سجناء في قفص الشعر

**همس الخلود** · 15-03-2013, 06:21 PM

رد: سجناء في قفص الشعر

الجسد موجود والروح أرحلت !!
والزمن غدار لكني صبور ..
عيني الي من عنا الوقت ادمعت ..
حزنها ياخوي شيد له جسور ..
وحدي بدنيا بها روحي اطلعت ..
فاقد الاحساس ماعنده شعور !
الهوى مابيه انا روحي اشبعت ..
وش يفيد الجرح لو كلي كسور ؟
-----------------
اسجن اوراق الخريف

**قرين الليل** · 16-03-2013, 10:20 PM

رد: سجناء في قفص الشعر

المشاركة الأصلية بواسطة همس الخلود

الجسد موجود والروح أرحلت !!
والزمن غدار لكني صبور ..
عيني الي من عنا الوقت ادمعت ..
حزنها ياخوي شيد له جسور ..
وحدي بدنيا بها روحي اطلعت ..
فاقد الاحساس ماعنده شعور !
الهوى مابيه انا روحي اشبعت ..
وش يفيد الجرح لو كلي كسور ؟
-----------------
اسجن اوراق الخريف

‏ ‏ كبلوها وهمس في ذلك سعت
ما كفاهم من على نفسه يثور

السبل باوراق ليه اتقطعت
وليه مبسمها عن الضحك محظور

الجواري في بحرها شرعت
في غيايب سجنها دايم تدور

جيت افك قيودها وعيني دمعت
حين شفت الوقت ع الطيب يجور

اسجن الشاعرة احتريك
‎

**الشاعر سلمان الدوسري** · 17-03-2013, 01:55 PM

رد: سجناء في قفص الشعر

إفراج ل أحتريك

انتخيت الشعر والقاف حضرت
كنها تختال وصايبها غرور
جاتني كل القوافي وثبتت
بانتظام تقول تنظيم المرور
قالت امر قلت هاتي وكتبت
تحت أمرك قول وتجيك السطور
ثم كتبت اللي به افكاري حوت
يا قرين الليل يلزمني اثور
ليه تسجن بالقوافي من بنت
كل قاف وكل انواع البحور

سجن ل قرين الليل

**تنهيدهـ** · 17-03-2013, 05:53 PM

رد: سجناء في قفص الشعر

اكفل الشاعر قرين الليل

ايه أنا من جور هالدنيا تعبت
ايه انا حبيت و من قلبي عطيت

ايه أنا حبيت لكني انسحبت
زاد حزني يوم في حبي وفيت

ليت قلبي لادنى همي وغبت
ينقطع يبعد عن الدنيا ويبيت

عند ربن يغفر اللي كد ثبت
له ركعت وله سجدت وله رجيت

بين حزن وقهر أنا روحي ربت
مافرحت الا تعثرت و بكيت

ليه أنا حظي به الدنيا لعبت
كل من حولي على الفرحه يبيت

هم كافر معه افراحي صبت
واختفت عني وأنا بحرفي نعيت

كل فرح وكل ذكرى أنجبت
جرح نازف زادني حزن وشكيت

أسجن الشاعر برق

**أوراق الخريف** · 17-03-2013, 06:34 PM

رد: سجناء في قفص الشعر

اكفل برق

من ونين الحرف عيني ادمعت
استدار الوقت واللحظة تدور

من رعى عيني له اعيوني رعت
الحياة اسلاف غيبة او حضور

بالكفالة جيت والنخوة دعت
القوافي كل ابوها والشطور

من جنوب ومن شمالاتي سعت
لجل برق الشعر بانواع البحور

اسجن السحاب

**قرين الليل** · 17-03-2013, 08:38 PM

رد: سجناء في قفص الشعر

سامحني ياخوي السحاب
والله ظروف صعبة والقافية أصعب
اصبر السجن للرجال
والمؤمن مصاب

تبي شي توصي شي
تطمن راح اشوفلك اكبر محامي

ههههههههههههههههههه

**الشاعر سلمان الدوسري** · 17-03-2013, 10:00 PM

رد: سجناء في قفص الشعر

السحاب افراج

كلمتن للعود في قلبي طبعت
الخوي عند الخوي لالايبور
وانتخيت حروف شعري واينعت
قالت امر قلت للعاني نثور
قلت نبغى نفك سجن الي اقطعت
فيه كل السبل والعالم حضور
في مساعي الخير نفسي سرعت
وللحرار أحرار يانسل الصقور
تقنع اللي يقتنع وان مقنعت
فالحياه أيام واخرها قبورر

اسسجن همس الخلود

**تنهيدهـ** · 17-03-2013, 10:20 PM

رد: سجناء في قفص الشعر

ابتدت بالقاف همس واسرعت
وانكشف لي شي كان اصله محظور

ذاب جفني ياعرب روحي طلعت
من جفا الدنيا من أوهام وفجور

كذبة بيضا تفشت واقنعت
ثم ظلمن ثم وهمن ثم زور

ايه كشفت اللعبه بكل ماحوت
وابتديت افهم خرابيش الحضور

مافهمتوا القاف ومن أقصد وعت
مشكله لاصارت الدنيا تدور

أسجن الجارح بصمته لو صمت
واكفل الهمس بحروفي والبحور

سجنت الصمت الجارح

**أوراق الخريف** · 17-03-2013, 11:24 PM

رد: سجناء في قفص الشعر

افراج الصمت الجارح

يوم عفو الله للمخطي اشملت
سخر اللي ساق شعره في سطور

يوم ودي اكسر خشومن علت
ما لبث ساعات الا هو يجور

لايغرك طيبة انذالن بلت
كرهتني في حياتي من شهور

قبل ما اختم لي جيوشن جحفلت
جيت احارب كل من جاني يثور

اسجن السحاب مرة ثانية مؤبد هههههه

**تنهيدهـ** · 17-03-2013, 11:43 PM

رد: سجناء في قفص الشعر

ثار قسم الشعر والهمه علت
والزمن لابد وان وقف يدور

كثر ماخانت حروفي أو جفت
ترجع بسرعه وعلى الجاني تثور

يمكن الليله عزيمتهم طفت
أو قوافي الشعر دايم في ثبور

ايه مؤبد ايه مؤبد لوقست
بعض أبياتي عليهم ماتجور

أحلام سعيده

سجناء في قفص الشعر

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget