أحلام ماطرة..

**عاشقة المطر** · 08-12-2016, 02:37 PM

أحلام ماطرة..

تقهويت من احساسي...

مشاعر ..

صعب اكتمها ..

رشفتها رشفة رشفة برعشة ..

كنت اهوجس بك ..

طول ليلي حلم ابد عيا يفارقني ..

فارقته نعم ..!!

بس عيا يفارقني ابد..

تجتمع بين ذيك المشاعر وبين نبض قلبي حروف اسمك ..

حاولت ابعثرها..

هي الي لمتني يمك..!!

تقهويتك ..

رشفت ذكراك ..

وتذكرتك ..

كنك مطر وسحابة مزون ما تذبل..

وليش اقسى عليك ..!!

ماادري ..!!؟؟

والغرابة ليش اقسى على روحي وازيد جروحي ..!؟؟

تدري ..

عند الله الفرج..

**عاشقة المطر** · 11-12-2016, 11:06 AM

أحلام ماطرة..

صباح الخير ..

عليه يوم جميل علينا..

من رب كريم يكرمنا ..

العناية الألهية..

تمعنوا بها..

الله عنايته بنا تكفينا ..

لا نحتاج بعدها عناية من احد ..

دوم ادعوا الله ان يعتني بكم ..

يحفكم برحمته وعفوه..

كم مصاب ادركته عناية الله ..

تدخل البشر عامة لانقاذه فما استطاعوا.،

علماء..

اطباء..

حكماء .

فجأة يفيق..!!

اليس الله على كل شيء قدير ..

كن دوما مع الله يكن دوما معك ..

**عاشقة المطر** · 12-12-2016, 09:31 PM

أحلام ماطرة..

هالوجه ..

هالملامح ..

تبعثزت ..

ليتها جيتك لمتها ..

هالروح ..

هالجروح ..

تشتت ..

ليتها احلامك جمعتها..

**عاشقة المطر** · 17-12-2016, 12:03 PM

أحلام ماطرة..

كنت ارسم ملامحك بخيالي ..

كنت انسجها سحاب بخيوط حبي ..

كنت اهمرها مطر على قلبي ..

وكنت اطيربك ..

كني حمامة التقت بك ..

تطير احساسها باحساس ..

تبني فرحتها بفرحتك ..

كننا اثنين سابحين بسما نلف وندور بارواحنا ..

كني بخيالي سبقتك ..

ولحقت بي وضحكت لك ..

نداعب بمشاعرنا بقايا سحاب عشق ..

وبرق لقا ..

**عاشقة المطر** · 18-12-2016, 09:23 PM

رد: أحلام ماطرة..

السلام عليكم ..

من زمان مادخلت من غير جوالي ..

تعبت للأسف من مشاغلي ..

بجد اغبط ..

اهوه قلت اغبط مو احسد ..

الي يلاقون وقت ..

احمدوا الله ..

الفراغ من اوقاتك نعمة ..

الحمدلله الأسرة نعمة ..

الأهل نعمة ..
العمل نعمة ..
بس طبعي احب اخذ من وقتي لروحي لحالي ..

الحين كل شيء فيني منتهي .. هالفيس يمثلني الان

الحمدلله على كل تفاصيل بحياتي ..

فضله علي ربي حبيبي كبير ..

مااقدر ولا اعرف احصيه ..

بس فعلا نفسي اكتب مشاعري براحة ..

بدون صداع وارهاق ..

اشتقت لكوب قهوتي ..

ولجلستي عالكمبيوتر ..

ياه ايام وراحت ..

يمكن اقدر ارجعها ..

بيوم بإذن الله ..

التفائل موجود ..

بس انتظر وقتي يحن علي ..

وآخذ منه لو شوي ..

**عاشقة المطر** · 18-12-2016, 09:32 PM

رد: أحلام ماطرة..

آخذك من وقتي دفا ..

اخذ منك وقتي ..

لو تسمحلي أسرقك.

من كل اوقاتك ..

المس كفوف راحتك .. راحة ..

اشاغب افكارك .. ساعة ..

اعيش اشوفك انا ..

وتعيش لي انا ..

تحط لمحتك عيد ..

قدام ملامحي ..

تعطي من عيونك فرح ..

للفتة عيوني ..

تبتسم لقلبي ..

نهار ..

وابتسملك بباقي ليلي ..

انهار ..

تذكرني ..

تذكر عيوني ..

وتذكر لهفة جنوني ..

وتذكرني ..

**عاشقة المطر** · 28-12-2016, 11:04 PM

أحلام ماطرة..

ما اشتقت لي ..؟؟

كثر ما ملاني شوقك اشواق واشواق ..

ما لمحتني ..؟؟

بين المارين هنا وهناك ..

ما انتبهت لي ..؟؟

وانا اغزلك شعر وانظمك ابيات ..

وصعب لك تنقال ..!!

ماحسيتني ..؟؟

ابتسم لك ..

لا جيت ببالي وذكرتك ..

ولا تذكرتني ..

عشت لك ..

بعمري فديتك ..

ما فهمتني ..؟؟

يوم قلتلك حياتي عيونك ..

عمري وجودك وجنونك ..

كلها دنيتي حبك وعيوني ..!!

**عاشقة المطر** · 02-01-2017, 11:31 PM

أحلام ماطرة..

معك لا عدد لنبضات قلبي ..

معك لا وجود بين عيني سواك ..

معك لا يغريني هوى كهواك ..

معك اسمع موعود ..

ولو اختلفت تلك المواعيد..

اتراقص زهوا لك .. لحبك .. ولذكراك ..

ظلك .. صوتك .. عيناك .. ابتسامتك ..

كلها لي .. معك ..!!

**عاشقة المطر** · 07-01-2017, 11:23 PM

رد: أحلام ماطرة..

لعلمك ..

انتظاري .. لك ..

بعده الرحيل ..

لعلمك ..

صيري عليك ..

بعده بداخلي موتك ..

طماعة بك ..

نعم ..!!

أنانية بتفاصيلك ..

نعم.. !!

لتعترض عنادك لن ينفعك ..

وضعفي معك..

بداية قوتي ..

أحترم جنوني ..

قدر تهوري ..

اصبر على مراراتي ..

اليس جمال دنياك وجودي ..

الم تعلمك دنيتك بعد كل تعب راحة..

كيف تعرف سكر العسل ..

دون تذوقك لذعة مرارة المر ..

هي دنيتي في كوكبك ..

هي انا في قلبك ..

فهل تبين أيامي صبرك علي ولي ..!!؟؟

**عاشقة المطر** · 07-01-2017, 11:36 PM

رد: أحلام ماطرة..

هالأيام جدا مضغوطة بعملي ..

رغم الحمدلله الكل حولي..

بس زحمة الشغل ما تعرف وجوه وايادي..

الاستعداد للأختبارات جاد متعب..

ينصب فيه راحة الطالبة ..

وراحة كل معلمة..

حتى تفاصيل الطاولات لازم تكون بين عيوني ..

الله يسهلها علينا ..

ويوفقك طالباتنا ..

طلب العلم حلو وتكمل حلاته بالنتيجة..

على كل أم واب ..

تسخير كل سبل الراحة لأبنائهم الطلبة خلال فترة الاختبارات ..

اول راحة للطالب من مديرة يخليه هوا مع زملائه يحطون جدولهم للاختبارات ..

هنا اتدخل اروحلهم بنفسي لفصولهم اتناقش معاهم مثلا غلطوا بناتي..

ليه حطيتوا هالمادة مع هذي..

بالنهاية رايهم الاهم ..

تجي البنت للاختبار بدون مفاجأة للمادة ..

نوع من الراحة..

الاهتمام قبل بالمراجعات ..

اطلع عى دفاتر تحضير المعلمات ..

والطالبات ..

اشوف كمية المراجعات .

هنا افرح ..

احس مجهودنا اثمر ..

وخلصنا نصف دراسي بخير ونتيجة..

موقف ضحكني..

جاتني طالبة قالتلي استاذة ابغى انصرف ..

قلتلها عندك مراجعات ..

قالت عادي ..

قلتلها خلاص اصرفكم كلكم سوا بعد ساعة..

قالتلي لا لا لا تكفين ..

خليهم استاذة اخذ منهم المراجعات بعدين..

ضحكت وقلتلها بصرفك وبقولهم ويل احد يدي مها المراجعة ..

انصرفت هالبنوتة ..

واخذت مراجعاتها تعرفني امزح معاهم كثير..

الله يوفقهم جميعا ..

ويوفقنا بحياتنا بكل تفصيل فيها..

أحلام ماطرة..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget