أحلام ماطرة..

رغم هالتعب ..


رغم وصال العمل بوصاله ..


لا زلت فيني ..


تعني لي ..


ولازلت مع الالم لك اغني ..


وانت تلتف لي ..


تبتسم لي ..

تهنيني ..

أحلام ماطرة..

الحمدلله جاتني اللجنة وطلعت من عندي مبسوطة ..


بس انا مو مبسوطة ..


نقاط كنت مجمعتها ونسيتها ..


خسارة ..

الحكاية كلها انه انا اتكلم واتكلم واتكلم مدة نصف ساعة..


اشرحلهم اغلب المشكلات الي واجهتني ..


وكيف عرفت وجودهتا وكيف حليتها واش النتيجة بعد حلولي ومحاولاتي..

طيب قلتلهم مشكلتين ..

ونسيت الثالثة ..



المشكله كانت من المهام الي بسردها ..


عله خير ..


وهي تجربة اولى لي ..

الحمدلله على ماصار وحصل ..

عموما اشوف اش يطلع ترتيبي ..


بس مااوعدكم اني اقولها لكم اخاف تفشل وتضحكون علي ..


الحلو بالموضوع ..


مشاركة زميلاتي سواء المعلمات او الاداريات ..

وقالتلي المشرفة شهادة حق انتم سمعتكم طيبة بين الحميع تعاون ونظام وعمل ..


له الحمد دوما ..


اساس كل عمل الراحة فيه..

لا تكن متزعم بشدة ..


لا تلين بهون وضعف ..

كن اللين الذي لا يكسر ..


كن نبيها بكل امورك ..


كن ناصحا برفق لا ناهرا بشدة..


ستجد الكل محب لعمله ..


مخلص له ..



ولهنا خلصت ..


اعرف ياكثر كلامي ..


بس يارب بين السطور شي افاد اي احد منكم ..


ولو مو مرتبط بعمله ..


الى لقاء ..

أحلام ماطرة..

مساء الخير ..


خرجت اليوم مع اهلي ..


لمزرعة ابويا الله يحفظه ..


طبعا تعليق دراسه تكة بس على تعليق ..


الحمدلله استانسنا ..


كانت شبة النار جمعتنا ..


القهوة حاضرة رغم انوف من يبتعد عنها ..

امي حبيبتي قطفت نبق من السدرة مااعرف اذا اسمه غير نبق عند بعضكم ..

وفرحانة امي تقولي النخل اطلع ..

يعني خلاص بيثمر ..


اول سنة ماشاء الله ينتج رطب ..


احنا نحب الروثانة ..


هذا نوع من الرطب ..


مشهور بالمدينة المنورة..


شوينا لحم ..

انبسطنا ..


الصغار حولنا يلعبون رغم ازعاجهم بس حبينا فرحتهم ..


ياولد ارجع .. يابنت انتبهي النار ..


اغلب وقتنا نوجههم ..


احيان الواحد يحب يجلس بدونهم ..

واحيان تحتاج وجودهم ..


سبحان الله طبعنا نمل التكرار ..

تسألني صاحبتي ..


فرضا حبيتي وتزوجتيه بتقابليه 24 ساعة..

قلتلها عني لااااا والف لاااا ..


طبعي الشي الي احبه عشان اشتاقله استمتع بوجوده ..

ابعد عنه ..!!

عشان احس بطعم جيته .. وبقيمته ..

استشعر نعمة وجوده..


اعرف شطحت من كشتة للمزرعه ..


لفتى احلام ..



اللهم ارزقنا الجنة ..


بها نجد جميع ملذاتنا ورغباتنا التي حرمنا منها ..


احسن ظنك بالله ..

لن تخيب يديك سؤاله ..


اللهم اعفر لنا وارحمنا ..



ماشاء الله صرت اعرف اهرج بحرفي ..

و ..


الى لقاء ..

أحلام ماطرة..

سلام عليكم ..


اسعد الله كل اوقاتكم ..


راجعة الحين من جدة ..


صد ورد ..

يعني روحة ورجعة بنفس اليوم ..

كملت ثأثيت لبيتي ..

الحمدلله على نعمه ..

سكنته لي سنة ..

