تويت
رد: تــغــريــدة صــبــآح } ..
أشعر بأنهم بدأوا يعتادون غيابي !
أفتقد حرارة الشوق في أصواتهم
اخ كم يغيضني هذا البعد
أفتقد حرارة الشوق في أصواتهم
اخ كم يغيضني هذا البعد
-
-
رد: تــغــريــدة صــبــآح } ..
احساس يفاجئني ويذكرني بأشخاص معينين
رغم انا مبتعدين سنيييييين..
والأغرب ان الاحساس مش مطمن ويسبب قلق أو يجي ك حلم
وتكون الرساله من هالشعور في نظري
انهم يمرون في أزمه أو ضيق !
وإن مرني هذا الاحساس بدون مشاعر مقلقه
فتكون رساله بأنهم يتذكروني او اشتاقوا لي وأمر على بالهم في هذه اللحظه
ووصل شعورهم لي
في الحالتين أتفاعل مع الشعور بالدعاء لهم أو الاتصال ان كان هناك ما يوصلني إليهم
ان حصل معكم هذا الشعور لا تهملوه غالبا يكون في محله
تعليق
-
رد: تــغــريــدة صــبــآح } ..
مبارك علينا وعليكم الشهر الكريم
الله يجعلنا من صوامه وقوامه
ويكتب لنا ولكم المغفره والرحمه أجمعينتعليق
-
رد: تــغــريــدة صــبــآح } ..
سبحان الله
سرت اذا تبغى تسولف مع أحد وتبغاه يركز معك
ترسل له ع الواتس أب
يحرصون ع الأجهزه أكثر من خشتك
<< ترا ماني منهم
تعليق
-
رد: تــغــريــدة صــبــآح } ..
واحشتني مدونتي قدا قدا
صراحه قلبي محروق على هالشهر
رمضان وصيف بنفس الوقت
موسم والكل عزايم واستقبل وودع
وكل ما رحنا عند أحد القاهم بس يقهوون ويفرشون السفر
وكأن الاكل غصصب استغفر الله والله تونا قايمين من سفره وفطور
سارت شكليات واللي ما يسويها البقيه ينتقدونهم
من بعد الفطور أكل أكل أكل أكل لين صلاة الفجر يارب لا تعاقبنا
انا تجيني تخمه بس من النظر ولسى ما اكلت
متى تسير بس مشروبات وجلسه على رواقه وسوالف
الا الضيوف متكين مع الطاولات والمستقبلين في حالة استنفار في المطبخ
واللي بيتعبد .. عز الله انه تعبد في هالشهر
تعليق
-
رد: تــغــريــدة صــبــآح } ..
يدي تحكني أبغى أغير اسمي المستعار
بأطبخه بهداوه بعدين أشوف
تعليق
-
كنت أظن وكنت أظن .. وخآب ظني
أتوقع من غيري الكثير.. وتصدمني الخيبه
هذا جزائي وعساني أتعلم
عساني أتعلمتعليق
-
رد: تــغــريــدة صــبــآح } ..
ومن يقول يا تووأمتي .. امين يارب ^_
^
ما حكيتلكون رحلتي لما رجعت ع السعوديه
كان فيها مغامره جديده علي ومفيده طبعا
سافرت وحدي لأن أخوي توه لقي فرصة يطبق في مستشفى في بلد الابتعاث
وانا مصره أصوم مع الاهل وحشوني كثييير ..
وبعد ما طلعنا التذاكر واخترنا الرحله يوم كامل واحنا ندور رحله فيها محطات اقل لأنها أول تجربه لي
وكانت رحلتي على شيكاغو ثم الاردن ثم جده بعدين ابها ويستقبلني بابتي نروح ع الديره
الكل كان قلقان علي ويترقبون خبر اني ضعت في شيكاغو والا شي
لما وصلت مطار جده فقدت الذاكره نسيت شي اسمه امريكا وانجليزي هههههه
مقروده ما أحب الا الديره وش اسوي p:
الزبده اني فقدت الوعي 3 ايام دايخه ماني طبيعيه أثاري الديره مافيها اكسجين توني أقتنع بهالمعلومه
جيت لقيت غرفتي متغيره غيروا الديكور والبويه وكل شي ..خيتو اخر العنقود أصرت على هالمفاجاءه الحلوه
لكن للان وانا انام في المقلطعندي حساسيه أشد من الشديده والديكور والبويه باقيه ريحتها
اختي كل يوم تقول خلاص راحت الريحه اقول لها اشمها من المقلط مافي أمل هههههه
نصيحه زغيرونه..
لا أحد يبداء دراسته في ترم صيفي لأن البدايه تحتاج تأهيل على سنع والاترام الصيفيه وقت قليل وضغط
ما بدأت في ترم صيفي لكن جربته في وقت لاحق وما اكتفيت فيه للاسف .. جلست أدرس نفسي بنفسي
تعليق
-
رد: تــغــريــدة صــبــآح } ..
{ اسئلة تواجهني لا أجد لها جواب محدد صراحة ..
لا أكتفي بهواية محددة .. لا أكتفي من تعلم شيء محدد
لا أجد الكلمات التي تصفني بشكل كافي
فأنا أحب الاستكشاف واستمتع باستكشاف نفسي وما حولي حتى الان
وهذا ما يصعب علي الاجوبة
ورغم اني لا أعمل الكثير لكني أفضل ان أتكلم بأفعالي
فهي أكثر فائدة من الكلام .تعليق
-
رد: تــغــريــدة صــبــآح } ..
صديقه تعرفت عليها برا مبتعثه .. تدرس البكلوريوس
حكتلي قصتها وحبيت احكيها لكم
<< احب احكي الحكايات .. مو شهرزاد ع الفاضي ^^
تقول ابوها كان يضغط عليهم في الدراسه ويشد عليهم ولازم يجيبون اعلى الدرجات
ويتفوقون في كل شي .. واثمر مجهوده ما شاء الله وكان احد اخوانها الأول في الرياضيات في مسابقه خارج البلاد
هي ذكيه البنت وتحب تستمتع بأوقاتها لكن شقيه ..واستاذاتها يحسبونها مهمله وتصدمهم بدرجاتها وتفوقها
يعني لولا الله ثم ابوها ما اهتمت بالدرجات . كان أبوها يسألهم دايم واحد واحد اش تحب تدرس في الجامعه؟
اش طموحك؟ ( كان يدعم طموحهم ويخليهم يختارونه بأنفسهم ) كانت تقول ابغى اكون شاطره في الحاسب
زي اللي في الافلام المبرمجين الخطيرين :).. قال خلاص شدي حيلك عشان تدرسين هالتخصص برا
وكملت وحققت حلم ابوها انها تنقبل في البعثه وتسافر برا هي وأخوها ..
هنا البنت انتهى حلمها .. يعني تقول هذا الشي اللي كان يحلم به أبوي وتحقق . دخلت الجامعه وكانت تغيب كثير
تتمشى وتهمل وتغيب كثير لين جات النتيجه انها راسبه في كللل المواد ! .. انصدمت قالت ليه؟ قالو من غياباتك
وما كانت فاهمه الانظمه هناك زين ... تقول عدت ورسبت مره ثانيه وانطردت من الجامعه بسبة اهمالي واستهتاري
تقول لما انطردت صحيت ووعيت للواقع .. صحيت من غبائي واستهتاري وفهمت النعمه اللي كنت فيها
لأن شكلي يفشل لو رجعت ومعي هالخيبه الكبيره . البنت استفزعت بصاحبتها تخليهم يقبلونها وقبلوها من جديد
بشرط تنجح في دوره يعطونها اياها تعلمها الالتزام .. ونجحت ومن بعدها البنت حافظت على دراستها
ونجحت الحمد لله .
السبب ورا تصرفها هذا . { جدها كان نجار ويقول لأبوها لا تدرس ..الدراسه ما تفيد اشتغل معي وبس
والاب حاس بقيمة العلم وجاهد لين اصبح دكتور وتزوج كمان انسانه مثابره مثله .. ويبغون اولادهم يكونو مثلهم
الاولاد ما قصروا طبعا بس ما كانو حاسين بأهمية الشهادة كانو يشدون حيلهم فقط عشان الام والاب يمبسطون منهم
بس لما يجربون يفقدون الشهادة يحسون بقيمتها } .
أتمنى انها كانت قصه ممتعه ملهمه مفيده
توته توته خلصت الحتوتهالتعديل الأخير تم بواسطة ShahrzaD; 31-07-2012, 12:46 AM.تعليق
تعليق