تويت
رد: رواية تتعب لو معي تلعب للكاتبة ساندرا
بارتين روعه كروعه صاحبت الروايه ودوووم التالق
وبانتظارك يالغلا
والف مبرؤوك ع الزواج
بارتين روعه كروعه صاحبت الروايه ودوووم التالق
وبانتظارك يالغلا
والف مبرؤوك ع الزواج
-
-
رد: رواية تتعب لو معي تلعب للكاتبة ساندرا
السلام عليكم ورحمة الله
اممم مسرورة جدا اني اتابع قصتك الثالثة بتنزليها خطوة بخطوة
المهم ماقدر اقول انو قصتك الثالثة حلوة لانه مابعد يبتدي الأكشن ..
اعتقد بموت ابو يوسف وجهيان تورث حلاله
وبعد شنو ياربي .. ايه عندي أحساس البطل الرئيسي للقصة راكان ..
اما توقعي الثاني يتزوج اروى بالغصب يخليها تحبه
وجيهان مادري عاد عجلي علينا بمقذها
ريم + سعود..
حيل حبيتهم ياليت تكثري في مواقفهم .. :$
اما الشخصيات الثانية عادي عندي يمقن في البارات الجاية اتحمس لهم وعلق عليهم :)
بانتظار البارات ..
تعليق
-
رد: رواية تتعب لو معي تلعب للكاتبة ساندرا
الله يسلم ايديك البارتين روووووووعه
يعطيك العافيه
انتظر البارت الجاي بكل حماس الدنياتعليق
-
رد: رواية تتعب لو معي تلعب للكاتبة ساندرا
أخيرا رواية جديدة لك ساندرا ..
أنا قرأت روايتك الثانية وكانت روعة ..
..
وكل ومرة أدخل المنتدى أمر قسم الروايات أدور بداية جديدة لك ياعسل ..
سعدت جدا بالرواية الثالثة ومتشوقة لإكمال الأحداث ..
..
..
تعليق
-
رد: رواية تتعب لو معي تلعب للكاتبة ساندرا
البارت الرابع..
ابو زياد بزمره:حنان..
البنات انتفضوا من زمرته وخصوصا حنان..
حنان بارتباك:ن..نعم..ي..يبه..
ابو زياد بنفس زمرته:تعالي معي..
حنان حطت الدفتر على جنب وراحت مع أبيها..
ودخلت معه غرفته وطلب منها أنها تقفل الباب وجلست قباله..
ابو زياد:أنتي اكيد تدرين عن الرجال ألي جاوا؟؟
حنان:......
ابو زياد كمل:اقصد الناس..ذول ماشاء الله جابوا جدهم وابوهم وعمامهم الثمانيه..
حنان:............
ابو زياد:المهم معلينا من جابوا..جعلهم يجيبون كلبهم..ماعلينا..ولدهم ابراهيم تقدم لك وعمره 39سنه مطلق وعنده بنتين ويشتغل في سكيكو...
حنان:..........
ابو زياد:أنا من شفته ي بنتي وأنا احس ان فوقه غمامه سوداء..مو مطمن لها الرجال..قلت لهم عطونا فرصة كم يوم عشان نسئل عنه..
حنان هزت راسها بنعم..
ابو زياد بشك:بس هم كيف عرفوك؟؟ليكون تعرفينه بس..
حنان باندفاع:لا..يبه مستحيل..أنا بنت متربية ومستحيل اكلمه و....
ابو زياد قاطعها:كفوا..كفوا والله..
حنان بابتسامه باهته:أي..
ويم الباب جالسين يتسمعون..
رنيم بهمس:مسمع شيء..
مرام بنفس همسها:ولا أنا..
رنيم:طيب ميعلون صوتهم شويا..
مرام حست بخطوات جايه يم الباب:جاوا..يلا...
وشردوا لصاله عملوا نفسهم مشغولين كالعاده..
ابو زياد فتح الباب:الله يكتب ألي فيه الخير..ابا اسئل عنه وبعد كم يوم ارد عليهم..
حنان:طيب..
وراحت عندهم في الصاله وجلست..
رنيم بهمس:وش صار؟؟
حنان تنهدت:مدري ي رنيم؟؟
مرام:احين كل هالتأخير ولا قلتوا شيء..
رنيم:يعني مقال شيء في الرجال؟؟
حنان:قال ان عمره 39 ويشتغل في سكيكوا ومطلق وعنده بنت وقال انه مو مرتاح له يحس ان فوقه غمامه سوداء..
مرام بقهر:اوما ابوي ذا يبي له حلم..أمداه يحس ان فوقه غمامه سوداء..نبوا لعبة..
رنيم:لما تقدم لك الاثنين قال نفس كلامه..الله يستر بس..
**نبذه عن عائله ابو زياد..
ابو زياد(رجل طماع وجشع جدا جدا..ظلم بناته من أجل المال..عنده ولد اسمه زياد ولكنه توفى منذ 5 سنوات)
حنان(وهي الكبرى بينهم ،عمرها في أواخر الثلاثنيات..تشتغل معلمة لمنطقة بعيدة عن منطقتهم ملامحها هادئه مره وناعمه..بياضها هادئ..شعرها بني غامق طويل...من أسمها حنونه وطيوبه..)
مرام(وهي الثانيه عمرها في بداية الثلاثنيات..سمراء البشرة..شعرها قصير لنصف كتفها..متوسطه الطول..)
رنيم( الصغرى بينهم..أجمل وحدة في خواتها طبعا بعد حنان..بيضاء وقصير القامة قليلا..شعرها طويل..وتشبه لمحه من حنان)
.
.
.
ع الساعة 12:30 ليلا
كانت تصلي قيام الليل..وبعد مخلصت قرأت لها قران..
عطشت وسكرت القران ورفعته عن الأرض ولفت جلالها..
وتوجهت للمطبخ وكبت لها كأس مويه..
إلا تسمع صوته من عند عتبه الباب الرئيسي يغني..
ابو يوسف:هذه حاله بذمتك..لا.."وفتح الباب"هذه حاله بذمتك.."وشافها"هلا بجهونه..
واقترب منها ورائحته سبقته لاعت كبدها..
ومسك يدها وصار يرقصها..
ابتعدت عنه وبشمئزاز من ريحته:استغفر الله العظيم بس..ريحتك تلوع الكبد..أنت لمتى بتظل كذا..حرام عليك وربي انوا حرام..
ابو يوسف بحاله يرثى لها:علامك أنتي..كلا مو طايقتني وبس..مدري متى تصير ريحتي حلوه"ورجع يغني"هذه حاله بذمتك..لا..
جيهان هزت راسها بنفي..ومسكت يده وراحت معه لدورة المياه وفتحت صنبور المويه وبلت وجه..
جيهان بقرف:اصحى..اصحى..لمتى أنت كذا؟؟
ابو يوسف شهق من المويه ألي انصبت بوجهه وبعصبيه:انتي اكيد استخفيتي"وشد شعرها" انتي كلبه..
جيهان بألم:هد شعري ي السكير..
ابو يوسف بنفس عصبيته:انا سكيرر!! أنا صاحي..
جيهان:شوف حالتك كيف..حتى مو عارف تتكلم عدل ولا كيف تمشي..
ابو يوسف دفها بقوة..وألتطم ظهرها بمقبض الباب وبألم شديد:اه..
ابو يوسف راح عنها وصعد فوق للغرفة ولا اهتم فيها..وبلا شعور نزلت دمعتها من شدة الالم..
الامها ألي قبل من طيحه الدرج دوبها تشفى..وهو يزيد الامها الام..
صعدت بالدرج بشويش ويدها على ظهرها..ودخلت الغرفة..
بو يوسف التفتت لها:ليه تأخرتي؟؟
يتبع..تعليق
-
رد: رواية تتعب لو معي تلعب للكاتبة ساندرا
صعدت بالدرج بشويش ويدها على ظهرها..ودخلت الغرفة..
بو يوسف التفتت لها:ليه تأخرتي؟؟
جيهان:؟؟؟؟؟
بو يوسف اقترب منها وبابتسامه صفراء:انا ابيك..
جيهان فهمت عليه وابتعدت عنه وبنفي:أنا ما أباك تلمسني وانت بهالحاله..
بو يوسف بحده مسك يدها:غصبن عنك مو رضى منك..
حاولت تقاومه بس مقدرت........................
..........................................
.
.
.
في اليوم التالي..
عند الساعة 1:30 ظهرا
في احدى الاستراحات الراقية..
عشب أخضر يمتلي أرض المكان..
غرفه خاصة لمقعد النساء..
وغرفة لرجال..
مسبح كبير..
كانت عائلة ابو راكان وابو عبدالله متجمعين مع بعض..وكان غداهم شوي دجاج..
راكان بهمس:وينها؟؟
روان بعباطه:مين؟؟
راكان بنفس همسه:مين بعد..في حد غيرها؟؟
روان تهز حاجبها:حبيبه القلب..
راكان بابتسامه:أي..
روان:هي احين داخل مع البنات..
راكان:تكفين رواني كلميها..
روان:عن وش؟؟
راكان بنفاذ صبر:عن الموضوع ألي قلت لك عليه..
روان:أي..
راكان:علامك صايره غبيه هاليوم؟؟
روان بقت عينها:بعد!! اجل شوف ألي يكلمها..
راكان باندفاع:لا..خلاص توبه..
روان:ههههه..يلا احين بقول لها..
راكان:كفوا..والله هذا الاخت ولا فلا..
روان:أي احين هالكلام..عشان مصلحتك..
ام راكان التفتت لهم:علامكم تتساسرون؟؟
روان قامت:عن اذنكم؟؟
ام راكان:هاه..ايشبكم؟؟
راكان التفتت لامه:معندنا شيء..بس اختي حبت تستشيرني بشيء..
ام راكان بعدم اقتناع:أي هين..
ام عبدالله:أقول ام راكان..ملقيتي بنت لولدك..
ام راكان:البنت موجودة..
ام عبدالله بابتسامه:ومن ذي سعيدة الحظ..
ام راكان:ومن غيرها زينه البنات كلهم أروى..
ام عبدالله بفرحه:ذذي الساعة المباركه..
راكان استانس من كلام خالته:تسلمين ي خاله..
ومن جهه ثانية...
أروى حطت رجل ع رجل:بس أنا مفكر بالزواج احين..
روان:....يعني..
أروى بغرور:شوفي روان..أخوكي والنعم بيه..بس أخوكي مايصلح لي...أنا أبا رجال غني عنده مركز وسلطه وراكان توه..وراتبه خمس الاف..وأنا ما أبا سذا..
روان رفعت حواجبها:نعم!!
أروى:لا تزعلين من كلامي بس ذا الواقع..
روان معجبها كلام بنت خالتها عن اخيها وبحده:أصلا المفروض تحبين يدك من ورى وقدام أن اخووي راكان بن حمود ال..... تقدم لك..
أروى:..........
روان كملت:ومدري وش شايفه نفسك عليه..أنا مشوفك ذاك الزود الصراحة..لاتزعلين مني هذا مجرد راي..
أروى بحقارة:هذا أنتي قلتيها مجرد راي..ورايك مايهمني.."وقامت عنها"
روان بصوت مسموع:مالت عليك بس..مدري وش مغتره الحمدلله والشكر..لا بياض ولا نعومه ولا أخلاق الحمدلله بس..
أروى سمعتها بس سفهتها..
** نأتي الأن بنبذه عن عائله ابو راكان..
ابو راكان(أسمه حمود ، وهو رجل طيب جدا..عنده 3 أولاد مشاري ونايف وراكان وبنتين روان وروعه..دمه خفيف وفكاهي..ورث الصفة ذي ولده راكان فقط..)
أم راكان(أسمها سمر ، طيوبه وحنونه..راح نتعرف عليها أكثر بالبارتات الجايه...)
يتبع..تعليق
-
رد: رواية تتعب لو معي تلعب للكاتبة ساندرا
أم راكان(أسمها سمر ، طيوبه وحنونه..راح نتعرف عليها أكثر بالبارتات الجايه...)
روان(وهي البكر ، عمرها 35 سنه.. أرملة عندها ولد اسمه غازي ، بيضاء وناعمه..شخصيتها قوية..شعرها لنصف ظهرها بني شوكلاتة)
مشاري(متزوج شريفة..قاسي شويا ودمه ثقيل أحيانا..ولكنه طيب..أسمر وطويل وسمين شويا)
نايف(راح أمريكا طلب للبعثة.. وسيم شعره بني لنصف رقبته..طويل وأبيض..عازب لحد الأن)
راكان(عمره 25 سنه..اتعب وأنا أقول وسيم جدا جدا جدا جدا جدا..طويل أطول أخوانه..وعريض له هيبه بحضوره...جسمه رياضي..أسمر شويا.. شعره أسود ناعم طويل لنصف رقبته..خشمه طويل وعيونه حاده..طيوب قوة..بس مشكلته أن عصب نسى نفسه..هو دايم مع ابوه..منشان كذا ابوه يحبه أكثر أخوانه..وهو اجمل اخوانه..)
روعه(أخر العنقود..دلوعه امها وابيها..جميلة جدا بيضاء وشعرها أشقر لنصف ظهرها مدرج..متوسطه الطول..عملت حادث قبل 3 سنوات..مما داى إلى اعاقتها..وعملت العملية وصارت تمشي بالعكازات..وأن استمرت بتمارينها راح تترك العكازات بإذن الله..)
**نبذه عن عائله أبو عبدالله..
أبو عبدالله(رجل هادئ..يشتغل بعيد جدا عن الرياض..يغيب عن اسرته حول شهر أو شهرين..على حسب طبيعه شغله..)
أم عبدالله(فرري حيل..ما تحب تمنع بناتها من أي حاجه..ومعطيتهم الثقه الكامله..)
عبدالله(متزوج من بنت عمه عبير..طيوب قوة..)
أروى(سمراء.. قصيرة القامة شويا..بإعتقاد نفسها هي ملكة جمال..ولكنها عادية جدا..نحيفة قوة.. شعرها بوي قصير لنصف رقبتها أشقر فاتح.. خشمها طويل على ابوها..شفايفها صغيرة..دلع ومياعه..تهتم للموضة حيل..وهي بأخر سنه في الكلية..عمرها 23 سنه..)
فاطمة(عمرها 16 سنه..أطول من أختها اروى..بيضاء وملامحها هادئه..)
.
.
.
راحت لبنتها بعد مدقت عليها..
فتحت لها الباب وضمتها وهي تبكي:هلا يمه..
أم فهد بخوف:علامك ي بنتي..
رفعت وجه بنتها وشافت ضربه حول عيونها وع شفتها..أمها خافت أكثر عليها وجلستها وجلست جنبها:لا..ذا الوضع ماينسكت عنه..وليه ضاربك احين بعد؟؟
جيهان بين دموعها:كان يبي يلمسني..بس أنا رفضت انه يلمسني وهو بهالحالة "وبقرف" اتقرف منه اكثر ي يمه..
أم فهد:........
جيهان وهي تشهق من كثر البكاء:ساعات..احس انه يغتصبني ي يمه..اهئ..اهئ..تعبت ي يمه..
أم فهد ضمت بنتها قوة..
جيهان بنوحه:يجي كل ليلة وهو سكران..يضربني..ميعجبه العجب..وسقطت من كثر ضربه لي..ولما اشتكيت لأبويا..أبويا شدني من شعري وقال لي أنقلعي عند بيت زوجك.."وبصراخ" وساعات يطلب مني أني أسجد له..استغفر الله العظيم بس..
أم فهد بكت على وضع بنتها:ي بعد قلبي انتي..خلاص ي جيهان هدي لا تعورين قليبي..
جيهان بيئس وضعف والم:يمه..ساعات أتمنى الموت ولا أني اعيش معه.."وحطت يدها على وجها" لا إله إلا الله محمد رسول الله..
ام فهد باندفاع:لا..لا تقولين كذا ي بنتي..
جيهان ناظرت امها:مدري وش السواه ي يمه؟؟
أم فهد بين دموعها وهي تمسح على شعر بنتها:أنا ادعي لك ي بنتي ان الله يعطيك حياة ثانية بعيدة عن الحزن والمعانة والهم..أنتي معليك إلا الصبر..
جيهان:........
أم فهد كملت:اصبري كما صبروا أولى العزم..
جيهان هزت راسها بنعم:حتى عياله من حريمه السابقات ميجونه..يتهربون منه وأن جاوه هزئهم وهو سكير..لكن زي مقلتي معلي إلا الصبر..
أم فهد:أي..
جيهان بابتسامه شفافه:اعذريني ي يمه..غثيتك من كثر مشاكلي..
ام فهد:لا تقولين كذا..إذا مشكيتي لي وأنا أمك..أجل من تشكين له..إن شاء اللهيجي اليوم ألي تفرحين فيه وتقولين لي أنك مبسوطة..
جيهان(بالجنة ي يمه..بالجنة):إن شاء الله
وسكتوا شويا..
أم فهد:أقول جيهان متى يرد ابو يوسف؟؟
جيهان:اوووه تو الناس ميرد إلا بنصف الليل,,
أم فهد:يعني مايتعشى..
جيهان:عشاه وغداه السم الهاري ألي يشربه,,
أم فهد تنهدت:الله يهديه بس..
جيهان:امين..
أم فهد تشوف ساعتها تعلن عن دخول ال8 ليلا:كني تأخرت..
جيهان بأندفاع:لا..يمه..توه الناس..تكفين لا تروحين..كلا جالسة بالحالي وبس قعدي شوي..
أم فهد:ودي أجلس بس أخوكي ميباني أتأخر..تدرين ما يقدر يفارق زوجته..ولا تنسين انه توه معرس..
جيهان:الله يوفقهم يارب..
أم فهد تلبس الغطاء:يلا..
قاطعها صوت رنه الجوال..
جيهان بستغراب:ذا رقم غريب..
أم فهد:ردي..
يتبع..تعليق
-
رد: رواية تتعب لو معي تلعب للكاتبة ساندرا
أم فهد تلبس الغطاء:يلا..
قاطعها صوت رنه الجوال..
جيهان بستغراب:ذا رقم غريب..
أم فهد:ردي..
جيهان ردت:الوو..نعم..اي..اي.."وبصدمه"كييف!!!! ومتى ووين صار؟؟ طيب دقائق ونكون هناك؟؟
ام فهد ويدها على قلبها:علامك ي بنتي..من المتصل؟؟
جيهان بخوف:ذا واحد قال لي أن ابو يوسف في المستشفى احين..
ام فهد بخوف:الله يستر..وايشبه في المشفى؟؟
جيهان وقفت:يقول انه عامل حادث..بروح اجيب عباتي وأنتي دقي على فهد..
أم فهد:طيب..
.
.
.
كانت تترياه..وهي تشوف الساعة تعلن عن دخول ال10:30
تنهدت بقله صبر:ادق عليه احسن..
دقت عليه مرة ومرتين بس ميرد..وع الدقه الثالثه رد..
ريم باندفاع:الوو..هلا سعود..
سعود:نعم..
ريم:متى راح تجي؟؟
سعود:مدري بس شكلي مطول..
ريم بعتاب:ليه مترد علي؟؟
سعود بدون نفس:مكنت جنبه؟؟
ريم لاحظت عليه أنه يتكلم معها بدون نفس:سعوود..أنت زعلان مني؟؟
سعود:........
ريم كملت:سعود..أنا اسفة مكان قصدي أني زعلتك..خلاص مراح اعيدها..
سعود:..........
ريم:خلاص..توبة مراح اعيدها..سعود أنت معي؟؟
سعود:وأن عديتها مرة ثانية؟؟
ريم باندفاع:لا..تووبة مراح أعيدها..
سعود:طيب..
ريم بأبتسامه:يعني خلاص طاح الحطب..
سعود بأبتسامه:خلاص طاح..
ريم:فديتك بس..
سعود:عمري ريم عندي انتظار..
ريم:طيب ولنتهيت من المكالمة..اتصل بي..
سعود:أوكي..
ريم:مع السلامه..
سعود:بسلامه..
ورد على الانتظار:هلا يوسف..كييييف..وين؟؟ طيب دقائق وأنا جاي..
وراح للمستشفى..
ومن جهه ثانية..
كانوا جالسين يتريون طلوع الدكتور من الغرفة..وبعد شويا..جاء الدكتور..
فهد قام:هاه..وش صار ي دكتور؟؟
الدكتور:وين يوسف؟؟
يوسف باندفاع:أنا..
الدكتور:تعال معي..
وتبع الدكتور للغرفة..
يوسف شاف ابوه والأجهزة متلفه على جسمه..واقترب منه وبتردد:يبه..
ابو يوسف بطل عينه ع خفيف وبهمس:يوسف..يوسف..وين جيهان؟؟
يوسف:برا..
ابو يوسف بنفس همسه:قولها أنها....................
انتهى البارت..تعليق
-
رد: رواية تتعب لو معي تلعب للكاتبة ساندرا
احداث مشوقه بالبارت الجاي..
انتظروني يوم الخميس ببارت جديد ومشوق..
ماذا سيحدث لجيهان؟؟
وهل سيموت أبو يوسف ام ماذا؟؟؟
انتظروني...
محبتكم:
الكاتبه ساندراتعليق
-
رد: رواية تتعب لو معي تلعب للكاتبة ساندرا
يعطيك الف عافيةة حبيبتي ~
احس ابو يوسف بيصير طيب
, يمكن امم ,
بإنتظار البارت الجاي
دمتي بخير ~تعليق
.
تعليق