رواية / فمان الله يالغالي (كاملة)

**~|عصفورة عرآقية|~** · 03-06-2012, 01:32 PM

رد: فـــمآن آلله يـــآلغــآلي / روووعه

الكل انصدم وما توقعوا إن أبو فيصل يقسى على بندر كذا وخصوصا بعد الكلام اللي قاله لأبوه..
بندر خنقته العبره:بس يبه أنا.........قاطعه أبوه:أقولك إطلع برى بيتي ولا صرت رجال وقتها تعال وبكون راضي عليك..
نزلت عليه هالكلمه مثل الصاعقه"يعني اشلون أنا مانا برجال..ليه كذا ليه؟؟"
فيصل:يبه الله يهداك..بندر رجال وتربيتك......
قاطعه أبوه:لا ماهو برجال ولاهو تربيتي هذا ربته الشوارع من وهو صغير..
ناظر أخوانه وخواته يبي نجده بس الكل ماكان يقدر يتكلم وخايفين إذا تكلموا يزيدون الطين بله..
بندر كان شبه داخل في غيبوبه وموقادر يستوعب اللي صار..ويحس اللي صار له كله حلم..قرر يطلع قبل لا تخونه عيونه وتفضحه..
ولما جاء بيطلع لف على أبوه:فمان الله يبه.. ((فمان الله يالغالي..))
أم فيصل نغزها قلبها:بندر!!...لاتروح أبوك مايقصد..
أبوفيصل قاطعها و بصوت عالي:إلا أقصد كل كلمه قلتها..

وبنبره تختلف حيل عن اللي قبلها بهدووووء:روح يابندر..ورد لي بندر الأول واتمنى ماتطول..
طلع بندر..ودموعه مغرقه خدوده..ركب سيارته ومشى مشى مشى..مايدري لفين بس جلس يمشي ويدور بشوارع برايتون ومشغل اغنية [ساعات] لراشد ورافع الصوت عالاخر..وبعد 4ساعات وهو يمشي بالسياه تذكر(أحلام) اللي هي خلود..خفض صوت المسجل ودق رقم خلود..
خلود شافت الرقم واستغربت ليه داق وهو وعدها معقوله صدقت واحد كذاب بكذبته..فما ردت
رجع يدق مره ثانيه..وثالثه وعاشره وفي الأخير ردت وهي معصصصصصبه:نعم..
بندر بصوت تعبان ويالله ينسمع:معليش إني دقيت بس..أنا تعبان حيل و ماقدرت أكتب مسج بس حبيت أقلك إن الأوضاع مره مو تمام وأرجع وأقول اسف إني دقيت....وقفل..وجلس يبكي مثل الأطفال
خلود جاها خوف مو صاحي...وما استوعبت الكلام اللي قاله "قال ..الأوضاع مره موتمام..صوته تعبان..وواضح إنه متضايق حييييل...ياربي إش صار.."
وجلست تقريبا نص ساعه وهي..تفكر في الكلام اللي قال وتتذكر صوته التعبان وجاها قلق مو صاحي..رجعت تدق بس هو كان رافع صوت المسجل وما سمع الموبايل..وجلست تقريبا ساعتين تدق..بس ما يرد..تلفت أعصابها..
"ياربي أنا إش دخلني فيه وليه مهتمه إذا كان متضايق..وإلا لا..أساسا أنا مأعرفه عشان يهمني.........طيب ليه ما يرد...لا يكون هالخبل سواها وراح يفحط؟!!..و.........................لا لايابندر تكفى لا تسويها والله لأجلس طول عمري وضميري يأنبني..الحين إش فيني أنا...لاهو أخوي ولا أبوي ولا ولد عمي ولا حبيبي......حبيبي!!..إلاوالله أعزه..وماأبي يصير له شي..الله يخليك يابندر لأهلك ولا يحرمهم منك"

في هاللحظه..بندر كان ماشي160 وشبه نايم من الإرهاق وتفاجأ بتريله قدامه وجا بيلف إلا فيه سياره بتتجاوز وفيها عايله..
لو لف بيصدم فيها ولو ما لف بيصدم بالتلريله فلما حس إنه ميت ميت..فضل يموت هو واللي في التريله ولا يصير لأحد من العيله شي...وكل هذا صار في ثواني معدوده..وصدم بالتريله........................

يوم الجمعه في الصباح
وبالتحديد في بيت أبو فيصل..الكل كان جالس على طاولة الفطور ينتظرون فيصل وأبو فيصل..
فيصل:صباح الخير يمه.. ويبوس راس أمه
أم فيصل:صباح النور فيصل..هاو ار يو
فيصل:الحمد لله.. كيفكم يابنات..وشلونك راكان
دانه:بخير الحمدلله
راكان:تمام الحمد لله
عهود:............................
عهود كانت حيييييل متعلقه ببندر صح إنهم دوم يتهاوشون بس هذا كان أحسن شي بالنسبه لهم وكان كله مزح
فيصل:عهود إش فيك..عسى ماشر
عهود وهي تناظر الطاوله:مو قادره أتخيل البيت بدون بندر والله أحس أخوي فيه شي..
فيصل:لا إش دعوه إنشالله ما فيه إلا العافيه
أم فيصل بنبرة حزن:بندر كلمك؟!!
فيصل:لا
أم فيصل:زين دق عليه شف هو وينه أكل شي ونام زين ووين نام..
فيصل:على أمرك يمه..الحين أخلص فطور وادق عليه
أم فيصل:بس أبوك لا يدري..
فيصل:لا توصين يمه..
نزل أبو فيصل:السلام عليكم
الكل:وعليكم السلام..
وبدأ أبو فيصل ياكل والكل ياكل ماعدا شخص واحد اللي هو عهود..
دانه تهمس لعهود:عهود كلي..شوفي أبوي اشلون يناظرك..أحسه شوي وبيسألك ليه ماتاكلين..
ومامداها تكمل إلا أبو فيصل:عهود..ليش ما تاكلين!!..
عهود:شبعانه بابا
أبو فيصل:ليه إش ماكله؟؟
عهود بعصبيه:ولا شي بس شبعانه.. وقامت من على الطاوله وجات بتروح غرفتها إلا سمعت فيصل:عهود!!!!!
لفت عهود:نعم
فيصل:لا عاد ترفعين صوتك على أبوي فاهمه..
عهود:زين.....اسفه يبه حقك علي..وطلعت غرفتها جري وجلست تبكي فغرفتها على بندر..
أبو فيصل: عشان بندر صح؟!!
فيصل:إشلون؟؟!!
أبو فيصل:هي ماكلت عشان بندر..
دانه ترقع:لا يبه هي بس تعبانه لأنها ما نامت زين
أبو فيصل بنبرة حزن:ما كلمك أخوك يافيصل؟!!
فيصل:لا يبه ماكلمني
أبو فيصل:زين دق عليه الحين وقله يرد للبيت الكل مشتاق له وإلا بس أنا
دانه وأم فيصل خنقتهم العبره:إلا والله كلنا مشتاقين له
راكان:وأنا بعد مشتاق له حيل امس محد لعب معاي بلايستيشن..<<صدق فاضي
فيصل جا بيطلع مو بايله إلا هو يدق.
طالع الرقم:بندر!!!!
الكل تفاجأ:بندر!!
فيصل بفرحه:إيه والله هو اللي داق
أبو فيصل:زين رد عليه وقله إني مسامحه وأبيه يجي البيت وإلا عطني وانا أكلمه..
فيصل:لا يبه انا بكلمه أخاف يوم يسمع صوتك ما يتكلم..
أم فيصل:فيصل معه حق خله يرد..
أبو فيصل ناظر فيصل يعني رد..
رد فيصل:هلا بندر إشل.......................
المتصل بلغه أجنبيه : هل أنت قريب صاحب هذا الجوال
فيصل:إيه أنا أخوه..
المتصل:حسنا أخوك حدث له حادث سيارة اليوم الساع الفجر وهو بمستشفى(.........) وحالته خطيره فأرجوا أن..............
فيصل قفل الخط..وعيونه مليانه دموع
أم فيصل:يمه فيصل أخوك فيه شي..
فيصل:.......................
دانه: إش فيه بندر يافيصل
أبو فيصل:رد..تحكى إش فيه أخوك
فيصل وكلامه مليان دموع والكلمات يالله تطلع:بندر.........سوى..ح...حادث اليوم الفجر..
أبو فيصل إنصدم ودانه وأم فيصل يصارخون..ويبكون وراكان مره يبكي ومره يهدي أمه ودانه وفيصل وأبوه..
عهود سمعت صراخ وبكى....فنزلت من الدرج بسرعه..ولما شافتهم بهذيك الحاله..
عهود بهدوء:بندر صاير له شي صح؟؟؟ وخنقتها العبره
الكل ما زال يبكي ويصارخ
عهود صرخت فيهم:بندر وينه...إش فيه أخوي؟؟
فيصل وهو يبكي:بندر سوى حادث ياعهود..
عهود:جلست بمكانها:سوى حادث؟!!...............جات
بتبكي..ولما شافت حال أهلها..حست إنها لازم تكون قويه في هالموقف
وبصوت أوضح من الأول وصوت مسموع :وهو وينه الحين..
فيصل:بالمستشفى..وحالته....خطيره..
عهود:بالمستشفى؟؟.....وإنتو ليه جالسين هنا...أخونا بين الحياه والموت بالمستشفى وانتم جالسين هنا تبكون..وبصوت عالي..إش يفيده البكا..ادعوا له وخلونا نروح له..يمكن لا شافنا يصير بخير..
الكل كان مستغرب من عهود...هي اكثر وحده كانت متأثره بغياب بندر والحين هي أقوى وحده فيهم وتقلهم يروحون يتطمنون عليه
أبو فيصل وقف:يالله يا فيصل خلنا نروح لأخوك..
أم فيصل:اي ول قو وذ يو
أبو فيصل:لا إنتي ودانه خلوكم هنا وأحنا أول ما نشوفه بنطمنكم عليه..لانه لو شافكم بهالحاله يمكن يتعب زياده.....عهود!!.. تعالي معانا...
ركب فيصل وأبوه وعهود وراكان السياره وراحوا عالمستشفى....

**~|عصفورة عرآقية|~** · 03-06-2012, 01:33 PM

رد: فـــمآن آلله يـــآلغــآلي / روووعه

في السعوديه
خلود كانت طول اليوم تدق عليه وكانت قلقانه عليه زي لو كان اخوها اللي كلمها فقررت تدق على صديقتها ولاء
خلود:سلام ولو كيفك
ولاء:هلا خوخه أنا تمام إنتي شلونك واش فيه صوتك كذا عسى ما شر.و...
خلود:تقاطعها:كافي كافي...سلامات علق الشريط؟؟!
ولاء:لا من جد إشفيك مو العاده
خلود:اه يا ولاء متضايقه حيل وأحس نفسي أبكي وأصارخ بعد
ولاء:أفا وليه هذا كله
خلود:بندر يا ولاء بندر..
ولاء وألف علامة إستفهام على راسها:مين بندر وإش سالفته؟؟!!
خلود:أنا أقلك...وحكت خلود لولاء كل شي من طقطق لسلام عليكم..
ولاء:أها يعني وقعتي في الغرام؟!
خلود:مو بس وقعت إلا طبيت..
ولاء:طيب ما مداك يعني كلها كم مره سولفتوا فيها ومكالمه وحده..
خلود:أنا من أول ما سولفت معاه حسيت بس كنت اكذب نفسي
ولاء:طيب وهو..
خلود:أنا ما علي منه هو..أهم شي اتطمن عليه..
ولاء:الله يعينك..زين أبوي جا بكره أكلمك أوكي..
خلود:زين باي
ولاء:خلي بالك من نفسك ولا تفكرين فيه كثير ترى هالأولاد ما يستاهلون
خلود:زين باي
ولاء:باي
قفلت خلود وبحكم أنها ما نامت جلست تفكر ببندر لحد ما غلبها النوم ونامت

في المستشف ى
الدكتور:حالته جدا خطيره وهو الحين بالعنايه المركزه
أبو فيصل:هو إش عنده بالضبط
الدكتور:عنده كسور بعظام اليد والرجل ورضوض في الوجه بس من حسن حظه إن الجمجمه عنده سليمه..لكن عنده ثقب في المعده ولازم نسويله عمليه بأقرب وقت بس محتاجين الموافقه...
أبو فيصل:زين سووها على طول..بس الحين أقدر اشوفه يا دكتور
الدكتور:أكيد بس قبل تعال معاي وقع عالموافقه.. وياليت محد يبكي عنده ولا أحد يضايقه لانه يحس فيكم
أبو فيصل:زين
فيصل:يبه أنا بروح أنا وعهود وراكان لبندر وانت وقع والحقنا
وراحوا الثلاثه لبندر..
عهود كانت قويه وصابره لحد ما شافت أخوها وما قدرت تتحمل اول ما شافته ممد عالسرير ووجهه كله رضوض...جلست عنده وكانت بتبكي بس تذكرت كلام الدكتور..
عهود وهي ماسكه يده واليد الثانيه على شعره:بندر حبيبي والله فقدتك والبيت من دونك مايسوى
أمي ودانه خايفين عليك وأبوي كمان وتراه مسامحك..وكلنا نبيك تقوم لنا بالسلامه..بندر..
أنا احبك كثير وما ابغى افقدك تكفى قوم لنا بالسلامه وطلعت لانه ما قدرت تتحمل أكثر
((على فكره عهود ما كانت تدري إن أبوها كان بيكلم بندر قبل ما يعرف بالحادث بس هي قالت هالكلام من عندها))
بعدها دخل فيصل:بندر ياخوي ..قوم ..والله إن أخوك بدونك بهالدنيا ما يسوى..
قم وخلنا نفرح فيك..والله ما أخلي احد يضايقك أبد..ترانا كلنا محتاجينك..
وترى ابوي وأمي قلقانين وخايفين عليك حييييييييل..وكلنا ما نستغني عنك
يالله يابندر شد حيلك وقوم ...يالله يالغالي
بعدها دخل راكان واول ما شاف اخوه بهالحاله تأثر بس ما بين وراح ليد أخوه وباسها:بندر الله يخليك لا تروح مننا ترانا كلنا مالنا غنى عنك..
قلي لو رحت منو بيلعب معاي بلايستيشن منو بيوديني للمدرسه ترى لو ما قمت بزعل عليك..كافي دلع وتغلي..والله إنك غالي ياخوك..
بعد ما وقع ابو فيصل عالعمليه دخل عند بندر وانصدم أول مره يشوف ولده وحول هالأجهزه كلها..
قرب منه ومسك يده وبهمس قال:بندر أنا أبوك..قوم ياولدي والله إنك رجال وإنك سيدهم كلهم..
والله إني مسامحك..قوم واوعدك ماعاد امد إيدي عليك ابد ولازعلك بس تكفى ياوليدي لا تروح من يديني..
بندر الله لا يحرمنا منك ..ودمعت عين أبو فيصل..لأنه حاس بالذنب أكثر من أي شخص ثاني..
حط أبو فيصل راسه عالسرير ويده بيد بندر..
بندر زي ما قال الدكتور كان يحس فيهم ويسمع كل كلمه يقولونها..وماهانت عليه حالة أبوه..بس بنفس الوقت كان ما يقدر يتكلم فضغط على يد أبوه عشان يحسسه إنه تمام..وعلى طول رفع أبو فيصل راسه وناظر بندر لقاه مفتح عيونه.
إبتسم له إبو فيصل وقال:الله يسامحك ياولدي كذا تخوفنا عليك..
دمعت عين بندرلما حس بخوف أبوه عليه وتأكد بأن كل اللي حصل لأن أبوه كان في حالة غضب وكان شي طبيعي وكله من خوفه على مصلحة ولده.
أبو فيصل:ما عاش اللي ينزل هالدموع يابندر..
دخل الدكتور ومعاه الممرضين عشان ينقلون بندر لغرفة العمليات وفعلا نقلوه وكانوا أبو فيصل وعياله ينتظرون برى وجلس داخل ساعتين تقريبا ومرت هالساعتين ثقيله عالكل وخصوصا إن أم فيصل ودانه كل شوي داقين يتطمنون على بندر..

بعد ساعتين
خرج بندر من غرفة العمليات ونقلوه لغرفه عاديه خارج العنايه المركزه..
أبو فيصل:ها دكتور بشر كيف صحة بندر..
الدكتور:لا الحمد لله العمليه كانت ناجحه وسهله بس...
فيصل بخوف:إيش يا دكتور..؟؟
الدكتور:بندر نتيجه للحادث والحاله النفسيه قبل تعرض لضغط على القلب مما سبب له مرض القلب ولما جانا للمستشفى كان عنده ضعف شديد في ضربات القلب..وعشان كذا راح يحتاج بعد خروجه من المستشفى لعلاج عشان هالمشكله
فيصل:طيب يادكتور هالحاله ملازمه له على طول وإلا ممكن تختفي بالعلاج
الدكتور:هذا علمه عند الله وإحنا راح نعرف هالشي مع الوقت بس المهم ما يتعرض لصدمات أو أي ضغوط نفسيه بالمستقبل..
أبو فيصل:طيب متى راح نقدر نشوفه يا دكتور
الدكتور:أنا الحين مانع عنه الزياره وهو ما زال تحت تأثير البنج بس تقدرون تشوفونه بكره..
أبو فيصل:طيب مشكور دكتور
الدكتور:العفو هذا واجبي
رجع أبو فيصل للبيت لماحس إنه مامن قعدته بالمستشفى فايده وقرر يجي للمستشفى اليوم الثاني

الي وم الثاني
خلود ىبانفعال لولاء:أقلك عجزت أدق عليه وإرسلت حتى مسج بس مايرد..
ولاء:طيب هدي... إش رايك أجرب أدق عليه.؟؟
خلود:أقوووووول سلامات؟؟
ولاء:بدينا نغار ياهوه ما مداك..
خلود:مو غيره بس..ليه تدقين؟؟
ولاء:يمكن هو وفي لوعوده بزياده عشان كذا ما يرد..
خلود: إيه والله ما فكرت من هالناحيه..
ولاء:طيب ماقلتي أدق ولا لا
خلود:طيب دقي بس مره وحده..رد كان بها ما رد خلاص
ولاء:زين
خلود:لحظه لحظه..إش بتقولين له
ولاء:إنتي خليه يرد بالأول وبعدين يصير خير..وترى ما بدق الحين لا طلع ابوي بدق
خلود:زين وطمنيني شيحصل معاك هاه
ولاء:اوكي باي
خلود:باي

**~|عصفورة عرآقية|~** · 03-06-2012, 01:43 PM

رد: فـــمآن آلله يـــآلغــآلي / روووعه

كان يوم السبت والكل محد داوم عشان الكل راح لبندر بالمستشفى..
أول شخص دخل للغرفه كانت أم بندر وراحت تجري على ولدها..وكان هو صاحي ومبتسم..:هلاماما
أم فيصل وهي تصيح:إشلونك يابندر..اشلونك يا ماما
بندر بنفس الإبتسامه:بخير يالغاليه...لا تحاكين..
أم فيصل(ما زالت تبكي):كذا تسوي في أمك كذا تخوفها عليك يابندر..وجلست تسلم عليه:كيفك وإش هذ اللي بوجهك...الله يهديك ما كان لازم تطلع وتخلي ماما قلقانه عليك
أبو فيصل:إقول يأم فيصل تراه بخير وما فيه إلا العافيه..وبعدين خليني أسلم عليه تراه ولدي أنا بعد..
بعدت أم فيصل وسلم عليه أبو فيصل وأخوانه كلهم..
عهود:بندر يالخبل شنو سويت بنفسك؟!
بندر:والله مو انا هو صار
عهود ببلاهه:إش اللي هو صار؟!!
بندر:الحادث..قضاء وقدر..
عهود:لا زييييييين تعرف قضاء وقدر..
بندر:ليه شنو قالوا لك..
عهود:والله أنا توقعت أن كل معلوماتك بالسياسه وبس..
بندر جلس يضحك على تلميح عهود.. وجلست العيله عند بندر لما نهاية الزياره وكانت كلها ضحك وسواليف..ولما انتهت الزياره..طلع الكل..
أم فيصل وهي طالعه:بندر حبيبي تبي شي مشتهي شي اسويه لك
بندر:لا يالغاليه تسلمين
فيصل:بندر هذا موبايلك ما شا الله إنت تكسرت وهو ماصار فيه شي..عطانياه اللي شالك من مكان الحادث..والظاهر نص العالم داقه عليك
إبتسم بندر..لأنه فهم تلميح أخوه..وطلع الكل بعدها ناظر موبايله..ولقى23 مكالمه من خلود و10من سامي وعدد لا يحصى من الباقيين... ولقى مسج من خلود كاتبه فيه:"بندر تكفى رد وانسى وعودك كلها والله قلبي مو متطمن وأحس فيك شي وإذا ما تبي تكلمني ارسل مسج وطمني تكفى ترى عجزت أدق عليك.."
ناظر اخر مكالمه لخلود كانت أمس الفجر..
جلس يفكر يدق او لا..بس بالنهايه قرر يرسل لها مسج وكتب فيه..
"والله ما اعرف إش أقولك ..بس معليش إني مارديت وسببت لك كل هالقلق..أنا صار لي حادث سياره والحين بالمستشفى وتوي شفت الموبايل بس............وبهاللحظه دقت ولاء

**~|عصفورة عرآقية|~** · 03-06-2012, 01:48 PM

رد: فـــمآن آلله يـــآلغــآلي / روووعه

وهذا بارت جدييييد لعيووونكم}~

-3-
"تدري وش أحلى الصدف ..!!
إنك تسير بلاهدف .."
لما شاف بندر الرقم عرف إنه من السعوديه وجا على باله على طول أحلام..فرد:هلا
ولاء:هلا فيك مين معاي الأخ بندر؟!!

بندر مستغرب من الصوت:إيه من إنتي..
ولاء:أنا أحلام ما عرفتني؟؟
بندر:لا هذا مو صوت أحلام منو إنتي؟؟
ولاء:هههههه ما شالله مداك تحفظ صوتها من مكالمه وحده؟؟
بندر وبدا يعصب لأن هالشخص يعرف عنه كل شي: شوفي يا تقولين من إنتي وإلا ترى بقفل..
ولاء:لالا بقول...أنا صديقة خلود..
بندر بنفس العصبيه:ومين خلود بعد؟؟
ولاء وهي مرتبكه:....ق.....قصدي أحلام
بندر:خلود ولا أحلام؟؟؟
ولاء: لا أحلام
بندر:طيب؟؟
ولاء:قبل شوي كنت أكلم خلود..اقصدي احلام..وكانت مره متضايقه وقالت لي باللي بينكم وكانت قلقانه عليك حيل وتقول إنها تدق عليك ما ترد وترسل مسجات ونفس الشي فقلت أجرب أنا ادق يمكن ما ترد لأنك وعدتها..
بندر وهو مستغرب من كلمة"اللي بينكم":أبد والله..أنا بعد ما كلمتها اخر مره صار لي حادث سياره و..بهاللحظه شهقت ولاء:إيوه؟؟
كمل:وكنت مو بوعيي لما اليوم العصر صحيت من البنج وتو الأهل طلعوا من عندي وفتحت موبايلي وقرأت مسجها..ولما دقيتي كنت على وشك أرسل لها مسج..وبس دقيتي وشفت الرقم توقعته هي,,
ولاء:سلامات وما تشوف شر ياأخوي على كذا أسيبك اكيد تعبان الحين
بندربتردد:الله يسلمك ..بس..
ولاء:إيش؟؟
بندر:هي عندك؟؟؟
ولاء:من هي؟؟ تقصد خلود...أأأقصدي احلام...يووووووه تبي الصراحه إسمها خلود ماهو احلام..وتراها ببيتهم مو عندي
بندر وهو مبسوط إنه عرف إسمها:طيب مشكوره مع السلامه
ولاء:باي
ولاء بعد ما قفلت:والله يحق لك ياخلود تخقين عليه صوته وكلامه وأسلوبه كلهم يخققون..

وراحت تدق على خلود..

خلود بس شافت الرقم:هلا ولاء هاه بشري كلمتيه
ولاء:بسم الله الرحمن الرحيم الناس تسلم بالأول وبعدين تستفسر عن اللي تبي
خلود:يوووووه ياولاء
ولاء:خلاص خلاص...دقيت ورد بعد
خلود عورها قلبها اول ما سمعت هالكلمه وبخوف:إيوه؟؟
وقالت ولاء لخلود كلللل شي بالتفصيل الممل وفي هذا الوقت كان بندر يدق على خلود بس طول الوقت كان مشغول وكان متأكد إنها ولاء..

وأول ما قفلت ولاء..
خلود والبكوه على الطرف:ياقلبي عليك يابندر أنا ما راح أتطمن إلا إذا كلمتك وسمعت صوتك بنفسي.. وأخذت موبايلها ودقت على بندر
بندر أول ما شاف الرقم..ابتسم:هلا والله وغلا
خلود بخوف:هلا بندر اشلونك وسلامات وماتشوف شر زين كذا تخوفني وتسبب لي قلق ورعب والله جلست احاكيك..وليه ماترد ولا تطمني زين كذا تخليني على أعصابي و....
قاطعها بندر بصوت هادي:خلاص خلاص هدي حقك علي
خلود وهي معصبه وفيها بكوه: يالخبل إش سويت رحت تفحط يالأهبل؟؟
بندر بنفس الهدوء والإبتسامه ما فارقته:لا والله ما رحت افحط بس كنت تعبان ومو شايف الطريق وصدمت بتريله
خلود وهالمره بكت:وأنا على بالي سويتها ورحت تفحط وجلست اكل بنفسي طول الليل وبالغصب نمت جلست أحاكيك وأقول أكيد إنك تهورت وسويتها وأكيد أهلك الحين يدعون علي والله قلبي صار بيدي من خوفي وحضرتك ما كلفت على عمرك حتى ترسل مسج ؟؟
بندر: توني شفت الموبايل وجالس أكتب مسج لأني توي صاحي من البنج...
خلود جلست تبكي وتحاول قد ما تقدر ما ينتبه لها بندر:...................
بندر بهدووووء وبصوت يذبح: ممكن أطلب طلب؟؟
خلود وهي تبكي:نعم..
بندر:تكفين لا تبكين والله ما احب أسمع احد يبكي
خلود وهي مصدومه شلون عرف وتمسح دموعها:هاه خلاص بس من جد كنت خايفه
بندر وهو مبتسم:إيه خليك كذاوبعدين تراني زين وما فيني شي...
خلود بدت ترجع خلود الأولى وبعصبيه:ومن قال لك إني كنت خايفه عليك..
بندر:طيب وليه كل هالدموع أجل
خلود:بس لاني توقعتك رحت تفحط وصار لك شي وجلس ضميري يأنبني
بندر:ههههههه إيه هذي خلود اللي اعرفها
خلود بصدمه:وانت اش عرفك باسمي؟؟
بندر:هاه..خويتك قالت لي
خلود:شوف النذله..ولا قالت لي....هين أنا أوريها..
بندر:ههههههههههه
خلود:إيه إضحك وش عليك مبسوط..إلا إنت كيفك الحين وإش صار معك
بندر بخبث:شفتي مو أقلك خايفه علي؟؟
خلود:خلاص لا تقول إش فيك عشان بس تتأكد إني مو خايفه عليك..
بندر:ههههههه اقول الظاهر العمليه بتنفك من هالضحك ههههههههههه..
خلود بخوف:عمليه.. أي عمليه؟!!
بندر:كان عندي ثقب بالمعده وأمس سويت عمليه..
خلود:والله ؟؟؟وكيفك الحين..
بندر:الحين أنا تمام بس أبغى أعرف ليه إنتي مو راضيه تعترفين إنك خايفه علي؟!<<إجباري يفرض نفسه
خلود لما حست إنها بتنفضح:لأني من جد مو خايفه عليك..أقول بندر الباب يدق بعدين اكلمك..
بندر وهو يضحك عالتصريفه:زين إنتبهي لنفسك..باي
خلود:باي

**~|عصفورة عرآقية|~** · 03-06-2012, 01:49 PM

رد: فـــمآن آلله يـــآلغــآلي / روووعه

خلود تكلم نفسها:"انتبه لنفسي؟؟ محد قد قال لي هالكلمه من قبل أبدا.. معقول أهمه أو تهمه نفسي!!..اه يابندر لو اعرف إش براسك بس؟؟...زين ليه انا من جد كنت خايفه عليه؟؟..وليه ما أبغى أعترف له..معقوله من جد حبيته بس إشلون!!.. ما مداني مثل ما قالت ولاء..أكيد مجرد إعجاب...لالا..هذا مو إعجاب الدعوه أكثر من كذا"
بندر كان برضوا يفكر نفس تفكير خلود..ليه هيه بالذات؟؟
قطع عليه تفكيره صوت موبايله..طالع الرقم وابتسم..
بندر:هلا صاحب السمو
سامي:هلا فيك وينك ياخوي عجزت وأنا أدق ورحت البيت وما لقيت أحد وينك فيه..
بندر:والله بالمستشفى
سامي:افا..ليه سلامات ..عسى ما شر
بندر:اخس علييييك وانا عبالي داق تتحمد لي بالسلامه..خويك سوى حادث وتكسر وعمليات وشغل وانت عسى ما شر؟!!
سامي بخوف:سلامات شالسالفه اش سويت؟؟
بندر:الله يسلمك..أنا الحين تعبان حدي وبنام بس تعالي بكره بوقت الزياره وانا اقلك السالفه كلها
سامي:زين ما تشوف شر يالغالي..
بندر:الشر مايجيك..فمان الله
سامي:مع السلامه.

حط بندر راسه عالمخده وجا بينام إلا يدق مو بايله..:أوووووووف لا حوووول الظاهر اني ما بنام
ناظر الرقم.. وبدون نفس:هلا
مها:هلا فارس هلا يالبايع وينك..
بندر:بالمستشفى
مها بخوف:بالمستشفى؟؟؟...ليه سلامات..
بندر:أبد مسوي حادث
مها:سلامتك يابعد عمري.. انت باي مستشفى..
بندر ببلاهه:ليه؟؟
مها:عشان اجي أتطمن عليك بكره..
بندر:لا لا تجين الاهل بكره بيجون
مها:زين متى بتطلع
بندر:ما أعرف<<إختصار
مها: طيب اول ما تطلع عطني خبر عشان أبي اشوفك واتطمن عليك..
بندر:زين
مها حست انه يبيها تخلص:يالله حبيبي باي
بندر:باي

بعد خمس دقايق جاه مسج من نرجس<< هذي وحده جديده..
"فوفو قلبي وينك فيه وربي اشتقت لك بالحيييييييييييل وإبي اشوفك"
حط موبايله عالصامت ونام....صحى باليوم الثاني..جاه الدكتور

الدكتور:هاه بندر اشلونك الحين..
بندر:لا أحسن كثير
الدكتور:طيب تجهز لاننا الحين راح ننقلك لغرفة الأشعه
بندر:غرفة الاشعه؟؟...ليه
الدكتور:عشان نسوي اشعه للقلب..ونشوف حالته.
بندر:ليه إش فيه القلب..يادكتور
الدكتور:احتمال كبير يكون عندك ضعف بنبضات القلب..
بندربعد تنهيد طويله:زين يالله..

خلود:ضعف بضربات القلب!!!
بندر:إيه هذا اللي قاله الدكتور..
خلود بنبره حزينه:سلامتك ألف سلامه يابندر
بندر:الله يسلمك بس ليه هالنبره؟!!
خلود:ابد بس احس قلبي انقبض يعني ما توقعت الحادث لهالدرجه أثر فيك
بندر:واكثر بس تصدقين إني حبيت هالحادث وكان من الأشياء الحلوه بحياتي
خلود متفاجئه:اشلون..وليه..
بندر:لأن علاقتي فيك صارت أقوى بعد الحادث والله أحس إني اعرفك من زمان
خلود:تصدق أنا بعد احس إني اعرفك من زمان.. أساسا ما ادري شلون تكملت معك وأنا ماعمري سويتها مع أحد.. بس أحس أنك مثل أخوي واكثر,,واحس اني ارتحت لك كثير
بندر:إنتي عندك أخوان؟!!
خلود:إيه بس أنا الشهور اللي فاتت بعيده عن العيله مره..
بندر:ليه!!
خلود:ما اعرف؟!!...بس يمكن اكثر شي شاغلني الدراسه
بندر:على طاري الدراسه كيف ثاني وياك..
خلود:إيييييه ثاني..انا ما قلت لك؟!..
بندر:إيش؟؟
خلود:أنا بثالث مو ثاني
بندر:والله!!...خلاص أجل إي شي ما تفهمينه قولي لي وأنا أفهمك
خلود:لا والله!!..إش تحسبني تراني دافوره..
بندر:ما شالله عليك والله أنا من جنبها..
خلود::إش ناوي تشتغل بعد ماتتخرج
بندر:بقي ما فكرت..
خلود:أما إنك غريب يا اخي......إلا شلون علاقتك بالوالد
بندر:لا تمام التمام
خلود:دوم انشا الله..
بندر(سمع صوت احد جاي):أقول خوخه الظاهر الأهل جوا أكلمك بعدين
خلود:زين انتبه لحالك<< كانت تبي تهزئه على "خوخه" بس ما كان فيه وقت..
بندر:اوكي وانتي بعد باي
خلود:باي

**~|عصفورة عرآقية|~** · 03-06-2012, 01:50 PM

رد: فـــمآن آلله يـــآلغــآلي / روووعه

خلود"اه يا هالولد يبي يوديني بداهيه يبي يجنني يبي يذبحني...صوته يجنن أسلوبه.. كلامه..والله إنه كله على بعضه يذبح..بس اللي نفسي أعرفه كيف شكله ياترى..وسيم وإلا لا.. والله ما ورى هالصوت إلا واحد يخقق....أنا لازم أشوف صورته"
دخل شخص بأبتسامه معتاده..
سامي:سلام أبو عزوز
بندر:هلا سامي
سامي:هلا فيك شلونك يالغالي ...سلامتك ما تشوف شر
بندر:الله يسلمك الشر ما يجيك..
سامي:منو كنت تحاكي؟!!
بندر:إنت شدخلك.!!..اجلس وبس ..حياك
وبعد ما جلس سامي:إش دعوه انا خويك قلي!!...ويغمز له
بندر:خلود..
سامي بخوف :ومنو خلود بعد..
بندر ويضحك:هذي وحده جديده
سامي: الللله اكبر ياخي خف على نفسك شوي كل ساعه بوحده
بندر:لا ياعمي هذي غير والله إنها غير
سامي:إنت كل ما تكلم وحده جديده تقول نفس الكلام..
بندر:لا صدقني هذي غير..أنا احس كذا
سامي:ياخي انت دوم تحس واحساسك دائما غلط
بندر:بس انا متأكد إنه هالمره صح
سامي:وش اللي خلاك متأكد؟؟
بندر بجديه وبعد ما تنهد:القرار اللي ناوي أنفذه..
سامي:وشنو هالقرار؟
بندر:باترك كل البنات اللي أعرفهم وبكون لأول مره بحياتي مخلص لوحده قلبي عشقها
سامي:حتى جوري؟!!
بندر بجديه اكثر:حتى جوري..
سامي:والله الظاهر إنها خذت عقلك..زين قلي شلون شكلها هاللي انت خاق عليها..
بندر:ما شفتها
سامي:اجل اشلون حبيتها
بندر:كلمتها..
سامي:دام السالفه كذا..أقص إيدي واحلق لك شنباتي إذا السالفه جد

بندر:اللي يسمعك يقول عندك شنبات من الأساس.. بس اضمن لك أنك بتقص إيدك
سامي :زين خلنا نسوي تحدي..
بندر:شنو؟
سامي:لوطلعت ما تحبها بتيي معي للكويت لا سافرت بالصيف
بندر وهو واثق:ولو طلعت احبها من جد لك علي تصرف كللل البنات اللي أعرفهم ولا ابي أزيد اسمع صوت وحده فيهم
سامي:لا .. الأخ واثق؟!
بندر:افا عليك واثق ونص وثلاثة ارباع
سامي ويضحك:عيل الله يعنني على بناتك..
بندر:الظاهر بينشبون فيك
سامي بخوف:ياخي فال الله ولا فالك!!
بندر:ههههههههههه ترا فله جرب..
سامي:لا بخلي الفله لك انت ويكفي.. بس ما قلت لي شنو سويت بعمرك إنت؟؟
حكى بندر لسامي كللل شي..
سامي:والله منت بصاحي..
بندر وهو يضحك:يكفي لا كنت إنت صاحي وبس
سامي:إيه وانت الصادق أساسا أنا فاقد الامل إنك بتعقل بيوم..
بندر:لا خل عندك أمل صدقني مع هالبنت انا متأكد أني بتغير..
سامي:إنت لو نجيب لك فرعون وقومه عشان يغيرونك سواء للأحسن ولا للأسوأ....اعجزوا فيك.. وخصوصا انك حتى وانت بالمستشفى وتعبان ومكسر تدخن
بندر وهو يضحك:ههههههههههه حللللللللوه فرعون وقومه..بس انت اش عرفك اني دخنت..
سامي:ريحة الدخان واصله اخر الدنيا
بندر:لعن ابو ابليسك ابوي وأهلي الحين جايين خذ هذا العطر ولا تبقي فيه شي بسرعه..أكيد هم على وصول
أخذ سامي العطر من بندر وجلس يبخبخ في الغرفه كلها..
بندر:ها بقي فيه ريحة دخان
سامي:لا بعد هالعلبه اللي مخلصها ماظنتي...إلا صحيح شنو هالعطر ريحته وايد حلوه..
بندر:عليك بالعافيه صاحب السمو..
سامي:هو بقي فيه شي!!...كان قلت لي قبل لا أبخ منه عشان اقتصد شوي
بندر:ههههههههه والله إنك تحفه ولا يهمك أول ما أطلع من هالسجن بجيب لك واحد
سامي وهو يضحك مع بندر:زين انا تأخرت القراند (جدته) تنطرني بس قلت أمر اتطمن عليك..وأشوف شنو اخر مصايبك..
بندر:زين ...بس لا تنسى التحدي هاه
سامي:ما عليك من ناحيتي أنا ما بنساه..بس الخوف منك إنت..لا تنساه
بندر:أوكي...سلم عالقراند..
سامي وهو واقف:على طاري القراند يوم قلت لها إنك بالمستشفى وتنشب فيني إلا وتيي(تجي) وياي كان أقلها لا ما يصير كان تصيح بس يلست(جلست) فوقها وأهدي فيها ..لو أنا اللي بالمستشفى ما سوت جذيه(كذه)
بندر:هههههههه أنا غير..ياخي
سامي:يعينك ياخي لا ينتفخ راسك بس علينا بعدين ما تخرج من الباب..
بندر:ههههههه الله يقطع سواليفك
سامي:هههههه فمان الله
بندر:فمان الكريم مع السلامه..وقبل ما يخرج سامي إلا إبو فيصل وعائلته داخلين..
سامي:هلا عمي..
أبو فيصل:هلا سامي اشلونك وشلون الاهل
سامي:بخير ما عليهم..سلامة بندر ألف سلامه
أبو فيصل:الله يسلمك ياولدي..والله إنك أصيل وراعي واجب
سامي:أفا ياعمي بندر أخوي..وانتم حسبة هلي..
أبو فيصل:الله يسلمك ياولدي والله ما تقصر..دوم واقف معنا

سامي:اشلونك خالتي؟..
أم فيصل:الله يسلمك بخير الحمد لله
سامي:اشلونكم بنات واشلونك راكان
البنات وراكان:الحمد لله
سامي:يالله أنا أستأذن
أبو فيصل:إذنك معك..مع السلامه
خرج سامي..وجلس أبو فيصل وعائلته عند بندر لما انتهت الزياره..
وكانوا كل يوم على هالحال

**~|عصفورة عرآقية|~** · 03-06-2012, 01:51 PM

رد: فـــمآن آلله يـــآلغــآلي / روووعه

بعد 3أسابيع
خرج بندر من المستشفى.. وكانت الإمتحانات على وشك..علاقته بخلود كانت طول فترة المستشفى تقوى يوم عن يوم ولا يمر يوم ما يكلمون بعض أويمسجون لبعض..
البنات اللي يعرفهم بندر..ساحب عليهم ..اللي زعلان منه واللي ما همه واللي ما زال متعلق بفارس أو بالاصح ببندر..
سامي كان كل يوم يروح لبندر بالمستشفى ويشرح له المواد والدروس اللي تفوته وهذا ساعد بندر كثيييير بأيام الإمتحانات
أبو فيصل وعائلته كان لهم دور كبير في تحسن حالته النفسيه والصحيه بعد وكانوا كل يوم يزورونه وما يفوتون الزياره كلهم

قبل أيام الإمتحانات النهائيه..في لندن طبعا..
عهود..مره عالكتاب ومره عند التلفزيون ومره عند بندر يشرح لها وحاله<<دامها عند بندر رايحه فيها
ودانه شاده حيلها..بس أغلب الوقت تبكي من صعوبه الماده و تطير فرحه إذا كملت حفظ صفحه وحده
بندرمن خلود لسامي للكتاب وهذا مواله<<رايح فيها هو بعد
سامي نفس الشي من تصريف البنات اللي نشبو فيه بعد بندر..لبندر للكتاب بس على اهتمام اكثر من بندر
راكان..أكثر واحد مهتم وواضح إنه بأجواء ايام الإمتحانات..
خلود بقي ما جات أيام الإمتحانات عندهم بقي عليها شهر

أول أيام الإمتحانات..
بندر:أقول خلود دعواتك أنا الحين رايح عالإمتحان..
خلود:الله يوفقك..ركز زين واستعين بالله قبل لا تحل ولا تستعجل
بندر وهو يضحك:اي أوامر ثانيه أستاذه خلود
خلود وهي ذايبه على ضحكته:..لا تسلم
بندر:زين أكلمك بعد الإمتحان
خلود:اوكي لا تنسى ركزززززززززززز
بندر:أوكي باي
خلود:باي

دانه:عهود والله خايفه واحس اني ما بجاوب
عهود:ياشيخه توكلي على الله وانشا الله بتجاوبين ومو مهم المهم إنك تنجحين
دانه:والله ما بيوديني بداهيه إلا كلامك..
عهود:والله هذا الحق المهم تنجحين..
دانه:زين ذاكري بس ذاكري!!
راكان:أقول بنات اشفيها وجيهكم كذا...كنكم رايحين مجزره مو امتحان
بندر:إيه والله قول..
عهود:أما انتم يالأولاد فيكم برود ما ادري من وين تجيبونه
دانه:شف مين يتكلم عالبرود
عهود وعيونها بتخرج:شقصدك؟؟
دانه:لا سلامتك ما اقصد شي ذاكري وبس

أول يوم أو بالأصح اول أسبوع الكل جاوب زين وكان مبسوط..<<لله يخلي البراشيم
وعدت بقية أيام الإمتحانات على خير وكل يوم احلى من الثاني..
وبعد 3 أسابيع كان أول ايام الإمتحانات بالسعوديه
خلود وهي بتبكي:اقلك خايفه يابندر خايفه..
بندر:هذي اللي توصي علي قبل ولا تخاف ولا تستعجل واستعن بالله والحين تقول خايفه وإلا ما تعرفين إلا تتفلسفين على راسي
خلود:هيييي تراني داقه أبغى اخذ طاقه مو أتهزأ
بندر:إش قالوا لك مولد كهربه
خلود وهي تضحك:الله يرجك يالله خلني اروح اذاكر وترى اليوم بقفل جوالي وما بفتحه غير بعد الإمتحانات
بندر:لييييه؟؟
خلود:ابي أنجح ترى ثانويه عامه!!
بندر:ليه يعني ما بيرسبك إلا أنا
خلود:إيه..
بندر:أجل الإيميل
خلود:حتى إيميلي ما راح أفتحه..إلا بعد الإمتحانات
بندر:الحين ليه كذا؟؟..والله ما أقدر!!<<زلة لسان

خلود:خيييييير إش اللي ما تقدر..وبعدين انا بثالث وموادي صعبه
بندر:لا ولا شي بس انتبهي لنفسك ويستهبل:و ركزي زين واستعيني بالله ولا تستعجلي
خلود:بندر..
بندر بنفسه"عيونه":هلا..
خلود:أبي اطلب طلب
بندر يستهبل:شنو تبين تضيفين رقمي؟؟
خلود:ههههه الله يرجك لا بس أبي......امممم...أبي......
بندر:أها؟؟
خلود:أبي اشوف صورتك..
بندر يبي يخوفها:................................
خلود وصار لبندر اللي يبيه(خايفه):بندر أنا اسفه إذا طلبي مو مناسب خلاص ما ابيها
بندر بصوت جدي:لا بس ما توقعتك كذا
خلود والبكوه واصله معها:بندر والله اسفه والله مجرد فضول وأنا مو مثل البنات اللي تعرفهم تكفى يا بندر..
بندر وهو كاتم ضحكته: خلاص حصل خير.............
خلود والدمعه نازله لأنها حست بندر مو مقتنع بكلامها:تكفى بندر لا تفهمني غلط والله ما أقصد شي والله أنا مو مثل البنات اللي ببالك..
بندر رحمها وهو يموت ولا يسمعها تبكي انفجر يضحك:ههههههههههههههه والله إنك فله.. وعلى نياتك..إش فيك خفتي؟؟
خلود وهي مصدومه:................................
بندرما زال يضحك:خوخه والله مو فاهمك غلط بس هذا مقلب بسيط..وانتي اكلتيه بسهوله هههههههههه
خلود وهي تبكي:صدق إنك وقح وأهبل كذا تلعب باعصابي إش انا عندك يامتخلف يا غبي ..طيب انا اوريك..........وما قدرت تكمل وصارت تبكي..
بندر وهو حاس إنه زودها وبهدوء وبصوت يذوب:خوخه......
خلود:.......................
بندر:خوخه تكفين لا تبكين قلت لك قبل ما أحب أسمع أحد يبكي وانتي مو أي أحد يا خلود..تكفين خلاص طلبتك...
خلود:........................................
بندر بترجي:طلبتك..تكفين خلود خلاص والله ماقصدت أضايقك..
خلود تمسح دموعها:خلاص لا تترجى ما أحب أحد يترجاني..
بندر:انتي مو بس تطلبين إنتي تامرين الحين اول ما أقفل برسلها لك بس إذا وصلت عطيني خبر عشان أعرف أنها وصلتك وبعدها عطيني رأيك فيني..
خلود:زين..
بندر:إش فيها(زين) طالعه كذا؟؟...بقي زعلانه؟؟
خلود:لا والله مو زعلانه بس أنا خفت تكون زعلان علي
بندر: الله يفقدني روحي إذا قصدي أزعلك..
خلود بنفسها"اسم الله عليك": أوكي متى راح ترسلها
بندر: الحين اول ما أقفل..بس نصيحه لا تشوفيها قبل الإمتحان اول امتحني بعدين شوفيها
خلود ببراءه:ليه؟؟
بندر:أخاف يوم تشوفين صورتي تتبخرين ولا تذوبين ولا تطير المعلومات بعدها اشلون تمتحنين!!
خلود بتحدي:الظاهر ما خذ مقلب بنفسك..وعناد فيك بشوفها قبل الإمتحانات
بندر بثقه:براحتك بس انا حذرتك..
خلود:زين الحين اتركك بذاكر وانت ارسل الصوره وبشوفها وبعدها بقفل موبايلي..
بندر بصوت هادي ومهموم:اه الله يعين..والله بشتاق لسواليفك
خلود بنفس الصوت:وانا بعد
بندر:انتبهي لنفسك وكلي زين ولا تشغلي بالك بأي شي غير المذاكره
خلود:أوكي
بندر:..............................
خلود:..............................
بندر بحزن:خلاص نقفل؟!!
خلود:إيه..
بندر:اوكي باي
خلود:باي

**~|عصفورة عرآقية|~** · 03-06-2012, 01:53 PM

رد: فـــمآن آلله يـــآلغــآلي / روووعه

خلود بعد ما قفلت من بندر" أنا إش سالفتي مع هالولد من أكلمه ويتعدى حدوده ما اقدر أفتح فمي بكلمه..أنا ما كنت كذا قبل..كنت ما اسمح لأي أحد يتجاوز الحد إلا هالشخص احس إنه لما يتكلم ما أقدر أسوي له بريك..بالعكس أحس إني ما ودي يوقف..كلامه عذاب وأسلوبه يدوخ وفوق هذا أنا مو قادره أمنعه أحس نيته صافيه وأحسه برئ..يووووه إش فيني ساعتين أمدح فيه..وبعد شوي قطع عليها صوت المسج"
قفل بندر وارسل لها4 صور وكلها تخقق
الصوره الأولى: كان عند البحر جالس ولا بس برمودا لونها رمادي مع بلوزه كت اسود وشعره مكدش..ومبتسم إبتسامه عذاب
الصوره الثانيه: كانت أيام الشتا..كان بمكان كله ثلج ولابس بنطلون جينز وقميص ابيض ومن فوقه جاكيت جينز ولاف عالرقبه شال ابيض..وكان شكله كشششخه..ولابس طاقيه صوف وواضح عليه إنه بردان وملامحه في هالصوره بالذات بريييييئه
الصوره الثالثه:..كانت بسيارته الكشف[لونها أصفر] وشكلها جنان لابس فيها..بنطلون جينز غامق وعليه قميص كاروهات أحمر ولابس كاب أحمر..ونظارات شمسيه وشكله يدوخومبتسم وغميزاته واضحه
الصوره الرابعه: كانت بالمسبح..كان لابس ملابس السباحه وشعره نازل على عيونه والمنشفه على أكتافه وشكله كان مرررررررررره يدوووخ

خلود شافت الصوره وخققققققققققققت:حشا لله هذا ملاك مو ولد يا ويلي عليه يجنن..اه يسطل...يهبل..والله معاك حق يا بندر..تقلي ما اشوفها قبل الإمتحانات..
طبعا خلود مع الصور صارت مفهههههيه عشان كذا سحبت على بندر وما عطته رأيها وقفلت موبايلها ...............وكانت كل يوم تفتح موبايلها خمس دقايق تشوف صور بندر وتقفله..((لا والله نجحتي ياخلود!!))
************************************************** *****************************
اخر ايام الإمتحانات..
رجعت خلود من المدرسه مستانسه وتصارخ لانها خلصت الثانويه أخيرا وصارت على قولتها كبيره واول ما رجعت دخلت غرفتها وفتحت موبايلها واللي لها يومين ما فتحته ولقت مسج من بندر...
"أخيرا خلصتي امتحاناتك.....مابغيتي ياشيخه حرام عليك بموت من الزهق ونفسيتي دمار أول ما ترجعي بلييييييييز عطيني رنه....إشتقت لسواليفك حييييييييييييل...بندر"
طبعا بندر بهالوقت جاه تقرير التسليم فعرف إن خلود فتحت موبايلها فما استنى الرنه ودق على خلود...
خلود بس شافت رقمه جاها خوف مو صاحي لانها من زمان ما كلمته...فردت وهي مرتبكه:هلا والله
بندر:هلا فيييييييك وينك ؟؟زمان عليك..
خلود وتصارخ:بننننننننننننندر خلصت امتحانات والله مستانسه
بندر:أنشا الله دوم مستانسه بس بشري كيف كانت أمتحاناتك
خلود:لا أنا ماينخاف علي((مره))..إلا انت ما طلعت نتيجتك..
بندر:لا تتأخر النتايج هنا ..بعد شهر يمكن..
خلود:والله!!... اجل أول ما تطلع خبرني أوكي بليييز على طول
بندر:أكيد ولا يهمك..وانتي متى
خلود:بعد اسبوعين
بندر:أها ...وبلهفه:يالله يالله سولفي ترى حيييييل مشتاق
خلود بخبث:لشنو؟؟
بندر:لسواليفك..أكيد
خلود:بس..
بندر:إيه بس..
خلود تحطططططمت:اوكي نسولف..نسولف..ما بتسافرون في هالصيفيه
بندر:ما أعتقد..لأن أبوي دووووم مشغول بس يمكن انا بس اسافر الكويت
خلود:الكويت؟؟؟ ليه مو السعوديه
بندر:لا الكويت هذي سالفتها سالفه
خلود:شنوهي؟؟
بندر:السالفه تحدي بيني وبين سامي فلو هو كسب التحدي بروح معاه للكويت ولو أنا اللي كسبت فيه شي بيسويه لي
خلود:طيب التحدي على إيش..وشنو الشي اللي بيسويه..
بندر:عاد في هذي اعذريني ما اقدر أقول
خلود: يعني سر..
بندر:لا مو سر بس بعدين بقول
خلود:وليه مو الحين؟
بندر:بس..
خلود:بس؟!!
بندر:إيه..بس
خلود تبي تحسسه بتأنيب الضمير:أوكي...براحتك..
بس بندر ماعنده ضمير من الاساس:إيه..شخبارك.؟!!
خلود ومسويه زعلانه:بخير..
بندر وهو متجاهل زعلها:الحين مو على أساس تقولين رأيك في الصور..
خلود نست الزعل:إييييييييه على طاري الصور..الحين من جد هذا انت
بندرببراءه:إيه والله أنا..ليه؟!!
خلود تستهبل:يعني..توقعتك احلى من كذا..
بندر:الله يرجك وش تبين أكثر من كذا..وبعدين..هذا اللي عطانياه الله
خلود:ونعم بالله..بس تبي الصراحه؟؟
بندر:أها؟؟
خلود:...تهبببببببل
بندر وهو مبسوط:ادري
خلود:إيه دامك بهالحلا يحق لك تنتفخ علينا
بندر يستهبل:ليه إنتي مو حلوه؟؟
خلود:ما راح اقول خلها سبرايس
بندر:ومتى هالسبرايس إنشا الله؟
خلود:لا تقابلنا
بندر مو مصدق:والله؟؟
خلود:أما إنك خبل يا اخي..تراني متربيه وعندي دين ومستحيل أخليك تشوفني ابدا
بندر:ليييييييييييييه؟؟
خلود:إش اللي ليه..أقلك ما يجوز
بندر:إش لون يعني ما يجوز
خلود:يالخبل..يعني شرعا في ديننا وغير هذا عادتنا وتقاليدنا..<<طايحه حش في هالمسكين
بندر:كمان مافهمت..
خلود:مو اقلك خبل؟؟
بندر:هييييييي خلاص عاد أنا إش يفهمني طيب وأنا ما قد جيتكم بالسعوديه..
خلود:هذي ياقلبي مايبيلها سعوديه ولا غيره هذي دين ..
بندر مفهييييييييييييي على كلمة قلبي:عيدي؟؟
خلود مافهمت قصده ولا صار في السالفه حفريات:طيب أنا أفهمك الحين هنا بالسعوديه الحريم يتغطون عن الرجال يعني لنفرض إنك واحد من أقاربي لنفرض ولد عمي مثلا..فما يجوز لي أكشف عليك..هذا طبعا عام بالسعوديه كلها..بس بخصوص عائلتنا حنا شوي فري يعني عادي نكشف على عيال عمي وخالي واقربائنا بصفه عامه وخصوصا اللي لسا ثانوي ولامتوسط بس لازم الوحده تكون لا بسه مستر وعليها حجاب ومو نخالطهم ونجلس معاهم لا ..يعني لو اضطرينا نتقابل عادي ونسلم على بعض بالكلام بس..وهذا خاص بعائلتنا إحنا.. أندرستاند..أخ بندر..
بندر وهو متفاجئ:تصدقين هو حلو ومو حلو بنفس الوقت..يعني حلو الوحده ما تكشف يعني مثلا أنا هنا بلندن ما أحب أشوف خواتي يمشون عادي والشباب عينهم فيهم..فحلو يكون فيه حجاب..بس بنفس الوقت مو حلو يعني فرضا أنا أبي اتزوج..إشلون أعرف شكل زوجتي اشلون أحبها وانا ماشفتها
خلود:مو شرط تشوفها عشان تحبها..
بندر:صح معاك حق بس لازم أعرف طبعها اتعود عليها أعرفها زين وبعدين أتزوجها أو بالأصح أقرر إذا كنا لايقين على بعض أو لا..
خلود:والله عاد هذي عادات وتقاليد وشريعه ومو حنا اللي حطينا هالشي من روسنا..
بندر:يالله زين قلتي لي عالأقل لو جيت اكون عارف شي عن السعوديه..
خلود:والله اللي يسمعك يقول إنك مو سعودي..يعني معقوله ما قد سمعت بأشيا زي كذا
بندر:اسمع بس مو بالتفصيل مثل ما حكيتي لي..يعني أسمع انهم يتحجبون ومن هالكلام..بس مو للدرجه اللي قلتيها بخصوص عامة السعوديين وماقد فكرت أسال

**~|عصفورة عرآقية|~** · 03-06-2012, 01:54 PM

رد: فـــمآن آلله يـــآلغــآلي / روووعه

خلود:إنت خلك حتى وتجي وبتستغرب من اللي تشوفه بس أنا متأكده إنه بيعجبك..
بندر:والله ما تتصوري إش قد متحمس اجي للسعوديه..
خلود:زين كلم أبوك وتعالوا صيفوا هنا..
بندر بحماس:تصدقين فكره!!
خلود بنفس الحماس:الله لو تجون والله وناسه
بندر بخبث:ليه؟؟
خلود توهقت:هاه؟؟...يعني عشان...عشان تشوف السعوديه..يعني بالله مو وناسه؟؟
بندر:إلا والله بس ما اعتقد أكيد أبوي كالعاده بيكون مشغول..
خلود:الله يعينكم والله لو أنا مكانك وولد لأسافر للسعوديه ما ادري كيف متحمل إنك ما تعرف بلدك..
بندر:خلاص تعودت
وجلسوا يسولفون لما تعبوا
خلود:أقول بندر أنا تعبانه حيييييل ما نمت من الصبح وابي أنام الحين
بندر:شنو يعني طرده ولا مليتي مني

خلود:يووووووووه يابندر ليه تفسر على كيفك..
بندر ومسوي فيها زعلان:خلاص خلاص طيب بقفل..
خلود وحست بالذنب:خلاص لا تقفل ما أبي أنام
بندر:لا انتي تعبانه وتبين تنامي..خلاص نامي
خلود:طيب وأنا أقول ما أبي
بندر:بس أنا أقول...نامي
خلود:......................
بندر:خوخه إش فيك زعلتي؟؟..والله امزح ما كنت أقصد.. تكفين خلاص ما تبين تقفلين لا تقفلين
خلود بعصبيه:شنو يعني تمزح؟؟ انت بس تحب تعاندني وبس صح؟؟
بندر:لا والله تكفين عشان خاطري لا تزعلين
خلود بهدوء:خلاص مو زعلانه..وبعدين أصلا ما لك خاطر عندي..
بندر وهو مبتسم:لي خاطر ولا لا مو مهم المهم إنك مو زعلانه
خلود وابتسمت:طيب أنا اسفه
بندر:على شنو
خلود:لأني صارخت عليك
بندر:ياشيخه خذي راحتك مو على اساس حنا أخوان؟؟
خلود وهي مرتاحه لكلمته:إيه..
بندر:زين أبي أطلب طلب..
خلود:امر
بندر:ما يامر عليك ظالم بس أبيك الحين تقفلين وتنامين لأنه واضح بصوتك الإرهاق...ولا تناقشين..
خلود بإستسلام:أوكي..ولا يهمك..
بندر:يالله نوم العوافي
خلود:على قلبك..باي
بندر وهو متشقق وناسه:باي..
خلود كل يوم يزيد تعلقها بهالإنسان ويوم عن يوم تنجذب له زياده..تحس بخوفه وبإهتمامه وتحس دوم إن هالإنسان حنووووووون..تحس معاه بالراحه وتحس بالصدق في كلامه..وخصوصا إن سواليفهم دوم كأنهم اخوان مع إن المشاعر اللي يحملها كل واحد للثاني أكثر من الأخوه بكثييييييير..

نهاية البارت

مشاعر جديده يحملها كل من بندر وخلود بدأت تبين عليهم ياترى هذي بدايه حلوه ولا لا...}~
وشنو مخبي لهم القدر؟؟
بندر شكثر راح تأثر عليه خلود؟؟
فيصل دانه عهوود راكان سامي ...شخصيات لهم دور بقصتنا أحداث كثير تدور حولهم..انتظروني بالبارتات الجايه

**~|عصفورة عرآقية|~** · 03-06-2012, 01:55 PM

رد: فـــمآن آلله يـــآلغــآلي / روووعه

....وبارت جديد.....}~

-4-
""كل ليل دون صوتك ينقضي قهر وظلام
مثل طفل ضايع وسط الملا يصرخ كسير ""

بعد أسبوع
بندر توه راجع من سهره كالعاده..بس هالمره مزاجه مو شي لأنه تخانق مع عبود وشلته..دق موبايله..ناظر الرقم..تأفف..
بندر:أوووووف هذي شنو تبي..
ورد:أهلين
حنان:مساء الورد
بندر بصوت مبحوح وبدون نفس:مساء الخير..كح..كح
حنان ومبين في صوتها الخوف:فوفو قلبي شنو فيك..؟؟ متضايق..تعبان..ولا شنو؟؟
بندر وصوته تعبان:لاحوووووول إنتي بس تفاولين علي؟؟
حنان:لا مو قصدي بس صوتك مو تمام..
بندر وواضح إن ماله خلق:إيه تعبان..
حنان:زين ليه شنو فيك؟؟
بندر:لا والله والنشبه...أبد بس كثرت سقاير اليوم..كح كح<<الأخلاق عنده صفر
حنان:أنا كم مره حذرتك..وقلت لك هذي مامنها فايده..
بندر:وانتي شدخلك فيني..انا حر..أشرب ما أشرب شي يخصني..ومالك شغل فيني...كيفي فاهمه؟؟
حنان وهالمره بكت من اسلوب بندر معاها:أنا شنو سويت لك عشان تعاملني كذا؟؟..الفتره اللي فاتت كنا تمام شنو اللي غيرك؟؟..وبعدين ما اقول هالكلام إلا من خوفي عليك..فارس..انت تدري لو صار فيك شي..بيصير فيني بعدك..وصارت تبكي بشكل يحزن..
بندر عاد دينه ودين أهله دلع البنات وإنه أحد يبكي قدامه عشان كذا رحمها:خلاص مو قصدي بس انتي جالسه تحققين معي ساعتين..وانا توي راجع ومتخانق مع واحد من الشباب ومالي خلق حق هالكلام..
حنان وكانها هديت:خلاص ما صار شي بس مره ثانيه لاصرت كذا لا ترد علي وارسل لي مسج وقلي إن مالك خلق مو ترد وتحط حرتك فيني

بندر:زين...انا الحين تعبان وبنام..
حنان:يالله حبيبي نوم العوافي
بندر:..مع السلامه
حنان:باي..
وقفل.............."تنهد تنهيده طويله....انا متى بخلص من هالبنات..مليت وتعبت..كلللل يوم وحده داقه وكلللل يوم وحده تغثني ووحده تزعل ووحده تبي تشوفني ومايمديني أطلع لي رقم إلا الكل يعرفه...والله غثى!!!!!!"
وشوي ويجي له مسج..
((هاي بندر...اشلونك..يصير اكلمك...خاطري أقلك شي))
بندر بس شاف المسج ويبوس شاشة الجوال...."اه فديت الساعه اللي عرفتك فيها...من جد هالإنسانه غير..ذوق..وأخلاق..وكل أنوثة العالم فيها<<لاوالله والأنوثه..."
واخذ موباليه ودق رقمها..
ردت :أهلين بندر
بندر وهو مستانس:هلا خلود شلونك؟؟
خلود بخوف:شفيه صوتك؟؟...مو كأنك تعبان؟؟
بندر:لا مو تعبان ولا شي..كح كح
خلود:لا واضح..جد والله بندر اشفيك؟؟
بندر:أبد والله كنت أدخن ويا الشباب والظاهر كثرت الجرعه اليوم؟؟
خلود عصبت:برضو تدخن؟؟...بندر ليه كذا...ليه تضر حالك؟؟
بندر:هو بكيفي..أن......
قاطعته بعصبيه:إيه بكيفك!!
بندر بهدوء:زين هدي!!
خلود منفعله:اشلون اهدي مو سامع صوتك شلون صاير...انت تعبان..تدري شنو يعني تعبان؟؟
بندرببرود:وإذا؟؟
خلود وهالمره من جد عصبت عشان بروده:شنو وإذا...يعني ممكن يصير فيك شي بسبة هالدخان..تفهم؟؟
بندر:طيب هدي ترى السالفه ماتستاهل..كح كح
خلودبصراخ:والله!!!....الحين تبي تقتل نفسك وتقول ماتستاهل؟؟
بندر عصب:إيه ماتستاهل كل هالتعصيبه.. وبعدين انتي شدخلك منو اللي بيموت أنا ولا انتي...أقتل نفسي ولا ما أقتل نفسي..هذا شي راجع لي ومحد له شغل فيني انتو بس تحبون تتدخلون باللي ما يعنيكم؟؟ أووووف!!
خلود بهدوء ومنصدمه من اسلوب بندر معاها:كذا يعني؟؟....أوكي..مشكور...
بندر استوعب اللي سواه وكان يبي يعتذر:خلود أن............طوووووووووووووووووووط....قفلت قبل لا يتكلم..

رجع بندر يدق وهي ماترد...ودق أكثر من 10 مرات..
ولما فقد الأمل إنها ترد أرس لها مسج:
(خلود..والله مو قصدي أزعلك وما أقصد الكلام اللي قلته..أنا بس ما أحب احد يصارخ علي..وبعدين تخانقت ويا واحد من أخوياي ومزاجي من وقتها مو شي عشان كذا انفعلت وما مسكت نفسي..تكفين ردي..أبي أكلمك..)
وبعد فتره جاه الرد( شلون يعني مو قصد؟؟...رجاءا انتبه على كلامك قبل لا تقوله لي..ومو أنا اللي يرفع أحد صوته علي...وبعدين كل اللي سويته لأني كنت أبي مصلحتك..بس هذا وعد مني ماعاد اتدخل في شي يخصك..ومسألة أرد وتكلمني...لاتركت التدخين...دق علي وصدقني برد وبنسى كل اللي حصل)
بندر(خلاص أوعدك بتركه قريب بس ردي)
خلود(أنا قلت اللي عندي)
دق بندرعليها لقى جوالها مقفل..تنهد...وتزفتت نفسيته على ماهي متزفته..ونفس الشي قفل موبايله..
حس بألم بصدره تذكر الدوا حق القلب ما أخذه..راح لغرفة عهود..دق الباب..
عهود من جوى الغرفه:منو؟؟
بصوت منهد:أنا عهوده...بندر
خافت عهود على اخوها وفتحت الباب:أهلين بندر...شفيك؟؟
ابتسم بندر:لا ما فيني بس نسيت الدوا حق القلب ما أخذته اليوم...خلي الخدامه تجيبه مع كاس مويه..
عهود بشك:بندر..انت دخنت اليوم صح؟؟
بندر:إيه
عهود:زين ليه؟؟...ومو ناوي تتركه؟؟
بندر:من بكره انشالله..
عهود بفرح: والله؟؟
بندر:إيه انشالله.........يالله قولي للخدامه تعجل..انا بروح غرفتي..
عهود ومبسوطه:أوكي..

خلود بس قفلت موبايلها وترمي نفسها عالسرير وتجلس تبكي..."كنت محتاجتك وكنت ابي افضفض لك لأول مره بحياتي يابندر بس انت خربتها..خربتها بغباء...ليه تبي تقتل نفسك وتقتلني معاك بسبة سجاير...ما ألومك في اللي قلته!!...لأنك ماتدري شنو انت بالنسبه لي..ماتدري إنت شنو تعني لي...ووجودك بهالحياه قد إيه يهمني...ماتدري لو فقدتك لحظه إش ممكن يصير فيني عشان كذا أنا مألومك..ماألومك!!"
فعلا اليوم الثاني بندر بدأ بأول خطوه في ترك التدخين وعطى سامي خبر عشان يقدر يساعده..في البدايه سامي ماصدقه وتفاجأ بالإصرار اللي كان فعيون بندر..والجديه اللي ماخذ فيها الموضوع..واللي خلاه يتفاجأ زياده..إن كل هذا عشان خلود..فقرر إنه يساعد بندر قد مايقدر..خصوصا انه ناوي يبعد عن عبود وشلته..بعد مضاربة أمس...والهوشه اللي صارت..وهالشي حمس سامي كثير..
مر شهر كامل وبندر ماسمع صوت خلود مع إنه كان دائما يدق عليها بس كالعاده ماترد عليه ويرسل مسجات ونفس الشي..نفسيته طول هالشهر كانت زفت...وبس أحد يكلمه يولع ويقلب السالفه هوشه..
من ناحيه تعبه عشان محاولة ترك التدخين ومن ناحيه كثرالجفا اللي من خلود..وهالفتره مرت على بندر كأصعب فتره في حياته..وتعب فيها تعب فضييييع وكل هذا في النهايه لعيون خلود على قولته...طبعا أهله كلهم عرفوا انه ترك التدخين وكلهم استانسوا من قلب عالخبر..وساعدوه كثير..
في الأسابيع الأولى تعب بندر تعب مو صاحي..كان أغلب وقته بالبيت أو بالأصح عالسرير كان يحس حيله منهد ويحس إنه مكسر ومو قادر يسوي أي شي.....
بندر يكلم سامي: أقلك ما أقدر..!!
سامي:شنو ماتقدر لمتى وانت مسنتر بهالغرفه ما مليت..
بندر:مو بس مليت ياشيخ كرهت حالي..بس ما أقدر أقوم من هالسرير أحس حيلي منهد
سامي:زين حاول وأنا بساعدك.. بس بنطلع ندرج بالسياره!!
بندر:يالله...أمري لله..
وجا سامي يساعد بندر عشان يطلعون..
وبس وقف بندر على رجوله..:أقول سامي..انت روح شغل السياره وانا ببدل وبالحقك
سامي:لا ياحبيبي أخاف يوم تشوف السرير ما تقدر تقاوم وترقد ونهايتها تلطعني تحت..يالله بنتظرك هنا عند باب الغرفه وانت بدل بسرعه..
بندر ومبتسم ابتسامه كلها تعب:زين!!
خرج سامي ووقف عند باب الغرفه..
وبندر جلس يبدل ملابسه..

رواية / فمان الله يالغالي (كاملة)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget