تويت
رد: ✒ .. خآصرة حرف رمآدية
مرحلـة الـ مدري شتقـول أو تعلـق ..
مرحلـة الـ مدري شتقـول أو تعلـق ..
-
-
رد: ✒ .. خآصرة حرف رمآدية
مساكم أنا وانا مروقه يعني .. اليوم الجميل يبين من أوله الحمدلله
وانا يومي كذلك إن شاء الله ..
عاد تمر بك الحياة من يم ناس ماودك انك مريت بهم ..
بس الله قدر ومريت .. عاد عقب هالمره اللي مريتها
ودك تاخذ نفس عميق وتقول يالله لك الحمد اني عديتهم وان الحياة ما
خلت تعاملنا مع بعض أبدي .. وشدعوا ياذا التدقيق لو نكتب حرف
بلشنا .. ترى والله والله اني احيان اكتب وانا مانيب حول أحد بس على
قولة أمي تقول اللي عنده مصيبه دايم يشمها بكتف غيره يا ساتر ..
مدري متى بنبطل عادة تعالي وش تقصدين بحرفك ذا لا يكون انا
ها انتبهي ترى
مدري وش الوضع بس .. صدقا اقدر الناس
اللي تجي تسأل بأدب من باب انه صار لها موقف معك أو الناس اللي
تكون عارفه خطاها وكلمتك ألهمتهم وجو يستشيرونك لأنك كتبت
هالكلمه من باب ذكرها فقط .. أما الصنف الملقوف اللي عينه
على حرف غيره واللي ماتدري انك قصدته بالصدفه ويجي ينشب
في حلقك معليش ها أنا ولا مب أنا .. عاد ذا ودك تقول له
ايه انت وتجلطه .. بس تخاف ينشب زود ونشبته وبال والعياذ بالله
معليش ياجماعه حرفي يبي يتنفس وفصلت هنا .. الواحد ماعاد يرتاح
في حرفه حتى هه !!
اليوم فاضيه ماعندي شي وجيت اكتب هالسالفه .. فمدري وش الحل
اذا الواحد انبلش وواجه هالنوعيات .. والله جد ترى صعب انك تكتم
الحره اللي تجي من بثارة السؤال اللي يتكرر
تحس انه كذا بصدرك
مسوي زحمه .. لا إله إلا الله ..
وبس والله جايه اتحلطم .. لأن عندي عرس اليوم ومب رايحه وخواتي
كلهم رايحات .. صدقا أبلش بطول شعري جدآ .. وماحب عنف
الصالونات اللي تقطع ثمانين شعره علشان تملس خصله تبي
تخلص بسرعه سلامات << ريلاكس ياتنهيده بالله
لذا قهوتي اليوم برعاية نفسي وبما اننا ببداية اليوم جاري التفكير
اذا يمدي ندشر لحالنا ولا لا
عاد بكملها لكم على ذا كله أمس منكسر آيفوني وما زلت ابتسم
ولله الحمد .. فعادي يعني تنبرش عليك الحياة مره كل ست
شهور بالطريقه ذي .. من حقها عاد هه
تعليق
-
رد: ✒ .. خآصرة حرف رمآدية
ويحدث أن تكون واثقا
ثم تهزك صدمة لكنها لا تسقطك
وممكن يهزك موقف ولكنه لا يضعفك
وممكن انسان كنت تتمنى أن يمدحك ويثمنك
لا يمنحك هذا الاستحقاق
هالاحباط بالذات مؤثر
في هالحالة ستصدق بشيء غير حقيقي
وتتركه يوترك ويضعفك ويشعرك
بقلة الأهمية والقيمة ..
وستنسى من تلك " الأنا " في داخلك
وتتركها تصغر وتتقزم
أصلا صارت غير مهمة ..
كل شيء يشكلك
الأهل والتربية والانجازات
تجاربك الفردية وكل خبراتك
لحظاتك اليومية وكل من هو مهم في حياتك
والامتحانات والقرارات مهما صغرت
وكل شهاداتك وعلمك
لا تتركه يتحول فجأة -قيميا- لا شيء ..
أعلم أنك ستصمد أمام الهزات كلها
لكنك لن تصمد أمام انتقاد أو قلة تقدير
من شخص تتوقع منه تهليلا وتقديرا
ولكنه لسبب تجهله لا يفعل ..
بل ينتقد ويصغر منك وينتقص ..
هذه الخيبة ان كانت مقصودة فلا تدعها تؤثر طويلا ..
وان لم تكن مقصودة فدعها تمر ولا تنحني معها ..
فأنت يجب أن تظل واقفا
ماذا سيصنع الفرق في نفسك؟
راجع نفسك وادرس شخصية هالانسان الذي أحبطك
تساءل عنه هو ولا تتساءل عن نفسك
فكر واعمل حساباتك
ولا اشكال أن تراجع نفسك
لكن بكل تأكيد
لا يكن أول انفعالاتك لقلة تقدير
هالانسان مهما كانت أهميته بالنسبة لك
" أن تتهم نفسك "
هالطريقة جعلتنا دائما في الركب في الوراء
فليس هكذا نمتحن في نفوسنا التقوى
أن نأكل الصفعة اثر الصفعة ونتهم أنفسنا في كل مرة ..
لا تعطي لمن يهدمك المعول ..
تعليق
-
رد: ✒ .. خآصرة حرف رمآدية
فارغا لا تكتب ،،
.
.
غاضبا لا ترد !
ثقافة العتب عندنا مرا لأ .. مدري ليه الواحد صعب يتحكم بنفسه
اذا سمع من الطرف الآخر ما يسيئه !!
هل اننا مانقدر ننتظر الشخص لين يفضى لنا وناخذ من وقته شوي
ونعاتب .. وإن ما تيسر وقت نكتب له رساله مفادها إن الموقف
الفلاني ازعجنا أو الكلمه كانت مب في محلها ..
يعني لازم لازم الإحراج !! وقدام الناس كم حركه استعراضية
للمفردات والأساليب اللي نمتلكها .. أوك .. بعض الناس ماتعودو
على أسلوب يافلان ممكن من وقتك شوي نتناقش في كذا وكذا
فيدرعمون على أول حرف بأسلوب زعل وهجوم .. طيب رفقا ..
بشويش .. حط تفكيرك على فلتر السناب البطيء .. وركز شوي
وعيد التفكير بالجملة اللي حسيتها إساءة .. إقرأ المفرده مره
ومرتين .. تذكر أسلوب الخطاب كيف كان وإن أمكن ملامح الوجه ..
ريلاكس قبل الرد والعتب .. وراح تتضح لك الصوره ..
مب خبط لزق عاد .. والله لو ناخذ كل أمورنا بثقافة تنظيريه وننتظر
التطبيق من الغير ماراح نتفاهم .. لازم قبل نتكلم أو نكتب نقطة
نشوف كيف حنا فيها .. هل الوضع يسمح اني اتكلم أو نفسي أولى
بالكلام مثلا .. خلاص عندك ثقافه قرأتها في تويتر السناب أو جوجل
او من استاذك وتبي تجي ترميها علينا لأنها معجبتك الجمل ياليت تكتب
تحتها .. أفتقر لهالصفه نشوف من برضه يحتاج لتعديلها في نفسه
ويسمع وجهات نظر .. هذي طريقه شجاعه في انك تناقش عيب
فيك مع الغير اذا كنت تتقبلهم وترى فيهم انهم واعين وكذا يعني ..
انا عن نفسي فيني طبع احسه بايخ .. إذا زعلت وزعلتي ثقيلة
وتستاهل اعتذار من الطرف الآخر .. يعتذر ويعاتبني ويطنشني
لأنه إذا كررها علي اكثر من مره تثقل بنفسي وتطلع على هيئة
دمعتين ولازم لازم انام علشان تنغسل صح ..
كلنا نعاني من أنفسنا بس عادي المفروض نتقبل عيبنا ونحاول
نعالج ..
خلاصة الموضوع .. العتب والاعتذار والنقاش وكل أمور تخص
طرفين لازم يكون بينهم فترة راحه وهدوء وإعادة تفكير بالموقف
وإعادة تدوير لردة الفعل بشكل آخر .. مب كل شي سريع تقل
ناقصنا مشاكل ندورها دواره هه ماصارت والله وش ذا الحال ..
تعليق
-
رد: ✒ .. خآصرة حرف رمآدية
ويا عالمي فوق حلق فوق
كنت بتحلطم بس بطلت مع إن عندي حلطمه لين خشمي بس بمناسبة
فوز النصر مودي رايق جدا .. عسى الله لا يغيره علي يارب ..
سبحان الله دايم لو تلاحظون تسعدنا أشياء بسيطه .. شي تحبه
ويصير حاله منتاز .. ولا شخص نحبه أثنى علينا .. أو حتى
أكل نحبه صار جاهز وقدامنا .. أمور بسيييييطه في الحياة مدري
ليه نبخل بها على غيرنا اذا هي تسعدنا ..
اعطيكم شي بسيط ومثال بسيط يمكن غالبيتكم جربه ومستحيل
أحد ماكد حب من قبل شعورنا البسيط بالفترة هذي تحكمه
معرفتنا انوه فلان يحبنا وبس .. كلمة تطيرنا بالسما وكلمه
تحبطنا إحباط مب صاحي .. ونشوف هالشخص ملاك وهو أقل
من العادي أحيان .. بس شعور وكلمه غيرت إحساسنا تجاهه
ليه مب هالشي ينطبق على كل العلاقات !
ليه ينفرد بها الحب بس .. ليه ماتكون في الصداقه أو مع اخوك
أو اختك .. ليه دايم الشي يبنى على مصلحه أو هدف جدا
تافه ووقتي ..
انا عن نفسي اتخذت الصداقه عنوان لشخصيتي ولحياتي كامله
صديقاتي ما انساهم احفر عليهم لين الاقي طرف خبر عنهم
وازور أو أسلم .. أحيانا بعضهم يستقبلك ببرود ويستغرب
انه مازالت جواتك لهفه انك تسمعه وتشوفه وتكون حوله
يستغرب انك مازلت تشعر بالعمق اللي بينكم والموانه
وتعامله على هالاساس .. لكن بالمقابل يكون سطحي معك
وبارد .. يشعرك انك شخص كنت بالنسيان .. اتعب وانا اقول
هذا ابيخ موقف تعرضت له بحياتي ..
عموما الأصدقاء أنواع .. لكن انت بتبقى انت رغم كل شيء
وكل مادقتك الدنيا كل ماتعلمت أكثر .. وكل ماكنت حساس
أكثر .. وعاطفي أكثر .. هذا بالنسبة لي .. لأنه نمط شخصيتي
هو ENFP أكثر نمط شخصيه متفائل ومبتسم ..
اختبرت قبل 4 سنوات أو 3 والنتيجة نفسها موجوده بإحدى
صفحات مدونتي :)
وهذا رابطها ..
واللي بيقول وين الرابط كف ترى اضغط على القلب
اللي فوق وانجوي ^-^ ..
تعليق
-
رد: ✒ .. خآصرة حرف رمآدية
تخيلو اصحى الصبح بحلطمه مالها داعي واهاوش يعني
أحس بايخه بحق الصبح .. مدري كيف الواحد يصحى من النوم
يخرب مود نفسه بنفسه يدور هوشات من تحت الأرض ويداوم
يغلي أهدى من كذا طيب .. شوي شوي على نفسك
كيف تشرب قهوه سمراء وانت ضغطك فوق ال 120
أحس مرا لأ والله ..
إذا صحصحت الصبح وصليت وسويت لك شي دافي وتكلمت
مع أحد في أمور حلوه وتفتح نفسك لباقي اليوم فهذا شي
منتاز .. أما لو تبي الكدر لنفسك صحصح وهاوش على شي
تافه وقل يالله ليه استفتح يومي بهالوجه .. ترى مستفتح
يومك بنفسك
دايما أحب اتغاضى عن أي صوت عالي الصبح أو أي هوشه
ترفع ضغطي حتى لو كنت ساكته .. احط سماعاتي علشان
ما اسمع .. وإن سمعت لازم ارجع انام ساعه اصفي ذهني
ماحب الحلطمه اللي تافهه ومالها معنى ونقاش على مواضيع
بايته ..
حتى لو كان عندي شي يكدرني وكان من أمس ولقيت الشخص
اللي بعاتبه بوجهي الصبح مستحيل أتكلم .. أحب تأجيل المواضيع
إلى جلسات مسائيه لاني ما أضمن النتيجة ولا الشخص لذا
راحة نفسي النفسيه فوق كل شي وابتسامتي اول الصبح
من أولوياتي ..
بغض النظر عن كل هذا .. بعض الحريم اذا تزوجت وتأخرت عن
مشكله كانت من البارح تفتحها الصبح مدري ليه .. يعني مثلا
زوجها ما جا إلا بعد ما نامت .. يا تصحيه وهي تسب وتشتم
ولا تخليه لين يبدأ يفطر وتشغل الار بي جي عليه
طيب امسكي لسانك يمه لين المغرب أقل شي ولا خليها الظهر
علشان ماتموتين ماقلتي اللي بخاطرك .. بس أمانه الصبح لا
خليه يروق .. إلا إذا كان هو يحب الحلطمه فهذا ادبغيه ببرودك
ولاتردين إلا بكلمه حلوه مع ابتسامة عدم إحساس .. ترضي غروره
وبوقت روقانك افتحي الموضوع بهدوء
الحياة بسيطه ترى بس حنا اللي نصعبها بأخلاقنا اللي ماش
ندور نكهات صبح بايخه تشبه طعم شوكلاته مره من باتشي
واللي ماذاقها يذوقها زين .. قسم تخلي المعده تغلي وترفع
الضغط بمرارتها .. مفعولها نفس مفعول الحلطمه اللي تغبن
والله .. انا كذا أحس مدري عنكم عاد
المهم مساكم اصفر راااايق جميعا ..
تعليق
-
رد: ✒ .. خآصرة حرف رمآدية
يجي هادي !
يصبحني بـ صباح التوت
صباح : إنتي تحبيني؟
صباح : اللي تحبك موووت ،
ويصير الصبح مو عادي
يصير الصبح :
سـاعـة صـوت
تعليق
-
رد: ✒ .. خآصرة حرف رمآدية
وخيرة الله دوما أجمل من أمانينا
تعليق
-
رد: ✒ .. خآصرة حرف رمآدية
تخيلو إنه بطانيتي صغيره يعني تكفي شخص واحد مب من
الكبيرات أم نفرين وكذا عاد أتحدى أحد فيكم مثلي مدري
ليه أحس انكم ماخذينها طويلة << شدخلك قولي السالفة طيب
المهم انا ماخذتها قصيره لسبب محدد ومن بعد موقف صار لي
مرا سافرت اختي أسبوع ونمت ببطانيها الطويله وصارت دافيه
ما أتذكر بذاك الاسبوع اني صليت فروضي بوقتها .. كلهن كنت
اجمعهن مع الفرض اللي اصحى فيه
عاد قعدت بيني وبين نفسي وقلت مب حاله ذي .. لازم أعدل
الوضع .. وكانت بطانيتي نفس الشي طويله .. بس كانت ماما
تصحيني للصلاة وتتعب معي رغم إن نومي خفيف لكن أطول
جالسه واتمغط وارجع انام .. والسبب اني مازلت أحس بدفا
البطانيه ..
المهم قررت آخذ بطانيه صغيره وبيني وبينكم مب ذاك الطول
انا عاد .. يعني مب نخله << تعزز لنفسها خلوهااااا
طبعا هالشي بعد تفكير لاني اعرف إن الهوا لامنه صكني برجلي
بصحصح .. فصرت اقول لماما اذا جيتي تصحيني لاتصكين
الباب خليه اذا حسيت الهوا بقوم أصلي ..
شعور البطانيه الكبيره رهيب .. لكن افوت وقت الصلاة ..
ولابارك الله بدفا يخرب علينا صلاتنا .. فصرت اذا توضيت
وصليت أشعر اني دفيت ولله الحمد .. كله بفضل ربي
لكن أتمنى اللي يغط بنومه حلوه لامن نام ويأخر الصلاة
يسويها .. والله ياصكة الهوا بباطن الرجل يعور ويصحصحك
يخليك زي الألف تقوم مقهور من اللي صحاك وخلى الباب مفتوح
السالفة فيها هدف ترى وحبيت افيدكم :)
المهم قررت اترك ميلان الخط بالتدوينه ذي .. ودي اغير مود الحروف
واهجدهم تعبت من اني ارقصهم صدق يعني وبعدين اهنيني عليكم
والله انكم صابرين على الخط الخآيس اللي كنت أدون به وتعطوني لايكات
وتمرون وتعنون أنفسكم .. ولو انا منكم ماقرات لي بالخط اللحجي
ذاك << خفي علينا ياذوق
ما علينا بالتدوينه الجايه بحط لكم صورتي ابوي سمح لي اكشف
وجهي وانا من زمان خاطري تشوفوني
خلاص بخربها
لعيونكم يالبى اللبايب بس
برب ،،
تعليق
-
رد: ✒ .. خآصرة حرف رمآدية
اصبحنا واصبح الملك لله
التعديل الأخير تم بواسطة تنهيدهـ; 08-02-2017, 07:20 AM.تعليق
تعليق