سجناء في قفص الشعر

**الشاعر سلمان الدوسري** · 21-03-2013, 03:20 PM

رد: سجناء في قفص الشعر

افراج ..... ؟

مرحبا مليون والله ان ترحبي
ياقوافي الشعر يا زين اللحون
اكتبي ماطاب والله ان تكتبي
من جزيل القاف مانرضى بهون
جيت بجيوش الشعر متقضبي
السيوف اللي مضاربها طعون
والفرج ياللي بسجنك بشنبي
جاك قافي مثل وبال المزون
مانصيد الا مشاريد الظبي
ونارد الموت الحمر مهما يكون

اسجن اوراق الخريف احسها تحب السجن هههههههههه

**قرين الليل** · 22-03-2013, 04:40 AM

رد: سجناء في قفص الشعر

حاشد جيوش القوافي وش تبي
يافطاحلة المعاني وش تبون

الغزال اللي سجنته يا صبي
لاجل عينه نارد لحوض المنون

وايلي من وايلي واصلي عربي
لو بذلنا ارواحنا لاجله تهون

أكفله بالشعر وإلا ب شنبي
ولاينام بداخل السجن مغبون

تفضل أخوي سلمان لاهنت مد يديك ابي اصكك بالكلبشات
وشوف عاد من يطلعك من السجن ههههههههههههه

**تنهيدهـ** · 22-03-2013, 05:11 AM

رد: سجناء في قفص الشعر

يالحروف و يالمعاني ازهبي
واكتبي معزوفتي كلي شجون

واكفلي سلمان لاجله واكتبي
هالقوافي واطربينا باللحون

يا قرين الليل قلي وش تبي
الكفاله ل الدواسر هي تهون

مايضام الضيف والأصل عربي
لو قضيناها الليالي بالسجون

أسجن الهمس الجميله اي وابي
من جزيلات القوافي تنسجون

أسجن همس الخلود

**أوراق الخريف** · 22-03-2013, 07:06 AM

رد: سجناء في قفص الشعر

افراج

احمد الله واشكره لبى اطلبي
طال عمري لين شفتك بالسجون

بالدواسر كنت او فابو ظبي
كلنا عربان يالشاعر نكون

وياقرين اشكر لك النخوة وأبي
تقبل العرفان مني بألف لون

الاخوة في عروقي ترتبي
كيف اوفي من فداني بالعيون

غصب عفت الزاد حتى مشربي
من لمحت الحرف يسبح في شجون

جيت اهلي يالجميلة وازهبي
طلعي همسي من اظلام السجون

حضري الكلبوش يالله واقربي
كبلي يدين من تدعى مزون

اسجن غلاتي مزون شمر

**سايز** · 23-03-2013, 08:37 PM

رد: سجناء في قفص الشعر

وربي من شان خاطرك أختي أوراق ولا ابغى اردك

.
.

ياقوافي الشعر فزي والعبي
لجل عين الضيغمي اخو المزون

جيت واسلاح الأماني مزهبي
لارمت ترمي الجفيله بالمتون

( اسجن السحاب )

**أوراق الخريف** · 23-03-2013, 11:33 PM

رد: سجناء في قفص الشعر

افراج

مرحبا باللي حشمني في اتعبي
سايز اللي فوقي هاماتي يكون

ياعروق الشعر فزي واشربي
من نهول الشعر احلى مايكون

يوم صار الشعر كلمة اسحبي
من كذب بالشعر والمبدع يمون

لو يصير السجن حقي مطلبي
يبقى ذاك اللي تخفيه السجون

أسجن كل الغلا احتريك

**تنهيدهـ** · 24-03-2013, 09:23 AM

رد: سجناء في قفص الشعر

ياحروفي ويالقوافي انضبي
بالسجن ربعي أنا لي يودعون

واعزفي أوتار حزنك واسحبي
من مواويلك وسيلي يالجفون

دامها أوراق زادت لي تعبي
ماكفاها القلب حمال الطعون

من سواتك عفته أكلي ومشربي
وين سايز وين سلمان ومزون

ياقرين الليل وينك؟؟ ماتبي
تكفله قافي ولحروفي تصون

شمعنى أنا طولت

**قرين الليل** · 24-03-2013, 06:05 PM

رد: سجناء في قفص الشعر

الكواكب لا دنت من كوكبي
اضطربت وهزني ليل السكون

اوراق ما بعد الشتا لا تغضبي
كل الغلا مكانها بغير السجون

كل الغلا منزالها فوق شنبي
حدر الهدب وسط المحاجر ف العيون

أكفل غلاتك والكفاله مكسبي
مندوب عن سايز وسلمان ومزون

اسجن سايز بتهمة التقصير بنسج القوافي

**همس الخلود** · 24-03-2013, 07:58 PM

رد: سجناء في قفص الشعر

افراج

سلام يا حر على بيض الاوكار ....
حر مواقيعه بروس الجبالي
حر ليا وقع وحر ليا طار ....
وحر يهابونه قروم الرجالي
حلياه تذهل كل عاشق وصقار ....
عند العرب يضرب بطيبه مثالي

اسجن باقي أمل ^_^

**أوراق الخريف** · 25-03-2013, 01:42 AM

رد: سجناء في قفص الشعر

افراج

هلا بها اللي يمنا تعزف أوتار
يفرح بها الخاطر ويرتاح بالي

اخت الثريا مجاورة شهب واقمار
تسطع على روس السحاب العوالي

جريت لحني واغرقه دمع مدرار
من فعل همس اليوم محروق حالي

ثم انتشلت الحرف واعلنت الاصرار
بدفع من بحور الشعر ما حلا لي

واكفل من اللي سجنها خرب ديار
باقي امل تفداك روحي ومالي

أسجن قرين مابعد المغرب

سجناء في قفص الشعر

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget