-
-
رد: رواية انا كذا لاضاقت بي الدنيا تجيني حالة استهبال <بقلمي
روايه رووووعه كملي اختي متابعه لكتعليق
-
رد: رواية انا كذا لاضاقت بي الدنيا تجيني حالة استهبال <بقلمي
البارت الخامس ___
في غرفة لارا بالمزرعه <<
لارا بقهر / مابي عبدالله اف اكرهه
حلا/ خلاصصص مافيه مفر ماخذته ماخذته
لارا/ ياخي انتي جايه عندي تزودينها علي والا تواسيني هاه
حلا/ ماقلت الا الصدق
لارا / يابقره فكري معي بحل وش رايك انحاش
حلا فطست ضحك / هههههههههههههههههههههههههههههههههههه ليه في فلم هندي الاخت
لارا / والله ودي انحاشش :(
حلا / والله لو تروحين المريخ جايبينك جايبينك
لارا/ خلاصص ابو التحطيم انتي
وقعدت لارا تفكر بحلول وحلا تضحك على حلولها :)
وفي مكان ثاني عند وجدان وامها الي بعد هم يفكرون بحل يخلي الملكه ماتتم
وجدان / يومه ها لقيتي حل
ام احمد / لا وانتي
وجدان / ايه لقيت وش رايك اروح واتلزق فيه واقول انه يتحرش فيني وانتي عاد تضبطينا وتفضحينه
ام احمد / خبلهه انتي افرضي ماضبطت معنا وتشوهت سمعتك وقعدتي في كبدي مانتي متزوجه حياتك كلها انا لازم اخلي عبدالله ينسسى زواجه
من لارا وبتشوفين كيف اشوهه صورتها بعينه
وجدان بحماس / وناسه بس استعجلي مابقى ع الملكه شيء
وفي مكان بعيد عن المزرعه جالس على نور القمر فوق الجبل ويفكر بحبه الي انتهى
فارس يفكر < يعني ي عبدالله مالقيت الا الي انا احبها اه ي قلبييييييييييييي كنت عارف انها تحبني من نضراتها وابتسامتها لي
وكان حبنا طاهرر وحتى مانلتقي الا بالصدف كنت ناوي اخطبها بس اجلت الموضوع لين ماهي تتخرج وهذاني كليتها الحين
وتذكر اول موقف لهم
كان في بيتهم
لارا كانت بالمقلط وبتطلع مع الباب وفارس جاي بوجهها بيدخل وتلاقت عيونهم ببعض وجلسوا يمكن خمس دقايق ع هالحال >> حب من اول نظظره وترا جد فيه حب من اول نظره
وانا بنفسي مجربه هالشعور
الين جت حلا
حلا / هئئئئئئئئئئئئئئ خير ان شاء الله
فارس حس على نفسه وراح بسرعه
وموقف ثاني يوم عبدالله كان بيدخل ع لارا بالغلط وهو منعه كانه حاس ان لو شافها عبدالله بيحبها وبياخذها
فارس وهو يعوره قلبه كل مايتذكر مواقفهم
قال هالقصيده >>
ليتني ماشفتك وماتعلق قلبي فيك
لاني عارف حضي ماراح يصيب
خذاك غيري وانا بالحيل ميتن فيك
ولكن هذي قسمتي وهذا لي نصيب
>> بقلمي وان شاء الله تنال اعجابكم
عبدالله مستغرب فارس وين راح واتصصصل كثير ومايرد
عبدالله / خويلد فارس وين راح
خالد / مدري من المغرب ماششفته
عبدالله / لحول الحين الساعه 11
خالد / اتصل شف الحين يمكن يرد
واتصل عبدالله وانتظر شوي ورد فارس
بصوت تعبان / هلا عبدالله
عبدالله خايف عليه / فارسس فيك شيء
فارس بقلبه << اهه ي عبدالله ماتدري وش فيني وانا اشوفك تاخذ حب حياتي
/ لا مافيني شيء عندي شغله وقضيتها وهذاني جايكم
عبدالله تطمن / طيب توقع بالطريق
فارس / ان شاء الله مع السلامه
عبدالله / مع السلامه
خالد / هاه وش قالك
عبدالله / يقول اني قضيت لي شغلهه والله مدري عنه
خالد / حاله هالايام مهب عاجبني
عبدالله / اي والله حتى انا مغير يهوجس ولاهوب معنا
خالد / حاول تخليه يفضفض يقولك وش فيه
عبدالله / ههه ماتعرف فارس انت لو فيه الموت ماشكى لحد كتوم مره حتى انا صديقه مايقول شي
خالد / الله يستر لايجي يوم وينفجر من ذا الكنمن الزايد
عبدالله / الله يكون بالعون تصدق اشتقت لجدتي بروح اشوفها
خالد / الله معك انا بروح لم الشباب
عبدالله اتصل على امه عشان تخلي له المكان ويدخل على جدته
دخل بصاله
الجده / هلا بعبيدان
عبدالله قرب وحب راسه جدته / وش عبيدان ي جده تراني كبرت
الجده / والله لو تكبر بتبقى بعيني ذاك الولد الاقششر
عبدالله / افا انا اقشر
الجده / ايه اقشر ونص
عبدالله / هههههههههههههههه
الجده / الا صدق بتعرس
عبدالله / ايه
الجده / ماشاء الله ي زين ما اخترت ي ولدي لويرا
عبدالله / اسمها لارا ي جده
الجده / مدري عنكم واساميكم ذي لارا ومدري شسمها لانا وحلا
هذي اسامي بالله عليك ي زين اسامينا من اول حصه ونوره وصيته وهياء
عبدالله / الزمن تغير ي جده ولكل زمن اسامي
الجده / اي والله ي زين من اول
ام عبدالله جت / عبدالله الملكه متى
عبدالله / بعد يومين ان شاء الله
ام عبدالله / الله يتمم لكم على خير ي رب
الجده / الله يوفقكم
عبدالله / امين ي رب
لانا جت / جده عطيني فلوس
الجده / لعنبو ذا الوجه مهب معطيتس قبل شوي انتي وفريس (فراس )
لانا / جددددده عطينا انت عندك فلوس كثير
الكل / ههههههههههههههههه
الجده / اهب ي وجهس بتناشبيني في حلالي بعد
عبدالله / ههههههههههههههههههههههههههههههه لانا تعالي انا اعطيك وطلع من بوكه مية ريال وعطاها وراحت تركض مستانسه
الجده / ايه عشانه اخت لارا والا جدتك ماتعطيها شيء
عبدالله / هههههههههههههههههههه وباسها على خدها
وعطاها خمس ميه مانقدر على زعلك ي قمر
الجده / ايه ماتزوجني واحد من اخوياك تراني صغيره مابعد عديت الخمسين
ام عبدالله تحط يدها على راسها / يوهههه ي خاله استحي عيب
ووين خمسين تراك فوق حول السبعين
الجده وتطقها بعصاها / اصص مالس دخل انا اكلم وليدي عبدالله
عبدالله / هههههههههههههههه ي جده ووينك ووين الزواج
الجده / اجل وش مقعدك عندي يالله ررح عند الرجاجيل مامنك فايده
عبدالله / هههههههههههههههههههه ي حبي لك ي جده
ام عبدالله / رح ي ولدي لا تلزم ع الزواج ثم نبلششش
عبدالله / يممه قبل انسى ترا جوعان وماتعشيت ابي عشاء من ايدينك يالغاليه
ام عبدالله / من عيوني ماطلبت شيء
بغرفة لارا ((كل عايله بغرفه والرجال ينامون ي بالمقلط والا بالمشب حقهم )
لارا / حلو لقيتها
حلا / تكفين ابي حل صاحي
لارا / وش رايك اقول لعبدالله اني مابيه وان كان فيه ذرة رجوله بيتركني
حلا / وكيف ي الخبلهه
لارا / مو مهم كيف المهم اشوفه واقوله
حلا / بس ترا انا مالي دخل مو توهقيني
لارا / مالت عليك بسس خوافه
وصارت الساعه 1 وعبدالله بالمطبخ لحاله ياكل بعد ماحضرت له امه العشاء وراحت تنام
والبيت اغلبه نامو
لارا كانت عطشانهه ونزلت بتشرب ماء وشافت عبدالله قالت فرصهه اقوله
وتلثمت ودخلت بالمطبخ
لارا / عبدالله
عبدالله / بسم الله انا حلم والا علم
لارا / اسمع بقولك كلمتين
عبدالله نزل راسه / قولي ي بنت العم
لارا / انا مابيك ومغصوبهه عليك فاتمنى انك ما تملكك علي
عبدالله ببرود عكس الي داخله / طيب والسبب
لارا مستغربه بروده / مو لازم المهم اني مابيك
عبدالله يتكلم بحده / لازم اعرف السبب بالاول وبعدها اقررر انا بكيفي فاهمه
لارا / افففففف طيب انا ما احبك واعقتد هذا سبب كافي يخليك ماترتبط فيني
عبدالله يبي يقهرها مثل ماقهرته/ ماعندنا حريم له راي هذا اول شيء وابوك عطانا كلمه وانا اصلا بعد مجبور عليك وماخذك عشان ابوي بس
ويالله الحين داخل وعيب عليك داخله علي وتتكلمين هالكلام
لارا / هههههههه عيب علي هاه نسيت وش كنت تسوي معي ووهذاك اليوم يوم بغيت استغفرالله بس
عبدالله قام من الكرسي معصب / ادخلي داخل ولاصرتي على ذمتي اك الحين اقدر اتفاهم معك واربيك على راحتي
لارا حبت تقهره / ايه تحلم اصير زوجتك ودخلت داخل وهي مخليهه وراها عبدالله الي كنه بركان ثاير من القهر حتى ماكمل عشاه
ام احمد سمعت كل شيء ومستانسسه وبقلبها / الحمدلله انها جت منك ي لارا ولا هي مني اثرك والله تعشقين فارس صدق
لارا قالت لحلا كل شيء
حلا / ي خبلهه انتي الحين عقدتي الموضوع بزياده وراح يتمسك فيك عشان ينتقم
لارا تبكي / افففف صراحه ماقدرت اتحمل بروده وش اسوي الحين
حلا / طبخن طبختيه ي الرفلا اكليه
لارا تمسح دموعها / افففف من حضييييي
حلا تمسح ع راسها / الله يسستر بس
ام احمد قالت لوجدان كل شيء
وجدان / اءءءء وناسسسه
ام احمد / العلاقه زفففت بينهم وهذا الي ابيه
واصبري بعد وبتشوفين وش بسوي
اتصلت على عبد الله
عبدالله يحاول يسوي نفسه عادي / هلا
ام احمد / معليش ي ولدي ازعجتك بس بقولك نصيحه مني
عبدالله / وش نصيحتك
ام احمد / ترا لارا بنتن ماهيب زينه والضاهر على علاقات مع شباب عشان كذا ماتبيك انا مره سمعتها بالغلط
تكلم رجال وتقوله حبيبي وكلام معسول فمدري منهو ذا الرجال فانا اقولك عشان تنتبهه ي ولدي
عبدالله بقهر ماحب يبينه / طيب شكرا على النصيحه وسكر الجوال
ام احمد تناظر وجدان وتبتسم
وصباح جديد بعد يوم كان متعب للكل
مها طلعت برا بدون ماتستر متوقعت احد صاحي الساعه 6
وقامت تمشى وتركض بهبال تحسب محد يشوفها
وشوي الا صوت من وراها
/تستري ي بنت
مها تفاجات / فارسس
واستغربت وجهه كان في حال يرثى لها وباين مانام ولا كلا شيء وججه مصفر
وشوي الا اغمى على فارس
مها رفعت راسه وقامت تصحيه ماتدري ليه خافت عليه / فارسسسسسسس فارسسسسس
فارس فتح عيونه بخفيف / احبببببها اه احبببببها
مها حست بالقهر / منهي
فارس / اه راسي
مها حست انها زودتها وراحت تصحي الشغالهعشان هي تقولهم انها شافت فارس طايح
قامت ميري وقالتلهم وقامو وشاله عبدالله والشباب وودوه المستشفى
الدكتور / عند فقر دم حاد قدا ده ليه مش بياكل
عبدالله / ماعليك اول مايطلع انا عازمه على مفطبخ وبياكله كله
فارس ابتسم مجامله
في المزرعه ام فارس كانت بتموت من الخوف
ام فارس / الله يسسستر ي ربي تلطف بولدي ي رب
لارا اوجعها قلبها بس ماحبت تبين
الكل يدعي له
شوي اتصل عبدالله على ام فارس
ام فارس / هلا عبدالله وش فيه ولدي
عبدالله / لا تخافين ي عمه بس فقر دم وهو بخير وهذاه معي جايين بالطريق الحين
ام فارس / خلهه يجي والله ماخليه ياكل الا معي يلعب علي يقول اكل وهو ماياكل
عبدالله / ههههههههه الله يعينك ي فارس باسبوع بتصير كبر الباب من السمنه
وبسس الباقي بكره ان شاء الله اهم شيء التعليقات الي تفتح النفس عشان ابدع اكثر وبس توقعاتكم
ووشرايكم بالاحداث ؟؟؟؟؟؟؟
بنت الليوثتعليق
-
رد: رواية انا كذا لاضاقت بي الدنيا تجيني حالة استهبال <بقلمي
قميييييلتعليق
تويت
تعليق