تغريدة صباح } ..

**ShahrzaD** · 24-01-2018, 12:24 PM

رد: تغريدة صباح } ..

البارح بالبحر وحولي أطفال يجننون ودك من يشيلهم في كيس ويهرب بهم هههههههههههه
الله يسامحهم أولاد أختي ماعقدني من الأطفال غيرهم، والا اولاد أخويه كيوت،
المهم قلت لوخيتي شكلي بترك عملي وافتح حضانة واجيب عاملة لتنظيفهم وانا ألعبهم وأعلمهم،
قالت مجنونة انتي؟! ... هههههههه تذكرت قصصها مع اولاد اختي لانها ساكنه معهم الان
مره غابت امهم وما اعطتها خبر، ف فتحت باب غرفتها لقيت ريحة الشقة نعنااااع
لقيتهم داهنين معجون الاسنان ع الديكور كله؟، لا ومتفننين
واحد منهم ماسك ممسحة البلاط ويوزع المعجون ع الجدار ، شكله هوالفنان فيهم هههههههه
واختي مسكت راسها جتها شقيقه مؤقته وتحسبن وتسب بصوت واطي
بعدين قررت ماتضربهم لان بتفقد انسانيتها ع الفاضي، لمتهم بغرفه وأزالت آثار الجريمة ونظفت.

تضحكني قصصها معهم لان هي مااضطرت تتعامل مع بزارين أبدا
اخر العنقود اللي ع البلستيشن والهوايات فقط، والحين تخصصها تخفي جرايم البزران ههههههه
والله ردتني لعقلي والا كان بليت نفسي ببزارين وصياح لين اسير سفاحة.

الاطفال يكشفون لك ثغرات بشخصيتك واقصد البزران الصعبين والخارجين عن السيطرة
اذا ماقدرت تضبط نفسك وتضبطهم معناته تعلم وتعرف على نفسك اكثر وتعلم تسيطر على انفعالاتك وتضبطها، وهذا اللي شغاله عليه مع نفسي.

**ShahrzaD** · 24-01-2018, 05:09 PM

تغريدة صباح } ..

‏لم يكن دربي شوكا
‏لم يكن دربي وردا
‏
‏كان خوفا.. كان أمنا
‏كان دفئا.. كان بردا
‏
‏كان إيمانا عميقا
‏كان شكا مستبدا
‏
‏إن أكن أدركت شيئا
‏فلقد أدركت جـدا:
‏
‏أن بعد العسر يسرا
‏أن بعد الجزر مدا .

**ShahrzaD** · 24-01-2018, 05:23 PM

رد: تــغــريــدة صــبــآح } ..

الوسمي ريلاكس ويلاكس.. بلا صياح
خذ نفس عن طريق الأنف.. انفخ الطاقة السلبية في بالون
وافجرها بوجه اللي ودك تنفسن عليه

تكنيكات شهرزاد والله يخليني لكم

شوف الرمز اللي بالصوره هو اللي تلصق فيه رابط المقطع
وبكذا تكون ادرجت فديو بنفس المشاركة.

**ShahrzaD** · 25-01-2018, 01:14 PM

رد: تــغــريــدة صــبــآح } ..

مساء الخيرات قايز
سولفو باللي بخاطركم ما قصدت امنعكم وش دخلني انا

بس لا تردوني لمواضيع الحب والزواج لان مابجيب فوائد ودرر.

الا بقول لكم عن شغلتي في الحياة، لما يجيني سؤال
أجاوب عادة يعني ما اتجاهلة، من متعتي وميلي للتعمق في الامور والتأمل والتفكر والاطلاع
وفي الواقع انا مطلعه ومتنوعة في اطلاعي
وكان أخويه الطقطوقي يحب يسألني عشان اذا جاوبت يقول ماتعرفين تقولين مدري؟ لازم تتفلسفين وتعطين من كيسك هههههههههه
من باب تكسير المجاديف والطقطقه لا أكثر.
طبعا اجاوبه من معرفه مش عن جهل، واذا مو متأكده ١٠٠٪‏ أقول اني مو متأكده، يعني اجاوب بكل مصداقية
المهم طقطقته الدائمة ونذالاته تفيدني، تلفتني لأمور وتوسع مداركي
لاني لما اجاوب مثلا ويشكك بمصادري زاد حرصي على رجوعي لمصادر موثوقة
اوقات نكون ضحية معتقد ماشككنا في صحته،
او معلومة صدف انها ثبتت بعقولنا ونعتقد انها حقيقية وتكون العكس،
ولما نرجع نتأكد منها ننصدم بالحقيقة !

جت أختي اخر العنقود وخليفة أخوية، معظم الوقت تسألني وأجاوب
وكانت تقول هذي من كيسيبيديا حقتك والا معلومه حقيقيه؟

اخرت قلة الادب هذي سرت اعطيهم كلمة "مدري"
والله يافيها راحة هههههههههههههههههههههههههههه

**ShahrzaD** · 25-01-2018, 01:39 PM

رد: تغريدة صباح } ..

‏هل تتذكر من كنت، قبل إخبار العالم لك من يجب أن تكون ؟
‏
-‏تشارلز بوكوفسكي

**ShahrzaD** · 25-01-2018, 05:55 PM

رد: تــغــريــدة صــبــآح } ..

**ShahrzaD** · 27-01-2018, 01:28 AM

رد: تغريدة صباح } ..

إقلب يلا
ماتقلب يلا

**ShahrzaD** · 27-01-2018, 01:33 AM

رد: تغريدة صباح } ..

إقلب يلا
ماتقلب يلا

**ShahrzaD** · 27-01-2018, 11:04 AM

رد: تغريدة صباح } ..

ياصباح الخيرات والمسرات

المشاركة اللي فوق تكررت كان المنتدى معلق معي البارح وقفلته،
واثاري المشاركة نزلت ومرتين كمان

باحكيلكم عن أمر تعلمته مع الوقت، بالاطلاع ومن نصائح المتخصصين،
مشاعرنا لازم ما نتجاهلها، مليانين مشاعر مقفل عليها بباب وعليها اللصق الأحمر
ممكن ما نبغى الدراما، أو ما نبغى نتذكر شي أذانا، مانبغى نذكر أنفسنا بتأنيب الضمير مثلا..
امور كثير داخلنا ونتجاهلها على بالنا انها بتتلاشا واحنا غلطانين !

المطلوب نواجهها، نتكلم فيها ، نكتبها ع الاقل... نبكيها ونعيش الشعور كامل بدون تجاهل،
مثال لما سار لنا حادث مرعب، كنت احس اني متوتره ومفجوعه ف قررت ابكي
وقلت لاختي ترا ببكي مو من الم ماعلي خلاف لكن ودي اصيييح زي البزر وفعلا صحت واسترخيت.
اما هي لانها ما وعيت لمشاعرها وسمحت لها تخرج، للان عندها خوف من السيارات والسفر بر و جو.

لاحظت من متابعتي لعلم النفس ومدربين الحياة، واخذت هذا الدرس
واجهي شعورك، اذا لاحظتي انك تتحاشين موضوع او ناس او اماكن
مثل لما نقطع مدينة كاملة لانها تذكرنا بعزيز رحل من هالدنيا،
نحاول نروح ونسمح لمشاعرنا تطلع مانكبتها، ونكون ذكرى طيبه متعلقه به هناك،
نزور احبابه ونهديهم، نذكره بالطيب، نتذكر اللي يحبه من اماكن وانشطة،
نتعايش صح مع الشعور، ما نتجاهله ونغطي عليه، راح يبقى ك ضعف وما نقوى الا لما نسمح لهالشعور ونعيشه بالكامل ونسوي اتفاقية معه، ونحوله لصالحنا ويقوينا.

اش اقصد بالشعور المقفل عليه؟
زي لما نقول "لا تنبش على جرحي"، وهذا معناته ضعف ناتج عن مشاعر متجاهلينها ومتحاشين مواجهتها،
وهذا سبب يخلينا حساسين من أدنى شي، ضعيفين، سريعين الانفعال،
لذا اوقات بمجرد فضفضه للشخص الصح نحس انا افضل واوقات نلقى فيه مناعه نتجت عن مواجهة هالشعور.

هالكلام اذا نجحنا فيه راح نكسب " الوعي العاطفي" اللي حكيت لكم من فترة
وكل ما وعي الشخص لمشاعرة واللي تضعفه وكيف يواجهها ويسوي اتفاقيه مع مشاعره
بكذا يكسب نضج عاطفي ومناعة اكثر من السابق، ويقدر يضبط ذاته وانفعالاته.

اتمنى كلامي واضح وتلاقو فيه الفايده :)

**ShahrzaD** · 27-01-2018, 11:36 AM

رد: تغريدة صباح } ..

‏" إنه يستحق ولكن لا يدري، وهذا ما يهدر قيمة الإنسان ويتلاعب بطموحه "

تغريدة صباح } ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget