حبتين ツ

**نفركويس** · 26-03-2018, 10:15 AM

رد: حبتين ツ

القمر بيضوي عالناس والناس بيتقاتلوا
ع مزارع الأرض الناس ع حجار بيتقاتلوا
نحنا ما عنا حجر لا مزارع ولا سجر
أنت وأنا يا حبيبـــي بيكفينا ضو القمر

ياعين ياعيني ع فيروز العالم بحرب وقاتل ومقتول
وهي تبي حبيبيها تحت ضو القمر
ماعلينا من هالنفسيات اللي مايهتموا بالعالم من حولهم
اللي ماعندهم غير توبورني ابن عمي ويلبسون قصير بعز الشتي
شوف ناس ثانين يوم توديها البحر وتقول وش رايك تقول لو هالبحر مرقه كم احط ملح
فيروز تقول لحبيبها تع نفل من هالدنيا ونسكن ع سطح القمر
الناس الثانين بسكن جنب اختي مسعده الله لا يسعدك ولا يسعد اختك
فيروز تجلس تحت ضوء القمر
القمر بيزور الطرقات بيشعشع كل الدني
بيضوي بالســـهريات الفقير وعــــالغني
نحنا منحب الســهر وعا درب الليل السفر
أنت وأنا يا حبيبـــي .. ويرافقنا ضو القمر

ناس ثانين من المغرب تقول يالا مشيانا اخاف مقدر اجلس لحالي بالليل
ليش لحالك وسبع البرمبه اللي معاك وش وضعه

ياشيخ خلها على الله زي ما قال السوداني
متزوجينهم خدمة وطنية

**نفركويس** · 26-03-2018, 10:25 AM

رد: حبتين ツ

الحب للشجعان
الجبناء تزوجهم امهاتهم

**نفركويس** · 26-03-2018, 11:09 AM

رد: حبتين ツ

**نفركويس** · 27-03-2018, 08:55 AM

رد: حبتين ツ

لا يمكنك أن تحتوي شيئا وأنت مكسور
أطرافك حادة جدا وكل محاولاتك مؤذية

صباح الورد

من كثر ماجاني انتقاد ومدح على سالفة القوامة
وماشفت من ردود افعال قررت ما اناقش
بسدح الي عندي باي وقت تجي ببالي سالفة
لكني اكتشفت انني اتكلم عن شي وبعض الي يناقش يتكلم عن شي ثاني
يعني النقاش عن القوامة يجيك واحد يتكلم عن سلبيات القوامة من وجهة نظرة
مع ان الكلام عن اصل القوامة هل هي صح او خطا هل لها دور او مجرد عبء
اذا اتفقنا على اهمية القوامة بعدها ندخل في سلبياتها وكيف نوقف هذا التسلط
واذا اتفقنا ان مالها داعي خلاص يتوقف النقاش
لان اي مشكلة لابد نعرض الموضوع الاساس ثم المشاكل ثم الحلول
التسلط موجود ويمارس ضد الشباب والشابات
مثلا الشاب الذي يجبره والده على طلاق زوجته او وضيفة معينه او زوجه معينه او تخصص معين
او يجبره على قطيعة ناس معينين والده مثلا او اخوال او اعمام يقول اللي يروح لفلان او ال فلان لاعاد اشوفه ولا اعرفه ولا يعرفني
فالتسلط موجود صح بتفوات وان المتضرر الاكبر هو البنت لكن لا يعني ان بعض الشباب عانا وراح ضحية لهذا التسلط
لذلك كان النقاش كان يهدف الى مقاموة هذا التسلط بدون هضم حق احد
لا يعني اني انظلمت ان لي الحق اظلم
لايعني ان شخص تسلط على احد ان نلغي منصبه ومكانته
كيف ناخذ حقنا بدون تعدي على حق احد
هذي تقريبا كانت فكرة النقاش
لكن يمكن ماوصلت الفكرة بالشكل المطلوب
-
الواحد منا يتعرض لمواقف بعضها يكون مولم لدرجة اننا قد نكون قساة في مثل المواقف التي مرة بنا
وقد نجرح اشخاص او نحرم انفسنا من خير لان لدينا موقف سابق
لذلك لابد من التخلص من المواقف السابقة حتى لانجرح احد وتكون ردود افعالنا حادة
المواقف الغير سارة هي خبرة وليست سكين ذات حدين تجرح غيرنا وتجرح انفسنا قبل ذلك
وعلى فكرة اي شروط مسبقة لاي علاقة غالبا تكون عائق اكثر منها تحديد علاقة
هذا على الاقل اعتقادي وراي متواضع مني
ولا يعني اني اترك الحبل على الغارب
بل لست بالخب ولا الخب يخدعني
-
باقي عندي موضوع التفرقة في التربية بين الابن والبنت
وموضوع طاعة الزوجة
شكلي بجيب العيد

لفه وبجي

**نفركويس** · 27-03-2018, 09:56 AM

رد: حبتين ツ

وهذا اول الاعياد

**نفركويس** · 28-03-2018, 09:14 AM

رد: حبتين ツ

صباح المفاوضات

تعليقكم بالله على هالمفاوضات
-
نبقى بنفس الموضوع لين يقر عقلي

القوامه ومادراك يالقوامه ياحبيبي ابوالاكوواس الحين تبيها صريحه ولا مجامله
الرجال يبي الفكه منها ومن قوامه حقتها يبي يعطيها مصروفها ومصروف عيالها
ويوفر لها السواق والخدامه مقابل انها تخليه في حاله
ولا تقلقه من نقرتها وقرقرتهم الي ماتخلص وبس والله

تقييم يختصر الكثير
كلا له نظرته فناس تقول هذا تهرب من القوامة
وناس تقول هذي سياسة لادارة البيت التي هي من ظمن القوامة
شكلنا ما بنوقف كلام عن هالموضوع
-
مرت المدير لها يومين تصيح كملوا الاية
وجت هي كملتها
تدرون يالربع ان البنات عجلات لو صبرن شوي
كان بتقلب السالفة على الشباب لان موضوع القوامة ذا صار لعبة بيد الشباب
هذا غير اننا نشوف ان السالفه كلها بيد الحرمة والبنات في البيت
لها طرق ومفاتيح تقدر تاخذ اللي تبيه بس المشكلة انها معاد تبي تستخدم اي طرق
تبي تاخذ اللي تبيه ع الجاهز وبصراحة راح نفقد طعم الحياة الزوجيه اذا انتشر هالشي
اذا مافي ياحبيبي الله يخليك خل نروح
وهو يقول لا يعني لا
وهي تقول عشان خاطر حبيبتك
وهو يقول قومي البسي
ماتحس بالزواج اذا ماالرجال مارست رجولته والحرمة مارست حرومتها

-
نجي للهربته
امس قلت في بالي من زمان عن غرفتي نومي اللي بالمكتب خن اشقر عليها
دخلت لقيتها مغبره شوي وتحتاج تنظيف قلت لازم ننظف ونجرب بعد التنظيف
ناديت العامل يالا شغل ابيها مرايه
خلص قلت ياولد خل ننظف الفلاتر حق المكيف ونظفناها وجربناها بعد التنظيف
جينا للسرير بعد التنظيف طلعت اللحاف وفرشته ع السرير وقلت ياولد جب بعد التنظيف
ونمت نوما هنيئا وكانت تجربه طيبه
قبل اخرج بقول الله لا يحطني حطت راعي المخمس
ماتوقعت بيصير كذا معاك لكن وانا اخوك هذا الحال
غير الطريقة بدال المخمس خلها ركبه
لفه سريعه قبل انام

**نفركويس** · 28-03-2018, 10:22 AM

رد: حبتين ツ

يقول
الدكتور "أوجست فوريل" تحت عنوان:"سيادة المرأة":
" لا يمكن للمرأة أن تعرف السعادة إلا إذا شعرت باحترام زوجها، وإلا إذا عاملته بشيء من التمجيد والإكرام
ويجب أن ترى فيه مثلها الأعلى إما في القوة البدنية، أو الشجاعة، أو التضحية وإنكار الذات، أو في التفوق الذهني..
وإلا فإنه سرعان ما يسقط تحت حكمها وسيطرتها... ولا يمكن أن تؤدي سيادة المرأة إلى السعادة المنزلية؛
لأن في ذلك مخالفة للحالة الطبيعية التي تقضي بأن يسود الرجل المرأة بعقله وذكائه وإرادته، لتسوده هي بقلبها وعاطفتها"

ما ابغى اثبت شي
وعلى قول شهرزاد اقسم بالله العظيم ماقصدي شي
بس هالكلام موجه لنا يالرجال اولا قبل ماهو موجه لبنات حواء
عاد انت وفهمك يابوالشباب تبي قوامه خلك رجال مو ذكر
الحرمة تبي رجااااال ام الذكور يمكن حتى الحمار فيه ذكورة افضل منك
والرجل الصح هو اللي يعرف معنى القوامة
ومن القوامة الحب والعطف والحنان والاهتمام والاحترام
انت الحين لو صار معك واحد من اخوياك اخر حلاوة يساعدك ويقف معاك بكل صغيرة وكبيرة
تقول والله نعم الرجل خذه على يمناك
اما اذا كان مامنه فايده ماغير محسوب عليك صديق تقول عنه وجوده زي عدمه
بالضبط طبق ذا الكلام عليك وعلى قوامتك يكون جاوبت نفسك بنفسك

فتيات القوة كيف انا معاكم

على فكرة اوغست فوريل عالم حشرات

حشرات حبنا

لا جد هو عالم انجليزي تخصص بالحشرات وعلم النفس والاعصاب
المهم ان الشهادة جت من شخص خارج حدود الشرق وخارج حدود الاسلام اللي دائما هما شماعة
بان الرجل الشرقي فيه وفيه
وبس والله
برجع اجرب السرير ماجربته زين امس
دمتم سالمين

**نفركويس** · 28-03-2018, 03:31 PM

رد: حبتين ツ

من فترة افكر اقدم استقالة من عملي
ويوم فتحت جدارة قدمت على كم وظيفة احس تناسب ميولي وكيذا
المهم ان ماقبلت باي وظيفة وصملت ع الاستقالة وش الحل
الحل قلته لمداماتي الثنتين قلت لهم شوفوا
اذا بدا الدوام السنة الجاية وانا ماحصلت عمل بعد الاستقالة
كل وحده فيكم تاخذ وحده من سياراتي وتدوام وترجعون باذن الله
تلقون الغدى جاهز والبيت نظيف والعصرية الحلى والقهوة بالصالة
هذا هو تخطيطي لروية ٢٠٣٠

على فكرة اللي بيدخل بنقاشاتنا وهربتتنا
ترانا نخلط المعلومة بالفكرة بالطرفة وبالتحلطم
فانت عاد دبر نفسك وفرق بينها وشارك

**نفركويس** · 29-03-2018, 11:28 AM

رد: حبتين ツ

‏أن تكون أنت , يا لها من مهمة شاقة..!
‏( بول فاليري )

تعالوا الصفحة الجديدة

**نفركويس** · 29-03-2018, 11:53 AM

رد: حبتين ツ

نسيت اصبح
صباح الورد
خميس ولا لي خلق ازعل
الخميس تجي رياح وناسته من الاربعاء وانت تحس بالفله
-
اليوم ماكنت بدخل ساحب عن الدوام البارحة ربوعية الشباب ( يحزنون البنات ماعندهم ربوعيات )
المهم البارح جابوا الشباب لحم حاشي وعلى ماجهزنا وبدينا نطبخ جت ١١ وجهز عشانا ع ١٢ ونص
على ماتعشينا ومسينا جت قريب ٢ والواحد يدور اي حجة عشان يسحب قلت يارجال دامك تراس الكرش
والعلوم زينه والجو غبار وبكره عمدي ضيوف قلت كبر المخده وهذا انا الحين احدثكم من صالة ام عبدالله
-
قرات للاخ العزيز نور الفجر تعليق على تدوينتي وحبيت اعلق مع اني مافيني صراحة
لكن خير الرد عاجله
يقول الاخ نور

سقط عمدا

يوم كتب :

الجبناء تزوجهم امهاتهم

يقول وقوله الحق :
او يزوجهم ذكرانا واناثا
ومن اصدق من الله قيلا

حفظك الباري اول شي
الاية معناها مختلف تماما عن المقصد
لا يحضرني المعنى بالضبط ولكن الاية تتكلم عن الاولاد وان الله قادر على يجمع في بطن الام زوج ولد وبنت ويقدر يعطي اولاد فقط ويقدر يعطي بنات فقط ويقذر يحرمهم من الانجاب
زوج يعني طقم زي لما تقول زوج حمام مثلا
ثانيا معنى كلامي يفسره تدوينات سابقة من ان سالفة ان الولد ام البنت يقتنع بكلام والديه فقط في الزواج ويلغي رغبته ومايناسبة وما يهمه في شريك المستقبل وكذلك لا يعني ود اختيار الوالدين مثل ميقول البعض زواج تقليدي والصحيح انه للوالدين عرض المناسب ووللولد والبنت حرية الاختيار
ثالثا اخي الكريم بدون مجاملة او تزلف وجودك اعطى لمحة جميلة للمنتدى واضاف قيمة له
واصبحت علامة مميزة في المنتدى فاتمنى ان يصاحب هذا التميز شي من اختيار العبارات المناسبة لرابط الاخوة والزمالة في المنتدى
ربي يسعدك ويحفظك

حبتين ツ

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget