.. زهـايـمر حكـي .~

**تنهيدهـ** · 10-11-2016, 06:30 PM

رد: ✒ .. خآصرة حرف رمآدية

يا ليت لي قدره على طي الأيام
واقدر أعيد سنين .. واقدم سنين

ودي أنام الحين واصحى قبل عام
العام كان أجمل بواجد من الحين

بوح ..

**تنهيدهـ** · 11-11-2016, 12:11 PM

رد: ✒ .. خآصرة حرف رمآدية

من قلب المدينة المنورهه يسعد مساكم ..

وأخيرا خلصت أسابيع الأمومة حقتي وما بقى
إلا شوي بس وأرجع المسؤولة عن نفسي واتسدح ببيتنا مثل
قبل ..
سبحان الله يا الجو هنا بالمدينه نفس الرياض بس اللهم الفرق إنه
الهوا بالرياض أقوى شوي ..والمدينة دايما أشرح وأجمل مدري
ليه ..

ماعلينا .. المهم ..عندي سؤال موهم جدا .. يعني أستغربه كثير
ليش الواحد يختبر الناس دايما إذا تحبه أو لا .. وغالبا ماتكون
الاختبارات تحمل سوء .. يضر النفسيه قبل ما يثبت هذا الحب
لهالدرجه احنا احساسنا وحدسنا بمحبة الناس لنا ماش مرااا !!!
ترهقني هالعاده السيئة واللي دايما تصير واتغافل عنها ..
بس هالمرة واجهت فيها لأنها تكررت من وحده من البنات كثير
وانا ماتحملتها أبدا ..

لحد يفاول على نفسه بسوء علشان يشوف معزته عندي لأنه
غالبا ما يكون الأثر سيء للغاية ..
لطفا يعني .. ارأفو حبتين بقلوب الناس .. واعذرو اللي ما
يعرفون يعبرون عن حبهم بالكلام ترى تصرفاتهم أبلغ

برضه ماعلينا .. صايره متنحه هنا بزيادة ومانيب مثل قبل
بس تعرفون حوسة البنت ودجتها قبل أي مناسبه
ترى صايره معي وانا ذوقي جدا صعب لأنه بسيط والدنيا
صايره مبالغ فيها

شكرا لتقييماتكم الحلوه ورسايلكم الأجمل .. ربي لايحرمني
منكم ومن وجودكم في حياتي ..

خودافس ياجميلين ..

**تنهيدهـ** · 11-11-2016, 03:04 PM

بس أقول ..~

‏أعتدل في حب كل الأنديه
لكن اطغى وآتفنن بالنصر

من عشقته صار ليلي أمسيه
واعزف الحان المشاعر للعصر

بوح ..

**تنهيدهـ** · 12-11-2016, 08:50 AM

رد: ✒ .. خآصرة حرف رمآدية

صباحكوم ..~

* * *

**تنهيدهـ** · 12-11-2016, 07:37 PM

رد: ✒ .. خآصرة حرف رمآدية

ويش فينا ..؟
كل ما قلنا
فرح ..
راحت علينا ..

**تنهيدهـ** · 13-11-2016, 11:24 AM

رد: ✒ .. خآصرة حرف رمآدية

صباحكم جميل بجمال صوت عبادي الجوهر اذا قال ..
عيونك آخر آمالي

تعرفون ألم الضربات اللي في الجبهه وألوانها بعد كيف يكون
يهبل بعد يوم من صكة حافة الباب فيها
ايووااا بالضبط هذا اللي أعاني منه الآن .. أول أمس صكيت
بالباب وانا عيني بيد عمتي وش جايبه معها من أكل لأني بموت
جوع ..
والآن الألم واصل نص راسي مابين الشعر والله .. على قولة
الوسمي انتا مو انتا وانت جيعان .. الجوع كافر من جد
بس كل دقه بتعليمه إن شاء الله .. بس ماله داعي تجي ملكة
اختي وجبهتي لونها أخضر مع موف ووارمه تقل طايحه على وجهي

تصدقون هالمره حماسي للسفره ماااش مب حماس كل مره
حتى انا مستغربه من نفسي ودي لو اني رحت مع خواتي
الجنوب قسم اشوف سناباتهم شوي واصيح .. ليه انا لحالي
يمكن اول قرار أندم عليه من بدت السنه اني جيت المدينه مع
عمتي وتركت خواتي

انا جد مدري لاتزوجت وش بسوي .. اصلا لما انخطبت اختي
قعدت فتره كل ماشفتها اصيح مع أنها بتسكن بالرياض بس
مش مستوعبه إن العدد بينقص وما اشوفها كل صباح
يعني ما أقول لكم مافي تتش بيننا بس يمكن الحب أقوى من
أي تتش يصير

الله يخليهم لي ويخلي لكم خواتكم أجمعين .. من جد انتظر
متى ارجع الرياض .. السفر مع ابوي أحلى من عمتي لأن
عمتي همها دلة زوجات عماني وسواليفهم مدري عادي
أحش فيها ولا السالفة فيها عقوق لأبوي

خلونا نفرفر على مدوناتكم .. أخاف أحد يشوف كلامي
هنا ويعلمها مثلا

برب ،،

**تنهيدهـ** · 13-11-2016, 01:21 PM

رد: ✒ .. خآصرة حرف رمآدية

أيام حلوه كانت أيام حبك ..~

هنا أرشيف لقاء لي في القسم الأدبي جد كنت عاقلة
ياحبني لي .. وبعض الغايبين اللي سألوني حنيت لهم
جد ماعرفتني .. حتى الوسمي كان بالادبي مدري
وش جابه هناك .. اعرف ان بوحي جذاب بلا عذاب < والله لو أنه برت بلس ..
هيا تعالو بس معاي شوفوني بالوجه العاقل .. بالله
ما أنفع اطلع في خيمة الشعراء << ياقدمها هي والقناة الأولى

خذو احتياطكم لأن فيه غبار في ذا هنا

برب ،،

**تنهيدهـ** · 14-11-2016, 09:32 AM

رد: ✒ .. خآصرة حرف رمآدية

صباحكم نشاط ..~

ولأول مره أعيش أجواء النشاط لكل شي تدرون
حاطه بشعري موز وبيض حاليا ،، انا وبنات عمي .. إخوانهم
يقولون لهم وش ذا الحركات معصوب في شعوركم سلامات ..
هذا اللي مايعرفون وش معنى تغذية الشعر بالبروتين والفيتامينات
الجيده للشعر

ماعلينا .. غير كذا سويت لهم خلطة ترطيب معتاده استخدمها
ساعه باليوم قبل الاستحمام .. وايضا عصير الليمون الطازج بالنعناع
اللي لازم يكون بشكل يومي بالثلاجه وايش
بعد سويت .. يعني أكثر من شغله والله .. ياحليلهم واثقين
فيني اني مره واو

يعني مب هم لحالهم حتى انا واثقه فيني .. بس قسم اول
مره احط موز بشعري .. الله يستر .. أخاف تجربتي
تصير نفس تجربة اختي اللي حطت بشعرها ملوخيه يعني اني
اختراع جديد وآخر شي للآن تعاني منه .. راح كله والله
على الرغم من أن شعرها كان أحلى من شعري بس وش
نسوي بالدلاخه << الله يستر من الموز :)

الموهم بما اني نشيطه أي استفسار يخص الخلطه
انا جاهزه << محد يبيها يابنت

يلا فوتكو بعافيه < لايق وقسم

برب ،،

**تنهيدهـ** · 15-11-2016, 02:43 PM

رد: ✒ .. خآصرة حرف رمآدية

شفت القمر وشلون صاير بالسما
عملاق متزين ... وزاهي حضوره

مثله تماما .. .. حبك الصادق نما
متربع بقلبي .. .. وطيفك يزوره

بوح ..

**تنهيدهـ** · 15-11-2016, 05:19 PM

رد: ✒ .. خآصرة حرف رمآدية

صايره حركاتنا بايخه مره قبل النوم نمسك جوالاتنا
ونجهد العين لين ما تقول يالله حسن الختام .. ونسولف
لين نقول آمين ونص السواليف هلوسه يعني ..

ماعلينا .. اليوم صار دور عهد بالسواليف .. سواليفها
قسم تهبل غير غير عن المدونه بس بنفس الخبال
يوم شافت وجهي حسبتها بتقول لي وش ذا كأنك مريضه
ولا بتحش .. أول شي قالته انتي تشجعين ولك بالكوره
مصدومة البنت مدري ليه .. يعني بالله اللي تشجع كيف
تتخيلونها عجزت أفهم هالمنطق بالذات ..

امانه اذا تتخيلونها ماش علموني علشان ادعم المدونه
صوت وصورة يعني .. حرام تاخذون فكرة اني حلوه
وكيوت وتنصدمون

ودي أنزل استفتاء بس أخاف على مشاعري تنجرح وكذا
بس بنات النصر بالذات غير بنات الهلال << تحارش حكايا
حطوا هالشي ببالكم .. مب أي وحده يلوق عليها الأصفر
ومو اي وحده تزينه

فيه ناس تقول لي شجعي فريق ثاني وفيه ناس تقول لي
الكورة ماتليق بإحساسك وفيه ناس تقول لي مب لايق للغايه
انك تشجعين .. وأنا أقول :

في حياتي ما عشقت الا النصر
لا تجادلني عسى عمرك طويل

اسمع الكلمه .... كذا بالمختصر
عشقي الأصفر وقلبي له يميل

مالكم حيله

خودافس ياجميلين ..~

.. زهـايـمر حكـي .~

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget