أحلام ماطرة..

مساء الخير ..


كثر الكلام عن المعلم ..

عن اجازاته ..

عن تعاميم تودي فيه وتجيب ..

للاسف الوظيفة الوحيدة الي ماتعرف مدة اجازتك ..

تنتظر تعميم يحدده لك ..

تخسر فرصة تسافر باوقات غير الصيف وغلاء كل شي فيه ..

من تذاكر وفنادق ..


وللاسف محسودين ..

ابشركم بنرجع قبل الطلاب بثلاث اسابيع ..

والاجمل من الوزراة انه بعد دوامنا بالقعدة نرجع نأجز للعيد..

اضحك ولا ابكي ..


طيب سؤال اش سبب دوامنا بذيك الفترة ..؟؟

لا طلاب ولا اعمال ..


اساس وجودنا هو طلابنا نخدمهم بعيوننا ..

مو محتاجين تعاميم تقولنا ماعنده كتاب دور له ..

ماعنده طاولة وكرسي وطاولة ..


بدون تعاميم نديهم حب وعطاء للمدرسة ..


بدون تعاميم ندعهم بمراجعات وتسهيل ..


وبدون تعميم تكون انسانياتنا معاهم ..

وجانا الجرب لحدنا بالمدينة ..

وبيدي مكافئات وزيرنا للطالب المجروب ..

ياترى بتدي للمعلم ..؟؟


هالمكافئة تدي فرصة لضعاف النفوس يلقوا ابنائهم في التهلكة ..


مااعرف اش اقول واترك ..


لازم الاهتمام بوزارة التعليم ..

الحمدلله الدولة ماقصرت تصرف مبالغ بأرقام قياسية على التعليم ..

بقي بس تحط الرجل المناسب في الوقت المناسب ..


وبالمنصب المناسب ..

الله يسهلها وتتغير الانظمة ما تضغط المعلم تخليه فقط مثل اسمه معلم يوصل للجيل علم واخلاق ومثل ..


لو الكل يعرف انه مع الاسرة المعلم والمدرسة هي سر تكوين الجيل ..


وصلاحه يارب ..

اللهم اجعل هذا البلد امن ..

واجعلنا المخلصين فيه ..

نحيا براحة وتعاون ومثل لا نبتعد عن مثل نبينا محمدصلى الله عليه وسلم ..


مجرد فضفضة ..

عذرا ..

أحلام ماطرة..

ياصباح الخير عليكم ..

من مكتبي اخذ رست من كل شي ..

رغم بتجيني لجنة تقيم عملي ..

جاهزة وانتظرهم ..

الحمدلله على صحتنا وعافيتنا ..

الحمدلله على اعمالنا لو هي هي متعبة احيان ..


بس تحسسنا اننا عايشين صح ..

حلو يكون الانسان مرتب يومه ..


تتعادل فيه حالته النفسية وحتى جسمه وصحته ووزنه ..


تديه نشاط ..


رسولنا الكريم صلى الله عليه وسلم يحب قومة الصباح ..
يتعوذ من الكسل ..

اهم شي حب عملك ..

تقريبا نصف يومك فيه ..

كون متعاون ومشارك فعال مع زملائك ..

ترفع عن فعل الغلط ..


تجنب المواقف الصعبة ..

تنهي عملك براحة ..

تطلع وقلبك مرتاح ما انت شايل على احد ..

ياهي طولت ماسافرت ماركبت طيارة..

نفسي افصل من ضغوط العمل والحياة كلها واروح لوحدي ..


استجم بمكان ماطر هادي ..


مااحد يراقبني فيه ..


مااحد يعرف حتى اسمي ..


اشوفني غير بوضع غير ..


أرجع مكتسبة طاقة ايجابية وخبرة ..

اعشق وبجنون كل بلد اسافره اعرف اطباع شعبه ..


تراثهم واكلهم وعاداتهم ..


احب انتمي لهم لو للحظات ..


اكون بكل بلد ذكريات جميلة ..

انتهي من سفرتي بشوق لعايلتي ..

لعملي ولزميلاتي ..

ولحبيبتي ديرتي ..

اختزل بداخلي لحظات لسعتها اتجنن جواتي ..


اتذكرها كل ما ابغى انام ..

طبعي قبل نومي استرجع ذكريات جميلة ..

واحمد ربي على نعمه علي ..

ولازلت اتمنى بعد تقاعدي ..

اشتري مزرعة فيها بيت صغير ..


فيها خيل ..

اشجار وورود.. وتكون ماطرة اغلب اوقاتها ..


يداعبها كل صباح ضباب وغيم ومطر هتان ..


بالنسبة لي صوت الرعد حياة قوة احتاجها ..

لكل قلب مر من هنا ..


لكل عين لامست حروفي ..


لكل روح شاركتني احاسيسي ..


شكرا ..

من اعماق قلبي ..


شكرا ..

حيث لا حروف تكفي الثناء ..


دمتم بحفظ الله آمنين سالمين ..

أحلام ماطرة..

مساء الخير عليكم ..

اخترت اليوم الجمعة مااطلع من بيتي ..

اكون لوحدي ..

امس كنت عند اهلي لحد 10 رحت لصاحبتي امها مصرية ..


وجمعة كلها مصريات ربي يسعدهم ..


ويسعد لمتهم ..


فرحوا فيني وفرحت اكثر فيهم ..

جمعتنا البساطة والضحكة ..


لاحش في ناس ..

ولا هرجة بماركات ..

علموني كيف العروسة بمصر تجهز جهازها ..


هي تشتري ادوات الكهرباء وتشتري الاواني للمطبخ ..


تدفع مبالغ ببيتها ..


الله يعينها ويعين اهلها ..


الحياة صعبة ..

وبناتنا يتدلعون يندفعلها مهر اقل شي 40 الف ..

ومناطق فوق ال100 الف ..


ولا تحط ريال في ثأثيث البيت ..

وتقول ماكفاني مهري ..


للاسف تجيها الفلوس بسهوله وهي تضيعها بأشياء ابدا مو اساسيات ..

افرحي مانقول لا ..

تجيبي مصورة ب15 الف ليه ..؟؟


كوشة ب20 الف برضة ليه .،

مو ساكنتها انت ..

غير طبعا فستانها يوصل ل30 الف ..


غير الساعة تبغاها ب15 الف ..


وشنط ب5 الاف ..

الخ ..


اشياء كثير دخلت على مجتمعنا الي كان بسيط ..


امي تزوجت بكم ريال ..


كم ذبيحة وقرايب يباركون ويجمعون لابو العريس ..

كله فستان بسيط وغرفة بسيطة ..


ياه تغيرت الحياة بكل مافيها ..


بعدنا عن البساطة وغصب نبغى التكلف والتصنع ..


ولو تسألهم ليه سويتوا كذا ..؟؟


بيقولولك زينا زي غيرنا ..


هذا الي خلانا نقلد بعض ونبعد عن تراثنا واساسنا ..


ووقفتنا مع بعض وجمعاتنا الحلوة السهلة البسيطة ..

سنين صارت صعبة من عمايل هالبشر ..


اللهم رحمتك تبقى بنا ..

أحلام ماطرة..

السلام عليكم ..


شكلي ادخل كل يوم جمعة بس ..


مشاغل الحياة كثيرة ..


على قولة امي الله لا يشغلنا الا بطاعته ..


الحياة ماشية بنا وبدوننا ..


لا نديها فوق حقها ..


لا نزعل من احد ولا نزعل احد..

مااحد باقي فيها ..


التسامح وقعه قبل كل هالبشر مريح عليك انت وعلى قلبك ..


خلي ابتسامتك توقيعك قبل خروجك من اي مكان ..

تحصل من يجرحك ..

مين يتعبك ..

مين يقسى عليك ..


عادي لا تشيل بقلبك لا ترد عليه غير بعيونك ..


بيفهمك ..

واتركه لله صدقني بيندم ..

لا تجادل كثير ناس ما تفهم وعندية الا رايها الصح ..

لا تقوله انت صح ولا انت غلط ..


طالع فيه واسكت ..


الاخ نفر كويس ..


يقول مو لازم حب بين الزوجين ..


المودة هي الي تدوم بينهم ..


لو هم اخذوا بعض من قصة عشق كبيرة ..


بالنهاية بيتعودو على بعض ..


لين هالعشق يصير ود ..


مو بيدينا الحب ..


قاعدة مو بيدينا ..


ما كتبلي مثلا احب زوجي..

بس من العشرة بيكون فيه ود واحترام وتبادل مشاعر اساسية بين زوجة وزوجها ..

بتكون فيها تضحيات ..


بتكون فيها نظرات ..

ابتسامات ..

اطفال حلوين يجمعونا ..


توقفون جنب بعض بأصعب مواقف ..


هي كلها اسمها مودة ..


قال تعالى وجعلنا بينهم مودة ورحمة ..


شكرا لكل زوج احترم زوجته ورحمها ..

هذا قمة الرجولة ..

اكرمها بحياة خالية من الذل والاهانة ..

مجتمعنا العربي افضل مجتمع ..

والمجتع الاسلامي ككل ..

بس طبع الرجل العربي ابدا مافيه مثله الا قلة طبعا ..


بس طبع الرجل العربي يحترم بيته ويجيب قوة عياله وزوجته ..


يحترمها ولو فيه مشاكل تظل زوجته ام اولاده ..

بينهم عطاء مو لازم العشق فيه ..


والي اخذو بعض عن حب ..


يحمدون ربهم ويحافظوا على حياتهم ..


لأن قل ما تحب الارواح ارواح ..


طولت مو عادتي ..


شكرا لكل من مر على حروفي ..

والرأي يمثلني لا دخل لي ولا نقد لشعور غيري ..


دمتم بخير ..

أحلام ماطرة..

خذني معك بوسع الفضا ..


خذني مني اطير لك بسما ..

مااقبل النزول ..

ولا يطولني معك عذول ..


خذني بعيد .. بعيد .. بعيد ..


حتى عني لعيونك ..


الامس ضو القمر بصوتك ..

اجمع نجوم لحبك ..


اطير واطير واطير بجناحك ..


واحلم حد السراب يجهلني ..


خذني غيم ..


وخذني مطر ..


برقك .. ورعدك دنيتي ..


اصدقك ..

بدون حلفك ..


تحبني ..


وتحبني لجنوني بك ..


وتحبني مجنون بعيونك ..


.................................

فقط بعض الصمت حين ينطق حرف ..

أحلام ماطرة..

مساكم خير ..

امس كانت عندي عزومة بقرية لأهل زوجي هي بوادي الصفراء ..


الجو كان اليم ..

القمرا هي عروسة الحفل ..

الجمع كان غفير ..

انا عني مااحب اتحنط بمكاني واقلب عيوني بفلانة وفلتانة ..

ياكرهي للرسميات ..


رغم اني احب حياة الطبيعة ..

بس كل شي في المناسبة مكلف ..


شوك وملاعق وسكاكين ..


عاد تبغون الصدق اكلت بيدي ..


وفيه حرمة مستغربه تطالعيني ..


على مين المهم اكل ..


ذاك الحو يحتاج هدوء مافيه هالكمية من البشر ..

ولا فيه برستيج وفخامة ..


بس بالنهاية انبسطت ..

ناقزت مع الصغار شوي ..

وكل شوي اترك بخيالي هالناس وارفع راسي للقمرا ..

مع جو البرد ..


كانت درجة الحرارة 20 ..


وكنت انتفض ..


للأسف مااحب البرد ..

حدي اتحمل درجة 26 ..


كل مانزلت ابرد واتوتر ..


البرد مايخليني اعيش جوي مثل ما احب ..


اه لو فيه شبة نار ..

ومقابلها ناس بسيطة ما تنفض تراب من ملابسها ..


ما يهمها غيري ..

ما تشوف غير عيوني ..


مع ذاك البراد وضو القمر ..

وشبة النار والدلة بهيلها ..

وتمر سكري ..


عن مليون مناسبة ومليار برستيج ..


انتهت العزومة وكانت بمناسبة مولود لقريبة زوجي ..


نسميه سابع ..


ما طلعت من عندها الا الساعه 4 فجرا ..


وتقولي هيفاء نامي عندي ..


يحقلها اخر من مشي انا ..


هههههههههههههه


السبب السيارة ما جات بدري ..


يعني بيوم ممكن اغير فكري واسوق .؟؟؟؟؟؟؟؟



الايام جاية .،


طبعي شي جديد مااحب اكون اول المجربين له ..


وقفة .. !!

كنت حاضر بين النواظر وقلبي ..


كنت اتخيلك روح تلف حولي ..


همس الهوا كنه صوتك وتقولي حبيني ..


وصوتي وسطهم بس لك ..


لأسمك لكل حرف بيه ..


وكنك بينهم تمشي واتبعك ..



ابتسم وسطهم وكني ابتسمت لك ..


اخذ كل تنهيدة براحة مداعبة خيالك..


وزولك .. !!

أحلام ماطرة..

كل ما اكتبك ..

أرجع امسح خيالك ..


كل ما تطريلي ..

ابتسم .. أشرد لك ..

اصفع احساسي بكف الهوى ..!!


أرجع لعقلي ..

وأبعد ..


برغم كل الي سويته ..


لذة وجودك صاحية ..!!


اجمع بكفوفي كفك ..


لحظات ..

فجأة اتركه واتركك ..


تعودت العذاب مثل ما غربة تعودتك ..

أحلام ماطرة..

حبيبي ..

انتظرتك مثل الي ينتظر في محطة قطار لا يفوته ..


حبيبي ..


يشاركني في حبك ملايين ..

وكلنا نتنافس مين الي يحبك اكثر ..

حبيبي ..


بقدومك كل الخير يجي ..

كل راحة بطلتك تحضر ..


رمضان ..


كل سنة وكل عام وانتم فيه وبيه بخير وصحة وكل احبابكم ..

شهر عبادة ..

كل مسلم قبل يحبه يعظمه ..


فيه تنزل الرحمة والعتق من النار ..


اللهم بلغنا رمضان لافاقدين ولا مفقودين ..


ريتكم بس هالشهر تخلوه للعبادة خالصة لوجهه الكريم ..


تجمعوا فيه حسنات تنفعكم بيوم الحساب ..

كلكم عارفين ما بناخذ من هالدنيا لا فلوس ولا اي شيء نملكه ..!!


للأسف قاعدة كل من خلقه الله يمشي عليه ..

بس عمله ..


فكر كم عبدته صح خلال سنة كاملة ما تنعاد ..


ايوا كلنا بشر نغلط ..

نتوب ..

نرجع نأثم ..


بس برحمة الله ثم بقدرته اعمالنا الصالحة ..


والصالحات الباقيات ..


فكروا بيها ..


ربي يكتبلكم شهر فضيل كله خير لدنياكم والأهم اخرتكم ..


ورمضان كريم ياحماعة ..❤️

أحلام ماطرة..

السلام عليكم ..

* كل عام وانتم بخير *

نتجمل نعم للعيد ..

لنرى انفسنا اولا السعداء ..

وليرانا احبتنا جميلين معهم بالعيد ..

الاهم ان نتجمل فرحين لمن خلقنا وشرع لنا العيدين ..

لبس الجديد ..

عطر فريد ..

و روح تخايلك ..

تسكن معك لتفرحك ..!!

تلتقي بأهلك واحبابك من اقرباء واصدقاء ..

لا تبتعد عنهم كثيرا ..

بل تقترب من ابتساماتهم ..

تشاركهم تلك القهوة وتلك الحلويات ..

لا عيد سعيد بدون اهل وخلان ..


لا عيد بدون احساس يخصك ..

يتجدد معك ..

يشاغبك ..

فرحة تارة وتارة لسعة امل ..


الحمدلله برغم كل شيء ..


نحن لازلنا بخير ..


نتنفس بلاصعوبة ..


نلبس ولو بسيط ذاك الهندام الجديد ..


نزرع ورد كما نحب لونه امام طرقات نمر بها ..

كل منكم ليتخيل طريقه بلون ورد يحبه ..

يسقيه ان عطش ..!! من تلك المشاعر الرقيقة ..

التي بداخل كل روح .. بشرية ..

لتنموا تلك الوردات ..


وتنموا معها امانينا وان كانت حلم .. !!


ومن العايدين ..

أحلام ماطرة..

ليه الذكرى تاخذنا بعيد ..؟؟

ليه تتعب قلوبنا ويزيد ..

نبضنا و .. تتعب قلوبنا ..

ونتعب ..


ليه بعد التعب .. نتعب ..؟؟


ليه وليه .. ليه نمثل اننا نبعد ..!!؟؟


واحنا للاسف اقرب ..


ليه اسأل ..


وانا اجاباتي مرسومة بعيوني ..


هزيمة ..


وسط معركة كانت قصيرة ..