخ الاشافتهم قراب من بعض ويتهامسون وانقهرت زود ورجعت لورى وبصوت مسموع: يبه ، يبه وينك ..
لين بعدت منه بسرعة ، ودخلت ريفان ببتسامه تخفي قهرها: هذانت ..
فواز بقهر وبهمس: خير ياهادمه اللذات ..
ريفان: ماسمعت ..
لين كتمت ضحكتها وطلعت من المطبخ ، صادفت يزيد وباندفاع:يزيد ..
يزيد وقف وبدون مايستدير: نعم ..
لين اقتربت منه: متغير انت واخيك ، مالكن حس ابد بالبيت كلابرا ، رجعتوا لتفح....
يزيد قاطعها بشراسه: اتمنى ماتدخلين لا فيني ولا في رائد ..
لين: ولراحت ارواح الناس ، برظو مالي دخل ؟ مو كل شي بيروحفوق راس ابوك ..
يزيد التفت لها: انا مدري من وين جايبه هالتشاؤم ، لك خليعندك تفاؤل شوي ، وبعدين فحطنا او لا مالك شغل ، ومتى ما وقع الحادث تقدرينتتكلمين ..
لين: لهدرجة واثق ..؟
يزيد بثقه كبيرة: لان احنا نختار مكان ويوم معين مو اي يومنروح له ..
لين مافهمته: ياسلام ، وان احد مر لا سمح الله وطيرتوه ، ماتفكرون ؟
يزيد بستخفاف: اسمعي يا انتي ، لكان عندك عيال واشك انبيكون عندك ، تقدرين تتكلمين وتتشرطين على كيفك ، وخلك بعيدة ابرك لك من السالفةذي لا تشوفي شي ما يسرك ..
لين انصدمت من طريقته بالكلام وتركها منذهله ، وريفان اليسمعت الحديث بينها وبين اخوها ابتسمت وهي تحس انها بتسيب الكل يعاديها مو بس ابوها !!
جلست مع ام فواز ونورة يلعبون ورق ..
وبيسان تصب لهم قهوة وشاي ..
نورة الي كانت تلعبها صح وبحماس: فزت..
لين بقهر: غش ..
ام فواز: اي تغش اصلا ، وبعدين انا امك فوزيني..
الكل: ههههههههه ..
بيسان بضحكه: نلعب جماعات افضل ..
منى تساعد امها ، فواز يساعد لين ، وعد تساعد الجده..
ام فواز بحماس: تعالي ساعديني ..
وعد نزلت عندها ، فواز اقترب من لين وحط يده بيدها اليفيها الاوراق ومد يده الثانية يختار وهي وسطه توترت من قربه وهمسه لها..
لين با ارتباك: طب بعد ..
فواز يخفي بتسامته: انا جاي عشان اساعدك..
لين بنفس ارتباكها: ماقلنا شي ، بس بعد مو كذا ، بتسيبالكل يلاحظ ..
فواز قرب منها اكثر وصار يحط الاوراق عنها وهي ضايعه ،وبالاخير فازت ام فواز ..
وبفرحه: كفو يا وعد ، علمتيهم من انا..
نورة بقهر: منو وطير تعلميني على الغلط ، شوفي كيف خسرتمن بعد كنت الاولى ، مانريد جماعات لحالنا افضل ..
لين باندفاع: اي عشان نفكر صح ..
فواز بهمس: احبك ..
لين توترت وبصوت مسموع: خلص نلعب انفراد افضل..
نورة بتائيد: صح ..
ام فواز: لا كذا احسن لنا ..
بيسان: اثنين ضد واحد ، يلا قوموا ..
فواز بهمس لها: قريب ولا بعيد ، هو واحد..
لين مفهمته وقام عنها جلس قبالها ووعد صبت له الشاي..
وبدات اللعبة ، ولين تحس ان به احد يناظرها ورفعت نظرها، واحمر وجها من نظراته الحادة ..
ونزلت عينها سريع وقد ماحاولت تبان طبيعية ماقدرت ،وبالجوله الثالثة فازت ام رعد ..
وبحماس: ههههههه فزت فزت ..
ام فواز: ماتقدرين تفوزين اميمتك يالمحتاله..
ام رعد بضحكه: لا يالغالية ، الغش حرام..
ام فواز: اخ منك انتي ..
لين قامت الا بوجها ريفان ..
ريفان ناظرت الكل: ايش رايكم نروح الشاليه ؟
بيسان بحماس: وناسه ، ايش رايك يبه ؟
فواز: ماعندي اي مشكلة ، متى ؟
ريفان تشوف ساعة الحائط: بعد ثلاث ساعات تقريبا..
فواز: ممتاز ، يلا جهزو ..
وعد كلمت عمر: يبه يقول انه معزوم يتعذر..
فواز: الله يحفظه يارب (واخذ الجوال منها) هلا حبيبي..
عمر: هلا يبه ..
فواز ببتسامه: اجل معزوم دون تعزمني..
عمر : فديتك ، بمرك احين و...
فواز قاطعه : امزح معك ، انت انبسط ووسع صدرك وانتبه لاتسرع..
عمر: ابشر حبيبي ..
فواز: يلا الله يوفقك ، فمان الله ..
وانتبه للين انها مو موجودة ، راح المطبخ يشرب مايوشافها صدفة تقطع الخس اقترب منها وضمها من ورى وبهمس: وحشتيني مرة..
لين ارتبكت وبعدته وبهمس: فواز ترى منى وجود هنايساعدوني ..
جود جابت البصل: جبتهم مرت خالي ..
فواز: منو وجودي اريد لين بكلمة راس ، لو سمحتو..
منى: ان شاء الله ، وطلعت مع اختها ..
فواز ناظرها ببتسامه: واحين مابه احد..
لين طارت للجهة الثانية عند الطاولة: فواز روح عني..
فواز وهو يتحرك يريد يوصلها وهي تروح الجههة الثانية:تعالي احسن لك ..
لين بضحكه وهي تتحرك بخفه: لا ..
وفواز يدور معها بالطاولة وهي من الحماس تصارخ وتضحك..
وطارت للجناح وفواز وراها: من الي بيفكك مني احين..
وريفان الي كانت تكلم ايمن وشافتهم يطيرون للجناح بقهر:وجع ان شاء الله ..
ايمن يسمع صوت الباب الي انرقع بقوة: ايش صاير ؟
ريفان بكره: لين مسويه اكشن لابوي جالسين يلعبون ،وطاروا للجناح ..
ايمن:.......
ريفان كملت بقهر: يعني مابه دم ولا شي ، ماتستحي جريئة..
ايمن بهمس غير مسموع: يازينها ويازين جرائتها..
ريفان منتبهت انه تكلم اصلا ، وهي مع ايمن يخططونبالشالية للقاء ، والخطط للين وفواز ..
وبالسيارة ..
ريفان بقهر: وينهم للان ..؟
جود: طولي بالك ، احين بيجون ..
ريفان: من عشر دقايق ننتظرهم ..
منى تناظر لين من بعيد: جاو ..
وصعدت لين وفواز قدام جنب اميمته ..
ام فواز: بطيتو ؟
فواز ببتسامه: السموحة يالغالية ..
ام فواز: برد عليك يايمه ، ليه تتسبح ؟
الكل:...........
ام رعد بضحكه: يايمه علامك ؟
لين نزلت راسها بخجل شديد ، والبنات مو فاهمين شي عداريفان الي انقهرت وسرعان ماغيرت الموضوع: كم يوم بنبات هناك ؟
ام فواز: يومين احسن لانطول اكثر ..
بيسان بحماس: يبه عادي اركب الدبابات ؟
ام رعد: يالله ، مابعد نوصل ..
فواز: طبعا لا ، دبابات مابه ..
بيسان: يمه لين كلميه ..
لين: فديتك ، ابوك يريد مصلحتك ، الدبابات مابهن خير ،كم حوادث تصير بسبب هالدبابات ..
وعد بضحكه: صارت لك فرعون ههههههه ..
بيسان بقهر: هفف ..
ام رعد: وبعدين وش هالشياكه فواز ؟
فواز : ماشفتي شي(لبس نظارته الشمسيه) وش رايك بس؟
ام رعد: هههههههه تجنن فديتك ..
كان لابس تيشرت سماوي عليه رسومات بالابيض والاسود مشدودعلى زنده ، وبرمودا ابيض مقلم باللونين السماوي والبني ..
وسرعان ماوصلو ..
نزلت جود وهي تمدد جسمها: مو مصدقه ان وصلنا..
منى تتحسس ظهرها: صادقة ، السيارة كبيرة بس ماكفت ، كلواحد فوق الثاني من الضيق ..
فواز شال اميمته وحطها بالكرسي ، ونانسي وام رعد يشيلونالاغراض والبنات يساعدونهم ..
كنت اوزع الحلويات والمكسرات في المطبخ وسمعت صوت ريفانتتشاجر مع ايمن وسكرت الخط ..
ريفان شافتها وهي تدعي القهر: زعلان ومعصب علي ، ليهاطلع بدون اذنه ، اف بس من احين يتحكم ..
لين: الرجال هم كذا يحبون تحطينهم بالصورة..
ريفان بحزن: بس هو ناوي يجي هنا وانا رفضت قلت لايجياحسن ، جمعه اسرية وعصب ..
لين: طيب ، كلميه قولي يجي لو كم ساعة وانتي حاولي فيه..
ريفان بخبث : طيب ..
واتصلت به ويازعم تقنعه وهو بالطريق اساسا..!
خذت الصحون ووزعتهم الصالة ، شلحت عبايتها بالغرفةالثانية ..
كانت لابسه تيشيرت كحلي به ازار من الصدر وعند نهايةالكم حرف( B ) باللون الاصفر ، وبرموا كحلي ،لبست قلادة ناعم بحرف الf صغيرة وناعمة ، وشبشباصفر ..
وشعرها جزء مرفوع وجزء تحت ..
جلست معهم بالجلسه وفواز يناظرها كل ماراحت وجات بطرفعينه ..
ام رعد جلست جنبه وبهمس: خف عليها ياخوي..
فواز منتبه لها: ........
ام رعد مسكت يده: وين رحت ؟
فواز: ها ، امري ..
ام رعد: لا منت على بعضك ابد ، ماخذه عقلك(وبغمزه)
فواز تنهد بغرام: اه يا نورة ..
ام رعد: هالتنهيده وهالنظرة لها ، شكلك وقعت بالعشق ،واعوذ بالله من العشق ..
فواز ببتسامه: مدري وش جرى لي يا نورة ؟
ام رعد: في معلوم ..
فواز بضحكه: انقلبتي ..
ام رعد قامت وراحت جلست جنب لين .
لين همست لها: يا نورة تصرفي مع اخوك ، معرف اتحرك ولاروح ولا اجي ، توترت منه ..
ام رعد:......
لين: من بعد العيد وهو متغير ، مدري ايشبه؟
ام رعد: بسيطة ، فواز تغير من لما صديتي عنه لما رحتيعند اسرتك ، لاتراسلينه ولا تكلمينه باليومين وصار عنده هاجس ، وبهالطريقةبتضمنينه مدى الحياة ..
لين بعدم استيعاب: مافهمتك ..
ام رعد عدلت جلست: الرجال لو تعطينهم وجه دايم بيطفشويصير روتين مملل ويصير يرغب بالانحراف ويتزوج وغيره ..
لين باهتمام: طيب؟
ام رعد: اعني اهتمام اهمال اهتمام اهمال اهتمام وهكذا ،لاتصيرين تهتمين بيروح بلمح البصر ، ولما صديتي عنه انقهر وبكذا بيصير خاتم بينيدينك استفيدي ..
لين : تصدقي بالله مكنت اعرف ..
نورة: اي استفيدي مني فديتك ، وعذبيه بس بشويش لما يدمنكاكثر واكثر ..
وصارت تشرح لها ولين تستمع لها ..
وقامت متوجهه لفواز وهي تتمايل بمشيتها وخذت الدله ،ونزلت لمستواه وصبت له قهوة وبهمس: تفضل ..
فواز يناظر فيها وشعرها على وجها داخ بريحتها العطرهوانوثتها وبتردد: زاد فضلك حبيبتي ..
ولامس يدها الناعمة ، خذ الفنجان ..
وبهمس: اجلسي جنبي ..
لين: ابشر حياتي ..
وحطت رجل ع رجل والقهوة بيدها وتشارك البنات بالسوالف ،وفواز يناظر بها بين فترة وفترة ..
منى بحماس: اوك ممتاز ، يلا نلعب ..
بيسان : وانا مع لين ..
جود: وخالو يدورنا ..
فواز: طيب يلا بغمض عيوني ..
والكل استخبى ...ثمانية ، تسعه ، عشره..
وفتح عينه وام فواز وأم رعد يعلمونه بالاشارات..
وجد ريفان الاول وبعدها وعد ، وتاليها منى وجود..
ونزل تحت الطاولة ومسك لين مع بيسان ، وحوطها بخصرهاوبحماس: مسكت الغزال ..
لين حمدت ربها ان الكل منشغل بمعاتب ام رعد والجده علىغشهم لفواز ..
لين سبلت عينها عليه وبدلع: يا شقي ، سريع كمشتني..
فواز ذاب بدلعها وباس جبينها وبهمس: والله احبك..
لين بدلع وخرته عنها وطارت عند البنات..
بيسان بقهر: بنستخبى مو بس داخل حتى برا..
فواز مسك يد لين: وانا مع لين ..
منى: اوك ، وانا مع بيسان ..
والكل استخبى وريفان تعد ..
مسك يدها وسحبها ودخلو الدولاب ..
لين: هنا ضيق ..
فواز حط يده على فمها: اووص ..
لين تناظر به بحيره ، ويتبادلون النظرات..
فواز: لين ..؟
لين بهمس: وش ..
فواز: عنك....بوت ، عنكبوت ..
لين صرخت وطلعت من الدولاب وصارت تقفز وتحرك شعرها ،فواز فطس ضحك: ههههههههههههههههههههههه ههههههه ، امزح يابنت الناس..
لين وقفت بقهر تناظره: تمزح؟ وقفت قلبي وتمزح؟
فواز ماقدر يمسك نفسه وطاح بالضحك ..
لين طلعت من المكان ورجعت لصالة وهي مقهورة شافتهاريفان استغربت من حالتها ..
وسرعان ما انضم فواز معهم بالجلسه ، رن جوالي..
رديت وانا برا واناظر بالزرع: هلا هدى حبيبتي..
هدى: الحمدلله ، لين انا تطلقت ..
لين نزل علي الخبر كالصاعقه ماتمنيت ان اختي تطلق لسيماكنت اعرف الطلاق قد ايش موحش ، سالتها باهتمام: انتي بخير ؟
هدى بحزن: الحمدلله لين ، ما عليه حسوف..
لين حسيت بشي بجوات اختي ونبره صوتها الحزينة ، اخذت نفسعميق: انتي فاكره ايش جرى لي بعدما تطلقت من ياسر هدو ؟ هدى لاتبكين ولا تلومينحالك ، قومي صلي شكر لله ..
هدى: بقوم لين اصلي ، وبعدها بجيك ..
لين: كيف تجيني ؟ انا بالشاليه ..
هدى ببتسامه:اعرف ، فواز اتصل بابوي من شوي واصر علىجيتنا ، وانا قلت لزوم مانرده عشان ننبسط هههههه ..
لين بفرحه: حياكم فديتكم ..
وسكرو الخط والتفت ورى شافت فواز والابتسامه العريضةتزيد من جماله ..
لين اخفت ابتسامتها وبدلع وبغرور بان واحد: هه وخر عنوجهي ..
يتبع |تعليق
-
رد: رواية بجنون أحبك / الكاتبة ساندرا
لين اخفت ابتسامتها وبدلع وبغرور بانواحد: هه وخر عن وجهي ..
فواز جاها من الجهة الثانية: على وين ؟
لين: وانت مالك ؟
فواز: مابه شكرا ، تسلم ، ماتقصر ..
لين سبلت عينها وبغنج: خل حركتك تنفعك استاز فواز ..
فواز بلع ريقه ومسكها من يدها قبل لاتروح وبدون ماتستدير ..
فواز طلع من جيبه خاتم ولبسها اياه:اوعي تشلحين هالخاتم لين، خليه بيدك ..
لين بلا حركة:......
فواز باس صبعها الي به الخاتم ، باسها بعمق وهو يشتم عطرهابيدها وبهمس: محفور به "اعشقك لين"
لين التفت له وصارت تناظره بضياع وشافت الخاتم من ذهب ..
فواز ببتسامه: وبكذا كل من شاف هالمسبح قال انك متزوجة عشانيبعدون عنك ..
لين قربت منه وبهمس: فواز شكرا ..
فواز مسك يدها: بزعل منك لو يضيع هالخاتم ، خليه بيدك للمدى ..
وطلع خاتم من جيبه الثاني: لبسيني ..
لين اخذت الخاتم مكتوب" احبك فواز ": ليه ؟
فواز فهم قصدها وحوطها من خصرها: هالخاتم الي لابسته هذامشاعري ، انا اعشقك ، والي بيدي شعورك تجاهي هو الحب .. لاني يا لين انا احبك اكثرمما انتي تحبيني ..
لين: ا.....
فواز حط صبعه بشفتها وبهمس: لاتقولين شي ، بس ظلك معي لاخرالعمر ، توعديني ؟
لين ناظرت بعيونه وبحب: اوعدك ..
فواز احتضنها بقوة ، حسيت كنا وده يخبيني بين ضلوعه ، حسيتبجنون فواز فيني اليوم ، كلما استشعر ان فواز حبه تجاهي يكبر ..
شديت عليه زود وصار يسمعني اجمل الكلمات الحب ..
وريفان الي من تقوم لين تتبعها لم يطفها هالموقف ابد ، وهيتزود الاخبار لايمن برسالة برد واحد طويل بشرح وافي ..
وعلى الساعة 9 ..
جاو اسرتي ..
فواز وبكر ومشاري عند الشوي يشون الدجاج ..
جيت عندهم : ماخلصتو ؟ مرة جوعانة ..
بكر: تحملي ..
فواز: يخسي الجوع (ومد لها قطعة من الدجاج الي انشوى واكلها) ..
لين بتلذذ: يمي ..
مشاري خذ الصحن: لا ، حالك من حال الجميع ..
لين مدت لسانها له وبدلع:فوازي ..
فواز بلع ريقه: هه ..
بكر ضحك على ضياع فواز: ههههههههههههه مالكش حل ابد ..
جاء ابو بكر كان لابس شورت ..
فواز: اوخص عمي كاشخ ، لك نيه بالثالثة (يغمز له) ..
ابو بكر بضحكه: اوص لايسمعونك بيقومون عليك ، خلهم يدعون لكبالخير افضل ..
فواز: هههههههههه ..
مشاري بخبث وبصوت عالي: فواز ايش هالكلام ، ناوي تزوج ابويالثالثة ، لا عاد ماهقيتها منك ..
ام هدى وام بكر بصوت واحد: فواز ..
فواز حط يده بفم مشاري يريد يسكته: لا فديتكم مشاري يتبلىعلي ..
مشاري: اممم مممم مممم ..
فواز يشد على فمه ..
ام هدى وام بكر: اي احسب بعد ..
الكل: هههههههههههههههههههههههههههههههههه ..
بكر لمح سيارة بعيد: فواز انت منتظر احد؟
فواز بغرابه: لا ، ليه ؟
بكر وهو ياشر ، فواز انفجع من وجوده واشر للين تروح لعندالبنات جوا ..
ايمن اقترب لهم: هلا ، الريحه تجيب العافية زين اني وصلتبدري ، عشان ألحق ..
فواز: حياك الله يا ايمن ..
فواز اخذ الصحن وحطه عند البنات وجهه لرجال الي كانت قريبةالشواء ..
وسوالف تروح وتجي ..
فواز كان مو بالع ايمن ولا معطه وجه ..
حطت رجل على رجل: اي يا يمه ، صاير متمرد ..
ام ميثاء: انتبهي يسمعك ..
ميثاء بلا اهتمام: هو نايم ، وبعدين استمع ولا لا ، وشالجديد ؟
ام ميثاء بشك: اخاف يابنتي ان زوجك شايف له شوفه وانتينايمه على اذانك ..
ميثاء: لا لا يمكن يسويها ..
ام ميثاء: وش المضمون ؟
ميثاء بثقه: هاني يحبني مرة ، ولايمكن يفكر انه يناظر غيري ..
ام ميثاء: يالخبله ترى الرجال مالهم امان ، وطالمة تحسبعليك قدام وجهك قادر يسوي الي يسود الوجه ..
ميثاء بقلق: تتصورين انه يمكن يسويها ؟
ام ميثاء: اتصور ونصف ، قومي لحقي عليه ، وراقبي تصرفاته ..
ميثاء بقلق: اوك يمه ، مع السلامة ..
سكرت السماعة وهي تفكر بكلام امها ، وتراجع تصرفاتها ..
راحت للغرفة ..
هاني بضحكه: لا حبيبتي ، خلص ابشري بتذوقين احلى طباخ منيديني ..
ميثاء فتحت الباب وصارت تناظر به بنظرات عجز يفهمها ..
هاني ببتسامه: ابشري بمرك الظهر عشان اتغدا معك ..
ميثاء اقتربت منه وبحده: من تكلم ؟
هاني: يلا مع السلامة ..
وسكر السماعة وناظرها بغرابه: من اكلم ؟ وانتي وش دخلك ؟وبعدين من متى هالاسأله ؟
ميثاء: من لما حركاتك وتصرفاتك معي تغيرت ، لزوم وفي بنتحرام مغيرتك ..
هاني اعطاها نظرة واكتفى ..
بجانب اخر من المجلس ..
كانت لين وهدى وريفان متجمعين ، وكان ريفان اسألتهادقيقة جدا وبتحقيق ..
هدى: تصدقين ينفع تصيرين المحقق كونان..
لين: هههههههههه ..
ريفان: ليه؟
هدى: مدري احس اسئلتك مرة دقيقة ..!
ريفان خافت انها تنكشف وباندفاع: تدرون ع وجه زواج ،وحابه اخذ بنصايحكم ..
هدى: اي ، لاتعطينه وجه بزيادة ويمشي سيدا..
لين قامت: شوي وبرجع ..
ريفان استغلت هالفرصة : تصدقين خالتي هدى مكنت مقتنعة بالين باول بداية ، بعدين حبيتها ، احسها صدق مسعده ابوي مرة ماشاء الله..
هدى : صدقتي ، لان ياسر مو وجه لا اهتمام ولا تدليل مناصل مالت عليه وعلى شيفته ..
ريفان مسكت الي تريده ، وصارت تاخذ وتعطي مع هدى علىاساس تتوصل لجوانب كثيرة بحياة لين السابقة ، وكان سهل انها تسحب من هدى الكلامبسبب طبيعتها وماخذه كل الامور ببساطة !!
بعد صلاة الفجر ..
راحو اسرة لين وبعدها ايمن ..
والكل راح ينام ، اخذت دوش لنصف جسمي ولبست بجامتيالشورت باللون الابيض المرنقط بالوردي وبه كتابات باللون الاسود بنصف القميص ،وشعري مفتوح ومسحت كل بوجهي ..
ووزعت البودرة المعطره بنحري ، وتسبحت بالعطر الهادئ..
وجلست اقرا سورة الملك بعد كل ليلة كالعادة..
وبعدها صليت ركعتين قبل ميعاد النوم ، وصرت اقول الاذكارالي حافظتها ، وبعدها رحت لسرير وعطرته ..
تسطحت به وغمضت عيني بشويش وانا افكر بكلام فواز اليومواناظر بالخاتم ..
ولا انتبهت للي دخل الغرفة ، وانتبهت من صوت بابالتواليت يتسكر عرفت انه دخل ، قامت تجهز له بجامه مريحه ، وانتبهت لبجامة جديدةباللون الاسود والبنفسجي الداكن ..
بعد عشر دقايق طلع فواز من التواليت وجففت جسمه وساعدتهبلبس بجامته الي كانت اكثر من روعه عليه تعطر وهو يناظرني: وش هالزين ؟
لين ببتسامه: لك انت ..
فواز التفت لها: ياعين ابوي ..
لين تسطحت بالسرير وهو تسطح جنبها وقربها لحضنه وبهمس:خلك دايم قريبة مني ..
لين بنره صوتها الهاديه: شكرا فواز على هاليوم الجميل..
فواز باس يدها: شكرا لانك بحياتي يا حياتي..
لين دفنت راسها بصدره وهي تتمنى تظل المحبة بينهم..
على الساعة 9:10 صباحا ..
بوسط الافطار ..
ام رعد: ماتقصر نانسي ..
ام فواز: اي بالله ماتقصر ولا فواز مقصر..
ام رعد ببتسامه: تمنيت رعد يكون مثله ولو شوي ، بس هووين وذاك وين ..
ام فواز ببتسامه: طب كلمتيه ؟
ام رعد: بس اتصل ولا يرد علي ، واكلمه بالواتس واشوفهمتصل الان ولا يعبرني ، يحسسني اني مذنبه..
ام فواز: ادعي له بالهداية يابنتي ، شوفيني انا من حملتبفواز وانا ادعي ربي انه يوفقه ويرزقني بره وشوفيه مرات بدل ماتحممني نانسي هو الييحممني ، رافض ان اي احد يخدمني غيره قبل ، بس تزوج لين واعفيته عن هالامور..
ام رعد: تغارين من لين ؟
ام فواز: ابدا ، انا اريد اشكرها ، صرت اشوف الضحكهبوجه وحيدي ، تلزم على فواز انه يطلعني ونتعشى برا ، وتذكره دايم ببري ، هالليننعمة ..
ام رعد ببتسامه: الحمدلله ..
الا بدخله فواز ولين ..
ام رعد بترحيب: هلا بالعرسان ..
فواز باس راس امه ويدها ولين بالمثل: بنجور الغالية..
ام رعد: اخق يا فرنسي ..
ام فواز: هههههههه بنجور يا يمه ..
وجلس فواز جنب امه وكل شوي يلقمها ..
ام فواز: بس فواز ذبحتني ..
فواز: فيه العافية ..
لين بضحكه: الله يعينك يمه ..
ام فواز: تعالي اخذيه ، يروح ببطنك ولا ببطني..
فواز: هههههههه فديتك ..
وبعد صمت طال دقيقة ..
فواز: انا عازم هاني على الغدا ، وقلت بساعدكم على الطبخ..
ام رعد بحماس: جاء على بالي دجاج شوي ، وصلصات وتبولة ،ورز بالفحم ..
لين بتايد: حلو ..
فواز: ممتاز ، يستاهل ابو خالد ..
فا رغم الوقت كان مبكر مرة الا ان صرنا نعد الصلصاتونتبل الدجاج ..
وجاء هاني بعد صلاة الظهر مع عياله ..
ام فواز امسكت بنته: حرام عليها وش هاللبس ، استغفر اللهماتسترهم ابد ..
ام رعد: يا يمه البنت صغيرة ..
ام فواز: البنت تتعلم الستر وحب الحشمه من الصغر ، وعيالالحرام كاثره ، والبنت بنيتها كبيرة ماشاء الله ..
سهى: ابي اسيل ..
لين مدت لها العصير: فديت الاسيل ، سمي..
ام فواز لاحظت ان ملامح لين تغيرت وهي تلعب مع عيال هاني، وسكتت ..
بيسان قامت وشغلت شيلات فواز ، الي كان مسجلهم قبل..
جود: هذا فهد مطر ؟
منى: لا هذا خالو ..
جود بذهول: ماشاء الله ..
بيسان: افتكرت انك بتقولين صوت خالد عبدالرحمن..
منى: لان صوتهم قريب من بعض ، فهد مطر وخالد عبدالرحمن..
جود: اها (وناظرت با لين) ينشد لك خالو ؟
لين ببتسامه: اي فديته ..
جود: يا بختك ، الله يحفظكم يارب ..
لين اكتفت بالابتسامه ..
كانت عند اهلها ..
وفركت يدها بقهر: شفتي النذل ؟
ام ميثاء: ما قلت لك انه حاطط عينه على وحدة ثانية غيرك..
ميثاء بخوف: يمه لاتزيديها علي ..
ام ميثاء: انا بس حبيت انبهك قبل لايروح من يدك..
ميثاء اعادت الاتصال به ...
هاني شاف اتصالها ، وقفل بوجها ..
وناظر بفواز: ما زالت تتصل ..
فواز: هذا الي بينفع معها ، هو الاهمال ، خذ بالافعال لابالاقاويل ، قصر معها ولاتكون سخي معها ..
مثل هالحريم ماينفع معهم الا كذا ..
هاني: اقول لك هي تظن اني بتزوج عليها او حاط عيني علىوحدة ..
فواز:.......
هاني: وصارت تلزم وتشد علي لما نفذ صبري وخذت العياللهنا ، قلت مالي الا فواز ابو عمر مهوب مقصر معي ..
فواز عدل جلسته:تقصيرك لها واهمالك وعدم مبالاتك هالشيبصالحك ، حتى وان ظننت العكس ، هالصنف لزوم يتأدب ..
هاني يشرب القهوة: اي بالله انك صادق ، شورك بهداية الله..
فواز بابتسامه: والله اني اشتقت لايامنا زمان ، ايامالبر ..
هاني: اي بالله انك صادق ، بكلم بندر وابو بلال والشلهالشياب بالاستراحة ..
فواز: خلص تم .. حدد اليوم الي يناسبك وابشر بالخير..
هاني: اوك ، تزان الاجواء ولنا موعد باذن الله..
راحت بعيد عنهم ..
ريفان بهمس: اي ، الي فهمته من اختها انها مدلعه ياسردلع مو طبيعي ، وشايلته عن الارض شيل ، اهتمام ودلع وصبغات شعر وحركات ولا فاد ،عجيب امره هالياسر ..
ايمن: اخيه بس ، الدنيا حظوظ ، المهم حبيبتي الخطة كلمافي نجاح وعرفنا اشياء كثيرة ، والزواج باقي له اسبوعين تجهزي ياحياتي..
ريفان ببتسامه: ان شاء الله ..
وجات عزيمة ام فواز الي وعدتها لام هدى ، بمناسبة شفائها..
لبسو البنات اجمل الملابس ..
لبست بدي ذهبي ماسك على جسمها ، وبنطلون ازرق وصندل عاليذهبي ..
شعرها ويفي من اطراف شعرها وظل ذهبي لامع بالجفن المتحركوتحت عينها كحل اخضر زيتي وكثفت الماسكارا السوده وحلق ذهبي طويل ناعم..
وتسبحت بالعطر ..
وطلعت تباشر اهلها الي جاو من ربع ساعة..
ام هدى: ماكان لزمه هالتكلفه وهالفن الله يجزاك خير..
ام فواز: مو قد المقام يام هدى ، السموحة..
ام هدى: الله يجزاك خير ماتقصرين ..
ميثاء باعجاب: وش هالزين يا لين ، اجل فواز مايدري عنلبسك ؟
لين: جالسة هنا ، ماشافني احد من العيال..
ميثاء: اي زين ..
لين تمد لها صحن الكيك: شكلك مو عاجبني ابد يا ميثاءعلامك ؟
ميثاء: هاني متغير علي من شهرين وكل شوي اكتشف منه شي ،وصار يقصر علي ولا يطلعني الا اذا اشتهى ويدقق باصغر الامور وان زعلت منه مايجيني، رغم ان شكلي حلو ومرتب ، مكني انثى ، قاهرني مدري وش السوات ؟
لين: قد قلت لك من قبل انك تنتبهي بس مايفيد ابد..
ميثاء: فواز ماقال لك شي ؟
لين:ابد ولا فتح سيره عن هاني ..
ميثاء بقلق: يعني شنو ؟
لين: يعني انك تتغيرين ، او انك تظلين كذا تحنين وتحنينمير انه بيتزوج وتقولين مبروك ..
ميثاء: وي بركو عليه 120 بعير تكسره..
لين : اجل تغيري انتي ، لايروح بعيد وبعدين صعب انكتردينه ..
ميثاء تنهدت: مدري يا لين ..
لين: اجلسي معه وتفاهمي ..
ميثاء باندفاع: اقول لك مايعطيني وجه ولا يجلس معي مومثل قبل ..
وان تكلمت يقول ماعندي وقت اسمع تفاهاتك..
لين: تؤتؤتؤ يا لطيف ، هو وصل لهنا ؟
ميثاء: واكثر بعد ، مو طايق مني كلمة وحدة..
لين: طيب اشلحي عباتك واجلسي على العشاء ، صعيبة يشفونانهرج كذا ولا جلسنا معهم ..
ميثاء: اخص صرتي بدويه اجل ..
لين بضحكه: اي فديته معلمني ..
ميثاء: انا مقدر اشلح عباتي ، مختار لي اردى لبس ، اكمامطويلة وكل شي طويل ..
لين : اوه وصار يمشي كلامه عليك !!
ميثاء: حلف ان مالبسته مراح يوديني هنا ، وحكم القوي علىالضعيف ..
وانظمو بالسفره الكبيرة المقسمه مابين الرجال والحريم..
وسوالف تروح وتجي ..
وبعد الاكل ..
لبسو الشال والنقاب يتمشون ..
بيسان: انا كلمت عمر عشان نشتري للمدرسة مابقى شي عليها..
جود بحماس: خالي مهوب مقصر معنا ..
منى: ايامي صارت احلى وانا معكم ..
يتبع |تعليق
تعليق