.. زهـايـمر حكـي .~

**تنهيدهـ** · 28-10-2013, 04:13 AM

رد: (خآصرة حرف رمآدية ) *"

هذا البلا ل اجتاحنا سحر الاعيان
يسقي عطاشى العاطفه كنه المي

ياصعبها لاذاب إنسان بانسان
يعيش ب الدنيا لا ميت ولا حي

.
.

**تنهيدهـ** · 28-10-2013, 04:25 AM

رد: (خآصرة حرف رمآدية ) *"

الفرح ب اخر ثواني زارني
دق بابي وابتسم لي بلا ثمن

موقفه من جد والله حارني
خص انه مبتسم في هالزمن :)

.
.

**تنهيدهـ** · 30-10-2013, 11:52 PM

رد: (خآصرة حرف رمآدية ) *"

يسعد لي مساكم جميع
وعسى تكونوا مستانسين واليوم الربوع حقت الوسمي الله يسعده
ويرجع لنا مدري وش مدهر به مع اني متاكده انه مسوي مع نفسه تحدي
يشوف كم يصبر مايسجل دخول بيوزره >> فيس واثق :)
عموما ربي يسعده والجميع انشالله ..
واشكر صراحة الجميع بلا استثناء سواء اللي قيموا او ارسلوا يسالون عن اخباري
تبون الصراحه به ناس نكاتهم انجلش ومابي حيل انسخهم وياليت ينفع
معهم العربي علشان نتفلسف .. زين البنات وثقافتهن
الله يسعدكم جميع ..
تصدقون احب الناس اللي تحاول انها تبعدني عن الحقيقه >> فيس يغمز
بس انا صامله يا saw وبحكي عن اللي ماتعرفه بثقه وخروا شوي
شوفوا

واعجبني تفكيرك صراحه مع اني مدري ايش السالفه

اهم شي اعجبك تفكيري هاه عاد مو مهم
السالفه المعنى في بطن الشاعره وقاعده تتقهوى عليه
يسعدلي اياك وتشرفت بمرورك >> فيس يقهرك ..

.
.

**تنهيدهـ** · 31-10-2013, 09:50 AM

رد: (خآصرة حرف رمآدية ) *"

جايه مدرعمه انفض مدونتي خاطري اغير جو الله ينفض شر ابليس
عاد تدرون متى اكره اخوي عزوز واعصب لاشفته تلقائيا
لا قلت له اشتر لي شيبس كبير ابو 5 ريال وجاب لي ذا

ذيك الحزه ودي انفضه نفض .. ما اكره هالنوع بس كرهته من فتره
اكيد بتسالون وراه تكرهينه ..
ابقولكم بس وش رايكم في الجراد امانه بالله صدق لاتزلون علي
انا عن نفسي احس انه بالنسبه لي من الاشيا اللي عليها كذا
المهم ولا لكم بالطويله ..
وحده من صديقاتي قبل فتره كم شهر كذا مرسله لي هالصوره ع لواتساب

عاد بديهيا سالتها وش ذا بيدك"
قالت جراده اخخخ لو تذوقينه عاد انا تحمست وقرفانه ربي يكرم النعمه
قلت له مثل وش تقريبا عاد هالسؤال كلن يساله تدرون وش قالت!!!!!
قالت طعمه مثل الشيبس اللي ناكله على طول
من يومها حرمت الشيبس ذاك مادري كل ماتخيلت اكله
احس بتخيل جراده ييييي ..
عاد البارح عزوز جايب لي هالشيبس انا اتحسف على الريال به
والله لو تطيح قيمتها بالشارع ارحم اكرههها مع العلم اني كنت اكلها
بس بالصوص اللي جنبها فوق
عاد تدرون البارح قعدت اكل تمر طول الوقت اهم شي ما اقربها
ماعليكم مني بس اكره الجراد كره العمى واخاف اعرس على واحديحبه
وابتلش

ع فكره صباحكم ورد

سي يا ..

.
.

**تنهيدهـ** · 31-10-2013, 09:54 AM

رد: (خآصرة حرف رمآدية ) *"

تدري وش اللي احرق بداخلي الشوق ؟
اني عرفت الشوق في داخلك ... ايش

كنت اتحسف انظر بعين .... مخلوق
لكن عرفت انك على هاوية ... طيش

.
.

me

**تنهيدهـ** · 31-10-2013, 11:26 PM

رد: (خآصرة حرف رمآدية ) *"

والله اني ماعشقت الاسواك
حس فيني والله اني اعشقك

ماتخيلت العمر الا معاك
وﻻتلعثمت بحروفي انطقك

.
.

**تنهيدهـ** · 31-10-2013, 11:31 PM

رد: (خآصرة حرف رمآدية ) *"

يا حزن قلي علامك ليه أدمنته ؟
ماتدري اني اصوغك شعر منشانه

فك القيود اللي على قلبه ومرسمته
واطلق سراحه وخله يعتلي شانه

‏انا رهينة الم بالقلب عايشته
هنا حروفي تقول هناك عنوانه

خل البراكين طلقه دام اخرسته
نبضي ومات الهوى في روح عشقانه.

.
.

**تنهيدهـ** · 31-10-2013, 11:36 PM

رد: (خآصرة حرف رمآدية ) *"

رباه لا تجعل أرواحنا تفارق هذه الحياه
الا و هي تحمل حسناٺ تمنحنا جنتك .

.
.

**تنهيدهـ** · 31-10-2013, 11:38 PM

رد: (خآصرة حرف رمآدية ) *"

اللهم مد لي يدا لم تكن للزوال .""

.
.

**تنهيدهـ** · 31-10-2013, 11:41 PM

رد: (خآصرة حرف رمآدية ) *"

كيف نام وخاطره مني كسير
والله اني ماقوت عيني تنام

.
.

.. زهـايـمر حكـي .~

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget