-
-
رد: رواية بجنون أحبك / الكاتبة ساندرا
مرحبا ساندرا
كيفك ؟
عساك على القوةة ..
توقعاتي :.
* وش كاتبة منال بالورقة ..؟؟
يمكن تبغى ورقة طلاقها توصلها ..
او انها مسافرة ..
او هي عند اهلها ..
* كيف بيتصرف فواز بعلاقته مع زوجته منال ..؟؟
بيصبر شويا ، وعلى اخر فعل لها بيحدد كيف يتصرف معها ..
* لين , هل لشغلها الجديدة بداية لحياة جديدها لها ؟؟
اكيد بتتعرف على ناس جدد ، و تتعامل معاهم .. يعني بيصر تغير في حياتها ..
وممكن تبداء حياة مختلفه عن الماضيهه..
بانتظارك ..
في حفظ الرحمنتعليق
-
رد: رواية بجنون أحبك / الكاتبة ساندرا
ياي وأأخيرا روايه الج جديدة
شاركت بس حتى ارد :P
تعجبني رواياتج حيلللللل حيلللللل
رح اكون متابعه للنهايه ان شاء الله وبلتوفيق ي ياربتعليق
-
رد: رواية بجنون أحبك / الكاتبة ساندرا
رواية بجنون أحبك / الكاتبة ساندرا
.. البارت الثالث ..
مدت له الورقة , وهو مستغرب وبتريقه: شفتي يا أم فواز , به معجبين يراسلوني من أندونيسيا ..
أم فواز: ههههههههه ..
نانسي: هادا رسالة من مدام منال ..
فواز يدعي الذهول: أووه , وأنا سنين أعلمها الذرابة وأحين قامت تكتب رسايل لي ..
أم فواز بخوف: هي ما ترسل رسائل إلا وبه مصايب مسويتها , أقرا وشوف محتواها ..
فواز قرأ الرسالة , وناظر با أمه وسكت .. !
أم فواز ويدها على قلبها: وش كاتبة ..؟
فواز: وش أقول لك , أغلبه سب وشتم , بس مضمونها أنها راحت لعند أهلها , وأن عمر ودها بالفجر .. !
أم فواز: لا حول ولا قوة إلا با الله العلي العظيم , أحين بتجيب أخوانها ..
فواز: فكه ..
أم فواز: مكنا عمرها بالأربعين , اساليبها وتصرفاتها واحد ب 9 سنه ..
فواز: يا يمه , لا تاخذين الثقافة والفكر من مبدأ العمر يالغالية .. يا مال يجيك واحد عمره 20 وفكره وعقله بالخمسين !
ويجيك واحد عمره بالأربعين وفوق , وعقله عقل واحد 9 سنه ..
أم فواز تنهدت: أي با الله أنك صادق , بس أللي أفكر بيه أنها معلمة ودين بعد ..
فواز وهو يأكل الزيتون الأسود: هذا الموضة الدارجة يا يمه , ولا تغترين بالمعلمين ترى " البعض منهم " هم بعد فاشلين بحياتهم , غير ناضجين بالفكر ..
أم فواز: وش الحل يا فواز ..؟ بتراضيها ولا وش ..؟
فواز: أبد يا يمه مالي نيه بهالشيء , وإذا على أني أراضيها تحلم , أنا مغلطت هي أللي غلطت , ويالغالية فطري .. ( وخذ عصير البرتقال وقام شربها اياه ) غصبن عنها ..
.
.
بغرفة البنات , أفتحت الدولاب وهي تدور على لبسه ..
وبملل: أووف , بيسان تعالي ساعديني ..
بيسان قامت لها: لبسي جلابية ..
وعد ناظرتها بنصف عين:وع , حلفي بس , أنتي أللي لبسي جلابية ..
بيسان:ههههه طيب لبسي ميدي , على تيشيرت .. ( وطلعته لها ) وش رايك بذا ..؟
وعد: طيب , يعطيك العافية .. ما تقصرين يا خيه ..
بيسان أبتسمت لها: ماسويت شيء وعودتي ..
ريفان بسؤال: الجيه عليهم الخميس مو ..؟
بيسان: أي فديتك ..
ريفان با أبتسامه: كويس أجل ..
وعد: بس الله يعينا على الكرف , تدرين نانسي ما تقدر لحالها وأمي راحت لبيت أهلها ..
ريفان وبيسان با اندفاع:كيف ومن متى ..؟؟؟
وعد: جاني أرق , ولا قدرت أنام بدري , وأسمع رقعت باب غرفة اخواني بقوة , وطلبت من عمر أنه يوديها بيت أهلها والشنطة بيدها ..
بيسان ناظرت ريفان بحزن ..
ريفان تنهدت بهم: مدري متى بتتغير أمي .. !
وعد: أي بالأحلام ..
.
.
.
بصوت عالي: يلا عجلو , تدرون خالكم ما يحب أحد يتوخر عن الموعد ..
منى نزلت من الدرج: أي بدري على الساعة 12 ..
أم رعد:لا مهوب بدري , أنا أعرفكم كل وحدة على متجهز نفسها , يبا لها ساعتين وزود ..
منى با أبتسامه: والله ودي أروح من أحين , لعند خالو فواز أشتقت له حيل ..
أم رعد: يا الله أن تصبرني على منال وسخافتها ..
منى سرحت فكرها لبعيد , وقامت صعدت فوق لعند أختها جود ..
على الساعة 12:11 بالظهر ..
تجمعت العائلة ببيت أبو عمر ..
أم رعد بصدمة: من جدها ذي راحت ..؟
يتبع |التعديل الأخير تم بواسطة الكاتبة ساندرا; 13-10-2013, 08:17 AM.تعليق
-
رد: رواية بجنون أحبك / الكاتبة ساندرا
على الساعة 12:11 بالظهر ..
تجمعت العائلة ببيت أبو عمر ..
أم رعد بصدمة: من جدها ذي راحت ..؟
أبو عمر: هذا عمر جنبك وأسأليه ..
عمر: بالفجر طلبت أني أوديها وهي تصارخ ..
أم رعد بقهر: وش الجديد , هي مغير تصارخ مالت عليها ..
أم فواز تنهدت: أستغفر الله العلي العظيم ..
أم رعد بحماس: وش رايك نزوجك يا خوي ..؟
أبو عمر با ندفاع:مالي نيه بالزواج , أبي أفتك من أللي عندي وأرتاح ..
أم رعد ناظرت بعمر: وهل عيالك راضين ..؟
عمر ناظر أبوه وتارة فيها: الحياة حياة أبوي , صحيح أنا بزعل عشان أمي , بس أنا متدخل بقرارات أبوي ..
أم رعد بذهول:عيني عليك باردة يا فواز , عليك تربية لعيالك غير شكل ما شاء الله ..
عند البنات , بالصالة ..
ريفان: ممكن منديل وعودتي ..؟
وعد: أبشري ( ومدت لها )
جود: مدري كيف مربيكم خالي فواز ..
ريفان ألتفت لها: وش قصدك جود ..؟
جود: أساليبكم مع بعض تضحكني , لو سمحتي , ممكن , فديتك , حياتي .. قولي لها غصبن عليك تجبينه ..
بيسان: بالعكس الأحترام بين الأخوات أساس ..
منى با أعجاب: خالو فواز يهبل بكل حالاته ما شاء الله ..
بيسان بغرور: فديت أبوي بس ..
وعد تغير الموضوع: أجل مرجانه ماجت معاكم .. !
منى : إلا جات الخدامة معنا ..
جود: أنا أللي مشفت مرت خالو اليوم .. !
منى با أندفاع: إذا مهوب هنا , وكاد أنها ببيت أهلها ..
ريفان ووعد وبيسان ناظروا بعض بحزن ..
إلا بدخله نانسي ..
نانسي: بنات , غداء في جاهز تغدوا لو سمحتوا ..
الكل :ههههههههههههه ..
منى بضحكه: يا زينك يا خالو فواز , حتى الخدامة معلمها أساليبه ..
بمجلس الرجال ..
فواز , عمر , رائد , يزيد , رعد , أبو رعد ..
وعند النساء ..
أم فواز , أم رعد , ريفان , وعد , بيسان , جود , منى ..
وبعد الغداء الطيب ..
دخلوا البنات بغرفة بعيدة عن الصالة ..
لما راحو ..
أم فواز: محبيت أنك تتكلمين قدام عمر عن منال , أو أنك تشورين فواز بالزواج ..
أم رعد التفت لها: عمر يا يمه مهوب صغير , وفواز لما كان بسن عمر ,
كان عنده 4 عيال .. فواز معتمد على عمر بكل حاجة ولا مخبي عليه شيء ..
أم فواز: كلامك صحيح بنتي , بس مهما وش كان منال تظل أمه , وراح يتحسس من هالشيء ..
أم رعد:يالغالية العيال عارفين أكثر مني ومنك عن أساليب أمهم ,
ولاحظي بالبنات بعد مزعوجين من هالشيء , أمهم موجودة ولا كنها موجودة ,
وجودها وعدمه واحد , وأنا شرت عليه أنه يتزوج عليها أحسن له وبس ..
أم فواز تنهدت بحزن: والله أن هالولد محزني يا نورة ,
مدري وش السوات منيب شايفته مبسوط وسعيد , يدعي الضحكة والبسمة وهو بداخله تعيس ..
أم رعد: أحين عرفتي ليه شرت عليه بالزواج , وإذا أنتي متضررة من منال ,
هم أنا متضررة مثلك , بس محب أعلمه بسواليفها معك ومعي , عشان ما يتعب أكثر ..
أم فواز بين دموعها: حسبي الله عليها من مره , متعبه ولدي ,
يا جعل الله يتعبها ويروح عليها النعمة , أللي ما صانتها ..<< تقصد فواز ..
أم رعد: أنا بجري البحث يا يمه , على وحدة بمستوى أخوي فواز , حتى لو عارضتي أو عارض هو ..
أم فواز تمسح دموعها: أخوك يا يمه مهوب صغير , ولا يريد نشبه العيال , أنا قصدي لو يتزوج ,
بيجيب كم عيال منه , وهو مهوب ناقص , أنا منيب أنانيه يا نورة , بس ولدي يريد الراحة ..
أم رعد دقت الصدر وبثقه: البنت أنا بحصلها وصدقيني يا الغالية , أنا لقلت كلمة ألتزم فيها , وجاري البحث ..
أم فواز خنقتها العبرة , وصارت تصيح بحزن قاتل: والله أني أدعي له أنه يبعده عن هالنسره منال ,
ويزوجه حرمه , ست بيت , مثقفه , متواضعة , حنونه على عياله ,
تهتم بنفسها وبزوجها , وروحها طيبه .. بس هالبنت ما بعد تجي ..
يتبع |تعليق
-
رد: رواية بجنون أحبك / الكاتبة ساندرا
أم فواز خنقتها العبرة , وصارت تصيح بحزن قاتل: والله أني أدعي له أنه يبعده عن هالنسره منال , ويزوجه حرمه ,
ست بيت , مثقفه , متواضعة , حنونه على عياله ,
تهتم بنفسها وبزوجها , وروحها طيبه .. بس هالبنت ما بعد تجي ..
أم رعد مسكت يد أمها وهي تهديها:لا تبكين يا يمه , دموعك غالية علي ,
ولا تستسلمين ظلي أدعي له وأنا زيك منيب بمقصره .. قال أدعوني استجب لكم ..
أم فواز هزت راسها بالإيجاب ..
والسؤال هنا , هل سيجد فواز تلك الفتاة ( فتاة احلامه ) .. ؟؟
قبل أذان العصر راحت نورة مع عيالها ..
.
.
بعد مصلت العصر ..
لبست بنطلون بلاك , على بلوزة طويلة لين نصف الفخذ با أكمام حاير ماسك على جسمها , لونه باذنجاني ..
حلق طويل دائري بنفجسي غامق , صندل عالي بلاك ..
سيحت شعرها , ولبست ساعتها السوداء ..
مكياجها ناعم , تحت عينها كحل بنفسجي لامع ينزل لتحت عينها شوي ..
وكثفت الماسكارا , وغلوس وردي ناعم , وبلاشر وردي مضيء ..
شكلها كان روعه أنيقة , تهتم بمظهرها ..
تسبحت بعطر أونلي ماجن ..
جهزت قهوتها , وصحون لتقديم الحلا والكيك , وشبسات وشوكولاتة ..
بكل طبق مزين با أحتراف تام , وشموع موزعه با الطاولة , وأناره خافته صفراء ..
اجواء رومانسية ودافئة ..
رن الجرس ..
أنفتح الباب , أستقبلتها بحرارة ..
ميثاء با أبتسامه: أخبارك ليون ..؟
لين ردت لها الأبتسامه: الحمدلله ..
ميثاء دخلت الصالة , وهي تشوف الأجواء الرومانسية وتقديم الطعام با أحتراف : وش هالزين والأبداع ..؟ صدق أنه معرف قدرك النذل ..
لين غيرت الموصوع: أتمنى أن الترتيب عجبك ميثاء , أعذريني مهوب من مستواك ..
ميثاء با أعجاب: والله كل حاجة خورافية , بصور كم صورة طيب عشان انزلها بالأنستغرام ..؟
فتحت جوالها , وصورت كم صورة للأطباق والترتيب ..
جلست جنبها ..
ميثاء وهي تدقق بشكلها: تغيرتي حيل والله ..
لين: للأحسن ولا للأسوء .. !
ميثاء: أول شيء , أنك ضعفتي وبقوة بعد , وشعرك طول , وحلويتي ما شاء الله عليك ..
لين أبتسمت: تسلمين يا قلبي , إلا وين العيال ..؟
ميثاء: عارفه أنهم ما ينعطون وجه , وحطيتهم عند أمي ..
لين: يالبه قلبهم , وحشوني حيل ..
ميثاء: يجيبون المرض والله , مدري كيف تحبين العيال ..؟
لين أبتسمت بحزن مخفي: ناس تتمنى العيال وربك ما يرزقهن , وناس عندهم مهوب بمقدرين ..!!
ميثاء: أممم , لا تزعلين مني , بس بسألك أنتي ليه ما حملتي ..؟
لين: لأني عقيم ما أجيب عيال ..
مثياء بصدمة: من جدك .. !!
لين هزت راسها با إيجاب: الحمدلله على كل حال ..
ميثاء مازالت صدمتها: طيب رحتي عالجتي , أو غيرتي المشفى أمكن تحليلهم غلط ..
لين: عندي تشوة بالرحم , من وأنا صغيرة يقول لي الدكتور , ولا أقدر أحمل , رحت لأكثر من مشفى الجواب نفسه , فا لله الحمد ..
ميثاء: وراضيه .. !!
لين: أجل أتسخط .. ! مايندرا وش الخيره فيه يا ميثاء ..
ميثاء: أمرك عجيب أنا أعرف وحدة أنها عقيم ونفسيتها زفت , وأنتي ماشاء الله وكنا العيد عندك .. !
لين بضحكه: مهوب عيد عندي , بس ربك أللي كاتبه والحمدلله على كل حال ..
ميثاء: اسفة لو أزعجتك , بس تعرفين أنا صريحة وواضحة , ولا أحب أخبي شيء بقلبي ..
لين با أبتسامه: منيب متضايقة ولا محزن , والصراحة راحة يا الغالية ..
** قد بالفعل تضايقت لين من كلام ميثاء صديقتها , إلا أنه واقع وحاولت أنها تنساه .. وتعطتي الموضوع بلوك من حياتها ..
يتبع |تعليق
-
رد: رواية بجنون أحبك / الكاتبة ساندرا
لين با أبتسامه: منيب متضايقة ولا محزن , والصراحة راحة يا الغالية ..
** قد بالفعل تضايقت لين من كلام ميثاء صديقتها , إلا أنه واقع وحاولت أنها تنساه ..
وتعطتي الموضوع بلوك من حياتها ..
.
.
.
دقت باب الغرفة ..
عمر: تفضل ..
ريفان فتحت الباب: مشغول عمر ..؟
عمر حط كتابة فوق المكتب والتفت لها: أفضى عشانك ..
ريفان أبتسمت: تسلم يا خوي ..
عمر:ادخلي ريف ..
ريفان دخلت وجلست بالجلسة:مدري أن كنت مشغول أو لا , بس ودي أروح لأمي ..
عمر:.......
ريفان كملت:أنا وأخواتي كلنا بنروح لها , أمكن تروق وترجع من نفسها ,
أنا مريد خوالي وجدي وجدتي يتدخلون با أبوي , ويخانقونه ..
وهو ميقول شيء لأن نفسه طابت من الكلام أللي لو تكلم مهوب فايدة ..
عمر بتائيد تام: صادقة , بس تظنين أنها بتستمع لك ..؟
ريفان تنهدت: لا بئس بالمحاولة ..
عمر: أنا بعطي أبوي خبر , على بال ما تجهزون ..
ريفان: إن شاء الله ..
نزل تحت وشاف أبوه جالس , مع جدته بالصالة يتقهون ..
عمر: أتمنى مكون قاطعتكم ..
أبو عمر: هلا والله بالشيخ , أفا بس حياك يا ولدي ..
عمر جلس جنبه: خواتي ودهم يروحون لأمي , وجيت أشاورك ..
أبو عمر حط يده على كتف ولده: أنت رجال البيت , وأنا ما عندي مانع ..
عمر با أبتسامه: تريد شيء وأنا طالع يبه ..؟
أبو عمر رد له با ابيتسامه: حافظكم ربي , أنتبه لا تسرع وأنا أبوك ..
عمر: إن شاء الله ..
باس راسه ابوه , وراس جدته
وطلع مع أخوأنه وخواته ..
.
.
.
بين دموعها: تصوروا أنه دفعني .. !!
ناصر بحده: صدق أنه قليل الأدب ..
أم ناصر: أنا أشور عليك أنك تخلعينه يا بنتي , الجلوس معه مستحيله ..
أبو ناصر: عيشتك ببيت أبوك أرحم , يكفي أنه حارمك من المصروف ..
ناصر التفت لها: هو كم يعطيك بالضبط بالشهر ..؟
منال: ألفين غير طلباتي الثانية ..
ناصر: صدق أنه بخيل , راتبه فوق الأربعين ألف , ورئيس قسم , ويعطيك بس ألفين .. !!
أنا بعد معرفت , أشور عليك أنك تخلعينه , عشان تشهرين فيه يا أختي أنك أنتي أللي عفتيه مهوب هو ..
أبو ناصر بتأيد:صادق ناصر , عشان لو تطلقتي منه تقدرين تأخذين غير وأحسن منه , وسمعتك بتكون مسك لأنك أنتي أللي خلعتيه ..
أم ناصر بقهر: حسبي الله عليه من رجال ..
عيسى: أنا أشوف أنه يجي مع حرمته ويحلون الخلاف بلا مشاكل ومحاكم .. حتى السبب مهوب معروف .. !!
منال بحده:مينفع بالطيب , هو مغير صراخ ويرفض كلامي ولما قلت له نسافر لاندونيسيا بالعطلة , رفض ودفعني بعد .. !
عيسى أستغرب:غريب والله .. ! فواز خبري بيه ما يسوي هالشيء إلا أن كان أحد جبره ..
ناصر بحده: أنت معاه ضد أختك , لأنه عطاك وظيفة , وأنت قبل عاطل عن الشغل ..
عيسى قاطعه بقناعة: أهم شيء أني ما نكرت الجميل ..
إلا برن جرس البيت .. !!
راحت الخدامة فتحت الباب ..
ناصر لما شافهم: هلا والله بعيال بخيل ..
عمر: رجاءا خالي لا تغلط على أبوي طالمة هو ماغلط عليك ..
أبو ناصر بصدمة: علموك بعد ترد يا عمر .. !!
ناصر: لا تنصدم يا يبه , هذا تربيه فوازوه ..
وعد بفخر: الشيخ فواز ..
أم ناصر بنرفزه : والله والتبن , وأنتو وش جيبكم هنا ..
ريفان: أحنا جاين عشان نتكلم مع أمي , ونفهمها أنها ترجع بس طالمة أنتو معها وتماشونها بالزينه والشينه , مهقيت أنها بترجع ..
يتبع ~تعليق
تويت
تعليق