كنت أسولف مع خيو اليوم عن مواقف الطلاب مع الاساتذه
خصوصا لما تواجه مشكله مع استاذ ويكون حاطك في راسه زي ما يقولون
سألني خيو قال اش تكون ردة فعلك ؟

قلت بما أني شخصيه مسالمه ودايم هاديه وفي حالي كنت استغرب اذا مدرسه استقعدت لي !
كانت مدرسه دايم لما تفتش الواجب تبداء من عندي وأنا في نص الفصل ..
يعني حولي طالبات ماني في الطرف او قدام .. واستغربها من وحده كبيره وأم عيال
وتحاسبني لوحدي على التسطير والحركات اللي ماني ملزومه اسويها ..علي احل الواجب وبس
أنا كنت بارده ولا حتى أعطي نظرات ولاشي .. ساكته وأشوف أخرتها ^^
لما تأكدت إنها من جد مستقصدتني ونفسها تلقى علي زله ... جا يومي أنا
حابه تشيك على دفتري زي كل يوم وأنا أول وحده تفتشها لازم.. وفتحت دفتري
الدرس كنا متعودين نكتب الحديث وسيرة الراوي والكلمات ومعانيها من الكتاب
أنا كاتبه هالعناوين وتحتها ( أنظري الكتاب ) ( أنظري الكتاب ) ( أنظري الكتاب )...

ولللعت وطلعت عيونها <<< هههههه الحين عصبي وانتي صادقه
ومن يومها اشتغل العبط تلقائي يوم أنظري الكتاب ويوم الدرس والواجب بلون اسود بدون الوان
تلقائيا طلع مني ه التصرف لين سارت ما تناديني اللا بالممتازه وتبتسم لي
ولا تمر علي أول وحده وكانت النهايه سعيده وانتصر العبط في وجه الطغيان

الثانيه حقت جغرافيا .. جت في نص الترم وكنا متعودين مع استاذتنا اللي قبل
نرسم الخرايط بدون شفاف ... هذي جت بقانونها الخاص تقول ممنوع ترسمون اللا بالشفاف
لما جت تصحح دفتري لقيت الدروس القديمه الخرايط مرسومه بدون شفاف صاحت علي وشقت الدفتر من النص
وعاد العبط من جديد ههههههه ... كل يوم أعطيها دفتري تصححه وهو مشقوق
وهي مو قادره تفتح فمها تقول عيديه
ذكريات....


الله يصلحني ويهديني بس ^_^