سجناء في قفص الشعر

**قرين الليل** · 18-03-2013, 01:15 AM

رد: سجناء في قفص الشعر

طفح كيلي واوجس القربه امتلت
ل السحاب انحاز ولعيونه نثور

فوهة البركان بعروقي غلت
وانحنى عرش القوافي للمرور

افرجو عن صاحبي والا اعتلت
وقامت الداره على الباغي تدور

اسجن اوراق الخريق واللي وجنبها احتريك يستاهلون

**أوراق الخريف** · 18-03-2013, 01:37 AM

رد: سجناء في قفص الشعر

ودي افتح قسم ثاني بالسجون
للذي لخبط قوانين الحكي

يكتب الاشعار في حب وشجون
من تواصيف الحبيبة للبكي

اول الابيات بالحكمة يجون
والوسط بالكسر جالك يشتكي

القوافي من فنونه يعرجون
مانفعها طب حجامن و كي

برسله ما بين قضبان وسجون
يتحاور مع سحاب ويتكي

اسجن مسعووووود القحطاني مع السحاب

**قرين الليل** · 18-03-2013, 02:31 AM

رد: سجناء في قفص الشعر

ههههههههههههه

دام إثنين عادي يونسون بعض

استريحو وابشروا باللي تبون
ي السحاب بجنب مسعود ارتكي

علموني لابغيتو تطلعون
بحيث نجلس ونتسامر بالحكي

**أوراق الخريف** · 20-03-2013, 12:49 AM

رد: سجناء في قفص الشعر

اكفل السحاب ومسعود

------------
ياسجين الشعر قلي وش تبي
لا رماك الحظ في ظلم السجون

كل من شافك يردد يا اعتبي
واستدار الظهر من دمع العيون

ماهنيت الزاد حتي مشربي
مثل طعم الدم من كثر الظنون

عزوتي بلقرن جيت ومطلبي
فكوا المسجون ياهلا السجون

اسجن مزون شمر

**تنهيدهـ** · 20-03-2013, 03:19 AM

رد: سجناء في قفص الشعر

اعزفي ألحان شعرك و اكتبي
اني بدمي .... أنا أكفل مزون

من شقا حرفي ومن بعض تعبي
عفت انا الدنيا وخابت بي الظنون

ودي أدري مني الدنيا ش تبي
بعد ..ماخلت لي أحلامي تخون

قلبي اللي يسكن بجوفي غبي
يرتجي الدنيا لأحلامه... تصون

أسجن a7taryk

**باقي امل** · 20-03-2013, 05:55 PM

رد: سجناء في قفص الشعر

افراج

صيحيح إني صغير السن
ولا لي بالحياة سنين
ولكن التجارب علمتني من بلاويها

وما كل الذي جرب وعاش التجربة بالعين
كما منه على مركاه وجالس يستمع فيها

وأنا جربت في الذي مضى لي من زمان زين
وصية والد موصي ابنه لا يخليها

صلاة الفرض قبل العرض
يا صاحب عليك تحين
وجوب انه اذا حانت عليك انك تصليها

تراها تسعد النفس الشقية من عذاب شين
وتنزاح الهموم اللي وسط صدرك مرابيها

وبرك لأمك ولأبوك يالغالي تراه يعين
على فتحة جميع أبواب رزق حالم بها

ترى الجنة وهي الجنة تحت أقدامها الثنتين
عطاها ربك المعطي جزية من يجازيها

ورافق في حياتك راعي الطاعة وراعي الدين
اذا ما يرفعك ما ظنتي انه يوطيها

ترى الصاحب على ما قيل يالصاحب عليك تبين
مواري خوته لا طالت الخوة براعيها

تربينا بوسط دنيا بها ملة بها تقنين
ودين يوصي بنصح الذي يخطي شواطيها

واسجن اسير في حب عبير

**همس الخلود** · 20-03-2013, 08:41 PM

رد: سجناء في قفص الشعر

وانا علي العيش والحلاو

**أوراق الخريف** · 20-03-2013, 11:14 PM

رد: سجناء في قفص الشعر

افراج

همس لو جبتي الحلاوه مانبي
بسطتن بالسجن فيها تفرحون

الأسير نقول معفي مانبي
غير بيت الشعر مع حبة عيون

ياعيون الناس لحظة وش تبي
ابعدي عن سكتي والا يكون

زاد بي همي وزاده اتعبي
ماهقيت العمر في لمحة يهون

اسجن همس الخلود

**تنهيدهـ** · 20-03-2013, 11:49 PM

رد: سجناء في قفص الشعر

اذكري ربك و صلي ع لنبي
كثر من خان العهد ويا الظنون

واسمعي حرفين في وزن ذهبي
الصداقه يا العظيمه ما تهون

اكفل الهمس وغلاها مطلبي
لو قواقي الشعر صاحوا يعرجون

ما أغير طبعي انا و مذهبي
لو تجافي الناس لو تبكي العيون

لاتلوميني ترى حظي يحبي
ل لصداقه أفقد وكلي طعون

الرفيقه ماتت وهي مكسبي
والبقايا مابهن من لي تصون

أسجن روح مشرقه

**" NOUR 3INY "** · 20-03-2013, 11:51 PM

رد: سجناء في قفص الشعر

ياهمس الخلود شعري

ماهو بلك كفيل هذي

هذه لعيون شعرائنا
وفوقهم تحية اخوه

خربشة قلم

سجناء في قفص الشعر

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget