اكتشفت شي جميل
اليوم وبالاصح قبل دقائق معدوده
يلسنا انا واختي نفضفض عن كل شي نفسي ومخلينا نفسسين
ياهي راحه
راحه مابعدها راحه
حسيت بعدها شرايني تنفست>>حبيتها شرايني

لا والله احكي جد
تحسين شي بداخلج تنفس وارتاح
سبق وقلت اني انسانه صامته
وماكون رجه الا مع الناس الي مثل جوي
بس من وين لوين تلاقين ناس جوهم صاحي بدون مايحشون بالغير

يعني انا احب اللعب والنطنطه
والرقص والاستهبال وسوالف ذكريات الطفوله ونضحك عليها

اما سوالف الحريم والهياط والكذب
والنفاق والحش بخلق الله
هالشي ينرفززززززززني ويقرفني
واكره القعده وياهم وقول ليتني مارحت يجيبون لي اعصاب

عشان جذيه مالي الا مدونتي اعيش جوي فيها
فرجاء لحد يقولي تسولفين كثير
اذا ماتكلمت راح انفجر
بس هم ماراح اسولف ومنيه وراح بقلبها خواطر صامته واخرج
وبسسس
واه وربي شي جميل شعور الراحه والاسترخاء

ماشاء الله
طلع عندنا خبرات في مجال الطب والصيدله بعبير
طلبت مساعده امس وياتني الفزعات
من كل حدب وصوب
فدددددددديتكم لبى قلوبكم والله
ربي يسعدكم ويبعد كل اذى وسوء عنكم
ويرزقكم من حيث لاتحتسبوا

عاد ماشاء الله الي اتفقوا عليه بنص الاجماع مو كلهم ع كريم ميبو
بس لانه ماكو منه بالبيت فاستبعدته
واستعنت بطريقه الفزيعه الاولى
شهرازدي عسل مخلوط بفازلين
بس لان مالقيت الفزلين ع حظي كل الاشياء الي كانت موجوده اختفت
فحطيت بس عسل وشنو صار ..صار يذوب لا مايذوب شلون اقولها
اممم صار ينزل ع تحت وزين حطيت منديل ولا كان صار ع سريري يالليل وشنو بعدين يطلعه
رجعت غسلته ماخليته كثير
رجعت حطيت كريم سودو حسيت مانفع فيه

لاني لما اصلي وقت السجود تعورني وارفعها ولا عارفه شنو فيها بالضبط
سميت بالله وغسلتها وطلع فيها انتفاخ وبداخله ماي ياكرهي لهالحركه توجع بعد
والانتفاخ جاء على مكان عرق بصبعون ريلي الكبير

بس بجرب طريقه اخوي عبدالرحمن يقول حطي ملح
تسحب الماي الي بالانتفاخ بس وربي خايفه يعور
يالله هي خاربه خاربه اليوم اصلا ريلي صارت حقل تجارب يت ع الملح يعني
فيس يضحك على خايف على مفجوع

بالعاده اذا انحرقت احط معجون ويسحب الحراره والالم
واخليه يومين لثلاث ايام لحد مايروح الوجع والاثر
باقي الانتفاخ اشكه بإبره ويطلع الماي الي فيها
بس هالمره مدري شنو لقفني احط اكثر من شي بوقت واحد
امس معجون سودو واليوم قلت اجرب عسل شهرازد وغسلته
ورجعت لسودوا واخرتها عصبت ومسحتها كلها
وحطيت معجون ومددتها وباجر بحط الملح
قبل اتهور واقلبها عمليات وإبر وبنج والله فاضيه انكت بعد
بجوف النتايج بعد الملح واصير انزل لكم الخلاصه
ونصير اطباء في فن معالجه الحرائق السريعه


ع العموم مشكورين ماقصرتوا
ربي يسعدكم سعاده حتى ترضوا
وحابه اشخص بالشكر اهل الفزعات السريعه
شهرزاد
واخوي عبد الرحمن
وورده امل
وبقايا شتات

اما اخوي نفر الله يخلف عليه صاير نذل من يوم صار مراقب
يقول دواها بالتي هي داوو حتى مادري شلون كاتبها بالتتقيم
يعني اكب عليها شاي مره ثانيه ويضحك
شكلها طالعه من قلبك وفرحان بجد
مالت بس

يلا مع السلامه

.
تم الاجماع انهم يطلعون باي وقت
هذا رد اخوي فارس فلسطين

وقبله رد من المينونه بقايا
تقول اي في جن بس مو باقزام وشعورهم حمراء
ضحكتني وربي المشكله مالقيت المسج شكلي حذفته
لانه امس نراسل بعض كل رساله ورا الثانيه والله مدري على شنو رديت
وشنو حذفت خساره مالقيتها


وهاي من ورده بنت اهربت ال واجد
طلع لك اسم فخم شكلي بتسلفه هههههههههههههه

اي اي صادقه مدام طلعنا نحب بعض الله يخلف على اهالينا وانا اختج


اما ام رموووسه توووووحفه
شطحت بعيييييييييييد

عاد هنا كان ردت فعلي هكا
اول شي شنو ياب هالسالفه لسالفه سؤالي
هل يطلعون بالليل ولا النهار من جد كان ردت فعلي كذا

ثانيا ياقلبوشتي
معلوماتك من دشيت الابتدائي لحد ماتخرجت من الجامعه مامرت علي
حتى وانا اقرا معلومات عنهم منذ الازل
بعدين تعليقي ع ماللون بالاحمر يعني الانس والجن يعرفون ذنوب بعض ولا شنو
بعدها قلت ان العلم بذلك لاينفع الى اخره
انا ماسالت يعرفون ذنوبنا ولا غيره انا سؤالي يطلعون بالليل بس ولا بالنهار
بس وانا اختك شكله من كثر منتي منخرشه منهم خبصتي
وايه صح للتنبيه ياقلبو
الايه ماتتكلم عن الجن تتكلم عن الي يخافون الناس ويخفون ذنوبهم عنهم خشيه الحرج
والعيب والحياء وما منعهم حياءهم وخشيتهم من الناس ان الله يشوفهم وهو معهم
يعني الايه ابد ماهي عنهم
راجعي تفسير الطبري والايه ترا في سوره النساء

واه احس تعبت وانا بس انسخ وارد
عيل سالفتي خلوها بعدين

صباحو لاحلى ناسو
ياشين الدلع والخكرنه مع الصباح الباكري

لحظه قبل اشخبط في ذا
بروح اشتكي بقسم الشكاوي
بصراحه الوضع ماينسكت عليه

هالالوان ابد مو حلوه
ولا كلنا طقم بعض >>فيس لايعتن تسبدوه
ماضحكني الا بقايا تقول خليها عشان الوسمي مايحب الهلال
وامس يوم نسولف انا وياها ع الخاص قالت انه يهدد بيهكر المنتدى اذا ماغيروها
عاد قلت لها انا بصير شريكته في التهكير
والنص بالنص يلست تضحك تقول ليه فلوس
قلت لا الاعضاء يصرون بالنص بينا وكل واحد يختار ويلونهم ع كيفه مدام بنهكره
لحظه بروح اقدم شكوى صجيه وارد لكم

.
الله صباح خير مال صباح الرجه والشكاوي