قد ايه فرحانه يكل ركن فيه ..


تفاصيله من طوبه لآخر تفصيل فيه ..


كله ذوقي ..


ماخليت احد يشاركني فيه ..

الوانه من عمري ..

اثاثة كل غرفة وكل ركن تحكي احيان جنوني احيان فرحتي واحيان تعبي ورغباتي ..


الحمدلله تقريبا خلصت تأثيثه ..


كنت صابرة بأذن الله مثابرة ..


حتى انتهيت منه وخلصته ..


لوحدي بنيته واسسته ..


اكتبلكم وانا بالسيارة ..


الحمدلله اني ما اسوق ..


اجيب العيد ..


معززة مكرمة ماينقصني من احساسي كأنثى شي ..


مخدومة ومحشومة بفضله ..


ربي يخليلنا رجالنا ..


ما يحرمنا من رجولتهم وشهامتهم ..


لكل رجل يحترم المرأة وان عبرت من عمره ..

جل احترامي وتقديري ..



فيه اكيد مين تحتاج تسوق ..


ربي يعينها تاخذ ادوار اكبر منها ..


او عشان مااحد يزعل تزيد اعمالها ومشاغلها ..



ربي يحفظ لكل امرأة رجالها ..



ان كان بدايته اب واخرته اي محرم لها ..

أحلام ماطرة..

انت ..

قد تبدو امامهم القاسي الذي لا يلين ..

وددت ان اخبرهم بما تحمله بين اضلعك الفارعة ..

قلب ينبض حنان ..


لا يصدأ ..


آه لا يهدأ ..

جامح وان صمت ..!!


انت ..

يا صاحب المشاعر الفارهة ..


لك مني حس ..


يخصك دونهم ..


يلتهم وجودك وجود غيرك ..


تقف انت ياذي القامة الشامخة ..


وكأن لا رجل غيرك ..


لا عمر رقيق بعدك ..


ولا ..!!


ولا ..!!


فقط ..


أذكرني بخير ..


اذا يوما لمحتني ..

أو لمحة ابتسامتي ..


او نظرتي ..


او حتى اسمي ..

ينطقه غيرك لغيري ..



خروووووج ..

أحلام ماطرة..

مساكم الله بكل خير ..


متعكم بكل نعمة انعمها الهي عليكم ..


الحمد صفة القانعين ..


الرضا صفة المؤمنين القانتين ..


الصحة اجل النعم هي جسر للوصول لكل ملذات الحياة ..


الحمدلله على صحتنا وعافيتنا ..


كل واحد عنده همه ..


عنده حلمه ..


امانيه ..

يحاول قد مافيه يعيشها ..


العمر ماينتظر لا فرحان ولا حزين ..



يمشي بينا ..


افضل دواء للاحزان ..


ذكر الله وشكره في المسرات قبل المضرات ..

مين الي قال اتحققت كل احلامي ..؟؟


لو هوا .. غني ..


فيه كثير اماني ورغبات الأمل معاها يخليك لساتك تدورها ..


تنتشي لا طرتلك ..


لا تحزن لمرض عارض اصابك ..


بتاخذ اجره بس كون راضي وحامد ..


لا تقول اش معنى انا حياتي كذا ..


عيشها افرح بعمرك ..

تأمل ملامح روحك داخلك ..


افهم روحك بس افهمها ..


لا توديها بظلم وظلام ..


ولا تمنع عنها الذ رغباتها ..


طبعا الي فيها خير لك ولها ..


يتعب الروح كل حرام ..

ابعد عنه وارتاح من كل هم وغم ..


المطر الجلوس تحته لو بمظلة يشيل عنك كثير الام ..


يغسل قلبك هوا وحده الي يوصله ..

ويطهره وينقيه ويفرحه ..


ربي يسعدكم جميعا ويسعدني معاكم ..


ووردة بيضا فيها قطرات مطر ..


لكل قلب عرف يسامح ..

مايزعل احد ..

ولا يتعبه ..

أحلام ماطرة..

مساكم الله بخيره ..


جيت من دوامي ..

اليوم احسني اشتغلت بزيادة ..


حضرت لمعلمة الاحياء حصة ..


ياجمال عطائها ..


ياروعة حب طالباتها لها واحترامهم لها بنفس الوقت ..


المعلمة خلوقة مع ثقافة جدا عالية ..

توصلك المعلومة منها بدون تعب ..


الله يسعدها ويوفقها ..

جانا برنامج اسمه مكن ..


ياهو متعب وظلم في وضع الدرجات الا اذا جابولنا فتوة متزنة ..


نقدر نخرج منها بمستوى راقي للمعلمات ..


كونه فئوي هذا قمة الهضم لحقوق كل معلم ..

الا اذا استجد شي خلونا نفهمه اكثر ..


للامانة ما حطيت ولا درجة لاي معلمة لين اشوف اش يرسون عليه ..


وسلامتكم ..

أحلام ماطرة..

تصدق ..؟؟


ماقصدت اشتاقلك ..


ماقصدت اشوفك بين اوراقي حاضر ..


تصدق ..!!؟؟


اجادلك بغيابك ..!!


ويسكتني حضورك ..


اجمع من احساسي حس لك ..


اقصدك لا ما اقصدك ..!!


تبعثرت يا انت ..

اشتتك ولا لقلبي المك ..

أحلام ماطرة..

السلام عليكم ..


عشنا المطر بكل تفاصيله ..


مطر وبرد بفتح الباء والراء .. والضباب .. والسحاب النازل ..


منظر نادر حدوثة عندنا بمنطقة المدينة ..


غطا الاماكن هالبرد وكون صفحة بيضاء من الثلج ..

لا يوصف لا بكاميرات ولا بكلمات ..


سبحان من اعطانا تلك العيون ..


تشوف الجمال بدقة ولا اي كاميرا تجي بدقتها وشفافيتها ..

كان برد بشكل مو طبيعي ولاني مااحب البرد ..


نسيته .. مع المطر ..


تبللنا جميعا وصلينا تحت كمية المطر والبرد ..

المتعة ان تجمع مابين ما هو روحي و وما هو محسوس ..


الحمدلله يوم ما راح انساه ..



القهوة زينة هالجو ..


وشبة البنار بعد ما خف المطر ..


لها شعور يخصها ..


بس وحدها يخصها ..

تجاذبت الروائح للتتمازج ولتكون عبق يخصني ..


لو يتكرر للمليون ما امله ابدا ..


اللهم اغثنا ..


اللهم ارحمنا ..

اللهم لا تحرمنا الغيث ..


اللهم دوما اغثنا ..



وللحديث بقية ..

أحلام ماطرة..

السلام عليكم ..


بعد غياب مع المطر رجعت ..


مواضيع كثيرة قرئتها لكتاب مميزين ..


مثلا عن الغيرة ماراح اذكر اسماء ..


الغيرة ببداية اي حب مهما كان صاحبها متزن تجننه قوتها ..

بس بسبب رزانته تخف شوي شوي ..


لحد ماتصير اجمل صفاته ..
حب بدون غيره لا تسمونه حب ..


نحب نتملك الي نحبه ..

برضه لحد معين ..


بس ما نضايقه بحياته وننشبله ..


طيب صداقة ولد لبنت ..


انا ضدها تماما ..


لان اساس الفطرة خلق الله المرأة للرجل هي فتنته بكل الحالات ..


ولا اثنين الا والشيطان ثالثهما ..

اذا لم يحرم الله علينا شيء بلا حكمة ومقصد ..

اي رجل لن يرضى اخته تصاحب رجل ..


ولا امه حتى ..!!

ولا زوجته ..

لكن هناك معرفة اسميها ببساطة.. في حدود الادب ..


بلا معرفة تفاصيل الطرف الاخر ..

لا ضرر بها .. انا ماافتي لانه بالنهاية اي علاقة بين امرأة ورجل حرام ..


هذي وجهة نظري الخاصة ..

ولا انقد غيري بما اراه صحيح ..


فيه مواضيع اخرى حابه اشارك فيها ..

بإذن الله ارجع ..


بس لا احد يزعل من رأيي لانه يمثلني انا كشخصية وكقناعات ..

ويسلملي كل من قيمني وسأل عني ..


الى لقاء ..