.. زهـايـمر حكـي .~

**تنهيدهـ** · 01-11-2016, 01:24 PM

رد: ✒ .. خآصرة حرف رمآدية

صباح الظهر ،،

للأبد أكره مشاوير الساعه 11 .. لا الاقي سواق زي الناس
ولا الاقي اخواني يودوني .. وآخر شي اسحب لحافي مابين
أكمل نوم ولا انتظر ..
ويجيني آخر شي اخوي تقل بيوديني احج مب مشوار أبو
ساعه .. يتشرط سوي لي ولاتسوين يخلوني اضطر
اني اسلك ..

يعني مدري وش ذا الاستغلال اللي يجي من ورا مشوار يحطون
لها مقابل طبخه ثقيلة ولا مشوار أثقل منهم ..
طيب يرضيك اطبخ غصب ولا اروح غصب سووها لله يا شباب
واكسبو رضا الله والإحسان إلى أنثى << بدت تستغل النصوص

بس آخر شي احنا طيبين نرضى بالشرط الأسهل المهم خارج
معايير المشقة خلونا حبايب وحلوين تمام !!

بالمناسبة أشكر أخوي الجميل لاشيء يستحق على الثناء
وأقول له انا دام اني فاضيه للمكان راح افيد على قدر
المستطاع إن شاء الله ..
بس دور لك نسخه مثلي كذا أموره وكيوت << برا برا
خلاص انا كنت من حظ قسم التدوين .. وحبيته لاني
اتحلطم بشكل يستوجب اني أعدل سولافاتي أحيانا
فالنسخه مني غير متاحه لكن معليش حاول

يلا يلا طالت .. برب ،،

**تنهيدهـ** · 01-11-2016, 04:26 PM

رد: ✒ .. خآصرة حرف رمآدية

أحب المرضى اللي مليانين حياة .. يروحون مواعيدهم
واذا خلصو ينسون الألم والمرض في المستشفى ويطلعون
للحياة مشرقين .. والله إنهم أفضل من بعض الأصحاء
اللي بصحته وعافيته ونفسيه ..

الأسبوع اللي فات كنت مع اختي اللي تغسل من الكلى
واسولف مع اللي مرافقين أهاليهم زي العاده
وأختي على جوالها قاعده تتفرج .. شوي وينفصل اللي
حقت الغسيل من الجهاز والدم بكل مكان
انا اناظر اختي اشوف اذا باقي هاديه ولا لا .. بس
سبحان الله كانت هاديه ومبتسمه والنيرس متلطخه
دمان وحالتها صعبه .. ركبت الجهاز من جديد
وقعدت تنظف .. أختي ماخافت إلا بعد ما خلص
كل شي قعدت تبكي

بس بالنهاية طلعت من باب المستشفى ونست السالفة
أحب هالشي فيها ..

بالنهاية ..
احنا اللي نخلق الحياة في أنفسنا واللي حولنا .. لذا لحد
يستاء من المواقف الخارجيه .. ويسوي حول نفسه هاله
من ضيقة الخلق وينفسن

**تنهيدهـ** · 01-11-2016, 09:26 PM

رد: ✒ .. خآصرة حرف رمآدية

‏لست تلك المرأة التي إن عشقت رجلا تمنت أن تطليه بالوحل
لتنفر منه النساء ، أعلم أني كافية ليتكسرن في عينيه ،
ويتبخرن ، ويتطايرن في الهواء .

**تنهيدهـ** · 02-11-2016, 09:38 AM

رد: ✒ .. خآصرة حرف رمآدية

يسعد صباحكم ياجميلين ،،

تعرفون هياط اسمه هياط كامل الدسم يجي الواحد نافش ريشه
على قرارات المدير ويعني اني والله ما تمشي عليه ..
وآخر شي تلاقيه اول واحد يرضى بها ويبلع لسانه
ايواا بالضبط مثل موظفين سبحان الله كانو رافضين الخمس بصمات
وكان صباحهم تعميم زي العسل من جماله مشتطين بتويتر

يعجبني الأمين العام حقتهم رغم أنه انحشر قبل فترة بس صامل
دايما الجنوبيين أصحاب قرار << برا برا لاكف الحين
بس اللي شفته من الاحصائيات انه نسبة الانضباط الأسبوع
الماضي زادت عشرين بالميه يعني تحول عظيم

اليوم بعد الخصومات وتقليص الوقت اللي يبصمون فيه
اتوقع يصل الانضباط إلى 90% .. والله مشاهم على
عجين مايلخبطوهوش

ابس رايكم تطبقون نظام البصمة هنا بس بعد بصمة
الوسمي بربع ساعه علشان يرتاح من بصماته وكذا ..
أي وقسم اتشمت ومن الصبح اضحك .. صار الواحد
يحط منبه للبصمات علشان يركض قبل الزحمه
اه يازمن صرت اطقطق على نصراوي مني وفيني
بس داهمته و من كتفه هالمره ..

معليش ياعزيزي الدنيا كذا لازم تحس أن الله كان
ارحم بك من مديرك وزع لك الصلوات بشكل
لطيف ..
لو أن صلواتك كلها الصبح كان الحين رايح فيها الدوام
ولا الصلاة

يلا هانت باقي لك ثلاث بصمات

خودافس ،،

**تنهيدهـ** · 02-11-2016, 01:47 PM

رد: ✒ .. خآصرة حرف رمآدية

شاعره جدآ وبي أنثى خجوله
تستبيح الحرف عشق وبالخفا

أعشقك جدا وهذا اللي أقوله
بين حرفي والشعور اللي طفا

بوح ..

**تنهيدهـ** · 03-11-2016, 12:59 PM

رد: ✒ .. خآصرة حرف رمآدية

صباح القايلة ..~

سبحان الله هالفترة مشغولة دماغيا أكثر من شغلتي بالبيت واخواني
التفكير طبعا في الطالع والنازل من المواقف القديمه والجديده والربط
بينهم يحتاج وقت .. وأنا اول امس مسكت أشياء وربطتها بشكل ما
بأشياء ثانيه

ادري مافهمتو .. بس اقصد الواحد ياخذ فترة نقاهه يسعد نفسه
فيها ويطقطق ويفيد الناس وانا أخذتها هنا .. والآن بديت أفكر في
نفسي وأحس اني قللت من تواجدي هنا .. فعذرا جدآ ..

آخر اخباري كالتالي ~ ..

* جوالي الآيفون راح لإحدى خواتي فبطلت تصوير بناء على هالحدث
* ولابتوبي شكله بينعمي لاني كنت اتابع مسلسلي وما انتبهت لبنت
اخوي وكبت عليه شي وشويات من القهوة وراح الصوت مبدئيا
* وايش بعد .. ايوه صرت انام بدري من بعد ماتوظفت شهرزاد
تضامنا يعني ..
* والاهم اني أفكر حاليا بمشروع خاص وإن شاء الله أنجح فيه
وابشركم ..
* ورجعت ضبطت كل مواعيدي اللي سحبت عليهم اول حتى
العيادة مصدومة اني تذكرتهم
وايش بعد .. ايواااااا واحتاج دعواتكم القلبيه لي .

وحابه اقول لكل اللي كلف نفسه بكلمتين مش كويسين من وراي
أتعبت نفسك على الفاضي لاني رجعت هنا عند ناس تعرفني من
قبل .. وازدادت معرفتي بهم الآن .. بشكل أجمل .. وكله بفضلك
بعد الله طبعا ..

وبرضه يعني كلنا بنغيب في يوم ما ومابه أحد يضمن حياته
فالاستزاده بشي يجملنا أفضل من الدخول في مداخل السوء
والاستعانة بكميات الغباء اللامحدود وكذا

وحابه اشكر من كل قلبي ادارتنا الجميلة من الصمت الجارح
إلى آخر مشرف تم تعيينه هنا .. والله ارهقتوني بكرمكم
وطيبكم المترف ..

للمره الثانيه على التوالي اصير مشرفه مميزه .. ألف شكر
للجميع ..

لفيو والله لقلوبكم كلكم

برب ،،

**تنهيدهـ** · 03-11-2016, 01:09 PM

رد: ✒ .. خآصرة حرف رمآدية

استمتعو بالجزالة ..~

https://youtu.be/Zuwv6ta9d44

**تنهيدهـ** · 03-11-2016, 01:16 PM

رد: ✒ .. خآصرة حرف رمآدية

علموني علشان اطير التدوينه كلها

انت اللي بتطير بكرا مع الفتح .. ايوا احارش وكيفي
حتى أني حطيت لها رد منفرد فيها ..
علشان تعرفون قد ايش صرتو بخيلين جدا جدا في كل
شي

يقول الشاعر ..

الغياب آخر محطات الرحيل ..
والهلال يغيب لاعاد النصر

احتك في طاقيتك ترى
برب ،،

**تنهيدهـ** · 04-11-2016, 06:40 AM

رد: ✒ .. خآصرة حرف رمآدية

( ليه كل اللي نبيه نعيش دونه
الأماني صعب تحقيق الأماني )

صحن فول وصحن كبده معه تونه
قوم ابلع لا تسوي انك تعاني

بوح ..

**تنهيدهـ** · 05-11-2016, 07:04 AM

رد: ✒ .. خآصرة حرف رمآدية

صباحكم صباآح ..

أخيرا لحقت على الصباح الصدقي وجيت أدون .. لأن الأسبوع
الماضي بالرغم من نومة الليل إلا أني اتعمق بالنوم أو مشوار
يخرب علي دخولي هنآ ..

كان أسبوع ثقيل بالمشاعر صراحة .. الحمدلله إن عندي أحد
أسولف له ولا كنت الحين مجمعه غصات الأسبوع وبنفجر
يعني يجي يومي مثل مباريات النصر هالفترة بالضبط ..

وعندي بهالقسم هومورك مش بسيط الأول عن الحب والثاني
موضوع شهرزاد اللي بتنفجر مدونتها من كثر ماتحمست ..
محتاره أبدا الصفحه حب ولا ايش

والله للآن مايله للحب بس اللي يقول غير كذا ينورني ..
أخاف اكتب عن الحب واتناقض بعدين هههههههه فايش
رايكم ..!!

ودي اكتب بيتين رايقه لاني هالاسبوع الماضي محصلتي
الكتابيه زيرووو .. حتى اشوف بنت عمتي ضايفتني
بالفيس وتويتر من هول الصدمة أنها نزلتهم ماعطيتها وجه
يعني لو مو جهة اتصال كان قلت مش هي .. جد معجزه
الاهيه والله ..
ماعليكم اصلا هالاسبوع أسبوع المفاجآت والمعجزات الإلهيه
اللي صابتني بالذهول اللي تمثل في الصمت اللي أمر به
وحالات الغياب المستمره ..

يارب تصيب كل دعوه ادعيها هاليومين
قولو آمين وادعولي لأنها حلوه وكذا ..

خودافس ..~

.. زهـايـمر حكـي .~

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget